Savitri Wins Back Satyavan from Yama

Verse 1 (3.298.1)

अथ भार्यासहायः स फलान्यादाय वीर्यवान् । कठिनं पूरयामास ततः काष्ठान्यपाटयत् ॥

atha bhāryāsahāyaḥ sa phalānyādāya vīryavān | kaṭhinaṃ pūrayāmāsa tataḥ kāṣṭhānyapāṭayat

Then the mighty Satyavan, with his wife beside him, gathered fruits and filled his basket, and after that he began to split wood.

Verse 2 (3.298.2)

तस्य पाटयतः काष्ठं स्वेदो वै समजायत । व्यायामेन च तेनास्य जज्ञे शिरसि वेदना ॥

tasya pāṭayataḥ kāṣṭhaṃ svedo vai samajāyata | vyāyāmena ca tenāsya jajñe śirasi vedanā

As he split the wood he broke into a sweat, and from that exertion a pain arose in his head.

Verse 3 (3.298.3)

सोऽभिगम्य प्रियां भार्यामुवाच श्रमपीडितः । व्यायामेन ममानेन जाता शिरसि वेदना ॥

so'bhigamya priyāṃ bhāryāmuvāca śramapīḍitaḥ | vyāyāmena mamānena jātā śirasi vedanā

Worn out with the toil, he went to his beloved wife and said: "This exertion has brought a pain into my head."

Verse 4 (3.298.4)

अङ्गानि चैव सावित्रि हृदयं दूयतीव च । अस्वस्थमिव चात्मानं लक्षये मितभाषिणि ॥

aṅgāni caiva sāvitri hṛdayaṃ dūyatīva ca | asvasthamiva cātmānaṃ lakṣaye mitabhāṣiṇi

My limbs ache too, Savitri, and my heart seems to burn; I feel as though I am not well, you of gentle speech.

Verse 5 (3.298.5)

शूलैरिव शिरो विद्धमिदं संलक्षयाम्यहम् । भ्रमन्तीव दिशः सर्वाश्चक्रारूढं मनो मम । तत्स्वप्तुमिच्छे कल्याणि न स्थातुं शक्तिरस्ति मे ॥

śūlairiva śiro viddhamidaṃ saṃlakṣayāmyaham | bhramantīva diśaḥ sarvāścakrārūḍhaṃ mano mama | tatsvaptumicche kalyāṇi na sthātuṃ śaktirasti me

I feel my head as if pierced with spikes. All the directions seem to spin, and my mind is as if mounted on a wheel. So I want to sleep, dear one; I have no strength to stand.

Note on the text: Removed stray wiki marks (` and ') around the middle line. That line is not in the critical edition's text (its apparatus has it as 3.281.5d*1318, placed after the verse); the other two lines match CE 3.281.5. Corrected स्तातुं → स्थातुं (misprint in Wikisource; the critical edition reads sthātuṃ).

Verse 6 (3.298.6)

सा समासाद्य सावित्री भर्तारमुपगम्य च । उत्सङ्गेऽस्य शिरः कृत्वा निषसाद महीतले ॥

sā samāsādya sāvitrī bhartāramupagamya ca | utsaṅge'sya śiraḥ kṛtvā niṣasāda mahītale

Savitri came up to her husband, drew close to him, took his head in her lap and sat down on the ground.

Note on the text: Corrected शिर → शिरः (misprint in Wikisource; dropped visarga of the accusative, the critical edition reads śiraḥ).

Verse 7 (3.298.7)

ततः सा नारदवचो विमृशन्ती तपस्विनी । तं मुहूर्तं क्षणं वेलां दिवसं च युयोज ह ॥

tataḥ sā nāradavaco vimṛśantī tapasvinī | taṃ muhūrtaṃ kṣaṇaṃ velāṃ divasaṃ ca yuyoja ha

Then the ascetic woman, turning over Narada's words, reckoned up that moment, that instant, that hour and that day.

Verse 8 (3.298.8)

हन्त प्राप्तः स कालोऽयमिति चिन्तापरा सती । मुहूर्तादेव चापश्यत्पुरुषं रक्तवाससम् । बद्धमौलिं वपुष्मन्तमादित्यसमतेजसम् ॥

hanta prāptaḥ sa kālo'yamiti cintāparā satī | muhūrtādeva cāpaśyatpuruṣaṃ raktavāsasam | baddhamauliṃ vapuṣmantamādityasamatejasam

"Alas, the time has come," the faithful wife was thinking in her anguish, when in a moment she saw a man in red garments, with a diadem bound on his head, handsome of form and bright as the sun,

Note on the text: Removed stray wiki marks (` and ') around the first line. That line is not in the critical edition's text (its apparatus has it as 3.281.7d*1319); the other two lines match CE 3.281.8 (where the critical edition reads pītavāsasam, Wikisource keeps रक्तवाससम्, a recension variant noted by the commentary). Corrected चापश्य्पुरुषं → चापश्यत्पुरुषं and वद्धमौलिं → बद्धमौलिं (misprint in Wikisource; broken verb ending and व for ब, the critical edition reads cāpaśyat puruṣaṃ … baddhamauliṃ).

Verse 9 (3.298.9)

श्यामावदातं रक्ताक्षं पाशहस्तं भयावहम् । स्थितं सत्यवतः पार्श्वे निरीक्षन्तं तमेव च ॥

śyāmāvadātaṃ raktākṣaṃ pāśahastaṃ bhayāvaham | sthitaṃ satyavataḥ pārśve nirīkṣantaṃ tameva ca

dark yet radiant, red-eyed, noose in hand, fearsome, standing at Satyavan's side and gazing at him alone.

Verse 10 (3.298.10)

तं दृष्ट्वासहसोत्थाय भर्तुर्न्यस्य शनैः शिरः । कृताञ्जलिरुवाचार्ता हृदयेन प्रवेपती ॥

taṃ dṛṣṭvāsahasotthāya bharturnyasya śanaiḥ śiraḥ | kṛtāñjaliruvācārtā hṛdayena pravepatī

Seeing him, she gently laid down her husband's head and rose at once; and with joined palms, distressed and trembling at heart, she said:

Note on the text: Corrected भर्तुन्यस्य → भर्तुर्न्यस्य (misprint in Wikisource; dropped repha of भर्तुः in sandhi, the critical edition reads bhartur nyasya).

Verse 11 (3.298.11)

दैवतंत्वाभिजानामि वपुरेतद्ध्यमानुषम् । कामया ब्रूहि देवेश कस्त्वं किंच चिकीर्षसि ॥

daivataṃtvābhijānāmi vapuretaddhyamānuṣam | kāmayā brūhi deveśa kastvaṃ kiṃca cikīrṣasi

I know you to be a deity, for this form of yours is not human. Tell me, if you will, lord of the gods: who are you, and what do you mean to do?

Verse 12 (3.298.12)

पतिव्रताऽसि सावित्रि तथैव च तपोन्विता । अतस्त्वामभिभाषामि विद्धि मां त्वं शुभे यमम् ॥

pativratā'si sāvitri tathaiva ca taponvitā | atastvāmabhibhāṣāmi viddhi māṃ tvaṃ śubhe yamam

You are devoted to your husband, Savitri, and rich in austerity as well; that is why I speak with you. Know me, fair lady, to be Yama.

Note on the text: Corrected अस्त्वाम् → अतस्त्वाम् (misprint in Wikisource; dropped akshara leaves the pada one syllable short, the critical edition reads atas tvām).

Verse 13 (3.298.13)

अयं ते सत्यवान्भर्ता क्षीणायुः पार्थिवात्मजः । नेष्यामि तमहं बद्ध्वा विद्ध्येतन्मे चिकीर्षितं ॥

ayaṃ te satyavānbhartā kṣīṇāyuḥ pārthivātmajaḥ | neṣyāmi tamahaṃ baddhvā viddhyetanme cikīrṣitaṃ

This husband of yours, Satyavan the king's son, has come to the end of his life. I will bind him and take him away; know that this is what I intend.

Note on the text: Corrected रसत्यवान् → सत्यवान् and चीकिर्षितं → चिकीर्षितं (misprint in Wikisource; stray akshara and transposed vowel lengths, the critical edition reads satyavān … cikīrṣitam).

Verse 14 (3.298.14)

श्रूयते भगवन्दूतास्तवागच्छन्ति मानवान् । नेतुं किल भवान्कस्मादागतोसि स्वयं प्रभो ॥

śrūyate bhagavandūtāstavāgacchanti mānavān | netuṃ kila bhavānkasmādāgatosi svayaṃ prabho

We hear, lord, that it is your messengers who come to lead men away. Why then have you come in person, master?

Note on the text: Not in the critical edition (found in the vulgate recension); the critical edition records it in its apparatus as 3.281.13d*1320, with the heading सावित्र्युवाच.

Verse 15 (3.298.15)

इत्युक्तः पितृराजस्तां भगवान्स्वचिकीर्षितम् । यथावत्सर्वमाख्यातुं तत्प्रियार्थं प्रचक्रमे ॥

ityuktaḥ pitṛrājastāṃ bhagavānsvacikīrṣitam | yathāvatsarvamākhyātuṃ tatpriyārthaṃ pracakrame

So addressed, the blessed king of the ancestors, to please her, began to explain to her fully and exactly what he meant to do:

Verse 16 (3.298.16)

अयं च धर्मसंयुक्तो रूपवान्गुणसागरः । नार्हो मत्पुरुषैर्नेतुमतोस्मि स्वयमागतः ॥

ayaṃ ca dharmasaṃyukto rūpavānguṇasāgaraḥ | nārho matpuruṣairnetumatosmi svayamāgataḥ

This man is steadfast in dharma, handsome, an ocean of virtues; he does not deserve to be led away by my servants. That is why I have come myself.

Note on the text: Speaker: Yama's own explanation, announced in the previous verse; Wikisource carries the narrator's heading over it.

Verse 17 (3.298.17)

ततः सत्यवतः कायात्पाशबद्धं वशंगतम् । अङ्गुष्ठमात्रं पुरुषं निश्चकर्ष यमो बलात् ॥

tataḥ satyavataḥ kāyātpāśabaddhaṃ vaśaṃgatam | aṅguṣṭhamātraṃ puruṣaṃ niścakarṣa yamo balāt

Then from Satyavan's body Yama drew out by force a person the size of a thumb, bound in the noose and helpless.

Verse 18 (3.298.18)

ततः समुद्धृतप्राणं गतश्वासं हतप्रभम् । निर्विचेष्टंशरीरं तद्बभूवाप्रियदर्शनम् ॥

tataḥ samuddhṛtaprāṇaṃ gataśvāsaṃ hataprabham | nirviceṣṭaṃśarīraṃ tadbabhūvāpriyadarśanam

With its life drawn out, its breath gone and its lustre lost, that body lay motionless and grim to look upon.

Note on the text: Corrected निरविचेष्टं → निर्विचेष्टं and अप्रियदर्सनम् → अप्रियदर्शनम् (misprint in Wikisource; the critical edition reads nirviceṣṭaṃ … apriyadarśanam).

Verse 19 (3.298.19)

यमस्तु तं ततो बद्ध्वा प्रयातो दक्षिणामुखः । सावित्री चैव दुःखार्ता यममेवान्वगच्छत ॥

yamastu taṃ tato baddhvā prayāto dakṣiṇāmukhaḥ | sāvitrī caiva duḥkhārtā yamamevānvagacchata

Yama, having bound him, set off toward the south, and Savitri, stricken with grief, followed Yama.

Note on the text: Matches CE 3.281.18ab–cd (Wikisource ततो for tathā, चैव for cāpi: recension variants); the critical edition's third line is the last line of the next verse.

Verse 20 (3.298.20)

भर्तुः शरीररक्षां च विधाय हि तपस्विनी । भर्तारमनुगच्छन्ती तथावस्थं सुमध्यमा । नियमव्रतसंसिद्धा महाभागा पतिव्रता ॥

bhartuḥ śarīrarakṣāṃ ca vidhāya hi tapasvinī | bhartāramanugacchantī tathāvasthaṃ sumadhyamā | niyamavratasaṃsiddhā mahābhāgā pativratā

Having seen to the protection of her husband's body, the slender-waisted ascetic followed her husband in that state, she who was perfected by her vows and observances, illustrious and devoted to her lord.

Note on the text: Removed stray wiki marks (` and ') around the first two lines. Those two lines are not in the critical edition's text (its apparatus has them as 3.281.18d*1321); the third line is CE 3.281.18ef. Corrected शरीररां → शरीररक्षां (misprint in Wikisource; garbled word, the apparatus reads śarīrarakṣāṃ).

Verse 21 (3.298.21)

निवर्त गच्छ सावित्रि कुरुष्वास्यौर्ध्वदैहिकम् । कृतंभर्तुस्त्वयाऽऽनृण्यं यावद्गम्यं गतं त्वया ॥

nivarta gaccha sāvitri kuruṣvāsyaurdhvadaihikam | kṛtaṃbhartustvayā''nṛṇyaṃ yāvadgamyaṃ gataṃ tvayā

Turn back, Savitri; go and perform his funeral rites. You have discharged your debt to your husband; you have come as far as one may come.

Verse 22 (3.298.22)

यत्र मे नीयते भर्ता स्वयं वा यत्र गच्छति । मया च तत्र गन्तव्यमेष धर्मः सनातनः ॥

yatra me nīyate bhartā svayaṃ vā yatra gacchati | mayā ca tatra gantavyameṣa dharmaḥ sanātanaḥ

Wherever my husband is led, or wherever he goes of himself, there I too must go; this is the eternal dharma.

Verse 23 (3.298.23)

तपसा गुरुभक्त्या च भर्तुः स्नेहाद्व्रतेन च । तव चैव प्रसादेन न मे प्रतिहता गतिः ॥

tapasā gurubhaktyā ca bhartuḥ snehādvratena ca | tava caiva prasādena na me pratihatā gatiḥ

By my austerity, my devotion to my elders, my love for my husband and my vow, and by your grace as well, my way cannot be barred.

Verse 24 (3.298.24)

प्राहुः साप्तपदं मैत्रं बुधास्तत्त्वार्थदर्शिनः । मित्रतां च पुरस्कृत्य किंचिद्वक्ष्यामि तच्छृणु ॥

prāhuḥ sāptapadaṃ maitraṃ budhāstattvārthadarśinaḥ | mitratāṃ ca puraskṛtya kiṃcidvakṣyāmi tacchṛṇu

The wise who see the truth of things say that friendship is made by seven steps taken together. Holding to that friendship, I will say something; listen to it.

Verse 25 (3.298.25)

नानात्मवन्तस्तु वने चरन्ति । धर्मं च वासं च परिश्रमं च । विज्ञानतो धर्ममुदाहरन्ति । तस्मात्सन्तो धर्ममाहुः प्रधानम् ॥

nānātmavantastu vane caranti | dharmaṃ ca vāsaṃ ca pariśramaṃ ca | vijñānato dharmamudāharanti | tasmātsanto dharmamāhuḥ pradhānam

Those who have not mastered themselves do not practise, in the forest, the dharma of sacrifice, nor residence with a teacher, nor renunciation. Dharma is taught for the sake of knowledge; therefore the good call dharma the chief thing.

Verse 26 (3.298.26)

एकस्य धर्मेण सतां मतेन । सर्वेस्म तं मार्गमनुप्रपन्नाः । मा वै द्वितीयं मा तृतीयं च वाञ्छे । तस्मात्सन्तो धर्ममाहुः प्रधानम् ॥

ekasya dharmeṇa satāṃ matena | sarvesma taṃ mārgamanuprapannāḥ | mā vai dvitīyaṃ mā tṛtīyaṃ ca vāñche | tasmātsanto dharmamāhuḥ pradhānam

By the dharma of a single way of life, followed as the good approve, all have reached that path. I want neither a second nor a third; therefore the good call dharma the chief thing.

Verse 27 (3.298.27)

निवर्त तुष्टोस्मि तवानया गिरा । स्वराक्षरव्यञ्जनहेतुयुक्तया । वरं वृणीष्वेहविनाऽस्य जीवितं । ददानि ते सर्वमनिन्दिते वरम् ॥

nivarta tuṣṭosmi tavānayā girā | svarākṣaravyañjanahetuyuktayā | varaṃ vṛṇīṣvehavinā'sya jīvitaṃ | dadāni te sarvamanindite varam

Turn back. I am pleased with these words of yours, correct in tone, syllable and consonant and sound in reasoning. Choose a boon here, anything but his life; I will grant you any boon, blameless one.

Verse 28 (3.298.28)

च्युतः स्वराज्याद्वनवासमाश्रितो । विनष्टचक्षुः श्वशुरो ममाश्रमे । स लब्धचक्षुर्बलवान्भवेन्नृप- । स्तव प्रसादाज्ज्वलनार्कसंनिभः ॥

cyutaḥ svarājyādvanavāsamāśrito | vinaṣṭacakṣuḥ śvaśuro mamāśrame | sa labdhacakṣurbalavānbhavennṛpa- | stava prasādājjvalanārkasaṃnibhaḥ

My father-in-law, fallen from his kingdom, has taken to life in the forest and lives blind in his hermitage. By your grace may that king regain his sight and become strong, bright as fire or the sun.

Verse 29 (3.298.29)

ददानि तेऽहं तमनिन्दिते वरं । यथा त्वयोक्तं भविता च तत्तथा । तवाध्वना ग्लानिमिवोपलक्षये । निवर्त गच्छस्व न ते श्रमो भवेत् ॥

dadāni te'haṃ tamanindite varaṃ | yathā tvayoktaṃ bhavitā ca tattathā | tavādhvanā glānimivopalakṣaye | nivarta gacchasva na te śramo bhavet

I grant you that boon, blameless one; it will be just as you have said. I see that the road seems to have wearied you. Turn back and go, so that you do not tire yourself.

Verse 30 (3.298.30)

श्रमः कुतो भर्तृसमीपतो हिमे । यतो हि भर्ता मम सा गतिर्ध्रुवा । यतः पतिं नेष्यसि तत्र मे गतिः । सुरेश भूयश्च वचो निबोध मे ॥

śramaḥ kuto bhartṛsamīpato hime | yato hi bhartā mama sā gatirdhruvā | yataḥ patiṃ neṣyasi tatra me gatiḥ | sureśa bhūyaśca vaco nibodha me

How can I be weary in my husband's presence? For where my husband is, there surely is my way. Where you take my husband, there my way lies. Lord of the gods, hear further what I have to say.

Note on the text: Corrected नमेष्यसि → नेष्यसि (misprint in Wikisource; stray akshara breaks the vaṃśastha metre, the critical edition reads neṣyasi).

Verse 31 (3.298.31)

सतां सकृत्संगतमीप्सितं परं । ततः परं मित्रमिति प्रचक्षते । न चाफलं सत्पुरुषेण संगतं । ततः सतां संनिवसेत्समागमे ॥

satāṃ sakṛtsaṃgatamīpsitaṃ paraṃ | tataḥ paraṃ mitramiti pracakṣate | na cāphalaṃ satpuruṣeṇa saṃgataṃ | tataḥ satāṃ saṃnivasetsamāgame

Even a single meeting with the good is greatly to be desired, and friendship with them, it is said, is higher still. Association with a good man is never without fruit; therefore one should live in the company of the good.

Verse 32 (3.298.32)

मनोनुकूलं बुधबुद्धिवर्धनं । त्वया यदुक्तं वचनं हिताश्रयम् । विना पुनः सत्यवतोस्य जीवितं । वरं द्वितीयं वरयस्व भामिनि ॥

manonukūlaṃ budhabuddhivardhanaṃ | tvayā yaduktaṃ vacanaṃ hitāśrayam | vinā punaḥ satyavatosya jīvitaṃ | varaṃ dvitīyaṃ varayasva bhāmini

The words you have spoken are pleasing to the mind and beneficial, and they increase the understanding even of the wise. Except for Satyavan's life, choose a second boon, lovely lady.

Verse 33 (3.298.33)

हृतंपुरा मे श्वशुरस्य धीमतः । स्वमेव राज्यंलभतां स पार्थिवः । जह्यात्स्वधर्मान्न च मे गुरुर्यथा । द्वितीयमेतद्वरयामि ते वरम् ॥

hṛtaṃpurā me śvaśurasya dhīmataḥ | svameva rājyaṃlabhatāṃ sa pārthivaḥ | jahyātsvadharmānna ca me gururyathā | dvitīyametadvarayāmi te varam

Long ago my wise father-in-law's own kingdom was taken from him; may that king win it back. And may my elder never forsake his own duties. This is the second boon I choose from you.

Note on the text: Corrected कजह्यात् → जह्यात् (misprint in Wikisource; stray akshara, the critical edition reads jahyāt).

Verse 34 (3.298.34)

स्वमेव राज्यं प्रतिपत्स्यतेऽचिरा- । न्न च स्वधर्मात्परिहीयते नृपः । कृतेन कामेन मया नृपात्मजे । निवर्त गच्छस्व न ते श्रमो भवेत् ॥

svameva rājyaṃ pratipatsyate'cirā- | nna ca svadharmātparihīyate nṛpaḥ | kṛtena kāmena mayā nṛpātmaje | nivarta gacchasva na te śramo bhavet

The king will soon regain his own kingdom, and he will not fall away from his own duty. I have done as you wished, princess. Turn back and go, so that you do not tire yourself.

Note on the text: Corrected स्वमेवं → स्वमेव (misprint in Wikisource; stray anusvara breaks the metre, the critical edition reads svam eva).

Verse 35 (3.298.35)

प्रजास्त्वयैता नियमेन संयता । नियम्य चैता नयसे न कामया । ततो यमत्वं तव देव विश्रुतं । निबोध चेमां गिरमीरितां मया ॥

prajāstvayaitā niyamena saṃyatā | niyamya caitā nayase na kāmayā | tato yamatvaṃ tava deva viśrutaṃ | nibodha cemāṃ giramīritāṃ mayā

You hold these creatures in check by your law, and having restrained them you lead them away, not by your own whim. That is why you are renowned as Yama, O god. Hear also these words that I speak.

Note on the text: Corrected निकामया → न कामया (misprint in Wikisource; निकामया is not a valid form here, the critical edition reads na kāmayā).

Verse 36 (3.298.36)

अद्रोहः सर्वभूतेषु कर्मणा मनसा गिरा । अनुग्रहश्च दानं च सतां धर्मः सनातनः ॥

adrohaḥ sarvabhūteṣu karmaṇā manasā girā | anugrahaśca dānaṃ ca satāṃ dharmaḥ sanātanaḥ

To bear no malice toward any being in deed, thought or word, to show kindness and to give: this is the eternal dharma of the good.

Verse 37 (3.298.37)

एवंप्रायश्च लोकोऽयं मनुष्याः शक्तिपेशलाः । सन्तस्त्वेवाप्यमित्रेषु दयां प्राप्तेषु कुर्वते ॥

evaṃprāyaśca loko'yaṃ manuṣyāḥ śaktipeśalāḥ | santastvevāpyamitreṣu dayāṃ prāpteṣu kurvate

Such for the most part is this world: people are kind only as far as their power allows. But the good show compassion even to enemies who come to them.

Verse 38 (3.298.38)

पिपासितस्येव भवेद्यथा पय- । स्तथा त्वया वाक्यमिदं समीरितम् । विना पुनः सत्यवतोऽस्य जीवितं । वरं वृणीष्वेह शुभे यदिच्छसि ॥

pipāsitasyeva bhavedyathā paya- | stathā tvayā vākyamidaṃ samīritam | vinā punaḥ satyavato'sya jīvitaṃ | varaṃ vṛṇīṣveha śubhe yadicchasi

As water is to a thirsty man, so are these words you have spoken. Except for this Satyavan's life, choose here whatever boon you wish, fair one.

Verse 39 (3.298.39)

ममानपत्यः पृथिवीपतिः पिता । भवेत्पितुः पुत्रशतं तथौरसम् । कुलस्य संतानकरं च यद्भवे- । त्तृतीयमेतद्वरयामि ते वरम् ॥

mamānapatyaḥ pṛthivīpatiḥ pitā | bhavetpituḥ putraśataṃ tathaurasam | kulasya saṃtānakaraṃ ca yadbhave- | ttṛtīyametadvarayāmi te varam

My father, lord of the earth, has no son. May my father have a hundred sons of his own body to carry on his line. This is the third boon I choose from you.

Note on the text: Corrected भवत्पितुः → भवेत्पितुः (misprint in Wikisource; dropped e-sign of the verb, the critical edition reads bhavet pituḥ).

Verse 40 (3.298.40)

कुलस्य संतानकरं सुवर्चसं । शतं सुतानां पितुरस्तु ते शुभे । कृतेन कामेन नराधिपात्मजे । निवर्त दूरं हि पथस्त्वमागता ॥

kulasya saṃtānakaraṃ suvarcasaṃ | śataṃ sutānāṃ piturastu te śubhe | kṛtena kāmena narādhipātmaje | nivarta dūraṃ hi pathastvamāgatā

Your father shall have a hundred splendid sons to carry on his line, fair one. I have done as you wished, daughter of a king. Turn back; you have come a long way.

Verse 41 (3.298.41)

न दूरमेतन्मम भर्तृसन्निधौ । मनो हि मे दूरतरं प्रधावति । अथ व्रजन्नेव गिरं समुद्यतां । मयोच्यमानां शृणु भूय एव च ॥

na dūrametanmama bhartṛsannidhau | mano hi me dūrataraṃ pradhāvati | atha vrajanneva giraṃ samudyatāṃ | mayocyamānāṃ śṛṇu bhūya eva ca

This is not far for me, being near my husband; my mind runs much farther still. And as you go on, hear once more the words I am ready to speak.

Verse 42 (3.298.42)

विवस्वतस्त्वं तनयः प्रतापवां- । स्ततो हि वैवस्वत उच्यसे बुधैः । समेन धर्मेण चरन्ति ताः प्रजा- । स्ततस्तवेहेश्वर धर्मराजता ॥

vivasvatastvaṃ tanayaḥ pratāpavāṃ- | stato hi vaivasvata ucyase budhaiḥ | samena dharmeṇa caranti tāḥ prajā- | statastaveheśvara dharmarājatā

You are the mighty son of Vivasvat, and so the wise call you Vaivasvata. Your subjects live by your impartial dharma; hence, lord, you are known here as the King of Dharma.

Note on the text: Corrected तनयऋ → तनयः and तवेहेवर → तवेहेश्वर (misprint in Wikisource; the critical edition reads tanayaḥ … taveheśvara).

Verse 43 (3.298.43)

आत्मन्यपि न विश्वासस्तथा भवति सत्सु यः । तस्मात्सत्सु विशेषेण सर्वः प्रणयमिच्छति ॥

ātmanyapi na viśvāsastathā bhavati satsu yaḥ | tasmātsatsu viśeṣeṇa sarvaḥ praṇayamicchati

One does not trust even oneself as much as one trusts the good; therefore everyone seeks above all the affection of the good.

Note on the text: Corrected विशेपेण → विशेषेण (misprint in Wikisource; प for ष, the critical edition reads viśeṣeṇa).

Verse 44 (3.298.44)

सौहृदात्सर्वभूतानां विश्वासो नाम जायते । तस्मात्सत्सु विशेषेण विश्वासं कुरुते जनः ॥

sauhṛdātsarvabhūtānāṃ viśvāso nāma jāyate | tasmātsatsu viśeṣeṇa viśvāsaṃ kurute janaḥ

Trust is born of goodwill toward all beings; therefore people place their trust above all in the good.

Note on the text: Corrected सौहदात् → सौहृदात् and विशेपेण → विशेषेण (misprint in Wikisource; the critical edition reads sauhṛdāt … viśeṣeṇa).

Verse 45 (3.298.45)

उदाहृतंते वचनं यदङ्गने । शुभे न तादृक् त्वदृते श्रुतं मया । अनेन तुष्टोस्मि विनाऽस्य जीवितं । वरं चतुर्थं वरयस्व गच्छ च ॥

udāhṛtaṃte vacanaṃ yadaṅgane | śubhe na tādṛk tvadṛte śrutaṃ mayā | anena tuṣṭosmi vinā'sya jīvitaṃ | varaṃ caturthaṃ varayasva gaccha ca

Such words as you have spoken, lady, I have heard from no one but you, fair one. I am pleased with them. Except for his life, choose a fourth boon, and go.

Note on the text: Speaker heading misprinted in Wikisource as यव उवाच; corrected to यम.

Verse 46 (3.298.46)

ममात्मजं सत्यवतस्तथौरसं । भवेदुभाभ्यामिह यत्कुलोद्वहम् । शतं सुतानां बलवीर्यशालिना- । मिदंचतुर्थं वरयामि ते वरम् ॥

mamātmajaṃ satyavatastathaurasaṃ | bhavedubhābhyāmiha yatkulodvaham | śataṃ sutānāṃ balavīryaśālinā- | midaṃcaturthaṃ varayāmi te varam

May there be born of us both, of Satyavan and me, sons of our own bodies to uphold the line: a hundred sons endowed with strength and valour. This is the fourth boon I choose from you.

Verse 47 (3.298.47)

शतं सुतानां बलवीर्यशालिनां । भविष्यति प्रीतिकरं तवाबले । परिश्रमस्ते न भवेन्नृपात्मजे । निवर्त दूरं हि पथस्त्वमागता ॥

śataṃ sutānāṃ balavīryaśālināṃ | bhaviṣyati prītikaraṃ tavābale | pariśramaste na bhavennṛpātmaje | nivarta dūraṃ hi pathastvamāgatā

You shall have a hundred sons endowed with strength and valour, who will bring you joy, gentle lady. Let no weariness come upon you, princess. Turn back; you have come a long way.

Note on the text: Corrected बलवीरय्शालिनां → बलवीर्यशालिनां (misprint in Wikisource; broken conjunct, the critical edition reads balavīryaśālināṃ).

Verse 48 (3.298.48)

सतां सदा शाश्वतधर्मवृत्तिः । सन्तो न सीदन्ति न च व्यथन्ति । सतां सद्भिर्नाफलः संगमोस्ति । सद्भ्यो भयंनानुवर्तन्ति सन्तः ॥

satāṃ sadā śāśvatadharmavṛttiḥ | santo na sīdanti na ca vyathanti | satāṃ sadbhirnāphalaḥ saṃgamosti | sadbhyo bhayaṃnānuvartanti santaḥ

The conduct of the good is ever the eternal dharma. The good neither sink nor waver. Meeting with the good is never fruitless for the good, and the good have nothing to fear from the good.

Verse 49 (3.298.49)

सन्तो हि सत्येन नयन्ति सूर्यं । सन्तो भूमिं तपसा धारयन्ति । सन्तो गतिर्भूतभव्यस्य राज- । न्सतां मध्ये नावसीदन्ति सन्तः ॥

santo hi satyena nayanti sūryaṃ | santo bhūmiṃ tapasā dhārayanti | santo gatirbhūtabhavyasya rāja- | nsatāṃ madhye nāvasīdanti santaḥ

It is the good who by their truth lead the sun on its course; the good uphold the earth by their austerity. The good are the refuge of what has been and what is to be, O king; among the good, the good never come to grief.

Verse 50 (3.298.50)

आर्यजुष्टमिदं वृत्तमिति विज्ञाय शाश्वतम् । सन्तः परार्थं कुर्वाणा नावेक्षन्ति प्रतिक्रियाः ॥

āryajuṣṭamidaṃ vṛttamiti vijñāya śāśvatam | santaḥ parārthaṃ kurvāṇā nāvekṣanti pratikriyāḥ

Knowing this to be the eternal conduct followed by the noble, the good act for the sake of others and look for no return.

Verse 51 (3.298.51)

न च प्रसादः सत्पुरुषेषु मोघो । न चाप्यर्थो नश्यति नापि मानः । यस्मादेतन्नियतं सत्सु नित्यं । तस्मात्सन्तो रक्षितारो भवन्ति ॥

na ca prasādaḥ satpuruṣeṣu mogho | na cāpyartho naśyati nāpi mānaḥ | yasmādetanniyataṃ satsu nityaṃ | tasmātsanto rakṣitāro bhavanti

The favour of good men is never in vain, nor does wealth or honour come to nothing with them. Because this always holds true among the good, the good are protectors.

Verse 52 (3.298.52)

यथायथा भाषसि धर्मसंहितं । मनोनुकूलं सुपदं महार्थवत् । तथातथा मे त्वयि भक्तिरुत्तमा । वरं वृणीष्वाप्रतिमं पतिव्रते ॥

yathāyathā bhāṣasi dharmasaṃhitaṃ | manonukūlaṃ supadaṃ mahārthavat | tathātathā me tvayi bhaktiruttamā | varaṃ vṛṇīṣvāpratimaṃ pativrate

The more you speak words full of dharma, pleasing to the mind, well phrased and rich in meaning, the more my regard for you grows. Choose a boon beyond compare, faithful wife.

Verse 53 (3.298.53)

न तेऽपवर्गः सुकृताद्विना कृत- । स्तथा यथाऽन्येषु वरेषु मानद । वरं वृणे जीवतु सत्यवानयं । यथा मृता ह्येवमहं पतिं विना ॥

na te'pavargaḥ sukṛtādvinā kṛta- | stathā yathā'nyeṣu vareṣu mānada | varaṃ vṛṇe jīvatu satyavānayaṃ | yathā mṛtā hyevamahaṃ patiṃ vinā

Giver of honour, the boon of sons you have granted cannot be fulfilled apart from a rightful union, as the other boons can. So I choose this boon: let this Satyavan live, for without my husband I am as good as dead.

Verse 54 (3.298.54)

न कामये भर्तृविनाकृता सुखं । न कामये भर्तृविनाकृता दिवम् । नकामये भर्तृविनाकृता श्रियं । न भर्तृहीना व्यवसामि जीवितुम् ॥

na kāmaye bhartṛvinākṛtā sukhaṃ | na kāmaye bhartṛvinākṛtā divam | nakāmaye bhartṛvinākṛtā śriyaṃ | na bhartṛhīnā vyavasāmi jīvitum

Without my husband I do not desire happiness; without my husband I do not desire heaven; without my husband I do not desire prosperity; bereft of my husband I cannot bring myself to live.

Note on the text: Corrected भर्तविनाकृता → भर्तृविनाकृता (twice) and जीबितुम् → जीवितुम् (misprint in Wikisource; the critical edition reads bhartṛvinākṛtā … jīvitum).

Verse 55 (3.298.55)

वरातिसर्गः शतपुत्रता मम । त्वयैव दत्तो ह्रियते च मे पतिः । वरं वृणे जीवतु सत्यवानयं । तवैव सत्यं वचनं भविष्यति ॥

varātisargaḥ śataputratā mama | tvayaiva datto hriyate ca me patiḥ | varaṃ vṛṇe jīvatu satyavānayaṃ | tavaiva satyaṃ vacanaṃ bhaviṣyati

You yourself have granted me the boon of a hundred sons, and yet my husband is being taken from me. I choose this boon: let this Satyavan live. So will your own word come true.

Verse 56 (3.298.56)

तथेत्युक्त्वा तु तं पाशं मुक्त्वा वैवस्वतो यमः । धर्मराजः प्रहृष्टात्मा सावित्रीमिदमब्रवीत् ॥

tathetyuktvā tu taṃ pāśaṃ muktvā vaivasvato yamaḥ | dharmarājaḥ prahṛṣṭātmā sāvitrīmidamabravīt

Saying "So be it," Yama Vaivasvata, the King of Dharma, loosed that noose, and with a glad heart he said to Savitri:

Verse 57 (3.298.57)

एष भद्रे मया मुक्तो भर्ता ते कुलनन्दिनि । तोषितोऽहं त्वया साध्वि वाक्यैर्धर्मार्थसंहितैः ॥

eṣa bhadre mayā mukto bhartā te kulanandini | toṣito'haṃ tvayā sādhvi vākyairdharmārthasaṃhitaiḥ

Here, good lady, joy of your family, I have set your husband free. I am pleased with you, virtuous one, for your words full of dharma and meaning.

Note on the text: Removed stray wiki marks (` and ') around the second line, which is not in the critical edition's text (its apparatus has a near form as 3.281.55b*1325); the first line is CE 3.281.55ab. Corrected धर्मार्तसंहितैः → धर्मार्थसंहितैः (misprint in Wikisource; the apparatus reads dharmārthasaṃhitaiḥ). Speaker: Yama's speech, announced in the previous verse.

Verse 58 (3.298.58)

अरोगस्तव नेयश्च सिद्धार्थः स भविष्यति । चतुर्वर्षशतायुश्च त्वया सार्धमवाप्स्यति ॥

arogastava neyaśca siddhārthaḥ sa bhaviṣyati | caturvarṣaśatāyuśca tvayā sārdhamavāpsyati

He will be free of sickness, yours to take home, and his aims will be fulfilled. Together with you he will live four hundred years.

Note on the text: Corrected अरोगस्व → अरोगस्तव and भविष्यि → भविष्यति (misprint in Wikisource; dropped aksharas, the critical edition reads arogas tava … bhaviṣyati). The verse spans CE 3.281.55cd and 56ab (Wikisource divides these verses differently).

Verse 59 (3.298.59)

इष्ट्वा यज्ञैश्च धर्मेण ख्यातिं लोके गमिष्यति । त्वयि पुत्रशतं चैव सत्यवाञ्जनयिष्यति ॥

iṣṭvā yajñaiśca dharmeṇa khyātiṃ loke gamiṣyati | tvayi putraśataṃ caiva satyavāñjanayiṣyati

Having worshipped with sacrifices according to dharma, he will win renown in the world, and Satyavan will beget a hundred sons on you.

Note on the text: Spans CE 3.281.56cd and 57ab (Wikisource divides these verses differently).

Verse 60 (3.298.60)

ते चापि सर्वे राजानः क्षत्रियाः पुत्रपौत्रिणः । ख्यातास्त्वन्नामधेयाश्चभविष्यन्तीह शाश्वताः ॥

te cāpi sarve rājānaḥ kṣatriyāḥ putrapautriṇaḥ | khyātāstvannāmadheyāścabhaviṣyantīha śāśvatāḥ

And all of them will be kings, kshatriyas with sons and grandsons, famed under a name taken from yours, and they will endure here for ever.

Note on the text: Corresponds to CE 3.281.57cd–ef.

Verse 61 (3.298.61)

पितुश्च ते पुत्रशतं भविता तव मातरि । मालव्यां मालवा नाम शाश्वताः पुत्रपौत्रिणः । भ्रातरस्ते भविष्यन्ति क्षत्रियास्त्रिदशोपमाः ॥

pituśca te putraśataṃ bhavitā tava mātari | mālavyāṃ mālavā nāma śāśvatāḥ putrapautriṇaḥ | bhrātaraste bhaviṣyanti kṣatriyāstridaśopamāḥ

Your father too will have a hundred sons by your mother Malavi. Called the Malavas, they will endure, with sons and grandsons; these brothers of yours will be kshatriyas like the gods.

Verse 62 (3.298.62)

एवं तस्यै वरं दत्त्वा धर्मराजः प्रतापवान् । निवर्तयित्वा सावित्रीं स्वमेव भवनं ययौ ॥

evaṃ tasyai varaṃ dattvā dharmarājaḥ pratāpavān | nivartayitvā sāvitrīṃ svameva bhavanaṃ yayau

Having granted her these boons and turned Savitri back, the mighty King of Dharma went to his own abode.

Verse 63 (3.298.63)

सावित्र्यपि यमे याते भर्तारं प्रतिलभ्य च । जगाम तत्र यत्रास्या भर्तुः शावं कलेवरम् ॥

sāvitryapi yame yāte bhartāraṃ pratilabhya ca | jagāma tatra yatrāsyā bhartuḥ śāvaṃ kalevaram

When Yama had gone, Savitri, having won back her husband, went to the place where her husband's lifeless body lay.

Verse 64 (3.298.64)

सा भूमौ प्रेक्ष्यभर्तारमुपसृत्योपगृह्य च । उत्सङ्गे शिर आरोप्य भूमावुपविवेश ह ॥

sā bhūmau prekṣyabhartāramupasṛtyopagṛhya ca | utsaṅge śira āropya bhūmāvupaviveśa ha

Seeing her husband on the ground, she went up to him and embraced him, laid his head in her lap, and sat down on the ground.

Verse 65 (3.298.65)

संज्ञां च स पुनर्लब्ध्वा सावित्रीमभ्यभाषत । प्रोष्यागत इव प्रेम्णा पुनःपुनरुदीक्ष्यवै ॥

saṃjñāṃ ca sa punarlabdhvā sāvitrīmabhyabhāṣata | proṣyāgata iva premṇā punaḥpunarudīkṣyavai

And he, regaining consciousness, spoke to Savitri, gazing at her again and again with love, like a man come home from a journey:

Note on the text: Restored a missing word space (चस पुनर् → च स पुनर्).

Verse 66 (3.298.66)

सुचिरं बत सुप्तोस्मि किमर्थं नावबोधितः । क्व चासौ पुरुषः श्यामो योसौ मां संचकर्षह ॥

suciraṃ bata suptosmi kimarthaṃ nāvabodhitaḥ | kva cāsau puruṣaḥ śyāmo yosau māṃ saṃcakarṣaha

I have slept a very long time! Why did you not wake me? And where is that dark man who was dragging me away?

Note on the text: Speaker: Satyavan's words, announced in the previous verse; the critical edition prints सत्यवानुवाच here.

Verse 67 (3.298.67)

सुचिरं त्वंप्रसुप्तोसि ममाङ्के पुरुषर्षभ । गतः स भगवान्देवः प्रजासंयमनो यमः ॥

suciraṃ tvaṃprasuptosi mamāṅke puruṣarṣabha | gataḥ sa bhagavāndevaḥ prajāsaṃyamano yamaḥ

You have slept a long time in my lap, bull among men. The blessed god Yama, who holds all creatures in check, has gone.

Note on the text: Corrected ममाह्के → ममाङ्के (misprint in Wikisource; the critical edition reads mamāṅke).

Verse 68 (3.298.68)

विश्रान्तोसि महाभाग विनिद्रश्च नृपात्मज । यदि शक्यं समुत्तिष्ठ विगाढां पश्य शर्वरीम् ॥

viśrāntosi mahābhāga vinidraśca nṛpātmaja | yadi śakyaṃ samuttiṣṭha vigāḍhāṃ paśya śarvarīm

You are rested, fortunate one, and free of sleep, prince. If you can, get up; see how deep the night has grown.

Verse 69 (3.298.69)

उपलभ्यततः संज्ञां सुखसुप्त इवोत्थितः । दिशः सर्वा वनान्तांश्च निरीक्ष्योवाच सत्यवान् ॥

upalabhyatataḥ saṃjñāṃ sukhasupta ivotthitaḥ | diśaḥ sarvā vanāntāṃśca nirīkṣyovāca satyavān

Coming fully to his senses, Satyavan rose like one who has slept well, looked about at all the directions and the edges of the forest, and said:

Verse 70 (3.298.70)

फलाहारोस्मि निष्क्रान्तस्त्वया सह सुमध्यमे । ततः पाटयतः काष्ठं शिरसो मे रुजाऽभवत् ॥

phalāhārosmi niṣkrāntastvayā saha sumadhyame | tataḥ pāṭayataḥ kāṣṭhaṃ śiraso me rujā'bhavat

I came out with you to gather fruit, slender-waisted one. Then, as I was splitting wood, a pain came into my head.

Note on the text: Corrected निष्क्रान्तस्‌वया → निष्क्रान्तस्त्वया and शरिसो → शिरसो (misprint in Wikisource; broken conjunct with a stray zero-width joiner, and transposed vowels; the critical edition reads niṣkrāntas tvayā … śiraso).

Verse 71 (3.298.71)

शिरोभितापसंतप्तः स्थातुं चिरमशक्नुवन् । तवोत्सङ्गे प्रसुप्तोस्मि इति सर्वं स्मरे शुभे ॥

śirobhitāpasaṃtaptaḥ sthātuṃ ciramaśaknuvan | tavotsaṅge prasuptosmi iti sarvaṃ smare śubhe

Burning with the pain in my head and unable to stand any longer, I fell asleep in your lap. All this I remember, fair one.

Verse 72 (3.298.72)

त्वयोपगूढस्य च मे निद्रयाऽपहृतं मनः । ततोऽपश्यं तमो घोरं पुरुषं च महौजसम् ॥

tvayopagūḍhasya ca me nidrayā'pahṛtaṃ manaḥ | tato'paśyaṃ tamo ghoraṃ puruṣaṃ ca mahaujasam

As you held me close, sleep stole away my mind. Then I saw a dreadful darkness, and a man of great might.

Verse 73 (3.298.73)

तद्यदि त्वं विजानासि किं तद्ब्रूहि सुमध्यमे । स्वप्नो मे यदिवा दृष्टो यदि वा सत्यमेव तत् ॥

tadyadi tvaṃ vijānāsi kiṃ tadbrūhi sumadhyame | svapno me yadivā dṛṣṭo yadi vā satyameva tat

If you know what that was, tell me, slender-waisted one: was it a dream I saw, or was it real?

Verse 74 (3.298.74)

तमुवाचाथ सावित्री रजनी व्यवगाहते । श्वस्ते सर्वंयथावृत्तमाख्यास्यामि नृपात्मज ॥

tamuvācātha sāvitrī rajanī vyavagāhate | śvaste sarvaṃyathāvṛttamākhyāsyāmi nṛpātmaja

Then Savitri said to him: "The night is deepening. Tomorrow I will tell you everything just as it happened, prince."

Verse 75 (3.298.75)

उत्तिष्ठोत्तिष्ठ भद्रं ते पितरौ पश्य सुव्रत । विगाढा रजनी चेयं निवृत्तश्च दिवाकरः ॥

uttiṣṭhottiṣṭha bhadraṃ te pitarau paśya suvrata | vigāḍhā rajanī ceyaṃ nivṛttaśca divākaraḥ

Rise, rise, bless you! See to your parents, man of good vows. The night is deep and the sun has gone down.

Verse 76 (3.298.76)

नक्तंचराश्चरन्त्येते हृष्टाः क्रूराभिभाषिणः । श्रूयन्ते पर्णशब्दाश्च मृगाणां चरतां वने ॥

naktaṃcarāścarantyete hṛṣṭāḥ krūrābhibhāṣiṇaḥ | śrūyante parṇaśabdāśca mṛgāṇāṃ caratāṃ vane

The creatures of the night are roaming about, exultant and harsh-voiced, and we can hear the rustle of leaves as the beasts move through the forest.

Verse 77 (3.298.77)

एता घोरं शिवा नादान्दिशं दक्षिणपश्चिमाम् । आस्थाय विरुवन्त्युग्राः कम्पयन्त्यो मनो मम ॥

etā ghoraṃ śivā nādāndiśaṃ dakṣiṇapaścimām | āsthāya viruvantyugrāḥ kampayantyo mano mama

These jackals, settled toward the south-west, are howling dreadfully and fiercely, and they make my heart tremble.

Verse 78 (3.298.78)

वनं प्रतिभयाकारं घनेन तमसा वृतम् । न विज्ञास्यसि पन्थानं गन्तुं चैव न शक्ष्यसि ॥

vanaṃ pratibhayākāraṃ ghanena tamasā vṛtam | na vijñāsyasi panthānaṃ gantuṃ caiva na śakṣyasi

The forest looks terrifying, wrapped in thick darkness. You will not make out the path, nor will you be able to walk on.

Verse 79 (3.298.79)

अस्मिन्नद्य वने दग्धे शुष्कवृक्षः स्थितो ज्वलन् । वायुना धम्यमानोत्र दृश्यतेऽग्निः क्वचित्क्वचित् ॥

asminnadya vane dagdhe śuṣkavṛkṣaḥ sthito jvalan | vāyunā dhamyamānotra dṛśyate'gniḥ kvacitkvacit

A fire burned in this forest today; a withered tree stands blazing, and here and there flames can be seen, fanned by the wind.

Note on the text: Corrected अस्मिन्न वने → अस्मिन्नद्य वने (misprint in Wikisource; dropped akshara leaves the pada one syllable short, the critical edition reads asminn adya vane).

Verse 80 (3.298.80)

ततोऽग्निमानयित्वेह ज्वालयिष्यामि सर्वतः । काष्ठानीमानि सन्तीह जहि संतापमात्मनः ॥

tato'gnimānayitveha jvālayiṣyāmi sarvataḥ | kāṣṭhānīmāni santīha jahi saṃtāpamātmanaḥ

I will bring fire from there and kindle it all around us. There is wood enough here. Put away your distress.

Note on the text: Corrected ज्वालयिप्यामि → ज्वालयिष्यामि (misprint in Wikisource; प for ष).

Verse 81 (3.298.81)

यदि नोत्सहसे गन्तुं सरुजं त्वां हि लक्षये । न च ज्ञास्यसि पन्थानं तमसा संवृते वने ॥

yadi notsahase gantuṃ sarujaṃ tvāṃ hi lakṣaye | na ca jñāsyasi panthānaṃ tamasā saṃvṛte vane

If you cannot manage to go, for I see that you are unwell, and since you will not make out the path in this forest wrapped in darkness,

Verse 82 (3.298.82)

श्वः प्रभाते वने दृश्ये यास्यावोऽनुमते तव । वसावेह क्षपामेकां रुचितं यदि तेऽनघ ॥

śvaḥ prabhāte vane dṛśye yāsyāvo'numate tava | vasāveha kṣapāmekāṃ rucitaṃ yadi te'nagha

then tomorrow at dawn, when the forest can be seen, we will go, with your leave. Let us spend this one night here, if it pleases you, sinless one.

Verse 83 (3.298.83)

शिरोरुजा निवृत्ता मे स्वस्थान्यङ्गानि लक्षये । मातापितृभ्यामिच्छामि संयोगं त्वत्प्रसादजम् ॥

śirorujā nivṛttā me svasthānyaṅgāni lakṣaye | mātāpitṛbhyāmicchāmi saṃyogaṃ tvatprasādajam

The pain in my head has gone, and my limbs feel well again. By your kindness I want to be with my mother and father again.

Verse 84 (3.298.84)

न कदाचिद्विकाले हि गतपूर्वोहमाश्रमात् । अनागतायां सन्ध्यायां माता मे प्ररुणद्धि माम् ॥

na kadācidvikāle hi gatapūrvohamāśramāt | anāgatāyāṃ sandhyāyāṃ mātā me praruṇaddhi mām

Never before have I been away from the hermitage at so late an hour. Even before dusk falls, my mother keeps me in.

Verse 85 (3.298.85)

दिवाऽपिमयि निष्क्रान्ते सन्तप्येते गुरू मम । विचिनोति हि मां तातः सहैवाश्रमवासिभिः ॥

divā'pimayi niṣkrānte santapyete gurū mama | vicinoti hi māṃ tātaḥ sahaivāśramavāsibhiḥ

Even when I go out by day my parents fret, and my father goes searching for me together with the hermitage dwellers.

Verse 86 (3.298.86)

मात्रा पित्रा च सुभृशं दुःखिताभ्यामहं पुरा । उपालब्धश्च बहुशश्चिरेणागच्छसीति हि ॥

mātrā pitrā ca subhṛśaṃ duḥkhitābhyāmahaṃ purā | upālabdhaśca bahuśaścireṇāgacchasīti hi

Many a time in the past my mother and father, sorely distressed, have scolded me, saying, "You are so late in coming back."

Verse 87 (3.298.87)

कात्ववस्था तयोरद्य मदर्थमिति चिन्तये । तयोरदृश्ये मयि च महद्दुःखं भविष्यति ॥

kātvavasthā tayoradya madarthamiti cintaye | tayoradṛśye mayi ca mahadduḥkhaṃ bhaviṣyati

I keep wondering what state they are in today on my account. With me out of sight, great will be their grief.

Verse 88 (3.298.88)

पुरा मामूचतुश्चैव रात्रावस्रायमाणकौ । भृशं सुदुःखितौ वृद्धौ बहुशः प्रीतिसंयुतौ ॥

purā māmūcatuścaiva rātrāvasrāyamāṇakau | bhṛśaṃ suduḥkhitau vṛddhau bahuśaḥ prītisaṃyutau

Once, weeping in the night, the two old people, deeply grieved and full of love, said to me again and again:

Verse 89 (3.298.89)

त्वया हीनौ न जीवाव मुहूर्तमपि पुत्रक । यावद्धरिष्यसे पुत्र तावन्नौ जीवितं ध्रुवम् ॥

tvayā hīnau na jīvāva muhūrtamapi putraka | yāvaddhariṣyase putra tāvannau jīvitaṃ dhruvam

"Without you, little son, we could not live for a moment. As long as you live, son, so long is our life secure.

Verse 90 (3.298.90)

वृद्धयोरन्धयोर्दृष्टिस्त्वयि वंशः प्रतिष्ठितः । त्वयि पिण्डश्च कीर्तिश्च सन्तानश्चावयोरिति ॥

vṛddhayorandhayordṛṣṭistvayi vaṃśaḥ pratiṣṭhitaḥ | tvayi piṇḍaśca kīrtiśca santānaścāvayoriti

You are the eyes of us two old blind people; in you our line is established; in you rest our funeral offerings, our good name and our posterity."

Note on the text: Corrected प्रतिष्ठिः → प्रतिष्ठितः (misprint in Wikisource; dropped akshara, the critical edition reads pratiṣṭhitaḥ).

Verse 91 (3.298.91)

माता वृद्धा पिता वृद्धस्तयोर्यष्टिरहं किल । तौ रात्रौ मामपश्यन्तौ कामवस्थां गमिष्यतः ॥

mātā vṛddhā pitā vṛddhastayoryaṣṭirahaṃ kila | tau rātrau māmapaśyantau kāmavasthāṃ gamiṣyataḥ

My mother is old, my father is old, and I, they say, am their staff. When they do not see me tonight, what state will they fall into?

Verse 92 (3.298.92)

निद्रायाश्चाभ्यसूयामि यस्या हेतोः पिता मम । माता च संशयं प्राप्ता मत्कृतेऽनपकारिणी ॥

nidrāyāścābhyasūyāmi yasyā hetoḥ pitā mama | mātā ca saṃśayaṃ prāptā matkṛte'napakāriṇī

I resent this sleep, on whose account my father, and my blameless mother too, have been put in peril because of me.

Verse 93 (3.298.93)

अहं च संशयं प्राप्तः कृच्छ्रामापदमास्थितः । मातापितृभ्यां हि विना नाहं जीवितुमुत्सहे ॥

ahaṃ ca saṃśayaṃ prāptaḥ kṛcchrāmāpadamāsthitaḥ | mātāpitṛbhyāṃ hi vinā nāhaṃ jīvitumutsahe

And I too am in peril, caught in grievous trouble, for without my mother and father I cannot bear to live.

Verse 94 (3.298.94)

व्यक्तमाकुलया बुद्ध्या प्रज्ञाचक्षुः पिता मम । एकैकमस्यां वेलायां पृच्छत्याश्रमवासिनम् ॥

vyaktamākulayā buddhyā prajñācakṣuḥ pitā mama | ekaikamasyāṃ velāyāṃ pṛcchatyāśramavāsinam

Surely at this hour my father, whose only sight is his wisdom, is asking each hermitage dweller about me, his mind distraught.

Verse 95 (3.298.95)

नात्मानमनुशोचामि यथाऽहंपितरं शुभे । भर्तारं चाप्यनुगतां मातरं भृशदुःखिताम् ॥

nātmānamanuśocāmi yathā'haṃpitaraṃ śubhe | bhartāraṃ cāpyanugatāṃ mātaraṃ bhṛśaduḥkhitām

I do not grieve for myself as I grieve for my father, fair one, and for my mother, who has followed her husband and is deeply distressed.

Verse 96 (3.298.96)

मत्कृतेन हि तावद्य सन्तापं परमेष्यतः । जीवन्तावनुजीवामि भर्तव्यौ तौ मयेति ह ॥

matkṛtena hi tāvadya santāpaṃ parameṣyataḥ | jīvantāvanujīvāmi bhartavyau tau mayeti ha

Because of me the two of them will now suffer the utmost anguish. I live as long as they live; they are the ones I must support.

Note on the text: Corrected मत्कृते न हि → मत्कृतेन हि (misprint in Wikisource; a false word break turns the sense negative, the critical edition reads matkṛtena hi). Matches CE 3.281.93ab–cd.

Verse 97 (3.298.97)

तयोः प्रियं मे कर्तव्यमिति जीवामि चाप्यहम् । परमं दैवतं तौ मे पूजनीयौ सदा मया । तयोस्तु मे सदाऽस्त्येवं व्रतमेतत्पुरातनम् ॥

tayoḥ priyaṃ me kartavyamiti jīvāmi cāpyaham | paramaṃ daivataṃ tau me pūjanīyau sadā mayā | tayostu me sadā'styevaṃ vratametatpurātanam

"I must do what is dear to them": with this thought I go on living. They are my highest deity, ever to be worshipped by me. This is my vow toward them, kept from of old.

Note on the text: Corrected कर्व्यमिति → कर्तव्यमिति (misprint in Wikisource; the critical edition reads kartavyam iti). Removed stray wiki marks (` and ') around the last two lines, which are not in the critical edition's text (its apparatus has them as 3.281.93f*1326 and *1327); the first line is CE 3.281.93ef.

Verse 98 (3.298.98)

एवमुक्त्वा स धर्मात्मा गुरुभक्तो गुरुप्रियः । उच्छ्रित्य बाहू दुःखार्तः सुस्वरं प्ररुरोद ह ॥

evamuktvā sa dharmātmā gurubhakto gurupriyaḥ | ucchritya bāhū duḥkhārtaḥ susvaraṃ praruroda ha

Having said this, the righteous Satyavan, devoted to his elders and dear to them, raised his arms and, overcome with grief, wept aloud.

Verse 99 (3.298.99)

ततोऽब्रवीत्तथा दृष्ट्वाभर्तारं शोककर्शितम् । प्रमृज्याश्रूणि पाणिभ्यां सावित्री धर्मचारिणी ॥

tato'bravīttathā dṛṣṭvābhartāraṃ śokakarśitam | pramṛjyāśrūṇi pāṇibhyāṃ sāvitrī dharmacāriṇī

Seeing her husband so worn with grief, Savitri, who walked in dharma, wiped away his tears with her hands and said:

Verse 100 (3.298.100)

यदि मेऽस्ति तपस्तप्तं यदि दत्तं हुतं यदि । श्वश्रूश्वशुरभर्तॄणां मम पुण्याऽस्तु शर्वरी ॥

yadi me'sti tapastaptaṃ yadi dattaṃ hutaṃ yadi | śvaśrūśvaśurabhartṝṇāṃ mama puṇyā'stu śarvarī

If I have practised austerity, if I have given gifts, if I have made offerings into the fire, may this night be auspicious for my mother-in-law, my father-in-law and my husband.

Verse 101 (3.298.101)

न स्मराम्युक्तपूर्वं वै स्वैरेष्वप्यनृतां गिरम् । तेन सत्येन तावद्य ध्रियेतां श्वशुरौ मम ॥

na smarāmyuktapūrvaṃ vai svaireṣvapyanṛtāṃ giram | tena satyena tāvadya dhriyetāṃ śvaśurau mama

I do not remember ever having spoken a false word, even in jest. By that truth may my parents-in-law live today.

Verse 102 (3.298.102)

कामये दर्शनं पित्रोर्याहि सावित्रि माचिरम् । अपिनाम गुरू तौ हि पश्येयं ध्रियमाणकौ ॥

kāmaye darśanaṃ pitroryāhi sāvitri māciram | apināma gurū tau hi paśyeyaṃ dhriyamāṇakau

I long to see my parents. Come, Savitri, without delay. If only I may find my elders still alive!

Note on the text: Removed stray wiki marks (` and ') around the second line, which is not in the critical edition's text (its apparatus has it as 3.281.98b*1328); the first line is CE 3.281.98ab.

Verse 103 (3.298.103)

पुरा मातुः पितुर्वाऽपियदि पश्यामि विप्रियम् । न जीविष्ये वरारोहे सत्येनात्मानमालभे ॥

purā mātuḥ piturvā'piyadi paśyāmi vipriyam | na jīviṣye varārohe satyenātmānamālabhe

If I find that any harm has come to my mother or my father, I will not live, lovely lady; I swear it by the truth.

Note on the text: Corresponds to CE 3.281.98cd–ef.

Verse 104 (3.298.104)

यदि धर्मे च ते बुद्धिर्मां चेज्जीवन्तमिच्छसि । मम प्रियं वा कर्तव्यं गच्छावाश्रममन्तिकात् ॥

yadi dharme ca te buddhirmāṃ cejjīvantamicchasi | mama priyaṃ vā kartavyaṃ gacchāvāśramamantikāt

If your mind is set on dharma, if you want me alive, or if you would do what is dear to me, let us go to the hermitage nearby.

Verse 105 (3.298.105)

सावित्री तत उत्थाय केशान्संयम्य भामिनी । पतिमुत्थापयामास बाहुभ्यां परिगृह्य वै ॥

sāvitrī tata utthāya keśānsaṃyamya bhāminī | patimutthāpayāmāsa bāhubhyāṃ parigṛhya vai

Then lovely Savitri rose, bound up her hair, took her husband in her arms and raised him up.

Note on the text: Corrected संम्य → संयम्य (misprint in Wikisource; dropped akshara, the critical edition reads saṃyamya).

Verse 106 (3.298.106)

उत्थाय सत्यवांश्चापि प्रमृज्याङ्गानि पाणिना । सर्वा दिशः समालोक्य कठिने दृष्टिमादधे ॥

utthāya satyavāṃścāpi pramṛjyāṅgāni pāṇinā | sarvā diśaḥ samālokya kaṭhine dṛṣṭimādadhe

Satyavan stood up too, brushed his limbs with his hand, looked around in every direction, and fixed his eyes on the fruit basket.

Note on the text: Corrected उत्ताय → उत्थाय (misprint in Wikisource; the critical edition reads utthāya).

Verse 107 (3.298.107)

तमुवाचाथसावित्री श्वः फलानि हरिष्यसि । योगक्षेमार्थमेतं ते नेष्यामि परशुं त्वहम् ॥

tamuvācāthasāvitrī śvaḥ phalāni hariṣyasi | yogakṣemārthametaṃ te neṣyāmi paraśuṃ tvaham

Then Savitri said to him: "Tomorrow you can fetch the fruit. For our safety I will carry this axe of yours."

Verse 108 (3.298.108)

कृत्त्वा कठिनभारं सा वृक्षशाखावलम्बिनम् । गृहीत्वा परशुं भर्तुः सकाशे पुनरागमत् ॥

kṛttvā kaṭhinabhāraṃ sā vṛkṣaśākhāvalambinam | gṛhītvā paraśuṃ bhartuḥ sakāśe punarāgamat

She left the loaded basket hanging from the branch of a tree, took up the axe, and came back to her husband.

Verse 109 (3.298.109)

वामे स्कन्धे तु वामोरूर्भर्तुर्बाहुं निवेश्य च । दक्षिणेन परिष्वज्य जगाम गजगामिनी ॥

vāme skandhe tu vāmorūrbharturbāhuṃ niveśya ca | dakṣiṇena pariṣvajya jagāma gajagāminī

Placing her husband's arm over her left shoulder, the fair-thighed woman put her right arm around him and walked on with the stately gait of an elephant.

Note on the text: Corrected दक्षिणएन → दक्षिणेन (misprint in Wikisource).

Verse 110 (3.298.110)

अभ्यासगमनाद्भीरु पन्थानो विदिता मम । वृक्षान्तरालोकितया ज्योत्स्नया चापि लक्षये ॥

abhyāsagamanādbhīru panthāno viditā mama | vṛkṣāntarālokitayā jyotsnayā cāpi lakṣaye

From going this way so often, timid one, I know the paths, and I can see them by the moonlight that falls between the trees.

Verse 111 (3.298.111)

आगतौ स्वः पथा येन फलान्यवचितानि च । यथागतं शुभे गच्छ पन्थानं मा विचारय ॥

āgatau svaḥ pathā yena phalānyavacitāni ca | yathāgataṃ śubhe gaccha panthānaṃ mā vicāraya

We came here by the same path along which we gathered the fruit. Go back the way we came, fair one; do not hesitate over the path.

Verse 112 (3.298.112)

पलाशखण्डे चैतस्मिन्पन्था व्यावर्तते द्विधा । तस्योत्तरेण यः पन्थास्तेन गच्छ त्वरस्व च ॥

palāśakhaṇḍe caitasminpanthā vyāvartate dvidhā | tasyottareṇa yaḥ panthāstena gaccha tvarasva ca

At this clump of palasha trees the path forks in two. Take the path that runs north of it, and hurry.

Note on the text: Matches CE 3.281.107ab–cd (Wikisource पलाशखण्डे for palāśaṣaṇḍe, a variant).

Verse 113 (3.298.113)

स्वस्थोस्मि बलवानस्मि दिदृक्षुः पितरावुभौ ॥

svasthosmi balavānasmi didṛkṣuḥ pitarāvubhau

I am well, I am strong, and I long to see both my parents.

Note on the text: Split from Wikisource verse 113 at the change of speaker: this line ends Satyavan's speech (CE 3.281.107ef); the critical edition prints मार्कण्डेय उवाच before the next line.

Verse 114 (3.298.114)

ब्रुवन्नेव त्वरायुक्तः सम्प्रायादाश्रमं प्रति ॥

bruvanneva tvarāyuktaḥ samprāyādāśramaṃ prati

Even as he spoke, he set off in haste toward the hermitage.

Note on the text: Split from Wikisource verse 113 at the change of speaker: this line is the narrator's (CE 3.281.108ab, under मार्कण्डेय उवाच). Wikisource ब्रुवन्नेव … सम्प्रायाद् for bruvann evaṃ … sa prāyād is a recension variant.