The Lineage of King Marutta

Verse 1 (14.4.1)

शुश्रूषे तस्य धर्मज्ञ राजर्षेः परिकीर्तनम् । द्वैपायन मरुत्तस्य कथां प्रब्रूहि मेऽनघ ॥

śuśrūṣe tasya dharmajña rājarṣeḥ parikīrtanam | dvaipāyana maruttasya kathāṃ prabrūhi me'nagha

I wish to hear the account of that royal sage, O knower of dharma. Dvaipayana, sinless one, tell me the story of Marutta.

Verse 2 (14.4.2)

आसीत्कृतयुगे तात मनुर्दण्डिधरः प्रभुः । तस्य पुत्रो महेष्वासः प्रजातिरभवन्नृपः ॥

āsītkṛtayuge tāta manurdaṇḍidharaḥ prabhuḥ | tasya putro maheṣvāsaḥ prajātirabhavannṛpaḥ

In the Krita age, my child, there was Manu, the lord who bore the rod of punishment. His son, the great archer Prajati, became a king.

Note on the text: Corrected महोष्वासः → महेष्वासः (misprint in Wikisource; not a Sanskrit word; the critical edition has maheṣvāsaḥ). Speaker: Wikisource's heading (Yudhishthira) covers only verse 1; Vyasa's reply follows in the critical edition as well. Wikisource reads मनुर्दण्डिधरः where the critical edition has मनुर्दण्डधरः (kept).

Verse 3 (14.4.3)

प्रजातेरभवत्पुत्रः क्षुत इत्यभिविश्रुतः । क्षुतस्य पुत्र इक्ष्वाकुर्महीपालोऽभवत्प्रभुः ॥

prajāterabhavatputraḥ kṣuta ityabhiviśrutaḥ | kṣutasya putra ikṣvākurmahīpālo'bhavatprabhuḥ

Prajati had a son known as Kshuta, and Kshuta's son was Ikshvaku, who became a lord of the earth.

Note on the text: Wikisource reads क्षुत (twice) where the critical edition has क्षुप; kept as printed.

Verse 4 (14.4.4)

तस्य पुत्रशतं राजन्नासीत्परमधार्मिकम् । तांस्तु सर्वान्महीपालानिक्ष्वाकुरकरोत्प्रभुः ॥

tasya putraśataṃ rājannāsītparamadhārmikam | tāṃstu sarvānmahīpālānikṣvākurakarotprabhuḥ

He had a hundred sons, O king, all exceedingly righteous; and Ikshvaku, the lord, made every one of them a ruler of the earth.

Verse 5 (14.4.5)

तेषां ज्येष्ठस्तु विंशोऽभूत्प्रतिमानं धनुष्मताम् । विंशस्य पुत्रः कल्याणो विविंशो नाम भारत ॥

teṣāṃ jyeṣṭhastu viṃśo'bhūtpratimānaṃ dhanuṣmatām | viṃśasya putraḥ kalyāṇo viviṃśo nāma bhārata

The eldest of them was Vimsha, the model among bowmen. Vimsha's son, the excellent Vivimsha by name, O Bharata,

Verse 6 (14.4.6)

विविंशस्य सुता राजन्बभूवुर्दश पञ्च च । सर्वे धनुषि विक्रान्ता ब्रह्मण्याः सत्यवादिनः ॥

viviṃśasya sutā rājanbabhūvurdaśa pañca ca | sarve dhanuṣi vikrāntā brahmaṇyāḥ satyavādinaḥ

had fifteen sons, O king, all valiant with the bow, devoted to the Brahmins, and truthful in speech,

Verse 7 (14.4.7)

दानधर्मरताः शान्ताः सततं प्रियवादिनः । तेषां ज्येष्ठः खनीनेत्रः स तान्सर्वानपीडयत् ॥

dānadharmaratāḥ śāntāḥ satataṃ priyavādinaḥ | teṣāṃ jyeṣṭhaḥ khanīnetraḥ sa tānsarvānapīḍayat

devoted to giving and to dharma, peaceable, ever pleasant in speech. The eldest of them was Khaninetra, and he oppressed all the others.

Verse 8 (14.4.8)

खनीनेत्रस्तु विक्रान्तो जित्वा राज्यमकण्टकम् । नाशकद्रक्षितुं राज्यं नान्वरज्यन्त तं प्रजाः ॥

khanīnetrastu vikrānto jitvā rājyamakaṇṭakam | nāśakadrakṣituṃ rājyaṃ nānvarajyanta taṃ prajāḥ

Khaninetra, mighty, having won a kingdom free of thorns, could not protect it, and the subjects did not take to him.

Verse 9 (14.4.9)

तमपास्य च तद्राज्ये तस्य पुत्रं सुवर्चसम् । अभ्यषिञ्चन्त राजेन्द्र मुदिता ह्यभवंस्तदा ॥

tamapāsya ca tadrājye tasya putraṃ suvarcasam | abhyaṣiñcanta rājendra muditā hyabhavaṃstadā

Setting him aside from that kingdom, O king of kings, they anointed his son Suvarchas, and they were glad then.

Verse 10 (14.4.10)

स पितुर्विक्रियां दृष्ट्वा राज्यान्निरसनं च तत् । नियतो वर्तयामास प्रजाहितचिकीर्षया ॥

sa piturvikriyāṃ dṛṣṭvā rājyānnirasanaṃ ca tat | niyato vartayāmāsa prajāhitacikīrṣayā

Seeing his father's misconduct and his removal from the kingdom, Suvarchas lived a disciplined life, wishing the welfare of the people.

Verse 11 (14.4.11)

ब्रह्मण्यः सत्यवादी च शुचिः शमदमान्वितः । प्रजास्तं चान्वरज्यन्त धर्मनित्यं मनस्विनम् ॥

brahmaṇyaḥ satyavādī ca śuciḥ śamadamānvitaḥ | prajāstaṃ cānvarajyanta dharmanityaṃ manasvinam

Devoted to the Brahmins, truthful, pure, endowed with tranquillity and self-control, the high-minded king, ever steadfast in dharma, won the love of his subjects.

Verse 12 (14.4.12)

तस्य धर्मप्रवृत्तस्य व्यशीर्यत्कोशवाहनम् । तं क्षीणकोशं सामन्ताः समन्तात्पर्यपीडयन् ॥

tasya dharmapravṛttasya vyaśīryatkośavāhanam | taṃ kṣīṇakośaṃ sāmantāḥ samantātparyapīḍayan

But as he went on in the path of dharma, his treasury and his forces dwindled, and his neighbouring rulers pressed hard upon him from every side, since his treasury was spent.

Verse 13 (14.4.13)

स पीड्यमानो बहुभिः क्षीणकोशाश्ववाहनः । आर्तिमार्च्छत्परां राजा सह भृत्यैः पुरेण च ॥

sa pīḍyamāno bahubhiḥ kṣīṇakośāśvavāhanaḥ | ārtimārcchatparāṃ rājā saha bhṛtyaiḥ pureṇa ca

Oppressed by many, with his treasury drained and his horses and conveyances spent, the king fell into extreme distress, together with his servants and his city.

Verse 14 (14.4.14)

न चैनमभिहन्तुं ते शक्नुवन्ति बलक्षये । सम्यग्वृत्तो हि राजा स धर्मनित्यो युधिष्ठिर ॥

na cainamabhihantuṃ te śaknuvanti balakṣaye | samyagvṛtto hi rājā sa dharmanityo yudhiṣṭhira

Even so, though his strength had dwindled, they could not strike him down; for that king, O Yudhishthira, acted rightly and held ever to dharma.

Verse 15 (14.4.15)

यदा तु परमामार्तिं गतोऽसौ सपुरो नृपः । ततः प्रदध्मौ स करं प्रादुरासीत्ततो बलम् ॥

yadā tu paramāmārtiṃ gato'sau sapuro nṛpaḥ | tataḥ pradadhmau sa karaṃ prādurāsīttato balam

When that king, together with his city, had fallen into the deepest distress, he blew upon his hand, and strength appeared.

Verse 16 (14.4.16)

ततस्तानजयत्सर्वान्प्रातिसीमान्नराधिपान् । एतस्मात्कारणाद्राजन्विश्रुतः स करंधमः ॥

tatastānajayatsarvānprātisīmānnarādhipān | etasmātkāraṇādrājanviśrutaḥ sa karaṃdhamaḥ

Then he conquered all the neighbouring kings. For this reason, O king, he became renowned as Karandhama.

Verse 17 (14.4.17)

आवीक्षित्तस्य पुत्रोऽभूत्त्रेतायुगमुखे पुरा । इन्द्रादनवरः श्रीमान्देवैरपि सुदुर्जयः ॥

āvīkṣittasya putro'bhūttretāyugamukhe purā | indrādanavaraḥ śrīmāndevairapi sudurjayaḥ

Avikshit became his son at the beginning of the Treta age, long ago: glorious, no less than Indra, hard even for the gods to conquer.

Note on the text: No automatic match. First line is Wikisource's variant of CE 14,004.017a (tasya kāraṃdhamaḥ putras tretāyugamukhe 'bhavat; compare the CE star lines 017b*0010_01 and 017b*0011_01); second line = CE 14,004.017c.

Verse 18 (14.4.18)

कारंधम इति ख्यातो बभूव जगतीपतिः । तस्य सर्वे महीपाला वर्तन्ते स्म वशे तदा । स हि सम्राडभूत्तेषां वृत्तेन च बलेन च ॥

kāraṃdhama iti khyāto babhūva jagatīpatiḥ | tasya sarve mahīpālā vartante sma vaśe tadā | sa hi samrāḍabhūtteṣāṃ vṛttena ca balena ca

He became known as Karandhama, lord of the earth. All the kings of the earth were then subject to his will, and he became their emperor by his conduct and his strength.

Note on the text: Removed the backtick and quote marks around the first line. First line = CE star passage 14,004.017b*0011_01 (attached to 017, hence ce_ref 14.4.17); second and third lines = CE 14,004.018a and 018c.

Verse 19 (14.4.19)

अविक्षिन्नाम धर्मात्मा शौर्येणेन्द्रसमोऽभवत् । यज्ञशीलो धर्मरतिर्धृतिमान्संयतेन्द्रियः ॥

avikṣinnāma dharmātmā śauryeṇendrasamo'bhavat | yajñaśīlo dharmaratirdhṛtimānsaṃyatendriyaḥ

There was one named Avikshit, righteous in spirit, the equal of Indra in valour, devoted to sacrifice and to dharma, steadfast, with his senses restrained.

Verse 20 (14.4.20)

तेजसाऽऽदित्यसदृशः क्षमया पृथिवीसमः । बृहस्पतिसमो बुद्ध्या हिमवानिव सुस्थिरः ॥

tejasā''dityasadṛśaḥ kṣamayā pṛthivīsamaḥ | bṛhaspatisamo buddhyā himavāniva susthiraḥ

In splendour like the sun, in patience like the earth, like Brihaspati in intellect, and as steady as the Himalaya.

Verse 21 (14.4.21)

कर्मणा मनसा वाचा दमेन प्रशमेन च । मनांस्याराधयामास प्रजानां स महीपतिः ॥

karmaṇā manasā vācā damena praśamena ca | manāṃsyārādhayāmāsa prajānāṃ sa mahīpatiḥ

By deed, thought and word, by self-control and tranquillity, that lord of the earth won the hearts of his subjects.

Verse 22 (14.4.22)

य ईजे हयमेधानां शतेन विधिवत्प्रभुः । याजयामास यं विद्वान्स्वयमेवाङ्गिराः प्रभुः ॥

ya īje hayamedhānāṃ śatena vidhivatprabhuḥ | yājayāmāsa yaṃ vidvānsvayamevāṅgirāḥ prabhuḥ

That lord performed a hundred horse sacrifices according to the rule, and the learned Angiras himself officiated for him.

Verse 23 (14.4.23)

तस्य पुत्रोऽतिचक्राम पितरं गुणवत्तया । मरुत्तो नाम धर्मज्ञश्चक्रवर्ती महायशाः । नागायुतसमप्राणः साक्षाद्विष्णुरिवापरः ॥

tasya putro'ticakrāma pitaraṃ guṇavattayā | marutto nāma dharmajñaścakravartī mahāyaśāḥ | nāgāyutasamaprāṇaḥ sākṣādviṣṇurivāparaḥ

His son surpassed his father in excellence: Marutta by name, a knower of dharma, a universal emperor of great fame, with the strength of ten thousand elephants, like a second Vishnu himself.

Note on the text: Three lines = CE 14,004.023a, 023c and 024a (Wikisource ends this verse with the first line of the critical edition's verse 024).

Verse 24 (14.4.24)

स यक्ष्यमाणो धर्मात्मा शातकुम्भमयान्युत । कारयामास शुभ्राणि भाजनानि सहस्रशः ॥

sa yakṣyamāṇo dharmātmā śātakumbhamayānyuta | kārayāmāsa śubhrāṇi bhājanāni sahasraśaḥ

Intending to sacrifice, that righteous-souled king had thousands of bright vessels made of gold.

Note on the text: = CE 14,004.024c and 024e (the first line of CE 024 stands at the end of the previous verse).

Verse 25 (14.4.25)

मेरुं पर्वतमासाद्य हिमवत्पार्श्व उत्तरे । काञ्चनः सुमहान्पादस्तत्र कर्म चकार सः ॥

meruṃ parvatamāsādya himavatpārśva uttare | kāñcanaḥ sumahānpādastatra karma cakāra saḥ

Reaching Mount Meru, on the northern side beside the Himalaya, where there was a vast golden mountain-foot, he made his preparations there.

Verse 26 (14.4.26)

ततः कुण्डानि पात्रीश्च पिठराण्यासनानि च । चक्रुः सुवर्णकर्तारो येषां सङ्ख्या न विद्यते ॥

tataḥ kuṇḍāni pātrīśca piṭharāṇyāsanāni ca | cakruḥ suvarṇakartāro yeṣāṃ saṅkhyā na vidyate

Then goldsmiths, beyond counting, made basins, dishes, cauldrons and seats.

Note on the text: Corrected पिठराण्यासंनानि → पिठराण्यासनानि (misprint in Wikisource; आसंनानि is not a Sanskrit word; the critical edition has āsanāni).

Verse 27 (14.4.27)

तस्यैव च समीपे तु यज्ञवाटो बभूव ह । ईजे तत्र स धर्मात्मा विधिवत्पृथिवीपतिः । मरुत्तः सहितैः सर्वैः प्रजापालैर्नराधिपः ॥

tasyaiva ca samīpe tu yajñavāṭo babhūva ha | īje tatra sa dharmātmā vidhivatpṛthivīpatiḥ | maruttaḥ sahitaiḥ sarvaiḥ prajāpālairnarādhipaḥ

Close beside it stood the sacrificial ground. There that righteous-souled lord of the earth, Marutta, ruler of men, sacrificed according to the rule, together with all the guardians of the people.

Note on the text: Corrected विदिवत् → विधिवत् (misprint in Wikisource; not a Sanskrit word; the critical edition has vidhivat).