Arjuna Praises Krishna; Krishna Leaves for Dvaraka

Verse 1 (14.52.1)

ततोऽभ्यनोदयत्कृष्णो युज्यतामिति दारुकम् । मुहूर्तादिव चाचष्ट युक्तमित्येव दारुकः ॥

tato'bhyanodayatkṛṣṇo yujyatāmiti dārukam | muhūrtādiva cācaṣṭa yuktamityeva dārukaḥ

Then Krishna told Daruka to have the chariot yoked, and Daruka, almost at once, reported that it was ready.

Note on the text: Wikisource reads ततोऽभ्यनोदयत् where the critical edition has tato 'bhyacodayat (recension variant, kept).

Verse 2 (14.52.2)

तथैव चानुयात्राणि चोदयामास पाण्डवः । सन्नह्यध्वं प्रयास्यामो नगरं गजसाह्वयम् ॥

tathaiva cānuyātrāṇi codayāmāsa pāṇḍavaḥ | sannahyadhvaṃ prayāsyāmo nagaraṃ gajasāhvayam

The Pandava likewise urged on the retinue: "Make ready; we shall set out for the city of Gajasahvaya."

Note on the text: Corrected नगर → नगरं (misprint in Wikisource; dropped anusvara, the critical edition reads nagaraṃ). Wikisource's सन्नह्यध्वं differs from the critical edition's sajjayadhvaṃ (recension variant, kept).

Verse 3 (14.52.3)

इत्युक्ताः सैनिकास्ते तु सज्जीभूता विशाम्पते । आचख्युः सज्जमित्येवं पार्थायामिततेजसे ॥

ityuktāḥ sainikāste tu sajjībhūtā viśāmpate | ācakhyuḥ sajjamityevaṃ pārthāyāmitatejase

Thus addressed, O lord of men, the soldiers made themselves ready and reported to Partha of boundless splendour, "All is ready."

Verse 4 (14.52.4)

ततस्तौ रथमास्थाय प्रयातौ कृष्णपाण्डवौ । विकुर्वाणौ कथाश्चित्राः प्रीयमाणौ विशाम्पते ॥

tatastau rathamāsthāya prayātau kṛṣṇapāṇḍavau | vikurvāṇau kathāścitrāḥ prīyamāṇau viśāmpate

Then the two, Krishna and the Pandava, mounted the chariot and set out, delighting one another, O lord of men, as they told many wonderful tales.

Note on the text: Corrected कताश्चित्राः → कथाश्चित्राः (misprint in Wikisource; "wonderful tales", the critical edition reads kathāś citrāḥ).

Verse 5 (14.52.5)

रथस्थं तु महातेजा वासुदेवं धनञ्जयः । पुनरेवाब्रवीद्वाक्यमिदं भरतसत्तम ॥

rathasthaṃ tu mahātejā vāsudevaṃ dhanañjayaḥ | punarevābravīdvākyamidaṃ bharatasattama

As Vasudeva sat on the chariot, the greatly radiant Dhananjaya spoke to him once more, O best of the Bharatas, in these words.

Verse 6 (14.52.6)

त्वत्प्रसादाज्जयः प्राप्तो राज्ञा वृष्णिकुलोद्वह । निहताः शत्रवश्चापि प्राप्तं राज्यमकण्टकम् ॥

tvatprasādājjayaḥ prāpto rājñā vṛṣṇikulodvaha | nihatāḥ śatravaścāpi prāptaṃ rājyamakaṇṭakam

By your grace, O scion of the Vrishni line, the king has won the victory; the enemies are slain, and the kingdom is gained, free of thorns.

Note on the text: Corrected ज्यः → जयः (misprint in Wikisource; the critical edition reads jayaḥ). Speaker supplied: Arjuna's direct speech with no printed heading (the only heading is वैशम्पायन उवाच before verse 1; verse 5 announces that Dhananjaya speaks). The input had वैशम्पायन.

Verse 7 (14.52.7)

नाथवन्तश्च भवता पाण्डवा मधुसूदन । भवन्तं प्लवमासाद्य तीर्णाः स्म कुरुसागरम् । भक्तांस्त्वमाश्रितानस्मान्पालयामुत्र चेह च ॥

nāthavantaśca bhavatā pāṇḍavā madhusūdana | bhavantaṃ plavamāsādya tīrṇāḥ sma kurusāgaram | bhaktāṃstvamāśritānasmānpālayāmutra ceha ca

With you as their protector, O Madhusudana, the Pandavas have a lord; taking you for our raft, we have crossed the ocean of the Kurus. Protect us, your devotees who have taken refuge in you, both here and hereafter.

Note on the text: Lines 1–2 = CE 14.51.7a,c; line 3 is the critical edition's star passage 14.51.7d*0094_01 (not in the constituted text). Stray backticks around line 3 removed. Speaker supplied (Arjuna; the input had वैशम्पायन).

Verse 8 (14.52.8)

विश्वकर्मन्नमस्तेऽस्तु विश्वात्मन्विश्वसत्तम । तथा त्वामभिजानामि तथा चाहं भवान्मतः ॥

viśvakarmannamaste'stu viśvātmanviśvasattama | tathā tvāmabhijānāmi tathā cāhaṃ bhavānmataḥ

Salutation to you, maker of the universe, soul of the universe, best of beings. As I know you, so too am I regarded by you.

Note on the text: Wikisource reads विश्वसत्तम / भवान्मतः where the critical edition has viśvasaṃbhava / bhavanmanāḥ (recension variant, kept). Speaker: Arjuna (the input had वैशम्पायन).

Verse 9 (14.52.9)

त्वत्तेजःसम्भवो नित्यं हुताशो मधुसूदन । रतिः क्रीडामयी तुभ्यं माया ते रोदसी विभो ॥

tvattejaḥsambhavo nityaṃ hutāśo madhusūdana | ratiḥ krīḍāmayī tubhyaṃ māyā te rodasī vibho

The fire is ever born of your radiance, O Madhusudana; delight, whose nature is play, is yours; heaven and earth are your Maya, O lord.

Verse 10 (14.52.10)

त्वयि सर्वमिदं विश्वं यदिदं स्थाणु जङ्गमम् । त्वं हि सर्वं विकुरुषे भूतग्रामं चतुर्विधम् ॥

tvayi sarvamidaṃ viśvaṃ yadidaṃ sthāṇu jaṅgamam | tvaṃ hi sarvaṃ vikuruṣe bhūtagrāmaṃ caturvidham

All this universe, whatever is fixed and whatever moves, rests in you; it is you who transform the fourfold host of living beings.

Note on the text: Wikisource reads चतुर्विधम् where the critical edition has sanātanam (recension variant, kept).

Verse 11 (14.52.11)

पृथिवीं चान्तरिक्षं च तथा स्थावरजङ्गमम् । हसितं तेऽमला ज्योत्स्ना ऋतवश्चेन्द्रियाणि ते ॥

pṛthivīṃ cāntarikṣaṃ ca tathā sthāvarajaṅgamam | hasitaṃ te'malā jyotsnā ṛtavaścendriyāṇi te

The earth and the sky, and all that is fixed or moving; your smile is the spotless moonlight, and the seasons and the senses are yours.

Note on the text: Corrected हसिंतं → हसितं (misprint in Wikisource; the critical edition reads hasitaṃ). Second line ends ऋतवश्चेन्द्रियाणि ते where the critical edition has indriyānvayāḥ (recension variant, kept).

Verse 12 (14.52.12)

प्राणो वायुः सततगः क्रोधो मृत्युः सनातनः । प्रसादे चापि पद्मा श्रीर्नित्यं त्वयि महामते ॥

prāṇo vāyuḥ satatagaḥ krodho mṛtyuḥ sanātanaḥ | prasāde cāpi padmā śrīrnityaṃ tvayi mahāmate

Life-breath, the ever-moving wind, anger, and eternal Death are yours; and in your grace the lotus-seated Shri dwells ever in you, O greatly wise one.

Verse 13 (14.52.13)

रतिस्तुष्टिर्धृतिः क्षान्तिर्मतिः कान्तिश्चराचरम् । त्वमेवेह युगान्तेषु निधनं प्रोच्यसेऽनध ॥

ratistuṣṭirdhṛtiḥ kṣāntirmatiḥ kāntiścarācaram | tvameveha yugānteṣu nidhanaṃ procyase'nadha

Delight, contentment, steadiness, forbearance, understanding, splendour, and all that moves and does not move are you; and at the ends of the ages, O sinless one, you alone are called Dissolution.

Note on the text: Wikisource reads कान्तिश्चराचरम् where the critical edition has tvayi cedaṃ carācaram (recension variant, kept).

Verse 14 (14.52.14)

सुदीर्घेणापि कालेन न ते शक्या गुणा मया । आत्मा च परमो वक्तुं नमस्ते नलिनेक्षण ॥

sudīrgheṇāpi kālena na te śakyā guṇā mayā | ātmā ca paramo vaktuṃ namaste nalinekṣaṇa

Even in a very long time I could not tell your qualities, nor of your supreme Self. Salutation to you, lotus-eyed one.

Verse 15 (14.52.15)

विदितो मे सुदुर्धर्ष नारदाद्देवलात्तथा । कृष्णद्वैपायनाच्चेव तथा कुरुपितामहात् ॥

vidito me sudurdharṣa nāradāddevalāttathā | kṛṣṇadvaipāyanācceva tathā kurupitāmahāt

I have come to know you, O unassailable one, from Narada and Devala, from Krishna Dvaipayana, and from the grandsire of the Kurus.

Verse 16 (14.52.16)

त्वयि सर्वं समासक्तं त्वमेवैको जनेश्वरः । यच्चानुग्रहसंयुक्तमेतदुक्तं त्वयाऽनघ ॥

tvayi sarvaṃ samāsaktaṃ tvamevaiko janeśvaraḥ | yaccānugrahasaṃyuktametaduktaṃ tvayā'nagha

Everything rests on you; you alone are the one lord of men. And all that you have said to me, full of kindness, O sinless one,

Verse 17 (14.52.17)

एतत्सर्वमहं सम्यगाचरिष्ये जनार्दन । इदं चाद्भुतमत्यन्तं कृतमस्मत्प्रियेप्सया ॥

etatsarvamahaṃ samyagācariṣye janārdana | idaṃ cādbhutamatyantaṃ kṛtamasmatpriyepsayā

all of that I shall carry out fully, O Janardana. And this was an exceedingly wondrous thing, done by you out of a wish to please us:

Verse 18 (14.52.18)

यत्पापो निहतः सङ्ख्ये कौरव्यो धृतराष्ट्रजः । त्वया दग्धं हि तत्सैन्यं मया विजितमाहवे ॥

yatpāpo nihataḥ saṅkhye kauravyo dhṛtarāṣṭrajaḥ | tvayā dagdhaṃ hi tatsainyaṃ mayā vijitamāhave

that the sinful Kaurava, the son of Dhritarashtra, was slain in battle; for his army was burnt by you, and then conquered by me in the fight.

Verse 19 (14.52.19)

भवता तत्कृतं कर्म येनावाप्तो जयो मया । दुर्योधनस्य सङ्ग्रामे तव बुद्धिपराक्रमैः ॥

bhavatā tatkṛtaṃ karma yenāvāpto jayo mayā | duryodhanasya saṅgrāme tava buddhiparākramaiḥ

That deed was done by you, by which I gained the victory over Duryodhana in the battle, through your wisdom and prowess.

Verse 20 (14.52.20)

कर्णस्य च वधोपायो यथावत्सम्प्रदर्शितः । सैन्धवस्य च पापस्य भूरिश्रवस एव च ॥

karṇasya ca vadhopāyo yathāvatsampradarśitaḥ | saindhavasya ca pāpasya bhūriśravasa eva ca

The way to kill Karna was shown exactly as it was needed, and likewise for the wicked Saindhava and for Bhurishravas.

Verse 21 (14.52.21)

तस्मात्त्वमेव सञ्चिन्त्य हितं कुरु यथा तथा । अहं च प्रीयमाणेन त्वया देवकिनन्दन । यदुक्तस्तत्करिष्यामि न हि मेऽत्र विचारणा ॥

tasmāttvameva sañcintya hitaṃ kuru yathā tathā | ahaṃ ca prīyamāṇena tvayā devakinandana | yaduktastatkariṣyāmi na hi me'tra vicāraṇā

Therefore think it over yourself and do what is best, in whatever way you see fit. And I, O son of Devaki, pleased with you, shall do whatever you say; I have no doubt about it.

Note on the text: Line 1 is the critical edition's star passage 14.51.20d*0096_01 (not in the constituted text); lines 2–3 = CE 14.51.21a,c. Stray backticks and quote mark around line 1 removed. Speaker: Arjuna (the input had वैशम्पायन).

Verse 22 (14.52.22)

राजानं च समासाद्य धर्मात्मानं युधिष्ठिरम् । चोदयिष्यामि धर्मज्ञ गमनार्थं तवानघ ॥

rājānaṃ ca samāsādya dharmātmānaṃ yudhiṣṭhiram | codayiṣyāmi dharmajña gamanārthaṃ tavānagha

And going to the righteous king Yudhishthira, I shall urge him, O knower of dharma, to let you go, O sinless one.

Verse 23 (14.52.23)

आहृतं हि ममैतत्ते द्वारकागमनं प्रभो । अचिरादेव द्रष्टा त्वं मातुलं मे जनार्दन । बलदेवं च दुर्धर्षं तथाऽन्यान्वृष्णिपुङ्गवान् ॥

āhṛtaṃ hi mamaitatte dvārakāgamanaṃ prabho | acirādeva draṣṭā tvaṃ mātulaṃ me janārdana | baladevaṃ ca durdharṣaṃ tathā'nyānvṛṣṇipuṅgavān

This going of yours to Dvaraka has my approval, O lord. Soon you will see my maternal uncle, O Janardana, and the unassailable Baladeva, and the other bulls of the Vrishnis.

Note on the text: Wikisource reads आहृतं where the critical edition has rucitaṃ (recension variant, kept).

Verse 24 (14.52.24)

एवं सम्भाषमाणौ तौ प्राप्तौ वारणसाह्वयम् । तथा विविशतुश्चोभौ सम्प्रहृष्टनराकुलम् ॥

evaṃ sambhāṣamāṇau tau prāptau vāraṇasāhvayam | tathā viviśatuścobhau samprahṛṣṭanarākulam

Conversing thus, the two reached the city called Varanasahvaya (Hastinapura) and entered it, thronged with joyful people.

Verse 25 (14.52.25)

तौ गत्वा धृतराष्ट्रस्य गृहं शक्रगृहोपमम् । ददृशाते महाराज धृतराष्ट्रं जनेश्वरम् ॥

tau gatvā dhṛtarāṣṭrasya gṛhaṃ śakragṛhopamam | dadṛśāte mahārāja dhṛtarāṣṭraṃ janeśvaram

The two went to Dhritarashtra's house, like the house of Shakra, and saw there, O great king, Dhritarashtra, lord of men,

Note on the text: Wikisource printed the two lines in separate rows, both labelled 14-52-25a; they are one verse (CE 14.51.25a,c) and are joined here.

Verse 26 (14.52.26)

विदुरं च महाबुद्धिं राजानं च युधिष्ठिरम् । भीमसेनं च दुर्धर्षं माद्रीपुत्रौ च पाण्डवौ ॥

viduraṃ ca mahābuddhiṃ rājānaṃ ca yudhiṣṭhiram | bhīmasenaṃ ca durdharṣaṃ mādrīputrau ca pāṇḍavau

and Vidura of great intellect, and King Yudhishthira, and the unassailable Bhimasena, and the two sons of Madri, the Pandavas,

Note on the text: Lines = CE 14.51.26a,c.

Verse 27 (14.52.27)

धृतराष्ट्रमुपासीनं युयुत्सुं चापराजितम् । गान्धारीं च महाप्रज्ञां पृथां कृष्णां च भामिनीम् ॥

dhṛtarāṣṭramupāsīnaṃ yuyutsuṃ cāparājitam | gāndhārīṃ ca mahāprajñāṃ pṛthāṃ kṛṣṇāṃ ca bhāminīm

and the unconquered Yuyutsu, seated beside Dhritarashtra; and the greatly wise Gandhari, Pritha, and the lovely Krishna (Draupadi);

Note on the text: Line 1 = CE 14.51.26e; line 2 = CE 14.51.27a. Corrected पृथा → पृथां (misprint in Wikisource; accusative needed after ददृशाते, the critical edition reads pṛthāṃ).

Verse 28 (14.52.28)

सुभद्राद्याश्च ताः सर्वा भरतानां स्त्रियस्तथा । ददृशाते स्त्रियः सर्वा गान्धारीपरिचारिकाः ॥

subhadrādyāśca tāḥ sarvā bharatānāṃ striyastathā | dadṛśāte striyaḥ sarvā gāndhārīparicārikāḥ

and Subhadra and the others, all those women of the Bharata house; they saw all the women who were Gandhari's attendants.

Note on the text: Line 1 = CE 14.51.27c; line 2 is a variant of CE 14.51.27e (dadṛśāte sthitāḥ sarvā gāndhārīṃ parivārya vai), kept.

Verse 29 (14.52.29)

ततः समेत्य राजानं धृतराष्ट्रमरिंदमौ । निवेद्य नामधेये स्वे तस्य पादावगृह्णताम् ॥

tataḥ sametya rājānaṃ dhṛtarāṣṭramariṃdamau | nivedya nāmadheye sve tasya pādāvagṛhṇatām

Then, approaching King Dhritarashtra, the two subduers of foes announced their names and clasped his feet.

Verse 30 (14.52.30)

गान्धार्याश्च पृथायाश्च धर्मराजस्य चैव हि । भीमस्य च महात्मानौ तथा पादावगृह्णताम् ॥

gāndhāryāśca pṛthāyāśca dharmarājasya caiva hi | bhīmasya ca mahātmānau tathā pādāvagṛhṇatām

In the same way the two great-souled ones clasped the feet of Gandhari and of Pritha, of Dharmaraja, and of Bhima.

Verse 31 (14.52.31)

क्षत्तारं चापि सङ्गृह्य पृष्ट्वा कुशलमव्ययम् । परिष्वज्य महात्मानं वेश्यापुत्रं महारथम् । तैः सार्धं नृपतिं वृद्धं ततस्तौ पर्युपासताम् ॥

kṣattāraṃ cāpi saṅgṛhya pṛṣṭvā kuśalamavyayam | pariṣvajya mahātmānaṃ veśyāputraṃ mahāratham | taiḥ sārdhaṃ nṛpatiṃ vṛddhaṃ tatastau paryupāsatām

And having embraced the minister (Vidura) and asked after his unfailing welfare, embracing that great-souled, great warrior, the son of a Vaishya woman, the two then sat attending the aged king together with them.

Note on the text: Line 2 is the critical edition's star passage 14.51.30b*0100_01 (not in the constituted text); lines 1 and 3 = CE 14.51.30a,c (Wikisource reads सङ्गृह्य / ततस्तौ where the critical edition has saṃpūjya / tatas taṃ, recension variants, kept). Stray backticks and quote mark around line 2 removed.

Verse 32 (14.52.32)

ततो निशि महाराजो धृतराष्ट्रः कुरूद्वहान् । जनार्दनं च मेधावी व्यसर्जयत वै गृहान् ॥

tato niśi mahārājo dhṛtarāṣṭraḥ kurūdvahān | janārdanaṃ ca medhāvī vyasarjayata vai gṛhān

Then, at night, the wise great king Dhritarashtra dismissed the Kuru chiefs, and Janardana as well, to their homes.

Verse 33 (14.52.33)

तेऽनुज्ञाता नृपतिना ययुः स्वं स्वं निवेशनम् । धनंजयगृहानेव ययौ कृष्णस्तु वीर्यवान् ॥

te'nujñātā nṛpatinā yayuḥ svaṃ svaṃ niveśanam | dhanaṃjayagṛhāneva yayau kṛṣṇastu vīryavān

Permitted by the king, they went each to his own dwelling; but the mighty Krishna went to Dhananjaya's house.

Verse 34 (14.52.34)

तत्रार्चितो यथान्यायं सर्वकामैरुपस्थितः । कृष्णः सुष्वाप मेधावी धनंजयसहायवान् ॥

tatrārcito yathānyāyaṃ sarvakāmairupasthitaḥ | kṛṣṇaḥ suṣvāpa medhāvī dhanaṃjayasahāyavān

There, honoured as was fitting and offered every desirable thing, the wise Krishna slept, with Dhananjaya as his companion.

Verse 35 (14.52.35)

प्रभातायां तु शर्वर्यां कृत्वा पौर्वाह्णिकीं क्रियाम् । धर्मराजस्य भवनं जग्मतुः परमार्चितौ । यत्रास्ते स सहामात्यो धर्मराजो महाबलः ॥

prabhātāyāṃ tu śarvaryāṃ kṛtvā paurvāhṇikīṃ kriyām | dharmarājasya bhavanaṃ jagmatuḥ paramārcitau | yatrāste sa sahāmātyo dharmarājo mahābalaḥ

When the night had dawned and they had performed the morning rites, the two, highly honoured, went to the house of Dharmaraja, where the mighty Dharmaraja sat with his ministers.

Note on the text: Corrected भनं → भवनं (misprint in Wikisource; the critical edition reads bhavanaṃ). Wikisource's first line (कृत्वा पौर्वाह्णिकीं क्रियाम्) is a variant of the critical edition's kṛtapūrvāhṇikakriyau, kept.

Verse 36 (14.52.36)

तौ प्रविश्य महात्मानौ तद्गृहं परमार्चितम् । धर्मराजं ददृशतुर्देवराजमिवाश्विनौ ॥

tau praviśya mahātmānau tadgṛhaṃ paramārcitam | dharmarājaṃ dadṛśaturdevarājamivāśvinau

Entering that greatly honoured house, the two great-souled ones saw Dharmaraja, as the two Ashvins see Indra, king of the gods.

Note on the text: Not matched by the alignment: a variant of CE 14.51.35 (tatas tau tat praviśyātha dadṛśāte mahābalau / dharmarājānam āsīnaṃ devarājam ivāśvinau); line 2 is close, line 1 is reworded. Kept as printed.

Verse 37 (14.52.37)

समासाद्य तु राजानं वार्ष्णेयकुरुपुङ्गवौ । निषीदतुरनुज्ञातौ प्रीयमाणेन तेन तौ ॥

samāsādya tu rājānaṃ vārṣṇeyakurupuṅgavau | niṣīdaturanujñātau prīyamāṇena tena tau

Having reached the king, those two, the Vrishni and the Kuru bull, sat down, permitted by him, who was pleased with them.

Verse 38 (14.52.38)

ततः स राजा मेधावी विवक्षू प्रेक्ष्य तावुभौ । प्रोवाच वदतां श्रेष्ठो वचनं राजसत्तमः ॥

tataḥ sa rājā medhāvī vivakṣū prekṣya tāvubhau | provāca vadatāṃ śreṣṭho vacanaṃ rājasattamaḥ

Then the wise king, the best of kings and of speakers, seeing that both wished to speak, said to them:

Verse 39 (14.52.39)

विवक्षू हि युवां मन्ये वीरौ यदुकुरूद्वहौ । ब्रूतं कर्तास्मि सर्वं वां नचिरान्मा विचार्यताम् ॥

vivakṣū hi yuvāṃ manye vīrau yadukurūdvahau | brūtaṃ kartāsmi sarvaṃ vāṃ nacirānmā vicāryatām

"I think you two heroes, descendants of Yadu and of Kuru, wish to speak. Tell me, and I shall do everything for you; do not hesitate."

Note on the text: Speaker supplied: Yudhishthira's own words (verse 38 of the page, the previous verse, is narration that he spoke; the input had वैशम्पायन).

Verse 40 (14.52.40)

इत्युक्तः फल्गुनस्तत्र धर्मराजानमब्रवीत् । विनीतवदुपागम्य वाक्यं वाक्यविशारदः ॥

ityuktaḥ phalgunastatra dharmarājānamabravīt | vinītavadupāgamya vākyaṃ vākyaviśāradaḥ

Thus addressed, Phalguna, skilled in speech, humbly approached Dharmaraja and said:

Verse 41 (14.52.41)

अयं चिरोषितो राजन्वासुदेवः प्रतापवान् । भवन्तं समनुज्ञाप्य पितरं द्रष्टुमिच्छति ॥

ayaṃ ciroṣito rājanvāsudevaḥ pratāpavān | bhavantaṃ samanujñāpya pitaraṃ draṣṭumicchati

"This glorious Vasudeva has stayed with us a long time, O king. He wishes to see his father, after taking your leave.

Note on the text: Speaker supplied: Arjuna's words (the input had वैशम्पायन).

Verse 42 (14.52.42)

स गच्छेदभ्यनुज्ञातो भवता यदि मन्यसे । आनर्तनगरीं वीरस्तदनुज्ञातुमर्हसि ॥

sa gacchedabhyanujñāto bhavatā yadi manyase | ānartanagarīṃ vīrastadanujñātumarhasi

Let him go, permitted by you, if you think fit; the hero should be given your leave for the city of Anarta."

Note on the text: Speaker supplied: Arjuna's words (the input had वैशम्पायन).

Verse 43 (14.52.43)

पुण्डरीकाक्ष भद्रं ते गच्छ त्वं मधुसूदन । पुरीं द्वारवतीमद्य द्रष्टुं शूरसुतं प्रभो ॥

puṇḍarīkākṣa bhadraṃ te gaccha tvaṃ madhusūdana | purīṃ dvāravatīmadya draṣṭuṃ śūrasutaṃ prabho

"Lotus-eyed one, may good befall you. Go, Madhusudana, today to the city of Dvaravati to see the son of Shura, O lord.

Note on the text: Corrected मदुसूदन → मधुसूदन (misprint in Wikisource; the critical edition reads madhusūdana).

Verse 44 (14.52.44)

रोचते मे महाबाहो गमनं तव केशव । मातुलश्चिरदृष्टो मे त्वया देवी च देवकी ॥

rocate me mahābāho gamanaṃ tava keśava | mātulaściradṛṣṭo me tvayā devī ca devakī

Your going pleases me, O mighty-armed Keshava. My uncle has long gone unseen by you, as has the goddess Devaki.

Verse 45 (14.52.45)

समेत्य मातुलं गत्वा बलदेवं च मानद । पूजयेथा महाप्राज्ञ मद्वाक्येन यथाऽर्हतः ॥

sametya mātulaṃ gatvā baladevaṃ ca mānada | pūjayethā mahāprājña madvākyena yathā'rhataḥ

Having met my uncle and Baladeva, O giver of honour, worship them as is due on my behalf, O greatly wise one.

Note on the text: Corrected समेत्यि → समेत्य (misprint in Wikisource; stray vowel, the gerund of सम्+इ). Wikisource's line 1 (समेत्य मातुलं गत्वा बलदेवं च मानद) is a recension variant of the critical edition's mātulaṃ vasudevaṃ tvaṃ baladevaṃ ca mādhava, kept.

Verse 46 (14.52.46)

स्मरेथाश्चापि मां नित्यं भीमं च बलिनां वरम् । फाल्गुनं सहदेवं च नकुलं चैव मानद ॥

smarethāścāpi māṃ nityaṃ bhīmaṃ ca balināṃ varam | phālgunaṃ sahadevaṃ ca nakulaṃ caiva mānada

And remember me always, and Bhima, best of the strong, and Phalguna, Sahadeva and Nakula, O giver of honour.

Note on the text: Wikisource's verse differs slightly from CE 14.51.45 in the vocative at the end of line 2 (मानद for mādhava) and in the order of the brothers; a recension variant, kept.

Verse 47 (14.52.47)

आनर्तानवलोक्य त्वं पितरं च महाभुजः । वृष्णींश्च पुनरागच्छेर्हयमेधे ममानघ ॥

ānartānavalokya tvaṃ pitaraṃ ca mahābhujaḥ | vṛṣṇīṃśca punarāgaccherhayamedhe mamānagha

After seeing the Anartas and your father, O mighty-armed one, and the Vrishnis, come back again to my horse sacrifice, O sinless one.

Verse 48 (14.52.48)

स गच्छ रत्नान्यादाय विविधानि वसूनि च । यच्चाप्यन्यन्मनोज्ञं ते तदप्यादत्स्व सात्वत ॥

sa gaccha ratnānyādāya vividhāni vasūni ca | yaccāpyanyanmanojñaṃ te tadapyādatsva sātvata

Go, taking jewels and wealth of many kinds, and whatever else pleases you, take that too, O Satvata.

Note on the text: Corrected यच्चप्यन्यन् → यच्चाप्यन्यन् (misprint in Wikisource; dropped long ā, the critical edition reads yac cāpy anyan).

Verse 49 (14.52.49)

इयं च वसुधा कृत्स्ना प्रसादात्तव केशव । अस्मानुपागता वीर निहताश्चापि शत्रवः ॥

iyaṃ ca vasudhā kṛtsnā prasādāttava keśava | asmānupāgatā vīra nihatāścāpi śatravaḥ

This whole earth has come to us by your grace, O Keshava, and our enemies have been slain, O hero.

Note on the text: Lines = CE 14.51.48a,c.

Verse 50 (14.52.50)

स्वर्गापवर्गविषयं त्वद्भक्तानां न दुर्लभम् । संसारगहने चेद्धपापाग्निप्रशमाम्बुद ॥

svargāpavargaviṣayaṃ tvadbhaktānāṃ na durlabham | saṃsāragahane ceddhapāpāgnipraśamāmbuda

Heaven and final release are not hard to reach for your devotees; and in the dense forest of worldly existence, O cloud that quenches the kindled fire of sin!

Note on the text: Not in the critical edition's constituted text (found in the vulgate recension); the critical edition has a version only as star passage 14.51.48d*0102_01–02 (after 14.51.48): line 1 the same, line 2 reading saṃsāragahane tv adya pāpāgniṃ praśamāmbuda. Wikisource's चेद्धपाप… (च + इद्ध, "and … kindled") is a recension variant, kept. Stray quote mark and double danda before the verse-end mark removed.

Verse 51 (14.52.51)

एवं ब्रुवति कौरव्ये धर्मराजे युधिष्ठिरे । वासुदेवो वरः पुंसामिदं वचनमब्रवीत् ॥

evaṃ bruvati kauravye dharmarāje yudhiṣṭhire | vāsudevo varaḥ puṃsāmidaṃ vacanamabravīt

While Yudhishthira, the Kaurava Dharmaraja, was speaking thus, Vasudeva, best of men, spoke these words.

Note on the text: Speaker: narration (the input had युधिष्ठिर, carried over from the previous verses).

Verse 52 (14.52.52)

तवैव रत्नानि धनं च केवलं । धरा तु कृत्स्ना तु महाभुजाद्य वै । यदस्ति चान्यद्द्रविणं गृहे मम । त्वमेव तस्येश्वर नित्यमीश्वरः ॥

tavaiva ratnāni dhanaṃ ca kevalaṃ | dharā tu kṛtsnā tu mahābhujādya vai | yadasti cānyaddraviṇaṃ gṛhe mama | tvameva tasyeśvara nityamīśvaraḥ

"The jewels and wealth are yours alone, and the whole earth too, O mighty-armed one, today; and whatever other riches there are in my house, you alone are the lord of them, ever the lord."

Note on the text: Four lines as printed on the page (CE 14.51.50 prints the verse as two long lines, 50a and 50c); the page's fourth label is misprinted 14-52-52b for 52d. Speaker: Vasudeva (the input had युधिष्ठिर).

Verse 53 (14.52.53)

तथेत्यथोक्तः प्रतिपूजितस्तदा । गदाग्रजो धर्मसुतेन वीर्यवान् । पितृष्वसारं त्ववदद्यथाविधि । सम्पूजितश्चाप्यगमत्प्रदक्षिणम् ॥

tathetyathoktaḥ pratipūjitastadā | gadāgrajo dharmasutena vīryavān | pitṛṣvasāraṃ tvavadadyathāvidhi | sampūjitaścāpyagamatpradakṣiṇam

Saying "So be it," the mighty elder brother of Gada, honoured in turn by the son of Dharma, duly addressed his father's sister, and being worshipped by her, went round her keeping her to his right.

Note on the text: Speaker: narration (the input had युधिष्ठिर).

Verse 54 (14.52.54)

तया स सम्यक् प्रतिनन्दितस्तत- । स्तथैव सर्वैर्विदुरादिभिस्तथा । विनिर्ययौ नागपुराद्गदाग्रजो । रथेन दिव्येन चतुर्भुजः स्वयम् ॥

tayā sa samyak pratinanditastata- | stathaiva sarvairvidurādibhistathā | viniryayau nāgapurādgadāgrajo | rathena divyena caturbhujaḥ svayam

Duly blessed by her, and likewise by Vidura and all the rest, the elder brother of Gada, himself the four-armed Lord, left Nagapura in a divine chariot.

Note on the text: Wikisource reads चतुर्भुजः स्वयम् where the critical edition has caturyujā hariḥ (recension variant, kept). Speaker: narration (the input had युधिष्ठिर).

Verse 55 (14.52.55)

रथे सुभद्रामधिरोप्य भामिनीं । युधिष्ठिरस्यानुमते जनार्दनः । पितृष्वसुश्चापि तथा महाभुजो । विनिर्ययौ पौरजनाभिसंवृतः ॥

rathe subhadrāmadhiropya bhāminīṃ | yudhiṣṭhirasyānumate janārdanaḥ | pitṛṣvasuścāpi tathā mahābhujo | viniryayau paurajanābhisaṃvṛtaḥ

With the consent of Yudhishthira, and likewise of his father's sister, the mighty-armed Janardana, having set the lovely Subhadra on the chariot, set out, surrounded by the townspeople.

Note on the text: Speaker: narration (the input had युधिष्ठिर).

Verse 56 (14.52.56)

तमन्वयाद्वानरवर्यकेतनः । ससात्यकिर्माद्रवतीसुतावपि । अगाधबुद्धिर्विदुरश्च माधवं । स्वयं च भीमो गजराजविक्रमः ॥

tamanvayādvānaravaryaketanaḥ | sasātyakirmādravatīsutāvapi | agādhabuddhirviduraśca mādhavaṃ | svayaṃ ca bhīmo gajarājavikramaḥ

The one with the banner of the best of monkeys (Arjuna) followed him, with Satyaki and the two sons of Madri; so did Vidura of unfathomable wisdom, and Bhima himself, with the stride of a king of elephants, followed Madhava.

Note on the text: Speaker: narration (the input had युधिष्ठिर).

Verse 57 (14.52.57)

निवर्तयित्वा कुरुराष्ट्रवर्धनां- । स्ततः स सर्वान्विदुरं च वीर्यवान् । जनार्दनो दारुकमाह सत्वरः । प्रचोदयाश्वानिति सात्यकिं तथा ॥

nivartayitvā kururāṣṭravardhanāṃ- | stataḥ sa sarvānviduraṃ ca vīryavān | janārdano dārukamāha satvaraḥ | pracodayāśvāniti sātyakiṃ tathā

Having turned back all of them, the enhancers of the Kuru realm, and Vidura, the mighty Janardana quickly told Daruka, and likewise Satyaki, "Drive the horses on."

Note on the text: Speaker: narration (the input had युधिष्ठिर).

Verse 58 (14.52.58)

ततो ययौ शत्रुगणप्रमर्दनः । शिनिप्रवीरानुगतो जनार्दनः । यथा निहत्यारिगणं शतकतु- । र्दिवं तथाऽऽनर्तपुरीं प्रतापवान् ॥

tato yayau śatrugaṇapramardanaḥ | śinipravīrānugato janārdanaḥ | yathā nihatyārigaṇaṃ śatakatu- | rdivaṃ tathā''nartapurīṃ pratāpavān

Then Janardana, crusher of hosts of foes, followed by the heroic descendant of Shini, went on in his glory to the city of Anarta, as Shatakratu goes to heaven after slaying the hosts of his enemies.

Note on the text: Speaker: narration (the input had युधिष्ठिर).