Samvarta Agrees to Officiate for Marutta

Verse 1 (14.7.1)

कथमस्मि त्वया ज्ञातः केन वा कथितोस्मि ते । एतदाचक्ष्व मे तत्त्वमिच्छसे चेन्मम प्रियम् ॥

kathamasmi tvayā jñātaḥ kena vā kathitosmi te | etadācakṣva me tattvamicchase cenmama priyam

Samvarta said: "How have you come to know me, or who told you of me? Tell me this truly, if you wish to please me.

Verse 2 (14.7.2)

सत्यं ते ब्रुवतः सर्वे सम्पत्स्यन्ते मनोरथाः । मिथ्या च ब्रुवतो मूर्धा शतधा ते स्फुटिष्यति ॥

satyaṃ te bruvataḥ sarve sampatsyante manorathāḥ | mithyā ca bruvato mūrdhā śatadhā te sphuṭiṣyati

If you speak the truth, all your wishes will be fulfilled; if you speak falsely, your head will burst into a hundred pieces."

Verse 3 (14.7.3)

नारदेन भवान्मह्यमाख्यातो ह्यटता पथि । गुरुपुत्रो ममेति त्वं ततो मे प्रीतिरुत्तमा ॥

nāradena bhavānmahyamākhyāto hyaṭatā pathi | guruputro mameti tvaṃ tato me prītiruttamā

Marutta said: "Narada, wandering on the road, told me of you, saying you are the son of my teacher. That is why my joy is the greatest."

Verse 4 (14.7.4)

सत्यमेतद्भवानाह स मां जानाति सत्रिणम् । कथयस्व तदेतन्मे क्वनु सम्प्रति नारदः ॥

satyametadbhavānāha sa māṃ jānāti satriṇam | kathayasva tadetanme kvanu samprati nāradaḥ

Samvarta said: "What you say is true; he does know me, hidden as I am in a feigned guise. Now tell me this: where is Narada at present?"

Verse 5 (14.7.5)

भवन्तं कथयित्वा तु मम देवर्षिसत्तमः । ततो मामभ्यनुज्ञाय प्रविष्टो हव्यवाहनम् ॥

bhavantaṃ kathayitvā tu mama devarṣisattamaḥ | tato māmabhyanujñāya praviṣṭo havyavāhanam

Marutta said: "After telling me about you, that best of the divine sages gave me leave to go and entered the fire."

Note on the text: Speaker heading printed as मरुत; corrected to मरुत्त (Marutta).

Verse 6 (14.7.6)

श्रुत्वा तु पार्थिवस्यैतत्संवर्तः प्रमुदं गतः । एतावदहमप्येवं शक्नुयामिति सोऽब्रवीत् ॥

śrutvā tu pārthivasyaitatsaṃvartaḥ pramudaṃ gataḥ | etāvadahamapyevaṃ śaknuyāmiti so'bravīt

Vyasa said: On hearing this from the king, Samvarta was filled with delight. "I too could do as much," he said.

Note on the text: Corrected पार्थिवस्यैत् → पार्थिवस्यैतत् (misprint in Wikisource; dropped final त of एतत्; the critical edition reads pārthivasyaitat).

Verse 7 (14.7.7)

ततो मरुत्तमुन्मत्तो वाचा निर्भर्त्सयन्निव । रूक्षया ब्राह्मणो राजन्पुनः पुनरथाब्रवीत् ॥

tato maruttamunmatto vācā nirbhartsayanniva | rūkṣayā brāhmaṇo rājanpunaḥ punarathābravīt

Then, O king, the brahmin, behaving like a madman, spoke to Marutta again and again in harsh words, as if rebuking him.

Note on the text: Corrected ब्राह्मणि → ब्राह्मणो (misprint in Wikisource; the nominative is required, since the brahmin is the speaker; the critical edition reads brāhmaṇo).

Verse 8 (14.7.8)

वातप्रधानेन मया स्वचित्तवशवर्तिना । एवं विकृतरूपेण कथं याजितुमिच्छसि ॥

vātapradhānena mayā svacittavaśavartinā | evaṃ vikṛtarūpeṇa kathaṃ yājitumicchasi

"I am ruled by the wind-humour and bound to the whims of my own mind, and my form is distorted like this. How can you wish me to officiate for you?

Note on the text: Speaker supplied: Samvarta's direct speech with no printed heading (the last heading is Vyasa's).

Verse 9 (14.7.9)

भ्राता मम समर्थश्च वासवेन च सङ्गतः । वर्तते याजने चैव तेन कर्माणि कारय ॥

bhrātā mama samarthaśca vāsavena ca saṅgataḥ | vartate yājane caiva tena karmāṇi kāraya

My brother is capable, is on terms of friendship with Vasava, and is engaged in conducting sacrifices. Have your rites performed by him.

Note on the text: Speaker supplied: Samvarta's direct speech with no printed heading (the last heading is Vyasa's).

Verse 10 (14.7.10)

गार्हस्थ्यं चैव याज्याश्च सर्वा गृह्याश्च देवताः । पूर्वजेन ममाक्षिप्तं शरीरं वर्जितं त्विदम् ॥

gārhasthyaṃ caiva yājyāśca sarvā gṛhyāśca devatāḥ | pūrvajena mamākṣiptaṃ śarīraṃ varjitaṃ tvidam

My elder brother has taken from me my householdership, my patrons and all the household deities; only this body has been left to me.

Note on the text: Speaker supplied: Samvarta's direct speech with no printed heading (the last heading is Vyasa's).

Verse 11 (14.7.11)

नाहं तेनाननुज्ञातस्त्वामाविक्षित कर्हिचित् । याजयेयं कथंचिद्वै स हि पूज्यतमो मम ॥

nāhaṃ tenānanujñātastvāmāvikṣita karhicit | yājayeyaṃ kathaṃcidvai sa hi pūjyatamo mama

Without his leave, O son of Avikshit, I could never in any way officiate for you, for he is the most venerable of all to me.

Note on the text: Speaker supplied: Samvarta's direct speech with no printed heading (the last heading is Vyasa's).

Verse 12 (14.7.12)

स त्वं बृहस्पतिं गच्छ तमनुज्ञाप्य चाव्रज । ततोऽहं याजयिष्ये त्वां यदि यष्टुमिहेच्छसि ॥

sa tvaṃ bṛhaspatiṃ gaccha tamanujñāpya cāvraja | tato'haṃ yājayiṣye tvāṃ yadi yaṣṭumihecchasi

So go to Brihaspati, and come back to me after winning his leave. Then I shall officiate for you, if you wish to sacrifice here."

Note on the text: Corrected गच्च → गच्छ (misprint in Wikisource; च for छ; the critical edition reads gaccha). Speaker supplied: Samvarta's direct speech with no printed heading (the last heading is Vyasa's).

Verse 13 (14.7.13)

बृहस्पतिं गतः पूर्वमहं संवर्त तच्छृणु । न मां कामयते याज्यं मुनिर्वासववारितः ॥

bṛhaspatiṃ gataḥ pūrvamahaṃ saṃvarta tacchṛṇu | na māṃ kāmayate yājyaṃ munirvāsavavāritaḥ

Marutta said: "I went to Brihaspati first, Samvarta; hear what happened. The sage does not wish to take me as his patron, for Vasava has held him back.

Note on the text: Corrected संवर्ते तच्छृणु → संवर्त तच्छृणु (misprint in Wikisource; vocative needed (Marutta addresses Samvarta); the critical edition reads saṃvarta tac chṛṇu).

Verse 14 (14.7.14)

अमरं याज्यमासाद्य याजयिष्ये न मानुषम् । शक्रेण प्रतिषिद्धोऽहं मरुत्तं मा स्म याजये ॥

amaraṃ yājyamāsādya yājayiṣye na mānuṣam | śakreṇa pratiṣiddho'haṃ maruttaṃ mā sma yājaye

'Having taken an immortal as my patron, I shall not officiate for a mortal man. I am forbidden by Shakra: Do not officiate for Marutta.'

Note on the text: Wikisource's two lines are a recension variant of the critical edition's verse 14.7.14, which the automatic alignment did not match (CE: amaraṃ yājyam āsādya mām ṛṣe mā sma mānuṣam / yājayethā maruttaṃ tvaṃ martyadharmāṇam āturam); the first line differs in wording and the second line is entirely different.

Verse 15 (14.7.15)

स्पर्धते हि मया विप्र सदा हि स तु पार्थिवः । एवमस्त्विति चाप्युक्तो भ्रात्रा ते बलसूदनः ॥

spardhate hi mayā vipra sadā hi sa tu pārthivaḥ | evamastviti cāpyukto bhrātrā te balasūdanaḥ

'For that king, O brahmin, is ever my rival'—so it was said, and your brother answered the slayer of Bala, 'Let it be so.'

Verse 16 (14.7.16)

स मामधिगतं प्रेम्णा याज्यत्वे न बुभूषति । देवराजं समाश्रित्य तद्विद्धि मुनिपुङ्गव ॥

sa māmadhigataṃ premṇā yājyatve na bubhūṣati | devarājaṃ samāśritya tadviddhi munipuṅgava

So, though I came to him in affection, he does not wish to accept me as his patron, having taken refuge in the king of the gods. Know this, best of sages.

Verse 17 (14.7.17)

सोहमिच्छामि भवता सर्वस्वेनापि याजितुम् । कामये समतिक्रान्तुं वासवं त्वत्कृतैर्गुणैः ॥

sohamicchāmi bhavatā sarvasvenāpi yājitum | kāmaye samatikrāntuṃ vāsavaṃ tvatkṛtairguṇaiḥ

Therefore I wish to have you officiate for me, even at the cost of all I possess. By the merit you will bring about, I desire to rise above Vasava.

Verse 18 (14.7.18)

न हि मे वर्तते बुद्धिर्गन्तुं ब्रह्मन्बृहस्पतिम् । प्रत्याख्यातो हि तेनास्मि तथाऽनपकृते सति ॥

na hi me vartate buddhirgantuṃ brahmanbṛhaspatim | pratyākhyāto hi tenāsmi tathā'napakṛte sati

My mind is no longer inclined to go to Brihaspati, brahmin, for he rejected me although I had done him no wrong."

Verse 19 (14.7.19)

चिकीर्षसि यथाकामं सर्वमेतत्त्वयि ध्रुवम् । यदि सर्वानभिप्रायान्कर्तासि मम पार्थिव ॥

cikīrṣasi yathākāmaṃ sarvametattvayi dhruvam | yadi sarvānabhiprāyānkartāsi mama pārthiva

Samvarta said: "You want to do as you please; all this rests with you alone, provided you carry out all my intentions, O king.

Verse 20 (14.7.20)

याज्यमानं मया हि त्वां बृहस्पतिपुरन्दरौ । द्विषेतां समभिक्रुद्धावेतदेकं समर्थये ॥

yājyamānaṃ mayā hi tvāṃ bṛhaspatipurandarau | dviṣetāṃ samabhikruddhāvetadekaṃ samarthaye

If I officiate for you, Brihaspati and Purandara will both be furious and turn against you. This is the one point I press on you.

Note on the text: Corrected पुंरदरौ → पुरन्दरौ (misprint in Wikisource; anusvara misplaced; the critical edition reads puraṃdarau).

Verse 21 (14.7.21)

स्थैर्यमत्र कथं मे स्यात्स त्वं निःसंशयं कुरु । कुपितस्त्वां न हीदानीं भस्म कुर्या सबान्धवम् ॥

sthairyamatra kathaṃ me syātsa tvaṃ niḥsaṃśayaṃ kuru | kupitastvāṃ na hīdānīṃ bhasma kuryā sabāndhavam

How can I be sure of your steadiness in this? So make it certain beyond all doubt; for if I were angered, I would here and now reduce you to ashes together with your kinsmen."

Note on the text: Corrected सवान्धवम् → सबान्धवम् (misprint in Wikisource; ब for व; the critical edition reads sabāndhavam).

Verse 22 (14.7.22)

यावत्तपेत्सहस्रांशुस्तिष्ठेरंश्चापि पर्वताः । तावल्लोकान्न लभेयं त्यजेयं सङ्गतं यदि ॥

yāvattapetsahasrāṃśustiṣṭheraṃścāpi parvatāḥ | tāvallokānna labheyaṃ tyajeyaṃ saṅgataṃ yadi

Marutta said: "As long as the thousand-rayed sun shines and the mountains stand, may I not attain the worlds if I break our bond.

Verse 23 (14.7.23)

मा चापि शुभबुद्धित्वं लभेयमिह कर्हिचित् । विषयैः सङ्गतं चास्तु त्यजेयं सङ्गतं यदि ॥

mā cāpi śubhabuddhitvaṃ labheyamiha karhicit | viṣayaiḥ saṅgataṃ cāstu tyajeyaṃ saṅgataṃ yadi

May I never gain a good understanding in this world, and may I remain bound to the objects of the senses, if I break our bond."

Verse 24 (14.7.24)

आविक्षित शुभा बुद्धिर्वर्ततां तव कर्मसु । याजनं हि ममाप्येव वर्तते हृदि पार्थिव ॥

āvikṣita śubhā buddhirvartatāṃ tava karmasu | yājanaṃ hi mamāpyeva vartate hṛdi pārthiva

Samvarta said: "O son of Avikshit, may a good mind be yours in your undertakings; for the wish to officiate for you lives in my heart too, O king.

Verse 25 (14.7.25)

अभिधास्ये च ते राजन्नक्षयं द्रव्यमुत्तमम् । येन देवान्सगन्धर्वाञ्शक्रं चाभिभविष्यसि ॥

abhidhāsye ca te rājannakṣayaṃ dravyamuttamam | yena devānsagandharvāñśakraṃ cābhibhaviṣyasi

And I shall tell you, O king, of an excellent and imperishable treasure, by which you will overcome the gods, the gandharvas, and Shakra as well.

Note on the text: Corrected अभिधास्ते → अभिधास्ये (misprint in Wikisource; first-person future required, the speaker being Samvarta; the critical edition has saṃvidhāsye here). Corrected सग्धर्वाञ् → सगन्धर्वाञ् (misprint in Wikisource; dropped न of the conjunct; the critical edition reads sagandharvāñ).

Verse 26 (14.7.26)

न तु मे वर्तते बुद्धिर्धने याज्येषु वा पुनः । विप्रियं तु करिष्यामि भ्रातुश्चेन्द्रस्य चोभयोः ॥

na tu me vartate buddhirdhane yājyeṣu vā punaḥ | vipriyaṃ tu kariṣyāmi bhrātuścendrasya cobhayoḥ

But my mind is not set on wealth, nor on patrons. Yet I shall do what displeases both my brother and Indra.

Note on the text: Corrected चोभयो → चोभयोः (misprint in Wikisource; dropped visarga of the genitive dual; the critical edition reads cobhayoḥ).

Verse 27 (14.7.27)

गमयिष्यामि शक्रेण समतामपि ते ध्रुवम् । प्रियं च ते करिष्यामि सत्यमेतद्ब्रवीमि ते ॥

gamayiṣyāmi śakreṇa samatāmapi te dhruvam | priyaṃ ca te kariṣyāmi satyametadbravīmi te

I shall surely raise you to equality with Shakra, and I shall do what is dear to you. This I tell you truly."