Ulupi Revives Arjuna with the Jewel

Verse 1 (14.81.1)

प्रायोपविष्टे नृपतौ मणिपूरेश्वरे तदा । पितृशोकसमाविष्टे सह मात्रा परंतप ॥

prāyopaviṣṭe nṛpatau maṇipūreśvare tadā | pitṛśokasamāviṣṭe saha mātrā paraṃtapa

When the king, the lord of Manipura, was sitting in the fast unto death together with his mother, overcome with grief for his father, O scorcher of foes,

Verse 2 (14.81.2)

उलूपी चिन्तयामास तदा संजीवनं मणिम् । स चोपातिष्ठत तदा पन्नगानां परायणम् ॥

ulūpī cintayāmāsa tadā saṃjīvanaṃ maṇim | sa copātiṣṭhata tadā pannagānāṃ parāyaṇam

Ulupi then thought of the life-restoring jewel, the refuge of the serpents, and it appeared before her at once.

Verse 3 (14.81.3)

तं गृहीत्वा तु कौरव्य नागराजपतेः सुता । मनःप्रह्लादनीं वाचं सैनिकानामथाब्रवीत् ॥

taṃ gṛhītvā tu kauravya nāgarājapateḥ sutā | manaḥprahlādanīṃ vācaṃ sainikānāmathābravīt

Taking it, O Kauravya, the daughter of the lord of serpents spoke to the soldiers words that gladdened the heart.

Verse 4 (14.81.4)

उत्तिष्ठ मा शुचः पुत्र नैव जिष्णुस्त्वया हतः । अजेयः पुरुषैरेष तथा देवैः सवासवैः ॥

uttiṣṭha mā śucaḥ putra naiva jiṣṇustvayā hataḥ | ajeyaḥ puruṣaireṣa tathā devaiḥ savāsavaiḥ

"Rise, my son, do not grieve; Jishnu has not been slain by you. He cannot be conquered by men, nor even by the gods together with Vasava.

Verse 5 (14.81.5)

मया तु मोहनी नाम मायैषा सम्प्रदर्शिता । प्रियार्थं पुरुषेन्द्रस्य पितुस्तेऽद्य यशस्विनः ॥

mayā tu mohanī nāma māyaiṣā sampradarśitā | priyārthaṃ puruṣendrasya pituste'dya yaśasvinaḥ

This illusion, named Mohini, the bewildering, was shown by me today to please your father, the illustrious lord of men.

Verse 6 (14.81.6)

जिज्ञासुर्ह्येष पुत्रस्य बलस्य तव कौरव । सङ्ग्रामे युद्ध्यतो राजन्नागतः परवीरहा ॥

jijñāsurhyeṣa putrasya balasya tava kaurava | saṅgrāme yuddhyato rājannāgataḥ paravīrahā

This slayer of enemy heroes had come desiring to test the strength of his son, O Kaurava, as you fought in battle, O king.

Verse 7 (14.81.7)

तस्मादसि मया पुत्र युद्धाय परिचोदितः । मा पापमात्मनः पुत्र शङ्केथा ह्यण्वपि प्रभो ॥

tasmādasi mayā putra yuddhāya paricoditaḥ | mā pāpamātmanaḥ putra śaṅkethā hyaṇvapi prabho

That is why I urged you to fight, my son. Do not suspect any sin in yourself, not even the slightest, O lord.

Verse 8 (14.81.8)

ऋषिरेष महानात्मा पुराणः शाश्वतोऽक्षरः । नैनं शक्तो हि सङ्ग्रामे जेतुं शक्रोऽपि पुत्रक ॥

ṛṣireṣa mahānātmā purāṇaḥ śāśvato'kṣaraḥ | nainaṃ śakto hi saṅgrāme jetuṃ śakro'pi putraka

This is a rishi, a great soul, ancient, eternal, imperishable. Not even Shakra can conquer him in battle, my child.

Verse 9 (14.81.9)

अयं तु मे मणिर्दिव्यः समानीतो विशांपते । मृतान्मृतान्पन्नगेन्द्रान्यो जीवयति नित्यदा ॥

ayaṃ tu me maṇirdivyaḥ samānīto viśāṃpate | mṛtānmṛtānpannagendrānyo jīvayati nityadā

And here, O lord of men, is my divine jewel, which I have brought; it revives the lords of the serpents each time they die.

Verse 10 (14.81.10)

एनमस्योरसि त्वं च स्थापयस्व पितुः प्रभो । संजीवितं तदा पार्थं स त्वं द्रष्टासि पाण्डवम् ॥

enamasyorasi tvaṃ ca sthāpayasva pituḥ prabho | saṃjīvitaṃ tadā pārthaṃ sa tvaṃ draṣṭāsi pāṇḍavam

Place it on your father's chest, O lord; then you will see Partha, the Pandava, restored to life."

Verse 11 (14.81.11)

इत्युक्तः स्थापयामास तस्योरसि मणिं तदा । पार्थस्यामिततेजाः स पितुः स्नेहादपापकृत् ॥

ityuktaḥ sthāpayāmāsa tasyorasi maṇiṃ tadā | pārthasyāmitatejāḥ sa pituḥ snehādapāpakṛt

Thus told, he of boundless splendour, who had done no wrong, placed the jewel on Partha's chest, out of love for his father.

Verse 12 (14.81.12)

तस्मिन्न्यस्ते मणौ वीरो जिष्णुरुज्जीवितः प्रभुः । चिरसुप्त इवोत्तस्थौ मृष्टलोहितलोचनः ॥

tasminnyaste maṇau vīro jiṣṇurujjīvitaḥ prabhuḥ | cirasupta ivottasthau mṛṣṭalohitalocanaḥ

When the jewel was placed, the heroic lord Jishnu came back to life; he rose as if from a long sleep, wiping his reddened eyes.

Note on the text: Corrected चिरसुप्त हवोत्तस्थौ → चिरसुप्त इवोत्तस्थौ (misprint in Wikisource; हवो is not a word; "iva", "as if", is required, and the critical edition reads "suptotthita ivottasthau").

Verse 13 (14.81.13)

तमुत्थितं महात्मानं लब्धसंज्ञं मनस्विनम् । समीक्ष्य पितरं स्वस्थं ववन्दे बभ्रुवाहनः ॥

tamutthitaṃ mahātmānaṃ labdhasaṃjñaṃ manasvinam | samīkṣya pitaraṃ svasthaṃ vavande babhruvāhanaḥ

Seeing that great-souled, wise man risen, his consciousness regained and well again, Babhruvahana bowed to his father.

Verse 14 (14.81.14)

उत्थिते पुरुषव्याघ्रे पुनर्लक्ष्मीवति प्रभो । दिव्याः सुमनसः पुण्या ववृषे पाकशासनः ॥

utthite puruṣavyāghre punarlakṣmīvati prabho | divyāḥ sumanasaḥ puṇyā vavṛṣe pākaśāsanaḥ

When the tiger among men had risen, his splendour restored, O lord, Indra, the punisher of Paka, rained down pure divine flowers.

Verse 15 (14.81.15)

अनाहता दुन्दुभयो विनेदुर्मघनिःस्वनाः । साधुसाध्विति चाकाशे बभूव सुमहान्स्वनः ॥

anāhatā dundubhayo vinedurmaghaniḥsvanāḥ | sādhusādhviti cākāśe babhūva sumahānsvanaḥ

Unstruck drums sounded with a noise like thunder-clouds, and a great cry of "Well done, well done!" rose in the sky.

Verse 16 (14.81.16)

उत्थाय च महाबाहुः पर्याश्वस्तो धनंजयः । बभ्रुवाहनमालिङ्ग्य समाजिघ्रत मूर्धनि ॥

utthāya ca mahābāhuḥ paryāśvasto dhanaṃjayaḥ | babhruvāhanamāliṅgya samājighrata mūrdhani

The mighty-armed Dhananjaya rose, quite refreshed, embraced Babhruvahana and kissed him on the head.

Verse 17 (14.81.17)

ददर्श चापि दूरेऽस्य मातरं शोककर्शिताम् । उलूप्या सह तिष्ठन्तीं ततोऽपृच्छद्धनंजयः ॥

dadarśa cāpi dūre'sya mātaraṃ śokakarśitām | ulūpyā saha tiṣṭhantīṃ tato'pṛcchaddhanaṃjayaḥ

He also saw, at some distance from him, the boy's mother, wasted with grief, standing with Ulupi; and Dhananjaya then asked:

Verse 18 (14.81.18)

किमिदं लक्ष्यते सर्वं शोकविस्मयहर्षवत् । रणाजिरममित्रघ्न यदि जानासि शंस मे ॥

kimidaṃ lakṣyate sarvaṃ śokavismayaharṣavat | raṇājiramamitraghna yadi jānāsi śaṃsa me

"Why does all this on the battlefield appear steeped in grief, wonder and joy? O destroyer of foes, if you know, tell me.

Verse 19 (14.81.19)

जननी च किमर्थं ते रणभूमिमुपागता । नागेन्द्रदुहिता चेयमुलूपी किमिहागता ॥

jananī ca kimarthaṃ te raṇabhūmimupāgatā | nāgendraduhitā ceyamulūpī kimihāgatā

And why has your mother come to the battlefield? And why has Ulupi, this daughter of the serpent-king, come here?

Verse 20 (14.81.20)

जानाम्यहमिदं युद्धं त्वया मद्वचनात्कृतम् । स्त्रीणामागमने हेतुमहमिच्छामि वेदितुम् ॥

jānāmyahamidaṃ yuddhaṃ tvayā madvacanātkṛtam | strīṇāmāgamane hetumahamicchāmi veditum

I know that you fought this battle at my word. I wish to learn the reason for the women's coming."

Verse 21 (14.81.21)

तमुवाच तथा पृष्टो मणिपूरपतिस्तदा । प्रसाद्य शिरसा विद्वानुलूपी पृच्छ्यतामिति ॥

tamuvāca tathā pṛṣṭo maṇipūrapatistadā | prasādya śirasā vidvānulūpī pṛcchyatāmiti

Asked thus, the wise lord of Manipura then bowed his head in reverence and said to him, "Ulupi should be asked."