Abhimanyu Routs the Kauravas; Alambusha Fights the Sons of Draupadi

Verse 1 (6.100.1)

अभिमन्यू रथोदारः पिशङ्गैस्तुरगोत्तमैः । अभिदुद्राव तेजस्वी दुर्योधनबलं महत् ॥

abhimanyū rathodāraḥ piśaṅgaisturagottamaiḥ | abhidudrāva tejasvī duryodhanabalaṃ mahat

Abhimanyu, that noble chariot-warrior, full of fire, charged Duryodhana's great host behind his fine tawny horses,

Note on the text: Adhyaya note: checked against the raw Wikisource page (a table, rows 6-100-1 to 6-100-54 under one सञ्जय उवाच heading, ending with its colophon naming this the 100th adhyaya, on the ninth day of battle). Page and input agree on all 54 verses; together they correspond to the critical edition 6.96.1–51 with its star passage 6.96.50f*0388. The critical edition's star passages 6.96.30b*0385, 6.96.41d*0386 and 6.96.50b*0387 are not on the page. This verse is the critical edition's 6.96.1ab–cd; from here to verse 3 Wikisource divides its three-line verses 6.96.1–2 into couplets.

Verse 2 (6.100.2)

विकिरञ्शरवर्षाणि वारिधारा इवाम्बुदः । न शेकुः समरे क्रुद्धं सौभद्रमरिसूदनम् ॥

vikirañśaravarṣāṇi vāridhārā ivāmbudaḥ | na śekuḥ samare kruddhaṃ saubhadramarisūdanam

scattering showers of arrows as a cloud pours down streams of rain. The enraged son of Subhadra, slayer of foes,

Note on the text: Line 1 is the critical edition's 6.96.1ef; line 2 is 6.96.2ab.

Verse 3 (6.100.3)

शस्त्रौघिणं गाहमानं सेनासागरमक्षयम् । निवारयितुमप्याजौ त्वदीयाः कुरुनन्दन ॥

śastraughiṇaṃ gāhamānaṃ senāsāgaramakṣayam | nivārayitumapyājau tvadīyāḥ kurunandana

plunged with his flood of weapons into the boundless ocean of the army, and your men, O joy of the Kurus, could not even hold him back in the fight.

Note on the text: The critical edition's 6.96.2cd–ef (कुरुनन्दन for kurupuṃgavāḥ).

Verse 4 (6.100.4)

तेन मुक्ता रणे राजञ्शराः शत्रुनिबर्हणाः । क्षत्रियाननयञ्शूरान्प्रेतराजनिवेशनम् ॥

tena muktā raṇe rājañśarāḥ śatrunibarhaṇāḥ | kṣatriyānanayañśūrānpretarājaniveśanam

The foe-destroying arrows he loosed in battle, O king, carried brave kshatriyas to the abode of the king of the dead.

Verse 5 (6.100.5)

यमदण्डोपमान्घोराञ्ज्वलिताशीविषोपमान् । सौभद्रः समरे क्रुद्धः प्रेषयामास सायकान् ॥

yamadaṇḍopamānghorāñjvalitāśīviṣopamān | saubhadraḥ samare kruddhaḥ preṣayāmāsa sāyakān

Enraged in battle, the son of Subhadra sent forth terrible shafts like Yama's rod, like blazing venomous serpents.

Verse 6 (6.100.6)

सरथान्रथिनस्तूर्णं हयांश्चैव ससादिनः । गजारोहांश्च सगजान्दारयामास फाल्गुनिः ॥

sarathānrathinastūrṇaṃ hayāṃścaiva sasādinaḥ | gajārohāṃśca sagajāndārayāmāsa phālguniḥ

Swiftly Arjuna's son tore apart chariot-warriors with their chariots, horsemen with their horses, and elephant-riders with their elephants.

Note on the text: A variant of the critical edition's 6.96.5 (rathinaṃ ca rathāt tūrṇaṃ hayapṛṣṭhāc ca sādinam / … pātayām āsa phālguniḥ), which the automatic alignment missed; kept.

Verse 7 (6.100.7)

तस्य तत्कुर्वतः कर्म महत्सङ्ख्ये महीभृतः । पूजयांचक्रिरे हृष्टाः प्रशशंसुश्च फाल्गुनिम् ॥

tasya tatkurvataḥ karma mahatsaṅkhye mahībhṛtaḥ | pūjayāṃcakrire hṛṣṭāḥ praśaśaṃsuśca phālgunim

As he did this great deed in battle, the kings were delighted; they honoured Arjuna's son and praised him.

Verse 8 (6.100.8)

तान्यनीकानि सौभद्रो द्रावयामास भारत । तूलराशीनिवाकाशे मारुतः सर्वतो दिशम् ॥

tānyanīkāni saubhadro drāvayāmāsa bhārata | tūlarāśīnivākāśe mārutaḥ sarvato diśam

The son of Subhadra put those divisions to flight, O Bharata, as the wind scatters heaps of cotton through the sky in every direction.

Note on the text: द्रावयामास भारत / तूलराशीनिवाकाशे (CE drāvayan bahv aśobhata / tūlarāśim ivādhūya) kept as a variant.

Verse 9 (6.100.9)

तेन विद्राव्यमाणानि तव सैन्यानि भारत । त्रातारं नाध्यगच्छन्त पङ्के मग्ना इव द्विपाः ॥

tena vidrāvyamāṇāni tava sainyāni bhārata | trātāraṃ nādhyagacchanta paṅke magnā iva dvipāḥ

Routed by him, your troops, O Bharata, found no protector, like elephants sunk in mud.

Note on the text: Corrected त्रतारं → त्रातारं (misprint in Wikisource; dropped vowel sign ा), पङ्क्ते → पङ्के (misprint; a stray त्, पङ्क्ते being no form of either पङ्क 'mud' or पङ्क्ति) and द्वीपाः → द्विपाः (misprint; long ई turns 'elephants' into 'islands'). The critical edition reads trātāraṃ, paṅke, dvipāḥ.

Verse 10 (6.100.10)

विद्राव्य सर्वसैन्यानि तावकानि नरोत्तम । अभिमन्युः स्थितो राजन्विधूमोऽग्निरिव ज्वलन् ॥

vidrāvya sarvasainyāni tāvakāni narottama | abhimanyuḥ sthito rājanvidhūmo'gniriva jvalan

Having routed all your troops, best of men, Abhimanyu stood blazing, O king, like a smokeless fire.

Verse 11 (6.100.11)

न चैनं तावका राजन्विषेहुररिघातिनम् । प्रदीप्तं पावकं यद्वत्पतङ्गाः कालचोदिताः ॥

na cainaṃ tāvakā rājanviṣehurarighātinam | pradīptaṃ pāvakaṃ yadvatpataṅgāḥ kālacoditāḥ

Your men could not withstand that slayer of foes, O king, any more than moths driven by fate can withstand a blazing fire.

Verse 12 (6.100.12)

प्रहरन्सर्वशत्रुभ्यः पाण्डवानां महारथः । अदृश्यत महेष्वासः सवज्र इव वासवः ॥

praharansarvaśatrubhyaḥ pāṇḍavānāṃ mahārathaḥ | adṛśyata maheṣvāsaḥ savajra iva vāsavaḥ

Striking at all his foes, that great archer, a mighty chariot-warrior of the Pandavas, looked like Vasava with his thunderbolt.

Verse 13 (6.100.13)

हेमपृष्ठं धनुश्चास्य ददृशे विचरद्दिशः । तोयदेषु यथा राजन्राजमाना शतह्रदा ॥

hemapṛṣṭhaṃ dhanuścāsya dadṛśe vicaraddiśaḥ | toyadeṣu yathā rājanrājamānā śatahradā

His gold-backed bow was seen ranging through the quarters, O king, like lightning flashing among the clouds.

Verse 14 (6.100.14)

शराश्च निशिताः पीता निश्चरन्ति स्म संयुगे । वनात्फुल्लद्रुमाद्राजन्भ्रमराणामिव व्रजाः ॥

śarāśca niśitāḥ pītā niścaranti sma saṃyuge | vanātphulladrumādrājanbhramarāṇāmiva vrajāḥ

Sharp, gleaming yellow arrows flew from it in the battle, O king, like swarms of bees from a forest of flowering trees.

Verse 15 (6.100.15)

तथैव चरतस्तस्य सौभद्रस्य महात्मनः । रथेन काञ्चनाङ्गेन ददृशुर्नान्तरं जनाः ॥

tathaiva caratastasya saubhadrasya mahātmanaḥ | rathena kāñcanāṅgena dadṛśurnāntaraṃ janāḥ

As the great-souled son of Subhadra ranged about thus in his gold-adorned chariot, people could find no opening in him.

Note on the text: काञ्चनाङ्गेन (CE meghaghoṣeṇa) kept as a variant.

Verse 16 (6.100.16)

मोहयित्वा कृपं द्रोणं द्रौणिं च सबृहद्बलम् । सैन्धवं च महेष्वासो व्यचरल्लघु सुष्ठु च ॥

mohayitvā kṛpaṃ droṇaṃ drauṇiṃ ca sabṛhadbalam | saindhavaṃ ca maheṣvāso vyacarallaghu suṣṭhu ca

Bewildering Kripa, Drona, Drona's son, Brihadbala and the great archer, the king of Sindhu, he moved about swiftly and gracefully.

Verse 17 (6.100.17)

मण्डलीकृतमेवास्य धनुः पश्याम भारत । सूर्यमण्डलसंकाशं दहतस्तव वाहिनीम् ॥

maṇḍalīkṛtamevāsya dhanuḥ paśyāma bhārata | sūryamaṇḍalasaṃkāśaṃ dahatastava vāhinīm

We saw his bow always drawn into a circle, O Bharata, like the disc of the sun, as he burned up your army.

Verse 18 (6.100.18)

तं दृष्ट्वा क्षत्रियाः शूराः प्रतपन्तं तरस्विनम् । द्विफल्गुनमिमं लोकं मेनिरे तस्य कर्मभिः ॥

taṃ dṛṣṭvā kṣatriyāḥ śūrāḥ pratapantaṃ tarasvinam | dviphalgunamimaṃ lokaṃ menire tasya karmabhiḥ

Seeing that mighty one blaze so, the heroic kshatriyas judged from his deeds that this world held two Phalgunas.

Note on the text: Corrected शुराः → शूराः (misprint in Wikisource; short उ for ऊ, critical edition śūrāḥ).

Verse 19 (6.100.19)

तेनार्दिता महाराज भारती सा महाचमूः । व्यभ्रमत्तत्रतत्रैव योषिन्मदवशादिव ॥

tenārditā mahārāja bhāratī sā mahācamūḥ | vyabhramattatratatraiva yoṣinmadavaśādiva

Harried by him, great king, that great Bharata host reeled about here and there like a woman overcome by drink.

Verse 20 (6.100.20)

द्रावयित्वा महासैन्यं कम्पयित्वा महारथान् । नन्दयामास सुहृदो मयं जित्वेव वासवः ॥

drāvayitvā mahāsainyaṃ kampayitvā mahārathān | nandayāmāsa suhṛdo mayaṃ jitveva vāsavaḥ

Putting the great army to flight and making great chariot-warriors tremble, he gladdened his friends, as Vasava did when he had conquered Maya.

Verse 21 (6.100.21)

तेन विद्राव्यमाणानि तव सैन्यानि संयुगे । चक्रुरार्तस्वनं घोरं पर्जन्यनिनदोपमम् ॥

tena vidrāvyamāṇāni tava sainyāni saṃyuge | cakrurārtasvanaṃ ghoraṃ parjanyaninadopamam

Routed by him in the battle, your troops raised a terrible cry of distress like the rumbling of rain clouds.

Note on the text: Corrected निद्राव्यमाणानि → विद्राव्यमाणानि (misprint in Wikisource; न for व, cf. verse 9; critical edition vidrāvyamāṇāni).

Verse 22 (6.100.22)

तं श्रुत्वा निनदं घोरं तव सैन्यस्य भारत । मारुतोद्धूतवेगस्य सागरस्येव पर्वणि ॥

taṃ śrutvā ninadaṃ ghoraṃ tava sainyasya bhārata | mārutoddhūtavegasya sāgarasyeva parvaṇi

Hearing that terrible cry of your army, O Bharata, like the roar of the ocean at the turn of the moon, its surge whipped up by the wind,

Note on the text: The critical edition's 6.96.21ab–cd (भारत, सागरस्येव for māriṣa, samudrasyeva). From here to verse 27 Wikisource divides the critical edition's 6.96.21–25 into couplets.

Verse 23 (6.100.23)

दुर्योधनस्तदा राजन्नार्श्यशृङ्गिमभाषत । एष कार्ष्णिर्महाबाहो द्वितीय इव फल्गुनः ॥

duryodhanastadā rājannārśyaśṛṅgimabhāṣata | eṣa kārṣṇirmahābāho dvitīya iva phalgunaḥ

Duryodhana then, O king, spoke to the son of Rishyashringa: "This son of Arjuna, mighty-armed one, is like a second Phalguna;

Note on the text: Line 1 is the critical edition's 6.96.21ef (राजन्नार्श्य- for rājā ārśya-); line 2 is 6.96.22ab (महाबाहो for maheṣvāso). Duryodhana's speech to Alambusha (the son of Rishyashringa, as the page's footnote explains) begins with line 2 and ends with the first line of verse 26.

Verse 24 (6.100.24)

चमूं द्रावयते क्रोधाद्वृत्रो देवचमूमिव । तस्य नान्यत्र पश्यामि संयुगे भेषजं महत् ॥

camūṃ drāvayate krodhādvṛtro devacamūmiva | tasya nānyatra paśyāmi saṃyuge bheṣajaṃ mahat

in his anger he routs our host as Vritra routed the army of the gods. I see no great remedy against him in battle anywhere else

Note on the text: Corrected चान्यत्र → नान्यत्र (misprint in Wikisource; च for न drops the negative that ऋते त्वां 'except you' in the next verse requires; critical edition nānyaṃ prapaśyāmi). Line 1 is the critical edition's 6.96.22cd; line 2 is 6.96.23ab. Speaker: Duryodhana, unheaded on the page.

Verse 25 (6.100.25)

ऋते त्वां राक्षसश्रेष्ठं सर्वविद्यासु पारगम् । स गत्वा त्वरितं वीरं जहि सौभद्रमाहवे ॥

ṛte tvāṃ rākṣasaśreṣṭhaṃ sarvavidyāsu pāragam | sa gatvā tvaritaṃ vīraṃ jahi saubhadramāhave

except you, best of rakshasas, who have mastered every kind of knowledge. Go quickly and slay that hero, the son of Subhadra, in battle.

Note on the text: Line 1 is the critical edition's 6.96.23cd; line 2 is 6.96.24ab. Speaker: Duryodhana, as above.

Verse 26 (6.100.26)

वयं पार्थं हनिष्यामो भीष्मद्रोणपुरोगमाः । स एवमुक्तो बलवान्राक्षसेन्द्रः प्रतापवान् ॥

vayaṃ pārthaṃ haniṣyāmo bhīṣmadroṇapurogamāḥ | sa evamukto balavānrākṣasendraḥ pratāpavān

We, with Bhishma and Drona at our head, will kill Partha." Thus addressed, the mighty and valorous lord of the rakshasas

Note on the text: Line 1 is the critical edition's 6.96.24cd (पार्थं, पुरोगमाः for pārthān, puraḥsarāḥ), the end of Duryodhana's speech; line 2 is 6.96.25ab.

Verse 27 (6.100.27)

प्रययौ समरे तूर्णं तव पुत्रस्य शासनात् । नर्दमानो महानादं प्रावृषीव बलाहकः ॥

prayayau samare tūrṇaṃ tava putrasya śāsanāt | nardamāno mahānādaṃ prāvṛṣīva balāhakaḥ

went swiftly into battle at your son's command, roaring a great roar like a rain cloud in the monsoon.

Note on the text: The critical edition's 6.96.25cd–ef.

Verse 28 (6.100.28)

तस्य शब्देन महता पाण्डवानां बलं महत् । प्राचलत्सर्वतो राजन्वातोद्धूत इवार्णवः ॥

tasya śabdena mahatā pāṇḍavānāṃ balaṃ mahat | prācalatsarvato rājanvātoddhūta ivārṇavaḥ

At his great roar the great army of the Pandavas surged in every direction, O king, like the sea tossed by the wind.

Verse 29 (6.100.29)

बहवश्च महाराज तस्य नादेन भीषिताः । प्रियान्प्राणान्परित्यज्य निपेतुर्धरणीतले ॥

bahavaśca mahārāja tasya nādena bhīṣitāḥ | priyānprāṇānparityajya nipeturdharaṇītale

Many, great king, terrified by his roar, gave up their dear lives and fell to the ground.

Verse 30 (6.100.30)

कार्ष्णिश्चापि मुदा युक्तः प्रगृह्य सशरं धनुः । नृत्यन्निव रथोपस्थे तद्रक्षः समुपाद्रवत् ॥

kārṣṇiścāpi mudā yuktaḥ pragṛhya saśaraṃ dhanuḥ | nṛtyanniva rathopasthe tadrakṣaḥ samupādravat

But Arjuna's son, full of joy, took up his bow with an arrow set to it and, as though dancing on the floor of his chariot, charged that rakshasa.

Verse 31 (6.100.31)

ततः स राक्षसः क्रुद्धः संप्राप्यैवार्जुनिं रणे । नातिदूरे स्थितां तस्य द्रावयामास वै चमूम् ॥

tataḥ sa rākṣasaḥ kruddhaḥ saṃprāpyaivārjuniṃ raṇe | nātidūre sthitāṃ tasya drāvayāmāsa vai camūm

Then the angry rakshasa, coming up against Arjuna's son in battle, routed the army stationed not far from him.

Note on the text: Corrected संप्राप्यैवार्जुनं → संप्राप्यैवार्जुनिं (misprint in Wikisource; a dropped vowel sign ि turns 'Arjuna's son', whom the rakshasa was sent against and is now facing, into Arjuna himself; critical edition saṃprāpyaivārjuniṃ).

Verse 32 (6.100.32)

तां वध्यमानां च तथा पाण्डवानां महाचमूम् । प्रत्युद्ययौ रणे रक्षो देवसेनां यथा बलः ॥

tāṃ vadhyamānāṃ ca tathā pāṇḍavānāṃ mahācamūm | pratyudyayau raṇe rakṣo devasenāṃ yathā balaḥ

Against that great army of the Pandavas, slaughtered thus, the rakshasa advanced in battle as Bala advanced against the army of the gods.

Note on the text: Corrected प्रत्यद्ययौ → प्रत्युद्ययौ (misprint in Wikisource; the vowel sign ु of उद् dropped; critical edition pratyudyayau). Wikisource makes the rakshasa the subject (तां … महाचमूम् … रक्षो … यथा बलः) where the critical edition makes the army advance against him (sā … mahācamūḥ … devasenā yathā balim); kept.

Verse 33 (6.100.33)

विमर्दः सुमहानासीत्तस्य सैन्यस्य मारिष । रक्षसा घोररूपेण वध्यमानस्य संयुगे ॥

vimardaḥ sumahānāsīttasya sainyasya māriṣa | rakṣasā ghorarūpeṇa vadhyamānasya saṃyuge

There was a very great crush in that army, sir, as it was slaughtered in battle by the fearsome rakshasa.

Verse 34 (6.100.34)

ततः शरसहस्रैस्तां पाण्डवानां महाचमूम् । व्यद्रावयद्रणे रक्षो दर्शयत्स्वपराक्रमम् ॥

tataḥ śarasahasraistāṃ pāṇḍavānāṃ mahācamūm | vyadrāvayadraṇe rakṣo darśayatsvaparākramam

Then with thousands of arrows the rakshasa routed that great Pandava host in battle, displaying his own prowess.

Note on the text: Corrected शरसहस्त्रैस् → शरसहस्रैस् (misprint in Wikisource; स्त्र for स्र) and दर्शयतत्स्वपराक्रमम् → दर्शयत्स्वपराक्रमम् (misprint; a doubled त gives a non-word and a nine-syllable quarter; दर्शयत् is the participle agreeing with रक्षः; critical edition darśayad vai parākramam).

Verse 35 (6.100.35)

सा वध्यमाना च तथा पाण्डवानामनीकिनी । रक्षसा घोररूपेण प्रदुद्राव रणे भयात् ॥

sā vadhyamānā ca tathā pāṇḍavānāmanīkinī | rakṣasā ghorarūpeṇa pradudrāva raṇe bhayāt

Slaughtered thus by the fearsome rakshasa, the Pandava host fled from the battle in fear.

Verse 36 (6.100.36)

प्रमृद्य च रणे सेनां पद्मिनीं वारणो यथा । ततोऽभिदुद्राव रणे द्रौपदेयान्महाबलान् ॥

pramṛdya ca raṇe senāṃ padminīṃ vāraṇo yathā | tato'bhidudrāva raṇe draupadeyānmahābalān

Having crushed the army in battle as an elephant crushes a lotus pond, he then rushed in battle at the mighty sons of Draupadi.

Note on the text: Corrected अभिद्रद्राव → अभिदुद्राव (misprint in Wikisource; द्र for दु, cf. verse 1's अभिदुद्राव; critical edition abhidudrāva).

Verse 37 (6.100.37)

ते तु क्रुद्धा महेष्वासा द्रौपदेयाः प्रहारिणः । राक्षसं दुद्रुवुः सङ्ख्ये ग्रहाः पञ्च रविं यथा ॥

te tu kruddhā maheṣvāsā draupadeyāḥ prahāriṇaḥ | rākṣasaṃ dudruvuḥ saṅkhye grahāḥ pañca raviṃ yathā

But the sons of Draupadi, great archers and hard hitters, rushed in anger at the rakshasa in the battle, as five planets rush at the sun.

Verse 38 (6.100.38)

वीर्यवद्भिस्ततस्तैस्तु पीडितो राक्षसोत्तमः । यथा युगक्षये घोरे चन्द्रमाः पञ्चभिर्ग्रहैः ॥

vīryavadbhistatastaistu pīḍito rākṣasottamaḥ | yathā yugakṣaye ghore candramāḥ pañcabhirgrahaiḥ

Harried by those valiant warriors, the best of rakshasas was like the moon beset by the five planets at the dreadful end of an age.

Verse 39 (6.100.39)

प्रतिविन्ध्यस्ततो रक्षो बिभेद निशितैः शरैः । सर्वपारशवैस्तूर्णमकुण्ठाग्रैर्महाबलः ॥

prativindhyastato rakṣo bibheda niśitaiḥ śaraiḥ | sarvapāraśavaistūrṇamakuṇṭhāgrairmahābalaḥ

Then mighty Prativindhya swiftly pierced the rakshasa with sharp arrows made wholly of iron, their points unblunted.

Verse 40 (6.100.40)

स तैर्भिन्नतनुत्राणः शुशुभे राक्षसोत्तमः । मरीचिभिरिवार्कस्य संस्यूतो जलदो महान् ॥

sa tairbhinnatanutrāṇaḥ śuśubhe rākṣasottamaḥ | marīcibhirivārkasya saṃsyūto jalado mahān

His armour pierced by them, the best of rakshasas shone like a great cloud threaded with the rays of the sun.

Verse 41 (6.100.41)

विषक्तैः सशरैश्चापि तपनीयपरिच्छदैः । आर्श्यशृङ्गिर्बभौ राजन्दीप्तशृङ्ग इवाचलः ॥

viṣaktaiḥ saśaraiścāpi tapanīyaparicchadaiḥ | ārśyaśṛṅgirbabhau rājandīptaśṛṅga ivācalaḥ

With the gold-fitted arrows sticking in him, the son of Rishyashringa shone, O king, like a mountain with blazing peaks.

Verse 42 (6.100.42)

ततस्ते भ्रातरः पञ्च राक्षसेन्द्रं महाहवे । विव्यधुर्निशितैर्बाणैस्तपनीयविभूषितैः ॥

tataste bhrātaraḥ pañca rākṣasendraṃ mahāhave | vivyadhurniśitairbāṇaistapanīyavibhūṣitaiḥ

Then the five brothers pierced the lord of the rakshasas in that great battle with sharp arrows adorned with gold.

Verse 43 (6.100.43)

स निर्भिन्नः शरैर्घोरैर्भुजगैः कोपितैरिव । अलम्बुसो भृशं राजन्नागेन्द्र इव चुक्रुधे ॥

sa nirbhinnaḥ śarairghorairbhujagaiḥ kopitairiva | alambuso bhṛśaṃ rājannāgendra iva cukrudhe

Pierced by those terrible arrows, which were like angry serpents, Alambusha grew furious, O king, like a lord of serpents.

Verse 44 (6.100.44)

सोऽतिविद्धो महाराज मुहूर्तमथ मारिष । प्रविवेश तमो दीर्घं पीडितस्तैर्महारथैः ॥

so'tividdho mahārāja muhūrtamatha māriṣa | praviveśa tamo dīrghaṃ pīḍitastairmahārathaiḥ

Deeply pierced, great king, and hard pressed by those great chariot-warriors, he sank, sir, for a while into a long darkness.

Verse 45 (6.100.45)

प्रतिलभ्य ततः संज्ञां क्रोधेन द्विगुणीकृतः । चिच्छेद सायकैस्तेषां ध्वजांश्चैव धनूंषि च ॥

pratilabhya tataḥ saṃjñāṃ krodhena dviguṇīkṛtaḥ | ciccheda sāyakaisteṣāṃ dhvajāṃścaiva dhanūṃṣi ca

Regaining consciousness, his fury doubled, he cut down their standards and their bows with his arrows.

Verse 46 (6.100.46)

एकैकं पञ्चभिर्बाणैराजघान स्मयन्निव । अलम्बुसो रथोपस्थे नृत्यन्निव महारथः ॥

ekaikaṃ pañcabhirbāṇairājaghāna smayanniva | alambuso rathopasthe nṛtyanniva mahārathaḥ

Smiling, as it were, the great chariot-warrior Alambusha struck each of them with five arrows, as though dancing on the floor of his chariot.

Note on the text: पञ्चभिः 'five' (CE tribhiḥ 'three') kept as a variant.

Verse 47 (6.100.47)

त्वरमाणः सुसंबद्धो हयांस्तेषां महात्मनाम् । जघान राक्षसः क्रुद्धः सारथींश्च सहस्रशः ॥

tvaramāṇaḥ susaṃbaddho hayāṃsteṣāṃ mahātmanām | jaghāna rākṣasaḥ kruddhaḥ sārathīṃśca sahasraśaḥ

Swiftly, girt for the fight, the enraged rakshasa killed the horses of those great-souled warriors, and charioteers by the thousand.

Note on the text: सुसंबद्धो and सहस्रशः (CE ca saṃkruddho, mahābalaḥ) kept as variants.

Verse 48 (6.100.48)

बिभेद च सुसंरब्धः पुनश्चैनान्सुसंशितैः । शरैर्बहुविधाकारैः शतशोऽथ सहस्रशः ॥

bibheda ca susaṃrabdhaḥ punaścainānsusaṃśitaiḥ | śarairbahuvidhākāraiḥ śataśo'tha sahasraśaḥ

And in his fury he pierced them again with well-sharpened arrows of many kinds, by the hundred and by the thousand.

Note on the text: Corrected सुतांशितैः → सुसंशितैः (misprint in Wikisource; सुतांशितैः is not a word; critical edition susaṃśitaiḥ, 'well sharpened'). सुसंरब्धः (CE susaṃhṛṣṭaḥ) kept.

Verse 49 (6.100.49)

विरथांश्च महेष्वासान्कृत्वा तत्र स राक्षसः । अभिदुद्राव वेगेन हन्तुकामो निशाचरः ॥

virathāṃśca maheṣvāsānkṛtvā tatra sa rākṣasaḥ | abhidudrāva vegena hantukāmo niśācaraḥ

Having made those great archers chariotless, the rakshasa, the night-ranger, rushed at them with speed, eager to kill.

Verse 50 (6.100.50)

तानर्दितान्रणे तेन राक्षसेन दुरात्मना । दृष्ट्वाऽर्जुनसुतः सङ्ख्ये राक्षसं समुपाद्रवत् ॥

tānarditānraṇe tena rākṣasena durātmanā | dṛṣṭvā'rjunasutaḥ saṅkhye rākṣasaṃ samupādravat

Seeing them hard pressed in battle by that evil-souled rakshasa, Arjuna's son rushed at the rakshasa in the fight.

Verse 51 (6.100.51)

तयोः समभवद्युद्धं वृत्रवासवयोरिव । ददृशुस्तावकाः सर्वे पाण्डवाश्च परस्परम् ॥

tayoḥ samabhavadyuddhaṃ vṛtravāsavayoriva | dadṛśustāvakāḥ sarve pāṇḍavāśca parasparam

Between the two there was a battle like that of Vritra and Vasava; all your men and the Pandavas, facing one another, watched it.

Verse 52 (6.100.52)

तौ समेतौ महायुद्धे क्रोधदीप्तौ परस्परम् । महाबलौ महाराज क्रोधसंरक्तलोचनौ ॥

tau sametau mahāyuddhe krodhadīptau parasparam | mahābalau mahārāja krodhasaṃraktalocanau

The two met in that great fight, blazing with anger at each other, both of great strength, great king, their eyes red with fury.

Note on the text: The critical edition's 6.96.50ab and cd, which the automatic alignment missed; its star passage 6.96.50b*0387, which comes between them, is not on the page.

Verse 53 (6.100.53)

परस्परमवेक्षेतां कालानलसमौ युधि । आशीविषाविव क्रुद्धौ नेत्राभ्यामितरेतरम् । तयोः समागमो घोरो बभूव कटुकोदयः ॥

parasparamavekṣetāṃ kālānalasamau yudhi | āśīviṣāviva kruddhau netrābhyāmitaretaram | tayoḥ samāgamo ghoro babhūva kaṭukodayaḥ

Like the fire of Time in battle, they glared at each other, eyeing each other like angry venomous snakes. Their encounter was fierce and bitter in its outcome,

Note on the text: Removed a backtick and a closing quote mark (with a stray danda) around line 2 (the page's sign for an interpolated line). Line 1 is the critical edition's 6.96.50ef; line 2 is not in its constituted text (vulgate) but is its star passage 6.96.50f*0388; line 3 is 6.96.51ab.

Verse 54 (6.100.54)

यथा देवासुरे युद्धे शक्रशम्बरयोः पुरा ॥

yathā devāsure yuddhe śakraśambarayoḥ purā

like that of Shakra and Shambara long ago in the war of the gods and asuras.

Note on the text: A single line, as the page prints it (6-100-54a, with its own verse-end mark): the critical edition's 6.96.51cd (पुरा for iva). Nothing is lost; the page's verse 53 holds three lines.