Krishna Runs at Bhishma Whip in Hand

Verse 1 (6.106.1)

ततः पिता तव क्रुद्धो निशितैः सायकोत्तमैः । आजघान रणे पार्थान्सहसेनान्समन्ततः ॥

tataḥ pitā tava kruddho niśitaiḥ sāyakottamaiḥ | ājaghāna raṇe pārthānsahasenānsamantataḥ

Then your father, enraged, struck the Parthas and their troops on every side in the battle with sharp and excellent arrows.

Note on the text: Adhyaya note: checked against the raw Wikisource page (a table, one row per verse, 6-106-1 to 6-106-84f, with headings सञ्जय उवाच before verse 1, श्रीभगवानुवाच before verse 32, and सञ्जय उवाच before verses 36, 39 and 65). This adhyaya is the critical edition's 6.102 (the ninth day; Krishna runs at Bhishma whip in hand). Speeches without a printed heading that fill whole verses are given to their speakers: Arjuna (37–38, 69–72) and Bhishma (62–64). The page's backticked lines (verse 11 line 1, verse 73 line 2) are printed as text, with the backticks and quote marks removed. Row 84f printed only the last quarter of its verse; the lost quarter is restored from the critical edition (see verse 84).

Verse 2 (6.106.2)

भीमं द्वादशभिर्विद्ध्वा सात्यकिं नवभिः शरैः । नकुलं च त्रिभिर्विद्ध्वा सहदेवं च सप्तभिः ॥

bhīmaṃ dvādaśabhirviddhvā sātyakiṃ navabhiḥ śaraiḥ | nakulaṃ ca tribhirviddhvā sahadevaṃ ca saptabhiḥ

He pierced Bhima with twelve arrows and Satyaki with nine; he pierced Nakula with three and Sahadeva with seven;

Verse 3 (6.106.3)

युधिष्ठिरं द्वादशभिर्बाह्वोरुरसि चार्पयत् । धृष्टद्युम्नं ततो विद्ध्वा ननाद सुमहाबलः ॥

yudhiṣṭhiraṃ dvādaśabhirbāhvorurasi cārpayat | dhṛṣṭadyumnaṃ tato viddhvā nanāda sumahābalaḥ

he planted twelve in Yudhishthira's arms and chest; and then, having pierced Dhrishtadyumna, that mighty warrior roared aloud.

Verse 4 (6.106.4)

तं द्वादशाख्यैर्नकुलो माधवश्च त्रिभिः शरैः । धृष्टद्युम्नश्च सप्तत्या भीमसेनश्च सप्तभिः । युधिष्ठिरो द्वादशभिः प्रत्यविध्यत्पितामहम् ॥

taṃ dvādaśākhyairnakulo mādhavaśca tribhiḥ śaraiḥ | dhṛṣṭadyumnaśca saptatyā bhīmasenaśca saptabhiḥ | yudhiṣṭhiro dvādaśabhiḥ pratyavidhyatpitāmaham

In return Nakula pierced the grandsire with twelve arrows, Satyaki (Madhava) with three, Dhrishtadyumna with seventy, Bhimasena with seven and Yudhishthira with twelve.

Note on the text: द्वादशाख्यैः (critical edition dvādaśārdhaiḥ, 'with six') kept as printed and read as 'twelve'. भीमसेनश्च सप्तभिः for bhīmasenaś ca pañcabhiḥ kept as a variant.

Verse 5 (6.106.5)

द्रोणस्तु सात्यकिं विद्ध्वा भीमसेनमविध्यत । एकैकं पञ्चभिर्बाणैर्यमदण्डोपमैः शितैः ॥

droṇastu sātyakiṃ viddhvā bhīmasenamavidhyata | ekaikaṃ pañcabhirbāṇairyamadaṇḍopamaiḥ śitaiḥ

Drona pierced Satyaki and then Bhimasena, each with five sharp arrows like the rod of Yama.

Verse 6 (6.106.6)

तौ च तं प्रत्यविध्येतां त्रिभिस्त्रिभिरजिह्मगैः । तोत्रैरिव महानागं द्रोणं ब्राह्मणपुङ्गवम् ॥

tau ca taṃ pratyavidhyetāṃ tribhistribhirajihmagaiḥ | totrairiva mahānāgaṃ droṇaṃ brāhmaṇapuṅgavam

The two of them pierced Drona, that bull among brahmins, in return, each with three straight-flying arrows, as men prod a great elephant with goads.

Verse 7 (6.106.7)

सौवीराः कितवाः प्राच्याः प्रतीच्योदीच्यमालवाः । अभीषाहाः शूरसेनाः शिबयोऽथ वसातयः । संग्रामे नाजहुर्भीष्मं वध्यमानाः शितैः शरैः ॥

sauvīrāḥ kitavāḥ prācyāḥ pratīcyodīcyamālavāḥ | abhīṣāhāḥ śūrasenāḥ śibayo'tha vasātayaḥ | saṃgrāme nājahurbhīṣmaṃ vadhyamānāḥ śitaiḥ śaraiḥ

The Sauviras, the Kitavas, the Easterners, the Westerners, the Northerners and the Malavas, the Abhishahas, the Shurasenas, the Shibis and the Vasatis did not desert Bhishma in the battle, though they were being cut down by sharp arrows.

Note on the text: Corrected सौवीरा कितवाः → सौवीराः कितवाः (misprint in Wikisource; the visarga is lost before क, critical edition sauvīrāḥ kitavāḥ) and संग्रमे → संग्रामे (misprint in Wikisource; a dropped vowel sign, critical edition saṃgrāme).

Verse 8 (6.106.8)

तथैवान्ये महीपाला नानादेशसमागताः । पाण्डवानभ्यवर्तन्त विविधायुधपाणयः । तथैव पाण्डवा राजन्परिवव्रुः पितामहम् ॥

tathaivānye mahīpālā nānādeśasamāgatāḥ | pāṇḍavānabhyavartanta vividhāyudhapāṇayaḥ | tathaiva pāṇḍavā rājanparivavruḥ pitāmaham

Likewise other kings, gathered from many lands and bearing weapons of every kind, advanced against the Pandavas; and in the same way, O king, the Pandavas surrounded the grandsire.

Note on the text: Line 1 (तथैवान्ये महीपाला नानादेशसमागताः) differs from the critical edition's 6.102.8ab (tathaivānye vadhyamānāḥ pāṇḍaveyair mahātmabhiḥ); kept as a recension variant.

Verse 9 (6.106.9)

स समन्तात्परिवृतो रथौघैरपराजितः । गहनेऽग्निरिवोत्सृष्टः प्रजज्वाल दहन्परान् ॥

sa samantātparivṛto rathaughairaparājitaḥ | gahane'gnirivotsṛṣṭaḥ prajajvāla dahanparān

Hemmed in on every side by masses of chariots, the unconquered warrior blazed up, burning his enemies, like a fire let loose in a thicket.

Verse 10 (6.106.10)

रथाग्न्यगारश्चापार्चिरसिशक्तिगजेन्धनः । शरस्फुलिङ्गो भीष्माग्निर्ददाह क्षत्रियर्षभान् ॥

rathāgnyagāraścāpārcirasiśaktigajendhanaḥ | śarasphuliṅgo bhīṣmāgnirdadāha kṣatriyarṣabhān

The fire that was Bhishma, with the chariot for its hearth, the bow for its flame, swords, spears and elephants for its fuel and arrows for its sparks, burned up the bulls among kshatriyas.

Verse 11 (6.106.11)

यथा हि सुमहानग्निः कक्षे चरति सानिलः । तथा भीष्मो महाराज दिव्यमस्त्रमुदीरयन् ॥

yathā hi sumahānagniḥ kakṣe carati sānilaḥ | tathā bhīṣmo mahārāja divyamastramudīrayan

As a great fire, fanned by the wind, sweeps through dry brush, so Bhishma, great king, invoking celestial weapons,

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.102.10d*0409. Removed the backtick and quote mark the page prints around line 1. Corrected चरसि → चरति (misprint in Wikisource; second person for third, critical edition carati).

Verse 12 (6.106.12)

सुवर्णपुङ्खैरिषुभिर्गार्ध्रपक्षैः सुतेजनैः । कर्णिनालीकनाराचैश्छादयामास तद्बलम् ॥

suvarṇapuṅkhairiṣubhirgārdhrapakṣaiḥ sutejanaiḥ | karṇinālīkanārācaiśchādayāmāsa tadbalam

covered that army with keen arrows that had golden shafts and vulture feathers, with barbed arrows, nalikas and iron shafts.

Verse 13 (6.106.13)

अपातयद्ध्वजांश्चैव रथिनश्च शितैः शरैः । मुण्डतालवनानीव चकार स रथव्रजान् ॥

apātayaddhvajāṃścaiva rathinaśca śitaiḥ śaraiḥ | muṇḍatālavanānīva cakāra sa rathavrajān

With sharp arrows he brought down standards and chariot-warriors, and left the ranks of chariots looking like groves of palms with their crowns lopped off.

Verse 14 (6.106.14)

निर्मनुष्यान्रथान्राजन्गजानश्वांश्च संयुगे । अकरोत्स महाबाहुः सर्वशस्त्रभृतां वरः ॥

nirmanuṣyānrathānrājangajānaśvāṃśca saṃyuge | akarotsa mahābāhuḥ sarvaśastrabhṛtāṃ varaḥ

In that battle, O king, the mighty-armed warrior, best of all who bear arms, left chariots, elephants and horses without their men.

Verse 15 (6.106.15)

तस्य ज्यातलनिर्घोषं विस्फूर्जितमिवाशनेः । निशम्य सर्वभूतानि समकम्पन्त भारत ॥

tasya jyātalanirghoṣaṃ visphūrjitamivāśaneḥ | niśamya sarvabhūtāni samakampanta bhārata

Hearing the slap of his bowstring, like the crash of a thunderbolt, all creatures trembled, O Bharata.

Verse 16 (6.106.16)

अमोघा ह्यपतन्बाणाः पितुस्ते भरतर्षभ । नासज्जन्त तनुत्रेषु भीष्मचापच्युताः शराः ॥

amoghā hyapatanbāṇāḥ pituste bharatarṣabha | nāsajjanta tanutreṣu bhīṣmacāpacyutāḥ śarāḥ

Your father's arrows fell and none of them missed, O bull of the Bharatas; the shafts loosed from Bhishma's bow did not stop in men's armour.

Note on the text: Corrected ह्यपत्नबाणाः → ह्यपतन्बाणाः (misprint in Wikisource; a transposed and broken conjunct, critical edition hy apatan bāṇāḥ).

Verse 17 (6.106.17)

हतवीरान्रथान्राजन्संयुक्ताञ्जवनैर्हयैः । अपश्याम महाराज ह्रियमाणान्रणाजिरे ॥

hatavīrānrathānrājansaṃyuktāñjavanairhayaiḥ | apaśyāma mahārāja hriyamāṇānraṇājire

We saw chariots whose heroes had been killed, O king, still yoked to swift horses, being dragged about the battlefield, great king.

Verse 18 (6.106.18)

चेदिकाशिकरूषाणां सहस्राणि चतुर्दश । महारथाः समाख्याताः कुलपुत्रास्तनुत्यजः । अपरावर्तिनः सर्वे सुवर्णविकृतध्वजाः ॥

cedikāśikarūṣāṇāṃ sahasrāṇi caturdaśa | mahārathāḥ samākhyātāḥ kulaputrāstanutyajaḥ | aparāvartinaḥ sarve suvarṇavikṛtadhvajāḥ

Fourteen thousand great chariot-warriors of the Chedis, Kashis and Karushas, all renowned, nobly born, ready to lay down their lives, men who never turned back, with standards worked in gold,

Note on the text: Corrected कलपुत्रास्तनुत्यजः → कुलपुत्रास्तनुत्यजः (misprint in Wikisource; a dropped vowel sign, critical edition kulaputrās).

Verse 19 (6.106.19)

संग्रामे भीष्ममासाद्य व्यादितास्यमिवान्तकम् । निमग्नाः परलोकाय सवाजिरथकुञ्जराः ॥

saṃgrāme bhīṣmamāsādya vyāditāsyamivāntakam | nimagnāḥ paralokāya savājirathakuñjarāḥ

met Bhishma in the battle, who was like Death with gaping jaws, and sank down into the other world with their horses, chariots and elephants.

Verse 20 (6.106.20)

भग्नाक्षोपस्करान्कांश्चिद्भग्नचक्रांश्च भारत । अपश्याम महाराज शतशोऽथ सहस्रशः ॥

bhagnākṣopaskarānkāṃścidbhagnacakrāṃśca bhārata | apaśyāma mahārāja śataśo'tha sahasraśaḥ

We saw chariots by hundreds and by thousands, O Bharata, great king, some with their axles and fittings smashed, some with their wheels broken.

Verse 21 (6.106.21)

सवरूथै रथैर्भग्नै रथिभिश्च निपातितैः । शरैः सुकवचैश्छिन्नैः पट्टसैश्च विशांपते ॥

savarūthai rathairbhagnai rathibhiśca nipātitaiḥ | śaraiḥ sukavacaiśchinnaiḥ paṭṭasaiśca viśāṃpate

With broken chariots and their guard-rails, with fallen chariot-warriors, with arrows, with fine coats of mail cut to pieces and with pattisa blades, O lord of the people,

Note on the text: पट्टसैः (critical edition paṭṭiśaiḥ) kept as a variant spelling.

Verse 22 (6.106.22)

गदाभिर्भिण्डिपालैश्च निशितैश्च शिलीमुखैः । अनुकर्षैरुपासङ्गैश्चक्रैर्भग्नैश्च मारिष ॥

gadābhirbhiṇḍipālaiśca niśitaiśca śilīmukhaiḥ | anukarṣairupāsaṅgaiścakrairbhagnaiśca māriṣa

with maces, bhindipalas and sharp arrows, with drag-poles, quivers and broken wheels, sir,

Note on the text: Line 1 (गदाभिर्भिण्डिपालैश्च निशितैश्च शिलीमुखैः) differs from the critical edition's 6.102.21ab (gadābhir musalaiś caiva nistriṃśaiś ca śilīmukhaiḥ); kept as a recension variant.

Verse 23 (6.106.23)

बाहुभिः कार्मुकैः खड्गैः शिरोभिश्च सकुण्डलैः । तलत्रैरङ्गुलित्रैश्च ध्वजैश्च विनिपातितैः । चापैश्च बहुधा च्छिन्नैः समास्तीर्यत मेदिनी ॥

bāhubhiḥ kārmukaiḥ khaḍgaiḥ śirobhiśca sakuṇḍalaiḥ | talatrairaṅgulitraiśca dhvajaiśca vinipātitaiḥ | cāpaiśca bahudhā cchinnaiḥ samāstīryata medinī

with arms, bows and swords, with heads still wearing their earrings, with hand-guards and finger-guards, with fallen standards and with bows broken into many pieces, the earth was strewn.

Note on the text: Corrected खङ्गैः → खड्गैः (misprint in Wikisource; ङ्ग for ड्ग, critical edition khaḍgaiḥ).

Verse 24 (6.106.24)

गजारोहा गजान्राजन्हयांश्च हयसादिनः । अभिपेतुर्द्रुतं तत्र शतशोऽथ सहस्रशः ॥

gajārohā gajānrājanhayāṃśca hayasādinaḥ | abhipeturdrutaṃ tatra śataśo'tha sahasraśaḥ

Elephant-riders rushed at elephants, O king, and horsemen at horses, swiftly, by hundreds and by thousands.

Note on the text: This verse (गजारोहा गजान्राजन्हयांश्च हयसादिनः । अभिपेतुः…) differs from the critical edition's 6.102.23 (hatārohā gajā rājan hayāś ca hatasādinaḥ / paripetuḥ…); kept as a recension variant.

Verse 25 (6.106.25)

यतमानाश्च ते वीरा द्रवमाणान्महारथान् । नाशक्नुवन्वारयितुं भीष्मबाणप्रपीडितान् ॥

yatamānāśca te vīrā dravamāṇānmahārathān | nāśaknuvanvārayituṃ bhīṣmabāṇaprapīḍitān

And those heroes, for all their efforts, could not hold back the great chariot-warriors who were fleeing, tormented by Bhishma's arrows.

Verse 26 (6.106.26)

महेन्द्रसमवीर्येण वध्यमाना महाचमूः । अभज्यत महाराज न च द्वौ समधावताम् ॥

mahendrasamavīryeṇa vadhyamānā mahācamūḥ | abhajyata mahārāja na ca dvau samadhāvatām

Cut down by one whose might equalled great Indra's, the great host broke apart, great king; not even two men ran together.

Verse 27 (6.106.27)

आविद्धरथनागाश्वं पतितध्वजसंकुलम् । अनीकं पाण्डुपुत्राणां हाहाभूतमचेतनम् ॥

āviddharathanāgāśvaṃ patitadhvajasaṃkulam | anīkaṃ pāṇḍuputrāṇāṃ hāhābhūtamacetanam

Its chariots, elephants and horses pierced through, choked with fallen standards, the army of the sons of Pandu cried out in distress and lost its senses.

Verse 28 (6.106.28)

जघानात्र पिता पुत्रं पुत्रश्च पितरं तथा । प्रियं सखायं चाक्रन्दे सखा दैवबलात्कृतः ॥

jaghānātra pitā putraṃ putraśca pitaraṃ tathā | priyaṃ sakhāyaṃ cākrande sakhā daivabalātkṛtaḥ

There, in the uproar, father killed son and son killed father, and friend, overpowered by fate, killed his dear friend.

Note on the text: Corrected तथ → तथा (misprint in Wikisource; a dropped vowel sign, critical edition tathā) and सखाय → सखायं (misprint in Wikisource; a dropped anusvara, critical edition sakhāyaṃ).

Verse 29 (6.106.29)

विमुच्य कवचानन्ये पाण्डुपुत्रस्य सैनिकाः । प्रकीर्य केशान्धावन्तः प्रत्यदृश्यन्त सर्वशः ॥

vimucya kavacānanye pāṇḍuputrasya sainikāḥ | prakīrya keśāndhāvantaḥ pratyadṛśyanta sarvaśaḥ

Others among the soldiers of the son of Pandu threw off their armour and were seen everywhere running with their hair flying loose.

Verse 30 (6.106.30)

तद्गोकुलमिवोद्भ्रान्तमुद्भ्रान्तरथकूबरम् । ददृशे पाण्डुपुत्रस्य सैन्यमार्तस्वरं तदा ॥

tadgokulamivodbhrāntamudbhrāntarathakūbaram | dadṛśe pāṇḍuputrasya sainyamārtasvaraṃ tadā

The army of the son of Pandu then looked like a stampeding herd of cattle, its chariot-poles careering wildly, crying out in distress.

Note on the text: Corrected उद्भान्त → उद्भ्रान्त (misprint in Wikisource; a dropped र in the conjunct, as in उद्भ्रान्तम् earlier in the line and in the critical edition, udbhrānta). रथकूबरम् for rathakuñjaram kept as a variant.

Verse 31 (6.106.31)

प्रभज्यमानं सैन्यं तु दृष्ट्वा यादवनन्दनः । उवाच पार्थं बीभत्सुं निगृह्य रथमुत्तमम् ॥

prabhajyamānaṃ sainyaṃ tu dṛṣṭvā yādavanandanaḥ | uvāca pārthaṃ bībhatsuṃ nigṛhya rathamuttamam

Seeing the army breaking apart, the delight of the Yadavas reined in that excellent chariot and said to Partha Bibhatsu:

Verse 32 (6.106.32)

अयं स कालः संप्राप्तः पार्थ यः काङ्क्षितस्तव । प्रहरास्मै नरव्याघ्र भीष्मायाहवशोभिने ॥

ayaṃ sa kālaḥ saṃprāptaḥ pārtha yaḥ kāṅkṣitastava | praharāsmai naravyāghra bhīṣmāyāhavaśobhine

This is the moment you have longed for, Partha. Strike this Bhishma, tiger among men, who shines so in battle.

Note on the text: Line 2 (प्रहरास्मै नरव्याघ्र भीष्मायाहवशोभिने) differs from the critical edition's 6.102.31cd (praharāsmai naravyāghra na cen mohāt pramuhyase); kept as a recension variant.

Verse 33 (6.106.33)

यत्पुरा कथितं वीर त्वया राज्ञां समागमे । विराटनगरे तात सञ्जयस्य समीपतः ॥

yatpurā kathitaṃ vīra tvayā rājñāṃ samāgame | virāṭanagare tāta sañjayasya samīpataḥ

What you once declared, hero, my friend, in the gathering of kings at Virata's city, in Sanjaya's hearing —

Verse 34 (6.106.34)

भीष्मद्रोणमुखान्सर्वान्धार्तराष्ट्रस्य सैनिकान् । सानुबन्धान्हनिष्यामि ये मां योत्स्यन्ति सङ्गरे ॥

bhīṣmadroṇamukhānsarvāndhārtarāṣṭrasya sainikān | sānubandhānhaniṣyāmi ye māṃ yotsyanti saṅgare

"I will slay all the soldiers of Dhritarashtra's son, led by Bhishma and Drona, together with their followers — whoever fights against me in battle" —

Verse 35 (6.106.35)

इति तत्कुरु कौन्तेय सत्यं वाक्यमरिन्दम । क्षत्रधर्ममनुस्मृत्य युध्यस्व विगतज्वरः ॥

iti tatkuru kaunteya satyaṃ vākyamarindama | kṣatradharmamanusmṛtya yudhyasva vigatajvaraḥ

make that word of yours come true, son of Kunti, tamer of foes. Remember the duty of a kshatriya and fight, free of anguish.

Verse 36 (6.106.36)

इत्युक्तो वासुदेवेन तिर्यग्दृष्टिरधोमुखः । अकाम इव बीभत्सुरिदं वचनमब्रवीत् ॥

ityukto vāsudevena tiryagdṛṣṭiradhomukhaḥ | akāma iva bībhatsuridaṃ vacanamabravīt

So addressed by Vasudeva, Bibhatsu, with his eyes turned aside and his face cast down, spoke these words as though against his will:

Verse 37 (6.106.37)

अवध्यानां वधं कृत्वा राज्यं वा नरकोत्तरम् । दुःखानि वनवासे वा किं नु मे सुकृतं भवेत् ॥

avadhyānāṃ vadhaṃ kṛtvā rājyaṃ vā narakottaram | duḥkhāni vanavāse vā kiṃ nu me sukṛtaṃ bhavet

A kingdom won by killing those who ought not to be killed, with hell to follow, or the hardships of exile in the forest — which of these would be the better deed for me?

Note on the text: Speaker: Arjuna's reply to Krishna, announced in verse 36; the page prints no heading (its सञ्जय उवाच before verse 39 marks the return to the narration).

Verse 38 (6.106.38)

चोदयाश्वान्यतो भीष्मः करिष्ये वचनं तव । पातयिष्यामि दुर्धर्षं भीष्मं कुरुपितामहम् ॥

codayāśvānyato bhīṣmaḥ kariṣye vacanaṃ tava | pātayiṣyāmi durdharṣaṃ bhīṣmaṃ kurupitāmaham

Drive the horses to where Bhishma is. I will do as you say: I will bring down Bhishma, the invincible grandsire of the Kurus.

Note on the text: Speaker: as for verse 37. Line 2 reads भीष्मं कुरुपितामहम् for vṛddhaṃ kurupitāmaham; kept as a variant.

Verse 39 (6.106.39)

स चाश्वान्रजतप्रख्यांश्चोदयामास माधवः । यतो भीष्मस्ततो राजन्दुष्प्रेक्ष्यो रश्मिवानिव ॥

sa cāśvānrajataprakhyāṃścodayāmāsa mādhavaḥ | yato bhīṣmastato rājanduṣprekṣyo raśmivāniva

And Madhava urged the silver-white horses on toward where Bhishma stood, O king, as hard to look at as the sun.

Verse 40 (6.106.40)

ततस्तत्पुनरावृत्तं युधिष्ठिरबलं महत् । दृष्ट्वा पार्थं महाबाहुं भीष्मायोद्यतमाहवे ॥

tatastatpunarāvṛttaṃ yudhiṣṭhirabalaṃ mahat | dṛṣṭvā pārthaṃ mahābāhuṃ bhīṣmāyodyatamāhave

Then that great army of Yudhishthira turned back again, seeing mighty-armed Partha ready to fight Bhishma in the battle.

Verse 41 (6.106.41)

ततो भीष्मः कुरुश्रेष्ठः सिंहवद्विनदन्मुहुः । धनंजयरथं शीघ्रं शरवर्षैरवाकिरत् ॥

tato bhīṣmaḥ kuruśreṣṭhaḥ siṃhavadvinadanmuhuḥ | dhanaṃjayarathaṃ śīghraṃ śaravarṣairavākirat

Then Bhishma, best of the Kurus, roaring again and again like a lion, swiftly covered Dhananjaya's chariot with showers of arrows.

Verse 42 (6.106.42)

क्षणेन स रथस्तस्य सहयः सहसारथिः । शरवर्षेण महता न प्राज्ञायत भारत ॥

kṣaṇena sa rathastasya sahayaḥ sahasārathiḥ | śaravarṣeṇa mahatā na prājñāyata bhārata

In a moment his chariot, horses, charioteer and all, could no longer be seen under that great rain of arrows, O Bharata.

Verse 43 (6.106.43)

वासुदेवस्त्वसंभ्रान्तो धैर्यमास्थाय सत्वरः । चोदयामास तानश्वान्विनुन्नान्भीष्मसायकैः ॥

vāsudevastvasaṃbhrānto dhairyamāsthāya satvaraḥ | codayāmāsa tānaśvānvinunnānbhīṣmasāyakaiḥ

But Vasudeva, unshaken, keeping his composure, quickly drove on those horses, though they were pierced by Bhishma's arrows.

Verse 44 (6.106.44)

ततः पार्थो धनुर्गृह्य दिव्यं जलदनिःस्वनम् । पातयामास भीष्मस्य धनुश्छित्त्वा शितैः शरैः ॥

tataḥ pārtho dhanurgṛhya divyaṃ jaladaniḥsvanam | pātayāmāsa bhīṣmasya dhanuśchittvā śitaiḥ śaraiḥ

Then Partha took up his divine bow, which roared like a thundercloud, and with sharp arrows cut Bhishma's bow and brought it down.

Verse 45 (6.106.45)

स च्छिन्नधन्वा कौरव्यः पुनरन्यन्महद्धनुः । निमेषान्तरमात्रेण सज्यं चक्रे पिता तव ॥

sa cchinnadhanvā kauravyaḥ punaranyanmahaddhanuḥ | nimeṣāntaramātreṇa sajyaṃ cakre pitā tava

His bow cut, your father, the Kaurava, strung another great bow in the space of a blink.

Verse 46 (6.106.46)

चकर्ष च ततो दोर्भ्यां धनुर्जलदनिःस्वनम् । अथास्य तदपि क्रुद्धश्चिच्छेद धनुरर्जुनः । तस्य तत्पूजयामास लाघवं शन्तनोः सुतः ॥

cakarṣa ca tato dorbhyāṃ dhanurjaladaniḥsvanam | athāsya tadapi kruddhaściccheda dhanurarjunaḥ | tasya tatpūjayāmāsa lāghavaṃ śantanoḥ sutaḥ

He drew that bow, which roared like a thundercloud, with both arms; but Arjuna in his anger cut that one too. The son of Shantanu praised his deftness.

Note on the text: The automatic alignment found no match. Lines 1–2 are the critical edition's 6.102.45 (चकर्ष च for vicakarṣa); line 3 is 6.102.46ab.

Verse 47 (6.106.47)

गाङ्गेयस्त्वब्रवीत्पार्थं धन्विश्रेष्ठमरिंदम । साधुसाधु महाबाहो साधु कुन्तीसुतेति च ॥

gāṅgeyastvabravītpārthaṃ dhanviśreṣṭhamariṃdama | sādhusādhu mahābāho sādhu kuntīsuteti ca

And the son of Ganga said to Partha, best of bowmen, O tamer of foes: "Well done, well done, mighty-armed one! Well done, son of Kunti!"

Note on the text: The automatic alignment found no match. Line 1 (गाङ्गेयस्त्वब्रवीत्पार्थं धन्विश्रेष्ठमरिंदम) is not in the critical edition, its apparatus or its appendix (found in the vulgate recension); line 2 is the critical edition's 6.102.46cd (साधुसाधु for sādhu pārtha).

Verse 48 (6.106.48)

समाभाष्यैवमपरं प्रगृह्य रुचिरं धनुः । मुमोच समरे भीष्मः शरान्पार्थरथं प्रति ॥

samābhāṣyaivamaparaṃ pragṛhya ruciraṃ dhanuḥ | mumoca samare bhīṣmaḥ śarānpārtharathaṃ prati

Having spoken to him thus, Bhishma took up another splendid bow and loosed arrows at Partha's chariot in the battle.

Verse 49 (6.106.49)

अदर्शयद्वासुदेवो हययाने परं बलम् । मोघान्कुर्वञ्शरांस्तस्य मण्डलानि निदर्शयन् ॥

adarśayadvāsudevo hayayāne paraṃ balam | moghānkurvañśarāṃstasya maṇḍalāni nidarśayan

Vasudeva showed his supreme skill in driving horses, making Bhishma's arrows miss by wheeling the chariot in circles.

Note on the text: Corrected वसुदेवो → वासुदेवो (misprint in Wikisource; a dropped vowel sign turns Krishna into his father Vasudeva, critical edition vāsudevo).

Verse 50 (6.106.50)

शुशुभाते नरव्याघ्रौ तौ भीष्मशरविक्षतौ । गोवृषाविव संरब्धौ विषाणोल्लिखिताङ्कितौ ॥

śuśubhāte naravyāghrau tau bhīṣmaśaravikṣatau | govṛṣāviva saṃrabdhau viṣāṇollikhitāṅkitau

Those two tigers among men, wounded by Bhishma's arrows, looked splendid, like two angry bulls marked with the scratches of horns.

Note on the text: Line 1 reads तौ भीष्मशरविक्षतौ (of Krishna and Arjuna) for bhīṣmapārthau śarakṣatau; kept as a variant.

Verse 51 (6.106.51)

वासुदेवस्तु संप्रेक्ष्य पार्थस्य मृदुयुद्धताम् । भीष्मं च शरवर्षाणि सृजन्तमनिशं युधि ॥

vāsudevastu saṃprekṣya pārthasya mṛduyuddhatām | bhīṣmaṃ ca śaravarṣāṇi sṛjantamaniśaṃ yudhi

But Vasudeva, seeing how mildly Partha was fighting, and Bhishma pouring out showers of arrows without pause in the battle,

Verse 52 (6.106.52)

प्रतपन्तमिवादित्यं मध्यमासाद्य सेनयोः । वरान्वरान्विनिघ्नन्तं पाण्डुपुत्रस्य सैनिकान् ॥

pratapantamivādityaṃ madhyamāsādya senayoḥ | varānvarānvinighnantaṃ pāṇḍuputrasya sainikān

blazing like the sun as he took his stand between the two armies, killing the very best of the soldiers of the son of Pandu,

Verse 53 (6.106.53)

युगान्तमिव कुर्वाणं भीष्मं यौधिष्ठिरे बले । नामृष्यत महाबाहुर्माधवः परवीरहा ॥

yugāntamiva kurvāṇaṃ bhīṣmaṃ yaudhiṣṭhire bale | nāmṛṣyata mahābāhurmādhavaḥ paravīrahā

and working what looked like the end of an age upon Yudhishthira's army — and mighty-armed Madhava, slayer of enemy heroes, could not bear it.

Verse 54 (6.106.54)

उत्सृज्य रजतप्रख्यान्हयान्पार्थस्य मारिष । वासुदेवस्ततो योगी प्रचस्कन्द महारथात् ॥

utsṛjya rajataprakhyānhayānpārthasya māriṣa | vāsudevastato yogī pracaskanda mahārathāt

Letting go of Partha's silver-white horses, sir, Vasudeva, the master of yoga, leapt down from the great chariot.

Note on the text: The automatic alignment found no match. Wikisource divides the critical edition's three-line verses 6.102.53–56 into couplets: this verse is 6.102.53ab–cd, reading वासुदेवस्ततो योगी for kruddho nāma mahāyogī; kept as a recension variant.

Verse 55 (6.106.55)

अभिदुद्राव भीष्मं स भुजप्रहरणो बली । प्रतोदपाणिस्तेजस्वी सिंहवद्विनदन्मुहुः ॥

abhidudrāva bhīṣmaṃ sa bhujapraharaṇo balī | pratodapāṇistejasvī siṃhavadvinadanmuhuḥ

That mighty one, with his arms for his only weapons, ran at Bhishma, whip in hand, blazing with energy, roaring again and again like a lion.

Note on the text: The automatic alignment found no match. Line 1 is the critical edition's 6.102.53ef; line 2 is 6.102.54ab.

Verse 56 (6.106.56)

दारयन्निव पद्भ्यां स जगतीं जगदीश्वरः । क्रोधताम्रेक्षणः कृष्णो जिघांसुरमितद्युतिः ॥

dārayanniva padbhyāṃ sa jagatīṃ jagadīśvaraḥ | krodhatāmrekṣaṇaḥ kṛṣṇo jighāṃsuramitadyutiḥ

Krishna, the lord of the world, of boundless splendour, his eyes copper-red with rage and bent on killing, seemed to split the earth with his feet

Note on the text: The automatic alignment found no match. Line 1 is the critical edition's 6.102.54cd (जगदीश्वरः for jagatīśvaraḥ); line 2 is 6.102.55ab.

Verse 57 (6.106.57)

ग्रसन्निव च तेजांसि तावकानां महाहवे । दृष्ट्वा माधवमाक्रन्दे भीष्मायोद्यतमन्तिके ॥

grasanniva ca tejāṃsi tāvakānāṃ mahāhave | dṛṣṭvā mādhavamākrande bhīṣmāyodyatamantike

and to swallow up the spirit of your warriors in that great battle. Seeing Madhava close at hand in the fray, rushing at Bhishma,

Note on the text: The automatic alignment found no match. Line 1 is the critical edition's 6.102.55cd (तेजांसि for cetāṃsi); line 2 is 6.102.56ab (अन्तिके for āhave).

Verse 58 (6.106.58)

हतो भीष्मो हतो भीष्म इति तत्रस्म सैनिकाः । क्रोशन्तः प्राद्रवन्सर्वे वासुदेवभयातुराः ॥

hato bhīṣmo hato bhīṣma iti tatrasma sainikāḥ | krośantaḥ prādravansarve vāsudevabhayāturāḥ

the soldiers there all shouted "Bhishma is slain! Bhishma is slain!" and fled, terrified of Vasudeva.

Note on the text: The automatic alignment found no match. Line 1 is the critical edition's 6.102.56cd; line 2 is 6.102.56ef (वासुदेवभयातुराः for vāsudevabhayān narāḥ).

Verse 59 (6.106.59)

पीतकौशेयसंवीतो मणिश्यामो जनार्दनः । शुशुभे विद्रवन्भीष्मं विद्युन्माली यथाम्बुदः ॥

pītakauśeyasaṃvīto maṇiśyāmo janārdanaḥ | śuśubhe vidravanbhīṣmaṃ vidyunmālī yathāmbudaḥ

Clad in yellow silk, dark as a sapphire, Janardana shone as he ran at Bhishma, like a cloud garlanded with lightning.

Verse 60 (6.106.60)

स सिंह इव मातङ्गं यूथर्षभ इवर्षभम् । अभिदुद्राव वेगेन विनदन्यादवर्षभः ॥

sa siṃha iva mātaṅgaṃ yūtharṣabha ivarṣabham | abhidudrāva vegena vinadanyādavarṣabhaḥ

As a lion rushes at an elephant, as the bull of a herd at another bull, so the bull of the Yadavas rushed at him at speed, roaring.

Note on the text: Corrected यथर्षभ → यूथर्षभ (misprint in Wikisource; a dropped vowel sign, critical edition yūtharṣabha). अभिदुद्राव वेगेन for abhidudrāva tejasvī kept as a variant.

Verse 61 (6.106.61)

तमापतन्तं संप्रेक्ष्य पुण्डरीकाक्षमाहवे । असंभ्रमं रणे भीष्मो विचकर्ष महद्धनुः । उवाच चैव गोविन्दमसंभ्रान्तेन चेतसा ॥

tamāpatantaṃ saṃprekṣya puṇḍarīkākṣamāhave | asaṃbhramaṃ raṇe bhīṣmo vicakarṣa mahaddhanuḥ | uvāca caiva govindamasaṃbhrāntena cetasā

Seeing lotus-eyed Krishna bearing down on him in the battle, Bhishma, undismayed, drew his great bow and spoke to Govinda with an untroubled mind:

Verse 62 (6.106.62)

एह्येहि पुण्डरीकाक्ष देवदेव नमोऽस्तु ते । मामद्य सात्वतश्रेष्ठ पातयस्व महाहवे ॥

ehyehi puṇḍarīkākṣa devadeva namo'stu te | māmadya sātvataśreṣṭha pātayasva mahāhave

Come, come, lotus-eyed one! God of gods, homage to you! Best of the Satvatas, strike me down today in this great battle.

Note on the text: Speaker: Bhishma's words to Krishna, announced in verse 61; the page prints no heading (its सञ्जय उवाच before verse 65 marks the return to the narration). Avagraha restored in नमोस्तु → नमोऽस्तु (namo 'stu, as in the critical edition). Corrected तापयस्त → पातयस्व (misprint in Wikisource; तापयस्त is no Sanskrit form, critical edition pātayasva, 'strike me down').

Verse 63 (6.106.63)

त्वया हि देव संग्रामे हतस्यापि ममानघ । श्रेय एव परं कृष्ण लोके भवति सर्वतः ॥

tvayā hi deva saṃgrāme hatasyāpi mamānagha | śreya eva paraṃ kṛṣṇa loke bhavati sarvataḥ

For, O God, sinless one, even if I am slain by you in battle, Krishna, the highest good will be mine in the world in every way.

Note on the text: Speaker: as for verse 62. The automatic alignment found no match. Line 1 is the critical edition's 6.102.61ab; line 2 is 6.102.61cd, reading लोके भवति सर्वतः for loke 'muṣminn ihaiva ca; kept as a variant.

Verse 64 (6.106.64)

संभावितोऽस्मि गोविन्द त्रैलोक्येनाद्य संयुगे । प्रहरस्व यथेष्टं वै दासोऽस्मि तव चानघ ॥

saṃbhāvito'smi govinda trailokyenādya saṃyuge | praharasva yatheṣṭaṃ vai dāso'smi tava cānagha

Today, Govinda, I am honoured in this battle by the three worlds. Strike as you please, sinless one; I am your servant.

Note on the text: Speaker: as for verse 62. The automatic alignment found no match. Line 1 is the critical edition's 6.102.61ef; line 2 is its star passage 6.102.61f*0414 (not in the constituted text).

Verse 65 (6.106.65)

अन्वगेव ततः पार्थः समभिद्रुत्य केशवम् । निजग्राह महाबाहुर्बाहुभ्यां परिगृह्य वै ॥

anvageva tataḥ pārthaḥ samabhidrutya keśavam | nijagrāha mahābāhurbāhubhyāṃ parigṛhya vai

Then Partha, mighty-armed, running after Keshava, caught up with him and seized him, wrapping him in both his arms.

Verse 66 (6.106.66)

निगृह्यमाणः पार्थेन कृष्णो राजीवलोचनः । जगामैवैनमादाय वेगेन पुरुषोत्तमः ॥

nigṛhyamāṇaḥ pārthena kṛṣṇo rājīvalocanaḥ | jagāmaivainamādāya vegena puruṣottamaḥ

Though Partha held him, lotus-eyed Krishna, the highest of beings, went on at speed, dragging him along.

Verse 67 (6.106.67)

पार्थस्तु विष्टभ्य बलाच्चरणौ परवीरहा । निजग्राह हृषीकेशं कथंचिद्दशमे पदे ॥

pārthastu viṣṭabhya balāccaraṇau paravīrahā | nijagrāha hṛṣīkeśaṃ kathaṃciddaśame pade

But Partha, slayer of enemy heroes, digging in his feet with all his strength, managed at last to stop Hrishikesha at the tenth step.

Verse 68 (6.106.68)

तत एवमुवाचार्तः क्रोधपर्याकुलेक्षणम् । निःश्वसन्तं यथा नागमर्जुनः प्रणयात्सखा ॥

tata evamuvācārtaḥ krodhaparyākulekṣaṇam | niḥśvasantaṃ yathā nāgamarjunaḥ praṇayātsakhā

Then Arjuna, his loving friend, in distress, spoke thus to him as he stood breathing hard like a serpent, his eyes clouded with rage:

Verse 69 (6.106.69)

निवर्तस्व महाबाहो नानृतं कर्तुमर्हसि । यत्त्वया कथितं पूर्वं न योत्स्यामीति केशव ॥

nivartasva mahābāho nānṛtaṃ kartumarhasi | yattvayā kathitaṃ pūrvaṃ na yotsyāmīti keśava

Turn back, mighty-armed one; you must not make your word false. You said before, Keshava, "I will not fight."

Note on the text: Speaker: Arjuna's plea to Krishna, announced in verse 68; the page prints no heading (verses 69–72).

Verse 70 (6.106.70)

मिथ्यावादीति लोकास्त्वां कथयिष्यन्ति माधव । ममैष भारः सर्वो हि हनिष्यामि पितामहम् ॥

mithyāvādīti lokāstvāṃ kathayiṣyanti mādhava | mamaiṣa bhāraḥ sarvo hi haniṣyāmi pitāmaham

People will call you a liar, Madhava. This whole burden is mine: I will slay the grandsire.

Note on the text: Speaker: as for verse 69. Line 1 reads लोकास्त्वां कथयिष्यन्ति (plural) for lokas tvāṃ kathayiṣyati, and line 2 पितामहम् for yatavratam; kept as variants.

Verse 71 (6.106.71)

शपे केशव शस्त्रेण सत्येन सुकृतेन च । अन्तं यथा गमिष्यामि शत्रूणां शत्रुसूदन ॥

śape keśava śastreṇa satyena sukṛtena ca | antaṃ yathā gamiṣyāmi śatrūṇāṃ śatrusūdana

I swear to you, Keshava, by my weapon, by truth and by my good deeds, that I will make an end of my enemies, destroyer of foes.

Note on the text: Speaker: as for verse 69. Line 1 reads केशव शस्त्रेण ('by my weapon') for mādhava sakhyena; kept as a variant.

Verse 72 (6.106.72)

अद्यैव पश्य दुर्धर्षं पात्यमानं महारथम् । तारापतिमिवापूर्णमन्तकाले यदृच्छया ॥

adyaiva paśya durdharṣaṃ pātyamānaṃ mahāratham | tārāpatimivāpūrṇamantakāle yadṛcchayā

See this very day that invincible great chariot-warrior brought down, like the waning moon when its time is over, as chance would have it.

Note on the text: Speaker: as for verse 69.

Verse 73 (6.106.73)

माधवस्तु वचः श्रुत्वा फल्गुनस्य महात्मनः । अभवत्परमप्रीतो दृष्ट्वा पार्थस्य विक्रमम् । न किंचिदुक्त्वा सक्रोध आरुरोह रथं पुनः ॥

mādhavastu vacaḥ śrutvā phalgunasya mahātmanaḥ | abhavatparamaprīto dṛṣṭvā pārthasya vikramam | na kiṃciduktvā sakrodha āruroha rathaṃ punaḥ

Hearing these words of great-souled Phalguna, Madhava was deeply pleased, seeing Partha's valour; yet, saying nothing, still angry, he mounted the chariot again.

Note on the text: The automatic alignment found no match. Lines 1 and 3 are the critical edition's 6.102.70; line 2 is its star passage 6.102.70b*0416 (दृष्ट्वा for jñātvā), not in the constituted text. Removed the backtick and quote mark the page prints around line 2.

Verse 74 (6.106.74)

तौ रथस्थौ नरव्याघ्रौ भीष्मः शान्तनवः पुनः । ववर्ष शरवर्षेण मेघो वृष्ट्या यथाऽचलौ ॥

tau rathasthau naravyāghrau bhīṣmaḥ śāntanavaḥ punaḥ | vavarṣa śaravarṣeṇa megho vṛṣṭyā yathā'calau

Bhishma, son of Shantanu, again rained showers of arrows on those two tigers among men as they stood in their chariot, as a cloud pours its rain on two mountains.

Verse 75 (6.106.75)

प्राणानादत्त योधानां पिता देवव्रतस्तव । गभस्तिभिरिवादित्यस्तेजांसि शिशिरात्यये ॥

prāṇānādatta yodhānāṃ pitā devavratastava | gabhastibhirivādityastejāṃsi śiśirātyaye

Your father Devavrata took the lives of the warriors, as the sun at the close of winter draws up the strength of things with its rays.

Verse 76 (6.106.76)

यथा कुरूणां सैन्यानि बभञ्जुर्युधि पाण्डवाः । तथा पाण्डवसैन्यानि बभञ्ज युधि ते पिता ॥

yathā kurūṇāṃ sainyāni babhañjuryudhi pāṇḍavāḥ | tathā pāṇḍavasainyāni babhañja yudhi te pitā

As the Pandavas had broken the Kuru armies in battle, so did your father break the Pandava armies in battle.

Verse 77 (6.106.77)

हतविद्रुतसैन्यास्तु निरुत्साहा विचेतसः । निरीक्षितुं न शेकुस्ते भीष्ममप्रतिमं रणे ॥

hatavidrutasainyāstu nirutsāhā vicetasaḥ | nirīkṣituṃ na śekuste bhīṣmamapratimaṃ raṇe

With their troops slain and routed, dispirited and dazed, they could not bear to look at Bhishma, unequalled in battle,

Note on the text: The automatic alignment found no match. This verse is the critical edition's 6.102.74ab–cd.

Verse 78 (6.106.78)

मध्यं गतमिवादित्यं प्रतपन्तं स्वतेजसा । ते वध्यमाना भीष्मेण शतशोऽथ सहस्रशः ॥

madhyaṃ gatamivādityaṃ pratapantaṃ svatejasā | te vadhyamānā bhīṣmeṇa śataśo'tha sahasraśaḥ

who blazed with his own fire like the sun at midday. Cut down by Bhishma by hundreds and by thousands,

Note on the text: The automatic alignment found no match. Line 1 is the critical edition's 6.102.74ef; line 2 is 6.102.75ab, reading शतशोऽथ सहस्रशः for kāleneva yugakṣaye; kept as a variant.

Verse 79 (6.106.79)

कुर्वाणं समरे कर्माण्यतिमानुषविक्रमम् । वीक्षांचक्रुर्महाराज पाण्डवा भयपीडिताः ॥

kurvāṇaṃ samare karmāṇyatimānuṣavikramam | vīkṣāṃcakrurmahārāja pāṇḍavā bhayapīḍitāḥ

the Pandavas, stricken with fear, could only gaze at him, great king, as he performed feats of superhuman valour in the battle.

Note on the text: The automatic alignment found no match. Line 1 is the critical edition's star passage 6.102.74d*0417 (printed there after 74cd; not in the constituted text); line 2 is 6.102.75cd.

Verse 80 (6.106.80)

तथा पाण्डवसैन्यानि द्राव्यमाणानि भारत । त्रातारं नाध्यगच्छन्त गावः पङ्कगता इव । पिपीलिका इव क्षुण्णा दुर्बला बलिना रणे ॥

tathā pāṇḍavasainyāni drāvyamāṇāni bhārata | trātāraṃ nādhyagacchanta gāvaḥ paṅkagatā iva | pipīlikā iva kṣuṇṇā durbalā balinā raṇe

So the Pandava armies, driven in flight, O Bharata, found no one to protect them, like cows stuck in a swamp, like ants crushed — the weak by the strong — in battle.

Note on the text: The automatic alignment found no match. Line 1 is the critical edition's star passage 6.102.75d*0418 (not in the constituted text); lines 2–3 are 6.102.76.

Verse 81 (6.106.81)

तथैव योधा राजेन्द्र भीष्मेणामित्रघातिना । समरे मृदिताः सर्वे पाण्डवाः सह सृञ्जयैः ॥

tathaiva yodhā rājendra bhīṣmeṇāmitraghātinā | samare mṛditāḥ sarve pāṇḍavāḥ saha sṛñjayaiḥ

In the same way, king of kings, all the Pandava warriors, together with the Srinjayas, were crushed in battle by Bhishma, slayer of enemies.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.102.76d*0420.

Verse 82 (6.106.82)

महारथं भारत दुष्प्रकम्पं । शरौघिणं प्रतपन्तं नरेन्द्रान् । भीष्मं न शेकुः प्रतिवीक्षितुं ते । शरार्चिषं सूर्यमिवातपन्तम् ॥

mahārathaṃ bhārata duṣprakampaṃ | śaraughiṇaṃ pratapantaṃ narendrān | bhīṣmaṃ na śekuḥ prativīkṣituṃ te | śarārciṣaṃ sūryamivātapantam

They could not look at Bhishma, O Bharata — that great chariot-warrior, not to be shaken, pouring out floods of arrows and scorching the kings, his arrows his flames, like the sun blazing down.

Note on the text: दुष्प्रकम्पं for duṣpradharṣaṃ kept as a variant.

Verse 83 (6.106.83)

विमृद्नतस्तस्य तु पाण्डुसेना- । मस्तं जगामाथ सहस्ररश्मिः । ततो हि भीष्मः सबलान्ससैन्या- । न्न्यवारयत्पाण्डुसुताञ्शरौघैः ॥

vimṛdnatastasya tu pāṇḍusenā- | mastaṃ jagāmātha sahasraraśmiḥ | tato hi bhīṣmaḥ sabalānsasainyā- | nnyavārayatpāṇḍusutāñśaraughaiḥ

While he was grinding down the Pandava army, the thousand-rayed sun went to its setting; and then Bhishma held back the sons of Pandu, with all their strength and their troops, with floods of arrows.

Note on the text: The automatic alignment found no match. Lines 1–2 are the critical edition's 6.102.78ab; lines 3–4 are its star passage 6.102.78b*0421, lines 1–2 (not in the constituted text; ततो हि for tato 'pi, सबलान् for sabalaḥ). Corrected विमृद्गतस्तस्य → विमृद्नतस्तस्य (misprint in Wikisource; द्ग for द्न, critical edition vimṛdnatas, 'as he was crushing').

Verse 84 (6.106.84)

ततो बलानां श्रमकर्शितानां । मनोऽवहारं प्रति संबभूव ॥

tato balānāṃ śramakarśitānāṃ | mano'vahāraṃ prati saṃbabhūva

Then the minds of the troops, worn out with fatigue, turned toward withdrawing from the field.

Note on the text: Restored from the critical edition (6.102.78c): Wikisource prints this row as 84f with only its last quarter, मनोऽवहारं प्रति संबभूव (6.102.78d); the lost quarter, tato balānāṃ śramakarśitānāṃ, is restored.