Bhima Holds Off Ten Kaurava Warriors

Verse 1 (6.113.1)

भगदत्तः कृपः शल्यः कृतवर्मा तथैव च । विन्दानुविन्दावावन्त्यौ सैन्धवश्च जयद्रथः ॥

bhagadattaḥ kṛpaḥ śalyaḥ kṛtavarmā tathaiva ca | vindānuvindāvāvantyau saindhavaśca jayadrathaḥ

Bhagadatta, Kripa, Shalya and Kritavarman too, Vinda and Anuvinda of Avanti, Jayadratha the king of Sindhu,

Note on the text: Adhyaya note: checked against the raw Wikisource page (a table, one row per verse, 6-113-1 to 6-113-53, with the heading सञ्जय उवाच before verse 1 only). This adhyaya is the critical edition's 6.109 (the tenth day; Bhima against ten Kaurava warriors). Wikisource divides several of the critical edition's three-line verses into couplets (verses 6–14, 19–21 and 45–49); each such verse carries the ce_ref of the critical-edition verse holding its first line, with the lines mapped in its note. Duryodhana's order to Susharman (verse 51), printed without a heading, is given to him. Verse 1: corrected कृतवर्ता → कृतवर्मा (misprint in Wikisource; र्त for र्म, critical edition kṛtavarmā); तथैव च for ca sātvataḥ kept as a variant.

Verse 2 (6.113.2)

चित्रसेनो विकर्णश्च तथा दुर्मर्षणो युवा । दशैते तावका योधा भीमसेनमयोधयन् ॥

citraseno vikarṇaśca tathā durmarṣaṇo yuvā | daśaite tāvakā yodhā bhīmasenamayodhayan

Chitrasena, Vikarna and the young Durmarshana: these ten warriors of yours fought Bhimasena,

Verse 3 (6.113.3)

महत्या सेनया युक्ता नानादेशसमुत्थया । भीष्मस्य समरे राजन्प्रार्थयाना महद्यशः ॥

mahatyā senayā yuktā nānādeśasamutthayā | bhīṣmasya samare rājanprārthayānā mahadyaśaḥ

backed by a great army gathered from many lands, O king, seeking great glory in battle for Bhishma's sake.

Verse 4 (6.113.4)

शल्यस्तु नवभिर्बाणैर्भीमसेनमताडयत् । कृतवर्मा त्रिभिर्बाणैः कृपश्च नवभिः शरैः ॥

śalyastu navabhirbāṇairbhīmasenamatāḍayat | kṛtavarmā tribhirbāṇaiḥ kṛpaśca navabhiḥ śaraiḥ

Shalya struck Bhimasena with nine arrows, Kritavarman with three arrows and Kripa with nine shafts.

Note on the text: Corrected त्रिभिर्भाणैः → त्रिभिर्बाणैः (misprint in Wikisource; भ for ब, critical edition tribhir bāṇaiḥ).

Verse 5 (6.113.5)

चित्रसेनो विकर्णश्च भगदत्तश्च मारिष । दशभिर्दशभिर्बाणैर्भीमसेनमताडयन् ॥

citraseno vikarṇaśca bhagadattaśca māriṣa | daśabhirdaśabhirbāṇairbhīmasenamatāḍayan

Chitrasena, Vikarna and Bhagadatta, sir, struck Bhimasena with ten arrows each.

Verse 6 (6.113.6)

सैन्धवश्च त्रिभिर्बाणैर्भीमसेनमताडयत् । विन्दानुविन्दावावन्त्यौ पञ्चभिः पञ्चभिः शरैः ॥

saindhavaśca tribhirbāṇairbhīmasenamatāḍayat | vindānuvindāvāvantyau pañcabhiḥ pañcabhiḥ śaraiḥ

The king of Sindhu struck Bhimasena with three arrows, and Vinda and Anuvinda of Avanti with five shafts each;

Note on the text: The automatic alignment found no match. Lines 1–2 are the critical edition's 6.109.6ab–cd, line 1 ending भीमसेनमताडयत् for jatrudeśe 'bhyatāḍayat (kept as a variant). Corrected भीमसेनमडायत् → भीमसेनमताडयत् (misprint in Wikisource; a dropped akshara, as in verses 4–5, critical edition atāḍayat).

Verse 7 (6.113.7)

दुर्मर्षणस्तु विंशत्या पाण्डवं निशितैः शरैः । स तान्सर्वान्महाराज राजमानान्पृथक्पृथक् ॥

durmarṣaṇastu viṃśatyā pāṇḍavaṃ niśitaiḥ śaraiḥ | sa tānsarvānmahārāja rājamānānpṛthakpṛthak

and Durmarshana struck the Pandava with twenty sharp arrows. Then, great king, all those shining warriors, one by one,

Note on the text: The automatic alignment found no match. Line 1 is the critical edition's 6.109.6ef; line 2 is 6.109.7ab (राजमानान् for bhrājamānān).

Verse 8 (6.113.8)

प्रवीरान्सर्वलोकस्य धार्तराष्ट्रान्महारथान् । जघान समरे वीरः पाण्डवः परवीरहा ॥

pravīrānsarvalokasya dhārtarāṣṭrānmahārathān | jaghāna samare vīraḥ pāṇḍavaḥ paravīrahā

those foremost heroes of the whole world, the great chariot-fighters of Dhritarashtra's side, the heroic Pandava, slayer of enemy heroes, struck in battle.

Note on the text: The automatic alignment found no match. Line 1 is the critical edition's 6.109.7cd; line 2 (जघान समरे वीरः पाण्डवः परवीरहा) differs from 6.109.7ef (vivyādha bahubhir bāṇair bhīmaseno mahābalaḥ); kept as a recension variant.

Verse 9 (6.113.9)

सप्तभिः शल्यमाविध्यत्कृतवर्माणमष्टभिः । कृपस्य सशरं चापं मध्ये चिच्छेद भारत ॥

saptabhiḥ śalyamāvidhyatkṛtavarmāṇamaṣṭabhiḥ | kṛpasya saśaraṃ cāpaṃ madhye ciccheda bhārata

He pierced Shalya with seven arrows and Kritavarman with eight, and cut Kripa's bow, arrow and all, through the middle, O Bharata.

Note on the text: The automatic alignment found no match. Line 1 is the critical edition's 6.109.8ab, reading सप्तभिः शल्यमाविध्यत् ('pierced Shalya with seven') for śalyaṃ pañcāśatā viddhvā ('with fifty'); kept as a variant. Line 2 is 6.109.8cd.

Verse 10 (6.113.10)

अथैनं च्छिन्नधन्वानं पुनर्विव्याध सप्तभिः । विन्दानुविन्दौ च तथा त्रिभिस्त्रिभिरताडयत् ॥

athainaṃ cchinnadhanvānaṃ punarvivyādha saptabhiḥ | vindānuvindau ca tathā tribhistribhiratāḍayat

Then, his bow cut, he pierced him again with seven; and Vinda and Anuvinda too he struck with three each,

Note on the text: The automatic alignment found no match. Line 1 is the critical edition's 6.109.8ef (सप्तभिः for pañcabhiḥ, kept as a variant); line 2 is 6.109.9ab.

Verse 11 (6.113.11)

दुर्मर्षणं च विंशत्या चित्रसेनं च पञ्चभिः । विकर्णं दशभिर्बाणैः पञ्चभिश्च जयद्रथम् ॥

durmarṣaṇaṃ ca viṃśatyā citrasenaṃ ca pañcabhiḥ | vikarṇaṃ daśabhirbāṇaiḥ pañcabhiśca jayadratham

Durmarshana with twenty, Chitrasena with five, Vikarna with ten arrows and Jayadratha with five.

Note on the text: The automatic alignment found no match. Line 1 is the critical edition's 6.109.9cd; line 2 is 6.109.10ab.

Verse 12 (6.113.12)

विद्ध्वा भीमोऽनदद्धृष्टः सैन्धवं च पुनस्त्रिभिः । अथान्यद्धनुरादाय गौतमो रथिनां वरः ॥

viddhvā bhīmo'nadaddhṛṣṭaḥ saindhavaṃ ca punastribhiḥ | athānyaddhanurādāya gautamo rathināṃ varaḥ

Having pierced them, and the Sindhu king once more with three, Bhima roared in delight. Then Gautama, best of chariot-fighters, took up another bow

Note on the text: The automatic alignment found no match. Line 1 is the critical edition's 6.109.10cd; line 2 is 6.109.11ab.

Verse 13 (6.113.13)

भीमं विव्याध संरब्धो दशभिर्निशितैः शरैः । स विद्धो दशभिर्बाणैस्तोत्रैरिव महाद्विपः ॥

bhīmaṃ vivyādha saṃrabdho daśabhirniśitaiḥ śaraiḥ | sa viddho daśabhirbāṇaistotrairiva mahādvipaḥ

and in fury pierced Bhima with ten sharp arrows. Pierced by ten arrows, like a great elephant by goads,

Note on the text: The automatic alignment found no match. Line 1 is the critical edition's 6.109.11cd; line 2 is 6.109.12ab (दशभिर्बाणैः for bahubhir bāṇaiḥ).

Verse 14 (6.113.14)

ततः क्रुद्धो महाराज भीमसेनः प्रतापवान् । गौतमं ताडयामास शरैर्बहुभिराहवे ॥

tataḥ kruddho mahārāja bhīmasenaḥ pratāpavān | gautamaṃ tāḍayāmāsa śarairbahubhirāhave

the valiant Bhimasena, enraged, great king, struck Gautama with many arrows in the fight.

Note on the text: The automatic alignment found no match. Line 1 is the critical edition's 6.109.12cd (महाराज for mahābāhuḥ); line 2 is 6.109.12ef.

Verse 15 (6.113.15)

सैन्धवस्य तथाऽश्वांश्च सारथिं च त्रिभिः शरैः । प्राहिणोन्मृत्युलोकाय कालान्तकसमद्युतिः ॥

saindhavasya tathā'śvāṃśca sārathiṃ ca tribhiḥ śaraiḥ | prāhiṇonmṛtyulokāya kālāntakasamadyutiḥ

With three arrows Bhima, blazing like Death at the end of time, sent the horses and the charioteer of the Sindhu king to the world of the dead.

Verse 16 (6.113.16)

हताश्वात्तु रथात्तूर्णमवप्लुत्य महारथः । शरांश्चिक्षेप निशितान्भीमसेनस्य संयुगे ॥

hatāśvāttu rathāttūrṇamavaplutya mahārathaḥ | śarāṃścikṣepa niśitānbhīmasenasya saṃyuge

Leaping quickly from the chariot whose horses had been slain, that great chariot-fighter loosed sharp arrows at Bhimasena in the battle.

Verse 17 (6.113.17)

तस्य भीमो धनुर्मध्ये द्वाभ्यां चिच्छेद मारिष । भल्लाभ्यां भरतश्रेष्ठ सैन्धवस्य महात्मनः ॥

tasya bhīmo dhanurmadhye dvābhyāṃ ciccheda māriṣa | bhallābhyāṃ bharataśreṣṭha saindhavasya mahātmanaḥ

With two broad-headed arrows, sir, best of the Bharatas, Bhima cut through the middle the bow of the high-souled Sindhu king.

Verse 18 (6.113.18)

स च्छिन्नधन्वा विरथो हताश्वो हतसारथिः । चित्रसेनरथं राजन्नारुरोह त्वरान्वितः ॥

sa cchinnadhanvā viratho hatāśvo hatasārathiḥ | citrasenarathaṃ rājannāruroha tvarānvitaḥ

His bow cut, his chariot lost, his horses and charioteer slain, he hastily climbed onto Chitrasena's chariot, O king.

Verse 19 (6.113.19)

अत्यद्भुतं रणे कर्म कृतवांस्तत्र पाण्डवः । महारथाञ्शरैर्विद्ध्वा वारयित्वा च मारिष ॥

atyadbhutaṃ raṇe karma kṛtavāṃstatra pāṇḍavaḥ | mahārathāñśarairviddhvā vārayitvā ca māriṣa

A most wondrous feat the Pandava performed there in battle: piercing the great chariot-fighters with his arrows and holding them back, sir,

Note on the text: The automatic alignment found no match. Lines 1–2 are the critical edition's 6.109.17ab–cd (च मारिष for mahārathaḥ).

Verse 20 (6.113.20)

विरथं सैन्धवं चक्रे सर्वलोकस्य पश्यतः । तदा न ममृषे शल्यो भीमसेनस्य विक्रमम् ॥

virathaṃ saindhavaṃ cakre sarvalokasya paśyataḥ | tadā na mamṛṣe śalyo bhīmasenasya vikramam

he left the Sindhu king without a chariot while all the world looked on. Then Shalya could not bear Bhimasena's prowess.

Note on the text: The automatic alignment found no match. Line 1 is the critical edition's 6.109.17ef; line 2 is 6.109.18ab (तदा न for nātīva). Corrected भीमसेस्य → भीमसेनस्य (misprint in Wikisource; a dropped akshara, critical edition bhīmasenasya).

Verse 21 (6.113.21)

स संधाय शरांस्तीक्ष्णान्कर्मारपरिमार्जितान् । भीमं विव्याध समरे तिष्ठतिष्ठेति चाब्रवीत् ॥

sa saṃdhāya śarāṃstīkṣṇānkarmāraparimārjitān | bhīmaṃ vivyādha samare tiṣṭhatiṣṭheti cābravīt

Fitting sharp arrows burnished by the smith, he pierced Bhima in the battle and cried, 'Stand! Stand!'

Note on the text: The automatic alignment found no match. Line 1 is the critical edition's 6.109.18cd; line 2 is 6.109.18ef (समरे for saptatyā). Corrected करमारपरिमार्जितान् → कर्मारपरिमार्जितान् (misprint in Wikisource; a broken conjunct, critical edition karmāra-, and the page's own gloss reads कर्मारं) and तिष्ठितिष्ठेति → तिष्ठतिष्ठेति (misprint in Wikisource; a wrong vowel sign, critical edition tiṣṭha tiṣṭheti).

Verse 22 (6.113.22)

कृपश्च कृतवर्मा च भगदत्तश्च वीर्यवान् । विन्दानुविन्दावावन्त्यौ चित्रसेनश्च संयुगे ॥

kṛpaśca kṛtavarmā ca bhagadattaśca vīryavān | vindānuvindāvāvantyau citrasenaśca saṃyuge

Kripa and Kritavarman, valiant Bhagadatta, Vinda and Anuvinda of Avanti, Chitrasena in the fight,

Note on the text: Separated कृतवर्माच → कृतवर्मा च (word space missing in Wikisource). वीर्यवान् for māriṣa kept as a variant.

Verse 23 (6.113.23)

दुर्मर्षणो विकर्णश्च सिन्धुराजश्च वीर्यवान् । भीमं ते विव्यधुस्तूर्णं शल्यहेतोररिन्दमाः ॥

durmarṣaṇo vikarṇaśca sindhurājaśca vīryavān | bhīmaṃ te vivyadhustūrṇaṃ śalyahetorarindamāḥ

Durmarshana, Vikarna and the valiant king of Sindhu: these tamers of foes swiftly pierced Bhima for Shalya's sake.

Verse 24 (6.113.24)

स च तान्प्रति विव्याध पञ्चभिः पञ्चभिः शरैः । शल्यं विव्याध सप्तत्या पुनश्च दशभिः शरैः ॥

sa ca tānprati vivyādha pañcabhiḥ pañcabhiḥ śaraiḥ | śalyaṃ vivyādha saptatyā punaśca daśabhiḥ śaraiḥ

He pierced them back with five arrows each, and pierced Shalya with seventy, and again with ten.

Note on the text: Corrected शरैःक → शरैः (misprint in Wikisource; a stray क after the visarga, critical edition śaraiḥ).

Verse 25 (6.113.25)

तं शल्यो नवभिर्भित्त्वा पुनर्विव्याध पञ्चभिः । सारथिं चास्य भल्लेन गाढं विव्याध मर्मणि ॥

taṃ śalyo navabhirbhittvā punarvivyādha pañcabhiḥ | sārathiṃ cāsya bhallena gāḍhaṃ vivyādha marmaṇi

Shalya split him with nine arrows and pierced him again with five, and struck his charioteer deep in a vital spot with a broad-headed arrow.

Verse 26 (6.113.26)

विशोकं प्रेक्ष्य निर्भिन्नं भीमसेनः प्रतापवान् । मद्रराजं त्रिभिर्बाणैर्बाह्वोरुरसि चार्पयत् ॥

viśokaṃ prekṣya nirbhinnaṃ bhīmasenaḥ pratāpavān | madrarājaṃ tribhirbāṇairbāhvorurasi cārpayat

Seeing Vishoka pierced, the valiant Bhimasena planted three arrows in the arms and chest of the Madra king.

Note on the text: Corrected बाह्वोरुरुसि → बाह्वोरुरसि (misprint in Wikisource; a stray vowel sign, critical edition bāhvor urasi).

Verse 27 (6.113.27)

तथेतरान्महेष्वासांस्त्रिभिस्त्रिभिरजिह्मगैः । ताडयामास समरे सिंहवद्विननाद च ॥

tathetarānmaheṣvāsāṃstribhistribhirajihmagaiḥ | tāḍayāmāsa samare siṃhavadvinanāda ca

Likewise he struck the other great archers in the battle with three straight-flying arrows each, and roared like a lion.

Note on the text: Corrected ताजयामास → ताडयामास (misprint in Wikisource; ज for ड, critical edition tāḍayām āsa) and सिंहवाद्विननाद → सिंहवद्विननाद (misprint in Wikisource; a stray vowel sign, critical edition siṃhavac).

Verse 28 (6.113.28)

ते हि यत्ता महेष्वासाः पाण्डवं युद्धकोविदम् । त्रिभिस्त्रिभिरकुण्ठाग्रैर्भृशं मर्मस्वताडयन् ॥

te hi yattā maheṣvāsāḥ pāṇḍavaṃ yuddhakovidam | tribhistribhirakuṇṭhāgrairbhṛśaṃ marmasvatāḍayan

Those great archers, striving hard, struck the Pandava, skilled in war, deep in his vital parts with three keen-pointed arrows each.

Verse 29 (6.113.29)

सोऽतिविद्धो महेष्वासो भीमसेनो न विव्यथे । पर्वतो वारिधाराभिर्वर्षमाणैरिवाम्बुदैः ॥

so'tividdho maheṣvāso bhīmaseno na vivyathe | parvato vāridhārābhirvarṣamāṇairivāmbudaiḥ

Though deeply pierced, the great archer Bhimasena did not waver, as a mountain does not under streams of rain from pouring clouds.

Verse 30 (6.113.30)

स तु क्रोधसमाविष्टः पाण्डवानां महारथः । मद्रेश्वरं त्रिभिर्बाणैर्भृशं विद्ध्वा महायशाः ॥

sa tu krodhasamāviṣṭaḥ pāṇḍavānāṃ mahārathaḥ | madreśvaraṃ tribhirbāṇairbhṛśaṃ viddhvā mahāyaśāḥ

Filled with wrath, that great chariot-fighter of the Pandavas, of great fame, pierced the lord of Madra deeply with three arrows,

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.109.26d*0457 (पाण्डवानां महारथः for bhīmaseno mahābalaḥ).

Verse 31 (6.113.31)

कृपं च नवभिर्बाणैर्भृशं विद्ध्वा समन्ततः । प्राग्ज्योतिषं शतैराजौ राजन्विव्याध सायकैः ॥

kṛpaṃ ca navabhirbāṇairbhṛśaṃ viddhvā samantataḥ | prāgjyotiṣaṃ śatairājau rājanvivyādha sāyakaiḥ

and, having pierced Kripa deeply all over with nine arrows, struck the king of Pragjyotisha with hundreds of shafts in the fight, O king.

Note on the text: Line 1 reads कृपं च … समन्ततः for the critical edition's śalyaṃ ca … mahāyaśāḥ, and line 2 शतैः … सायकैः for śatena … vai dṛḍham; kept as recension variants. Corrected प्रग्ज्योतिषं → प्राग्ज्योतिषं (misprint in Wikisource; a dropped vowel sign, critical edition prāgjyotiṣaṃ).

Verse 32 (6.113.32)

ततस्तु सशरं चापं सात्वतस्य महात्मनः । क्षुरप्रेण सुतीक्ष्णेन चिच्छेद कृतहस्तवत् ॥

tatastu saśaraṃ cāpaṃ sātvatasya mahātmanaḥ | kṣurapreṇa sutīkṣṇena ciccheda kṛtahastavat

Then with a very sharp razor-headed arrow, like the deft-handed warrior he was, he cut the bow, arrow and all, of the high-souled Satvata.

Verse 33 (6.113.33)

तथान्यद्धनुरादाय कृतवर्मा वृकोदरम् । आजघान भ्रुवोर्मध्ये नाराचेन परंतपः ॥

tathānyaddhanurādāya kṛtavarmā vṛkodaram | ājaghāna bhruvormadhye nārācena paraṃtapaḥ

Taking up another bow, Kritavarman, scorcher of foes, struck Vrikodara between the brows with an iron shaft.

Verse 34 (6.113.34)

भीमस्तु समरे विद्ध्वा शल्यं नवभिरायसैः । भगदत्तं त्रिभिश्चैव कृतवर्माणमष्टभिः ॥

bhīmastu samare viddhvā śalyaṃ navabhirāyasaiḥ | bhagadattaṃ tribhiścaiva kṛtavarmāṇamaṣṭabhiḥ

Bhima, having pierced Shalya in the battle with nine iron arrows, Bhagadatta with three and Kritavarman with eight,

Verse 35 (6.113.35)

द्वाभ्यां द्वाभ्यां तु विव्याध गौतमप्रभृतीन्रथान् । तेऽपि तं समरे राजन्विव्यधुर्निशितैः शरैः ॥

dvābhyāṃ dvābhyāṃ tu vivyādha gautamaprabhṛtīnrathān | te'pi taṃ samare rājanvivyadhurniśitaiḥ śaraiḥ

pierced Gautama and the other chariot-fighters with two each; and they too, O king, pierced him in the battle with sharp arrows.

Verse 36 (6.113.36)

स तथा पीड्यमानोऽपि सर्वशस्त्रैर्महारथैः । मत्वा तृणेन तांस्तुल्यान्विचचार गतव्यथः ॥

sa tathā pīḍyamāno'pi sarvaśastrairmahārathaiḥ | matvā tṛṇena tāṃstulyānvicacāra gatavyathaḥ

Though harried thus by those great chariot-fighters with every kind of weapon, he counted them as no more than straw and ranged about untroubled.

Verse 37 (6.113.37)

ते चापि रथिनां श्रेष्ठा भीमाय निशिताञ्शरान् । प्रेषयामासुरव्यग्राः शतशोऽथ सहस्रशः ॥

te cāpi rathināṃ śreṣṭhā bhīmāya niśitāñśarān | preṣayāmāsuravyagrāḥ śataśo'tha sahasraśaḥ

And those best of chariot-fighters, unshaken, sent sharp arrows at Bhima by hundreds and by thousands.

Note on the text: Corrected प्रेषयामासुरव्याग्राः → प्रेषयामासुरव्यग्राः (misprint in Wikisource; a stray vowel sign, critical edition avyagrāḥ).

Verse 38 (6.113.38)

तस्य शक्तिं महावेगां भगदत्तो महारथः । चिक्षेप समरे वीरः स्वर्णदण्डां महामते ॥

tasya śaktiṃ mahāvegāṃ bhagadatto mahārathaḥ | cikṣepa samare vīraḥ svarṇadaṇḍāṃ mahāmate

The great chariot-fighter Bhagadatta, that hero, hurled at him in the battle a spear of great speed with a golden shaft, O wise one.

Note on the text: Corrected महमते → महामते (misprint in Wikisource; a dropped vowel sign, the vocative 'O wise one'). The critical edition reads mahādhanām here; kept महामते as the smallest fix of the printed form.

Verse 39 (6.113.39)

तोमरं सैन्धवो राजा पट्टसं च महाभुजः । शतघ्नीं च कृपो राजञ्छरं शल्यश्च संयुगे ॥

tomaraṃ saindhavo rājā paṭṭasaṃ ca mahābhujaḥ | śataghnīṃ ca kṛpo rājañcharaṃ śalyaśca saṃyuge

The king of Sindhu, mighty-armed, hurled a lance and a pattisha; Kripa a shataghni, O king, and Shalya an arrow in the fight.

Verse 40 (6.113.40)

अथेतरे महेष्वासाः पञ्च पञ्च शिलीमुखान् । भीमसेनं समुद्दिश्य प्रेषयामासुरोजसा ॥

athetare maheṣvāsāḥ pañca pañca śilīmukhān | bhīmasenaṃ samuddiśya preṣayāmāsurojasā

Then the other great archers, with all their might, sent five arrows each at Bhimasena.

Note on the text: Corrected प्रेषयमासुरोजसा → प्रेषयामासुरोजसा (misprint in Wikisource; a dropped vowel sign, critical edition preṣayām āsur).

Verse 41 (6.113.41)

तोमरं च द्विधा चक्रे क्षुरप्रेणानिलात्मजः । पट्टसं च त्रिभिर्बाणैश्चिच्छेद तिलकाण्डवत् ॥

tomaraṃ ca dvidhā cakre kṣurapreṇānilātmajaḥ | paṭṭasaṃ ca tribhirbāṇaiściccheda tilakāṇḍavat

The son of the Wind-god split the lance in two with a razor-headed arrow, and with three arrows cut the pattisha like a sesame stalk.

Verse 42 (6.113.42)

स बिभेद शतघ्नीं च नवभिः कङ्कपत्रिभिः । मद्रराजप्रयुक्तं च शरं छित्त्वा महारथः ॥

sa bibheda śataghnīṃ ca navabhiḥ kaṅkapatribhiḥ | madrarājaprayuktaṃ ca śaraṃ chittvā mahārathaḥ

He shattered the shataghni with nine heron-feathered arrows, and the great chariot-fighter, having cut down the arrow loosed by the Madra king,

Verse 43 (6.113.43)

शक्तिं चिच्छेद सहसा भगदत्तेरितां रणे । तथेतराञ्शरान्घोराञ्शरैः सन्नतपर्वभिः ॥

śaktiṃ ciccheda sahasā bhagadatteritāṃ raṇe | tathetarāñśarānghorāñśaraiḥ sannataparvabhiḥ

suddenly cut down the spear hurled by Bhagadatta in the battle. Then the other dreadful arrows, with his own smooth-jointed shafts,

Verse 44 (6.113.44)

भीमसेनो रणश्लाघी त्रिधैकैकं समाच्छिनत् । तांश्च सर्वान्महेष्वासांस्त्रिभिस्त्रिभिरताडयत् ॥

bhīmaseno raṇaślāghī tridhaikaikaṃ samācchinat | tāṃśca sarvānmaheṣvāsāṃstribhistribhiratāḍayat

Bhimasena, who gloried in battle, cut each into three pieces, and struck all those great archers with three arrows each.

Verse 45 (6.113.45)

ततो धनञ्जयस्तत्र वर्तमाने महारणे । आजगाम रथेनाजौ भीमं दृष्ट्वा महारथम् ॥

tato dhanañjayastatra vartamāne mahāraṇe | ājagāma rathenājau bhīmaṃ dṛṣṭvā mahāratham

Then, while that great battle raged, Dhananjaya came there by chariot into the fight, seeing the great chariot-fighter Bhima

Note on the text: The automatic alignment found no match. Lines 1–2 are the critical edition's 6.109.41ab–cd (आजगाम रथेनाजौ for jagāma sa rathenājau).

Verse 46 (6.113.46)

निघ्नन्तं समरे शत्रून्योधयानं च सायकैः । तौ तु तत्र महात्मानौ समेतौ वीक्ष्य पाण्डवौ ॥

nighnantaṃ samare śatrūnyodhayānaṃ ca sāyakaiḥ | tau tu tatra mahātmānau sametau vīkṣya pāṇḍavau

slaying his foes in battle and fighting them with his arrows. Seeing the two high-souled Pandavas joined together there,

Note on the text: The automatic alignment found no match. Line 1 is the critical edition's 6.109.41ef; line 2 is 6.109.42ab.

Verse 47 (6.113.47)

न शशंसुर्जयं तत्र तावकाः पुरुषर्षभाः । अथार्जुनो रणे भीमं योधयन्तं महारथान् ॥

na śaśaṃsurjayaṃ tatra tāvakāḥ puruṣarṣabhāḥ | athārjuno raṇe bhīmaṃ yodhayantaṃ mahārathān

your bulls among men no longer hoped for victory there. Then Arjuna, while Bhima fought the great chariot-fighters,

Note on the text: The automatic alignment found no match. Line 1 is the critical edition's 6.109.42cd (पुरुषर्षभाः, nominative, for the vocative puruṣarṣabha); line 2 (अथार्जुनो रणे भीमं योधयन्तं महारथान्) differs from 6.109.43ab (athārjuno raṇe bhīṣmaṃ yodhayan vai mahāratham); kept as a recension variant.

Verse 48 (6.113.48)

भीष्मस्य निधनाकाङ्क्षी पुरस्कृत्य शिखण्डिनम् । आससाद रणे वीरांस्तावकान्दश भारत ॥

bhīṣmasya nidhanākāṅkṣī puraskṛtya śikhaṇḍinam | āsasāda raṇe vīrāṃstāvakāndaśa bhārata

eager for Bhishma's death and with Shikhandin placed in front, came upon ten heroes of yours in the battle, O Bharata,

Note on the text: The automatic alignment found no match. Line 1 is the critical edition's 6.109.43cd; line 2 is 6.109.44ab (वीरान् for yodhān).

Verse 49 (6.113.49)

ये स्म भीमं रणे राजन्योधयन्तो व्यवस्थिताः । बीभत्सुस्तानथाविध्यद्भीमस्य प्रियकाम्यया ॥

ye sma bhīmaṃ raṇe rājanyodhayanto vyavasthitāḥ | bībhatsustānathāvidhyadbhīmasya priyakāmyayā

those who stood fighting Bhima in the battle, O king; and Bibhatsu pierced them, wishing to do Bhima a kindness.

Note on the text: The automatic alignment found no match. Lines 1–2 are the critical edition's 6.109.44cd–ef.

Verse 50 (6.113.50)

ततो दुर्योधनो राजा सुशर्माणमचोदयत् । अर्जुनस्य वधार्थाय भीमसेनस्य चोभयोः ॥

tato duryodhano rājā suśarmāṇamacodayat | arjunasya vadhārthāya bhīmasenasya cobhayoḥ

Then King Duryodhana urged Susharman on to slay both Arjuna and Bhimasena.

Verse 51 (6.113.51)

सुशर्मन्गच्छ शीघ्रं त्वं बलौघैः परिवारितः । जहि पाण्डुसुतावेतौ धनञ्जयवृकोदरौ ॥

suśarmangaccha śīghraṃ tvaṃ balaughaiḥ parivāritaḥ | jahi pāṇḍusutāvetau dhanañjayavṛkodarau

"Susharman, go quickly, surrounded by masses of troops, and kill these two sons of Pandu, Dhananjaya and Vrikodara."

Note on the text: Speaker: Duryodhana's order to Susharman, announced in verse 50; the page prints no heading.

Verse 52 (6.113.52)

तच्छ्रुत्वा वचनं तस्य त्रैगर्तः प्रस्थलाधिपः । अभिद्रुत्य रणे भीममर्जुनं चैव धन्विनौ ॥

tacchrutvā vacanaṃ tasya traigartaḥ prasthalādhipaḥ | abhidrutya raṇe bhīmamarjunaṃ caiva dhanvinau

Hearing his words, the Trigarta, lord of Prasthala, rushed in battle at the two bowmen, Bhima and Arjuna,

Verse 53 (6.113.53)

रथैरनेकसाहस्रैः समन्तात्पर्यवारयत् । ततः प्रववृते युद्धमर्जुनस्य परैः सह ॥

rathairanekasāhasraiḥ samantātparyavārayat | tataḥ pravavṛte yuddhamarjunasya paraiḥ saha

and hemmed them in on every side with many thousands of chariots. Then began Arjuna's battle with the enemy.