Bhima and Arjuna Break the Kaurava Ranks

Verse 1 (6.114.1)

अर्जुनस्तु रणे शल्यं यतमानं महारथम् । छादयामास समरे शरैः सन्नतपर्वभिः ॥

arjunastu raṇe śalyaṃ yatamānaṃ mahāratham | chādayāmāsa samare śaraiḥ sannataparvabhiḥ

In the battle Arjuna covered the great chariot-warrior Shalya, who was fighting hard, with smooth-jointed arrows.

Note on the text: Adhyaya note: checked against the raw Wikisource page (a table, rows 6-114-1 to 6-114-47, with the heading सञ्जय उवाच before verse 1 and the colophon after verse 47). This adhyaya is the critical edition's 6.110 (the tenth day: Bhima and Arjuna against the Kaurava chiefs; the Pandavas advance on Bhishma with Shikhandin in front). Verses 7–12 are the critical edition's 6.110.7–11, whose three-line verses 7 and 11 Wikisource regroups into couplets (see verses 7–12).

Verse 2 (6.114.2)

सुशर्माणं कृपं चैव त्रिभिस्त्रिभिरविध्यत । प्राग्ज्योतिषं च समरे सैन्धवं च जयद्रथम् ॥

suśarmāṇaṃ kṛpaṃ caiva tribhistribhiravidhyata | prāgjyotiṣaṃ ca samare saindhavaṃ ca jayadratham

He pierced Susharman and Kripa with three arrows each; and in that battle the king of Pragjyotisha, and Jayadratha, lord of Sindhu,

Note on the text: Corrected चव → चैव (misprint in Wikisource; a dropped vowel sign, critical edition caiva) and त्रिभीस्त्रिभि → त्रिभिस्त्रिभि (misprint in Wikisource; long ī for short i, critical edition tribhis tribhir).

Verse 3 (6.114.3)

चित्रसेनं विकर्णं च कृतवर्माणमेव च । दुर्मर्षणं च राजेन्द्र ह्यावन्त्यौ च महारथौ ॥

citrasenaṃ vikarṇaṃ ca kṛtavarmāṇameva ca | durmarṣaṇaṃ ca rājendra hyāvantyau ca mahārathau

Chitrasena, Vikarna and Kritavarman too, Durmarshana, O king of kings, and the two great chariot-warriors of Avanti:

Verse 4 (6.114.4)

एकैकं त्रिभिरानर्च्छत्कङ्कबर्हिणवाजितैः । शरैरतिरथो युद्धे पीडयन्वाहिनीं तव ॥

ekaikaṃ tribhirānarcchatkaṅkabarhiṇavājitaiḥ | śarairatiratho yuddhe pīḍayanvāhinīṃ tava

each one of them that peerless chariot-fighter struck with three arrows fletched with heron and peacock feathers, harrying your host in the battle.

Verse 5 (6.114.5)

जयद्रथो रणे पार्थं विद्ध्वा भारत सायकैः । भीमं विव्याध तरसा चित्रसेनरथे स्थितः ॥

jayadratho raṇe pārthaṃ viddhvā bhārata sāyakaiḥ | bhīmaṃ vivyādha tarasā citrasenarathe sthitaḥ

Jayadratha, standing on Chitrasena's chariot, pierced Partha in the battle with arrows, O Bharata, and swiftly pierced Bhima as well.

Verse 6 (6.114.6)

शल्यश्च समरे जिष्णुं कृपश्च रथिनां वरः । विव्याधाते महाराज बहुधा मर्मभेदिभिः ॥

śalyaśca samare jiṣṇuṃ kṛpaśca rathināṃ varaḥ | vivyādhāte mahārāja bahudhā marmabhedibhiḥ

Shalya and Kripa, best of chariot-fighters, pierced Jishnu again and again in the battle, great king, with arrows that pierce the vitals.

Note on the text: Corrected मर्ममेदिभिः → मर्मभेदिभिः (misprint in Wikisource; म for भ, critical edition marmabhedibhiḥ).

Verse 7 (6.114.7)

चित्रसेनादयश्चैव पुत्रास्तव विशांपते । पञ्चभिः पञ्चभिस्तूर्णं संयुगे निशितैः शरैः ॥

citrasenādayaścaiva putrāstava viśāṃpate | pañcabhiḥ pañcabhistūrṇaṃ saṃyuge niśitaiḥ śaraiḥ

Your sons too, lord of the people, led by Chitrasena, swiftly, in the fight, with sharp arrows, five apiece,

Note on the text: Corrected पञ्चाभिः → पञ्चभिः (misprint in Wikisource; a stray long ā, critical edition pañcabhiḥ) and सुंयुगे → संयुगे (misprint in Wikisource; a stray u, critical edition saṃyuge). This couplet is the first two lines of the critical edition's three-line verse 6.110.7; the alignment missed it because the following couplets are regrouped (see verses 8–12).

Verse 8 (6.114.8)

आजघ्नुरर्जुनं सङ्ख्ये भीमसेनं च मारिष । तौ तत्र रथिनां श्रेष्ठौ कौन्तेयौ भरतर्षभौ ॥

ājaghnurarjunaṃ saṅkhye bhīmasenaṃ ca māriṣa | tau tatra rathināṃ śreṣṭhau kaunteyau bharatarṣabhau

struck Arjuna and Bhimasena in the battle, sir. Those two sons of Kunti, best of chariot-fighters and bulls among the Bharatas,

Note on the text: Line 1 is the third line of the critical edition's 6.110.7; line 2 is the first line of 6.110.8.

Verse 9 (6.114.9)

अपीडयेतां समरे त्रिगर्तानां महद्बलम् । सुशर्मापि रणे पार्थं शरैर्नवभिराशुगैः ॥

apīḍayetāṃ samare trigartānāṃ mahadbalam | suśarmāpi raṇe pārthaṃ śarairnavabhirāśugaiḥ

harried the great army of the Trigartas in the battle. Susharman too, assailing Partha in the fight with nine swift arrows,

Note on the text: Line 1 is the second line of the critical edition's 6.110.8; line 2 corresponds to the first line of 6.110.9, which reads suśarmāpi raṇe pārthaṃ viddhvā bahubhir āyasaiḥ (a recension variant in the second half of the line). Corrected सुशर्माणि → सुशर्मापि (misprint in Wikisource; सुशर्माणि is not a form of the name here, critical edition suśarmāpi).

Verse 10 (6.114.10)

ननाद बलवन्नादं त्रासयानो महद्बलम् । अन्ये च रथिनः शूरा भीमसेनधनञ्जयौ ॥

nanāda balavannādaṃ trāsayāno mahadbalam | anye ca rathinaḥ śūrā bhīmasenadhanañjayau

roared a mighty roar, terrifying the great host. Other brave chariot-fighters too pierced Bhimasena and Dhananjaya

Note on the text: Line 1 is the second line of the critical edition's 6.110.9 (there nādayan vai nabhastalam, a recension variant); line 2 is the first line of 6.110.10.

Verse 11 (6.114.11)

विव्यधुर्निशितैर्बाणै रुक्मपुङ्खैरजिह्मगैः । तेषां च रथिनां मध्ये कौन्तेयौ भरतर्षभौ ॥

vivyadhurniśitairbāṇai rukmapuṅkhairajihmagaiḥ | teṣāṃ ca rathināṃ madhye kaunteyau bharatarṣabhau

with sharp, straight-flying, gold-feathered arrows. And amid those chariot-fighters the two sons of Kunti, bulls of the Bharatas,

Note on the text: Line 1 is the second line of the critical edition's 6.110.10; line 2 is the first line of its three-line verse 6.110.11.

Verse 12 (6.114.12)

क्रीडमानौ रथोदारौ चित्ररूपौ व्यदृश्यताम् । आमिषेप्सू गवां मध्ये सिंहाविव मदोत्कटौ ॥

krīḍamānau rathodārau citrarūpau vyadṛśyatām | āmiṣepsū gavāṃ madhye siṃhāviva madotkaṭau

were seen in wondrous form, those two noble chariot-fighters, sporting in battle like two lions wild with fury among a herd of cattle, hungry for flesh.

Note on the text: Lines 1 and 2 are the second and third lines of the critical edition's three-line verse 6.110.11.

Verse 13 (6.114.13)

छित्त्वा धनूंषि शूराणां शरांश्च बहुधा रणे । पातयामासतुर्वीरौ शिरांसि शतशो नृणाम् ॥

chittvā dhanūṃṣi śūrāṇāṃ śarāṃśca bahudhā raṇe | pātayāmāsaturvīrau śirāṃsi śataśo nṛṇām

Cutting down the bows and arrows of the warriors in many ways in the battle, the two heroes struck off the heads of men by the hundred.

Verse 14 (6.114.14)

रथाश्च बहवो भग्ना हयाश्च शतशो हताः । गजाश्च सगजारोहाः पेतुरुर्व्यां महाहवे ॥

rathāśca bahavo bhagnā hayāśca śataśo hatāḥ | gajāśca sagajārohāḥ petururvyāṃ mahāhave

Many chariots were shattered and horses slain by the hundred; elephants with their riders fell to the earth in that great battle.

Verse 15 (6.114.15)

रथिनः सादिनश्चापि तत्रतत्र निषूदिताः । दृश्यन्ते बहवो राजन्वेष्टमानाः समन्ततः ॥

rathinaḥ sādinaścāpi tatratatra niṣūditāḥ | dṛśyante bahavo rājanveṣṭamānāḥ samantataḥ

Chariot-fighters and horsemen, cut down here and there, were seen in great numbers, O king, writhing on every side.

Note on the text: Corrected वेषमानाः → वेष्टमानाः (misprint in Wikisource; a dropped ट in the conjunct, critical edition veṣṭamānāḥ).

Verse 16 (6.114.16)

हतैर्गजपदात्योघैर्वाजिभिश्च निषूदितैः । रथैश्च बहुधा भग्नैः समास्तीर्यत मेदिनी ॥

hatairgajapadātyoghairvājibhiśca niṣūditaiḥ | rathaiśca bahudhā bhagnaiḥ samāstīryata medinī

The earth was strewn with slain elephants and masses of foot soldiers, with slaughtered horses, and with chariots broken in many ways;

Verse 17 (6.114.17)

छत्रैश्च बहुधा च्छिन्नैर्ध्वजैश्च विनिपातितैः । अङ्कुशैरपविद्धैश्च परिस्तोमैश्च भारत ॥

chatraiśca bahudhā cchinnairdhvajaiśca vinipātitaiḥ | aṅkuśairapaviddhaiśca paristomaiśca bhārata

with umbrellas hacked to pieces, with banners thrown down, with goads flung aside and with elephant blankets, O Bharata;

Verse 18 (6.114.18)

केयूरैरङ्गदैर्हारै राङ्कवैर्मृदितैस्तथा । उष्णीषैर्ऋष्टिभिश्चैव चामरव्यजनैरपि ॥

keyūrairaṅgadairhārai rāṅkavairmṛditaistathā | uṣṇīṣairṛṣṭibhiścaiva cāmaravyajanairapi

with armlets, bracelets and necklaces, with trampled woollen coverlets, with turbans and spears, and with yak-tail whisks and fans;

Verse 19 (6.114.19)

तत्रतत्रापविद्धैश्च बाहुभिश्चन्दनोक्षितैः । ऊरुभिश्च नरेन्द्राणां समास्तीर्यत मेदिनी ॥

tatratatrāpaviddhaiśca bāhubhiścandanokṣitaiḥ | ūrubhiśca narendrāṇāṃ samāstīryata medinī

and with the arms of kings, smeared with sandal paste, and their thighs, flung here and there: so was the earth strewn.

Verse 20 (6.114.20)

तत्राद्भुतमपश्याम रणे पार्थस्य विक्रमम् । शरैः संवार्य तान्वीरान्यज्जघान महाबलः ॥

tatrādbhutamapaśyāma raṇe pārthasya vikramam | śaraiḥ saṃvārya tānvīrānyajjaghāna mahābalaḥ

There we saw a marvellous feat of Partha in battle: holding back those heroes with his arrows, the mighty one struck them down.

Verse 21 (6.114.21)

पुत्रस्तु तव तं दृष्ट्वा भीमार्जुनपराक्रमम् । गाङ्गेयस्य रथाभ्याशमुपजग्मे महाबलः ॥

putrastu tava taṃ dṛṣṭvā bhīmārjunaparākramam | gāṅgeyasya rathābhyāśamupajagme mahābalaḥ

Your son, seeing that valour of Bhima and Arjuna, went, mighty as he was, close to the chariot of Ganga's son.

Verse 22 (6.114.22)

कृपश्च कृतवर्मा च सैन्धवश्च जयद्रथः । विन्दानुविन्दावावन्त्यौ नाजहुः संयुगं तदा ॥

kṛpaśca kṛtavarmā ca saindhavaśca jayadrathaḥ | vindānuvindāvāvantyau nājahuḥ saṃyugaṃ tadā

Kripa and Kritavarman, Jayadratha lord of Sindhu, and Vinda and Anuvinda of Avanti did not leave the fight then.

Verse 23 (6.114.23)

ततो भीमो महेष्वासः फल्गुनश्च महारथः । कौरवाणां चमूं घोरां भृशं दुद्रुवतू रणे ॥

tato bhīmo maheṣvāsaḥ phalgunaśca mahārathaḥ | kauravāṇāṃ camūṃ ghorāṃ bhṛśaṃ dudruvatū raṇe

Then the great archer Bhima and the great chariot-warrior Phalguna drove hard against the dreadful host of the Kauravas in the battle.

Verse 24 (6.114.24)

ततो बर्हिणवाजानामयुतान्यर्बुदानि च । धनञ्जयरथे तूर्णं पातयन्ति स्म भूमिपाः ॥

tato barhiṇavājānāmayutānyarbudāni ca | dhanañjayarathe tūrṇaṃ pātayanti sma bhūmipāḥ

Then the kings swiftly brought down upon Dhananjaya's chariot peacock-feathered arrows by the ten thousand and the hundred million.

Verse 25 (6.114.25)

ततस्ताञ्शरजालेन सन्निवार्य महारथान् । पार्थः समन्तात्समरे प्रेषयामास मृत्यवे ॥

tatastāñśarajālena sannivārya mahārathān | pārthaḥ samantātsamare preṣayāmāsa mṛtyave

Then Partha, holding back those great chariot-warriors on every side with a net of arrows, sent them to death in the battle.

Note on the text: Corrected ततस्तञ्शरजालेन → ततस्ताञ्शरजालेन (misprint in Wikisource; a dropped vowel sign, critical edition tatas tāñ śarajālena).

Verse 26 (6.114.26)

शल्यस्तु समरे जिष्णुं क्रीडन्निव महारथः । आजघानोरसि क्रुद्धो भल्लैः सन्नतपर्वभिः ॥

śalyastu samare jiṣṇuṃ krīḍanniva mahārathaḥ | ājaghānorasi kruddho bhallaiḥ sannataparvabhiḥ

Shalya, the great chariot-warrior, as if at play, angrily struck Jishnu in the chest with smooth-jointed broad-headed arrows.

Verse 27 (6.114.27)

तस्य पार्थो धनुश्छित्त्वा हस्तावापं च पञ्चभिः । अथैनं सायकैस्तीक्ष्णैर्भृशं विव्याध मर्मणि ॥

tasya pārtho dhanuśchittvā hastāvāpaṃ ca pañcabhiḥ | athainaṃ sāyakaistīkṣṇairbhṛśaṃ vivyādha marmaṇi

Partha cut through his bow and his hand-guard with five arrows, and then pierced him deeply in the vitals with sharp shafts.

Verse 28 (6.114.28)

अथान्यद्धनुरादाय समरे भारसाधनम् । मद्रेश्वरो रणे जिष्णुं ताडयामास रोषितः ॥

athānyaddhanurādāya samare bhārasādhanam | madreśvaro raṇe jiṣṇuṃ tāḍayāmāsa roṣitaḥ

Taking up another bow able to bear the strain, the lord of the Madras, enraged, struck Jishnu in the battle

Verse 29 (6.114.29)

त्रिभिः शरैर्महाराज वासुदेवं च पञ्चभिः । भीमसेनं च नवभिर्बाह्वोरुरसि चार्पयत् ॥

tribhiḥ śarairmahārāja vāsudevaṃ ca pañcabhiḥ | bhīmasenaṃ ca navabhirbāhvorurasi cārpayat

with three arrows, great king, and Vasudeva with five, and he planted nine in Bhimasena's arms and chest.

Note on the text: Corrected कच → च (misprint in Wikisource; a stray क, critical edition vāsudevaṃ ca).

Verse 30 (6.114.30)

ततो द्रोणो महाराज मागधश्च महारथः । दुर्योधनसमादिष्टौ तं देशमुपजग्मतुः ॥

tato droṇo mahārāja māgadhaśca mahārathaḥ | duryodhanasamādiṣṭau taṃ deśamupajagmatuḥ

Then Drona, great king, and the great chariot-warrior of Magadha, ordered by Duryodhana, came to that place

Verse 31 (6.114.31)

यत्र पार्थो महाराज भीमसेनश्च पाण्डवः । कौरव्यस्य महासेनां जघ्नतुः सुमहारथौ ॥

yatra pārtho mahārāja bhīmasenaśca pāṇḍavaḥ | kauravyasya mahāsenāṃ jaghnatuḥ sumahārathau

where Partha, great king, and Bhimasena the Pandava, those two great chariot-warriors, were cutting down the great army of the Kaurava.

Note on the text: Corrected जघ्नुतुः → जघ्नतुः (misprint in Wikisource; जघ्नुतुः is not a valid form, critical edition jaghnatus).

Verse 32 (6.114.32)

जयत्सेनस्तु समरे भीमं भीमायुधं युधि । विव्याध निशितैर्बाणैरष्टभिर्भरतर्षभ ॥

jayatsenastu samare bhīmaṃ bhīmāyudhaṃ yudhi | vivyādha niśitairbāṇairaṣṭabhirbharatarṣabha

In the battle Jayatsena pierced Bhima of the terrible weapons with eight sharp arrows, bull of the Bharatas.

Verse 33 (6.114.33)

तं भीमो दशभिर्विद्ध्वा पुनर्विव्याध पञ्चभिः । सारथिं चास्य भल्लेन रथनीडादपातयत् ॥

taṃ bhīmo daśabhirviddhvā punarvivyādha pañcabhiḥ | sārathiṃ cāsya bhallena rathanīḍādapātayat

Bhima pierced him with ten and again with five, and with a broad-headed arrow felled his charioteer from the chariot-box.

Note on the text: Corrected विद्धा → विद्ध्वा (misprint in Wikisource; a dropped conjunct, critical edition viddhvā) and वीव्याध → विव्याध (misprint in Wikisource; long ī for short i, critical edition vivyādha).

Verse 34 (6.114.34)

उद्भ्रांतैस्तुरगैः सोऽथ द्रवमाणैः समन्ततः । मागधोऽपसृतो राजा सर्वसैन्यस्य पश्यतः ॥

udbhrāṃtaisturagaiḥ so'tha dravamāṇaiḥ samantataḥ | māgadho'pasṛto rājā sarvasainyasya paśyataḥ

With his horses bolting and running in every direction, the king of Magadha was carried from the field while the whole army looked on.

Verse 35 (6.114.35)

द्रोणश्च विवरं दृष्ट्वा भीमसेनं शिलीमुखैः । विव्याध बाणैर्निशितैः पञ्चषष्टिभिरायसैः ॥

droṇaśca vivaraṃ dṛṣṭvā bhīmasenaṃ śilīmukhaiḥ | vivyādha bāṇairniśitaiḥ pañcaṣaṣṭibhirāyasaiḥ

Drona, seeing an opening, pierced Bhimasena with sixty-five sharp iron arrows.

Verse 36 (6.114.36)

तं भीमः समरश्लाघी गुरुं पितृसमं रणे । विव्याध पञ्चभिर्भल्लैस्तथा षष्ट्या च भारत ॥

taṃ bhīmaḥ samaraślāghī guruṃ pitṛsamaṃ raṇe | vivyādha pañcabhirbhallaistathā ṣaṣṭyā ca bhārata

Bhima, proud in battle, pierced his teacher, who was like a father to him, with five broad-headed arrows and then with sixty, O Bharata.

Verse 37 (6.114.37)

अर्जुनस्तु सुशर्माणं विद्ध्वा बहुभिरायसैः । व्यधमत्तस्य तत्सैन्यं महाभ्राणि यथाऽनिलः ॥

arjunastu suśarmāṇaṃ viddhvā bahubhirāyasaiḥ | vyadhamattasya tatsainyaṃ mahābhrāṇi yathā'nilaḥ

Arjuna, having pierced Susharman with many iron arrows, scattered his army as the wind scatters great clouds.

Verse 38 (6.114.38)

ततो भीष्मश्च राजा च कौसल्यश्च बृहद्बलः । समवर्तन्त संक्रुद्धा भीमसेनधनञ्जयौ ॥

tato bhīṣmaśca rājā ca kausalyaśca bṛhadbalaḥ | samavartanta saṃkruddhā bhīmasenadhanañjayau

Then Bhishma, the king, and Brihadbala of Kosala, enraged, turned against Bhimasena and Dhananjaya.

Note on the text: Corrected राज च → राजा च (misprint in Wikisource; a dropped vowel sign, critical edition rājā ca). The critical edition names saubalaḥ (Shakuni) where Wikisource has कौसल्यः; kept as a recension variant.

Verse 39 (6.114.39)

तथैव पाण्डवाः शूरा धृष्टद्युम्नश्च पार्षतः । अभ्यद्रवन्रणे भीष्मं व्यादितास्यमिवान्तकम् ॥

tathaiva pāṇḍavāḥ śūrā dhṛṣṭadyumnaśca pārṣataḥ | abhyadravanraṇe bhīṣmaṃ vyāditāsyamivāntakam

Likewise the brave Pandavas and Dhrishtadyumna, son of Prishata, rushed in battle upon Bhishma, who was like Death with jaws agape.

Verse 40 (6.114.40)

शिखण्डी तु समासाद्य भरतानां पितामहम् । अभ्यद्रवत संहृष्टो भयं त्यक्त्वा महारथात् ॥

śikhaṇḍī tu samāsādya bharatānāṃ pitāmaham | abhyadravata saṃhṛṣṭo bhayaṃ tyaktvā mahārathāt

Shikhandin, reaching the grandsire of the Bharatas, rushed at him joyfully, casting off his fear of that great chariot-warrior.

Verse 41 (6.114.41)

युधिष्ठिरमुखाः पार्थाः पुरस्कृत्य शिखण्डिनम् । अयोधयन्रणे भीष्मं सहिताः सर्वसृञ्जयैः ॥

yudhiṣṭhiramukhāḥ pārthāḥ puraskṛtya śikhaṇḍinam | ayodhayanraṇe bhīṣmaṃ sahitāḥ sarvasṛñjayaiḥ

The Parthas led by Yudhishthira, putting Shikhandin in front, fought Bhishma in battle together with all the Srinjayas.

Verse 42 (6.114.42)

तथैव तावकाः सर्वे पुरस्कृत्य यतव्रतम् । शिखण्डिप्रमुखान्पार्थान्योधयन्ति स्म संयुगे ॥

tathaiva tāvakāḥ sarve puraskṛtya yatavratam | śikhaṇḍipramukhānpārthānyodhayanti sma saṃyuge

Likewise all your men, putting Bhishma of steadfast vows in front, fought the Parthas headed by Shikhandin in that battle.

Verse 43 (6.114.43)

ततः प्रववृते युद्धं कौरवाणां भयावहम् । तत्र पाण्डुसुतैः सार्धं भीष्मस्य विजयं प्रति ॥

tataḥ pravavṛte yuddhaṃ kauravāṇāṃ bhayāvaham | tatra pāṇḍusutaiḥ sārdhaṃ bhīṣmasya vijayaṃ prati

Then began a battle fearful to the Kauravas, waged there with the sons of Pandu over Bhishma's victory.

Verse 44 (6.114.44)

तावकानां जये भीष्मो ग्लह आसीद्विशांपते । तत्र हि द्यूतमासक्तं विजयायेतराय वा ॥

tāvakānāṃ jaye bhīṣmo glaha āsīdviśāṃpate | tatra hi dyūtamāsaktaṃ vijayāyetarāya vā

For your side's victory, lord of the people, Bhishma was the stake; on him the game of dice was played, for victory or its opposite.

Verse 45 (6.114.45)

धृष्टद्युम्नस्तु राजेन्द्र सर्वसैन्यान्यचोदयत् । अभ्यद्रवत गाङ्गेयं मा भैष्ट रथसत्तमाः ॥

dhṛṣṭadyumnastu rājendra sarvasainyānyacodayat | abhyadravata gāṅgeyaṃ mā bhaiṣṭa rathasattamāḥ

Dhrishtadyumna, king of kings, urged on all the troops: "Charge at Ganga's son! Have no fear, best of chariot-fighters!"

Verse 46 (6.114.46)

सेनापतिवचः श्रुत्वा पाण्डवानां वरूथिनी । भीष्मं समभ्ययात्तूर्णं प्राणांस्त्यक्त्वा महाहवे ॥

senāpativacaḥ śrutvā pāṇḍavānāṃ varūthinī | bhīṣmaṃ samabhyayāttūrṇaṃ prāṇāṃstyaktvā mahāhave

Hearing the words of their commander, the Pandava host swiftly advanced upon Bhishma, ready to give up their lives in that great battle.

Verse 47 (6.114.47)

भीष्मोऽपि रथिनां श्रेष्ठः प्रतिजग्राह तां चमूम् । आपतन्तीं महाराज वेलामिव महोदधिः ॥

bhīṣmo'pi rathināṃ śreṣṭhaḥ pratijagrāha tāṃ camūm | āpatantīṃ mahārāja velāmiva mahodadhiḥ

Bhishma too, best of chariot-fighters, took on that host as it bore down on him, great king, as the great ocean meets the shore.