The Melee of the First Day

Verse 1 (6.46.1)

राजञ्शतसहस्राणि तत्रतत्र पदातिनाम् । निर्मर्यादं प्रयुद्धानि तत्ते वक्ष्यामि भारत ॥

rājañśatasahasrāṇi tatratatra padātinām | nirmaryādaṃ prayuddhāni tatte vakṣyāmi bhārata

O king, hundreds of thousands of foot soldiers fought here and there without any restraint. Hear me, O Bharata, as I tell you of it.

Verse 2 (6.46.2)

न पुत्रः पितरं जज्ञे पिता वा पुत्रमौरसम् । न भ्राता भ्रातरं तत्र स्वस्रीयं न च मातुलः ॥

na putraḥ pitaraṃ jajñe pitā vā putramaurasam | na bhrātā bhrātaraṃ tatra svasrīyaṃ na ca mātulaḥ

There no son knew his father, nor father the son of his own body; no brother knew his brother, nor maternal uncle his sister's son,

Note on the text: Corrected स्वस्त्रीयं → स्वस्रीयं (misprint in Wikisource; intrusive त्, cf. स्वस्रीयो in the next verse; the critical edition reads svasrīyaṃ).

Verse 3 (6.46.3)

न मातुलं च स्वस्रीयो न सखायं सखा तथा । आविष्टा इव युध्यन्ते पाण्डवाः कुरुभिः सह ॥

na mātulaṃ ca svasrīyo na sakhāyaṃ sakhā tathā | āviṣṭā iva yudhyante pāṇḍavāḥ kurubhiḥ saha

nor sister's son his maternal uncle, nor friend his friend. The Pandavas fought with the Kurus as if possessed.

Verse 4 (6.46.4)

रथानीकं नरव्याघ्राः केचिदभ्यपतन्रथैः । अभज्यन्त युगैरेव युगानि भरतर्षभ ॥

rathānīkaṃ naravyāghrāḥ kecidabhyapatanrathaiḥ | abhajyanta yugaireva yugāni bharatarṣabha

Some tigers among men fell upon the chariot ranks with their chariots, and yokes were shattered against yokes, O bull of the Bharatas,

Verse 5 (6.46.5)

रथेषाश्च रथेषाभिः कूबरा रथकूबरैः । संगतैः सहिताः केचित्परस्परजिघांसवः ॥

ratheṣāśca ratheṣābhiḥ kūbarā rathakūbaraiḥ | saṃgataiḥ sahitāḥ kecitparasparajighāṃsavaḥ

chariot poles against chariot poles, yoke-pins against the yoke-pins of chariots; some, locked with those who met them head-on, strove to kill one another.

Note on the text: Corrected रतेषाभिः → रथेषाभिः (त for थ) and कूरा → कूबरा (dropped akshara; the commentary glosses कूबरो) (misprints in Wikisource; the critical edition reads ratheṣābhiḥ, kūbarā). Line 2 differs from the critical edition (saṃhatāḥ saṃhataiḥ ke cit); kept as a recension variant.

Verse 6 (6.46.6)

न शेकुश्चलितुं केचित्सन्निपत्य रथा रथैः । प्रभिन्नास्तु महाकायाः सन्निपत्य गजा गजैः ॥

na śekuścalituṃ kecitsannipatya rathā rathaiḥ | prabhinnāstu mahākāyāḥ sannipatya gajā gajaiḥ

Some chariots, having crashed into chariots, could not move at all. Huge elephants in rut, crashing into elephants,

Verse 7 (6.46.7)

बहुधा दारयन्क्रुद्धा विषाणैरितरेतरम् । सतोरणपताकैश्च वारणा वरवारणैः ॥

bahudhā dārayankruddhā viṣāṇairitaretaram | satoraṇapatākaiśca vāraṇā varavāraṇaiḥ

gored one another furiously in many places with their tusks. Elephants decked with arched howdahs and banners,

Verse 8 (6.46.8)

अभिसृत्य महाराज वेगवद्भिर्महागजैः । दन्तैरभिहतास्तत्र चुक्रुशुः परमातुराः ॥

abhisṛtya mahārāja vegavadbhirmahāgajaiḥ | dantairabhihatāstatra cukruśuḥ paramāturāḥ

set upon by great elephants charging at speed, O great king, were struck there by their tusks and screamed in great pain.

Verse 9 (6.46.9)

अभिनीताश्च शिक्षाभिस्तोत्राङ्कुशसमाहताः । अप्रभिन्नाः प्रभिन्नानां संमुखाभिमुखा ययुः ॥

abhinītāśca śikṣābhistotrāṅkuśasamāhatāḥ | aprabhinnāḥ prabhinnānāṃ saṃmukhābhimukhā yayuḥ

Elephants not in rut, trained by schooling and driven on with goads and hooks, went straight to meet those in rut face to face.

Verse 10 (6.46.10)

प्रभिन्नैरपि संसक्ताः केचित्तत्र महागजाः । क्रौञ्चवन्निनदं कृत्वा दुद्रुवुः सर्वतो दिशम् ॥

prabhinnairapi saṃsaktāḥ kecittatra mahāgajāḥ | krauñcavanninadaṃ kṛtvā dudruvuḥ sarvato diśam

Some great elephants there, locked with elephants in rut, gave cries like the curlew's and fled in every direction.

Verse 11 (6.46.11)

सम्यक्प्रणीता नागाश्च प्रभिन्नकरटामुखाः । ऋष्टितोमरनाराचैर्निर्विद्धा वरवारणाः ॥

samyakpraṇītā nāgāśca prabhinnakaraṭāmukhāḥ | ṛṣṭitomaranārācairnirviddhā varavāraṇāḥ

Fine elephants, well driven, with rut streaming from their temples and mouths, pierced by spears, lances and iron arrows,

Note on the text: Corrected ऋषितोमर → ऋष्टितोमर (misprint in Wikisource; dropped ट्, ऋष्टि is the spear named again in verse 13; the critical edition reads ṛṣṭitomara-).

Verse 12 (6.46.12)

प्रणेदुर्भिन्नमर्माणो निपेतुश्च गतासवः । प्राद्रवन्त दिशः केचिन्नदन्तो भैरवान्रवान् ॥

praṇedurbhinnamarmāṇo nipetuśca gatāsavaḥ | prādravanta diśaḥ kecinnadanto bhairavānravān

trumpeted with their vitals torn and fell lifeless; some ran off in all directions, bellowing fearful cries.

Verse 13 (6.46.13)

गजानां पादरक्षास्तु व्यूढोरस्काः प्रहारिणः । ऋष्टिभिश्च धनुर्भिश्च विमलैश्च परश्वथैः ॥

gajānāṃ pādarakṣāstu vyūḍhoraskāḥ prahāriṇaḥ | ṛṣṭibhiśca dhanurbhiśca vimalaiśca paraśvathaiḥ

The guards at the elephants' feet, broad-chested and hard-hitting, with spears and bows and bright axes,

Verse 14 (6.46.14)

गदाभिर्मुसलैश्चैव भिन्दिपालैः सतोमरैः । आयसैः परिघैश्चैव निस्त्रिंशैर्विमलैः शितैः ॥

gadābhirmusalaiścaiva bhindipālaiḥ satomaraiḥ | āyasaiḥ parighaiścaiva nistriṃśairvimalaiḥ śitaiḥ

maces and clubs, bhindipalas and lances, iron bludgeons and bright, sharp swords

Note on the text: Corrected निस्तिरंशैः → निस्त्रिंशैः (broken conjunct) and विमलै → विमलैः (dropped visarga) (misprints in Wikisource; the critical edition reads nistriṃśair vimalaiḥ śitaiḥ). The page closes this verse with a single danda; the closing ॥ is kept.

Verse 15 (6.46.15)

प्रगृहीतैः सुसंरब्धा द्रवमाणास्ततस्ततः । व्यदृश्यन्त महाराज परस्परजिघांसवः ॥

pragṛhītaiḥ susaṃrabdhā dravamāṇāstatastataḥ | vyadṛśyanta mahārāja parasparajighāṃsavaḥ

held ready, rushed furiously here and there, O great king, and were seen trying to kill one another.

Verse 16 (6.46.16)

राजमानाश्च निस्त्रिंशाः संसिक्ता नरशोणितैः । प्रत्यदृश्यन्त शूराणामन्योन्यमभिधावताम् ॥

rājamānāśca nistriṃśāḥ saṃsiktā naraśoṇitaiḥ | pratyadṛśyanta śūrāṇāmanyonyamabhidhāvatām

The gleaming swords of the heroes rushing at one another were seen drenched in human blood.

Verse 17 (6.46.17)

अवक्षिप्तावधूतानामसीनां वीरबाहुभिः । संजज्ञे तुमुलः शब्दः पततां परमर्मसु ॥

avakṣiptāvadhūtānāmasīnāṃ vīrabāhubhiḥ | saṃjajñe tumulaḥ śabdaḥ patatāṃ paramarmasu

A tumultuous din arose from the swords that heroes' arms swung down and whirled, as they fell upon the enemies' vital parts.

Verse 18 (6.46.18)

गदामुसलरुग्णानां भिन्नानां च वरासिभिः । दन्तिदन्तावभिन्नानां मृदितानां च दन्तिभिः ॥

gadāmusalarugṇānāṃ bhinnānāṃ ca varāsibhiḥ | dantidantāvabhinnānāṃ mṛditānāṃ ca dantibhiḥ

From the masses of men, broken by maces and clubs, cut by fine swords, pierced by elephants' tusks and crushed by elephants,

Verse 19 (6.46.19)

तत्र तत्र नरौघाणां क्रोशतामितरेतरम् । शुश्रुवुर्दारुणा वाचः प्रेतानामिव भारत ॥

tatra tatra naraughāṇāṃ krośatāmitaretaram | śuśruvurdāruṇā vācaḥ pretānāmiva bhārata

as they cried out to one another here and there, dreadful voices were heard, O Bharata, like the cries of the damned.

Verse 20 (6.46.20)

हयैरपि हयारोहाश्चामरापीडधारिभिः । हंसैरिव महावेगैरन्योन्यमभिविद्रुताः ॥

hayairapi hayārohāścāmarāpīḍadhāribhiḥ | haṃsairiva mahāvegairanyonyamabhividrutāḥ

Horsemen too, on horses wearing yak-tail crests and swift as swans, charged at one another.

Verse 21 (6.46.21)

तैर्विमुक्ता महाप्रासा जाम्बूनदविभूषणाः । आशुगा विमलास्तीक्ष्णाः संपेतुर्भुजगोपमाः ॥

tairvimuktā mahāprāsā jāmbūnadavibhūṣaṇāḥ | āśugā vimalāstīkṣṇāḥ saṃpeturbhujagopamāḥ

The great lances they hurled, adorned with gold, swift, bright and sharp, flew down like serpents.

Verse 22 (6.46.22)

अश्वैरग्र्यजवैः केचिदाप्लुत्य महतो रथात् । शिरांस्याददिरे वीरा रथिनामश्वसादिनः ॥

aśvairagryajavaiḥ kecidāplutya mahato rathāt | śirāṃsyādadire vīrā rathināmaśvasādinaḥ

Some heroic horsemen, on horses of the highest speed, bounded up to a great chariot and carried off the heads of the chariot-fighters.

Note on the text: Corrected अग्न्यजवैः → अग्र्यजवैः (misprint in Wikisource; न्य for र्य, “of the foremost speed”; the critical edition reads agryajavaiḥ). महतो रथात् (CE mahato rathān) kept as a variant.

Verse 23 (6.46.23)

बहूनपि हयारोहान्भल्लैः सन्नतपर्वभिः । रथी जघान संप्राप्य बाणगोचरमागतान् ॥

bahūnapi hayārohānbhallaiḥ sannataparvabhiḥ | rathī jaghāna saṃprāpya bāṇagocaramāgatān

A chariot-fighter, coming upon many horsemen who had come within range of his arrows, struck them down with smooth-jointed broad-headed shafts.

Verse 24 (6.46.24)

नवमेघप्रतीकाशाश्चाक्षिप्य तुरगान्गजाः । पादैरेव विमृद्नन्ति मत्ताः कनकभूषणाः ॥

navameghapratīkāśāścākṣipya turagāngajāḥ | pādaireva vimṛdnanti mattāḥ kanakabhūṣaṇāḥ

Elephants like fresh rain-clouds, maddened and decked with gold, flung horses down and trampled them under their very feet.

Note on the text: Corrected विमृद्गन्ति → विमृद्नन्ति (misprint in Wikisource; द्ग for द्न, the present of मृद् is मृद्नाति; the critical edition reads -mṛdnanta). नवमेघ- (CE nagamegha-) kept as a variant.

Verse 25 (6.46.25)

पाट्यमानेषु कुम्भेषु पार्श्वेष्वपि च वारणाः । प्रासैर्विनिहताः केचिद्विनेदुः परमातुराः ॥

pāṭyamāneṣu kumbheṣu pārśveṣvapi ca vāraṇāḥ | prāsairvinihatāḥ kecidvineduḥ paramāturāḥ

Some elephants, their temples and flanks torn open, struck down by lances, screamed in great pain.

Note on the text: Corrected पाठ्यमानेषु → पाट्यमानेषु (misprint in Wikisource; ठ for ट, “being split”, not “being recited”; the critical edition reads pāṭyamāneṣu).

Verse 26 (6.46.26)

साश्वारोहान्हयान्कांश्चिदुन्मथ्य वरवारणाः । सहसा चिक्षिपुस्तत्र संकुले भैरवे सति ॥

sāśvārohānhayānkāṃścidunmathya varavāraṇāḥ | sahasā cikṣipustatra saṃkule bhairave sati

Some great elephants tore up horses together with their riders and flung them violently away, in that dreadful press.

Verse 27 (6.46.27)

साश्वारोहान्विषाणाग्रैरुत्क्षिप्य तुरगान्गजाः । रथौघानभिमृद्नन्तः सध्वजानभिचक्रमुः ॥

sāśvārohānviṣāṇāgrairutkṣipya turagāngajāḥ | rathaughānabhimṛdnantaḥ sadhvajānabhicakramuḥ

Elephants tossed horses with their riders on the points of their tusks, and, trampling masses of chariots with their banners, charged on.

Note on the text: Corrected अभिमृद्गन्तः → अभिमृद्नन्तः (misprint in Wikisource; द्ग for द्न, as in verse 24; the critical edition reads avamṛdnantaḥ). Line 2 otherwise differs slightly from the critical edition (abhicakramuḥ for paricakramuḥ); kept as a variant.

Verse 28 (6.46.28)

पुंस्त्वादतिमदत्वाच्च केचित्तत्र महागजाः । साश्वारोहान्हयाञ्जघ्नुः करैः सचरणैस्तथा ॥

puṃstvādatimadatvācca kecittatra mahāgajāḥ | sāśvārohānhayāñjaghnuḥ karaiḥ sacaraṇaistathā

Some great elephants there, from their virility and the excess of their rut, killed horses with their riders with trunks and feet.

Verse 29 (6.46.29)

अश्वारोहैश्च समरे हस्तिसादिभिरेव च । प्रतिमानेषु गात्रेषु पार्श्वेष्वभि च वारणान् । आशुगा विमलास्तीक्ष्णाः संपेतुर्भुजगोपमाः ॥

aśvārohaiśca samare hastisādibhireva ca | pratimāneṣu gātreṣu pārśveṣvabhi ca vāraṇān | āśugā vimalāstīkṣṇāḥ saṃpeturbhujagopamāḥ

And from horsemen in the battle, and from elephant-riders too, swift, bright, sharp shafts flew like serpents at the elephants, at their foreheads, their bodies and their flanks.

Note on the text: A three-line verse as the page prints it. Lines 1–2 are not in the critical edition's text (vulgate recension) but are recorded in its apparatus as the star passages 6.44.28d*0141 and 6.44.29d*0142; line 3 is 6.44.30ab (the same line as 21b). Wikisource divides verses 29–38 of this adhyaya half a verse later than the critical edition; the page's own division is followed, and it realigns at verse 39. Corrected पार्श्वष्वभि → पार्श्वेष्वभि (misprint in Wikisource; dropped e-sign; the star passage reads pārśveṣv abhi).

Verse 30 (6.46.30)

नराश्वकायान्निर्भिद्य लौहानि कवचानि च । निपेतुर्विमलाः शक्त्यो वीरबाहुभिरर्पिताः ॥

narāśvakāyānnirbhidya lauhāni kavacāni ca | nipeturvimalāḥ śaktyo vīrabāhubhirarpitāḥ

Piercing the bodies of men and horses and their iron armour, bright spears hurled by heroes' arms fell

Note on the text: Corresponds to 6.44.30cd + 6.44.31ab (Wikisource divides verses 29–38 of this adhyaya half a verse later than the critical edition).

Verse 31 (6.46.31)

महोल्काप्रतिमा घोरास्तत्र तत्र विशांपते । द्वीपिचर्मावनद्धैश्च व्याघ्रचर्मच्छदैरपि ॥

maholkāpratimā ghorāstatra tatra viśāṃpate | dvīpicarmāvanaddhaiśca vyāghracarmacchadairapi

here and there, O lord of the people, terrible as great meteors. With bright swords drawn from sheaths bound in leopard hide and covered with tiger skin

Note on the text: Corresponds to 6.44.31cd + 6.44.32ab (Wikisource divides verses 29–38 of this adhyaya half a verse later than the critical edition). Corrected महोल्ककाप्रतिमा → महोल्काप्रतिमा (misprint in Wikisource; doubled akshara; the critical edition reads maholkāpratimā). व्याघ्रचर्मच्छदैः (CE vyāghracarmaśayaiḥ) kept as a variant.

Verse 32 (6.46.32)

विकोशैर्विमलैः खड्गैरभिजघ्नुः परान्रणे । अभिप्लुतमभिक्रुद्धमेकपार्श्वावदारितम् ॥

vikośairvimalaiḥ khaḍgairabhijaghnuḥ parānraṇe | abhiplutamabhikruddhamekapārśvāvadāritam

they cut down their foes in battle. Displaying the leaping charge, the furious onset and the stroke that rips open one flank,

Note on the text: Corresponds to 6.44.32cd + 6.44.33ab (Wikisource divides verses 29–38 of this adhyaya half a verse later than the critical edition). Corrected खङ्गैः → खड्गैः (ङ्ग for ड्ग) and अभिजध्नुः → अभिजघ्नुः (ध्न for घ्न) (misprints in Wikisource; the critical edition reads khaḍgair abhijaghnuḥ).

Verse 33 (6.46.33)

विदर्शयन्तः संपेतुः खड्गचर्मपरश्वथैः । केचिदाक्षिप्य करिणः साश्वानपि रथान्करैः ॥

vidarśayantaḥ saṃpetuḥ khaḍgacarmaparaśvathaiḥ | kecidākṣipya kariṇaḥ sāśvānapi rathānkaraiḥ

they fell upon one another with swords, shields and axes. Some elephants, seizing with their trunks chariots together with their horses,

Note on the text: Corresponds to 6.44.33cd + 6.44.29ab (Wikisource divides verses 29–38 of this adhyaya half a verse later than the critical edition; the page places the critical edition's 6.44.29 here, after 6.44.33ab). Corrected खङ्गचर्म → खड्गचर्म (misprint in Wikisource; ङ्ग for ड्ग; the critical edition reads khaḍgacarma-).

Verse 34 (6.46.34)

विकर्षन्तो दिशः सर्वाः संपेतुः सर्वशब्दगाः । शङ्कुभिर्दारिताः केचित्संभिन्नाश्च परश्वथैः ॥

vikarṣanto diśaḥ sarvāḥ saṃpetuḥ sarvaśabdagāḥ | śaṅkubhirdāritāḥ kecitsaṃbhinnāśca paraśvathaiḥ

dragged them in every direction and rushed about, answering every call. Some men were torn open by spikes, and others cleft by axes;

Note on the text: Corresponds to 6.44.29cd + 6.44.34ab (Wikisource divides verses 29–38 of this adhyaya half a verse later than the critical edition). संपेतुः, शङ्कुभिः and संभिन्नाः (CE samīyuḥ, śaktibhiḥ, saṃchinnāḥ) kept as variants.

Verse 35 (6.46.35)

हस्तिभिर्मृदिताः केचित्क्षुण्णाश्चान्ये तुरंगमैः । रथनेमिनिकृत्ताश्च निकृत्ताश्च परश्वथैः ॥

hastibhirmṛditāḥ kecitkṣuṇṇāścānye turaṃgamaiḥ | rathaneminikṛttāśca nikṛttāśca paraśvathaiḥ

some were crushed by elephants, others trampled by horses; some were cut through by chariot wheel-rims, and some hewn down by axes.

Note on the text: Corresponds to 6.44.34cd + 6.44.35ab (Wikisource divides verses 29–38 of this adhyaya half a verse later than the critical edition). निकृत्ताश्च परश्वथैः (CE nikṛttā niśitaiḥ śaraiḥ) kept as a variant.

Verse 36 (6.46.36)

व्याक्रोशन्त नरा राजंस्तत्रतत्र स्म बान्धवान् । पुत्रानन्ये पितॄनन्ये भ्रातॄंश्च सह बन्धुभिः ॥

vyākrośanta narā rājaṃstatratatra sma bāndhavān | putrānanye pitṝnanye bhrātṝṃśca saha bandhubhiḥ

Here and there, O king, men cried out to their kin, some to their sons, others to their fathers, others to their brothers and relatives,

Note on the text: Corresponds to 6.44.35cd + 6.44.36ab (Wikisource divides verses 29–38 of this adhyaya half a verse later than the critical edition).

Verse 37 (6.46.37)

मातुलान्भागिनेयांश्च परानपि च संयुगे । विकीर्णान्त्राः सुबहवो भग्नसक्थाश्च भारत ॥

mātulānbhāgineyāṃśca parānapi ca saṃyuge | vikīrṇāntrāḥ subahavo bhagnasakthāśca bhārata

to maternal uncles and sisters' sons, and to others as well, in that battle. Very many, O Bharata, with entrails spilling out and thighs broken,

Note on the text: Corresponds to 6.44.36cd + 6.44.37ab (Wikisource divides verses 29–38 of this adhyaya half a verse later than the critical edition).

Verse 38 (6.46.38)

बाहुभिश्चापरे छिन्नैः पार्श्वेषु च विदारिताः । क्रन्दन्तः समदृश्यन्त तृषिता जीवितेप्सवः ॥

bāhubhiścāpare chinnaiḥ pārśveṣu ca vidāritāḥ | krandantaḥ samadṛśyanta tṛṣitā jīvitepsavaḥ

and others with their arms cut off and their sides ripped open, were seen wailing, parched with thirst, longing to live.

Note on the text: Corresponds to 6.44.37cd–ef, the last two lines of the critical edition's three-line verse (Wikisource divides verses 29–38 of this adhyaya half a verse later than the critical edition); बाहुभिश्चापरे छिन्नैः (CE bāhubhiḥ subhujācchinnaiḥ) kept as a variant.

Verse 39 (6.46.39)

तृषापरिगताः केचिदल्पसत्त्वा विशांपते । भूमौ निपतिताः सङ्ख्ये मृगयांचक्रिरे जलम् ॥

tṛṣāparigatāḥ kecidalpasattvā viśāṃpate | bhūmau nipatitāḥ saṅkhye mṛgayāṃcakrire jalam

Some of little strength, O lord of the people, overcome by thirst and fallen to the ground in the battle, searched for water.

Note on the text: Corrected अल्पसत्वा → अल्पसत्त्वा (misprint in Wikisource; sattva is spelt with त्त्व; the critical edition reads alpasattvā). Line 2 ends differently from the critical edition (jalam eva yayācire); kept as a variant. From here Wikisource numbers the verses one higher than the critical edition (6.44.38–48).

Verse 40 (6.46.40)

रुधिरौघपरिक्लिन्नाः क्लिश्यमानाश्च भारत । व्यनिन्दन्भृशमात्मानं तव पुत्रांश्च संगतान् ॥

rudhiraughapariklinnāḥ kliśyamānāśca bhārata | vyanindanbhṛśamātmānaṃ tava putrāṃśca saṃgatān

Drenched in streams of blood and in torment, O Bharata, they bitterly reproached themselves and your sons who had brought them together.

Verse 41 (6.46.41)

अपरे क्षत्रियाः शूराः कृतवैराः परस्परम् । नैव शस्त्रं विमुञ्चन्ति नैव क्रन्दन्ति मारिष । तर्जयन्ति च संहृष्टास्तत्रतत्र परस्परम् ॥

apare kṣatriyāḥ śūrāḥ kṛtavairāḥ parasparam | naiva śastraṃ vimuñcanti naiva krandanti māriṣa | tarjayanti ca saṃhṛṣṭāstatratatra parasparam

Other brave Kshatriyas, sworn enemies of one another, neither let go their weapons nor cried out, sir; exultant, they threatened one another here and there.

Note on the text: Corrected क्षत्रिकयाः → क्षत्रियाः (misprint in Wikisource; stray क; the critical edition reads kṣatriyāḥ).

Verse 42 (6.46.42)

आदश्य दशनैश्चापि क्रोधात्स्वरदनच्छदम् । भ्रुकुटीकुटिलैर्वक्त्रैः प्रेक्षन्ति च परस्परम् ॥

ādaśya daśanaiścāpi krodhātsvaradanacchadam | bhrukuṭīkuṭilairvaktraiḥ prekṣanti ca parasparam

Biting their lips with their teeth in anger, they glared at one another with faces twisted by frowns.

Note on the text: Corrected वक्रैः → वक्त्रैः (misprint in Wikisource; dropped त्, “with faces” crooked with frowns; the critical edition reads vaktraiḥ). आदश्य and स्वरदनच्छदम् (CE nirdaśya, svadaśanacchadān) kept as variants.

Verse 43 (6.46.43)

अपरे क्लिश्यमानास्तु शरार्ता व्रणपीडिताः । निष्कूजाः समपद्यन्त दृढसत्त्वा महाबलाः ॥

apare kliśyamānāstu śarārtā vraṇapīḍitāḥ | niṣkūjāḥ samapadyanta dṛḍhasattvā mahābalāḥ

Others, mighty and firm of spirit, though in torment, stricken by arrows and racked by wounds, made no sound.

Note on the text: Corrected दृढसत्वा → दृढसत्त्वा (misprint in Wikisource; sattva is spelt with त्त्व; the critical edition reads dṛḍhasattvā).

Verse 44 (6.46.44)

अन्ये च विरथाः शूरा रथमन्यस्य संयुगे । प्रार्थयाना निपतिताः संक्षुण्णा वरवारणैः । अशोभन्त महाराज सपुष्पा इव किंशुकाः ॥

anye ca virathāḥ śūrā rathamanyasya saṃyuge | prārthayānā nipatitāḥ saṃkṣuṇṇā varavāraṇaiḥ | aśobhanta mahārāja sapuṣpā iva kiṃśukāḥ

Other heroes who had lost their chariots, begging another's chariot in the fight, fell and were crushed by great elephants; they shone, O great king, like kimshuka trees in flower.

Verse 45 (6.46.45)

संबभूवुरनीकेषु बहवो भैरवस्वनाः । वर्तमाने महाभीमे तस्मिन्वीरवरक्षये ॥

saṃbabhūvuranīkeṣu bahavo bhairavasvanāḥ | vartamāne mahābhīme tasminvīravarakṣaye

Many fearful cries arose among the armies while that dreadful destruction of the foremost heroes went on.

Verse 46 (6.46.46)

निजघान पिता पुत्रं पुत्रश्च पितरं रणे । स्वस्रीयो मातुलं चापि स्वस्रीयं चापि मातुलः ॥

nijaghāna pitā putraṃ putraśca pitaraṃ raṇe | svasrīyo mātulaṃ cāpi svasrīyaṃ cāpi mātulaḥ

In that battle father slew son and son slew father; sister's son slew maternal uncle, and maternal uncle sister's son;

Note on the text: Corrected स्वस्त्रीयो → स्वस्रीयो (misprint in Wikisource; intrusive त्, cf. स्वस्रीयं in the same line; the critical edition reads svasrīyo).

Verse 47 (6.46.47)

सखा सखायं च तथा संबन्धी बान्धवं तथा । एवं युयुधिरे तत्र कुरवः पाण्डवैः सह ॥

sakhā sakhāyaṃ ca tathā saṃbandhī bāndhavaṃ tathā | evaṃ yuyudhire tatra kuravaḥ pāṇḍavaiḥ saha

friend slew friend, and kinsman kinsman. Thus the Kurus fought there with the Pandavas.

Verse 48 (6.46.48)

वर्तमाने तथा तस्मिन्निर्मर्यादे भयानके । भीष्ममासाद्य पार्थानां वाहिनी समकम्पत ॥

vartamāne tathā tasminnirmaryāde bhayānake | bhīṣmamāsādya pārthānāṃ vāhinī samakampata

As that frightful, lawless battle went on, the army of the Parthas, coming up against Bhishma, trembled.

Verse 49 (6.46.49)

केतुना पञ्चतारेण तालेन भरतर्षभ । राजतेन महाबाहुरुच्छ्रितेन महारथे । बभौ भीष्मस्तदा राजंश्चन्द्रमा इव मेरुणा ॥

ketunā pañcatāreṇa tālena bharatarṣabha | rājatena mahābāhurucchritena mahārathe | babhau bhīṣmastadā rājaṃścandramā iva meruṇā

With his silver palm banner bearing five stars raised high on his great chariot, O bull of the Bharatas, the mighty-armed Bhishma shone then, O king, like the moon above Mount Meru.

Note on the text: Corrected भारतर्षभ → भरतर्षभ (misprint in Wikisource; intrusive ā-sign; the critical edition reads bharatarṣabha).