Abhimanyu Fights Bhishma; Uttara Is Slain; Shveta Attacks Shalya

Verse 1 (6.47.1)

गतपूर्वाह्णभूयिष्ठे तस्मिन्नहनि दारुणे । वर्तमाने तथा रौद्रे महावीरवरक्षये ॥

gatapūrvāhṇabhūyiṣṭhe tasminnahani dāruṇe | vartamāne tathā raudre mahāvīravarakṣaye

When most of the forenoon of that dreadful day had passed, and that fierce destruction of the foremost great heroes was going on,

Note on the text: Corrected भूयिष्ठि → भूयिष्ठे (misprint in Wikisource; i-sign for e-sign, the locative agrees with तस्मिन्नहनि; the critical edition reads -bhūyiṣṭhe).

Verse 2 (6.47.2)

दुर्मुखः कृतवर्मा च कृपः शल्यो विविंशतिः । भीष्मं जुगुपुरासाद्य तव पुत्रेण चोदिताः ॥

durmukhaḥ kṛtavarmā ca kṛpaḥ śalyo viviṃśatiḥ | bhīṣmaṃ jugupurāsādya tava putreṇa coditāḥ

Durmukha, Kritavarma, Kripa, Shalya and Vivimshati, urged on by your son, came up and guarded Bhishma.

Verse 3 (6.47.3)

एतैरतिरथैर्गुप्तः पञ्चभिर्भरतर्षभः । पाण्डवानामनीकानि विजगाहे महारथः ॥

etairatirathairguptaḥ pañcabhirbharatarṣabhaḥ | pāṇḍavānāmanīkāni vijagāhe mahārathaḥ

Guarded by these five great warriors, the bull of the Bharatas, that great chariot-fighter, plunged into the divisions of the Pandavas.

Note on the text: भरतर्षभः (nominative, of Bhishma; CE vocative bharatarṣabha) kept as a variant.

Verse 4 (6.47.4)

चेदिकाशिकरूषेषु पञ्चालेषु च भारत । भीष्मस्य बहुधा तालश्चलत्केतुरदृश्यत ॥

cedikāśikarūṣeṣu pañcāleṣu ca bhārata | bhīṣmasya bahudhā tālaścalatketuradṛśyata

Among the Chedis, Kashis, Karushas and Panchalas, O Bharata, Bhishma's palm banner was seen in many places, waving.

Verse 5 (6.47.5)

स शिरांसि रणेऽरीणां रथांश्च सयुगध्वजान् । निचकर्त महावेगैर्भल्लैः सन्नतपर्वभिः ॥

sa śirāṃsi raṇe'rīṇāṃ rathāṃśca sayugadhvajān | nicakarta mahāvegairbhallaiḥ sannataparvabhiḥ

With very swift, smooth-jointed broad-headed arrows he cut off the heads of his enemies in battle, and their chariots with their yokes and banners.

Note on the text: The alignment missed this verse: it is the critical edition's 6.45.5, whose first line differs (śirāṃsi ca tadā bhīṣmo bāhūṃś cāpi sahāyudhān); kept as a recension variant.

Verse 6 (6.47.6)

नृत्यतो रथमार्गेषु भीष्मस्य भरतर्षभ । भृशमार्तस्वरं चक्रुर्नागा मर्मणि ताडिताः ॥

nṛtyato rathamārgeṣu bhīṣmasya bharatarṣabha | bhṛśamārtasvaraṃ cakrurnāgā marmaṇi tāḍitāḥ

As Bhishma danced along the chariot lanes, O bull of the Bharatas, elephants struck in their vitals cried out loudly in pain.

Verse 7 (6.47.7)

अभिमन्युः सुसंक्रुद्धः पिशङ्गैस्तुरगोत्तमैः । संयुक्तं रथमास्थाय प्रायाद्भीष्मरथं प्रति ॥

abhimanyuḥ susaṃkruddhaḥ piśaṅgaisturagottamaiḥ | saṃyuktaṃ rathamāsthāya prāyādbhīṣmarathaṃ prati

Abhimanyu, in great fury, mounted his chariot yoked with fine tawny horses and drove toward Bhishma's chariot.

Note on the text: Corrected पिशह्गैः → पिशङ्गैः (misprint in Wikisource; ह्ग for ङ्ग; the commentary and the critical edition read piśaṅgaiḥ).

Verse 8 (6.47.8)

जाम्बूनदविचित्रेण कर्णिकारेण केतुना । अभ्यवर्तत भीष्मं च तांश्चैव रथसत्तमान् ॥

jāmbūnadavicitreṇa karṇikāreṇa ketunā | abhyavartata bhīṣmaṃ ca tāṃścaiva rathasattamān

With his banner bearing the karnikara tree, brilliant with gold, he advanced upon Bhishma and upon those best of chariot-fighters.

Verse 9 (6.47.9)

स तालकेतोस्तीक्ष्णेन केतुमाहत्य पत्रिणा । भीष्मेण युयुधे वीरस्तस्य चानुरथैः सह ॥

sa tālaketostīkṣṇena ketumāhatya patriṇā | bhīṣmeṇa yuyudhe vīrastasya cānurathaiḥ saha

Striking the banner of the palm-bannered warrior with a sharp arrow, the hero fought with Bhishma and with the warriors who guarded his chariot.

Verse 10 (6.47.10)

कृतवर्माणमेकेन शल्यं पञ्चभिराशुगैः । विद्ध्वा नवभिरानर्च्छच्छिताग्रैः प्रपितामहम् ॥

kṛtavarmāṇamekena śalyaṃ pañcabhirāśugaiḥ | viddhvā navabhirānarcchacchitāgraiḥ prapitāmaham

Piercing Kritavarma with one arrow and Shalya with five swift shafts, he struck the great-grandsire with nine sharp-pointed ones.

Note on the text: Corrected प्रतिपामहम् → प्रपितामहम् (misprint in Wikisource; transposed aksharas; the critical edition reads prapitāmaham). आशुगैः (CE āyasaiḥ) kept as a variant.

Verse 11 (6.47.11)

पूर्णायतविसृष्टेन सम्यक्प्रणिहितेन च । ध्वजमेकेन विव्याध जाम्बूनदपरिष्कृतम् ॥

pūrṇāyatavisṛṣṭena samyakpraṇihitena ca | dhvajamekena vivyādha jāmbūnadapariṣkṛtam

With a single arrow, drawn to the full and loosed, and well aimed, he pierced his gold-adorned banner.

Verse 12 (6.47.12)

दुर्मुखस्य तु भल्लेन सर्वावरणभेदिना । जहार सारथेः कायाच्छिरः सन्नतपर्वणा ॥

durmukhasya tu bhallena sarvāvaraṇabhedinā | jahāra sāratheḥ kāyācchiraḥ sannataparvaṇā

With a smooth-jointed broad-headed arrow that pierced every guard, he took the head of Durmukha's charioteer from his body.

Verse 13 (6.47.13)

धनुश्चिच्छेद भल्लेन कार्तस्वरविभूषितम् । कृपस्य निशिताग्रेण तांश्च तीक्ष्णमुखैः शरैः ॥

dhanuściccheda bhallena kārtasvaravibhūṣitam | kṛpasya niśitāgreṇa tāṃśca tīkṣṇamukhaiḥ śaraiḥ

With a sharp-pointed broad-headed arrow he cut Kripa's gold-adorned bow, and with keen-tipped arrows he struck down those others,

Verse 14 (6.47.14)

जघान परमक्रुद्धो नृत्यन्निव महारथः । तस्य लाघवमुद्वीक्ष्य तुतुषुर्देवता अपि ॥

jaghāna paramakruddho nṛtyanniva mahārathaḥ | tasya lāghavamudvīkṣya tutuṣurdevatā api

the great chariot-fighter, in towering wrath, as though dancing. Seeing his lightness of hand, even the gods were delighted.

Verse 15 (6.47.15)

लब्धलक्षतया कार्ष्णेः सर्वे भीष्ममुखा रथाः । सत्त्ववन्तममन्यन्त साक्षादिव धनंजयम् ॥

labdhalakṣatayā kārṣṇeḥ sarve bhīṣmamukhā rathāḥ | sattvavantamamanyanta sākṣādiva dhanaṃjayam

Because Karshni (Abhimanyu) hit his marks so surely, all the chariot-fighters led by Bhishma thought him as mighty as Dhananjaya himself.

Note on the text: Corrected सत्ववन्तम् → सत्त्ववन्तम् (misprint in Wikisource; sattva is spelt with त्त्व; the critical edition reads sattvavantam).

Verse 16 (6.47.16)

तस्य लाघवमार्गस्थमलातसदृशप्रभम् । दिशः पर्यपतच्चापं गाण्डीवमिव घोषवत् ॥

tasya lāghavamārgasthamalātasadṛśaprabham | diśaḥ paryapataccāpaṃ gāṇḍīvamiva ghoṣavat

His bow, moving in the swift arcs of his hand and shining like a whirled firebrand, swept every quarter, twanging like the Gandiva.

Verse 17 (6.47.17)

तमासाद्य महावेगैर्भीष्मो नवभिराशुगैः । विव्याध समरे तूर्णमार्जुनिं परवीरहा ॥

tamāsādya mahāvegairbhīṣmo navabhirāśugaiḥ | vivyādha samare tūrṇamārjuniṃ paravīrahā

Bhishma, slayer of enemy heroes, closing with him, swiftly pierced Arjuna's son in the battle with nine very swift arrows.

Note on the text: Corrected नव्रभिः → नवभिः (misprint in Wikisource; stray र्; the critical edition reads navabhiḥ).

Verse 18 (6.47.18)

ध्वजं चास्य त्रिभिर्भल्लैश्चिच्छेद परमौजसः । सारथिं च त्रिभिर्बाणैराजघान यतव्रतः ॥

dhvajaṃ cāsya tribhirbhallaiściccheda paramaujasaḥ | sārathiṃ ca tribhirbāṇairājaghāna yatavrataḥ

With three broad-headed arrows he cut down the banner of that mighty warrior, and with three arrows the man of strict vows struck his charioteer.

Verse 19 (6.47.19)

तथैव कृतवर्मा च कृपः शल्यश्च मारिष । विद्ध्वा नाकम्पयत्कार्ष्णिं मैनाकमिव पर्वतम् ॥

tathaiva kṛtavarmā ca kṛpaḥ śalyaśca māriṣa | viddhvā nākampayatkārṣṇiṃ mainākamiva parvatam

Kritavarma, Kripa and Shalya likewise pierced Karshni, sir, but could not shake him, any more than Mount Mainaka.

Verse 20 (6.47.20)

स तैः परिवृतः शूरो धार्तराष्ट्रैर्महारथैः । ववर्ष शरवर्षाणि कार्ष्णिः पञ्चरथान्प्रति ॥

sa taiḥ parivṛtaḥ śūro dhārtarāṣṭrairmahārathaiḥ | vavarṣa śaravarṣāṇi kārṣṇiḥ pañcarathānprati

Surrounded by those great Dhartarashtra chariot-fighters, the hero Karshni rained showers of arrows on the five warriors.

Verse 21 (6.47.21)

ततस्तेषां सहस्राणि संवार्य शरवृष्टिभिः । ननाद बलवान्कार्ष्णिर्भीष्माय विसृजञ्शरान् ॥

tatasteṣāṃ sahasrāṇi saṃvārya śaravṛṣṭibhiḥ | nanāda balavānkārṣṇirbhīṣmāya visṛjañśarān

Then, holding off their thousands of shafts with showers of arrows, mighty Karshni roared as he loosed his arrows at Bhishma.

Note on the text: Corrected विसृज्यञ्शरान् → विसृजञ्शरान् (misprint in Wikisource; stray य्, the participle is विसृजन्; the critical edition reads visṛjañ śarān). सहस्राणि (CE mahāstrāṇi) kept as a variant.

Verse 22 (6.47.22)

तत्रास्य सुमहद्राजन्बाह्वोर्बलमदृश्यत । यतमानस्य समरे भीष्ममर्दयतः शरैः ॥

tatrāsya sumahadrājanbāhvorbalamadṛśyata | yatamānasya samare bhīṣmamardayataḥ śaraiḥ

There, O king, the great strength of his arms was seen as he strove in battle, harrying Bhishma with arrows.

Verse 23 (6.47.23)

पराक्रान्तस्य तस्यैव भीष्मोऽपि प्राहिणोच्छरान् । स तांश्चिच्छेद समरे भीष्मचापच्युताञ्शरान् ॥

parākrāntasya tasyaiva bhīṣmo'pi prāhiṇoccharān | sa tāṃściccheda samare bhīṣmacāpacyutāñśarān

At him in his valour Bhishma too sent arrows, and he cut down in battle the arrows loosed from Bhishma's bow.

Verse 24 (6.47.24)

ततो ध्वजममोघेषुर्भीष्मस्य नवभिः शरैः । चिच्छेद समरे वीरस्तत उच्चुक्रुशुर्जनाः ॥

tato dhvajamamogheṣurbhīṣmasya navabhiḥ śaraiḥ | ciccheda samare vīrastata uccukruśurjanāḥ

Then the hero of unfailing arrows cut down Bhishma's banner in battle with nine arrows, and the people shouted aloud.

Note on the text: Corrected ध्वजमामोघेंषुः → ध्वजममोघेषुः (misprint in Wikisource; stray ā-sign and anusvara; “he of unfailing arrows”, the critical edition reads dhvajam amogheṣur).

Verse 25 (6.47.25)

स राजतो महास्कन्धस्तालो हेमविभूषितः । सौभद्रविशिखैश्छिन्नः पपात भुवि भारत ॥

sa rājato mahāskandhastālo hemavibhūṣitaḥ | saubhadraviśikhaiśchinnaḥ papāta bhuvi bhārata

That silver palm with its great trunk, adorned with gold, cut by the arrows of Subhadra's son, fell to the ground, O Bharata.

Verse 26 (6.47.26)

तं तु सौभद्रविशिखैः पातितं भरतर्षभ । दृष्ट्वा भीमो ननादोच्चैः सौभद्रमभिहर्षयन् ॥

taṃ tu saubhadraviśikhaiḥ pātitaṃ bharatarṣabha | dṛṣṭvā bhīmo nanādoccaiḥ saubhadramabhiharṣayan

Seeing it brought down by the arrows of Subhadra's son, O bull of the Bharatas, Bhima roared aloud, cheering Subhadra's son on.

Verse 27 (6.47.27)

अथ भीष्मो महास्त्राणि दिव्यानि सुबहूनि च । प्रादुश्चक्रे महारौद्रे रणे तस्मिन्महाबलः ॥

atha bhīṣmo mahāstrāṇi divyāni subahūni ca | prāduścakre mahāraudre raṇe tasminmahābalaḥ

Then mighty Bhishma brought forth many great divine weapons in that most dreadful battle.

Note on the text: Corrected महास्राणि → महास्त्राणि (misprint in Wikisource; dropped त्; the critical edition reads mahāstrāṇi).

Verse 28 (6.47.28)

ततः शरसहस्रेण सौभद्रं प्रपितामहः । अवाकिरदमेयात्मा तदद्भुतमिवाभवत् ॥

tataḥ śarasahasreṇa saubhadraṃ prapitāmahaḥ | avākiradameyātmā tadadbhutamivābhavat

Then the great-grandsire of immeasurable spirit covered Subhadra's son with a thousand arrows; it seemed a wonder.

Note on the text: Corrected प्रतितामहः → प्रपितामहः (misprint in Wikisource; त for प, प्रतितामह is not a word; the critical edition reads prapitāmahaḥ). Line 2 ends differently from the critical edition (śarāṇāṃ nataparvaṇām); kept as a recension variant.

Verse 29 (6.47.29)

ततो दश महेष्वासाः पाण्डवानां महारथाः । रक्षार्थमभ्यधावन्त सौभद्रं त्वरिता रथैः ॥

tato daśa maheṣvāsāḥ pāṇḍavānāṃ mahārathāḥ | rakṣārthamabhyadhāvanta saubhadraṃ tvaritā rathaiḥ

Then ten great archers, mighty chariot-fighters of the Pandavas, rushed swiftly on their chariots to protect Subhadra's son:

Verse 30 (6.47.30)

विराटः सह पुत्रेण धृष्टद्युम्नश्च पार्षतः । भीमश्च केकयाश्चैव सात्यकिश्च विशांपते ॥

virāṭaḥ saha putreṇa dhṛṣṭadyumnaśca pārṣataḥ | bhīmaśca kekayāścaiva sātyakiśca viśāṃpate

Virata with his son, Dhrishtadyumna son of Prishata, Bhima, the Kekayas, and Satyaki, O lord of the people.

Verse 31 (6.47.31)

तेषां जवेनापततां भीष्मः शान्तनवो रणे । पाञ्चाल्यं त्रिभिरानर्च्छत्सात्यकिं नवभिः शरैः ॥

teṣāṃ javenāpatatāṃ bhīṣmaḥ śāntanavo raṇe | pāñcālyaṃ tribhirānarcchatsātyakiṃ navabhiḥ śaraiḥ

As they came on at speed, Bhishma son of Shantanu struck the Panchala prince with three arrows and Satyaki with nine in that battle.

Note on the text: The page closes this verse with a single danda; the closing ॥ is kept. Line 2 ends differently from the critical edition (niśitaiḥ śaraiḥ for नवभिः शरैः); kept as a variant.

Verse 32 (6.47.32)

पूर्णायतविसृष्टेन क्षुरेण निशितेन च । ध्वजमेकेन चिच्छेद भीमसेनस्य पत्रिणा ॥

pūrṇāyatavisṛṣṭena kṣureṇa niśitena ca | dhvajamekena ciccheda bhīmasenasya patriṇā

With a single sharp razor-headed arrow, drawn to the full and loosed, he cut down Bhimasena's banner.

Verse 33 (6.47.33)

जाम्बूनदमयः श्रीमान्केसरी स नरोत्तम । पपात भीमसेनस्य भीष्मेण मथितो रथात् ॥

jāmbūnadamayaḥ śrīmānkesarī sa narottama | papāta bhīmasenasya bhīṣmeṇa mathito rathāt

That splendid golden lion, O best of men, fell from Bhimasena's chariot, struck down by Bhishma.

Verse 34 (6.47.34)

ततो भीमस्त्रिभिर्विद्ध्वा भीष्मं शान्तनवं रणे । कृपमेकेन विव्याध कृतवर्माणमष्टभिः ॥

tato bhīmastribhirviddhvā bhīṣmaṃ śāntanavaṃ raṇe | kṛpamekena vivyādha kṛtavarmāṇamaṣṭabhiḥ

Then Bhima pierced Bhishma son of Shantanu with three arrows in that battle, Kripa with one, and Kritavarma with eight.

Verse 35 (6.47.35)

प्रगृहीताग्रहस्तेन वैराटिरपि दन्तिना । अभ्यद्रवत राजानं मद्राधिपतिमुत्तरः ॥

pragṛhītāgrahastena vairāṭirapi dantinā | abhyadravata rājānaṃ madrādhipatimuttaraḥ

Uttara, son of Virata, too, on an elephant with its trunk held aloft, charged at the king, the lord of the Madras.

Note on the text: Corrected प्रगृहीताग्रहस्तेकन → प्रगृहीताग्रहस्तेन (misprint in Wikisource; stray क; the critical edition reads pragṛhītāgrahastena).

Verse 36 (6.47.36)

तस्य वारणराजस्य जवेनापततो रथे । शल्यो निवारयामास वेगमप्रतिमं शरैः ॥

tasya vāraṇarājasya javenāpatato rathe | śalyo nivārayāmāsa vegamapratimaṃ śaraiḥ

As that king of elephants rushed at his chariot with speed, Shalya checked its matchless onrush with arrows.

Note on the text: The page closes this verse with a single danda; the closing ॥ is kept. रथे and शरैः (CE rathī, raṇe) kept as variants.

Verse 37 (6.47.37)

तस्य क्रुद्धः स नागेन्द्रो बृहतः साधुवाहिनः । पदा युगमधिष्ठाय जघान चतुरो हयान् ॥

tasya kruddhaḥ sa nāgendro bṛhataḥ sādhuvāhinaḥ | padā yugamadhiṣṭhāya jaghāna caturo hayān

Enraged, that lord of elephants planted its foot on the yoke of Shalya's great, smooth-running chariot and killed its four horses.

Verse 38 (6.47.38)

स हताश्वे रथे तिष्ठन्मद्राधिपतिरायसीम् । उत्तरान्तकरीं शक्तिं चिक्षेप भुजगोपमाम् ॥

sa hatāśve rathe tiṣṭhanmadrādhipatirāyasīm | uttarāntakarīṃ śaktiṃ cikṣepa bhujagopamām

Standing in his chariot whose horses were slain, the lord of the Madras hurled an iron spear like a serpent, that was to be Uttara's end.

Verse 39 (6.47.39)

तया भिन्नतनुत्राणः प्रविश्य विपुलं तमः । स पपात गजस्कन्धात्प्रमुक्ताङ्कुशतोमरः ॥

tayā bhinnatanutrāṇaḥ praviśya vipulaṃ tamaḥ | sa papāta gajaskandhātpramuktāṅkuśatomaraḥ

His armour pierced by it, Uttara sank into deep darkness and fell from the elephant's back, letting go his goad and lance.

Note on the text: Corrected परमुक्ताङ्कुशतोमरः → प्रमुक्ताङ्कुशतोमरः (misprint in Wikisource; पर for प्र, “letting go his goad and lance”; the critical edition reads pramuktāṅkuśatomaraḥ).

Verse 40 (6.47.40)

असिमादाय शल्योऽपि अवप्लुत्य रथोत्तमात् । तस्य वारणराजस्य चिच्छेदाथ महाकरम् ॥

asimādāya śalyo'pi avaplutya rathottamāt | tasya vāraṇarājasya cicchedātha mahākaram

Shalya, too, took up his sword, leapt down from his fine chariot, and then cut off the great trunk of that king of elephants.

Note on the text: Line 1 and the start of line 2 differ from the critical edition (samādāya ca śalyo 'sim … vāraṇendrasya vikramya); kept as a recension variant.

Verse 41 (6.47.41)

भिन्नमर्मा शरशतैश्छिन्नहस्तः स वारणः । भीममार्तस्वरं कृत्वा पपात च ममार च ॥

bhinnamarmā śaraśataiśchinnahastaḥ sa vāraṇaḥ | bhīmamārtasvaraṃ kṛtvā papāta ca mamāra ca

Its vitals pierced by hundreds of arrows and its trunk cut off, the elephant gave a terrible cry of pain, fell, and died.

Note on the text: Separated सवारणः → स वारणः (misprint in Wikisource; the pronoun run into the noun, which would mean “with the elephant”; the critical edition reads sa vāraṇaḥ). शरशतैः (CE śaravrātaiḥ) kept as a variant.

Verse 42 (6.47.42)

एतदीदृशकं कृत्वा मद्रराजो नराधिप । आरुरोह रथं तूर्णं भास्वरं कृतवर्मणः ॥

etadīdṛśakaṃ kṛtvā madrarājo narādhipa | āruroha rathaṃ tūrṇaṃ bhāsvaraṃ kṛtavarmaṇaḥ

Having done this deed, O lord of men, the king of the Madras quickly mounted Kritavarma's shining chariot.

Verse 43 (6.47.43)

उत्तरं वै हतं दृष्ट्वा वैराटिर्भ्रातरं तदा । कृतवर्मणा च सहितं दृष्ट्वा शल्यमवस्थितम् ॥

uttaraṃ vai hataṃ dṛṣṭvā vairāṭirbhrātaraṃ tadā | kṛtavarmaṇā ca sahitaṃ dṛṣṭvā śalyamavasthitam

Seeing his brother Uttara slain, and seeing Shalya stationed with Kritavarma, Virata's son

Note on the text: The alignment missed this verse: it is the critical edition's 6.45.43 (वै हतं … तदा for CE nihataṃ … śubham, kept as variants). The rest of the adhyaya, verses 44–67, is not in the critical edition's text but is its Appendix I No. 4, lines 1–50.

Verse 44 (6.47.44)

श्वेतः क्रोधात्प्रजज्वाल हविषा हव्यवाडिव । स विस्फार्य महच्चापं शक्रचापोपमं बली ॥

śvetaḥ krodhātprajajvāla haviṣā havyavāḍiva | sa visphārya mahaccāpaṃ śakracāpopamaṃ balī

Shveta blazed up with anger like the fire fed with oblations. Stretching his great bow, like Indra's rainbow, the mighty one

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 1–2 (printed after 6.45.43).

Verse 45 (6.47.45)

अभ्यधावज्जिघांसन्वै शल्यं मद्राधिपं बली । महता रथवंशेन समन्तात्परिवारितः ॥

abhyadhāvajjighāṃsanvai śalyaṃ madrādhipaṃ balī | mahatā rathavaṃśena samantātparivāritaḥ

rushed forward, eager to kill Shalya, the lord of the Madras, surrounded on every side by a great body of chariots;

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 3–4 (printed after 6.45.43). Corrected अभ्यधाव?ञ्जिघांसन्वै → अभ्यधावज्जिघांसन्वै (misprint in Wikisource; a stray question mark and ञ्ज for ज्ज; the appendix reads abhyadhāvaj jighāṃsan vai).

Verse 46 (6.47.46)

मुञ्चन्बाणमयं वर्षं प्रायाच्छल्यरथं प्रति । तमापतन्तं संप्रेक्ष्य मत्तवारणविक्रमम् ॥

muñcanbāṇamayaṃ varṣaṃ prāyācchalyarathaṃ prati | tamāpatantaṃ saṃprekṣya mattavāraṇavikramam

loosing a shower of arrows, he drove at Shalya's chariot. Seeing him coming on with the prowess of a maddened elephant,

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 5–6 (printed after 6.45.43).

Verse 47 (6.47.47)

तावकानां रथाः सप्त समन्तात्पर्यवारयन् । मद्रराजमभीप्सन्तो मृत्योर्दंष्ट्रान्तरं गतम् ॥

tāvakānāṃ rathāḥ sapta samantātparyavārayan | madrarājamabhīpsanto mṛtyordaṃṣṭrāntaraṃ gatam

seven chariot-fighters of your side surrounded him on every side, seeking to save the king of the Madras, who had come between the fangs of death:

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 7–8 (printed after 6.45.43).

Verse 48 (6.47.48)

बृहद्बलश्च कौसल्यो जयत्सेनश्च मागधः । तथा रुक्मरथो राजञ्शल्यपुत्रः प्रतापवान् ॥

bṛhadbalaśca kausalyo jayatsenaśca māgadhaḥ | tathā rukmaratho rājañśalyaputraḥ pratāpavān

Brihadbala of Kosala, Jayatsena of Magadha, and likewise, O king, Shalya's valiant son Rukmaratha;

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 9–10 (printed after 6.45.43).

Verse 49 (6.47.49)

विन्दानुविन्दावावन्त्यौ काम्बोजश्च सुदक्षिणः । बृहत्क्षत्रस्य दायादः सैन्धवश्च जयद्रथः ॥

vindānuvindāvāvantyau kāmbojaśca sudakṣiṇaḥ | bṛhatkṣatrasya dāyādaḥ saindhavaśca jayadrathaḥ

Vinda and Anuvinda of Avanti, Sudakshina of Kamboja, the heir of Brihatkshatra, and Jayadratha of Sindhu.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 11–12 (printed after 6.45.43). Corrected विन्दानुविन्दावावान्त्यौ → विन्दानुविन्दावावन्त्यौ (intrusive ā-sign; “the two of Avanti”) and काम्भोजः → काम्बोजः (भ for ब; Kamboja) (misprints in Wikisource; the appendix reads āvantyau, kāmbojaḥ).

Verse 50 (6.47.50)

नानावर्णविचित्राणि धनूंषि च महात्मनाम् । विस्फारितानि दृश्यन्ते तोयदेष्विव विद्युतः ॥

nānāvarṇavicitrāṇi dhanūṃṣi ca mahātmanām | visphāritāni dṛśyante toyadeṣviva vidyutaḥ

The many-hued, brilliant bows of those great-souled warriors, drawn to the full, looked like lightning among the clouds.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 13–14 (printed after 6.45.43).

Verse 51 (6.47.51)

ते तु बाणमयं वर्षं श्वेतमूर्धन्यपातयन् । निदाघान्तेऽनिलोद्धूता मेघा इव नगे जलम् ॥

te tu bāṇamayaṃ varṣaṃ śvetamūrdhanyapātayan | nidāghānte'niloddhūtā meghā iva nage jalam

They poured a shower of arrows on Shveta's head, as wind-driven clouds at the end of summer pour water on a mountain.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 15–16 (printed after 6.45.43).

Verse 52 (6.47.52)

ततः क्रुद्धो महेष्वासः सप्तभल्लैः सुतेजनैः । धनूंषि तेषामाच्छिद्य ममर्द पृतनापतिः ॥

tataḥ kruddho maheṣvāsaḥ saptabhallaiḥ sutejanaiḥ | dhanūṃṣi teṣāmācchidya mamarda pṛtanāpatiḥ

Then the enraged great archer, the commander of the army, cut through their bows with seven sharp broad-headed arrows and crushed them.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 17–18 (printed after 6.45.43).

Verse 53 (6.47.53)

निकृत्तान्येव तानि स्म समदृश्यन्त भारत । ततस्ते तु निमेषार्धात्प्रत्यपद्यन्धनूंषि च ॥

nikṛttānyeva tāni sma samadṛśyanta bhārata | tataste tu nimeṣārdhātpratyapadyandhanūṃṣi ca

Those bows were seen cut to pieces, O Bharata. Then, within half the blink of an eye, they took up other bows

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 19–20 (printed after 6.45.43).

Verse 54 (6.47.54)

सप्त चैव पृषत्कांश्च श्वेतस्योपर्यपातयन् । ततः पुनरमेयात्मा भल्लैः सप्तभिराशुगैः । निचकर्त महाबाहुस्तेषां चापानि धन्विनाम् ॥

sapta caiva pṛṣatkāṃśca śvetasyoparyapātayan | tataḥ punarameyātmā bhallaiḥ saptabhirāśugaiḥ | nicakarta mahābāhusteṣāṃ cāpāni dhanvinām

and loosed seven arrows at Shveta. Then once more the mighty-armed warrior of immeasurable spirit, with seven swift broad-headed arrows, cut through the bows of those archers.

Note on the text: A three-line verse. Not in the critical edition (found in the vulgate recension); the critical edition records it in its apparatus as Appendix I No. 4, lines 21–23 (printed after 6.45.43).

Verse 55 (6.47.55)

ते निकृत्तमहाचापास्त्वरमाणा महारथाः । रथशक्तीः परामृश्य विनेदुर्भैरवान्रवान् ॥

te nikṛttamahācāpāstvaramāṇā mahārathāḥ | rathaśaktīḥ parāmṛśya vinedurbhairavānravān

Their great bows cut, those great chariot-fighters in haste seized chariot-spears and gave terrible roars.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 24–25 (printed after 6.45.43).

Verse 56 (6.47.56)

अन्वयुर्भरतश्रेष्ठ सप्त श्वेतरथं प्रति । ततस्ता ज्वलिताः सप्त महेन्द्राशनिनिःस्वनाः ॥

anvayurbharataśreṣṭha sapta śvetarathaṃ prati | tatastā jvalitāḥ sapta mahendrāśaniniḥsvanāḥ

The seven spears sped toward Shveta's chariot, O best of the Bharatas. Then those seven blazing spears, roaring like great Indra's thunderbolt,

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 26–27 (printed after 6.45.43).

Verse 57 (6.47.57)

अप्राप्ताः सप्तभिर्भल्लैश्चिच्छेद परमास्त्रवित् । ततः समादाय शरं सर्वकायविदारणम् ॥

aprāptāḥ saptabhirbhallaiściccheda paramāstravit | tataḥ samādāya śaraṃ sarvakāyavidāraṇam

the master of the highest weapons cut down with seven broad-headed arrows before they reached him. Then, taking up an arrow that could tear through any body,

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 28–29 (printed after 6.45.43).

Verse 58 (6.47.58)

प्राहिणोद्भरतश्रेष्ठ श्वेतो रुक्मरथं प्रति । तस्य देहे निपतितो बाणो वज्रातिगो महान् ॥

prāhiṇodbharataśreṣṭha śveto rukmarathaṃ prati | tasya dehe nipatito bāṇo vajrātigo mahān

Shveta sent it, O best of the Bharatas, at Rukmaratha. That great arrow, mightier than the thunderbolt, fell upon his body.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 30–31 (printed after 6.45.43).

Verse 59 (6.47.59)

ततो रुक्मरथो राजन्सायकेन दृढाहतः । निषसाद रथोपस्थे कश्मलं चाविशन्महत् ॥

tato rukmaratho rājansāyakena dṛḍhāhataḥ | niṣasāda rathopasthe kaśmalaṃ cāviśanmahat

Then Rukmaratha, O king, hard hit by the arrow, sank down on the floor of his chariot and fell into a deep swoon.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 32–33 (printed after 6.45.43).

Verse 60 (6.47.60)

तं विसंज्ञं विमनसं त्वरमाणस्तु सारथिः । अपोवाह न संभ्रान्तः सर्वलोकस्य पश्यतः ॥

taṃ visaṃjñaṃ vimanasaṃ tvaramāṇastu sārathiḥ | apovāha na saṃbhrāntaḥ sarvalokasya paśyataḥ

His charioteer, making haste but not losing his head, carried him off, senseless and dazed, as the whole world looked on.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 34–35 (printed after 6.45.43). Separated नसंभ्रान्तः → न संभ्रान्तः (misprint in Wikisource; the negative particle run into the participle, which is not a word; the appendix reads susaṃbhrāntaḥ, “much alarmed”, a variant).

Verse 61 (6.47.61)

ततोऽन्यान्षट् समादाय श्वेतो हेमविभूषितान् । तेषां षण्णां महाबाहुर्ध्वजशीर्षाण्यपातयत् ॥

tato'nyānṣaṭ samādāya śveto hemavibhūṣitān | teṣāṃ ṣaṇṇāṃ mahābāhurdhvajaśīrṣāṇyapātayat

Then, taking up six other arrows adorned with gold, mighty-armed Shveta struck down the tops of the banners of those six.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 36–37 (printed after 6.45.43). Corrected षण्मां → षण्णां (म for ण) and ध्वजशीर्षण्यपातयत् → ध्वजशीर्षाण्यपातयत् (dropped ā-sign) (misprints in Wikisource; the appendix reads ṣaṇṇāṃ, dhvajaśīrṣāṇy apātayat).

Verse 62 (6.47.62)

हयांश्च तेषां निर्भिद्य सारथींश्च परंतप । शरैश्चैतान्समाकीर्य प्रायाच्छल्यरथं प्रति ॥

hayāṃśca teṣāṃ nirbhidya sārathīṃśca paraṃtapa | śaraiścaitānsamākīrya prāyācchalyarathaṃ prati

Piercing their horses and their charioteers, O scorcher of foes, and covering them with arrows, he drove at Shalya's chariot.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 38–39 (printed after 6.45.43).

Verse 63 (6.47.63)

ततो हलहलाशब्दस्तव सैन्येषु भारत । दृष्ट्वा सेनापतिं तूर्णं यान्तं शल्यरथं प्रति ॥

tato halahalāśabdastava sainyeṣu bhārata | dṛṣṭvā senāpatiṃ tūrṇaṃ yāntaṃ śalyarathaṃ prati

Then a great uproar arose among your troops, O Bharata, when they saw the commander advancing swiftly on Shalya's chariot.

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 40–41 (printed after 6.45.43).

Verse 64 (6.47.64)

ततो भीष्मं पुरस्कृत्य तव पुत्रो महाबलः । वृतस्तु सर्वसैन्येन प्रायाच्छ्वेतरथं प्रति ॥

tato bhīṣmaṃ puraskṛtya tava putro mahābalaḥ | vṛtastu sarvasainyena prāyācchvetarathaṃ prati

Then your mighty son, putting Bhishma at the front and surrounded by the whole army, advanced on Shveta's chariot

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 42–43 (printed after 6.45.43).

Verse 65 (6.47.65)

मृत्योरास्यमनुप्राप्तं मद्रराजममोचयत् । ततो युद्धं समभवत्तुमुलं रोमहर्षणम् ॥

mṛtyorāsyamanuprāptaṃ madrarājamamocayat | tato yuddhaṃ samabhavattumulaṃ romaharṣaṇam

and freed the king of the Madras, who had come into the jaws of death. Then a tumultuous, hair-raising battle took place

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 44–45 (printed after 6.45.43).

Verse 66 (6.47.66)

तावकानां परेषां च व्यतिषक्तरथद्विपम् । सौभद्रे भीमसेने च सात्यकौ च महारथे ॥

tāvakānāṃ pareṣāṃ ca vyatiṣaktarathadvipam | saubhadre bhīmasene ca sātyakau ca mahārathe

between your men and the enemy, in which chariots and elephants were tangled together. On Subhadra's son, on Bhimasena, on the great chariot-fighter Satyaki,

Note on the text: Not in the critical edition (found in the vulgate recension); the critical edition records it in its apparatus as Appendix I No. 4, lines 46–47 (printed after 6.45.43). Corrected भीमसेन च → भीमसेने च (misprint in Wikisource; dropped e-sign, the locative in a series of locatives; the appendix reads bhīmasene).

Verse 67 (6.47.67)

कैकेये च विराटे च धृष्टद्युम्ने च पार्षते । एतेषु नरसिंहेषु चेदिमत्स्येषु चैव ह । ववर्ष शरवर्षाणि कुरुवृद्धः पितामहः ॥

kaikeye ca virāṭe ca dhṛṣṭadyumne ca pārṣate | eteṣu narasiṃheṣu cedimatsyeṣu caiva ha | vavarṣa śaravarṣāṇi kuruvṛddhaḥ pitāmahaḥ

on the Kekaya prince, on Virata, on Dhrishtadyumna son of Prishata, on these lions among men and on the Chedis and Matsyas, the grandsire, eldest of the Kurus, rained showers of arrows.

Note on the text: A three-line verse. Not in the critical edition (found in the vulgate recension); the critical edition records it in its apparatus as Appendix I No. 4, lines 48–50 (printed after 6.45.43). Line 3 reads कुरुवृद्धः पितामहः where the appendix has vṛddhaḥ kurupitāmahaḥ (kept as a variant); the critical edition prints a stray “dhṛtarāṣṭra uvāca” before that line, but the page continues with Sanjaya to the colophon.