The Kauravas Array Against the Krauncha

Verse 1 (6.51.1)

क्रौञ्चं दृष्ट्वा ततो व्यूहमभेद्यं तनयस्तव । रक्षमाणं महाघोरं पार्थेनामिततेजसा ॥

krauñcaṃ dṛṣṭvā tato vyūhamabhedyaṃ tanayastava | rakṣamāṇaṃ mahāghoraṃ pārthenāmitatejasā

Then, seeing that impenetrable Krauncha array, terrible in the extreme and guarded by Partha of boundless energy, your son

Note on the text: Speaker heading सञ्जय उवाच printed above this verse on the page. Line order differs from the critical edition (6.47.1 krauñcaṃ tato mahāvyūham … vyūḍhaṃ dṛṣṭvā); kept as a recension variant.

Verse 2 (6.51.2)

आचार्यमुपसंगम्य कृपं शल्यं च पार्थिव । सौमदत्तिं विकर्णं च सोऽश्वत्थामानमेव च ॥

ācāryamupasaṃgamya kṛpaṃ śalyaṃ ca pārthiva | saumadattiṃ vikarṇaṃ ca so'śvatthāmānameva ca

went up to the teacher Drona, to Kripa and Shalya, O king, to Saumadatti, Vikarna and Ashvatthama,

Verse 3 (6.51.3)

दुःशासनादीन्भ्रातॄंश्च सर्वानेव च भारत । अन्यांश्च सुबहूञ्शूरान्युद्धाय समुपागतान् ॥

duḥśāsanādīnbhrātṝṃśca sarvāneva ca bhārata | anyāṃśca subahūñśūrānyuddhāya samupāgatān

to all his brothers headed by Duhshasana, O Bharata, and to the many other heroes who had come for battle;

Note on the text: Corrected दुःशाकसनादीन् → दुःशासनादीन् and सर्वनेव → सर्वानेव (misprints in Wikisource; a stray क in the name and a dropped vowel sign; the critical edition reads duḥśāsanādīn … sarvān eva).

Verse 4 (6.51.4)

प्राहेदं वचनं काले हर्षयंस्तनयस्तव । नानाशस्त्रप्रहरणाः सर्वे युद्धविशारदाः ॥

prāhedaṃ vacanaṃ kāle harṣayaṃstanayastava | nānāśastrapraharaṇāḥ sarve yuddhaviśāradāḥ

and at that moment, to hearten them, your son spoke these words: "All of you wield many kinds of weapons and are skilled in war.

Verse 5 (6.51.5)

एकैकशः समर्था हि यूयं सर्वे महारथाः । पाण्डुपुत्रान्रणे हन्तुं ससैन्यान्किमु संहताः ॥

ekaikaśaḥ samarthā hi yūyaṃ sarve mahārathāḥ | pāṇḍuputrānraṇe hantuṃ sasainyānkimu saṃhatāḥ

"Each one of you, great chariot-warriors, is able on his own to slay the sons of Pandu in battle together with their armies — how much more when you stand united!

Verse 6 (6.51.6)

अपर्याप्तं तदस्माकं बलं भीष्माभिरक्षितम् । पर्याप्तमिदमेतेषां बलं भीमाभिरक्षितम् ॥

aparyāptaṃ tadasmākaṃ balaṃ bhīṣmābhirakṣitam | paryāptamidameteṣāṃ balaṃ bhīmābhirakṣitam

"That army of ours, guarded by Bhishma, is beyond measure, while this army of theirs, guarded by Bhima, is limited.

Note on the text: भीमाभिरक्षितम् for the critical edition's pārthivasattamāḥ (and no tv) kept as the vulgate reading.

Verse 7 (6.51.7)

संस्थानाः शूरसेनाश्च वेत्रिकाः कुकुरास्तथा । आरोचकास्त्रिगर्ताश्च मद्रका यवनास्तथा ॥

saṃsthānāḥ śūrasenāśca vetrikāḥ kukurāstathā | ārocakāstrigartāśca madrakā yavanāstathā

"Let the Samsthanas, the Shurasenas, the Vetrikas and the Kukuras, the Arochakas, the Trigartas, the Madrakas and the Yavanas,

Verse 8 (6.51.8)

शत्रुंजयेन सहितास्तथा दुःशासनेन च । विकर्णेन च वीरेण तथा नन्दोपनन्दकैः ॥

śatruṃjayena sahitāstathā duḥśāsanena ca | vikarṇena ca vīreṇa tathā nandopanandakaiḥ

"together with Shatrunjaya and with Duhshasana, with the heroic Vikarna, and with Nanda and Upananda,

Verse 9 (6.51.9)

चित्रसेनेन सहिताः सहिताः पारिभद्रकैः । भीष्ममेवाभिरक्षन्तु सह सैन्यपुरस्कृताः ॥

citrasenena sahitāḥ sahitāḥ pāribhadrakaiḥ | bhīṣmamevābhirakṣantu saha sainyapuraskṛtāḥ

"together with Chitrasena and with the Paribhadrakas — let them, with their troops in front, guard Bhishma above all."

Verse 10 (6.51.10)

ततो भीष्मश्च द्रोणश्च तव पुत्राश्च मारिष । अव्यूहन्त महाव्यूहं पाण्डूनां प्रतिबाधकम् ॥

tato bhīṣmaśca droṇaśca tava putrāśca māriṣa | avyūhanta mahāvyūhaṃ pāṇḍūnāṃ pratibādhakam

Then Bhishma and Drona and your sons, sir, drew up a great array to check the Pandavas.

Verse 11 (6.51.11)

भीष्मः सैन्येन महता समन्तात्परिवारितः । ययौ प्रकर्षन्महतीं वाहिनीं सुरराडिव ॥

bhīṣmaḥ sainyena mahatā samantātparivāritaḥ | yayau prakarṣanmahatīṃ vāhinīṃ surarāḍiva

Bhishma, surrounded on all sides by a great host, advanced drawing that mighty army along like the king of the gods.

Note on the text: Corrected समनन्तात् → समन्तात् and सरराडिव → सुरराडिव (misprints in Wikisource; a doubled syllable and a dropped vowel sign; the critical edition reads samantāt … surarāḍ iva).

Verse 12 (6.51.12)

तमन्वायान्महेष्वासो भारद्वाजः प्रतापवान् । कुन्तलैश्च दशार्णैश्च मागधैश्च विशांपते ॥

tamanvāyānmaheṣvāso bhāradvājaḥ pratāpavān | kuntalaiśca daśārṇaiśca māgadhaiśca viśāṃpate

Behind him came the valiant son of Bharadvaja, the mighty archer Drona, with the Kuntalas, the Dasharnas and the Magadhas, O lord of the people,

Verse 13 (6.51.13)

विदर्भैर्मेकलैश्चैव कर्णप्रावरणैरपि । सहिताः सर्वसैन्येन भीष्ममाहवशोभिनम् ॥

vidarbhairmekalaiścaiva karṇaprāvaraṇairapi | sahitāḥ sarvasainyena bhīṣmamāhavaśobhinam

and with the Vidarbhas, the Mekalas and the Karnapravaranas as well — all of them with their whole forces following Bhishma, the glory of battle.

Note on the text: Corrected विदमर्भैर् → विदर्भैर् and भीष्ममहावशोभिनम् → भीष्ममाहवशोभिनम् (misprints in Wikisource; a stray म and transposed vowels; the critical edition reads vidarbhair … bhīṣmam āhavaśobhinam).

Verse 14 (6.51.14)

गान्धाराः सिन्धुसौवीराः शिबयोऽथ वसातयः । शकुनिश्च स्वसैन्येन भारद्वाजमपालयत् ॥

gāndhārāḥ sindhusauvīrāḥ śibayo'tha vasātayaḥ | śakuniśca svasainyena bhāradvājamapālayat

The Gandharas, the Sindhu-Sauviras, the Shibis and the Vasatis, and Shakuni with his own army, guarded the son of Bharadvaja.

Note on the text: Restored from the critical edition (6.47.14d bhāradvājam apālayat): Wikisource ends this verse with a repeat of the previous verse's last quarter (भीष्ममाहवशोभिनम्), which leaves the sentence without a verb; the critical edition has the Gandharas and Shakuni guarding Drona, and the next verses (Duryodhana guarding Shakuni's host) follow that chain.

Verse 15 (6.51.15)

ततो दुर्योधनो राजा सहितः सर्वसोदरैः । अश्वातकैर्विकर्णैश्च तथा चाम्बष्ठकोसलैः ॥

tato duryodhano rājā sahitaḥ sarvasodaraiḥ | aśvātakairvikarṇaiśca tathā cāmbaṣṭhakosalaiḥ

Then King Duryodhana, together with all his brothers, with the Ashvatakas and the Vikarnas, and with the Ambashthas and the Kosalas,

Note on the text: Corrected अश्वातर्केर् → अश्वातकैर् (misprint in Wikisource; र्के for कै, the people are the Ashvatakas, critical edition aśvātakair). चाम्बष्ठकोसलैः for the critical edition's śarmilakosalaiḥ kept as a variant.

Verse 16 (6.51.16)

दरदैश्च शकैश्चैव तथा क्षुद्रकमालवैः । अभ्यरक्षत संहृष्टः सौबलेयस्य वाहिनीम् ॥

daradaiśca śakaiścaiva tathā kṣudrakamālavaiḥ | abhyarakṣata saṃhṛṣṭaḥ saubaleyasya vāhinīm

with the Daradas and the Shakas, and the Kshudrakas and the Malavas, gladly guarded the host of Subala's son.

Verse 17 (6.51.17)

भूरिश्रवाः शलः शल्यो भगदत्तश्च मारिष । विन्दानुविन्दावावन्त्यौ वामं पार्श्वमपालयन् ॥

bhūriśravāḥ śalaḥ śalyo bhagadattaśca māriṣa | vindānuvindāvāvantyau vāmaṃ pārśvamapālayan

Bhurishravas, Shala, Shalya and Bhagadatta, sir, and Vinda and Anuvinda of Avanti guarded the left flank.

Note on the text: Corrected मारिषः → मारिष (misprint in Wikisource; the vocative address to the king, as in the critical edition's māriṣa).

Verse 18 (6.51.18)

सौमदत्तिः सुशर्मा च काम्भोजश्च सुदक्षिणः । श्रुतायुश्चाच्युतायुश्च दक्षिणं पक्षमास्थिताः ॥

saumadattiḥ suśarmā ca kāmbhojaśca sudakṣiṇaḥ | śrutāyuścācyutāyuśca dakṣiṇaṃ pakṣamāsthitāḥ

Saumadatti, Susharman, Sudakshina of Kamboja, Shrutayus and Achyutayus took their stand on the right wing.

Note on the text: श्रुतायुश्चाच्युतायुश्च and पक्षम् for the critical edition's śatāyuś ca śrutāyuś ca … pārśvam kept as vulgate variants.

Verse 19 (6.51.19)

अश्वत्थामा कृपश्चैव कृतवर्मा च सात्वतः । महत्या सेनया सार्धं सेनापृष्ठे व्यवस्थिताः ॥

aśvatthāmā kṛpaścaiva kṛtavarmā ca sātvataḥ | mahatyā senayā sārdhaṃ senāpṛṣṭhe vyavasthitāḥ

Ashvatthama, Kripa and Kritavarman of the Satvatas, with a great force, were stationed at the rear of the army.

Note on the text: Corrected सेनापृष्टे → सेनापृष्ठे (misprint in Wikisource; ट for ठ, critical edition senāpṛṣṭhe).

Verse 20 (6.51.20)

पृष्ठगोपास्तु तस्यासन्नानादेश्या जनेश्वराः । केतुमान्वसुदानश्च पुत्रः काश्यस्य चाभिभूः ॥

pṛṣṭhagopāstu tasyāsannānādeśyā janeśvarāḥ | ketumānvasudānaśca putraḥ kāśyasya cābhibhūḥ

Its rearguard were kings from many lands: Ketumat, Vasudana, and Abhibhu, son of the king of Kashi.

Verse 21 (6.51.21)

ततस्ते तावकाः सर्वे हृष्टा युद्धाय भारत । दध्मुः शङ्खान्मुदा युक्ताः सिंहनादांस्तथोन्नदन् ॥

tataste tāvakāḥ sarve hṛṣṭā yuddhāya bhārata | dadhmuḥ śaṅkhānmudā yuktāḥ siṃhanādāṃstathonnadan

Then all your men, O Bharata, eager for battle, joyfully blew their conches and roared their lion-roars.

Verse 22 (6.51.22)

तेषां श्रुत्वा तु हृष्टानां वृद्धः कुरुपितामहः । सिंहनादं विनद्योच्चैः शङ्खं दध्मौ प्रतापवान् ॥

teṣāṃ śrutvā tu hṛṣṭānāṃ vṛddhaḥ kurupitāmahaḥ | siṃhanādaṃ vinadyoccaiḥ śaṅkhaṃ dadhmau pratāpavān

Hearing those exultant men, the aged and valiant grandsire of the Kurus roared a loud lion-roar and blew his conch.

Verse 23 (6.51.23)

ततः शङ्खाश्च भेर्यश्च पेश्यश्च विविधाः परैः । आनकाश्चाभ्यहन्यन्त स शब्दस्तुमुलोऽभवत् ॥

tataḥ śaṅkhāśca bheryaśca peśyaśca vividhāḥ paraiḥ | ānakāścābhyahanyanta sa śabdastumulo'bhavat

Then conches and kettledrums, peshis of many kinds and anaka drums were sounded by the other side too, and the din was tumultuous.

Verse 24 (6.51.24)

ततः श्वेतैर्हयैर्युक्ते महति स्यन्दने स्थितौ । प्रदध्मतुः शङ्खवरौ हेमरत्नपरिष्कृतौ ॥

tataḥ śvetairhayairyukte mahati syandane sthitau | pradadhmatuḥ śaṅkhavarau hemaratnapariṣkṛtau

Then, standing in a great chariot yoked to white horses, the two of them blew their splendid conches adorned with gold and jewels.

Verse 25 (6.51.25)

पाञ्चजन्यं हृषीकेशो देवदत्तं धनंजयः । पौण्ड्रं दध्मौ महाशङ्खं भीमकर्मा वृकोदरः ॥

pāñcajanyaṃ hṛṣīkeśo devadattaṃ dhanaṃjayaḥ | pauṇḍraṃ dadhmau mahāśaṅkhaṃ bhīmakarmā vṛkodaraḥ

Hrishikesha blew the Panchajanya and Dhananjaya the Devadatta; Vrikodara of terrible deeds blew the great conch Paundra.

Verse 26 (6.51.26)

अनन्तविजयं राजा कुन्तीपुत्रो युधिष्ठिरः । नकुलः सहदेवश्च सुघोषमणिपुष्पकौ ॥

anantavijayaṃ rājā kuntīputro yudhiṣṭhiraḥ | nakulaḥ sahadevaśca sughoṣamaṇipuṣpakau

King Yudhishthira, son of Kunti, blew the Anantavijaya; Nakula and Sahadeva the Sughosha and the Manipushpaka.

Note on the text: Corrected अन्तविजयं → अनन्तविजयं (misprint in Wikisource; a dropped syllable, the line is a syllable short; the conch is Anantavijaya, critical edition anantavijayaṃ).

Verse 27 (6.51.27)

काशिराजश्च शैब्यश्च शिखण्डी च महारथः । धृष्टद्युम्नो विराटश्च सात्यकिश्च महारथः ॥

kāśirājaśca śaibyaśca śikhaṇḍī ca mahārathaḥ | dhṛṣṭadyumno virāṭaśca sātyakiśca mahārathaḥ

The king of Kashi and Shaibya, Shikhandin the great chariot-warrior, Dhrishtadyumna, Virata and Satyaki the great chariot-warrior,

Verse 28 (6.51.28)

पाञ्चाल्याश्च महेष्वासा द्रौपद्याः पञ्च चात्मजाः । सर्वे दध्मुर्महाशङ्खान्सिंहनादांश्च नेदिरे ॥

pāñcālyāśca maheṣvāsā draupadyāḥ pañca cātmajāḥ | sarve dadhmurmahāśaṅkhānsiṃhanādāṃśca nedire

the mighty archers of the Panchalas and the five sons of Draupadi — all blew great conches and roared lion-roars.

Note on the text: Corrected दध्युर् → दध्मुर् (misprint in Wikisource; य for म, "they blew", critical edition dadhmur). पाञ्चाल्याश्च महेष्वासा (plural) for the critical edition's pāñcālyaś ca maheṣvāso kept as a variant.

Verse 29 (6.51.29)

स घोषः सुमहांस्तत्र वीरैस्तैः समुदीरितः । नभश्च पृथिवीं चैव तुमुलो व्यनुनादयन् ॥

sa ghoṣaḥ sumahāṃstatra vīraistaiḥ samudīritaḥ | nabhaśca pṛthivīṃ caiva tumulo vyanunādayan

That mighty, tumultuous uproar raised there by those heroes made the sky and the earth resound.

Verse 30 (6.51.30)

एवमेते महाराज प्रहृष्टाः कुरुपाण्डवाः । पुनर्युद्धाय संजग्मुस्तापयानाः परस्परम् ॥

evamete mahārāja prahṛṣṭāḥ kurupāṇḍavāḥ | punaryuddhāya saṃjagmustāpayānāḥ parasparam

Thus, great king, the Kurus and the Pandavas, full of joy, met once more for battle, tormenting one another.