Bhima Slays Eight of Duryodhana's Brothers; Ghatotkacha Ends the Fourth Day

Verse 1 (6.64.1)

ततो भूरिश्रवा राजन्सात्यकिं नवभिः शरैः । प्राविध्यद्भृशसंक्रुद्धस्तोत्रैरिव महाद्विपम् ॥

tato bhūriśravā rājansātyakiṃ navabhiḥ śaraiḥ | prāvidhyadbhṛśasaṃkruddhastotrairiva mahādvipam

Then, O king, Bhurishravas in fierce anger pierced Satyaki with nine arrows, as one drives goads into a great elephant.

Verse 2 (6.64.2)

कौरवं सात्यकिश्चैव शरैः सन्नतपर्वभिः । अवारयदमेयात्मा सर्वलोकस्य पश्यतः ॥

kauravaṃ sātyakiścaiva śaraiḥ sannataparvabhiḥ | avārayadameyātmā sarvalokasya paśyataḥ

And Satyaki, of immeasurable spirit, held off the Kaurava with straight-jointed arrows while all the world looked on.

Verse 3 (6.64.3)

ततो दुर्योधनो राजा सोदर्यैः परिवारितः । सौमदत्तिं रणे यत्तः समन्तात्पर्यवारयत् ॥

tato duryodhano rājā sodaryaiḥ parivāritaḥ | saumadattiṃ raṇe yattaḥ samantātparyavārayat

Then King Duryodhana, surrounded by his brothers, watchfully ringed the son of Somadatta on every side in the battle.

Note on the text: Corrected सोमदत्तिं → सौमदत्तिं (misprint in Wikisource; the patronymic needs au, as at 6.63.32; critical edition saumadattiṃ).

Verse 4 (6.64.4)

तं चैव पाण्डवाः सर्वे सात्यकिं रभसं रणे । परिवार्य स्थिताः सङ्ख्ये समन्तात्सुमहौजसः ॥

taṃ caiva pāṇḍavāḥ sarve sātyakiṃ rabhasaṃ raṇe | parivārya sthitāḥ saṅkhye samantātsumahaujasaḥ

And all the Pandavas, men of great might, surrounded the impetuous Satyaki in the battle and took their stand around him on every side.

Verse 5 (6.64.5)

भीमसेनस्तु संक्रुद्धो गदामुद्यम्य भारत । दुर्योधनमुखान्सर्वान्पुत्रांस्ते पर्यवारयत् ॥

bhīmasenastu saṃkruddho gadāmudyamya bhārata | duryodhanamukhānsarvānputrāṃste paryavārayat

But Bhimasena, enraged, raised his mace, O Bharata, and hemmed in all your sons with Duryodhana at their head.

Note on the text: Corrected गजामुद्यम्य → गदामुद्यम्य (misprint in Wikisource; ज for द, critical edition gadām udyamya).

Verse 6 (6.64.6)

रथैरनेकसाहस्रैः क्रोधामर्षसमन्वितः । नन्दकस्तव पुत्रस्तु भीमसेनं महाबलम् ॥

rathairanekasāhasraiḥ krodhāmarṣasamanvitaḥ | nandakastava putrastu bhīmasenaṃ mahābalam

With many thousands of chariots, your son Nandaka, filled with wrath and indignation, at mighty Bhimasena

Note on the text: The critical edition's 6.60.6ab–cd; its 6.60.6ef opens the next verse.

Verse 7 (6.64.7)

विव्याध विशिखैः षड्भिः कङ्कपत्रैः शिलाशितैः । दुर्योधनस्तदा राजन्भीमसेनं महारथम् ॥

vivyādha viśikhaiḥ ṣaḍbhiḥ kaṅkapatraiḥ śilāśitaiḥ | duryodhanastadā rājanbhīmasenaṃ mahāratham

shot six stone-whetted arrows fletched with heron feathers. Then Duryodhana, O king, struck Bhimasena, the great chariot-warrior,

Note on the text: Line 1 is the critical edition's 6.60.6ef (विशिखैः where it reads niśitaiḥ, kept); line 2 corresponds to 6.60.7ab (दुर्योधनस्तदा राजन्भीमसेनं महारथम् where it reads duryodhanas tu samare bhīmasenaṃ mahābalam, kept).

Verse 8 (6.64.8)

आजघानोरसि क्रुद्धो मार्गणैर्नवभिः शितैः । ततो भीमो महाबाहुः स्वरथं सुमहाबलः ॥

ājaghānorasi kruddho mārgaṇairnavabhiḥ śitaiḥ | tato bhīmo mahābāhuḥ svarathaṃ sumahābalaḥ

in the chest in his anger with nine sharp arrows. Then mighty-armed Bhima, of great strength, mounted his own chariot,

Note on the text: Line 1 is the critical edition's 6.60.7cd (नवभिः शितैः where it reads niśitais tribhiḥ, kept); line 2 is 6.60.8ab.

Verse 9 (6.64.9)

आरुरोह रथश्रेष्ठं विशोकं चेदमब्रवीत् । एते महारथाः शूरा धार्तराष्ट्राः समागताः ॥

āruroha rathaśreṣṭhaṃ viśokaṃ cedamabravīt | ete mahārathāḥ śūrā dhārtarāṣṭrāḥ samāgatāḥ

that finest of chariots, and said this to Vishoka: "These heroic sons of Dhritarashtra, great chariot-warriors, have gathered together,

Note on the text: Line 1 is the critical edition's 6.60.8cd; line 2 is 6.60.9ab (समागताः where it reads mahābalāḥ, kept). Bhima's speech to Vishoka begins with line 2 and runs to the first line of verse 14.

Verse 10 (6.64.10)

मामेव भृशसंक्रुद्धा हन्तुमभ्युद्यता युधि । मनोरथद्रुमोऽस्माकं चिन्तितो बहुवार्षिकः ॥

māmeva bhṛśasaṃkruddhā hantumabhyudyatā yudhi | manorathadrumo'smākaṃ cintito bahuvārṣikaḥ

in fierce anger, bent on killing me alone in battle. The tree of our desire, which we have tended in our thoughts for many years,

Note on the text: Line 1 is the critical edition's 6.60.9cd; line 2 is its star passage 6.60.9d*0244, line 1. Speaker: Bhima's speech to his charioteer, unheaded on the page.

Verse 11 (6.64.11)

सफलः सूत चाद्येह योऽहं पश्यामि सोदरान् । यत्राशोकसमुत्क्षिप्ता रेणवो रथनेमिभिः ॥

saphalaḥ sūta cādyeha yo'haṃ paśyāmi sodarān | yatrāśokasamutkṣiptā reṇavo rathanemibhiḥ

has borne fruit here today, charioteer, now that I see these brothers before me, here where the dust thrown up by the chariot wheels

Note on the text: Not in the critical edition (found in the vulgate recension); the critical edition records it in its apparatus as star passage 6.60.9d*0244, lines 2–3. Speaker: Bhima, as above.

Verse 12 (6.64.12)

प्रयास्यन्त्यन्तरिक्षं हि शरबृन्दैर्दिगन्तरे । तत्र तिष्ठति सन्नद्धः स्वयं राजा सुयोधनः ॥

prayāsyantyantarikṣaṃ hi śarabṛndairdigantare | tatra tiṣṭhati sannaddhaḥ svayaṃ rājā suyodhanaḥ

rises into the sky amid the flights of arrows that fill the quarters, there stands King Suyodhana himself, armed for battle,

Note on the text: Not in the critical edition (found in the vulgate recension); the critical edition records it in its apparatus as star passage 6.60.9d*0244, lines 4–5 (where its line 4 reads na prayāsyantyantarikṣaṃ; Wikisource has no न). Speaker: Bhima, as above.

Verse 13 (6.64.13)

भ्रातरश्चास्य सन्नद्धाः कुलपुत्रा मदोत्कटाः । एतानद्य हनिष्यामि पश्यतस्ते न संशयः ॥

bhrātaraścāsya sannaddhāḥ kulaputrā madotkaṭāḥ | etānadya haniṣyāmi paśyataste na saṃśayaḥ

and his brothers too stand armed, high-born and drunk with pride. Today I shall kill them before your eyes, have no doubt of it.

Note on the text: Line 1 is the critical edition's star passage 6.60.9d*0244, line 6; line 2 is 6.60.10ab. Speaker: Bhima, as above.

Verse 14 (6.64.14)

तस्मान्ममाश्वान्संग्रामे यत्तः संयच्छ सारथे । एवमुक्त्वा ततः पार्थस्तव पुत्रं विशांपते ॥

tasmānmamāśvānsaṃgrāme yattaḥ saṃyaccha sārathe | evamuktvā tataḥ pārthastava putraṃ viśāṃpate

So guide my horses with care in the battle, charioteer." Having said this, O lord of the people, the son of Pritha pierced your son

Note on the text: Line 1 is the critical edition's 6.60.10cd, the end of Bhima's speech; line 2 is 6.60.11ab (पार्थस्तव पुत्रं विशांपते where it reads pārthaḥ putraṃ duryodhanaṃ tava, kept). Corrected संग्रमे → संग्रामे (misprint in Wikisource; a dropped ā, critical edition saṃgrāme).

Verse 15 (6.64.15)

विव्याध निशितैस्तीक्ष्णैः शरैः कनकभूषणैः । नन्दकं च त्रिभिर्बाणैरभ्यविध्यत्स्तनान्तरे ॥

vivyādha niśitaistīkṣṇaiḥ śaraiḥ kanakabhūṣaṇaiḥ | nandakaṃ ca tribhirbāṇairabhyavidhyatstanāntare

with sharp, keen, gold-adorned arrows, and struck Nandaka in the middle of the chest with three arrows.

Note on the text: The critical edition's 6.60.11cd–ef (निशितैः where it reads daśabhiḥ, so Wikisource gives no count; अभ्यविध्यत् for pratyavidhyat; both kept). Corrected भाणैः → बाणैः (misprint in Wikisource; भ for ब, critical edition tribhir bāṇaiḥ).

Verse 16 (6.64.16)

तं तु दुर्योधनः षष्ट्या विद्ध्वा भीमं महाबलम् । त्रिभिरन्यैः सुनिशितैर्विशोकं प्रत्यविध्यत ॥

taṃ tu duryodhanaḥ ṣaṣṭyā viddhvā bhīmaṃ mahābalam | tribhiranyaiḥ suniśitairviśokaṃ pratyavidhyata

But Duryodhana, having pierced mighty Bhima with sixty arrows, pierced Vishoka in turn with three other very sharp ones.

Verse 17 (6.64.17)

भीमस्य च रणे राजन्धनुश्चिच्छेद भासुरम् । मुष्टिदेशे भृशं तीक्ष्णैस्त्रिभिर्भल्लैर्हसन्निव ॥

bhīmasya ca raṇe rājandhanuściccheda bhāsuram | muṣṭideśe bhṛśaṃ tīkṣṇaistribhirbhallairhasanniva

And in the battle, O king, as if laughing, he cut Bhima's gleaming bow at the grip with three very keen broad-headed arrows.

Note on the text: Corrected भिमस्य → भीमस्य (misprint in Wikisource; short i for ī, critical edition bhīmasya) and तीक्ष्णौः → तीक्ष्णैः (misprint; au-sign for ai-sign). Line 2's भृशं तीक्ष्णैस्त्रिभिर्भल्लैः (critical edition śarais tīkṣṇais tribhī rājā) and भासुरम् (bhāsvaram) kept as recension variants.

Verse 18 (6.64.18)

समरे प्रेक्ष्य यन्तारं विशोकं तु वृकोदरः । पीडितं विशिखैस्तीक्ष्णैस्तव पुत्रेण धन्विना ॥

samare prekṣya yantāraṃ viśokaṃ tu vṛkodaraḥ | pīḍitaṃ viśikhaistīkṣṇaistava putreṇa dhanvinā

When Vrikodara saw his charioteer Vishoka in the battle tormented by the sharp arrows of your son the archer,

Verse 19 (6.64.19)

अमृष्यमाणः संरब्धो धनुर्दिव्यं परामृशत् । पुत्रस्य ते महाराज वधार्थं भरतर्षभ ॥

amṛṣyamāṇaḥ saṃrabdho dhanurdivyaṃ parāmṛśat | putrasya te mahārāja vadhārthaṃ bharatarṣabha

he could not bear it; in his fury he seized a celestial bow, O great king, bull of the Bharatas, to kill your son.

Note on the text: Corrected परामृशम् → परामृशत् (misprint in Wikisource; a first-person form where the narrative needs the third person, critical edition parāmṛśat).

Verse 20 (6.64.20)

समादधत्सुसंक्रुद्धः क्षुरप्रं रोमवाहिनम् । तेन चिच्छेद नृपतेर्भीमः कार्मुकमुत्तमम् ॥

samādadhatsusaṃkruddhaḥ kṣurapraṃ romavāhinam | tena ciccheda nṛpaterbhīmaḥ kārmukamuttamam

In great fury he fitted a feathered, razor-headed arrow, and with it Bhima cut the king's excellent bow.

Verse 21 (6.64.21)

सोऽपविध्य धनुश्छिन्नं पुत्रस्ते क्रोधमूर्च्छितः । अन्यत्कार्मुकमादत्त सत्वरं वेगवत्तरम् ॥

so'pavidhya dhanuśchinnaṃ putraste krodhamūrcchitaḥ | anyatkārmukamādatta satvaraṃ vegavattaram

Your son, beside himself with anger, flung away the broken bow and quickly took up another, swifter one.

Note on the text: Corrected सोऽपविद्ध्य → सोऽपविध्य (misprint in Wikisource; a doubled consonant, critical edition so 'pavidhya). पुत्रस्ते क्रोधमूर्च्छितः (critical edition krodhena prajvalann iva) kept as a recension variant.

Verse 22 (6.64.22)

संदधे विशिखं घोरं कालमृत्युसमप्रभम् । तेनाजघान संक्रुद्धो भीमसेनं स्तनान्तरे ॥

saṃdadhe viśikhaṃ ghoraṃ kālamṛtyusamaprabham | tenājaghāna saṃkruddho bhīmasenaṃ stanāntare

He fitted a terrible arrow that blazed like Time and Death, and with it, in his fury, struck Bhimasena in the chest.

Note on the text: Corrected घोर → घोरं (misprint in Wikisource; a dropped anusvara, critical edition viśikhaṃ ghoraṃ).

Verse 23 (6.64.23)

स गाढविद्धो व्यथितः स्यन्दनोपस्थ आविशत् । स निषण्णो रथोपस्थे मूर्च्छामभिजगाम ह ॥

sa gāḍhaviddho vyathitaḥ syandanopastha āviśat | sa niṣaṇṇo rathopasthe mūrcchāmabhijagāma ha

Deeply pierced and in pain, he sank down on the seat of his chariot; and sitting there on the chariot seat he fell into a swoon.

Note on the text: Corrected स्यान्दनोपस्थ → स्यन्दनोपस्थ (misprint in Wikisource; a stray ā, critical edition syandanopastha).

Verse 24 (6.64.24)

तं दृष्ट्वा व्यथितं भीममभिमन्युपुरोगमाः । नामृष्यन्त महेष्वासाः पाण्डवानां महारथाः ॥

taṃ dṛṣṭvā vyathitaṃ bhīmamabhimanyupurogamāḥ | nāmṛṣyanta maheṣvāsāḥ pāṇḍavānāṃ mahārathāḥ

Seeing Bhima in pain, the great archers and great chariot-warriors of the Pandavas, led by Abhimanyu, could not bear it.

Note on the text: Corrected महारथः → महारथाः (misprint in Wikisource; a dropped ā, the word agrees with the plural subject; critical edition mahārathāḥ).

Verse 25 (6.64.25)

ततस्तु तुमुलां वृष्टिं शस्त्राणां तिग्मतेजसाम् । पातयामासुरव्यग्राः पुत्रस्य तव मूर्धनि ॥

tatastu tumulāṃ vṛṣṭiṃ śastrāṇāṃ tigmatejasām | pātayāmāsuravyagrāḥ putrasya tava mūrdhani

Then, unshaken, they brought down a tumultuous shower of weapons of fierce energy upon your son's head.

Verse 26 (6.64.26)

प्रतिलभ्य ततः संज्ञां भीमसेनो महाबलः । दुर्योधनं त्रिभिर्विद्ध्वा पुनर्विव्याध पञ्चभिः ॥

pratilabhya tataḥ saṃjñāṃ bhīmaseno mahābalaḥ | duryodhanaṃ tribhirviddhvā punarvivyādha pañcabhiḥ

Then mighty Bhimasena, coming to his senses, pierced Duryodhana with three arrows and then again with five.

Verse 27 (6.64.27)

शल्यं च पञ्चविंशत्या शरैर्विव्याध पाण्डवः । रुक्मपुङ्खैर्महेष्वासः स विद्धो व्यपयाद्रणात् ॥

śalyaṃ ca pañcaviṃśatyā śarairvivyādha pāṇḍavaḥ | rukmapuṅkhairmaheṣvāsaḥ sa viddho vyapayādraṇāt

And the Pandava, the great archer, pierced Shalya with twenty-five gold-feathered arrows; and Shalya, wounded, withdrew from the fight.

Verse 28 (6.64.28)

प्रत्युद्ययुस्ततो भीमं तव पुत्राश्चतुर्दश । सेनापतिः सुषेणश्च जलसन्धः सुलोचनः ॥

pratyudyayustato bhīmaṃ tava putrāścaturdaśa | senāpatiḥ suṣeṇaśca jalasandhaḥ sulocanaḥ

Then fourteen of your sons went out against Bhima: Senapati, Sushena, Jalasandha, Sulochana,

Verse 29 (6.64.29)

उग्रो भीमरथो भीमो वीरबाहुरलोलुपः । दुर्मुखो दुष्प्रधर्षश्च विवित्सुर्विकटः समः ॥

ugro bhīmaratho bhīmo vīrabāhuralolupaḥ | durmukho duṣpradharṣaśca vivitsurvikaṭaḥ samaḥ

Ugra, Bhimaratha, Bhima, Virabahu, Alolupa, Durmukha, Dushpradharsha, Vivitsu, Vikata and Sama.

Note on the text: Corrected उद्रो → उग्रो (misprint in Wikisource; द्र for ग्र, critical edition ugro; the same son is उग्र in verse 34). वीरबाहुः (critical edition bhīmabāhuḥ) kept, as again in verse 35.

Verse 30 (6.64.30)

विसृजन्तो बहून्बाणान्क्रोधसंरक्तलोचनाः । भीमसेनमभिद्रुत्य विव्यधुः सहिता भृशम् ॥

visṛjanto bahūnbāṇānkrodhasaṃraktalocanāḥ | bhīmasenamabhidrutya vivyadhuḥ sahitā bhṛśam

Loosing many arrows, their eyes red with anger, they rushed at Bhimasena together and pierced him deeply.

Verse 31 (6.64.31)

पुत्रांस्तु तव संप्रेक्ष्य भीमसेनो महाबलः । सृक्किणी विलिहन्वीरः पशुमध्ये यथा वृकः ॥

putrāṃstu tava saṃprekṣya bhīmaseno mahābalaḥ | sṛkkiṇī vilihanvīraḥ paśumadhye yathā vṛkaḥ

Seeing your sons, the hero, mighty Bhimasena, licked the corners of his mouth like a wolf among a flock of beasts.

Note on the text: The critical edition's 6.60.27ab–cd; its 6.60.27ef closes the next verse.

Verse 32 (6.64.32)

अभिपत्य महाबाहुर्गरुत्मानिव वेगितः । सेनापतेः क्षुरप्रेण शिरश्चिच्छेद पाण्डवः ॥

abhipatya mahābāhurgarutmāniva vegitaḥ | senāpateḥ kṣurapreṇa śiraściccheda pāṇḍavaḥ

Swooping down swift as Garuda, the mighty-armed Pandava cut off Senapati's head with a razor-headed arrow.

Note on the text: Line 1 is the critical edition's star passage 6.60.27d*0246; line 2 is 6.60.27ef.

Verse 33 (6.64.33)

संप्रहस्य च हृष्टात्मा त्रिभिर्बाणैर्महाभुजः । जलसन्धं विनिर्भिद्य सोऽनयद्यमसादनम् ॥

saṃprahasya ca hṛṣṭātmā tribhirbāṇairmahābhujaḥ | jalasandhaṃ vinirbhidya so'nayadyamasādanam

Then, laughing, glad at heart, the mighty-armed hero pierced Jalasandha through with three arrows and sent him to Yama's abode.

Note on the text: Line 1 is the critical edition's star passage 6.60.27f*0247 (संप्रहस्य where it reads saṃprahṛṣya, kept); line 2 is 6.60.28ab.

Verse 34 (6.64.34)

सुषेणं च ततो हत्वा प्रेषयामास मृत्यवे । उग्रस्य सशिरस्त्राणं शिरश्चन्द्रोपमं भुवि ॥

suṣeṇaṃ ca tato hatvā preṣayāmāsa mṛtyave | ugrasya saśirastrāṇaṃ śiraścandropamaṃ bhuvi

Then he killed Sushena and dispatched him to death. Ugra's head, like the moon, still in its helmet

Note on the text: Line 1 is the critical edition's 6.60.28cd; line 2 is 6.60.29ab.

Verse 35 (6.64.35)

पातयामास भल्लेन कुण्डलाभ्यां विभूषितम् । वीरबाहुं च सप्तत्या साश्वकेतुं ससारथिम् ॥

pātayāmāsa bhallena kuṇḍalābhyāṃ vibhūṣitam | vīrabāhuṃ ca saptatyā sāśvaketuṃ sasārathim

and adorned with earrings, he struck to the ground with a broad-headed arrow. And Virabahu, with his horses, standard and charioteer, with seventy arrows

Note on the text: Line 1 is the critical edition's 6.60.29cd; line 2 is 6.60.30ab (वीरबाहुं where it reads bhīmabāhuṃ, kept).

Verse 36 (6.64.36)

निनाय समरे वीरः परलोकाय पाण्डवः । भीमं भीमरथं चोभौ भीमसेनो हसन्निव ॥

nināya samare vīraḥ paralokāya pāṇḍavaḥ | bhīmaṃ bhīmarathaṃ cobhau bhīmaseno hasanniva

the heroic Pandava sent to the other world in the battle. Bhima and Bhimaratha, both of them, Bhimasena, as if laughing,

Note on the text: Line 1 is the critical edition's 6.60.30cd; line 2 is 6.60.31ab.

Verse 37 (6.64.37)

पुत्रौ ते दुर्मदौ राजन्ननयद्यमसादनम् । ततः सुलोचनं भीमः क्षुरप्रेण महामृधे ॥

putrau te durmadau rājannanayadyamasādanam | tataḥ sulocanaṃ bhīmaḥ kṣurapreṇa mahāmṛdhe

your two arrogant sons, O king, sent to Yama's abode. Then, in that great battle, with a razor-headed arrow Bhima

Note on the text: Line 1 is the critical edition's 6.60.31cd (पुत्रौ ते दुर्मदौ where it reads bhrātarau rabhasau, kept); line 2 is 6.60.32ab.

Verse 38 (6.64.38)

मिषतां सर्वसैन्यानामनयद्यमसादनम् । पुत्रास्तु तव तं दृष्ट्वा भीमसेनपराक्रमम् ॥

miṣatāṃ sarvasainyānāmanayadyamasādanam | putrāstu tava taṃ dṛṣṭvā bhīmasenaparākramam

sent Sulochana to Yama's abode while all the armies looked on. Your sons, seeing that prowess of Bhimasena,

Note on the text: Line 1 is the critical edition's 6.60.32cd; line 2 is 6.60.33ab.

Verse 39 (6.64.39)

शेषा येऽन्येऽभवंस्तत्र ते भीमस्य भयार्दिताः । विप्रद्रुता दिशो राजन्वध्यमाना महात्मना ॥

śeṣā ye'nye'bhavaṃstatra te bhīmasya bhayārditāḥ | vipradrutā diśo rājanvadhyamānā mahātmanā

those others who were left there, stricken with fear of Bhima, fled in all directions, O king, cut down by that great-souled warrior.

Note on the text: The critical edition's 6.60.33cd–ef.

Verse 40 (6.64.40)

ततोऽब्रवीच्छान्तनवः सर्वानेव महारथान् । एष भीमो रणे क्रुद्धो धार्तराष्ट्रान्महारथान् ॥

tato'bravīcchāntanavaḥ sarvāneva mahārathān | eṣa bhīmo raṇe kruddho dhārtarāṣṭrānmahārathān

Then Shantanu's son said to all the great chariot-warriors: "This Bhima, raging in battle: Dhritarashtra's sons, great chariot-warriors,

Verse 41 (6.64.41)

यथा प्राग्र्यान्यथा ज्येष्ठान्यथा शूरांश्च संगतान् । निपातयत्युग्रधन्वा तं प्रगृह्णीत माचिरम् ॥

yathā prāgryānyathā jyeṣṭhānyathā śūrāṃśca saṃgatān | nipātayatyugradhanvā taṃ pragṛhṇīta māciram

the foremost, the eldest and the bravest, one after another as they come together, this fierce archer is cutting down. Seize him without delay!"

Note on the text: Speaker: the rest of Bhishma's command, which fills the whole verse without a printed heading. प्रगृह्णीत माचिरम् (critical edition pramathnīta pārthivāḥ) kept as a recension variant.

Verse 42 (6.64.42)

एवमुक्तास्ततः सर्वे धार्तराष्ट्रस्य सैनिकाः । अभ्यद्रवन्त संक्रुद्धा भीमसेनं महाबलम् ॥

evamuktāstataḥ sarve dhārtarāṣṭrasya sainikāḥ | abhyadravanta saṃkruddhā bhīmasenaṃ mahābalam

So addressed, all the soldiers of Dhritarashtra's son rushed in fury at mighty Bhimasena.

Note on the text: Corrected एवमुक्त्वा ततः → एवमुक्तास्ततः (misprint in Wikisource; the soldiers are the ones addressed, not the speakers, so the gerund gives the wrong sense; critical edition evam uktās tataḥ).

Verse 43 (6.64.43)

भगदत्तः प्रभिन्नेन कुञ्जरेण विशांपते । अभ्ययात्सहसा तत्रयत्र भीमो व्यवस्थितः ॥

bhagadattaḥ prabhinnena kuñjareṇa viśāṃpate | abhyayātsahasā tatrayatra bhīmo vyavasthitaḥ

Bhagadatta, O lord of the people, on an elephant in rut, rushed suddenly to the place where Bhima stood.

Verse 44 (6.64.44)

आपतन्नेव च रणे भीमसेनं शिलीमुखैः । अदृश्यं समरे चक्रे जीमूत इव भास्करम् ॥

āpatanneva ca raṇe bhīmasenaṃ śilīmukhaiḥ | adṛśyaṃ samare cakre jīmūta iva bhāskaram

And even as he charged in the battle, he hid Bhimasena from sight with his arrows, as a cloud hides the sun.

Verse 45 (6.64.45)

अभिमन्युमुखास्तत्तु नामृष्यन्त महारथाः । भीमस्याच्छादनं सङ्ख्ये स्वबाहुबलमाश्रिताः ॥

abhimanyumukhāstattu nāmṛṣyanta mahārathāḥ | bhīmasyācchādanaṃ saṅkhye svabāhubalamāśritāḥ

The great chariot-warriors led by Abhimanyu, trusting in the strength of their own arms, could not bear to see Bhima so covered in the battle.

Note on the text: Corrected शङ्ख्ये → सङ्ख्ये (misprint in Wikisource; श for स, critical edition saṃkhye). तत्तु (critical edition tatra) kept.

Verse 46 (6.64.46)

त एनं शरवर्षेण समन्तात्पर्यवारयन् । गजं च शरवृष्ट्या तु बिभिदुस्ते समन्ततः ॥

ta enaṃ śaravarṣeṇa samantātparyavārayan | gajaṃ ca śaravṛṣṭyā tu bibhiduste samantataḥ

They surrounded Bhagadatta on every side with a rain of arrows, and pierced his elephant all over with their showers of arrows.

Verse 47 (6.64.47)

स शस्त्रवृष्ट्याऽभिहतः समस्तैस्तैर्महारथैः । प्राग्ज्योतिषगजो राजन्नानालिङ्गैः सुतेजनैः ॥

sa śastravṛṣṭyā'bhihataḥ samastaistairmahārathaiḥ | prāgjyotiṣagajo rājannānāliṅgaiḥ sutejanaiḥ

Struck by that rain of weapons from all those great chariot-warriors together, by keen-pointed arrows of many kinds, O king, the elephant of Pragjyotisha,

Note on the text: Line 1 (समस्तैस्तैर्महारथैः where the critical edition reads prādravad dviguṇaṃ padam) kept as a recension variant.

Verse 48 (6.64.48)

संजातरुधिरोत्पीडः प्रेक्षणीयोऽभवद्रणे । गभस्तिभिरिवार्कस्य संस्यूतो जलदो महान् ॥

saṃjātarudhirotpīḍaḥ prekṣaṇīyo'bhavadraṇe | gabhastibhirivārkasya saṃsyūto jalado mahān

streaming with blood, became a sight to behold in the battle, like a great cloud shot through with the rays of the sun.

Verse 49 (6.64.49)

संचोदितो मदस्रावी भगदत्तेन वारणः । अभ्यधावत तान्सर्वान्कालोत्सृष्ट इवान्तकः ॥

saṃcodito madasrāvī bhagadattena vāraṇaḥ | abhyadhāvata tānsarvānkālotsṛṣṭa ivāntakaḥ

Urged on by Bhagadatta, the elephant, pouring ichor, charged at them all like the Destroyer let loose by Time,

Note on the text: The critical edition's 6.60.43ab–cd; its 6.60.43ef opens the next verse. Corrected तन्सर्वान् → तान्सर्वान् (misprint in Wikisource; a dropped ā, critical edition tān sarvān).

Verse 50 (6.64.50)

द्विगुणं जवमास्थाय कम्पयंश्चरणैर्महीम् । तस्य तत्सुमहद्रूपं दृष्ट्वा सर्वे महारथाः ॥

dviguṇaṃ javamāsthāya kampayaṃścaraṇairmahīm | tasya tatsumahadrūpaṃ dṛṣṭvā sarve mahārathāḥ

doubling its speed and shaking the earth with its feet. Seeing that huge form of it, all the great chariot-warriors

Note on the text: Line 1 is the critical edition's 6.60.43ef; line 2 is 6.60.44ab.

Verse 51 (6.64.51)

असह्यं मन्यमानाश्च नातिप्रमनसोऽभवन् । ततस्तु नृपतिः क्रुद्धो भीमसेनं स्तनान्तरे ॥

asahyaṃ manyamānāśca nātipramanaso'bhavan | tatastu nṛpatiḥ kruddho bhīmasenaṃ stanāntare

thought it irresistible and lost heart. Then the king, enraged, struck Bhimasena in the chest,

Note on the text: Line 1 is the critical edition's 6.60.44cd; line 2 is 6.60.45ab.

Verse 52 (6.64.52)

आजघान महाराज शरेणानतपर्वणा । सोऽतिविद्धो महेष्वासस्तेन राज्ञा महारथः ॥

ājaghāna mahārāja śareṇānataparvaṇā | so'tividdho maheṣvāsastena rājñā mahārathaḥ

O great king, with a straight-jointed arrow. Deeply pierced by that king, the great archer and chariot-warrior,

Note on the text: Line 1 is the critical edition's 6.60.45cd (महाराज where it reads naravyāghra, kept); line 2 is 6.60.46ab.

Verse 53 (6.64.53)

मूर्च्छयाऽभिपरीतात्मा ध्वजयष्टिं समाश्रयत् । तांस्तु भीतान्समालक्ष्य भीमसेनं च मूर्च्छितम् ॥

mūrcchayā'bhiparītātmā dhvajayaṣṭiṃ samāśrayat | tāṃstu bhītānsamālakṣya bhīmasenaṃ ca mūrcchitam

overcome by a swoon, leaned on his flagstaff. Seeing those warriors afraid and Bhimasena senseless,

Note on the text: Line 1 is the critical edition's 6.60.46cd (परीतात्मा … समाश्रयत् where it reads parītāṅgo … upāśritaḥ, kept); line 2 is 6.60.47ab.

Verse 54 (6.64.54)

ननाद बलवन्नादं भगदत्तः प्रतापवान् । ततो घटोत्कचो राजन्प्रेक्ष्य भीमं तथाऽऽगतं ॥

nanāda balavannādaṃ bhagadattaḥ pratāpavān | tato ghaṭotkaco rājanprekṣya bhīmaṃ tathā''gataṃ

mighty Bhagadatta let out a powerful roar. Then, O king, Ghatotkacha, seeing Bhima in that state,

Note on the text: Line 1 is the critical edition's 6.60.47cd; line 2 is 6.60.48ab.

Verse 55 (6.64.55)

संक्रुद्धो राक्षसो घोरस्तत्रैवान्तरधीयत । स कृत्वा दारुणां मायां भीरूणां भयवर्धिनीम् ॥

saṃkruddho rākṣaso ghorastatraivāntaradhīyata | sa kṛtvā dāruṇāṃ māyāṃ bhīrūṇāṃ bhayavardhinīm

the terrible rakshasa, enraged, vanished on the spot. Having worked a dreadful illusion that heightened the fear of the timid,

Note on the text: Line 1 is the critical edition's 6.60.48cd; line 2 is 6.60.49ab. Corrected भूरूणां → भीरूणां (misprint in Wikisource; ū-sign for ī-sign, critical edition bhīrūṇāṃ).

Verse 56 (6.64.56)

अदृश्यत निमेषार्धाद्धोररूपं समास्थितः । ऐरावतं समारूढः स वै मायाकृतं स्वयम् ॥

adṛśyata nimeṣārdhāddhorarūpaṃ samāsthitaḥ | airāvataṃ samārūḍhaḥ sa vai māyākṛtaṃ svayam

he appeared in half the twinkling of an eye in a terrible form, mounted on Airavata, which he himself had made by magic.

Note on the text: Line 1 is the critical edition's 6.60.49cd (समास्थितः where it reads samāśritaḥ, kept); line 2 corresponds to 6.60.50ab (ऐरावतं समारूढः स वै मायाकृतं स्वयम्, a variant of airāvataṃ samāruhya svayaṃ māyāmayaṃ kṛtam, kept).

Verse 57 (6.64.57)

तस्य चान्येऽपि दिङ्नागा बभूवुरनुयायिनः । अञ्जनो वामनश्चैव महापद्मश्च सुप्रभः ॥

tasya cānye'pi diṅnāgā babhūvuranuyāyinaḥ | añjano vāmanaścaiva mahāpadmaśca suprabhaḥ

Other elephants of the quarters followed him as well: Anjana, Vamana, and the radiant Mahapadma.

Note on the text: Line 1 is the critical edition's 6.60.50cd; line 2 is 6.60.51ab. Corrected दिङ्वागा → दिङ्नागा (misprint in Wikisource; व for न, critical edition diṅnāgā) and वमानश्चैव → वामनश्चैव (misprint; the vowel signs transposed, critical edition vāmanaś caiva; Vamana is one of the elephants of the quarters).

Verse 58 (6.64.58)

त्रय एते महानागा राक्षसैः समधिष्ठिताः । महाकायास्त्रिधा राजन्प्रस्रवन्तो मदं बहु ॥

traya ete mahānāgā rākṣasaiḥ samadhiṣṭhitāḥ | mahākāyāstridhā rājanprasravanto madaṃ bahu

These three great elephants, ridden by rakshasas, were huge of body, O king, and poured out ichor abundantly from three places,

Note on the text: Line 1 is the critical edition's 6.60.51cd; line 2 is 6.60.52ab.

Verse 59 (6.64.59)

तेजोवीर्यबलोपेता महाबलपराक्रमाः । घटोत्कचस्तु स्वं नागं चोदयामास तं तदा ॥

tejovīryabalopetā mahābalaparākramāḥ | ghaṭotkacastu svaṃ nāgaṃ codayāmāsa taṃ tadā

full of vigour, valour and strength, of great might and prowess. Then Ghatotkacha urged on his own elephant,

Note on the text: Line 1 is the critical edition's 6.60.52cd; line 2 is 6.60.53ab (तदा where it reads tataḥ, kept).

Verse 60 (6.64.60)

सगजं भगदत्तं तु हन्तुकामः परंतपः । ते चान्ये चोदिता नागा राक्षसैस्तैर्महाबलैः ॥

sagajaṃ bhagadattaṃ tu hantukāmaḥ paraṃtapaḥ | te cānye coditā nāgā rākṣasaistairmahābalaiḥ

that scorcher of foes, eager to kill Bhagadatta together with his elephant. And the other elephants, urged on by those mighty rakshasas,

Note on the text: Line 1 is the critical edition's 6.60.53cd; line 2 is 6.60.54ab.

Verse 61 (6.64.61)

परिपेतुः सुसंरब्धाश्चतुर्दंष्ट्राश्चतुर्दिशम् । भगदत्तस्य तं नागं विषाणैरभ्यपीडयन् ॥

paripetuḥ susaṃrabdhāścaturdaṃṣṭrāścaturdiśam | bhagadattasya taṃ nāgaṃ viṣāṇairabhyapīḍayan

four-tusked and in great fury, fell on it from the four quarters and gored Bhagadatta's elephant with their tusks.

Note on the text: The critical edition's 6.60.54cd–ef.

Verse 62 (6.64.62)

स पीड्यमानस्तैर्नागैर्वेदनार्तः शराहतः । अनदत्सुमहानादमिन्द्राशनिसमस्वनम् ॥

sa pīḍyamānastairnāgairvedanārtaḥ śarāhataḥ | anadatsumahānādamindrāśanisamasvanam

Tormented by those elephants, racked with pain and wounded by arrows, it let out a mighty roar like the crash of Indra's thunderbolt.

Verse 63 (6.64.63)

व्यवर्तत महाघोषो भैमसेनिशरार्दितः । मृदित्वा सर्वसैन्यानि तव पुत्रस्य भारत ॥

vyavartata mahāghoṣo bhaimaseniśarārditaḥ | mṛditvā sarvasainyāni tava putrasya bhārata

Wounded by the arrows of Bhima's son, the loudly trumpeting beast wheeled about, trampling all the troops of your son, O Bharata.

Note on the text: Not in the critical edition (found in the vulgate recension); the critical edition records it in its apparatus as star passage 6.60.55d*0253 (nyavartata … bhīmasenaśarārditaḥ, where Wikisource has व्यवर्तत … भैमसेनिशरार्दितः; kept). Removed a stray backtick and quote mark printed around the verse on the page.

Verse 64 (6.64.64)

तस्य तं नदतो नादं सुघोरं भीमनिःस्वनम् । श्रुत्वा भीष्मोऽब्रवीद्द्रोणं राजानं च सुयोधनम् ॥

tasya taṃ nadato nādaṃ sughoraṃ bhīmaniḥsvanam | śrutvā bhīṣmo'bravīddroṇaṃ rājānaṃ ca suyodhanam

Hearing the terrible, fearsome sound of its roaring, Bhishma spoke to Drona and to King Suyodhana:

Note on the text: Corrected भीमनिःश्वनम् → भीमनिःस्वनम् (misprint in Wikisource; श्व for स्व, critical edition bhīmanisvanam).

Verse 65 (6.64.65)

एष युध्यति संग्रामे हैडिम्बेन दुरात्मना । भगदत्तो महेष्वासः कृच्छ्रे च परिवर्तते ॥

eṣa yudhyati saṃgrāme haiḍimbena durātmanā | bhagadatto maheṣvāsaḥ kṛcchre ca parivartate

"The great archer Bhagadatta is fighting in battle with the wicked son of Hidimba and has fallen into difficulty.

Note on the text: कृच्छ्रे च परिवर्तते (critical edition kṛcchreṇa parivartate) kept as a recension variant.

Verse 66 (6.64.66)

राक्षसश्च महामायः स च राजाऽतिकोपनः । एतौ समेतौ समरे कालमृत्युसमावुभौ ॥

rākṣasaśca mahāmāyaḥ sa ca rājā'tikopanaḥ | etau sametau samare kālamṛtyusamāvubhau

The rakshasa is a master of great illusion, and the king is very quick to anger; these two, locked in battle, are both like Time and Death.

Verse 67 (6.64.67)

श्रूयते चैव हृष्टानां पाण्डवानां महास्वनः । हस्तिनश्चैव सुमहान्भीतस्य रुदितध्वनिः ॥

śrūyate caiva hṛṣṭānāṃ pāṇḍavānāṃ mahāsvanaḥ | hastinaścaiva sumahānbhītasya ruditadhvaniḥ

We can hear the great shout of the rejoicing Pandavas, and the very loud cry of the frightened elephant.

Note on the text: Corrected श्रीयते → श्रूयते (misprint in Wikisource; ī-sign for ū-sign, critical edition śrūyate).

Verse 68 (6.64.68)

तत्र गच्छाम भद्रं वो राजानं परिरक्षितुम् । अरक्ष्यमाणः समरे क्षिप्रं प्राणान्विमोक्ष्यति ॥

tatra gacchāma bhadraṃ vo rājānaṃ parirakṣitum | arakṣyamāṇaḥ samare kṣipraṃ prāṇānvimokṣyati

Let us go there to protect the king, and may it go well with you. Left unprotected in battle, he will soon lose his life.

Verse 69 (6.64.69)

ते त्वरध्वं महावीर्याः किं चिरेण प्रयामहे । महान्हि वर्तते रौद्रः संग्रामो रोमहर्षणः ॥

te tvaradhvaṃ mahāvīryāḥ kiṃ cireṇa prayāmahe | mahānhi vartate raudraḥ saṃgrāmo romaharṣaṇaḥ

So make haste, you men of great valour; why do we delay? A great, terrible, hair-raising battle is raging.

Verse 70 (6.64.70)

भक्तश्च कुलपुत्रश्च शूरश्च पृतनापतिः । युक्तं तस्य परित्राणं कर्तुमस्माभिरच्युत ॥

bhaktaśca kulaputraśca śūraśca pṛtanāpatiḥ | yuktaṃ tasya paritrāṇaṃ kartumasmābhiracyuta

He is loyal, nobly born, a hero and a leader of armies; it is right for us to rescue him, O unfaltering one."

Verse 71 (6.64.71)

भीष्मस्य तद्वचः श्रुत्वा सर्व एव महारथाः । द्रोणभीष्मौ पुरस्कृत्य भगदत्तपरीप्सया ॥

bhīṣmasya tadvacaḥ śrutvā sarva eva mahārathāḥ | droṇabhīṣmau puraskṛtya bhagadattaparīpsayā

Hearing these words of Bhishma, all the great chariot-warriors, placing Drona and Bhishma at their head, in their eagerness to rescue Bhagadatta,

Note on the text: The critical edition's 6.60.63ab–cd in a variant form (सर्व एव महारथाः । द्रोणभीष्मौ पुरस्कृत्य where it reads bhāradvājapurogamāḥ / sahitāḥ sarvarājāno; kept); its 6.60.63ef opens the next verse.

Verse 72 (6.64.72)

उत्तमं जवमास्थाय प्रययुर्यत्र सोऽभवत् । तान्प्रयातान्समालोक्य युधिष्ठिरपुरोगमाः ॥

uttamaṃ javamāsthāya prayayuryatra so'bhavat | tānprayātānsamālokya yudhiṣṭhirapurogamāḥ

went at full speed to where he was. Seeing them go, the Panchalas led by Yudhishthira,

Note on the text: Line 1 is the critical edition's 6.60.63ef; line 2 is 6.60.64ab.

Verse 73 (6.64.73)

पञ्चालाः पाण्डवैः सार्धं पृष्ठतोऽनुययुः परान् । तान्यनीकान्यथालोक्य राक्षसेन्द्रः प्रतापवान् ॥

pañcālāḥ pāṇḍavaiḥ sārdhaṃ pṛṣṭhato'nuyayuḥ parān | tānyanīkānyathālokya rākṣasendraḥ pratāpavān

together with the Pandavas, followed hard behind the enemy. Seeing those divisions, the mighty lord of the rakshasas

Note on the text: Line 1 is the critical edition's 6.60.64cd; line 2 is 6.60.65ab.

Verse 74 (6.64.74)

ननाद सुमहानादं विस्फोटमशनेरिव । तस्य तं निनदं श्रुत्वा दृष्ट्वा नागांश्च युध्यतः ॥

nanāda sumahānādaṃ visphoṭamaśaneriva | tasya taṃ ninadaṃ śrutvā dṛṣṭvā nāgāṃśca yudhyataḥ

roared a mighty roar like the crack of a thunderbolt. Hearing that roar of his and seeing the elephants fighting,

Note on the text: Line 1 is the critical edition's 6.60.65cd; line 2 is 6.60.66ab.

Verse 75 (6.64.75)

भीष्मः शान्तनवो भूयो भारद्वाजमभाषत । न रोचते मे संग्रामो हैडिम्बेन दुरात्मना ॥

bhīṣmaḥ śāntanavo bhūyo bhāradvājamabhāṣata | na rocate me saṃgrāmo haiḍimbena durātmanā

Bhishma, son of Shantanu, spoke again to the son of Bharadvaja: "I have no liking for a battle with the wicked son of Hidimba.

Note on the text: Line 1 is the critical edition's 6.60.66cd; line 2 is 6.60.67ab, where Bhishma's speech to Drona begins (it runs to the end of verse 78).

Verse 76 (6.64.76)

बलवीर्यसमाविष्टः ससहायश्च सांप्रतम् । नैष शक्यो युधा जेतुमपि वज्रभृता स्वयम् ॥

balavīryasamāviṣṭaḥ sasahāyaśca sāṃpratam | naiṣa śakyo yudhā jetumapi vajrabhṛtā svayam

He is filled with strength and valour and has allies at hand just now; he cannot be conquered in battle even by the wielder of the thunderbolt himself.

Note on the text: Line 1 is the critical edition's 6.60.67cd; line 2 is 6.60.68ab. Corrected बलवीर्यमसाविष्टः → बलवीर्यसमाविष्टः (misprint in Wikisource; म and स transposed, critical edition balavīryasamāviṣṭaḥ) and सांप्रतज् → सांप्रतम् (misprint; ज् for म्, critical edition sāṃpratam). Speaker: Bhishma's speech, unheaded on the page.

Verse 77 (6.64.77)

लब्धलक्षः प्रहारी च वयं च श्रान्तवाहनाः । पाञ्चालैः पाण्डवेयैश्च दिवसं क्षतविक्षताः ॥

labdhalakṣaḥ prahārī ca vayaṃ ca śrāntavāhanāḥ | pāñcālaiḥ pāṇḍaveyaiśca divasaṃ kṣatavikṣatāḥ

His aim is sure and his blows are heavy, while our horses are weary, and we have been wounded all over by the Panchalas and the Pandavas the whole day long.

Note on the text: The critical edition's 6.60.68cd–ef (लब्धलक्षः where it reads labdhalakṣyaḥ, kept). Speaker: Bhishma, as above.

Verse 78 (6.64.78)

इदानीं युधि निर्जेतुं न शक्योऽसौ स राक्षसः । अस्तमभ्येति सविता रात्रौ योद्धुं न शक्यते । अवहारमतः कुर्मः श्वो योत्स्यामः परैः सह ॥

idānīṃ yudhi nirjetuṃ na śakyo'sau sa rākṣasaḥ | astamabhyeti savitā rātrau yoddhuṃ na śakyate | avahāramataḥ kurmaḥ śvo yotsyāmaḥ paraiḥ saha

That rakshasa cannot be conquered in battle now. The sun is setting, and one cannot fight at night. So let us withdraw; tomorrow we will fight the enemy."

Note on the text: Lines 1–2 are the critical edition's star passage 6.60.68f*0254; line 3 corresponds to 6.60.69cd (अवहारमतः कुर्मः where it reads ghuṣyatām avahāro 'dya, kept); the critical edition's 6.60.69ab (tan na me rocate yuddhaṃ pāṇḍavair jitakāśibhiḥ) is not on the page. Corrected कन शक्यते → न शक्यते (misprint in Wikisource; a stray क, the apparatus reads na śakyate) and परै सह → परैः सह (misprint; a dropped visarga, critical edition paraiḥ saha). Speaker: Bhishma, as above.

Verse 79 (6.64.79)

पितामहवचः श्रुत्वा यथा चक्रुःस्म कौरवाः । उपायेनापयानं ते घटोत्कचभयार्दिताः ॥

pitāmahavacaḥ śrutvā yathā cakruḥsma kauravāḥ | upāyenāpayānaṃ te ghaṭotkacabhayārditāḥ

Hearing the grandsire's words, the Kauravas, oppressed by fear of Ghatotkacha, did as he advised and withdrew by a stratagem.

Note on the text: यथा (critical edition tathā) kept: the Kauravas did as the grandsire advised.

Verse 80 (6.64.80)

कौरवेषु निवृत्तेषु पाण्डवा जितकाशिनः । सिंहनादान्भृशं चक्रुः शङ्खान्दध्मुश्च भारत ॥

kauraveṣu nivṛtteṣu pāṇḍavā jitakāśinaḥ | siṃhanādānbhṛśaṃ cakruḥ śaṅkhāndadhmuśca bhārata

When the Kauravas had withdrawn, the Pandavas, flushed with victory, roared loud lion-roars and blew their conches, O Bharata.

Note on the text: Line 2 (सिंहनादान्भृशं चक्रुः शङ्खान्दध्मुश्च भारत where the critical edition reads siṃhanādam akurvanta śaṅkhaveṇusvanaiḥ saha) kept as a recension variant.

Verse 81 (6.64.81)

एवं तदभवद्युद्धं दिवसं भरतर्षभ । पाण्डवानां कुरूणां च पुरस्कृत्य घटोत्कचम् ॥

evaṃ tadabhavadyuddhaṃ divasaṃ bharatarṣabha | pāṇḍavānāṃ kurūṇāṃ ca puraskṛtya ghaṭotkacam

Thus, O bull of the Bharatas, went the battle that day between the Pandavas and the Kurus, with Ghatotkacha in the forefront.

Verse 82 (6.64.82)

कौरवास्तु ततो राजन्प्रययुः शिबिरं स्वकम् । व्रीडमाना निशाकाले पाण्डवेयैः पराजिताः ॥

kauravāstu tato rājanprayayuḥ śibiraṃ svakam | vrīḍamānā niśākāle pāṇḍaveyaiḥ parājitāḥ

Then, O king, the Kauravas went off to their own camp at nightfall, ashamed, defeated by the Pandavas.

Verse 83 (6.64.83)

शरविक्षतगात्रास्तु पाण्डुपुत्रा महारथाः । युद्धे सुमनसो भूत्वा जग्मुः स्वशिबिरं प्रति ॥

śaravikṣatagātrāstu pāṇḍuputrā mahārathāḥ | yuddhe sumanaso bhūtvā jagmuḥ svaśibiraṃ prati

And the sons of Pandu, great chariot-warriors, their bodies torn by arrows, glad at heart after the battle, went back to their own camp,

Note on the text: Corrected पाण्डपपुत्रा → पाण्डुपुत्रा (misprint in Wikisource; प for उ-sign, critical edition pāṇḍuputrā). Line 2's जग्मुः स्वशिबिरं प्रति (critical edition śibirāyaiva jagmire) kept as a recension variant.

Verse 84 (6.64.84)

पुरस्कृत्य महाराज भीमसेनघटोत्कचौ । पूजयन्तस्तदान्योन्यं मुदा परमया युताः ॥

puraskṛtya mahārāja bhīmasenaghaṭotkacau | pūjayantastadānyonyaṃ mudā paramayā yutāḥ

with Bhimasena and Ghatotkacha before them, O great king, honouring one another and filled with the highest joy,

Verse 85 (6.64.85)

नदन्तो विविधान्नादांस्तूर्यस्वनविमिश्रितान् । सिंहनादांश्च कुर्वन्तो विमिश्राञ्शङ्खनिःस्वनैः ॥

nadanto vividhānnādāṃstūryasvanavimiśritān | siṃhanādāṃśca kurvanto vimiśrāñśaṅkhaniḥsvanaiḥ

raising shouts of every kind mingled with the sound of trumpets, and lion-roars mingled with the blare of conches;

Note on the text: Removed a stray space inside the word शङ्खनिःस्वनैः (Wikisource prints शङ्खनिः स्वनैः).

Verse 86 (6.64.86)

विनदन्तो महात्मानः कम्पयन्तश्च मेदिनीम् । घट्टयन्तश्च मर्माणि तव पुत्रस्य मारिष ॥

vinadanto mahātmānaḥ kampayantaśca medinīm | ghaṭṭayantaśca marmāṇi tava putrasya māriṣa

roaring, those great-souled men, shaking the earth and stinging your son to the quick, sir,

Note on the text: The critical edition's 6.60.77ab–cd; its star passage *0255 is not on the page, and its 6.60.77ef opens the next verse.

Verse 87 (6.64.87)

प्रयाताः शिबिरायैव निशाकाले परंतप । दुर्योधनस्तु नृपतिर्दीनो भ्रातृवधेन च ॥

prayātāḥ śibirāyaiva niśākāle paraṃtapa | duryodhanastu nṛpatirdīno bhrātṛvadhena ca

went to their camp at nightfall, O scorcher of foes. But King Duryodhana, miserable at the slaughter of his brothers,

Note on the text: Line 1 is the critical edition's 6.60.77ef (परंतप where it reads paraṃtapāḥ, kept); line 2 is 6.60.78ab.

Verse 88 (6.64.88)

मुहूर्तं चिन्तयामास बाष्पशोकसमाकुलः । ततः कृत्वा विधिं सर्वं शिबिरस्य यथाविधि । प्रदध्यौ शोकसंतप्तो भ्रातृव्यसनकर्शितः ॥

muhūrtaṃ cintayāmāsa bāṣpaśokasamākulaḥ | tataḥ kṛtvā vidhiṃ sarvaṃ śibirasya yathāvidhi | pradadhyau śokasaṃtapto bhrātṛvyasanakarśitaḥ

brooded for a while, overwhelmed by tears and grief. Then, having made all the arrangements of the camp in due order, he sank into thought, burning with grief and worn down by the disaster to his brothers.

Note on the text: Line 1 is the critical edition's 6.60.78cd; lines 2–3 are 6.60.79ab–cd.