Ramanaka, Hiranmaya and Airavata

Verse 1 (6.8.1)

वर्षाणां चैव नामानि पर्वतानां च संजय । आचक्ष्व मे यथातत्त्वं ये च पर्वतवासिनः ॥

varṣāṇāṃ caiva nāmāni parvatānāṃ ca saṃjaya | ācakṣva me yathātattvaṃ ye ca parvatavāsinaḥ

"Tell me truly, Sanjaya, the names of the varshas and of the mountains, and of those who dwell on the mountains."

Verse 2 (6.8.2)

दक्षिणेन तु श्वेतस्य नीलस्यैवोत्तरेण तु । वर्षं रमणकं नाम जायन्ते तत्र मानवाः ॥

dakṣiṇena tu śvetasya nīlasyaivottareṇa tu | varṣaṃ ramaṇakaṃ nāma jāyante tatra mānavāḥ

South of Shveta and north of Nila lies the varsha called Ramanaka, where men are born

Verse 3 (6.8.3)

शुक्लाभिजनसंपन्नाः सर्वे सुप्रियदर्शनाः । निःसपत्नाश्च ते सर्वे जायन्ते तत्र मानवाः ॥

śuklābhijanasaṃpannāḥ sarve supriyadarśanāḥ | niḥsapatnāśca te sarve jāyante tatra mānavāḥ

who are of pure lineage and all most lovely to see; all the men born there are without rivals.

Note on the text: Line 2 differs from the critical edition's 6.9.3cd (ratipradhānāś ca tathā jāyante tatra mānavāḥ).

Verse 4 (6.8.4)

दशवर्षसहस्राणि शतानि दश पञ्च च । जीवन्ति ते महाराज नित्यं मुदितमानसाः ॥

daśavarṣasahasrāṇi śatāni daśa pañca ca | jīvanti te mahārāja nityaṃ muditamānasāḥ

They live ten thousand years and fifteen hundred more, great king, always glad at heart.

Verse 5 (6.8.5)

दक्षिणे शृङ्गिणश्चैव श्वेतस्याथोत्तरेण तु । वर्षं हिरण्मयं नाम यत्र हैरण्वती नदी ॥

dakṣiṇe śṛṅgiṇaścaiva śvetasyāthottareṇa tu | varṣaṃ hiraṇmayaṃ nāma yatra hairaṇvatī nadī

South of Shringin and north of Shveta lies the varsha named Hiranmaya, where the river Hairanvati flows.

Verse 6 (6.8.6)

यत्र चायं महाराज पक्षिराट् पतगोत्तमः । यक्षानुगा महाराज धनिनः प्रियदर्शनाः ॥

yatra cāyaṃ mahārāja pakṣirāṭ patagottamaḥ | yakṣānugā mahārāja dhaninaḥ priyadarśanāḥ

There, great king, dwells this king of birds, the best of winged creatures. The people there, great king, are followers of the Yakshas, wealthy and handsome,

Note on the text: Line 1 is the critical edition's star passage 6.9.5d*0040; line 2 is 6.9.6ab.

Verse 7 (6.8.7)

महाबलास्तत्र जना राजन्मुदितमानसाः । एकादशसहस्राणि वर्षाणां ते जनाधिप ॥

mahābalāstatra janā rājanmuditamānasāḥ | ekādaśasahasrāṇi varṣāṇāṃ te janādhipa

very strong, king, and glad at heart. Their span of life, lord of men, is eleven thousand years

Note on the text: Line 1 is the critical edition's 6.9.6cd (reading sadā for जना); line 2 is 6.9.7ab.

Verse 8 (6.8.8)

आयुःप्रमाणं जीवन्ति शतानि दश पञ्च च । शृङ्गाणि वै शृङ्गवतस्त्रीण्येव मनुजाधिप ॥

āyuḥpramāṇaṃ jīvanti śatāni daśa pañca ca | śṛṅgāṇi vai śṛṅgavatastrīṇyeva manujādhipa

and fifteen hundred more; so long do they live. Shringavat, lord of men, has just three peaks:

Note on the text: Line 1 is the critical edition's 6.9.7cd; line 2 is 6.9.8ab. Corrected श्रृङ्गाणि → शृङ्गाणि and श्रृङ्गवतः → शृङ्गवतः (misprints in Wikisource; श्रृ for शृ).

Verse 9 (6.8.9)

एकं मणिमयं तत्र तथैकं रौक्ममद्भुतम् । सर्वरत्नमयं चैकं भवनैरुपशोभितम् । तत्र स्वयंप्रभा देवी नित्यं वसति शाण्डिली ॥

ekaṃ maṇimayaṃ tatra tathaikaṃ raukmamadbhutam | sarvaratnamayaṃ caikaṃ bhavanairupaśobhitam | tatra svayaṃprabhā devī nityaṃ vasati śāṇḍilī

one made of gems, one wondrous and golden, and one made of every kind of jewel and adorned with mansions. There the goddess Svayamprabha, Shandili, always dwells.

Note on the text: Line 1 is the critical edition's 6.9.8cd; lines 2–3 are 6.9.9.

Verse 10 (6.8.10)

उत्तरेण तु शृङ्गस्य समुद्रान्ते जनाधिप । वर्षमैरावतं नाम तस्माच्छृङ्गवतः परम् ॥

uttareṇa tu śṛṅgasya samudrānte janādhipa | varṣamairāvataṃ nāma tasmācchṛṅgavataḥ param

North of the peaked mountain, lord of men, at the edge of the ocean, beyond Shringavat, lies the varsha named Airavata.

Note on the text: Corrected श्रृङ्गस्य → शृङ्गस्य (misprint in Wikisource; श्रृ for शृ).

Verse 11 (6.8.11)

न तत्र सूर्यस्तपति न जीर्यन्ते च मानवाः । चन्द्रमाश्च सनक्षत्रो ज्योतिर्भूत इवावृतः ॥

na tatra sūryastapati na jīryante ca mānavāḥ | candramāśca sanakṣatro jyotirbhūta ivāvṛtaḥ

There the sun does not burn and men do not grow old; the moon with its stars is there as though turned to light, covering all.

Verse 12 (6.8.12)

पद्मप्रभाः पद्मवर्णाः पद्मपत्रनिभेक्षणाः । पद्मपत्रसुगन्धाश्च जायन्ते तत्र मानवाः ॥

padmaprabhāḥ padmavarṇāḥ padmapatranibhekṣaṇāḥ | padmapatrasugandhāśca jāyante tatra mānavāḥ

The people born there have the radiance and the colour of the lotus, eyes like lotus petals, and the fragrance of lotus leaves.

Verse 13 (6.8.13)

अनिष्पन्दा इष्टगन्धा निराहारा जितेन्द्रियाः । देवलोकच्युताः सर्वे तथा विरजसो नृप ॥

aniṣpandā iṣṭagandhā nirāhārā jitendriyāḥ | devalokacyutāḥ sarve tathā virajaso nṛpa

They do not sweat, they are sweet-smelling, they take no food and have mastered their senses; all have fallen from the world of the gods and are free of passion, king.

Verse 14 (6.8.14)

त्रयोदशसहस्राणि वर्षाणां ते जनाधिप । आयुःप्रमाणं जीवन्ति नरा भरतसत्तम ॥

trayodaśasahasrāṇi varṣāṇāṃ te janādhipa | āyuḥpramāṇaṃ jīvanti narā bharatasattama

Those men, lord of the people, best of the Bharatas, live a span of thirteen thousand years.

Verse 15 (6.8.15)

क्षीरोदस्य समुद्रस्य तथैवोत्तरतः प्रभुः । हरिर्वसति वैकुण्ठः शकटे कनकोज्ज्वले ॥

kṣīrodasya samudrasya tathaivottarataḥ prabhuḥ | harirvasati vaikuṇṭhaḥ śakaṭe kanakojjvale

Likewise, to the north of the Ocean of Milk, the Lord Hari Vaikuntha dwells on a chariot blazing with gold.

Note on the text: Corrected कनकोञ्ज्वले → कनकोज्ज्वले (misprint in Wikisource; ञ for ज in उज्ज्वल). The critical edition reads kanakātmake.

Verse 16 (6.8.16)

अष्टचक्रं हि तद्यानं भूतयुक्तं मनोजवम् । अग्निवर्णं महातेजो जाम्बूनदविभूषितम् ॥

aṣṭacakraṃ hi tadyānaṃ bhūtayuktaṃ manojavam | agnivarṇaṃ mahātejo jāmbūnadavibhūṣitam

That chariot has eight wheels, is drawn by spirits and swift as thought, fire-coloured, of great splendour and adorned with Jambunada gold.

Verse 17 (6.8.17)

स प्रभुः सर्वभूतानां विभुश्च भरतर्षभ । संक्षेपो विस्तरश्चैव कर्ता कारयिता तथा ॥

sa prabhuḥ sarvabhūtānāṃ vibhuśca bharatarṣabha | saṃkṣepo vistaraścaiva kartā kārayitā tathā

He is the lord of all beings and the all-pervading one, best of the Bharatas; he is contraction and expansion, the doer and the one who causes all to be done.

Verse 18 (6.8.18)

पृथिव्यापस्तथाऽऽकाशं वायुस्तेजश्च पार्थिव । स यज्ञः सर्वभूतानामास्यं तस्य हुताशनः ॥

pṛthivyāpastathā''kāśaṃ vāyustejaśca pārthiva | sa yajñaḥ sarvabhūtānāmāsyaṃ tasya hutāśanaḥ

He is earth, water and sky, wind and fire, king; he is the sacrifice of all beings, and fire is his mouth.

Note on the text: Corrected सर्वभूतनाम् → सर्वभूतानाम् (misprint in Wikisource; dropped ā-sign, critical edition sarvabhūtānām).

Verse 19 (6.8.19)

एवमुक्तः संजयेन धृतराष्ट्रो महामनाः । ध्यानमन्वगमद्राजा पुत्रान्प्रति जनाधिप ॥

evamuktaḥ saṃjayena dhṛtarāṣṭro mahāmanāḥ | dhyānamanvagamadrājā putrānprati janādhipa

Addressed thus by Sanjaya, lord of men, the high-minded King Dhritarashtra fell to brooding about his sons.

Verse 20 (6.8.20)

स विचिन्त्य महातेजाः पुनरेवाब्रवीद्वचः । असंशयं सूतपुत्र कालः संक्षिपते जगत् ॥

sa vicintya mahātejāḥ punarevābravīdvacaḥ | asaṃśayaṃ sūtaputra kālaḥ saṃkṣipate jagat

After reflecting, the king of great splendour spoke again: "Without doubt, son of a suta, Time draws the world in,

Note on the text: The critical edition's 6.9.20ab–cd. Dhritarashtra's words begin in line 2; neither the page nor the critical edition prints a heading for them.

Verse 21 (6.8.21)

सृजते च पुनः सर्वं नेह विद्यति शाश्वतम् । नरो नारायणश्चैव सर्वज्ञः सर्वभूतहृत् ॥

sṛjate ca punaḥ sarvaṃ neha vidyati śāśvatam | naro nārāyaṇaścaiva sarvajñaḥ sarvabhūtahṛt

and creates it all again; nothing here is everlasting. Nara and Narayana, the all-knowing, who draws all beings back into himself,

Note on the text: Speaker: Dhritarashtra's speech, begun in the previous verse, fills this verse; the page prints no heading. Line 1 is the critical edition's 6.9.20ef; line 2 is 6.9.21ab (reading sarvabhūtabhṛt for सर्वभूतहृत्). विद्यति is kept: the critical edition has the same form.

Verse 22 (6.8.22)

देवा वैकुण्ठ इत्याहुर्वेदा विष्णुरिति प्रभुम् ॥

devā vaikuṇṭha ityāhurvedā viṣṇuriti prabhum

the gods call Vaikuntha, and the Vedas call that Lord Vishnu."

Note on the text: A single line, as the page prints it: Wikisource divides 6.9.19–21 into verses of 2, 2, 2 and 1 lines where the critical edition has 2, 3 and 2, so nothing is lost. This line is the critical edition's 6.9.21cd. Speaker as for the previous verse. Corrected इत्याद्दुर्वेदा → इत्याहुर्वेदा (misprint in Wikisource; द्द for ह, critical edition ity āhur).