Bhishma Presses Yudhishthira; the Seventh Day Ends

Verse 1 (6.86.1)

विरथं तं समासाद्य चित्रसेनं यशस्विनम् । रथमारोपयामास विकर्णस्तनयस्तव ॥

virathaṃ taṃ samāsādya citrasenaṃ yaśasvinam | rathamāropayāmāsa vikarṇastanayastava

Coming up to the famous Chitrasena, who had lost his chariot, your son Vikarna took him up onto his own chariot.

Note on the text: Adhyaya note: checked against the raw Wikisource page (a table, one row per verse, 6-86-1 to 6-86-57, under one सञ्जय उवाच heading, ending with its colophon naming this the 86th adhyaya, on the seventh day of battle). Page and input agree on all 57 verses; together they correspond to the critical edition 6.82.1–56 (verses 29–31 here divide its three-line verses 6.82.29–30 into couplets). The critical edition's star passages *0332, *0333 and *0334 are not on the page. यशस्विनम् (CE manasvinam) kept as a variant.

Verse 2 (6.86.2)

तस्मिंस्तथा वर्तमाने तुमुले संकुले भृशम् । भीष्मः शान्तनवस्तूर्णं युधिष्ठिरमुपाद्रवत् ॥

tasmiṃstathā vartamāne tumule saṃkule bhṛśam | bhīṣmaḥ śāntanavastūrṇaṃ yudhiṣṭhiramupādravat

While that fierce and utterly confused fighting was going on, Bhishma son of Shantanu swiftly charged at Yudhishthira.

Verse 3 (6.86.3)

ततः सरथनागाश्वाः समकम्पन्त सृञ्जयाः । मृत्योरास्यमनुप्राप्तं मेनिरे च युधिष्ठिरम् ॥

tataḥ sarathanāgāśvāḥ samakampanta sṛñjayāḥ | mṛtyorāsyamanuprāptaṃ menire ca yudhiṣṭhiram

At that the Srinjayas, with their chariots, elephants and horses, trembled, and they thought Yudhishthira had already entered the jaws of death.

Verse 4 (6.86.4)

युधिष्ठिरोऽपि कौरव्यो यमाभ्यां सहितः प्रभुः । महेष्वासं नरव्याघ्रं भीष्मं शान्तनवं ययौ ॥

yudhiṣṭhiro'pi kauravyo yamābhyāṃ sahitaḥ prabhuḥ | maheṣvāsaṃ naravyāghraṃ bhīṣmaṃ śāntanavaṃ yayau

But lord Yudhishthira of the Kuru line, with the twins at his side, went out against the great bowman Bhishma son of Shantanu, a tiger among men.

Verse 5 (6.86.5)

ततः शरसहस्राणि प्रमुञ्चन्पाण्डवो युधि । भीष्मं संछादयामास यथा मेघो दिवाकरम् ॥

tataḥ śarasahasrāṇi pramuñcanpāṇḍavo yudhi | bhīṣmaṃ saṃchādayāmāsa yathā megho divākaram

Loosing thousands of arrows in the battle, the Pandava covered Bhishma as a cloud covers the sun.

Verse 6 (6.86.6)

तेन सम्यक्प्रणीतानि शरजालानि मारिष । प्रतिजग्राह गाङ्गेयः शतशोऽथ सहस्रशः ॥

tena samyakpraṇītāni śarajālāni māriṣa | pratijagrāha gāṅgeyaḥ śataśo'tha sahasraśaḥ

Those nets of arrows, well aimed by him, sir, the son of Ganga met and checked by the hundreds and the thousands.

Note on the text: Corrected गाङ्गयः → गाङ्गेयः (misprint in Wikisource; a dropped े, critical edition gāṅgeyaḥ). मारिष (CE bhārata) kept as a variant.

Verse 7 (6.86.7)

तथैव शरजालानि भीष्मेणास्तानि मारिष । आकाशे समदृश्यन्त खगमानां व्रजा इव ॥

tathaiva śarajālāni bhīṣmeṇāstāni māriṣa | ākāśe samadṛśyanta khagamānāṃ vrajā iva

In the same way the nets of arrows shot by Bhishma, sir, were seen in the sky like flocks of birds.

Note on the text: Corrected भीष्मोणास्तानि → भीष्मेणास्तानि (misprint in Wikisource; ो for े, the instrumental भीष्मेण is needed, critical edition bhīṣmeṇāstāni) and स्वगमानां → खगमानां (misprint in Wikisource; स्व for ख, "of birds", critical edition khagamānāṃ).

Verse 8 (6.86.8)

निमेषार्धेन कौन्तेयं भीष्मः शान्तनवो युधि । अदृश्यं समरे चक्रे शरजालेन भारत ॥

nimeṣārdhena kaunteyaṃ bhīṣmaḥ śāntanavo yudhi | adṛśyaṃ samare cakre śarajālena bhārata

In half the twinkling of an eye Bhishma son of Shantanu made the son of Kunti invisible in the battle with his net of arrows, O Bharata.

Note on the text: निमेषार्धेन and भारत (CE nimeṣārdhāc ca, bhāgaśaḥ) kept as variants.

Verse 9 (6.86.9)

ततो युधिष्ठिरो राजा कौरव्यस्य महात्मनः । नाराचं प्रेषयामास क्रुद्ध आशीविषोपमम् ॥

tato yudhiṣṭhiro rājā kauravyasya mahātmanaḥ | nārācaṃ preṣayāmāsa kruddha āśīviṣopamam

Then King Yudhishthira, enraged, sent an iron shaft like a venomous serpent at the great-souled Kuru.

Note on the text: Corrected युधिष्ठिरे → युधिष्ठिरो (misprint in Wikisource; े for ो, the nominative subject agreeing with राजा is needed, critical edition yudhiṣṭhiro).

Verse 10 (6.86.10)

असंप्राप्तं ततस्तं तु क्षुरप्रेण महारथः । चिच्छेद समरे राजन्भीष्मस्तस्य धनुश्च्युतम् ॥

asaṃprāptaṃ tatastaṃ tu kṣurapreṇa mahārathaḥ | ciccheda samare rājanbhīṣmastasya dhanuścyutam

Before it could reach him, O king, the great chariot-fighter Bhishma cut down in the battle, with a razor-headed arrow, that shaft sped from Yudhishthira's bow.

Note on the text: Corrected चच्छेद → चिच्छेद (misprint in Wikisource; the perfect of छिद् is चिच्छेद, critical edition ciccheda).

Verse 11 (6.86.11)

तं तु च्छित्वा रणे भीष्मो नाराचं कालसंमितम् । निजघ्ने कौरवेन्द्रस्य हयान्काञ्चनभूषणान् ॥

taṃ tu cchitvā raṇe bhīṣmo nārācaṃ kālasaṃmitam | nijaghne kauravendrasya hayānkāñcanabhūṣaṇān

Having cut in the battle that iron shaft, which was like Death itself, Bhishma killed the gold-adorned horses of the lord of the Kurus.

Note on the text: Corrected कलसंमितम् → कालसंमितम् (misprint in Wikisource; a dropped ा, "like Death", critical edition kālasaṃmitam) and नजघ्ने → निजघ्ने (misprint in Wikisource; a dropped ि, critical edition nijaghne). The critical edition's star passage *0332 (Yudhishthira hurls a spear, which Bhishma cuts) is not on the page.

Verse 12 (6.86.12)

हताश्वं तु रथं त्यक्त्वा धर्मपुत्रो युधिष्ठिरः । आरुरोह रथं तूर्णं नकुलस्य महात्मनः ॥

hatāśvaṃ tu rathaṃ tyaktvā dharmaputro yudhiṣṭhiraḥ | āruroha rathaṃ tūrṇaṃ nakulasya mahātmanaḥ

Leaving the chariot whose horses had been killed, Yudhishthira, son of Dharma, quickly climbed onto the chariot of the great-souled Nakula.

Note on the text: Removed a stray क after महात्मनः (misprint in Wikisource; critical edition mahātmanaḥ).

Verse 13 (6.86.13)

यमावपि हि संक्रुद्धः समासाद्य रणे तदा । शरैः संछादयामास भीष्मः परपुरंजयः ॥

yamāvapi hi saṃkruddhaḥ samāsādya raṇe tadā | śaraiḥ saṃchādayāmāsa bhīṣmaḥ parapuraṃjayaḥ

Then Bhishma, conqueror of enemy cities, in his anger came upon the twins too in the battle and covered them with arrows.

Note on the text: हि संक्रुद्धः (CE susaṃkruddhaḥ) kept as a variant.

Verse 14 (6.86.14)

तौ तु दृष्ट्वा महाराज भीष्मबाणप्रपीडितौ । जगाम परमां चिन्तां भीष्मस्य वधकाङ्क्षया ॥

tau tu dṛṣṭvā mahārāja bhīṣmabāṇaprapīḍitau | jagāma paramāṃ cintāṃ bhīṣmasya vadhakāṅkṣayā

Seeing the two of them hard pressed by Bhishma's arrows, great king, Yudhishthira fell into deep thought, longing for Bhishma's death.

Verse 15 (6.86.15)

ततो युधिष्ठिरो वश्यान्राज्ञस्तान्समचोदयत् । भीष्मं शान्तनवं सर्वे निहतेति सुहृद्गणान् ॥

tato yudhiṣṭhiro vaśyānrājñastānsamacodayat | bhīṣmaṃ śāntanavaṃ sarve nihateti suhṛdgaṇān

Then Yudhishthira urged on the kings who were loyal to him, his band of friends: "All of you, kill Bhishma son of Shantanu!"

Verse 16 (6.86.16)

ततस्ते पार्थिवाः सर्वे श्रुत्वा पार्थस्य भाषितम् । महता रथवंशेन परिवव्रुः पितामहम् ॥

tataste pārthivāḥ sarve śrutvā pārthasya bhāṣitam | mahatā rathavaṃśena parivavruḥ pitāmaham

Hearing Partha's words, all those kings surrounded the grandsire with a great host of chariots.

Verse 17 (6.86.17)

स समन्तात्परिवृतः पिता देवव्रतस्तव । चिक्रीड धनुषा राजन्पातयानो महारथान् ॥

sa samantātparivṛtaḥ pitā devavratastava | cikrīḍa dhanuṣā rājanpātayāno mahārathān

Surrounded on every side, Devavrata, a father to you, played with his bow, O king, felling great chariot-fighters.

Verse 18 (6.86.18)

तं चरन्तं रणे पार्था ददृशुः कौरवं युधि । मृगमध्यं प्रविश्येव यथा सिंहशिशुं वने ॥

taṃ carantaṃ raṇe pārthā dadṛśuḥ kauravaṃ yudhi | mṛgamadhyaṃ praviśyeva yathā siṃhaśiśuṃ vane

The Parthas saw that Kuru moving about in the battle like a lion cub that has entered the middle of a herd of deer in the forest.

Verse 19 (6.86.19)

तर्जयानं रणे वीरांस्त्रासयानं च सायकैः । दृष्ट्वा त्रेसुर्महाराज सिंहं मृगगणा इव ॥

tarjayānaṃ raṇe vīrāṃstrāsayānaṃ ca sāyakaiḥ | dṛṣṭvā tresurmahārāja siṃhaṃ mṛgagaṇā iva

Seeing him threaten the heroes in the battle and terrify them with his arrows, great king, they trembled as herds of deer tremble at a lion.

Note on the text: Corrected रमे → रणे (misprint in Wikisource; म for ण, critical edition raṇe). वीरांस् (CE śūrāṃs) kept as a variant.

Verse 20 (6.86.20)

रणे भारत सिंहस्य ददृशुः क्षत्रिया गतिम् । अग्नेर्वायुसहायस्य यथा कक्षं दिधक्षतः ॥

raṇe bhārata siṃhasya dadṛśuḥ kṣatriyā gatim | agnervāyusahāyasya yathā kakṣaṃ didhakṣataḥ

In the battle, O Bharata, the Kshatriyas saw the course of that lion as like that of a fire, helped by the wind, eager to burn up dry brush.

Note on the text: भारत सिंहस्य (CE bharatasiṃhasya, "of the lion of the Bharatas") kept as a variant: the vocative and सिंहस्य both read well.

Verse 21 (6.86.21)

शिरांसि रथिनां भीष्मः पातयामास संयुगे । तालेभ्यः परिपक्वानि फलानि कुशलो नरः ॥

śirāṃsi rathināṃ bhīṣmaḥ pātayāmāsa saṃyuge | tālebhyaḥ paripakvāni phalāni kuśalo naraḥ

Bhishma struck down the heads of chariot-fighters in the battle as a skilled man brings down ripe fruit from palm trees.

Note on the text: तालेभ्यः परिपक्वानि (CE tālebhya iva pakvāni) kept as a variant.

Verse 22 (6.86.22)

पतद्भिश्च महाराज शिरोभिर्धरणीतले । बभूव तुमुलः शब्दः पततामश्मनामिव ॥

patadbhiśca mahārāja śirobhirdharaṇītale | babhūva tumulaḥ śabdaḥ patatāmaśmanāmiva

As the heads fell to the ground, great king, there was a tumultuous sound, like the sound of falling stones.

Verse 23 (6.86.23)

तस्मिन्सुतुमुले युद्धे वर्तमाने भयानके । सर्वेषामेव सैन्यानामासीद्व्यतिकरो महान् ॥

tasminsutumule yuddhe vartamāne bhayānake | sarveṣāmeva sainyānāmāsīdvyatikaro mahān

As that most tumultuous and dreadful battle went on, all the armies were thrown into great confusion.

Verse 24 (6.86.24)

भिन्नेषु तेषु व्यूहेषु क्षत्रिया इतरेतरम् । एकमेकं समाहूय युद्धायैवावतस्थिरे ॥

bhinneṣu teṣu vyūheṣu kṣatriyā itaretaram | ekamekaṃ samāhūya yuddhāyaivāvatasthire

With their arrays broken, the Kshatriyas challenged one another one by one and stood their ground for battle alone.

Verse 25 (6.86.25)

शिखण्डी तु समासाद्य भरतानां पितामहम् । अभिदुद्राव वेगेन तिष्ठतिष्ठेति चाब्रवीत् ॥

śikhaṇḍī tu samāsādya bharatānāṃ pitāmaham | abhidudrāva vegena tiṣṭhatiṣṭheti cābravīt

But Shikhandin came up to the grandsire of the Bharatas, rushed at him at speed and cried, "Stand! Stand!"

Verse 26 (6.86.26)

अनादृत्य ततो भीष्मस्तं शिखण्डिनमाहवे । प्रययौ सृञ्जयान्क्रुद्धः स्त्रीत्वं तस्य विचिन्तयन् ॥

anādṛtya tato bhīṣmastaṃ śikhaṇḍinamāhave | prayayau sṛñjayānkruddhaḥ strītvaṃ tasya vicintayan

Bhishma, ignoring Shikhandin in the battle and bearing in mind that he had been a woman, went in anger against the Srinjayas.

Note on the text: स्त्रीत्वं तस्य विचिन्तयन् (CE strītvaṃ cintya śikhaṇḍinaḥ) kept as a variant.

Verse 27 (6.86.27)

सृंजयास्तु ततो दृष्ट्वा हृष्टं भीष्मं महारणे । सिंहनादांश्च विविधांश्चक्रुः शङ्खविमिश्रितान् ॥

sṛṃjayāstu tato dṛṣṭvā hṛṣṭaṃ bhīṣmaṃ mahāraṇe | siṃhanādāṃśca vividhāṃścakruḥ śaṅkhavimiśritān

Seeing Bhishma exultant in the great battle, the Srinjayas raised lion-roars of many kinds, mingled with the blare of conches.

Note on the text: Corrected भीष्म → भीष्मं (misprint in Wikisource; a dropped anusvara, the accusative object of दृष्ट्वा is needed, critical edition bhīṣmaṃ). The line otherwise differs from the critical edition (sṛñjayās tu tato hṛṣṭā dṛṣṭvā bhīṣmaṃ mahāratham) and is kept as a variant, as is विविधांश् (CE bahuvidhāṃś).

Verse 28 (6.86.28)

ततः प्रववृते युद्धं व्यतिषक्तरथद्विपम् । पश्चिमां दिशमासाद्य स्थिते सवितरि प्रभो ॥

tataḥ pravavṛte yuddhaṃ vyatiṣaktarathadvipam | paścimāṃ diśamāsādya sthite savitari prabho

Then a battle began in which chariots and elephants were entangled together, when the sun, my lord, had reached the western quarter and stood there.

Note on the text: पश्चिमां दिशमासाद्य (CE aparāṃ diśam āsthāya) kept as a variant.

Verse 29 (6.86.29)

धृष्टद्युम्नोऽथ पाञ्चाल्यः सात्यकिश्च महारथः । पीडयन्तौ भृशं सैन्यं शक्तितोमरवृष्टिभिः ॥

dhṛṣṭadyumno'tha pāñcālyaḥ sātyakiśca mahārathaḥ | pīḍayantau bhṛśaṃ sainyaṃ śaktitomaravṛṣṭibhiḥ

Dhrishtadyumna of Panchala and the great chariot-fighter Satyaki, harrying the army hard with showers of spears and lances,

Note on the text: Corresponds to 6.82.29ab (Wikisource divides the critical edition's three-line verses here into couplets, so nothing is lost: verses 29–31 here = critical edition 6.82.29–30; the alignment did not pair them).

Verse 30 (6.86.30)

शस्त्रैश्च बहुभी राजञ्जघ्नतुस्तावकान्रणे । ते हन्यमानाः समरे तावका भरतर्षभ ॥

śastraiśca bahubhī rājañjaghnatustāvakānraṇe | te hanyamānāḥ samare tāvakā bharatarṣabha

struck down your men in the battle with many weapons, O king. Though they were being slaughtered in the fight, bull of the Bharatas, your men

Note on the text: Corresponds to 6.82.29ef + 6.82.30ab (Wikisource divides the critical edition's three-line verses here into couplets, so nothing is lost). भरतर्षभ (CE puruṣarṣabha) kept as a variant.

Verse 31 (6.86.31)

आर्यां युद्धे मतिं कृत्वा न त्यजन्ति स्म संयुगम् । यथोत्साहं तु समरे निजघ्नुस्तावका रणे ॥

āryāṃ yuddhe matiṃ kṛtvā na tyajanti sma saṃyugam | yathotsāhaṃ tu samare nijaghnustāvakā raṇe

set their minds on the noble course in war and did not abandon the battle; your men struck back in the fight as far as their strength allowed.

Note on the text: Corresponds to 6.82.30cd + 6.82.30ef (Wikisource divides the critical edition's three-line verses here into couplets, so nothing is lost). यथोत्साहं तु समरे निजघ्नुस्तावका रणे (CE yathotsāhaṃ ca samare jaghnur lokaṃ mahārathāḥ) kept as a variant.

Verse 32 (6.86.32)

तत्राक्रन्दो महानासीत्तावकानां महात्मनाम् । वध्यतां समरे राजन्पार्षतेन महात्मना ॥

tatrākrando mahānāsīttāvakānāṃ mahātmanām | vadhyatāṃ samare rājanpārṣatena mahātmanā

There rose a great cry of anguish from your great-souled men as they were being slain in the battle by the great-souled son of Prishata, O king.

Note on the text: Corrected महात्मानाम् → महात्मनाम् (misprint in Wikisource; a stray ा, the genitive plural of महात्मन् is महात्मनाम्, critical edition mahātmanām).

Verse 33 (6.86.33)

तं श्रुत्वा निनदं घोरं तावकानां महारथौ । विन्दानुविन्दावावन्त्यौ पार्षतं प्रत्युपस्थितौ ॥

taṃ śrutvā ninadaṃ ghoraṃ tāvakānāṃ mahārathau | vindānuvindāvāvantyau pārṣataṃ pratyupasthitau

Hearing that dreadful cry of your men, the two great chariot-fighters Vinda and Anuvinda of Avanti came forward to face the son of Prishata.

Verse 34 (6.86.34)

तौ तस्य तुरगान्हत्वा त्वरमाणौ महारथौ । छादयामासतुरुभौ शरवर्षेण पार्षतम् ॥

tau tasya turagānhatvā tvaramāṇau mahārathau | chādayāmāsaturubhau śaravarṣeṇa pārṣatam

Those two great chariot-fighters swiftly killed his horses, and both together covered the son of Prishata with a rain of arrows.

Verse 35 (6.86.35)

अवप्लुत्याथ पाञ्चाल्यो रथात्तूर्णं महाबलः । आरुरोह रथं तूर्णं सात्यकेस्तु महात्मनः ॥

avaplutyātha pāñcālyo rathāttūrṇaṃ mahābalaḥ | āruroha rathaṃ tūrṇaṃ sātyakestu mahātmanaḥ

The mighty prince of Panchala leapt down from his chariot at once and quickly climbed onto the chariot of the great-souled Satyaki.

Note on the text: Removed a stray क after आरुरोह (misprint in Wikisource; critical edition āruroha). सात्यकेस्तु महात्मनः (CE sātyakeḥ sumahātmanaḥ) kept as a variant.

Verse 36 (6.86.36)

ततो युधिष्ठिरो राजा महत्या सेनया वृतः । आवन्त्यौ समरे क्रुद्धावभ्ययात्स परंतपौ ॥

tato yudhiṣṭhiro rājā mahatyā senayā vṛtaḥ | āvantyau samare kruddhāvabhyayātsa paraṃtapau

Then King Yudhishthira, surrounded by a great army, advanced in the battle against the two angry scorchers of foes from Avanti.

Verse 37 (6.86.37)

तथैव तव पुत्रोऽपि सर्वोद्योगेन मारिष । विन्दानुविन्दौ समरे परिवार्यावतस्थिवान् ॥

tathaiva tava putro'pi sarvodyogena māriṣa | vindānuvindau samare parivāryāvatasthivān

In the same way your son too, sir, with every effort surrounded Vinda and Anuvinda in the battle and stood by them.

Note on the text: विन्दानुविन्दौ समरे परिवार्यावतस्थिवान् (CE vindānuvindāv āvantyau parivāryopatasthivān) kept as a variant.

Verse 38 (6.86.38)

अर्जुनश्चापि संक्रुद्धः क्षत्रियान्क्षत्रियर्षभः । अयोधयत संग्रामे वज्रपाणिरिवासुरान् ॥

arjunaścāpi saṃkruddhaḥ kṣatriyānkṣatriyarṣabhaḥ | ayodhayata saṃgrāme vajrapāṇirivāsurān

Arjuna too, bull among Kshatriyas, fought the Kshatriyas furiously in the battle, as the wielder of the thunderbolt fights the Asuras.

Verse 39 (6.86.39)

द्रोणस्तु समरे क्रुद्धः पुत्रस्य प्रियकृत्तव । व्यधमत्सर्वपाञ्चालांस्तूलराशिमिवानलः ॥

droṇastu samare kruddhaḥ putrasya priyakṛttava | vyadhamatsarvapāñcālāṃstūlarāśimivānalaḥ

Drona, enraged in the battle and doing what pleased your son, scattered all the Panchalas as fire scatters a heap of cotton.

Note on the text: Corrected द्रोणास्तु → द्रोणस्तु (misprint in Wikisource; a stray ा in the nominative singular; critical edition droṇaś ca).

Verse 40 (6.86.40)

दुर्योधनपुरोगास्तु पुत्रास्तव विशांपते । परिवार्य रणे भीष्मं युयुधुः पाण्डवैः सह ॥

duryodhanapurogāstu putrāstava viśāṃpate | parivārya raṇe bhīṣmaṃ yuyudhuḥ pāṇḍavaiḥ saha

Your sons, lord of the people, with Duryodhana at their head, surrounded Bhishma in the battle and fought the Pandavas.

Verse 41 (6.86.41)

ततो दुर्योधनो राजा लोहितायति भास्करे । अब्रवीत्तावकान्सर्वांस्त्वरध्वमिति भारत ॥

tato duryodhano rājā lohitāyati bhāskare | abravīttāvakānsarvāṃstvaradhvamiti bhārata

Then, as the sun was turning red, King Duryodhana said to all your men, "Make haste!", O Bharata.

Verse 42 (6.86.42)

युध्यतां तु तथा तेषां कुर्वतां कर्म दुष्करम् । अस्तं गिरिमथारूढे अप्रकाशति भास्करे ॥

yudhyatāṃ tu tathā teṣāṃ kurvatāṃ karma duṣkaram | astaṃ girimathārūḍhe aprakāśati bhāskare

As they fought on in this way, doing deeds hard to do, and the sun, its light gone, had climbed the western mountain,

Note on the text: अप्रकाशति (CE naprakāśati) kept as a variant.

Verse 43 (6.86.43)

प्रावर्तत नदी घोरा शोणितौघतरङ्गिणी । गोमायुगणसंकीर्णा क्षणेन क्षणदामुखे ॥

prāvartata nadī ghorā śoṇitaughataraṅgiṇī | gomāyugaṇasaṃkīrṇā kṣaṇena kṣaṇadāmukhe

when in a moment, at the onset of night, a terrible river began to flow, its waves a flood of blood, thronged with packs of jackals.

Note on the text: क्षणदामुखे (CE rajanīmukhe) kept as a variant.

Verse 44 (6.86.44)

शिवाभिरशिवाभिश्च रुवद्भिर्भैरवं रवम् । घोरमायोधनं जज्ञे भूतसङ्घैः समाकुलम् ॥

śivābhiraśivābhiśca ruvadbhirbhairavaṃ ravam | ghoramāyodhanaṃ jajñe bhūtasaṅghaiḥ samākulam

With inauspicious she-jackals howling their fearful howl, the battlefield became dreadful, crowded with hosts of spirits.

Verse 45 (6.86.45)

राक्षसाश्च पिशाचाश्च तथान्ये पिशिताशिनः । समन्ततो व्यदृश्यन्त शतशोऽथ सहस्रशः ॥

rākṣasāśca piśācāśca tathānye piśitāśinaḥ | samantato vyadṛśyanta śataśo'tha sahasraśaḥ

Rakshasas, Pishachas and other eaters of flesh were seen all around by the hundreds and the thousands.

Note on the text: The critical edition's star passage *0334 (the flesh-eaters dance, drunk on blood) is not on the page.

Verse 46 (6.86.46)

अर्जुनोऽथ सुशर्मादीन्राज्ञस्तान्सपदानुगान् । विजित्य पृतनामध्ये ययौ स्वशिबिरं प्रति ॥

arjuno'tha suśarmādīnrājñastānsapadānugān | vijitya pṛtanāmadhye yayau svaśibiraṃ prati

Then Arjuna, having defeated Susharman and those other kings with their followers in the midst of the army, went to his own camp.

Verse 47 (6.86.47)

युधिष्ठिरोऽपि कौरव्यो भ्रातृभ्यां सहितस्तथा । ययौ स्वशिबिरं राजा निशायां सेनया वृतः ॥

yudhiṣṭhiro'pi kauravyo bhrātṛbhyāṃ sahitastathā | yayau svaśibiraṃ rājā niśāyāṃ senayā vṛtaḥ

King Yudhishthira of the Kuru line too, together with his two brothers, went to his camp at nightfall, surrounded by his army.

Note on the text: Corrected युधिष्टिरो → युधिष्ठिरो (misprint in Wikisource; ट for ठ, critical edition yudhiṣṭhiro). तथा (CE tadā) kept as a variant.

Verse 48 (6.86.48)

भीमसेनोऽपि राजेन्द्र दुर्योधनमुखान्रथान् । अवजित्य ततः सङ्ख्ये ययौ स्वशिबिरं प्रति ॥

bhīmaseno'pi rājendra duryodhanamukhānrathān | avajitya tataḥ saṅkhye yayau svaśibiraṃ prati

Bhimasena too, king of kings, having defeated in battle the chariot-fighters led by Duryodhana, went to his own camp.

Verse 49 (6.86.49)

दुर्योधनोऽपि नृपतिः परिवार्य महारणे । भीष्मं शान्तनवं तूर्णं प्रयातः शिबिरं प्रति ॥

duryodhano'pi nṛpatiḥ parivārya mahāraṇe | bhīṣmaṃ śāntanavaṃ tūrṇaṃ prayātaḥ śibiraṃ prati

King Duryodhana too, surrounding Bhishma son of Shantanu in the great battle, quickly set out for the camp.

Verse 50 (6.86.50)

द्रोणो द्रौणिः कृपः शल्यः कृतवर्मा च सात्वतः । परिवार्य चमूं सर्वां प्रययुः शिबिरं प्रति ॥

droṇo drauṇiḥ kṛpaḥ śalyaḥ kṛtavarmā ca sātvataḥ | parivārya camūṃ sarvāṃ prayayuḥ śibiraṃ prati

Drona, Drona's son, Kripa, Shalya and Kritavarman of the Satvatas, surrounding the whole army, went to the camp.

Note on the text: Corrected सर्वाः → सर्वां (misprint in Wikisource; visarga for anusvara, the accusative agreeing with चमूं is needed, critical edition sarvāṃ).

Verse 51 (6.86.51)

तथैव सात्यकी राजन्धृष्टद्युम्नश्च पार्षतः । परिवार्य रणे योधान्ययतुः शिबिरं प्रति ॥

tathaiva sātyakī rājandhṛṣṭadyumnaśca pārṣataḥ | parivārya raṇe yodhānyayatuḥ śibiraṃ prati

In the same way, O king, Satyaki and Dhrishtadyumna son of Prishata, gathering their warriors around them in the battle, went to the camp.

Verse 52 (6.86.52)

एवमेते महाराज तावकाः पाण्डवैः सह । पर्यवर्तन्त सहिता निशाकाले परंतप ॥

evamete mahārāja tāvakāḥ pāṇḍavaiḥ saha | paryavartanta sahitā niśākāle paraṃtapa

Thus, great king, scorcher of foes, these men of yours and the Pandavas turned back together at nightfall.

Verse 53 (6.86.53)

ततः स्वशिबिरं गत्वा पाण्डवाः कुरवस्तथा । न्यवसन्त महाराज पूजयन्तः परस्परम् ॥

tataḥ svaśibiraṃ gatvā pāṇḍavāḥ kuravastathā | nyavasanta mahārāja pūjayantaḥ parasparam

Having gone to their own camps, great king, the Pandavas and the Kurus rested there, honouring one another.

Note on the text: न्यवसन्त (CE nyaviśanta) kept as a variant.

Verse 54 (6.86.54)

रक्षां कृत्वा ततः शूरा न्यस्य गुल्मान्यथाविधि । अपनीय च शल्यानि स्नात्वा च विविधैर्जलैः ॥

rakṣāṃ kṛtvā tataḥ śūrā nyasya gulmānyathāvidhi | apanīya ca śalyāni snātvā ca vividhairjalaiḥ

The heroes set guards, posted their pickets as prescribed, drew out the arrow-heads and bathed in various waters;

Verse 55 (6.86.55)

कृतस्वस्त्ययनाः सर्वे स्तूयमानाश्च बन्दिभिः । गीतवादित्रशब्देन व्यक्रीडन्त यशस्विनः ॥

kṛtasvastyayanāḥ sarve stūyamānāśca bandibhiḥ | gītavāditraśabdena vyakrīḍanta yaśasvinaḥ

then all those famous men, after blessings for their welfare had been pronounced, and praised by bards, took their pleasure to the sound of song and music.

Verse 56 (6.86.56)

मुहूर्तादिव तत्सर्वमभवत्स्वर्गसन्निभम् । न हि युद्धकथां कांचित्तत्राकुर्वन्महारथाः ॥

muhūrtādiva tatsarvamabhavatsvargasannibham | na hi yuddhakathāṃ kāṃcittatrākurvanmahārathāḥ

As if in a moment, all that place became like heaven, for the great chariot-fighters there spoke no word at all of battle.

Note on the text: मुहूर्तादिव and तत्राकुर्वन् (CE muhūrtam iva, tatra cakrur) kept as variants.

Verse 57 (6.86.57)

ते प्रसुप्ते बले तत्र परिश्रान्तजने नृप । हस्त्यश्वबहुले रात्रौ प्रेक्षणीये बभूवतुः ॥

te prasupte bale tatra pariśrāntajane nṛpa | hastyaśvabahule rātrau prekṣaṇīye babhūvatuḥ

There, O king, with the army asleep and its men worn out, the two hosts, full of elephants and horses, were a sight to behold in the night.