Arjuna Grieves for Iravat; Bhima Slays Seven Kauravas

Verse 1 (6.96.1)

पुत्रं विनिहतं श्रुत्वा इरावन्तं धनञ्जयः । दुःखेन महताऽऽविष्टो निःश्वसन्पन्नगो यथा ॥

putraṃ vinihataṃ śrutvā irāvantaṃ dhanañjayaḥ | duḥkhena mahatā''viṣṭo niḥśvasanpannago yathā

Hearing that his son Iravat had been slain, Dhananjaya was overcome by deep grief and sighed like a serpent.

Note on the text: Adhyaya note: checked against the raw Wikisource page (a table, one row per verse, 6-96-1 to 6-96-80, with सञ्जय उवाच headings at rows 1x and 13x, ending with its colophon naming this the 96th adhyaya, on the eighth day of battle); it agrees with the input row for row. Together the verses correspond to the critical edition 6.92.1–79. Arjuna's words to Krishna (verses 3–12) carry no heading on the page and are given to him; verse 2, which introduces them, stays with the narrator. The page heads verse 13 with सञ्जय उवाच again. Corrected धन?ञ्जयः → धनञ्जयः (misprint in Wikisource; a stray ?, critical edition dhanaṃjayaḥ). विनिहतं (CE tu nihataṃ) kept as a variant.

Verse 2 (6.96.2)

अब्रवीत्समरे राजन्वासुदेवमिदं वचः । इदं नूनं महाप्राज्ञो विदुरो दृष्टवान्पुरा ॥

abravītsamare rājanvāsudevamidaṃ vacaḥ | idaṃ nūnaṃ mahāprājño viduro dṛṣṭavānpurā

Then, O king, there in the battle he said these words to Vasudeva: "Surely the wise Vidura foresaw this long ago,

Verse 3 (6.96.3)

कुरूणां पाण्डवानां च क्षयं घोरं महामतिः । स ततो निवारितवान्धृतराष्ट्रं जनेश्वरम् ॥

kurūṇāṃ pāṇḍavānāṃ ca kṣayaṃ ghoraṃ mahāmatiḥ | sa tato nivāritavāndhṛtarāṣṭraṃ janeśvaram

this terrible destruction of the Kurus and the Pandavas, that man of great understanding; that is why he tried to restrain Dhritarashtra, lord of men.

Note on the text: Speaker: Arjuna, speaking to Krishna (introduced in verse 2); the page prints no heading here. Corrected महामतिःक → महामतिः (misprint in Wikisource; a stray क, critical edition mahāmatiḥ). स ततो निवारितवान् (CE tato nivārayitavān) kept as a variant.

Verse 4 (6.96.4)

अन्ये च बहवो वीराः संग्रामे मधुसूदन । निहताः कौरवैः सङ्ख्ये तथाऽस्माभिश्च कौरवाः ॥

anye ca bahavo vīrāḥ saṃgrāme madhusūdana | nihatāḥ kauravaiḥ saṅkhye tathā'smābhiśca kauravāḥ

Many other heroes, O Madhusudana, have been slain in battle by the Kauravas, and the Kauravas likewise by us.

Note on the text: Speaker: Arjuna, as in verse 3. अन्ये च and तथाऽस्माभिश्च कौरवाः (CE avadhyā, tathāsmābhiś ca te hatāḥ) kept as variants.

Verse 5 (6.96.5)

अर्थहेतोर्नरश्रेष्ठ क्रियते कर्म कुत्सितम् । धिगर्थान्यत्कृते ह्येवं क्रियते ज्ञातिसंक्षयः ॥

arthahetornaraśreṣṭha kriyate karma kutsitam | dhigarthānyatkṛte hyevaṃ kriyate jñātisaṃkṣayaḥ

For the sake of wealth, best of men, a contemptible deed is done. Shame on wealth, for whose sake kinsmen are slaughtered like this!

Verse 6 (6.96.6)

अधनस्य मृतं श्रेयो न च ज्ञातिवधाद्धनम् । किं नु प्राप्स्यामहे कृष्ण हत्वा ज्ञातीन्समागतान् ॥

adhanasya mṛtaṃ śreyo na ca jñātivadhāddhanam | kiṃ nu prāpsyāmahe kṛṣṇa hatvā jñātīnsamāgatān

Better for a man without wealth to die than to have wealth won by killing his kinsmen. What shall we gain, Krishna, by slaying the kinsmen gathered here?

Note on the text: Corrected ज्ञातिवधाद्वनम् → ज्ञातिवधाद्धनम् (misprint in Wikisource; द्व for द्ध, which leaves 'forest' where the sense needs 'wealth' — the line contrasts death in poverty with wealth won by killing kin, and verse 5 has just cursed wealth; critical edition jñātivadhād dhanam).

Verse 7 (6.96.7)

दुर्योधनापराधेन शकुनेः सौबलस्य च । क्षत्रिया निधनं यान्ति कर्णदुर्मन्त्रितेन च ॥

duryodhanāparādhena śakuneḥ saubalasya ca | kṣatriyā nidhanaṃ yānti karṇadurmantritena ca

Through the offence of Duryodhana and of Shakuni, son of Subala, and through Karna's evil counsel, the Kshatriyas are going to their death.

Verse 8 (6.96.8)

इदानीं च विजानामि सुकृतं मधुसूदन । कृतं राज्ञा महाबाहो याचता स्म सुयोधनम् ॥

idānīṃ ca vijānāmi sukṛtaṃ madhusūdana | kṛtaṃ rājñā mahābāho yācatā sma suyodhanam

Now I understand, mighty-armed Madhusudana, how rightly the king (Yudhishthira) acted when he asked Suyodhana

Note on the text: Corresponds to 6.92.8ab (Wikisource divides the critical edition's three-line verses here into couplets, so nothing is lost: verses 8–12 here = critical edition 6.92.8–11; the automatic alignment missed them). Corrected याचता त → याचता स्म (misprint in Wikisource; त is not a word here — स्म with the participle gives the past sense; critical edition yācatā sma).

Verse 9 (6.96.9)

राज्यार्धं पञ्च वा ग्रामान्नाकार्षीत्स च दुर्मतिः । दृष्ट्वा हि क्षत्रियाञ्शूराञ्शयानान्धरणीतले ॥

rājyārdhaṃ pañca vā grāmānnākārṣītsa ca durmatiḥ | dṛṣṭvā hi kṣatriyāñśūrāñśayānāndharaṇītale

for half the kingdom or for five villages, and that evil-minded man would not grant even that. Seeing these brave Kshatriyas lying on the ground,

Note on the text: Corresponds to 6.92.8ef + 6.92.9ab (Wikisource divides the critical edition's three-line verses here into couplets, so nothing is lost). Corrected दुर्मतिःक → दुर्मतिः (misprint in Wikisource; a stray क, critical edition durmatiḥ).

Verse 10 (6.96.10)

निन्दामि भृशमात्मानं धिगस्तु क्षत्रजीविकाम् । अशक्तमिति मामेते ज्ञास्यन्ते क्षत्रिया रणे ॥

nindāmi bhṛśamātmānaṃ dhigastu kṣatrajīvikām | aśaktamiti māmete jñāsyante kṣatriyā raṇe

I blame myself bitterly. Shame on the Kshatriya's way of life! Yet these Kshatriyas would take me for a weakling in battle.

Note on the text: Corresponds to 6.92.9cd + 6.92.10ab (Wikisource divides the critical edition's three-line verses here into couplets, so nothing is lost). Corrected क्षत्रिजीविकाम् → क्षत्रजीविकाम् (misprint in Wikisource; क्षत्रि- is not a compound stem, a stray i-sign; critical edition kṣatrajīvikām). ज्ञास्यन्ते (CE jñāsyanti) kept as a variant.

Verse 11 (6.96.11)

एतदर्थं मया युद्धं रोचितं मधुसूदन । संचोदय हयाञ्शीघ्रं धार्तराष्ट्रचमूं प्रति ॥

etadarthaṃ mayā yuddhaṃ rocitaṃ madhusūdana | saṃcodaya hayāñśīghraṃ dhārtarāṣṭracamūṃ prati

That is why I have chosen to fight, Madhusudana. Drive the horses swiftly towards the army of Dhritarashtra's sons.

Note on the text: Corresponds to 6.92.10cd + 6.92.11ab (Wikisource divides the critical edition's three-line verses here into couplets, so nothing is lost). एतदर्थं मया युद्धं रोचितं मधुसूदन (CE yuddhaṃ mamaibhirucitaṃ jñātibhir madhusūdana) and शीघ्रं (CE kṣipraṃ) kept as variants.

Verse 12 (6.96.12)

प्रतरिष्ये महापारं भुजाभ्यां समरोदधिम् । नायं क्लीबायितुं कालो विद्यते माधव क्वचित् ॥

pratariṣye mahāpāraṃ bhujābhyāṃ samarodadhim | nāyaṃ klībāyituṃ kālo vidyate mādhava kvacit

With my two arms I shall cross this ocean of battle, whose far shore lies so distant. This is no time at all to behave like a eunuch, Madhava."

Note on the text: Corresponds to 6.92.11cd + 6.92.11ef (Wikisource divides the critical edition's three-line verses here into couplets, so nothing is lost). क्लीबायितुं (CE klībayituṃ) kept as a variant.

Verse 13 (6.96.13)

एवमुक्तस्तु पार्थेन केशवः परवीरहा । चोदयामास तानश्वान्पाण्डुरान्वातरंहसः ॥

evamuktastu pārthena keśavaḥ paravīrahā | codayāmāsa tānaśvānpāṇḍurānvātaraṃhasaḥ

Thus addressed by Partha, Keshava, slayer of enemy heroes, urged on those white horses, swift as the wind.

Verse 14 (6.96.14)

अथ शब्दो महानासीत्तव सैन्यस्य भारत । मारुतोद्धूतवेगस्य सागरस्येव पर्वणि ॥

atha śabdo mahānāsīttava sainyasya bhārata | mārutoddhūtavegasya sāgarasyeva parvaṇi

Then, O Bharata, a great roar went up from your army, like the roar of the ocean at the turn of the moon, its surge whipped up by the wind.

Verse 15 (6.96.15)

अपराह्णे महाराज संग्रामः समपद्यत । पर्जन्यसमनिर्घोषो भीष्मस्य सह पाण्डवैः ॥

aparāhṇe mahārāja saṃgrāmaḥ samapadyata | parjanyasamanirghoṣo bhīṣmasya saha pāṇḍavaiḥ

In the afternoon, great king, battle was joined between Bhishma and the Pandavas, with a din like the thunder of rain clouds.

Verse 16 (6.96.16)

ततो राजंस्तव सुता भीमसेनमुपाद्रवन् । परिवार्य रणे द्रोणं वसवो वासवं यथा ॥

tato rājaṃstava sutā bhīmasenamupādravan | parivārya raṇe droṇaṃ vasavo vāsavaṃ yathā

Then, O king, your sons, surrounding Drona in the battle as the Vasus surround Vasava (Indra), rushed at Bhimasena.

Verse 17 (6.96.17)

ततः शान्तनवो भीष्मः कृपश्च रथिनां वरः । भगदत्तः सुशर्मा च धनंजयमुपाद्रवन् ॥

tataḥ śāntanavo bhīṣmaḥ kṛpaśca rathināṃ varaḥ | bhagadattaḥ suśarmā ca dhanaṃjayamupādravan

Then Bhishma son of Shantanu, Kripa best of chariot-fighters, Bhagadatta and Susharman charged at Dhananjaya.

Verse 18 (6.96.18)

हार्दिक्यो बाह्लिकश्चैव सात्यकिं समभिद्रुतौ । अम्बष्ठकस्तु नृपतिरभिमन्युमवस्थितः ॥

hārdikyo bāhlikaścaiva sātyakiṃ samabhidrutau | ambaṣṭhakastu nṛpatirabhimanyumavasthitaḥ

Hardikya (Kritavarman) and Bahlika fell upon Satyaki, and King Ambashthaka took his stand against Abhimanyu.

Note on the text: अवस्थितः (CE avārayat) kept as a variant.

Verse 19 (6.96.19)

शेषास्त्वन्ये महाराज शेषानेव महारथान् । ततः प्रववृते युद्धं घोररूपं भयावहम् ॥

śeṣāstvanye mahārāja śeṣāneva mahārathān | tataḥ pravavṛte yuddhaṃ ghorarūpaṃ bhayāvaham

The rest, great king, took on the remaining great chariot-warriors. Then a battle began, terrible in form and dreadful.

Verse 20 (6.96.20)

भीमसेनस्तु संप्रेक्ष्य पुत्रांस्तव विशांपते । प्रजज्वाल रणे क्रुद्धो हविषा हव्यवाडिव ॥

bhīmasenastu saṃprekṣya putrāṃstava viśāṃpate | prajajvāla raṇe kruddho haviṣā havyavāḍiva

Seeing your sons, lord of the people, Bhimasena blazed up in fury on the battlefield like a fire fed with oblations.

Note on the text: Removed a backtick and a quote mark that the page prints around line 1. विशांपते (CE janeśvara) kept as a variant.

Verse 21 (6.96.21)

पुत्रास्तु तव कौन्तेयं छादयांचक्रिरे शरैः । प्रावृषीव महाराज जलदा इव पर्वतम् ॥

putrāstu tava kaunteyaṃ chādayāṃcakrire śaraiḥ | prāvṛṣīva mahārāja jaladā iva parvatam

Your sons covered the son of Kunti with arrows, great king, as clouds cover a mountain in the rainy season.

Verse 22 (6.96.22)

स च्छाद्यमानो बहुधा पुत्रैस्तव विशांपते । सृक्विणी संलिहन्वीरः शार्दूल इव दर्पितः ॥

sa cchādyamāno bahudhā putraistava viśāṃpate | sṛkviṇī saṃlihanvīraḥ śārdūla iva darpitaḥ

Covered over again and again by your sons, lord of the people, the hero licked the corners of his mouth like a proud tiger.

Verse 23 (6.96.23)

व्यूढोरस्कस्ततो भीमः पोथयामास पार्थिवम् । क्षुरप्रेण सुतीक्ष्णेन सुमुक्तेन महारणे ॥

vyūḍhoraskastato bhīmaḥ pothayāmāsa pārthivam | kṣurapreṇa sutīkṣṇena sumuktena mahāraṇe

Then broad-chested Bhima, in that great battle, struck down a prince with a very sharp, well-loosed razor-headed arrow;

Note on the text: Line 1 is the critical edition's 6.92.22ab (व्यूढोरस्कस्, पोथयामास पार्थिवम् for vyūḍhoraskaṃ, pātayām āsa pārthiva; the page's own footnote records व्यूढोरस्कं as another reading); line 2 is its star passage 6.92.22c*0361, line 1, which the apparatus gives in place of 6.92.22cd. The rest of that star passage opens verse 24.

Verse 24 (6.96.24)

ताडयामास संक्रुद्धः सोऽभवद्व्यथितेन्द्रियः । अपरेण तु भल्लेन पीतेन निशितेन तु । अपातयत्कुण्डलितं सिंहः क्षुद्रमृगं यथा ॥

tāḍayāmāsa saṃkruddhaḥ so'bhavadvyathitendriyaḥ | apareṇa tu bhallena pītena niśitena tu | apātayatkuṇḍalitaṃ siṃhaḥ kṣudramṛgaṃ yathā

in his fury he struck him so that his senses reeled. And with another yellow, whetted broad-headed arrow he brought down Kundalin, another of your sons, as a lion brings down a small deer.

Note on the text: Line 1 is the critical edition's star passage 6.92.22c*0361, line 2 (सोऽभवद्व्यथितेन्द्रियः where the apparatus repeats the constituted text's so 'bhavad gatajīvitaḥ), not in the constituted text; lines 2–3 are 6.92.23 (निशितेन तु, कुण्डलितं for niśitena ca, kuṇḍalinaṃ). The alignment missed this verse. कुण्डलितं is taken as the name Kundalin, one of Dhritarashtra's sons, as in the critical edition.

Verse 25 (6.96.25)

ततः सुनिशितान्बाणान्भीमसेनः शिलाशितान् । स सप्त संदधे हन्तुं पुत्रांस्ते भरतर्षभ ॥

tataḥ suniśitānbāṇānbhīmasenaḥ śilāśitān | sa sapta saṃdadhe hantuṃ putrāṃste bharatarṣabha

Then Bhimasena took up very sharp arrows whetted on stone, and fitted seven of them to slay your sons, bull of the Bharatas.

Note on the text: Corresponds to the critical edition's 6.92.24 (the alignment missed it): line 1 differs (tataḥ suniśitān pītān samādatta śilīmukhān; compare the star passage 6.92.24b*0363, tatas tu samare kruddho bhīmasenaḥ śilīmukhān), and line 2 reads संदधे हन्तुं and भरतर्षभ for tvarayā yuktaḥ, prāpya māriṣa; kept as variants. Corrected पुत्रास्ते → पुत्रांस्ते (misprint in Wikisource; a dropped anusvara — the object of हन्तुं must be accusative; critical edition putrāṃs te).

Verse 26 (6.96.26)

प्रेषिता भीमसेनेन शरास्ते दृढधन्वना । अपातयन्त पुत्रांस्ते रथेभ्यः सुमहारथान् ॥

preṣitā bhīmasenena śarāste dṛḍhadhanvanā | apātayanta putrāṃste rathebhyaḥ sumahārathān

Loosed by the strong-bowed Bhimasena, those arrows struck your sons, mighty chariot-warriors all, down from their chariots:

Note on the text: Corrected भिमसेनेन → भीमसेनेन (misprint in Wikisource; a short i for long ī, critical edition bhīmasenena).

Verse 27 (6.96.27)

अनाधृष्टिं कुण्डभेदिं विराजं दीप्तलोचनम् । दीर्घबाहुं सुबाहुं च तथैव मकरध्वजम् ॥

anādhṛṣṭiṃ kuṇḍabhediṃ virājaṃ dīptalocanam | dīrghabāhuṃ subāhuṃ ca tathaiva makaradhvajam

Anadhrishti, Kundabhedi, Viraja, Diptalochana, Dirghabahu, Subahu, and Makaradhvaja.

Note on the text: The seven names are kept as the page gives them: कुण्डभेदिं, विराजं, दीप्तलोचनम्, मकरध्वजम् (CE kuṇḍabhedaṃ, vairāṭaṃ, dīrghalocanam, kanakadhvajam).

Verse 28 (6.96.28)

प्रपतन्तिस्म वीरास्ते विरेजुर्भरतर्षभ । वसन्ते पुष्पशबलाः किंशुकाः पतिता इव ॥

prapatantisma vīrāste virejurbharatarṣabha | vasante puṣpaśabalāḥ kiṃśukāḥ patitā iva

As they fell, those heroes looked splendid, bull of the Bharatas, like kimshuka trees bright with blossom, felled in spring.

Note on the text: प्रपतन्तिस्म वीरास्ते and किंशुकाः पतिता इव (CE prapatanta sma te vīrā, cūtāḥ prapatitā iva) kept as variants.

Verse 29 (6.96.29)

ततः प्रदुद्रुवुः शेषास्तव पुत्रा महाहवे । तं कालमिव मन्यन्तो भीमसेनं महाबलम् ॥

tataḥ pradudruvuḥ śeṣāstava putrā mahāhave | taṃ kālamiva manyanto bhīmasenaṃ mahābalam

Then your remaining sons fled from the great battle, thinking mighty Bhimasena to be Death himself.

Verse 30 (6.96.30)

द्रोणस्तु समरे वीरं निर्दहन्तं सुतांस्तव । यथाद्रिं वारिधाराभिः समन्ताद्व्यकिरच्छरैः ॥

droṇastu samare vīraṃ nirdahantaṃ sutāṃstava | yathādriṃ vāridhārābhiḥ samantādvyakiraccharaiḥ

But Drona, in the battle, showered arrows all around the hero who was burning up your sons, as clouds pour streams of rain upon a mountain.

Note on the text: Corrected निर्दहनक्तं → निर्दहन्तं (misprint in Wikisource; a stray क in the participle, critical edition nirdahantaṃ).

Verse 31 (6.96.31)

तत्राद्भुतमपश्याम कुन्तीपुत्रस्य पौरुषम् । द्रोणेन वार्यमाणोऽपि निजघ्ने यत्सुतांस्तव ॥

tatrādbhutamapaśyāma kuntīputrasya pauruṣam | droṇena vāryamāṇo'pi nijaghne yatsutāṃstava

There we saw the wondrous manhood of Kunti's son: even while Drona held him back, he slew your sons.

Verse 32 (6.96.32)

यथा गोवृषभो वर्षं संधारयति खात्पतत् । भीमस्तथा द्रोणमुक्तं शरवर्षमदीधरत् ॥

yathā govṛṣabho varṣaṃ saṃdhārayati khātpatat | bhīmastathā droṇamuktaṃ śaravarṣamadīdharat

As a bull bears the rain falling from the sky, so Bhima bore the shower of arrows loosed by Drona.

Note on the text: Corrected स्वात्पतत् → खात्पतत् (misprint in Wikisource; स्व for ख, which leaves no sense — the rain falls 'from the sky'; critical edition khāt patat). यथा गोवृषभो (CE yathā hi govṛṣo) kept as a variant.

Verse 33 (6.96.33)

अद्भुतं च महाराज तत्र चक्रे वृकोदरः । यत्पुत्रांस्तेऽवधीत्सङ्ख्ये द्रोणं चैव न्यवारयत् ॥

adbhutaṃ ca mahārāja tatra cakre vṛkodaraḥ | yatputrāṃste'vadhītsaṅkhye droṇaṃ caiva nyavārayat

And a wondrous thing Vrikodara did there, great king: he slew your sons in battle and held Drona off as well.

Verse 34 (6.96.34)

पुत्रेषु तव वीरेषु चिक्रीडार्जुनपूर्वजः । मृगेष्विव महाराज चरन्व्याघ्रो महाबलः ॥

putreṣu tava vīreṣu cikrīḍārjunapūrvajaḥ | mṛgeṣviva mahārāja caranvyāghro mahābalaḥ

Arjuna's elder brother sported among your heroic sons, great king, like a mighty tiger roaming among deer.

Verse 35 (6.96.35)

यथा हि पशुमध्यस्थो द्रावयेत पशून्वृकः । वृकोदरस्तव सुतांस्तथा व्यद्रावयद्रणे ॥

yathā hi paśumadhyastho drāvayeta paśūnvṛkaḥ | vṛkodarastava sutāṃstathā vyadrāvayadraṇe

As a wolf in the midst of a herd scatters the beasts, so Vrikodara put your sons to flight in the battle.

Verse 36 (6.96.36)

गाङ्गेयो भगदत्तश्च गौतमश्च महारथाः । पाण्डवं रभसं युद्धे वारयामासुरर्जुनम् ॥

gāṅgeyo bhagadattaśca gautamaśca mahārathāḥ | pāṇḍavaṃ rabhasaṃ yuddhe vārayāmāsurarjunam

Gangeya (Bhishma), Bhagadatta and Gautama (Kripa), great chariot-warriors, held back the impetuous Pandava Arjuna in the fight.

Note on the text: Corrected गोतमश्च → गौतमश्च (misprint in Wikisource; a dropped au-sign — Kripa is Gautama, the descendant of Gotama; critical edition gautamaś). महारथाः (CE mahārathaḥ) kept as a variant.

Verse 37 (6.96.37)

अस्त्रैरस्त्राणि संवार्य तेषां सोऽतिरथो रणे । प्रवीरांस्तव सैन्येषु प्रेषयामास मृत्यवे ॥

astrairastrāṇi saṃvārya teṣāṃ so'tiratho raṇe | pravīrāṃstava sainyeṣu preṣayāmāsa mṛtyave

Warding off their weapons with his own, that peerless chariot-warrior sent the foremost heroes of your armies to their death.

Verse 38 (6.96.38)

अभिमन्युस्तु राजानमम्बष्ठं लोकविश्रुतम् । विरथं रथिनां श्रेष्ठं कारयामास सायकैः ॥

abhimanyustu rājānamambaṣṭhaṃ lokaviśrutam | virathaṃ rathināṃ śreṣṭhaṃ kārayāmāsa sāyakaiḥ

Abhimanyu with his arrows deprived King Ambashtha, famed throughout the world and best of chariot-fighters, of his chariot.

Verse 39 (6.96.39)

विरथो वध्यमानस्तु सौभद्रेण यशस्विना । अवप्लुत्य रथात्तूर्णमम्बष्ठो वसुधाधिपः ॥

viratho vadhyamānastu saubhadreṇa yaśasvinā | avaplutya rathāttūrṇamambaṣṭho vasudhādhipaḥ

Chariotless, and under attack from the glorious son of Subhadra, Ambashtha, lord of the earth, leapt swiftly down from his chariot,

Note on the text: विरथो वध्यमानस्तु and अम्बष्ठो वसुधाधिपः (CE viratho vadhyamānaḥ sa, savrīḍo manujādhipaḥ) kept as variants.

Verse 40 (6.96.40)

असिं चिक्षेप समरे सौभद्रस्य महात्मनः । आरुरोह रथं चैव हार्दिक्यस्य महाबलः ॥

asiṃ cikṣepa samare saubhadrasya mahātmanaḥ | āruroha rathaṃ caiva hārdikyasya mahābalaḥ

hurled his sword in the battle at the great-souled son of Subhadra, and then that mighty man climbed onto Hardikya's chariot.

Verse 41 (6.96.41)

आपतन्तं तु निस्त्रिंशं युद्धमार्गविशारदः । लाघवाद्व्यंसयामास सौभद्रः परवीरहा ॥

āpatantaṃ tu nistriṃśaṃ yuddhamārgaviśāradaḥ | lāghavādvyaṃsayāmāsa saubhadraḥ paravīrahā

But Subhadra's son, slayer of enemy heroes, skilled in the ways of war, deftly turned aside the sword as it flew at him.

Verse 42 (6.96.42)

व्यंसितं वीक्ष्य निस्त्रिंशं सौभद्रेण रणे तदा । साधुसाध्विति सैन्यानां प्रणादोऽभूद्विशांपते ॥

vyaṃsitaṃ vīkṣya nistriṃśaṃ saubhadreṇa raṇe tadā | sādhusādhviti sainyānāṃ praṇādo'bhūdviśāṃpate

Seeing the sword turned aside by Subhadra's son in the battle, lord of the people, the troops raised a great shout of "Well done! Well done!"

Verse 43 (6.96.43)

धृष्टद्युम्नमुखास्त्वन्ये तव सैन्यमयोधयन् । तथैव तावकाः सर्वे पाण्डुसैन्यमयोधयन् ॥

dhṛṣṭadyumnamukhāstvanye tava sainyamayodhayan | tathaiva tāvakāḥ sarve pāṇḍusainyamayodhayan

Others, led by Dhrishtadyumna, fought your army, and in the same way all your men fought the army of the Pandavas.

Verse 44 (6.96.44)

तत्राक्रन्दो महानासीत्तव तेषां च भारत । निघ्नतां दृढमन्योन्यं कुर्वतां कर्म दुष्करम् ॥

tatrākrando mahānāsīttava teṣāṃ ca bhārata | nighnatāṃ dṛḍhamanyonyaṃ kurvatāṃ karma duṣkaram

A great outcry rose there, O Bharata, from your men and theirs, as they struck one another hard and did deeds hard to do.

Verse 45 (6.96.45)

अन्योन्यं हि रणे शूराः केशेष्वाक्षिप्य मानिनः । नखदन्तैरयुध्यन्त मुष्टिभिर्जानुभिस्तथा ॥

anyonyaṃ hi raṇe śūrāḥ keśeṣvākṣipya māninaḥ | nakhadantairayudhyanta muṣṭibhirjānubhistathā

Proud warriors seized one another by the hair in that battle and fought with nails and teeth, with fists and knees,

Note on the text: Corrected आक्षिष्य → आक्षिप्य (misprint in Wikisource; ष for प, the gerund of आ-क्षिप्, critical edition ākṣipya). मानिनः and नखदन्तैर् (CE māriṣa, nakhair dantair) kept as variants.

Verse 46 (6.96.46)

तलैश्चैवाथ निस्त्रिंशैर्बाहुभिश्च सुसंस्थितैः । विवरं प्राप्य चान्योन्यमनयन्यमसादनम् ॥

talaiścaivātha nistriṃśairbāhubhiśca susaṃsthitaiḥ | vivaraṃ prāpya cānyonyamanayanyamasādanam

with open palms, with swords, and with well-braced arms; and finding an opening, they sent one another to the abode of Yama.

Note on the text: Line 1 (तलैश्चैवाथ निस्त्रिंशैर्बाहुभिश्च सुसंस्थितैः) has the critical edition's words in another order (bāhubhiś ca talaiś caiva nistriṃśaiś ca susaṃśitaiḥ); kept as a variant.

Verse 47 (6.96.47)

न्यहनच्च पिता पुत्रं पुत्रश्च पितरं तथा । व्याकुलीकृतसंकल्पा युयुधुस्तत्र मानवाः ॥

nyahanacca pitā putraṃ putraśca pitaraṃ tathā | vyākulīkṛtasaṃkalpā yuyudhustatra mānavāḥ

Father slew son and son slew father; their minds thrown into confusion, men fought on there.

Verse 48 (6.96.48)

रणे चारूणि चापानि हेमपृष्ठानि मारिष । हतानामपविद्धानि कलापाश्च महाधनाः ॥

raṇe cārūṇi cāpāni hemapṛṣṭhāni māriṣa | hatānāmapaviddhāni kalāpāśca mahādhanāḥ

On the field lay the beautiful gold-backed bows of the slain, flung aside, sir, and their costly quivers.

Verse 49 (6.96.49)

जातरूपमयैः पुङ्खै राजतैर्निशिताः शराः । तैलधौता व्यराजन्त निर्मुक्तभुजगोपमाः ॥

jātarūpamayaiḥ puṅkhai rājatairniśitāḥ śarāḥ | tailadhautā vyarājanta nirmuktabhujagopamāḥ

Sharp arrows with feathers of gold and silver, washed in oil, gleamed like snakes that have cast their sloughs.

Verse 50 (6.96.50)

खड्गाश्च दान्तत्सरवो जातरूपपरिष्कृताः । चर्माणि चापविद्धानि रुक्मचित्राणि धन्विनां ॥

khaḍgāśca dāntatsaravo jātarūpapariṣkṛtāḥ | carmāṇi cāpaviddhāni rukmacitrāṇi dhanvināṃ

Swords with ivory hilts, adorned with gold, and the gold-figured shields of bowmen lay flung about.

Note on the text: Corrected खङ्गाश्च → खड्गाश्च (misprint in Wikisource; ङ्ग for ड्ग, critical edition khaḍgān). The verse keeps the page's nominatives (खड्गाश्च दान्तत्सरवो … रुक्मचित्राणि for hastidantatsarūn khaḍgāñ … rukmapṛṣṭhāni) as a variant.

Verse 51 (6.96.51)

सुवर्णविकृताः प्रासाः प्रभग्ना हेमभूषिताः । जातरूपमया यष्ट्यः शक्त्यश्च कनकोज्ज्वलाः ॥

suvarṇavikṛtāḥ prāsāḥ prabhagnā hemabhūṣitāḥ | jātarūpamayā yaṣṭyaḥ śaktyaśca kanakojjvalāḥ

There were lances wrought of gold, broken, decked with gold; staves made of gold, and spears bright with gold;

Note on the text: Corrected सुवर्णाविकृताः → सुवर्णविकृताः (misprint in Wikisource; a stray ā that turns 'wrought of gold' into 'gold, unwrought'; critical edition suvarṇavikṛta-). प्रभग्ना and यष्ट्यः (CE paṭṭiśān, carṣṭīḥ) kept as variants.

Verse 52 (6.96.52)

अवस्कन्दाश्च पतिता मुसलानि गुरूणि च । परिघाः पट्टसाश्चैव भिण्डिपालाश्च मारिष ॥

avaskandāśca patitā musalāni gurūṇi ca | parighāḥ paṭṭasāścaiva bhiṇḍipālāśca māriṣa

fallen avaskanda-spears and heavy maces, iron bars, pattisa-blades and bhindipala-darts, sir;

Note on the text: अवस्कन्दाश्च and पट्टसाः (CE apakṛttāś ca, paṭṭiśān) kept as variants.

Verse 53 (6.96.53)

पतिता विविधाश्चापाश्चित्रा हेमपरिष्कृताः । कुथा बहुविधाकाराश्चामरा व्यजनानि च ॥

patitā vividhāścāpāścitrā hemapariṣkṛtāḥ | kuthā bahuvidhākārāścāmarā vyajanāni ca

bows of many kinds, bright-coloured and decked with gold, lay fallen, with elephant-housings of many shapes, yak-tail whisks and fans.

Note on the text: विविधाश्चापाश्चित्रा and चामरा व्यजनानि (CE tomarāṃś cāpi citrā, cāmaravyajanāni) kept as variants.

Verse 54 (6.96.54)

नानाविधानि शस्त्राणि प्रगृह्य पतिता नराः । जीवन्त इव दृश्यन्ते गतसत्त्वा महारथाः ॥

nānāvidhāni śastrāṇi pragṛhya patitā narāḥ | jīvanta iva dṛśyante gatasattvā mahārathāḥ

Men who had fallen still gripping weapons of many kinds, great chariot-warriors from whom life had fled, looked as though they were alive.

Note on the text: Corrected दृश्यनते → दृश्यन्ते (misprint in Wikisource; a broken conjunct, critical edition dṛśyante). प्रगृह्य (CE visṛjya) kept as a variant.

Verse 55 (6.96.55)

गदाविमथितैर्गात्रैर्मुसलैर्भिन्नमस्तकाः । गजवाजिरथक्षुण्णाः शेरते स्म नराः क्षितौ ॥

gadāvimathitairgātrairmusalairbhinnamastakāḥ | gajavājirathakṣuṇṇāḥ śerate sma narāḥ kṣitau

Men lay on the ground, their limbs crushed by maces and their heads split by clubs, trampled by elephants, horses and chariots.

Note on the text: Corrected गजाविमथितैर् → गदाविमथितैर् (misprint in Wikisource; ज for द — the limbs are crushed by maces; critical edition gadāvimathitair) and गजावाजिरथक्षुण्णाः → गजवाजिरथक्षुण्णाः (misprint; a stray ā inside the compound, critical edition gajavājirathakṣuṇṇāḥ).

Verse 56 (6.96.56)

तथैवाश्वनृनागानां शरीरैर्विबभौ तदा । संछन्ना वसुधा राजन्पर्वतैरिव शातितैः ॥

tathaivāśvanṛnāgānāṃ śarīrairvibabhau tadā | saṃchannā vasudhā rājanparvatairiva śātitaiḥ

So too the earth, O king, covered with the bodies of horses, men and elephants, looked then as though strewn with felled mountains.

Note on the text: विबभौ and शातितैः (CE ābabhau, sarvataḥ) kept as variants.

Verse 57 (6.96.57)

समरे पतितैश्चैव शक्त्यृष्टिशरतोमरैः । निस्त्रिंशैः पट्टसैः प्रासैरवस्कन्दैः परश्वथैः ॥

samare patitaiścaiva śaktyṛṣṭiśaratomaraiḥ | nistriṃśaiḥ paṭṭasaiḥ prāsairavaskandaiḥ paraśvathaiḥ

Strewn with spears, double-edged swords, arrows and lances fallen in battle, with scimitars, pattisa-blades, darts, avaskanda-spears and axes,

Note on the text: पट्टसैः and अवस्कन्दैः (CE paṭṭiśaiḥ, ayaskuntaiḥ) kept as variants.

Verse 58 (6.96.58)

परिघैर्भिण्डिपालैश्च शतघ्नीभिश्च मारिष । शरीरैः शस्त्रनिर्भिन्नैः समास्तीर्यत मेदिनी ॥

parighairbhiṇḍipālaiśca śataghnībhiśca māriṣa | śarīraiḥ śastranirbhinnaiḥ samāstīryata medinī

with iron bars, bhindipala-darts and shataghnis, sir, and with bodies split open by weapons, the earth was covered over.

Verse 59 (6.96.59)

विशब्दैरल्पशब्दैश्च शोणितौघपरिप्लुतैः । गतासुभिरमित्रघ्न विबभौ निचिता मही ॥

viśabdairalpaśabdaiśca śoṇitaughapariplutaiḥ | gatāsubhiramitraghna vibabhau nicitā mahī

Heaped with the dying, some silent, some faintly moaning, drenched in floods of blood, the earth looked, slayer of foes, a strange sight.

Note on the text: Corrected शोणितौगपरिप्लुतैः → शोणितौघपरिप्लुतैः (misprint in Wikisource; ग for घ, critical edition śoṇitaugha-). विशब्दैर् and निचिता (CE niḥśabdair, saṃvṛtā) kept as variants.

Verse 60 (6.96.60)

सतलत्रैः सकेयूरैर्बाहुभिश्चन्दनोक्षितैः । हस्तिहस्तोपमैश्छिन्नैरूरुभिश्च तरस्विनाम् ॥

satalatraiḥ sakeyūrairbāhubhiścandanokṣitaiḥ | hastihastopamaiśchinnairūrubhiśca tarasvinām

With arms smeared with sandal paste, still bearing finger-guards and armlets, with the severed thighs of mighty men, like elephants' trunks,

Verse 61 (6.96.61)

बद्धचूडामणिवरैः शिरोभिश्च सकुण्डलैः । पातितैर्ऋषभाक्षाणां बभौ भारत मेदिनी ॥

baddhacūḍāmaṇivaraiḥ śirobhiśca sakuṇḍalaiḥ | pātitairṛṣabhākṣāṇāṃ babhau bhārata medinī

and with the fallen heads, earringed and bound with fine crest-jewels, of bull-eyed warriors, the earth shone, O Bharata.

Note on the text: Corrected बद्धचूजामणिवरैः → बद्धचूडामणिवरैः (misprint in Wikisource; ज for ड, critical edition -cūḍāmaṇi-) and पातितै ऋषभाक्षाणां → पातितैर्ऋषभाक्षाणां (misprint; the visarga of पातितैः before a vowel must become र्, so the hiatus is a dropped र्). -वरैः and ऋषभाक्षाणां (CE -dharaiḥ, vṛṣabhākṣāṇāṃ) kept as variants.

Verse 62 (6.96.62)

कवचैः शोणितादिग्धैर्विप्रकीर्णैश्च काञ्चनैः । रराज सुभृशं भूमिः शान्तार्चिर्भिरिवानलैः ॥

kavacaiḥ śoṇitādigdhairviprakīrṇaiśca kāñcanaiḥ | rarāja subhṛśaṃ bhūmiḥ śāntārcirbhirivānalaiḥ

With golden armour smeared with blood and scattered about, the ground shone brightly, as if with fires whose flames had died down.

Verse 63 (6.96.63)

विप्रविद्धैः कलापैश्च पतितैश्च शरासनैः । विप्रकीर्णैः शरैश्चैव रुक्मपुङ्खैः समन्ततः ॥

vipraviddhaiḥ kalāpaiśca patitaiśca śarāsanaiḥ | viprakīrṇaiḥ śaraiścaiva rukmapuṅkhaiḥ samantataḥ

With quivers flung aside and fallen bows, with gold-feathered arrows scattered on every side,

Verse 64 (6.96.64)

रथैश्च सर्वतो भग्नैः किङ्किणीजालभूषितैः । वाजिभिश्च हतैर्बाणैः स्रस्तजिह्वैः सशोणितैः ॥

rathaiśca sarvato bhagnaiḥ kiṅkiṇījālabhūṣitaiḥ | vājibhiśca hatairbāṇaiḥ srastajihvaiḥ saśoṇitaiḥ

with chariots broken everywhere, adorned with nets of little bells, and with horses slain by arrows, tongues lolling, covered in blood,

Note on the text: सर्वतो भग्नैः, किङ्किणीजालभूषितैः and हतैर्बाणैः (CE bahubhir bhagnaiḥ, kiṅkiṇījālamālibhiḥ, hataiḥ kīrṇaiḥ) kept as variants.

Verse 65 (6.96.65)

अनुकर्षैः पताकाभिरुपासङ्गैर्ध्वजैरपि । प्रवीराणां महाशङ्खैर्विप्रकीर्णैश्च पाण्डुरैः ॥

anukarṣaiḥ patākābhirupāsaṅgairdhvajairapi | pravīrāṇāṃ mahāśaṅkhairviprakīrṇaiśca pāṇḍuraiḥ

with chariot-beams, pennants, quivers and standards, and with the great white conches of the heroes scattered about,

Verse 66 (6.96.66)

स्रस्तहस्तैश्च मातङ्गैः शयानैर्विबभौ मही । नानारूपैरलंकारैः प्रमदेवाभ्यलङ्कृता ॥

srastahastaiśca mātaṅgaiḥ śayānairvibabhau mahī | nānārūpairalaṃkāraiḥ pramadevābhyalaṅkṛtā

and with elephants lying with limp trunks, the earth shone like a young woman decked with ornaments of many kinds.

Note on the text: Corrected नानारूपेरलंकारैः → नानारूपैरलंकारैः (misprint in Wikisource; e-sign for ai-sign, critical edition nānārūpair).

Verse 67 (6.96.67)

दन्तिभिश्चापरैस्तत्र सप्राणैर्गाढवेदनैः । करैः शब्दं विमुञ्चद्भिः शीकरं च मुहुर्मुहुः ॥

dantibhiścāparaistatra saprāṇairgāḍhavedanaiḥ | karaiḥ śabdaṃ vimuñcadbhiḥ śīkaraṃ ca muhurmuhuḥ

Other elephants there, still alive and in deep pain, letting out cries through their trunks and blowing spray again and again,

Note on the text: Corresponds to 6.92.66ab (Wikisource divides the critical edition's three-line verses here into couplets, so nothing is lost: verses 67–80 here = critical edition 6.92.66–79, which the automatic alignment missed). सप्राणैर् (CE saprāsair) kept as a variant.

Verse 68 (6.96.68)

विबभौ तद्रणस्थानं स्यन्दमानैरिवाचलैः । नानारागैः कम्बलैश्च परिस्तोमैश्च दन्तिनाम् ॥

vibabhau tadraṇasthānaṃ syandamānairivācalaiḥ | nānārāgaiḥ kambalaiśca paristomaiśca dantinām

made that field of battle look as though it held mountains streaming with water. With many-coloured blankets and the coverings of elephants,

Note on the text: Corresponds to 6.92.66ef + 6.92.67ab (Wikisource divides the critical edition's three-line verses here into couplets, so nothing is lost). Corrected परिस्तोमेश्च → परिस्तोमैश्च (misprint in Wikisource; e-sign for ai-sign, critical edition paristomaiś). स्यन्दमानैर् (CE dhamyamānair) kept as a variant.

Verse 69 (6.96.69)

वैदूर्यमणिदण्डैश्च पतितैरङ्कुशैः शुभैः । घण्टाभिश्च गजेन्द्राणां पतिताभिः समन्ततः ॥

vaidūryamaṇidaṇḍaiśca patitairaṅkuśaiḥ śubhaiḥ | ghaṇṭābhiśca gajendrāṇāṃ patitābhiḥ samantataḥ

with beautiful goads, their handles set with beryl, lying fallen, with the bells of lordly elephants fallen on every side,

Note on the text: Corresponds to 6.92.67cd + 6.92.68ab (Wikisource divides the critical edition's three-line verses here into couplets, so nothing is lost).

Verse 70 (6.96.70)

विपाटितविचित्राभिः कुथाभिरङ्कुशैस्तथा । ग्रैवेयैश्चित्ररूपैश्च रुक्मकक्ष्याभिरेव च ॥

vipāṭitavicitrābhiḥ kuthābhiraṅkuśaistathā | graiveyaiścitrarūpaiśca rukmakakṣyābhireva ca

with torn and bright-patterned housings and goads too, with neck-chains of bright design and golden girths,

Note on the text: Corresponds to 6.92.68cd + 6.92.69ab (Wikisource divides the critical edition's three-line verses here into couplets, so nothing is lost). विपाटित- and अङ्कुशैस्तथा (CE vighāṭita-, rāṅkavais tathā) kept as variants.

Verse 71 (6.96.71)

यन्त्रैश्च बहुधा च्छिन्नैस्तोमरैश्चापि काञ्चनैः । रराज सुभृशं भूमिस्तत्रतत्र विशांपते । अश्वानां रेणुकपिलै रुक्मच्छन्नैरुरश्छदैः ॥

yantraiśca bahudhā cchinnaistomaraiścāpi kāñcanaiḥ | rarāja subhṛśaṃ bhūmistatratatra viśāṃpate | aśvānāṃ reṇukapilai rukmacchannairuraśchadaiḥ

with machines broken in many pieces and golden lances, the ground shone brightly here and there, lord of the people. With the gold-covered breastplates of horses, tawny with dust,

Note on the text: Removed a backtick and a quote mark that the page prints around line 2. Line 1 is the critical edition's 6.92.69cd (काञ्चनैः for sakampanaiḥ); line 2 is its star passage 6.92.69d*0373, not in the constituted text (तत्रतत्र for tatra); line 3 is 6.92.70ab.

Verse 72 (6.96.72)

सादिनां च भुजैश्छिन्नैः पतितैः साङ्गदैस्तथा । प्रासैश्च विमलैस्तीक्ष्णैर्विमलाभिस्तथर्ष्टिभिः ॥

sādināṃ ca bhujaiśchinnaiḥ patitaiḥ sāṅgadaistathā | prāsaiśca vimalaistīkṣṇairvimalābhistatharṣṭibhiḥ

with the severed arms of horsemen, fallen with their armlets, with bright, sharp darts and gleaming double-edged swords,

Note on the text: Corresponds to 6.92.70cd + 6.92.71ab (Wikisource divides the critical edition's three-line verses here into couplets, so nothing is lost).

Verse 73 (6.96.73)

उष्णीषैश्च तथा चित्रैर्विप्रविद्धैस्ततस्ततः । विचित्रैर्बाणवर्षैश्च जातरूपपरिष्कृतैः ॥

uṣṇīṣaiśca tathā citrairvipraviddhaistatastataḥ | vicitrairbāṇavarṣaiśca jātarūpapariṣkṛtaiḥ

with bright turbans flung here and there, with many-coloured showers of arrows adorned with gold,

Note on the text: Corresponds to 6.92.71cd + 6.92.72ab (Wikisource divides the critical edition's three-line verses here into couplets, so nothing is lost). चित्रैर्विप्रविद्धैस् and बाणवर्षैश्च (CE chinnaiḥ praviddhaiś, ardhacandraiś ca) kept as variants.

Verse 74 (6.96.74)

अश्वास्तरपरिस्तोमै राङ्कवैर्मृदितैस्तथा । नरेन्द्रचूडामणिभिर्विचित्रैश्च महाधनैः ॥

aśvāstaraparistomai rāṅkavairmṛditaistathā | narendracūḍāmaṇibhirvicitraiśca mahādhanaiḥ

with horse-cloths and coverlets of ranku-deer hide trampled underfoot, with the crest-jewels of kings, many-hued and very costly,

Note on the text: Corresponds to 6.92.72cd + 6.92.73ab (Wikisource divides the critical edition's three-line verses here into couplets, so nothing is lost).

Verse 75 (6.96.75)

छत्रैस्तथापविद्धैश्च चामरैर्व्यजनैरपि । पद्मेन्दुद्युतिभिश्चैव वदनैश्चारुकुण्डलैः ॥

chatraistathāpaviddhaiśca cāmarairvyajanairapi | padmendudyutibhiścaiva vadanaiścārukuṇḍalaiḥ

with umbrellas cast aside, with yak-tail whisks and fans, with faces bright as the lotus and the moon, with lovely earrings,

Note on the text: Corresponds to 6.92.73cd + 6.92.74ab (Wikisource divides the critical edition's three-line verses here into couplets, so nothing is lost).

Verse 76 (6.96.76)

क्लृप्तश्मश्रुभिरत्यर्थं वीराणां समलङ्कृतैः । अपविद्धैर्महाराज सुवर्णोज्ज्वलकुण्डलैः ॥

klṛptaśmaśrubhiratyarthaṃ vīrāṇāṃ samalaṅkṛtaiḥ | apaviddhairmahārāja suvarṇojjvalakuṇḍalaiḥ

with the faces of heroes, beards neatly trimmed and richly adorned, flung aside, great king, their earrings bright with gold,

Note on the text: Corresponds to 6.92.74cd + 6.92.75ab (Wikisource divides the critical edition's three-line verses here into couplets, so nothing is lost). Corrected सुवर्णाज्ज्वलकुण्डलैः → सुवर्णोज्ज्वलकुण्डलैः (misprint in Wikisource; सुवर्ण + उज्ज्वल joins as -ओज्ज्वल, critical edition suvarṇojjvala-).

Verse 77 (6.96.77)

ग्रहनक्षत्रशबला द्यौरिवासीद्वसुंधरा । एवमेते महासेने मृदिते तत्र भारत ॥

grahanakṣatraśabalā dyaurivāsīdvasuṃdharā | evamete mahāsene mṛdite tatra bhārata

the earth looked like the sky dappled with planets and stars. Thus these two great armies, O Bharata, were crushed there

Note on the text: Corresponds to 6.92.75cd + 6.92.76ab (Wikisource divides the critical edition's three-line verses here into couplets, so nothing is lost).

Verse 78 (6.96.78)

परस्परं समासाद्य तव तेषां च संयुगे । तेषु श्रान्तेषु भग्नेषु मृदितेषु च भारत ॥

parasparaṃ samāsādya tava teṣāṃ ca saṃyuge | teṣu śrānteṣu bhagneṣu mṛditeṣu ca bhārata

as they met each other in battle, yours and theirs. When they were weary, broken and crushed, O Bharata,

Note on the text: Corresponds to 6.92.76cd + 6.92.77ab (Wikisource divides the critical edition's three-line verses here into couplets, so nothing is lost).

Verse 79 (6.96.79)

रात्रिः समभवत्तत्र नापश्याम ततोऽनुगान् । ततोऽवहारं सैन्यानां प्रचुक्रुः कुरुपाण्डवाः ॥

rātriḥ samabhavattatra nāpaśyāma tato'nugān | tato'vahāraṃ sainyānāṃ pracukruḥ kurupāṇḍavāḥ

night came on there, and we could no longer see those who followed us. Then the Kurus and the Pandavas withdrew their troops

Note on the text: Corresponds to 6.92.77cd + 6.92.78ab (Wikisource divides the critical edition's three-line verses here into couplets, so nothing is lost). Corrected सैकन्यानां → सैन्यानां (misprint in Wikisource; a stray क, critical edition sainyānāṃ). तत्र and ततोऽनुगान् (CE ghorā, tato raṇam) kept as variants.

Verse 80 (6.96.80)

घोरे निशामुखे रौद्रे वर्तमाने महाभये । अवहारं ततः कृत्वा सहिताः कुरुपाण्डवाः । न्यविशन्त निशाकाले गत्वा स्वशिबिरं तदा ॥

ghore niśāmukhe raudre vartamāne mahābhaye | avahāraṃ tataḥ kṛtvā sahitāḥ kurupāṇḍavāḥ | nyaviśanta niśākāle gatvā svaśibiraṃ tadā

in that grim, fearful dusk, full of great dread. Having withdrawn together, the Kurus and the Pandavas went at nightfall to their own camps and rested there.

Note on the text: Corresponds to 6.92.78cd + 6.92.79 (Wikisource divides the critical edition's three-line verses here into couplets, so nothing is lost; this last verse keeps three lines). Corrected कुरुपाणड्वाः → कुरुपाण्डवाः (misprint in Wikisource; a broken conjunct, critical edition kurupāṇḍavāḥ). महाभये and निशाकाले (CE sudāruṇe, yathākālaṃ) kept as variants.