Dhritarashtra Recounts the Deeds of Krishna

Verse 1 (7.11.1)

शृणु दिव्यानि कर्माणि वासुदेवस्य सञ्जय । कृतवान्यानि गोविन्दो यथा नान्याःपुमान्क्वचित् ॥

śṛṇu divyāni karmāṇi vāsudevasya sañjaya | kṛtavānyāni govindo yathā nānyāḥpumānkvacit

Hear, Sanjaya, of the divine deeds of Vasudeva, which Govinda has done as no other man has ever done.

Verse 2 (7.11.2)

संवर्धता गोपकुले बालेनैव महात्मना । विख्यापितं बलं बाह्वोस्त्रिषु लोकेषु सञ्जय ॥

saṃvardhatā gopakule bālenaiva mahātmanā | vikhyāpitaṃ balaṃ bāhvostriṣu lokeṣu sañjaya

While growing up among the cowherds, that great-souled one, still a boy, made known the strength of his arms in the three worlds, Sanjaya.

Verse 3 (7.11.3)

पूतनां शकटं हत्वा केशिनं चैव वाजिनम् । ऋषभं धेनुकं चैव अरिष्टं च महाबलम् ॥

pūtanāṃ śakaṭaṃ hatvā keśinaṃ caiva vājinam | ṛṣabhaṃ dhenukaṃ caiva ariṣṭaṃ ca mahābalam

Putana and the cart he destroyed; Keshin the horse, the bull Rishabha, Dhenuka, and the mighty Arishta he slew;

Note on the text: Not in the critical edition's constituted text (found in the vulgate recension); the critical edition records the corresponding lines in its apparatus as the star passage 7.10.5d*0082_01-02 (पूतनां शकुनिं हत्वा for पूतनां शकटं हत्वा).

Verse 4 (7.11.4)

दावान्मुक्त्वा महाबाहुर्धृत्वा गोवर्धनं गिरिम् । चाणूरं मुष्टिकं चैव रङ्गमध्ये निहत्य च ॥

dāvānmuktvā mahābāhurdhṛtvā govardhanaṃ girim | cāṇūraṃ muṣṭikaṃ caiva raṅgamadhye nihatya ca

freeing the herdsmen from the forest fire, the mighty-armed one held up Mount Govardhana, and in the midst of the arena he struck down Chanura and Mushtika;

Note on the text: Corrected निगिम् → गिरिम् (misprint in Wikisource; the critical edition's star passage 7.10.5d*0082_03 reads govardhanaṃ girim). Not in the critical edition's constituted text (found in the vulgate recension); the critical edition records the corresponding lines in its apparatus as the star passage 7.10.5d*0082_03-04 (वृकं हत्वा for दावान्मुक्त्वा).

Verse 5 (7.11.5)

प्रलम्बं नरकं जम्भं पीठं चापि महासुरम् । मुरुं चान्तकसङ्काशमवधीत्पुष्करेक्षणः ॥

pralambaṃ narakaṃ jambhaṃ pīṭhaṃ cāpi mahāsuram | muruṃ cāntakasaṅkāśamavadhītpuṣkarekṣaṇaḥ

Pralamba, Naraka, Jambha, the great asura Pitha, and Muru, who was like Death himself, the lotus-eyed one slew.

Verse 6 (7.11.6)

तथा कंसो महातेजा जरासन्धेन पालितः । विक्रमेणैव कृष्णेन सगणः पातितो रणे ॥

tathā kaṃso mahātejā jarāsandhena pālitaḥ | vikrameṇaiva kṛṣṇena sagaṇaḥ pātito raṇe

So too Kamsa, of great splendour, who was protected by Jarasandha, was felled in battle with all his followers by Krishna, through sheer prowess.

Verse 7 (7.11.7)

सुनामा रणविक्रान्तः समग्राक्षौहिणीपतिः । भोजराजस्य मध्यस्थो भ्राता कंसस्य वीर्यवान् ॥

sunāmā raṇavikrāntaḥ samagrākṣauhiṇīpatiḥ | bhojarājasya madhyastho bhrātā kaṃsasya vīryavān

Sunama, valiant in battle, lord of a full akshauhini, the mighty brother of Kamsa, who had stood as go-between for the king of the Bhojas,

Verse 8 (7.11.8)

बलदेवद्वितीयेन कृष्णेनामित्रघातिना । तरस्वी समरे दग्धः ससैन्यः शूरसेनराट् ॥

baladevadvitīyena kṛṣṇenāmitraghātinā | tarasvī samare dagdhaḥ sasainyaḥ śūrasenarāṭ

that swift king of the Shurasenas, was burned in battle together with his army by Krishna, slayer of his foes, with Baladeva as his second.

Verse 9 (7.11.9)

दुर्वासा नाम विप्रर्षिस्तथा परमकोपनः । आराधितः सदारेण स चास्मै प्रददौ वरान् ॥

durvāsā nāma viprarṣistathā paramakopanaḥ | ārādhitaḥ sadāreṇa sa cāsmai pradadau varān

The brahmin sage named Durvasa, so prone to wrath, was served by him together with his wife, and he granted him boons.

Verse 10 (7.11.10)

तथा गान्धारराजस्य सुतां वीरः स्वयंवरे । निर्जित्य पृथिवीपालानावहत्पुष्करेक्षणः ॥

tathā gāndhārarājasya sutāṃ vīraḥ svayaṃvare | nirjitya pṛthivīpālānāvahatpuṣkarekṣaṇaḥ

And at a svayamvara the lotus-eyed hero conquered the rulers of the earth and carried off the daughter of the king of Gandhara.

Verse 11 (7.11.11)

अमृष्यमाणा राजानो यस्य जात्या हया इव । रथे वैवाहिके युक्ताः प्रतोदेन कृतव्रणाः ॥

amṛṣyamāṇā rājāno yasya jātyā hayā iva | rathe vaivāhike yuktāḥ pratodena kṛtavraṇāḥ

Unable to bear it, the kings were yoked like horses to the wedding chariot of him of whom this tale is told, and their bodies were scarred by the goad.

Verse 12 (7.11.12)

जरासन्धं महाबाहुमुपायेन जनार्दनः । परेण घातयामास समग्राक्षौहिणीपतिम् ॥

jarāsandhaṃ mahābāhumupāyena janārdanaḥ | pareṇa ghātayāmāsa samagrākṣauhiṇīpatim

Janardana, by a stratagem, had the mighty-armed Jarasandha, lord of a full akshauhini, killed by another.

Verse 13 (7.11.13)

चेदिराजं च विक्रान्तं राजसेनापतिं बली । अर्घे विवदमानं च जघान पशुवत्तदा ॥

cedirājaṃ ca vikrāntaṃ rājasenāpatiṃ balī | arghe vivadamānaṃ ca jaghāna paśuvattadā

And the valiant king of Chedi, the general of kings, who quarrelled over the offering of honour, the mighty one then slew like a beast.

Verse 14 (7.11.14)

सौभं दैत्यपुरं खस्थं शाल्वगुप्तं दुरासदम् । समुद्रकुक्षौ विक्रम्य पातयामास माधवः ॥

saubhaṃ daityapuraṃ khasthaṃ śālvaguptaṃ durāsadam | samudrakukṣau vikramya pātayāmāsa mādhavaḥ

Saubha, the city of the Daityas, hard to approach, moving in the sky and guarded by Shalva, Madhava dashed down into the depths of the ocean by his prowess.

Verse 15 (7.11.15)

अङ्गान्वङ्गान्कलिङ्गंश्च मागधान्काशिकोसलान् । वात्स्यगार्ग्यकरूषांश्च पौण्ड्रांश्चाप्यजयद्रणे ॥

aṅgānvaṅgānkaliṅgaṃśca māgadhānkāśikosalān | vātsyagārgyakarūṣāṃśca pauṇḍrāṃścāpyajayadraṇe

The Angas, Vangas, Kalingas, Magadhas, Kashis and Kosalas, the Vatsyas, Gargyas and Karushas, and the Paundras he conquered in battle;

Verse 16 (7.11.16)

आवन्त्यान्दाक्षिणात्यांश्च पार्वतीयान्दशेरकान् । काश्मीरकानौरसिकान्पिशाचांश्च समुद्गलान् ॥

āvantyāndākṣiṇātyāṃśca pārvatīyāndaśerakān | kāśmīrakānaurasikānpiśācāṃśca samudgalān

the Avantis, the southerners, the mountain-dwellers, the Dasherakas, the Kashmirakas, the Aurasikas, the Pishachas and the Samudgalas;

Verse 17 (7.11.17)

काम्भोजान्वाटधानांश्च चोलान्पाण्ड्यांश्च सञ्जय । त्रिगर्तान्मालवांश्चैव दरदांश्च सुदुर्जयान् ॥

kāmbhojānvāṭadhānāṃśca colānpāṇḍyāṃśca sañjaya | trigartānmālavāṃścaiva daradāṃśca sudurjayān

the Kambojas, Vatadhanas, Cholas and Pandyas, Sanjaya, the Trigartas, Malavas, and the Daradas, so hard to conquer;

Verse 18 (7.11.18)

नानादिग्भ्यश्च सम्प्राप्तान्खशांश्चैव शकांस्तथा । जितवान्पुण्डरीकाक्षो यवनं च सहानुगम् ॥

nānādigbhyaśca samprāptānkhaśāṃścaiva śakāṃstathā | jitavānpuṇḍarīkākṣo yavanaṃ ca sahānugam

and the Khashas and Shakas who had come from every quarter, and the Yavana with his followers, the lotus-eyed one conquered.

Verse 19 (7.11.19)

प्रविश्य मकरावासं यादोगणनिषेवितम् । जिगाय वरुणं सङ्ख्ये सलिलान्तर्गतं पुरा ॥

praviśya makarāvāsaṃ yādogaṇaniṣevitam | jigāya varuṇaṃ saṅkhye salilāntargataṃ purā

Entering the abode of sea-monsters, thronged with hosts of water-creatures, he of old defeated Varuna in battle, who had gone within the waters.

Verse 20 (7.11.20)

युधि पञ्चजनं हत्वा दैत्यं पातालवासिनम् । पाञ्चजन्यं हृषीकेशो दिव्यं शङ्खमवाप्तवान् ॥

yudhi pañcajanaṃ hatvā daityaṃ pātālavāsinam | pāñcajanyaṃ hṛṣīkeśo divyaṃ śaṅkhamavāptavān

Having slain in battle the Daitya Panchajana, who dwelt in Patala, Hrishikesha obtained the divine conch Panchajanya.

Verse 21 (7.11.21)

खाण्डवे पार्थसहितस्तोषयित्वा हुताशनम् । आग्नेयमस्त्रं दुर्धर्षं चक्रं लेभे महाबलः ॥

khāṇḍave pārthasahitastoṣayitvā hutāśanam | āgneyamastraṃ durdharṣaṃ cakraṃ lebhe mahābalaḥ

At Khandava, together with Partha, having gratified Agni, the eater of oblations, the mighty one received the irresistible discus, a weapon of fire.

Verse 22 (7.11.22)

वैनतेयं समारुह्य त्रासयित्वाऽमरावतीम् । महेन्द्रभवनाद्वीरः पारिजातमुपानयत् ॥

vainateyaṃ samāruhya trāsayitvā'marāvatīm | mahendrabhavanādvīraḥ pārijātamupānayat

Mounting Vainateya, and terrifying Amaravati, the hero brought the parijata tree from the palace of great Indra.

Verse 23 (7.11.23)

तच्च मर्षितवाञ्शक्रो जानंस्तस्य पराक्रमम् । राज्ञां चाप्यजितं कंचित्कृष्णेनेह न शुश्रुम ॥

tacca marṣitavāñśakro jānaṃstasya parākramam | rājñāṃ cāpyajitaṃ kaṃcitkṛṣṇeneha na śuśruma

And Shakra, knowing his prowess, bore even that; nor have we heard of any king in this world whom Krishna has not conquered.

Verse 24 (7.11.24)

यच्च तन्महदाश्चर्यं सभायां मम सञ्जय । कृतवान्पुण्डरीकाक्षः कस्तदन्य इहार्हति ॥

yacca tanmahadāścaryaṃ sabhāyāṃ mama sañjaya | kṛtavānpuṇḍarīkākṣaḥ kastadanya ihārhati

And that great marvel which the lotus-eyed one performed in my assembly, Sanjaya, who else here could do it?

Verse 25 (7.11.25)

यच्च भक्त्या प्रसन्नोऽहमद्राक्षं कृष्णमीश्वरम् । तन्मे सुविदितं सर्वं प्रत्यक्षमिव चागमम् ॥

yacca bhaktyā prasanno'hamadrākṣaṃ kṛṣṇamīśvaram | tanme suviditaṃ sarvaṃ pratyakṣamiva cāgamam

And since, gladdened by devotion, I beheld Krishna the Lord, I know all that well, and it has come to me as if seen before my eyes.

Verse 26 (7.11.26)

नान्तो विक्रमयुक्तस्य बुद्ध्या युक्तस्य वा पुनः । कर्मणां शक्यते गन्तुं हृषीकेशस्य सञ्जय ॥

nānto vikramayuktasya buddhyā yuktasya vā punaḥ | karmaṇāṃ śakyate gantuṃ hṛṣīkeśasya sañjaya

There is no end, Sanjaya, to the deeds of Hrishikesha; none, however endowed with prowess or with wisdom, can reach it.

Verse 27 (7.11.27)

तथा गदश्च साम्बश्च प्रद्युम्नोऽथ विदूरथः । अगावहोऽनिरुद्धश्च चारुदेष्णः ससारणः ॥

tathā gadaśca sāmbaśca pradyumno'tha vidūrathaḥ | agāvaho'niruddhaśca cārudeṣṇaḥ sasāraṇaḥ

And Gada and Samba, Pradyumna and Vidūratha, Agavaha and Aniruddha, Charudeshna with Sarana,

Verse 28 (7.11.28)

उल्मुको निशठश्चैव झिल्ली बभ्रुश्च वीर्यवान् । पृथुश्च विपृथुश्चैव शमीकोऽथारिमेजयः ॥

ulmuko niśaṭhaścaiva jhillī babhruśca vīryavān | pṛthuśca vipṛthuścaiva śamīko'thārimejayaḥ

Ulmuka, Nishatha, Jhilli, and the valiant Babhru, Prithu and Viprithu, Shamika and Arimejaya,

Note on the text: Corrected शमीङ्को → शमीको (misprint in Wikisource; the critical edition reads samīko).

Verse 29 (7.11.29)

एतेऽन्ये बलवन्तश्च वृष्णिवीराः प्रहारिणः । कथंचित्पाण्डवानीकं श्रयेयुः समरे स्थिताः ॥

ete'nye balavantaśca vṛṣṇivīrāḥ prahāriṇaḥ | kathaṃcitpāṇḍavānīkaṃ śrayeyuḥ samare sthitāḥ

these and other strong Vrishni heroes, fierce in the attack, if somehow they should take their stand in battle and join the Pandava host,

Note on the text: Corrected पाण्जवानीकं → पाण्डवानीकं (misprint in Wikisource; broken conjunct, the critical edition reads pāṇḍavānīkaṃ).

Verse 30 (7.11.30)

आहूता वृष्णिवीरेण केशवेन महात्मना । ततः संशयितं सर्वे भवेदिति मतिर्मम ॥

āhūtā vṛṣṇivīreṇa keśavena mahātmanā | tataḥ saṃśayitaṃ sarve bhavediti matirmama

and are summoned by the great-souled Keshava, the Vrishni hero, then everything would be thrown into doubt: such is my judgment.

Verse 31 (7.11.31)

नागायुतबलो वीरः कैलासशिखरोपमः । वनमाली हली रामस्तत्र यत्र जनार्दनः ॥

nāgāyutabalo vīraḥ kailāsaśikharopamaḥ | vanamālī halī rāmastatra yatra janārdanaḥ

The hero of the strength of ten thousand elephants, like the peak of Kailasa, Rama the plough-bearer, wearing his garland of forest flowers, is there wherever Janardana is.

Verse 32 (7.11.32)

यमाहुः सर्वपितरं वासुदेवं द्विजातयः । अपि वा ह्येष पाण्डूनां योत्स्यतेऽर्थाय सञ्जय ॥

yamāhuḥ sarvapitaraṃ vāsudevaṃ dvijātayaḥ | api vā hyeṣa pāṇḍūnāṃ yotsyate'rthāya sañjaya

He whom the twice-born call the father of all, Vasudeva, may also fight for the Pandavas' sake, Sanjaya.

Verse 33 (7.11.33)

स यदा तात सन्नह्येत्पाण्डवार्थाय सञ्जय । न तदा प्रतिसंयोद्धा भविता तत्र कश्चन ॥

sa yadā tāta sannahyetpāṇḍavārthāya sañjaya | na tadā pratisaṃyoddhā bhavitā tatra kaścana

When, dear Sanjaya, he girds himself for the Pandavas' sake, then there will be no one there who can stand against him in battle.

Verse 34 (7.11.34)

यदि स्म कुरवः सर्वे जयेयुर्नाम पाण्डवान् । वार्ष्णेयोऽर्थाय तेषां वै गृह्णीयाच्छस्त्रमुत्तमम् ॥

yadi sma kuravaḥ sarve jayeyurnāma pāṇḍavān | vārṣṇeyo'rthāya teṣāṃ vai gṛhṇīyācchastramuttamam

If all the Kurus should perhaps conquer the Pandavas, the Vrishni would take up his supreme weapon on behalf of the Pandavas.

Verse 35 (7.11.35)

ततः सर्वान्नरव्याघ्रो हत्वा नरपतीन्रणे । कौरवांश्च महाबाहुःकुन्त्यै दद्यात्स मेदिनीम् ॥

tataḥ sarvānnaravyāghro hatvā narapatīnraṇe | kauravāṃśca mahābāhuḥkuntyai dadyātsa medinīm

Then that tiger among men, the mighty-armed one, having slain in battle all the kings and the Kauravas too, would give the earth to Kunti.

Verse 36 (7.11.36)

यस्य यन्ता हृषीकेशो योद्धा यस्य धनञ्जयः । रथस्य तस्य कः सङ्ख्ये प्रत्यनीको भवेद्रथः ॥

yasya yantā hṛṣīkeśo yoddhā yasya dhanañjayaḥ | rathasya tasya kaḥ saṅkhye pratyanīko bhavedrathaḥ

What chariot in battle could be a match for the chariot whose charioteer is Hrishikesha and whose warrior is Dhananjaya?

Verse 37 (7.11.37)

न केनचिदुपायेन कुरूणां दृश्यते जयः । तस्मान्मे सर्वमाचक्ष्व यथा युद्धमवर्तत ॥

na kenacidupāyena kurūṇāṃ dṛśyate jayaḥ | tasmānme sarvamācakṣva yathā yuddhamavartata

By no means do I see victory for the Kurus. Therefore tell me everything, just as the battle went.

Verse 38 (7.11.38)

अर्जुनः केशवस्यात्मा कृष्णोऽप्यात्मा किरीटिनः । अर्जुने विजयो नित्यं कृष्णे कीर्तिश्च शाश्वती ॥

arjunaḥ keśavasyātmā kṛṣṇo'pyātmā kirīṭinaḥ | arjune vijayo nityaṃ kṛṣṇe kīrtiśca śāśvatī

Arjuna is the very self of Keshava, and Krishna is the self of the diademed one. Victory ever abides in Arjuna, and enduring glory in Krishna.

Verse 39 (7.11.39)

सर्वेष्वपि च लोकेषु बीभत्सुरपराजितः । प्राधान्येनैव भूयिष्ठममेयाः केशवे गुणाः ॥

sarveṣvapi ca lokeṣu bībhatsuraparājitaḥ | prādhānyenaiva bhūyiṣṭhamameyāḥ keśave guṇāḥ

In all the worlds Bibhatsu is unconquered; and in Keshava the virtues are immeasurable, pre-eminent above all.

Note on the text: Line 1 is the critical edition's star passage 7.10.38d*0086_01; line 2 is 7.10.39ab.

Verse 40 (7.11.40)

मोहाद्दुर्योधनः कृष्णं यो न वेत्तीह केशवम् । मोहितो दैवयोगेन मृत्युपाशपुरस्कृतः ॥

mohādduryodhanaḥ kṛṣṇaṃ yo na vettīha keśavam | mohito daivayogena mṛtyupāśapuraskṛtaḥ

Duryodhana, who in his delusion does not know Keshava as Krishna here, is bewildered by the workings of fate, with the noose of death set before him.

Note on the text: Line 1 is the critical edition's 7.10.39cd (variant यो न वेत्तीह केशवम् for यन्न वेत्तीह माधवम्); line 2 is 7.10.40ab.

Verse 41 (7.11.41)

न वेद कृष्णं दाशार्हमर्जुनं चैव पाण्डवम् । पूर्वदेवौ महात्मानौ नरनारायणावुभौ ॥

na veda kṛṣṇaṃ dāśārhamarjunaṃ caiva pāṇḍavam | pūrvadevau mahātmānau naranārāyaṇāvubhau

He does not know Krishna the Dasharha, nor Arjuna the Pandava, the two great-souled ancient gods, Nara and Narayana.

Note on the text: Line 1 is the critical edition's 7.10.40cd; line 2 is 7.10.41ab.

Verse 42 (7.11.42)

एकात्मानौ द्विधाभूतौ दृश्येते मानवैर्भुवि । मनसापि हि दुर्धर्षौ सेनामेतां यशस्विनौ ॥

ekātmānau dvidhābhūtau dṛśyete mānavairbhuvi | manasāpi hi durdharṣau senāmetāṃ yaśasvinau

Single in self yet made twofold, they are seen by men on earth; the two glorious ones, hard to overcome even in thought,

Note on the text: Line 1 is the critical edition's 7.10.41cd; line 2 is 7.10.42ab.

Verse 43 (7.11.43)

नाशयेतामिहेच्छन्तौ मानुषत्वाच्च नेच्छतः । युगस्येव विपर्यासो लोकानामिव मोहनम् ॥

nāśayetāmihecchantau mānuṣatvācca necchataḥ | yugasyeva viparyāso lokānāmiva mohanam

could destroy this host here if they wished, but being human they do not wish it. It is like the overturning of an age, like a bewildering of the worlds:

Note on the text: Line 1 is the critical edition's 7.10.42cd; line 2 is 7.10.43ab.

Verse 44 (7.11.44)

भीष्मस्य च वधस्तात द्रोणस्य च महात्मनः । न ह्येव ब्रह्मचर्येण न वेदाध्ययनेन च ॥

bhīṣmasya ca vadhastāta droṇasya ca mahātmanaḥ | na hyeva brahmacaryeṇa na vedādhyayanena ca

the slaying of Bhishma, dear Sanjaya, and of the great-souled Drona. Neither by celibacy nor by study of the Vedas,

Note on the text: Line 1 is the critical edition's 7.10.43cd; line 2 is 7.10.44ab.

Verse 45 (7.11.45)

न क्रियाभिर्न चास्त्रेण मृत्योः कश्चिन्निर्वायते । लोकसम्भावितौ वीरौ कृतास्त्रौ युद्धदुर्मदौ ॥

na kriyābhirna cāstreṇa mṛtyoḥ kaścinnirvāyate | lokasambhāvitau vīrau kṛtāstrau yuddhadurmadau

nor by rites, nor by weapons does anyone escape death. Those two heroes, honoured by the world, skilled in arms, formidable in battle,

Note on the text: Line 1 is the critical edition's 7.10.44cd (variant मृत्योः कश्चिन्निर्वायते for मृत्योः कश्चिद् विमुच्यते); line 2 is 7.10.45ab.

Verse 46 (7.11.46)

भीष्मद्रोणौ हतौ श्रुत्वा किन्नु जीवामि सञ्जय । यां तां श्रियमसूयामः पुरा दृष्ट्वा युधिष्ठिरे ॥

bhīṣmadroṇau hatau śrutvā kinnu jīvāmi sañjaya | yāṃ tāṃ śriyamasūyāmaḥ purā dṛṣṭvā yudhiṣṭhire

having heard that Bhishma and Drona are slain, why do I still live, Sanjaya? That prosperity of Yudhishthira, which we envied when we saw it long ago,

Note on the text: Line 1 is the critical edition's 7.10.45cd; line 2 is 7.10.46ab.

Verse 47 (7.11.47)

अद्य तामनुजानीमो भीष्मद्रोणवधेन ह । मत्कृते चाप्यनुप्राप्तः कुरूणामेष सङ्क्षयः ॥

adya tāmanujānīmo bhīṣmadroṇavadhena ha | matkṛte cāpyanuprāptaḥ kurūṇāmeṣa saṅkṣayaḥ

that we now concede to him, through the slaying of Bhishma and Drona. And on my account has this destruction of the Kurus come upon them.

Note on the text: Line 1 is the critical edition's 7.10.46cd; line 2 is 7.10.47ab.

Verse 48 (7.11.48)

पक्वानां हि वधे सूत वज्रायन्ते तृणान्युत । अनन्तमिदमैश्वर्यं लोके प्राप्तो युधिष्ठिरः ॥

pakvānāṃ hi vadhe sūta vajrāyante tṛṇānyuta | anantamidamaiśvaryaṃ loke prāpto yudhiṣṭhiraḥ

When the ripe are cut down, O charioteer, even blades of grass become thunderbolts. Yudhishthira has gained boundless sovereignty in the world,

Note on the text: Line 1 is the critical edition's 7.10.47cd; line 2 is 7.10.48ab (अनन्तम् for ananyam).

Verse 49 (7.11.49)

यस्य कोपान्महात्मानौ भीष्मद्रोणौ निपातितौ । प्राप्तः प्रकृतितो धर्मो न धर्मो मामकान्प्रति ॥

yasya kopānmahātmānau bhīṣmadroṇau nipātitau | prāptaḥ prakṛtito dharmo na dharmo māmakānprati

by whose wrath the two great-souled ones, Bhishma and Drona, were felled. Dharma has come to him by his very nature, but for my side there is no dharma.

Note on the text: Line 1 is the critical edition's 7.10.48cd (variant महात्मानौ for maheṣvāsau); line 2 is 7.10.49ab (variant न धर्मो मामकान् प्रति for nādharmo mānavān prati).

Verse 50 (7.11.50)

क्रूरः सर्वविनाशाय कालोऽसौ नातिवर्तते । अन्यथा चिन्तिता ह्यर्था नरैस्तात मनस्विभिः । अन्यथैव प्रपद्यन्ते दैवादिति मतिर्मम ॥

krūraḥ sarvavināśāya kālo'sau nātivartate | anyathā cintitā hyarthā naraistāta manasvibhiḥ | anyathaiva prapadyante daivāditi matirmama

That cruel Time, bringing ruin on all, does not turn aside. Things thought out one way by wise men, dear friend, turn out otherwise through fate: such is my judgment.

Note on the text: Three lines on the page (5-11-50a-c): line 1 is the critical edition's 7.10.49cd; lines 2-3 are 7.10.50.

Verse 51 (7.11.51)

तस्मादपरिहार्येऽर्थे सम्प्राप्ते कृच्छ्र उत्तमे । अपारणीये दुश्चिन्त्ये यथाभूतं प्रचक्ष्व मे ॥

tasmādaparihārye'rthe samprāpte kṛcchra uttame | apāraṇīye duścintye yathābhūtaṃ pracakṣva me

Therefore, since the unavoidable has come, a terrible and supreme calamity, unbearable and hard to think upon, tell me truly how it happened.