Yudhishthira Sends Satyaki to Arjuna

Verse 1 (7.110.1)

भारद्वाजं कथं युद्धे युयुधानो न्यवारयत् । सञ्जयाचक्ष्व तत्त्वेन परं कौतूहलं हि मे ॥

bhāradvājaṃ kathaṃ yuddhe yuyudhāno nyavārayat | sañjayācakṣva tattvena paraṃ kautūhalaṃ hi me

How did Yuyudhana hold off Drona, the son of Bharadvaja, in battle? Tell it to me truly, Sanjaya, for my curiosity is very great.

Verse 2 (7.110.2)

शृणु राजन्महाप्राज्ञ सङ्ग्रामं रोमहर्षणम् । द्रोणस्य पाण्डवैः सार्धं युयुधानपुरोगमैः ॥

śṛṇu rājanmahāprājña saṅgrāmaṃ romaharṣaṇam | droṇasya pāṇḍavaiḥ sārdhaṃ yuyudhānapurogamaiḥ

Listen, O king of great wisdom, to the hair-raising battle of Drona with the Pandavas, who had Yuyudhana at their head.

Verse 3 (7.110.3)

वध्यमानं बलं दृष्ट्वा युयुधानेन मारिष । अभ्यद्रवत्स्वयं द्रोणः सात्यकिं सत्यविक्रमम् ॥

vadhyamānaṃ balaṃ dṛṣṭvā yuyudhānena māriṣa | abhyadravatsvayaṃ droṇaḥ sātyakiṃ satyavikramam

Seeing his host being cut down by Yuyudhana, O lord, Drona himself rushed upon Satyaki, whose valour never fails.

Verse 4 (7.110.4)

तमापतन्तं सहसा भारद्वाजं महारथम् । सात्यकिः पञ्चविंशत्या क्षुद्रकाणां समार्पयत् ॥

tamāpatantaṃ sahasā bhāradvājaṃ mahāratham | sātyakiḥ pañcaviṃśatyā kṣudrakāṇāṃ samārpayat

As that great chariot-warrior, the son of Bharadvaja, came suddenly charging at him, Satyaki let fly at him twenty-five of the small arrows called kshudrakas.

Verse 5 (7.110.5)

द्रोणोऽपि युधि विक्रान्तो युयुधानं समाहितः । अविध्यत्पञ्चभिस्तूर्णं हेमपुङ्खैः शरैः शितैः ॥

droṇo'pi yudhi vikrānto yuyudhānaṃ samāhitaḥ | avidhyatpañcabhistūrṇaṃ hemapuṅkhaiḥ śaraiḥ śitaiḥ

Drona too, valiant in battle and composed, quickly struck Yuyudhana with five sharp, gold-feathered arrows.

Verse 6 (7.110.6)

ते वर्म भित्त्वा सुदृढं द्विषत्पिशितभोजनाः । अभ्ययुर्धरणीं राजन्वल्मीकमिव पन्नगाः ॥

te varma bhittvā sudṛḍhaṃ dviṣatpiśitabhojanāḥ | abhyayurdharaṇīṃ rājanvalmīkamiva pannagāḥ

Those flesh-eating arrows pierced his stout armour and sank into the earth, O king, like serpents entering an anthill.

Verse 7 (7.110.7)

दीर्घबाहुरभिक्रुद्धस्तोत्रार्दित इव द्विपः । द्रोणं पञ्चाशताऽविध्यन्नाराचैरग्निसन्निभैः ॥

dīrghabāhurabhikruddhastotrārdita iva dvipaḥ | droṇaṃ pañcāśatā'vidhyannārācairagnisannibhaiḥ

Long-armed Satyaki, furious, like an elephant pricked by the goad, pierced Drona with fifty iron arrows blazing like fire.

Verse 8 (7.110.8)

भारद्वाजो रणे विद्धो युयुधानेन सत्वरम् । सात्यकिं बहुभिर्बाणैर्यतमानमविध्यत ॥

bhāradvājo raṇe viddho yuyudhānena satvaram | sātyakiṃ bahubhirbāṇairyatamānamavidhyata

Pierced swiftly in battle by Yuyudhana, the son of Bharadvaja pierced Satyaki, who was straining hard, with many arrows.

Verse 9 (7.110.9)

ततः क्रुद्धो महेष्वासो भूय एव महाबलः । सात्वतं पीडयामास व्रातेन नतपर्वणाम् ॥

tataḥ kruddho maheṣvāso bhūya eva mahābalaḥ | sātvataṃ pīḍayāmāsa vrātena nataparvaṇām

Then the mighty archer, enraged again and of great strength, tormented the Sattvata with a volley of bent-jointed arrows.

Verse 10 (7.110.10)

स वध्यमानः समरे भारद्वाजेन सात्यकिः । नान्वपद्यत कर्तव्यं किञ्चिदेव विशाम्पते ॥

sa vadhyamānaḥ samare bhāradvājena sātyakiḥ | nānvapadyata kartavyaṃ kiñcideva viśāmpate

Struck down in the fight by Bharadvaja's son, Satyaki, O lord of the people, could find nothing at all that he ought to do.

Verse 11 (7.110.11)

विषण्णवदनश्चापि युयुधानोऽभवन्नृप । भारद्वाजं रणे दृष्ट्वा विसृजन्तं शिताञ्शरान् ॥

viṣaṇṇavadanaścāpi yuyudhāno'bhavannṛpa | bhāradvājaṃ raṇe dṛṣṭvā visṛjantaṃ śitāñśarān

And Yuyudhana's face grew downcast, O king, as he saw the son of Bharadvaja loosing his sharp arrows in the battle.

Verse 12 (7.110.12)

तं तु सम्प्रेक्ष्य ते पुत्राः सैनिकाश्च विशाम्पते । प्रहृष्टमनसो भूत्वा सिंहवद्व्यनदन्मुहुः ॥

taṃ tu samprekṣya te putrāḥ sainikāśca viśāmpate | prahṛṣṭamanaso bhūtvā siṃhavadvyanadanmuhuḥ

Seeing him so, your sons and their soldiers, O lord of the people, became glad at heart and roared again and again like lions.

Verse 13 (7.110.13)

तं श्रुत्वा निनदं घोरं पीड्यमानं च माधवम् । युधिष्ठिरोऽब्रवीद्राजा सर्वसैन्यानि भारत ॥

taṃ śrutvā ninadaṃ ghoraṃ pīḍyamānaṃ ca mādhavam | yudhiṣṭhiro'bravīdrājā sarvasainyāni bhārata

Hearing that dreadful roar, and knowing that Madhava was hard pressed, King Yudhishthira said to all the troops, O Bharata:

Verse 14 (7.110.14)

एष वृष्णिवरो वीरः सात्यकिः सत्यविक्रमः । ग्रस्यते युधि वीरेण भानुमानिव राहुणा । अभिद्रवत गच्छध्वं सात्यकिर्यत्र युध्यते ॥

eṣa vṛṣṇivaro vīraḥ sātyakiḥ satyavikramaḥ | grasyate yudhi vīreṇa bhānumāniva rāhuṇā | abhidravata gacchadhvaṃ sātyakiryatra yudhyate

“There is the foremost of the Vrishnis, the hero Satyaki of true valour, being swallowed up in battle by a hero, as the sun is by Rahu. Rush forward! Go to where Satyaki is fighting!”

Note on the text: Speaker set to Yudhishthira: the whole verse is his speech (introduced by verse 13), though no heading is printed. Line 1 differs from CE 7.85.14a (satyakarmakṛt), a recension variant, kept.

Verse 15 (7.110.15)

अभिद्रवत गच्छध्वं सात्यकिर्यत्र युध्यते । धृष्टद्युम्नं च पाञ्चाल्यमिदमाह जनाधिपः । द्रोणं वारय सुक्षिप्रं सात्यकिं मावधीद्द्विजः ॥

abhidravata gacchadhvaṃ sātyakiryatra yudhyate | dhṛṣṭadyumnaṃ ca pāñcālyamidamāha janādhipaḥ | droṇaṃ vāraya sukṣipraṃ sātyakiṃ māvadhīddvijaḥ

“Rush forward! Go to where Satyaki is fighting!” And the lord of men said this to Dhrishtadyumna, the Panchala prince: “Hold Drona back, and quickly, lest the brahmin kill Satyaki.”

Note on the text: Corrected गच्छद्वं → गच्छध्वं and सुक्षित्रं → सुक्षिप्रं (misprints in Wikisource; CE 7.85.14e has gacchadhvaṃ and star passage 7.85.15b*0575_01 has sukṣipraṃ). Removed the stray wiki backtick and apostrophe around line 3. Line 1 repeats the last line of the previous verse, as printed on the page. Line 2 = CE 7.85.15a; line 3 is not in the critical edition's main text and appears there as star passage 7.85.15b*0575_01 (reading satyakaṃ for सात्यकिं, a variant, kept). Speaker is Sanjaya: line 2 is narration, and Yudhishthira's words (lines 1 and 3) are quoted within it.

Verse 16 (7.110.16)

अभिद्रव द्रुतं द्रोणं किमु तिष्ठसि पार्षत । न पश्यसि भयं द्रोणाद्घोरं नः समुपस्थितम् ॥

abhidrava drutaṃ droṇaṃ kimu tiṣṭhasi pārṣata | na paśyasi bhayaṃ droṇādghoraṃ naḥ samupasthitam

“Charge at Drona at once, O scion of Prishata! Why do you stand there? Do you not see the terrible danger from Drona that has come upon us?

Note on the text: Corrected पार्पत → पार्षत and द्रोणाद्धोरं → द्रोणाद्घोरं (misprints in Wikisource; पार्पत and the ध for घ are not valid forms, and CE 7.85.15c has pārṣata). Lines 1–2 = CE 7.85.15c and 7.85.15e (the CE verse 15 is a three-line verse whose first line is in the previous Wikisource verse); the last pāda differs from CE (droṇān naḥ samupasthitam), a recension variant, kept. Speaker set to Yudhishthira: direct speech to Dhrishtadyumna, no heading printed.

Verse 17 (7.110.17)

असौ द्रोणो महेष्वासो युयुधानेन संयुगे । क्रीडते सूत्रबद्धेन पक्षिणा बालको यथा ॥

asau droṇo maheṣvāso yuyudhānena saṃyuge | krīḍate sūtrabaddhena pakṣiṇā bālako yathā

There is Drona, the great archer, playing with Yuyudhana in the battle as a boy plays with a bird tied to a string.

Note on the text: Speaker set to Yudhishthira: continuation of his speech to Dhrishtadyumna, no heading printed.

Verse 18 (7.110.18)

तत्रैव सर्वे गच्छन्तु भीमसेनपुरोगमाः । त्वयैव सहिताः सर्वे युयुधानरथं प्रति ॥

tatraiva sarve gacchantu bhīmasenapurogamāḥ | tvayaiva sahitāḥ sarve yuyudhānarathaṃ prati

Let them all go there, with Bhimasena at their head, to Yuyudhana's chariot, together with you.

Note on the text: Speaker set to Yudhishthira: continuation of his speech, no heading printed.

Verse 19 (7.110.19)

पृष्ठतोऽनुगमिष्यामि त्वामहं सहसैनिकः । सात्यकिं मोक्षयस्वाद्य यमदंष्ट्रान्तरं गतम् ॥

pṛṣṭhato'nugamiṣyāmi tvāmahaṃ sahasainikaḥ | sātyakiṃ mokṣayasvādya yamadaṃṣṭrāntaraṃ gatam

I shall follow behind you with my troops. Rescue Satyaki today, who has gone between the fangs of Yama.”

Note on the text: The stray speaker heading "सञ्जय उवाच ॥" at the end of the input row (printed on the page at the head of the next verse) is dropped, and the verse now ends with ॥. Speaker set to Yudhishthira: the verse is his speech, no heading printed.

Verse 20 (7.110.20)

एवमुक्त्वा ततो राजा सर्वसैन्येन भारत । अभ्यद्रवद्रणे द्रोणं युयुधानस्य कारणात् ॥

evamuktvā tato rājā sarvasainyena bhārata | abhyadravadraṇe droṇaṃ yuyudhānasya kāraṇāt

Having spoken so, the king, O Bharata, charged at Drona in the battle with his whole army, for Yuyudhana's sake.

Verse 21 (7.110.21)

तत्रारावो महानासीद्द्रोणमेकं युयुत्सताम् । पाण्डवानां च भद्रं ते सृञ्जयानां च सर्वशः ॥

tatrārāvo mahānāsīddroṇamekaṃ yuyutsatām | pāṇḍavānāṃ ca bhadraṃ te sṛñjayānāṃ ca sarvaśaḥ

Then a great clamour arose, from the Pandavas and the Srinjayas on every side, all eager to fight Drona alone — good fortune be yours.

Verse 22 (7.110.22)

ते समेत्य नरव्याघ्रा भारद्वाजं महारथम् । अभ्यवर्षञ्शरैस्तीक्ष्णैः कङ्कबर्हिणवाजितैः ॥

te sametya naravyāghrā bhāradvājaṃ mahāratham | abhyavarṣañśaraistīkṣṇaiḥ kaṅkabarhiṇavājitaiḥ

Coming together, those tigers among men showered the great chariot-warrior, Bharadvaja's son, with sharp arrows feathered with heron and peacock plumes.

Verse 23 (7.110.23)

स्मयन्नेव तु तान्वीरान्द्रोणः प्रत्यग्रहीत्स्वयम् । अतिथीनागतान्यद्वत्सलिलेनासनेन च ॥

smayanneva tu tānvīrāndroṇaḥ pratyagrahītsvayam | atithīnāgatānyadvatsalilenāsanena ca

Drona himself received those heroes with a smile, as one receives guests who have arrived, with water and a seat.

Verse 24 (7.110.24)

तर्पितास्ते शरैस्तस्य भारद्वाजस्य धन्विनः । आतिथेयं गृहं प्राप्य तर्प्यन्तेऽतिथयो यथा ॥

tarpitāste śaraistasya bhāradvājasya dhanvinaḥ | ātitheyaṃ gṛhaṃ prāpya tarpyante'tithayo yathā

Those warriors were gratified by the arrows of Bharadvaja's son, the archer, as guests are gratified on reaching a hospitable house.

Verse 25 (7.110.25)

भारद्वाजं च ते सर्वे न शेकुः प्रतिवीक्षितुम् । मध्यन्दिनमनुप्राप्तं सहस्रांशुमिव प्रभो ॥

bhāradvājaṃ ca te sarve na śekuḥ prativīkṣitum | madhyandinamanuprāptaṃ sahasrāṃśumiva prabho

And none of them could look at Bharadvaja's son, O lord, as he stood like the thousand-rayed sun at midday.

Verse 26 (7.110.26)

तांस्तु सर्वान्महेष्वासान्द्रोणः शस्त्रभृतां वरः । अतापयच्छरव्रातैर्गभस्तिभिरिवांशुमान् ॥

tāṃstu sarvānmaheṣvāsāndroṇaḥ śastrabhṛtāṃ varaḥ | atāpayaccharavrātairgabhastibhirivāṃśumān

Drona, best of those who bear arms, scorched all those great archers with his showers of arrows, as the radiant sun does with its rays.

Verse 27 (7.110.27)

वध्यमाना महाराज पाण्डवाः सृञ्जयास्तथा । त्रातारं नाध्यगच्छन्त पङ्कमग्ना इव द्विपाः ॥

vadhyamānā mahārāja pāṇḍavāḥ sṛñjayāstathā | trātāraṃ nādhyagacchanta paṅkamagnā iva dvipāḥ

Struck down, O great king, the Pandavas and the Srinjayas found no one to save them, like elephants sunk in mud.

Verse 28 (7.110.28)

द्रोणस्य च व्यदृश्यन्त विसर्पन्तो महाशराः । गभस्तय इवार्कस्य प्रतपन्तः समन्ततः ॥

droṇasya ca vyadṛśyanta visarpanto mahāśarāḥ | gabhastaya ivārkasya pratapantaḥ samantataḥ

And Drona's mighty arrows were seen darting out and blazing on every side, like the rays of the sun.

Verse 29 (7.110.29)

तस्मिन्द्रोणेन निहताः पाञ्चालाः पञ्चविंशतिः । महारथाः समाख्याता धृष्टद्युम्नस्य सम्मताः ॥

tasmindroṇena nihatāḥ pāñcālāḥ pañcaviṃśatiḥ | mahārathāḥ samākhyātā dhṛṣṭadyumnasya sammatāḥ

In that fight Drona killed twenty-five Panchalas, declared great chariot-warriors and esteemed by Dhrishtadyumna.

Verse 30 (7.110.30)

पाण्डूनां सर्वसैन्येषु पाञ्चालानां तथैव च । द्रोणं स्म ददृशुः शूरं विनिघ्नन्तं वरान्वरान् ॥

pāṇḍūnāṃ sarvasainyeṣu pāñcālānāṃ tathaiva ca | droṇaṃ sma dadṛśuḥ śūraṃ vinighnantaṃ varānvarān

In all the armies of the Pandavas and likewise of the Panchalas, men saw the hero Drona striking down the best of them, one after another.

Verse 31 (7.110.31)

केकयानां शतं हत्वा विद्राव्य च समन्ततः । द्रोणस्तस्थौ महाराज व्यादितास्य इवान्तकः ॥

kekayānāṃ śataṃ hatvā vidrāvya ca samantataḥ | droṇastasthau mahārāja vyāditāsya ivāntakaḥ

Having killed a hundred Kekayas and scattered the rest in every direction, Drona stood, O great king, like Death with his mouth agape.

Verse 32 (7.110.32)

पाञ्चालान्सृञ्जयान्मत्स्यान्केकयांश्च नराधिप । द्रोणोऽजयन्महाबाहुः शतशोऽथ सहस्रशः ॥

pāñcālānsṛñjayānmatsyānkekayāṃśca narādhipa | droṇo'jayanmahābāhuḥ śataśo'tha sahasraśaḥ

Panchalas, Srinjayas, Matsyas and Kekayas, O lord of men — the mighty-armed Drona overcame them by hundreds and by thousands.

Verse 33 (7.110.33)

तेषां समभवच्छब्दो विद्धानां द्रोणसायकैः । वनौकसामिवारण्ये व्याप्तानां धूमकेतुना ॥

teṣāṃ samabhavacchabdo viddhānāṃ droṇasāyakaiḥ | vanaukasāmivāraṇye vyāptānāṃ dhūmaketunā

A cry rose from them as they were pierced by Drona's arrows, like the cry of forest-dwellers in the wilderness when fire engulfs them.

Note on the text: Corrected धृमकेतुना → धूमकेतुना (misprint in Wikisource; धृमकेतु is not a word, and CE 7.85.32c has dhūmaketunā).

Verse 34 (7.110.34)

तत्र देवाः सगन्धर्वाः पितरश्चाब्रुवन्नृप । एते द्रवन्ति पाञ्चालाः पाण्डवाश्च ससैनिकाः ॥

tatra devāḥ sagandharvāḥ pitaraścābruvannṛpa | ete dravanti pāñcālāḥ pāṇḍavāśca sasainikāḥ

Then gods, gandharvas and ancestors said, O king: “The Panchalas and the Pandavas with their troops are fleeing.”

Verse 35 (7.110.35)

तं तथा समरे द्रोणं निघ्नन्तं सौमकान्रणे । न चाप्यभिययुः केचिदपरे नैव विव्यधुः ॥

taṃ tathā samare droṇaṃ nighnantaṃ saumakānraṇe | na cāpyabhiyayuḥ kecidapare naiva vivyadhuḥ

As Drona thus cut down the Somakas in battle, some did not even come against him, and others did not strike at him.

Verse 36 (7.110.36)

वर्तमाने तथा रौद्रे तस्मिन्वीरवरक्षये । अशृणोत्सहसा पार्थः पाञ्चजन्यस्य निःस्वनम् ॥

vartamāne tathā raudre tasminvīravarakṣaye | aśṛṇotsahasā pārthaḥ pāñcajanyasya niḥsvanam

While that dreadful slaughter of the finest heroes was going on, Partha (Yudhishthira) suddenly heard the sound of the Panchajanya.

Verse 37 (7.110.37)

पूरिते वासुदेवेन शङ्खराजे महात्मना । युध्यमानेषु वीरेषु सैन्धवस्याभिरक्षिषु ॥

pūrite vāsudevena śaṅkharāje mahātmanā | yudhyamāneṣu vīreṣu saindhavasyābhirakṣiṣu

Vasudeva, the great-souled, had filled that king of conches with his breath, while the warriors who guarded the Saindhava were fighting,

Note on the text: Not matched by the alignment. Lines 1–2 = CE 7.85.36a and 7.85.36c (CE verse 36 is a three-line verse; its line 3 is the first line of the next Wikisource verse).

Verse 38 (7.110.38)

नदत्सु धार्तराष्ट्रेषु विजयस्य रथं प्रति । गाण्डीवस्य च निर्घोषे विप्रनष्टे समन्ततः ॥

nadatsu dhārtarāṣṭreṣu vijayasya rathaṃ prati | gāṇḍīvasya ca nirghoṣe vipranaṣṭe samantataḥ

and the Dhritarashtra men were roaring toward Vijaya's chariot, and the twang of the Gandiva had died away on every side.

Note on the text: Not matched by the alignment. Line 1 = CE 7.85.36e; line 2 = CE 7.85.37a.

Verse 39 (7.110.39)

कश्मलाभिहतो राजा चिन्तयामास पाण्डवः । न नूनं स्वस्ति पार्थाय यथा नदति शङ्खराट् ॥

kaśmalābhihato rājā cintayāmāsa pāṇḍavaḥ | na nūnaṃ svasti pārthāya yathā nadati śaṅkharāṭ

Stricken with faintness, the Pandava king thought: “Surely all is not well with Partha, from the way the king of conches sounds,

Note on the text: Not matched by the alignment. Line 1 = CE 7.85.37c; line 2 = CE 7.85.38a. Yudhishthira's unspoken thought, so the narrator (Sanjaya) remains the speaker.

Verse 40 (7.110.40)

कौरवाश्च यथा हृष्टा विनदन्ति मुहुर्मुहुः । व्यक्तमद्य विनश्यन्ति सर्वलोकमहारथाः ॥

kauravāśca yathā hṛṣṭā vinadanti muhurmuhuḥ | vyaktamadya vinaśyanti sarvalokamahārathāḥ

and the Kauravas, glad at heart, roar again and again. Plainly, today the great chariot-warriors of all the world are perishing.”

Note on the text: Removed the stray wiki backtick and apostrophe around line 2. Line 1 = CE 7.85.38c. Line 2 is not in the critical edition's main text; it appears there as star passage 7.85.38d*0577_01 (reading vinaśyante; preceded in the CE by the heading saṃjaya uvāca). Unspoken thought, so Sanjaya remains the speaker.

Verse 41 (7.110.41)

एवं सञ्चिन्तयित्वा तु व्याकुलेनान्तरात्मना । अजातशत्रुः कौन्तेयः सात्वतं प्रत्यभाषत ॥

evaṃ sañcintayitvā tu vyākulenāntarātmanā | ajātaśatruḥ kaunteyaḥ sātvataṃ pratyabhāṣata

Having thus reflected, with a troubled heart, Ajatashatru, the son of Kunti, spoke to the Satvata,

Note on the text: Corrected अजताशत्रुः → अजातशत्रुः (misprint in Wikisource; the long ā is dropped, and CE 7.85.39c has ajātaśatruḥ).

Verse 42 (7.110.42)

बाष्पगद्गदया वाचा मुह्यमानो मुहुर्मुहुः । कृत्यस्यानन्तरापेक्षी शैनेयं शिनिपुङ्गवम् ॥

bāṣpagadgadayā vācā muhyamāno muhurmuhuḥ | kṛtyasyānantarāpekṣī śaineyaṃ śinipuṅgavam

in a voice choked with tears, bewildered again and again, intent on what must be done next, to Shaineya, bull of the Shinis.

Verse 43 (7.110.43)

यः स धर्मः पुरा दृष्टः सद्भिः शैनेय शाश्वतः । साम्पराये सुहृत्कृत्ये तस्य कालोऽयमागतः ॥

yaḥ sa dharmaḥ purā dṛṣṭaḥ sadbhiḥ śaineya śāśvataḥ | sāmparāye suhṛtkṛtye tasya kālo'yamāgataḥ

That eternal duty which the good have long recognised, O Shaineya — the time has now come for it, in the crisis of battle, in service to a friend.

Verse 44 (7.110.44)

सर्वेष्वपि च योधेषु चिन्तयञ्शिनिपुङ्गव । त्वत्तः सुहृत्तमं कञ्चिन्नाभिजानामि सात्यके ॥

sarveṣvapi ca yodheṣu cintayañśinipuṅgava | tvattaḥ suhṛttamaṃ kañcinnābhijānāmi sātyake

Considering all the warriors, O bull of the Shinis, I know of none who is a better friend to me than you, Satyaki.

Verse 45 (7.110.45)

यो हि प्रीतमना नित्यं यश्च नित्यमनुव्रतः । स कार्ये साम्पराये तु नियोज्य इति मे मतिः ॥

yo hi prītamanā nityaṃ yaśca nityamanuvrataḥ | sa kārye sāmparāye tu niyojya iti me matiḥ

One who is always affectionate and always devoted is the one, I think, to be set to a task in the crisis of war.

Verse 46 (7.110.46)

यथा च केशवो नित्यं पाण्डवानां परायणम् । तथा त्वमपि वार्ष्णेय कृष्णतुल्यपराक्रमः ॥

yathā ca keśavo nityaṃ pāṇḍavānāṃ parāyaṇam | tathā tvamapi vārṣṇeya kṛṣṇatulyaparākramaḥ

As Keshava is ever the refuge of the Pandavas, so are you also, O Vrishni, equal to Krishna in valour.

Note on the text: Corrected पाण्डवानानं → पाण्डवानां (misprint in Wikisource; a doubled syllable, and CE 7.85.44a has pāṇḍavānāṃ).

Verse 47 (7.110.47)

सोऽहं भारं समाधास्ये त्वयि तं वोढुमर्हसि । अभिप्रायं च मे नित्यं न वृथा कर्तुमर्हसि ॥

so'haṃ bhāraṃ samādhāsye tvayi taṃ voḍhumarhasi | abhiprāyaṃ ca me nityaṃ na vṛthā kartumarhasi

That burden I shall lay on you, and you ought to bear it. You ought never to make my purpose vain.

Verse 48 (7.110.48)

स त्वं भ्रातुर्वयस्यस्य गुरोरपि च संयुगे । कुरु कृच्छ्रे सहायार्थमर्जुनस्य नरर्षभ ॥

sa tvaṃ bhrāturvayasyasya gurorapi ca saṃyuge | kuru kṛcchre sahāyārthamarjunasya nararṣabha

So you, O best of men, should give help to Arjuna in this hardship, in battle — he who is your brother, your comrade and also your teacher.

Verse 49 (7.110.49)

त्वं हि सत्यव्रतः शूरो मित्राणामभयङ्करः । लोके विख्यायसे वीर कर्मभिः सत्यवागिति ॥

tvaṃ hi satyavrataḥ śūro mitrāṇāmabhayaṅkaraḥ | loke vikhyāyase vīra karmabhiḥ satyavāgiti

For you are firm in your vows, a hero, a giver of fearlessness to your friends; in the world, O hero, you are known for your deeds as a man of true word.

Verse 50 (7.110.50)

यो हि शैनेय मित्रार्थे युध्यमानस्त्यजेत्तनुम् । पृथिवीं च द्विजातिभ्यो यो दद्यात्स समो भवेत् ॥

yo hi śaineya mitrārthe yudhyamānastyajettanum | pṛthivīṃ ca dvijātibhyo yo dadyātsa samo bhavet

O Shaineya, he who gives up his body while fighting for a friend's sake, and he who gives the earth to the twice-born, are equal.

Verse 51 (7.110.51)

श्रुताश्च बहवोऽस्माभी राजानो ये दिवं गताः । दत्त्वेमां पृथिवीं कृत्स्नां ब्राह्मणेभ्यो यथाविधि ॥

śrutāśca bahavo'smābhī rājāno ye divaṃ gatāḥ | dattvemāṃ pṛthivīṃ kṛtsnāṃ brāhmaṇebhyo yathāvidhi

We have heard of many kings who have gone to heaven after duly giving this whole earth to brahmins.

Verse 52 (7.110.52)

दीयमाना च बहुभिर्दास्यते च मुहुर्मही । न हि कश्चिद्रणे प्राणान्मित्रार्थे त्यक्तवानिह ॥

dīyamānā ca bahubhirdāsyate ca muhurmahī | na hi kaścidraṇe prāṇānmitrārthe tyaktavāniha

The earth is given by many, and will be given again and again; but no one here, surely, has ever given up his life in battle for a friend's sake.

Note on the text: Removed the stray wiki backtick and apostrophe. Not in the critical edition's main text; its two lines appear there as star passage 7.85.49d*0578_01–02 (after 7.85.49; the wording differs: CE dīyamānā hi … nanu kaś cid …), so ce_ref is null.

Verse 53 (7.110.53)

एवं त्वामपि धर्मात्मन्प्रयाचेऽहं कृताञ्जलिः । पृथिवीदानतुल्यं स्यादधिकं वा फलं विभो ॥

evaṃ tvāmapi dharmātmanprayāce'haṃ kṛtāñjaliḥ | pṛthivīdānatulyaṃ syādadhikaṃ vā phalaṃ vibho

So I too entreat you, righteous one, with joined palms: may your reward be equal to the gift of the earth, or even greater, O lord.

Verse 54 (7.110.54)

एक एव सदा कृष्णो मित्राणामभयङ्करः । रणे सन्त्यजति प्राणान्द्वितीयस्त्वं च सात्यके ॥

eka eva sadā kṛṣṇo mitrāṇāmabhayaṅkaraḥ | raṇe santyajati prāṇāndvitīyastvaṃ ca sātyake

Krishna alone is always the giver of fearlessness to his friends, and gives up his life in battle; the second is you, Satyaki.

Note on the text: Corrected सन्तजति → सन्त्यजति (misprint in Wikisource; a conjunct has been lost, and CE 7.85.51c has saṃtyajati).

Verse 55 (7.110.55)

विक्रान्तस्य च वीरस्य युद्धे प्रार्थयतो यशः । शूर एव सहायः स्यान्नेतरः प्राकृतो जनः ॥

vikrāntasya ca vīrasya yuddhe prārthayato yaśaḥ | śūra eva sahāyaḥ syānnetaraḥ prākṛto janaḥ

For a valiant hero who seeks glory in battle, only a hero can be a helper, not some common man.

Verse 56 (7.110.56)

ईदृशे तु परामर्दे वर्तमानस्य माधव । त्वदन्यो हि रणे गोप्ता विजयस्य न विद्यते ॥

īdṛśe tu parāmarde vartamānasya mādhava | tvadanyo hi raṇe goptā vijayasya na vidyate

For one placed in so crushing a trial as this, O Madhava, there is no protector of victory in battle other than you.

Verse 57 (7.110.57)

श्लाघन्नेव हि कर्माणि शतशस्तव पाण्डवः । मम सञ्जनयन्हर्षं पुनः पुनरकीर्तयत् ॥

ślāghanneva hi karmāṇi śataśastava pāṇḍavaḥ | mama sañjanayanharṣaṃ punaḥ punarakīrtayat

The Pandava, Arjuna himself, praising your deeds by the hundred, gladdened me by recounting them again and again.

Note on the text: Corrected सञ्चनयन् → सञ्जनयन् (misprint in Wikisource; the verb is जन् with सम्, and CE 7.85.54c has saṃjanayan).

Verse 58 (7.110.58)

लघुहस्तश्चित्रयोधी तथा लघुपराक्रमः । प्राज्ञः सर्वास्त्रविच्छूरो मुह्यते न च संयुगे ॥

laghuhastaścitrayodhī tathā laghuparākramaḥ | prājñaḥ sarvāstravicchūro muhyate na ca saṃyuge

Light of hand, a marvellous fighter, swift in valour, wise, a master of every weapon, a hero who is never bewildered in battle —

Verse 59 (7.110.59)

महास्कन्धो महोरस्को महाबाहुर्महाहनुः । महाबलो महावीर्यः स महात्मा महारथः ॥

mahāskandho mahorasko mahābāhurmahāhanuḥ | mahābalo mahāvīryaḥ sa mahātmā mahārathaḥ

great in the shoulders, great in the chest, great in the arms, great in the jaw, of great strength and great manly power, a great soul, a great chariot-warrior.

Verse 60 (7.110.60)

शिष्यो मम सखा चैव प्रियोऽस्याहं प्रियश्च मे । युयुधानः सहायो मे प्रमथिष्यति कौरवान् ॥

śiṣyo mama sakhā caiva priyo'syāhaṃ priyaśca me | yuyudhānaḥ sahāyo me pramathiṣyati kauravān

“He is my pupil and my friend; I am dear to him and he is dear to me. With Yuyudhana as my helper I shall crush the Kauravas.

Verse 61 (7.110.61)

अस्मदर्थं च राजेन्द्र सन्नह्येद्यदि केशवः । रामो वाप्यनिरुद्धो वा प्रद्युम्नो वा महारथः ॥

asmadarthaṃ ca rājendra sannahyedyadi keśavaḥ | rāmo vāpyaniruddho vā pradyumno vā mahārathaḥ

And if Keshava, O king of kings, were to arm himself for our sake, or Rama, or Aniruddha, or the great chariot-warrior Pradyumna,

Verse 62 (7.110.62)

गदो वा सारणो वापि साम्वो वा सह वृष्णिभिः । सहायार्थं महाराज सङ्ग्रामोत्तममूर्धनि ॥

gado vā sāraṇo vāpi sāmvo vā saha vṛṣṇibhiḥ | sahāyārthaṃ mahārāja saṅgrāmottamamūrdhani

or Gada, or Sarana, or Samba, together with the Vrishnis, O great king, to help us at the head of the supreme battle,

Note on the text: Corrected मारणो → सारणो (misprint in Wikisource; a list of Vrishni heroes, Gada, Sarana, Samba, and CE 7.85.59a has sāraṇo).

Verse 63 (7.110.63)

तथाप्यहं नरव्याघ्रं शैनेयं सत्यविक्रमम् । साहाय्ये विनियोक्ष्यामि नास्ति मेऽन्योहि तत्समः ॥

tathāpyahaṃ naravyāghraṃ śaineyaṃ satyavikramam | sāhāyye viniyokṣyāmi nāsti me'nyohi tatsamaḥ

even so I shall appoint to that help the tiger among men, Shaineya, of true valour; there is no one else equal to him.”

Verse 64 (7.110.64)

इति द्वैतवने तात मामुवाच धनञ्जयः । परोक्षे त्वद्गुणांस्तथ्यान्कथयन्नार्यसंसदि ॥

iti dvaitavane tāta māmuvāca dhanañjayaḥ | parokṣe tvadguṇāṃstathyānkathayannāryasaṃsadi

So Dhananjaya said to me in the Dvaita forest, my dear, speaking truly of your virtues, in your absence, in an assembly of noble men.

Verse 65 (7.110.65)

तस्य त्वमेवं सङ्कल्पं न वृथा कर्तुमर्हसि । धनञ्जयस्य वार्ष्णेय मम भीमस्य चोभयोः ॥

tasya tvamevaṃ saṅkalpaṃ na vṛthā kartumarhasi | dhanañjayasya vārṣṇeya mama bhīmasya cobhayoḥ

You ought not to make vain that resolve of his, O Vrishni — of Dhananjaya, and of both Bhima and me.

Verse 66 (7.110.66)

यच्चापि तीर्थानि चरन्नगच्छं द्वारकां प्रति । तत्राहमपि ते भक्तिमर्जुनं प्रति दृष्टवान् ॥

yaccāpi tīrthāni carannagacchaṃ dvārakāṃ prati | tatrāhamapi te bhaktimarjunaṃ prati dṛṣṭavān

And when I went to Dvaraka on my pilgrimage to the sacred fords, there too I saw your devotion to Arjuna.

Verse 67 (7.110.67)

न तत्सौहृदमन्येषु मया शैनेय लक्षितम् । यथा त्वमस्मान्भजसे वर्तमानानुपप्लवे ॥

na tatsauhṛdamanyeṣu mayā śaineya lakṣitam | yathā tvamasmānbhajase vartamānānupaplave

Toward no one else, Shaineya, have I seen such friendship as you show to us in this time of calamity.

Note on the text: Corrected न तन्सौहृदनन्येपु → न तत्सौहृदमन्येषु (misprint in Wikisource; the words are garbled, and CE 7.85.64a has na tat sauhṛdam anyeṣu).

Verse 68 (7.110.68)

सोऽभिजात्या च भक्त्या च सख्यस्याचार्यकस्य च । सौहृदस्य च वीर्यस्य कुलीनत्वस्य माधव ॥

so'bhijātyā ca bhaktyā ca sakhyasyācāryakasya ca | sauhṛdasya ca vīryasya kulīnatvasya mādhava

So, by your noble birth and your devotion, by friendship and by the bond of teacher and pupil, by goodwill, by valour and by good lineage, O Madhava,

Verse 69 (7.110.69)

सत्यस्य च महाबाहो अनुकम्पार्थमेव च । अनुरूपं महेष्वास कर्म त्वं कर्तुमर्हसि ॥

satyasya ca mahābāho anukampārthameva ca | anurūpaṃ maheṣvāsa karma tvaṃ kartumarhasi

by your pledged word, O mighty-armed, and by compassion too, O great archer, you ought to do a deed worthy of all this.

Note on the text: Corrected महावाहो → महाबाहो and महेप्वास → महेष्वास (misprints in Wikisource: व for ब, प for ष; CE 7.85.66 has mahābāho, maheṣvāsa).

Verse 70 (7.110.70)

सुयोधनो हि सहसा गतो द्रोणेन दंशितः । पूर्वमेवानुयातास्ते कौरवाणां महारथाः ॥

suyodhano hi sahasā gato droṇena daṃśitaḥ | pūrvamevānuyātāste kauravāṇāṃ mahārathāḥ

Duryodhana, armoured by Drona, has gone off suddenly, and the great chariot-warriors of the Kauravas had followed even before him.

Verse 71 (7.110.71)

सुमहान्निनदश्चैव श्रूयते विजयं प्रति । स शैनेय जवेनाशु गन्तुमर्हसि मानद ॥

sumahānninadaścaiva śrūyate vijayaṃ prati | sa śaineya javenāśu gantumarhasi mānada

A tremendous uproar is heard in the direction of Vijaya. So, Shaineya, O giver of honour, you should go there swiftly.

Verse 72 (7.110.72)

भीमसेनो वयं चैव संयत्ताः सहसैनिकाः । द्रोणमावारयिष्यामो यदि त्वां प्रतियोत्स्यते ॥

bhīmaseno vayaṃ caiva saṃyattāḥ sahasainikāḥ | droṇamāvārayiṣyāmo yadi tvāṃ pratiyotsyate

Bhimasena and we ourselves, with our troops, are ready; we shall hold Drona back if he comes to fight you.

Verse 73 (7.110.73)

पश्य शैनेय सैन्यानि द्रवमाणानि संयुगे । महान्तं च रणे शब्दं दीर्यमाणां च भारतीम् ॥

paśya śaineya sainyāni dravamāṇāni saṃyuge | mahāntaṃ ca raṇe śabdaṃ dīryamāṇāṃ ca bhāratīm

Look, Shaineya, at the troops fleeing in the battle, and hear the great noise of the fighting as the Bharata army is torn apart.

Note on the text: Corrected महान्तं चरणे शब्दं → महान्तं च रणे शब्दं (word-division misprint in Wikisource; "great noise in the battle", and CE 7.85.70c has mahāntaṃ ca raṇe śabdaṃ).

Verse 74 (7.110.74)

महामारुतवेगेन समुद्रमिव पर्वसु । धार्तराष्ट्रबलं तात विक्षिप्तं सव्यसाचिना ॥

mahāmārutavegena samudramiva parvasu | dhārtarāṣṭrabalaṃ tāta vikṣiptaṃ savyasācinā

Like the ocean on the days of the moon's turning when a mighty wind drives it, the Dhritarashtra host has been scattered, my dear, by Savyasachi.

Note on the text: Corrected धार्तराष्टबलं → धार्तराष्ट्रबलं (misprint in Wikisource; the conjunct ष्ट्र is broken, and CE 7.85.71c has dhārtarāṣṭrabalaṃ).

Verse 75 (7.110.75)

रथैर्विपरिधावद्भिर्मनुष्यैश्च हयैश्च ह । सैन्यं रजःसमुद्भूतमेतत्सम्परिवर्तते ॥

rathairviparidhāvadbhirmanuṣyaiśca hayaiśca ha | sainyaṃ rajaḥsamudbhūtametatsamparivartate

The army, wrapped in the dust it has raised, is whirling about there, with chariots, men and horses running in every direction.

Verse 76 (7.110.76)

संवृतः सिन्धुसौवीरैर्नखरप्रासयोधिभिः । अत्यन्तोपचितैः शूरैः फल्गुनः परवीरहा ॥

saṃvṛtaḥ sindhusauvīrairnakharaprāsayodhibhiḥ | atyantopacitaiḥ śūraiḥ phalgunaḥ paravīrahā

Phalguna, slayer of enemy heroes, is hemmed in by Sindhu and Sauvira warriors who fight with claw-weapons and lances, exceedingly sturdy heroes.

Verse 77 (7.110.77)

नैतद्बलमसंवार्यं शक्यो जेतुं जयद्रथः । एते हि सैन्धवस्यार्थे सर्वे सन्त्यक्तजीविताः ॥

naitadbalamasaṃvāryaṃ śakyo jetuṃ jayadrathaḥ | ete hi saindhavasyārthe sarve santyaktajīvitāḥ

This force cannot be left unchecked if Jayadratha is to be conquered; for all these men have given up their lives for the Saindhava's sake.

Verse 78 (7.110.78)

शरशक्तिध्वजवरं हयनागसमाकुलम् । पश्यैतद्धार्तराष्ट्राणामनीकं सुदुरासदम् ॥

śaraśaktidhvajavaraṃ hayanāgasamākulam | paśyaitaddhārtarāṣṭrāṇāmanīkaṃ sudurāsadam

Look at that army of Dhritarashtra's sons, very hard to approach, with its fine array of arrows, spears and standards, crowded with horses and elephants.

Verse 79 (7.110.79)

शृणु दुन्दुभिनिर्घोषं शङ्खशब्दांश्च पुष्कलान् । सिंहनादरवांश्चैव रथनेमिस्वनांस्तथा ॥

śṛṇu dundubhinirghoṣaṃ śaṅkhaśabdāṃśca puṣkalān | siṃhanādaravāṃścaiva rathanemisvanāṃstathā

Hear the roar of the kettledrums and the many blasts of the conches, the lion-roars and the rumble of the chariot wheels.

Verse 80 (7.110.80)

नागानां शृणु शब्दं च पत्तीनां च सहस्रशः । सादिनां द्रवतां चैव शृणु कम्पयतां महीम् ॥

nāgānāṃ śṛṇu śabdaṃ ca pattīnāṃ ca sahasraśaḥ | sādināṃ dravatāṃ caiva śṛṇu kampayatāṃ mahīm

Hear the sound of the elephants and of the foot-soldiers in their thousands, and of the cavalry as they run, shaking the earth.

Verse 81 (7.110.81)

पुरस्तात्सैन्धवानीकं द्रोणानीकं च पृष्ठतः । बहुत्वाद्धि नरव्याघ्र देवेन्द्रमपि पीडयेत् ॥

purastātsaindhavānīkaṃ droṇānīkaṃ ca pṛṣṭhataḥ | bahutvāddhi naravyāghra devendramapi pīḍayet

In front is the Saindhava's army and behind is Drona's; by its sheer numbers, O tiger among men, it could crush even Indra, the king of the gods.

Verse 82 (7.110.82)

अपर्यन्ते बले मग्नो जह्यादपि च जीवितम् । तस्मिंश्च निहते युद्धे कथं जीवेत मादृशः ॥

aparyante bale magno jahyādapi ca jīvitam | tasmiṃśca nihate yuddhe kathaṃ jīveta mādṛśaḥ

A man sunk in a host without limit might even lose his life; and if he is slain in that battle, how could one such as I go on living?

Note on the text: Not matched by the alignment. Lines 1–2 = CE 7.85.79a and 7.85.79c (CE verse 79 is a three-line verse; its line 3 is the first line of the next Wikisource verse).

Verse 83 (7.110.83)

सर्वथा समनुप्राप्तः सुकृच्छ्रं त्वयि जीवति । श्यामो युवा गुडाकेशो दर्शनीयश्च पाण्डवः ॥

sarvathā samanuprāptaḥ sukṛcchraṃ tvayi jīvati | śyāmo yuvā guḍākeśo darśanīyaśca pāṇḍavaḥ

Though you are alive, he has in every way fallen into the gravest hardship — the Pandava, dark-hued, young, Gudakesha, handsome to look upon —

Note on the text: Not matched by the alignment. Line 1 = CE 7.85.79e (a recension variant of it: sarvathāham anuprāptaḥ sukṛcchraṃ bata jīvitam); line 2 = CE 7.85.80a.

Verse 84 (7.110.84)

लघ्वस्त्रश्चित्रयोधी च प्रविष्टस्तात भारतीम् । सूर्योदये महाबाहुर्दिवसश्चातिवर्तते ॥

laghvastraścitrayodhī ca praviṣṭastāta bhāratīm | sūryodaye mahābāhurdivasaścātivartate

light with weapons and a marvellous fighter; he has entered the Bharata host, my dear. The mighty-armed one went in at sunrise, and now the day is passing.

Note on the text: Corrected प्रविष्टस्यात → प्रविष्टस्तात (misprint in Wikisource; the conjunct स्त is broken, and CE 7.85.80c has praviṣṭas tāta). Not matched by the alignment: line 1 = CE 7.85.80c; line 2 = CE 7.85.81a.

Verse 85 (7.110.85)

तन्न जानामि वार्ष्णेय यदि जीवति वा न वा । कुरूणां चापि तत्सैन्यं सागरप्रतिमं महत् ॥

tanna jānāmi vārṣṇeya yadi jīvati vā na vā | kurūṇāṃ cāpi tatsainyaṃ sāgarapratimaṃ mahat

I do not know, O Varshneya, whether he is alive or not; and that army of the Kurus is huge as an ocean.

Note on the text: Not matched by the alignment. Line 1 = CE 7.85.81c; line 2 = CE 7.85.81e.

Verse 86 (7.110.86)

एक एव च बीभत्सुः प्रविष्टस्तात भारतीम् । अविषह्यां महाबाहुः सुरैरपि महाहवे ॥

eka eva ca bībhatsuḥ praviṣṭastāta bhāratīm | aviṣahyāṃ mahābāhuḥ surairapi mahāhave

Bibhatsu, the mighty-armed, has entered the Bharata host alone, my dear — a host that even the gods could not withstand in a great battle.

Note on the text: Corrected अविपह्यां → अविषह्यां (misprint in Wikisource; अविपह्य is not a word, and CE 7.85.82c has aviṣahyāṃ).

Verse 87 (7.110.87)

न हि मे वर्तते बुद्धिरद्य युद्धे कथञ्चन । द्रोणोऽपि रभसो युद्धे मम पीडयते बलम् ॥

na hi me vartate buddhiradya yuddhe kathañcana | droṇo'pi rabhaso yuddhe mama pīḍayate balam

My mind, in this battle today, will not hold steady in any way; and Drona, furious in the fight, is crushing my army.

Note on the text: Not matched by the alignment. Lines 1–2 = CE 7.85.83a and 7.85.83c.

Verse 88 (7.110.88)

प्रत्यक्षं ते महाबाहो यथाऽसौ चरति द्विजः । युगपच्च समेतानां कार्याणां त्वं विचक्षणः । महार्थं लघुसंयुक्तं कर्तुमर्हसि मानद ॥

pratyakṣaṃ te mahābāho yathā'sau carati dvijaḥ | yugapacca sametānāṃ kāryāṇāṃ tvaṃ vicakṣaṇaḥ | mahārthaṃ laghusaṃyuktaṃ kartumarhasi mānada

You see for yourself, O mighty-armed, how that brahmin ranges about. Among tasks that come together at the same moment you are discerning: do the one that is of great import and can be done swiftly, O giver of honour.

Note on the text: Not matched by the alignment. Line 1 = CE 7.85.83e (three-line CE verse 83 spans this verse and the previous one); lines 2–3 = CE 7.85.84a and 7.85.84c.

Verse 89 (7.110.89)

तस्य मे सर्वकार्येषु कार्यमेतन्मतं महत् । अर्जुनस्य परित्राणं कर्तव्यमिति संयुगे ॥

tasya me sarvakāryeṣu kāryametanmataṃ mahat | arjunasya paritrāṇaṃ kartavyamiti saṃyuge

Of all my tasks, this one is in my judgement the greatest: that Arjuna be protected in the battle.

Note on the text: Corrected परित्राणां → परित्राणं (misprint in Wikisource; the plural genitive makes no sense, and CE 7.85.85c has paritrāṇaṃ).

Verse 90 (7.110.90)

नाहं शोचामि दाशार्हं गोप्तारं जगतः पतिम् । स हि शक्तो रणे तात त्रीँल्लोकानपि सङ्गतान् ॥

nāhaṃ śocāmi dāśārhaṃ goptāraṃ jagataḥ patim | sa hi śakto raṇe tāta trīm̐llokānapi saṅgatān

I do not grieve for the Dasharha, the protector and lord of the world; he, my dear, is able in battle to conquer even the three worlds assembled together,

Verse 91 (7.110.91)

विजेतुं पुरुषव्याघ्रः सत्यमेतद्ब्रवीमि ते । किम्पुनर्धार्तराष्ट्रस्य बलमेतत्सुदुर्बलम् ॥

vijetuṃ puruṣavyāghraḥ satyametadbravīmi te | kimpunardhārtarāṣṭrasya balametatsudurbalam

O tiger among men — I tell you this truly — how much more this very feeble host of Dhritarashtra's son!

Verse 92 (7.110.92)

अर्जुनस्त्वेष वार्ष्णेय पीडितो बहुभिर्युधि । प्रजह्यात्समरे प्राणांस्तस्माद्विन्दामि कश्मलम् ॥

arjunastveṣa vārṣṇeya pīḍito bahubhiryudhi | prajahyātsamare prāṇāṃstasmādvindāmi kaśmalam

But Arjuna, O Varshneya, beset in battle by many, might give up his life in the fight; that is why I am distraught.

Verse 93 (7.110.93)

तस्य त्वं पदवीं गच्छ गच्छेयुस्त्वादृशा यथा । तादृशस्येदृशे काले मादृशेनाभिनोदितः ॥

tasya tvaṃ padavīṃ gaccha gaccheyustvādṛśā yathā | tādṛśasyedṛśe kāle mādṛśenābhinoditaḥ

Follow his track, as men like you would follow — you who are being urged, at such a time, on behalf of one such as he, by one such as I.

Verse 94 (7.110.94)

रणे वृष्णिप्रवीराणां द्वावेवातिरथौ स्मृतौ । प्रद्युम्नश्च महाबाहुस्त्वं च सात्वत विश्रुतः ॥

raṇe vṛṣṇipravīrāṇāṃ dvāvevātirathau smṛtau | pradyumnaśca mahābāhustvaṃ ca sātvata viśrutaḥ

Among the Vrishni heroes in battle only two are reckoned atirathas: the mighty-armed Pradyumna, and you, O Satvata, renowned as you are.

Verse 95 (7.110.95)

अस्त्रे नारायणसमः सङ्कर्षणसमो बले । वीरतायां नरव्याघ्र धनञ्जयसमो ह्यसि ॥

astre nārāyaṇasamaḥ saṅkarṣaṇasamo bale | vīratāyāṃ naravyāghra dhanañjayasamo hyasi

In weapons you are the equal of Narayana, in strength the equal of Sankarshana, and in heroism, O tiger among men, you are the equal of Dhananjaya.

Verse 96 (7.110.96)

भीष्मद्रोणावतिक्रम्य सर्वयुद्धविशारदम् । त्वामेव पुरुषव्याघ्रं लोके सन्तः प्रचक्षते ॥

bhīṣmadroṇāvatikramya sarvayuddhaviśāradam | tvāmeva puruṣavyāghraṃ loke santaḥ pracakṣate

Passing over Bhishma and Drona, it is you, you alone, skilled in every kind of warfare, whom the good in the world call a tiger among men.

Verse 97 (7.110.97)

सदेवासुरगन्धर्वान्सकिन्नरमहोरगान् । योधयेच्च जगत्सर्वं विजयेत रिपून्बहून् ॥

sadevāsuragandharvānsakinnaramahoragān | yodhayecca jagatsarvaṃ vijayeta ripūnbahūn

“He could fight gods, asuras, gandharvas, kinnaras and the great serpents — indeed the whole world — and overcome many foes.

Note on the text: Removed the stray wiki opening backtick. Not in the critical edition's main text; lines 1–2 appear there as star passage 7.85.92d*0581_01–02 (after 7.85.92), so ce_ref is null.

Verse 98 (7.110.98)

इति ब्रुवन्ति लोकेषु जनास्तव गुणांस्तथा । समागमेषु सर्वेषु पृथगेव च सर्वदा । नाशक्यं विद्यते लोके सात्यकेरिति माधव ॥

iti bruvanti lokeṣu janāstava guṇāṃstathā | samāgameṣu sarveṣu pṛthageva ca sarvadā | nāśakyaṃ vidyate loke sātyakeriti mādhava

So do people speak of your virtues in the world, and so they speak in every gathering, each apart, always.” “Nothing is beyond Satyaki in the world,” they say, O Madhava.

Note on the text: Removed the stray wiki apostrophe after line 2. Not matched by the alignment: lines 1–2 = CE star passage 7.85.92d*0581_03–04 (not in the main text); line 3 = CE 7.85.93a (reading nāsādhyaṃ for नाशक्यं, a variant, kept).

Verse 99 (7.110.99)

तत्त्वां यदभिवक्ष्यामि तत्कुरुष्व महाबल ॥

tattvāṃ yadabhivakṣyāmi tatkuruṣva mahābala

Now do what I am about to tell you, O mighty one.

Note on the text: Not matched by the alignment. A single line on the page; = CE 7.85.93c (tat tvāṃ yad abhivakṣyāmi tat kuruṣva mahābala).

Verse 100 (7.110.100)

सम्भावना हि लोकस्य मम पार्थस्य चोभयोः । नान्यथा तां महाबाहो सम्प्रकर्तुमिहार्हसि ॥

sambhāvanā hi lokasya mama pārthasya cobhayoḥ | nānyathā tāṃ mahābāho samprakartumihārhasi

The high regard in which the world holds you, and I, and Partha as well — you ought not to make it otherwise, O mighty-armed.

Verse 101 (7.110.101)

परित्यज्य प्रियान्प्राणान्रणे चर विभीतवत् । न हि शैनेय दाशार्हा रणे रक्षन्ति जीवितम् ॥

parityajya priyānprāṇānraṇe cara vibhītavat | na hi śaineya dāśārhā raṇe rakṣanti jīvitam

Cast aside your dear life and range through the battle fearlessly. The Dasharhas, O Shaineya, do not guard their lives in battle.

Verse 102 (7.110.102)

अयुद्धमनवस्थानं सङ्ग्रामे च पलायनम् । भीरूणामसतां मार्गे नैष दाशार्हसेवितः ॥

ayuddhamanavasthānaṃ saṅgrāme ca palāyanam | bhīrūṇāmasatāṃ mārge naiṣa dāśārhasevitaḥ

Refusing to fight, not standing firm, and running away in battle — that is the road of cowards and base men; it is not one the Dasharhas follow.

Verse 103 (7.110.103)

तवार्जुनो गुरुस्तात धर्मात्मा शिनिपुङ्गव । वासुदेवो गुरुश्चापि तव पार्थस्य धीमतः ॥

tavārjuno gurustāta dharmātmā śinipuṅgava | vāsudevo guruścāpi tava pārthasya dhīmataḥ

Arjuna, the righteous, is your teacher, my dear, bull of the Shinis, and Vasudeva too is a teacher both of you and of the wise Partha.

Note on the text: Corrected शिनिपुङ्गच → शिनिपुङ्गव (misprint in Wikisource; च for व, and CE 7.85.97a has śinipuṃgava).

Verse 104 (7.110.104)

कारणद्वयमेतद्धि जानंस्त्वामहमब्रुवम् । मावमंस्था वचो मह्यं गुरुस्तव गुरोर्ह्यहम् ॥

kāraṇadvayametaddhi jānaṃstvāmahamabruvam | māvamaṃsthā vaco mahyaṃ gurustava gurorhyaham

Knowing these two reasons, I have spoken to you. Do not disregard my word: I am the teacher of your teacher.

Verse 105 (7.110.105)

वासुदेवमतं चैव मम चैवार्जुनस्य च । सत्यमेतन्मयोक्तं ते याहि यत्र धनञ्जयः ॥

vāsudevamataṃ caiva mama caivārjunasya ca | satyametanmayoktaṃ te yāhi yatra dhanañjayaḥ

This is the opinion of Vasudeva, and of mine, and of Arjuna. What I have told you is true. Go to where Dhananjaya is.

Verse 106 (7.110.106)

एतद्वचनमाज्ञाय मम सत्यपराक्रम । प्रविशैतद्बलं तात धार्तराष्ट्रस्य दुर्मतेः ॥

etadvacanamājñāya mama satyaparākrama | praviśaitadbalaṃ tāta dhārtarāṣṭrasya durmateḥ

Understanding these words of mine, O you of true valour, enter this host of the ill-minded son of Dhritarashtra, my dear,

Verse 107 (7.110.107)

प्रविश्य च यथान्यायं सङ्गम्य च महारथैः । यथार्हमात्मनः कर्म रणे सात्वत दर्शय ॥

praviśya ca yathānyāyaṃ saṅgamya ca mahārathaiḥ | yathārhamātmanaḥ karma raṇe sātvata darśaya

and having entered it in due manner and met the great chariot-warriors, show in the battle, O Satvata, the deeds that befit you.