Satyaki Reports Arjuna's Charge; Yudhishthira Sends Him On

Verse 1 (7.111.1)

प्रीतियुक्तं च हृद्यं च माननीयं च सर्वशः । कालयुक्तं च चित्रं च स्वधिया चाभिभाषितम् ॥

prītiyuktaṃ ca hṛdyaṃ ca mānanīyaṃ ca sarvaśaḥ | kālayuktaṃ ca citraṃ ca svadhiyā cābhibhāṣitam

The speech was full of affection and warmth, worthy of honour in every way, suited to the moment and richly varied, spoken out of his own good judgment.

Verse 2 (7.111.2)

धर्मराजस्य तद्वाक्यं निशम्य शिनिपुङ्गवः । सात्यकिर्भरतश्रेष्ठ प्रत्युवाच युधिष्ठिरम् ॥

dharmarājasya tadvākyaṃ niśamya śinipuṅgavaḥ | sātyakirbharataśreṣṭha pratyuvāca yudhiṣṭhiram

Having heard that speech of Dharmaraja, O best of the Bharatas, Satyaki, bull among the Shinis, answered Yudhishthira.

Note on the text: Corrected निश्यम्य → निशम्य (misprint in Wikisource; श्य for श).

Verse 3 (7.111.3)

श्रुतं ते गदतो वाक्यं सर्वमेतन्मयाऽच्युत । न्याययुक्तं च सत्यं च फल्गुनार्थे यशस्करम् ॥

śrutaṃ te gadato vākyaṃ sarvametanmayā'cyuta | nyāyayuktaṃ ca satyaṃ ca phalgunārthe yaśaskaram

I have heard all these words you have spoken, O unfallen one; they are just and true, and they bring glory to Phalguna's cause.

Note on the text: Speaker: Satyaki. The page prints only "सञ्जय उवाच" (before verse 1) and "युधिष्ठिर उवाच" (before verse 41); verses 3-40 are Satyaki's direct speech to Yudhishthira (verses 11-21 are Arjuna's charge to Satyaki quoted within it), so the input's carried-over Sanjaya is corrected throughout.

Verse 4 (7.111.4)

एवंविधे तथा काले मादृशं प्रेक्ष्य सत्तम । वक्तुमर्हसि राजेन्द्र यथा पार्थं तथैव माम् ॥

evaṃvidhe tathā kāle mādṛśaṃ prekṣya sattama | vaktumarhasi rājendra yathā pārthaṃ tathaiva mām

At such a time, O best of men, you should look to one like me and speak to me, O king of kings, just as you would to Partha.

Verse 5 (7.111.5)

न मे धनञ्जयस्यार्थे प्राणा रक्ष्याः कथञ्चन । त्वत्प्रयुक्तः पुनरहं किं न कुर्यां महाहवे ॥

na me dhanañjayasyārthe prāṇā rakṣyāḥ kathañcana | tvatprayuktaḥ punarahaṃ kiṃ na kuryāṃ mahāhave

For Dhananjaya's sake my life is in no way to be spared. Sent by you, what would I not do in the great battle?

Note on the text: Corrected नकुर्यां → न कुर्यां (misprint in Wikisource; missing word space).

Verse 6 (7.111.6)

लोकत्रयं योधयेयं सदेवासुरमानुषम् । त्वत्प्रयुक्तो नरेन्द्रेन्द्र किम्पुनस्तान्सुदुर्बलान् ॥

lokatrayaṃ yodhayeyaṃ sadevāsuramānuṣam | tvatprayukto narendrendra kimpunastānsudurbalān

Sent by you, O lord of lords of men, I could fight the three worlds with their gods, asuras and men; how much more these weaklings!

Verse 7 (7.111.7)

सुयोधनबलं त्वद्य योधयिष्ये समन्ततः । विजेष्ये च रणे राजन्सत्यमेतद्ब्रवीमि ते ॥

suyodhanabalaṃ tvadya yodhayiṣye samantataḥ | vijeṣye ca raṇe rājansatyametadbravīmi te

Today I shall fight Suyodhana's army from every side, and I shall defeat it in battle, O king; I tell you this truth.

Verse 8 (7.111.8)

कुशल्यहं कुशलिनं समासाद्य धनञ्जयम् । हते जयद्रथे राजन्पुनरेष्यामि तेऽन्तिकम् ॥

kuśalyahaṃ kuśalinaṃ samāsādya dhanañjayam | hate jayadrathe rājanpunareṣyāmi te'ntikam

Unharmed myself, having reached Dhananjaya unharmed, I shall come back to you, O king, once Jayadratha is slain.

Note on the text: Corrected कुंशलिनं → कुशलिनं (misprint in Wikisource; stray anusvara).

Verse 9 (7.111.9)

अवश्यं तु मया सर्वं विज्ञाप्यस्त्वं नराधिप । वासुदेवस्य यद्वाक्यं फल्गुनस्य च धीमतः ॥

avaśyaṃ tu mayā sarvaṃ vijñāpyastvaṃ narādhipa | vāsudevasya yadvākyaṃ phalgunasya ca dhīmataḥ

But I must report everything to you, O lord of men: what Vasudeva said, and what wise Phalguna said.

Verse 10 (7.111.10)

दृढं त्वभिहितश्चाहमर्जुनेन पुनःपुनः । मध्ये सर्वस्य सैन्यस्य वासुदेवस्य शृण्वतः ॥

dṛḍhaṃ tvabhihitaścāhamarjunena punaḥpunaḥ | madhye sarvasya sainyasya vāsudevasya śṛṇvataḥ

Arjuna charged me firmly, again and again, in the midst of the whole army, with Vasudeva listening:

Verse 11 (7.111.11)

अद्य माधव राजानमप्रमत्तोऽनुपालय । आर्यां युद्धे मतिं कृत्वा यावद्धन्मि जयद्रथम् ॥

adya mādhava rājānamapramatto'nupālaya | āryāṃ yuddhe matiṃ kṛtvā yāvaddhanmi jayadratham

'Today, O Madhava, guard the king without slackness, keeping your mind set on the noble course in battle, until I kill Jayadratha.

Verse 12 (7.111.12)

त्वयि चाहं महाबाहो प्रद्युम्ने वा महारथे । नृपं निक्षिप्य गच्छेयं निरपेक्षो जयद्रथम् ॥

tvayi cāhaṃ mahābāho pradyumne vā mahārathe | nṛpaṃ nikṣipya gaccheyaṃ nirapekṣo jayadratham

Having entrusted the king to you, O mighty-armed one, or to the great warrior Pradyumna, I could go after Jayadratha free of care.

Verse 13 (7.111.13)

जानीषे हि रणे द्रोणं कुरुषु श्रेष्ठसम्मतम् । प्रतिज्ञा चापि ते नित्यं श्रुता द्रोणस्य माधव ॥

jānīṣe hi raṇe droṇaṃ kuruṣu śreṣṭhasammatam | pratijñā cāpi te nityaṃ śrutā droṇasya mādhava

You know Drona in battle, held in the highest esteem among the Kurus, and you have always heard Drona's vow, O Madhava.

Verse 14 (7.111.14)

ग्रहणे धर्मराजस्य भारद्वाजोऽपि गृध्यति । शक्तश्चापि रणे द्रोणो निग्रहीतुं युधिष्ठिरम् ॥

grahaṇe dharmarājasya bhāradvājo'pi gṛdhyati | śaktaścāpi raṇe droṇo nigrahītuṃ yudhiṣṭhiram

Bharadvaja's son is eager to seize Dharmaraja, and Drona is able in battle to take Yudhishthira captive.

Note on the text: Corrected ग्रहमे → ग्रहणे (misprint in Wikisource; ण misprinted as म; the CE has grahaṇaṃ).

Verse 15 (7.111.15)

एवं त्वयि समाघाय धर्मराजं नरोत्तमम् । अहमद्य गमिष्यामि सैन्धवस्य वधाय हि ॥

evaṃ tvayi samāghāya dharmarājaṃ narottamam | ahamadya gamiṣyāmi saindhavasya vadhāya hi

So, having entrusted Dharmaraja, best of men, to you, I shall go today to kill the Saindhava.

Verse 16 (7.111.16)

स त्वमद्य रणे यत्तो रक्ष माधव पाण्डवम् । रक्षणे धर्मराजस्य ध्रुवो हि विजयो मम ॥

sa tvamadya raṇe yatto rakṣa mādhava pāṇḍavam | rakṣaṇe dharmarājasya dhruvo hi vijayo mama

So today, O Madhava, be vigilant in battle and guard the Pandava; if Dharmaraja is guarded, my victory is certain.

Note on the text: Stray quote marks removed. Corrected रक्षेणे → रक्षणे (misprint in Wikisource; e for a; the CE star line has rakṣaṇe). Not in the critical edition's main text; star passage 7.86.15d*0583_01-02 (placed after 7.86.15). The automatic alignment found no match. Speaker: Satyaki, still reporting Arjuna's charge.

Verse 17 (7.111.17)

जयद्रथं च हत्वाऽहं द्रुतमेष्यामि माधव । धर्मराजं न चेद्द्रोणो निगृह्णीयाद्रणे बलात् ॥

jayadrathaṃ ca hatvā'haṃ drutameṣyāmi mādhava | dharmarājaṃ na ceddroṇo nigṛhṇīyādraṇe balāt

And having killed Jayadratha I shall come back quickly, O Madhava, provided Drona does not seize Dharmaraja by force in battle.

Verse 18 (7.111.18)

निगृहीते नरश्रेष्ठे भारद्वाजेन माधव । सैन्धवस्य वधो न स्यान्ममाप्रीतिस्तथा भवेत् ॥

nigṛhīte naraśreṣṭhe bhāradvājena mādhava | saindhavasya vadho na syānmamāprītistathā bhavet

If the best of men is seized by Bharadvaja's son, O Madhava, the Saindhava will not be killed, and that would grieve me.

Verse 19 (7.111.19)

एवङ्गते नरश्रेष्ठे पाण्डवे सत्यवादिनि । अस्माकं गमनं व्यक्तं वनं प्रति भवेत्पुनः ॥

evaṅgate naraśreṣṭhe pāṇḍave satyavādini | asmākaṃ gamanaṃ vyaktaṃ vanaṃ prati bhavetpunaḥ

If it comes to this for the truthful Pandava, best of men, we shall clearly have to go to the forest again.

Note on the text: Corrected सत्यवादिति → सत्यवादिनि (misprint in Wikisource; locative ending lost; the CE has satyavādini).

Verse 20 (7.111.20)

सोऽयं मम जयो व्यक्तं व्यर्थ एव भविष्यति । यदि द्रोणो रणे क्रुद्धो निगृह्णीयाद्युधिष्ठिरम् ॥

so'yaṃ mama jayo vyaktaṃ vyartha eva bhaviṣyati | yadi droṇo raṇe kruddho nigṛhṇīyādyudhiṣṭhiram

This victory of mine will plainly turn out to be in vain if Drona, enraged in battle, seizes Yudhishthira.

Verse 21 (7.111.21)

स त्वमद्य महाबाहो प्रियार्थं मम माधव । जयार्थं च यशोर्थं च रक्ष राजानमाहवे ॥

sa tvamadya mahābāho priyārthaṃ mama mādhava | jayārthaṃ ca yaśorthaṃ ca rakṣa rājānamāhave

So today, O mighty-armed Madhava, for my sake, for victory and for glory, protect the king in the battle.'

Verse 22 (7.111.22)

स भवान्मयि निक्षेपो निक्षिप्तः सव्यसाचिना । भारद्वाजाद्भयं नित्यं मन्यमानेन वै प्रभो ॥

sa bhavānmayi nikṣepo nikṣiptaḥ savyasācinā | bhāradvājādbhayaṃ nityaṃ manyamānena vai prabho

You, my lord, are a trust that Savyasachin has placed with me, for he always sees danger to you from Bharadvaja's son.

Verse 23 (7.111.23)

तस्यापि च महाबाहो नित्यं पश्यामि संयुगे । नान्यं हि प्रतियोद्धारं रौक्मिणेयादृते प्रभो ॥

tasyāpi ca mahābāho nityaṃ paśyāmi saṃyuge | nānyaṃ hi pratiyoddhāraṃ raukmiṇeyādṛte prabho

And of Drona too, O mighty-armed one, I always see, in battle, no other opponent but Rukmini's son, O lord.

Note on the text: Lines 1-2 are CE 7.86.22a-d (CE has पश्यति for Wikisource पश्यामि); the critical edition's 7.86.22 runs to three lines, its third line opening the next verse here. The automatic alignment found no match.

Verse 24 (7.111.24)

मां चापि मन्यते युद्धे भारद्वाजस्य धीमतः । सोऽहं संभावनां चैतामाचार्यवचनं च तत् । पृष्ठतो नोत्सहे कर्तुं त्वां वा त्यक्तुं महीपते ॥

māṃ cāpi manyate yuddhe bhāradvājasya dhīmataḥ | so'haṃ saṃbhāvanāṃ caitāmācāryavacanaṃ ca tat | pṛṣṭhato notsahe kartuṃ tvāṃ vā tyaktuṃ mahīpate

And he thinks of me too as a match in battle for wise Bharadvaja's son. So I cannot put aside this esteem and my teacher's command, nor abandon you, O lord of the earth.

Note on the text: Corrected संभावनानं चैता → संभावनां चैता (misprint in Wikisource; case ending garbled; the CE has saṃbhāvanāṃ caitām). Line 1 is CE 7.86.22e (CE has मां वापि for Wikisource मां चापि); lines 2-3 are CE 7.86.23. The automatic alignment found no match.

Verse 25 (7.111.25)

आचार्यो लघुहस्तत्वादभेद्यकवचावृतः । उपलभ्य रणे क्रीडेद्यथा शकुनिना शिशुः ॥

ācāryo laghuhastatvādabhedyakavacāvṛtaḥ | upalabhya raṇe krīḍedyathā śakuninā śiśuḥ

The teacher, quick of hand and covered in impenetrable armour, would take hold of you in battle and play with you as a child plays with a bird.

Verse 26 (7.111.26)

यदि कार्ष्णिर्धनुष्पाणिरिह स्यान्मकरध्वजः । तस्मै त्वां विसृजेयं वै स त्वां रक्षेद्यथाऽर्जुनः ॥

yadi kārṣṇirdhanuṣpāṇiriha syānmakaradhvajaḥ | tasmai tvāṃ visṛjeyaṃ vai sa tvāṃ rakṣedyathā'rjunaḥ

If Krishna's son Makaradhvaja were here with bow in hand, I would hand you over to him, and he would guard you as Arjuna would.

Verse 27 (7.111.27)

कुरु त्वमात्मनो गुप्तिं कस्ते गोप्ता गते मयि । यः प्रतीयाद्रणे द्रोणं यावद्गच्छामि पाण्डवम् ॥

kuru tvamātmano guptiṃ kaste goptā gate mayi | yaḥ pratīyādraṇe droṇaṃ yāvadgacchāmi pāṇḍavam

Make provision for your own protection. Who will be your protector once I have gone, one who could withstand Drona in battle until I reach the Pandava?

Note on the text: Corrected प्रतीयाद्रमे → प्रतीयाद्रणे (misprint in Wikisource; म for ण; the CE has raṇe).

Verse 28 (7.111.28)

मा च ते भयमद्यास्तु राजन्नर्जुनसम्भवम् । न स जातु महाबाहुर्भारमुद्यम्य सीदति ॥

mā ca te bhayamadyāstu rājannarjunasambhavam | na sa jātu mahābāhurbhāramudyamya sīdati

And let there be no fear for you today on Arjuna's account, O king; once he has lifted a burden he never sinks beneath it.

Verse 29 (7.111.29)

ये च सौवीरका योधास्तथा सैन्धवपौरवाः । उदीच्या दाक्षिणात्याश्च ये चान्येऽपि महारथाः ॥

ye ca sauvīrakā yodhāstathā saindhavapauravāḥ | udīcyā dākṣiṇātyāśca ye cānye'pi mahārathāḥ

The Sauvira warriors, the Saindhavas and the Paurava, the men of the north and of the south, and whatever other great chariot-warriors there are,

Verse 30 (7.111.30)

ये च कर्णमुखा राजन्रथोदाराः प्रकीर्तिताः । एतेऽर्जुनस्य क्रुद्धस्य कलां नार्हन्ति षोडशीम् ॥

ye ca karṇamukhā rājanrathodārāḥ prakīrtitāḥ | ete'rjunasya kruddhasya kalāṃ nārhanti ṣoḍaśīm

and those headed by Karna, O king, who are renowned as the foremost of chariot-fighters: none of these is worth a sixteenth part of the angry Arjuna.

Note on the text: Corrected प्रकीर्तितः → प्रकीर्तिताः (misprint in Wikisource; plural agreement; the CE has prakīrtitāḥ).

Verse 31 (7.111.31)

उद्युक्ताः पृथिवीपाल ससुरासुरमानुषाः । सराक्षसगणा राजन्सकिन्नरमहोरगाः ॥

udyuktāḥ pṛthivīpāla sasurāsuramānuṣāḥ | sarākṣasagaṇā rājansakinnaramahoragāḥ

Even if they all rose up together, O protector of the earth, the gods, asuras and men, the hosts of rakshasas, the kinnaras and the great serpents,

Verse 32 (7.111.32)

जङ्गमस्थावरैः सार्धं नालं पार्थस्य संयुगे । एवं ज्ञात्वा महाराज व्येतु ते भीर्धनञ्जये ॥

jaṅgamasthāvaraiḥ sārdhaṃ nālaṃ pārthasya saṃyuge | evaṃ jñātvā mahārāja vyetu te bhīrdhanañjaye

together with all things that move and do not move, they are no match for Partha in battle. Knowing this, O great king, let your fear of Dhananjaya leave you.

Verse 33 (7.111.33)

एवं वीरौ महेष्वासौ कृष्णौ सत्यपराक्रमौ । न तत्र कर्मणो व्यापत्कथंचिदपि विद्यते ॥

evaṃ vīrau maheṣvāsau kṛṣṇau satyaparākramau | na tatra karmaṇo vyāpatkathaṃcidapi vidyate

Such are the two heroes, the great archers, the two Krishnas of true valour; in their undertaking no failure can be found at all.

Verse 34 (7.111.34)

दैवं कृतास्त्रतां योगममर्षं शौर्यमाहवे । कृतज्ञतां दयां चैव भ्रातुस्त्वमनुचिन्तय ॥

daivaṃ kṛtāstratāṃ yogamamarṣaṃ śauryamāhave | kṛtajñatāṃ dayāṃ caiva bhrātustvamanucintaya

Think of your brother's divine power, his mastery of weapons, his yoga, his unyielding anger, his heroism in battle, his gratitude and his compassion.

Verse 35 (7.111.35)

मयि चापि सहाये ते गच्छमानेऽर्जुनं प्रति । द्रोणे चित्रास्त्रतां सङ्ख्ये राजंस्त्वमनुचिन्तय ॥

mayi cāpi sahāye te gacchamāne'rjunaṃ prati | droṇe citrāstratāṃ saṅkhye rājaṃstvamanucintaya

And when I, who am your support, go to Arjuna, consider also, O king, Drona's wondrous command of weapons in battle.

Note on the text: Corrected सह्ख्ये → सङ्ख्ये (misprint in Wikisource; garbled conjunct).

Verse 36 (7.111.36)

आचार्यो हि भृशं राजन्निग्रहे तव गृध्यति । प्रतिज्ञामात्मनो रक्षन्सत्यां कर्तुं च भारत ॥

ācāryo hi bhṛśaṃ rājannigrahe tava gṛdhyati | pratijñāmātmano rakṣansatyāṃ kartuṃ ca bhārata

The teacher is bent on seizing you, O king, to guard his own vow and make it come true, O Bharata.

Verse 37 (7.111.37)

कुरुष्वाद्यात्मनो गुप्तिं कस्ते गोप्ता गते मयि । यस्याहं प्रत्ययात्पार्थं गच्छेयं फल्गुनं प्रति ॥

kuruṣvādyātmano guptiṃ kaste goptā gate mayi | yasyāhaṃ pratyayātpārthaṃ gaccheyaṃ phalgunaṃ prati

Provide for your own protection today. Who will be your protector when I am gone, trusting in whom I could go to Partha, to Phalguna?

Verse 38 (7.111.38)

न ह्यहं त्वां महाराज अनिक्षिप्य महाहवे । क्वचिद्यास्यामि कौरव्य सत्यमेतद्ब्रवीमि ते ॥

na hyahaṃ tvāṃ mahārāja anikṣipya mahāhave | kvacidyāsyāmi kauravya satyametadbravīmi te

I will not go anywhere in this great battle, O great king, O Kaurava, without having left you in safe keeping; I tell you this truly.

Verse 39 (7.111.39)

न पश्यामि रथं कञ्चिद्यस्ते गोप्ता भवेदिह । शक्तं यं मन्यसे राजन्गोप्तारं प्रति पाण्डव ॥

na paśyāmi rathaṃ kañcidyaste goptā bhavediha | śaktaṃ yaṃ manyase rājangoptāraṃ prati pāṇḍava

I see no chariot-warrior here who could be your protector, none whom you think able to be your guardian, O Pandava.

Note on the text: Stray quote marks removed. Not in the critical edition's main text; star passage 7.86.37d*0586_01-02 (placed after 7.86.37). Opening and closing quote marks removed. The automatic alignment found no match.

Verse 40 (7.111.40)

एतद्विचार्य बहुशो बुद्ध्या बुद्धिमतां वर । दृष्ट्वा श्रेयः परं बुद्ध्या ततो राजन्प्रशाधि माम् ॥

etadvicārya bahuśo buddhyā buddhimatāṃ vara | dṛṣṭvā śreyaḥ paraṃ buddhyā tato rājanpraśādhi mām

Having thought this over many times with your mind, O best of the wise, and seen what is best by your understanding, then, O king, instruct me.

Verse 41 (7.111.41)

एवमेतन्महाबाहो यथा वदसि माधव । न तु मे शुद्ध्यते भावः श्वेताश्वं प्रति मारिष ॥

evametanmahābāho yathā vadasi mādhava | na tu me śuddhyate bhāvaḥ śvetāśvaṃ prati māriṣa

It is so, O mighty-armed Madhava, as you say; but my heart is not at ease about the white-horsed one, O Marisha.

Verse 42 (7.111.42)

करिष्ये परमं यत्नमात्मनो रक्षणे ह्यहम् । गच्छ त्वं समनुज्ञातो यत्र यातो धनञ्जयः ॥

kariṣye paramaṃ yatnamātmano rakṣaṇe hyaham | gaccha tvaṃ samanujñāto yatra yāto dhanañjayaḥ

I will make the utmost effort for my own protection. Go, with my leave, to where Dhananjaya has gone.

Verse 43 (7.111.43)

आत्मसंरक्षणं सङ्ख्ये गमनं चार्जुनं प्रति । विचार्यैतत्स्वयं बुद्ध्या गमनं तत्र रोचये ॥

ātmasaṃrakṣaṇaṃ saṅkhye gamanaṃ cārjunaṃ prati | vicāryaitatsvayaṃ buddhyā gamanaṃ tatra rocaye

My own protection in the battle, and going to Arjuna: having weighed these two for myself, I approve of your going there.

Verse 44 (7.111.44)

स त्वमातिष्ठ यानाय यत्र यातो धनञ्जयः । ममापि रक्षणं भीमः करिष्यति महाबलः ॥

sa tvamātiṣṭha yānāya yatra yāto dhanañjayaḥ | mamāpi rakṣaṇaṃ bhīmaḥ kariṣyati mahābalaḥ

So set out on the journey to where Dhananjaya has gone; mighty Bhima will protect me as well.

Verse 45 (7.111.45)

पार्षतश्च ससोदर्यः पार्थिवाश्च महाबलाः । द्रौपदेयाश्च मां तात रक्षिष्यन्ति न संशयः ॥

pārṣataśca sasodaryaḥ pārthivāśca mahābalāḥ | draupadeyāśca māṃ tāta rakṣiṣyanti na saṃśayaḥ

Parshata with his brothers, the mighty kings, and the sons of Draupadi will protect me, dear friend, without doubt.

Note on the text: Corrected मबाहलाः → महाबलाः (misprint in Wikisource; garbled; the CE has mahābalāḥ).

Verse 46 (7.111.46)

केकया भ्रातरः पञ्च राक्षसश्च घटोत्कचः । विराटो द्रुपदश्चैव शिखण्डी च महारथः ॥

kekayā bhrātaraḥ pañca rākṣasaśca ghaṭotkacaḥ | virāṭo drupadaścaiva śikhaṇḍī ca mahārathaḥ

The five Kekaya brothers, the rakshasa Ghatotkacha, Virata and Drupada, and Shikhandi the great chariot-warrior,

Verse 47 (7.111.47)

धृष्टकेतुश्च बलवान्कुन्तिभोजश्च मातुलः । नकुलः सहदेवश्च पाञ्चालाः सृञ्जयास्तथा । एते समाहितास्तात रक्षिष्यन्ति न संशयः ॥

dhṛṣṭaketuśca balavānkuntibhojaśca mātulaḥ | nakulaḥ sahadevaśca pāñcālāḥ sṛñjayāstathā | ete samāhitāstāta rakṣiṣyanti na saṃśayaḥ

mighty Dhrishtaketu and my maternal uncle Kuntibhoja, Nakula and Sahadeva, the Panchalas and the Srinjayas: these, alert, will protect me, dear friend, without doubt.

Note on the text: Three-line verse; CE 7.86.45 has the same three lines (45a-e).

Verse 48 (7.111.48)

न द्रोणः सह सैन्येन कृतवर्मा च संयुगे । समासादयितुं शक्तो न च मां धर्षयिष्यति ॥

na droṇaḥ saha sainyena kṛtavarmā ca saṃyuge | samāsādayituṃ śakto na ca māṃ dharṣayiṣyati

Neither Drona with his army nor Kritavarman will be able to reach me in battle, nor will they overpower me.

Verse 49 (7.111.49)

धृष्टद्युम्नश्च समरे द्रोणं क्रुद्धं परन्तपः । वारयिष्यति विक्रम्य वेलेव मकरालयम् ॥

dhṛṣṭadyumnaśca samare droṇaṃ kruddhaṃ parantapaḥ | vārayiṣyati vikramya veleva makarālayam

And Dhrishtadyumna, scorcher of foes, will check angry Drona in battle by his valour, as the shore checks the ocean.

Verse 50 (7.111.50)

यत्र स्थास्यति सङ्ग्रामे पार्षतः परवीरहा । न द्रोणस्य बलं तात क्रमेत्तत्र कथञ्चन ॥

yatra sthāsyati saṅgrāme pārṣataḥ paravīrahā | na droṇasya balaṃ tāta kramettatra kathañcana

Wherever Parshata, slayer of enemy heroes, takes his stand in the fight, Drona's force cannot advance there in any way, dear friend.

Verse 51 (7.111.51)

एष द्रोणविनाशाय समुत्पन्नो हुताशनात् । कवची स शरी खड्गी धन्वी च वरभूषणः ॥

eṣa droṇavināśāya samutpanno hutāśanāt | kavacī sa śarī khaḍgī dhanvī ca varabhūṣaṇaḥ

He was born from the fire for Drona's destruction, armoured, with arrows, sword and bow, adorned with splendid ornaments.

Note on the text: Corrected खङ्गी → खड्गी (misprint in Wikisource; ङ for ड; the CE has khaḍgī).

Verse 52 (7.111.52)

एष द्रोणं रणे क्रुद्धं वारयेत स वै प्रभो । पाञ्चालः सहितैः सर्वैः पाण्डवानां च धन्विभिः ॥

eṣa droṇaṃ raṇe kruddhaṃ vārayeta sa vai prabho | pāñcālaḥ sahitaiḥ sarvaiḥ pāṇḍavānāṃ ca dhanvibhiḥ

That Panchala, O lord, together with all the Panchalas and the Pandavas' archers, will hold back angry Drona in battle.

Note on the text: Stray quote marks removed. Not in the critical edition's main text; star passage 7.86.49d*0588_01-02 (placed after 7.86.49). Opening and closing quote marks removed. The automatic alignment found no match.

Verse 53 (7.111.53)

विस्रब्धं गच्छ शैनेय मा कार्षीर्मयि सम्भ्रमम् । धृष्टद्युम्नो रणे क्रुद्धं द्रोणमावारयिष्यति ॥

visrabdhaṃ gaccha śaineya mā kārṣīrmayi sambhramam | dhṛṣṭadyumno raṇe kruddhaṃ droṇamāvārayiṣyati

Go without anxiety, Shaineya, and do not be troubled about me; Dhrishtadyumna, angry in battle, will hold Drona back.

Note on the text: Corrected विक्रुधं → विस्रब्धं (misprint in Wikisource; not a word; the CE has viśrabdho, the vulgate विस्रब्धम्).