Satyaki Arms and Rides Out; Bhima Stays to Guard the King

Verse 1 (7.112.1)

धर्मराजस्य तद्वाक्यं निशम्य शिनिपुङ्गवः । स पार्थाद्भयमाशंसन्परित्यागान्महीपतेः ॥

dharmarājasya tadvākyaṃ niśamya śinipuṅgavaḥ | sa pārthādbhayamāśaṃsanparityāgānmahīpateḥ

Having heard Dharmaraja's words, the bull of the Shinis, fearing a rebuke from Partha for abandoning the king,

Verse 2 (7.112.2)

अपवादं ह्यात्मनश्च लोकाद्रक्षन्विशेषतः । न मां भीतमिति ब्रूयात्प्रयान्तं फल्गुनं प्रति ॥

apavādaṃ hyātmanaśca lokādrakṣanviśeṣataḥ | na māṃ bhītamiti brūyātprayāntaṃ phalgunaṃ prati

and guarding above all against his own disgrace in the world, lest it be said of him, as he went to Phalguna, "He is afraid,"

Verse 3 (7.112.3)

निश्चित्य बहुधैवं स सात्यकिर्युद्धदुर्मदः । नातिव्यक्तमिवाभाष्य धर्मराजं महायशाः ॥

niścitya bahudhaivaṃ sa sātyakiryuddhadurmadaḥ | nātivyaktamivābhāṣya dharmarājaṃ mahāyaśāḥ

having thus made up his mind in many ways, Satyaki of great fame, fierce in battle, spoke to Dharmaraja in words not wholly plain,

Note on the text: Line 1 is CE 7.87.3a-b; line 2 is the CE's star line 7.87.3b*0589_01. The CE's 7.87.3c (dharmarājam idaṃ vākyam abravīt puruṣarṣabha) is not on the page. The automatic alignment found no match.

Verse 4 (7.112.4)

शोकगद्गदया वाचा शोकोपहतचेतनः । यथेदानीमिति ध्यात्वा धर्मराजमथाब्रवीत् ॥

śokagadgadayā vācā śokopahatacetanaḥ | yathedānīmiti dhyātvā dharmarājamathābravīt

his voice thick with grief and his mind struck by sorrow, thinking "as things now stand," and then said to Dharmaraja:

Note on the text: Not in the critical edition's main text; line 1 is the star line 7.87.3b*0589_02 and line 2 is 7.87.3d*0590_01. The automatic alignment found no match.

Verse 5 (7.112.5)

कृतां चेन्मन्यसे रक्षां स्वस्ति तेऽस्तु विशाम्पते । अनुयास्यामि बीभत्सुं करिष्ये वचनं तव ॥

kṛtāṃ cenmanyase rakṣāṃ svasti te'stu viśāmpate | anuyāsyāmi bībhatsuṃ kariṣye vacanaṃ tava

If you consider that your protection has been provided for, may you prosper, O lord of the people; I will follow Bibhatsu and carry out your word.

Verse 6 (7.112.6)

न हि मे पाण्डवात्कश्चित्त्रिषु लोकेषु विद्यते । यो मे प्रियतरो राजन्सत्यमेतद्ब्रवीमि ते ॥

na hi me pāṇḍavātkaścittriṣu lokeṣu vidyate | yo me priyataro rājansatyametadbravīmi te

No one in the three worlds is dearer to me than the Pandava, O king; I tell you this truth.

Verse 7 (7.112.7)

तस्याहं पदवीं यास्ये सन्देशात्तव मानद । त्वत्कृते न च मे किञ्चिदकर्तव्यं कथञ्चन ॥

tasyāhaṃ padavīṃ yāsye sandeśāttava mānada | tvatkṛte na ca me kiñcidakartavyaṃ kathañcana

At your command, O giver of honour, I will follow his path; for your sake there is nothing that I would in any way refuse to do.

Verse 8 (7.112.8)

यथा हि मे गुरोर्वाक्यं विशिष्टं द्विपदां वर । तथा तवापि वचनं विशिष्टतरमेव मे ॥

yathā hi me gurorvākyaṃ viśiṣṭaṃ dvipadāṃ vara | tathā tavāpi vacanaṃ viśiṣṭatarameva me

As my teacher's word is of the highest weight with me, O best of men, so your word is weightier still.

Verse 9 (7.112.9)

प्रिये हि तव वर्तेते भ्रातरौ कृष्णपाण्डवौ । तयोः प्रिये स्थितं चैव विद्धि मां राजपुङ्गव ॥

priye hi tava vartete bhrātarau kṛṣṇapāṇḍavau | tayoḥ priye sthitaṃ caiva viddhi māṃ rājapuṅgava

The two brothers, Krishna and the Pandava, are engaged in doing what pleases you; know, O best of kings, that I too stand in what pleases the two of them.

Verse 10 (7.112.10)

तवाज्ञां शिरसा गृह्य पाण्डवार्थमहं प्रभो । भित्त्वेदं दुर्भिदं सैन्यं प्रयास्ये नरपुङ्गव ॥

tavājñāṃ śirasā gṛhya pāṇḍavārthamahaṃ prabho | bhittvedaṃ durbhidaṃ sainyaṃ prayāsye narapuṅgava

Taking your command on my head, O bull among men, I will go for the Pandava's sake, having broken through this army so hard to break.

Verse 11 (7.112.11)

द्रोणानीकं विशाम्येष क्रुद्धो झष इवार्णवम् । तत्र यास्यामि यत्रासौ राजन्राजा जयद्रथः ॥

droṇānīkaṃ viśāmyeṣa kruddho jhaṣa ivārṇavam | tatra yāsyāmi yatrāsau rājanrājā jayadrathaḥ

I enter Drona's host, enraged, like a great fish into the ocean; and I will go where King Jayadratha is,

Note on the text: Corrected द्रणानीकं → द्रोणानीकं (misprint in Wikisource; dropped o-matra; the CE has droṇānīkaṃ).

Verse 12 (7.112.12)

यत्र सेनान्तमाश्रित्य भीतस्तिष्ठति पाण्डवात् । गुप्तो रथवरश्रेष्ठैर्द्रौणिकर्णकृपादिभिः ॥

yatra senāntamāśritya bhītastiṣṭhati pāṇḍavāt | gupto rathavaraśreṣṭhairdrauṇikarṇakṛpādibhiḥ

who stands at the far edge of the army, afraid of the Pandava, guarded by the foremost of chariot-warriors, Drona's son, Karna, Kripa and the rest.

Verse 13 (7.112.13)

इतस्त्रियोजनं मन्ये तमध्वानं विशाम्पते । यत्र तिष्ठति पार्थोऽसौ जयद्रथवधोद्यतः ॥

itastriyojanaṃ manye tamadhvānaṃ viśāmpate | yatra tiṣṭhati pārtho'sau jayadrathavadhodyataḥ

I reckon that road to be three yojanas from here, O lord of the people, where Partha stands, set on Jayadratha's death.

Note on the text: Corrected इतिस्त्रियोजनं → इतस्त्रियोजनं (misprint in Wikisource; garbled; the CE has itas triyojanaṃ).

Verse 14 (7.112.14)

त्रियोजनगतस्यापि तस्य यास्याम्यहं पदम् । आसैन्धववधाद्राजन्सुदृढेनान्तरात्मना ॥

triyojanagatasyāpi tasya yāsyāmyahaṃ padam | āsaindhavavadhādrājansudṛḍhenāntarātmanā

Even if he has gone three yojanas, O king, I will follow his track, with a very firm resolve, all the way to the Saindhava's death.

Note on the text: Corrected यास्याभ्यहं → यास्याम्यहं (misprint in Wikisource; भ for म; the CE has yāsyāmy ahaṃ).

Verse 15 (7.112.15)

अनादिष्टस्तु गुरुणा को नु युध्येत मानवः । आदिष्टस्तु यथा राजन्को न युध्येत मादृशः ॥

anādiṣṭastu guruṇā ko nu yudhyeta mānavaḥ | ādiṣṭastu yathā rājanko na yudhyeta mādṛśaḥ

Who would fight without being commanded by his teacher? But commanded as I am, O king, who like me would not fight?

Note on the text: Lines 1-2 are CE 7.87.14a-d (CE has ādiṣṭas tu tvayā for Wikisource आदिष्टस्तु यथा). The automatic alignment found no match.

Verse 16 (7.112.16)

अभिजानामि तं देशमितः पूर्णं त्रियोजनम् । यत्र तिष्ठति राजाऽसौ सैन्धवो बालघातकः ॥

abhijānāmi taṃ deśamitaḥ pūrṇaṃ triyojanam | yatra tiṣṭhati rājā'sau saindhavo bālaghātakaḥ

I know the place, exactly three yojanas from here, where King Saindhava, the killer of a boy, stands.

Note on the text: Line 1 is a variant of CE 7.87.14e (abhijānāmi taṃ deśaṃ yatra yāsyāmy ahaṃ prabho); line 2 is the star line 7.87.14f*0591_01. The automatic alignment found no match.

Verse 17 (7.112.17)

सागरप्रतिमं सैन्यं गर्जन्तमिव सागरम् । हलशक्तिगदाप्रासचर्मखड्गर्ष्टितोमरम् । इष्वस्त्रवरसम्बाधं क्षोभयित्वा व्रजाम्यहम् ॥

sāgarapratimaṃ sainyaṃ garjantamiva sāgaram | halaśaktigadāprāsacarmakhaḍgarṣṭitomaram | iṣvastravarasambādhaṃ kṣobhayitvā vrajāmyaham

I shall go, throwing into turmoil that host, like an ocean, rumbling like the sea, crowded with ploughs, darts, maces, lances, shields, swords, rishtis and tomaras, and with fine arrows and missiles.

Note on the text: Corrected खङ्गर्ष्टितोमरम् → खड्गर्ष्टितोमरम् (misprint in Wikisource; ङ for ड; the CE has khaḍga). Line 1 is the CE's star line 7.87.14f*0591_02; lines 2-3 are CE 7.87.15 (CE has हुड for Wikisource हल, and क्षोभयिष्ये बलार्णवम् for क्षोभयित्वा व्रजाम्यहम्). The automatic alignment found no match.

Verse 18 (7.112.18)

यदेतत्कुञ्जरानीकं सहस्रमनुपश्यसि । कुलमाञ्जनकं नाम यत्रैते वीर्यशालिनः ॥

yadetatkuñjarānīkaṃ sahasramanupaśyasi | kulamāñjanakaṃ nāma yatraite vīryaśālinaḥ

This elephant division you see, a thousand strong, called the Anjana line, in which these are the mighty ones,

Verse 19 (7.112.19)

आस्थिता बहुभिर्म्लेच्छैर्युद्धशौण्डैः प्रहारिभिः । नागा नगनिभा राजन्क्षरन्त इव तोयदाः ॥

āsthitā bahubhirmlecchairyuddhaśauṇḍaiḥ prahāribhiḥ | nāgā naganibhā rājankṣaranta iva toyadāḥ

mounted by many mlecchas, drunk with fighting and skilled in striking: mountain-like elephants, O king, streaming ichor like rain-clouds.

Verse 20 (7.112.20)

नैते जातु निवर्तेरन्प्रेषिता हस्तिसादिभिः । अन्यत्र हि वधादेषां नास्ति राजन्पराजयः ॥

naite jātu nivarteranpreṣitā hastisādibhiḥ | anyatra hi vadhādeṣāṃ nāsti rājanparājayaḥ

Urged on by their elephant-riders, they never turn back; apart from their being killed, there is no defeat for them, O king.

Verse 21 (7.112.21)

अथ यान्रथिनो राजन्सहस्रमनुपश्यसि । एते रुक्मरथा नाम राजपुत्रा महारथाः ॥

atha yānrathino rājansahasramanupaśyasi | ete rukmarathā nāma rājaputrā mahārathāḥ

And the chariot-warriors you see here, a thousand of them, O king, are the Rukmarathas, princes and great charioteers.

Verse 22 (7.112.22)

रथेष्वस्त्रेषु निपुणा नागेषु च विशाम्पते । धनुर्वेदे गताः पारं मुष्टियुद्धे च कोविदाः ॥

ratheṣvastreṣu nipuṇā nāgeṣu ca viśāmpate | dhanurvede gatāḥ pāraṃ muṣṭiyuddhe ca kovidāḥ

They are skilled in chariots, in missiles and in elephants, O lord of the people; they have reached the far shore of the science of the bow and are expert in fist-fighting;

Verse 23 (7.112.23)

गदायुद्धविशेषज्ञा नियुद्धकुशलास्तथा । खड्गप्रहरणे युक्ताः सम्पाते चासिचर्मणोः ॥

gadāyuddhaviśeṣajñā niyuddhakuśalāstathā | khaḍgapraharaṇe yuktāḥ sampāte cāsicarmaṇoḥ

they know the finer points of mace-fighting and are skilled in wrestling; they are practised in striking with the sword and in the combined play of sword and shield.

Note on the text: Corrected खङ्गप्रहरणे → खड्गप्रहरणे (misprint in Wikisource; ङ for ड; the CE has khaḍga).

Verse 24 (7.112.24)

शूराश्च कृतविद्याश्च स्पर्धन्ते च परस्परम् । नित्यं हि समरे राजन्विजिगीषन्ति मानवान् ॥

śūrāśca kṛtavidyāśca spardhante ca parasparam | nityaṃ hi samare rājanvijigīṣanti mānavān

They are heroes and trained men, and they vie with one another; always, O king, they wish to conquer men in battle.

Verse 25 (7.112.25)

कर्णेन विहिता राजन्दुःशासनमनुव्रताः । एतांस्तु वासुदेवोऽपि रथोदारान्प्रशंसति ॥

karṇena vihitā rājanduḥśāsanamanuvratāḥ | etāṃstu vāsudevo'pi rathodārānpraśaṃsati

They were appointed by Karna, O king, and are devoted to Duhshasana; Vasudeva himself praises these noble chariot-fighters.

Verse 26 (7.112.26)

सततं प्रियकामाश्च कर्णस्यैते वशे स्थिताः । तस्यैव वचनाद्राजन्निवृत्ताः श्वेतवाहनात् ॥

satataṃ priyakāmāśca karṇasyaite vaśe sthitāḥ | tasyaiva vacanādrājannivṛttāḥ śvetavāhanāt

Always eager to please Karna, they remain under his sway; at his word, O king, they turned back from the white-horsed one.

Verse 27 (7.112.27)

ते न क्लान्ता न च श्रान्ता दृढावरणकार्मुकाः । मदर्थेऽधिष्ठिता नूनं धार्तराष्ट्रस्य शासनात् ॥

te na klāntā na ca śrāntā dṛḍhāvaraṇakārmukāḥ | madarthe'dhiṣṭhitā nūnaṃ dhārtarāṣṭrasya śāsanāt

Neither tired nor weary, with firm armour and bows, they are surely stationed here on my account, by the command of Dhritarashtra's son.

Verse 28 (7.112.28)

एतान्प्रमथ्य सङ्ग्रामे प्रियार्थं तव कौरव । प्रयास्यामि ततः पश्चात्पदवीं सव्यसाचिनः ॥

etānpramathya saṅgrāme priyārthaṃ tava kaurava | prayāsyāmi tataḥ paścātpadavīṃ savyasācinaḥ

Having crushed them in battle for your pleasure, O Kaurava, I shall afterwards follow the road of Savyasachin.

Verse 29 (7.112.29)

यांस्त्वेतानपरान्राजन्नागान्सप्तशतानिमान् । प्रेक्षसे वर्मसञ्छन्नान्किरातैः समधिष्ठितान् ॥

yāṃstvetānaparānrājannāgānsaptaśatānimān | prekṣase varmasañchannānkirātaiḥ samadhiṣṭhitān

And those other elephants, O king, seven hundred of them, that you see covered with armour and ridden by Kiratas,

Verse 30 (7.112.30)

किरातराजो यान्प्रादाद्गृहीतः सव्यसाचिना । स्वलङ्कृतांस्तदा प्रेष्यानिच्छञ्जीवितमात्मनः ॥

kirātarājo yānprādādgṛhītaḥ savyasācinā | svalaṅkṛtāṃstadā preṣyānicchañjīvitamātmanaḥ

which the king of the Kiratas, when he was captured by Savyasachin, gave then, richly adorned, as servants, wishing to save his own life:

Verse 31 (7.112.31)

आसन्नेते पुरा राजंस्तव कर्मकरा दृढम् । त्वामेवाद्य युयुत्सन्ते पश्य कालस्य पर्ययम् ॥

āsannete purā rājaṃstava karmakarā dṛḍham | tvāmevādya yuyutsante paśya kālasya paryayam

long ago, O king, these were your own faithful servants, and today they wish to fight you; behold the turn of time!

Verse 32 (7.112.32)

एषामेते महामात्राः किराता युद्धदुर्मदाः । हस्तिशिक्षाविदश्चैव सर्वे चैवाग्नियोनयः ॥

eṣāmete mahāmātrāḥ kirātā yuddhadurmadāḥ | hastiśikṣāvidaścaiva sarve caivāgniyonayaḥ

Their chief officers are these Kiratas, mad for battle, expert in the lore of elephants, all of them fire-born.

Verse 33 (7.112.33)

एते विनिर्जिताः सङ्ख्ये सङ्ग्रामे सव्यसाचिना । मदर्थमद्य संयत्ता दुर्योधनवशानुगाः ॥

ete vinirjitāḥ saṅkhye saṅgrāme savyasācinā | madarthamadya saṃyattā duryodhanavaśānugāḥ

These were conquered in battle by Savyasachin; now, subject to Duryodhana's will, they stand ready today on my account.

Verse 34 (7.112.34)

एतान्हत्वा शरै राजन्किरातान्युद्धदुर्मदान् । सैन्धवस्य वधे यत्तमनुयास्यामि पाण्डवम् ॥

etānhatvā śarai rājankirātānyuddhadurmadān | saindhavasya vadhe yattamanuyāsyāmi pāṇḍavam

Having slain these battle-mad Kiratas with arrows, O king, I shall follow the Pandava who is intent on the Saindhava's killing.

Verse 35 (7.112.35)

ये त्वेते सुमहानागा अञ्जनस्य कुलोद्भवाः । कर्कशाश्च विनीताश्च प्रभिन्नकरटामुखाः ॥

ye tvete sumahānāgā añjanasya kulodbhavāḥ | karkaśāśca vinītāśca prabhinnakaraṭāmukhāḥ

And those huge elephants, born of Anjana's line, rough and well trained, with their temples split and streaming,

Note on the text: Corrected सुमहानाग अञ्जनस्य → सुमहानागा अञ्जनस्य (misprint in Wikisource; long ā dropped; the CE has sumahānāgā añjanasya).

Verse 36 (7.112.36)

जाम्बूनदमयैः सर्वैर्वर्मभिः सुविभूषिताः । लब्धलक्ष्या रणे राजन्नैरावणसमा युधि ॥

jāmbūnadamayaiḥ sarvairvarmabhiḥ suvibhūṣitāḥ | labdhalakṣyā raṇe rājannairāvaṇasamā yudhi

all adorned with armour of gold, O king, trained to hit the mark, in battle the equals of Airavata,

Note on the text: Corrected लब्धलक्षा → लब्धलक्ष्या (misprint in Wikisource; ya-phala dropped; the CE has labdhalakṣyā).

Verse 37 (7.112.37)

आस्थिता दस्युभिस्तीक्ष्णैः शूरैरुत्तमपार्वतैः । कर्कशैः प्रवरैर्योधैः कार्ष्णायसतनुच्छदैः ॥

āsthitā dasyubhistīkṣṇaiḥ śūrairuttamapārvataiḥ | karkaśaiḥ pravarairyodhaiḥ kārṣṇāyasatanucchadaiḥ

are ridden by fierce dasyus, heroes of the best mountain tribes, hard men and excellent warriors in coats of mail made of black iron.

Note on the text: Corrected काष्णार्यस → कार्ष्णायस (misprint in Wikisource; garbled; the CE has kārṣṇāyasa). Line 1 is the CE's star line 7.87.35b*0592_01 (substituting for the CE's main 7.87.35a-b, uttarāt parvatād ete…); line 2 is CE 7.87.35c-d. The automatic alignment found no match.

Verse 38 (7.112.38)

सन्ति गोयोनयश्चात्र सन्ति वानरयोनयः । अनेकयोनयश्चान्ये तथा मानुषयोनयः ॥

santi goyonayaścātra santi vānarayonayaḥ | anekayonayaścānye tathā mānuṣayonayaḥ

Among them are some of cow-origin and some of monkey-origin, many others of various origins, and men-born as well.

Verse 39 (7.112.39)

अनीकमसतामेतद्धूम्रवर्णमुदीर्यते । म्लेच्छानां पापकर्तॄणां हिमदुर्गनिवासिनाम् ॥

anīkamasatāmetaddhūmravarṇamudīryate | mlecchānāṃ pāpakartṝṇāṃ himadurganivāsinām

This is the host of the wicked, said to be smoke-coloured: of mlecchas, doers of evil, who live in strongholds among the snows.

Note on the text: Corrected भूम्रवर्ण → धूम्रवर्ण (misprint in Wikisource; भ for ध; the CE has dhūmavarṇam).

Verse 40 (7.112.40)

एतद्दुर्योधनो लब्ध्वा समग्रं राजमण्डलम् । कृपं च सौमदत्तिं च द्रोणं च रथिनां वरम् ॥

etadduryodhano labdhvā samagraṃ rājamaṇḍalam | kṛpaṃ ca saumadattiṃ ca droṇaṃ ca rathināṃ varam

Having gained this host, the whole circle of kings, Kripa, Somadatta's son, and Drona, best of chariot-warriors,

Verse 41 (7.112.41)

सिन्धुराजं तथा कर्णमवमन्यत पाण्डवान् । कृतार्थमथ चात्मानं मन्यते कालचोदितः ॥

sindhurājaṃ tathā karṇamavamanyata pāṇḍavān | kṛtārthamatha cātmānaṃ manyate kālacoditaḥ

and the king of Sindhu and Karna as well, Duryodhana has come to despise the Pandavas, and, driven by time, considers himself to have attained his end.

Verse 42 (7.112.42)

ते तु सर्वेऽद्य सम्प्राप्ता मम नाराचगोचरम् । न भविष्यन्ति कौन्तेय यद्यपि स्युर्मनोजवाः ॥

te tu sarve'dya samprāptā mama nārācagocaram | na bhaviṣyanti kaunteya yadyapi syurmanojavāḥ

But all of them have today come within range of my iron arrows; they will not survive, O son of Kunti, even if they are swift as thought.

Note on the text: Corrected नभविष्यन्ति → न भविष्यन्ति (misprint in Wikisource; missing word space).

Verse 43 (7.112.43)

तेन संभाविता नित्यं परवीर्योपजीविना । विनाशमुपयास्यन्ति मच्छरौघनिपीडिताः ॥

tena saṃbhāvitā nityaṃ paravīryopajīvinā | vināśamupayāsyanti maccharaughanipīḍitāḥ

Always honoured by him, who lives on the strength of others, they will meet destruction, crushed under the floods of my arrows.

Verse 44 (7.112.44)

ये त्वेते रथिनो राजन्दृश्यन्ते काञ्चनध्वजाः । एते दुर्वारणा नाम काम्भोजा यदि ते श्रुताः ॥

ye tvete rathino rājandṛśyante kāñcanadhvajāḥ | ete durvāraṇā nāma kāmbhojā yadi te śrutāḥ

And these chariot-warriors, O king, who are seen with golden banners are the Kambojas called Durvaranas, if you have heard of them.

Verse 45 (7.112.45)

शूराश्च कृतविद्याश्च धनुर्वेदे च निष्ठिताः । संहताश्च भृशं ह्येते अन्योन्यस्य हितैषिणः ॥

śūrāśca kṛtavidyāśca dhanurvede ca niṣṭhitāḥ | saṃhatāśca bhṛśaṃ hyete anyonyasya hitaiṣiṇaḥ

They are heroes, trained, perfect in the science of the bow, closely united and each a well-wisher of the others.

Verse 46 (7.112.46)

अक्षौहिण्यश्च संरब्धा धार्तराष्ट्रस्य भारत । यत्ता मदर्थे तिष्ठन्ति कुरुवीराभिरक्षिताः ॥

akṣauhiṇyaśca saṃrabdhā dhārtarāṣṭrasya bhārata | yattā madarthe tiṣṭhanti kuruvīrābhirakṣitāḥ

The furious akshauhinis of Dhritarashtra's son, O Bharata, guarded by Kuru heroes, stand ready on my account;

Verse 47 (7.112.47)

अप्रमत्ता महाराज मामेव प्रत्युपस्थिताः । तानहं प्रमथिष्यामि तृणानीव हुताशनः ॥

apramattā mahārāja māmeva pratyupasthitāḥ | tānahaṃ pramathiṣyāmi tṛṇānīva hutāśanaḥ

alert, O great king, they have turned to face me alone; I shall crush them as fire crushes straw.

Verse 48 (7.112.48)

तस्मात्सर्वानुपासङ्गान्सर्वोपकरणानि च । रथे कुर्वन्तु मे राजन्यथावद्रथकल्पकाः ॥

tasmātsarvānupāsaṅgānsarvopakaraṇāni ca | rathe kurvantu me rājanyathāvadrathakalpakāḥ

Therefore, O king, let the chariot-fitters duly place in my chariot all the quivers and all the equipment.

Verse 49 (7.112.49)

अस्मिंस्तु किल सम्मर्दे ग्राह्यं विविधमायुधम् । यथोपदिष्टमाचार्यैः कार्यः पञ्चगुणो रथः ॥

asmiṃstu kila sammarde grāhyaṃ vividhamāyudham | yathopadiṣṭamācāryaiḥ kāryaḥ pañcaguṇo rathaḥ

In this melee many kinds of weapons will have to be taken up; the chariot must be fitted fivefold, as the teachers have instructed.

Verse 50 (7.112.50)

काम्भोजैर्हि समेष्यामि तीक्ष्णैराशीविषोपमैः । नानाशस्त्रसमावायैर्विविधायुधयोधिभिः ॥

kāmbhojairhi sameṣyāmi tīkṣṇairāśīviṣopamaiḥ | nānāśastrasamāvāyairvividhāyudhayodhibhiḥ

I shall meet the Kambojas, sharp and like venomous snakes, with their masses of weapons of every kind and their warriors armed in many ways.

Verse 51 (7.112.51)

किरातैश्च समेष्यामि विषकल्पैः प्रहारिभिः । लालितैः सततं राज्ञा दुर्योधनहितैषिभिः ॥

kirātaiśca sameṣyāmi viṣakalpaiḥ prahāribhiḥ | lālitaiḥ satataṃ rājñā duryodhanahitaiṣibhiḥ

I shall meet the Kiratas too, as deadly as poison in their strikes, always indulged by the king and wishing Duryodhana well.

Verse 52 (7.112.52)

शकैश्चापि समेष्यामि शक्रतुल्यपराक्रमैः । अग्निकल्पैर्दुराधर्षैः प्रदीप्तैरिव पावकैः ॥

śakaiścāpi sameṣyāmi śakratulyaparākramaiḥ | agnikalpairdurādharṣaiḥ pradīptairiva pāvakaiḥ

I shall meet the Shakas too, equal to Shakra in valour, like fire, unassailable, blazing like flames.

Note on the text: Corrected युराधर्षैः → दुराधर्षैः (misprint in Wikisource; ya for da; the CE has durādharṣaiḥ).

Verse 53 (7.112.53)

तथाऽन्यैर्विविधैर्योधैः कालकल्पैर्दुरासदैः । समेष्यामि रणे राजन्बहुभिर्युद्धदुर्मदैः ॥

tathā'nyairvividhairyodhaiḥ kālakalpairdurāsadaiḥ | sameṣyāmi raṇe rājanbahubhiryuddhadurmadaiḥ

And so, O king, I shall meet in battle many other warriors of every kind, deadly as Death, hard to approach and mad for fighting.

Verse 54 (7.112.54)

त्रियोजनगतस्यापि पदवीं सव्यसाचिनः । यास्यामि रथिनां श्रेष्ठं प्रवरं च धनुष्मताम् ॥

triyojanagatasyāpi padavīṃ savyasācinaḥ | yāsyāmi rathināṃ śreṣṭhaṃ pravaraṃ ca dhanuṣmatām

Even if Savyasachin has gone three yojanas, I shall follow his road, the best of chariot-warriors and foremost of those who bear the bow.

Note on the text: Stray quote marks removed. Not in the critical edition's main text; star passage 7.87.51d*0594_01-02 (placed after 7.87.51). Opening quote mark removed. The automatic alignment found no match.

Verse 55 (7.112.55)

सूर्योदयगतस्याहं पाण्डवस्य गतिं चरन् । अपराह्णगते सूर्ये गमिष्यामि न संशयः ॥

sūryodayagatasyāhaṃ pāṇḍavasya gatiṃ caran | aparāhṇagate sūrye gamiṣyāmi na saṃśayaḥ

Following the course of the Pandava who set out at sunrise, I shall reach him when the sun has declined in the afternoon, without doubt.

Note on the text: Stray quote marks removed. Not in the critical edition's main text; star passage 7.87.51d*0594_03-04 (CE has अपरेण गते सूर्ये for Wikisource अपराह्णगते सूर्ये). Closing quote mark removed. The automatic alignment found no match.

Verse 56 (7.112.56)

तस्माद्वै वाजिनो मुख्यान्विश्रुताञ्शुभलक्षणैः । उपावृत्तांश्च पीतांश्च पुनर्युञ्जन्तु मे रथे ॥

tasmādvai vājino mukhyānviśrutāñśubhalakṣaṇaiḥ | upāvṛttāṃśca pītāṃśca punaryuñjantu me rathe

Therefore let them yoke to my chariot again the chief horses, renowned for their good marks, that have rolled and drunk.

Note on the text: Wikisource reads विश्रुतान् (renowned) where the CE has विश्रान्ताः (rested); kept as the page's reading.

Verse 57 (7.112.57)

तस्य सर्वानुपासङ्गान्सर्वोपकरणानि च । रथे चास्थापयद्राजा शस्त्राणि विविधानि च ॥

tasya sarvānupāsaṅgānsarvopakaraṇāni ca | rathe cāsthāpayadrājā śastrāṇi vividhāni ca

The king had all his quivers, all his equipment and many kinds of weapons placed in the chariot.

Verse 58 (7.112.58)

ततस्तान्सर्वतोमुक्तान्सदश्वांश्चतुरो जनाः । रसवत्पाययामासुः पानं मदसमीरणम् ॥

tatastānsarvatomuktānsadaśvāṃścaturo janāḥ | rasavatpāyayāmāsuḥ pānaṃ madasamīraṇam

Then the men freed the four fine horses from all their harness and gave them a flavourful drink that stirred their spirit.

Verse 59 (7.112.59)

पीतोपवृत्तान्स्नातांश्च जग्धान्नान्समलङ्कृतान् । विनीतशल्यांस्तुरगांश्चतुरो हेममालिनः ॥

pītopavṛttānsnātāṃśca jagdhānnānsamalaṅkṛtān | vinītaśalyāṃsturagāṃścaturo hemamālinaḥ

The four horses, with golden garlands, having drunk, rolled, bathed, been fed and adorned, and with their darts drawn out,

Verse 60 (7.112.60)

तान्युक्तान्रुक्मवर्णाभान्विनीताञ्शीघ्रगामिनः । संहृष्टमनसोऽव्यग्रान्विधिवत्कल्पितान्रथे ॥

tānyuktānrukmavarṇābhānvinītāñśīghragāminaḥ | saṃhṛṣṭamanaso'vyagrānvidhivatkalpitānrathe

harnessed, golden-hued, trained, swift, glad of heart and untroubled, duly arrayed for the chariot,

Note on the text: Corrected मनसो व्यग्रान् → मनसोऽव्यग्रान् (misprint in Wikisource; missing avagraha flips the sense; the CE has saṃhṛṣṭamanaso 'vyagrān).

Verse 61 (7.112.61)

महाध्वजेन सिंहेन हेमकेसरमालिना । संवृते केतकैर्हैमैर्मणिविद्रुमचित्रितैः ॥

mahādhvajena siṃhena hemakesaramālinā | saṃvṛte ketakairhaimairmaṇividrumacitritaiḥ

in a chariot covered with a great banner bearing a lion with a golden mane and garland, with golden fittings set with gems and coral,

Note on the text: Corrected केतकैर्हैर्मैर् → केतकैर्हैमैर् (misprint in Wikisource; letters transposed; हैमैः "golden"). The CE has केतनैर्हेमैः (golden standards) for Wikisource's केतकैर्हैमैः; kept as the page's reading. The automatic alignment found no match (CE 7.87.57a-d).

Verse 62 (7.112.62)

पाण्डुराभ्रप्रकाशाभिः पताकाभिरलङ्कृते । हेमदण्डोच्छ्रितच्छत्रे बहुशस्त्रपरिच्छदे । योजयामास विधिवद्धेमभाण्डविभूषितान् ॥

pāṇḍurābhraprakāśābhiḥ patākābhiralaṅkṛte | hemadaṇḍocchritacchatre bahuśastraparicchade | yojayāmāsa vidhivaddhemabhāṇḍavibhūṣitān

adorned with pennants bright as white clouds, with a parasol raised on a golden staff and with abundant weapons and gear, he duly yoked the horses decked with golden trappings.

Note on the text: Line 1 is CE 7.87.57e; lines 2-3 are CE 7.87.58. The automatic alignment found no match.

Verse 63 (7.112.63)

दारुकस्यानुजो भ्राता सूतस्तस्य प्रियः सखा । न्यवेदयद्रथं युक्तं वासवस्येव मातलिः ॥

dārukasyānujo bhrātā sūtastasya priyaḥ sakhā | nyavedayadrathaṃ yuktaṃ vāsavasyeva mātaliḥ

Daruka's younger brother, Satyaki's charioteer and dear friend, announced the chariot yoked, as Matali does for Vasava.

Verse 64 (7.112.64)

ततः स्नातः शुचिर्भूत्वा कृतकौतुकमङ्गलः । स्नातकानां सहस्रस्य स्वर्णनिष्कानथो ददौ ॥

tataḥ snātaḥ śucirbhūtvā kṛtakautukamaṅgalaḥ | snātakānāṃ sahasrasya svarṇaniṣkānatho dadau

Then, having bathed and purified himself and performed the rites of good fortune, he gave gold nishkas to a thousand snatakas.

Note on the text: Lines 1-2 are CE 7.87.60a-d (CE has अदापयत् for Wikisource ददौ). The automatic alignment found no match.

Verse 65 (7.112.65)

आशीर्वादैः परिष्वक्तः सात्यकिः श्रीमतां वरः । ततः समधुपर्काम्भः पीत्वा कैरातकं मधु ॥

āśīrvādaiḥ pariṣvaktaḥ sātyakiḥ śrīmatāṃ varaḥ | tataḥ samadhuparkāmbhaḥ pītvā kairātakaṃ madhu

Embraced with blessings, Satyaki, best of the prosperous, then drank madhuparka water and Kirata honey.

Note on the text: Line 1 is CE 7.87.60e; line 2 is CE 7.87.61a-b (a variant: CE has सः मधुपर्कार्हः … कैलावतं मधु; the page's own notes record the readings समधुपर्कार्हः and कैलातकम् / कैलावतम्). The automatic alignment found no match.

Verse 66 (7.112.66)

लोहिताक्षो बभौ तत्र मदविह्वललोचनः । आलभ्य वीरकांस्यं च हर्षेण महताऽन्वितः ॥

lohitākṣo babhau tatra madavihvalalocanaḥ | ālabhya vīrakāṃsyaṃ ca harṣeṇa mahatā'nvitaḥ

His eyes grew red, and he shone there, his gaze dazed with drink, having touched the heroes' bronze with great joy.

Note on the text: Line 1 is CE 7.87.61c-d; line 2 is CE 7.87.62a-b. The automatic alignment found no match.

Verse 67 (7.112.67)

द्विगुणीकृततेजोभिः प्रज्वलन्निव पावकः । उत्सङ्गे धनुरादाय सशरं रथिनां वरः ॥

dviguṇīkṛtatejobhiḥ prajvalanniva pāvakaḥ | utsaṅge dhanurādāya saśaraṃ rathināṃ varaḥ

His splendour doubled, blazing like fire, the best of chariot-warriors took up his bow, with an arrow, on his lap.

Note on the text: Lines 1-2 are CE 7.87.62c-f (CE has द्विगुणीकृततेजा हि for Wikisource द्विगुणीकृततेजोभिः). The automatic alignment found no match.

Verse 68 (7.112.68)

आशीर्वादैः परिष्वक्तः सात्यकिः श्रीमतां वरः । कृतस्वस्त्ययनो विप्रैः कवची समलङ्कृतः ॥

āśīrvādaiḥ pariṣvaktaḥ sātyakiḥ śrīmatāṃ varaḥ | kṛtasvastyayano vipraiḥ kavacī samalaṅkṛtaḥ

Embraced with blessings, Satyaki, best of the prosperous, had the rites of well-being performed by brahmins, and, armoured and adorned,

Note on the text: Stray quote marks removed. Line 1 repeats the closing line of verse 65 (CE 7.87.60e), bracketed on the page; line 2 is CE 7.87.63a-b. Opening and closing quote marks removed. The automatic alignment found no match.

Verse 69 (7.112.69)

लाजैर्गन्धैस्तथा माल्यैः कन्याभिश्चाभिनन्दितः । युधिष्ठिरस्य चरणावभिवाद्य कृताञ्जलिः ॥

lājairgandhaistathā mālyaiḥ kanyābhiścābhinanditaḥ | yudhiṣṭhirasya caraṇāvabhivādya kṛtāñjaliḥ

welcomed with parched grain, perfumes, garlands and maidens, he saluted Yudhishthira's feet with joined palms;

Note on the text: Line 1 is CE 7.87.63c-d; line 2 is CE 7.87.64a-b. The automatic alignment found no match.

Verse 70 (7.112.70)

तेन मूर्धन्युपाघ्रातः कृतस्वस्त्ययनोऽपि च । आशिषो विविधाः श्रुत्वा धर्मराजमुखेरिताः । हर्षेण महता युक्त आरुरोह महारथम् ॥

tena mūrdhanyupāghrātaḥ kṛtasvastyayano'pi ca | āśiṣo vividhāḥ śrutvā dharmarājamukheritāḥ | harṣeṇa mahatā yukta āruroha mahāratham

Yudhishthira kissed him on the head; and having heard the many blessings that came from Dharmaraja's lips, filled with great joy, he mounted the great chariot.

Note on the text: Corrected कृतस्वस्ययनोऽपि → कृतस्वस्त्ययनोऽपि (misprint in Wikisource; dropped t; the CE has kṛtasvastyayano). Line 1 is a variant of CE 7.87.64c-d; lines 2-3 are the CE's star lines 7.87.64d*0595_01-02. The automatic alignment found no match.

Verse 71 (7.112.71)

ततस्ते वाजिनो हृष्टाः सुपुष्टा वातरंहसः । अजय्या जैत्रमूहुस्तं विकुर्वाणाः स्म सैन्धवाः । यथा शक्ररथं राजन्नूहुस्ते हरयः पुरा ॥

tataste vājino hṛṣṭāḥ supuṣṭā vātaraṃhasaḥ | ajayyā jaitramūhustaṃ vikurvāṇāḥ sma saindhavāḥ | yathā śakrarathaṃ rājannūhuste harayaḥ purā

Then those horses, glad, well fed, swift as the wind, invincible, the Saindhava breed, bore that victorious chariot, prancing, as Shakra's bays bore his chariot long ago, O king.

Note on the text: Lines 1-2 are CE 7.87.65 (CE has विकुर्वन्तः for Wikisource विकुर्वाणाः); line 3 is the CE's star line 7.87.65d*0596_01. The automatic alignment found no match.

Verse 72 (7.112.72)

तथैव भीमसेनोऽपि धर्मराजेन पूजितः । प्रायात्सात्यकिना सार्धमभिवाद्य युधिष्ठिरम् ॥

tathaiva bhīmaseno'pi dharmarājena pūjitaḥ | prāyātsātyakinā sārdhamabhivādya yudhiṣṭhiram

Likewise Bhimasena, honoured by Dharmaraja, set out with Satyaki after saluting Yudhishthira.

Note on the text: Not in the critical edition's main text; star passage 7.87.65d*0596_02-03. The automatic alignment found no match.

Verse 73 (7.112.73)

तौ दृष्ट्वा प्रविविक्षन्तौ तव सेनामरिंदमौ । संयत्तास्तावकाः सर्वे तस्थुर्द्रोणपुरोगमाः ॥

tau dṛṣṭvā pravivikṣantau tava senāmariṃdamau | saṃyattāstāvakāḥ sarve tasthurdroṇapurogamāḥ

Seeing those two foe-subduers about to enter your army, all your men, led by Drona, stood ready.

Note on the text: Not in the critical edition's main text; star passage 7.87.65d*0596_04-05. The automatic alignment found no match.

Verse 74 (7.112.74)

सन्नद्धमनुगच्छन्तं दृष्ट्वा भीमं स सात्यकिः । अभिनन्द्याब्रवीद्वीरस्तदा हर्षकरं वचः ॥

sannaddhamanugacchantaṃ dṛṣṭvā bhīmaṃ sa sātyakiḥ | abhinandyābravīdvīrastadā harṣakaraṃ vacaḥ

Seeing Bhima following him fully armed, the hero Satyaki welcomed him and then spoke words that gave him joy.

Note on the text: Not in the critical edition's main text; star passage 7.87.65d*0596_06-07 (it stands in the CE where the main text has 7.87.66a, atha harṣaparītāṅgaḥ sātyakir bhīmam abravīt). The automatic alignment found no match. Speaker: Sanjaya (narration); the page's heading at verse 57 covers it.

Verse 75 (7.112.75)

त्वं भीम रक्ष राजानमेतत्कार्यतमं हि ते । अहं भित्त्वा प्रवेक्ष्यामि कालपक्वमिदं बलम् ॥

tvaṃ bhīma rakṣa rājānametatkāryatamaṃ hi te | ahaṃ bhittvā pravekṣyāmi kālapakvamidaṃ balam

You, Bhima, guard the king; that is your most pressing task. I shall break in and enter this force that time has ripened.

Note on the text: Line 1 is CE 7.87.66c-d; line 2 is CE 7.87.67a-b. The automatic alignment found no match. Speaker: Satyaki (direct speech, unheaded; the input carried Sanjaya over).

Verse 76 (7.112.76)

आयत्यां च तदात्वे च श्रेयो राज्ञोऽभिरक्षणम् । जानीषे मम वीर्यं त्वं तव चाहमरिन्दम । तस्माद्भीम निवर्तस्व मम चेदिच्छसि प्रियम् ॥

āyatyāṃ ca tadātve ca śreyo rājño'bhirakṣaṇam | jānīṣe mama vīryaṃ tvaṃ tava cāhamarindama | tasmādbhīma nivartasva mama cedicchasi priyam

Guarding the king is best, both for what lies ahead and for the present moment. You know my strength and I know yours, O subduer of foes. Therefore turn back, Bhima, if you wish to please me.

Note on the text: Lines 1-3 are CE 7.87.67c-d and 7.87.68. The automatic alignment found no match. Speaker: Satyaki (direct speech, unheaded; the input carried Sanjaya over).

Verse 77 (7.112.77)

तथोक्तः सात्यकिं प्राह व्रज त्वं कार्यसिद्धये । अहं राज्ञः करिष्यामि रक्षां पुरुषसत्तम ॥

tathoktaḥ sātyakiṃ prāha vraja tvaṃ kāryasiddhaye | ahaṃ rājñaḥ kariṣyāmi rakṣāṃ puruṣasattama

Thus addressed, Bhima said to Satyaki: "Go, to accomplish your task; I shall guard the king, O best of men."

Verse 78 (7.112.78)

एवमुक्तः प्रत्युवाच भीमसेनं स माधवः । गच्छ गच्छ ध्रुवं पार्थ ध्रुवो हि विजयो मम ॥

evamuktaḥ pratyuvāca bhīmasenaṃ sa mādhavaḥ | gaccha gaccha dhruvaṃ pārtha dhruvo hi vijayo mama

Thus addressed, Madhava answered Bhimasena: "Go, go, Partha, surely; victory is certain for me.

Verse 79 (7.112.79)

यन्मे स्निग्धोऽनुरक्तश्च त्वमद्य वशमास्थितः । निमित्तानि च धन्यानि यथा भीम वदन्ति मां ॥

yanme snigdho'nuraktaśca tvamadya vaśamāsthitaḥ | nimittāni ca dhanyāni yathā bhīma vadanti māṃ

Since you, loving and devoted, have today yielded to my wish, and since the omens, Bhima, as they speak to me, are auspicious,

Note on the text: Speaker: Satyaki (direct speech, unheaded; the input carried Sanjaya over).

Verse 80 (7.112.80)

निहते सैन्धवे पापे पाण्डवेन महात्मना । परिष्वजिष्ये राजानं धर्मात्मानं युधिष्ठिरम् । अप्रमादश्च ते कार्यो द्रोणं प्रति महारथम् ॥

nihate saindhave pāpe pāṇḍavena mahātmanā | pariṣvajiṣye rājānaṃ dharmātmānaṃ yudhiṣṭhiram | apramādaśca te kāryo droṇaṃ prati mahāratham

when the wicked Saindhava has been slain by the great-souled Pandava, I shall embrace the righteous King Yudhishthira. And you must not be careless of Drona, the great chariot-warrior."

Note on the text: Stray quote marks removed. Lines 1-2 are a variant of CE 7.87.72 (CE ends the line धर्मात्मानं न संशयः for Wikisource धर्मात्मानं युधिष्ठिरम्); line 3 is the CE's star line 7.87.72d*0597_01, bracketed on the page (quote marks removed). The automatic alignment found no match. Speaker: Satyaki (direct speech, unheaded; the input carried Sanjaya over).

Verse 81 (7.112.81)

एतावदुक्त्वा भीमं तु विसृज्य च महायशाः । सम्प्रैक्षत्तावकं सैन्यं व्याघ्रो मृगगणानिव ॥

etāvaduktvā bhīmaṃ tu visṛjya ca mahāyaśāḥ | sampraikṣattāvakaṃ sainyaṃ vyāghro mṛgagaṇāniva

Having said only this and dismissed Bhima, the very glorious one looked at your army as a tiger looks at herds of deer.

Note on the text: Speaker: Sanjaya. The page's heading here reads "सञ्चय उवाच" (misprint for सञ्जय); the speaker is corrected to सञ्जय for verses 81-83.

Verse 82 (7.112.82)

तं दृष्ट्वा प्रविविक्षन्तं सैन्यं तव जनाधिप । भूय एवाभवन्मूढं सुभृशं चाप्यकम्पत ॥

taṃ dṛṣṭvā pravivikṣantaṃ sainyaṃ tava janādhipa | bhūya evābhavanmūḍhaṃ subhṛśaṃ cāpyakampata

Seeing him about to enter, O ruler of men, your army was bewildered again and trembled greatly.

Verse 83 (7.112.83)

ततः प्रयातः सहसा तव सैन्यं स सात्यकिः । दिदृक्षुरर्जुनं राजन्धर्मराजस्य शासनात् ॥

tataḥ prayātaḥ sahasā tava sainyaṃ sa sātyakiḥ | didṛkṣurarjunaṃ rājandharmarājasya śāsanāt

Then Satyaki suddenly advanced against your army, O king, wishing to see Arjuna, at Dharmaraja's command.