Satyaki Presses On Past Drona and Fights Kritavarman

Verse 1 (7.113.1)

प्रयाते तव सैन्यं तु युयुधाने युयुत्सया । धर्मराजो महाराज स्वेनानीकेन संवृतः । प्रायाद्द्रोणरथं प्रेप्सुर्युयुधानस्य पृष्ठतः ॥

prayāte tava sainyaṃ tu yuyudhāne yuyutsayā | dharmarājo mahārāja svenānīkena saṃvṛtaḥ | prāyāddroṇarathaṃ prepsuryuyudhānasya pṛṣṭhataḥ

When Yuyudhana had set out against your army, eager to fight, O great king, King Yudhishthira, surrounded by his own division, advanced behind Yuyudhana, wishing to reach Drona's chariot.

Verse 2 (7.113.2)

ततः पाञ्चालराजस्य पुत्रः समरदुर्मदः । प्रयाते माधवे राजन्निदं वचनमब्रवीत् ॥

tataḥ pāñcālarājasya putraḥ samaradurmadaḥ | prayāte mādhave rājannidaṃ vacanamabravīt

Then the son of the Panchala king, reckless in battle, spoke these words, O king, as the Madhava set out; and King Vasudana cried out in the Pandava army:

Note on the text: Removed stray wiki quote marks (backtick and apostrophe). Line 1 = CE 7.88.2a; line 2 is CE star passage 7.88.2b*0598_01 (placed between 2a and 2c in the CE); the CE's line 2c is the first line of the next Wikisource verse.

Verse 3 (7.113.3)

प्राक्रोशत्पाण्डवानीके वसुदानश्च पार्थिवः । आगच्छत प्रहरत द्रुतं विपरिधावत ॥

prākrośatpāṇḍavānīke vasudānaśca pārthivaḥ | āgacchata praharata drutaṃ viparidhāvata

King Vasudana cried out in the Pandava army: "Come on! Strike! Rush about swiftly on every side,

Note on the text: Line 1 = CE 7.88.2c; line 2 = CE 7.88.3a. Speaker: the verse opens with narration; the cry that begins in line 2 runs on into the next verse.

Verse 4 (7.113.4)

यथा सुखेन गच्छेत सात्यकिर्युद्धदुर्मदः । महारथा हि बहवो यतिष्यन्तेऽस्य निर्जये ॥

yathā sukhena gaccheta sātyakiryuddhadurmadaḥ | mahārathā hi bahavo yatiṣyante'sya nirjaye

so that Satyaki, so fierce in battle, may go on with ease; for many great chariot-warriors will try to overcome him!"

Note on the text: Lines = CE 7.88.3c and 7.88.4a. Speaker: no heading is printed, but the whole verse is the cry begun in verses 2-3 (the next printed heading, सञ्जय उवाच, comes only at verse 5), so it is given to the Panchala prince named in the star line of verse 2; Vasudana, who also cried out, shares it. Sanjaya reports it to Dhritarashtra.

Verse 5 (7.113.5)

सेनापतिवचः श्रुत्वा पाण्डवेयाः समन्ततः । अभ्युद्ययुर्महाराज तव सैन्यं समन्ततः ॥

senāpativacaḥ śrutvā pāṇḍaveyāḥ samantataḥ | abhyudyayurmahārāja tava sainyaṃ samantataḥ

Hearing the commander's words, the sons of Pandu, O great king, rose up against your army from every side,

Note on the text: Removed stray wiki quote marks (backtick and apostrophe). Not in the critical edition's main text; it appears there as star passage 7.88.4b*0599_01–02 (after 7.88.4a).

Verse 6 (7.113.6)

जहि प्रहर गृह्णीहि विध्य विद्रव चाद्रव । इति ब्रुवन्तो वेगेन निपेतुस्ते महारथाः ॥

jahi prahara gṛhṇīhi vidhya vidrava cādrava | iti bruvanto vegena nipetuste mahārathāḥ

shouting, "Kill! Strike! Seize! Pierce! Rush on, run at them!" and those great chariot-warriors fell upon it with speed.

Note on the text: Removed stray wiki quote marks (backtick and apostrophe). Corrected ब्रुवन्तौ → ब्रुवन्तो (misprint in Wikisource; a dual ending cannot agree with the plural महारथाः; CE bruvanto). Line 1 is CE star passage 7.88.4b*0599_03; line 2 is a variant of CE 7.88.4c (CE: samāpetur balaṃ tava).

Verse 7 (7.113.7)

वयं प्रतिजिगीषन्तस्तत्र तान्समभिद्रुताः । बाणशङ्खरवान्कृत्वा विमिश्रान्वाद्यनिस्वनैः ॥

vayaṃ pratijigīṣantastatra tānsamabhidrutāḥ | bāṇaśaṅkharavānkṛtvā vimiśrānvādyanisvanaiḥ

Eager to meet them, we rushed at them there, your men making the clamour of arrows and conches mixed with the din of musical instruments,

Note on the text: Removed stray wiki quote marks (backtick and apostrophe). Line 1 = CE 7.88.5a; line 2 is a variant of CE star passage 7.88.5b*0600_01 (CE: bāṇaśabdaravān … śaṅkhanisvanaiḥ).

Verse 8 (7.113.8)

युयुधानरथं दृष्ट्वा तावका अभिदुद्रुवुः । ततः शब्दो महानासीद्युयुधानरथं प्रति ॥

yuyudhānarathaṃ dṛṣṭvā tāvakā abhidudruvuḥ | tataḥ śabdo mahānāsīdyuyudhānarathaṃ prati

and seeing Yuyudhana's chariot, your men ran forward. Then a great uproar arose around Yuyudhana's chariot.

Note on the text: Removed stray wiki quote marks (backtick and apostrophe). Not a CE main-text verse: line 1 is CE star passage 7.88.5b*0600_02; line 2 = CE 7.88.5c.

Verse 9 (7.113.9)

आकीर्यमाणा धावन्ती तव पुत्रस्य वाहिनी । सात्वतेन महाराज शतधाऽभिव्यशीर्यत ॥

ākīryamāṇā dhāvantī tava putrasya vāhinī | sātvatena mahārāja śatadhā'bhivyaśīryata

Struck from every side as it ran, your son's army, O great king, was shattered into a hundred pieces by the Satvata.

Verse 10 (7.113.10)

तस्यां विदीर्यमाणायां शिनेः पुत्रो महारथः । सप्तवीरान्महेष्वासानग्रानीकेष्वपोथयत् ॥

tasyāṃ vidīryamāṇāyāṃ śineḥ putro mahārathaḥ | saptavīrānmaheṣvāsānagrānīkeṣvapothayat

As it was being torn apart, the great chariot-warrior, the son of Shini, struck down seven mighty archers at the head of the line.

Verse 11 (7.113.11)

अथान्यानपि राजेन्द्र नानाजनपदेश्वरान् । शरैरनलसङ्काशैर्निन्ये वीरान्यमक्षयम् ॥

athānyānapi rājendra nānājanapadeśvarān | śarairanalasaṅkāśairninye vīrānyamakṣayam

Then, O best of kings, with arrows blazing like fire he sent other heroes too, the lords of many realms, to the abode of Yama.

Note on the text: Not in the critical edition's main text; it appears there as star passage 7.88.7d*0601_01–02 (after 7.88.7).

Verse 12 (7.113.12)

शतमेकेन विव्याध शतेनैकं च पत्रिणाम् । द्विपारोहान्द्विपांश्चैव हयारोहान्हयांस्तथा । रथिनः साश्वसूतांश्च जघानेशः पशूनिव ॥

śatamekena vivyādha śatenaikaṃ ca patriṇām | dvipārohāndvipāṃścaiva hayārohānhayāṃstathā | rathinaḥ sāśvasūtāṃśca jaghāneśaḥ paśūniva

He pierced a hundred men with a single arrow and a single man with a hundred arrows; elephant-riders and elephants, horse-riders and horses, chariot-fighters together with their horses and charioteers he slew, as the Lord Rudra slays beasts.

Note on the text: Not in the critical edition's main text; it appears there as star passage 7.88.7d*0601_03–05.

Verse 13 (7.113.13)

तं तथाऽद्भुतकर्माणं शरसम्पातवर्षिणम् । न केचनाभ्यधावन्वै सात्यकिं तव सैनिकाः ॥

taṃ tathā'dbhutakarmāṇaṃ śarasampātavarṣiṇam | na kecanābhyadhāvanvai sātyakiṃ tava sainikāḥ

Seeing him so wondrous in his deeds, raining down showers of arrows, none of your soldiers dared to run at Satyaki.

Note on the text: Not in the critical edition's main text; it appears there as star passage 7.88.7d*0601_06–07.

Verse 14 (7.113.14)

ते भीता मृद्यमानाश्च प्रमृष्टा दीर्घबाहुना । आयोधनं जहुर्वीरा दृष्ट्वा तमतिमानिनम् ॥

te bhītā mṛdyamānāśca pramṛṣṭā dīrghabāhunā | āyodhanaṃ jahurvīrā dṛṣṭvā tamatimāninam

Terrified, crushed and wiped out by the long-armed warrior, those heroes abandoned the battlefield on seeing that exceedingly proud man.

Note on the text: Corrected दृष्टा → दृष्ट्वा (misprint in Wikisource; the absolutive is required, CE dṛṣṭvā).

Verse 15 (7.113.15)

तमेकं बहुधा पश्यन्मोहितास्तस्य तेजसा । सङ्ग्रामकोविदं वीरं विचरन्तमभीतवत् ॥

tamekaṃ bahudhā paśyanmohitāstasya tejasā | saṅgrāmakovidaṃ vīraṃ vicarantamabhītavat

Seeing that one man as though many, they were bewildered by his splendour: that hero, skilled in war, moving about without fear.

Note on the text: Restored from the critical edition (7.88.8d*0602_02): Wikisource prints only the first line of this two-line star passage (7.88.8d*0602_01) as a verse; line 2 (सङ्ग्रामकोविदं वीरं विचरन्तमभीतवत्) is added from the CE apparatus, the words kept exactly. The passage is not in the CE main text.

Verse 16 (7.113.16)

रथैर्विमथितैश्चैव भग्ननीडैश्च मारिष । चक्रैर्विमथितैश्छत्रैर्ध्वजैश्च विनिपातितैः ॥

rathairvimathitaiścaiva bhagnanīḍaiśca māriṣa | cakrairvimathitaiśchatrairdhvajaiśca vinipātitaiḥ

With chariots smashed and their seats broken, O sir, with wheels shattered, and with parasols and standards cast down,

Verse 17 (7.113.17)

अनुकर्षैः पताकाभिः शिरस्त्राणैः सकाञ्चनैः । बाहुभिश्चन्दनादिग्धैः साङ्गदैश्च विशाम्पते ॥

anukarṣaiḥ patākābhiḥ śirastrāṇaiḥ sakāñcanaiḥ | bāhubhiścandanādigdhaiḥ sāṅgadaiśca viśāmpate

with chariot-undercarriages, banners, golden helmets, and arms smeared with sandal-paste and wearing armlets, O lord of the people,

Verse 18 (7.113.18)

हस्तिहस्तोपमैश्चापि भुजङ्गाभोगसन्निभैः । ऊरुभिः पृथिवी च्छन्ना मनुजानां नराधिप ॥

hastihastopamaiścāpi bhujaṅgābhogasannibhaiḥ | ūrubhiḥ pṛthivī cchannā manujānāṃ narādhipa

and with thighs like elephants' trunks and like the coils of serpents, the earth lay covered, O lord of men, with the limbs of men.

Verse 19 (7.113.19)

शशाङ्कसन्निभैश्चैव वदनैश्चारुकुण्डलैः । पतितैर्ऋषभाक्षाणां बभौ भारत मेदिनी ॥

śaśāṅkasannibhaiścaiva vadanaiścārukuṇḍalaiḥ | patitairṛṣabhākṣāṇāṃ babhau bhārata medinī

The earth shone, O Bharata, with the fallen faces, bright as the moon, with lovely earrings, of men whose eyes were like a bull's.

Note on the text: Corrected शशाङ्कुसन्निभैश्चैव → शशाङ्कसन्निभैश्चैव (misprint in Wikisource; a stray ु makes a non-word, CE śaśāṅkasaṃnikāśaiś ca).

Verse 20 (7.113.20)

गजैश्च बहुधा छिन्नैः शयानैः पर्वतोपमैः । रराजातिभृशं भूमिर्विकीर्णैरिव पर्वतैः ॥

gajaiśca bahudhā chinnaiḥ śayānaiḥ parvatopamaiḥ | rarājātibhṛśaṃ bhūmirvikīrṇairiva parvataiḥ

With elephants cut to pieces in many ways, lying like mountains, the earth shone exceedingly, as though strewn with scattered hills.

Verse 21 (7.113.21)

तपनीयमयैर्योक्त्रैर्मुक्ताजालविभूषितैः । उरश्छदैर्विचित्रैश्च व्यशोभन्त तुरङ्गमाः । गतसत्वा महीं प्राप्य प्रमृष्टा दीर्घबाहुना ॥

tapanīyamayairyoktrairmuktājālavibhūṣitaiḥ | uraśchadairvicitraiśca vyaśobhanta turaṅgamāḥ | gatasatvā mahīṃ prāpya pramṛṣṭā dīrghabāhunā

The horses, too, with golden yokes adorned with nets of pearls and with many-coloured breast-armour, lay shining on the ground, lifeless, crushed by the long-armed warrior.

Verse 22 (7.113.22)

नानाविधानि सैन्यानि तव हत्वा तु सात्वतः । प्रविष्टस्तावकं सैन्यं द्रावयित्वा चमूं भृशम् ॥

nānāvidhāni sainyāni tava hatvā tu sātvataḥ | praviṣṭastāvakaṃ sainyaṃ drāvayitvā camūṃ bhṛśam

Having slain your armies of many kinds, O king, the Satvata entered your host, utterly routing the force.

Verse 23 (7.113.23)

ततस्तेनैव मार्गेण येन यातो धनञ्जयः । इयेष सात्यकिर्गन्तुं ततो द्रोणेन वारितः ॥

tatastenaiva mārgeṇa yena yāto dhanañjayaḥ | iyeṣa sātyakirgantuṃ tato droṇena vāritaḥ

Then Satyaki wished to go by the very path by which Dhananjaya had gone, but Drona stopped him.

Verse 24 (7.113.24)

भारद्वाजं समासाद्य युयुधानश्च सात्यकिः । न न्यवर्तत सङ्क्रुद्धो वेलामिव जलाशयः ॥

bhāradvājaṃ samāsādya yuyudhānaśca sātyakiḥ | na nyavartata saṅkruddho velāmiva jalāśayaḥ

Facing the son of Bharadvaja, Yuyudhana Satyaki, enraged, did not turn back, like the ocean against its shore.

Verse 25 (7.113.25)

निवार्य तु रणे द्रोणो युयुधानं महारथम् । विव्याध निशितैर्बाणैः पञ्चभिर्मर्मभेदिभिः ॥

nivārya tu raṇe droṇo yuyudhānaṃ mahāratham | vivyādha niśitairbāṇaiḥ pañcabhirmarmabhedibhiḥ

Having checked the great chariot-warrior Yuyudhana in battle, Drona pierced him with five sharp arrows that break the vitals.

Verse 26 (7.113.26)

सात्यकिस्तु रणे द्रोणं राजन्विव्याध सप्तभिः । हेमपुङ्घैः शिलाधौतैः कङ्कबर्हिणवाजितैः ॥

sātyakistu raṇe droṇaṃ rājanvivyādha saptabhiḥ | hemapuṅghaiḥ śilādhautaiḥ kaṅkabarhiṇavājitaiḥ

But Satyaki, O king, pierced Drona in battle with seven gold-shafted arrows, whetted on stone and fledged with the feathers of herons and peacocks.

Verse 27 (7.113.27)

तं षड्भिः सायकैर्द्रोणः साश्वयन्तारमार्दयत् । स तं न ममृषे द्रोणं युयुधानो महारथः ॥

taṃ ṣaḍbhiḥ sāyakairdroṇaḥ sāśvayantāramārdayat | sa taṃ na mamṛṣe droṇaṃ yuyudhāno mahārathaḥ

Drona afflicted him, with his horses and charioteer, with six arrows; and the great chariot-warrior Yuyudhana could not bear that from Drona.

Note on the text: Corrected षं षड्भिः → तं षड्भिः (misprint in Wikisource; the object pronoun is needed, CE taṃ ṣaḍbhiḥ).

Verse 28 (7.113.28)

सिंहनादं ततः कृत्वा द्रोणं विव्याध सात्यकिः । दशभिः सायकैश्चान्यैः षड्भिरष्टाभिरेव च ॥

siṃhanādaṃ tataḥ kṛtvā droṇaṃ vivyādha sātyakiḥ | daśabhiḥ sāyakaiścānyaiḥ ṣaḍbhiraṣṭābhireva ca

Then, letting out a lion's roar, Satyaki pierced Drona with ten arrows and then with others, with six and with eight more.

Verse 29 (7.113.29)

युयुधानः पुनर्द्रोणं विव्याध दशभिः शरैः । एकेन सारथिं चास्य चतुर्भिश्चतुरो हयान् । ध्वजमेकेन बाणेन विव्याध युधि मारिष ॥

yuyudhānaḥ punardroṇaṃ vivyādha daśabhiḥ śaraiḥ | ekena sārathiṃ cāsya caturbhiścaturo hayān | dhvajamekena bāṇena vivyādha yudhi māriṣa

Yuyudhana again pierced Drona with ten arrows, his charioteer with one, the four horses with four, and the standard with a single arrow, O sir, in the fight.

Verse 30 (7.113.30)

तं द्रोणः साश्वयन्तारं सरथध्वजमाशुगैः । त्वरन्प्राच्छादयद्बाणैः शलभानामिव व्रजैः ॥

taṃ droṇaḥ sāśvayantāraṃ sarathadhvajamāśugaiḥ | tvaranprācchādayadbāṇaiḥ śalabhānāmiva vrajaiḥ

Drona swiftly covered him, with his horses, charioteer, chariot and standard, with arrows, as with swarms of locusts.

Verse 31 (7.113.31)

तथैव युयुधानोऽपि द्रोणं बहुभिराशुगैः । प्राच्छादयदसम्भ्रान्तस्त्वरमाणो महारथः ॥

tathaiva yuyudhāno'pi droṇaṃ bahubhirāśugaiḥ | prācchādayadasambhrāntastvaramāṇo mahārathaḥ

In the same way Yuyudhana, a great chariot-warrior, unshaken and swift, covered Drona with many fast arrows.

Note on the text: Removed stray wiki quote marks (backtick and apostrophe). Line 1 = CE 7.88.24a; line 2 is a variant of CE 7.88.24c (CE: prācchādayad asaṃbhrāntas tato droṇa uvāca ha).

Verse 32 (7.113.32)

द्रोणस्तु परमक्रुद्धः सात्यकिं परवीरहा । अवाकिरच्छितैर्बाणैर्वासुदेवपराक्रमम् ॥

droṇastu paramakruddhaḥ sātyakiṃ paravīrahā | avākiracchitairbāṇairvāsudevaparākramam

And Drona, in a towering rage, the slayer of enemy heroes, showered Satyaki, whose prowess matched Vasudeva's, with sharp arrows.

Note on the text: Corrected अवाक्रिच्छितैर्बाणैः → अवाकिरच्छितैर्बाणैः (misprint in Wikisource; the verb is अवाकिरत्, CE avākirac chitaiḥ). Not in the critical edition's main text; it appears there as star passage 7.88.24d*0603_01–02 (after 7.88.24).

Verse 33 (7.113.33)

तं तथा शरजालेन प्रच्छाद्य महता पुनः । द्रोणः प्रहस्य शैनेयमिदं वचनमब्रवीत् ॥

taṃ tathā śarajālena pracchādya mahatā punaḥ | droṇaḥ prahasya śaineyamidaṃ vacanamabravīt

Having covered him again with a great net of arrows, Drona laughed and spoke these words to the descendant of Shini:

Note on the text: Removed stray wiki quote marks (backtick and apostrophe). Not in the critical edition's main text; it appears there as star passage 7.88.24d*0603_03–04.

Verse 34 (7.113.34)

तवाचार्यो रणं हित्वा गतः कापुरुषो यथा । युध्यमानं च मां हित्वा प्रदक्षिणमवर्तत ॥

tavācāryo raṇaṃ hitvā gataḥ kāpuruṣo yathā | yudhyamānaṃ ca māṃ hitvā pradakṣiṇamavartata

"Your teacher has abandoned the battle and gone off like a coward; and leaving me as I fought, he passed around me keeping me on his right.

Note on the text: Speaker: no heading is printed, but Drona's address to Satyaki fills the whole verse (the previous verse ends "Drona said these words to Shaineya"); the input's carry-over of Sanjaya is corrected.

Verse 35 (7.113.35)

त्वं हि मे युध्यतो नाद्य जीवन्यास्यसि माधव । यदि मां त्वं रणे हित्वा न यास्याचार्यवद्द्रुतम् ॥

tvaṃ hi me yudhyato nādya jīvanyāsyasi mādhava | yadi māṃ tvaṃ raṇe hitvā na yāsyācāryavaddrutam

You too, Madhava, will not leave here alive today while I fight, unless you abandon me in battle and flee swiftly, as your teacher did."

Note on the text: Speaker: Drona, continuing his address (no heading printed); the input's carry-over of Sanjaya is corrected.

Verse 36 (7.113.36)

धनञ्जयस्य पदवीं धर्मराजस्य शासनात् । गच्छामि स्वस्ति ते ब्रह्मन्न मे कालात्ययो भवेत् ॥

dhanañjayasya padavīṃ dharmarājasya śāsanāt | gacchāmi svasti te brahmanna me kālātyayo bhavet

"By the command of King Dharma I go along the path of Dhananjaya. May it be well with you, brahmin; let no time be lost to me.

Verse 37 (7.113.37)

आचार्यानुगतो मार्गः शिष्यैरन्वास्यते सदा । तस्मादेव व्रजाम्याशु यथा मे स गुरुर्गतः ॥

ācāryānugato mārgaḥ śiṣyairanvāsyate sadā | tasmādeva vrajāmyāśu yathā me sa gururgataḥ

The path the teacher has trodden is always followed by his disciples; so I hasten along the very way my teacher went."

Note on the text: Not in the critical edition's main text; it appears there as star passage 7.88.27d*0604_01–02 (after 7.88.27). Speaker: Satyaki, continuing his reply under the heading at verse 36.

Verse 38 (7.113.38)

एतावदुक्त्वा शैनेय आचार्यं परिवर्जयन् । प्रयातः सहसा राजन्सारथिं चेदमब्रवीत् ॥

etāvaduktvā śaineya ācāryaṃ parivarjayan | prayātaḥ sahasā rājansārathiṃ cedamabravīt

Having said this, the descendant of Shini, avoiding the teacher, set off suddenly, O king, and spoke to his charioteer:

Verse 39 (7.113.39)

द्रोणः करिष्यते यत्नं सर्वथा मम वारणे । यत्तो याहि रणे सूत शृणु चेदं वचः परम् ॥

droṇaḥ kariṣyate yatnaṃ sarvathā mama vāraṇe | yatto yāhi raṇe sūta śṛṇu cedaṃ vacaḥ param

"Drona will try by every means to stop me. Drive on carefully into the battle, charioteer, and hear this further word of mine.

Note on the text: Speaker: Satyaki addressing his charioteer; no heading is printed before the next one, at verse 50, so the input's Sanjaya is corrected for verses 39-49.

Verse 40 (7.113.40)

एतदालोक्यते सैन्यमावन्त्यानां महाप्रभम् । अस्यानन्तरतस्त्वेतद्दाक्षिणात्यं महद्बलम् ॥

etadālokyate sainyamāvantyānāṃ mahāprabham | asyānantaratastvetaddākṣiṇātyaṃ mahadbalam

There is seen the splendid army of the Avantis, and beyond it that great force of the southerners.

Verse 41 (7.113.41)

तदनन्तरमेतच्च बाह्लिकानां महद्बलम् । बाह्लिकाभ्याशतो युक्तं कर्णस्य च महद्बलम् ॥

tadanantarametacca bāhlikānāṃ mahadbalam | bāhlikābhyāśato yuktaṃ karṇasya ca mahadbalam

After it comes that great force of the Bahlikas, and near the Bahlikas stands Karna's great force as well.

Verse 42 (7.113.42)

अन्योन्येन हि सैन्यानि भिन्नान्येतानि सारथे । अन्योन्यं समुपाश्रित्य न त्यक्ष्यन्ति रणाजिरम् ॥

anyonyena hi sainyāni bhinnānyetāni sārathe | anyonyaṃ samupāśritya na tyakṣyanti raṇājiram

These forces, charioteer, are separate from one another, yet relying on one another they will not leave the battlefield.

Verse 43 (7.113.43)

एतदन्तरमासाद्य चोदयाश्वान्प्रहृष्टवत् । मध्यमं जवमास्थाय वह मामत्र सारथे ॥

etadantaramāsādya codayāśvānprahṛṣṭavat | madhyamaṃ javamāsthāya vaha māmatra sārathe

Reaching the gap between them, urge on the horses cheerfully; holding to a middling speed, carry me through here, charioteer —

Verse 44 (7.113.44)

बाह्लिका यत्र दृश्यन्ते नानाप्रहरणोद्यताः । दाक्षिणात्याश्च बहवः सूतपुत्रपुरोगमाः ॥

bāhlikā yatra dṛśyante nānāpraharaṇodyatāḥ | dākṣiṇātyāśca bahavaḥ sūtaputrapurogamāḥ

there, where the Bahlikas are seen with weapons of every kind raised, and the many southerners led by the charioteer's son,

Verse 45 (7.113.45)

हस्त्यश्वरथसम्बाधं यच्चानीकं विलोक्यते । नानादेशसमुत्थैश्च पदातिभिरधिष्ठितम् ॥

hastyaśvarathasambādhaṃ yaccānīkaṃ vilokyate | nānādeśasamutthaiśca padātibhiradhiṣṭhitam

and where that host is seen, crowded with elephants, horses and chariots and held also by foot-soldiers risen from many lands.

Verse 46 (7.113.46)

ततः शक्यो महाव्यूहो भेत्तुं स सहसा रणे । तं देशं त्वरिता यामो मृद्नन्तो युधि शात्रवान् ॥

tataḥ śakyo mahāvyūho bhettuṃ sa sahasā raṇe | taṃ deśaṃ tvaritā yāmo mṛdnanto yudhi śātravān

Then that great array can be broken suddenly in battle; let us quickly go to that spot, trampling the enemies in the fight.

Note on the text: Removed stray wiki quote marks (backtick and apostrophe). Removed the stray asterisk before ततः. Corrected मृद्ग्रन्तो → मृद्नन्तो (misprint in Wikisource; a stray ग् makes a non-word, CE mṛdanto). Not in the critical edition's main text; it appears there as star passage 7.88.35d*0607_01–02 (after 7.88.35). Speaker: Satyaki (his speech to the charioteer runs from verse 39 to the next printed heading, at verse 50).

Verse 47 (7.113.47)

तत्रैते सम्प्रहृष्टत्वान्नास्मान्प्रति युयुत्सवः ॥

tatraite samprahṛṣṭatvānnāsmānprati yuyutsavaḥ

There, being so elated, they are not eager to fight against us.

Note on the text: Not in the critical edition's main text; it appears there as star passage 7.88.35d*0607_03 (after 7.88.35). Speaker: Satyaki (see verse 46).

Verse 48 (7.113.48)

अयुध्यमानो बहुभिरेकं प्राप्य सुदुर्बलम् । बलं प्रमथ्य गच्छामि मिषतां सर्वधन्विनाम् ॥

ayudhyamāno bahubhirekaṃ prāpya sudurbalam | balaṃ pramathya gacchāmi miṣatāṃ sarvadhanvinām

Without fighting the many, I shall reach the one point that is very weak, crush the force, and pass on while all the archers look on.

Note on the text: Not in the critical edition's main text; it appears there as star passage 7.88.35d*0607_04–05 (after 7.88.35). Speaker: Satyaki (see verse 46).

Verse 49 (7.113.49)

मध्यतो याहि यत्रोग्रं कर्णस्य सुमहद्बलम् । यत्रैते परमक्रुद्धा दाक्षिणात्या महारथाः । एतान्विजित्य सङ्ग्रामे ततो यामो धनञ्जयम् ॥

madhyato yāhi yatrograṃ karṇasya sumahadbalam | yatraite paramakruddhā dākṣiṇātyā mahārathāḥ | etānvijitya saṅgrāme tato yāmo dhanañjayam

Go through the middle, where Karna's fierce, great force stands and where those southern great chariot-warriors are in extreme fury. Having conquered them in battle, we shall then go to Dhananjaya."

Note on the text: Line 1 corresponds to CE 7.88.36c (the Wikisource line begins मध्यतो याहि where the CE has sa vyatīyāya; CE 7.88.36a–b is not in the Wikisource text, but the page's own footnote gives it as the झ. manuscript's replacement for verses 46-49). Line 2 = CE star passage 7.88.36d*0608_01; line 3 = CE 7.88.36d*0608_02 (second line). Speaker: Satyaki (see verse 46).

Verse 50 (7.113.50)

युयुधानवचः श्रुत्वा युयुधानस्य सारथिः । यथोक्तमगमद्राजन्वर्जयन्द्रोणमाहवे ॥

yuyudhānavacaḥ śrutvā yuyudhānasya sārathiḥ | yathoktamagamadrājanvarjayandroṇamāhave

Hearing Yuyudhana's words, Yuyudhana's charioteer went as he had been told, O king, avoiding Drona in the battle.

Note on the text: Removed stray wiki quote marks (backtick and apostrophe). Not in the critical edition's main text; it appears there as star passage 7.88.36d*0608_03–04 (after 7.88.36).

Verse 51 (7.113.51)

तं द्रोणोऽनुययौ क्रुद्धो विकिरन्विशिखान्बहून् । युयुधानं महाभागं गच्छन्तमनिवर्तिनम् ॥

taṃ droṇo'nuyayau kruddho vikiranviśikhānbahūn | yuyudhānaṃ mahābhāgaṃ gacchantamanivartinam

Furious, Drona followed him, scattering many arrows, as the glorious Yuyudhana went on, never turning back.

Verse 52 (7.113.52)

स च सैन्यं महद्भित्त्वा दाक्षिणात्यबलं च तत् । कर्णस्य सैन्यं सुमहदभिहत्य शितैः शरैः ॥

sa ca sainyaṃ mahadbhittvā dākṣiṇātyabalaṃ ca tat | karṇasya sainyaṃ sumahadabhihatya śitaiḥ śaraiḥ

Having broken the great host and that southern force, and struck down Karna's very large army with sharp arrows,

Note on the text: Not a CE main-text verse: line 1 is CE star passage 7.88.37d*0609_01; line 2 = CE 7.88.38a.

Verse 53 (7.113.53)

प्राविशद्भारतीं सेनामपर्यन्तां स सात्यकिः । सात्यको हि ततः सैन्यं द्रावयन्स समन्ततः ॥

prāviśadbhāratīṃ senāmaparyantāṃ sa sātyakiḥ | sātyako hi tataḥ sainyaṃ drāvayansa samantataḥ

Satyaki entered the Bharata host, which seemed to have no end. And Satyaki, then driving the army to flight on every side,

Note on the text: Line 1 = CE 7.88.38c; line 2 is CE star passage 7.88.38d*0611_01.

Verse 54 (7.113.54)

प्रविष्टे युयुधाने तु सैनिकेषु द्रुतेषु च । अमर्षी कृतवर्मा तु सात्यकिं पर्यवारयत् ॥

praviṣṭe yuyudhāne tu sainikeṣu druteṣu ca | amarṣī kṛtavarmā tu sātyakiṃ paryavārayat

When Yuyudhana had entered and the soldiers were fleeing, the impatient Kritavarman surrounded Satyaki.

Verse 55 (7.113.55)

तमापतन्तं विशिखैः षड्भिराहत्य सात्यकिः । चतुर्भिश्चतुरोऽस्याश्वानाजघानाशु वीर्यवान् ॥

tamāpatantaṃ viśikhaiḥ ṣaḍbhirāhatya sātyakiḥ | caturbhiścaturo'syāśvānājaghānāśu vīryavān

As he rushed up, Satyaki struck him with six arrows, and the valiant one swiftly killed his four horses with four.

Verse 56 (7.113.56)

ततः पुनः षोडशभिर्नतपर्वभिराशुगैः । सात्यकिः कृतवर्माणं प्रत्यविध्यत्स्तनान्तरे ॥

tataḥ punaḥ ṣoḍaśabhirnataparvabhirāśugaiḥ | sātyakiḥ kṛtavarmāṇaṃ pratyavidhyatstanāntare

Then again Satyaki struck Kritavarman in the chest with sixteen swift, bent-jointed arrows.

Verse 57 (7.113.57)

स ताड्यमानो विशिखैर्बहुभिस्तिग्मतेजनैः । सात्वतेन महाराज कृतवर्मा न चक्षमे ॥

sa tāḍyamāno viśikhairbahubhistigmatejanaiḥ | sātvatena mahārāja kṛtavarmā na cakṣame

Struck by many sharp-pointed arrows from the Satvata, O great king, Kritavarman could not bear it.

Verse 58 (7.113.58)

स वत्सदन्तं सन्धाय तिग्मांश्वनलसप्रभम् । आकृष्य राजन्नाकर्णाद्विव्याधोरसि सात्यकिम् ॥

sa vatsadantaṃ sandhāya tigmāṃśvanalasaprabham | ākṛṣya rājannākarṇādvivyādhorasi sātyakim

He fitted a calf-tooth arrow, bright as the sun and fire, and drawing it back to his ear, O king, pierced Satyaki in the chest.

Note on the text: Corrected वत्सन्दतं → वत्सदन्तं (misprint in Wikisource; letters transposed, the arrow is a vatsadanta, CE vatsadantam).

Verse 59 (7.113.59)

स तस्य देहावरणं भित्त्वा देहं च सायकः । सपुङ्खपत्रः पृथिवीं विवेश रुधिरोक्षितः ॥

sa tasya dehāvaraṇaṃ bhittvā dehaṃ ca sāyakaḥ | sapuṅkhapatraḥ pṛthivīṃ viveśa rudhirokṣitaḥ

That arrow, with its shaft and feathers, pierced his armour and his body and entered the earth, drenched in blood.

Verse 60 (7.113.60)

अथास्य बहुभिर्बाणैरच्छिनत्परमास्त्रवित् । स मार्गणगणं राजन्कृतवर्मा शरासनम् ॥

athāsya bahubhirbāṇairacchinatparamāstravit | sa mārgaṇagaṇaṃ rājankṛtavarmā śarāsanam

Then Kritavarman, master of the highest weapons, with many arrows cut through his bow, together with the cluster of shafts upon it, O king,

Verse 61 (7.113.61)

विव्याध च रणे राजन्सात्यकिं सत्यविक्रमम् । दशभिर्विशिखैस्तीक्ष्णैरभिक्रुद्धः स्तनान्तरे ॥

vivyādha ca raṇe rājansātyakiṃ satyavikramam | daśabhirviśikhaistīkṣṇairabhikruddhaḥ stanāntare

and, thoroughly enraged, he pierced Satyaki, whose prowess was true, in the chest in the battle with ten sharp arrows.

Verse 62 (7.113.62)

ततः प्रशीर्णे धनुषि शक्त्या शक्तिमतां वरः । जघान दक्षिणं बाहुं सात्यकिः कृतवर्मणः ॥

tataḥ praśīrṇe dhanuṣi śaktyā śaktimatāṃ varaḥ | jaghāna dakṣiṇaṃ bāhuṃ sātyakiḥ kṛtavarmaṇaḥ

Then, when his bow was shattered, Satyaki, best of the mighty, struck Kritavarman's right arm with a javelin.

Note on the text: Corrected बहुं → बाहुं (misprint in Wikisource; a dropped long vowel, CE bāhuṃ).

Verse 63 (7.113.63)

ततोऽन्यत्सुदृढं चापं पूर्णमायम्य सात्यकिः । व्यसृजद्विशिखांस्तूर्णं शतशोऽथ सहस्रशः ॥

tato'nyatsudṛḍhaṃ cāpaṃ pūrṇamāyamya sātyakiḥ | vyasṛjadviśikhāṃstūrṇaṃ śataśo'tha sahasraśaḥ

Then Satyaki drew another, strong bow to the full and swiftly let fly arrows by hundreds and by thousands.

Verse 64 (7.113.64)

सरथं कृतवर्माणं समन्तात्पर्यवारयत् । छादयित्वा रणे राजन्हार्दिक्यं स तु सात्यकिः । अथास्य भल्लेन शिरः सारथेः समकृन्तत ॥

sarathaṃ kṛtavarmāṇaṃ samantātparyavārayat | chādayitvā raṇe rājanhārdikyaṃ sa tu sātyakiḥ | athāsya bhallena śiraḥ sāratheḥ samakṛntata

Satyaki surrounded Kritavarman together with his chariot on every side, and, O king, covering Hardikya utterly in the battle, with a broad-headed arrow he cut off his charioteer's head.

Note on the text: Lines 1-2 = CE 7.88.49a, 49c; line 3 = CE 7.88.50a.

Verse 65 (7.113.65)

स पपात हतः सूतो हार्दिक्यस्य महारथात् । ततस्ते यन्तृरहिताः प्राद्रवंस्तुरगा भृशम् ॥

sa papāta hataḥ sūto hārdikyasya mahārathāt | tataste yantṛrahitāḥ prādravaṃsturagā bhṛśam

The slain charioteer fell from Hardikya's great chariot, and then the horses, left without a driver, bolted wildly.

Note on the text: Lines = CE 7.88.50c and 7.88.50e.

Verse 66 (7.113.66)

अथ भोजस्तु सम्भ्रान्तो निगृह्य तुरगान्स्वयम् । तस्थौ वीरो धनुष्पाणिस्तत्सैन्यान्यभ्यपूजयन् ॥

atha bhojastu sambhrānto nigṛhya turagānsvayam | tasthau vīro dhanuṣpāṇistatsainyānyabhyapūjayan

Then Bhoja, flustered, himself reined in the horses and stood, the hero, bow in hand, while his troops acclaimed him.

Note on the text: Corrected तुरगामन् → तुरगान् (misprint in Wikisource; a stray म, CE turagān). Wikisource reads सम्भ्रान्तो (flustered) where the CE has असम्भ्रान्तो (unflustered); a recension variant, kept.

Verse 67 (7.113.67)

स मुहूर्तमिवाश्वास्य सदश्वान्समनोदयत् । व्यपेतभीरमित्राणामावहत्सुमहद्भयम् ॥

sa muhūrtamivāśvāsya sadaśvānsamanodayat | vyapetabhīramitrāṇāmāvahatsumahadbhayam

After a moment's rest he urged on his fine horses, free of fear, bringing great dread upon his enemies.

Note on the text: Corrected व्यपेत भीरमित्राणाम् → व्यपेतभीरमित्राणाम् (misprint in Wikisource; a stray word space splits the compound व्यपेतभीः, CE vyapetabhīr amitrāṇām). Lines 1-2 = CE 7.88.52a, 52c; the CE's third line (52e) is the next Wikisource verse.

Verse 68 (7.113.68)

सात्यकिश्चात्यगात्तस्मात्स तु भीममुपाद्रवत् ॥

sātyakiścātyagāttasmātsa tu bhīmamupādravat

Satyaki went past him, but he rushed upon Bhima.

Note on the text: Single-line verse = CE 7.88.52e (the third line of the CE verse, which Wikisource prints as a separate verse). Wikisource reads चात्यगात् where the CE has cābhyagāt; a variant, kept.

Verse 69 (7.113.69)

युयुधानोऽपि राजेन्द्र भोजानीकाद्विनिःसृतः । प्रययौ त्वरितस्तूर्णं काम्भोजानां महाचमूम् ॥

yuyudhāno'pi rājendra bhojānīkādviniḥsṛtaḥ | prayayau tvaritastūrṇaṃ kāmbhojānāṃ mahācamūm

Yuyudhana too, O king of kings, having come out of the Bhoja division, swiftly hastened to the great army of the Kambojas.

Verse 70 (7.113.70)

स तत्र बहुभिः शूरैः सन्निरुद्धो महारथैः । न चचाल तदा राजन्सात्यकिः सत्यविक्रमः ॥

sa tatra bahubhiḥ śūraiḥ sanniruddho mahārathaiḥ | na cacāla tadā rājansātyakiḥ satyavikramaḥ

Hemmed in there by many heroic great chariot-warriors, Satyaki of true prowess did not waver, O king.

Verse 71 (7.113.71)

सन्धाय च चमूं द्रोणो भोजे भारं निवेश्य च । अभ्यधावद्रणे यत्तो युयुधानं युयुत्सया ॥

sandhāya ca camūṃ droṇo bhoje bhāraṃ niveśya ca | abhyadhāvadraṇe yatto yuyudhānaṃ yuyutsayā

Drona, regrouping his troops and laying the burden on Bhoja, ran alert after Yuyudhana in the battle, eager to fight.

Verse 72 (7.113.72)

तथा तमनुधावन्तं युयुधानस्य पृष्ठतः । न्यवारयन्त संहृष्टाः पाण्डुसैन्ये बृहत्तमाः । समासाद्य तु हार्दिक्यं रथानां प्रवरं रथम् ॥

tathā tamanudhāvantaṃ yuyudhānasya pṛṣṭhataḥ | nyavārayanta saṃhṛṣṭāḥ pāṇḍusainye bṛhattamāḥ | samāsādya tu hārdikyaṃ rathānāṃ pravaraṃ ratham

As he ran thus behind Yuyudhana, the greatest warriors of the Pandava host, exultant, held him back; and, having come up against Hardikya, the finest of chariot-warriors on his chariot,

Note on the text: Corrected ब्रृहत्तमाः → बृहत्तमाः (misprint in Wikisource; a stray vowel sign on the first consonant, CE bṛhattamāḥ). Lines 1-2 = CE 7.88.56a, 56c (with संहृष्टाः for CE saṃkruddhāḥ); line 3 = CE 7.88.57a.

Verse 73 (7.113.73)

पाञ्चाला विगतोत्साहा भीमसेनपुरोगमाः । विक्रम्य वारिता राजन्वीरेण कृतवर्मणा ॥

pāñcālā vigatotsāhā bhīmasenapurogamāḥ | vikramya vāritā rājanvīreṇa kṛtavarmaṇā

the Panchalas, headed by Bhimasena, lost heart, O king, and for all their valour were held back by the hero Kritavarman.

Note on the text: Lines = CE 7.88.57c and 7.88.57e.

Verse 74 (7.113.74)

यतमानांश्च तान्सर्वानीषद्विगतचेतसः । अभितस्ताञ्शरौघेण क्लान्तवाहानकारयत् ॥

yatamānāṃśca tānsarvānīṣadvigatacetasaḥ | abhitastāñśaraugheṇa klāntavāhānakārayat

As they strove on, somewhat dazed in mind, he surrounded them all on every side with a flood of arrows and left their mounts exhausted.

Verse 75 (7.113.75)

निगृहीतास्तु भोजेन भोजानीकेप्सवो रणे । अतिष्ठन्नार्यवद्वीराः प्रार्थयन्तो महद्यशः । हार्दिक्यं समरे यत्ता न शेकुः प्रतिवीक्षितुम् ॥

nigṛhītāstu bhojena bhojānīkepsavo raṇe | atiṣṭhannāryavadvīrāḥ prārthayanto mahadyaśaḥ | hārdikyaṃ samare yattā na śekuḥ prativīkṣitum

Held back by Bhoja, those who longed to reach the Bhoja host stood firm in the battle like noble men, seeking great fame; yet they could not so much as look at Hardikya, who stood resolute in the fight.

Note on the text: Removed stray wiki quote marks (backtick and apostrophe). Lines 1-2 = CE 7.88.59a, 59c; line 3 = CE star passage 7.88.59d*0614_01. The adhyaya ends here, as in the CE.