Dhritarashtra's Lament; Kritavarman Holds the Pandavas

Verse 1 (7.114.1)

एवं बहुगुणं सैन्यमेवं प्रविचितं बलम् । व्यूढमेवं यथान्यायमेवं बहु च सञ्जय ॥

evaṃ bahuguṇaṃ sainyamevaṃ pravicitaṃ balam | vyūḍhamevaṃ yathānyāyamevaṃ bahu ca sañjaya

An army so rich in excellences, a force so carefully chosen, drawn up in array so exactly according to rule, and so very vast, O Sanjaya,

Note on the text: Adhyaya note: checked against the raw Wikisource page (a table, one row per verse, printed 5-114-1 to 5-114-103 — the page's "5-" is a typo for 7 — ending with a colophon naming this the 114th adhyaya of the Jayadratha-vadha Parva); the input agrees with the page row for row (102 rows; one row merges verses 51 and 52 and is split here, giving 103 verses). Wikisource 114 corresponds to the critical edition 7.89.1-43 (Dhritarashtra's lament) and 7.90.1-50 (Sanjaya's reply and the fight with Kritavarman); the unmatched CE verse 7.88.59 belongs to the end of the previous adhyaya. Star passages on the page: 7.89.6b*0615_01, 7.89.11d*0616_01-02, 7.89.35d*0617_01-04, 7.90.1d*0618_01-06, 7.90.2d*0619_01, 7.90.4b*0620_01. CE star passages not on the page: 7.90.4f*0621_01-02, 7.90.8b*0622_01, 7.90.30d*0623_01-02, 7.90.34d*0624_01 and *0625_01, 7.90.50d*0626_01. Speakers: the page prints two headings, Dhritarashtra (verses 1-46) and Sanjaya (verse 47 onward).

Verse 2 (7.114.2)

नित्यं पूजितमस्माभिरभिकामं च नः सदा । प्रौढमत्यद्भुताकारं पुरस्ताद्दृष्टविक्रमम् ॥

nityaṃ pūjitamasmābhirabhikāmaṃ ca naḥ sadā | prauḍhamatyadbhutākāraṃ purastāddṛṣṭavikramam

always honoured by us and ever devoted to us, seasoned and of marvellous bearing, whose prowess had been seen before,

Verse 3 (7.114.3)

नातिवृद्धमबालं च नाकृशं नातिपीवरम् । लघुवृत्तायतप्रायं सारगात्रमनामयम् ॥

nātivṛddhamabālaṃ ca nākṛśaṃ nātipīvaram | laghuvṛttāyataprāyaṃ sāragātramanāmayam

neither too old nor a child, neither lean nor too stout, nimble in movement and for the most part tall, sturdy of limb and free of sickness,

Note on the text: Corrected वृद्वमबालं → वृद्धमबालं (misprint in Wikisource; व for ध in वृद्ध; CE vṛddham).

Verse 4 (7.114.4)

आत्तसन्नाहसञ्छन्नं बहुशस्त्रपरिच्छदम् । शस्त्रग्रहणविद्यासु बह्वीषु परिनिष्ठितम् ॥

āttasannāhasañchannaṃ bahuśastraparicchadam | śastragrahaṇavidyāsu bahvīṣu pariniṣṭhitam

clad in donned armour, equipped with many weapons, and thoroughly versed in the many sciences of handling weapons,

Verse 5 (7.114.5)

आरोहे पर्यवस्कन्दे सरणे सान्तरप्लुते । सम्यक्प्रहरणे याने व्यपयाने च कोविदम् ॥

ārohe paryavaskande saraṇe sāntaraplute | samyakpraharaṇe yāne vyapayāne ca kovidam

skilled in mounting and in leaping down, in advancing, in leaps with an interval between, in striking true, in marching forward and in withdrawing,

Verse 6 (7.114.6)

नागेष्वश्वेषु बहुशो रथेषु च परीक्षितम् । चर्मनिस्त्रिंशयुद्धे च नियुद्धे च विशारदम् । परीक्ष्य च यथान्यायं वेतनेनोपपादितम् ॥

nāgeṣvaśveṣu bahuśo ratheṣu ca parīkṣitam | carmanistriṃśayuddhe ca niyuddhe ca viśāradam | parīkṣya ca yathānyāyaṃ vetanenopapāditam

tested again and again among elephants, horses and chariots, expert in fighting with sword and shield and in wrestling, and engaged with wages after being duly examined;

Note on the text: CE 7.89.6 holds lines 1 and 3 (7.89.6a, 7.89.6c); the middle line, चर्मनिस्त्रिंशयुद्धे च नियुद्धे च विशारदम्, is the CE's star passage 7.89.6b*0615_01. Wiki marks (backtick and quote mark) around line 2 removed. The automatic alignment found no match.

Verse 7 (7.114.7)

न गोष्ठ्या नोपकारेण न सम्बन्धनिमित्ततः । नानाहूतं नाप्यभृतं मम सैन्यं बभूव ह ॥

na goṣṭhyā nopakāreṇa na sambandhanimittataḥ | nānāhūtaṃ nāpyabhṛtaṃ mama sainyaṃ babhūva ha

my army was not made up by idle talk, by favour, or by ties of kinship; none in it was uninvited, and none was unpaid.

Verse 8 (7.114.8)

कुलीनार्यजनोपेतं तुष्टपुष्टमनुद्धतम् । कृतमानोपचारं च यशस्वि च मनस्वि च ॥

kulīnāryajanopetaṃ tuṣṭapuṣṭamanuddhatam | kṛtamānopacāraṃ ca yaśasvi ca manasvi ca

It was furnished with men of good family and noble bearing, contented and well fed, not insolent, honoured with due regard and attentions, renowned and high-spirited,

Verse 9 (7.114.9)

सचिवैश्चापरैर्मुख्यैर्बहुभिः पुण्यकर्मभिः । लोकपालोपमैस्तात पालितं नरसत्तमैः ॥

sacivaiścāparairmukhyairbahubhiḥ puṇyakarmabhiḥ | lokapālopamaistāta pālitaṃ narasattamaiḥ

and protected by ministers and many other chiefs of meritorious deeds, dear one, by the best of men who were like the guardians of the worlds,

Verse 10 (7.114.10)

बहुभिः पार्थिवैर्गुप्तमस्मत्प्रियचिकीर्षुभिः । अस्मानभिसृतैः कामात्सबलैः सपदानुगैः ॥

bahubhiḥ pārthivairguptamasmatpriyacikīrṣubhiḥ | asmānabhisṛtaiḥ kāmātsabalaiḥ sapadānugaiḥ

shielded by many kings who wished to please us, who had come to us of their own accord with their forces and their followers,

Verse 11 (7.114.11)

महोदधिमिवापूर्णमापगाभिः समन्ततः । अपक्षैः पक्षिसङ्काशै रथैरश्वैश्च संवृतम् ॥

mahodadhimivāpūrṇamāpagābhiḥ samantataḥ | apakṣaiḥ pakṣisaṅkāśai rathairaśvaiśca saṃvṛtam

like the great ocean filled on every side by rivers, covered with chariots and horses that were like winged birds though wingless,

Verse 12 (7.114.12)

प्रभिन्नकरटैश्चैव द्विरदैरावृतं महत् । यदहन्यत मे सैन्यं किमन्यद्भागधेयतः ॥

prabhinnakaraṭaiścaiva dviradairāvṛtaṃ mahat | yadahanyata me sainyaṃ kimanyadbhāgadheyataḥ

and enveloped by many elephants whose temples were split with rut. That such an army of mine has been slain, what is that but fate?

Note on the text: Not in the critical edition's main text; star passage 7.89.11d*0616_01-02 (placed after 7.89.11). The automatic alignment found no match.

Verse 13 (7.114.13)

योधाक्षय्यजलं भीमं वाहनोर्मितरङ्गिणम् । क्षेपण्यसिगदाशक्तिशरप्रासझषाकुलम् ॥

yodhākṣayyajalaṃ bhīmaṃ vāhanormitaraṅgiṇam | kṣepaṇyasigadāśaktiśaraprāsajhaṣākulam

Its waters were the inexhaustible warriors, and it was terrible; its waves and ripples were the mounts, and it teemed with the fish of slings, swords, maces, spears, arrows and darts;

Verse 14 (7.114.14)

ध्वजभूषणसम्बाधरत्नोपलसुसञ्चितम् । वाहनैरभिधावद्भिर्वायुवेगविकम्पितम् ॥

dhvajabhūṣaṇasambādharatnopalasusañcitam | vāhanairabhidhāvadbhirvāyuvegavikampitam

it was crowded with banners and ornaments, richly strewn with jewels and gems, and shaken by the charging mounts as by the speed of the wind;

Verse 15 (7.114.15)

द्रोणगम्भीरपातालं कृतवर्ममहाह्रदम् । जलसन्धमहाग्राहं कर्णचन्द्रोदयोद्धतम् ॥

droṇagambhīrapātālaṃ kṛtavarmamahāhradam | jalasandhamahāgrāhaṃ karṇacandrodayoddhatam

Drona was its fathomless abyss, Kritavarman its great lake, Jalasandha its great sea-monster, and Karna the rising moon that made it surge.

Note on the text: Corrected कर्मचन्द्रोदयोद्धतम् → कर्णचन्द्रोदयोद्धतम् (misprint in Wikisource; कर्म gives no sense here; CE karṇa). Corrected महाहदम् → महाह्रदम् (misprint in Wikisource; dropped conjunct ह्र; CE mahāhradam).

Verse 16 (7.114.16)

गते सैन्यार्णवं भित्त्वा तरसा पाण्डवर्षभे । सञ्जयैकरथेनैव युयुधाने च मामकम् ॥

gate sainyārṇavaṃ bhittvā tarasā pāṇḍavarṣabhe | sañjayaikarathenaiva yuyudhāne ca māmakam

When the bull of the Pandavas had burst through that ocean of an army with force and gone in, and Yuyudhana too, O Sanjaya, each with a single chariot only, into my host,

Verse 17 (7.114.17)

तत्र शेषं न पश्यामि प्रविष्टे सव्यसाचिनि । सात्वते च रथोदारे मम सैन्यस्य सञ्जय ॥

tatra śeṣaṃ na paśyāmi praviṣṭe savyasācini | sātvate ca rathodāre mama sainyasya sañjaya

I see nothing left of my army there, after Savyasachin and the noble-chariotted Satvata had entered it.

Verse 18 (7.114.18)

तौ तत्र समतिक्रान्तौ दृष्ट्वाऽतीव तरस्विनौ । सिन्धुराजं तु सम्प्रेक्ष्य गाण्डीवस्य च गोचरम् ॥

tau tatra samatikrāntau dṛṣṭvā'tīva tarasvinau | sindhurājaṃ tu samprekṣya gāṇḍīvasya ca gocaram

Having seen those two exceedingly impetuous men pass beyond there, and having looked at the king of Sindhu, within range of the Gandiva,

Verse 19 (7.114.19)

किं नु वा कुरवः कृत्यं विदधुः कालचोदिताः । दारुणैकायनेऽकाले कथं वा प्रतिपेदिरे ॥

kiṃ nu vā kuravaḥ kṛtyaṃ vidadhuḥ kālacoditāḥ | dāruṇaikāyane'kāle kathaṃ vā pratipedire

what did the Kurus, driven by Time, then do? How did they meet that dreadful hour, so ill-timed, with only one way open?

Verse 20 (7.114.20)

ग्रस्तान्हि कौरवान्मन्ये मृत्युना तात सङ्गतान् । विक्रमोऽपि रणे तेषां न तथा दृश्यते हि वै ॥

grastānhi kauravānmanye mṛtyunā tāta saṅgatān | vikramo'pi raṇe teṣāṃ na tathā dṛśyate hi vai

I think the Kauravas are seized by Death, dear one; for their prowess in battle is no longer seen as it was.

Verse 21 (7.114.21)

अक्षतौ संयुगे तत्र प्रविष्टौ कृष्णपाण्डवौ । न च वारयिता कश्चित्तयोरस्तीह सञ्जय ॥

akṣatau saṃyuge tatra praviṣṭau kṛṣṇapāṇḍavau | na ca vārayitā kaścittayorastīha sañjaya

Krishna and the Pandava entered the battle unwounded, and there is no one here, Sanjaya, to stop the two of them.

Verse 22 (7.114.22)

भृताश्च बहवो योधाः परीक्ष्यैव महारथाः । वेतनेन यथायोगं प्रियवादेन चापरे ॥

bhṛtāśca bahavo yodhāḥ parīkṣyaiva mahārathāḥ | vetanena yathāyogaṃ priyavādena cāpare

Many warriors, great charioteers, were engaged after being tested: some with wages according to what they merited, others with kind words.

Verse 23 (7.114.23)

असत्कारभृतस्तात मम सैन्ये न विद्यते । कर्मणा ह्यनुरूपेण लभ्यते भक्तवेतनम् ॥

asatkārabhṛtastāta mama sainye na vidyate | karmaṇā hyanurūpeṇa labhyate bhaktavetanam

No one was kept in my army without being honoured, dear one; for pay and maintenance are earned by work that matches them.

Verse 24 (7.114.24)

न च योधोऽभवत्कश्चिन्मम सैन्ये तु सञ्जय । अल्पदानभृतस्तात तथा चाभृतको नरः ॥

na ca yodho'bhavatkaścinmama sainye tu sañjaya | alpadānabhṛtastāta tathā cābhṛtako naraḥ

And there was no warrior in my army, Sanjaya, who was kept for a small payment, dear one, nor any man who went unpaid.

Verse 25 (7.114.25)

पूजितो हि यथाशक्त्या दानमानासनैर्मया । तथा पुत्रैश्च मे तात ज्ञातिभिश्च सबान्धवैः ॥

pūjito hi yathāśaktyā dānamānāsanairmayā | tathā putraiśca me tāta jñātibhiśca sabāndhavaiḥ

Each of them was honoured by me to the best of my power with gifts, honours and seats, and likewise by my sons and by my kinsmen with their relatives.

Verse 26 (7.114.26)

ते च प्राप्यैव सङ्ग्रामे निर्जिताः सव्यसाचिना । शैनेयेन परामृष्टाः किमन्यद्भागधेयतः ॥

te ca prāpyaiva saṅgrāme nirjitāḥ savyasācinā | śaineyena parāmṛṣṭāḥ kimanyadbhāgadheyataḥ

And yet they, having met him in battle, were beaten by Savyasachin and mauled by Shaineya. What is that but fate?

Verse 27 (7.114.27)

रक्ष्यते यश्च सङ्ग्रामे ये च सञ्जय रक्षिणः । एकः साधारणः पन्थाः रक्ष्यस्य सह रक्षिभिः ॥

rakṣyate yaśca saṅgrāme ye ca sañjaya rakṣiṇaḥ | ekaḥ sādhāraṇaḥ panthāḥ rakṣyasya saha rakṣibhiḥ

He who is protected in battle and those, Sanjaya, who are his protectors: there is one common path for the protected together with his protectors.

Note on the text: Corrected पन्थार → पन्थाः (misprint in Wikisource; stray ा for the visarga).

Verse 28 (7.114.28)

अर्जुनं समरे दृष्ट्वा सैन्धवस्याग्रतः स्थितम् । पुत्रो मम भृशं मूढः किं कार्यं प्रत्यपद्यत ॥

arjunaṃ samare dṛṣṭvā saindhavasyāgrataḥ sthitam | putro mama bhṛśaṃ mūḍhaḥ kiṃ kāryaṃ pratyapadyata

My son, utterly bewildered at seeing Arjuna standing in the battle before the Saindhava, what course did he take?

Verse 29 (7.114.29)

सात्यकिं च रणे दृष्ट्वा प्रविशन्तमभीतवत् । किं नु दुर्योधनः कृत्यं प्राप्तकालममन्यत ॥

sātyakiṃ ca raṇe dṛṣṭvā praviśantamabhītavat | kiṃ nu duryodhanaḥ kṛtyaṃ prāptakālamamanyata

And seeing Satyaki enter the fight as if without fear, what did Duryodhana judge to be the act the time demanded?

Verse 30 (7.114.30)

सर्वशस्त्रातिगौ सेनां प्रविष्टौ रथिसत्तमौ । दृष्ट्वा कां वै धृतिं युद्धे प्रत्यपद्यन्त मामकाः ॥

sarvaśastrātigau senāṃ praviṣṭau rathisattamau | dṛṣṭvā kāṃ vai dhṛtiṃ yuddhe pratyapadyanta māmakāḥ

When they saw the two best of charioteers, who had passed beyond every weapon, enter the army, what steadiness did my men find in the fight?

Verse 31 (7.114.31)

दृष्ट्वा कृष्णं तु दाशार्हमर्जुनार्थे व्यवस्थितम् । शिनीनामृषभं चैव मन्ये शोचन्ति पुत्रकाः ॥

dṛṣṭvā kṛṣṇaṃ tu dāśārhamarjunārthe vyavasthitam | śinīnāmṛṣabhaṃ caiva manye śocanti putrakāḥ

Seeing Krishna the Dasharha set on Arjuna's purpose, and the bull of the Shinis as well, I think my sons grieve.

Verse 32 (7.114.32)

दृष्ट्वा सेनां व्यतिक्रान्तां सात्वतेनार्जुनेन च । पलायमानांश्च कुरून्मन्ये शोचन्ति पुत्रकाः ॥

dṛṣṭvā senāṃ vyatikrāntāṃ sātvatenārjunena ca | palāyamānāṃśca kurūnmanye śocanti putrakāḥ

Seeing the army passed through by the Satvata and Arjuna, and the Kurus fleeing, I think my sons grieve.

Note on the text: Corrected दृष्टा सेनां → दृष्ट्वा सेनां (misprint in Wikisource; दृष्टा is not a valid form in this sentence; CE dṛṣṭvā).

Verse 33 (7.114.33)

विद्रुतान्रथिनो दृष्ट्वा निरुत्साहान्द्विषज्जये । पलायनकृतोत्साहान्मन्ये शोचन्ति पुत्रकाः ॥

vidrutānrathino dṛṣṭvā nirutsāhāndviṣajjaye | palāyanakṛtotsāhānmanye śocanti putrakāḥ

Seeing the charioteers routed, with no heart for victory over the enemy but bent on flight, I think my sons grieve.

Verse 34 (7.114.34)

शून्यान्कृतान्रथोपस्थान्सात्वतेनार्जुनेन च । हतांश्च योधान्संदृश्य मन्ये शोचन्ति पुत्रकाः ॥

śūnyānkṛtānrathopasthānsātvatenārjunena ca | hatāṃśca yodhānsaṃdṛśya manye śocanti putrakāḥ

Seeing the chariot-seats emptied by the Satvata and Arjuna, and the warriors slain, I think my sons grieve.

Verse 35 (7.114.35)

व्यश्वनागरथान्दृष्ट्वा तत्र वीरान्सहस्रशः । धावमानान्रणे व्यग्रान्मन्ये शोचन्ति पुत्रकाः ॥

vyaśvanāgarathāndṛṣṭvā tatra vīrānsahasraśaḥ | dhāvamānānraṇe vyagrānmanye śocanti putrakāḥ

Seeing there, by the thousand, heroes bereft of horses, elephants and chariots, running distraught in the battle, I think my sons grieve.

Note on the text: Corrected सहृस्रशः → सहस्रशः (misprint in Wikisource; stray ृ in सहस्र). Corrected व्यग्रामन्यन्ये → व्यग्रान्मन्ये (misprint in Wikisource; garbled; CE vyagrān manye).

Verse 36 (7.114.36)

महानागान्विद्रवतो दृष्ट्वाऽर्जुनशराहतान् । पतितान्पततश्चान्यान्मन्ये शोचन्ति पुत्रकाः ॥

mahānāgānvidravato dṛṣṭvā'rjunaśarāhatān | patitānpatataścānyānmanye śocanti putrakāḥ

Seeing great elephants fleeing, struck by Arjuna's arrows, some fallen and others falling, I think my sons grieve.

Note on the text: Not in the critical edition's main text; star passage 7.89.35d*0617_01-02 (placed after 7.89.35). The automatic alignment found no match.

Verse 37 (7.114.37)

विहीनांश्च कृतानश्वान्विरथांश्च कृतान्नरान् । तत्र सात्यकिपार्थाभ्यां मन्ये शोचन्ति पुत्रकाः ॥

vihīnāṃśca kṛtānaśvānvirathāṃśca kṛtānnarān | tatra sātyakipārthābhyāṃ manye śocanti putrakāḥ

Seeing there, by Satyaki and Partha, horses left bereft and men left without chariots, I think my sons grieve.

Verse 38 (7.114.38)

हयौघान्निहतान्दृष्ट्वा द्रवमाणांस्ततस्ततः । रणे माधवपार्थाभ्यां मन्ये शोचन्ति पुत्रकाः ॥

hayaughānnihatāndṛṣṭvā dravamāṇāṃstatastataḥ | raṇe mādhavapārthābhyāṃ manye śocanti putrakāḥ

Seeing herds of horses slain, and others running this way and that, struck down in the battle by Madhava and Partha, I think my sons grieve.

Note on the text: Not in the critical edition's main text; star passage 7.89.35d*0617_03-04 (placed after 7.89.35). The automatic alignment found no match.

Verse 39 (7.114.39)

पत्तिसङ्घान्रणे दृष्ट्वा धावमानांश्च सर्वशः । निराशा विजये सर्वे मन्ये शोचन्ति पुत्रकाः ॥

pattisaṅghānraṇe dṛṣṭvā dhāvamānāṃśca sarvaśaḥ | nirāśā vijaye sarve manye śocanti putrakāḥ

Seeing bands of foot-soldiers in the battle running in every direction, all hopeless of victory, I think my sons grieve.

Verse 40 (7.114.40)

द्रोणस्य समतिक्रान्तावनीकमपराजितौ । क्षणेन दृष्ट्वा तौ वीरौ मन्ये शोचन्ति पुत्रकाः ॥

droṇasya samatikrāntāvanīkamaparājitau | kṣaṇena dṛṣṭvā tau vīrau manye śocanti putrakāḥ

Seeing those two unconquered heroes pass beyond Drona's host in an instant, I think my sons grieve.

Verse 41 (7.114.41)

सम्मूढोऽस्मि भृशं तात श्रुत्वा कृष्णधनञ्जयौ । प्रविष्टौ मामकं सैन्यं सात्वतेन सहाच्युतौ ॥

sammūḍho'smi bhṛśaṃ tāta śrutvā kṛṣṇadhanañjayau | praviṣṭau māmakaṃ sainyaṃ sātvatena sahācyutau

I am utterly bewildered, dear one, hearing that Krishna and Dhananjaya, the two Achyutas, together with the Satvata, have entered my army.

Verse 42 (7.114.42)

तस्मिन्प्रविष्टे पृतनां शिनीनां प्रवरे रथे । भोजानीकं व्यतिक्रान्ते किमकुर्वत कौरवाः ॥

tasminpraviṣṭe pṛtanāṃ śinīnāṃ pravare rathe | bhojānīkaṃ vyatikrānte kimakurvata kauravāḥ

When that foremost of the Shinis had entered the host in his chariot and passed beyond the Bhoja's division, what did the Kauravas do?

Verse 43 (7.114.43)

तथा द्रोणेन समरे निगृहीतेषु पाण्डुषु । कथं युद्धमभूत्तत्र तन्ममाचक्ष्व सञ्जय ॥

tathā droṇena samare nigṛhīteṣu pāṇḍuṣu | kathaṃ yuddhamabhūttatra tanmamācakṣva sañjaya

And when the Pandavas were being held back by Drona in the battle, how did the fighting go there? Tell me that, Sanjaya.

Verse 44 (7.114.44)

द्रोणो हि बलवान्श्रेष्ठः कृतास्त्रो युद्धदुर्मदः । पाञ्चालास्तं महेष्वासं प्रत्ययुध्यन्कथं रणे ॥

droṇo hi balavānśreṣṭhaḥ kṛtāstro yuddhadurmadaḥ | pāñcālāstaṃ maheṣvāsaṃ pratyayudhyankathaṃ raṇe

For Drona is mighty, a foremost man, skilled in weapons, fierce in battle. How did the Panchalas fight that great archer in the fight?

Verse 45 (7.114.45)

बद्धवैरास्ततो द्रोणे धनञ्जयजयैषिणः । भारद्वाजसुतस्तेषु दृढवैरो महारथः ॥

baddhavairāstato droṇe dhanañjayajayaiṣiṇaḥ | bhāradvājasutasteṣu dṛḍhavairo mahārathaḥ

They were bound in enmity toward Drona and eager for Dhananjaya's victory; and Bharadvaja's son, the great charioteer, was firm in his enmity toward them.

Verse 46 (7.114.46)

अर्जुनश्चापि यच्चक्रे सिन्धुराजवधं प्रति । तन्मे सर्वं समाचक्ष्व कुशलो ह्यसि सञ्जय ॥

arjunaścāpi yaccakre sindhurājavadhaṃ prati | tanme sarvaṃ samācakṣva kuśalo hyasi sañjaya

And whatever Arjuna did toward the slaying of the king of Sindhu, tell me all of that, for you are skilled, Sanjaya.

Verse 47 (7.114.47)

आत्मापराधात्सम्भूतं व्यसनं भरतर्षभ । प्राप्य प्राकृतवद्वीर न त्वं शोचितुमर्हसि ॥

ātmāparādhātsambhūtaṃ vyasanaṃ bharatarṣabha | prāpya prākṛtavadvīra na tvaṃ śocitumarhasi

This calamity has arisen from your own fault, O best of the Bharatas; having met it, hero, you should not grieve like a common man.

Verse 48 (7.114.48)

पुरा यदुच्यसे प्राज्ञैः सुहृद्भिर्विदुरादिभिः । मा हार्षीः पाण्डवान्राजन्निति तन्न त्वया श्रुतम् ॥

purā yaducyase prājñaiḥ suhṛdbhirvidurādibhiḥ | mā hārṣīḥ pāṇḍavānrājanniti tanna tvayā śrutam

What wise friends such as Vidura told you long ago, "Do not despoil the Pandavas, O king," you did not heed.

Note on the text: Not in the critical edition's main text; star passage 7.90.1d*0618_01-02 (placed after 7.90.1; CE has māhārṣīḥ for Wikisource मा हार्षीः). The automatic alignment found no match.

Verse 49 (7.114.49)

सुहृदां हितकामानां वाक्यं यो न शृणोति ह । स महद्व्यसनं प्राप्य शोचते वै यथा भवान् ॥

suhṛdāṃ hitakāmānāṃ vākyaṃ yo na śṛṇoti ha | sa mahadvyasanaṃ prāpya śocate vai yathā bhavān

He who does not listen to the words of well-wishing friends falls into great calamity and grieves, as you do now.

Note on the text: Not in the critical edition's main text; star passage 7.90.1d*0618_03-04 (placed after 7.90.1). The automatic alignment found no match.

Verse 50 (7.114.50)

याचितोऽसि पुरा राजन्दाशार्हेण शमं प्रति । न च तं लब्धवान्कामं त्वत्तः कृष्णो महायशाः ॥

yācito'si purā rājandāśārheṇa śamaṃ prati | na ca taṃ labdhavānkāmaṃ tvattaḥ kṛṣṇo mahāyaśāḥ

Long ago, O king, you were entreated for peace by the Dasharha, and the illustrious Krishna did not obtain that wish from you.

Note on the text: Not in the critical edition's main text; star passage 7.90.1d*0618_05-06 (placed after 7.90.1). The automatic alignment found no match.

Verse 51 (7.114.51)

तव निर्गुणतां ज्ञात्वा पक्षपातं सुतेषु च । द्वैधीभावं तथा धर्मे पाण्डवेषु च मत्सरम् ॥

tava nirguṇatāṃ jñātvā pakṣapātaṃ suteṣu ca | dvaidhībhāvaṃ tathā dharme pāṇḍaveṣu ca matsaram

Knowing your lack of virtue, your partiality toward your sons, your wavering in dharma, and your envy of the Pandavas,

Note on the text: Split from the input row: Wikisource prints 5-114-51a/51b/52/52b in one row, but the page has a verse-end mark (।।) after line 2, so the input had merged two two-line verses. Verse 51 = lines 1-2 (CE 7.90.2a, 7.90.2c); lines 3-4 follow as verse 52. The input's alignment (similarity 0.748) was to the CE's longer verse 7.90.2.

Verse 52 (7.114.52)

तव जिह्ममभिप्रायं विदित्वा पाण्डवान्प्रति । आर्तप्रलापांश्च बहून्मनुजाधिप सत्तम ॥

tava jihmamabhiprāyaṃ viditvā pāṇḍavānprati | ārtapralāpāṃśca bahūnmanujādhipa sattama

knowing your crooked intent toward the Pandavas, and your many pitiful outcries, O lord of men, O best of men,

Note on the text: Split from the input row (see verse 51); the page numbers it 52. Line 1 (तव जिह्ममभिप्रायं विदित्वा पाण्डवान्प्रति) is the CE's star passage 7.90.2d*0619_01; line 2 (आर्तप्रलापांश्च बहून्मनुजाधिप सत्तम) is CE 7.90.2e (CE reads manujādhipasattama as one word).

Verse 53 (7.114.53)

सर्वलोकस्य तत्त्वज्ञः सर्वलोकेश्वरः प्रभुः । वासुदेवस्ततो युद्धं कुरूणामकरोन्महत् ॥

sarvalokasya tattvajñaḥ sarvalokeśvaraḥ prabhuḥ | vāsudevastato yuddhaṃ kurūṇāmakaronmahat

Vasudeva, the knower of the truth of the whole world, the Lord and master of all the worlds, thereupon brought about the great war of the Kurus.

Verse 54 (7.114.54)

आत्मापराधात्सुमहान्प्राप्तस्ते विपुलः क्षयः । नैनं दुर्योधने दोषं कर्तुमर्हसि मानद ॥

ātmāparādhātsumahānprāptaste vipulaḥ kṣayaḥ | nainaṃ duryodhane doṣaṃ kartumarhasi mānada

A vast and very great ruin has come upon you through your own fault. You should not lay this blame on Duryodhana, O giver of honour.

Note on the text: Line 1 = CE 7.90.4a; line 2 = the CE's star line 7.90.4b*0620_01 (naivaṃ duryodhane doṣaṃ kartum arhasi mānada; Wikisource has नैनं). The automatic alignment found no match.

Verse 55 (7.114.55)

न हि ते सुकृतं किञ्चिदादौ मध्ये च भारत । दृश्यते पृष्ठतश्चैव त्वन्मूलो हि पराजयः ॥

na hi te sukṛtaṃ kiñcidādau madhye ca bhārata | dṛśyate pṛṣṭhataścaiva tvanmūlo hi parājayaḥ

For no good deed of yours is seen, O Bharata, at the beginning, in the middle, or afterwards; the defeat has you for its root.

Note on the text: Corrected तै सुकृतं → ते सुकृतं (misprint in Wikisource; ै for े; CE te). Lines 1-2 are CE 7.90.4c and 7.90.4e (Wikisource divides the CE's longer verse 7.90.4 into two couplets). The CE's star passage 7.90.4f*0621_01-02 is not on the page. The automatic alignment found no match.

Verse 56 (7.114.56)

तस्मादद्य स्थिरो भूत्वा ज्ञात्वा लोकस्य निर्णयम् । शृणु युद्धं यथावृत्तं घोरं देवासुरोपमम् ॥

tasmādadya sthiro bhūtvā jñātvā lokasya nirṇayam | śṛṇu yuddhaṃ yathāvṛttaṃ ghoraṃ devāsuropamam

Therefore, steady yourself today, knowing how the world's course is settled, and hear the battle as it happened, dreadful, like the war of gods and asuras.

Verse 57 (7.114.57)

प्रविष्टे तव सैन्यं तु शैनेये सत्यविक्रमे । भीमसेनमुखाः पार्थाः प्रतीयुर्वाहिनीं तव ॥

praviṣṭe tava sainyaṃ tu śaineye satyavikrame | bhīmasenamukhāḥ pārthāḥ pratīyurvāhinīṃ tava

When Shaineya of true prowess had entered your army, the Parthas, with Bhimasena at their head, advanced against your host.

Verse 58 (7.114.58)

आगच्छतस्तान्सहसा क्रुद्धरूपान्सहानुगान् । दधारैको रणे पाण्डून्कृतवर्मा महारथः ॥

āgacchatastānsahasā kruddharūpānsahānugān | dadhāraiko raṇe pāṇḍūnkṛtavarmā mahārathaḥ

As they came on suddenly, wrathful in form, with their followers, the great charioteer Kritavarman alone held back the Pandavas in the battle.

Verse 59 (7.114.59)

यथोद्वृत्तं वारयते वेला वै सलिलार्णवम् । पाण्डुसैन्यं तथा सङ्ख्ये हार्दिक्यः समवारयत् ॥

yathodvṛttaṃ vārayate velā vai salilārṇavam | pāṇḍusainyaṃ tathā saṅkhye hārdikyaḥ samavārayat

As the shore holds back the swelling ocean, so Hardikya held back the Pandava army in the fight.

Verse 60 (7.114.60)

तत्राद्भुतमपश्याम हार्दिक्यस्य पराक्रमम् । यदेनं सहिताः पार्था नातिचक्रमुराहवे ॥

tatrādbhutamapaśyāma hārdikyasya parākramam | yadenaṃ sahitāḥ pārthā nāticakramurāhave

There we saw a marvel in Hardikya's prowess: that the Parthas, though together, could not overpass him in the battle.

Verse 61 (7.114.61)

ततो भीमस्त्रिभिर्विद्ध्वा कृतवर्माणमाशुगैः । शङ्खं दध्मौ महाबाहुर्हर्षयन्सर्वपाण्डवान् ॥

tato bhīmastribhirviddhvā kṛtavarmāṇamāśugaiḥ | śaṅkhaṃ dadhmau mahābāhurharṣayansarvapāṇḍavān

Then Bhima, mighty-armed, having pierced Kritavarman with three arrows, blew his conch, gladdening all the Pandavas.

Note on the text: Corrected हर्षुयन् → हर्षयन् (misprint in Wikisource; ु for ि in हर्षयन्).

Verse 62 (7.114.62)

सहदेवस्तु विंशत्या धर्मराजश्च पञ्चभिः । शतेन नकुलश्चापि हार्दिक्यं समविध्यत ॥

sahadevastu viṃśatyā dharmarājaśca pañcabhiḥ | śatena nakulaścāpi hārdikyaṃ samavidhyata

Sahadeva pierced Hardikya with twenty, the king of dharma with five, and Nakula with a hundred.

Verse 63 (7.114.63)

द्रौपदेयास्त्रिसप्तत्या सप्तभिश्च घटोत्कचः । धृष्टद्युम्नस्त्रिभिश्चापि कृतवर्माणमार्दयत् ॥

draupadeyāstrisaptatyā saptabhiśca ghaṭotkacaḥ | dhṛṣṭadyumnastribhiścāpi kṛtavarmāṇamārdayat

The sons of Draupadi struck Kritavarman with seventy-three, Ghatotkacha with seven, and Dhrishtadyumna with three as well.

Note on the text: Wikisource divides the CE's longer verses differently: lines 1-2 are CE 7.90.12a and 7.90.12c. The automatic alignment found no match.

Verse 64 (7.114.64)

विराटो द्रुपदश्चैव याज्ञसेनिश्च पञ्चभिः । शिखण्डी चैव हार्दिक्यं विद्ध्वा पञ्चभिराशुगैः ॥

virāṭo drupadaścaiva yājñaseniśca pañcabhiḥ | śikhaṇḍī caiva hārdikyaṃ viddhvā pañcabhirāśugaiḥ

Virata, Drupada and Yajnaseni with five each, and Shikhandi too, having struck Hardikya with five swift arrows,

Note on the text: Wikisource divides the CE's longer verses differently: line 1 is CE 7.90.12e, line 2 is 7.90.13a. The automatic alignment found no match.

Verse 65 (7.114.65)

पुनर्विव्याध विंशत्या सायकानां हसन्निव । कृतवर्मा ततो राजन्सर्वतस्तान्महारथान् ॥

punarvivyādha viṃśatyā sāyakānāṃ hasanniva | kṛtavarmā tato rājansarvatastānmahārathān

pierced him again with twenty arrows, as if laughing. Then Kritavarman, O king, on every side those great charioteers,

Note on the text: Wikisource divides the CE's verses differently: lines 1-2 are CE 7.90.13c and 7.90.14a. The automatic alignment found no match.

Verse 66 (7.114.66)

एकैकं पञ्चभिर्विद्ध्वा भीमं विव्याध सप्तभिः । धनुर्ध्वजं चास्य तदा रथाद्भूमावपातयत् ॥

ekaikaṃ pañcabhirviddhvā bhīmaṃ vivyādha saptabhiḥ | dhanurdhvajaṃ cāsya tadā rathādbhūmāvapātayat

having struck each of them with five, pierced Bhima with seven, and then brought down his bow and banner from his chariot to the ground.

Note on the text: Wikisource divides the CE's verses differently: lines 1-2 are CE 7.90.14c and 7.90.14e. The automatic alignment found no match.

Verse 67 (7.114.67)

अथैनं छिन्नधन्वानं त्वरमाणो महारथः । आजघानोरसि क्रुद्धः सप्तत्या निशितैः शरैः ॥

athainaṃ chinnadhanvānaṃ tvaramāṇo mahārathaḥ | ājaghānorasi kruddhaḥ saptatyā niśitaiḥ śaraiḥ

Then, as his bow was cut, the great charioteer, hurrying and enraged, struck him on the chest with seventy sharp arrows.

Verse 68 (7.114.68)

स गाढविद्धो बलवान्हार्दिक्यस्य शरोत्तमैः । चचाल रथमध्यस्थः क्षितिकम्पे यथाऽचलः ॥

sa gāḍhaviddho balavānhārdikyasya śarottamaiḥ | cacāla rathamadhyasthaḥ kṣitikampe yathā'calaḥ

Deeply pierced by Hardikya's excellent arrows, the mighty one, seated in the middle of his chariot, shook like a mountain in an earthquake.

Verse 69 (7.114.69)

भीमसेनं तथा दृष्ट्वा धर्मराजपुरोगमाः । विसृजन्तः शरान्राजन्कृतवर्माणमार्दयन् ॥

bhīmasenaṃ tathā dṛṣṭvā dharmarājapurogamāḥ | visṛjantaḥ śarānrājankṛtavarmāṇamārdayan

Seeing Bhimasena so, those led by the king of dharma showered arrows and afflicted Kritavarman, O king.

Verse 70 (7.114.70)

तं तथा कोष्ठकीकृत्य रथवंशेन मारिष । विव्यधुः सायकैर्हृष्टा रक्षार्थं मारुतेर्मृधे ॥

taṃ tathā koṣṭhakīkṛtya rathavaṃśena māriṣa | vivyadhuḥ sāyakairhṛṣṭā rakṣārthaṃ mārutermṛdhe

Enclosing him thus in a ring with a line of chariots, O Marisha, they pierced him with arrows in their joy, to protect the son of Maruta in the fight.

Verse 71 (7.114.71)

प्रतिलभ्य ततः संज्ञां भीमसेनो महाबलः । शक्तिं जग्राह समरे हेमदण्डामयस्मयीम् ॥

pratilabhya tataḥ saṃjñāṃ bhīmaseno mahābalaḥ | śaktiṃ jagrāha samare hemadaṇḍāmayasmayīm

Then, regaining consciousness, mighty Bhimasena took up in the battle a spear of iron with a golden shaft,

Note on the text: Corrected हेमदण्डामयस्मायीम् → हेमदण्डामयस्मयीम् (misprint in Wikisource; stray ा; CE hemadaṇḍām ayasmayīm). Wikisource divides the CE's verses differently: lines 1-2 are CE 7.90.19a and 7.90.19c. The automatic alignment found no match.

Verse 72 (7.114.72)

चिक्षेप च रथात्तूर्णं कृतवर्मरथं प्रति । सा भीमभुजनिर्मुक्ता निर्मुक्तोरगसन्निभा ॥

cikṣepa ca rathāttūrṇaṃ kṛtavarmarathaṃ prati | sā bhīmabhujanirmuktā nirmuktoragasannibhā

and swiftly hurled it from his chariot toward Kritavarman's chariot; released from Bhima's arm, it was like a serpent that has cast off its skin,

Note on the text: Wikisource divides the CE's verses differently: line 1 is CE 7.90.19e, line 2 is 7.90.20a. The automatic alignment found no match.

Verse 73 (7.114.73)

कृतवर्माणमभितः प्रजज्वाल सुदारुणा । तामापतन्तीं सहसा युगान्ताग्निसमप्रभाम् ॥

kṛtavarmāṇamabhitaḥ prajajvāla sudāruṇā | tāmāpatantīṃ sahasā yugāntāgnisamaprabhām

and blazed terribly all around Kritavarman. As it fell upon him suddenly, shining like the fire at the end of the age,

Note on the text: Wikisource divides the CE's verses differently: line 1 is CE 7.90.20c, line 2 is 7.90.21a. The automatic alignment found no match.

Verse 74 (7.114.74)

द्वाभ्यां शराभ्यां हार्दिक्यो निजघान द्विधा तदा । सा छिन्ना पतिता भूमौ शक्तिः कनकभूषणा ॥

dvābhyāṃ śarābhyāṃ hārdikyo nijaghāna dvidhā tadā | sā chinnā patitā bhūmau śaktiḥ kanakabhūṣaṇā

Hardikya cut it in two with two arrows. Cut, it fell to the ground, that gold-adorned spear,

Note on the text: Wikisource divides the CE's verses differently: line 1 is CE 7.90.21c (CE has nicakarta for Wikisource निजघान), line 2 is 7.90.22a. The automatic alignment found no match.

Verse 75 (7.114.75)

द्योतयन्ती दिशो राजन्महोल्केव नभश्च्युता । शक्तिं विनिहतां दृष्ट्वा भीमश्चुक्रोध वै भृशम् ॥

dyotayantī diśo rājanmaholkeva nabhaścyutā | śaktiṃ vinihatāṃ dṛṣṭvā bhīmaścukrodha vai bhṛśam

lighting up the quarters, O king, like a great meteor fallen from the sky. Seeing the spear destroyed, Bhima grew exceedingly angry.

Note on the text: Wikisource divides the CE's verses differently: lines 1-2 are CE 7.90.22c and 7.90.22e. The automatic alignment found no match.

Verse 76 (7.114.76)

ततोऽन्यद्धनुरादाय वेगवत्सुमहास्वनम् । भीमसेनो रणे क्रुद्धो हार्दिक्यं समवारयत् ॥

tato'nyaddhanurādāya vegavatsumahāsvanam | bhīmaseno raṇe kruddho hārdikyaṃ samavārayat

Then, taking another bow, swift and of mighty sound, Bhimasena, enraged in the battle, checked Hardikya.

Verse 77 (7.114.77)

अथैनं पञ्चभिर्बाणैराजघान स्तनान्तरे । भीमो भीमबलो राजंस्तव दुर्मन्त्रितेन च ॥

athainaṃ pañcabhirbāṇairājaghāna stanāntare | bhīmo bhīmabalo rājaṃstava durmantritena ca

Then he struck him between the breasts with five arrows, Bhima of fearful strength, O king, through your ill counsel.

Verse 78 (7.114.78)

भोजस्तु क्षतसर्वाङ्गो भीमसेनेन मारिष । रक्ताशोक इवोत्फुल्लो व्यभ्राजत रणाजिरे ॥

bhojastu kṣatasarvāṅgo bhīmasenena māriṣa | raktāśoka ivotphullo vyabhrājata raṇājire

The Bhoja, his whole body wounded by Bhimasena, O Marisha, shone on the field of battle like a blossoming red ashoka.

Verse 79 (7.114.79)

ततः क्रुद्धस्त्रिभिर्बाणैर्भीमसेनं हसन्निव । अभिहत्य दृढं युद्धे तान्सर्वान्प्रत्यविध्यत ॥

tataḥ kruddhastribhirbāṇairbhīmasenaṃ hasanniva | abhihatya dṛḍhaṃ yuddhe tānsarvānpratyavidhyata

Then, enraged, as if laughing, he struck Bhimasena hard with three arrows, and pierced all of them in return.

Verse 80 (7.114.80)

त्रिभिस्त्रिभिर्महेष्वासो यतमानान्महारथान् । तेऽपि तं प्रत्यविध्यन्त सप्तभिः सप्तभिः शरैः ॥

tribhistribhirmaheṣvāso yatamānānmahārathān | te'pi taṃ pratyavidhyanta saptabhiḥ saptabhiḥ śaraiḥ

The great archer struck the great charioteers, who were striving, with three arrows each; and they too pierced him in return with seven arrows each.

Verse 81 (7.114.81)

शिखण्डिनस्ततः क्रुद्धः क्षुरप्रेण महारथः । धनुश्चिच्छेद समरे प्रहसन्निव सात्वतः ॥

śikhaṇḍinastataḥ kruddhaḥ kṣurapreṇa mahārathaḥ | dhanuściccheda samare prahasanniva sātvataḥ

Then the Satvata, the great charioteer, enraged, cut Shikhandi's bow with a razor-headed arrow in the battle, laughing as it were.

Note on the text: Corrected सामरे → समरे (misprint in Wikisource; stray ा; CE samare).

Verse 82 (7.114.82)

शिखण्डी तु ततः क्रुद्धश्छिन्ने धनुषि सत्वरः । असिं जग्राह समरे शतचन्द्रं च भास्वरम् ॥

śikhaṇḍī tu tataḥ kruddhaśchinne dhanuṣi satvaraḥ | asiṃ jagrāha samare śatacandraṃ ca bhāsvaram

But Shikhandi, enraged, when his bow was cut, swiftly took up in the battle a sword and a shining shield of a hundred moons.

Verse 83 (7.114.83)

भ्रामयित्वा महच्चर्म चामीकरविभूषितम् । तमसिं प्रेषयामास कृतवर्मरथं प्रति ॥

bhrāmayitvā mahaccarma cāmīkaravibhūṣitam | tamasiṃ preṣayāmāsa kṛtavarmarathaṃ prati

Whirling the great shield adorned with gold, he hurled that sword toward Kritavarman's chariot.

Note on the text: Corrected प्रेषयामात → प्रेषयामास (misprint in Wikisource; त for स; CE preṣayām āsa).

Verse 84 (7.114.84)

स तस्य सशरं चापं छित्त्वा राजन्महानसिः । अभ्यगाद्धरणीं राजंश्च्युतं ज्योतिरिवाम्बरात् ॥

sa tasya saśaraṃ cāpaṃ chittvā rājanmahānasiḥ | abhyagāddharaṇīṃ rājaṃścyutaṃ jyotirivāmbarāt

That great sword, having cut through his bow together with its arrow, O king, fell to the earth, O king, like a luminary dropped from the sky.

Verse 85 (7.114.85)

एतस्मिन्नेव काले तु त्वरमाणं महारथाः । विव्यधुः सायकैर्गाढं कृतवर्माणमाहवे ॥

etasminneva kāle tu tvaramāṇaṃ mahārathāḥ | vivyadhuḥ sāyakairgāḍhaṃ kṛtavarmāṇamāhave

At that very moment the great charioteers pierced the hurrying Kritavarman deeply with arrows in the battle.

Verse 86 (7.114.86)

अथान्यद्धनुरादाय त्यक्त्वा तच्च महद्धनुः । विशीर्णं भरतश्रेष्ठ हार्दिक्यः परवीरहा ॥

athānyaddhanurādāya tyaktvā tacca mahaddhanuḥ | viśīrṇaṃ bharataśreṣṭha hārdikyaḥ paravīrahā

Then, discarding that great bow, which had been shattered, and taking another, O best of the Bharatas, Hardikya, slayer of hostile heroes,

Verse 87 (7.114.87)

विव्याध पाण्डवान्युद्धे त्रिभिस्त्रिभिरजिह्मगैः । शिखण्डिनं च विव्याध त्रिभिः पञ्चभिरेव च ॥

vivyādha pāṇḍavānyuddhe tribhistribhirajihmagaiḥ | śikhaṇḍinaṃ ca vivyādha tribhiḥ pañcabhireva ca

pierced the Pandavas in the battle with three straight arrows each, and pierced Shikhandi with three and then five.

Verse 88 (7.114.88)

धनुरन्यत्समादाय शिखण्डी तु महायशाः । अवारयत्कूर्मनखैराशुगैर्हृदिकात्मजम् ॥

dhanuranyatsamādāya śikhaṇḍī tu mahāyaśāḥ | avārayatkūrmanakhairāśugairhṛdikātmajam

But Shikhandi of great renown, taking another bow, held off Hridika's son with swift arrows shaped like tortoise-claws.

Verse 89 (7.114.89)

ततः क्रुद्धो रणे राजन्हृदिकस्यात्मसम्भवः । अभिदुद्राव वेगेन याज्ञसेनिं महारथम् ॥

tataḥ kruddho raṇe rājanhṛdikasyātmasambhavaḥ | abhidudrāva vegena yājñaseniṃ mahāratham

Then Hridika's son, enraged in the battle, O king, rushed with speed at the great charioteer Yajnaseni (Shikhandi),

Verse 90 (7.114.90)

भीष्मस्य समरे राजन्मृत्योर्हेतुं महात्मनः । विदर्शयन्बलं शूरः शार्दूल इव कुञ्जरम् ॥

bhīṣmasya samare rājanmṛtyorhetuṃ mahātmanaḥ | vidarśayanbalaṃ śūraḥ śārdūla iva kuñjaram

the cause of great-souled Bhishma's death in the battle, O king, showing his strength, the hero, like a tiger against an elephant.

Verse 91 (7.114.91)

तौ दिशागजसङ्काशौ ज्वलिताविव पावकौ । समापेततुरन्योन्यं शरसङ्घैररिन्दमौ ॥

tau diśāgajasaṅkāśau jvalitāviva pāvakau | samāpetaturanyonyaṃ śarasaṅghairarindamau

Those two, like elephants of the quarters, blazing as if two fires, fell upon each other with showers of arrows, tamers of foes.

Verse 92 (7.114.92)

विधुन्वानौ धनुःश्रेष्ठे सन्दधानौ च सायकान् । विसृजन्तौ च शतशो गभस्तीनिव भास्करौ ॥

vidhunvānau dhanuḥśreṣṭhe sandadhānau ca sāyakān | visṛjantau ca śataśo gabhastīniva bhāskarau

Drawing their excellent bows, fitting arrows and loosing them by the hundred, like two suns scattering their rays,

Verse 93 (7.114.93)

तापयन्तौ शरैस्तीक्ष्णैरन्योन्यं तौ महारथौ । युगान्तप्रतिमौ वीरौ रेजतुर्भास्कराविव ॥

tāpayantau śaraistīkṣṇairanyonyaṃ tau mahārathau | yugāntapratimau vīrau rejaturbhāskarāviva

scorching each other with sharp arrows, those two great charioteers, heroes like the fire at the end of the age, shone like two suns.

Verse 94 (7.114.94)

कृतवर्मा च समरे याज्ञसेनिं महारथम् । विद्ध्वेषुभिस्त्रिसप्तत्या पुनर्विव्याध सप्तभिः ॥

kṛtavarmā ca samare yājñaseniṃ mahāratham | viddhveṣubhistrisaptatyā punarvivyādha saptabhiḥ

And Kritavarman in the battle, having pierced the great charioteer Yajnaseni (Shikhandi) with seventy-three arrows, pierced him again with seven.

Verse 95 (7.114.95)

स गाढविद्धो व्यथितो रथोपस्थ उपाविशत् । विसृज्य सशरं चापं मूर्च्छयाऽभिपरिप्लुतः ॥

sa gāḍhaviddho vyathito rathopastha upāviśat | visṛjya saśaraṃ cāpaṃ mūrcchayā'bhipariplutaḥ

Deeply pierced and in anguish, he sank down on the platform of his chariot, letting fall his bow with its arrow, overcome by a swoon.

Verse 96 (7.114.96)

तं विषण्णं रणे दृष्ट्वा तावकाः पुरुषर्षभ । हार्दिक्यं पूजयामासुर्वासांस्यादुधुवुश्च ह ॥

taṃ viṣaṇṇaṃ raṇe dṛṣṭvā tāvakāḥ puruṣarṣabha | hārdikyaṃ pūjayāmāsurvāsāṃsyādudhuvuśca ha

Seeing him dejected in the battle, your men, O bull among men, honoured Hardikya and waved their garments.

Verse 97 (7.114.97)

शिखण्डिनं तथा ज्ञात्वा हार्दिक्यशरपीडितम् । अपोवाह रणाद्यन्ता त्वरमाणो महारथम् ॥

śikhaṇḍinaṃ tathā jñātvā hārdikyaśarapīḍitam | apovāha raṇādyantā tvaramāṇo mahāratham

Knowing that Shikhandi was tormented by Hardikya's arrows, his charioteer hurriedly carried the great charioteer away from the battle.

Verse 98 (7.114.98)

सादितं तु रथोपस्थे दृष्ट्वा पार्थाः शिखण्डिनम् । परिवव्रू रथैस्तूर्णं कृतवर्माणमाहवे ॥

sāditaṃ tu rathopasthe dṛṣṭvā pārthāḥ śikhaṇḍinam | parivavrū rathaistūrṇaṃ kṛtavarmāṇamāhave

Seeing Shikhandi laid low on the platform of his chariot, the Parthas swiftly surrounded Kritavarman with their chariots in the battle.

Verse 99 (7.114.99)

तत्राद्भुतं परं चक्रे कृतवर्मा महारथः । यदेकः समरे पार्थान्वारयामास सानुगान् ॥

tatrādbhutaṃ paraṃ cakre kṛtavarmā mahārathaḥ | yadekaḥ samare pārthānvārayāmāsa sānugān

There the great charioteer Kritavarman performed a supreme marvel: that alone he held off the Parthas with their followers in the battle.

Verse 100 (7.114.100)

पार्थाञ्जित्वाऽजयच्चेदीन्पाञ्चालान्सृञ्जयानपि । केकयांश्च महावीर्यान्कृतवर्मा महारथः ॥

pārthāñjitvā'jayaccedīnpāñcālānsṛñjayānapi | kekayāṃśca mahāvīryānkṛtavarmā mahārathaḥ

Having conquered the Parthas, the great charioteer Kritavarman conquered also the Chedis, the Panchalas and the Srinjayas, and the mighty Kekayas.

Verse 101 (7.114.101)

ते वध्यमानाः समरे हार्दिक्येन स्म पाण्डवाः । इतश्चेतश्च धावन्तो नैव चक्रुर्धृतिं रणे ॥

te vadhyamānāḥ samare hārdikyena sma pāṇḍavāḥ | itaścetaśca dhāvanto naiva cakrurdhṛtiṃ raṇe

Struck down in the battle by Hardikya, those Pandavas, running hither and thither, found no steadiness in the fight.

Verse 102 (7.114.102)

जित्वा पाण्डुसुतान्युद्धे भीमसेनपुरोगमान् । हार्दिक्यः समरेऽतिष्ठद्विधूम इव पावकः ॥

jitvā pāṇḍusutānyuddhe bhīmasenapurogamān | hārdikyaḥ samare'tiṣṭhadvidhūma iva pāvakaḥ

Having conquered the sons of Pandu in the battle, with Bhimasena at their head, Hardikya stood in the fight like a smokeless fire.

Verse 103 (7.114.103)

ते द्राव्यमाणाः समरे हार्दिक्येन महारथाः । विमुखाः समपद्यन्त शरवृष्टिभिरार्दिताः ॥

te drāvyamāṇāḥ samare hārdikyena mahārathāḥ | vimukhāḥ samapadyanta śaravṛṣṭibhirārditāḥ

Driven off in the battle by Hardikya, those great charioteers, afflicted by his showers of arrows, turned away from the fight.