Satyaki Defeats Duryodhana and Kritavarman

Verse 1 (7.116.1)

सात्वतस्य रणे कर्म दृष्ट्वा योद्धुं महारथाः । अमृष्यमाणाः संयत्ताः शैनेयं समुपाद्रवन् ॥

sātvatasya raṇe karma dṛṣṭvā yoddhuṃ mahārathāḥ | amṛṣyamāṇāḥ saṃyattāḥ śaineyaṃ samupādravan

Seeing the Sattvata's deed in battle, the great chariot-warriors, unable to bear it, gathered themselves and rushed upon Shaineya to fight.

Note on the text: Removed stray wiki quote marks (backtick and apostrophe). Not in the critical edition's main text; its two lines are CE star passage 7.92.1*0643_01–02 (placed before 7.92.1a). Adhyaya note: the input agrees with the raw page row for row (49 verses; Wikisource numbers 1–49). Corresponds to CE 7.92 (44 verses); CE star passages 7.92.7d*0646_01, 10d*0648_01, 35d*0650_01, 37d*0652_01 and 38d*0653_01 are not in Wikisource.

Verse 2 (7.116.2)

ते किरन्तः शरव्रातान्सर्वे यत्ताः प्रहारिणः । त्वरमाणा महाराज युयुधानमयोधयन् ॥

te kirantaḥ śaravrātānsarve yattāḥ prahāriṇaḥ | tvaramāṇā mahārāja yuyudhānamayodhayan

All of them, intent and eager to strike, showering swarms of arrows, hurried, O great king, and fought Yuyudhana.

Verse 3 (7.116.3)

तं द्रोणः सप्तसप्त्या जघान निशितैः शरैः । दुर्मर्षणो द्वादशभिर्दुःसहो दशभिः शरैः ॥

taṃ droṇaḥ saptasaptyā jaghāna niśitaiḥ śaraiḥ | durmarṣaṇo dvādaśabhirduḥsaho daśabhiḥ śaraiḥ

Drona struck him with seventy-seven sharp arrows; Durmarshana with twelve, and Duhsaha with ten arrows.

Verse 4 (7.116.4)

विकर्णश्चापि निशितैस्त्रिंशद्भिः कङ्कपत्रिभिः । विव्याध मार्गणैस्तूर्णं वामपार्श्वे स्तनान्तरे ॥

vikarṇaścāpi niśitaistriṃśadbhiḥ kaṅkapatribhiḥ | vivyādha mārgaṇaistūrṇaṃ vāmapārśve stanāntare

Vikarna too, with thirty heron-feathered arrows, swiftly pierced him on the left side, between the breasts.

Note on the text: Not matched by the alignment; this is CE 7.92.3 (line 2 differs: CE “savye pārśve tu stanābhyām antare tathā”).

Verse 5 (7.116.5)

दुर्मुखो दशभिर्बाणैस्तथा दुःशासनोऽष्टभिः । चित्रसेनश्च शैनेयं द्वाभ्यां विव्याध मारिष ॥

durmukho daśabhirbāṇaistathā duḥśāsano'ṣṭabhiḥ | citrasenaśca śaineyaṃ dvābhyāṃ vivyādha māriṣa

Durmukha with ten arrows, Duhshasana likewise with eight, and Chitrasena with two pierced Shaineya, O sire.

Verse 6 (7.116.6)

दुर्योधनश्च महता शरवर्षेण माधवम् । अपीडयद्रणे राजञ्शूराश्चान्ये महारथाः ॥

duryodhanaśca mahatā śaravarṣeṇa mādhavam | apīḍayadraṇe rājañśūrāścānye mahārathāḥ

And Duryodhana, O king, and other great chariot-warriors, heroes, tormented Madhava in the battle with a great shower of arrows.

Note on the text: Corrected अपीडयद्रमे → अपीडयद्रणे (misprint in Wikisource; र-ण misread as र-म; the sense is “in the battle”, as in the critical edition).

Verse 7 (7.116.7)

सर्वतः प्रतिविद्धस्तु तव पुत्रैर्महारथैः । स तुद्यमानश्च तदा सर्वतः कुरुपुङ्गवैः ॥

sarvataḥ pratividdhastu tava putrairmahārathaiḥ | sa tudyamānaśca tadā sarvataḥ kurupuṅgavaiḥ

Pierced on every side by your sons, the great chariot-warriors, and thus tormented all round by the Kuru chiefs —

Note on the text: Removed stray wiki quote marks (backtick and apostrophe). Line 1 = CE 7.92.6a; line 2 (backticked in Wikisource) = CE star passage 7.92.6b*0644_01.

Verse 8 (7.116.8)

तान्प्रत्यविध्यद्वार्ष्णेयः पृथक्पृथगजिह्मगैः । सात्यकिः पुण्डरीकाक्षो ह्यस्त्रेषु परिनिष्ठितः ॥

tānpratyavidhyadvārṣṇeyaḥ pṛthakpṛthagajihmagaiḥ | sātyakiḥ puṇḍarīkākṣo hyastreṣu pariniṣṭhitaḥ

the Vrishni hero struck back at each of them separately with straight-flying arrows — Satyaki, the lotus-eyed, fully trained in weapons.

Note on the text: Removed stray wiki quote marks (backtick and apostrophe). Line 1 = CE 7.92.6c; line 2 (backticked in Wikisource) = CE star passage 7.92.6d*0645_01.

Verse 9 (7.116.9)

भारद्वाजं त्रिभिर्बाणैर्दुःसहं नवभिः शरैः । विकर्णं पञ्चविंशत्या चित्रसेनं च सप्तभिः ॥

bhāradvājaṃ tribhirbāṇairduḥsahaṃ navabhiḥ śaraiḥ | vikarṇaṃ pañcaviṃśatyā citrasenaṃ ca saptabhiḥ

He struck Bharadvaja's son (Drona) with three arrows, Duhsaha with nine, Vikarna with twenty-five, and Chitrasena with seven;

Verse 10 (7.116.10)

दुर्मर्षणं द्वादशभिरष्टाभिश्च विविंशतिम् । सत्यव्रतं च नवभिर्विजयं दशभिः शरैः ॥

durmarṣaṇaṃ dvādaśabhiraṣṭābhiśca viviṃśatim | satyavrataṃ ca navabhirvijayaṃ daśabhiḥ śaraiḥ

Durmarshana with twelve, Vivimshati with eight, Satyavrata with nine, and Vijaya with ten arrows;

Verse 11 (7.116.11)

दुर्योधनं त्रिभिर्विद्ध्वा सुपुङ्खैस्तिग्मतेजनैः । ततो रुक्माङ्गदं चापं विधुन्वानो महारथः । अभ्ययात्सात्यकिस्तूर्णं पुत्रं तव महारथम् ॥

duryodhanaṃ tribhirviddhvā supuṅkhaistigmatejanaiḥ | tato rukmāṅgadaṃ cāpaṃ vidhunvāno mahārathaḥ | abhyayātsātyakistūrṇaṃ putraṃ tava mahāratham

and having pierced Duryodhana with three keen, fine-feathered arrows, the great chariot-warrior Satyaki, brandishing his gold-adorned bow, then swiftly advanced on your son, the great chariot-warrior,

Note on the text: Removed stray wiki quote marks (backtick and apostrophe). Line 1 (backticked in Wikisource) = CE star passage 7.92.8d*0647_01; lines 2–3 = CE 7.92.9a and 9c.

Verse 12 (7.116.12)

राजानं सर्वलोकस्य सर्वलोकमहारथम् । शरैरभ्यहनद्गाढं ततो युद्धमभूत्तयोः ॥

rājānaṃ sarvalokasya sarvalokamahāratham | śarairabhyahanadgāḍhaṃ tato yuddhamabhūttayoḥ

the king, the great chariot-warrior of the whole world, and struck him hard with arrows; and then a fight arose between the two.

Note on the text: Line 1 differs from the CE (“rājānaṃ sarvalokasya sarvaśastrabhṛtāṃ varam”); Wikisource's reading is kept.

Verse 13 (7.116.13)

विमुञ्चन्तौ शरांस्तीक्ष्णान्सन्दधानौ च सायकान् । अदृश्यं समरेऽन्योन्यं चक्रतुस्तौ महारथौ ॥

vimuñcantau śarāṃstīkṣṇānsandadhānau ca sāyakān | adṛśyaṃ samare'nyonyaṃ cakratustau mahārathau

Loosing sharp arrows and fitting shafts to their bows, the two great chariot-warriors made each other invisible in the battle.

Note on the text: Corrected विमुञ्चतौ → विमुञ्चन्तौ (misprint in Wikisource; dropped न्; the dual participle is विमुञ्चन्तौ, as in the critical edition).

Verse 14 (7.116.14)

सात्यकिः कुरुराजेन निर्विद्धो बह्वशोभत । अस्रवद्रुधिरं भूरि स्वरसं चन्दनो यथा ॥

sātyakiḥ kururājena nirviddho bahvaśobhata | asravadrudhiraṃ bhūri svarasaṃ candano yathā

Pierced by the Kuru king, Satyaki shone greatly, streaming much blood like red sandalwood oozing its own sap.

Verse 15 (7.116.15)

सात्वतेन च बाणौधैर्निर्विद्धस्तनयस्तव । शातकुम्भमयापीडो बभौ यूप इवोच्छ्रितः ॥

sātvatena ca bāṇaudhairnirviddhastanayastava | śātakumbhamayāpīḍo babhau yūpa ivocchritaḥ

And your son, pierced by the Sattvata's showers of arrows, wearing a golden chaplet, shone like a sacrificial post set up.

Verse 16 (7.116.16)

माधवस्तु रणे राजन्कुरुराजस्य धन्विनः । धनुश्चिच्छेद समरे क्षुरप्रेण हसन्निव ॥

mādhavastu raṇe rājankururājasya dhanvinaḥ | dhanuściccheda samare kṣurapreṇa hasanniva

But Madhava, O king, in the battle cut the bow of the Kuru king, the archer, with a razor-headed arrow, as if laughing.

Note on the text: Corrected रमे → रणे (misprint in Wikisource; र-ण misread as र-म; the sense is “in the battle”, as in the critical edition). Lines are CE 7.92.14a and 14c (14c reads “sahasā” for “समरे”).

Verse 17 (7.116.17)

अथैनं छिन्नधन्वानं शरैर्बहुभिराचिनोत् । निर्भिन्नश्च शरैस्तेन द्विषता क्षिप्रकारिणा । नामृष्यत रणे राजा शत्रोर्विजयलक्षणम् ॥

athainaṃ chinnadhanvānaṃ śarairbahubhirācinot | nirbhinnaśca śaraistena dviṣatā kṣiprakāriṇā | nāmṛṣyata raṇe rājā śatrorvijayalakṣaṇam

Then he heaped many arrows on him, bowless as he was. Pierced by those arrows of his swift-handed foe, the king could not bear the enemy's mark of triumph.

Note on the text: Line 1 = CE 7.92.14e; lines 2–3 = CE 7.92.15a and 15c.

Verse 18 (7.116.18)

अथान्यद्धनुरादाय हेमपृष्ठं दुरासदम् । विव्याध सात्यकिं तूर्णं सायकानां शतेन ह ॥

athānyaddhanurādāya hemapṛṣṭhaṃ durāsadam | vivyādha sātyakiṃ tūrṇaṃ sāyakānāṃ śatena ha

Then, taking another bow, golden-backed and hard to assail, he quickly pierced Satyaki with a hundred arrows.

Verse 19 (7.116.19)

सोऽतिविद्धो बलवता तव पुत्रेण धन्विना । अमर्षवशमापन्नस्तव पुत्रमपीडयत् ॥

so'tividdho balavatā tava putreṇa dhanvinā | amarṣavaśamāpannastava putramapīḍayat

Deeply pierced by your mighty archer son, and fallen under the sway of rage, he wounded your son in turn.

Verse 20 (7.116.20)

पीडितं नृपतिं दृष्ट्वा तव पुत्रं महारथाः । सात्यकिं शरवर्षेण छादयामासुरोजसा ॥

pīḍitaṃ nṛpatiṃ dṛṣṭvā tava putraṃ mahārathāḥ | sātyakiṃ śaravarṣeṇa chādayāmāsurojasā

Seeing the king, your son, wounded, the great chariot-warriors covered Satyaki with a shower of arrows, with force.

Verse 21 (7.116.21)

स च्छाद्यमानो बहुभिस्तव पुत्रैर्महारथैः । एकैकं पञ्चभिर्विद्ध्वा पुनर्विव्याध सप्तभिः । दुर्योधनं च त्वरितो विव्याधाष्टभिराशुगैः ॥

sa cchādyamāno bahubhistava putrairmahārathaiḥ | ekaikaṃ pañcabhirviddhvā punarvivyādha saptabhiḥ | duryodhanaṃ ca tvarito vivyādhāṣṭabhirāśugaiḥ

Covered by your many sons, the great chariot-warriors, he pierced each of them with five arrows and again with seven; and hastily he pierced Duryodhana with eight swift arrows.

Note on the text: Corrected दुर्योधनं व त्वरितो → दुर्योधनं च त्वरितो (misprint in Wikisource; व for च; “and Duryodhana”, as in the critical edition). Lines 1–2 = CE 7.92.19a and 19c; line 3 = CE 7.92.20a.

Verse 22 (7.116.22)

प्रहसंश्चास्य चिच्छेद कार्मुकं रिपुभीषणम् । नागं मणिमयं चैव शरैर्ध्वजमपातयत् ॥

prahasaṃścāsya ciccheda kārmukaṃ ripubhīṣaṇam | nāgaṃ maṇimayaṃ caiva śarairdhvajamapātayat

Laughing, he cut Duryodhana's bow, the terror of foes, and with arrows brought down his standard, the jewelled elephant.

Note on the text: Line 1 = CE 7.92.20c; line 2 = CE 7.92.21a.

Verse 23 (7.116.23)

हत्वा तु चतुरो वाहांश्चतुर्भिर्निशितैः शरैः । सारथिं पातयामास क्षुरप्रेण महायशाः ॥

hatvā tu caturo vāhāṃścaturbhirniśitaiḥ śaraiḥ | sārathiṃ pātayāmāsa kṣurapreṇa mahāyaśāḥ

And having killed his four horses with four sharp arrows, the glorious one struck down his charioteer with a razor-headed arrow.

Note on the text: Line 1 = CE 7.92.21c; line 2 = CE 7.92.21e.

Verse 24 (7.116.24)

एतस्मिन्नन्तरे चैव कुरुराजं महारथम् । अवाकिरच्छरैर्हृष्टो बहुभिर्मर्मभेदिभिः ॥

etasminnantare caiva kururājaṃ mahāratham | avākiraccharairhṛṣṭo bahubhirmarmabhedibhiḥ

At that very moment, delighted, he covered the Kuru king, the great chariot-warrior, with many arrows that pierce the vitals.

Note on the text: Corrected अवारिकच्छरैर्हृष्टो → अवाकिरच्छरैर्हृष्टो (misprint in Wikisource; वारिक for वाकिर; the verb is अवाकिरत् “covered”, with sandhi अवाकिरच्छरैः, as in the critical edition).

Verse 25 (7.116.25)

स विध्यमानः समरे शैनेयस्य शरोत्तमैः । प्राद्रवत्सहसा राजन्पुत्रो दुर्योधनस्तव । आप्लुतश्च ततो यानं चित्रसेनस्य धन्विनः ॥

sa vidhyamānaḥ samare śaineyasya śarottamaiḥ | prādravatsahasā rājanputro duryodhanastava | āplutaśca tato yānaṃ citrasenasya dhanvinaḥ

Pierced in the battle by Shaineya's excellent arrows, your son Duryodhana, O king, suddenly fled and leapt onto the chariot of the archer Chitrasena.

Verse 26 (7.116.26)

हाहाभूतं जगच्चासीद्दृष्ट्वा राजानमाहवे । ग्रस्यमानं सात्यकिना खे सोममिव राहुणा ॥

hāhābhūtaṃ jagaccāsīddṛṣṭvā rājānamāhave | grasyamānaṃ sātyakinā khe somamiva rāhuṇā

The world cried out "Alas!" on seeing the king in the fight being swallowed by Satyaki, like the moon in the sky by Rahu.

Note on the text: Corrected मोममिव → सोममिव (misprint in Wikisource; म for स; the moon (सोम) is meant, as in the critical edition).

Verse 27 (7.116.27)

तं तु शब्दमथ श्रुत्वा कृतवर्मा महारथः । अभ्ययात्सहसा तत्र यत्रास्ते माधवः प्रभुः ॥

taṃ tu śabdamatha śrutvā kṛtavarmā mahārathaḥ | abhyayātsahasā tatra yatrāste mādhavaḥ prabhuḥ

Hearing that sound, the great chariot-warrior Kritavarman rushed suddenly to where the lord Madhava stood.

Note on the text: Corrected कृतवार्मा → कृतवर्मा (misprint in Wikisource; the name is कृतवर्मन्, nominative कृतवर्मा, not कृतवार्मा).

Verse 28 (7.116.28)

विधुन्वानो धनुः श्रेष्ठं चोदयंश्चैव वाजिनः । भर्त्सयन्सारथिं चाग्रे याहियाहीति सत्वरम् ॥

vidhunvāno dhanuḥ śreṣṭhaṃ codayaṃścaiva vājinaḥ | bhartsayansārathiṃ cāgre yāhiyāhīti satvaram

Brandishing his excellent bow, urging on his horses, and rebuking his charioteer in front — "Go, go!" — in haste.

Verse 29 (7.116.29)

तमापतन्तं सम्प्रेक्ष्य व्यादितास्यमिवान्तकम् । युयुधानो महाराज यन्तारमिदमब्रवीत् ॥

tamāpatantaṃ samprekṣya vyāditāsyamivāntakam | yuyudhāno mahārāja yantāramidamabravīt

Seeing him come on like Death with gaping mouth, Yuyudhana, O great king, said this to his charioteer:

Verse 30 (7.116.30)

कृतवर्मा रथेनैष द्रुतमापतते शरी । प्रत्युद्याहि रथेनैनं प्रवरं सर्वधन्विनाम् ॥

kṛtavarmā rathenaiṣa drutamāpatate śarī | pratyudyāhi rathenainaṃ pravaraṃ sarvadhanvinām

"Here comes Kritavarman, armed, swiftly in his chariot. Drive up in your chariot against him, the best of all archers.

Note on the text: Speaker changed from सञ्जय to सात्यकि: the whole verse is his unheaded speech.

Verse 31 (7.116.31)

प्रयाहि सत्वरं सूत रथेन रथसत्तमम् । निहनिष्यामि तं सङ्ख्ये वृष्णिवीरमरिन्दमम् ॥

prayāhi satvaraṃ sūta rathena rathasattamam | nihaniṣyāmi taṃ saṅkhye vṛṣṇivīramarindamam

Go quickly, charioteer, in your chariot against the best of chariot-warriors; I shall kill him in the fight, that Vrishni hero, tamer of foes."

Note on the text: Removed stray wiki quote marks (backtick and apostrophe). Not in the critical edition's main text; its two lines are CE star passage 7.92.28d*0649_01–02. Speaker changed from सञ्जय to सात्यकि (unheaded speech).

Verse 32 (7.116.32)

ततः प्रजविताश्वेन रथेन रथिनांवरः । आससाद रणे भोजं प्रतिमानं धनुष्मताम् ॥

tataḥ prajavitāśvena rathena rathināṃvaraḥ | āsasāda raṇe bhojaṃ pratimānaṃ dhanuṣmatām

Then, in his chariot with its swift horses, the best of chariot-fighters reached in battle the Bhoja, the equal of archers.

Verse 33 (7.116.33)

ततो गभस्तिमत्प्रख्यौ ज्वलिताविव पावकौ । समेयातां नरव्याघ्रौ व्याघ्राविव तरस्विनौ ॥

tato gabhastimatprakhyau jvalitāviva pāvakau | sameyātāṃ naravyāghrau vyāghrāviva tarasvinau

Then the two tigers among men met like two blazing fires, shining like the sun, like two mighty tigers.

Verse 34 (7.116.34)

कृतवर्मा तु शैनेयं षड्विंशत्या समार्पयत् । निशितैः सायकैस्तीक्ष्णैर्यन्तारं चास्य पञ्चभिः ॥

kṛtavarmā tu śaineyaṃ ṣaḍviṃśatyā samārpayat | niśitaiḥ sāyakaistīkṣṇairyantāraṃ cāsya pañcabhiḥ

Kritavarman struck Shaineya with twenty-six sharp, keen arrows, and his charioteer with five.

Verse 35 (7.116.35)

चतुरश्चतुरो वाहांश्चतुर्भिः परमेषुभिः । अविध्यत्साधुदान्तान्वै सैन्धवान्सात्वतस्य हि ॥

caturaścaturo vāhāṃścaturbhiḥ parameṣubhiḥ | avidhyatsādhudāntānvai saindhavānsātvatasya hi

With four excellent arrows he pierced the four well-tamed Sindhu horses of the Sattvata.

Verse 36 (7.116.36)

रुक्मध्वजो रुक्मपृष्ठं महद्विष्फार्य कार्मुकम् । रुक्माङ्गदी रुक्मवर्मा रुक्मपुङ्खैरवारयत् ॥

rukmadhvajo rukmapṛṣṭhaṃ mahadviṣphārya kārmukam | rukmāṅgadī rukmavarmā rukmapuṅkhairavārayat

With his golden banner, golden armlets and golden armour, he brandished his great gold-backed bow and checked him with golden-feathered arrows.

Verse 37 (7.116.37)

ततोऽशीतिं शिनेः पौत्रः सायकान्कृतवर्मणे । प्राहिणोत्त्वरया युक्तो द्रष्टुकामो धनञ्जयम् ॥

tato'śītiṃ śineḥ pautraḥ sāyakānkṛtavarmaṇe | prāhiṇottvarayā yukto draṣṭukāmo dhanañjayam

Then Shini's grandson, in haste, eager to see Dhananjaya, sent eighty arrows at Kritavarman.

Verse 38 (7.116.38)

सोऽतिविद्धो बलवता शत्रुणा शत्रुतापनः । समकम्पत दुर्धर्षः क्षितिकम्पे यथाऽचलः ॥

so'tividdho balavatā śatruṇā śatrutāpanaḥ | samakampata durdharṣaḥ kṣitikampe yathā'calaḥ

Deeply pierced by his powerful enemy, the unassailable scourge of foes trembled, as a mountain trembles in an earthquake.

Note on the text: Corrected समकम्पतः → समकम्पत (misprint in Wikisource; stray visarga; the imperfect is समकम्पत, as in the critical edition).

Verse 39 (7.116.39)

त्रिषष्ट्या चतुरोऽस्याश्वान्सप्तभिः सारथिं तथा । विव्याध निशितैस्तूर्णं सात्यकिः सत्यविक्रमः ॥

triṣaṣṭyā caturo'syāśvānsaptabhiḥ sārathiṃ tathā | vivyādha niśitaistūrṇaṃ sātyakiḥ satyavikramaḥ

Satyaki, true in valor, quickly pierced his four horses with sixty-three sharp arrows and his charioteer with seven.

Verse 40 (7.116.40)

हताश्वसूते तु रथे स्थिताय शिनिपुङ्गवः । सुवर्णपुङ्खं विशिखं समादाय च सात्यकिः । व्यसृजत्तं महाज्वालं सङ्क्रुद्धमिव पन्नगम् ॥

hatāśvasūte tu rathe sthitāya śinipuṅgavaḥ | suvarṇapuṅkhaṃ viśikhaṃ samādāya ca sātyakiḥ | vyasṛjattaṃ mahājvālaṃ saṅkruddhamiva pannagam

At him, standing in a chariot whose horses and charioteer had been slain, the bull of the Shinis, Satyaki, took a golden-feathered shaft and loosed it, blazing, like an enraged serpent.

Note on the text: Removed stray wiki quote marks (backtick and apostrophe). Line 1 (backticked in Wikisource) = CE star passage 7.92.36d*0651_01; lines 2–3 = CE 7.92.37a and 37c (line 2 reads “समादाय च सात्यकिः” for the CE's “samādhāya sa sātyakiḥ”).

Verse 41 (7.116.41)

सोऽविध्यत्कृतवर्माणं यमदण्डोपमः शरः । जाम्बूनदविचित्रं च वर्म निर्भिद्य भानुमत् । अभ्यगाद्धरणीमुग्रो रुधिरेण समुक्षितः ॥

so'vidhyatkṛtavarmāṇaṃ yamadaṇḍopamaḥ śaraḥ | jāmbūnadavicitraṃ ca varma nirbhidya bhānumat | abhyagāddharaṇīmugro rudhireṇa samukṣitaḥ

That arrow, like Yama's rod, pierced Kritavarman and, splitting his shining armour wrought with Jambunada gold, went into the earth, fierce, drenched in blood.

Verse 42 (7.116.42)

सञ्जातरुधिरश्चाजौ सात्वतेषुभिरर्दितः । सशरं धनुरुत्सृज्य न्यपतत्स्यन्दनोत्तमात् ॥

sañjātarudhiraścājau sātvateṣubhirarditaḥ | saśaraṃ dhanurutsṛjya nyapatatsyandanottamāt

Bleeding in the battle, tormented by the Sattvata's arrows, he let fall his bow with its arrow and fell from his excellent chariot.

Verse 43 (7.116.43)

स सिंहदंष्ट्रो जानुभ्यां पतितोऽमितविक्रमः । शरार्दितः सात्यकिना रथोपस्थे नरर्षभः ॥

sa siṃhadaṃṣṭro jānubhyāṃ patito'mitavikramaḥ | śarārditaḥ sātyakinā rathopasthe nararṣabhaḥ

That bull among men, lion-toothed and of boundless valor, tormented by Satyaki's arrows, fell upon his knees on the floor of the chariot.

Verse 44 (7.116.44)

सहस्रबाहुसदृशमक्षोभ्यमिव सागरम् । निवार्य कृतवर्माणं सात्यकिः प्रययौ ततः ॥

sahasrabāhusadṛśamakṣobhyamiva sāgaram | nivārya kṛtavarmāṇaṃ sātyakiḥ prayayau tataḥ

Having checked Kritavarman, who was like the thousand-armed king and unshakable like the ocean, Satyaki then went on.

Verse 45 (7.116.45)

न हि तस्य शरोऽपार्थः कथञ्चिदपि पार्थिव । दिदृक्षुः स हि वेगेन प्रायाद्यत्र धनञ्जयः ॥

na hi tasya śaro'pārthaḥ kathañcidapi pārthiva | didṛkṣuḥ sa hi vegena prāyādyatra dhanañjayaḥ

For no shaft of his is ever wasted, O king; eager to see Dhananjaya, he went on swiftly to where Dhananjaya was.

Note on the text: Removed stray wiki quote marks (backtick and apostrophe). Not in the critical edition's main text; verses 45–46 together are CE star passage 7.92.41d*0654_01–04 (this verse = lines 01–02).

Verse 46 (7.116.46)

स शक्त्या क्षत्रियैस्तत्र निरुद्धो बलवत्तरः । युयुधे सात्वतो राजन्दिदृक्षुः पाण्डुनन्दनम् ॥

sa śaktyā kṣatriyaistatra niruddho balavattaraḥ | yuyudhe sātvato rājandidṛkṣuḥ pāṇḍunandanam

Blocked there by Kshatriyas who barred his way with all their strength, the very strong Sattvata, O king, fought on, eager to see the son of Pandu.

Note on the text: Removed stray wiki quote marks (backtick and apostrophe). Not in the critical edition's main text; lines 1–2 are CE star passage 7.92.41d*0654_03–04.

Verse 47 (7.116.47)

खड्गशक्तिधनुःकीर्णां गजाश्वरथसङ्कुलाम् । प्रवर्तितोग्ररुधिरां शतशः क्षत्रियर्षभैः ॥

khaḍgaśaktidhanuḥkīrṇāṃ gajāśvarathasaṅkulām | pravartitograrudhirāṃ śataśaḥ kṣatriyarṣabhaiḥ

Through the host strewn with swords, spears and bows, crowded with elephants, horses and chariots, where hundreds of bull-like Kshatriyas had set fierce blood flowing —

Note on the text: Corrected खङ्गशक्ति → खड्गशक्ति (misprint in Wikisource; wrong nasal; the word is खड्ग).

Verse 48 (7.116.48)

प्रेक्षतां सर्वसैन्यानां मध्येन शिनिपुङ्गवः । अभ्यगाद्वाहिनीं हित्वा वृत्रहेवासुरीं चमूम् ॥

prekṣatāṃ sarvasainyānāṃ madhyena śinipuṅgavaḥ | abhyagādvāhinīṃ hitvā vṛtrahevāsurīṃ camūm

in the sight of all the armies, the bull of the Shinis passed through the midst, leaving the host behind, like Indra through the asura host.

Note on the text: Line 2 reads “हित्वा” (“leaving”) where the CE has “bhittvā” (“cleaving”); Wikisource's reading is kept.

Verse 49 (7.116.49)

समाश्वस्य च हार्दिक्यो गृह्य चान्यन्महद्धनुः । तस्थौ स तत्र बलवान्वारयन्युधि पाण्डवान् ॥

samāśvasya ca hārdikyo gṛhya cānyanmahaddhanuḥ | tasthau sa tatra balavānvārayanyudhi pāṇḍavān

But Hardikya, having recovered his breath and taken up another great bow, stood there, strong, holding back the Pandavas in the fight.