Satyaki Fights Drona at the Gate of the Array

Verse 1 (7.117.1)

काल्यमानेषु सैन्येषु शैनेयेन ततस्ततः । भारद्वाजः शरव्रातैर्मर्मभिद्भिरवाकिरत् ॥

kālyamāneṣu sainyeṣu śaineyena tatastataḥ | bhāradvājaḥ śaravrātairmarmabhidbhiravākirat

While Shaineya was driving your troops this way and that, Bharadvaja's son covered him with volleys of arrows that pierced the vitals.

Note on the text: Adhyaya note: checked against the raw Wikisource page (a table, one row per verse, printed 5-117-1 to 5-117-36 — the page's "5-" is a typo for 7 — with a colophon naming this the 117th adhyaya of the Jayadratha-vadha Parva); page and input agree on all 36 verses. Wikisource 117 corresponds to the critical edition 7.93.1–35; CE star passages *0655 (after 7.93.2), *0656 (after 7.93.21) and *0657 (after 7.93.29) are not in Wikisource. The gloss printed after the colophon (on रथशक्त्या) is not part of the text and is dropped. The second line of this verse differs from CE 7.93.1c (bhāradvājaḥ śaravrātair mahadbhiḥ samavākirat), a recension variant.

Verse 2 (7.117.2)

स सम्प्रहारस्तुमुलो द्रोणसात्वतयोरभूत् । पश्यतां सर्वसैन्यानां बलिवासवयोरिव ॥

sa samprahārastumulo droṇasātvatayorabhūt | paśyatāṃ sarvasainyānāṃ balivāsavayoriva

That clash between Drona and the Sattvata grew tumultuous, like the fight between Bali and Indra, as all the armies looked on.

Verse 3 (7.117.3)

ततो द्रोणः शिनेः पौत्रं चित्रैः सर्वायसैः शरैः । त्रिभिराशीविषाकारैर्ललाटे समविध्यत ॥

tato droṇaḥ śineḥ pautraṃ citraiḥ sarvāyasaiḥ śaraiḥ | tribhirāśīviṣākārairlalāṭe samavidhyata

Then Drona pierced Shini's grandson in the forehead with three bright, all-iron arrows shaped like venomous serpents.

Note on the text: Corrected आशीविपाकारैर् → आशीविषाकारैर् (misprint in Wikisource; वि-पा for वि-षा; the critical edition reads āśīviṣākārair, 'shaped like venomous serpents').

Verse 4 (7.117.4)

तैर्ललाटार्पितैर्बाणैर्युयुधानस्त्वजिह्मगैः । व्यरोचत महाराज त्रिशृङ्ग इव पर्वतः ॥

tairlalāṭārpitairbāṇairyuyudhānastvajihmagaiḥ | vyarocata mahārāja triśṛṅga iva parvataḥ

With those straight-flying arrows fixed in his forehead, Yuyudhana, O great king, shone like a three-peaked mountain.

Verse 5 (7.117.5)

ततोऽस्य बाणानपरानिन्द्राशनिसमस्वनान् । भारद्वाजोऽन्तरप्रेक्षी प्रेषयामास संयुगे ॥

tato'sya bāṇānaparānindrāśanisamasvanān | bhāradvājo'ntaraprekṣī preṣayāmāsa saṃyuge

Then Bharadvaja's son, watching for an opening, sent other arrows against him in the battle, which sounded like Indra's thunderbolt.

Verse 6 (7.117.6)

तान्द्रोणचापनिर्मुक्तान्दाशार्हः पततः शरान् । द्वाभ्यांद्वाभ्यां सुपुङ्खाभ्यां चिच्छेद परमास्त्रवित् ॥

tāndroṇacāpanirmuktāndāśārhaḥ patataḥ śarān | dvābhyāṃdvābhyāṃ supuṅkhābhyāṃ ciccheda paramāstravit

As those arrows shot from Drona's bow came down, the Dasharha, a master of the supreme weapons, cut each of them in two with a pair of fine-feathered shafts.

Verse 7 (7.117.7)

तामस्य लघुतां द्रोणः समवेक्ष्य विशाम्पते । प्रहस्य सहसाऽविध्यत्त्रिंशता शिनिपुङ्गवम् ॥

tāmasya laghutāṃ droṇaḥ samavekṣya viśāmpate | prahasya sahasā'vidhyattriṃśatā śinipuṅgavam

Seeing his quickness, O lord of the people, Drona laughed and suddenly pierced the best of the Shinis with thirty arrows.

Note on the text: Corrected त्रिंशतां → त्रिंशता (misprint in Wikisource; the instrumental singular is required by the syntax). The critical edition has viṃśatyā ('twenty'); the page's 'thirty' is kept as a recension variant.

Verse 8 (7.117.8)

पुनः पञ्चाशतेषूणां शतेन च समार्पयत् । लघुतां युयुधानस्य लाघवेन विशेषयन् ॥

punaḥ pañcāśateṣūṇāṃ śatena ca samārpayat | laghutāṃ yuyudhānasya lāghavena viśeṣayan

Then again he loosed fifty arrows at him, and a hundred more, outdoing Yuyudhana's quickness with his own.

Note on the text: Corrected पञ्चशतेषूणां शितेन → पञ्चाशतेषूणां शतेन (misprint in Wikisource; a dropped ā and ि for अ in the numerals; the critical edition reads pañcāśateṣūṇāṃ śatena ca).

Verse 9 (7.117.9)

समुत्पतन्ति वल्मीकाद्यथा क्रुद्धा महोरगाः । तथा द्रोणरथाद्राजन्नापतन्ति तनुच्छिदः ॥

samutpatanti valmīkādyathā kruddhā mahoragāḥ | tathā droṇarathādrājannāpatanti tanucchidaḥ

As angry great serpents rise out of an anthill, so, O king, armour-piercing arrows flew out from Drona's chariot.

Verse 10 (7.117.10)

तथैव युयुधानेन सृष्टाः शतसहस्रशः । अवाकिरन्द्रोणरथं शरा रुधिरभोजनाः ॥

tathaiva yuyudhānena sṛṣṭāḥ śatasahasraśaḥ | avākirandroṇarathaṃ śarā rudhirabhojanāḥ

In the same way, hundreds of thousands of blood-drinking arrows loosed by Yuyudhana covered Drona's chariot.

Note on the text: Corrected सतसहस्रशः → शतसहस्रशः (misprint in Wikisource; स for श; the critical edition reads śatasahasraśaḥ).

Verse 11 (7.117.11)

लाघवाद्द्विजमुख्यस्य सात्वतस्य च मारिष । विशेषं नाध्यगच्छाम समावास्तां नरर्षभौ ॥

lāghavāddvijamukhyasya sātvatasya ca māriṣa | viśeṣaṃ nādhyagacchāma samāvāstāṃ nararṣabhau

So quick were the chief of the twice-born and the Sattvata, O sir, that we could find no difference between those two bulls among men; they stood equal.

Note on the text: Corrected लाघवाद्दिजमुख्यस्य → लाघवाद्द्विजमुख्यस्य (misprint in Wikisource; the व of the conjunct द्वि is dropped; the critical edition reads dvijamukhyasya).

Verse 12 (7.117.12)

सात्यकिस्तु ततो द्रोणं नवभिर्नतपर्वभिः । आजघान भृशं क्रुद्धो ध्वजं च निशितैः शरैः ॥

sātyakistu tato droṇaṃ navabhirnataparvabhiḥ | ājaghāna bhṛśaṃ kruddho dhvajaṃ ca niśitaiḥ śaraiḥ

Then Satyaki, greatly enraged, struck Drona with nine straight-jointed arrows, and his banner with sharp arrows.

Note on the text: This verse is the critical edition's 7.93.12ab; the CE's 12c (sārathiṃ ca śatenaiva…) opens the next Wikisource verse.

Verse 13 (7.117.13)

सारथिं च शतेनैव भारद्वाजस्य पश्यतः । लाघवं युयुधानस्य दृष्ट्वा द्रोणो महारथः ॥

sārathiṃ ca śatenaiva bhāradvājasya paśyataḥ | lāghavaṃ yuyudhānasya dṛṣṭvā droṇo mahārathaḥ

And with a hundred he struck the charioteer, while Bharadvaja's son looked on. Seeing Yuyudhana's quickness, the great chariot-warrior Drona

Note on the text: Line 1 is the critical edition's 7.93.12 third line (12e: sārathiṃ ca śatenaiva bhāradvājasya paśyataḥ); line 2 is CE 7.93.13a.

Verse 14 (7.117.14)

सप्तत्या सारथिं विद्ध्वा तुरङ्गांश्च त्रिभिस्त्रिभिः । ध्वजमेकेन चिच्छेद माधवस्य रथे स्थितम् ॥

saptatyā sārathiṃ viddhvā turaṅgāṃśca tribhistribhiḥ | dhvajamekena ciccheda mādhavasya rathe sthitam

pierced his charioteer with seventy arrows and the horses with three each, and with one cut down the banner standing on Madhava's chariot.

Note on the text: Corrected विद्व्वा → विद्ध्वा (misprint in Wikisource; a broken conjunct). The two lines correspond to CE 7.93.13c and 13e (CE: saptatyā sātyakiṃ viddhvā turagāṃś ca tribhis tribhiḥ / dhvajam ekena vivyādha mādhavasya rathe sthitam); the page's सारथिं and चिच्छेद are recension variants of sātyakiṃ and vivyādha.

Verse 15 (7.117.15)

अथापरेण भल्लेन हेमपुङ्खेन पत्रिणा । धनुश्चिच्छेद समरे माधवस्य महात्मनः ॥

athāpareṇa bhallena hemapuṅkhena patriṇā | dhanuściccheda samare mādhavasya mahātmanaḥ

Then with another golden-feathered, broad-headed arrow he cut the great-souled Madhava's bow in the battle.

Verse 16 (7.117.16)

सात्यकिस्तु ततः क्रुद्धो धनुस्त्यक्त्वा महारथः । गदां जग्राह महतीं भारद्वाजाय चाक्षिपत् ॥

sātyakistu tataḥ kruddho dhanustyaktvā mahārathaḥ | gadāṃ jagrāha mahatīṃ bhāradvājāya cākṣipat

Then the great chariot-warrior Satyaki, enraged, threw away his bow, took up a huge mace and hurled it at Bharadvaja's son.

Verse 17 (7.117.17)

तामापतन्तीं सहसा पट्टबद्धामयस्मयीम् । न्यवारयच्छरैर्द्रोणो बहुभिर्बहुरूपिभिः ॥

tāmāpatantīṃ sahasā paṭṭabaddhāmayasmayīm | nyavārayaccharairdroṇo bahubhirbahurūpibhiḥ

As that iron mace, bound with bands, rushed suddenly at him, Drona turned it aside with many arrows of many kinds.

Verse 18 (7.117.18)

अथान्यद्धनुरादाय सात्यकिः सत्यविक्रमः । विव्याध बहुभिर्वीरं भारद्वाजं शिलाशितैः ॥

athānyaddhanurādāya sātyakiḥ satyavikramaḥ | vivyādha bahubhirvīraṃ bhāradvājaṃ śilāśitaiḥ

Then, taking up another bow, Satyaki, true in prowess, pierced the hero Bharadvaja with many arrows whetted on stone.

Verse 19 (7.117.19)

स विद्ध्वा समरे द्रोणं सिंहनादममुञ्चत । तं वै न ममृषे द्रोणः सिंहनादं महात्मनः ॥

sa viddhvā samare droṇaṃ siṃhanādamamuñcata | taṃ vai na mamṛṣe droṇaḥ siṃhanādaṃ mahātmanaḥ

Having pierced Drona in the battle, he gave a lion's roar, and Drona could not bear that roar of the great-souled one.

Note on the text: Corrected स विद्‌वा → स विद्ध्वा (misprint in Wikisource; a stray zero-width non-joiner and a broken conjunct) and न मृमषे → न ममृषे (misprint; the critical edition reads mamṛṣe). Line 2's ending (महात्मनः for sarvaśastrabhṛtāṃ varaḥ) differs from CE 7.93.18c, a recension variant.

Verse 20 (7.117.20)

ततः शक्तिं रणे द्रोणो रुक्मदण्डामयस्मयीम् । तरसा प्रेषयामास माधवस्य रथं प्रति ॥

tataḥ śaktiṃ raṇe droṇo rukmadaṇḍāmayasmayīm | tarasā preṣayāmāsa mādhavasya rathaṃ prati

Then Drona hurled at Madhava's chariot, with great force, a spear of iron with a golden shaft.

Verse 21 (7.117.21)

अनासाद्य तु शैनेयं सा शक्तिः कालसन्निभा । भित्त्वा रथं जगामोग्रा धरणीं दारुणस्वना ॥

anāsādya tu śaineyaṃ sā śaktiḥ kālasannibhā | bhittvā rathaṃ jagāmogrā dharaṇīṃ dāruṇasvanā

That spear, like Death himself, missed Shaineya, tore through the chariot, and fiercely, with a dreadful sound, went into the earth.

Note on the text: Corrected जगामोग्ना → जगामोग्रा (misprint in Wikisource; the critical edition reads jagāmogrā).

Verse 22 (7.117.22)

ततो द्रोणं शिनेः पौत्रो राजन्विव्याध पत्रिणा । दक्षिणं भुजमासाद्य पीडयन्भरतर्षभ ॥

tato droṇaṃ śineḥ pautro rājanvivyādha patriṇā | dakṣiṇaṃ bhujamāsādya pīḍayanbharatarṣabha

Then Shini's grandson, O king, pierced Drona in the right arm with an arrow, hurting him, O best of the Bharatas.

Verse 23 (7.117.23)

द्रोणोऽपि समरे राजन्माधवस्य महद्धनुः । अर्धचन्द्रेण चिच्छेद रथशक्त्या च सारथिम् ॥

droṇo'pi samare rājanmādhavasya mahaddhanuḥ | ardhacandreṇa ciccheda rathaśaktyā ca sārathim

And Drona, too, O king, cut Madhava's great bow with a crescent-headed arrow, and struck his charioteer with a chariot-spear.

Verse 24 (7.117.24)

मुमोह सारथिस्तस्य रथशक्त्या समाहतः । स रथोपस्थमासाद्य मुहूर्तं सन्न्यषीदत ॥

mumoha sārathistasya rathaśaktyā samāhataḥ | sa rathopasthamāsādya muhūrtaṃ sannyaṣīdata

Struck by the chariot-spear, his charioteer fainted; he reached the seat of the chariot and sat there for a moment.

Verse 25 (7.117.25)

चकार सात्यकी राजंस्तत्र कर्मातिमानुषम् । अयोधयच्च यद्द्रोणं रश्मीञ्जग्राह च स्वयम् ॥

cakāra sātyakī rājaṃstatra karmātimānuṣam | ayodhayacca yaddroṇaṃ raśmīñjagrāha ca svayam

There Satyaki, O king, did a superhuman deed: he kept fighting Drona and took the reins himself.

Verse 26 (7.117.26)

ततः शरशतेनैव युयुधानो महारथः । अविध्यद्ब्राह्मणं सङ्ख्ये हृष्टरूपो विशाम्पते ॥

tataḥ śaraśatenaiva yuyudhāno mahārathaḥ | avidhyadbrāhmaṇaṃ saṅkhye hṛṣṭarūpo viśāmpate

Then, with a hundred arrows, the great chariot-warrior Yuyudhana, exultant, pierced the brahmin in the battle, O lord of the people.

Verse 27 (7.117.27)

तस्य द्रोणः शरान्पञ्च प्रेषयामास भारत । ते घोराः कवचं भित्त्वा पपुः शोणितमाहवे ॥

tasya droṇaḥ śarānpañca preṣayāmāsa bhārata | te ghorāḥ kavacaṃ bhittvā papuḥ śoṇitamāhave

Drona sent five arrows at him, O Bharata; those dreadful arrows pierced his armour and drank his blood in the fight.

Verse 28 (7.117.28)

निर्विद्धस्तु शरैर्घोरैरक्रुद्ध्यत्सात्यकिर्भृशम् । सायकान्व्यसृजच्चापि वीरो रुक्मरथं प्रति ॥

nirviddhastu śarairghorairakruddhyatsātyakirbhṛśam | sāyakānvyasṛjaccāpi vīro rukmarathaṃ prati

Pierced by those dreadful arrows, Satyaki grew exceedingly angry, and the hero loosed shafts at the golden-chariotted Drona.

Verse 29 (7.117.29)

ततो द्रोणस्य यन्तारं निपात्यैकेषुणा भुवि । अश्वान्व्यद्रावयद्बाणैर्हतसूतांस्ततस्ततः ॥

tato droṇasya yantāraṃ nipātyaikeṣuṇā bhuvi | aśvānvyadrāvayadbāṇairhatasūtāṃstatastataḥ

Then with a single arrow he felled Drona's charioteer to the ground, and with his arrows drove the horses, their driver slain, off in all directions.

Verse 30 (7.117.30)

स रथः प्रद्रुतः सङ्ख्ये मण्डलानि सहस्रशः । चकार राजतो राजन्भ्राजमान इवांशुमान् ॥

sa rathaḥ pradrutaḥ saṅkhye maṇḍalāni sahasraśaḥ | cakāra rājato rājanbhrājamāna ivāṃśumān

That chariot, bolting in the battle, wheeled in thousands of circles, gleaming, O king, like the radiant sun.

Verse 31 (7.117.31)

अभिद्रवत गृह्णीत हयान्द्रोणस्य धावत । इति स्म चुक्रुशुः सर्वे राजपुत्राः सराजकाः ॥

abhidravata gṛhṇīta hayāndroṇasya dhāvata | iti sma cukruśuḥ sarve rājaputrāḥ sarājakāḥ

"Charge! Seize Drona's horses! Run!" So cried all the princes and the kings with them.

Verse 32 (7.117.32)

ते सात्यकिमपास्याशु राजन्युधि महारथाः । यतो द्रोणस्ततः सर्वे सहसा समुपाद्रवन् ॥

te sātyakimapāsyāśu rājanyudhi mahārathāḥ | yato droṇastataḥ sarve sahasā samupādravan

Leaving Satyaki aside at once, O king, all those great chariot-warriors rushed suddenly to where Drona was.

Verse 33 (7.117.33)

तान्दृष्ट्वा प्रद्रुतान्सङ्ख्ये सात्वतेन शरार्दितान् । प्रभग्नं पुनरेवासीत्तव सैन्यं समाकुलम् ॥

tāndṛṣṭvā pradrutānsaṅkhye sātvatena śarārditān | prabhagnaṃ punarevāsīttava sainyaṃ samākulam

Seeing them all in flight, tormented by the Sattvata's arrows, your army, broken once more, fell into confusion.

Verse 34 (7.117.34)

व्यूहस्यैव पुनर्द्वारं गत्वा द्रोणो व्यवस्थितः । वातायमानैस्तैरश्वैर्नीतो वृष्णिशरार्दितैः ॥

vyūhasyaiva punardvāraṃ gatvā droṇo vyavasthitaḥ | vātāyamānaistairaśvairnīto vṛṣṇiśarārditaiḥ

Borne by his horses, which ran like the wind, tormented by the Vrishni's arrows, Drona went back to the gate of the array and took his stand there.

Verse 35 (7.117.35)

पाण्डुपाञ्चालसम्भिन्नं व्यूहमालोक्य वीर्यवान् । शैनेये नाकरोद्यत्नं व्यूहमेवाभ्यरक्षत ॥

pāṇḍupāñcālasambhinnaṃ vyūhamālokya vīryavān | śaineye nākarodyatnaṃ vyūhamevābhyarakṣata

Seeing the array shattered by the Pandavas and Panchalas, the mighty one made no further effort against Shaineya, but guarded the array.

Verse 36 (7.117.36)

निवार्य पाण्डुपाञ्चालान्द्रोणाग्निः प्रदहन्निव । तस्थौ क्रोधेध्मसन्दीप्तः कालसूर्य इवोद्यतः ॥

nivārya pāṇḍupāñcālāndroṇāgniḥ pradahanniva | tasthau krodhedhmasandīptaḥ kālasūrya ivodyataḥ

Having driven back the Pandavas and the Panchalas, Drona stood like a fire burning everything, blazing with the fuel of anger, like the sun of the world's end risen.

Note on the text: Removed a stray zero-width joiner inside the conjunct of पाण्‍डु (पाण्डु).