Duryodhana Reproaches Drona; the Fight with the Panchala Princes

Verse 1 (7.130.1)

तस्मिन्विलुलिते सैन्ये सैन्धवायार्जुने गते । सात्वते भीमसेने च पुत्रस्ते द्रोणमभ्ययात् । त्वरन्नेकरथेनैव बहु कृत्यं विचिन्तयन् ॥

tasminvilulite sainye saindhavāyārjune gate | sātvate bhīmasene ca putraste droṇamabhyayāt | tvarannekarathenaiva bahu kṛtyaṃ vicintayan

When that army had been thrown into confusion, and Arjuna, the Satvata Satyaki and Bhimasena had gone against the Saindhava, your son came to Drona on a single chariot, in haste, turning over in his mind the many things that had to be done.

Verse 2 (7.130.2)

स रथस्तव पुत्रस्य त्वरया परया युतः । तूर्णमभ्यद्रवद्द्रोणं मनोमारुतवेगवान् ॥

sa rathastava putrasya tvarayā parayā yutaḥ | tūrṇamabhyadravaddroṇaṃ manomārutavegavān

That chariot of your son, driven on with the utmost speed, dashed swiftly toward Drona, as fast as mind and wind.

Verse 3 (7.130.3)

इह दृष्ट इतो नष्टः सरथः प्राद्रवन्नृपः । मुहूर्तादिव पुत्रस्ते द्रोणमासाद्य मारिष । ससम्भ्रमामिदं वाक्यमब्रवीत्कुरनन्दनः ॥

iha dṛṣṭa ito naṣṭaḥ sarathaḥ prādravannṛpaḥ | muhūrtādiva putraste droṇamāsādya māriṣa | sasambhramāmidaṃ vākyamabravītkuranandanaḥ

"Seen here, and then gone from here — the king sped off with his chariot": and in what seemed only a moment, O sire, your son reached Drona. Then that joy of the Kurus spoke these words in great agitation.

Note on the text: Stray wiki quote marks removed. Not in the critical edition's main text; lines 1-2 are star passage 7.105.2d*0810_01-02 (placed after 7.105.2) and line 3 is the star line 7.105.3b*0811_01 (placed within 7.105.3). The automatic alignment found no match. Line 3 introduces Duryodhana's speech, which begins in verse 4.

Verse 4 (7.130.4)

अर्जुनो भीमसेनश्च सात्यकिश्चापराजितः । विजित्य सर्वसैन्यानि सुमहान्ति महारथाः ॥

arjuno bhīmasenaśca sātyakiścāparājitaḥ | vijitya sarvasainyāni sumahānti mahārathāḥ

Arjuna, Bhimasena and the unconquered Satyaki, those great chariot-warriors, have beaten all our vast armies

Note on the text: Speaker: Duryodhana. No heading is printed; verses 4-9 are Duryodhana's address to Drona (introduced by verse 3), so the input's carried-over Sanjaya is corrected. Line 1 is CE 7.105.3c and line 2 is CE 7.105.4a. The automatic alignment found no match.

Verse 5 (7.130.5)

सम्प्राप्ताः सिन्धुराजस्य समीपमनिवारिताः । व्यायच्छन्ति च तत्रापि सर्व एवापराजिताः ॥

samprāptāḥ sindhurājasya samīpamanivāritāḥ | vyāyacchanti ca tatrāpi sarva evāparājitāḥ

and, with no one to stop them, have reached the side of the king of Sindhu; and even there, all of them, still unconquered, are striving on.

Note on the text: Speaker: Duryodhana (unheaded speech introduced in verse 3). Line 1 is CE 7.105.4c and line 2 is CE 7.105.4e. The automatic alignment found no match.

Verse 6 (7.130.6)

यदि तावद्रणे पार्थो व्यतिक्रान्तो महारथः । कथं सात्यकिभीमाभ्यां व्यतिक्रान्तोऽसि मानद ॥

yadi tāvadraṇe pārtho vyatikrānto mahārathaḥ | kathaṃ sātyakibhīmābhyāṃ vyatikrānto'si mānada

If Partha, the great chariot-warrior, has gone past you in battle, how is it, O giver of honour, that you have been passed by Satyaki and Bhima as well?

Note on the text: Speaker: Duryodhana (unheaded speech introduced in verse 3).

Verse 7 (7.130.7)

आश्चर्यभूतो लोकेऽस्मिन्समुद्रस्येव शोषणम् । निर्जयस्तव विप्राग्र्य सात्वतेनार्जुनेन च । तथैव भीमसेनेन लोकः संवदते भृशम् ॥

āścaryabhūto loke'sminsamudrasyeva śoṣaṇam | nirjayastava viprāgrya sātvatenārjunena ca | tathaiva bhīmasenena lokaḥ saṃvadate bhṛśam

It is a marvel in this world, like the drying up of the ocean: that you, best of Brahmins, should be overcome by the Satvata and by Arjuna, and likewise by Bhimasena. So the whole world keeps saying.

Note on the text: Speaker: Duryodhana (unheaded speech introduced in verse 3). Lines 1-2 are CE 7.105.6a and 6c; line 3 is CE 7.105.7a. The automatic alignment found no match.

Verse 8 (7.130.8)

कथं द्रोणो जितः सङ्ख्ये धनुर्वेदस्य पारगः । इत्येवं ब्रुवते योधा अश्रद्धेयमिदं तव ॥

kathaṃ droṇo jitaḥ saṅkhye dhanurvedasya pāragaḥ | ityevaṃ bruvate yodhā aśraddheyamidaṃ tava

"How could Drona, the master of the science of the bow, be beaten in battle?" — so the warriors are saying. This is something one cannot believe of you.

Note on the text: Speaker: Duryodhana (unheaded speech introduced in verse 3). Line 1 is CE 7.105.7c; line 2 is the star line 7.105.7d*0813_01. The automatic alignment found no match.

Verse 9 (7.130.9)

नाश एव तु मे नूनं मन्दभाग्यस्य संयुगे । यत्र त्वां पुरुषव्याघ्रं व्यतिक्रान्तास्त्रयो रथाः ॥

nāśa eva tu me nūnaṃ mandabhāgyasya saṃyuge | yatra tvāṃ puruṣavyāghraṃ vyatikrāntāstrayo rathāḥ

Surely it is my own ruin in this battle, unlucky man that I am, that three chariot-warriors should have gone past you, a tiger among men.

Note on the text: Speaker: Duryodhana (unheaded speech introduced in verse 3).

Verse 10 (7.130.10)

एवं गते तु कृत्येऽस्मिन्ब्रूहि यत्ते विवक्षितम् । यद्गतं गतमेवेदं शेषं चिन्तय मानद ॥

evaṃ gate tu kṛtye'sminbrūhi yatte vivakṣitam | yadgataṃ gatamevedaṃ śeṣaṃ cintaya mānada

Now that things have come to this, say what you wish to say. What is past is past; think, O giver of honour, of what remains.

Verse 11 (7.130.11)

यत्कृत्यं सिन्धुराजस्य प्राप्तकालमनन्तरम् । तत्संविधीयतां क्षिप्रं साधु सञ्चिन्त्य नो द्विज ॥

yatkṛtyaṃ sindhurājasya prāptakālamanantaram | tatsaṃvidhīyatāṃ kṣipraṃ sādhu sañcintya no dvija

Whatever now has to be done for the king of Sindhu, as the moment demands, let it be arranged quickly, O twice-born one, after you have thought it over well for us.

Note on the text: Line 2 reads तत्संविधीयतां क्षिप्रं साधु सञ्चिन्त्य नो द्विज where CE 7.105.10c has tad bravītu bhavān kṣipraṃ sādhu tat saṃvidhīyatām, a variant, kept.

Verse 12 (7.130.12)

चिन्त्यं बहुविधं तात यत्कृत्यं तच्छृणुष्व मे । त्रयो हि समतिक्रान्ताः पाण्डवानां महारथाः ॥

cintyaṃ bahuvidhaṃ tāta yatkṛtyaṃ tacchṛṇuṣva me | trayo hi samatikrāntāḥ pāṇḍavānāṃ mahārathāḥ

Many matters call for thought, my son; listen to what must be done. Three great chariot-warriors of the Pandavas have gone past us.

Note on the text: Line 1 is CE 7.105.11a; line 2 is CE 7.105.11c (the CE's 7.105.11 runs to three lines, its third line opening verse 13). The automatic alignment found no match.

Verse 13 (7.130.13)

यावत्तेषां भयं पश्चात्तावदेषां पुरःसरम् । तद्गरीयस्तरं मन्ये यत्र कृष्णधनञ्जयौ ॥

yāvatteṣāṃ bhayaṃ paścāttāvadeṣāṃ puraḥsaram | tadgarīyastaraṃ manye yatra kṛṣṇadhanañjayau

The danger that lies behind them is matched by the danger that lies before them; and I count the graver one to be where Krishna and Dhananjaya are.

Note on the text: Line 1 is CE 7.105.11e; line 2 is CE 7.105.12a. The automatic alignment found no match.

Verse 14 (7.130.14)

सा पुरस्ताच्च पश्चाच्च गृहीता भारती चमूः । तत्र कृत्यमहं मन्ये सैन्धवस्याभिरक्षणम् ॥

sā purastācca paścācca gṛhītā bhāratī camūḥ | tatra kṛtyamahaṃ manye saindhavasyābhirakṣaṇam

The Bharata army is gripped both in front and behind. There, I hold, the thing to be done is to guard the Saindhava.

Note on the text: Line 1 is CE 7.105.12c; line 2 is CE 7.105.13a. The automatic alignment found no match.

Verse 15 (7.130.15)

स नो रक्ष्यतमस्तात क्रुद्धाद्भीतो धनञ्जयात् । गतौ च सैन्धवं भीमौ युयुधानवृकोदरौ ॥

sa no rakṣyatamastāta kruddhādbhīto dhanañjayāt | gatau ca saindhavaṃ bhīmau yuyudhānavṛkodarau

He is the one we must guard most, my son, for he is afraid of the angry Dhananjaya; and the two fearsome ones, Yuyudhana and Vrikodara, have also gone to the Saindhava.

Note on the text: Line 1 is CE 7.105.13c; line 2 is CE 7.105.14a. The automatic alignment found no match.

Verse 16 (7.130.16)

सम्प्राप्तं तदिदं द्यूतं यत्तच्छकुनिबुद्धिजम् । न सभायां जयो वृत्तो नापि तत्र पराजयः । इह नो ग्लहमानानामद्य तावज्जयाजयौ ॥

samprāptaṃ tadidaṃ dyūtaṃ yattacchakunibuddhijam | na sabhāyāṃ jayo vṛtto nāpi tatra parājayaḥ | iha no glahamānānāmadya tāvajjayājayau

That very game of dice, born of Shakuni's cunning, has now come upon us. No victory was settled in the assembly hall, and no defeat there either; here, today, for us who are staking, victory and defeat are to be decided.

Note on the text: Line 1 is CE 7.105.14c; line 2 is CE 7.105.15a; line 3 is CE 7.105.15c. The automatic alignment found no match.

Verse 17 (7.130.17)

यान्स्म तान्ग्लहते घोराञ्छकुनिः कुरुसंसदि । अक्षान्स मन्यमानः प्राक्शरास्ते हि दुरासदाः ॥

yānsma tānglahate ghorāñchakuniḥ kurusaṃsadi | akṣānsa manyamānaḥ prākśarāste hi durāsadāḥ

Those dreadful dice that Shakuni once played with in the Kuru assembly, thinking them mere dice, were in truth arrows, and hard to withstand.

Verse 18 (7.130.18)

यत्र ते बहवस्तात कौरवेया व्यवस्थिताः । सेनां दुरोदरं विद्धि शरानक्षान्विशाम्पते । ग्लहं च सैन्धवं राजंस्तत्र द्यूतस्य निश्चयः ॥

yatra te bahavastāta kauraveyā vyavasthitāḥ | senāṃ durodaraṃ viddhi śarānakṣānviśāmpate | glahaṃ ca saindhavaṃ rājaṃstatra dyūtasya niścayaḥ

As once in the assembly where so many Kauravas were seated, so now: know the army to be the gambler and the arrows the dice, O lord of the people, and the Saindhava, O king, to be the stake. In this lies the settling of the game.

Note on the text: Lines 1-2 are CE 7.105.17a and 17c; line 3 is CE 7.105.18a. The automatic alignment found no match.

Verse 19 (7.130.19)

सैन्धवे तु महद्द्यूतं समासक्तं परैः सह । अत्र ते ध्रुवमायत्तो जयो वाऽजय एव वा ॥

saindhave tu mahaddyūtaṃ samāsaktaṃ paraiḥ saha | atra te dhruvamāyatto jayo vā'jaya eva vā

A great wager has been laid on the Saindhava against our enemies. On this, for you, victory or defeat surely rests.

Note on the text: Corrected द्यूंत → द्यूतं (misprint in Wikisource; the anusvara has slipped onto the wrong akshara; the CE has mahādyūtaṃ). Line 1 is CE 7.105.18c; line 2 is the star line 7.105.18d*0815_01. The automatic alignment found no match.

Verse 20 (7.130.20)

अत्र सर्वे महाराज त्यक्त्वा जीवितमात्मनः । सैन्धवस्य रणे रक्षां विधिवत्कर्तुमर्हथ । तत्र नो ग्लहमानानां ध्रुवौ जयपराजयौ ॥

atra sarve mahārāja tyaktvā jīvitamātmanaḥ | saindhavasya raṇe rakṣāṃ vidhivatkartumarhatha | tatra no glahamānānāṃ dhruvau jayaparājayau

Therefore, O great king, all of you must give up your lives and guard the Saindhava in this battle as is fitting; for us who are staking on him, victory and defeat are bound up with it.

Note on the text: Line 3 reads तत्र नो ग्लहमानानां ध्रुवौ जयपराजयौ where CE 7.105.19e has tatra no glahamānānāṃ dhruvau tāta jayājayau, a variant, kept.

Verse 21 (7.130.21)

यत्र ते परमेष्वासा यत्ता रक्षन्ति सैन्धवम् । तत्र गच्छ स्वयं शीघ्रं तांश्च रक्षस्व रक्षिणः ॥

yatra te parameṣvāsā yattā rakṣanti saindhavam | tatra gaccha svayaṃ śīghraṃ tāṃśca rakṣasva rakṣiṇaḥ

Go yourself, quickly, to where the great archers are carefully guarding the Saindhava, and look after those guards as well.

Verse 22 (7.130.22)

इहैव त्वहमासिष्ये प्रेषयिष्यामि चापरान् । निरोत्स्यामि च पाञ्चालान्सहितान्पाण्डुसृञ्जयैः ॥

ihaiva tvahamāsiṣye preṣayiṣyāmi cāparān | nirotsyāmi ca pāñcālānsahitānpāṇḍusṛñjayaiḥ

I shall stay right here and send others on, and I shall hold back the Panchalas together with the sons of Pandu and the Srinjayas.

Verse 23 (7.130.23)

ततो दुर्योधनोऽगच्छत्तूर्णमाचार्यशासनात् । उद्यम्यात्मानमुग्राय कर्मणे स पदानुगः ॥

tato duryodhano'gacchattūrṇamācāryaśāsanāt | udyamyātmānamugrāya karmaṇe sa padānugaḥ

Then Duryodhana, at the teacher's command, quickly set out with his followers, bracing himself for the terrible task.

Verse 24 (7.130.24)

चक्ररक्षौ तु पाञ्चाल्यौ युधामन्यूत्तमौजसौ । बाह्येन सेनामभ्येत्य जग्मतुः सव्यसाचिनम् ॥

cakrarakṣau tu pāñcālyau yudhāmanyūttamaujasau | bāhyena senāmabhyetya jagmatuḥ savyasācinam

The two Panchala princes Yudhamanyu and Uttamauja, the guards of Arjuna's chariot-wheels, came round the army by its outer side and went toward Savyasachin.

Verse 25 (7.130.25)

यौ तु पूर्वं महाराज वारितौ कृतवर्मणा । प्रविष्टे त्वर्जुने राजंस्तव सैन्यं युयुत्सया ॥

yau tu pūrvaṃ mahārāja vāritau kṛtavarmaṇā | praviṣṭe tvarjune rājaṃstava sainyaṃ yuyutsayā

These were the two whom Kritavarman had held back earlier, O great king, when Arjuna entered your army, O king, and who were eager to fight.

Verse 26 (7.130.26)

पार्श्वे भित्त्वा चमूं वीरौ प्रविष्टौ तव वाहिनीम् । पार्श्वेन सैन्यमायान्तौ कुरुराजो ददर्श ह ॥

pārśve bhittvā camūṃ vīrau praviṣṭau tava vāhinīm | pārśvena sainyamāyāntau kururājo dadarśa ha

Breaking through the host at its flank, the two heroes had entered your force; and as they came through the army's side, the king of the Kurus saw them.

Note on the text: Not in the critical edition's main text; star lines 7.105.24d*0817_01 (line 1) and 7.105.24d*0816_01 (line 2), placed after 7.105.24 (the CE has them in the opposite order). The automatic alignment found no match.

Verse 27 (7.130.27)

ताभ्यां दुर्योधनः सार्धमकरोत्सङ्ख्यमुत्तमम् । त्वरितस्त्वरमाणाभ्यां भ्रातृभ्यां भारतो बली ॥

tābhyāṃ duryodhanaḥ sārdhamakarotsaṅkhyamuttamam | tvaritastvaramāṇābhyāṃ bhrātṛbhyāṃ bhārato balī

Duryodhana fought a splendid fight with the two brothers, the mighty Bharata himself hastening against the two who hastened.

Verse 28 (7.130.28)

तावेनमभ्यद्रवतामुभावुद्यतकार्मुकौ । महारथसमाख्यातौ क्षत्रियप्रवरौ युधि ॥

tāvenamabhyadravatāmubhāvudyatakārmukau | mahārathasamākhyātau kṣatriyapravarau yudhi

Both rushed at him with bows raised, the two foremost of the kshatriyas, renowned as great chariot-warriors.

Verse 29 (7.130.29)

तमविध्यद्युधामन्युस्त्रिंशता कङ्कपत्रिभिः । विंशत्या सारथिं चास्य चतुर्भिश्चतुरो हयान् ॥

tamavidhyadyudhāmanyustriṃśatā kaṅkapatribhiḥ | viṃśatyā sārathiṃ cāsya caturbhiścaturo hayān

Yudhamanyu struck him with thirty heron-feathered arrows, his charioteer with twenty, and his four horses with four.

Note on the text: Not in the critical edition's main text; star lines 7.105.26d*0818_01-02 (placed after 7.105.26). The automatic alignment found no match.

Verse 30 (7.130.30)

दुर्योधनो युधामन्योर्ध्वजमेकेषुणाऽच्छिनत् । एकेन कार्मुकं चास्य चकर्त तनयस्तव ॥

duryodhano yudhāmanyordhvajamekeṣuṇā'cchinat | ekena kārmukaṃ cāsya cakarta tanayastava

Duryodhana cut down Yudhamanyu's banner with a single arrow, and with another your son cut his bow.

Note on the text: Not in the critical edition's main text; star lines 7.105.26d*0818_03-04 (placed after 7.105.26; line 2 is a recension variant of the star line, which reads iṣudhīkārmukaṃ cāsya samakṛntad rathottame). The automatic alignment found no match.

Verse 31 (7.130.31)

सारथिं चास्य भल्लेन रथनीडादपाहरत् । ततोऽविध्यच्छरैस्तीक्ष्णैश्चतुर्भिश्चतुरो हयान् ॥

sārathiṃ cāsya bhallena rathanīḍādapāharat | tato'vidhyaccharaistīkṣṇaiścaturbhiścaturo hayān

With a broad-headed arrow he knocked his charioteer off the seat of the chariot, and then struck the four horses with four sharp arrows.

Note on the text: Not in the critical edition's main text; star lines 7.105.26d*0818_05-06 (placed after 7.105.26). The automatic alignment found no match.

Verse 32 (7.130.32)

युधामन्युश्च सङ्क्रुद्धः शरांस्त्रिंशतमाहवे । व्यसृजत्तव पुत्रस्य त्वरमाणः स्तनान्तरे ॥

yudhāmanyuśca saṅkruddhaḥ śarāṃstriṃśatamāhave | vyasṛjattava putrasya tvaramāṇaḥ stanāntare

Yudhamanyu, in a rage, hastening, loosed thirty arrows in the fight at your son's chest.

Note on the text: Corrected सरांस् → शरांस् (misprint in Wikisource; स for श; the CE has śarāṃs).

Verse 33 (7.130.33)

तथोत्तमौजाः सङ्क्रुद्धः शरैर्हेमविभूषितैः । अविध्यत्सारथिं चास्य प्राहिणोद्यमसादनम् ॥

tathottamaujāḥ saṅkruddhaḥ śarairhemavibhūṣitaiḥ | avidhyatsārathiṃ cāsya prāhiṇodyamasādanam

So too Uttamauja, in a rage, struck his charioteer with gold-adorned arrows and sent him to the house of Yama.

Note on the text: Not in the critical edition's main text; star lines 7.105.27d*0820_01-02 (placed after 7.105.27). The automatic alignment found no match.

Verse 34 (7.130.34)

दुर्योधनोऽपि राजेन्द्र पाञ्चाल्यस्यौत्तमौजसः । जघान चतुरोऽस्याश्चानुभौ तौ पार्ष्णिसारथी ॥

duryodhano'pi rājendra pāñcālyasyauttamaujasaḥ | jaghāna caturo'syāścānubhau tau pārṣṇisārathī

Duryodhana too, O king of kings, killed the four horses of the Panchala Uttamauja, and both his rear-guard and his charioteer.

Verse 35 (7.130.35)

उत्तमौजा हताश्वस्तु हतसूतश्च संयुगे । आरुरोह रथं भ्रातुर्युधामन्योरभित्वरन् ॥

uttamaujā hatāśvastu hatasūtaśca saṃyuge | āruroha rathaṃ bhrāturyudhāmanyorabhitvaran

Uttamauja, his horses and charioteer slain in the battle, quickly climbed onto the chariot of his brother Yudhamanyu.

Verse 36 (7.130.36)

स रथं प्राप्य तं भ्रातुर्दुर्योधनहयाञ्शरैः । बहुभिस्ताडयामास ते हताः प्रापतन्भुवि ॥

sa rathaṃ prāpya taṃ bhrāturduryodhanahayāñśaraiḥ | bahubhistāḍayāmāsa te hatāḥ prāpatanbhuvi

Having reached his brother's chariot, he struck Duryodhana's horses with many arrows, and they fell dead to the ground.

Verse 37 (7.130.37)

हयेषु पतितेष्वस्य चिच्छेद परमेषुणा । युधामन्युर्धनुः शीघ्रं शरावापं च संयुगे । अविध्यत्सारथिं चास्य प्राहिणोद्यमसादनम् ॥

hayeṣu patiteṣvasya ciccheda parameṣuṇā | yudhāmanyurdhanuḥ śīghraṃ śarāvāpaṃ ca saṃyuge | avidhyatsārathiṃ cāsya prāhiṇodyamasādanam

When his horses had fallen, Yudhamanyu quickly cut down, with a superb arrow, his bow and his quiver in the fight. He struck his charioteer too and sent him to the house of Yama.

Note on the text: Stray wiki quote marks removed. Lines 1-2 are CE 7.105.31; line 3 (set off by quote marks on the page) repeats the star line 7.105.27d*0820_02 (line 2 of verse 33 here), which the CE does not have at this place.

Verse 38 (7.130.38)

हताश्वसूतात्सरथादवतीर्य नराधिपः । गदामादाय ते पुत्रः पाञ्चाल्यावभ्यधावत ॥

hatāśvasūtātsarathādavatīrya narādhipaḥ | gadāmādāya te putraḥ pāñcālyāvabhyadhāvata

The king, your son, got down from his chariot, its horses and charioteer slain, and with his mace in hand ran at the two Panchalas.

Note on the text: Corrected पाञ्चल्यौ → पाञ्चाल्यौ (misprint in Wikisource; the long vowel has dropped out; the CE has pāñcālyāv).

Verse 39 (7.130.39)

तमापतन्तं सम्प्रेक्ष्य क्रुद्धं कुरुपतिं तदा । अवप्लुतौ रथोपस्थाद्युधामन्यूत्तमौजसौ ॥

tamāpatantaṃ samprekṣya kruddhaṃ kurupatiṃ tadā | avaplutau rathopasthādyudhāmanyūttamaujasau

Seeing the angry lord of the Kurus rushing at them, Yudhamanyu and Uttamauja leapt down from the chariot's platform.

Verse 40 (7.130.40)

ततः स हेमचित्रं तं गदया स्यन्दनं गदी । सङ्क्रुद्धः पोथयामास साश्वसूतध्वजं नृप ॥

tataḥ sa hemacitraṃ taṃ gadayā syandanaṃ gadī | saṅkruddhaḥ pothayāmāsa sāśvasūtadhvajaṃ nṛpa

Then, in his fury, mace in hand, he smashed their gold-bright chariot to pieces with his mace, together with its horses, charioteer and banner, O king.

Note on the text: Corrected गती → गदी (misprint in Wikisource; the word makes no sense here and the CE has gadī, “the mace-bearer”, in 7.105.34a).

Verse 41 (7.130.41)

एतदीदृशकं पुत्रस्तवाकार्षीज्जनाधिप । गदया गदिनां श्रेष्ठः सर्वलोकमहारथः ॥

etadīdṛśakaṃ putrastavākārṣījjanādhipa | gadayā gadināṃ śreṣṭhaḥ sarvalokamahārathaḥ

Such a deed did your son do, O ruler of men, the best of those who wield the mace, a great chariot-warrior in all the worlds.

Note on the text: Stray wiki quote marks removed. Not in the critical edition's main text; star lines 7.105.34d*0822_01-02 (placed after 7.105.34). The automatic alignment found no match. Narration by Sanjaya.

Verse 42 (7.130.42)

भङ्क्त्वा रथं स पुत्रस्ते हताश्वो हतसारथिः । मद्रराजरथं तूर्णमारुरोह परन्तपः ॥

bhaṅktvā rathaṃ sa putraste hatāśvo hatasārathiḥ | madrarājarathaṃ tūrṇamāruroha parantapaḥ

Having broken their chariot, your son, his horses and charioteer slain, the scorcher of foes quickly mounted the chariot of the king of Madras.

Verse 43 (7.130.43)

पाञ्चालानां ततो मुख्यौ राजपुत्रौ महारथौ । रथावन्यौ समारुह्य बीभत्सुमभिजग्मुतः ॥

pāñcālānāṃ tato mukhyau rājaputrau mahārathau | rathāvanyau samāruhya bībhatsumabhijagmutaḥ

Then the two foremost Panchala princes, great chariot-warriors, mounted other chariots and went against Bibhatsu.

Note on the text: CE 7.105.36 (a recension variant: the CE has तु मुख्यौ तौ राजपुत्रौ महाबलौ and ratham anyaṃ samāruhya dhanaṃjayam abhīyatuḥ; kept). The automatic alignment found no match.