Bhima and Karna Fight Again

Verse 1 (7.132.1)

स्वयं शिष्यो महेशस्य भृगूत्तमधनुर्धरः । शिष्यत्वं प्राप्तवान्कर्णस्तस्य तुल्योऽस्त्रविद्यया ॥

svayaṃ śiṣyo maheśasya bhṛgūttamadhanurdharaḥ | śiṣyatvaṃ prāptavānkarṇastasya tulyo'stravidyayā

The best of the Bhrigus, the bearer of the bow, was himself a disciple of Mahesha; Karna became that same one's disciple, and is his equal in the science of weapons.

Note on the text: Removed the stray editorial bracket "[" (Wikisource brackets verses 1-2 and its footnote says the two verses occur only in one manuscript). Not in the critical edition text; the matter occurs only in its apparatus (star passages 7.107.2b*0839_01 and 7.107.2b*0841_01-02, in different wording), so ce_ref is null.

Verse 2 (7.132.2)

तद्विशिष्टोऽपि वा कर्णः शिष्यः शिष्यगुणैर्युतः । कुन्तीपुत्रेण भीमेन निर्जितः स तु लीलया ॥

tadviśiṣṭo'pi vā karṇaḥ śiṣyaḥ śiṣyaguṇairyutaḥ | kuntīputreṇa bhīmena nirjitaḥ sa tu līlayā

Or he may even surpass him, a disciple endowed with a disciple's virtues. Yet that Karna was defeated by Bhima, Kunti's son, as if in play.

Note on the text: Removed the stray closing bracket "]" and the doubled danda "।।" before the verse-end mark. Not in the critical edition text; apparatus star passages 7.107.2b*0840_01-03 and *0841_03-04 have the same matter in different wording, so ce_ref is null.

Verse 3 (7.132.3)

यस्मिञ्जयाशा महती पुत्राणां मम सञ्जय । तं भीमाद्विमुखं दृष्ट्वा किन्नु दुर्योधनोऽब्रवीत् ॥

yasmiñjayāśā mahatī putrāṇāṃ mama sañjaya | taṃ bhīmādvimukhaṃ dṛṣṭvā kinnu duryodhano'bravīt

Sanjaya, he in whom my sons placed such great hope of victory: when Duryodhana saw him turned away from Bhima, what did he say?

Note on the text: Lines a-b = CE 7.107.1ac.

Verse 4 (7.132.4)

कथं च युयुधे भीमो वीर्यश्लाघी महाबलः ॥

kathaṃ ca yuyudhe bhīmo vīryaślāghī mahābalaḥ

And how did Bhima, mighty and proud of his valour, fight?

Note on the text: Not in the critical edition text; it is the star passage 7.107.1d*0837_01 (apparatus).

Verse 5 (7.132.5)

कर्णो वा समरे तात किमकार्षीदतः परम् । भीमसेनं रणे दृष्ट्वा ज्वलन्तमिव पावकम् ॥

karṇo vā samare tāta kimakārṣīdataḥ param | bhīmasenaṃ raṇe dṛṣṭvā jvalantamiva pāvakam

And Karna, dear Sanjaya, what did he do next, on seeing Bhimasena in battle, blazing like fire?

Note on the text: Line a = CE 7.107.1e; line b = CE 7.107.2a. (The automatic alignment found no match.)

Verse 6 (7.132.6)

रथमन्यं समास्थाय विधिवत्कल्पितं पुनः । अभ्ययात्पाण्डवं कर्णो वातोद्धूत इवार्णवः ॥

rathamanyaṃ samāsthāya vidhivatkalpitaṃ punaḥ | abhyayātpāṇḍavaṃ karṇo vātoddhūta ivārṇavaḥ

Mounting another chariot, newly fitted out in due form, Karna advanced against the Pandava like an ocean tossed by the wind.

Note on the text: Lines = CE 7.107.2c and 7.107.2e. (The automatic alignment pointed to 7.111.21, which is a different verse.)

Verse 7 (7.132.7)

क्रुद्धमाधिरथिं दृष्ट्वा पुत्रास्तव विशाम्पते । भीमसेनममन्यन्त वैश्वानरमुखे हुतम् ॥

kruddhamādhirathiṃ dṛṣṭvā putrāstava viśāmpate | bhīmasenamamanyanta vaiśvānaramukhe hutam

O lord of the people, seeing the son of Adhiratha enraged, your sons thought Bhimasena as good as offered into the mouth of the fire.

Verse 8 (7.132.8)

चापशब्दं ततः कृत्वा तलशब्दं च भैरवम् । अभ्यद्रवत राधेयो भीमसेनरथं प्रति ॥

cāpaśabdaṃ tataḥ kṛtvā talaśabdaṃ ca bhairavam | abhyadravata rādheyo bhīmasenarathaṃ prati

Making the twang of his bow and a terrible slapping of his palms, Radheya rushed at Bhimasena's chariot.

Verse 9 (7.132.9)

पुनरेव तयो राजन्घोर आसीत्समागमः । वैकर्तनस्य शूरस्य भीमस्य च महात्मनः ॥

punareva tayo rājanghora āsītsamāgamaḥ | vaikartanasya śūrasya bhīmasya ca mahātmanaḥ

Once more, O king, a dreadful encounter took place between the valiant Vaikartana and the great-souled Bhima.

Note on the text: CE 7.107.5 has the same matter in different wording (a recension variant, not corrected).

Verse 10 (7.132.10)

संरब्धौ हि महाबाहू परस्परवधैषिणौ । अन्योन्यभीक्षाञ्चक्राते दहन्ताविव लोचनैः ॥

saṃrabdhau hi mahābāhū parasparavadhaiṣiṇau | anyonyabhīkṣāñcakrāte dahantāviva locanaiḥ

Both mighty-armed, both enraged and bent on killing each other, they stared at one another as if burning each other with their eyes.

Verse 11 (7.132.11)

क्रोधरक्तेक्षणौ तीव्रौ निःश्वसन्ताविवोरगौ । शूरावन्योन्यमासाद्य ततक्षतुररिन्दमौ ॥

krodharaktekṣaṇau tīvrau niḥśvasantāvivoragau | śūrāvanyonyamāsādya tatakṣaturarindamau

Fierce, their eyes red with anger, hissing like serpents, those two heroes, tamers of their foes, closed with each other and wounded each other.

Note on the text: Corrected क्रोधरक्रेक्षणौ → क्रोधरक्तेक्षणौ (misprint in Wikisource; CE 7.107.7a reads krodharaktekṣaṇau, and "red-eyed" is the sense).

Verse 12 (7.132.12)

व्याघ्राविव सुसंरब्धौ श्येनाविव च शीघ्रगौ । शरभाविव सङ्क्रुद्धौ युयुधाते परस्परम् ॥

vyāghrāviva susaṃrabdhau śyenāviva ca śīghragau | śarabhāviva saṅkruddhau yuyudhāte parasparam

Like two furious tigers, like two swift hawks, like two enraged sharabhas, they fought one another.

Verse 13 (7.132.13)

ततो भीमः स्मरन्क्लेशानक्षद्यूते वनेऽपि च । विराटनगरे चैव दुःखं प्राप्तमरिन्दमः ॥

tato bhīmaḥ smarankleśānakṣadyūte vane'pi ca | virāṭanagare caiva duḥkhaṃ prāptamarindamaḥ

Then Bhima, tamer of foes, remembering the torments of the dice-game and of the forest, and the misery suffered in the city of Virata,

Verse 14 (7.132.14)

राष्ट्राणां स्फीतरत्नानां हरणं च तवात्मजैः । सततं च परिक्लेशान्सपुत्रेण त्वया कृतान् ॥

rāṣṭrāṇāṃ sphītaratnānāṃ haraṇaṃ ca tavātmajaiḥ | satataṃ ca parikleśānsaputreṇa tvayā kṛtān

the seizing of the wealthy, jewel-rich kingdoms by your sons, and the constant torments inflicted on them by you together with your sons,

Verse 15 (7.132.15)

दग्धुमैच्छश्च यः कुन्तीं सपुत्रां त्वमनागसम् । कृष्णायाश्च परिक्लेशं सभामध्ये दुरात्मभिः ॥

dagdhumaicchaśca yaḥ kuntīṃ saputrāṃ tvamanāgasam | kṛṣṇāyāśca parikleśaṃ sabhāmadhye durātmabhiḥ

how you wished to burn the innocent Kunti together with her sons, and the humiliation of Krishna in the midst of the assembly at the hands of the wicked,

Verse 16 (7.132.16)

केशपक्षग्रहं चैव दुःशासनकृतं तथा । परुषाणि च वाक्यानि कर्णेनोक्तानि भारत ॥

keśapakṣagrahaṃ caiva duḥśāsanakṛtaṃ tathā | paruṣāṇi ca vākyāni karṇenoktāni bhārata

the seizing of her hair, done by Duhshasana, and the harsh words spoken by Karna, O Bharata:

Note on the text: Corrected कर्णोनोक्तानि → कर्णेनोक्तानि (misprint in Wikisource; instrumental of कर्ण, CE reads karṇenoktāni). This couplet is not in the critical edition text; it is the star passage 7.107.11d*0843_01-02, so ce_ref is null.

Verse 17 (7.132.17)

पतिमन्यं परीप्सस्व न सन्ति पतयस्तव । पतिता नरके पार्थाः सर्वे षण्डतिलोपमाः ॥

patimanyaṃ parīpsasva na santi patayastava | patitā narake pārthāḥ sarve ṣaṇḍatilopamāḥ

"Seek another husband; you have no husbands. The Parthas have fallen into hell; all of them are like barren sesame seeds."

Verse 18 (7.132.18)

समक्षं तव कौरव्य यदूचुः कौरवास्तदा । दासीभावेन कृष्णां च भोक्तुकामाः सुतास्तव ॥

samakṣaṃ tava kauravya yadūcuḥ kauravāstadā | dāsībhāvena kṛṣṇāṃ ca bhoktukāmāḥ sutāstava

And what the Kauravas said then, O Kaurava, in your presence, when your sons wished to enjoy Krishna as a slave-woman,

Verse 19 (7.132.19)

यच्चापि तान्प्रव्रजतः कृष्णाजिननिवासिनः । परुषाण्युक्तवान्कर्णः सभायां सन्निधौ तव ॥

yaccāpi tānpravrajataḥ kṛṣṇājinanivāsinaḥ | paruṣāṇyuktavānkarṇaḥ sabhāyāṃ sannidhau tava

and the harsh words Karna spoke in the assembly, in your presence, to them as they went into exile clad in black antelope skins,

Verse 20 (7.132.20)

तृणीकृत्य च यत्पार्थांस्तव पुत्रो ववल्ग ह । विषमस्थान्समस्थो हि संरब्धो गतचेतनः ॥

tṛṇīkṛtya ca yatpārthāṃstava putro vavalga ha | viṣamasthānsamastho hi saṃrabdho gatacetanaḥ

and how your son, holding the Parthas as straw, strutted about, himself on level ground, enraged and out of his senses, while they stood in hard straits.

Verse 21 (7.132.21)

बाल्यात्प्रभृति चारिघ्नः स्वानि दुःखानि चिन्तयन् । निरविद्यत धर्मात्मा जीवितेन वृकोदरः ॥

bālyātprabhṛti cārighnaḥ svāni duḥkhāni cintayan | niravidyata dharmātmā jīvitena vṛkodaraḥ

From childhood, brooding over his own sufferings, Vrikodara, the slayer of his foes and a righteous soul, had grown weary of life.

Verse 22 (7.132.22)

ततो विष्फार्य सुमहद्धेमपृष्ठं दुरासदम् । चापं भरतशार्दूलस्त्यक्तात्मा कर्णमभ्ययात् ॥

tato viṣphārya sumahaddhemapṛṣṭhaṃ durāsadam | cāpaṃ bharataśārdūlastyaktātmā karṇamabhyayāt

Then, stretching his huge, golden-backed, formidable bow, that tiger among the Bharatas, careless of his life, advanced upon Karna.

Verse 23 (7.132.23)

स सायकमयैर्जालैर्भीमः कर्णरथं प्रति । भानुमद्भिः शिलाधौतैर्भानोः प्राच्छादयत्प्रभां ॥

sa sāyakamayairjālairbhīmaḥ karṇarathaṃ prati | bhānumadbhiḥ śilādhautairbhānoḥ prācchādayatprabhāṃ

With nets of arrows, bright and sharpened on stone, Bhima covered the radiance of the sun above Karna's chariot.

Note on the text: Corrected सायकयैर्जालैः → सायकमयैर्जालैः (misprint in Wikisource; a dropped म — CE 7.107.18a reads sāyakamayair jālair).

Verse 24 (7.132.24)

ततः प्रहस्याधिरथिस्तूर्णमस्यञ्शिताञ्शरान् । व्यधमद्भीमसेनस्य शरजालानि पत्रिभिः ॥

tataḥ prahasyādhirathistūrṇamasyañśitāñśarān | vyadhamadbhīmasenasya śarajālāni patribhiḥ

Then Adhiratha's son laughed, and swiftly shooting sharp arrows, he shattered the nets of Bhimasena's arrows with his own feathered shafts.

Verse 25 (7.132.25)

महारथो महाबाहुर्महाबाणैर्महाबलः । विव्याधाधिरथिर्भीमं नवभिर्निशितैस्तदा ॥

mahāratho mahābāhurmahābāṇairmahābalaḥ | vivyādhādhirathirbhīmaṃ navabhirniśitaistadā

The great chariot-warrior, mighty-armed and mighty, the son of Adhiratha, then pierced Bhima with nine sharp, great arrows.

Verse 26 (7.132.26)

स तोत्रैरिव मातङ्गो वार्यमाणः पतत्त्रिभः । अभ्यधावदसम्भ्रान्तः सूतपुत्रं वृकोदरः ॥

sa totrairiva mātaṅgo vāryamāṇaḥ patattribhaḥ | abhyadhāvadasambhrāntaḥ sūtaputraṃ vṛkodaraḥ

Like an elephant held back by goads, held back by those feathered shafts, Vrikodara, undismayed, charged at the charioteer's son.

Verse 27 (7.132.27)

तमापतन्तं वेगेन रभसं पाण्डवर्षभम् । कर्णः प्रत्युद्ययौ युद्धे मत्तो मत्तमिव द्विपम् ॥

tamāpatantaṃ vegena rabhasaṃ pāṇḍavarṣabham | karṇaḥ pratyudyayau yuddhe matto mattamiva dvipam

As that impetuous bull of the Pandavas rushed at him with speed, Karna went out to meet him in the fight, like one rutting elephant against another.

Verse 28 (7.132.28)

ततः प्रध्माप्य जलजं भेरीशतसमस्वनम् । अक्षुभ्यत बलं हर्षादुद्धूत इव सागरः ॥

tataḥ pradhmāpya jalajaṃ bherīśatasamasvanam | akṣubhyata balaṃ harṣāduddhūta iva sāgaraḥ

Then he blew his conch, whose sound was like a hundred kettledrums, and the army, in its joy, surged like a heaving sea.

Note on the text: Corrected प्रध्याप्य → प्रध्माप्य (misprint in Wikisource; the gerund of ध्मा, CE 7.107.23a reads pradhmāpya).

Verse 29 (7.132.29)

तदुद्धूतं बलं दृष्ट्वा नागाश्वरथपत्तिमत् । भीमः कर्णं समासाद्य च्छादयामास सायकैः ॥

taduddhūtaṃ balaṃ dṛṣṭvā nāgāśvarathapattimat | bhīmaḥ karṇaṃ samāsādya cchādayāmāsa sāyakaiḥ

Seeing that army surge up, with its elephants, horses, chariots and foot-soldiers, Bhima closed with Karna and covered him with arrows.

Verse 30 (7.132.30)

अश्वानृक्षसवर्णांश्च हंसवर्णैर्हयोत्तमैः । व्यामिश्रयद्रणे कर्णः पाण्डवं छादयञ्छरैः ॥

aśvānṛkṣasavarṇāṃśca haṃsavarṇairhayottamaiḥ | vyāmiśrayadraṇe karṇaḥ pāṇḍavaṃ chādayañcharaiḥ

In the battle Karna's excellent swan-coloured horses mingled with the bear-coloured horses of the Pandava, as he covered him with arrows.

Verse 31 (7.132.31)

ऋक्षवर्णान्हयान्कर्कैर्मिश्रान्मारुतरंहसः । निरीक्ष्य तव पुत्राणां हाहाकृतमभूद्बलम् ॥

ṛkṣavarṇānhayānkarkairmiśrānmārutaraṃhasaḥ | nirīkṣya tava putrāṇāṃ hāhākṛtamabhūdbalam

Seeing the bear-coloured horses mixed with the pale horses, swift as the wind, your sons' army cried out in dismay.

Verse 32 (7.132.32)

ते हया बह्वशोभन्त मिश्रिता वातरंहसः । सितासिता महाराज यथा व्योम्नि वलाहकाः ॥

te hayā bahvaśobhanta miśritā vātaraṃhasaḥ | sitāsitā mahārāja yathā vyomni valāhakāḥ

Those mingled, wind-swift horses looked splendid, O great king, like white and dark clouds in the sky.

Verse 33 (7.132.33)

संरब्धौ क्रोधताम्राक्षौ प्रेक्ष्य कर्णवृकोदरौ । सन्त्रस्ताः समकम्पन्त त्वदीयानां महारथाः ॥

saṃrabdhau krodhatāmrākṣau prekṣya karṇavṛkodarau | santrastāḥ samakampanta tvadīyānāṃ mahārathāḥ

Seeing Karna and Vrikodara raging, their eyes copper-red with anger, the great charioteers on your side trembled in terror.

Verse 34 (7.132.34)

यमराष्ट्रोपमं घोरमासीदायोधनं तयोः । दुर्दर्शं भरतश्रेष्ठ प्रेतराजपुरं यथा ॥

yamarāṣṭropamaṃ ghoramāsīdāyodhanaṃ tayoḥ | durdarśaṃ bharataśreṣṭha pretarājapuraṃ yathā

Their battlefield was dreadful as the realm of Yama, hard to look upon, O best of the Bharatas, like the city of the king of the dead.

Note on the text: Corrected प्रेतराजपुत्रं → प्रेतराजपुरं (misprint in Wikisource; the simile is "like the city of the king of the dead", CE 7.107.29c reads pretarājapuraṃ yathā).

Verse 35 (7.132.35)

समाजमिव तच्चित्रं प्रेक्षमाणा महारथाः । नालक्षयञ्जयं व्यक्तमेकस्यैव महारणे ॥

samājamiva taccitraṃ prekṣamāṇā mahārathāḥ | nālakṣayañjayaṃ vyaktamekasyaiva mahāraṇe

The great charioteers, watching that wondrous scene as though at a festival assembly, could not clearly make out victory for either one alone in that great battle.

Verse 36 (7.132.36)

तयोः प्रैक्षन्त सम्मर्दं सन्निकृष्टं महास्त्रयोः । तव दुर्मन्त्रिते राजन्सपुत्रस्य विशाम्पते ॥

tayoḥ praikṣanta sammardaṃ sannikṛṣṭaṃ mahāstrayoḥ | tava durmantrite rājansaputrasya viśāmpate

They watched the close clash of those two masters of great weapons, O king, a clash born of the evil counsel of you and your sons, O lord of the people.

Verse 37 (7.132.37)

छादयन्तौ हि शत्रुघ्नावन्योन्यं सायकैः शितैः । शरजालावृतं व्योम चक्रातेऽद्भुतविक्रमौ ॥

chādayantau hi śatrughnāvanyonyaṃ sāyakaiḥ śitaiḥ | śarajālāvṛtaṃ vyoma cakrāte'dbhutavikramau

Covering each other with sharp arrows, those two slayers of foes, of wondrous valour, made the sky veiled with nets of arrows.

Verse 38 (7.132.38)

तावन्योन्यं जिघांसन्तौ शरैस्तीक्ष्णैर्महारथौ । प्रेक्षणीयतरावास्तां वृष्टिमन्ताविवाम्बुदौ ॥

tāvanyonyaṃ jighāṃsantau śaraistīkṣṇairmahārathau | prekṣaṇīyatarāvāstāṃ vṛṣṭimantāvivāmbudau

Each seeking to kill the other with sharp arrows, those two great charioteers became wonderful to behold, like two clouds pouring rain.

Verse 39 (7.132.39)

सुवर्णविकृतान्बाणान्विमुञ्चन्तावरिन्दमौ । भास्वरं व्योम चक्राते महोल्काभिरिव प्रभो ॥

suvarṇavikṛtānbāṇānvimuñcantāvarindamau | bhāsvaraṃ vyoma cakrāte maholkābhiriva prabho

Loosing arrows wrought of gold, those two tamers of foes made the sky blaze, O lord, as though with great meteors.

Note on the text: Corrected वाणान् → बाणान् (misprint in Wikisource; CE 7.107.34a reads bāṇān).

Verse 40 (7.132.40)

ताभ्यां मुक्ताः शरा राजन्गार्ध्रपत्राश्चकाशिरे । श्रेण्यः शरदि मत्तानां सारसानामिवाम्बरे ॥

tābhyāṃ muktāḥ śarā rājangārdhrapatrāścakāśire | śreṇyaḥ śaradi mattānāṃ sārasānāmivāmbare

The vulture-feathered arrows loosed by the two shone, O king, like lines of intoxicated cranes in the autumn sky.

Note on the text: Corrected सारसनामिवाम्बरे → सारसानामिवाम्बरे (misprint in Wikisource; a dropped long ā — genitive plural of सारस, CE 7.107.35c reads sārasānām). Recension variant in the first line (गार्ध्रपत्राश्चकाशिरे for CE kaṅkabarhiṇavāsasaḥ) is kept as printed.

Verse 41 (7.132.41)

संसक्तं सूतपुत्रेण दृष्ट्वा भीममरिन्दमम् । अतिभारममन्येतां भीमे कृष्णधनञ्जयौ ॥

saṃsaktaṃ sūtaputreṇa dṛṣṭvā bhīmamarindamam | atibhāramamanyetāṃ bhīme kṛṣṇadhanañjayau

Seeing Bhima, the tamer of foes, locked in combat with the charioteer's son, Krishna and Dhananjaya thought the burden on Bhima too heavy.

Verse 42 (7.132.42)

तत्राधिरथिभीमाभ्यां शरैर्मुक्तैर्दृढं हताः । इषुपातमतिक्रम्य पेतुरश्वनरद्विपाः ॥

tatrādhirathibhīmābhyāṃ śarairmuktairdṛḍhaṃ hatāḥ | iṣupātamatikramya peturaśvanaradvipāḥ

There, struck hard by the arrows loosed by Adhiratha's son and by Bhima, horses, men and elephants fell beyond the range of an arrow's flight.

Verse 43 (7.132.43)

पतद्भिः पतितैश्चान्यैर्गतासुभिरनेकशः । कृतो राजन्महाराज पुत्राणां ते जनक्षयः ॥

patadbhiḥ patitaiścānyairgatāsubhiranekaśaḥ | kṛto rājanmahārāja putrāṇāṃ te janakṣayaḥ

With many falling and fallen, lifeless, O king, O great king, a great slaughter of your sons' people was wrought.

Verse 44 (7.132.44)

मनुष्याश्वगजानां च शरीरैर्गतजीवितैः । क्षणेन भूमिः सञ्जज्ञे संवृता भरतर्षभ ॥

manuṣyāśvagajānāṃ ca śarīrairgatajīvitaiḥ | kṣaṇena bhūmiḥ sañjajñe saṃvṛtā bharatarṣabha

In a moment, O best of the Bharatas, the earth was covered with the lifeless bodies of men, horses and elephants.

Note on the text: Corrected मनुप्याश्व → मनुष्याश्व (misprint in Wikisource; CE 7.107.39a reads manuṣyāśva).