Karna Disarmed and Durjaya Slain by Bhima

Verse 1 (7.133.1)

अत्यद्भुतमहं मन्ये भीमसेनस्य विक्रमम् । यत्कर्णं योधयामास समरे लघुविक्रमः ॥

atyadbhutamahaṃ manye bhīmasenasya vikramam | yatkarṇaṃ yodhayāmāsa samare laghuvikramaḥ

I think Bhimasena's prowess most wondrous, that he, so swift in valour, fought Karna in battle.

Verse 2 (7.133.2)

त्रिदशानपि वा युक्तान्सर्वशस्त्रधरान्युधि । वारयेद्यो रणे कर्णः सयक्षासुरमानुषान् ॥

tridaśānapi vā yuktānsarvaśastradharānyudhi | vārayedyo raṇe karṇaḥ sayakṣāsuramānuṣān

Karna, who in battle could hold back even the gods, though roused and bearing every weapon, together with yakshas, asuras and men,

Verse 3 (7.133.3)

स कथं पाण्डवं युद्धे भ्राजमानमिव श्रिया । नातरत्संयुगे तात तन्ममाचक्ष्व सञ्जय ॥

sa kathaṃ pāṇḍavaṃ yuddhe bhrājamānamiva śriyā | nātaratsaṃyuge tāta tanmamācakṣva sañjaya

how was it that he did not overcome the Pandava in battle, who shone as though with glory? Tell me that, Sanjaya.

Verse 4 (7.133.4)

कथं च युद्धं सम्भूतं तयोः प्राणदुरोदरे । अत्र मन्ये समायत्तो जयो वाऽजय एव च ॥

kathaṃ ca yuddhaṃ sambhūtaṃ tayoḥ prāṇadurodare | atra manye samāyatto jayo vā'jaya eva ca

How did the battle between the two come about, a wager of their very lives? In it, I think, victory and defeat alike were staked.

Verse 5 (7.133.5)

कर्णं प्राप्य रणे सूत मम पुत्रः सुयोधनः । जेतुमुत्सहते पार्थान्सगोविन्दान्ससात्वतान् ॥

karṇaṃ prāpya raṇe sūta mama putraḥ suyodhanaḥ | jetumutsahate pārthānsagovindānsasātvatān

Charioteer, with Karna beside him in battle, my son Suyodhana dares to conquer the Parthas, along with Govinda and the Satvatas.

Verse 6 (7.133.6)

श्रुत्वा तु निर्जितं कर्णमसकृद्भीमकर्मणा । भीमसेनेन समरे मोह आविशतीव माम् ॥

śrutvā tu nirjitaṃ karṇamasakṛdbhīmakarmaṇā | bhīmasenena samare moha āviśatīva mām

Hearing that Karna was defeated again and again in battle by Bhimasena of terrible deeds, I feel as if bewilderment were taking hold of me.

Verse 7 (7.133.7)

विनष्टान्कौरवान्मन्ये मम पुत्रस्य दुर्नयैः । नहि कर्णो महेष्वासान्पार्थाञ्जेष्यति सञ्जय ॥

vinaṣṭānkauravānmanye mama putrasya durnayaiḥ | nahi karṇo maheṣvāsānpārthāñjeṣyati sañjaya

I think the Kauravas are ruined by my son's wrong policies, Sanjaya; for Karna will not defeat the Parthas, those great archers.

Verse 8 (7.133.8)

कृतवान्यानि युद्धानि कर्णः पाण्डुसुतैः सह । सर्वत्र पाण्डवाः कर्णमजयंस्ते रणाजिरे ॥

kṛtavānyāni yuddhāni karṇaḥ pāṇḍusutaiḥ saha | sarvatra pāṇḍavāḥ karṇamajayaṃste raṇājire

In all the battles Karna has fought with the sons of Pandu, the Pandavas have defeated Karna everywhere on the field.

Verse 9 (7.133.9)

अजेयाः पाण्डवास्तात देवैरपि सवासवैः । न च तद्बुध्यते मन्दः पुत्रो दुर्योधनो मम ॥

ajeyāḥ pāṇḍavāstāta devairapi savāsavaiḥ | na ca tadbudhyate mandaḥ putro duryodhano mama

The Pandavas cannot be conquered, dear Sanjaya, even by the gods with Indra; and my foolish son Duryodhana does not grasp it.

Verse 10 (7.133.10)

धनं धनेश्वरस्येव हृत्वा पार्थस्य मे सुतः । मधुप्रेप्सुरिवाबुद्धिः प्रपातं नावबुध्यते ॥

dhanaṃ dhaneśvarasyeva hṛtvā pārthasya me sutaḥ | madhuprepsurivābuddhiḥ prapātaṃ nāvabudhyate

Having seized Partha's wealth as though it were the wealth of the lord of riches, my son, witless, is like one seeking honey who does not see the fall before him.

Verse 11 (7.133.11)

निकृत्या निकृतिप्रज्ञो राज्यं हृत्वा महात्मनाम् । जितमित्येव मन्वानः पाण्डवानवमन्यते ॥

nikṛtyā nikṛtiprajño rājyaṃ hṛtvā mahātmanām | jitamityeva manvānaḥ pāṇḍavānavamanyate

Clever in cunning, having taken the kingdom of the great-souled ones by deceit, and thinking "they are conquered," he looks down on the Pandavas.

Verse 12 (7.133.12)

पुत्रस्नेहाभिभूतेन मया चाप्यकृतात्मना । धर्मे स्थिता महात्मानो निकृताः पाण्डुनन्दनाः ॥

putrasnehābhibhūtena mayā cāpyakṛtātmanā | dharme sthitā mahātmāno nikṛtāḥ pāṇḍunandanāḥ

And I too, overcome with love for my son and with an untrained mind, allowed the Pandavas, great-souled and standing firm in dharma, to be wronged.

Verse 13 (7.133.13)

शमकामः ससोदर्यो दीर्घप्रेक्षी युधिष्ठिरः । अशक्त इति मत्वा तु मम पुत्रैर्निराकृतः ॥

śamakāmaḥ sasodaryo dīrghaprekṣī yudhiṣṭhiraḥ | aśakta iti matvā tu mama putrairnirākṛtaḥ

Yudhishthira, far-sighted, desiring peace, together with his brothers, was spurned by my sons, who took him for one lacking the strength to fight.

Verse 14 (7.133.14)

तानि दुःखान्यनेकानि विप्रकारांश्च सर्वशः । हृदि कृत्वा महाबाहुर्भीमोऽयुध्यत सूतजम् ॥

tāni duḥkhānyanekāni viprakārāṃśca sarvaśaḥ | hṛdi kṛtvā mahābāhurbhīmo'yudhyata sūtajam

Keeping in his heart those many sufferings and the wrongs done to them on every side, the mighty-armed Bhima fought the charioteer's son.

Verse 15 (7.133.15)

तस्मान्मे सञ्जय ब्रूहि कर्णभीमौ यथा रणे । अयुध्येतां युधांश्रेष्ठौ परस्परवधैषिणौ ॥

tasmānme sañjaya brūhi karṇabhīmau yathā raṇe | ayudhyetāṃ yudhāṃśreṣṭhau parasparavadhaiṣiṇau

Therefore, Sanjaya, tell me how Karna and Bhima fought in the battle, those two best of warriors, each seeking the other's death.

Verse 16 (7.133.16)

शृणु राजन्यथावृत्तं सङ्ग्रामं कर्णभीमयोः । परस्परवधप्रेप्स्वोर्वनकुञ्जरयोरिव ॥

śṛṇu rājanyathāvṛttaṃ saṅgrāmaṃ karṇabhīmayoḥ | parasparavadhaprepsvorvanakuñjarayoriva

Hear, O king, how the battle of Karna and Bhima went, as of two forest elephants each seeking the other's death.

Verse 17 (7.133.17)

राजन्वैकर्तनो भीमं क्रुद्धः क्रुद्धमरिन्दमम् । पराक्रान्तं पराक्रम्य विव्याध त्रिंशता शरैः ॥

rājanvaikartano bhīmaṃ kruddhaḥ kruddhamarindamam | parākrāntaṃ parākramya vivyādha triṃśatā śaraiḥ

O king, Vaikartana, enraged, struck the equally enraged Bhima, tamer of foes, who had charged valiantly, with thirty arrows as he too attacked.

Verse 18 (7.133.18)

महावेगैः प्रसन्नाग्रैः शातकुम्भपरिष्कृतैः । नातरद्भरतश्रेष्ठ भीमं वैकर्तनः शरैः ॥

mahāvegaiḥ prasannāgraiḥ śātakumbhapariṣkṛtaiḥ | nātaradbharataśreṣṭha bhīmaṃ vaikartanaḥ śaraiḥ

With swift arrows of bright points, adorned with gold, Vaikartana could not overcome Bhima, O best of the Bharatas.

Verse 19 (7.133.19)

तस्यास्यतो धनुर्भीमश्चकर्त विशिखैस्त्रिभिः । रथनीडाच्च यन्तारं भल्लेनापातयत्क्षितौ ॥

tasyāsyato dhanurbhīmaścakarta viśikhaistribhiḥ | rathanīḍācca yantāraṃ bhallenāpātayatkṣitau

As Karna shot, Bhima cut his bow with three arrows, and with a broad-headed arrow threw his charioteer from the chariot-seat to the ground.

Verse 20 (7.133.20)

स काङ्क्षन्भीमसेनस्य वधं वैकर्तनो भृशम् । शक्तिं कनकवैदूर्यचित्रदण्डां परामृशत् ॥

sa kāṅkṣanbhīmasenasya vadhaṃ vaikartano bhṛśam | śaktiṃ kanakavaidūryacitradaṇḍāṃ parāmṛśat

Intent on killing Bhimasena, Vaikartana took up a spear with a shaft of gold and lapis lazuli, wondrously wrought.

Verse 21 (7.133.21)

प्रगृह्य च महाशक्तिं कालरात्रिमिवापराम् । समुत्क्षिप्य च राधेयः सन्धाय च महाबलः । चिक्षेप भीमसेनाय जीवितान्तकरीमिव ॥

pragṛhya ca mahāśaktiṃ kālarātrimivāparām | samutkṣipya ca rādheyaḥ sandhāya ca mahābalaḥ | cikṣepa bhīmasenāya jīvitāntakarīmiva

Seizing the great spear, like a second Night of Death, lifting it and taking aim, mighty Radheya hurled it at Bhimasena, as though it were life's very end.

Verse 22 (7.133.22)

शक्तिं विसृज्य राधेयः पुरन्दर इवाशनिम् । ननाद सुमहानादं बलवान्सूतनन्दनः ॥

śaktiṃ visṛjya rādheyaḥ purandara ivāśanim | nanāda sumahānādaṃ balavānsūtanandanaḥ

Having hurled the spear as Indra hurls his thunderbolt, Radheya, the mighty son of the charioteer, gave a mighty roar.

Note on the text: Lines a and c of CE 7.108.22 (CE prints a third line, 22e, which Wikisource gives as the next verse).

Verse 23 (7.133.23)

तं च नादं ततः श्रुत्वा पुत्रास्ते हर्षिताऽभवन् ॥

taṃ ca nādaṃ tataḥ śrutvā putrāste harṣitā'bhavan

And hearing that roar, your sons rejoiced.

Note on the text: Single line = CE 7.108.22e (Wikisource divides the three-line CE verse into a couplet and a single line).

Verse 24 (7.133.24)

तां कर्णभुजनिर्मुक्तामर्कवैश्वानरप्रभाम् । शक्तिं वियति चिच्छेद भीमः सप्तभिराशुगैः ॥

tāṃ karṇabhujanirmuktāmarkavaiśvānaraprabhām | śaktiṃ viyati ciccheda bhīmaḥ saptabhirāśugaiḥ

That spear, released from Karna's arm and bright as the sun and fire, Bhima cut in the sky with seven swift arrows.

Note on the text: Restored from the critical edition (7.108.23a): Wikisource prints only the second line of this verse (5-133-24a alone); the first line तां कर्णभुजनिर्मुक्तामर्कवैश्वानरप्रभाम् is CE 7.108.23a, written in Devanagari from the CE IAST (tāṃ karṇabhujanirmuktām arkavaiśvānaraprabhām). The second line is Wikisource's own and equals CE 7.108.23c. Line b = CE 7.108.23c; line a restored from CE 7.108.23a.

Verse 25 (7.133.25)

छित्त्वा शक्तिं ततो भीमो निर्मुक्तोरगसन्निभाम् । मार्गमाणामिव प्राणान्सूतपुत्रस्य मारिष ॥

chittvā śaktiṃ tato bhīmo nirmuktoragasannibhām | mārgamāṇāmiva prāṇānsūtaputrasya māriṣa

Having cut the spear, which looked like a serpent freed from its skin, as though it sought the life of the charioteer's son, O sire,

Verse 26 (7.133.26)

प्राहिणोत्कृतसंरम्भः शरान्बर्हिणवाससः । स्वर्णपुङ्खाञ्शिलाधौतान्यमदण्डोपमान्मृधे ॥

prāhiṇotkṛtasaṃrambhaḥ śarānbarhiṇavāsasaḥ | svarṇapuṅkhāñśilādhautānyamadaṇḍopamānmṛdhe

Bhima, his fury roused, sent peacock-feathered arrows, gold-shafted and washed on stone, like rods of Yama, against him in the battle.

Verse 27 (7.133.27)

कर्णोऽप्यन्यद्धनुर्गृह्य हेमपृष्ठं दुरासदम् । विकृष्य तन्महच्चापं व्यसृजत्सायकांस्तदा ॥

karṇo'pyanyaddhanurgṛhya hemapṛṣṭhaṃ durāsadam | vikṛṣya tanmahaccāpaṃ vyasṛjatsāyakāṃstadā

Karna too took up another bow, golden-backed and hard to withstand, and drawing that great bow, shot arrows then.

Verse 28 (7.133.28)

तान्पाण्डुपुत्रश्चिच्छेद नवभिर्नतपर्वभिः । वसुषेणेन निर्मुक्तान्नव राजन्महाशरान् । छित्त्वा भीमो महाराज नादं सिंह इवानदत् ॥

tānpāṇḍuputraściccheda navabhirnataparvabhiḥ | vasuṣeṇena nirmuktānnava rājanmahāśarān | chittvā bhīmo mahārāja nādaṃ siṃha ivānadat

The son of Pandu cut them with nine bent-jointed arrows; and having cut those nine great arrows loosed by Vasushena, O king, Bhima, O great king, roared like a lion.

Verse 29 (7.133.29)

तौ वृषाविव नर्दन्तौ बलिनौ वासितान्तरे । शार्दूलाविव चान्योन्यमामिषार्थेऽभ्यगर्जताम् ॥

tau vṛṣāviva nardantau balinau vāsitāntare | śārdūlāviva cānyonyamāmiṣārthe'bhyagarjatām

Like two bellowing bulls, strong and in heat among the cows, and like two tigers roaring at each other over prey, they roared at one another.

Verse 30 (7.133.30)

अन्योन्यं प्रजिहीर्षन्तावन्योन्यस्यान्तरैषिणौ । अन्योन्यमभिवीक्षन्तौ गोष्ठेष्विव महर्षभौ ॥

anyonyaṃ prajihīrṣantāvanyonyasyāntaraiṣiṇau | anyonyamabhivīkṣantau goṣṭheṣviva maharṣabhau

Each eager to strike the other, each watching for the other's opening, each gazing at the other, like two great bulls in a cowpen.

Verse 31 (7.133.31)

महागजाविवासाद्य विषाणाग्रैः परस्परम् । शरैः पूर्णायतोत्सृष्टैरन्योन्यमभिजघ्नतुः ॥

mahāgajāvivāsādya viṣāṇāgraiḥ parasparam | śaraiḥ pūrṇāyatotsṛṣṭairanyonyamabhijaghnatuḥ

Closing with each other like two great elephants, tusk-tip against tusk-tip, they struck one another with arrows drawn full and loosed.

Note on the text: Corrected महागजाविवसाद्य → महागजाविवासाद्य (misprint in Wikisource; a dropped long ā — CE 7.108.30a reads mahāgajāv ivāsādya; the same line is printed correctly in Drona 134.2).

Verse 32 (7.133.32)

निर्दहन्तौ महाराज शस्त्रवृष्ट्या परस्परम् । अन्योन्यमभिवीक्षन्तौ कोपाद्विवृतलोचनौ ॥

nirdahantau mahārāja śastravṛṣṭyā parasparam | anyonyamabhivīkṣantau kopādvivṛtalocanau

Burning one another, O great king, with showers of weapons, glaring at each other, eyes wide with rage,

Verse 33 (7.133.33)

प्रहसन्तौ तथाऽन्योन्यं भर्त्सयन्तौ मुहुर्मुहुः । शङ्खशब्दं च कुर्वाणौ युयुधाते परस्परम् ॥

prahasantau tathā'nyonyaṃ bhartsayantau muhurmuhuḥ | śaṅkhaśabdaṃ ca kurvāṇau yuyudhāte parasparam

laughing at each other, taunting one another again and again, and blowing their conches, they fought on.

Verse 34 (7.133.34)

तस्य भीमः पुनश्चापं मुष्टौ चिच्छेद मारिष । शङ्खवर्णांश्च तानश्वान्बाणैर्निन्ये यमक्षयम् । सारथिं च तथाप्यस्य रथनीडादपातयत् ॥

tasya bhīmaḥ punaścāpaṃ muṣṭau ciccheda māriṣa | śaṅkhavarṇāṃśca tānaśvānbāṇairninye yamakṣayam | sārathiṃ ca tathāpyasya rathanīḍādapātayat

Then Bhima again cut his bow at the grip, O lord; with his arrows he sent Karna's conch-white horses to Yama's abode, and he threw his charioteer down from the chariot-seat as well.

Note on the text: Lines a-b = CE 7.108.33ac; line c = the star passage 7.108.33d*0853_01.

Verse 35 (7.133.35)

ततो वैकर्तनः कर्णश्चिन्तां प्राप दुरत्ययाम् । स च्छाद्यमानः समरे हताश्वो हतसारथिः । मोहितः शरजालेन कर्तव्यं नाभ्यपद्यत ॥

tato vaikartanaḥ karṇaścintāṃ prāpa duratyayām | sa cchādyamānaḥ samare hatāśvo hatasārathiḥ | mohitaḥ śarajālena kartavyaṃ nābhyapadyata

Then Karna Vaikartana fell into unbearable anxiety. Covered over in battle, his horses and charioteer slain, bewildered by the net of arrows, he did not know what he should do.

Note on the text: Not in the critical edition text; this is the star passage 7.108.33d*0853_02-04 (apparatus), attached to the verse above.

Verse 36 (7.133.36)

तथा कृच्छ्रगतं दृष्ट्वा कर्णं दुर्योधनो नृपः । वेपमान इव क्रोधाद्व्यादिदेशाथ दुर्जयम् ॥

tathā kṛcchragataṃ dṛṣṭvā karṇaṃ duryodhano nṛpaḥ | vepamāna iva krodhādvyādideśātha durjayam

Seeing Karna in such distress, King Duryodhana, trembling as it were with rage, commanded Durjaya:

Verse 37 (7.133.37)

गच्छ दुर्जय राधेयं पुरा ग्रसति पाण्डवः । जहि तूबरकं क्षिप्रं कर्णस्य बलमादधत् ॥

gaccha durjaya rādheyaṃ purā grasati pāṇḍavaḥ | jahi tūbarakaṃ kṣipraṃ karṇasya balamādadhat

"Go, Durjaya; the Pandava is about to swallow Radheya. Kill that beardless wretch quickly, and so lend strength to Karna."

Note on the text: Speaker set to Duryodhana: the whole verse is his command to Durjaya, though no heading is printed.

Verse 38 (7.133.38)

एवमुक्तस्तथेत्युक्त्वा तव पुत्रं तवात्मजः । अभ्यद्रवद्भीमसेनं व्यासक्तं विकिरञ्छरैः ॥

evamuktastathetyuktvā tava putraṃ tavātmajaḥ | abhyadravadbhīmasenaṃ vyāsaktaṃ vikirañcharaiḥ

Thus addressed, he said "So be it" to your son, and your own son rushed at Bhimasena, who was engaged in the fight, scattering arrows.

Verse 39 (7.133.39)

स भीमं नवभिर्बाणैरश्वानष्टभिरार्दयत् । षड्भिः सूतं त्रिभिः केतं पुनस्तं चापि सप्तभिः ॥

sa bhīmaṃ navabhirbāṇairaśvānaṣṭabhirārdayat | ṣaḍbhiḥ sūtaṃ tribhiḥ ketaṃ punastaṃ cāpi saptabhiḥ

He struck Bhima with nine arrows, his horses with eight, his charioteer with six, his banner with three, and Bhima again with seven.

Note on the text: Corrected षङ्भिः → षड्भिः (misprint in Wikisource; CE 7.108.37c reads ṣaḍbhiḥ).

Verse 40 (7.133.40)

भीमसेनोऽपि सङ्क्रुद्धः साश्वयन्तारमाशुगैः । दुर्जयं भिन्नमर्माणमनयद्यमसादनम् ॥

bhīmaseno'pi saṅkruddhaḥ sāśvayantāramāśugaiḥ | durjayaṃ bhinnamarmāṇamanayadyamasādanam

Bhimasena too, enraged, sent Durjaya, his vital parts pierced, together with his horses and charioteer, to Yama's abode with swift arrows.

Verse 41 (7.133.41)

बाढं हतं क्षितौ क्षुण्णं वेष्टमानं यथोरगम् । रुदन्नार्तस्तव सुतं कर्णश्चक्रे प्रदक्षिणम् ॥

bāḍhaṃ hataṃ kṣitau kṣuṇṇaṃ veṣṭamānaṃ yathoragam | rudannārtastava sutaṃ karṇaścakre pradakṣiṇam

Truly slain, crushed on the ground and writhing like a snake, your son was circled in reverence by Karna, weeping in anguish.

Verse 42 (7.133.42)

स तु तं विरथं कृत्वा स्मयन्नत्यन्तवैरिणम् । समाचिनोद्बाणगणैः शतघ्नीभिश्च शङ्कुभिः ॥

sa tu taṃ virathaṃ kṛtvā smayannatyantavairiṇam | samācinodbāṇagaṇaiḥ śataghnībhiśca śaṅkubhiḥ

Having left his bitter enemy without a chariot, Bhima, smiling, buried him in masses of arrows, shataghnis and spikes.

Verse 43 (7.133.43)

तथाप्यतिरथः कर्णो भिद्यमानोऽस्य सायकैः । न जहौ समरे भीमं क्रुद्धरूपं परन्तपः ॥

tathāpyatirathaḥ karṇo bhidyamāno'sya sāyakaiḥ | na jahau samare bhīmaṃ kruddharūpaṃ parantapaḥ

Even so, the great chariot-warrior Karna, scorcher of foes, though torn by his arrows, did not turn away from Bhima, who stood there in wrath.