Durmukha Slain; Karna Flees from Bhima

Verse 1 (7.134.1)

सर्वथा विरथः कर्णः पुनर्भीमेन निर्जितः । रथमन्यं समास्थाय पुनर्विव्याध पाण्डवम् ॥

sarvathā virathaḥ karṇaḥ punarbhīmena nirjitaḥ | rathamanyaṃ samāsthāya punarvivyādha pāṇḍavam

Karna, once more entirely deprived of his chariot by Bhima, mounted another chariot and again pierced the Pandava.

Verse 2 (7.134.2)

महागजाविवासाद्य विषाणाग्रैः परस्परम् । शरैः पूर्णायतोत्सृष्टैरन्योन्यमभिजघ्नतुः ॥

mahāgajāvivāsādya viṣāṇāgraiḥ parasparam | śaraiḥ pūrṇāyatotsṛṣṭairanyonyamabhijaghnatuḥ

Closing with each other like two great elephants, tusk-tip against tusk-tip, they struck one another with arrows drawn full and loosed.

Verse 3 (7.134.3)

अथ कर्णः शरव्रातैर्भीमसेनं समार्पयत् । ननाद च महानादं पुनर्विव्याध चोरसि ॥

atha karṇaḥ śaravrātairbhīmasenaṃ samārpayat | nanāda ca mahānādaṃ punarvivyādha corasi

Then Karna oppressed Bhimasena with volleys of arrows, gave a great roar, and again pierced his chest.

Verse 4 (7.134.4)

तं भीमो दशभिर्बाणैः प्रत्यविध्यदजिह्मगैः । पुनर्विव्याध सप्तत्या शराणां नतपर्वणाम् ॥

taṃ bhīmo daśabhirbāṇaiḥ pratyavidhyadajihmagaiḥ | punarvivyādha saptatyā śarāṇāṃ nataparvaṇām

Bhima pierced him back with ten straight-flying arrows, and then again with seventy bent-jointed arrows.

Verse 5 (7.134.5)

कर्णस्तु नवभिर्भीमं भित्त्वा राजंस्तनान्तरे । ध्वजमेकेन विव्याध विशोकं च त्रिभिः शरैः ॥

karṇastu navabhirbhīmaṃ bhittvā rājaṃstanāntare | dhvajamekena vivyādha viśokaṃ ca tribhiḥ śaraiḥ

Karna, however, having pierced Bhima in the chest with nine arrows, O king, struck his banner with one and Vishoka with three arrows.

Verse 6 (7.134.6)

सायकानां ततः पार्थस्त्रिषष्ट्या प्रत्यविध्यत । तोत्रैरिव महानागं कशाभिरिव वाजिनम् ॥

sāyakānāṃ tataḥ pārthastriṣaṣṭyā pratyavidhyata | totrairiva mahānāgaṃ kaśābhiriva vājinam

Then Partha answered with sixty-three arrows, as one drives a great elephant with goads and a horse with whips.

Verse 7 (7.134.7)

सोऽतिविद्धो महाराज पाण्डवेन यशस्विना । सृक्विणी लेलिहन्वीरः क्रोधरक्तान्तलोचनः ॥

so'tividdho mahārāja pāṇḍavena yaśasvinā | sṛkviṇī lelihanvīraḥ krodharaktāntalocanaḥ

Sorely pierced, O great king, by the glorious Pandava, that hero licked the corners of his mouth, his eyes red with anger.

Verse 8 (7.134.8)

ततः शरं महाराज सर्वकायावदारणम् । प्राहिणोद्भीमसेनाय बलायेन्द्र इवाशनिम् ॥

tataḥ śaraṃ mahārāja sarvakāyāvadāraṇam | prāhiṇodbhīmasenāya balāyendra ivāśanim

Then, O great king, he sent at Bhimasena an arrow that could tear through the whole body, as Indra hurls the thunderbolt at Bala.

Verse 9 (7.134.9)

स निर्भिद्य रणे पार्थं सूतपुत्रधनुश्च्युतः । अगच्छद्दारयन्भूमिं चित्रपुङ्खः शिलीमुखः ॥

sa nirbhidya raṇe pārthaṃ sūtaputradhanuścyutaḥ | agacchaddārayanbhūmiṃ citrapuṅkhaḥ śilīmukhaḥ

That bright-feathered arrow, loosed from the charioteer's son's bow, pierced Partha in the battle and went tearing into the earth.

Verse 10 (7.134.10)

ततो भीमो महाबाहुः क्रोधसंरक्तलोचनः । वज्रकल्पां चतुष्किष्कुं गुर्वीं रुक्माङ्गदां गदाम् । प्राहिणोत्सूतपुत्राय षडस्रामविचारयन् ॥

tato bhīmo mahābāhuḥ krodhasaṃraktalocanaḥ | vajrakalpāṃ catuṣkiṣkuṃ gurvīṃ rukmāṅgadāṃ gadām | prāhiṇotsūtaputrāya ṣaḍasrāmavicārayan

Then mighty-armed Bhima, his eyes red with fury, without hesitation hurled at the charioteer's son a heavy club, four cubits long, with six edges, adorned with golden armlets and like a thunderbolt.

Note on the text: Corrected प्राहिणोत्मूतपुत्राय → प्राहिणोत्सूतपुत्राय and गुर्वी → गुर्वीं (misprints in Wikisource; "to the charioteer's son" needs सूत, and the mace गदाम् needs the accusative गुर्वीम्; CE 7.109.10 reads prāhiṇot sūtaputrāya … gurvīṃ). Line 1 equals CE star passage 7.109.9d*0855_01; line 2 is a vulgate variant of CE 7.109.10a (वज्रकल्पां for CE sarvaśaikyāṃ — Wikisource's own footnote notes the reading ततः शैक्यां in some manuscripts); line 3 = CE 7.109.10c. The input had no CE alignment.

Verse 11 (7.134.11)

तया जघानाधिरथेः सदश्वान्साधुवाहिनः । गदया भारतः क्रुद्धो वज्रेणेन्द्र इवासुरान् ॥

tayā jaghānādhiratheḥ sadaśvānsādhuvāhinaḥ | gadayā bhārataḥ kruddho vajreṇendra ivāsurān

With it the enraged Bharata killed the Adhiratha's son's good horses, fine draught animals, as Indra with his thunderbolt kills asuras.

Verse 12 (7.134.12)

ततो भीमो महाबाहुः क्षुराभ्यां भरतर्षभ । ध्वजमाधिरथेश्छित्त्वा सूतमभ्यहनच्छरैः ॥

tato bhīmo mahābāhuḥ kṣurābhyāṃ bharatarṣabha | dhvajamādhiratheśchittvā sūtamabhyahanaccharaiḥ

Then mighty-armed Bhima, O best of the Bharatas, cut down the banner of the Adhiratha's son with two razor-headed arrows and struck his charioteer down with arrows.

Note on the text: Corrected ध्वजमाघिरथेश्छित्त्वा → ध्वजमाधिरथेश्छित्त्वा (misprint in Wikisource; घ for ध — CE 7.109.12c reads dhvajam ādhiratheś chittvā).

Verse 13 (7.134.13)

हताश्वसूतमुत्सृज्य स रथं पतितध्वजम् । विष्फारयन्धनुः कर्णस्तस्थौ भारत दुर्मनाः ॥

hatāśvasūtamutsṛjya sa rathaṃ patitadhvajam | viṣphārayandhanuḥ karṇastasthau bhārata durmanāḥ

Abandoning the chariot, its horses and charioteer slain and its banner fallen, Karna stood there downcast, O Bharata, twanging his bow.

Verse 14 (7.134.14)

तत्राद्भुतमपश्याम राधेयस्य पराक्रमम् । विरथो रथिनां श्रेष्ठो वारयामास यद्रिपुम् ॥

tatrādbhutamapaśyāma rādheyasya parākramam | viratho rathināṃ śreṣṭho vārayāmāsa yadripum

There we saw Radheya's wondrous prowess: though chariotless, that best of chariot-warriors held off his enemy.

Verse 15 (7.134.15)

विरथं तं नरश्रेष्ठं दृष्ट्वाऽऽधिरथिमाहवे । दुर्योधनस्ततो राजन्नभ्यभाषत दुर्मुखम् ॥

virathaṃ taṃ naraśreṣṭhaṃ dṛṣṭvā''dhirathimāhave | duryodhanastato rājannabhyabhāṣata durmukham

Seeing Adhirathi, that best of men, chariotless in the battle, Duryodhana then spoke to Durmukha, O king.

Verse 16 (7.134.16)

एष दुर्मुख राधेयो भीमेन विरथीकृतः । तं रथेन नरश्रेष्ठ सम्पादय महारथम् ॥

eṣa durmukha rādheyo bhīmena virathīkṛtaḥ | taṃ rathena naraśreṣṭha sampādaya mahāratham

"Durmukha, Bhima has left Radheya without a chariot. Provide that best of men, that great charioteer, with a chariot."

Note on the text: Speaker set to Duryodhana: the whole verse is his order to Durmukha, though no heading is printed (verse 15 introduces it).

Verse 17 (7.134.17)

ततो दुर्योधनवचः श्रुत्वा भारत दुर्मुखः । त्वरमाणोऽभ्ययात्कर्णं भीमं चावारयच्छरैः ॥

tato duryodhanavacaḥ śrutvā bhārata durmukhaḥ | tvaramāṇo'bhyayātkarṇaṃ bhīmaṃ cāvārayaccharaiḥ

Then, hearing Duryodhana's words, O Bharata, Durmukha hastened to Karna and checked Bhima with arrows.

Verse 18 (7.134.18)

दुर्मुखं प्रेक्ष्य सङ्ग्रामे सूतपुत्रपदानुगम् । वायुपुत्रः प्रहृष्टोऽभूत्सृक्विणी परिसंलिहन् ॥

durmukhaṃ prekṣya saṅgrāme sūtaputrapadānugam | vāyuputraḥ prahṛṣṭo'bhūtsṛkviṇī parisaṃlihan

Seeing Durmukha in the battle following close behind the charioteer's son, the son of Vayu was delighted, licking the corners of his mouth.

Verse 19 (7.134.19)

ततः कर्णं महाराज वारयित्वा शिलीमुखैः । दुर्मुखाय रथं तूर्णं प्रेषयामास पाण्डवः ॥

tataḥ karṇaṃ mahārāja vārayitvā śilīmukhaiḥ | durmukhāya rathaṃ tūrṇaṃ preṣayāmāsa pāṇḍavaḥ

Then, O great king, holding Karna off with arrows, the Pandava swiftly drove his chariot at Durmukha.

Verse 20 (7.134.20)

तस्मिन्क्षणे महाराज नवभिर्नतपर्वभिः । सुमुखैर्दुर्मुखं भीमः शरैर्निन्ये यमक्षयम् ॥

tasminkṣaṇe mahārāja navabhirnataparvabhiḥ | sumukhairdurmukhaṃ bhīmaḥ śarairninye yamakṣayam

At that moment, O great king, Bhima sent Durmukha to Yama's abode with nine fine-pointed, bent-jointed arrows.

Verse 21 (7.134.21)

ततस्तमेवाधिरथिः स्यन्दनं दुर्मुखे हते । आस्थितः प्रबभौ राजन्दीप्यमान इवांशुमान् ॥

tatastamevādhirathiḥ syandanaṃ durmukhe hate | āsthitaḥ prababhau rājandīpyamāna ivāṃśumān

Then, with Durmukha slain, the Adhiratha's son mounted that very chariot, and shone, O king, like the blazing sun.

Verse 22 (7.134.22)

शयानं भिन्नमर्माणं दुर्मुखं शोणितोक्षितम् । दृष्ट्वा कर्णोऽश्रुपूर्णाक्षो मुहूर्तं नाभ्यवर्तत ॥

śayānaṃ bhinnamarmāṇaṃ durmukhaṃ śoṇitokṣitam | dṛṣṭvā karṇo'śrupūrṇākṣo muhūrtaṃ nābhyavartata

Seeing Durmukha lying with his vital parts torn and drenched in blood, Karna, his eyes full of tears, did not move on for a moment.

Verse 23 (7.134.23)

तं गतासुमतिक्रम्य कृत्वा कर्णः प्रदक्षिणम् । दीर्घमुष्णं श्वसन्वीरो न किञ्चित्प्रत्यपद्यत ॥

taṃ gatāsumatikramya kṛtvā karṇaḥ pradakṣiṇam | dīrghamuṣṇaṃ śvasanvīro na kiñcitpratyapadyata

Passing by the lifeless one and circling him in reverence, the hero Karna, breathing long and hot, did nothing.

Verse 24 (7.134.24)

तस्मिंस्तु विवरे राजन्नाराचान्गार्धवाससः । प्राहिणोत्सूतपुत्राय भीमसेनश्चतुर्दश ॥

tasmiṃstu vivare rājannārācāngārdhavāsasaḥ | prāhiṇotsūtaputrāya bhīmasenaścaturdaśa

At that opening, O king, Bhimasena sent fourteen vulture-feathered nārāca arrows at the charioteer's son.

Verse 25 (7.134.25)

ते तस्य कवचं भित्त्वा स्वर्णचित्रं महोजसः । हेमपुङ्खा महाराज व्यशोभन्त दिशो दश ॥

te tasya kavacaṃ bhittvā svarṇacitraṃ mahojasaḥ | hemapuṅkhā mahārāja vyaśobhanta diśo daśa

Piercing his gold-adorned armour, those gold-shafted arrows of great force, O great king, shone in all ten directions.

Verse 26 (7.134.26)

अपिबन्सूतपुत्रस्य शोणितं रक्तभोजनाः । क्रुद्धा इव मनुष्येन्द्र भुजङ्गाः कालचोदिताः ॥

apibansūtaputrasya śoṇitaṃ raktabhojanāḥ | kruddhā iva manuṣyendra bhujaṅgāḥ kālacoditāḥ

Those blood-feeding arrows drank the charioteer's son's blood, like enraged serpents driven by Time, O lord of men.

Note on the text: Corrected सूत पुत्रस्य → सूतपुत्रस्य (misprint in Wikisource: a stray space splitting the compound; CE 7.109.26a reads sūtaputrasya).

Verse 27 (7.134.27)

प्रसर्पमाणा मेदिन्यां ते व्यरोचन्त मार्गणाः । अर्धप्रविष्टाः संरब्धा बिलानीव महोरगाः ॥

prasarpamāṇā medinyāṃ te vyarocanta mārgaṇāḥ | ardhapraviṣṭāḥ saṃrabdhā bilānīva mahoragāḥ

Creeping along the earth, those arrows shone, half buried and furious, like great serpents going into their holes.

Verse 28 (7.134.28)

तं प्रत्यविध्यद्राधेयो जाम्बूनदविभूषितैः । चतुर्दशभिरत्युग्रैर्नाराचैरविचारयन् ॥

taṃ pratyavidhyadrādheyo jāmbūnadavibhūṣitaiḥ | caturdaśabhiratyugrairnārācairavicārayan

Radheya pierced him in return, without hesitation, with fourteen very fierce nārāca arrows adorned with Jambunada gold.

Verse 29 (7.134.29)

ते भीमसेनस्य भुजं सव्यं निर्भिद्य पत्रिणः । प्राविशन्मेदिनीं भीमाः क्रौञ्चं पत्ररथा इव ॥

te bhīmasenasya bhujaṃ savyaṃ nirbhidya patriṇaḥ | prāviśanmedinīṃ bhīmāḥ krauñcaṃ patrarathā iva

Piercing Bhimasena's left arm, those terrible winged arrows entered the earth like birds into Mount Krauncha.

Verse 30 (7.134.30)

ते व्यरोचन्त नाराचाः प्रविशन्तो वसुन्धराम् । गच्छत्यस्तं दिनकरे दीप्यमाना इवांशवः ॥

te vyarocanta nārācāḥ praviśanto vasundharām | gacchatyastaṃ dinakare dīpyamānā ivāṃśavaḥ

Those nārācas shone as they entered the earth, like glowing rays of the sun when it sets.

Verse 31 (7.134.31)

स निर्भिन्नो रणे भीमो नाराचैर्मर्मभेदिभिः । सुस्राव रुधिरं भूरि पर्वतः सलिलं यथा ॥

sa nirbhinno raṇe bhīmo nārācairmarmabhedibhiḥ | susrāva rudhiraṃ bhūri parvataḥ salilaṃ yathā

Pierced in battle by those heart-piercing nārācas, Bhima streamed much blood, as a mountain streams water.

Verse 32 (7.134.32)

स भीमस्त्रिभिरायस्तः सूतपुत्रं पतत्रिभिः । सुपर्णवेगैर्विव्याध सारथिं चास्य सप्तभिः ॥

sa bhīmastribhirāyastaḥ sūtaputraṃ patatribhiḥ | suparṇavegairvivyādha sārathiṃ cāsya saptabhiḥ

Bhima, stung by the three, pierced the charioteer's son with three feathered arrows of Garuda's speed, and his charioteer with seven.

Verse 33 (7.134.33)

स विह्वलो महाराज कर्णो भीमशराहतः । प्राद्रवज्जवनैरश्वै रणं हित्वा महाभयात् ॥

sa vihvalo mahārāja karṇo bhīmaśarāhataḥ | prādravajjavanairaśvai raṇaṃ hitvā mahābhayāt

Struck by Bhima's arrows, O great king, Karna, shaken, fled from the battle on his swift horses in great fear.

Verse 34 (7.134.34)

भीमसेनस्तु विष्फार्य चापं हेमपरिष्कृतम् । आहवेऽतिरथोऽतिष्ठज्ज्वलन्निव हुताशनः ॥

bhīmasenastu viṣphārya cāpaṃ hemapariṣkṛtam | āhave'tiratho'tiṣṭhajjvalanniva hutāśanaḥ

But Bhimasena, twanging his gold-adorned bow, stood in the battle, the great chariot-warrior, blazing like fire.