Satyaki Kills Alambusa

Verse 1 (7.140.1)

दातव्यमद्य मन्येऽहं पाण्डवानां स्वकं पुनः । न विग्रहो हि बलिना श्रेयसे स्याद्यथातथा ॥

dātavyamadya manye'haṃ pāṇḍavānāṃ svakaṃ punaḥ | na vigraho hi balinā śreyase syādyathātathā

I think the Pandavas' own share should now be given back to them. Fighting a strong enemy never leads to good, in any way.

Note on the text: Removed the stray wiki backtick. Not in the critical edition's main text; the two lines are its star passage 7.115.1*0923_01-02 (printed before 7.115.1a, after the speaker line). The automatic alignment found no match.

Verse 2 (7.140.2)

पादयोः प्रणतेनापि भुक्त्वाऽप्युच्छिष्टमप्यरेः । अतोऽन्यद्वापि कृत्वैव जीव्यं लोके नरेण वै ॥

pādayoḥ praṇatenāpi bhuktvā'pyucchiṣṭamapyareḥ | ato'nyadvāpi kṛtvaiva jīvyaṃ loke nareṇa vai

Even if a man must bow at his enemy's feet, eat his leavings, or do something else besides, he should go on living in this world.

Note on the text: Not in the critical edition's main text; star passage 7.115.1*0923_03-04. The automatic alignment found no match.

Verse 3 (7.140.3)

जीवतैव परो लोकः साध्यते चैव सर्वथा । अजीवतस्तथैवासीन्न सुखं न परा गतिः ॥

jīvataiva paro lokaḥ sādhyate caiva sarvathā | ajīvatastathaivāsīnna sukhaṃ na parā gatiḥ

Only by living can the next world be won, in every way; for one who does not live there is neither happiness nor a higher state.

Note on the text: Not in the critical edition's main text; star passage 7.115.1*0923_05-06. The automatic alignment found no match.

Verse 4 (7.140.4)

विनाशे सर्वथोत्पन्ने न बालो बुध्यते क्रियाम् । मिथ्याभिमानदग्धो हि न बुद्ध्येत कृताकृते ॥

vināśe sarvathotpanne na bālo budhyate kriyām | mithyābhimānadagdho hi na buddhyeta kṛtākṛte

When ruin has fully set in, a fool does not grasp what is to be done; scorched by false pride, he cannot tell what is done from what is left undone.

Note on the text: Removed the stray wiki apostrophe. Not in the critical edition's main text; star passage 7.115.1*0923_07-08. The automatic alignment found no match.

Verse 5 (7.140.5)

अहन्यहनि मे दीप्तं यशः पतति सञ्जय । हता मे बहवो योधा मन्ये कालस्य पर्ययम् ॥

ahanyahani me dīptaṃ yaśaḥ patati sañjaya | hatā me bahavo yodhā manye kālasya paryayam

Day after day my once-blazing fame is falling, Sanjaya. Many of my warriors have been slain; I think it is the turning of Time.

Verse 6 (7.140.6)

धनञ्जयः सुसङ्क्रुद्धः प्रविष्टो मामकं बलम् । रक्षितं द्रौणिकर्णाभ्यामप्रवेश्यं सुरैरपि ॥

dhanañjayaḥ susaṅkruddhaḥ praviṣṭo māmakaṃ balam | rakṣitaṃ drauṇikarṇābhyāmapraveśyaṃ surairapi

Dhananjaya, in a towering rage, has entered my army, which Drona and Karna were guarding and which even the gods could not have entered.

Note on the text: Corrected सुसङ्क्रद्धः → सुसङ्क्रुद्धः (misprint in Wikisource; क्रद्ध is not a word; the critical edition has saṃkruddhaḥ).

Verse 7 (7.140.7)

ताभ्यामूर्जितवीर्याभ्यामाप्यायितपराक्रमः । सहितः कृष्णभीमाभ्यां शिनीनामृषभेण च ॥

tābhyāmūrjitavīryābhyāmāpyāyitaparākramaḥ | sahitaḥ kṛṣṇabhīmābhyāṃ śinīnāmṛṣabheṇa ca

His prowess has been swelled by those two of mighty strength, and he goes joined by Krishna, by Bhima, and by the bull of the Shinis.

Verse 8 (7.140.8)

तदाप्रभृति मां शोको दहत्यग्निरिवाशयम् । ग्रस्तानिव प्रपश्यामि भूमिपालान्ससैन्धवान् ॥

tadāprabhṛti māṃ śoko dahatyagnirivāśayam | grastāniva prapaśyāmi bhūmipālānsasaindhavān

From that day grief burns me like fire in a hollow. I see the kings, along with the Saindhava, as if already swallowed up.

Verse 9 (7.140.9)

अप्रियं सुमहत्कृत्वा सिन्धुराजः किरीटिनः । क्रुद्धस्य देवराजस्य शक्रस्येव महाद्युतेः । चक्षुर्विषयमापन्नः कथं जीवितमाप्नुयात् ॥

apriyaṃ sumahatkṛtvā sindhurājaḥ kirīṭinaḥ | kruddhasya devarājasya śakrasyeva mahādyuteḥ | cakṣurviṣayamāpannaḥ kathaṃ jīvitamāpnuyāt

Having done so great a wrong to Kiriti, as one might to Indra, the great-radiant king of the gods, in his wrath, the king of Sindhu has come within the range of his sight; how can he keep his life?

Note on the text: Removed stray wiki marks (backtick and quote marks). Line 1 is CE 7.115.5a; line 2 is the CE star line 7.115.6b*0924_01 (printed inside the verse here); line 3 corresponds to 7.115.5c (कथं जीवितमाप्नुयात् for kathaṃ mucyeta jīvitaḥ, kept as a variant). The automatic alignment left CE 7.115.5 unmatched.

Verse 10 (7.140.10)

अनुमानाच्च पश्यामि नास्ति सञ्जय सैन्धवः । युद्धं तु तद्यथावृत्तं तन्ममाचक्ष्व तत्त्वतः ॥

anumānācca paśyāmi nāsti sañjaya saindhavaḥ | yuddhaṃ tu tadyathāvṛttaṃ tanmamācakṣva tattvataḥ

By inference I see that the Saindhava is no more, Sanjaya. But tell me truly how the battle went.

Verse 11 (7.140.11)

यच्च विक्षोभ्य महतीं सेनामालोड्य चासकृत् । एकः प्रविष्टः सङ्क्रुद्धो नलिनीमिव कुञ्जरः ॥

yacca vikṣobhya mahatīṃ senāmāloḍya cāsakṛt | ekaḥ praviṣṭaḥ saṅkruddho nalinīmiva kuñjaraḥ

Tell me of him who, after throwing that great army into turmoil and stirring it again and again, entered it alone in fury, like an elephant into a lotus pond.

Verse 12 (7.140.12)

तस्य मे वृष्णिवीरस्य ब्रूहि युद्धं यथातथम् । धनञ्जयार्थे यत्तस्य कुशलो ह्यसि सञ्जय ॥

tasya me vṛṣṇivīrasya brūhi yuddhaṃ yathātatham | dhanañjayārthe yattasya kuśalo hyasi sañjaya

Tell me exactly how it went in the battle of that Vrishni hero, for you are skilled, Sanjaya, in what he did for Dhananjaya's sake.

Verse 13 (7.140.13)

तथा तु वैकर्तनपीडितं तं । भीमं प्रयान्तं पुरुषप्रवीरम् । समीक्ष्य राजन्नरवीरमध्ये । शिनिप्रवीरोऽनुययौ रथेन ॥

tathā tu vaikartanapīḍitaṃ taṃ | bhīmaṃ prayāntaṃ puruṣapravīram | samīkṣya rājannaravīramadhye | śinipravīro'nuyayau rathena

Seeing, O king, among the heroes of men, that best of warriors Bhima, who had been hard pressed by Vaikartana, moving on, the Shini hero followed him in his chariot.

Note on the text: Corrected वैकर्त नपीडितं → वैकर्तनपीडितं (misprint in Wikisource; a stray space splits the word; the critical edition has vaikartanapīḍitaṃ).

Verse 14 (7.140.14)

नदन्यथा वज्रधरस्तपान्ते । ज्वलन्यथा जलदान्ते च सूर्यः । निघ्नन्नमित्रान्धनुषा दृढेन । स कम्पयंस्तव पुत्रस्य सेनाम् ॥

nadanyathā vajradharastapānte | jvalanyathā jaladānte ca sūryaḥ | nighnannamitrāndhanuṣā dṛḍhena | sa kampayaṃstava putrasya senām

Roaring like the wielder of the thunderbolt at the end of the hot season, blazing like the sun when the rains are over, he struck down his enemies with his strong bow and made your son's army tremble.

Verse 15 (7.140.15)

तं यान्तमश्वै रजतप्रकाशैः । आयोधने वीरतरं नदन्तम् । नाशक्नुवन्वारयितुं त्वदीयाः । सर्वे रथा भारत माधवाग्र्यम् ॥

taṃ yāntamaśvai rajataprakāśaiḥ | āyodhane vīrataraṃ nadantam | nāśaknuvanvārayituṃ tvadīyāḥ | sarve rathā bhārata mādhavāgryam

As he went on with his silver-bright horses, roaring, the mightiest hero on the battlefield, none of your chariot-warriors, O Bharata, could stop that foremost of the Madhavas.

Note on the text: Rejoined a word that Wikisource splits across pada lines with a hyphen (रजतप्रकाशै-/रायोधने); each pada now ends in its pausal form (रजतप्रकाशैः / आयोधने).

Verse 16 (7.140.16)

अमर्षपूर्णस्त्वनिवृत्तयोधी । शरासनी काञ्चनवर्मधारी । अलम्बुसः सात्यकिं माधवाग्र्यम् । अवारयद्राजवरोऽभिपत्य ॥

amarṣapūrṇastvanivṛttayodhī | śarāsanī kāñcanavarmadhārī | alambusaḥ sātyakiṃ mādhavāgryam | avārayadrājavaro'bhipatya

Full of fury, never turning back from battle, bow in hand, wearing golden armour, the royal Alambusa rushed up and blocked Satyaki, the foremost of the Madhavas.

Note on the text: Rejoined a word that Wikisource splits across pada lines with a hyphen (माधवाग्र्य-/मवारयत्); each pada now ends in its pausal form (माधवाग्र्यम् / अवारयद्).

Verse 17 (7.140.17)

तयोरभूद्भारत सम्प्रहारो । यथाविधो नैव बभूव कश्चित् । प्रेक्षन्त एवाहवशोभिनौ तौ । योधास्त्वदीयाश्च परे च सर्वे ॥

tayorabhūdbhārata samprahāro | yathāvidho naiva babhūva kaścit | prekṣanta evāhavaśobhinau tau | yodhāstvadīyāśca pare ca sarve

Then, O Bharata, such an exchange of blows took place between the two as had never been before, while all the warriors, yours and the enemy's, simply watched the two who shone in battle.

Verse 18 (7.140.18)

आविध्यदेनं दशभिः पृषत्कैः । अलम्बुसो राजवरः प्रसह्य । अनागतानेव तु तान्पृषत्कांश् । चिच्छेद बाणैः शिनिपुङ्गवोऽपि ॥

āvidhyadenaṃ daśabhiḥ pṛṣatkaiḥ | alambuso rājavaraḥ prasahya | anāgatāneva tu tānpṛṣatkāṃś | ciccheda bāṇaiḥ śinipuṅgavo'pi

The royal Alambusa forcibly pierced him with ten arrows, but the bull of the Shinis cut those arrows down with his own shafts before they reached him.

Note on the text: Rejoined two words that Wikisource splits across pada lines with hyphens (पृषत्कै-/रलम्बुसो, पृषत्कां-/श्चिच्छेद); each pada now ends in its pausal form (पृषत्कैः / अलम्बुसो, पृषत्कांश् / चिच्छेद).

Verse 19 (7.140.19)

पुनः स बाणैस्त्रिभिरग्निकल्पैः । आकर्णपूर्णैर्निशितैः सपुङ्खैः । विव्याध देहावरणं विदार्य । ते सात्यकेराविविशुः शरीरम् ॥

punaḥ sa bāṇaistribhiragnikalpaiḥ | ākarṇapūrṇairniśitaiḥ sapuṅkhaiḥ | vivyādha dehāvaraṇaṃ vidārya | te sātyakerāviviśuḥ śarīram

Then with three fiery, sharp, well-feathered arrows drawn to the ear, Alambusa pierced him, splitting his armour; the arrows entered Satyaki's body.

Note on the text: Rejoined a word that Wikisource splits across pada lines with a hyphen (अग्निकल्पै-/राकर्णपूर्णैः); each pada now ends in its pausal form (अग्निकल्पैः / आकर्णपूर्णैः).

Verse 20 (7.140.20)

तैः कायमस्याग्न्यनिलप्रभावैः । विदार्य बाणैर्निशितैर्ज्वलद्भिः । आजघ्निवांस्तान्रजतप्रकाशान् । अश्वांश्चतुर्भिश्चतुरः प्रसह्य ॥

taiḥ kāyamasyāgnyanilaprabhāvaiḥ | vidārya bāṇairniśitairjvaladbhiḥ | ājaghnivāṃstānrajataprakāśān | aśvāṃścaturbhiścaturaḥ prasahya

With other blazing arrows, sharp and like fire and wind, he tore through Satyaki's body, and then forcefully struck his four silver-bright horses with four arrows.

Note on the text: Rejoined words that Wikisource splits across pada lines with hyphens (प्रभावै-/र्विदार्य, प्रकाशा-/नश्वांश्चतुर्भिः); each pada now ends in its pausal form (प्रभावैः / विदार्य, प्रकाशान् / अश्वांश्चतुर्भिः). Line 2 reads बाणैर्निशितैर्ज्वलद्भिः where the critical edition has bāṇair aparair jvaladbhiḥ, a recension variant.

Verse 21 (7.140.21)

तथा तु तेनाभिहतस्तरस्वी । नप्ता शिनेश्चक्रधरप्रभावः । अलम्बुसस्योत्तमवेगवद्भिः । अश्वांश्चतुर्भिर्निजघान बाणैः ॥

tathā tu tenābhihatastarasvī | naptā śineścakradharaprabhāvaḥ | alambusasyottamavegavadbhiḥ | aśvāṃścaturbhirnijaghāna bāṇaiḥ

Struck thus by him, the mighty grandson of Shini, glorious as the bearer of the discus, killed Alambusa's four horses with four arrows of the highest speed.

Note on the text: Corrected रश्वांशअचतुर्भि → रश्वांश्चतुर्भि (misprint in Wikisource; शअच for श्च; the critical edition has hayāṃś caturbhiḥ, here अश्वांश्चतुर्भिः). Also rejoined a word that Wikisource splits across pada lines with a hyphen (वेगवद्भि-/रश्वांश्...); each pada now ends in its pausal form (वेगवद्भिः / अश्वांश्...). The critical edition has hayāṃś for अश्वांश्, a recension variant.

Verse 22 (7.140.22)

अथास्य सूतस्य शिरो निकृत्य । भल्लेन कालानलसन्निभेन । सकुण्डलं पूर्णशशिप्रकाशं । भ्राजिष्णु वक्त्रं निचकर्त देहात् ॥

athāsya sūtasya śiro nikṛtya | bhallena kālānalasannibhena | sakuṇḍalaṃ pūrṇaśaśiprakāśaṃ | bhrājiṣṇu vaktraṃ nicakarta dehāt

Then with a bhalla arrow like the fire of the world's end he struck off his charioteer's head, and from the body he severed the shining face with its earrings, bright as the full moon.

Note on the text: Corrected पूर्मशशि → पूर्णशशि (misprint in Wikisource; म for ण; the critical edition has pūrṇaśaśiprakāśaṃ).

Verse 23 (7.140.23)

निहत्य तं पार्थिवपुत्रपौत्रं । सङ्ख्ये यदूनामृषभः प्रमाथी । ततोऽन्वयादर्जुनमेव वीरः । सैन्यानि राजंस्तव सन्निवार्य ॥

nihatya taṃ pārthivaputrapautraṃ | saṅkhye yadūnāmṛṣabhaḥ pramāthī | tato'nvayādarjunameva vīraḥ | sainyāni rājaṃstava sannivārya

Having slain him in battle, that son and grandson of kings, the bull of the Yadavas, the crusher, went on after Arjuna himself, O king, holding back your troops.

Verse 24 (7.140.24)

अन्वागतं वृष्णिवीरं समीक्ष्य । तथारिमध्ये परिवर्तमानम् । घ्नन्तं कुरूणामिषुभिर्बलानि । पुनःपुनर्वायुमिवाभ्रपूगान् ॥

anvāgataṃ vṛṣṇivīraṃ samīkṣya | tathārimadhye parivartamānam | ghnantaṃ kurūṇāmiṣubhirbalāni | punaḥpunarvāyumivābhrapūgān

Seeing the Vrishni hero come up behind him, wheeling about in the midst of the foes and smiting the Kurus' forces with his arrows again and again, as the wind scatters masses of clouds,

Verse 25 (7.140.25)

ततोऽवहन्सैन्धवाः साधुदान्ता । गोक्षीरकुन्देन्दुहिमप्रकाशाः । सुवर्णजालावतताः सदश्वा । यतोयतः कामयते नृसिंहः ॥

tato'vahansaindhavāḥ sādhudāntā | gokṣīrakundenduhimaprakāśāḥ | suvarṇajālāvatatāḥ sadaśvā | yatoyataḥ kāmayate nṛsiṃhaḥ

the well-trained Sindhu horses, white as cow's milk, jasmine, the moon and snow, covered with nets of gold, bore him wherever that lion among men wished to go.

Verse 26 (7.140.26)

अथात्मजास्ते सहिताऽभिपेतुः । अन्ये च योधास्त्वरितास्त्वदीयाः । कृत्वा मुखं भारतयोधमुख्यं । दुःशासनं त्वत्सुतमाजमीढ ॥

athātmajāste sahitā'bhipetuḥ | anye ca yodhāstvaritāstvadīyāḥ | kṛtvā mukhaṃ bhāratayodhamukhyaṃ | duḥśāsanaṃ tvatsutamājamīḍha

Then your sons together, and other warriors of yours in haste, rushed forward, O descendant of Ajamidha, making Duhshasana, your son, the foremost fighter of the Bharatas, their front.

Note on the text: Rejoined a word that Wikisource splits across pada lines with a hyphen (अभिपेतु-/रन्ये); each pada now ends in its pausal form (अभिपेतुः / अन्ये).

Verse 27 (7.140.27)

ते सर्वतः सम्परिवार्य सङ्ख्ये । शैनेयमाजघ्नुरनीकसाहाः । स चापि तान्प्रवरः सात्वतानां । न्यवारयद्बाणजालेन वीरः ॥

te sarvataḥ samparivārya saṅkhye | śaineyamājaghnuranīkasāhāḥ | sa cāpi tānpravaraḥ sātvatānāṃ | nyavārayadbāṇajālena vīraḥ

Surrounding Shaineya on every side in the battle, those strong troops struck him; and that foremost of the Satvatas, the hero, held them back with a net of arrows.

Verse 28 (7.140.28)

निवार्य तांस्तूर्णममित्रघाती । नप्ता शिनेः पत्रिभिरग्निकल्पैः । दुःशासनस्याभिजघान वाहान् । जवीयसस्तन्मनसोऽपि बाणैः ॥

nivārya tāṃstūrṇamamitraghātī | naptā śineḥ patribhiragnikalpaiḥ | duḥśāsanasyābhijaghāna vāhān | javīyasastanmanaso'pi bāṇaiḥ

Having quickly held them back, the slayer of foes, Shini's grandson, struck down Duhshasana's horses, swifter than thought, with his fiery arrows.

Note on the text: Rejoined a word that Wikisource splits across pada lines with a hyphen (वाहा-/ञ्जवीयसः); each pada now ends in its pausal form (वाहान् / जवीयसः). Lines 3-4 differ from CE 7.115.24cd (duḥśāsanasyāpi jaghāna vāhān udyamya bāṇāsanam ājamīḍha), a recension variant.

Verse 29 (7.140.29)

ततोऽर्जुनो हर्षमवाप सङ्ख्ये । कृष्णश्च दृष्ट्वा पुरुषप्रवीरम् ॥

tato'rjuno harṣamavāpa saṅkhye | kṛṣṇaśca dṛṣṭvā puruṣapravīram

Then Arjuna felt joy in the battle, and Krishna too, on seeing that hero among men.

Note on the text: Not in the critical edition's main text; star passage 7.115.24d*0925_01-02 (printed after 7.115.24). The automatic alignment found no match.