Karna Spares Bhima, and Arjuna Drives Karna Off

Verse 1 (7.139.1)

ततः कर्णो महाराज भीमं विद्ध्वा त्रिभिः शरैः । पुनश्च षड्भिस्तीक्ष्णाग्रैरविध्यत्कङ्कपत्रिभिः । मुमोच शरवर्षाणि विचित्राणि बहूनि च ॥

tataḥ karṇo mahārāja bhīmaṃ viddhvā tribhiḥ śaraiḥ | punaśca ṣaḍbhistīkṣṇāgrairavidhyatkaṅkapatribhiḥ | mumoca śaravarṣāṇi vicitrāṇi bahūni ca

Then, O great king, Karna pierced Bhima with three arrows, and again with six sharp, heron-feathered ones, and loosed many more showers of arrows of every kind.

Note on the text: Removed the stray wiki quote marks (backtick and apostrophe). Removed a stray zero-width non-joiner in षड्भिः. Corrected विद्धा → विद्ध्वा (misprint in Wikisource; dropped conjunct; the CE reads viddhvā). Corrected शूरैः → शरैः (misprint in Wikisource; ू for अ; the CE reads śaraiḥ, "arrows"). Lines 1 and 3 are CE 7.114.1a and 1c; line 2 (the CE reads caturbhiḥ for ṣaḍbhiḥ) is the CE star passage 7.114.1b*0893_01. The automatic alignment found no match.

Verse 2 (7.139.2)

वध्यमानो महाबाहुः सूतपुत्रेण पाण्डवः । न विव्यथे भीमसेनो भिद्यमान इवाचलः ॥

vadhyamāno mahābāhuḥ sūtaputreṇa pāṇḍavaḥ | na vivyathe bhīmaseno bhidyamāna ivācalaḥ

Though struck by the charioteer's son, the mighty-armed Pandava Bhimasena did not flinch, like a mountain being pierced.

Verse 3 (7.139.3)

स कर्णं कर्णिना कर्णे पीतेन निशितेन च । विव्याध सुभृशं सङ्ख्ये तैलधौतेन मारिष ॥

sa karṇaṃ karṇinā karṇe pītena niśitena ca | vivyādha subhṛśaṃ saṅkhye tailadhautena māriṣa

In that battle, my lord, he pierced Karna deeply in the ear with a sharp, yellow, barbed arrow washed in oil.

Note on the text: Line 1 = CE 7.114.3a; line 2 = CE star passage 7.114.3d*0894_01 (the CE's own line 7.114.3c, "vivyādha yudhi rājendra bhīmasenaḥ patatriṇā", is not on the page). The automatic alignment found no match.

Verse 4 (7.139.4)

स कुण्डलं महच्चारु कर्णस्यापातयद्भुवि । तपनीयं महाराज दीप्तं ज्योतिरिवाम्बरात् ॥

sa kuṇḍalaṃ mahaccāru karṇasyāpātayadbhuvi | tapanīyaṃ mahārāja dīptaṃ jyotirivāmbarāt

He struck Karna's large and lovely golden earring to the ground, O great king, blazing like a light fallen from the sky.

Verse 5 (7.139.5)

अथापरेण भल्लेन सूतपुत्रं स्तनान्तरे । आजघान भृशं क्रुद्धो हसन्निव वृकोदरः ॥

athāpareṇa bhallena sūtaputraṃ stanāntare | ājaghāna bhṛśaṃ kruddho hasanniva vṛkodaraḥ

Then Vrikodara, furious, struck the charioteer's son hard between the breasts with another broad-headed arrow, as if laughing.

Verse 6 (7.139.6)

पुनरस्य त्वरन्भीमो नाराचान्दश भारत । रणे प्रैषीन्महाबाहुर्निर्मुक्ताशीविषोपमान् ॥

punarasya tvaranbhīmo nārācāndaśa bhārata | raṇe praiṣīnmahābāhurnirmuktāśīviṣopamān

Again, O Bharata, the mighty-armed Bhima hurriedly sent ten nārāca arrows at him in the battle, like venomous snakes that have shed their skins.

Note on the text: Corrected भीपो → भीमो (misprint in Wikisource; प for म; the CE reads bhīmo). Line 1 = CE 7.114.6a; line 2 is a variant of CE 7.114.6c (raṇe praiṣīn mahāvegān yamadaṇḍopamāṃs tathā), kept. The automatic alignment found no match.

Verse 7 (7.139.7)

ते ललाटं विनिर्भिद्य सूतपुत्रस्य भारत । विविशुश्चोदितास्तेन वल्मीकमिव पन्नगाः ॥

te lalāṭaṃ vinirbhidya sūtaputrasya bhārata | viviśuścoditāstena valmīkamiva pannagāḥ

Piercing the forehead of the charioteer's son, O Bharata, driven by him, they entered it as serpents enter an anthill.

Verse 8 (7.139.8)

ललाटस्थैस्ततो बाणैः सूतपुत्रो व्यरोचत । नीलोत्पलमयीं मालां धारयन्वै यथा पुरा ॥

lalāṭasthaistato bāṇaiḥ sūtaputro vyarocata | nīlotpalamayīṃ mālāṃ dhārayanvai yathā purā

With those arrows lodged in his forehead the charioteer's son shone, as though he wore, as before, a garland of blue lotuses.

Verse 9 (7.139.9)

सोऽतिविद्धो भृशं कर्णः पाण्डवेन तरस्विना । रथकूबरमालम्ब्य न्यमीलयत लोचने ॥

so'tividdho bhṛśaṃ karṇaḥ pāṇḍavena tarasvinā | rathakūbaramālambya nyamīlayata locane

Gravely wounded by the vigorous Pandava, Karna clung to the pole of his chariot and closed his eyes.

Note on the text: Not in the critical edition's main text; star passage 7.114.8d*0896_01-02 (placed after 7.114.8). The automatic alignment found no match.

Verse 10 (7.139.10)

स मुहूर्तात्पुनः संज्ञां लेभे कर्णः परन्तपः । रुधिरोक्षितसर्वाङ्गः क्रोधमाहारयत्परम् ॥

sa muhūrtātpunaḥ saṃjñāṃ lebhe karṇaḥ parantapaḥ | rudhirokṣitasarvāṅgaḥ krodhamāhārayatparam

After a moment Karna, scorcher of foes, regained consciousness, his whole body drenched in blood, and was seized by great rage.

Note on the text: Not in the critical edition's main text; star passage 7.114.8d*0896_03-04 (placed after 7.114.8). The automatic alignment found no match.

Verse 11 (7.139.11)

ततः क्रुद्धो रणे कर्णः पीडितो दृढधन्वना । वेगं चक्रे महावेगो भीमसेनरथं प्रति ॥

tataḥ kruddho raṇe karṇaḥ pīḍito dṛḍhadhanvanā | vegaṃ cakre mahāvego bhīmasenarathaṃ prati

Then Karna, enraged in the battle and tormented by the firm-bowed Bhima, with great speed made a rush at Bhimasena's chariot.

Verse 12 (7.139.12)

तस्मै कर्णः शतं राजन्निषूणां गार्ध्रवाससाम् । अमर्षी बलवान्क्रुद्धः प्रेषयामास भारत ॥

tasmai karṇaḥ śataṃ rājanniṣūṇāṃ gārdhravāsasām | amarṣī balavānkruddhaḥ preṣayāmāsa bhārata

At him, O king, O Bharata, the impatient, mighty and furious Karna sent a hundred arrows fletched with vulture feathers.

Verse 13 (7.139.13)

ततः प्रासृजदुग्राणि शरवर्षाणि पाण्डवः । समरे तमनादृत्य तस्य वीर्यमचिन्तयन् ॥

tataḥ prāsṛjadugrāṇi śaravarṣāṇi pāṇḍavaḥ | samare tamanādṛtya tasya vīryamacintayan

Then the Pandava let fly fierce showers of arrows, paying him no heed in the battle and giving no thought to his prowess.

Verse 14 (7.139.14)

कर्णस्ततो महाराज पाण्डवं नवभिः शरैः । आजघानोरसि क्रुद्धः क्रुद्धरूपं परन्तप ॥

karṇastato mahārāja pāṇḍavaṃ navabhiḥ śaraiḥ | ājaghānorasi kruddhaḥ kruddharūpaṃ parantapa

Then Karna, O great king, struck the Pandava, who looked furious, on the chest with nine arrows in his rage, O scorcher of foes.

Note on the text: Corrected आजघानोऽसि → आजघानोरसि (misprint in Wikisource; avagraha for र; the CE reads ājaghānorasi, "on the chest").

Verse 15 (7.139.15)

तावुभौ नरशार्दूलौ शार्दूलाविव दंष्ट्रिणौ । शरदंष्ट्रौ समासाद्य ततक्षतुररिन्दमौ । जिमूताविव चान्योन्यं प्रववर्षतुराहवे ॥

tāvubhau naraśārdūlau śārdūlāviva daṃṣṭriṇau | śaradaṃṣṭrau samāsādya tatakṣaturarindamau | jimūtāviva cānyonyaṃ pravavarṣaturāhave

Those two tigers among men, like two fanged tigers, closed with one another, arrows their fangs, and tore at each other, those subduers of foes; and like two clouds they rained upon each other in the fight.

Note on the text: Removed the stray wiki quote marks (backtick and apostrophe). Line 1 = CE star passage 7.114.12d*0898_01; line 2 = CE star passage 7.114.12d*0899_01 (the page reads ततक्षतुररिन्दमौ where the CE reads tatakṣatur anantaram); line 3 = CE 7.114.13a. The automatic alignment found no match.

Verse 16 (7.139.16)

तलशब्दरवैश्चैव त्रासयेतां परस्परम् । शरजालैश्च विविधैस्त्रासयामासतुर्मृधे ॥

talaśabdaravaiścaiva trāsayetāṃ parasparam | śarajālaiśca vividhaistrāsayāmāsaturmṛdhe

They frightened each other with the slap of their palms, and in the battle they terrified each other with volleys of arrows of every kind.

Note on the text: Line 1 = CE 7.114.13c; line 2 = CE 7.114.14a. The automatic alignment found no match.

Verse 17 (7.139.17)

अन्योन्यं समरे क्रुद्धौ कृतप्रतिकृतैषिणौ । ततो भीमो महाबाहुः सूतपुत्रस्य भारत ॥

anyonyaṃ samare kruddhau kṛtapratikṛtaiṣiṇau | tato bhīmo mahābāhuḥ sūtaputrasya bhārata

Furious with each other in the battle, each bent on returning the other's blows, the mighty-armed Bhima then, O Bharata, against the charioteer's son—

Note on the text: Line 1 = CE 7.114.14c; line 2 is a variant of CE 7.114.15a (tato bhīmo mahābāhū rādheyasya mahātmanaḥ), kept; the sentence runs on into the next verse. The automatic alignment found no match.

Verse 18 (7.139.18)

क्षुरप्रेण धनुश्छित्त्वा ननाद परवीरहा । तदपास्य धनुश्छिन्नं सूतपुत्रो महारथः ॥

kṣurapreṇa dhanuśchittvā nanāda paravīrahā | tadapāsya dhanuśchinnaṃ sūtaputro mahārathaḥ

cut his bow with a razor-headed arrow and roared, that slayer of enemy heroes. Casting aside the severed bow, the charioteer's son, the great chariot-warrior,

Note on the text: Line 1 is a variant of CE 7.114.15c (kṣurapreṇa dhanuś chittvā karṇaṃ vivyādha patriṇā) and line 2 a variant of CE 7.114.16a (tad apāsya dhanuś chinnaṃ sūtaputro mahāmanāḥ), kept. The automatic alignment found no match.

Verse 19 (7.139.19)

अन्यत्कार्मुकमादत्त भारघ्नं वेगवत्तरम् । तदप्यथ निमेषार्धाच्चिच्छेदास्य वृकोदरः ॥

anyatkārmukamādatta bhāraghnaṃ vegavattaram | tadapyatha nimeṣārdhāccicchedāsya vṛkodaraḥ

took up another bow, swifter and more powerful; but Vrikodara cut that one too in half an instant.

Note on the text: Line 1 is a variant of CE 7.114.16c (anyat kārmukam ādatta vegaghnaṃ bhārasādhanam), kept; line 2 = CE star passage 7.114.16d*0900_01. The automatic alignment found no match.

Verse 20 (7.139.20)

तृतीयं च चतुर्थं च पञ्चमं षष्ठमेव हि । सप्तमं चाष्टमं चैव नवमं दशमं तथा ॥

tṛtīyaṃ ca caturthaṃ ca pañcamaṃ ṣaṣṭhameva hi | saptamaṃ cāṣṭamaṃ caiva navamaṃ daśamaṃ tathā

The third and the fourth, the fifth and the sixth, the seventh and the eighth, the ninth and the tenth likewise,

Note on the text: Not in the critical edition's main text; star passage 7.114.16d*0900_02-03 (placed after 7.114.16). The automatic alignment found no match.

Verse 21 (7.139.21)

एकादशं द्वादशं च त्रयोदशमथापि च । चतुर्दशं पञ्चदशं षोडशं च वृकोदरः ॥

ekādaśaṃ dvādaśaṃ ca trayodaśamathāpi ca | caturdaśaṃ pañcadaśaṃ ṣoḍaśaṃ ca vṛkodaraḥ

the eleventh and the twelfth, the thirteenth too, the fourteenth, the fifteenth and the sixteenth—Vrikodara

Note on the text: Corrected त्रयोधशम → त्रयोदशम (misprint in Wikisource; ध for द; the CE reads trayodaśam). Not in the critical edition's main text; star passage 7.114.16d*0900_04-05 (placed after 7.114.16). The automatic alignment found no match.

Verse 22 (7.139.22)

तथा सप्तदशं वेगादष्टादशमथापि वा । बहूनि भीमश्चिच्छेद कर्णस्यैवं धनूंषि हि । निमेषार्धात्ततः कर्णो धनुर्हस्तो व्यतिष्ठत ॥

tathā saptadaśaṃ vegādaṣṭādaśamathāpi vā | bahūni bhīmaściccheda karṇasyaivaṃ dhanūṃṣi hi | nimeṣārdhāttataḥ karṇo dhanurhasto vyatiṣṭhata

and swiftly the seventeenth and the eighteenth as well: so Bhima cut down many of Karna's bows. Then in half an instant Karna stood with a bow in his hand again.

Note on the text: Not in the critical edition's main text; star passage 7.114.16d*0900_06-08 (three lines; the CE reads caivam where the page has वेगात्). The automatic alignment found no match.

Verse 23 (7.139.23)

दृष्ट्वा स कुरुसौवीरसिन्धुवीरबलक्षयम् । स वर्मध्वजशस्त्रैश्च पतितैः संवृतां महीम् ॥

dṛṣṭvā sa kurusauvīrasindhuvīrabalakṣayam | sa varmadhvajaśastraiśca patitaiḥ saṃvṛtāṃ mahīm

Seeing the destruction of the Kuru, Sauvira and Sindhu warriors, and the earth covered with fallen armour, banners and weapons,

Verse 24 (7.139.24)

रथैर्विमथितैर्भल्लैरश्वैश्चान्यैः प्रवल्गितैः । भ्रष्टश्रीकैर्नरवरैः पांसुकुण्ठितमूर्धजैः ॥

rathairvimathitairbhallairaśvaiścānyaiḥ pravalgitaiḥ | bhraṣṭaśrīkairnaravaraiḥ pāṃsukuṇṭhitamūrdhajaiḥ

with chariots shattered by broad-headed arrows, with horses and others bounding about, with the best of men robbed of their splendour and their hair clotted with dust,

Note on the text: Removed the stray wiki quote marks (backtick and apostrophe). Not in the critical edition's main text; star passage 7.114.17d*0901_01-02 (the CE reads bhagnair … pravegitaiḥ for the page's भल्लैः … प्रवल्गितैः), placed after 7.114.17. The automatic alignment found no match.

Verse 25 (7.139.25)

हस्त्यश्वरथदेहांश्च गतासून्प्रेक्ष्य सर्वशः । सूतपुत्रस्य संरम्भाद्दीप्तं वपुरजायत ॥

hastyaśvarathadehāṃśca gatāsūnprekṣya sarvaśaḥ | sūtaputrasya saṃrambhāddīptaṃ vapurajāyata

and seeing on every side the lifeless bodies of elephants, horses and chariots, the body of the charioteer's son blazed with rage.

Verse 26 (7.139.26)

स विष्फार्य महच्चापं कार्तस्वरविभूषितम् । भीमं प्रैक्षत राधेयो घोरं घोरेण चक्षुषा ॥

sa viṣphārya mahaccāpaṃ kārtasvaravibhūṣitam | bhīmaṃ praikṣata rādheyo ghoraṃ ghoreṇa cakṣuṣā

Stretching his great bow, adorned with gold, Radha's son looked at Bhima with a terrible gaze.

Verse 27 (7.139.27)

ततः क्रुद्धः शरानस्यन्सूतपुत्रो व्यरोचत । मध्यन्दिनगतोऽर्चिष्माञ्शरदीव दिवाकरः ॥

tataḥ kruddhaḥ śarānasyansūtaputro vyarocata | madhyandinagato'rciṣmāñśaradīva divākaraḥ

Then the charioteer's son, enraged, shooting arrows, shone like the blazing sun at midday in autumn.

Note on the text: Corrected व्यरो चत → व्यरोचत (misprint in Wikisource; stray space inside the word).

Verse 28 (7.139.28)

मरीचिविकचस्येव राजन्भानुमतो वपुः । आसीदाधिरथेर्घोरं वपुः शरशताचितम् ॥

marīcivikacasyeva rājanbhānumato vapuḥ | āsīdādhiratherghoraṃ vapuḥ śaraśatācitam

The form of the Adhiratha's son, O king, covered with hundreds of arrows, looked terrible, like the body of the sun with its rays spread wide.

Verse 29 (7.139.29)

कराभ्यामाददानस्य सन्दधानस्य चाशुगान् । कर्षतो मुञ्चतो बाणान्नान्तरं ददृशे रणे ॥

karābhyāmādadānasya sandadhānasya cāśugān | karṣato muñcato bāṇānnāntaraṃ dadṛśe raṇe

As he took up arrows with both hands, fitted them, drew and loosed them, no gap could be seen in the battle.

Verse 30 (7.139.30)

अग्निचक्रोपमं घोरं मण्डलीकृतमायुधम् । कर्णस्यासीन्महीपाल सव्यं दक्षिणमस्यतः ॥

agnicakropamaṃ ghoraṃ maṇḍalīkṛtamāyudham | karṇasyāsīnmahīpāla savyaṃ dakṣiṇamasyataḥ

His bow, drawn into a circle as he shot to left and right, looked terrible like a wheel of fire, O lord of the earth.

Verse 31 (7.139.31)

स्वर्णपुङ्खाः सुनिशिताः कर्णचापच्युताः शराः । प्राच्छादयन्महाराज दिशः सूर्य इवांशुभिः ॥

svarṇapuṅkhāḥ suniśitāḥ karṇacāpacyutāḥ śarāḥ | prācchādayanmahārāja diśaḥ sūrya ivāṃśubhiḥ

Sharp golden-feathered arrows loosed from Karna's bow covered the quarters, O great king, as the sun covers them with its rays.

Note on the text: Corrected कर्मचापच्युताः → कर्णचापच्युताः (misprint in Wikisource; म for ण; the CE reads karṇacāpacyutāḥ).

Verse 32 (7.139.32)

ततः कनकपुङ्खानां शराणां नतपर्वणाम् । धनुश्च्युतानां वियति ददृशे बहुधा व्रजः ॥

tataḥ kanakapuṅkhānāṃ śarāṇāṃ nataparvaṇām | dhanuścyutānāṃ viyati dadṛśe bahudhā vrajaḥ

Then a flight of golden-feathered, straight-jointed arrows shot from the bow was seen in the sky in many groups.

Verse 33 (7.139.33)

बाणासनादाधिरथेः प्रभवन्ति स्म सायकाः । श्रेणीकृता व्यरोचन्त राजन्क्रौञ्चा इवाम्बरे ॥

bāṇāsanādādhiratheḥ prabhavanti sma sāyakāḥ | śreṇīkṛtā vyarocanta rājankrauñcā ivāmbare

Arrows streaming from the Adhiratha's son's bow shone in rows, O king, like lines of cranes in the sky.

Verse 34 (7.139.34)

गार्ध्रपत्राञ्शिलाधौतान्कार्तस्वरविभूषितान् । महावेगान्प्रदीप्ताग्रान्मुमोचाधिरथिः शरान् ॥

gārdhrapatrāñśilādhautānkārtasvaravibhūṣitān | mahāvegānpradīptāgrānmumocādhirathiḥ śarān

The Adhiratha's son loosed arrows fletched with vulture feathers, whetted on stone, adorned with gold, very swift, with blazing tips.

Verse 35 (7.139.35)

ते तु चापबलोद्धूताः शातकुम्भविभूषिताः । अजस्रमपतन्बाणा भीमसेनरथं प्रति ॥

te tu cāpabaloddhūtāḥ śātakumbhavibhūṣitāḥ | ajasramapatanbāṇā bhīmasenarathaṃ prati

Driven by the force of his bow and decked with gold, those arrows fell ceaselessly toward Bhimasena's chariot.

Verse 36 (7.139.36)

ते व्योम्नि रुक्मविकृता व्यकाशन्त सहस्रशः । शलभानामिव व्राताः शराः कर्णसमीरिताः ॥

te vyomni rukmavikṛtā vyakāśanta sahasraśaḥ | śalabhānāmiva vrātāḥ śarāḥ karṇasamīritāḥ

Gilded with gold, those arrows sent by Karna shone in the sky by thousands, like swarms of locusts.

Verse 37 (7.139.37)

चापादाधिरथेर्मुक्ताः प्रपतन्तश्चकाशिरे । एको दीर्घ इवात्यर्थमाकाशे संस्थितः शरः ॥

cāpādādhirathermuktāḥ prapatantaścakāśire | eko dīrgha ivātyarthamākāśe saṃsthitaḥ śaraḥ

Loosed from the Adhiratha's son's bow, the falling arrows shone as though a single, exceedingly long arrow stood in the sky.

Note on the text: Line 1 = CE 7.114.30a; line 2 is a variant of CE 7.114.30c (eko dīrgha iva prāṃśuḥ prabhavan dṛśyate śaraḥ), kept. The automatic alignment found no match.

Verse 38 (7.139.38)

पर्वतं वारिधाराभिच्छादयन्निव तोयदः । कर्णः प्राच्छादयत्क्रुद्धो भीमं सायकवृष्टिभिः ॥

parvataṃ vāridhārābhicchādayanniva toyadaḥ | karṇaḥ prācchādayatkruddho bhīmaṃ sāyakavṛṣṭibhiḥ

As a cloud covers a mountain with streams of water, so Karna in fury covered Bhima with showers of arrows.

Verse 39 (7.139.39)

तत्र भारत भीमस्य बलं वीर्यं पराक्रमम् । व्यवसायं च पुत्रास्ते ददृशुः सहसैनिकाः ॥

tatra bhārata bhīmasya balaṃ vīryaṃ parākramam | vyavasāyaṃ ca putrāste dadṛśuḥ sahasainikāḥ

There, O Bharata, your sons and their soldiers saw Bhima's strength, valour, prowess and resolve.

Verse 40 (7.139.40)

तां समुद्रमिवोद्भूतां शरवृष्टिं समुत्थिताम् । अचिन्तयित्वा भीमस्तु क्रुद्धः कर्णमुपाद्रवत् ॥

tāṃ samudramivodbhūtāṃ śaravṛṣṭiṃ samutthitām | acintayitvā bhīmastu kruddhaḥ karṇamupādravat

Paying no heed to that surging, sea-like shower of arrows, Bhima, enraged, rushed at Karna.

Verse 41 (7.139.41)

रुक्मपृष्ठं महच्चापं भीमस्यासीद्विशाम्पते । आकर्षान्मण्डलीभूतं शक्रचापमिवापरम् । तस्माच्छराः प्रादुरासन्पूरयन्त इवाम्बरम् ॥

rukmapṛṣṭhaṃ mahaccāpaṃ bhīmasyāsīdviśāmpate | ākarṣānmaṇḍalībhūtaṃ śakracāpamivāparam | tasmāccharāḥ prādurāsanpūrayanta ivāmbaram

Bhima's great gold-backed bow, O lord of the people, drawn back into a circle, looked like a second rainbow, and arrows poured from it as though filling the sky.

Verse 42 (7.139.42)

सुवर्णपुङ्खैर्भीमेन सायकैर्नतपर्वभिः । गगने रचिता माला काञ्चनीव व्यरोचत ॥

suvarṇapuṅkhairbhīmena sāyakairnataparvabhiḥ | gagane racitā mālā kāñcanīva vyarocata

With Bhima's golden-feathered, straight-jointed arrows a garland formed in the sky, shining like a garland of gold.

Note on the text: Corrected व्यरोचतं → व्यरोचत (misprint in Wikisource; stray anusvara on a finite verb).

Verse 43 (7.139.43)

ततो व्योम्नि विषक्तानि शरजालानि भागशः । आहतानि व्यशीर्यन्त भीमसेनस्य पत्रिभिः ॥

tato vyomni viṣaktāni śarajālāni bhāgaśaḥ | āhatāni vyaśīryanta bhīmasenasya patribhiḥ

Then the nets of arrows hanging in the sky were struck by Bhimasena's feathered shafts and shattered in pieces.

Verse 44 (7.139.44)

कर्णस्य शरजालौघैर्भीमसेनस्य चोभयोः । अग्निस्फुलिङ्गसंस्पर्शैरञ्जोगतिभिराहवे । तैस्तैः कनकपुङ्खानां द्यौरासीत्संवृता व्रजैः ॥

karṇasya śarajālaughairbhīmasenasya cobhayoḥ | agnisphuliṅgasaṃsparśairañjogatibhirāhave | taistaiḥ kanakapuṅkhānāṃ dyaurāsītsaṃvṛtā vrajaiḥ

With the masses of arrow-nets of Karna and of Bhimasena both, touching like sparks of fire and flying straight in the battle, the sky was covered with swarms of their gold-feathered arrows.

Verse 45 (7.139.45)

न स्म सूर्यस्तदा भाति न स्म वाति समीरणः । शरजालावृते व्योम्नि न प्राज्ञायत किञ्चन ॥

na sma sūryastadā bhāti na sma vāti samīraṇaḥ | śarajālāvṛte vyomni na prājñāyata kiñcana

Then the sun did not shine and the wind did not blow; with the sky shrouded in nets of arrows, nothing could be made out.

Note on the text: Not in the critical edition's main text; star passage 7.114.37f*0902_01-02 (placed after 7.114.37). The automatic alignment found no match.

Verse 46 (7.139.46)

स भीमं छादयन्बाणैः सूतपुत्रः पृथग्विधैः । उपारोहदनादृत्य तस्य वीर्यं महात्मनः ॥

sa bhīmaṃ chādayanbāṇaiḥ sūtaputraḥ pṛthagvidhaiḥ | upārohadanādṛtya tasya vīryaṃ mahātmanaḥ

Covering Bhima with arrows of different kinds, the charioteer's son pressed close upon him, heedless of the great-souled man's might.

Note on the text: Corrected भिमं → भीमं (misprint in Wikisource; short vowel for long; the CE reads bhīmaṃ).

Verse 47 (7.139.47)

तयोर्विसृजतोस्तत्र शरजालानि मारिष । वायुभूतान्यदृश्यन्त संसक्तानीतरेतरम् ॥

tayorvisṛjatostatra śarajālāni māriṣa | vāyubhūtānyadṛśyanta saṃsaktānītaretaram

As the two loosed their nets of arrows there, my lord, those nets became swift as the wind and were seen locked together.

Verse 48 (7.139.48)

अन्योन्यशरसंसम्पर्शात्तयोर्मनुजसिंहयोः । आकाशे भरतश्रेष्ठ पावकः समजायत ॥

anyonyaśarasaṃsamparśāttayormanujasiṃhayoḥ | ākāśe bharataśreṣṭha pāvakaḥ samajāyata

From the clash of each other's arrows between those two lions among men, fire was born in the sky, O best of the Bharatas.

Note on the text: Not in the critical edition's main text; star passage 7.114.39d*0903_01-02 (placed after 7.114.39). The automatic alignment found no match.

Verse 49 (7.139.49)

तथा कर्णः शितान्बाणान्कर्मारपरिमार्जितान् । सुवर्णविकृतान्क्रुद्धः प्राहिणोद्वधकाङ्क्षया ॥

tathā karṇaḥ śitānbāṇānkarmāraparimārjitān | suvarṇavikṛtānkruddhaḥ prāhiṇodvadhakāṅkṣayā

Then Karna, in anger and wishing to kill him, sent sharp arrows polished by the smith and adorned with gold.

Verse 50 (7.139.50)

तानन्तरिक्षे विशिखैस्त्रिधैकैकमशातयत् । विशेषयन्सूतपुत्रं भीमस्तिष्ठेति चाब्रवीत् ॥

tānantarikṣe viśikhaistridhaikaikamaśātayat | viśeṣayansūtaputraṃ bhīmastiṣṭheti cābravīt

In the air Bhima cut each of them into three with his arrows, outdoing the charioteer's son, and said, "Stand!"

Verse 51 (7.139.51)

पुनश्चासृजदुग्राणि शरवर्षाणि पाण्डवः । अमर्षी बलवान्क्रुद्धो दिधक्षन्निव पावकः ॥

punaścāsṛjadugrāṇi śaravarṣāṇi pāṇḍavaḥ | amarṣī balavānkruddho didhakṣanniva pāvakaḥ

The Pandava, impatient, strong and furious, again loosed fierce showers of arrows, like a fire that wishes to burn.

Note on the text: Corrected क्रुद्धौ → क्रुद्धो (misprint in Wikisource; औ for ो; the CE reads kruddho). Lines 1 and 2 are CE 7.114.42a and 42c. The automatic alignment found no match.

Verse 52 (7.139.52)

ततश्चटचटाशब्दो गोधाघातादभूत्तयोः ॥

tataścaṭacaṭāśabdo godhāghātādabhūttayoḥ

Then a crackling sound rose between them, like the slap of the lizard-hide arm-guard.

Note on the text: Not in the critical edition's main text; Appendix I no. 12, line 1 (printed in the CE file as 07,114.042d@012_0001, after 7.114.42). The page prints only this one line for number 52. The automatic alignment found no match.

Verse 53 (7.139.53)

तलशब्दश्च सुमहान्सिंहनादश्च भैरवः । रथनेमिनिनादश्च ज्याशब्दश्चैव दारुणः ॥

talaśabdaśca sumahānsiṃhanādaśca bhairavaḥ | rathanemininādaśca jyāśabdaścaiva dāruṇaḥ

And there was a very great sound of slapping palms, a dreadful lion's roar, the rumble of chariot wheels, and the harsh twang of bowstrings.

Note on the text: Corrected सुभहान् → सुमहान् (misprint in Wikisource; भ for म; the CE reads sumahān). Not in the critical edition's main text; Appendix I no. 12, lines 2-3 (07,114.042d@012_0002-0003, after 7.114.42). The automatic alignment found no match.

Verse 54 (7.139.54)

योधा व्युपारमन्युद्धाद्दिदृक्षन्तः पराक्रमम् । कर्णपाण्डवयो राजन्परस्परवधैषिणोः ॥

yodhā vyupāramanyuddhāddidṛkṣantaḥ parākramam | karṇapāṇḍavayo rājanparasparavadhaiṣiṇoḥ

The warriors, wishing to see the prowess of Karna and the Pandava, who sought each other's death, O king, stopped fighting.

Note on the text: Not in the critical edition's main text; Appendix I no. 12, lines 4-5 (07,114.042d@012_0004-0005, after 7.114.42). The automatic alignment found no match.

Verse 55 (7.139.55)

देवर्षिसिद्धगन्धर्वाः साधुसाध्वित्यपूजयन् । मुमुचुः पुष्पवर्षं च विद्याधरगणास्तथा ॥

devarṣisiddhagandharvāḥ sādhusādhvityapūjayan | mumucuḥ puṣpavarṣaṃ ca vidyādharagaṇāstathā

Divine sages, Siddhas and Gandharvas applauded, saying "Well done, well done!", and hosts of Vidyadharas showered flowers.

Note on the text: Not in the critical edition's main text; Appendix I no. 12, lines 6-7 (07,114.042d@012_0006-0007, after 7.114.42). The automatic alignment found no match.

Verse 56 (7.139.56)

ततो भीमो महाबाहुः संरम्भी दृढविक्रमः । अस्त्रैरस्त्राणि संवार्य शरैर्विव्याध सूतजम् ॥

tato bhīmo mahābāhuḥ saṃrambhī dṛḍhavikramaḥ | astrairastrāṇi saṃvārya śarairvivyādha sūtajam

Then the mighty-armed Bhima, furious and firm in valour, parrying Karna's missiles with his own, pierced the charioteer's son with arrows.

Note on the text: Not in the critical edition's main text; Appendix I no. 12, lines 8-9 (07,114.042d@012_0008-0009, after 7.114.42). The automatic alignment found no match.

Verse 57 (7.139.57)

कर्णोऽपि भीमसेनस्य निवार्येषून्महाबलः । प्राहिणोन्नव नाराचानाशीविषसमान्रणे ॥

karṇo'pi bhīmasenasya nivāryeṣūnmahābalaḥ | prāhiṇonnava nārācānāśīviṣasamānraṇe

Mighty Karna too, warding off Bhimasena's arrows, sent nine nārāca arrows like venomous snakes in the battle.

Note on the text: Not in the critical edition's main text; Appendix I no. 12, lines 10-11 (07,114.042d@012_0010-0011, after 7.114.42). The automatic alignment found no match.

Verse 58 (7.139.58)

तावद्भिरथ तान्भीमो व्योम्नि चिच्छेद पत्रिभिः । नाराचान्सूतपुत्रस्य तिष्ठतिष्ठेति चाब्रवीत् ॥

tāvadbhiratha tānbhīmo vyomni ciccheda patribhiḥ | nārācānsūtaputrasya tiṣṭhatiṣṭheti cābravīt

Bhima cut as many of the charioteer's son's nārācas in the sky with his feathered shafts, saying, "Stand, stand!"

Note on the text: Corrected सूत पुत्रस्य → सूतपुत्रस्य (misprint in Wikisource; stray space inside the compound). Not in the critical edition's main text; Appendix I no. 12, lines 12-13 (07,114.042d@012_0012-0013, after 7.114.42). The automatic alignment found no match.

Verse 59 (7.139.59)

ततो भीमो महाबाहुः शरं क्रुद्धान्तकोपमम् । मुमोचाधिरथेर्वीरो यमदण्डमिवापरम् ॥

tato bhīmo mahābāhuḥ śaraṃ kruddhāntakopamam | mumocādhirathervīro yamadaṇḍamivāparam

Then the mighty-armed hero Bhima loosed at the Adhiratha's son an arrow like angry Death, like a second staff of Yama.

Note on the text: Not in the critical edition's main text; Appendix I no. 12, lines 14-15 (07,114.042d@012_0014-0015, after 7.114.42). The automatic alignment found no match.

Verse 60 (7.139.60)

तमापतन्तं चिच्छेद राधेयः प्रहसन्निव । त्रिभिः शरैः शरं राजन्पाण्डवस्य प्रतापवान् ॥

tamāpatantaṃ ciccheda rādheyaḥ prahasanniva | tribhiḥ śaraiḥ śaraṃ rājanpāṇḍavasya pratāpavān

Mighty Radha's son cut down the Pandava's arrow as it came, with three arrows, O king, as if smiling.

Note on the text: Not in the critical edition's main text; Appendix I no. 12, lines 16-17 (07,114.042d@012_0016-0017, after 7.114.42). The automatic alignment found no match.

Verse 61 (7.139.61)

पुनश्चासृजदुग्राणि शरवर्षाणि पाण्डवः । तस्य तान्याददे कर्णः सर्वाण्यस्त्राण्यभीतवत् । युध्यमानस्य भीमस्य सूतपुत्रोऽस्त्रमायया ॥

punaścāsṛjadugrāṇi śaravarṣāṇi pāṇḍavaḥ | tasya tānyādade karṇaḥ sarvāṇyastrāṇyabhītavat | yudhyamānasya bhīmasya sūtaputro'stramāyayā

The Pandava again loosed fierce showers of arrows; but Karna, as though unafraid, took away all those missiles of the fighting Bhima by the magic of his own weapons.

Note on the text: Line 1 = Appendix I no. 12, line 18 (07,114.042d@012_0018; it repeats CE 7.114.42a); lines 2 and 3 are CE 7.114.43a and 43c. The automatic alignment found no match.

Verse 62 (7.139.62)

तस्येषुधी धनुर्ज्यां च बाणैः सन्नतपर्वभिः । रश्मीन्योक्त्राणि चाश्वानां क्रुद्धः कर्णोऽच्छिनन्मृधे ॥

tasyeṣudhī dhanurjyāṃ ca bāṇaiḥ sannataparvabhiḥ | raśmīnyoktrāṇi cāśvānāṃ kruddhaḥ karṇo'cchinanmṛdhe

In his rage Karna cut his quivers, his bowstring, and the horses' reins and traces in the battle with straight-jointed arrows.

Verse 63 (7.139.63)

तस्याश्वांश्च पुनर्हत्वा सूतं विव्याध पञ्चभिः । सोऽपसृत्य द्रुतं सूतो युधामन्यो रथं ययौ ॥

tasyāśvāṃśca punarhatvā sūtaṃ vivyādha pañcabhiḥ | so'pasṛtya drutaṃ sūto yudhāmanyo rathaṃ yayau

Then, killing his horses again, he pierced the charioteer with five arrows; the charioteer quickly withdrew and went to Yudhamanyu's chariot.

Note on the text: Corrected सोपसृत्य → सोऽपसृत्य (misprint in Wikisource; missing avagraha; the CE reads so 'vaplutya). Line 1 is a variant of CE 7.114.45a (athāsyāśvān punar hatvā tribhir vivyādha sārathim; the page has पञ्चभिः) and line 2 a variant of CE 7.114.45c (so 'vaplutya drutaṃ sūto yuyudhānarathaṃ yayau; the page has युधामन्यो, "Yudhamanyu", kept). The automatic alignment found no match.

Verse 64 (7.139.64)

विहसन्निव भीमस्य क्रुद्धः कालानलद्युतिः । ध्वजं चिच्छेद राधेयः पताकां च व्यपातयत् ॥

vihasanniva bhīmasya kruddhaḥ kālānaladyutiḥ | dhvajaṃ ciccheda rādheyaḥ patākāṃ ca vyapātayat

Smiling, as it were, Radha's son, furious and blazing like the fire of dissolution, cut down Bhima's banner and threw down his pennant.

Verse 65 (7.139.65)

स विधन्वा महाबाहुरथ शक्तिं परामृशत् । तां व्यवासृजदाविध्य क्रुद्धः कर्णरथं प्रति ॥

sa vidhanvā mahābāhuratha śaktiṃ parāmṛśat | tāṃ vyavāsṛjadāvidhya kruddhaḥ karṇarathaṃ prati

Bowless, the mighty-armed Bhima then grasped a spear, whirled it, and hurled it in fury at Karna's chariot.

Verse 66 (7.139.66)

तामाधिरथिरायस्तः शक्तिं काञ्चनभूषणाम् । आपतन्तीं महोल्काभां चिच्छेद दशभिः शरैः ॥

tāmādhirathirāyastaḥ śaktiṃ kāñcanabhūṣaṇām | āpatantīṃ maholkābhāṃ ciccheda daśabhiḥ śaraiḥ

The Adhiratha's son, exerting himself, cut with ten arrows that spear adorned with gold, as it flew like a great meteor.

Verse 67 (7.139.67)

साऽपतद्दशधा छिन्ना कर्णस्य निशितैः शरैः । अस्यतः सूतपुत्रस्य मित्रार्थे चित्रयोधिनः ॥

sā'pataddaśadhā chinnā karṇasya niśitaiḥ śaraiḥ | asyataḥ sūtaputrasya mitrārthe citrayodhinaḥ

Cut into ten pieces by the sharp arrows of Karna, it fell, as the charioteer's son, a wondrous fighter, shot for his friend's sake.

Note on the text: Corrected दृशधा → दशधा (misprint in Wikisource; ृ for अ; the CE reads daśadhā).

Verse 68 (7.139.68)

स चर्मादत्त कौन्तेयो जातरूपपरिष्कृतम् । खड्गं चान्यतरप्रेप्सुर्जयं मरणमेव वा ॥

sa carmādatta kaunteyo jātarūpapariṣkṛtam | khaḍgaṃ cānyataraprepsurjayaṃ maraṇameva vā

The son of Kunti took up a gold-adorned shield and a sword, wanting one or the other, victory or death.

Note on the text: Corrected खङ्गं → खड्गं (misprint in Wikisource; ङ्ग for ड्ग). Lines 1 and 2 are CE 7.114.50a and 50c (the CE reads mṛtyor agre jayasya vā in line 2, a variant). The automatic alignment found no match.

Verse 69 (7.139.69)

तदस्य तरसा क्रुद्धो व्यधमच्चर्म सुप्रभम् । शरैर्बहुभिरत्युग्रैः प्रहसन्निव भारत ॥

tadasya tarasā kruddho vyadhamaccarma suprabham | śarairbahubhiratyugraiḥ prahasanniva bhārata

Furious, Karna swiftly shattered his shining shield with many terrible arrows, smiling as it were, O Bharata.

Note on the text: Line 1 is a variant of CE 7.114.50e (tad asya sahasā karṇo vyadhamat prahasann iva); line 2 = CE star passage 7.114.50f*0904_01. The automatic alignment found no match.

Verse 70 (7.139.70)

स विचर्मा महाराज विरथः क्रोधमूर्च्छितः । असिं प्रासृजदाविध्य त्वरन्कर्णरथं प्रति ॥

sa vicarmā mahārāja virathaḥ krodhamūrcchitaḥ | asiṃ prāsṛjadāvidhya tvarankarṇarathaṃ prati

Shieldless and chariotless, O great king, stunned with rage, he whirled a sword and hastily hurled it at Karna's chariot.

Verse 71 (7.139.71)

स धनुः सूतपुत्रस्य सज्यं छित्त्वा महानसिः । पपात भुवि राजेन्द्र क्रुद्धः सर्प इवाम्बरात् ॥

sa dhanuḥ sūtaputrasya sajyaṃ chittvā mahānasiḥ | papāta bhuvi rājendra kruddhaḥ sarpa ivāmbarāt

That great sword, cutting the charioteer's son's strung bow, fell to the ground, O king of kings, like a furious snake falling from the sky.

Note on the text: Line 1 is a variant of CE 7.114.52a (sa dhanuḥ sūtaputrasya chittvā jyāṃ ca susaṃśitaḥ) and line 2 of CE 7.114.52c (apatad bhuvi nistriṃśaś cyutaḥ sarpa ivāmbarāt), kept. The automatic alignment found no match.

Verse 72 (7.139.72)

ततः प्रहस्याधिरथिरन्यदादाय कार्मुकम् । शत्रुघ्नं समरे क्रुद्धो दृढज्यं वेगवत्तरम् ॥

tataḥ prahasyādhirathiranyadādāya kārmukam | śatrughnaṃ samare kruddho dṛḍhajyaṃ vegavattaram

Then the Adhiratha's son, smiling, took up another bow, a foe-slaying, firmly strung and very swift one, enraged in the battle,

Verse 73 (7.139.73)

व्यायच्छत्स शरान्कर्णः कुन्तीपुत्रजिघांसया । सहस्रशो महाराज रुक्मपुङ्खान्सुतेजनान् ॥

vyāyacchatsa śarānkarṇaḥ kuntīputrajighāṃsayā | sahasraśo mahārāja rukmapuṅkhānsutejanān

and Karna, wishing to kill the son of Kunti, drew thousands of well-whetted, gold-feathered arrows, O great king.

Note on the text: Not in the critical edition's main text; star passage 7.114.53d*0905_01-02 (placed after 7.114.53). The automatic alignment found no match.

Verse 74 (7.139.74)

स वध्यमानो बलवान्कर्णचापच्युतैः शरैः । वैहायसं प्राक्रमद्वै कर्णस्य रथमाविशत् ॥

sa vadhyamāno balavānkarṇacāpacyutaiḥ śaraiḥ | vaihāyasaṃ prākramadvai karṇasya rathamāviśat

Being struck by the arrows loosed from Karna's bow, the mighty one leapt into the air and landed in Karna's chariot.

Note on the text: Corrected प्राक्रमद्धै → प्राक्रमद्वै (misprint in Wikisource; ध for व; the CE reads prākramad vai). Line 1 = CE star passage 7.114.54b*0906_01; line 2 is a variant of CE 7.114.54c (vihāyasaṃ prākramad vai karṇasya vyathayan manaḥ), kept. The automatic alignment found no match.

Verse 75 (7.139.75)

स तस्य चरितं दृष्ट्वा सङ्ग्रामे विजयैषिणः । ध्वजालयस्थो राधेयो भीमसेनमवञ्चयत् ॥

sa tasya caritaṃ dṛṣṭvā saṅgrāme vijayaiṣiṇaḥ | dhvajālayastho rādheyo bhīmasenamavañcayat

Seeing his movement, Karna, eager for victory in the battle, kept by the foot of his banner and so evaded Bhimasena.

Note on the text: Read ध्वजालयस्थः as "kept by the foot of his banner"; the CE has layam āsthāya ("crouching low"). The page's reading is kept.

Verse 76 (7.139.76)

तमदृष्ट्वा रथोपस्थे निलीनं व्यथितेन्द्रियम् । ध्वजमस्य समारुह्य तस्थौ भीमो महीतले ॥

tamadṛṣṭvā rathopasthe nilīnaṃ vyathitendriyam | dhvajamasya samāruhya tasthau bhīmo mahītale

Not seeing him, crouched low in the chariot's seat with shaken senses, Bhima came up to his banner-staff and stood on the ground.

Note on the text: Corrected तस्मै भीमो → तस्थौ भीमो (misprint in Wikisource; the line has no verb as printed and स्मै is a mistyped स्थौ; the CE reads tasthau). Lines 1 and 2 are a variant of CE 7.114.56a and 56c (tam adṛṣṭvā rathopasthe nilīnaṃ vyathitendriyam / dhvajam asya samāsādya tasthau sa dharaṇītale); the page reads समारुह्य "having climbed up" where the CE has samāsādya "having reached", and is translated loosely as "came up to".

Verse 77 (7.139.77)

तदस्य कुरवः सर्वे चारणाश्चाभ्यपूजयन् । यदियेष रथात्कर्णं हर्तुं तार्क्ष्य इवोरगम् ॥

tadasya kuravaḥ sarve cāraṇāścābhyapūjayan | yadiyeṣa rathātkarṇaṃ hartuṃ tārkṣya ivoragam

For this the Kurus and the Charanas all applauded him, that he tried to snatch Karna from his chariot as Garuda snatches a serpent.

Note on the text: Corrected चाणाश्चा → चारणाश्चा (misprint in Wikisource; dropped र; the CE reads cāraṇāś).

Verse 78 (7.139.78)

स च्छिन्नधन्वा विरथः स्वधर्ममनुपालयन् । स्वरथं पृष्ठतः कृत्वा युद्धायैव व्यवस्थितः ॥

sa cchinnadhanvā virathaḥ svadharmamanupālayan | svarathaṃ pṛṣṭhataḥ kṛtvā yuddhāyaiva vyavasthitaḥ

With his bow cut and without a chariot, keeping to his own duty, he put his chariot behind him and stood ready for battle.

Verse 79 (7.139.79)

तद्विचिन्त्य स राधेयस्तत एनं समभ्ययात् । संरम्भात्पाण्डवं सङ्ख्ये युद्धाय समुपस्थितम् ॥

tadvicintya sa rādheyastata enaṃ samabhyayāt | saṃrambhātpāṇḍavaṃ saṅkhye yuddhāya samupasthitam

Considering this, Radha's son then went at him in fury, the Pandava who stood ready for battle.

Verse 80 (7.139.80)

तौ समेतौ महाराज स्पर्धमानौ महाबलौ । जीमूताविव घर्मान्ते गर्जमानौ नरर्षभौ ॥

tau sametau mahārāja spardhamānau mahābalau | jīmūtāviva gharmānte garjamānau nararṣabhau

Then those two mighty men met, O great king, vying with each other, bulls among men, roaring like two clouds at the end of summer.

Verse 81 (7.139.81)

तयोरासीत्संप्रहारः क्रुद्धयोर्नरसिंहयोः । अमृष्यमाणयोः सङ्ख्ये देवदानवयोरिव ॥

tayorāsītsaṃprahāraḥ kruddhayornarasiṃhayoḥ | amṛṣyamāṇayoḥ saṅkhye devadānavayoriva

A clash took place between those two furious lions among men, each intolerant of the other, like that between gods and demons.

Verse 82 (7.139.82)

क्षीणशस्त्रस्तु कौन्तेयः कर्णेन समभिद्रुतः । दृष्ट्वाऽर्जुनहतान्नागान्पतितान्पर्वतोपमान् । रथमार्गविघातार्थं व्यायुधः प्रविवेश ह ॥

kṣīṇaśastrastu kaunteyaḥ karṇena samabhidrutaḥ | dṛṣṭvā'rjunahatānnāgānpatitānparvatopamān | rathamārgavighātārthaṃ vyāyudhaḥ praviveśa ha

The son of Kunti, his weapons spent and pursued by Karna, saw the elephants felled by Arjuna lying like mountains, and unarmed went in among them to block the path of chariots.

Verse 83 (7.139.83)

हस्तिनां व्रजमासाद्य रथदुर्गं प्रविश्य च । पाण्डवो जीविताकाङ्क्षी राधेयं नाभ्यवर्तत ॥

hastināṃ vrajamāsādya rathadurgaṃ praviśya ca | pāṇḍavo jīvitākāṅkṣī rādheyaṃ nābhyavartata

Reaching the herd of elephants and entering that fortress against chariots, the Pandava, wishing to live, did not turn back upon Radha's son.

Verse 84 (7.139.84)

व्यवस्थानमथाकाङ्क्षन्धनञ्जयशरैर्हतम् । उद्यम्य कुञ्जरं पार्थस्तस्थौ परपुरञ्जयः ॥

vyavasthānamathākāṅkṣandhanañjayaśarairhatam | udyamya kuñjaraṃ pārthastasthau parapurañjayaḥ

Seeking a footing to stand on, Partha, conqueror of enemy cities, lifted an elephant struck down by Dhananjaya's arrows and stood there,

Verse 85 (7.139.85)

महौषधिसमायुक्तं हनूमानिव पर्वतम् । तमस्य विशिखैः कर्णो व्यधमत्कुञ्जरं पुनः ॥

mahauṣadhisamāyuktaṃ hanūmāniva parvatam | tamasya viśikhaiḥ karṇo vyadhamatkuñjaraṃ punaḥ

like Hanuman holding the mountain full of great healing herbs; but Karna again shattered that elephant with his arrows.

Note on the text: Line 1 = CE star passage 7.114.64d*0908_01; line 2 = CE 7.114.65a. The automatic alignment found no match.

Verse 86 (7.139.86)

हस्त्यङ्गान्यथ कर्णाय प्राहिणोत्पाण्डुनन्दनः । चक्राण्यश्वांस्तथा चान्यद्यद्यत्पश्यति भूतले ॥

hastyaṅgānyatha karṇāya prāhiṇotpāṇḍunandanaḥ | cakrāṇyaśvāṃstathā cānyadyadyatpaśyati bhūtale

The son of Pandu then hurled at Karna the limbs of elephants, wheels, horses, and whatever else he saw on the ground.

Note on the text: Corrected चक्राण्यश्चांस्तथा → चक्राण्यश्वांस्तथा (misprint in Wikisource; च for व; the CE reads aśvān). Line 1 = CE 7.114.65c; line 2 = CE 7.114.66a. The automatic alignment found no match.

Verse 87 (7.139.87)

तत्तदादाय चिक्षेप क्रुद्धः कर्णाय पाण्डवः । तदस्य सर्वं चिच्छेद क्षिप्तंक्षिप्तं शितैः शरैः ॥

tattadādāya cikṣepa kruddhaḥ karṇāya pāṇḍavaḥ | tadasya sarvaṃ ciccheda kṣiptaṃkṣiptaṃ śitaiḥ śaraiḥ

Taking up one thing after another, the Pandava in his rage flung it at Karna; and Karna cut every one of them to pieces with sharp arrows as it was thrown.

Note on the text: Line 1 = CE 7.114.66c; line 2 = CE 7.114.67a. The automatic alignment found no match.

Verse 88 (7.139.88)

भीमोऽपि मुष्टिमुद्यम्य वज्रगर्भं सुदारुणम् । हन्तुमैच्छत्सूतपुत्रं संस्परन्नर्जुनं क्षणात् ॥

bhīmo'pi muṣṭimudyamya vajragarbhaṃ sudāruṇam | hantumaicchatsūtaputraṃ saṃsparannarjunaṃ kṣaṇāt

Bhima too, raising a dreadful fist clenched like a thunderbolt, wished to kill the charioteer's son, calling Arjuna to mind in that instant.

Note on the text: Not in the critical edition's main text; star passage 7.114.67b*0910_01-02 (placed after 7.114.67a). The automatic alignment found no match.

Verse 89 (7.139.89)

शक्तोऽपि नावधीत्कर्णं समर्थः पाण्डुनन्दनः । रक्षमाणः प्रतिज्ञां तां या कृता सव्यसाचिना ॥

śakto'pi nāvadhītkarṇaṃ samarthaḥ pāṇḍunandanaḥ | rakṣamāṇaḥ pratijñāṃ tāṃ yā kṛtā savyasācinā

Though able, the son of Pandu did not kill Karna, guarding the vow that Savyasachin had made.

Note on the text: Not in the critical edition's main text; star passage 7.114.67b*0910_03-04 (placed after 7.114.67a). The automatic alignment found no match.

Verse 90 (7.139.90)

तमेवं व्याकुलं भीमं भूयोभूयः शितैः शरैः । मूर्च्छयाभिपरीताङ्गमकरोत्सूतनन्दनः ॥

tamevaṃ vyākulaṃ bhīmaṃ bhūyobhūyaḥ śitaiḥ śaraiḥ | mūrcchayābhiparītāṅgamakarotsūtanandanaḥ

Bhima, thus helpless, the charioteer's son struck again and again with sharp arrows until his limbs were overcome by faintness.

Note on the text: Not in the critical edition's main text; star passage 7.114.67b*0910_05-06 (placed after 7.114.67a). The automatic alignment found no match.

Verse 91 (7.139.91)

व्यायुधं नावधीच्चैनं कर्णः कुन्त्या वचः स्मरन् । धनुषोऽग्रेण तं कर्णः सोऽभिद्रुत्य परामृशत् ॥

vyāyudhaṃ nāvadhīccainaṃ karṇaḥ kuntyā vacaḥ smaran | dhanuṣo'greṇa taṃ karṇaḥ so'bhidrutya parāmṛśat

Karna did not kill him, unarmed as he was, remembering Kunti's words; he rushed at him and touched him with the tip of his bow.

Note on the text: Corrected धनुषोग्रेण → धनुषोऽग्रेण (misprint in Wikisource; missing avagraha (the tip of the bow); the CE reads dhanuṣo 'greṇa). Line 1 = CE 7.114.67c; line 2 = CE 7.114.68a. The automatic alignment found no match.

Verse 92 (7.139.92)

धनुषा स्पृष्टमात्रेण क्रुद्धः सर्प इव श्वसन् । आच्छिद्य स धनुस्तस्य कर्णं मूर्धन्यताडयत् ॥

dhanuṣā spṛṣṭamātreṇa kruddhaḥ sarpa iva śvasan | ācchidya sa dhanustasya karṇaṃ mūrdhanyatāḍayat

At the mere touch of the bow, Bhima, furious and hissing like a snake, wrenched the bow away from him and struck Karna on the head with it.

Note on the text: Not in the critical edition's main text; star passage 7.114.68b*0911_01-02 (placed after 7.114.68a). The automatic alignment found no match.

Verse 93 (7.139.93)

ताडितो भीमसेनेन क्रोधादारक्तलोचनः । विहसन्निव राधेयो वाक्यमेतदुवाच ह ॥

tāḍito bhīmasenena krodhādāraktalocanaḥ | vihasanniva rādheyo vākyametaduvāca ha

Struck by Bhimasena, his eyes red with anger, Radha's son spoke these words, smiling as it were:

Note on the text: Line 1 = CE star passage 7.114.68b*0911_03; line 2 is a variant of CE 7.114.68c (utsmayann iva rādheyo bhīmasenam uvāca ha), kept. The automatic alignment found no match.

Verse 94 (7.139.94)

पुनः पुनस्तूबरक मूढ औदरिकेति च । अकृतास्त्रक मा योत्सीर्बाल सङ्ग्रामकातर ॥

punaḥ punastūbaraka mūḍha audariketi ca | akṛtāstraka mā yotsīrbāla saṅgrāmakātara

"Eunuch! Fool! Glutton!"—again and again he called him this—"you who have no mastery of weapons, do not fight! Child! Coward in battle!"

Note on the text: Speaker: Karna (his speech runs from 94 to 100; the page prints no heading for it, and verse 93 introduces it).

Verse 95 (7.139.95)

यत्र भोज्यं बहुविधं भक्ष्यं पेयं च पाण्डव । तत्र त्वं दुर्मते योग्यो न युद्धेषु कदाचन ॥

yatra bhojyaṃ bahuvidhaṃ bhakṣyaṃ peyaṃ ca pāṇḍava | tatra tvaṃ durmate yogyo na yuddheṣu kadācana

"Where there is food of many kinds, things to eat and drink, Pandava, there, evil-minded one, you are fit—never in battles."

Note on the text: Speaker: Karna (as verse 94).

Verse 96 (7.139.96)

मूलपुष्पफलाहारो व्रतेषु नियमेषु च । उचितस्त्वं वने भीम न त्वं युद्धविशारदः ॥

mūlapuṣpaphalāhāro vrateṣu niyameṣu ca | ucitastvaṃ vane bhīma na tvaṃ yuddhaviśāradaḥ

"Living on roots, flowers and fruits, in vows and observances, is what suits you in the forest, Bhima; you are no master of war."

Note on the text: Speaker: Karna (as verse 94).

Verse 97 (7.139.97)

क्व युद्धं क्व मुनित्वं च वनं गच्छ वृकोदर । न त्वं युद्धोचितस्तात वनवासरतिर्भवान् ॥

kva yuddhaṃ kva munitvaṃ ca vanaṃ gaccha vṛkodara | na tvaṃ yuddhocitastāta vanavāsaratirbhavān

"What has war to do with sagehood? Go to the forest, Vrikodara. You are not fit for war, my dear; you are one who delights in living in the forest."

Note on the text: Corrected युद्वं → युद्धं (misprint in Wikisource; द्व for द्ध; the CE reads yuddhaṃ). Speaker: Karna (as verse 94).

Verse 98 (7.139.98)

सूदान्भृत्यजनान्दासांस्त्वं गृहे त्वरयन्भृशम् । योग्यस्ताडयितुं क्रोधाद्भोजनार्थं वृकोदर ॥

sūdānbhṛtyajanāndāsāṃstvaṃ gṛhe tvarayanbhṛśam | yogyastāḍayituṃ krodhādbhojanārthaṃ vṛkodara

"At home, hurrying your cooks, servants and slaves, you are fit to beat them in anger over a meal, Vrikodara."

Note on the text: Speaker: Karna (as verse 94).

Verse 99 (7.139.99)

मुनिर्भूत्वाऽथवा भीम फलान्यादत्स्व दुर्मते । वनाय व्रज कौन्तेय न त्वं युद्धविशारदः ॥

munirbhūtvā'thavā bhīma phalānyādatsva durmate | vanāya vraja kaunteya na tvaṃ yuddhaviśāradaḥ

"Or else become a sage and eat fruit, ill-minded Bhima. Go to the forest, son of Kunti; you are no master of war."

Note on the text: Speaker: Karna (as verse 94).

Verse 100 (7.139.100)

फलमूलाशने शक्तस्त्वं तथाऽतिथिपूजने । न त्वां शस्त्रसमुद्योगे योग्यं मन्ये वृकोदर ॥

phalamūlāśane śaktastvaṃ tathā'tithipūjane | na tvāṃ śastrasamudyoge yogyaṃ manye vṛkodara

"You are able at eating fruit and roots and at honouring guests; I do not think you fit to take up weapons, Vrikodara."

Note on the text: Speaker: Karna (as verse 94).

Verse 101 (7.139.101)

एवं तं विरथं दृष्ट्वा स्मृत्वा कर्णोऽब्रवीद्वचः ॥

evaṃ taṃ virathaṃ dṛṣṭvā smṛtvā karṇo'bravīdvacaḥ

Seeing him thus without a chariot, and remembering, Karna spoke these words.

Note on the text: Not in the critical edition's main text; star passage 7.114.75d*0913_00-01 (the CE's line "saṃjayaḥ" heads it, as the page's heading "सञ्जय उवाच" does). The heading (printed with the verse in the input) is removed from the text and made the speaker; stray wiki quote marks removed. The page prints this as a single line. The automatic alignment found no match.

Verse 102 (7.139.102)

कौमारे यानि वृत्तानि विप्रियाणि विशाम्पते । तानि सर्वाणि चाप्येव रूक्षाण्यश्रावयद्भृशम् ॥

kaumāre yāni vṛttāni vipriyāṇi viśāmpate | tāni sarvāṇi cāpyeva rūkṣāṇyaśrāvayadbhṛśam

All the unpleasant things that had happened in childhood, O lord of men, he made him hear again, harshly.

Verse 103 (7.139.103)

अथैनं तत्र संलीनमस्पृशद्धनुषा पुनः । प्रहसंश्च पुनर्वाक्यं भीममाह वृषस्तदा ॥

athainaṃ tatra saṃlīnamaspṛśaddhanuṣā punaḥ | prahasaṃśca punarvākyaṃ bhīmamāha vṛṣastadā

Then, as Bhima crouched there, he touched him once more with his bow, and Vrisha, laughing, spoke to Bhima again:

Verse 104 (7.139.104)

योद्धव्यं मारिषान्यत्र न योद्धव्यं च मादृशैः । मादृशैर्युध्यमानानामेतच्चान्यच्च विद्यते ॥

yoddhavyaṃ māriṣānyatra na yoddhavyaṃ ca mādṛśaiḥ | mādṛśairyudhyamānānāmetaccānyacca vidyate

"Fight elsewhere, my good sir; men like me are not to be fought. For those who fight men like me, this and more is in store."

Note on the text: Speaker: Karna (verse 103 introduces his words; the page prints no heading).

Verse 105 (7.139.105)

गच्छ वा यत्र तौ कृष्णौ तौ त्वां रक्षिष्यतो रणे । गृहं वा गच्छ कौन्तेय किं ते युद्धेन बालक ॥

gaccha vā yatra tau kṛṣṇau tau tvāṃ rakṣiṣyato raṇe | gṛhaṃ vā gaccha kaunteya kiṃ te yuddhena bālaka

"Or go to where the two Krishnas are; they will protect you in the battle. Or go home, son of Kunti. What have you to do with war, child?"

Note on the text: Speaker: Karna (as verse 104).

Verse 106 (7.139.106)

कर्णस्य वचनं श्रुत्वा भीमसेनोऽतिदारुणम् । उवाच कर्णं प्रहसन्सर्वेषां शृण्वतां वचः ॥

karṇasya vacanaṃ śrutvā bhīmaseno'tidāruṇam | uvāca karṇaṃ prahasansarveṣāṃ śṛṇvatāṃ vacaḥ

Hearing Karna's most cruel words, Bhimasena laughed and spoke to Karna in the hearing of all:

Note on the text: Not in the critical edition's main text; star passage 7.114.79d*0917_01-02 (placed after 7.114.79). The automatic alignment found no match.

Verse 107 (7.139.107)

जितस्त्वमसकृद्दुष्ट कत्थसे किं वृथात्मना । जयाजयौ महेन्द्रस्य लोके दृष्टौ पुरातनैः ॥

jitastvamasakṛdduṣṭa katthase kiṃ vṛthātmanā | jayājayau mahendrasya loke dṛṣṭau purātanaiḥ

"Wretch, you have been beaten again and again; why do you boast in vain? Victory and defeat, even of great Indra, have been seen in the world by the ancients."

Note on the text: Not in the critical edition's main text; star passage 7.114.79d*0917_03-04. The automatic alignment found no match. Speaker: Bhimasena (verse 106 introduces his words; the page prints no heading for them).

Verse 108 (7.139.108)

मल्लयुद्धं मया सार्धं कुरु दुष्कुलसम्भव । महाबलो महाभोगी कीचको निहतो यथा । तथा त्वां घातयिष्यामि पश्यत्सु सर्वराजसु ॥

mallayuddhaṃ mayā sārdhaṃ kuru duṣkulasambhava | mahābalo mahābhogī kīcako nihato yathā | tathā tvāṃ ghātayiṣyāmi paśyatsu sarvarājasu

"Fight a wrestling match with me, you of vile birth. As the mighty and prosperous Kichaka was killed, so shall I slay you while all the kings look on."

Note on the text: Not in the critical edition's main text; star passage 7.114.79d*0917_05-07 (three lines). The automatic alignment found no match. Speaker: Bhimasena (as verse 107).

Verse 109 (7.139.109)

भीमस्य मतमाज्ञाय कर्णो बुद्धिमतां वरः । विरराम रणात्तस्मात्पश्यतां सर्वधन्विनाम् ॥

bhīmasya matamājñāya karṇo buddhimatāṃ varaḥ | virarāma raṇāttasmātpaśyatāṃ sarvadhanvinām

Understanding Bhima's intention, Karna, best of the wise, drew back from the fight while all the archers looked on.

Note on the text: Not in the critical edition's main text; star passage 7.114.79d*0917_08-09. The automatic alignment found no match.

Verse 110 (7.139.110)

एवं तं विरथं कृत्वा कर्णो राजन्व्यकत्थयत् । प्रमुखे वृष्णिसिंहस्य पार्थस्य च महात्मनः ॥

evaṃ taṃ virathaṃ kṛtvā karṇo rājanvyakatthayat | pramukhe vṛṣṇisiṃhasya pārthasya ca mahātmanaḥ

Having thus left him without a chariot, Karna, O king, boasted in the presence of the lion of the Vrishnis and of the great-souled Partha.

Note on the text: Corrected प्रसुखे → प्रमुखे (misprint in Wikisource; स for म; the CE reads pramukhe).

Verse 111 (7.139.111)

तं ब्रुवाणं तु भीमः स काङ्क्षन्भीमपराक्रमः । न चाकार्षीन्मृतं स्मृत्वा ह्यर्जुनस्य महाबलम् ॥

taṃ bruvāṇaṃ tu bhīmaḥ sa kāṅkṣanbhīmaparākramaḥ | na cākārṣīnmṛtaṃ smṛtvā hyarjunasya mahābalam

As Karna spoke, the terrible Bhima, biding his time, did not kill him, remembering Arjuna's great might.

Note on the text: Not in the critical edition's main text; star passage 7.114.80d*0919_01-02 (the page reads मृतं where the CE has drutaṃ; the page's reading gives good sense and is kept). The automatic alignment found no match.

Verse 112 (7.139.112)

तस्य कार्मुकमारुज्य बभञ्जाशुपराक्रमी ॥

tasya kārmukamārujya babhañjāśuparākramī

Bending his bow, that swift and valiant one quickly snapped it.

Note on the text: Not in the critical edition's main text; star passage 7.114.80d*0919_03 (single line; the page reads बभञ्जाशुपराक्रमी as one word). The automatic alignment found no match.

Verse 113 (7.139.113)

ततो दृष्ट्वा महाराज वासुदेवो महाद्युतिः । अर्जुनार्जुन पश्येमं भीमं कर्णेन बाधितम् ॥

tato dṛṣṭvā mahārāja vāsudevo mahādyutiḥ | arjunārjuna paśyemaṃ bhīmaṃ karṇena bādhitam

Then, O great king, seeing this, the radiant Vasudeva said, "Arjuna, Arjuna, look at this Bhima, hard pressed by Karna!"

Note on the text: Not in the critical edition's main text; star passage 7.114.80d*0919_04-05. Line 2 is Krishna's spoken words; the page prints no separate heading for them (the CE inserts "saṃjayaḥ" after them) and the speech fills only half the verse, so the verse stays with the narrator Sanjaya. The automatic alignment found no match.

Verse 114 (7.139.114)

एवमुक्तस्तदा पार्थः केशवेन महात्मना । भीमसेनं तथाभूतं क्रोधसंरक्तलोचनः । अमर्षवशमापन्नो निर्दहन्निव चक्षुषा ॥

evamuktastadā pārthaḥ keśavena mahātmanā | bhīmasenaṃ tathābhūtaṃ krodhasaṃraktalocanaḥ | amarṣavaśamāpanno nirdahanniva cakṣuṣā

Thus addressed by the great-souled Keshava, Partha, his eyes red with anger and in the grip of fury, gazed at Bhimasena in that plight, as though burning with his eyes.

Note on the text: Removed the stray wiki quote marks (backtick and apostrophe). Not in the critical edition's main text; star passage 7.114.80d*0919_06-08 (three lines). Removed a stray apostrophe at the end. The automatic alignment found no match.

Verse 115 (7.139.115)

ततो राजञ्शिलाधौताञ्शराञ्शाखामृगध्वजः । प्राहिणोत्सूतपुत्राय केशवेन प्रचोदितः ॥

tato rājañśilādhautāñśarāñśākhāmṛgadhvajaḥ | prāhiṇotsūtaputrāya keśavena pracoditaḥ

Then, O king, the Pandava of the monkey banner, urged on by Keshava, sent stone-whetted arrows at the charioteer's son.

Verse 116 (7.139.116)

ततः पार्थभुजोत्सृष्टाः शराः कनकभूषणाः । गाण्डीवप्रभवाः कर्णं हंसाः क्रौञ्चमिवाविशन् ॥

tataḥ pārthabhujotsṛṣṭāḥ śarāḥ kanakabhūṣaṇāḥ | gāṇḍīvaprabhavāḥ karṇaṃ haṃsāḥ krauñcamivāviśan

Then the gold-adorned arrows loosed from Partha's arms, born of the Gandiva, entered Karna like swans entering Mount Krauncha.

Verse 117 (7.139.117)

स भुजङ्गैरिवाविष्टैर्गाण्डीवप्रेषितैः शरैः । भीमसेनादपासेधत्सूतपुत्रं धनञ्जयः ॥

sa bhujaṅgairivāviṣṭairgāṇḍīvapreṣitaiḥ śaraiḥ | bhīmasenādapāsedhatsūtaputraṃ dhanañjayaḥ

With those arrows loosed from the Gandiva, like furious serpents, Dhananjaya drove the charioteer's son away from Bhimasena.

Verse 118 (7.139.118)

स च्छिन्नधन्वा भीमेन धनञ्जयशराहतः । कर्णो भीमादपायासीद्रथेन महता द्रुतम् ॥

sa cchinnadhanvā bhīmena dhanañjayaśarāhataḥ | karṇo bhīmādapāyāsīdrathena mahatā drutam

His bow cut by Bhima and himself struck by Dhananjaya's arrows, Karna quickly withdrew from Bhima in his great chariot.

Verse 119 (7.139.119)

भीमोऽपि सात्यकेर्वाहं समारुह्य नरर्षभः । अन्वयाद्भ्रातरं सङ्ख्ये पाण्डवं सव्यसाचिनम् ॥

bhīmo'pi sātyakervāhaṃ samāruhya nararṣabhaḥ | anvayādbhrātaraṃ saṅkhye pāṇḍavaṃ savyasācinam

Bhima too, best of men, mounted Satyaki's carriage and followed his brother, the Pandava Savyasachin, in the battle.

Note on the text: Corrected धातरं → भ्रातरं (misprint in Wikisource; dropped conjunct; the CE reads bhrātaraṃ).

Verse 120 (7.139.120)

ततः कर्णं समुद्दिश्य त्वरमाणो धनञ्जयः । नाराचं क्रोधताम्राक्षः प्रैषीन्मृत्युमिवान्तकः ॥

tataḥ karṇaṃ samuddiśya tvaramāṇo dhanañjayaḥ | nārācaṃ krodhatāmrākṣaḥ praiṣīnmṛtyumivāntakaḥ

Then Dhananjaya, in haste, his eyes copper-red with rage, aiming at Karna, sent a nārāca arrow as Antaka sends Death.

Note on the text: Corrected धनञ्चयः → धनञ्जयः (misprint in Wikisource; च for ज; the CE reads dhanaṃjayaḥ).

Verse 121 (7.139.121)

स गरुत्मानिवाकाशे प्रार्थयन्भुजगोत्तमम् । नाराचोऽभ्यपतत्कर्णं तूर्णं गाण्डीवचोदितः ॥

sa garutmānivākāśe prārthayanbhujagottamam | nārāco'bhyapatatkarṇaṃ tūrṇaṃ gāṇḍīvacoditaḥ

Driven by the Gandiva, that nārāca flew swiftly at Karna, like Garuda in the sky going after the best of serpents.

Note on the text: Corrected गरुत्मानिवाकशे → गरुत्मानिवाकाशे (misprint in Wikisource; dropped long vowel; the CE reads ākāśe).

Verse 122 (7.139.122)

तमन्तरिक्षे नाराचं द्रौणिश्चिच्छेद पत्रिणा । धनञ्जयभयात्कर्णमुज्जिहीर्षन्महारथः ॥

tamantarikṣe nārācaṃ drauṇiściccheda patriṇā | dhanañjayabhayātkarṇamujjihīrṣanmahārathaḥ

Drona's son, the great chariot-warrior, wishing to save Karna out of fear of Dhananjaya, cut that nārāca in the air with an arrow.

Verse 123 (7.139.123)

ततो द्रौणिं चतुःषष्ट्या विव्याध कुपितोऽर्जुनः । शिलीमुखैर्महाराज मागास्तिष्ठेति चाब्रवीत् ॥

tato drauṇiṃ catuḥṣaṣṭyā vivyādha kupito'rjunaḥ | śilīmukhairmahārāja māgāstiṣṭheti cābravīt

Then Arjuna, enraged, pierced Drona's son with sixty-four shilimukha arrows, O great king, saying, "Do not go, stand!"

Verse 124 (7.139.124)

स तु मत्तगजाकीर्णमनीकं रथसङ्कुलम् । तूर्णमभ्याविशद्द्रौणिर्धनञ्जयशरार्दितः ॥

sa tu mattagajākīrṇamanīkaṃ rathasaṅkulam | tūrṇamabhyāviśaddrauṇirdhanañjayaśarārditaḥ

But Drona's son, tormented by Dhananjaya's arrows, swiftly plunged into an army crowded with rutting elephants and dense with chariots.

Verse 125 (7.139.125)

ततः सुवर्णपृष्ठानां चापानां कूजतां रणे । शब्दं गाण्डीवघोषेण कौन्तेयोऽभ्यभवद्बली ॥

tataḥ suvarṇapṛṣṭhānāṃ cāpānāṃ kūjatāṃ raṇe | śabdaṃ gāṇḍīvaghoṣeṇa kaunteyo'bhyabhavadbalī

Then the strong son of Kunti drowned, with the Gandiva's roar, the sound of the gold-backed bows twanging in the battle.

Verse 126 (7.139.126)

धनञ्जयस्तथाऽऽयान्तं पृष्ठतो द्रौणिमभ्यगात् । नातिदीर्घमिवाध्वानं शरैः सन्त्रासयन्बलम् ॥

dhanañjayastathā''yāntaṃ pṛṣṭhato drauṇimabhyagāt | nātidīrghamivādhvānaṃ śaraiḥ santrāsayanbalam

In the same way Dhananjaya followed Drona's son from behind as he came on, over no great distance, terrifying the army with his arrows.

Verse 127 (7.139.127)

विदार्य देहान्नाराचैर्नरवारणवाजिनाम् । कङ्कबर्हिणवासोभिर्बलं व्यधमदर्जुनः ॥

vidārya dehānnārācairnaravāraṇavājinām | kaṅkabarhiṇavāsobhirbalaṃ vyadhamadarjunaḥ

Tearing the bodies of men, elephants and horses with nārāca arrows, with shafts clothed in heron and peacock feathers, Arjuna broke up the host.

Verse 128 (7.139.128)

तद्बलं भरतश्रेष्ठ सवाजिद्विपमानवम् । पाकशासनिरायत्तः पार्थः स निजघान ह ॥

tadbalaṃ bharataśreṣṭha savājidvipamānavam | pākaśāsanirāyattaḥ pārthaḥ sa nijaghāna ha

That army, O best of the Bharatas, with its horses, elephants and men—Partha, the son of Indra, exerting himself, cut it down.