Satyaki Kills Bhurishravas

Verse 1 (7.143.1)

स बाहुर्न्यपतद्भूमौ सखड्गः सशुभाङ्गदः । आदधज्जीवलोकस्य दुःखमद्भुतमुत्तमः । यन्त्रमुक्तो महेन्द्रस्य ध्वजो वृत्तोत्सवो यथा ॥

sa bāhurnyapatadbhūmau sakhaḍgaḥ saśubhāṅgadaḥ | ādadhajjīvalokasya duḥkhamadbhutamuttamaḥ | yantramukto mahendrasya dhvajo vṛttotsavo yathā

The arm fell to the ground, sword and bright armlet together, that finest of arms, bringing the world of the living a strange and bitter grief, like the banner of Mahendra loosed from its machine when the festival is over.

Note on the text: Corrected सखङ्गः → सखड्गः (misprint in Wikisource; CE khaḍga). Stray wiki quote marks removed. Lines 1-2 are CE 7.118.1a and 1c (line 2 has the recension variant अद्भुतम् for the CE's उत्तमम्); line 3 is the star line 7.118.1b*0959_01, which the CE places between lines 1 and 2. The automatic alignment found no match.

Verse 2 (7.143.2)

प्रहरिष्यन्हृतो बाहुरदृश्येन किरीटिना । वेगेन न्यपतद्भूमौ पञ्चास्य इव पन्नगः ॥

prahariṣyanhṛto bāhuradṛśyena kirīṭinā | vegena nyapatadbhūmau pañcāsya iva pannagaḥ

The arm of the man who was about to strike was cut off by the unseen Kiritin, and it fell to the ground with a rush, like a five-hooded serpent.

Note on the text: Corrected बाहुरदृश्यते → बाहुरदृश्येन (misprint in Wikisource; अदृश्यते is not a valid form here; CE 7.118.2a reads adṛśyena kirīṭinā). Second line is CE 7.118.2c with a recension variant (न्यपतद् for the CE's अभ्यपतद्).

Verse 3 (7.143.3)

स मोघं कृतमात्मानं दृष्ट्वा पार्थेन कौरवः । उत्सृज्य सात्यकिं क्रोधाद्गर्हयामास पाण्डवम् ॥

sa moghaṃ kṛtamātmānaṃ dṛṣṭvā pārthena kauravaḥ | utsṛjya sātyakiṃ krodhādgarhayāmāsa pāṇḍavam

Seeing himself made helpless by Partha, the Kaurava let go of Satyaki and in anger reproached the Pandava.

Note on the text: Corrected क्रोधाद्ग्रर्हयामास → क्रोधाद्गर्हयामास (misprint in Wikisource; stray र; CE garhayām āsa).

Verse 4 (7.143.4)

स विबाहुर्महाराज एकपक्ष इवाण्डजः । एकचक्रो रथो यद्वद्धरणीमास्थितो नृपः । उवाच पाण्डवं चैव सर्वक्षत्रस्य पश्यतः ॥

sa vibāhurmahārāja ekapakṣa ivāṇḍajaḥ | ekacakro ratho yadvaddharaṇīmāsthito nṛpaḥ | uvāca pāṇḍavaṃ caiva sarvakṣatrasya paśyataḥ

Armless, O great king, like a bird with a single wing, like a chariot with a single wheel, the king stood fixed upon the ground, and in the sight of all the Kshatriyas he spoke to the Pandava.

Note on the text: Stray wiki quote mark removed. Not in the critical edition's main text; star lines 7.118.3d*0960_01-03 (placed after 7.118.3). The automatic alignment found no match.

Verse 5 (7.143.5)

नृशंसं बत कौन्तेय कर्मेदं कृतवानसि । अपश्यतो विषक्तस्य यन्मे त्वं बाहुमच्छिनः ॥

nṛśaṃsaṃ bata kaunteya karmedaṃ kṛtavānasi | apaśyato viṣaktasya yanme tvaṃ bāhumacchinaḥ

A cruel deed you have done, son of Kunti: I was intent on another and did not see you, and you cut off my arm.

Verse 6 (7.143.6)

येषु येषु नरः पार्थ वर्तते सुसमाहितः । आशु तच्छीलतामेति तदिदं दृश्यते त्वयि ॥

yeṣu yeṣu naraḥ pārtha vartate susamāhitaḥ | āśu tacchīlatāmeti tadidaṃ dṛśyate tvayi

Partha, whatever kind of men a man lives among with close attention, he quickly takes on their ways; and that is just what is seen in you.

Note on the text: CE 7.118.11 (the automatic alignment listed it as unmatched). Identical to the CE.

Verse 7 (7.143.7)

किं नु वक्ष्यसि राजानं धर्मपुत्रं युधिष्ठिरम् । किं कुर्वाणो मया सङ्ख्ये हतो भूरिश्रवा इति ॥

kiṃ nu vakṣyasi rājānaṃ dharmaputraṃ yudhiṣṭhiram | kiṃ kurvāṇo mayā saṅkhye hato bhūriśravā iti

What will you tell King Yudhishthira, the son of Dharma? That you killed Bhurishravas in battle while he was doing what?

Verse 8 (7.143.8)

इदमिन्द्रेण ते साक्षादुपदिष्टं महात्मना । अस्त्रं रुद्रेण वा पार्थ द्रोणेनाथ कृपेण वा ॥

idamindreṇa te sākṣādupadiṣṭaṃ mahātmanā | astraṃ rudreṇa vā pārtha droṇenātha kṛpeṇa vā

This weapon-lore was taught to you in person by the great Indra, or by Rudra, Partha, or by Drona, or by Kripa.

Verse 9 (7.143.9)

ननु नामास्त्रधर्मज्ञस्त्वं लोकेऽभ्यधिकः परैः । सोऽयुध्यमानस्य कथं रणे प्रहृतवानसि ॥

nanu nāmāstradharmajñastvaṃ loke'bhyadhikaḥ paraiḥ | so'yudhyamānasya kathaṃ raṇe prahṛtavānasi

You know the law of arms and are held above all others in the world; how then did you strike a man who was not fighting?

Verse 10 (7.143.10)

न प्रमत्ताय भीताय विरथाय प्रयाचते । व्यसने वर्तमानाय प्रहरन्ति मनीषिणः ॥

na pramattāya bhītāya virathāya prayācate | vyasane vartamānāya praharanti manīṣiṇaḥ

The wise do not strike a man who is careless, or afraid, or without a chariot, or begging for mercy, or in distress.

Verse 11 (7.143.11)

इदं तु नीचाचरितमसत्पुरुषसेवितम् । कथमाचरितं पार्थ पापकर्म सुदुष्करम् ॥

idaṃ tu nīcācaritamasatpuruṣasevitam | kathamācaritaṃ pārtha pāpakarma suduṣkaram

This is a low deed, one that wicked men practise. How, Partha, did you bring yourself to commit such a sinful act, one so hard for a good man to do?

Verse 12 (7.143.12)

आर्येण सुकरं त्वाहुरार्यकर्म धनञ्जय । अनार्यकर्म त्वार्येण सुदुष्करतमं भुवि ॥

āryeṇa sukaraṃ tvāhurāryakarma dhanañjaya | anāryakarma tvāryeṇa suduṣkaratamaṃ bhuvi

They say, Dhananjaya, that a noble deed is easy for a noble man, and that a base deed is the hardest thing in the world for a noble man to do.

Verse 13 (7.143.13)

कथं हि राजवंश्यस्त्वं कौरवेयो विशेषतः । क्षत्रधर्मादपक्रान्तः सुवृत्तश्चारितव्रतः ॥

kathaṃ hi rājavaṃśyastvaṃ kauraveyo viśeṣataḥ | kṣatradharmādapakrāntaḥ suvṛttaścāritavrataḥ

How can you, born in a royal line, and a Kaurava above all, of good conduct and observed vows, have strayed from the duty of a Kshatriya?

Verse 14 (7.143.14)

अल्पस्तवापराधोऽत्र न त्वां तात विगर्हये । वार्ष्णेयापशदं प्राप्य क्षुद्रं कृतमिदं त्वया ॥

alpastavāparādho'tra na tvāṃ tāta vigarhaye | vārṣṇeyāpaśadaṃ prāpya kṣudraṃ kṛtamidaṃ tvayā

Your fault in this is small, my son, and I do not blame you; it is from falling in with that vile Vrishni that you have done this mean thing.

Note on the text: Stray wiki quote marks removed. Not in the critical edition's main text; star lines 7.118.12d*0962_01 (line 1) and 7.118.12d*0963_01 (line 2), placed after 7.118.12. The automatic alignment found no match.

Verse 15 (7.143.15)

इदं तु यदतिक्षुद्रं वार्ष्णेयार्थे कृतं त्वया । वासुदेवमतं नूनं नैतत्त्वय्युपपद्यते ॥

idaṃ tu yadatikṣudraṃ vārṣṇeyārthe kṛtaṃ tvayā | vāsudevamataṃ nūnaṃ naitattvayyupapadyate

But this utterly petty thing that you have done for the Vrishni's sake must surely have been Vasudeva's idea; it does not befit you.

Verse 16 (7.143.16)

को हि नाम प्रमत्ताय परेण सह युध्यते । ईदृशं व्यसनं दद्याद्यो न कृष्णसखो भवेत् ॥

ko hi nāma pramattāya pareṇa saha yudhyate | īdṛśaṃ vyasanaṃ dadyādyo na kṛṣṇasakho bhavet

For who would fight with another's help against a man who is off his guard? Who would deal such a calamity, if he were not a friend of Krishna?

Verse 17 (7.143.17)

व्रात्याः सङ्क्लिष्टकर्माणः प्रकृत्यैव च गर्हिताः । वृष्ण्यन्धकाः कथं पार्थ प्रमाणं भवता कृताः ॥

vrātyāḥ saṅkliṣṭakarmāṇaḥ prakṛtyaiva ca garhitāḥ | vṛṣṇyandhakāḥ kathaṃ pārtha pramāṇaṃ bhavatā kṛtāḥ

The Vrishnis and Andhakas are outcasts, of foul deeds, despised by their very nature. How, Partha, have you made them your authority?

Note on the text: CE 7.118.15 (the automatic alignment listed it as unmatched). Identical to the CE.

Verse 18 (7.143.18)

एवमुक्तो रणे पार्थो भूरिश्रवसमब्रवीत् । व्यक्तं हि जीर्यमाणोऽपि बुद्धिं जरयते नरः । अनर्थकमिदं सर्वं यत्त्वया व्याहृतं प्रभो ॥

evamukto raṇe pārtho bhūriśravasamabravīt | vyaktaṃ hi jīryamāṇo'pi buddhiṃ jarayate naraḥ | anarthakamidaṃ sarvaṃ yattvayā vyāhṛtaṃ prabho

Addressed thus in battle, Partha replied to Bhurishravas: “It is plain that a man who is growing old wears out his judgment as well. All this that you have said, my lord, is to no purpose.”

Note on the text: Not in the critical edition's main text; lines 1-3 are Appendix I, passage 13 (7.118.15d@013_0001-0003; line 2 is a recension variant of @013_0002). Speaker kept as the page's printed heading (Sanjaya): the first line is Sanjaya's narration, and Arjuna's reply begins in line 2. The automatic alignment found no match.

Verse 19 (7.143.19)

जानन्नेव हृषीकेशं गर्हसे मां च पाण्डवम् । सङ्ग्रामाणां हि धर्मज्ञः सर्वशास्त्रार्थपारगः ॥

jānanneva hṛṣīkeśaṃ garhase māṃ ca pāṇḍavam | saṅgrāmāṇāṃ hi dharmajñaḥ sarvaśāstrārthapāragaḥ

Knowing Hrishikesha well, you still find fault with him and with me, the Pandava; you, who know the law of battles and have crossed to the far shore of the meaning of all the scriptures.

Note on the text: Corrected सङ्गामाणां → सङ्ग्रामाणां (misprint in Wikisource; the र of the conjunct dropped; the Appendix I line has the variant word raṇānām). Speaker: Arjuna (unheaded speech; the page prints no heading after verse 18, whose first line introduces it). Lines are recension variants of Appendix I, passage 13 (7.118.15d@013_0004-0005). The automatic alignment found no match.

Verse 20 (7.143.20)

न चाधर्ममहं कुर्यां जानंश्चैव हि मुह्यसे ॥

na cādharmamahaṃ kuryāṃ jānaṃścaiva hi muhyase

I would not do what is unrighteous; and you, though you know that, are deluded.

Note on the text: Speaker: Arjuna (unheaded speech). Appendix I, passage 13 (7.118.15d@013_0006). The automatic alignment found no match.

Verse 21 (7.143.21)

युध्यन्ते क्षत्रियाः शत्रून्स्वैःस्वैः परिवृता नराः । भ्रातृभिः पितृभिः पुत्रैस्तथा सम्बन्धिबान्धवैः । वयस्यैरथ मित्रैश्च स्वबाहुबलमाश्रिताः ॥

yudhyante kṣatriyāḥ śatrūnsvaiḥsvaiḥ parivṛtā narāḥ | bhrātṛbhiḥ pitṛbhiḥ putraistathā sambandhibāndhavaiḥ | vayasyairatha mitraiśca svabāhubalamāśritāḥ

Kshatriyas fight their enemies each surrounded by his own people, with brothers, fathers and sons, with kinsmen by marriage and by blood, with comrades and friends, relying on the strength of their own arms.

Note on the text: Speaker: Arjuna (unheaded speech). Appendix I, passage 13 (7.118.15d@013_0007-0009). The automatic alignment found no match.

Verse 22 (7.143.22)

स कथं सात्यकिं शिष्यं सुखसम्बन्धिमेव च । अस्मदर्थे च युध्यन्तं त्यक्त्वा प्राणान्सुदुस्त्यजान् ॥

sa kathaṃ sātyakiṃ śiṣyaṃ sukhasambandhimeva ca | asmadarthe ca yudhyantaṃ tyaktvā prāṇānsudustyajān

How, then, could I have looked on while Satyaki, my pupil and a dear kinsman, was fighting for our sake, having cast away his life, so hard to cast away?

Note on the text: Speaker: Arjuna (unheaded speech). Appendix I, passage 13 (7.118.15d@013_0010-0011; line 1 is a recension variant: स कथं for the appendix's अहं हि). The automatic alignment found no match.

Verse 23 (7.143.23)

मम बाहुं रणे राजन्दक्षिणं युद्धदुर्मदम् । त्वया निकृष्यमाणं च दृष्टवानस्मि निष्क्रियम् ॥

mama bāhuṃ raṇe rājandakṣiṇaṃ yuddhadurmadam | tvayā nikṛṣyamāṇaṃ ca dṛṣṭavānasmi niṣkriyam

O king, I saw him, my right arm in battle, mad with the fury of fighting, dragged along by you and left powerless.

Note on the text: Stray editor's star mark (before त्वया) removed. Speaker: Arjuna (unheaded speech). Lines are Appendix I, passage 13 (7.118.15d@013_0012 and 0014); the appendix line between them (@013_0013, nikṛtyamānaṃ taṃ dṛṣṭvā kathaṃ śatruvaśaṃ gatam) has no counterpart on the page, and the sense is complete without it, so nothing was added. The automatic alignment found no match.

Verse 24 (7.143.24)

न च त्वं रक्षितव्यो हि एको रणगतेन हि । यो यस्य युध्यतेऽर्थाय संरक्ष्यो नराधिप । तै रक्ष्यमाणैः स नृपो रक्षितव्यो महामृधे ॥

na ca tvaṃ rakṣitavyo hi eko raṇagatena hi | yo yasya yudhyate'rthāya saṃrakṣyo narādhipa | tai rakṣyamāṇaiḥ sa nṛpo rakṣitavyo mahāmṛdhe

And a man who has entered battle is not to guard only you. Whoever fights for another's cause, O lord of men, is to be well guarded by him; and the king whom those guarded men in turn guard must himself be guarded in the great fray.

Note on the text: Speaker: Arjuna (unheaded speech). Appendix I, passage 13 (7.118.15d@013_0015-0017; line 1 is a recension variant). The automatic alignment found no match.

Verse 25 (7.143.25)

यद्यहं सात्यकिं दृष्ट्वा तूष्णीमासिष्य आहवे । ततस्तेन वियोगश्च प्राप्यं नरकमेव च ॥

yadyahaṃ sātyakiṃ dṛṣṭvā tūṣṇīmāsiṣya āhave | tatastena viyogaśca prāpyaṃ narakameva ca

If I had seen Satyaki and kept silent in the battle, then through losing him I would have earned hell itself.

Note on the text: Speaker: Arjuna (unheaded speech). Appendix I, passage 13 (7.118.15d@013_0018-0019). The automatic alignment found no match.

Verse 26 (7.143.26)

रक्षितव्यो मया यस्मात्तस्माल्लब्धो मया स च । यशश्चैव स्वपक्षेभ्यः फलं मित्रस्य रक्षणात् ॥

rakṣitavyo mayā yasmāttasmāllabdho mayā sa ca | yaśaścaiva svapakṣebhyaḥ phalaṃ mitrasya rakṣaṇāt

Because he was one I was bound to protect, I saved him; and by protecting a friend one gains fame even among one's own side. That is the reward.

Note on the text: Speaker: Arjuna (unheaded speech). Appendix I, passage 13 (7.118.15d@013_0020-0021). The automatic alignment found no match.

Verse 27 (7.143.27)

यच्च मां गर्हसे राजन्कृष्णेन सह सङ्गतम् । कस्तेन सङ्गमं नेच्छेत्तत्र ते बुद्धिविभ्रमः ॥

yacca māṃ garhase rājankṛṣṇena saha saṅgatam | kastena saṅgamaṃ necchettatra te buddhivibhramaḥ

And as for your finding fault with me, O king, for being allied with Krishna: who would not wish for his alliance? In this your judgment is confused.

Note on the text: Speaker: Arjuna (unheaded speech). Appendix I, passage 13 (7.118.15d@013_0022-0023). The automatic alignment found no match.

Verse 28 (7.143.28)

आबद्धकवचस्येह रथमारुह्य तिष्ठतः । सर्वायुधैरुपेतस्य प्रतियोद्धृप्रतीक्षिणः ॥

ābaddhakavacasyeha rathamāruhya tiṣṭhataḥ | sarvāyudhairupetasya pratiyoddhṛpratīkṣiṇaḥ

You were standing in your chariot with your armour fastened, furnished with every weapon, waiting for an opponent,

Note on the text: Speaker: Arjuna (unheaded speech). Recension variant of Appendix I, passage 13 (7.118.15d@013_0024-0025); the sentence continues through verses 29-30. The automatic alignment found no match.

Verse 29 (7.143.29)

अस्मिन्रथगजानीके हयपत्तिसमाकुले । सिंहनादोद्धतरवे गम्भीरे सैन्यसागरे ॥

asminrathagajānīke hayapattisamākule | siṃhanādoddhatarave gambhīre sainyasāgare

in this deep sea of an army, thronged with chariots, elephants, horses and foot-soldiers, loud with lions' roars,

Note on the text: Speaker: Arjuna (unheaded speech). Appendix I, passage 13 (7.118.15d@013_0026-0027; recension variant of line 1). The automatic alignment found no match.

Verse 30 (7.143.30)

स्वैश्चापि समुपेतस्य विक्रान्तस्य तथा रणे । सात्यकेन कथं योग्यः सङ्ग्रामस्ते भविष्यति ॥

svaiścāpi samupetasya vikrāntasya tathā raṇe | sātyakena kathaṃ yogyaḥ saṅgrāmaste bhaviṣyati

and surrounded by your own men, valiant in battle. How could a fair combat with Satyaki come about for you?

Note on the text: Speaker: Arjuna (unheaded speech). Appendix I, passage 13 (7.118.15d@013_0028-0029; the appendix has सत्यकेन, the page सात्यकेन, both forms of Satyaki's name). The automatic alignment found no match.

Verse 31 (7.143.31)

बहुभिः सह सङ्गम्य निर्जित्य च महारथान् । श्रान्तश्च श्रान्तवाहश्च क्षीणसर्वायुधस्त्वया । समेतः सात्यकिः सङ्ख्ये निर्जितश्च महारथः ॥

bahubhiḥ saha saṅgamya nirjitya ca mahārathān | śrāntaśca śrāntavāhaśca kṣīṇasarvāyudhastvayā | sametaḥ sātyakiḥ saṅkhye nirjitaśca mahārathaḥ

Satyaki, having clashed with many and conquered great chariot-warriors, weary, with weary horses and all his weapons spent against you, met you in battle, and though a great warrior he was overcome.

Note on the text: Speaker: Arjuna (unheaded speech). Appendix I, passage 13 (7.118.15d@013_0030-0031); line 3 has no counterpart there. The automatic alignment found no match.

Verse 32 (7.143.32)

ईदृशं सात्यकिं सङ्ख्ये निर्जित्य च महारथम् । अधिकत्वं विजानीषे स्ववीर्यवशमागतम् ॥

īdṛśaṃ sātyakiṃ saṅkhye nirjitya ca mahāratham | adhikatvaṃ vijānīṣe svavīryavaśamāgatam

Having conquered such a great warrior as Satyaki in battle, you think yourself the greater, now that he has come under the power of your own valour.

Note on the text: Corrected विजानीपे → विजानीषे (misprint in Wikisource; प for ष; CE vijānīṣe). Speaker: Arjuna (unheaded speech). Appendix I, passage 13 (7.118.15d@013_0032-0033; line 2 is a recension variant). The automatic alignment found no match.

Verse 33 (7.143.33)

इच्छसि त्वं शिरस्तस्य असिना हर्तुमाहवे । तथा कृच्छ्रगतं दृष्ट्वा सात्यकिं कः क्षमिष्यति । एकस्यैकेन हि कथं सङ्ग्रामः सम्भविष्यति ॥

icchasi tvaṃ śirastasya asinā hartumāhave | tathā kṛcchragataṃ dṛṣṭvā sātyakiṃ kaḥ kṣamiṣyati | ekasyaikena hi kathaṃ saṅgrāmaḥ sambhaviṣyati

You wish to take his head with a sword in battle. Who could bear to see Satyaki in such distress? How could a combat of one against one come about?

Note on the text: Speaker: Arjuna (unheaded speech). Appendix I, passage 13 (7.118.15d@013_0034-0035); line 3 has no counterpart there. The automatic alignment found no match.

Verse 34 (7.143.34)

त्वं तु गर्हय चात्मानं स्वधर्मं यो न रक्षसि । कथं रक्षिष्यसे वीर ये वै त्वां संश्रिता जनाः ॥

tvaṃ tu garhaya cātmānaṃ svadharmaṃ yo na rakṣasi | kathaṃ rakṣiṣyase vīra ye vai tvāṃ saṃśritā janāḥ

You should rather blame yourself, who do not guard your own duty. O hero, how will you protect those who have taken refuge in you?

Note on the text: Speaker: Arjuna (unheaded speech). Appendix I, passage 13 (7.118.15d@013_0036-0037). The automatic alignment found no match.

Verse 35 (7.143.35)

आत्तशस्त्रस्य हि रणे वृष्णिपुत्रं जिघांसतः । छिन्नवान्यदहं बाहुं नैतल्लोकविगर्हितम् ॥

āttaśastrasya hi raṇe vṛṣṇiputraṃ jighāṃsataḥ | chinnavānyadahaṃ bāhuṃ naitallokavigarhitam

That I cut off the arm of a man who had taken up his weapon and wished to kill the Vrishni's son in battle is not something the world condemns.

Note on the text: Speaker: Arjuna (unheaded speech). Appendix I, passage 13 (7.118.15d@013_0038-0039). The automatic alignment found no match.

Verse 36 (7.143.36)

न्यस्तशस्त्रस्य हि पुनर्विकलस्य विवर्मणः । अभिमन्योर्वधं तात धार्मिकः को नु पूजयेत् ॥

nyastaśastrasya hi punarvikalasya vivarmaṇaḥ | abhimanyorvadhaṃ tāta dhārmikaḥ ko nu pūjayet

But who that follows dharma would praise the killing of Abhimanyu, dear sir, when he had laid down his weapons, was disabled, and had lost his armour?

Note on the text: Speaker: Arjuna (unheaded speech). Appendix I, passage 13 (7.118.15d@013_0040-0041). The automatic alignment found no match.

Verse 37 (7.143.37)

एवमुक्तो महार्बाहुर्यूपकेतुर्महायशाः । युयुधानं समुत्सृज्य रणे प्रायमुपाविशत् ॥

evamukto mahārbāhuryūpaketurmahāyaśāḥ | yuyudhānaṃ samutsṛjya raṇe prāyamupāviśat

Thus addressed, the mighty-armed and greatly renowned Yupaketu gave up Yuyudhana and, in the battle, sat down to fast unto death.

Verse 38 (7.143.38)

शरानास्तीर्य सव्येन पाणिना पुण्यलक्षणः । यियासुर्ब्रह्मलोकाय प्राणान्प्राणेष्वथाजुहोत् ॥

śarānāstīrya savyena pāṇinā puṇyalakṣaṇaḥ | yiyāsurbrahmalokāya prāṇānprāṇeṣvathājuhot

Spreading arrows with his left hand, a man of holy marks, desiring to go to the world of Brahma, he offered his vital breaths into the breaths.

Verse 39 (7.143.39)

सूर्ये चक्षुः समाधाय प्रसन्नं सलिले मनः । ध्यायन्महोपनिषदं योगयुक्तोऽभवन्मुनिः ॥

sūrye cakṣuḥ samādhāya prasannaṃ salile manaḥ | dhyāyanmahopaniṣadaṃ yogayukto'bhavanmuniḥ

Fixing his eye on the sun and his mind, clear as still water, on the Supreme, the sage, joined in yoga, meditated on the Great Upanishad.

Verse 40 (7.143.40)

ततस्ते सर्वसेनासु जनाः कृष्णधनञ्जयौ । गर्हयामासुरप्येतौ शशंसुर्भूरिदक्षिणम् ॥

tataste sarvasenāsu janāḥ kṛṣṇadhanañjayau | garhayāmāsurapyetau śaśaṃsurbhūridakṣiṇam

Then throughout all the armies the people blamed Krishna and Dhananjaya, and praised Bhuridakshina.

Note on the text: Lines are a recension variant of CE 7.118.19a-c; line 2 is the star line 7.118.19d*0965_01 (identical). The automatic alignment found no match.

Verse 41 (7.143.41)

निन्द्यमानौ तथा कृष्णौ नोचतुः किञ्चिदप्रियम् । ततः प्रशस्यमानश्च नाहृष्यद्यूपकेतनः ॥

nindyamānau tathā kṛṣṇau nocatuḥ kiñcidapriyam | tataḥ praśasyamānaśca nāhṛṣyadyūpaketanaḥ

Though the two Krishnas were reproached, they said nothing unkind; and Yupaketana, though praised, was not elated.

Verse 42 (7.143.42)

तांस्तथावादिनो राजन्पुत्रांस्तव धनञ्जयः । अमृष्यमाणो मनसा तेषां तस्य च भाषितम् ॥

tāṃstathāvādino rājanputrāṃstava dhanañjayaḥ | amṛṣyamāṇo manasā teṣāṃ tasya ca bhāṣitam

Dhananjaya, O king, could not bear in his mind that your sons spoke in this way, nor what they and he had said,

Note on the text: Corrected अमूष्यमाणो → अमृष्यमाणो (misprint in Wikisource; ऊ for ऋ; CE amṛṣyamāṇo).

Verse 43 (7.143.43)

असङ्क्रुद्धमना वाचः स्मारयन्निव भारत । उवाच पाण्डुतनयः साक्षेपमिव फल्गुनः ॥

asaṅkruddhamanā vācaḥ smārayanniva bhārata | uvāca pāṇḍutanayaḥ sākṣepamiva phalgunaḥ

yet with a mind that was not angry, as if reminding them of their own words, O Bharata, Phalguna, the son of Pandu, spoke as though in reproach.

Verse 44 (7.143.44)

मम सर्वेऽपि राजानो जानन्त्येतन्महाव्रतम् । न शक्यो मामको हन्तुं यो मे स्याद्बाणगोचरे ॥

mama sarve'pi rājāno jānantyetanmahāvratam | na śakyo māmako hantuṃ yo me syādbāṇagocare

All the kings know this great vow of mine: no man who is mine and comes within range of my arrows can be killed.

Note on the text: Speaker: Arjuna (unheaded speech introduced in verse 43; the page prints no heading).

Verse 45 (7.143.45)

यूपकेतुं समीक्ष्यैतन्न मां गर्हितुमर्हथ । न हि धर्ममविज्ञाय युक्तं गर्हयितुं परम् ॥

yūpaketuṃ samīkṣyaitanna māṃ garhitumarhatha | na hi dharmamavijñāya yuktaṃ garhayituṃ param

Seeing Yupaketu in this state, you should not blame me; for one who has not understood dharma, it is not right to censure another.

Note on the text: Speaker: Arjuna (unheaded speech). Line 1 is a recension variant of CE 7.118.24a (the CE has the vocative यूपकेतो and a singular address).

Verse 46 (7.143.46)

न्यस्तशस्त्रस्य बालस्य विरथस्य विवर्मणः । नाभिमन्योर्वधं यूयं गर्हयध्वं कुतस्तदा ॥

nyastaśastrasya bālasya virathasya vivarmaṇaḥ | nābhimanyorvadhaṃ yūyaṃ garhayadhvaṃ kutastadā

Why did you not condemn the killing of Abhimanyu then, when he was a boy who had laid down his weapons, without chariot and without armour?

Note on the text: Stray wiki quote mark removed. Speaker: Arjuna (unheaded speech). Line 1 is CE 7.118.26a; line 2 is the star line 7.118.26d*0967_01. The automatic alignment found no match.

Verse 47 (7.143.47)

दुर्योधनस्य क्षुद्रस्य अप्रमाणे च तिष्ठतः । सौमदत्तेरयं साधुः सर्वसाहाय्यकारिणः ॥

duryodhanasya kṣudrasya apramāṇe ca tiṣṭhataḥ | saumadatterayaṃ sādhuḥ sarvasāhāyyakāriṇaḥ

Against this son of Somadatta, who gave every kind of help to the petty Duryodhana, who keeps to no standard of right, my act was a proper one.

Note on the text: Corrected सौमदत्तेरथं → सौमदत्तेरयं (misprint in Wikisource; थ for य; sandhi of सौमदत्तेः + अयम्, CE saumadatter ayaṃ). Speaker: Arjuna (unheaded speech). Appendix I, passage 14 (7.118.26d@014_0001-0002; line 1 is a recension variant). The automatic alignment found no match.

Verse 48 (7.143.48)

अस्मदीया मया रक्ष्याः प्राणबाध उपस्थिते । ये मे प्रत्यक्षतो वीरा हन्येरन्निति मे मतिः ॥

asmadīyā mayā rakṣyāḥ prāṇabādha upasthite | ye me pratyakṣato vīrā hanyeranniti me matiḥ

Our own men are to be protected by me when their lives are in danger, such of those heroes as might be killed before my eyes; that is my conviction.

Note on the text: Speaker: Arjuna (unheaded speech). Appendix I, passage 14 (7.118.26d@014_0003-0004). The automatic alignment found no match.

Verse 49 (7.143.49)

सात्यकश्च वशं नीतः कौरवेण महात्मना । ततो मयैतच्चरितं प्रतिज्ञारक्षणं प्रति ॥

sātyakaśca vaśaṃ nītaḥ kauraveṇa mahātmanā | tato mayaitaccaritaṃ pratijñārakṣaṇaṃ prati

And Satyaki had been brought under the power of the great-souled Kaurava; so I did this deed to keep my vow.

Note on the text: Speaker: Arjuna (unheaded speech). Appendix I, passage 14 (7.118.26d@014_0005 and 0006). The CE prints "saṃjaya uvāca" before @014_0006, but the page prints its heading only before verse 50, so the speaker here stays Arjuna. The automatic alignment found no match.

Verse 50 (7.143.50)

पुनश्च कृपयाऽऽविष्टो बहु तत्तद्विचिन्तयन् । उवाच चैनं कौरव्यमर्जुनः शोकपीडितः ॥

punaśca kṛpayā''viṣṭo bahu tattadvicintayan | uvāca cainaṃ kauravyamarjunaḥ śokapīḍitaḥ

And again, filled with compassion and pondering many things, Arjuna, pained with grief, said to that Kaurava:

Note on the text: Speaker: Sanjaya, the page's printed heading (this verse is narration; Arjuna's speech runs through verse 55). Appendix I, passage 14 (7.118.26d@014_0007-0008). The automatic alignment found no match.

Verse 51 (7.143.51)

धिगस्तु क्षत्रधर्मं तु यत्र त्वं पुरुषेश्वरः । अवस्थामीदृशीं प्राप्तः शरण्यः शरणप्रदः ॥

dhigastu kṣatradharmaṃ tu yatra tvaṃ puruṣeśvaraḥ | avasthāmīdṛśīṃ prāptaḥ śaraṇyaḥ śaraṇapradaḥ

“Shame on the Kshatriya's dharma, in which you, a lord among men, a refuge and giver of refuge, have come to such a state!

Note on the text: Speaker: Arjuna (unheaded speech introduced in verse 50). Appendix I, passage 14 (7.118.26d@014_0009-0010). The automatic alignment found no match.

Verse 52 (7.143.52)

नातिभारः कृतान्तस्य विद्यते कुरुनन्दन । यत्र त्वं पुरुषव्याघ्रः प्राप्तः पापामिमां दशाम् ॥

nātibhāraḥ kṛtāntasya vidyate kurunandana | yatra tvaṃ puruṣavyāghraḥ prāptaḥ pāpāmimāṃ daśām

Nothing is too heavy for Fate, delight of the Kurus, when you, a tiger among men, have come to this wretched plight.

Note on the text: Speaker: Arjuna (unheaded speech). Appendix I, passage 14 (7.118.26d@014_0011-0012). The automatic alignment found no match.

Verse 53 (7.143.53)

नात्मनः सुकृतस्यास्य फलं वै नृपसत्तम । यत्र त्वं कुरुशार्दूल प्राप्तः पापामिमां दशाम् ॥

nātmanaḥ sukṛtasyāsya phalaṃ vai nṛpasattama | yatra tvaṃ kuruśārdūla prāptaḥ pāpāmimāṃ daśām

This is not the fruit of your own good deeds, best of kings, that you, tiger of the Kurus, have come to this wretched plight.

Note on the text: Speaker: Arjuna (unheaded speech). Appendix I, passage 14 (7.118.26d@014_0013-0014). The automatic alignment found no match.

Verse 54 (7.143.54)

रौरवं नरकं भीमं गमिष्यति सुयोधनः । यत्कृते नरशार्दूलः प्राप्तः पापामिमां दशाम् ॥

rauravaṃ narakaṃ bhīmaṃ gamiṣyati suyodhanaḥ | yatkṛte naraśārdūlaḥ prāptaḥ pāpāmimāṃ daśām

Suyodhana will go to the dreadful Raurava hell, for whose sake a tiger among men has come to this wretched plight.

Note on the text: Speaker: Arjuna (unheaded speech). Appendix I, passage 14 (7.118.26d@014_0015-0016). The automatic alignment found no match.

Verse 55 (7.143.55)

को हि नाम पुमाँल्लोके मादृशः पुरुषोत्तम । प्रहरेत्त्वद्विधे त्वद्य प्रतिज्ञा यदि नो भवेत् ॥

ko hi nāma pumām̐lloke mādṛśaḥ puruṣottama | praharettvadvidhe tvadya pratijñā yadi no bhavet

For what man in the world like me, O best of men, would strike one such as you today, unless he were bound by a vow?”

Note on the text: Stray wiki quote mark removed. Speaker: Arjuna (unheaded speech). Appendix I, passage 14 (7.118.26d@014_0017-0018). The automatic alignment found no match.

Verse 56 (7.143.56)

एवमुक्तः स पार्थेन शिरसा भूमिमस्पृशत् । पाणिना चैव सव्येन प्राहिणोदस्य दक्षिणम् ॥

evamuktaḥ sa pārthena śirasā bhūmimaspṛśat | pāṇinā caiva savyena prāhiṇodasya dakṣiṇam

Thus addressed by Partha, he touched the ground with his head, and with his left hand sent his own right hand to Arjuna.

Verse 57 (7.143.57)

एतत्पार्थस्य तु वचस्ततः श्रुत्वा महाद्युतिः । यूपकेतुर्महाराज तूष्णीमासीदवाङ्मुखः ॥

etatpārthasya tu vacastataḥ śrutvā mahādyutiḥ | yūpaketurmahārāja tūṣṇīmāsīdavāṅmukhaḥ

Hearing this speech of Partha, the radiant Yupaketu, O great king, fell silent, his face bowed.

Note on the text: Corrected युपकेतुर्महाराज → यूपकेतुर्महाराज (misprint in Wikisource; short उ for ऊ; CE yūpaketur).

Verse 58 (7.143.58)

या प्रीतिर्धर्मराजे मे भीमे च बलिनां वरे । नकुले सहदेवे च सा मे त्वयि शलाग्रज ॥

yā prītirdharmarāje me bhīme ca balināṃ vare | nakule sahadeve ca sā me tvayi śalāgraja

The affection I have for Dharmaraja, for Bhima best of the strong, and for Nakula and Sahadeva, that same affection I have for you, elder brother of Shala.

Verse 59 (7.143.59)

मया त्वं समनुज्ञातः कृष्णेन च महात्मना । गच्छ पुण्यकृतां लोकाञ्छिबिरौशीनरो यथा ॥

mayā tvaṃ samanujñātaḥ kṛṣṇena ca mahātmanā | gaccha puṇyakṛtāṃ lokāñchibirauśīnaro yathā

You have my leave, and the leave of the great-souled Krishna: go to the worlds of the righteous, as Shibi Aushinara did.

Verse 60 (7.143.60)

ये लोका मम विमलाः सकृद्विभाता । ब्रह्माद्यैः सुरवृषभैरपीष्यमाणाः । तान्क्षिप्रं व्रज सतताग्निहोत्रयाजिन् । मत्तुल्यो भव गरुडोत्तमाङ्गयानः ॥

ye lokā mama vimalāḥ sakṛdvibhātā | brahmādyaiḥ suravṛṣabhairapīṣyamāṇāḥ | tānkṣipraṃ vraja satatāgnihotrayājin | mattulyo bhava garuḍottamāṅgayānaḥ

Go quickly to those worlds of mine, stainless and shining together, sought even by the foremost gods led by Brahma, O constant performer of the fire-sacrifice, and become like me, with the back of Garuda for your mount.

Note on the text: Speaker: Vasudeva, the page's printed heading (the CE prints the same speaker). Joined the page's sandhi split सतताग्निहोत्रयाजि-- | न्मत्तुल्यो as याजिन् | मत्तुल्यो (the CE's pāda division; stray "--" mark removed). Not in the critical edition's main text; star lines 7.118.30d*0968_01-04 (placed after 7.118.30). The automatic alignment found no match.

Verse 61 (7.143.61)

धनञ्जये ब्रुवत्येवं घृणया च परिप्लुते । अवाङ्मुखा बभूवुश्च सैनिकाः सर्व एव ते ॥

dhanañjaye bruvatyevaṃ ghṛṇayā ca pariplute | avāṅmukhā babhūvuśca sainikāḥ sarva eva te

As Dhananjaya spoke thus, overflowing with compassion, all the soldiers stood there with their faces lowered.

Note on the text: Stray wiki quote mark removed. Not in the critical edition's main text; star lines 7.118.30d*0969_01-02 (placed after 7.118.30, with the heading *0969_00 "saṃjaya uvāca"). The automatic alignment found no match.

Verse 62 (7.143.62)

मुहूर्तादिव विश्रम्य सात्यकिः क्रोधमूर्च्छितः । अमर्षवशमापन्नः सौमदत्तिनिराकृतः ॥

muhūrtādiva viśramya sātyakiḥ krodhamūrcchitaḥ | amarṣavaśamāpannaḥ saumadattinirākṛtaḥ

After resting a moment, Satyaki, stunned with rage and in the grip of fury, was pushed aside by Somadatta's son.

Note on the text: Stray wiki quote mark removed. Not in the critical edition's main text; star lines 7.118.30d*0969_03-04 (placed after 7.118.30). The automatic alignment found no match.

Verse 63 (7.143.63)

उत्थितः स तु शैनेयो विमुक्तः सौमदत्तिना । खड्गमादाय चिच्छित्सुः शिरस्तस्य महात्मनः ॥

utthitaḥ sa tu śaineyo vimuktaḥ saumadattinā | khaḍgamādāya cicchitsuḥ śirastasya mahātmanaḥ

Then Shaineya rose, freed from Saumadatti, and taking up his sword, wished to cut off the head of that great-souled man.

Note on the text: Corrected सङ्गमादाय → खड्गमादाय (misprint in Wikisource; the sense needs sword; CE khaḍgam ādāya).

Verse 64 (7.143.64)

निहतं पाण्डुपुत्रेण प्रसक्तं भूरिदक्षिणम् । इयेष सात्यकिर्हन्तुं शलाग्रजमकल्मषम् ॥

nihataṃ pāṇḍuputreṇa prasaktaṃ bhūridakṣiṇam | iyeṣa sātyakirhantuṃ śalāgrajamakalmaṣam

Satyaki wished to kill the sinless elder brother of Shala, Bhuridakshina, who had been struck down by the son of Pandu and was absorbed in something else.

Note on the text: Line 1 reads प्रसक्तं where CE 7.118.32a reads pramattam; a recension variant, kept.

Verse 65 (7.143.65)

निकृत्तभुजमासीनं छिन्नहस्तमिव द्विपम् । क्रोशतां सर्वसैन्यानां निन्द्यमानः सुदुर्मनाः ॥

nikṛttabhujamāsīnaṃ chinnahastamiva dvipam | krośatāṃ sarvasainyānāṃ nindyamānaḥ sudurmanāḥ

Bhurishravas sat there with his arm cut off, like an elephant whose trunk has been severed; and Satyaki, reviled by all the shouting armies and very troubled in mind,

Verse 66 (7.143.66)

वार्यमाणः स कृष्णेन पार्थेन च महात्मना । भीमेन चक्ररक्षाभ्यामश्वत्थाम्ना कृपेण च ॥

vāryamāṇaḥ sa kṛṣṇena pārthena ca mahātmanā | bhīmena cakrarakṣābhyāmaśvatthāmnā kṛpeṇa ca

though held back by Krishna and by the great-souled Partha, by Bhima, by the two wheel-guards, by Ashvatthama and by Kripa,

Note on the text: Corrected चक्रक्षाभ्यामश्वत्थाम्ना → चक्ररक्षाभ्यामश्वत्थाम्ना (misprint in Wikisource; dropped र; CE cakrarakṣābhyām).

Verse 67 (7.143.67)

कर्णेन वृषसेनेन सैन्धवेन तथैव च । विक्रोशतां च सैन्यानामवधीत्तं धृतव्रतम् ॥

karṇena vṛṣasenena saindhavena tathaiva ca | vikrośatāṃ ca sainyānāmavadhīttaṃ dhṛtavratam

and by Karna, Vrishasena and Saindhava as well, killed that man of steadfast vows while the armies cried out.

Verse 68 (7.143.68)

प्रायोपविष्टस्य रणे पार्थेन च्छिन्नबाहुनः । सात्यकिः कौरवेयस्य खड्गेनापाहरच्छिरः ॥

prāyopaviṣṭasya raṇe pārthena cchinnabāhunaḥ | sātyakiḥ kauraveyasya khaḍgenāpāharacchiraḥ

Satyaki cut off with his sword the head of the Kaurava, who sat fasting unto death in the battle, his arm already cut off by Partha.

Note on the text: Corrected खङ्गेनापाहरच्छिरः → खड्गेनापाहरच्छिरः (misprint in Wikisource; CE khaḍgena).

Verse 69 (7.143.69)

नाभ्यनन्दन्त तं सैन्याः सात्यकिं तेन कर्मणा । अर्जुनेन हतं पूर्वं यज्जघान कुरूद्वहम् ॥

nābhyanandanta taṃ sainyāḥ sātyakiṃ tena karmaṇā | arjunena hataṃ pūrvaṃ yajjaghāna kurūdvaham

The armies did not applaud Satyaki for that deed, because he had killed the chief of the Kurus after Arjuna had already struck him down.

Verse 70 (7.143.70)

सहस्राक्षसमं चैव सिद्धचारणमानवाः । भूरिश्रवसमालोक्य युद्धे प्रायगतं हतम् ॥

sahasrākṣasamaṃ caiva siddhacāraṇamānavāḥ | bhūriśravasamālokya yuddhe prāyagataṃ hatam

Siddhas, Charanas and men, seeing Bhurishravas, the equal of the thousand-eyed Indra, slain in battle as he sat fasting unto death,

Verse 71 (7.143.71)

अपूजयन्त तं देवा विस्मितास्तेऽस्य कर्मभिः । पक्षवादांश्च सुबहून्प्रावदंस्तव सैनिकाः ॥

apūjayanta taṃ devā vismitāste'sya karmabhiḥ | pakṣavādāṃśca subahūnprāvadaṃstava sainikāḥ

and the gods, astonished at his deeds, honoured him; and your soldiers spoke many partisan words.

Note on the text: Line 1 reads तं देवा विस्मितास्तेऽस्य where CE 7.118.39 reads taṃ devā vismitās tasya; a recension variant, kept.

Verse 72 (7.143.72)

न वार्ष्णेयस्यापराधो भवितव्यं हि तत्तथा । तस्मान्मन्युर्न वः कार्यः क्रोधो दुःखतरो नृणाम् ॥

na vārṣṇeyasyāparādho bhavitavyaṃ hi tattathā | tasmānmanyurna vaḥ kāryaḥ krodho duḥkhataro nṛṇām

“It is no fault of the Vrishni, for it was bound to be so. Therefore you should not be angry; anger brings men greater sorrow.

Note on the text: Speaker: the Kaurava soldiers (their speech, introduced in verse 71, fills verses 72-74; the page prints no heading and has it under Sanjaya). The CE likewise has no heading here.

Verse 73 (7.143.73)

हन्तव्यश्चैष वीरेण नात्र कार्या विचारणा । विहितो ह्यस्य धात्रैव मृत्युः सात्यकिराहवे ॥

hantavyaścaiṣa vīreṇa nātra kāryā vicāraṇā | vihito hyasya dhātraiva mṛtyuḥ sātyakirāhave

He was to be slain by a hero; there is no need for doubt in this. His death at Satyaki's hands in battle was ordained by Fate itself.

Note on the text: Speaker: the Kaurava soldiers (continued speech).

Verse 74 (7.143.74)

मर्तव्यमेव सर्वेण चरमं पूर्वमेव वा । मन्यध्वं मृत इत्येष माभूद्वो बुद्धिलाघवम् ॥

martavyameva sarveṇa caramaṃ pūrvameva vā | manyadhvaṃ mṛta ityeṣa mābhūdvo buddhilāghavam

All must die, sooner or later. Think of him as already dead, and let there be no lightness of mind in you.”

Note on the text: Stray wiki quote mark removed. Speaker: the Kaurava soldiers (continued speech). Not in the critical edition's main text; star lines 7.118.41d*0972_01-02 (placed after 7.118.41). The automatic alignment found no match.

Verse 75 (7.143.75)

तस्मिन्हते महाबाहौ यूपकेतौ महात्मनि । धिगेनमिति चाक्रन्दन्क्षत्रियाः क्रोधमूर्च्छिताः ॥

tasminhate mahābāhau yūpaketau mahātmani | dhigenamiti cākrandankṣatriyāḥ krodhamūrcchitāḥ

When the mighty-armed, great-souled Yupaketu was slain, the Kshatriyas, stunned with rage, cried out, “Shame on him!”

Note on the text: Not in the critical edition's main text; star lines 7.118.41d*0972_03-04 (placed after 7.118.41). The automatic alignment found no match.

Verse 76 (7.143.76)

अन्ये न युक्तमित्येव भवितव्यं तथेति च । केचिदासन्विमनसः केचिद्दुःखसमन्विताः ॥

anye na yuktamityeva bhavitavyaṃ tatheti ca | kecidāsanvimanasaḥ kecidduḥkhasamanvitāḥ

Others said, “This was not right,” and others, “It had to be so.” Some were troubled in mind, and some were stricken with grief.

Note on the text: Stray wiki quote mark removed. Not in the critical edition's main text; star lines 7.118.41d*0972_05-06 (placed after 7.118.41; line 1 is a recension variant, अन्ये न युक्तम् for anyena yuktam). The automatic alignment found no match.

Verse 77 (7.143.77)

न हन्तव्यो न हन्तव्य इति मन्दाः प्रभाषत । धर्मवादैरधर्मिष्ठा धर्मकञ्चुकमास्थिताः ॥

na hantavyo na hantavya iti mandāḥ prabhāṣata | dharmavādairadharmiṣṭhā dharmakañcukamāsthitāḥ

“‘He must not be killed! He must not be killed!’ you fools say, you unrighteous men, who put on dharma as a cloak and speak words of dharma.

Verse 78 (7.143.78)

यदा बालः सुभद्रायाः सुतः शस्त्रविनाकृतः । युष्माभिर्निहतो युद्धे तदा धर्मः क्व वो गतः ॥

yadā bālaḥ subhadrāyāḥ sutaḥ śastravinākṛtaḥ | yuṣmābhirnihato yuddhe tadā dharmaḥ kva vo gataḥ

When Subhadra's young son, who had laid down his weapons, was killed by you in battle, where had your dharma gone then?

Note on the text: Corrected शस्त्रनिनाकृतः → शस्त्रविनाकृतः (misprint in Wikisource; न for व; CE śastravinākṛtaḥ).

Verse 79 (7.143.79)

मया त्वेतत्प्रतिज्ञातं क्षेपे कस्मिंश्चिदेव हि । श्रुत्वा तत्सर्वभावेन गर्हयध्वं न चार्जुनम् । शृणुध्वं सर्वमेवेह श्रुत्वा गर्हथ मानवाः ॥

mayā tvetatpratijñātaṃ kṣepe kasmiṃścideva hi | śrutvā tatsarvabhāvena garhayadhvaṃ na cārjunam | śṛṇudhvaṃ sarvameveha śrutvā garhatha mānavāḥ

I made this vow on a certain occasion when I was insulted. Having heard all of it, blame me, but do not blame Arjuna. Listen to it all here, men, and only then find fault.

Note on the text: Stray wiki quote marks removed. Line 1 is CE 7.118.44a; lines 2-3 are the star lines 7.118.44b*0973_01 and 7.118.44b*0974_01. The automatic alignment found no match.

Verse 80 (7.143.80)

यो मां निष्पिष्य सङ्ग्रमे जीवन्हन्यात्पदा रुषा । स मे वध्यो भवेच्छत्रुर्यद्यपि स्यान्मुनिव्रतः ॥

yo māṃ niṣpiṣya saṅgrame jīvanhanyātpadā ruṣā | sa me vadhyo bhavecchatruryadyapi syānmunivrataḥ

“Whoever, crushing me in battle, would kill me while I live, kicking me in anger, that enemy is to be killed by me, even if he keep a sage's vows.”

Note on the text: Lines are CE 7.118.44c and 44e. The page reads सङ्ग्रमे (a shortened form of saṅgrāma found in the epic) where the CE reads saṃgrāme; kept as printed.

Verse 81 (7.143.81)

चेष्टमानं प्रतीघाते सभुजं मां सचक्षुषः । मन्यध्वं मृत इत्येवमेतद्वो बुद्धिलाघवम् ॥

ceṣṭamānaṃ pratīghāte sabhujaṃ māṃ sacakṣuṣaḥ | manyadhvaṃ mṛta ityevametadvo buddhilāghavam

You have eyes, and you saw me struggling to strike back with my arm unsevered, yet you count me as dead. That is the lightness of your wits.

Verse 82 (7.143.82)

युक्तो ह्यस्य प्रतीघातः कृतो मे कुरुपुङ्गवाः ॥

yukto hyasya pratīghātaḥ kṛto me kurupuṅgavāḥ

A fitting counter-stroke was made by me against him, O foremost of the Kurus.

Note on the text: Single line, as printed; it is CE 7.118.45e (the CE prints it as a separate line after 45c). Nothing lost.

Verse 83 (7.143.83)

यत्तु पार्थेन मां दृष्ट्वा प्रतिज्ञामभिरक्षता । सखड्गोऽस्य हृतो बाहुरेतेनैवास्मि वञ्चितः ॥

yattu pārthena māṃ dṛṣṭvā pratijñāmabhirakṣatā | sakhaḍgo'sya hṛto bāhuretenaivāsmi vañcitaḥ

But because Partha, seeing me, kept his own vow and cut off that arm with its sword, I was cheated by that very act.

Note on the text: Corrected सखङ्गोऽस्य → सखड्गोऽस्य (misprint in Wikisource; CE khaḍga). Line 1 is a recension variant of CE 7.118.46a (the CE adds matsnehāt).

Verse 84 (7.143.84)

भवितव्यं हि यद्भावि दैवं चेष्टयते हि तत् । सोयं हतो विमर्देऽस्मिन्किमत्राधर्मचेष्टितम् ॥

bhavitavyaṃ hi yadbhāvi daivaṃ ceṣṭayate hi tat | soyaṃ hato vimarde'sminkimatrādharmaceṣṭitam

What is to be will be; fate drives it on. He was killed in this tumult; where is the unrighteous act in that?

Verse 85 (7.143.85)

अपि चायं पुरा गीतः श्लोको वाल्मीकिना भुवि । न हन्तव्याः स्त्रिय इति यद्ब्रवीषि प्लवङ्गम ॥

api cāyaṃ purā gītaḥ śloko vālmīkinā bhuvi | na hantavyāḥ striya iti yadbravīṣi plavaṅgama

And a verse was sung long ago on earth by Valmiki: “Women are not to be killed,” as you say, O monkey.

Note on the text: Corrected अपि चापं → अपि चायं (misprint in Wikisource; प for य; CE api cāyam). Line 1 is CE 7.118.48a; line 2 is the star line 7.118.48b*0975_01.

Verse 86 (7.143.86)

सर्वकालं मनुष्येण व्यवसायवता सदा । पीडाकरममित्राणां यत्स्यात्कर्तव्यमेव तत् । अनुष्ठितं मया तच्च कस्माद्गर्हथ मूढवत् ॥

sarvakālaṃ manuṣyeṇa vyavasāyavatā sadā | pīḍākaramamitrāṇāṃ yatsyātkartavyameva tat | anuṣṭhitaṃ mayā tacca kasmādgarhatha mūḍhavat

At all times a man of firm resolve should do whatever will cause pain to his enemies. That is what I have done; why do you blame me like fools?

Note on the text: Line 1 is the star line 7.118.48b*0976_01, line 2 is CE 7.118.48c, line 3 is the star line 7.118.48d*0977_01 (a recension variant: कस्माद् for the star's तस्माद्). The automatic alignment found no match.

Verse 87 (7.143.87)

एवमुक्ते महाराज सर्वे कौरवपुङ्गवाः । न स्म किंचिदभाषन्त मनसा समपूजयन् ॥

evamukte mahārāja sarve kauravapuṅgavāḥ | na sma kiṃcidabhāṣanta manasā samapūjayan

When he had spoken, O great king, all the foremost Kauravas said nothing, but in their minds they honoured the fallen king.

Note on the text: Speaker heading printed on the page as "सञ्चय" corrected to सञ्जय (misprint; also in the rows of verses 88-90). Line 1 reads कौरवपुङ्गवाः where the CE reads kauravapāṇḍavāḥ; a recension variant, kept.

Verse 88 (7.143.88)

मन्त्राभिपूतस्य महाध्वरेषु । यशस्विनो भूरिसहस्रदस्य । मुनेरिवारण्यगतस्य तस्य । न तत्र कश्चिद्वधमभ्यनन्दत् ॥

mantrābhipūtasya mahādhvareṣu | yaśasvino bhūrisahasradasya | munerivāraṇyagatasya tasya | na tatra kaścidvadhamabhyanandat

Of him, purified by mantras at the great sacrifices, renowned, giver of many thousands, like a sage gone to the forest, no one there approved of his killing.

Note on the text: Corrected मन्त्रभिपूतस्य → मन्त्राभिपूतस्य (misprint in Wikisource; short vowel for long, the compound being मन्त्र + अभिपूत; the CE has mantrair hi pūtasya). Speaker corrected from the printed सञ्चय (see verse 87).

Verse 89 (7.143.89)

सुनीलकेशं वरदस्य तस्य । सूरस्य पारावतलोहिताक्षम् । अश्वस्य मेध्यस्य शिरो निकृत्तं । न्यस्तं हविर्धानमिवान्तरेण ॥

sunīlakeśaṃ varadasya tasya | sūrasya pārāvatalohitākṣam | aśvasya medhyasya śiro nikṛttaṃ | nyastaṃ havirdhānamivāntareṇa

The head of that boon-giving hero, with hair deep blue-black and eyes red like a dove's, lay cut off like the head of a sacrificial horse set down in the middle of the oblation-shed.

Note on the text: Speaker corrected from the printed सञ्चय (see verse 87).

Verse 90 (7.143.90)

स तेजसा शस्त्रकृतेन पूतो । महाहवे देहवरं विसृज्य । आक्रामदूर्ध्वं वरदो वरार्हो । व्यावृत्त्य धर्मेण परेण रोदसी ॥

sa tejasā śastrakṛtena pūto | mahāhave dehavaraṃ visṛjya | ākrāmadūrdhvaṃ varado varārho | vyāvṛttya dharmeṇa pareṇa rodasī

Purified by the radiance that came from the weapon, having cast off his noble body in the great battle, the boon-giver, worthy of the highest, rose upward, filling heaven and earth with his supreme dharma.

Note on the text: Corrected परेम → परेण (misprint in Wikisource; म for ण; CE pareṇa). Speaker corrected from the printed सञ्चय (see verse 87).