Bhima Slays Bahlika; Yudhishthira Faces Drona's Weapons

Verse 1 (7.158.1)

द्रुपदस्यात्मजान्दृष्ट्वा कुन्तिभोजसुतांस्तथा । द्रोणपुत्रेण निहतान्राक्षसांश्च सहस्रशः ॥

drupadasyātmajāndṛṣṭvā kuntibhojasutāṃstathā | droṇaputreṇa nihatānrākṣasāṃśca sahasraśaḥ

Having seen the sons of Drupada and the sons of Kuntibhoja, and the rakshasas slain by Drona's son in their thousands,

Verse 2 (7.158.2)

युधिष्ठिरो भीमसेनो धृष्टद्युम्नश्च पार्षतः । युयुधानश्च संयत्ता युद्धायैव मनो दधुः ॥

yudhiṣṭhiro bhīmaseno dhṛṣṭadyumnaśca pārṣataḥ | yuyudhānaśca saṃyattā yuddhāyaiva mano dadhuḥ

Yudhishthira, Bhimasena, Dhrishtadyumna the Prishata, and Yuyudhana, all intent on the fight, set their minds on battle alone.

Verse 3 (7.158.3)

सोमदत्तः पुनः क्रुद्धो दृष्ट्वा सात्यकिमाहवे । महता शरवर्षेण च्छादयामास भारत ॥

somadattaḥ punaḥ kruddho dṛṣṭvā sātyakimāhave | mahatā śaravarṣeṇa cchādayāmāsa bhārata

Somadatta, enraged once more at the sight of Satyaki in the battle, covered him, O Bharata, with a great shower of arrows.

Verse 4 (7.158.4)

ततः समभवद्युद्धमतीव भयवर्धनम् । त्वदीयानां परेषां च घोरं विजयकाङ्क्षिणाम् ॥

tataḥ samabhavadyuddhamatīva bhayavardhanam | tvadīyānāṃ pareṣāṃ ca ghoraṃ vijayakāṅkṣiṇām

Then there arose a battle exceedingly fearful, a dreadful clash between your men and the enemy, each side longing for victory.

Verse 5 (7.158.5)

तं दृष्ट्वा समुपायान्तं रुक्मपुङ्खैः शिलाशितैः । दशभिः सात्वतस्यार्थे भीमो विव्याध सायकैः ॥

taṃ dṛṣṭvā samupāyāntaṃ rukmapuṅkhaiḥ śilāśitaiḥ | daśabhiḥ sātvatasyārthe bhīmo vivyādha sāyakaiḥ

Seeing him advance, Bhima, for Satyaki's sake, pierced him with ten arrows, gold-feathered and whetted on stone.

Note on the text: Line 1 is star passage 7.132.4d*1134_01 (placed after 7.132.4); line 2 corresponds to CE 7.132.5a, where the CE reads kauravam for Wikisource सायकैः (recension variant, kept). The automatic alignment found no match.

Verse 6 (7.158.6)

सोमदत्तोऽपि तं वीरं शतेन प्रत्यविध्यत । सात्वतस्त्वभिसंक्रुद्धः पुत्राधिभिरभिप्लुतम् ॥

somadatto'pi taṃ vīraṃ śatena pratyavidhyata | sātvatastvabhisaṃkruddhaḥ putrādhibhirabhiplutam

Somadatta in turn pierced that hero with a hundred. And Satyaki, flaring up in rage against him, who was overwhelmed by anxieties for his sons,

Note on the text: Lines 1-2 = CE 7.132.5c, 6a. The automatic alignment found no match.

Verse 7 (7.158.7)

वृद्धं वृद्धगुणैर्युक्तं ययातिमिव नाहुषम् । विव्याध दशभिस्तीक्ष्णैः शरैर्वज्रनिपातनैः । शक्त्या चैनं विनिर्भिद्य पुनर्विव्याध सप्तभिः ॥

vṛddhaṃ vṛddhaguṇairyuktaṃ yayātimiva nāhuṣam | vivyādha daśabhistīkṣṇaiḥ śarairvajranipātanaiḥ | śaktyā cainaṃ vinirbhidya punarvivyādha saptabhiḥ

old, endowed with all the qualities of age, like Yayati son of Nahusha, pierced with ten sharp arrows that fall like thunderbolts, and having struck him with a spear, pierced him again with seven.

Note on the text: Lines 1-3 = CE 7.132.6c, 7a, 7c. The automatic alignment found no match.

Verse 8 (7.158.8)

ततस्तु सात्यकेरर्थे भीमसेनो नवं दृढम् । मुमोच परिघं घोरं सोमदत्तस्य मूर्धनि ॥

tatastu sātyakerarthe bhīmaseno navaṃ dṛḍham | mumoca parighaṃ ghoraṃ somadattasya mūrdhani

Then, for Satyaki's sake, Bhimasena hurled a new, strong, terrible iron club at Somadatta's head.

Verse 9 (7.158.9)

सात्वतोऽप्यग्निसङ्काशं मुमोच शरमुत्तमम् । सोमदत्तोरसि क्रुद्धः सुपत्रं निशितं युधि ॥

sātvato'pyagnisaṅkāśaṃ mumoca śaramuttamam | somadattorasi kruddhaḥ supatraṃ niśitaṃ yudhi

Satyaki, too, in a fury, loosed at Somadatta's chest a superb arrow, fine-feathered and sharp, blazing like fire.

Verse 10 (7.158.10)

युगपत्पेततुर्वीर घोरौ परिघमार्गणौ । शरीरे सोमदत्तस्य स पपात महारथः ॥

yugapatpetaturvīra ghorau parighamārgaṇau | śarīre somadattasya sa papāta mahārathaḥ

The two terrible missiles, the club and the arrow, fell together, O hero, on Somadatta's body, and that great warrior fell.

Verse 11 (7.158.11)

व्यामोहिते तु तनये बाह्लीकस्तमुपाद्रवत् । विसृजञ्छरवर्षाणि कालवर्षीव तोयदः ॥

vyāmohite tu tanaye bāhlīkastamupādravat | visṛjañcharavarṣāṇi kālavarṣīva toyadaḥ

When his son lay stupefied, Bahlika rushed upon him, pouring out showers of arrows like a cloud raining in its season.

Note on the text: Corrected व्यामोहिते तुनये → व्यामोहिते तु तनये (misprint in Wikisource; a dropped त, the words being तु तनये; CE 7.132.11a tu tanaye).

Verse 12 (7.158.12)

भीमोऽथ सात्वतस्यार्थे बाह्लीकं नवभिः शरैः । प्रातिपेयं महात्मानं विव्याध रणमूर्धनि ॥

bhīmo'tha sātvatasyārthe bāhlīkaṃ navabhiḥ śaraiḥ | prātipeyaṃ mahātmānaṃ vivyādha raṇamūrdhani

Then Bhima, for Satyaki's sake, pierced the great-souled Bahlika, son of Pratipa, with nine arrows in the forefront of the battle.

Verse 13 (7.158.13)

प्रातिपेयस्तु सङ्क्रुद्धः शक्तिं भीमस्य वक्षसि । निचखान महाबाहुः पुरन्दर इवाशनिम् ॥

prātipeyastu saṅkruddhaḥ śaktiṃ bhīmasya vakṣasi | nicakhāna mahābāhuḥ purandara ivāśanim

Enraged, the mighty-armed son of Pratipa drove a spear into Bhima's chest, as Indra, the destroyer of cities, hurls his thunderbolt.

Verse 14 (7.158.14)

स तथाऽभिहतो भीमश्चकम्पे च मुमोह च । प्राप्य चेतश्च बलवान्गदामस्मै ससर्ज ह ॥

sa tathā'bhihato bhīmaścakampe ca mumoha ca | prāpya cetaśca balavāngadāmasmai sasarja ha

Struck so, Bhima trembled and fainted; then the mighty man regained his senses and hurled his mace at Bahlika.

Verse 15 (7.158.15)

सा पाण्डवेन प्रहिता बाह्लीकस्य शिरोऽहरत् । स पपात हतः पृथ्व्यां वज्राहत इवाद्रिराट् ॥

sā pāṇḍavena prahitā bāhlīkasya śiro'harat | sa papāta hataḥ pṛthvyāṃ vajrāhata ivādrirāṭ

Hurled by the Pandava, the mace struck off Bahlika's head, and he fell slain to the earth, like a king of mountains struck by lightning.

Verse 16 (7.158.16)

तस्मिन्विनिहते वीरे बाह्लीके पुरुषर्षभ । पुत्रास्तेऽभ्यर्दयन्भीमं दश दाशरथेः समाः ॥

tasminvinihate vīre bāhlīke puruṣarṣabha | putrāste'bhyardayanbhīmaṃ daśa dāśaratheḥ samāḥ

When that hero Bahlika, a bull among men, was slain, ten of your sons, each a match for Rama son of Dasharatha, attacked Bhima:

Verse 17 (7.158.17)

नागदत्तो दृढरथो महाबाहुरयोभुजः । दृढः सुहस्तो विरजाः प्रमाथ्युग्रोऽनुयाय्यपि ॥

nāgadatto dṛḍharatho mahābāhurayobhujaḥ | dṛḍhaḥ suhasto virajāḥ pramāthyugro'nuyāyyapi

Nagadatta, Dridharatha, Mahabahu, Ayobhuja, Dridha, Suhasta, Viraja, Pramathi, Ugra and Anuyayi.

Note on the text: Not in the critical edition's main text; it is star passage 7.132.16d*1135_01-02 (placed after 7.132.16), which reads vīrabāhur for Wikisource महाबाहुः (recension variant, kept). The automatic alignment found no match.

Verse 18 (7.158.18)

तान्दृष्ट्वा चुक्रुधे भीमो जगृहे भारसाधनान् । एकमेकं समुद्दिश्य पातयामास मर्मसु ॥

tāndṛṣṭvā cukrudhe bhīmo jagṛhe bhārasādhanān | ekamekaṃ samuddiśya pātayāmāsa marmasu

Seeing them, Bhima flew into a rage and took up his weighty, effective arrows, and, singling out one after another, struck each in his vital parts.

Note on the text: Not in the critical edition's main text; it is star passage 7.132.16d*1135_03-04 (placed after 7.132.16). The automatic alignment found no match.

Verse 19 (7.158.19)

ते विद्धा व्यसवः पेतुः स्यन्दनेभ्यो हतौजसः । चण्डवातप्रभग्नास्तु पर्वताग्रान्महीरुहाः ॥

te viddhā vyasavaḥ petuḥ syandanebhyo hataujasaḥ | caṇḍavātaprabhagnāstu parvatāgrānmahīruhāḥ

Pierced, lifeless, their strength gone, they fell from their chariots like trees broken by a fierce wind and tumbling from a mountain's crest.

Note on the text: Not in the critical edition's main text; it is star passage 7.132.16d*1135_05-06 (placed after 7.132.16), which reads caṇḍavātaprabhagnā vā for Wikisource चण्डवातप्रभग्नास्तु (recension variant, kept). The automatic alignment found no match.

Verse 20 (7.158.20)

नाराचैर्दशभिर्भीमस्तान्निहत्य तवात्मजान् । कर्णस्य दयितं पुत्रं वृषसेनमवाकिरत् ॥

nārācairdaśabhirbhīmastānnihatya tavātmajān | karṇasya dayitaṃ putraṃ vṛṣasenamavākirat

Having killed your sons with ten nārāca arrows, Bhima showered Vrishasena, Karna's beloved son, with arrows.

Verse 21 (7.158.21)

ततो वृकरथो नाम भ्राता कर्णस्य विश्रुतः । जघान भीमं नाराचैस्तमप्यभ्यद्रवद्बली ॥

tato vṛkaratho nāma bhrātā karṇasya viśrutaḥ | jaghāna bhīmaṃ nārācaistamapyabhyadravadbalī

Then Karna's famous brother Vrikaratha struck Bhima with nārācas, and the mighty Bhima rushed upon him as well.

Verse 22 (7.158.22)

ततः सप्तरथान्वीरः श्यालानां तव भारत । निहत्य भीमो नाराचैः शतचन्द्रमपोथयत् ॥

tataḥ saptarathānvīraḥ śyālānāṃ tava bhārata | nihatya bhīmo nārācaiḥ śatacandramapothayat

Then the hero Bhima, O Bharata, killed seven chariot-fighters among your brothers-in-law with nārācas, and struck down Shatachandra.

Verse 23 (7.158.23)

अमर्षयन्तो निहतं शतचन्द्रं महारथम् । शकुनेर्भ्रातरो वीरा गवाक्षः शरभो विभुः ॥

amarṣayanto nihataṃ śatacandraṃ mahāratham | śakunerbhrātaro vīrā gavākṣaḥ śarabho vibhuḥ

Unable to bear the death of the great warrior Shatachandra, the heroic brothers of Shakuni, Gavaksha, Sharabha and Vibhu,

Note on the text: Lines 1-2 = CE 7.132.20a, 20c, where the CE reads gajākṣaḥ for Wikisource गवाक्षः (recension variant, kept). The automatic alignment found no match.

Verse 24 (7.158.24)

सुभगो भानुदत्तश्च शूराः पञ्च महारथाः । अभिद्रुत्य शरैस्तीक्ष्णैर्भीमसेनमताडयन् ॥

subhago bhānudattaśca śūrāḥ pañca mahārathāḥ | abhidrutya śaraistīkṣṇairbhīmasenamatāḍayan

with Subhaga and Bhanudatta, five heroic great warriors, rushed upon Bhimasena and struck him with sharp arrows.

Note on the text: Line 1 is star passage 7.132.20d*1136_01 (placed after 7.132.20); line 2 = CE 7.132.20e. The automatic alignment found no match.

Verse 25 (7.158.25)

स ताड्यमानो नाराचैर्वृष्टिवेगैरिवाचलः । जघान पञ्चभिर्बाणैः पञ्चैवातिरथान्बली ॥

sa tāḍyamāno nārācairvṛṣṭivegairivācalaḥ | jaghāna pañcabhirbāṇaiḥ pañcaivātirathānbalī

Though struck by their nārācas, like a mountain by the force of rain, the mighty Bhima killed those five great chariot-fighters with five arrows.

Note on the text: Lines 1-2 = CE 7.132.21a, 21c, where the CE reads atibalo rathān for Wikisource पञ्चैवातिरथान्बली (recension variant, kept). The automatic alignment found no match.

Verse 26 (7.158.26)

तान्दृष्ट्वा निहतान्वीरान्विचेलुर्नृपसत्तमाः ॥

tāndṛṣṭvā nihatānvīrānvicelurnṛpasattamāḥ

Seeing those heroes slain, the foremost of kings wavered.

Note on the text: One-line verse, as printed on the page (5-158-26a) = CE 7.132.21e. The automatic alignment found no match.

Verse 27 (7.158.27)

ततो युधिष्ठिरः क्रुद्धस्तवानीकमशातयत् । मिषतः कुम्भयोनेस्तु पुत्राणां तव चानघ ॥

tato yudhiṣṭhiraḥ kruddhastavānīkamaśātayat | miṣataḥ kumbhayonestu putrāṇāṃ tava cānagha

Then Yudhishthira, enraged, began to cut down your army, O sinless one, before the very eyes of Drona and of your sons.

Verse 28 (7.158.28)

अम्बष्ठान्मालवाञ्छूरांस्त्रिगर्तान्सशिबीनपि । प्राहिणोन्मृत्युलोकाय क्रुद्धो युद्धे युधिष्ठिरः ॥

ambaṣṭhānmālavāñchūrāṃstrigartānsaśibīnapi | prāhiṇonmṛtyulokāya kruddho yuddhe yudhiṣṭhiraḥ

Enraged in battle, Yudhishthira sent the Ambashthas, the Malavas, the heroic Trigartas and the Shibis to the world of the dead.

Verse 29 (7.158.29)

अभीषाहाञ्छूरसेनान्बाह्लीकान्सवसातिकान् । निहत्य पृथिवीं राजा चक्रे शोणितकर्दमाम् ॥

abhīṣāhāñchūrasenānbāhlīkānsavasātikān | nihatya pṛthivīṃ rājā cakre śoṇitakardamām

Having slain the Abhishahas, the Shurasenas, the Bahlikas and the Vasatis, the king turned the earth into a mire of blood.

Verse 30 (7.158.30)

यौधेयान्मालवान्राजन्मद्रकाणां गणान्युधि । प्राहिणोन्मृत्युलोकाय शूरान्बाणैर्युधिष्ठिरः ॥

yaudheyānmālavānrājanmadrakāṇāṃ gaṇānyudhi | prāhiṇonmṛtyulokāya śūrānbāṇairyudhiṣṭhiraḥ

The Yaudheyas, the Malavas, O king, and the hosts of the Madrakas, all heroes, Yudhishthira sent with his arrows to the world of the dead.

Verse 31 (7.158.31)

हताहरत गृह्णीत विध्यत व्यवकृन्तत । इत्यासीत्तुमुलः शब्दो युधिष्ठिररथं प्रति ॥

hatāharata gṛhṇīta vidhyata vyavakṛntata | ityāsīttumulaḥ śabdo yudhiṣṭhirarathaṃ prati

"Kill! Seize! Take them! Pierce! Cut them down!" Such a tumultuous cry rose around Yudhishthira's chariot.

Verse 32 (7.158.32)

सैन्यानि द्रावयन्तं तं द्रोणो दृष्ट्वा युधिष्ठिरम् । चोदितस्तव पुत्रेण सायकैरभ्यवाकिरत् ॥

sainyāni drāvayantaṃ taṃ droṇo dṛṣṭvā yudhiṣṭhiram | coditastava putreṇa sāyakairabhyavākirat

Seeing Yudhishthira scatter the troops, Drona, urged on by your son, covered him with arrows.

Verse 33 (7.158.33)

द्रोणस्तु परमक्रुद्धो वायव्यास्त्रेण पार्थिवम् । विव्याध सोऽपि तद्दिव्यमस्त्रमस्त्रेण जघ्निवान् ॥

droṇastu paramakruddho vāyavyāstreṇa pārthivam | vivyādha so'pi taddivyamastramastreṇa jaghnivān

Drona, exceedingly enraged, struck the king with the wind weapon, but Yudhishthira destroyed that divine weapon with a weapon of his own.

Verse 34 (7.158.34)

तस्मिन्विनिहते चास्त्रे भारद्वाजो युधिष्ठिरे । वारुणं याम्यमाग्नेयं त्वाष्ट्रं सावित्रमेव च । चिक्षेप परमक्रुद्धो जिघांसुः पाण्डुनन्दनम् ॥

tasminvinihate cāstre bhāradvājo yudhiṣṭhire | vāruṇaṃ yāmyamāgneyaṃ tvāṣṭraṃ sāvitrameva ca | cikṣepa paramakruddho jighāṃsuḥ pāṇḍunandanam

When that weapon was destroyed, Bharadvaja's son, enraged beyond measure and bent on killing the son of Pandu, hurled the weapons of Varuna, Yama, Agni, Tvashtri and Savitri against Yudhishthira.

Verse 35 (7.158.35)

क्षिप्तानि क्षिप्यमाणानि तानि चास्त्राणि धर्मजः । जघानास्त्रैर्महाबाहुः कुम्भयोनेरवित्रसन् ॥

kṣiptāni kṣipyamāṇāni tāni cāstrāṇi dharmajaḥ | jaghānāstrairmahābāhuḥ kumbhayoneravitrasan

As those weapons were hurled, and hurled again, the mighty-armed son of Dharma, without fear, struck them down with weapons of his own against the pot-born Drona.

Verse 36 (7.158.36)

सत्यां चिकीर्षमाणस्तु प्रतिज्ञां कुम्भसम्भवः ॥

satyāṃ cikīrṣamāṇastu pratijñāṃ kumbhasambhavaḥ

Wishing to make his vow come true, Drona, born of the pot,

Note on the text: One-line verse, as printed on the page (5-158-36a) = CE 7.132.31a. The automatic alignment found no match.

Verse 37 (7.158.37)

प्रादुश्चक्रेऽस्त्रमैन्द्रं वै प्राजापत्यं च भारत । जिघांसुर्धर्मतनयं तव पुत्रहिते रतः ॥

prāduścakre'stramaindraṃ vai prājāpatyaṃ ca bhārata | jighāṃsurdharmatanayaṃ tava putrahite rataḥ

brought forth the weapon of Indra and that of Prajapati, O Bharata, eager to kill the son of Dharma and intent on doing good to your son.

Note on the text: Lines 1-2 = CE 7.132.31c, 31e. The automatic alignment found no match.

Verse 38 (7.158.38)

पतिः कुरूणां गजसिंहगामी । विशालवक्षाः पृथुलोहिताक्षः । प्रादुश्चकारास्त्रमहीनतेजा । माहेन्द्रमस्त्रं स जघान तेन ॥

patiḥ kurūṇāṃ gajasiṃhagāmī | viśālavakṣāḥ pṛthulohitākṣaḥ | prāduścakārāstramahīnatejā | māhendramastraṃ sa jaghāna tena

The lord of the Kurus, who walks like a lordly elephant or lion, broad-chested, with wide red eyes and undiminished splendour, brought forth a weapon, and with it struck down the Mahendra weapon.

Note on the text: Four lines, as the page prints them (5-158-38a-d) = CE 7.132.32a, 32c; the CE reads māhendram anyat sa jaghāna te 'stre for Wikisource माहेन्द्रमस्त्रं स जघान तेन (the page's footnote records the same variant as a manuscript reading); recension variant, kept.

Verse 39 (7.158.39)

विहन्यमानेष्वस्त्रेषु द्रोणः क्रोधसमन्वितः । युधिष्ठिरवधं प्रेप्सुर्ब्राह्ममस्त्रमुदैरयत् ॥

vihanyamāneṣvastreṣu droṇaḥ krodhasamanvitaḥ | yudhiṣṭhiravadhaṃ prepsurbrāhmamastramudairayat

As his weapons were being destroyed, Drona, filled with wrath and eager to kill Yudhishthira, let loose the Brahma weapon.

Verse 40 (7.158.40)

ततो नाज्ञासिषं किञ्चिद्धोरेण तमसाऽऽवृते । सर्वभूतानि च परं त्रासं जग्मुर्महीपते ॥

tato nājñāsiṣaṃ kiñciddhoreṇa tamasā''vṛte | sarvabhūtāni ca paraṃ trāsaṃ jagmurmahīpate

Then, enveloped in terrible darkness, I could perceive nothing, O lord of the earth, and all beings fell into extreme terror.

Verse 41 (7.158.41)

ब्रह्मास्त्रमुद्यतं दृष्ट्वा कुन्तीपुत्रो युधिष्ठिरः । ब्रह्मास्त्रेणैव राजेन्द्र तदस्त्रं प्रत्यवारयत् ॥

brahmāstramudyataṃ dṛṣṭvā kuntīputro yudhiṣṭhiraḥ | brahmāstreṇaiva rājendra tadastraṃ pratyavārayat

Seeing the Brahma weapon raised, Kunti's son Yudhishthira, O king of kings, checked that weapon with the Brahma weapon itself.

Verse 42 (7.158.42)

ततः सैनिकमुख्यास्ते प्रशशंसुर्नरर्षभौ । द्रोणपार्थौ महेष्वासौ सर्वयुद्धविशारदौ ॥

tataḥ sainikamukhyāste praśaśaṃsurnararṣabhau | droṇapārthau maheṣvāsau sarvayuddhaviśāradau

Then the foremost soldiers praised those two bulls among men, the great archers Drona and Partha, both masters of every kind of warfare.

Verse 43 (7.158.43)

ततः प्रमुच्य कौन्तेयं द्रोणो द्रुपदवाहिनीम् । व्यधमत्क्रोधताम्राक्षो वायव्यास्त्रेण भारत ॥

tataḥ pramucya kaunteyaṃ droṇo drupadavāhinīm | vyadhamatkrodhatāmrākṣo vāyavyāstreṇa bhārata

Then Drona, letting Kunti's son go, his eyes red with anger, scattered Drupada's host with the wind weapon, O Bharata.

Verse 44 (7.158.44)

ते हन्यमाना द्रोणेन पाञ्चालाः प्राद्रवन्भयात् । पश्यतो भीमसेनस्य पार्थस्य च महात्मनः ॥

te hanyamānā droṇena pāñcālāḥ prādravanbhayāt | paśyato bhīmasenasya pārthasya ca mahātmanaḥ

Struck down by Drona, the Panchalas fled in fear, while Bhimasena and the great-souled Partha looked on.

Verse 45 (7.158.45)

ततः किरीटी भीमश्च सहसा सन्न्यवर्तताम् । महद्भ्यां रथवंशाभ्यां परिगृह्य बलं तदा ॥

tataḥ kirīṭī bhīmaśca sahasā sannyavartatām | mahadbhyāṃ rathavaṃśābhyāṃ parigṛhya balaṃ tadā

Then Kiriti and Bhima suddenly wheeled round, and with two great lines of chariots they closed in on the host.

Note on the text: Corrected महद्ध्यां → महद्भ्यां (misprint in Wikisource; a conjunct misspelt; the instrumental dual of महत् is महद्भ्याम्, CE 7.132.39c mahadbhyām).

Verse 46 (7.158.46)

बीभत्सुर्दक्षिणं पार्श्वमुत्तरं च वृकोदरः । भारद्वाजं शरौघाभ्यां महद्भ्यामभ्यवर्षताम् ॥

bībhatsurdakṣiṇaṃ pārśvamuttaraṃ ca vṛkodaraḥ | bhāradvājaṃ śaraughābhyāṃ mahadbhyāmabhyavarṣatām

Bibhatsu on the right flank and Vrikodara on the left rained upon Bharadvaja's son great torrents of arrows.

Verse 47 (7.158.47)

केकयाः सृञ्जयाश्चैव पाञ्चालाश्च महौजसः । अन्वगच्छन्महाराज मात्स्याश्च सह सात्वतैः ॥

kekayāḥ sṛñjayāścaiva pāñcālāśca mahaujasaḥ | anvagacchanmahārāja mātsyāśca saha sātvataiḥ

The Kekayas, the Srinjayas and the mighty Panchalas followed, O great king, and the Matsyas together with the Satvatas.

Verse 48 (7.158.48)

ततः सा भारती सेना वध्यमाना किरीटिना । तमसा निद्रया चैव पुनरेव व्यदीर्यत ॥

tataḥ sā bhāratī senā vadhyamānā kirīṭinā | tamasā nidrayā caiva punareva vyadīryata

Then that army of the Bharatas, struck down by Kiriti, was scattered once more, by darkness and by sleep.

Note on the text: Lines 1-2 = CE 7.132.42a and star passage 7.132.42b*1138_01 (placed after 7.132.42a). The automatic alignment pointed to 7.136.16, a doublet of these lines in the CE. The page prints this verse as 5-158-48.

Verse 49 (7.158.49)

द्रोणेन वार्यमाणास्ते स्वयं तव सुतेन च । नाशक्यन्त महाराज योधा वारयितुं तदा ॥

droṇena vāryamāṇāste svayaṃ tava sutena ca | nāśakyanta mahārāja yodhā vārayituṃ tadā

Though Drona held them back, and your own son as well, the warriors could not be held back then, O great king.

Note on the text: Lines 1-2 = CE 7.132.42c, 42e. The automatic alignment pointed to 7.136.17, a doublet of these lines in the CE.