Karna's Boast and Kripa's Rebuke

Verse 1 (7.159.1)

उदीर्यमाणं तद्दृष्ट्वा पाण्डवानां महद्बलम् । अविषह्यं च मन्वानः कर्णं दुर्योधनोऽब्रवीत् ॥

udīryamāṇaṃ taddṛṣṭvā pāṇḍavānāṃ mahadbalam | aviṣahyaṃ ca manvānaḥ karṇaṃ duryodhano'bravīt

Seeing the great host of the Pandavas surging forward, and thinking it irresistible, Duryodhana said to Karna:

Verse 2 (7.159.2)

अयं स कालः सम्प्राप्तो मित्राणां मित्रवत्सल । त्रायस्व समरे कर्ण सर्वान्योधान्महारथान् ॥

ayaṃ sa kālaḥ samprāpto mitrāṇāṃ mitravatsala | trāyasva samare karṇa sarvānyodhānmahārathān

"This is the moment that has come for your friends, O Karna, you who are so loving to your friends. Protect in battle all the great warriors.

Note on the text: Speaker: the page prints no heading here, but these verses are Duryodhana's words to Karna (the critical edition likewise gives no heading).

Verse 3 (7.159.3)

पाञ्चालैर्मत्स्यकैकेयैः पाण्डवैश्च महारथैः । वृतान्समन्तात्सङ्क्रुद्धैर्निःश्वसद्भिरिवोरगैः ॥

pāñcālairmatsyakaikeyaiḥ pāṇḍavaiśca mahārathaiḥ | vṛtānsamantātsaṅkruddhairniḥśvasadbhirivoragaiḥ

They are ringed on every side by the Panchalas, the Matsyas, the Kaikeyas and the Pandavas, great warriors in a fury, hissing like snakes.

Note on the text: Corrected सह्क्रुद्धैर्निः श्वसद्भि → सङ्क्रुद्धैर्निःश्वसद्भि (misprint in Wikisource; सह्क्रुद्धैः is not a word and a stray space splits निःश्वसद्भिः; CE 7.133.3c saṃkruddhair niḥśvasadbhir).

Verse 4 (7.159.4)

एते नदन्ति संहृष्टाः पाण्डवा जितकाशिनः । शक्रोपमाश्च बहवः पाञ्चालानां रथव्रजाः ॥

ete nadanti saṃhṛṣṭāḥ pāṇḍavā jitakāśinaḥ | śakropamāśca bahavaḥ pāñcālānāṃ rathavrajāḥ

The triumphant Pandavas roar in exultation, and many chariot-squadrons of the Panchalas, mighty as Shakra, roar with them."

Verse 5 (7.159.5)

परित्रातुमिह प्राप्तो यदि पार्थं पुरन्दरः । तमप्याशु पराजित्य ततो हन्ताऽस्मि पाण्डवम् ॥

paritrātumiha prāpto yadi pārthaṃ purandaraḥ | tamapyāśu parājitya tato hantā'smi pāṇḍavam

"Even if Purandara has come here to protect Partha, I shall quickly defeat him too and then slay the Pandava.

Verse 6 (7.159.6)

सत्यं ते प्रतिजानामि समाश्वसिहि भारत । हन्तास्मि पाण्डुतनयान्पाञ्चालांश्च समागतान् ॥

satyaṃ te pratijānāmi samāśvasihi bhārata | hantāsmi pāṇḍutanayānpāñcālāṃśca samāgatān

I promise you truly, take heart, O Bharata: I shall slay the sons of Pandu and the Panchalas gathered here.

Verse 7 (7.159.7)

जयं ते प्रतिदास्यामि वासवस्येव पावकिः । प्रियं तव मया कार्यमिति जीवामि पार्थिव ॥

jayaṃ te pratidāsyāmi vāsavasyeva pāvakiḥ | priyaṃ tava mayā kāryamiti jīvāmi pārthiva

I shall win you the victory, as Pavaki won it for Vasava. I live only to do what is dear to you, O king.

Verse 8 (7.159.8)

सर्वेषामेव पार्थानां फल्गुनो बलवत्तरः । तस्यामोघां विमोक्ष्यामि शक्तिं शक्रविनिर्मितां ॥

sarveṣāmeva pārthānāṃ phalguno balavattaraḥ | tasyāmoghāṃ vimokṣyāmi śaktiṃ śakravinirmitāṃ

Phalguna is the strongest of all the sons of Pritha; at him I shall hurl the unfailing spear fashioned by Shakra.

Note on the text: Corrected विमोक्ष्यामिशक्तिं → विमोक्ष्यामि शक्तिं (misprint in Wikisource; the two words are run together; CE 7.133.8c vimokṣyāmi śaktiṃ).

Verse 9 (7.159.9)

तस्मिन्हते महेष्वासे भ्रातरस्तस्य मानद । तव वश्या भविष्यन्ति वनं यास्यन्ति वा पुनः ॥

tasminhate maheṣvāse bhrātarastasya mānada | tava vaśyā bhaviṣyanti vanaṃ yāsyanti vā punaḥ

When that great archer is slain, O giver of honour, his brothers will come under your sway, or else go back to the forest.

Verse 10 (7.159.10)

मयि जीवति कौरव्य विषादं मा कृथाः क्वचित् । अहं जेष्यामि समरे सहितान्सर्वपाण्डवान् ॥

mayi jīvati kauravya viṣādaṃ mā kṛthāḥ kvacit | ahaṃ jeṣyāmi samare sahitānsarvapāṇḍavān

While I live, O Kauravya, never despair. I shall conquer all the Pandavas together in battle.

Verse 11 (7.159.11)

पाञ्चालान्केकयांश्चैव वृष्णींश्चापि समागतान् । बाणौघैः शकलीकृत्य तव दास्यामि मेदिनीम् ॥

pāñcālānkekayāṃścaiva vṛṣṇīṃścāpi samāgatān | bāṇaughaiḥ śakalīkṛtya tava dāsyāmi medinīm

I shall break the Panchalas, the Kekayas and the gathered Vrishnis to pieces with floods of arrows, and give you the earth."

Verse 12 (7.159.12)

एवं ब्रुवाणं कर्णं तु कृपः शारद्वतोऽब्रवीत् । स्मयन्निव महाबाहुः सूतपुत्रमिदं वचः ॥

evaṃ bruvāṇaṃ karṇaṃ tu kṛpaḥ śāradvato'bravīt | smayanniva mahābāhuḥ sūtaputramidaṃ vacaḥ

As Karna spoke thus, Kripa, son of Sharadvat, the mighty-armed, said to the charioteer's son these words, smiling as it were:

Verse 13 (7.159.13)

शोभनं शोभनं कर्ण सनाथः कुरुपुङ्गवः । त्वया नाथेन राधेय वचसा यदि सिध्यति ॥

śobhanaṃ śobhanaṃ karṇa sanāthaḥ kurupuṅgavaḥ | tvayā nāthena rādheya vacasā yadi sidhyati

"Excellent, excellent, Karna! The best of the Kurus has a protector indeed, with you as his protector, Radheya, if only things were accomplished by words!

Note on the text: Speaker: the page prints no heading here, but these verses are Kripa's words to Karna (the critical edition likewise gives no heading).

Verse 14 (7.159.14)

बहुशः कत्थसे कर्ण कौरवस्य समीपतः । न तु ते विक्रमः कश्चिद्दृश्यते फलमेव वा ॥

bahuśaḥ katthase karṇa kauravasya samīpataḥ | na tu te vikramaḥ kaściddṛśyate phalameva vā

Time and again, Karna, you boast in the Kaurava's presence, but no prowess of yours is ever seen, nor any result of it.

Verse 15 (7.159.15)

समागमः पाण्डुसुतैर्दृष्टस्ते बहुशो युधि । सर्वत्र निर्जितश्चासि पाण्डवैः सूतनन्दन ॥

samāgamaḥ pāṇḍusutairdṛṣṭaste bahuśo yudhi | sarvatra nirjitaścāsi pāṇḍavaiḥ sūtanandana

You have met the sons of Pandu in battle many times, and everywhere the Pandavas have defeated you, O son of the charioteer.

Verse 16 (7.159.16)

ह्रियमाणे तदा कर्ण गन्धर्वैर्धृतराष्ट्रजे । तदाऽयुध्यन्त सैन्यानि त्वमेकोऽग्रेऽपलायिथाः ॥

hriyamāṇe tadā karṇa gandharvairdhṛtarāṣṭraje | tadā'yudhyanta sainyāni tvameko'gre'palāyithāḥ

When Dhritarashtra's son was being carried off by the Gandharvas, Karna, the armies fought on, while you alone fled in front.

Note on the text: Corrected हियमाणे → ह्रियमाणे (misprint in Wikisource; a dropped र, the word being ह्रियमाणे; CE 7.133.16a hriyamāṇe).

Verse 17 (7.159.17)

विराटनगरे चापि समेताः सर्वकौरवाः । पार्थेन निर्जिता युद्धे त्वं च कर्ण सहानुजः ॥

virāṭanagare cāpi sametāḥ sarvakauravāḥ | pārthena nirjitā yuddhe tvaṃ ca karṇa sahānujaḥ

And in the city of Virata, too, all the Kauravas assembled were defeated in battle by Partha, and you as well, Karna, with your brother.

Verse 18 (7.159.18)

एकस्याप्यसमर्थस्त्वं फल्गुनस्य रणाजिरे । कथमुत्सहसे जेतुं सकृष्णान्सर्वपाण्डवान् ॥

ekasyāpyasamarthastvaṃ phalgunasya raṇājire | kathamutsahase jetuṃ sakṛṣṇānsarvapāṇḍavān

You who cannot stand even against Phalguna alone on the field of battle, how do you dare to hope to conquer all the Pandavas together with Krishna?

Verse 19 (7.159.19)

अब्रुवन्कर्ण युध्यस्व कत्थसे बहु सूतज । अनुक्त्वा विक्रमेद्यस्तु तद्वै सत्पुरुषव्रतम् ॥

abruvankarṇa yudhyasva katthase bahu sūtaja | anuktvā vikramedyastu tadvai satpuruṣavratam

Fight, Karna, and do not talk! You boast far too much, son of the charioteer. He who shows his valour without having spoken of it, that is indeed the way of good men.

Verse 20 (7.159.20)

गर्जित्वा सूतपुत्र त्वं शारदाभ्र इवाजलः । निष्फलो दृश्यसे कर्ण तच्च राजा न बुध्यते ॥

garjitvā sūtaputra tvaṃ śāradābhra ivājalaḥ | niṣphalo dṛśyase karṇa tacca rājā na budhyate

After all your thundering, son of the charioteer, you appear fruitless, like an autumn cloud without water, Karna; and the king does not see it.

Verse 21 (7.159.21)

तावद्गर्जस्व राधेय यावत्पार्थं न पश्यसि । आरात्पार्थं हि ते दृष्ट्वा दुर्लभं गर्जितं पुनः ॥

tāvadgarjasva rādheya yāvatpārthaṃ na paśyasi | ārātpārthaṃ hi te dṛṣṭvā durlabhaṃ garjitaṃ punaḥ

Thunder as long as you do not see Partha, Radheya. When you see Partha near, your thundering will be hard to find again.

Verse 22 (7.159.22)

त्वमनासाद्य तान्बाणान्फल्गुनस्य विगर्जसि । पार्थसायकविद्धस्य दुर्लभं गर्जितं तव ॥

tvamanāsādya tānbāṇānphalgunasya vigarjasi | pārthasāyakaviddhasya durlabhaṃ garjitaṃ tava

You roar because you have not yet met Phalguna's arrows. Once you are pierced by Partha's shafts, your roaring will be hard to find.

Note on the text: Corrected पार्थसायकविंद्धस्य → पार्थसायकविद्धस्य (misprint in Wikisource; an anusvara has intruded in विद्ध; CE 7.133.22c viddhasya).

Verse 23 (7.159.23)

बाहुभिः क्षत्रियाः शूरा वाग्भिः शूरा द्विजातयः । धनुषा फल्गुनः शूरः कर्णः शूरो मनोरथैः । तोषितो येन रुद्रोऽपि कः पार्थं प्रतिघातयेत् ॥

bāhubhiḥ kṣatriyāḥ śūrā vāgbhiḥ śūrā dvijātayaḥ | dhanuṣā phalgunaḥ śūraḥ karṇaḥ śūro manorathaiḥ | toṣito yena rudro'pi kaḥ pārthaṃ pratighātayet

Kshatriyas are heroes with their arms, brahmins are heroes with their words; Phalguna is a hero with the bow, and Karna is a hero in his wishes. Who could stand against Partha, by whom even Rudra was pleased?"

Note on the text: Lines 1-2 = CE 7.133.23a, 23c; line 3 = star passage 7.133.23d*1139_01 (placed after 7.133.23). The automatic alignment found no match.

Verse 24 (7.159.24)

एवं संरुषितस्तेन तदा शारद्वतेन ह । कर्णः प्रहरतां श्रेष्ठः कृपं वाक्यमथाब्रवीत् ॥

evaṃ saṃruṣitastena tadā śāradvatena ha | karṇaḥ praharatāṃ śreṣṭhaḥ kṛpaṃ vākyamathābravīt

Thus rebuked by Sharadvat's son, Karna, the foremost of fighters, answered Kripa:

Verse 25 (7.159.25)

शूरा गर्जन्ति सततं प्रावृषीव वलाहकाः । फलं चाशु प्रयच्छन्ति बीजमुप्तमनूषरे ॥

śūrā garjanti satataṃ prāvṛṣīva valāhakāḥ | phalaṃ cāśu prayacchanti bījamuptamanūṣare

"Heroes thunder constantly, like clouds in the rains, and they yield fruit quickly, like seed sown in good soil.

Note on the text: Speaker: the page prints no heading here, but these verses are Karna's reply to Kripa (the critical edition likewise gives no heading).

Verse 26 (7.159.26)

दोषमत्र न पश्यामि शूराणां रणमूर्धनि । तत्तद्विकत्थमानानां भारं चोद्वहतां मृधे ॥

doṣamatra na paśyāmi śūrāṇāṃ raṇamūrdhani | tattadvikatthamānānāṃ bhāraṃ codvahatāṃ mṛdhe

I see no fault in heroes at the head of battle who boast of this and that and then carry the load in the fight.

Verse 27 (7.159.27)

यं भारं पुरुषो वोढुं मनसा हि व्यवस्यति । दैवमस्य ध्रुवं तत्र साहाय्यायोपपद्यते ॥

yaṃ bhāraṃ puruṣo voḍhuṃ manasā hi vyavasyati | daivamasya dhruvaṃ tatra sāhāyyāyopapadyate

Whatever burden a man resolves in his mind to bear, fate surely comes to his aid in it.

Verse 28 (7.159.28)

व्यवसायद्वितीयोऽहं मनसा भारमुद्वहन् । हत्वा पाण्डुसुतानाजौ सकृष्णान्सहसात्वतान् । गर्जामि यद्यहं विप्र तव किं तत्र नश्यति ॥

vyavasāyadvitīyo'haṃ manasā bhāramudvahan | hatvā pāṇḍusutānājau sakṛṣṇānsahasātvatān | garjāmi yadyahaṃ vipra tava kiṃ tatra naśyati

With resolve as my companion, bearing the burden in my mind, I roar that I shall slay the sons of Pandu in battle, with Krishna and the Satvatas. If I do, brahmin, what do you lose by it?

Note on the text: Lines 1 and 3 = CE 7.133.28a, 28c. Line 2 is not in the critical edition at this place (it repeats the wording of CE 7.133.31c, which Wikisource also has in verse 31).

Verse 29 (7.159.29)

वृथा शूरा न गर्जन्ति सजला इव तोयदाः । सामर्थ्यमात्मनो ज्ञात्वा ततो गर्जन्ति पण्डिताः ॥

vṛthā śūrā na garjanti sajalā iva toyadāḥ | sāmarthyamātmano jñātvā tato garjanti paṇḍitāḥ

Heroes do not roar in vain, like clouds heavy with water; the wise roar only after knowing their own strength.

Verse 30 (7.159.30)

सोऽहमद्य रणे यत्तौ सहितौ कृष्णपाण्डवौ । उत्सहामि रणे जेतुं ततो गर्जामि गौतम ॥

so'hamadya raṇe yattau sahitau kṛṣṇapāṇḍavau | utsahāmi raṇe jetuṃ tato garjāmi gautama

So today I am able to overcome in battle Krishna and the Pandava together, ready as they are for the fight; that is why I roar, Gautama.

Note on the text: Corrected कृष्मपाण्डवौ → कृष्णपाण्डवौ (misprint in Wikisource; कृष्म is not a word; CE 7.133.30a kṛṣṇapāṇḍavau).

Verse 31 (7.159.31)

पश्य त्वं गर्जितस्यास्य फलं मे विप्र सानुगान् । हत्वा पाण्डुसुतानाजौ सहकृष्णान्ससात्वतान् । दुर्योधनाय दास्यामि पृथिवीं हतकण्टकाम् ॥

paśya tvaṃ garjitasyāsya phalaṃ me vipra sānugān | hatvā pāṇḍusutānājau sahakṛṣṇānsasātvatān | duryodhanāya dāsyāmi pṛthivīṃ hatakaṇṭakām

See, brahmin, the fruit of this roaring of mine: having slain the sons of Pandu in battle with their followers, with Krishna and the Satvatas, I shall give Duryodhana the earth cleared of thorns."

Verse 32 (7.159.32)

मनोरथप्रलापा मे न ग्राह्यास्तव सूतज ॥

manorathapralāpā me na grāhyāstava sūtaja

"I cannot take your wishful babbling seriously, son of the charioteer,

Note on the text: CE 7.133.32a. Wikisource has the heading कृप उवाच here, as the CE does; the CE's star line 7.133.32*1140_01 after the heading is not in Wikisource. The automatic alignment found no match.

Verse 33 (7.159.33)

सदा क्षिपसि वै कृष्णौ धर्मराजं च पाण्डवम् । ध्रुवस्तत्र जयः कर्ण यत्र युद्धविशारदौ ॥

sadā kṣipasi vai kṛṣṇau dharmarājaṃ ca pāṇḍavam | dhruvastatra jayaḥ karṇa yatra yuddhaviśāradau

for you are always reviling the two Krishnas and the Pandava king of dharma. Victory is certain, Karna, wherever those two masters of war are.

Note on the text: Line 1 = CE 7.133.32c, where the CE reads yadā for Wikisource सदा (recension variant, kept); line 2 = CE 7.133.33a. The automatic alignment found no match.

Verse 34 (7.159.34)

देवगन्धर्वयक्षाणां मनुष्योरगरक्षसाम् । दंशितानामपि रणे अजेयौ कृष्णपाण्डवौ ॥

devagandharvayakṣāṇāṃ manuṣyoragarakṣasām | daṃśitānāmapi raṇe ajeyau kṛṣṇapāṇḍavau

Krishna and the Pandava cannot be conquered in battle by gods, gandharvas, yakshas, men, serpents or rakshasas, even when these are armoured.

Note on the text: Lines 1-2 = CE 7.133.33c, 33e. The automatic alignment found no match.

Verse 35 (7.159.35)

ब्रह्मण्यः सत्यवाग्दान्तो गुरुदैवतपूजकः । नित्यं धर्मरतश्चैव कृतास्त्रश्च विशेषतः ॥

brahmaṇyaḥ satyavāgdānto gurudaivatapūjakaḥ | nityaṃ dharmarataścaiva kṛtāstraśca viśeṣataḥ

Yudhishthira is devoted to brahmins, truthful in speech, self-controlled, a worshipper of his elders and the gods, ever devoted to dharma, and above all skilled in weapons,

Note on the text: Lines 1-2 = CE 7.133.34a, 34c. The automatic alignment found no match.

Verse 36 (7.159.36)

धृतिमांश्च कृतज्ञश्च धर्मपुत्रो युधिष्ठिरः । भ्रातरश्चास्य बलिनः सर्वास्त्रेषु कृतश्रमाः ॥

dhṛtimāṃśca kṛtajñaśca dharmaputro yudhiṣṭhiraḥ | bhrātaraścāsya balinaḥ sarvāstreṣu kṛtaśramāḥ

steadfast and grateful, the son of Dharma. And his brothers are strong, and have laboured at every weapon,

Note on the text: Lines 1-2 = CE 7.133.34e, 35a. The automatic alignment found no match.

Verse 37 (7.159.37)

गुरुवृत्तिरताः प्राज्ञा धर्मनित्या यशस्विनः । सम्बन्धिनश्चेन्द्रवीर्याः स्वनुरक्ताः प्रहारिणः ॥

guruvṛttiratāḥ prājñā dharmanityā yaśasvinaḥ | sambandhinaścendravīryāḥ svanuraktāḥ prahāriṇaḥ

devoted to serving their elders, wise, always righteous and renowned; and his kinsmen, with the might of Indra, devoted to him and fine fighters:

Note on the text: Lines 1-2 = CE 7.133.35c, 36a. Corrected स्वनुर्ताः → स्वनुरक्ताः (misprint in Wikisource; a dropped रक् in the word स्वनुरक्ताः, CE 7.133.36a svanuraktāḥ). The automatic alignment found no match.

Verse 38 (7.159.38)

धृष्टद्युम्नः शिखण्डी च दौर्मुखिर्जनमेजयः । चन्द्रसेनो रुद्रसेनः कीर्तिधर्मा ध्रुवो धरः ॥

dhṛṣṭadyumnaḥ śikhaṇḍī ca daurmukhirjanamejayaḥ | candraseno rudrasenaḥ kīrtidharmā dhruvo dharaḥ

Dhrishtadyumna, Shikhandi, Daurmukhi, Janamejaya, Chandrasena, Rudrasena, Kirtidharma, Dhruva, Dhara,

Note on the text: Lines 1-2 = CE 7.133.36c, 37a, where the CE reads bhadrasenaḥ for Wikisource रुद्रसेनः (recension variant, kept). The automatic alignment found no match.

Verse 39 (7.159.39)

वसुचन्द्रो दामचन्द्रः सिंहचन्द्रः सुतेजनः । द्रुपदस्य तथा पुत्रा द्रुपदश्च महास्त्रवित् ॥

vasucandro dāmacandraḥ siṃhacandraḥ sutejanaḥ | drupadasya tathā putrā drupadaśca mahāstravit

Vasuchandra, Damachandra, Simhachandra, Sutejana, the sons of Drupada, and Drupada himself, a master of the great weapons,

Note on the text: Lines 1-2 = CE 7.133.37c, 38a, where the CE reads suvedhanaḥ for Wikisource सुतेजनः (recension variant, kept). The automatic alignment found no match.

Verse 40 (7.159.40)

येषामर्थाय संयत्तो मत्स्यराजः सहानुजः । शतानीकः सूर्यदत्तः श्रुतानीकः श्रुतध्वजः ॥

yeṣāmarthāya saṃyatto matsyarājaḥ sahānujaḥ | śatānīkaḥ sūryadattaḥ śrutānīkaḥ śrutadhvajaḥ

for whose sake the king of the Matsyas, with his younger brothers, stands ready: Shatanika, Suryadatta, Shrutanika, Shrutadhvaja,

Note on the text: Lines 1-2 = CE 7.133.38c, 39a, where the CE reads sahānugaḥ and sudaśanaḥ for Wikisource सहानुजः and सूर्यदत्तः (recension variants, kept). The automatic alignment found no match.

Verse 41 (7.159.41)

बलानीको जयानीको जयाश्वो रथवाहनः । चन्द्रोदयः समरथो विराटभ्रातरः शुभाः ॥

balānīko jayānīko jayāśvo rathavāhanaḥ | candrodayaḥ samaratho virāṭabhrātaraḥ śubhāḥ

Balanika, Jayanika, Jayashva, Rathavahana, Chandrodaya and Samaratha, the fortunate brothers of Virata,

Note on the text: Lines 1-2 = CE 7.133.39c, 40a, where the CE reads kāmarathaḥ for Wikisource समरथः (recension variant, kept); the CE's star lines 39c*1141_01-02 are not in Wikisource. The automatic alignment found no match.

Verse 42 (7.159.42)

यमौ च द्रौपदेयाश्च राक्षसश्च घटोत्कचः । येषामर्थाय युध्यन्ते न तेषां विद्यते क्षयः ॥

yamau ca draupadeyāśca rākṣasaśca ghaṭotkacaḥ | yeṣāmarthāya yudhyante na teṣāṃ vidyate kṣayaḥ

the twins, the sons of Draupadi, and the rakshasa Ghatotkacha: those for whose sake these men fight can never be destroyed.

Note on the text: Lines 1-2 = CE 7.133.40c, 40e. The automatic alignment found no match.

Verse 43 (7.159.43)

एते चान्ये च बहवो गणाः पाण्डुसुतस्य वै ॥

ete cānye ca bahavo gaṇāḥ pāṇḍusutasya vai

These and many others are the troops of the son of Pandu.

Note on the text: One-line verse, as printed on the page (5-159-43a). Not in the critical edition (found in the vulgate recension); it echoes CE 7.133.45c (ete cānye ca bahavo guṇāḥ pāṇḍusuteṣu vai), which Wikisource has in verse 49. The automatic alignment found no match.

Verse 44 (7.159.44)

कामं खलु जगत्सर्वं सदेवासुरमानुषम् । सयक्षराक्षसगणं सभूतभुजगद्विपम् । निःशेषमस्त्रवीर्येण कुर्वाते भीमफल्गुनौ ॥

kāmaṃ khalu jagatsarvaṃ sadevāsuramānuṣam | sayakṣarākṣasagaṇaṃ sabhūtabhujagadvipam | niḥśeṣamastravīryeṇa kurvāte bhīmaphalgunau

If they wished, Bhima and Phalguna could reduce the whole world, with its gods, asuras and men, its yakshas and rakshasas, its spirits, serpents and elephants, to nothing by the power of their weapons.

Verse 45 (7.159.45)

युधिष्ठिरश्च पृथिवीं निर्दहेद्धोरचक्षुषा ॥

yudhiṣṭhiraśca pṛthivīṃ nirdaheddhoracakṣuṣā

And Yudhishthira could burn up the earth with his terrible gaze.

Note on the text: One-line verse, as printed on the page (5-159-45a) = CE 7.133.42a. The automatic alignment found no match.

Verse 46 (7.159.46)

अप्रमेयबलः शौरिर्येषामर्थे च दंशितः । कथं तान्संयुगे कर्ण जेतुमुत्सहसे परान् ॥

aprameyabalaḥ śauriryeṣāmarthe ca daṃśitaḥ | kathaṃ tānsaṃyuge karṇa jetumutsahase parān

How, Karna, can you hope to conquer in battle those enemies for whose sake the immeasurably strong Shauri stands armoured?

Note on the text: Lines 1-2 = CE 7.133.42c, 42e. The automatic alignment found no match.

Verse 47 (7.159.47)

महानपनयस्त्वेष नित्यं हि तव सूतज । यस्त्वमुत्सहसे योद्धुं समरे शौरिणा सह ॥

mahānapanayastveṣa nityaṃ hi tava sūtaja | yastvamutsahase yoddhuṃ samare śauriṇā saha

This is always a great blunder of yours, son of the charioteer, that you dare to fight Shauri in battle."

Verse 48 (7.159.48)

एवमुक्तस्तु राधेयः प्रहसन्भरतर्षभ । अब्रवीच्च तदा कर्णो गुरुं शारद्वतं कृपम् ॥

evamuktastu rādheyaḥ prahasanbharatarṣabha | abravīcca tadā karṇo guruṃ śāradvataṃ kṛpam

Thus addressed, Radheya laughed, O best of the Bharatas, and Karna then said to his teacher Kripa, son of Sharadvat:

Note on the text: Corrected गुरं → गुरुं (misprint in Wikisource; the accusative of गुरु, CE 7.133.44c guruṃ).

Verse 49 (7.159.49)

सत्यमुक्तं त्वया ब्रह्मन्पाण्डवान्प्रति यद्वचः । एते चान्ये च बहवो गुणाः पाण्डुसुतेषु वै ॥

satyamuktaṃ tvayā brahmanpāṇḍavānprati yadvacaḥ | ete cānye ca bahavo guṇāḥ pāṇḍusuteṣu vai

"What you have said about the Pandavas is true, brahmin. These and many other virtues are found in the sons of Pandu.

Note on the text: Speaker: the page's last heading is Sanjaya's, for the single narrative verse 48; verses 49 to the end are Karna's speech to Kripa.

Verse 50 (7.159.50)

अजय्याश्च रणे पार्था देवैरपि सवासवैः । सदैत्ययक्षगन्धर्वैः पिशाचोरगराक्षसैः ॥

ajayyāśca raṇe pārthā devairapi savāsavaiḥ | sadaityayakṣagandharvaiḥ piśācoragarākṣasaiḥ

The sons of Pritha cannot be conquered in battle even by the gods with Vasava, with the daityas, yakshas, gandharvas, pishachas, serpents and rakshasas.

Note on the text: Lines 1-2 = CE 7.133.46a, 46c. The automatic alignment found no match.

Verse 51 (7.159.51)

तथापि पार्थाञ्जेष्यामि शक्त्या वासवदत्तया । मम ह्यमोघा दत्तेयं शक्तिः शक्रेण वै द्विज । एतया निहनिष्यामि सव्यसाचिनमाहवे ॥

tathāpi pārthāñjeṣyāmi śaktyā vāsavadattayā | mama hyamoghā datteyaṃ śaktiḥ śakreṇa vai dvija | etayā nihaniṣyāmi savyasācinamāhave

Even so, I shall conquer the sons of Pritha with the spear given by Vasava. For this unfailing spear was given to me, too, by Shakra, brahmin; with it I shall slay Savyasachin in battle.

Note on the text: Lines 1-3 = CE 7.133.46e, 47a, 47c. The automatic alignment found no match.

Verse 52 (7.159.52)

हते तु पाण्डवे कृष्णे भ्रातरश्चास्य सोदराः । अनर्जुना न शक्ष्यन्ति महीं भोक्तुं कथञ्चन ॥

hate tu pāṇḍave kṛṣṇe bhrātaraścāsya sodarāḥ | anarjunā na śakṣyanti mahīṃ bhoktuṃ kathañcana

When the dark Pandava, Arjuna, is slain, his brothers, born of the same mother, will never be able to enjoy the earth without Arjuna.

Verse 53 (7.159.53)

तेषु नष्टेषु सर्वेषु पृथिवीयं ससागरा । अयत्नात्कौरवेन्द्रस्य वशे स्थास्यति गौतम ॥

teṣu naṣṭeṣu sarveṣu pṛthivīyaṃ sasāgarā | ayatnātkauravendrasya vaśe sthāsyati gautama

When they have all perished, this earth with its oceans will come under the sway of the lord of the Kauravas without effort, Gautama.

Note on the text: Corrected गौतम् → गौतम (misprint in Wikisource; a stray halanta on the vocative, CE 7.133.49c gautama).

Verse 54 (7.159.54)

सुनीतैरिह सर्वार्थाः सिध्यन्ते नात्र संशयः । एतमर्थमहं ज्ञात्वा ततो गर्जामि गौतम ॥

sunītairiha sarvārthāḥ sidhyante nātra saṃśayaḥ | etamarthamahaṃ jñātvā tato garjāmi gautama

By sound policy all ends are achieved here, without doubt. Knowing this, I therefore roar, Gautama.

Verse 55 (7.159.55)

त्वं तु विप्रश्च वृद्धश्च अशक्तश्चापि संयुगे । कृतस्नेहश्च पार्थेषु मोहान्मामवमन्यसे ॥

tvaṃ tu vipraśca vṛddhaśca aśaktaścāpi saṃyuge | kṛtasnehaśca pārtheṣu mohānmāmavamanyase

But you are a brahmin, and old, and weak in battle, and you are fond of the sons of Pritha; out of delusion you slight me.

Verse 56 (7.159.56)

यद्येवं वक्ष्यसे भूयो ममाप्रियमिह द्विज । ततस्ते खड्गमुद्यम्य जिह्वां छेत्स्यामि दुर्मते ॥

yadyevaṃ vakṣyase bhūyo mamāpriyamiha dvija | tataste khaḍgamudyamya jihvāṃ chetsyāmi durmate

If you speak to me again like this, brahmin, in a way that displeases me, I will raise my sword and cut out your tongue, wicked man.

Note on the text: Corrected खङ्गमुद्यम्य → खड्गमुद्यम्य (misprint in Wikisource; the conjunct ङ्ग for ड्ग; the word is खड्ग, as CE 7.133.52c khaḍgam).

Verse 57 (7.159.57)

यच्चापि पाण्डवान्विप्र स्तोतुमिच्छसि संयुगे । भीषयन्सर्वसैन्यानि कौरवेयांश्च दुर्मते ॥

yaccāpi pāṇḍavānvipra stotumicchasi saṃyuge | bhīṣayansarvasainyāni kauraveyāṃśca durmate

And as for your wish to praise the Pandavas in battle, frightening all our armies and the Kauravas, wicked man,

Note on the text: Lines 1-2 = CE 7.133.53a, 53c. The automatic alignment found no match.

Verse 58 (7.159.58)

अत्रापि शृणु मे वाक्यं यथावद्ब्रुवतो द्विज । दुर्योधनश्च द्रोणश्च शकुनिर्दुर्मुखो जयः ॥

atrāpi śṛṇu me vākyaṃ yathāvadbruvato dvija | duryodhanaśca droṇaśca śakunirdurmukho jayaḥ

on this too, brahmin, hear my words as I speak them truly: Duryodhana, Drona, Shakuni, Durmukha, Jaya,

Note on the text: Lines 1-2 = CE 7.133.53e, 54a. The automatic alignment found no match.

Verse 59 (7.159.59)

दुःशासनो वृषसेनो मद्रराजस्त्वमेव च । सोमदत्तश्च भूरिश्च तथा द्रौणिर्विविंशतिः ॥

duḥśāsano vṛṣaseno madrarājastvameva ca | somadattaśca bhūriśca tathā drauṇirviviṃśatiḥ

Duhshasana, Vrishasena, the king of the Madras, and you yourself, Somadatta, Bhuri, Drona's son, Vivimshati:

Note on the text: Lines 1-2 = CE 7.133.54c, 54e, where the CE reads madrarājas for Wikisource मद्राजः. Corrected मद्राजस्त्वमेव → मद्रराजस्त्वमेव (misprint in Wikisource; a dropped र, the word being मद्रराज). The automatic alignment found no match.

Verse 60 (7.159.60)

तिष्ठेयुर्दंशिता यत्र सर्वे युद्धविशारदाः । जयेदेतान्नरः को नु शक्रतुल्यबलोऽप्यरिः ॥

tiṣṭheyurdaṃśitā yatra sarve yuddhaviśāradāḥ | jayedetānnaraḥ ko nu śakratulyabalo'pyariḥ

if all of these, armoured and skilled in war, were to stand together, what enemy, even one with the strength of Shakra, could conquer them?

Note on the text: Corrected यत्रा → यत्र (misprint in Wikisource; a stray long ā, CE 7.133.55a yatra).

Verse 61 (7.159.61)

शूराश्च हि कृतास्त्राश्च बलिनः स्वर्गलिप्सवः । धर्मज्ञा युद्धकुशला हन्युर्युद्धे सुरानपि ॥

śūrāśca hi kṛtāstrāśca balinaḥ svargalipsavaḥ | dharmajñā yuddhakuśalā hanyuryuddhe surānapi

They are heroes, trained in weapons, strong and longing for heaven, knowers of dharma and skilled in war; they could slay even the gods in battle.

Verse 62 (7.159.62)

एते स्थास्यन्ति सङ्ग्रामे पाण्डवानां वधार्थिनः । जयमाकाङ्क्षमाणा हि कौरवेयस्य दंशिताः ॥

ete sthāsyanti saṅgrāme pāṇḍavānāṃ vadhārthinaḥ | jayamākāṅkṣamāṇā hi kauraveyasya daṃśitāḥ

These will stand firm in the battle, armoured and eager to kill the Pandavas, longing for the Kaurava's victory.

Verse 63 (7.159.63)

दैवायत्तमहं मन्ये जयं सुबलिनामपि । यत्र भीष्मो महाबाहुः शेते शरशताचितः ॥

daivāyattamahaṃ manye jayaṃ subalināmapi | yatra bhīṣmo mahābāhuḥ śete śaraśatācitaḥ

I think that even for the very strong, victory depends on fate, when the mighty-armed Bhishma lies covered with hundreds of arrows.

Verse 64 (7.159.64)

विकर्णश्चित्रसेनश्च बाह्लीकोऽथ जयद्रथः । भूरिश्रवा जयश्चैव जलसन्धः सुदक्षिणः ॥

vikarṇaścitrasenaśca bāhlīko'tha jayadrathaḥ | bhūriśravā jayaścaiva jalasandhaḥ sudakṣiṇaḥ

Vikarna, Chitrasena, Bahlika, Jayadratha, Bhurishravas, Jaya, Jalasandha, Sudakshina,

Verse 65 (7.159.65)

शलश्च रथिनां श्रेष्ठो भगदत्तश्च वीर्यवान् । एते चान्ये च राजानो देवैरपि सुदुर्जयाः ॥

śalaśca rathināṃ śreṣṭho bhagadattaśca vīryavān | ete cānye ca rājāno devairapi sudurjayāḥ

Shala, the best of charioteers, and the valiant Bhagadatta: these and other kings, hard to conquer even for the gods,

Verse 66 (7.159.66)

निहताः समरे शूराः पाण्डवैर्बलवत्तराः । किमन्यद्दैवसंयोगान्मन्यसे पुरुषाधम ॥

nihatāḥ samare śūrāḥ pāṇḍavairbalavattarāḥ | kimanyaddaivasaṃyogānmanyase puruṣādhama

were slain in battle by the Pandavas, though they were mightier. What else can you call this but the working of fate, O vilest of men?

Verse 67 (7.159.67)

यांश्च तांस्तौषि सततं दुर्योधनरिपून्द्विज । तेषामपि हताः शूराः शतशोऽथ सहस्रशः ॥

yāṃśca tāṃstauṣi satataṃ duryodhanaripūndvija | teṣāmapi hatāḥ śūrāḥ śataśo'tha sahasraśaḥ

And of those whom you praise constantly as the enemies of Duryodhana, brahmin, heroes have been slain by the hundreds and by the thousands.

Verse 68 (7.159.68)

क्षीयन्ते सर्वसैन्यानि कुरूणां पाण्डवैः सह । प्रभावं नात्र पश्यामि पाण्डवानां कथञ्चन ॥

kṣīyante sarvasainyāni kurūṇāṃ pāṇḍavaiḥ saha | prabhāvaṃ nātra paśyāmi pāṇḍavānāṃ kathañcana

The armies of the Kurus and of the Pandavas alike are dwindling; I see no special power in the Pandavas here at all.

Note on the text: Corrected पाश्यामि → पश्यामि (misprint in Wikisource; पाश्यामि is not a word; CE 7.133.63c paśyāmi).

Verse 69 (7.159.69)

यस्तान्बलवतो नित्यं मन्यसे त्वं द्विजाधम । यतिष्येऽहं यथाशक्ति योद्धुं तैः सह संयुगे । दुर्योधनहितार्थाय जयो दैवे प्रतिष्ठितः ॥

yastānbalavato nityaṃ manyase tvaṃ dvijādhama | yatiṣye'haṃ yathāśakti yoddhuṃ taiḥ saha saṃyuge | duryodhanahitārthāya jayo daive pratiṣṭhitaḥ

As for those whom you always think so powerful, you vilest of brahmins, I shall strive as far as I can to fight them in battle for Duryodhana's good. Victory rests on fate."