Ashvatthama Turns on Karna, and Arjuna Defeats Him

Verse 1 (7.160.1)

तथा परुषितं दृष्ट्वा सूतपुत्रेण मातुलम् । खड्गमुद्यम्य वेगेन द्रौणिरभ्यपतद्द्रुतम् ॥

tathā paruṣitaṃ dṛṣṭvā sūtaputreṇa mātulam | khaḍgamudyamya vegena drauṇirabhyapataddrutam

Seeing his uncle thus insulted by the charioteer's son, Drona's son raised his sword and swiftly rushed at him.

Note on the text: Corrected खङ्गमुद्यम्य → खड्गमुद्यम्य (misprint in Wikisource; the word is खड्ग, CE khaḍgam).

Verse 2 (7.160.2)

ततः परमसङ्क्रुद्धः सिंहो मत्तमिव द्विपम् । प्रेक्षतः कुरुराजस्य द्रौणिः कर्णं समभ्ययात् ॥

tataḥ paramasaṅkruddhaḥ siṃho mattamiva dvipam | prekṣataḥ kururājasya drauṇiḥ karṇaṃ samabhyayāt

Then, in a towering rage, Drona's son advanced on Karna in full view of the king of the Kurus, like a lion upon a rutting elephant.

Note on the text: Not in the critical edition's main text: line 1 is the CE star passage 7.134.1d*1143_01 (identical); line 2 is a variant of 1143_02 (page "द्रौणिः कर्णं समभ्ययात्" for the CE's "samakṣaṃ cedam abravīt"), kept.

Verse 3 (7.160.3)

यदर्जुनगुणांस्तथ्यान्कीर्तयानं नराधम । शूरं द्वेषात्सुदुर्बुद्धे त्वं भर्त्सयसि मातुलम् ॥

yadarjunaguṇāṃstathyānkīrtayānaṃ narādhama | śūraṃ dveṣātsudurbuddhe tvaṃ bhartsayasi mātulam

You vilest of men, evil-minded wretch, out of hatred for a hero you revile my uncle, who was only telling of Arjuna's true merits.

Note on the text: Corrected यदर्युन → यदर्जुन (misprint in Wikisource; CE yad arjuna-). Not in the critical edition's main text: the two lines are the CE star passage 7.134.2*1144_01–02 (the page reads "शूरं द्वेषात्" where the CE has the compound śūradveṣāt), kept. Raw page: the commentary gloss printed after the colophon (on 5-160-4) is not part of the text and is dropped.

Verse 4 (7.160.4)

विकत्थमानः शौर्येण सर्वलोकधनुर्धरम् । दर्पोत्सेधगृहीतोऽद्य न कञ्चिद्गणयन्मृधे ॥

vikatthamānaḥ śauryeṇa sarvalokadhanurdharam | darpotsedhagṛhīto'dya na kañcidgaṇayanmṛdhe

You vaunt your prowess against him, the foremost bowman in all the worlds, and, seized today by the swelling of pride, you reckon no one of any account in battle.

Note on the text: Not in the critical edition's main text: the two lines are the CE star passage 7.134.2*1144_03–04 (variants: page "सर्वलोकधनुर्धरम्" for CE sarvalokadhanurbhṛtam, "दर्पोत्सेध-" for darpotseka-), kept.

Verse 5 (7.160.5)

क्व ते वीर्यं क्व चास्त्राणि यत्त्वां निर्जित्य संयुगे । गाण्डीवधन्वा हतवान्प्रेक्षतस्ते जयद्रथम् ॥

kva te vīryaṃ kva cāstrāṇi yattvāṃ nirjitya saṃyuge | gāṇḍīvadhanvā hatavānprekṣataste jayadratham

Where was your valour, where were your weapons, when the wielder of Gandiva defeated you in battle and killed Jayadratha before your very eyes?

Note on the text: Corrected यं त्वां → यत्त्वां (misprint in Wikisource; the clause "when … defeated you" needs यत्, CE yat tvāṃ). Not in the critical edition's main text: the two lines are the CE star passage 7.134.2*1144_05–06.

Verse 6 (7.160.6)

येन साक्षान्महादेवो योधितः समरे पुरा । तमिच्छसि वृथा जेतुं सूताधम मनोरथैः ॥

yena sākṣānmahādevo yodhitaḥ samare purā | tamicchasi vṛthā jetuṃ sūtādhama manorathaiḥ

Lowest of charioteers, you wish in vain to conquer, with mere daydreams, the man with whom Mahadeva himself once fought in battle.

Note on the text: Not in the critical edition's main text: the two lines are the CE star passage 7.134.2*1144_07–08.

Verse 7 (7.160.7)

यं हि कृष्णेन सहितं सर्वशस्त्रभृतां वरम् । जेतुं न शक्ताः सहिताः सेन्द्रा अपि सुरासुराः ॥

yaṃ hi kṛṣṇena sahitaṃ sarvaśastrabhṛtāṃ varam | jetuṃ na śaktāḥ sahitāḥ sendrā api surāsurāḥ

Even the gods and demons together, with Indra among them, are not able to conquer him, the best of all who bear weapons, when he is with Krishna.

Note on the text: Not in the critical edition's main text: the two lines are the CE star passage 7.134.2*1144_09–10.

Verse 8 (7.160.8)

लोकैकवीरमजितमर्जुनं सूत संयुगे । किं पुनस्त्वं सुदुर्बुद्धे सहैभिर्वसुधाधिपैः ॥

lokaikavīramajitamarjunaṃ sūta saṃyuge | kiṃ punastvaṃ sudurbuddhe sahaibhirvasudhādhipaiḥ

O charioteer, Arjuna, the one hero of the world, is unconquered in battle; how much less could you, ill-minded fool, conquer him, even with all these kings beside you?

Note on the text: Not in the critical edition's main text: the two lines are the CE star passage 7.134.2*1144_11–12 (page "वसुधाधिपैः", CE vasudhādhipaiḥ).

Verse 9 (7.160.9)

कर्ण पश्य सुदुर्बुद्धे तिष्ठेदानीं नराधम । एष तेऽद्य शिरः कायादुद्धरामि सुदुर्मते ॥

karṇa paśya sudurbuddhe tiṣṭhedānīṃ narādhama | eṣa te'dya śiraḥ kāyāduddharāmi sudurmate

Look, Karna, you fool! Stand where you are, lowest of men. This very day, ill-minded wretch, I will tear your head from your body.

Note on the text: Lines 1–2 are CE 7.134.2a and 2c. The page prints the next speaker heading "सञ्जय उवाच" as a third line of this verse (5-160-9c); it is a heading, not text, so it is removed (verse 10 is Sanjaya's narration) and the verse now ends with ॥ after line 2.

Verse 10 (7.160.10)

तमुद्यतं तु वेगेन राजा दुर्योधनः स्वयम् । न्यवारयन्महातेजाः कृपश्च द्विपदां वरः ॥

tamudyataṃ tu vegena rājā duryodhanaḥ svayam | nyavārayanmahātejāḥ kṛpaśca dvipadāṃ varaḥ

As he rushed forward in fury, King Duryodhana himself held him back, and so did Kripa, the best of men, of great splendour.

Verse 11 (7.160.11)

शूरोऽयं समरश्लाघी दुर्मतिश्च द्विजाधमः । आसादयतु मद्वीर्यं मुञ्चेमं कुरुसत्तम ॥

śūro'yaṃ samaraślāghī durmatiśca dvijādhamaḥ | āsādayatu madvīryaṃ muñcemaṃ kurusattama

This man is a braggart of the battlefield, evil-minded, the lowest of Brahmins. Let him come against my might. Let him go, best of the Kurus.

Verse 12 (7.160.12)

तवैतत्क्षम्यतेऽस्माभिः सूतात्मज सुदुर्मते । दर्पमुत्सिक्तमेतत्ते फल्गुनो नाशयिष्यति ॥

tavaitatkṣamyate'smābhiḥ sūtātmaja sudurmate | darpamutsiktametatte phalguno nāśayiṣyati

We pardon this in you, ill-minded son of a charioteer. Phalguna will put an end to this swollen pride of yours.

Note on the text: Corrected तैवतत्क्षम्यते → तवैतत्क्षम्यते (misprint in Wikisource; compare verse 18 and CE tavaitat kṣamyate). CE 7.134.5 (also given to Ashvatthama in the CE). The page prints the same verse again at verse 18 under Kripa's heading.

Verse 13 (7.160.13)

अश्वत्थामन्प्रसीदस्व क्षन्तुमर्हसि मानद । कोपः खलु न कर्तव्यः सूतपुत्रं कथञ्चन ॥

aśvatthāmanprasīdasva kṣantumarhasi mānada | kopaḥ khalu na kartavyaḥ sūtaputraṃ kathañcana

Ashvatthama, be gracious. You should forgive, giver of honour. You must not be angry with the charioteer's son on any account.

Verse 14 (7.160.14)

त्वयि कर्णे कृपे द्रोणे मद्रराजेऽथ सौबले । महत्कार्यं समासक्तं प्रसीद द्विजसत्तम ॥

tvayi karṇe kṛpe droṇe madrarāje'tha saubale | mahatkāryaṃ samāsaktaṃ prasīda dvijasattama

A great undertaking rests upon you, upon Karna, Kripa, Drona, the king of Madra and the son of Subala. Be gracious, best of Brahmins.

Verse 15 (7.160.15)

एते ह्यभिमुखाः सर्वे राधेयेन युयुत्सवः । आयान्ति पाण्डवा ब्रह्मन्नाह्वयन्तः समन्ततः ॥

ete hyabhimukhāḥ sarve rādheyena yuyutsavaḥ | āyānti pāṇḍavā brahmannāhvayantaḥ samantataḥ

Here, O Brahmin, all the Pandavas are coming on, eager to fight Radheya and challenging him from every side.

Verse 16 (7.160.16)

प्रसाद्यमानस्तु ततो राज्ञा द्रौणिर्महामनाः । प्रससाद महाराज क्रोधवेगसमन्वितः ॥

prasādyamānastu tato rājñā drauṇirmahāmanāḥ | prasasāda mahārāja krodhavegasamanvitaḥ

Thus pacified by the king, the great-minded son of Drona, though swept by the force of his anger, grew calm, O great king.

Note on the text: Not in the critical edition's main text: the two lines are the CE star passage 7.134.9*1145_01–02 (the page reads "क्रोधवेगसमन्वितः" for the CE's krodhamanyusamanvitaḥ), kept.

Verse 17 (7.160.17)

ततः कृपोऽप्युवाचेदमाचार्यः सुमहामनाः । सौम्यस्वभावाद्राजेन्द्र क्षिप्रमागतमार्दवः ॥

tataḥ kṛpo'pyuvācedamācāryaḥ sumahāmanāḥ | saumyasvabhāvādrājendra kṣipramāgatamārdavaḥ

Then Kripa too, the teacher, great-souled, whose gentle nature had quickly brought back his mildness, spoke these words, O best of kings.

Note on the text: Corrected राजनेन्द्र → राजेन्द्र (misprint in Wikisource; extra न, CE rājendra). Not in the critical edition's main text: the two lines are the CE star passage 7.134.9*1145_03–04.

Verse 18 (7.160.18)

तवैतत्क्षम्यतेऽस्माभिः सूतात्मज सुदुर्मते । दर्पमुत्सिक्तमेतत्ते फल्गुनो नाशयिष्यति ॥

tavaitatkṣamyate'smābhiḥ sūtātmaja sudurmate | darpamutsiktametatte phalguno nāśayiṣyati

We pardon this in you, ill-minded son of a charioteer. Phalguna will put an end to this swollen pride of yours.

Note on the text: Repeats verse 12 (CE 7.134.5, which the CE gives to Ashvatthama, with no Kripa speech here); the page's printed heading is Kripa, kept.

Verse 19 (7.160.19)

ततस्ते पाण्डवा राजन्पाञ्चालाश्च यशस्विनः । आजग्मुः सहिताः कर्णं तर्जयन्तः समन्ततः ॥

tataste pāṇḍavā rājanpāñcālāśca yaśasvinaḥ | ājagmuḥ sahitāḥ karṇaṃ tarjayantaḥ samantataḥ

Then the Pandavas and the glorious Panchalas, O king, came together against Karna, menacing him from every side.

Note on the text: Not in the critical edition's main text: the page's lines correspond to the CE star passage 7.134.9*1146_01–02, with variants ("आजग्मुः सहिताः कर्णं तर्जयन्तः समन्ततः" for the CE's "ājagmuḥ sahitās tatra tarjayantaḥ punaḥ punaḥ"), kept.

Verse 20 (7.160.20)

कर्णोऽपि रथिनां श्रेष्ठश्चापमुद्यम्य वीर्यवान् । कौरवाग्र्यैः परिवृतः शक्रो देवगणैरिव । पर्यतिष्ठत तेजस्वी स्वबाहुबलमाश्रितः ॥

karṇo'pi rathināṃ śreṣṭhaścāpamudyamya vīryavān | kauravāgryaiḥ parivṛtaḥ śakro devagaṇairiva | paryatiṣṭhata tejasvī svabāhubalamāśritaḥ

Karna too, the best of chariot-warriors, mighty and brave, raised his bow and stood firm and radiant, trusting in the strength of his own arms, ringed by the foremost Kauravas as Shakra is by hosts of gods.

Note on the text: CE 7.134.9a, 9c, 9e.

Verse 21 (7.160.21)

ततः प्रववृते युद्धं कर्णस्य सह पाण्डवैः । भीषणं सुमहाराज सिंहनादविराजितम् ॥

tataḥ pravavṛte yuddhaṃ karṇasya saha pāṇḍavaiḥ | bhīṣaṇaṃ sumahārāja siṃhanādavirājitam

Then a battle began between Karna and the Pandavas, O great king, terrible and resounding with lions' roars.

Verse 22 (7.160.22)

ततस्ते पाण्डवा राजन्पाञ्चालाश्च यशस्विनः । दृष्ट्वा कर्णं महाबाहुमुच्चैः शब्दमथानदन् ॥

tataste pāṇḍavā rājanpāñcālāśca yaśasvinaḥ | dṛṣṭvā karṇaṃ mahābāhumuccaiḥ śabdamathānadan

Then the Pandavas and the glorious Panchalas, O king, seeing the mighty-armed Karna, roared aloud.

Verse 23 (7.160.23)

अयं कर्णः कुतः कर्णस्तिष्ठ कर्ण महारणे । युध्यस्व सहितोऽस्माभिर्दुरात्मन्पुरुषाधम ॥

ayaṃ karṇaḥ kutaḥ karṇastiṣṭha karṇa mahāraṇe | yudhyasva sahito'smābhirdurātmanpuruṣādhama

"This is Karna! Where is Karna? Stand, Karna, in this great battle! Fight with us, wicked wretch, lowest of men!"

Note on the text: No heading is printed, but the words are the shout of the Pandavas and Panchalas described in verse 22, so the speaker is changed from Sanjaya (the input carried Sanjaya over).

Verse 24 (7.160.24)

अन्ये तु दृष्ट्वा राधेयं क्रोधरक्तेक्षणाऽब्रुवन् । हन्यतामयमुत्सिक्तः सूतपुत्रोऽल्पचेतनः । सर्वैः पार्थिवशार्दूलैर्नानेनार्थोऽस्ति जीवता ॥

anye tu dṛṣṭvā rādheyaṃ krodharaktekṣaṇā'bruvan | hanyatāmayamutsiktaḥ sūtaputro'lpacetanaḥ | sarvaiḥ pārthivaśārdūlairnānenārtho'sti jīvatā

Others, seeing Radheya with eyes red with anger, said: "Let this arrogant, feeble-minded son of a charioteer be killed. None of us tigers among kings has any use for his being alive."

Note on the text: Corrected क्रोधरक्रेक्षणाऽब्रुवन् → क्रोधरक्तेक्षणाऽब्रुवन् (misprint in Wikisource; the त dropped, CE krodharaktekṣaṇābruvan). Line 1 is CE 7.134.13a, line 2 is 13c, line 3 is 14a. Lines 2–3 are the others' shout; line 1 is Sanjaya's narration, so Sanjaya is kept as speaker.

Verse 25 (7.160.25)

अत्यन्तवैरी पार्थानां सततं पापपूरुषः । एष मूलमनर्थानां दुर्योधनमते स्थितः ॥

atyantavairī pārthānāṃ satataṃ pāpapūruṣaḥ | eṣa mūlamanarthānāṃ duryodhanamate sthitaḥ

"He is the lifelong enemy of the sons of Pritha, a wicked man, the root of all these evils, and he stands firm in Duryodhana's counsel."

Note on the text: Lines are CE 7.134.14c and 15a. No heading is printed, but the words are the shout of "the others" begun in verse 24, so the speaker is changed from Sanjaya (the input carried Sanjaya over).

Verse 26 (7.160.26)

घ्नतैनमिति जल्पन्तः क्षत्रियाः समुपाद्रवन् । महता शरवर्षेण च्छादयन्तो महारथाः । वधार्थं सूतपुत्रस्य पाण्डवेयेन चोदिताः ॥

ghnatainamiti jalpantaḥ kṣatriyāḥ samupādravan | mahatā śaravarṣeṇa cchādayanto mahārathāḥ | vadhārthaṃ sūtaputrasya pāṇḍaveyena coditāḥ

Crying out "Strike him down!", the Kshatriyas rushed upon him, great chariot-warriors covering him with a heavy shower of arrows, urged on by the Pandava to kill the charioteer's son.

Note on the text: Lines are CE 7.134.15c, 16a, 16c (line 1 reads "घ्नतैनमिति" for the CE's hatainam iti). Line 1 opens with the shout, but the verse as a whole is narration, so Sanjaya is kept.

Verse 27 (7.160.27)

तांस्तु सर्वांस्तथा दृष्ट्वा धावमानान्महारथान् । न विव्यथे सूतपुत्रो न च त्रासमगच्छत ॥

tāṃstu sarvāṃstathā dṛṣṭvā dhāvamānānmahārathān | na vivyathe sūtaputro na ca trāsamagacchata

Yet, seeing all those great warriors charging at him, the charioteer's son neither trembled nor felt any fear.

Verse 28 (7.160.28)

दृष्ट्वा सागरकल्पं तमुद्धूतं सैन्यसागरम् । पिप्रीषुस्तव पुत्राणां सङ्ग्रामेष्वपराजितः ॥

dṛṣṭvā sāgarakalpaṃ tamuddhūtaṃ sainyasāgaram | piprīṣustava putrāṇāṃ saṅgrāmeṣvaparājitaḥ

Seeing that army surge up like a sea, an ocean of soldiers, he who was never beaten in battle, wishing to please your sons,

Note on the text: Corrected सागस्कल्पं → सागरकल्पं (misprint in Wikisource; "सागस्" is not a word here and the sense "like a sea" with सैन्यसागरम् requires सागर-; the smallest fix, the CE has a different word, nagarakalpam).

Verse 29 (7.160.29)

सायकौधेन बलवान्क्षिप्रकारी महाबलः । वारयामास तत्सैन्यं समन्ताद्भरतर्षभ ॥

sāyakaudhena balavānkṣiprakārī mahābalaḥ | vārayāmāsa tatsainyaṃ samantādbharatarṣabha

the strong and mighty Karna, swift in action, checked that army on every side with a flood of arrows, O best of the Bharatas.

Note on the text: Corrected भरतर्पभ → भरतर्षभ (misprint in Wikisource; प for ष).

Verse 30 (7.160.30)

ततस्तु शरवर्षेण पार्थिवास्तमवारयन् । धनूंषि ते विधुन्वानाः शतशोऽथ सहस्रशः । अयोधयन्त राधेयं शक्रं दैत्यगणा इव ॥

tatastu śaravarṣeṇa pārthivāstamavārayan | dhanūṃṣi te vidhunvānāḥ śataśo'tha sahasraśaḥ | ayodhayanta rādheyaṃ śakraṃ daityagaṇā iva

Then the kings held him back with a rain of arrows, shaking their bows by hundreds and thousands, and they fought Radheya as hosts of Daityas fought Shakra.

Note on the text: Corrected धनुम्पि → धनूंषि (misprint in Wikisource; CE dhanūṃṣi).

Verse 31 (7.160.31)

शरवर्षं तु तत्कर्णः पार्थिवैः समुदीरितम् । शरवर्षेण महता समन्ताद्व्यकिरत्प्रभो ॥

śaravarṣaṃ tu tatkarṇaḥ pārthivaiḥ samudīritam | śaravarṣeṇa mahatā samantādvyakiratprabho

But Karna, O lord, covered on every side with a great rain of arrows that arrow-rain loosed by the kings.

Note on the text: Corrected शरवर्पं → शरवर्षं (misprint in Wikisource; प for ष).

Verse 32 (7.160.32)

तद्युद्धमभवत्तेषां कृतप्रतिकृतैषिणाम् । यथा देवासुरे युद्धे शक्रस्य सह दानवैः ॥

tadyuddhamabhavatteṣāṃ kṛtapratikṛtaiṣiṇām | yathā devāsure yuddhe śakrasya saha dānavaiḥ

The battle between them, each eager to repay the other, was like the fight between Shakra and the Danavas in the war of gods and demons.

Note on the text: Corrected दानैवः → दानवैः (misprint in Wikisource; letters transposed, CE dānavaiḥ).

Verse 33 (7.160.33)

तत्राद्भुतमपश्याम सूतपुत्रस्य लाघवम् । यदेनं सर्वतो यत्ता नाप्नुवन्ति परे युधि ॥

tatrādbhutamapaśyāma sūtaputrasya lāghavam | yadenaṃ sarvato yattā nāpnuvanti pare yudhi

There we saw a marvel in the charioteer's son's quickness of hand: though his enemies strove with all their might, they could not reach him anywhere in the battle.

Verse 34 (7.160.34)

निवार्य च शरौघांस्तान्पार्थिवानां महारथः । युगेष्वीषासु च्छत्रेषु ध्वजेषु च हयेषु च । आत्मनामाङ्कितान्घोरान्राधेयः प्राहिणोच्छरान् ॥

nivārya ca śaraughāṃstānpārthivānāṃ mahārathaḥ | yugeṣvīṣāsu cchatreṣu dhvajeṣu ca hayeṣu ca | ātmanāmāṅkitānghorānrādheyaḥ prāhiṇoccharān

That great warrior, having parried those floods of arrows from the kings, sent dreadful arrows marked with his own name against their yokes, shafts, umbrellas, banners and horses.

Verse 35 (7.160.35)

ततस्ते व्याकुलीभूता राजानः कर्णपीडिताः । बभ्रमुस्तत्र तत्रैव गावः शीतार्दिता इव ॥

tataste vyākulībhūtā rājānaḥ karṇapīḍitāḥ | babhramustatra tatraiva gāvaḥ śītārditā iva

Then the kings, thrown into confusion and tormented by Karna, wandered about there like cows stricken with cold.

Note on the text: Corrected बभ्रुमुस्तत्र → बभ्रमुस्तत्र (misprint in Wikisource; the verb is भ्रम्, CE babhramuḥ).

Verse 36 (7.160.36)

हयानां वध्यमानानां गजानां रथिनां तथा । तत्रतत्राभ्यवेक्षाम सङ्घान्कर्णेन ताडितान् ॥

hayānāṃ vadhyamānānāṃ gajānāṃ rathināṃ tathā | tatratatrābhyavekṣāma saṅghānkarṇena tāḍitān

Everywhere we saw horses, elephants and chariot-warriors being slain, whole groups struck down by Karna.

Verse 37 (7.160.37)

शिरोभिः पतितै राजन्बाहुभिश्च समन्ततः । आस्तीर्णा वसुधा सर्वा शूराणामनिवर्तिनाम् ॥

śirobhiḥ patitai rājanbāhubhiśca samantataḥ | āstīrṇā vasudhā sarvā śūrāṇāmanivartinām

The whole earth was strewn, O king, with fallen heads and arms on every side, belonging to heroes who never turn back.

Verse 38 (7.160.38)

हतैश्च हन्यमानैश्च निष्टनद्भिश्च सर्वशः । बभूवायोधनं रौद्रं वैवस्वतपुरोपमम् ॥

hataiśca hanyamānaiśca niṣṭanadbhiśca sarvaśaḥ | babhūvāyodhanaṃ raudraṃ vaivasvatapuropamam

With the slain, with those being struck down and with those groaning on every side, the battlefield became terrible, like the city of Vaivasvata.

Verse 39 (7.160.39)

ततो दुर्योधनो राजा दृष्ट्वा कर्णस्य विक्रमम् । अश्वत्थामानमासाद्य वाक्यमेतदुवाच ह ॥

tato duryodhano rājā dṛṣṭvā karṇasya vikramam | aśvatthāmānamāsādya vākyametaduvāca ha

Then King Duryodhana, seeing Karna's prowess, went up to Ashvatthama and spoke these words.

Verse 40 (7.160.40)

युध्यतेऽसौ रणे कर्णो दंशितः सर्वपार्थिवैः ॥

yudhyate'sau raṇe karṇo daṃśitaḥ sarvapārthivaiḥ

"There Karna fights in the battle, armoured, against all the kings."

Note on the text: CE 7.134.30a. No heading is printed; the words are Duryodhana's speech to Ashvatthama introduced in verse 39, so the speaker is changed from Sanjaya (the input carried Sanjaya over). The verse is one line on the page; the CE's verse 30 runs 30a, 30c, 30e and the page puts 30c–30e in verse 41, so nothing is lost.

Verse 41 (7.160.41)

पश्यैतां द्रवतीं सेनां कर्णसायकपीडिताम् । कार्तिकेयेन विध्वस्तामासुरीं पृतनामिव ॥

paśyaitāṃ dravatīṃ senāṃ karṇasāyakapīḍitām | kārtikeyena vidhvastāmāsurīṃ pṛtanāmiva

"Look at this army fleeing, tormented by Karna's arrows, like an army of Asuras shattered by Karttikeya."

Note on the text: Lines are CE 7.134.30c and 30e (the continuation of verse 40). Speaker is Duryodhana (see verse 40).

Verse 42 (7.160.42)

दृष्ट्वैतां निर्जितां सेनां रणे कर्णेन धीमता । अभियात्येष बीभत्सुः सूतपुत्रजिघांसया ॥

dṛṣṭvaitāṃ nirjitāṃ senāṃ raṇe karṇena dhīmatā | abhiyātyeṣa bībhatsuḥ sūtaputrajighāṃsayā

"Seeing this army beaten in battle by the wise Karna, Bibhatsu is coming up, wishing to kill the charioteer's son."

Note on the text: Speaker is Duryodhana (see verse 40).

Verse 43 (7.160.43)

तद्यथा प्रेक्षमाणानां सूतपुत्रं महारथम् । न हन्यात्पाण्डवः सङ्ख्ये तथा नीतिर्विधीयतां ॥

tadyathā prekṣamāṇānāṃ sūtaputraṃ mahāratham | na hanyātpāṇḍavaḥ saṅkhye tathā nītirvidhīyatāṃ

"So take such measures that, while we look on, the Pandava may not kill the mighty charioteer's son in battle."

Note on the text: Speaker is Duryodhana (see verse 40).

Verse 44 (7.160.44)

ततो द्रौणिः कृपः शल्यो हार्दिक्यश्च महारथः । प्रत्युद्ययुस्तदा पार्थं सूतपुत्रपरीप्सया । आयान्तं वीक्ष्य कौन्तेयं शक्रं दैत्यचमूमिव ॥

tato drauṇiḥ kṛpaḥ śalyo hārdikyaśca mahārathaḥ | pratyudyayustadā pārthaṃ sūtaputraparīpsayā | āyāntaṃ vīkṣya kaunteyaṃ śakraṃ daityacamūmiva

Then Drona's son, Kripa, Shalya and the great warrior Hardikya advanced against Partha to save the charioteer's son, as they saw Kaunteya coming on, like an army of Daityas seeing Shakra.

Note on the text: Lines are CE 7.134.33a, 33c, 34a (line 3 is a variant: page "आयान्तं वीक्ष्य कौन्तेयं शक्रं दैत्यचमूमिव" for the CE's "āyāntaṃ dṛśya kaunteyaṃ vṛtraṃ devacamūm iva"), kept.

Verse 45 (7.160.45)

बीभत्सुरपि राजेन्द्र पाञ्चालैरभिसंवृतः । प्रत्युद्ययौ तदा कर्णं यथा वृत्रं शतक्रतुः ॥

bībhatsurapi rājendra pāñcālairabhisaṃvṛtaḥ | pratyudyayau tadā karṇaṃ yathā vṛtraṃ śatakratuḥ

Bibhatsu too, O king of kings, surrounded by the Panchalas, went out to meet Karna, as Shatakratu went against Vritra.

Note on the text: Not in the critical edition's main text: line 1 is the CE star passage 7.134.33d*1148_01; line 2 is a variant of CE 7.134.34c (page "प्रत्युद्ययौ तदा कर्णं यथा वृत्रं शतक्रतुः", CE "pratyudyayau tadā karṇo yathā śakraḥ pratāpavān"), kept.

Verse 46 (7.160.46)

संरब्धं फल्गुनं दृष्ट्वा कालान्तकयमोपमम् । कर्णो वैकर्तनः सूत प्रत्यपद्यत्किमुत्तरम् ॥

saṃrabdhaṃ phalgunaṃ dṛṣṭvā kālāntakayamopamam | karṇo vaikartanaḥ sūta pratyapadyatkimuttaram

Seeing Phalguna enraged, like Yama the ender at the end of time, what answer did Karna Vaikartana make, Sanjaya?

Verse 47 (7.160.47)

यो ह्यस्पर्धत पार्थेन नित्यमेव महारथः । आशंसते च बीभत्सुं युद्धे जेतुं सुदारुणम् ॥

yo hyaspardhata pārthena nityameva mahārathaḥ | āśaṃsate ca bībhatsuṃ yuddhe jetuṃ sudāruṇam

He who always vied with Partha, that great warrior who hoped to defeat the terrible Bibhatsu in battle,

Verse 48 (7.160.48)

स तु तं सहसा प्राप्तं नित्यमत्यन्तवैरिणम् । कर्णो वैकर्तनः सूत किमुत्तरमपद्यत ॥

sa tu taṃ sahasā prāptaṃ nityamatyantavairiṇam | karṇo vaikartanaḥ sūta kimuttaramapadyata

when his ever-bitter enemy came suddenly upon him, what reply did Karna Vaikartana make, Sanjaya?

Verse 49 (7.160.49)

आयान्तं पाण्डव दृष्ट्वा गजं प्रतिगजो यथा । असम्भ्रान्तो रणे कर्णः प्रत्युदीयाद्धनञ्जयम् ॥

āyāntaṃ pāṇḍava dṛṣṭvā gajaṃ pratigajo yathā | asambhrānto raṇe karṇaḥ pratyudīyāddhanañjayam

Seeing the Pandava coming on, as an elephant faces a rival elephant, Karna, unshaken in battle, went forward to meet Dhananjaya.

Verse 50 (7.160.50)

तमापतन्तं वेगेन वैकर्तनमजिह्मगैः । छादयामास पार्थोऽथ कर्णस्तु विजयं शरैः ॥

tamāpatantaṃ vegena vaikartanamajihmagaiḥ | chādayāmāsa pārtho'tha karṇastu vijayaṃ śaraiḥ

Partha covered the onrushing Karna Vaikartana with straight-flying arrows, and Karna in turn covered Vijaya with arrows.

Note on the text: Line 1 is CE 7.134.39a; line 2 is a variant of 39c (page "छादयामास पार्थोऽथ कर्णस्तु विजयं शरैः", CE "vārayām āsa tejasvī pāṇḍavaḥ śatrutāpanaḥ"), kept.

Verse 51 (7.160.51)

स कर्णं शरजालेन च्छादयामास पाण्डवः । ततः कर्णः सुसंरब्धः शरैस्त्रिभिरविध्यत ॥

sa karṇaṃ śarajālena cchādayāmāsa pāṇḍavaḥ | tataḥ karṇaḥ susaṃrabdhaḥ śaraistribhiravidhyata

The Pandava covered Karna with a net of arrows; then Karna, greatly enraged, pierced him with three arrows.

Note on the text: Removed a stray zero-width joiner inside पाण्डवः. Lines are variants of CE 7.134.40a and 40c (the page makes the Pandava the subject of line 1: "स कर्णं शरजालेन च्छादयामास पाण्डवः"), kept. Removed a stray zero-width joiner inside पाण्डवः.

Verse 52 (7.160.52)

तस्य तल्लाघवं पार्थो नामृष्यत महाबलः ॥

tasya tallāghavaṃ pārtho nāmṛṣyata mahābalaḥ

The mighty Partha could not bear that quickness of his.

Note on the text: CE 7.134.41a. A one-line verse on the page; the CE's 41c is the first line of the next verse, so nothing is lost.

Verse 53 (7.160.53)

तस्मै बाणाञ्शिलाधौतान्प्रसन्नाग्रानजिह्मगान् । प्राहिणोत्सूतपुत्राय त्रिशतं शत्रुतापनः ॥

tasmai bāṇāñśilādhautānprasannāgrānajihmagān | prāhiṇotsūtaputrāya triśataṃ śatrutāpanaḥ

That tormentor of enemies sent three hundred stone-whetted, bright-pointed, straight-flying arrows at the charioteer's son.

Note on the text: Lines are CE 7.134.41c and 42a. The page reads "त्रिशतं" (three hundred) where the CE has triṃśataṃ (thirty); a valid word, so the page's reading is kept.

Verse 54 (7.160.54)

विव्याध चैनं संरब्धो बाणेनैकेन वीर्यवान् । सव्ये भुजाग्रे बलवान्नाराचेन हसन्निव ॥

vivyādha cainaṃ saṃrabdho bāṇenaikena vīryavān | savye bhujāgre balavānnārācena hasanniva

And the strong, mighty hero, enraged, pierced him with a single iron arrow at the tip of his left arm, as if smiling.

Note on the text: Lines are CE 7.134.42c and 43a.

Verse 55 (7.160.55)

तस्य विद्धस्य बाणेन कराच्चापं पपात ह ॥

tasya viddhasya bāṇena karāccāpaṃ papāta ha

Struck by that arrow, the bow fell from his hand.

Note on the text: CE 7.134.43c (variant: page "कराच्चापं पपात ह", CE "karāc cāpaṃ papāta ha" after "vegena"). A one-line verse on the page; nothing is lost.

Verse 56 (7.160.56)

पुनरादाय तच्चापं निमेषार्धान्महाबलः । छादयामास बाणौघैः फल्गुनं कृतहस्तवत् ॥

punarādāya taccāpaṃ nimeṣārdhānmahābalaḥ | chādayāmāsa bāṇaughaiḥ phalgunaṃ kṛtahastavat

Taking up his bow again, the mighty Karna in half a moment covered Phalguna with floods of arrows, like a master of the art.

Verse 57 (7.160.57)

शरवृष्टिं तु तां मुक्तां सूतपुत्रेण भारत । व्यधमच्छरवर्षेण स्मयन्निव धनञ्जयः ॥

śaravṛṣṭiṃ tu tāṃ muktāṃ sūtaputreṇa bhārata | vyadhamaccharavarṣeṇa smayanniva dhanañjayaḥ

That shower of arrows loosed by the charioteer's son, O Bharata, Dhananjaya scattered with a rain of arrows of his own, smiling as it were.

Verse 58 (7.160.58)

तौ परस्परमासाद्य शरवर्षेण पार्थिव । छादयेतां महेष्वासौ कृतप्रतिकृतैषिणौ ॥

tau parasparamāsādya śaravarṣeṇa pārthiva | chādayetāṃ maheṣvāsau kṛtapratikṛtaiṣiṇau

Closing with one another, O king, those two great archers covered each other with rains of arrows, each bent on repaying the other.

Verse 59 (7.160.59)

तदद्भुतं महद्युद्धं कर्णपाण्डवयोर्मृधे । क्रुद्धयोर्वासिताहेतोर्वन्ययोर्गजयोरिव ॥

tadadbhutaṃ mahadyuddhaṃ karṇapāṇḍavayormṛdhe | kruddhayorvāsitāhetorvanyayorgajayoriva

That battle between Karna and the Pandava, both enraged, was marvellous and great, like the fight of two wild elephants over a cow elephant.

Verse 60 (7.160.60)

ततः पार्थो महेष्वासो दृष्ट्वा कर्णस्य विक्रमम् । मुष्टिदेशे धनुस्तस्य चिच्छेद त्वरयाऽन्वितः ॥

tataḥ pārtho maheṣvāso dṛṣṭvā karṇasya vikramam | muṣṭideśe dhanustasya ciccheda tvarayā'nvitaḥ

Then the great archer Partha, seeing Karna's prowess, quickly cut his bow in two at the grip.

Verse 61 (7.160.61)

अश्वांश्च चतुरो भल्लैरनयद्यमसादनम् । सारथेश्च शिरः कायादहरच्छत्रुतापनः ॥

aśvāṃśca caturo bhallairanayadyamasādanam | sāratheśca śiraḥ kāyādaharacchatrutāpanaḥ

With broad-headed arrows he sent Karna's four horses to Yama's abode, and that tormentor of enemies struck the charioteer's head from his body.

Note on the text: Corrected शिसः → शिरः (misprint in Wikisource; CE śiraḥ).

Verse 62 (7.160.62)

अथैनं छिन्नधन्वानं हताश्वं हतसारथिम् । विव्याध सायकैः पार्थश्चतुर्भिः पाण्डुनन्दनः ॥

athainaṃ chinnadhanvānaṃ hatāśvaṃ hatasārathim | vivyādha sāyakaiḥ pārthaścaturbhiḥ pāṇḍunandanaḥ

Then Partha, son of Pandu, pierced him, now bowless, horseless and with his charioteer slain, with four arrows.

Verse 63 (7.160.63)

हताश्वात्तु रथात्तूर्णमवप्लुत्य नरर्षभः । आरुरोह रथं तूर्णं कृपस्य शरपीडितः ॥

hatāśvāttu rathāttūrṇamavaplutya nararṣabhaḥ | āruroha rathaṃ tūrṇaṃ kṛpasya śarapīḍitaḥ

That bull among men, tormented by arrows, quickly leapt down from his chariot whose horses were slain and just as quickly climbed into Kripa's chariot.

Verse 64 (7.160.64)

स नुन्नोऽर्जुनबाणौघैराचितः शल्यको यथा । जीवितार्थमभिप्रेप्सुः कृपस्य रथमारुहत् ॥

sa nunno'rjunabāṇaughairācitaḥ śalyako yathā | jīvitārthamabhiprepsuḥ kṛpasya rathamāruhat

Struck by Arjuna's floods of arrows, studded with them like a porcupine, wishing to save his life, he climbed into Kripa's chariot.

Note on the text: Not in the critical edition's main text: the two lines are the CE star passage 7.134.51d*1151_01–02.

Verse 65 (7.160.65)

राधेयं निर्जितं दृष्ट्वा तावका भरतर्षभ । धनञ्जयशरैर्नुन्नाः प्राद्रवन्त दिशो दश ॥

rādheyaṃ nirjitaṃ dṛṣṭvā tāvakā bharatarṣabha | dhanañjayaśarairnunnāḥ prādravanta diśo daśa

Seeing Radheya beaten, your men, O best of the Bharatas, driven by Dhananjaya's arrows, fled in all ten directions.

Verse 66 (7.160.66)

द्रवतस्तान्समालोक्य राजा दुर्योधनो नृप । निवर्तयामास तदा वाक्यमेतदुवाच ह ॥

dravatastānsamālokya rājā duryodhano nṛpa | nivartayāmāsa tadā vākyametaduvāca ha

Seeing them flee, King Duryodhana, O king, turned them back and spoke these words.

Verse 67 (7.160.67)

अलं द्रुतेन वः शूरास्तिष्ठध्वं क्षत्रियर्षभाः । एष पार्थवधायाहं स्वयं गच्छामि संयुगे । अहं पार्थान्हनिष्यामि सपाञ्चालान्ससोमकान् ॥

alaṃ drutena vaḥ śūrāstiṣṭhadhvaṃ kṣatriyarṣabhāḥ | eṣa pārthavadhāyāhaṃ svayaṃ gacchāmi saṃyuge | ahaṃ pārthānhaniṣyāmi sapāñcālānsasomakān

"Enough of running, heroes! Stand firm, bulls among Kshatriyas! I myself am going to battle to kill Partha. I shall kill the Parthas, with the Panchalas and the Somakas."

Note on the text: Lines are CE 7.134.54a, 54c, 54e. No heading is printed, but verses 67–72 are Duryodhana's speech, introduced in verse 66, so the speaker is changed from Sanjaya (the input carried Sanjaya over).

Verse 68 (7.160.68)

अद्य मे युध्यमानस्य सह गाण्डीवधन्वना । द्रक्ष्यन्ति विक्रमं पार्थाः कालस्येव युगक्षये ॥

adya me yudhyamānasya saha gāṇḍīvadhanvanā | drakṣyanti vikramaṃ pārthāḥ kālasyeva yugakṣaye

"Today, as I fight the wielder of Gandiva, the Parthas will see my prowess, like that of Time at the end of the yuga."

Note on the text: Speaker is Duryodhana (see verse 67).

Verse 69 (7.160.69)

अद्य मद्बाणजालानि विमुक्तानि सहस्रशः । द्रक्ष्यन्ति समरे योधाः शलभानामिवायतीः ॥

adya madbāṇajālāni vimuktāni sahasraśaḥ | drakṣyanti samare yodhāḥ śalabhānāmivāyatīḥ

"Today the warriors in battle will see my nets of arrows loosed by the thousand, like swarms of locusts descending."

Note on the text: Speaker is Duryodhana (see verse 67).

Verse 70 (7.160.70)

अद्य बाणमयं वर्षं सृजतो मम धन्विनः । जीमूतस्येव घर्मान्ते द्रक्ष्यन्ति युधि सैनिकाः ॥

adya bāṇamayaṃ varṣaṃ sṛjato mama dhanvinaḥ | jīmūtasyeva gharmānte drakṣyanti yudhi sainikāḥ

"Today, as I, the archer, pour out a rain of arrows, the soldiers will see it in battle like a cloud at the end of summer."

Note on the text: Speaker is Duryodhana (see verse 67).

Verse 71 (7.160.71)

जेष्याम्यद्य रणे पार्थं सायकैर्नतपर्वभिः । तिष्ठध्वं समरे शूरा भयं त्यजत फल्गुनात् ॥

jeṣyāmyadya raṇe pārthaṃ sāyakairnataparvabhiḥ | tiṣṭhadhvaṃ samare śūrā bhayaṃ tyajata phalgunāt

"Today I shall conquer Partha in battle with smooth-jointed arrows. Stand firm in the fight, heroes, and cast off your fear of Phalguna."

Note on the text: Speaker is Duryodhana (see verse 67).

Verse 72 (7.160.72)

न हि मद्वीर्यमासाद्य फल्गुनः प्रसहिष्यति । यथा वेलां समासाद्य सागरो मकरालयः ॥

na hi madvīryamāsādya phalgunaḥ prasahiṣyati | yathā velāṃ samāsādya sāgaro makarālayaḥ

"For Phalguna will not prevail against my might, just as the ocean, home of sea monsters, cannot prevail when it reaches its shore."

Note on the text: Speaker is Duryodhana (see verse 67).

Verse 73 (7.160.73)

इत्युक्त्वा प्रययौ राजा सैन्येन महता वृतः । फल्गुनं प्रतिदुर्धर्षः क्रोधात्संरक्तलोचनः ॥

ityuktvā prayayau rājā sainyena mahatā vṛtaḥ | phalgunaṃ pratidurdharṣaḥ krodhātsaṃraktalocanaḥ

So saying, the king set out with a great army around him, hard to withstand, his eyes red with rage, against Phalguna.

Verse 74 (7.160.74)

तं प्रयान्तं महाबाहुं दृष्ट्वा शारद्वतस्तदा । अश्वत्थामानमासाद्य वाक्यमेतदुवाच ह ॥

taṃ prayāntaṃ mahābāhuṃ dṛṣṭvā śāradvatastadā | aśvatthāmānamāsādya vākyametaduvāca ha

Seeing him go, the mighty-armed king, Sharadvata then went up to Ashvatthama and spoke these words.

Verse 75 (7.160.75)

एष राजा महाबाहुरमर्षी क्रोधमूर्च्छितः । पतङ्गवृत्तिमास्थाय फल्गुनं योद्धुमिच्छति ॥

eṣa rājā mahābāhuramarṣī krodhamūrcchitaḥ | pataṅgavṛttimāsthāya phalgunaṃ yoddhumicchati

"This mighty-armed king, impatient and stupefied by anger, wishes to fight Phalguna in the manner of a moth."

Note on the text: No heading is printed, but verses 75–80 are the speech of Kripa (Sharadvata), introduced in verse 74, so the speaker is changed from Sanjaya (the input carried Sanjaya over).

Verse 76 (7.160.76)

यावन्नः पश्यमानानां प्राणान्पार्थेन संगतः । न जह्यात्पुरुषव्याघ्रस्तावद्वारय कौरवम् ॥

yāvannaḥ paśyamānānāṃ prāṇānpārthena saṃgataḥ | na jahyātpuruṣavyāghrastāvadvāraya kauravam

"Before the tiger among men meets Partha and loses his life while we look on, hold this Kaurava back."

Note on the text: Speaker is Kripa (see verse 75).

Verse 77 (7.160.77)

यावत्फल्गुनबाणानां गोचरं नाद्य गच्छति । कौरवः पार्थिवो वीरस्तावद्वारय संयुगे ॥

yāvatphalgunabāṇānāṃ gocaraṃ nādya gacchati | kauravaḥ pārthivo vīrastāvadvāraya saṃyuge

"Until the Kaurava king, the hero, comes within range of Phalguna's arrows, hold him back in the battle."

Note on the text: Speaker is Kripa (see verse 75).

Verse 78 (7.160.78)

यावत्पार्थशरैर्घोरैर्निर्मुक्तोरगसन्निभैः । न भस्मीक्रियते राजा तावद्युद्धान्निवार्यताम् ॥

yāvatpārthaśarairghorairnirmuktoragasannibhaiḥ | na bhasmīkriyate rājā tāvadyuddhānnivāryatām

"Until the king is reduced to ashes by Partha's terrible arrows, which are like serpents freed from their slough, let him be kept from the fight."

Note on the text: Speaker is Kripa (see verse 75).

Verse 79 (7.160.79)

अयुक्तमिव पश्यामि तिष्ठत्स्वस्मासु मानद । स्वयं युद्धाय यद्राजा पार्थं यात्यसहायवान् ॥

ayuktamiva paśyāmi tiṣṭhatsvasmāsu mānada | svayaṃ yuddhāya yadrājā pārthaṃ yātyasahāyavān

"It seems improper to me, honourable one, that while we stand here the king himself goes to fight Partha with no one to support him."

Note on the text: Speaker is Kripa (see verse 75).

Verse 80 (7.160.80)

दुर्लभं जीवितं मन्ये कौरव्यस्य किरीटिना । युध्यमानस्य पार्थेन शार्दूलेनेव हस्तिनः ॥

durlabhaṃ jīvitaṃ manye kauravyasya kirīṭinā | yudhyamānasya pārthena śārdūleneva hastinaḥ

"I think the life of the Kaurava is hard to keep, fighting the diadem-wearer Partha, as an elephant's would be fighting a tiger."

Note on the text: Speaker is Kripa (see verse 75).

Verse 81 (7.160.81)

मातुलेनैवमुक्तस्तु द्रौणिः शस्त्रभृतां वरः । दुर्योधनमिदं वाक्यं त्वरितः समभाषत ॥

mātulenaivamuktastu drauṇiḥ śastrabhṛtāṃ varaḥ | duryodhanamidaṃ vākyaṃ tvaritaḥ samabhāṣata

Addressed thus by his uncle, Drona's son, best of those who bear weapons, hastily spoke these words to Duryodhana.

Verse 82 (7.160.82)

मयि जीवति गान्धारे न युद्धं गन्तुमर्हसि । मामनादृत्य कौरव्य तव नित्यं हितैषिणम् ॥

mayi jīvati gāndhāre na yuddhaṃ gantumarhasi | māmanādṛtya kauravya tava nityaṃ hitaiṣiṇam

"While I live, son of Gandhari, you should not go into battle, passing me over, your constant well-wisher."

Note on the text: No heading is printed, but verses 82–83 are Ashvatthama's reply, introduced in verse 81, so the speaker is changed from Sanjaya (the input carried Sanjaya over).

Verse 83 (7.160.83)

न हि सम्भ्रमः कार्यः पार्थस्य विजयं प्रति । अहमावारयिष्यामि पार्थं तिष्ठ सुयोधन ॥

na hi sambhramaḥ kāryaḥ pārthasya vijayaṃ prati | ahamāvārayiṣyāmi pārthaṃ tiṣṭha suyodhana

"You need feel no anxiety about Partha's victory. I shall hold Partha back. Stay here, Suyodhana."

Note on the text: Speaker is Ashvatthama (see verse 82).

Verse 84 (7.160.84)

आचार्यः पाण्डुपुत्रान्वै पुत्रवत्परिरक्षति । त्वमप्युपेक्षां कुरुषे तेषु नित्यं द्विजोत्तम ॥

ācāryaḥ pāṇḍuputrānvai putravatparirakṣati | tvamapyupekṣāṃ kuruṣe teṣu nityaṃ dvijottama

"The Teacher guards the sons of Pandu like his own sons, and you too, best of Brahmins, always overlook their faults."

Note on the text: Corrected द्विजोत्तम् → द्विजोत्तम (misprint in Wikisource; a stray halanta on the vocative).

Verse 85 (7.160.85)

मम वा मन्दभाग्यत्वान्मन्दस्ते विक्रमो युधि । धर्मराजप्रियार्थं वा द्रौपद्या वा न विद्म तत् ॥

mama vā mandabhāgyatvānmandaste vikramo yudhi | dharmarājapriyārthaṃ vā draupadyā vā na vidma tat

"Either, through my ill luck, your prowess in battle is dulled, or it is for the sake of the king of dharma, or of Draupadi. I do not know which."

Note on the text: Corrected धर्मराजप्नियार्थं → धर्मराजप्रियार्थं (misprint in Wikisource; CE dharmarājapriyārthaṃ).

Verse 86 (7.160.86)

धिगस्तु मम लुब्धस्य यत्कृते सर्वबान्धवाः । सुखार्हाः परमं दुःखं प्राप्नुवन्त्यपराजिताः ॥

dhigastu mama lubdhasya yatkṛte sarvabāndhavāḥ | sukhārhāḥ paramaṃ duḥkhaṃ prāpnuvantyaparājitāḥ

"Shame on me, greedy as I am, for whose sake all my kinsmen, who deserve happiness and have never been defeated, have fallen into the deepest sorrow."

Verse 87 (7.160.87)

को हि शस्त्रविदां मुख्यो महेश्वरसमो युधि । शत्रुं न क्षपयेच्छक्तो यो न स्याद्गौतमीसुतः ॥

ko hi śastravidāṃ mukhyo maheśvarasamo yudhi | śatruṃ na kṣapayecchakto yo na syādgautamīsutaḥ

"For what foremost knower of weapons, the equal of Maheshvara in battle, though able, would fail to destroy the enemy, if he were not Gautami's son?"

Verse 88 (7.160.88)

अश्वत्थामन्प्रसीदस्व नाशयैतान्ममाहितान् । तवास्त्रगोचरे शक्ताः स्थातुं देवा न दानवाः ॥

aśvatthāmanprasīdasva nāśayaitānmamāhitān | tavāstragocare śaktāḥ sthātuṃ devā na dānavāḥ

"Ashvatthama, be gracious and destroy these enemies of mine. Neither gods nor Danavas can stand within range of your weapons."

Verse 89 (7.160.89)

पाञ्चालान्सोमकांश्चैव जहि द्रौणे सहानुगान् । वयं शेषान्हनिष्यामस्त्वयैव परिरक्षिताः ॥

pāñcālānsomakāṃścaiva jahi drauṇe sahānugān | vayaṃ śeṣānhaniṣyāmastvayaiva parirakṣitāḥ

"Kill the Panchalas and Somakas together with their followers, son of Drona. Protected by you alone, we shall kill the rest."

Verse 90 (7.160.90)

एते हि सोमका विप्र पाञ्चालाश्च यशस्विनः । मम सैन्येषु सङ्क्रुद्धा विचरन्ति दवाग्निवत् ॥

ete hi somakā vipra pāñcālāśca yaśasvinaḥ | mama sainyeṣu saṅkruddhā vicaranti davāgnivat

"These Somakas, O Brahmin, and the glorious Panchalas are roaming through my armies in a fury, like a forest fire."

Verse 91 (7.160.91)

तान्वारय महाबाहो केकयांश्च नरोत्तम । पुरा कुर्वन्ति निःशेषं रक्ष्यमाणाः किरीटिना ॥

tānvāraya mahābāho kekayāṃśca narottama | purā kurvanti niḥśeṣaṃ rakṣyamāṇāḥ kirīṭinā

"Check them, mighty-armed best of men, and the Kekayas too, before, guarded by the diadem-wearer, they make an end of everything."

Note on the text: Lines are CE 7.134.78a and 78c.

Verse 92 (7.160.92)

अश्वत्थामंस्त्वरायुक्तो याहि शीघ्रमरिन्दम । आदौ वा यदि वा पश्चात्तवेदं कर्म मारिष ॥

aśvatthāmaṃstvarāyukto yāhi śīghramarindama | ādau vā yadi vā paścāttavedaṃ karma māriṣa

"Ashvatthama, hasten, go quickly, tamer of foes. Sooner or later, honoured one, this task is yours."

Note on the text: Not in the critical edition's main text: line 1 is the CE star line 7.134.78d*1152_01; line 2 is CE 7.134.79a.

Verse 93 (7.160.93)

त्वमुत्पन्नो महाबाहो पाञ्चालानां वधं प्रति । करिष्यसि जगत्सर्वमपाञ्चालं किलोद्यतः ॥

tvamutpanno mahābāho pāñcālānāṃ vadhaṃ prati | kariṣyasi jagatsarvamapāñcālaṃ kilodyataḥ

"You were born, mighty-armed, for the slaughter of the Panchalas; you are surely resolved to leave the whole world without a Panchala."

Note on the text: Lines are CE 7.134.79c and 80a (the page reads "किलोद्यतः" for the CE's kilācyuta), kept.

Verse 94 (7.160.94)

एवं सिद्धाऽब्रुवन्वाचो भविष्यति च तत्तथा । तस्मात्त्वं पुरुषव्याघ्र पाञ्चालाञ्जहि सानुगान् ॥

evaṃ siddhā'bruvanvāco bhaviṣyati ca tattathā | tasmāttvaṃ puruṣavyāghra pāñcālāñjahi sānugān

"So the Siddhas have declared, and so it will be. Therefore, tiger among men, kill the Panchalas with their followers."

Note on the text: Line 1 is CE 7.134.80c; line 2 is the CE star line 7.134.80d*1153_01.

Verse 95 (7.160.95)

न तेऽस्त्रगोचरे शक्ताः स्थातुं देवाः सवासवाः । किमु पार्थाः सपाञ्चालाः सत्यमेतद्ब्रवीमि ते ॥

na te'stragocare śaktāḥ sthātuṃ devāḥ savāsavāḥ | kimu pārthāḥ sapāñcālāḥ satyametadbravīmi te

"Even the gods with Vasava cannot stand within range of your weapons; how much less the Parthas with the Panchalas. I tell you this truth."

Note on the text: Lines are CE 7.134.81a and 81c.

Verse 96 (7.160.96)

न त्वां समर्थाः सङ्ग्रामे पाण्डवाः सह सोमकैः । बलाद्योधयितुं वीर सत्यमेतद्ब्रवीमि ते ॥

na tvāṃ samarthāḥ saṅgrāme pāṇḍavāḥ saha somakaiḥ | balādyodhayituṃ vīra satyametadbravīmi te

"The Pandavas with the Somakas cannot overpower you by force in battle, hero. I tell you this truth."

Note on the text: Not in the critical edition's main text: the two lines are the CE star passage 7.134.81d*1154_01–02.

Verse 97 (7.160.97)

गच्छगच्छ महाबाहो न नः कालात्ययो भवेत् । इयं हि द्रवते सेना पार्थसायकपीडिता ॥

gacchagaccha mahābāho na naḥ kālātyayo bhavet | iyaṃ hi dravate senā pārthasāyakapīḍitā

"Go, go, mighty-armed one, lest we lose the moment. This army is fleeing, tormented by Partha's arrows."

Note on the text: Corrected पार्तसायकपीडिता → पार्थसायकपीडिता (misprint in Wikisource; CE pārthasāyakapīḍitā). Not in the critical edition's main text: the two lines are the CE star passage 7.134.81d*1154_03–04.

Verse 98 (7.160.98)

शक्तो ह्यसि महाबाहो दिव्येन स्वेन तेजसा । निग्रहे पाण्डुपुत्राणां पाञ्चालानां च मानद ॥

śakto hyasi mahābāho divyena svena tejasā | nigrahe pāṇḍuputrāṇāṃ pāñcālānāṃ ca mānada

"For you are able, mighty-armed, with your own divine energy, to subdue the sons of Pandu and the Panchalas, giver of honour."

Note on the text: Not in the critical edition's main text: the two lines are the CE star passage 7.134.81d*1154_05–06.