Both Armies Light Torches in the Dark

Verse 1 (7.164.1)

वर्तमाने यथा युद्धे घोररूपे भयावहे । तमसा संवृते लोके रजसा च महीपते ॥

vartamāne yathā yuddhe ghorarūpe bhayāvahe | tamasā saṃvṛte loke rajasā ca mahīpate

As that dreadful, terrifying battle went on, O lord of the earth, with the world shrouded in darkness and dust,

Note on the text: Corrected यद्धे → युद्धे (misprint in Wikisource; the vowel उ is dropped; the critical edition reads yuddhe). The page's heading line सेनाद्वये दीपोद्योxxxनम् (a section title) is not verse text and is omitted. Lines 1–2 = CE 7.138.1a and 1c (line 1 reads यथा where CE has tathā, a recension variant, kept).

Verse 2 (7.164.2)

नापश्यन्त रणे योधाः परस्परमवस्थिताः । अनुमानेन संज्ञाभिर्युद्धं तद्ववृधे महत् ॥

nāpaśyanta raṇe yodhāḥ parasparamavasthitāḥ | anumānena saṃjñābhiryuddhaṃ tadvavṛdhe mahat

the warriors, though standing face to face in the fight, could not see one another; and the great battle grew by guesswork and by signals.

Note on the text: Not matched automatically: line 1 = CE 7.138.1e, line 2 = CE 7.138.2a.

Verse 3 (7.164.3)

नरनागाश्वमथनं परमं रोमहर्षणम् । द्रोणकर्णकृपा वीरा भीमपार्षतसात्यकाः । अन्योन्यं क्षोभयामासुः सैन्यानि नृपसत्तम ॥

naranāgāśvamathanaṃ paramaṃ romaharṣaṇam | droṇakarṇakṛpā vīrā bhīmapārṣatasātyakāḥ | anyonyaṃ kṣobhayāmāsuḥ sainyāni nṛpasattama

That crushing of men, elephants and horses, most hair-raising, went on, as the heroes Drona, Karna and Kripa, Bhima, Dhrishtadyumna son of Prishata, and Satyaki threw the armies into turmoil against one another, O best of kings.

Note on the text: Not matched automatically: line 1 = CE 7.138.2c, lines 2–3 = CE 3a and 3c (the critical edition's verse 2 and 3 are divided differently).

Verse 4 (7.164.4)

वध्यमानानि सैन्यानि समन्तात्तैर्महारथैः । तमसा संवृते चैव समन्ताद्विप्रदुद्रुवुः ॥

vadhyamānāni sainyāni samantāttairmahārathaiḥ | tamasā saṃvṛte caiva samantādvipradudruvuḥ

Struck down on every side by those great chariot-warriors, and wrapped in darkness, the armies scattered in all directions.

Verse 5 (7.164.5)

ते सर्वतो विद्रवन्तो योधा विध्वस्तचेतनाः । अहन्यन्त महाराज धावमानाश्च संयुगे ॥

te sarvato vidravanto yodhā vidhvastacetanāḥ | ahanyanta mahārāja dhāvamānāśca saṃyuge

Fleeing in every direction, their wits shattered, the warriors were cut down as they ran in the fight, O great king.

Verse 6 (7.164.6)

महारथसहस्राणि जघ्नुरन्योन्यमाहवे । अन्ये तमसि मूढानि पुत्रस्य तव मन्त्रिते ॥

mahārathasahasrāṇi jaghnuranyonyamāhave | anye tamasi mūḍhāni putrasya tava mantrite

Thousands of great chariot-warriors struck one another down in the battle, while others, bewildered in the darkness, went on at your son's counsel.

Verse 7 (7.164.7)

ततः सर्वाणि सैन्यानि सेनागोपाश्च भारत । व्यमुह्यन्त रणे तत्र तमसा संवृते सति ॥

tataḥ sarvāṇi sainyāni senāgopāśca bhārata | vyamuhyanta raṇe tatra tamasā saṃvṛte sati

Then, O Bharata, all the armies and their commanders were thrown into confusion in that battle, enveloped as they were in darkness.

Verse 8 (7.164.8)

तेषां संलोड्यमानानां पाण्डवैर्विहतौजसाम् । अन्धे तमसि मग्नानामासीत्किं वो मनस्तदा ॥

teṣāṃ saṃloḍyamānānāṃ pāṇḍavairvihataujasām | andhe tamasi magnānāmāsītkiṃ vo manastadā

While they were being tossed about by the Pandavas, their vigour destroyed, sunk in blinding darkness, what was in your minds then?

Verse 9 (7.164.9)

कथं प्रकाशस्तेषां वा मम सैन्यस्य वा पुनः । बभूव लोके तमसा तथा सञ्जय संवृते ॥

kathaṃ prakāśasteṣāṃ vā mama sainyasya vā punaḥ | babhūva loke tamasā tathā sañjaya saṃvṛte

How, Sanjaya, did light come again, to them or to my army, when the world lay shrouded in darkness?

Verse 10 (7.164.10)

ततः सर्वाणि सैन्यानि हतशिष्टानि यानि वै । सेनागोप्तॄनथादिश्य पुनर्व्यूहमकल्पयत् ॥

tataḥ sarvāṇi sainyāni hataśiṣṭāni yāni vai | senāgoptṝnathādiśya punarvyūhamakalpayat

Then he assigned places to the commanders of the army and arranged again in formation all the armies that were left after the slaughter.

Verse 11 (7.164.11)

द्रोणः पुरस्ताज्जघने तु शल्यः । तथा द्रौणिः कृतवर्मा सौबलश्च । स्वयं तु सर्वाणि बलानि राजन् । राजाऽभ्ययाद्गोपयन्वै निशायाम् ॥

droṇaḥ purastājjaghane tu śalyaḥ | tathā drauṇiḥ kṛtavarmā saubalaśca | svayaṃ tu sarvāṇi balāni rājan | rājā'bhyayādgopayanvai niśāyām

Drona stood in front; at the rear were Shalya, and likewise Drona's son, Kritavarman and Subala's son Shakuni. The king himself, O king, moved among all the forces, guarding them through the night.

Note on the text: The page splits two sandhis across line ends with a double hyphen (--). Changed शल्य-- । / स्तथा → शल्यः । / तथा (word-final visarga resolved; CE śalyas tathā) and राज-- । / न्राजाऽभ्ययाद् → राजन् । / राजाऽभ्ययाद् (the final न् moved back to राजन्, CE rājan rājābhyayād). = CE 7.138.11a and 11c (printed there as two lines of two pādas each); line 2 reads द्रौणिः कृतवर्मा सौबलश्च where CE has drauṇiḥ pārśvataḥ saubalaś ca (recension variant, kept).

Verse 12 (7.164.12)

उवाच सर्वांश्च पदातिसङ्घान् । दुर्योधनः पार्थिवसान्त्वपूर्वम् । उत्सृज्य सर्वे परमायुधानि । गृह्णीत हस्तैर्ज्वलितान्प्रदीपान् ॥

uvāca sarvāṃśca padātisaṅghān | duryodhanaḥ pārthivasāntvapūrvam | utsṛjya sarve paramāyudhāni | gṛhṇīta hastairjvalitānpradīpān

Duryodhana spoke to all the bands of foot-soldiers, first soothing them as a king: "Lay down your excellent weapons, all of you, and take blazing torches in your hands."

Note on the text: Changed पदातिसङ्घा-- । / न्दुर्योधनः → पदातिसङ्घान् । / दुर्योधनः (the page splits the word सङ्घान् across lines with a double hyphen (--); the final न् is moved back; CE padātisaṃghān; duryodhanaḥ).

Verse 13 (7.164.13)

ते चोदिताः पार्थिवसत्तमेन । ततः प्रहृष्टा जगृहुः प्रदीपान् ॥

te coditāḥ pārthivasattamena | tataḥ prahṛṣṭā jagṛhuḥ pradīpān

Urged on by that best of kings, they gladly took up the torches.

Note on the text: Not matched automatically: = CE 7.138.13a.

Verse 14 (7.164.14)

देवर्षिगन्धर्वसुरर्षिसङ्घा । विद्याधराश्चाप्सरसां गणाश्च । नागाः सयक्षोरगकिन्नराश्च । हृष्टा दिविस्था जगृहुः प्रदीपान् ॥

devarṣigandharvasurarṣisaṅghā | vidyādharāścāpsarasāṃ gaṇāśca | nāgāḥ sayakṣoragakinnarāśca | hṛṣṭā divisthā jagṛhuḥ pradīpān

The hosts of divine seers and Gandharvas, the god-sages, the Vidyadharas and the troops of Apsarases, the Nagas with Yakshas, serpents and Kinnaras, all delighted, standing in the sky, took up torches too.

Note on the text: Not in the critical edition's main text: the four lines are the star passage *1165_01–04, printed after 7.138.13b (Wikisource reads विद्याधराश्चाप्सरसां गणाश्च where CE has vidyādharāś cāpsarasāṃ gaṇāś ca). ce_ref is null.

Verse 15 (7.164.15)

दिग्दैवतेभ्यश्च समापतन्तः । अदृश्यन्त दीपाः ससुगन्धितैलाः । विशेषतो नारदपर्वताभ्यां । सम्बोध्यमानाः कुरुपाण्डवार्थम् ॥

digdaivatebhyaśca samāpatantaḥ | adṛśyanta dīpāḥ sasugandhitailāḥ | viśeṣato nāradaparvatābhyāṃ | sambodhyamānāḥ kurupāṇḍavārtham

Lamps burning fragrant oil were seen descending from the deities of the quarters, roused especially by Narada and Parvata for the sake of the Kurus and the Pandavas.

Note on the text: Corrected दिग्धैर्वतेभ्यश्च → दिग्दैवतेभ्यश्च (misprint in Wikisource; the letters are garbled; the critical edition reads digdaivatebhyaś ca). Changed समापतन्तो-- । / ऽदृश्यन्त → समापतन्तः । / अदृश्यन्त (the page splits the sandhi with a double hyphen (--); written here with the word-final visarga resolved, CE samāpatanto 'dṛśyanta). Not in the critical edition's main text: the four lines are the star passage *1165_05–08, printed after 7.138.13b. ce_ref is null.

Verse 16 (7.164.16)

सा भूय एव ध्वजिनी विभक्ता । व्यरोचताग्निप्रभया निशायाम् । महाधनैराभरणैश्च दिव्यैः । शस्त्रैश्च दीप्तैरपि सम्पतद्भिः ॥

sā bhūya eva dhvajinī vibhaktā | vyarocatāgniprabhayā niśāyām | mahādhanairābharaṇaiśca divyaiḥ | śastraiśca dīptairapi sampatadbhiḥ

Divided again into its ranks, that army shone in the night with the glow of fire, with costly divine ornaments, and with flashing weapons as they leapt about.

Note on the text: Not matched automatically: lines 1–2 = CE 7.138.13c, lines 3–4 = CE 7.138.14a.

Verse 17 (7.164.17)

रथेरथे पञ्च विदीपकास्तु । प्रदीपकास्तत्र गजे त्रयश्च । प्रत्यश्वमेकश्च महाप्रदीपः । कृतास्तु तैः पाण्डवैः कौरवेयैः ॥

ratherathe pañca vidīpakāstu | pradīpakāstatra gaje trayaśca | pratyaśvamekaśca mahāpradīpaḥ | kṛtāstu taiḥ pāṇḍavaiḥ kauraveyaiḥ

On every chariot five torch-bearers, on every elephant three lamp-bearers, and for every horse one great torch: such were the lights set up by the Pandavas and the Kauravas.

Note on the text: Not in the critical edition's main text: the four lines are the star passage *1166_01–04, printed after 7.138.14b. ce_ref is null.

Verse 18 (7.164.18)

क्षणेन सर्वे विहिताः प्रदीपा । व्यादीपयन्तो ध्वजिनीं तदाशु ॥

kṣaṇena sarve vihitāḥ pradīpā | vyādīpayanto dhvajinīṃ tadāśu

In an instant all the torches had been set in place, and they lit up your army all around.

Note on the text: Corrected तवासु → तदाशु (misprint in Wikisource; the critical edition reads tadāśu). = CE 7.138.14c (line 2 reads व्यादीपयन्तो ध्वजिनीं where CE has vyadīpayaṃś ca dhvajinīṃ, recension variant, kept).

Verse 19 (7.164.19)

सर्वास्तु सेना व्यतिसेव्यमानाः । पदातिभिः पावकतैलहस्तैः । प्रकाश्यमाना ददृशुर्निशायां । यथान्तरिक्षे जलदास्तडिद्भिः ॥

sarvāstu senā vyatisevyamānāḥ | padātibhiḥ pāvakatailahastaiḥ | prakāśyamānā dadṛśurniśāyāṃ | yathāntarikṣe jaladāstaḍidbhiḥ

All the armies, thronged by foot-soldiers with fire and oil in their hands, were seen lit up in the night like clouds in the sky with their lightning.

Verse 20 (7.164.20)

प्रकाशितायां तु ततो ध्वजिन्यां । द्रोणोऽग्निकल्पः प्रतपन्सपत्नान् । रराज राजेन्द्र सुवर्णवर्मा । मध्यं गतः सूर्य इवांशुमाली ॥

prakāśitāyāṃ tu tato dhvajinyāṃ | droṇo'gnikalpaḥ pratapansapatnān | rarāja rājendra suvarṇavarmā | madhyaṃ gataḥ sūrya ivāṃśumālī

When the army was lit up, Drona, blazing like fire and scorching his enemies, shone, O king of kings, in his golden armour, like the sun in the middle of the sky with its rays.

Note on the text: Corrected राजेन्दर → राजेन्द्र (misprint in Wikisource; the critical edition reads rājendra). Line 1 reads द्रोणोऽग्निकल्पः प्रतपन्सपत्नान् where CE has droṇo 'gnikalpaḥ pratapan samantāt (recension variant, kept).

Verse 21 (7.164.21)

जाम्बूनदेष्वाभरणेषु चैव । निष्केषु शुद्धेषु शरासनेषु । पीतेषु शस्त्रेषु च पावकस्य । प्रतिप्रभास्तत्र तदा बभूवुः ॥

jāmbūnadeṣvābharaṇeṣu caiva | niṣkeṣu śuddheṣu śarāsaneṣu | pīteṣu śastreṣu ca pāvakasya | pratiprabhāstatra tadā babhūvuḥ

In the golden ornaments, in the pure gold neck-ornaments, in the bows, and in the weapons tempered in fire, reflected gleams shone forth there.

Verse 22 (7.164.22)

गदाश्च शैक्याः परिघाश्च शुभ्रा । रथेषु शक्त्यश्च विवर्तमानाः । प्रतिप्रभारश्मिभिराजमीढ । पुनःपुनः सञ्जनयन्ति दीपान् ॥

gadāśca śaikyāḥ parighāśca śubhrā | ratheṣu śaktyaśca vivartamānāḥ | pratiprabhāraśmibhirājamīḍha | punaḥpunaḥ sañjanayanti dīpān

Maces of iron, bright clubs, and spears spinning on the chariots, O descendant of Ajamidha, kindled the lamps again and again with the rays of their reflected glow.

Verse 23 (7.164.23)

छत्राणि वालव्यजनानि खड्गा । दीप्ता महोल्काश्च तथैव राजन् । व्याघूर्णमानाश्च सुवर्णमाला । व्यायच्छतां तत्र तदा विरेजुः ॥

chatrāṇi vālavyajanāni khaḍgā | dīptā maholkāśca tathaiva rājan | vyāghūrṇamānāśca suvarṇamālā | vyāyacchatāṃ tatra tadā virejuḥ

Umbrellas, yak-tail fans, swords, and blazing great torches too, O king, and swirling golden garlands shone there as the fighters strove.

Note on the text: Corrected खङ्गा → खड्गा (misprint in Wikisource; ङ्ग for ड्ग). Line 1 reads छत्राणि वालव्यजनानि खड्गा where CE has chatrāṇi bālavyajanānuṣaṅgā (recension variant, kept).

Verse 24 (7.164.24)

शस्त्रप्रभाभिश्च विराजमानं । दीपप्रभाभिश्च तदा बलं तत् । प्रकाशितं चाभरणप्रभाभिः । भृशं प्रकाशं नृपते बभूव ॥

śastraprabhābhiśca virājamānaṃ | dīpaprabhābhiśca tadā balaṃ tat | prakāśitaṃ cābharaṇaprabhābhiḥ | bhṛśaṃ prakāśaṃ nṛpate babhūva

That host, resplendent with the gleam of weapons and the gleam of lamps and lit up by the radiance of ornaments, became exceedingly bright, O king.

Note on the text: Changed प्रभाभि-- । / र्भृशं → प्रभाभिः । / भृशं (the page splits the sandhi प्रभाभिर्भृशं across lines with a double hyphen (--); written here with the word-final visarga resolved, CE prabhābhir; bhṛśaṃ).

Verse 25 (7.164.25)

पीतानि शस्त्राण्यसृगुक्षितानि । वीरावधूतानि तनुच्छदानि । दीप्तां प्रभां प्राजनयन्त तत्र । तपात्यये विद्युदिवान्तरिक्षे ॥

pītāni śastrāṇyasṛgukṣitāni | vīrāvadhūtāni tanucchadāni | dīptāṃ prabhāṃ prājanayanta tatra | tapātyaye vidyudivāntarikṣe

Weapons that had drunk deep and were smeared with blood, and corselets flung off by heroes, gave out a blazing light there, like lightning in the sky at the end of the hot season.

Verse 26 (7.164.26)

प्रकम्पितानामभिधातवेगैः । अभिघ्नतां चापततां जवेन । वक्राण्यकाशन्त तदा नराणां । वाय्वीरितानीव महाम्बुजानि ॥

prakampitānāmabhidhātavegaiḥ | abhighnatāṃ cāpatatāṃ javena | vakrāṇyakāśanta tadā narāṇāṃ | vāyvīritānīva mahāmbujāni

The faces of men, shaken by the force of their blows as they struck and rushed forward with speed, shone then like great lotuses stirred by the wind.

Note on the text: Changed वेगै-- । / रभिघ्नतां → वेगैः । / अभिघ्नतां (the page splits the sandhi वेगैरभिघ्नतां across lines with a double hyphen (--); written here with the word-final visarga resolved, CE abhighātavegair; abhighnatāṃ). Line 3 reads वक्राण्यकाशन्त where CE has vaktrāṇy aśobhanta (recension variant, kept).

Verse 27 (7.164.27)

महावने दारुमये प्रदीप्ते । यथा प्रभा भास्करस्यापि नश्येत् । तथा तदाऽऽसीद्ध्वजिनी प्रदीप्ता । महाभया भारत भीमरूपा ॥

mahāvane dārumaye pradīpte | yathā prabhā bhāskarasyāpi naśyet | tathā tadā''sīddhvajinī pradīptā | mahābhayā bhārata bhīmarūpā

Just as, in a great forest of timber set ablaze, even the light of the sun would be lost, so then that blazing army became terrible and fearful in form, O Bharata.

Note on the text: Corrected तदाऽऽसीद्वजिनी → तदाऽऽसीद्ध्वजिनी (misprint in Wikisource; the conjunct ध्व is written as द्व; the critical edition reads tavāsīd dhvajinī). Line 1 reads दारुमये प्रदीप्ते where CE has dāva iva pradīpte (recension variant, kept).

Verse 28 (7.164.28)

तत्संप्रदीप्तं बलमस्मदीयं । निशाम्य पार्थास्त्वरितास्तथैव । सर्वेषु सैन्येषु पदातिसङ्घान् । अचोदयंस्तेऽपि चक्रुः प्रदीपान् ॥

tatsaṃpradīptaṃ balamasmadīyaṃ | niśāmya pārthāstvaritāstathaiva | sarveṣu sainyeṣu padātisaṅghān | acodayaṃste'pi cakruḥ pradīpān

Seeing our army blazing, the Parthas hastened in the same way to urge the bands of foot-soldiers in all their armies, and they too set out torches.

Note on the text: Corrected तत्संप्रदीप्तां → तत्संप्रदीप्तं (misprint in Wikisource; the feminine ending does not agree with बलम्; the critical edition reads tat saṃpradīptaṃ). Changed सङ्घा-- । / नचोदयंस्ते → सङ्घान् । / अचोदयंस्ते (the page splits सङ्घान् अचोदयन् across lines with a double hyphen (--); the final न् is moved back and the initial अ restored; CE padātisaṃghān; acodayaṃs te 'tha).

Verse 29 (7.164.29)

गजेगजे सप्त कृताः प्रदीपा । रथेरथे चैव दश प्रदीपाः । द्वावश्वपृष्ठे परिपार्श्वतोऽन्ये । ध्वजेषु चान्ये जघनेषु चान्ये ॥

gajegaje sapta kṛtāḥ pradīpā | ratherathe caiva daśa pradīpāḥ | dvāvaśvapṛṣṭhe paripārśvato'nye | dhvajeṣu cānye jaghaneṣu cānye

On every elephant seven torches were set, on every chariot ten, two on a horse's back, others at its sides, others on the standards, and others at the rear.

Note on the text: Corrected कृपाः → कृताः (misprint in Wikisource; the critical edition reads kṛtāḥ pradīpāḥ).

Verse 30 (7.164.30)

सेनासु सर्वासु च पार्श्वतोऽन्ये । पश्चात्पुरस्ताच्च समन्ततश्च । मध्ये तथाऽन्ये ज्वलिताग्निहस्ता । व्यदीपयन्पाण्डुसुतस्य सेनाम् ॥

senāsu sarvāsu ca pārśvato'nye | paścātpurastācca samantataśca | madhye tathā'nye jvalitāgnihastā | vyadīpayanpāṇḍusutasya senām

Others, in all the armies, stood at the sides, at the rear, in front and all around; others in the middle, with burning brands in their hands, lit up the army of Pandu's son.

Note on the text: Lines 1–2 = CE 7.138.26a; line 3 = the first half of CE 26c (repeated as the first half of 27c); line 4 = the second half of CE 27c (vyadīpayan pāṇḍusutasya senām). Low match is due to this recombination of CE lines.

Verse 31 (7.164.31)

मध्ये तथाऽन्ये ज्वलिताग्निहस्ताः । सेनाद्वयेऽपि स्म नरा विचेरुः ॥

madhye tathā'nye jvalitāgnihastāḥ | senādvaye'pi sma narā viceruḥ

Others in the middle, with burning brands in their hands: so men moved about in both armies.

Note on the text: Not matched automatically: = CE 7.138.26c (the Wikisource verse 30 carries a mix of the two halves of CE 26c and 27c).

Verse 32 (7.164.32)

सर्वेषु सैन्येषु पदातिसङ्घा । विमिश्रिता हस्तिरथाश्वबृन्दैः । व्यदीपयंस्ते ध्वजिनीं प्रदीप्ताः । तथा बलं पाण्डवेयाभिगुप्तम् ॥

sarveṣu sainyeṣu padātisaṅghā | vimiśritā hastirathāśvabṛndaiḥ | vyadīpayaṃste dhvajinīṃ pradīptāḥ | tathā balaṃ pāṇḍaveyābhiguptam

In all the armies the bands of foot-soldiers, mingled with throngs of elephants, chariots and horses, lit up the army, blazing themselves, and likewise the army guarded by the Pandavas.

Note on the text: Changed प्रदीप्ता-- । / स्तथा → प्रदीप्ताः । / तथा (the page splits the sandhi प्रदीप्तास्तथा across lines with a double hyphen (--); written here with the word-final visarga resolved). Lines 1–2 = CE 7.138.27a (CE vyāmiśritā for विमिश्रिता, variant); lines 3–4 = the star passage *1167_01–02, printed after 7.138.27d (CE dhvajinīṃ pradīptāṃ / tathā balaṃ pāṇḍaveyābhiguptam).

Verse 33 (7.164.33)

तेन प्रदीप्तेन तथा प्रदीप्तं । बलं तवासीद्बलवद्बलेन । भाः कुर्वता भानुमता ग्रहेण । दिवाकरेणाग्निरिवाभिगुप्तः ॥

tena pradīptena tathā pradīptaṃ | balaṃ tavāsīdbalavadbalena | bhāḥ kurvatā bhānumatā graheṇa | divākareṇāgnirivābhiguptaḥ

Lit by that blaze, your army shone brilliantly with that brilliance, like a fire guarded by the sun, the luminous planet that makes the light, the maker of day.

Note on the text: Removed the stray double hyphen (--) at the end of line 1 (a line-break mark; no sandhi is involved). Line 4 reads दिवाकरेणाग्निरिवाभिगुप्तः where CE has divākareṇāgnir ivābhitaptaḥ (recension variant, kept).

Verse 34 (7.164.34)

तयोः प्रभाः पृथिवीमन्तरिक्षं । सर्वा व्यतिक्रम्य दिशश्च वृद्धाः । तेन प्रकाशेन भृशं प्रकाशं । बभूव तेषां तव चैव सैन्यम् ॥

tayoḥ prabhāḥ pṛthivīmantarikṣaṃ | sarvā vyatikramya diśaśca vṛddhāḥ | tena prakāśena bhṛśaṃ prakāśaṃ | babhūva teṣāṃ tava caiva sainyam

The radiance of the two, passing beyond earth and sky and all the quarters, grew; and by that light the army of the Pandavas and your army both became exceedingly bright.

Verse 35 (7.164.35)

तेन प्रकाशेन दिवं गतेन । सम्बोधिता देवगणाश्च राजन् । गन्धर्वयक्षासुरसिद्धसङ्घाः । समागमन्नप्सरसश्च सर्वाः ॥

tena prakāśena divaṃ gatena | sambodhitā devagaṇāśca rājan | gandharvayakṣāsurasiddhasaṅghāḥ | samāgamannapsarasaśca sarvāḥ

That light, reaching heaven, awakened the bands of gods, O king, and the hosts of Gandharvas, Yakshas, Asuras and Siddhas, and all the Apsarases came.

Verse 36 (7.164.36)

तद्देवगन्धर्वसमाकुलं च । यक्षासुरेन्द्राप्सरसां गणैश्च । हतैश्च शूरैर्दिवमारुहद्भिः । आयोधनं दिव्यकल्पं बभूव ॥

taddevagandharvasamākulaṃ ca | yakṣāsurendrāpsarasāṃ gaṇaiśca | hataiśca śūrairdivamāruhadbhiḥ | āyodhanaṃ divyakalpaṃ babhūva

Crowded with gods and Gandharvas, with throngs of Yakshas, lords of the Asuras and Apsarases, and with slain heroes ascending to heaven, the battlefield became like a place of the gods.

Note on the text: Changed आरुहद्भि-- । / रायोधनं → आरुहद्भिः । / आयोधनं (the page splits the sandhi आरुहद्भिरायोधनं across lines with a double hyphen (--); written here with the word-final visarga resolved, CE āruhadbhir; āyodhanaṃ). Line 3 reads शूरैः where CE has vīraiḥ (recension variant, kept).

Verse 37 (7.164.37)

रथाश्वनागाकुलदीपदीप्तं । संरब्धयोधं हतविद्रुताश्वम् । महद्बलं व्यूढरथाश्वनागं । सुरासुरव्यूहसमं बभूव ॥

rathāśvanāgākuladīpadīptaṃ | saṃrabdhayodhaṃ hatavidrutāśvam | mahadbalaṃ vyūḍharathāśvanāgaṃ | surāsuravyūhasamaṃ babhūva

That great army, lit by torches, crowded with chariots, horses and elephants, its warriors enraged, its horses slain and fled, drawn up with chariots, horses and elephants, became like the ranked hosts of the gods and Asuras.

Verse 38 (7.164.38)

तच्छक्तिसङ्घाकुलचण्डवातं । महारथाभ्रं गजवाजिघोषम् । शस्त्रौगवर्षं रुधिराम्बुधारं । निशि प्रवृत्तं रथदुर्दिनं तत् ॥

tacchaktisaṅghākulacaṇḍavātaṃ | mahārathābhraṃ gajavājighoṣam | śastraugavarṣaṃ rudhirāmbudhāraṃ | niśi pravṛttaṃ rathadurdinaṃ tat

That night battle became a storm of chariots: the clustered spears were its raging wind, the great chariot-warriors its clouds, the din of elephants and horses its thunder, the showers of weapons its rain, and streams of blood its water.

Note on the text: Removed a stray zero-width joiner inside चण्डवातं. Line 2 reads गजवाजिघोषम् where CE has rathavājighoṣam, and line 4 reads रथदुर्दिनं तत् where CE has naradevayuddham (recension variants, kept).

Verse 39 (7.164.39)

तस्मिन्महाग्निप्रतिमो महात्मा । सन्तापयन्पाण्डवान्विप्रमुख्यः । गभस्तिभिर्मध्यगतो यथाऽर्को । वर्षात्यये तद्वदभून्नरेन्द्र ॥

tasminmahāgnipratimo mahātmā | santāpayanpāṇḍavānvipramukhyaḥ | gabhastibhirmadhyagato yathā'rko | varṣātyaye tadvadabhūnnarendra

In it the great-souled Drona, best of brahmins, blazing like a mighty fire and tormenting the Pandavas, stood at the centre like the sun with its rays at the end of the rains, O lord of men.

Note on the text: Corrected सन्तापंयन् → सन्तापयन् (misprint in Wikisource; a stray anusvara; the critical edition reads saṃtāpayan).