Bhuri Slain, Ghatotkacha Struck Down by Ashvatthaman, Duryodhana Driven Off by Bhima

Verse 1 (7.167.1)

भूरिस्तु समरे राजञ्शैनेयं रथिनां वरम् । आपतन्तमपासेधत्प्रयाणादिव कुञ्जरम् ॥

bhūristu samare rājañśaineyaṃ rathināṃ varam | āpatantamapāsedhatprayāṇādiva kuñjaram

O king, in the battle Bhuri blocked Satyaki of the Shini line, the best of charioteers, as he charged, as one stops an elephant setting out on its march.

Verse 2 (7.167.2)

अथैनं सात्यकिः क्रुद्धः पञ्चभिर्निशितैः शरैः । विव्याध हृदये तस्य प्रास्रवत्तस्य शोणितम् ॥

athainaṃ sātyakiḥ kruddhaḥ pañcabhirniśitaiḥ śaraiḥ | vivyādha hṛdaye tasya prāsravattasya śoṇitam

Then Satyaki, enraged, pierced him in the chest with five sharp arrows, and blood streamed from the wound.

Verse 3 (7.167.3)

तथैव कौरवो युद्धे शैनेयं युद्धदुर्मदम् । दशभिर्निशितैस्तीक्ष्णैरविध्यत भुजान्तरे ॥

tathaiva kauravo yuddhe śaineyaṃ yuddhadurmadam | daśabhirniśitaistīkṣṇairavidhyata bhujāntare

In the same way the Kaurava struck Satyaki of the Shini line, reckless in battle, between the arms with ten sharp and keen arrows.

Note on the text: Corrected दशिभिर् → दशभिर् (misprint in Wikisource; the instrumental of दशन् is दशभिः, as in the critical edition, daśabhir).

Verse 4 (7.167.4)

तावन्योन्यं महाराज ततक्षाते शरैर्भृशम् । क्रोधसंरक्तनयनौ क्रोधाद्विष्फार्य कार्मुके ॥

tāvanyonyaṃ mahārāja tatakṣāte śarairbhṛśam | krodhasaṃraktanayanau krodhādviṣphārya kārmuke

O great king, with their eyes red with rage they drew their bows in fury and ripped into one another fiercely with arrows.

Verse 5 (7.167.5)

तयोरासीन्महाराज शस्त्रवृष्टिः सुदारुणा । क्रुद्धयोः सायकमुचोर्यमान्तकनिकाशयोः ॥

tayorāsīnmahārāja śastravṛṣṭiḥ sudāruṇā | kruddhayoḥ sāyakamucoryamāntakanikāśayoḥ

A dreadful rain of missiles then broke out between those two enraged men, O great king, who loosed their arrows like Yama and Death himself.

Verse 6 (7.167.6)

तावन्योन्यं शरैः राजन्सञ्छाद्य समवस्थितौ । मुहूर्तं चैव तद्युद्धं समरूपमिवाभावत् ॥

tāvanyonyaṃ śaraiḥ rājansañchādya samavasthitau | muhūrtaṃ caiva tadyuddhaṃ samarūpamivābhāvat

Covering each other with arrows, O king, they stood their ground, and for a moment that fight seemed evenly matched.

Verse 7 (7.167.7)

ततः क्रुद्धो महाराज शैनेयः प्रहसन्निव । धनुश्चिच्छेद समरे कौरव्यस्य महात्मनः ॥

tataḥ kruddho mahārāja śaineyaḥ prahasanniva | dhanuściccheda samare kauravyasya mahātmanaḥ

Then Satyaki of the Shini line, enraged, O great king, as if laughing, cut down the bow of the high-souled Kaurava in the battle.

Verse 8 (7.167.8)

अथैनं छिन्नधन्वानं नवभिर्निशितैः शरैः । विव्याध हृदये तूर्णं तिष्ठतिष्ठेति चाब्रवीत् ॥

athainaṃ chinnadhanvānaṃ navabhirniśitaiḥ śaraiḥ | vivyādha hṛdaye tūrṇaṃ tiṣṭhatiṣṭheti cābravīt

Then Satyaki swiftly pierced him, his bow cut, in the chest with nine sharp arrows, crying, "Stand! Stand!"

Verse 9 (7.167.9)

सोऽतिविद्धो बलवता शत्रुणा शत्रुतापनः । धनुरन्यत्समादाय सात्वतं प्रत्यविध्यत ॥

so'tividdho balavatā śatruṇā śatrutāpanaḥ | dhanuranyatsamādāya sātvataṃ pratyavidhyata

Badly wounded by his powerful enemy, that scorcher of foes took up another bow and shot back at the Satvata.

Verse 10 (7.167.10)

स विद्ध्वा सात्वतं बाणैस्त्रिभिरेव विशाम्पते । धनुश्चिच्छेद भल्लेन सुतीक्ष्णेन हसन्निव ॥

sa viddhvā sātvataṃ bāṇaistribhireva viśāmpate | dhanuściccheda bhallena sutīkṣṇena hasanniva

Having pierced the Satvata with only three arrows, O lord of men, he cut down his bow with a very sharp broad-headed arrow, as if laughing.

Verse 11 (7.167.11)

छिन्नधन्वा महाराज सात्यकिः क्रोधमूर्च्छितः । प्रजहार महावेगां शक्तिं तस्य महोरसि ॥

chinnadhanvā mahārāja sātyakiḥ krodhamūrcchitaḥ | prajahāra mahāvegāṃ śaktiṃ tasya mahorasi

With his bow cut, O great king, Satyaki, faint with fury, hurled a spear of tremendous speed at his broad chest.

Verse 12 (7.167.12)

स तु शक्त्या विभिन्नाङ्गो निपपात रथोत्तमात् । लोहिताङ्ग इवाकाशाद्दीप्तरश्मिर्यदृच्छया ॥

sa tu śaktyā vibhinnāṅgo nipapāta rathottamāt | lohitāṅga ivākāśāddīptaraśmiryadṛcchayā

His body torn open by the spear, Bhuri fell from his splendid chariot, like the red planet Mars, blazing with rays, dropping from the sky at random.

Verse 13 (7.167.13)

तं तु दृष्ट्वा हतं शूरमश्वत्थामा महारथः । अभ्यधावत वेगेन शैनेयं प्रति संयुगे ॥

taṃ tu dṛṣṭvā hataṃ śūramaśvatthāmā mahārathaḥ | abhyadhāvata vegena śaineyaṃ prati saṃyuge

Seeing that hero slain, the great chariot-warrior Ashvatthaman rushed swiftly upon Satyaki in the battle.

Note on the text: Lines = CE 7.141.13a, 13c.

Verse 14 (7.167.14)

तिष्ठतिष्ठेति चाभाष्य शैनेयं स नराधिप । अभ्यवर्षच्छरौघेण मेरुं वृष्ट्या यथाम्बुदः ॥

tiṣṭhatiṣṭheti cābhāṣya śaineyaṃ sa narādhipa | abhyavarṣaccharaugheṇa meruṃ vṛṣṭyā yathāmbudaḥ

Crying "Stand! Stand!" at Satyaki, O lord of men, he showered him with a flood of arrows, as a cloud rains upon Mount Meru.

Note on the text: Line 1 = CE star passage 7.141.13d*1175_01; line 2 = CE 7.141.13e.

Verse 15 (7.167.15)

तमापतन्तं संरब्धं शैनेयस्य रथं प्रति । घटोत्कचोऽब्रवीद्राजन्नादं मुक्त्वा महारथः ॥

tamāpatantaṃ saṃrabdhaṃ śaineyasya rathaṃ prati | ghaṭotkaco'bravīdrājannādaṃ muktvā mahārathaḥ

As he came on in a fury against Satyaki's chariot, O king, the great warrior Ghatotkacha roared aloud and said to him:

Note on the text: Corrected नाहं → नादं (misprint in Wikisource; a "roar" is meant, as the sense requires and the critical edition reads, nādaṃ muktvā).

Verse 16 (7.167.16)

तिष्ठतिष्ठ न मे जीवन्द्रोणपुत्र गमिष्यसि । एष त्वां निहनिष्यामि महिषं मृगराडिव ॥

tiṣṭhatiṣṭha na me jīvandroṇaputra gamiṣyasi | eṣa tvāṃ nihaniṣyāmi mahiṣaṃ mṛgarāḍiva

"Stand, stand, son of Drona! You will not leave me alive. Today I will kill you, as the lion, king of beasts, kills a buffalo.

Note on the text: Speaker: Ghatotkacha's speech, which has no printed heading (it is introduced at the end of verse 15). Lines = CE 7.141.15a, 15c.

Verse 17 (7.167.17)

युद्धश्रद्धामहं तेऽद्य विनेष्यामि रणाजिरे । इत्युक्त्वा क्रोधताम्राक्षो राक्षसः परवीरहा । द्रोणिमभ्यद्रवत्क्रुद्धो गजेन्द्रमिव केसरी ॥

yuddhaśraddhāmahaṃ te'dya vineṣyāmi raṇājire | ityuktvā krodhatāmrākṣo rākṣasaḥ paravīrahā | droṇimabhyadravatkruddho gajendramiva kesarī

Today, on this battlefield, I will drive out of you your longing for battle." Having said this, the rakshasa, slayer of enemy heroes, his eyes red with anger, charged furiously at Drona's son, like a lion at a great elephant.

Note on the text: Line 1 = CE 7.141.15e (Ghatotkacha's speech, continuing without a heading); lines 2-3 = CE 7.141.16a, 16c (narration, so the verse stays with Sanjaya; CE reads roṣatāmrākṣo for क्रोधताम्राक्षो).

Verse 18 (7.167.18)

रथाक्षमात्रैरिषुभिरभ्यवर्षद्धटोत्कचः । रथिनामृषभं द्रौणिं धाराभिरिव तोयदः ॥

rathākṣamātrairiṣubhirabhyavarṣaddhaṭotkacaḥ | rathināmṛṣabhaṃ drauṇiṃ dhārābhiriva toyadaḥ

Ghatotkacha rained arrows as long as chariot-axles upon Drona's son, the bull among charioteers, as a cloud pours down streams of water.

Verse 19 (7.167.19)

शरवृष्टिं तु तां प्राप्तां शरैराशीविषोपमैः । शातयामास समरे तरसा द्रौणिरुत्स्मयन् ॥

śaravṛṣṭiṃ tu tāṃ prāptāṃ śarairāśīviṣopamaiḥ | śātayāmāsa samare tarasā drauṇirutsmayan

Smiling, Drona's son swiftly struck down in the battle that shower of arrows as it reached him, with arrows like venomous snakes.

Verse 20 (7.167.20)

ततः शरशतैस्तीक्ष्णैर्मर्मभेदिभिराशुगैः । समाचिनोद्राक्षसेन्द्रं घटोत्कचमरिन्दमम् ॥

tataḥ śaraśataistīkṣṇairmarmabhedibhirāśugaiḥ | samācinodrākṣasendraṃ ghaṭotkacamarindamam

Then with hundreds of sharp, swift arrows that pierced the vital parts, he covered Ghatotkacha, lord of rakshasas, tamer of foes.

Verse 21 (7.167.21)

स शरैराचितस्तेन राक्षसो रणमूर्धनि । व्यकाशत महाराज श्वाविच्छललतो यथा ॥

sa śarairācitastena rākṣaso raṇamūrdhani | vyakāśata mahārāja śvāvicchalalato yathā

Studded with arrows by him, that rakshasa at the head of the battle shone, O great king, like a porcupine bristling with quills.

Verse 22 (7.167.22)

ततः क्रोधसमाविष्टो भैमसेनिः प्रतापवान् । शरैरवचकर्तोग्रैर्द्रौणिं वज्राशनिप्रभैः ॥

tataḥ krodhasamāviṣṭo bhaimaseniḥ pratāpavān | śarairavacakartograirdrauṇiṃ vajrāśaniprabhaiḥ

Then the mighty son of Bhima, filled with rage, cut at Drona's son with fierce arrows that gleamed like thunderbolts.

Verse 23 (7.167.23)

क्षुरप्रैरर्धचन्द्रैश्च नाराचैः सशिलीमुखैः । वराहकर्णैर्नालीकैर्विकर्णैश्चाभ्यवीवृषत् ॥

kṣuraprairardhacandraiśca nārācaiḥ saśilīmukhaiḥ | varāhakarṇairnālīkairvikarṇaiścābhyavīvṛṣat

He showered him with razor-headed arrows, crescent-headed arrows, iron arrows and shilimukhas, with boar-eared arrows, tube-shaped arrows and barbed arrows.

Verse 24 (7.167.24)

तां शस्त्रवृष्टिमतुलां वज्राशनिसमस्वनाम् । पतन्तीमुपरि क्रुद्धो द्रौणिरव्यथितेन्द्रियः ॥

tāṃ śastravṛṣṭimatulāṃ vajrāśanisamasvanām | patantīmupari kruddho drauṇiravyathitendriyaḥ

As that matchless shower of weapons, resounding like thunderbolt and lightning, fell down upon him, Drona's son, though enraged, kept his senses unshaken,

Verse 25 (7.167.25)

सुदुःसहां शरैर्घोरैर्दिव्यास्त्रप्रतिमन्त्रितैः । व्यधमत्सुमहातेजा महाभ्राणीव मारुतः ॥

suduḥsahāṃ śarairghorairdivyāstrapratimantritaiḥ | vyadhamatsumahātejā mahābhrāṇīva mārutaḥ

and with dreadful arrows charged with the mantras of divine weapons, he of great splendour scattered that all but unbearable shower, as the wind scatters great clouds.

Verse 26 (7.167.26)

ततोऽन्तरिक्षे बाणानां सङ्ग्रामोऽन्य इवाभवत् । घोररूपो महाराज योधानां हर्षवर्धनः ॥

tato'ntarikṣe bāṇānāṃ saṅgrāmo'nya ivābhavat | ghorarūpo mahārāja yodhānāṃ harṣavardhanaḥ

Then in the sky a second war of arrows seemed to arise, O great king, dreadful in form, and it gladdened the warriors.

Verse 27 (7.167.27)

ततोऽस्त्रसन्धर्षकृतैर्विस्फुलिङ्गैः समन्ततः । बभौ निशामुखे व्योम खद्योतैरिव संवृतम् ॥

tato'strasandharṣakṛtairvisphuliṅgaiḥ samantataḥ | babhau niśāmukhe vyoma khadyotairiva saṃvṛtam

Then, from the sparks struck on every side by the clashing of the weapons, the sky at nightfall shone as though covered with fireflies.

Note on the text: Corrected वमौ → बभौ (misprint in Wikisource; the verb is बभौ "shone", as the critical edition reads, babhau; वमौ is not a word).

Verse 28 (7.167.28)

स मार्गणगणैर्द्रौणिर्दिशः प्रच्छाद्य सर्वतः । प्रियार्थं तव पुत्राणां राक्षसं समवाकिरत् ॥

sa mārgaṇagaṇairdrauṇirdiśaḥ pracchādya sarvataḥ | priyārthaṃ tava putrāṇāṃ rākṣasaṃ samavākirat

Covering all the directions with masses of arrows, Drona's son, to please your sons, showered the rakshasa on every side.

Note on the text: Removed a stray full stop after सर्वतः.

Verse 29 (7.167.29)

ततः प्रववृते युद्धं द्रौणिराक्षसयोर्मृधे । विगाढे रजनीमध्ये शक्रप्रह्लादयोरिव ॥

tataḥ pravavṛte yuddhaṃ drauṇirākṣasayormṛdhe | vigāḍhe rajanīmadhye śakraprahlādayoriva

Then a battle began between Drona's son and the rakshasa in the thick of the night, like that between Shakra and Prahlada.

Verse 30 (7.167.30)

ततो घटोत्कचो बाणैर्दशभिर्द्रौणिमाहवे । जघानोरसि सङ्क्रुद्धः कालज्वलनसन्निभैः ॥

tato ghaṭotkaco bāṇairdaśabhirdrauṇimāhave | jaghānorasi saṅkruddhaḥ kālajvalanasannibhaiḥ

Then Ghatotkacha, enraged, struck Drona's son in the chest in the battle with ten arrows, bright as the fire at the world's end.

Verse 31 (7.167.31)

स तैरभ्यायतैर्विद्धो राक्षसेन महाबलः । चचाल समरे द्रौणिर्वातनुन्न इव द्रुमः ॥

sa tairabhyāyatairviddho rākṣasena mahābalaḥ | cacāla samare drauṇirvātanunna iva drumaḥ

Pierced by those arrows, shot at him by the mighty rakshasa, Drona's son wavered in the battle like a tree shaken by the wind.

Note on the text: Lines = CE 7.141.30a, 30c.

Verse 32 (7.167.32)

स मोहं समरे प्राप्तो ध्वजयष्टिं समाश्रितः ॥

sa mohaṃ samare prāpto dhvajayaṣṭiṃ samāśritaḥ

Overcome by faintness in the battle, he clung to the flagstaff.

Note on the text: A single line on the page (5-167-32a) = CE 7.141.30e; nothing is lost.

Verse 33 (7.167.33)

ततो हाहाकृतं सैन्यं तव सर्वं जनाधिप । हतं स्म मेनिरे सर्वे द्रोणसूनुं जनाधिपाः ॥

tato hāhākṛtaṃ sainyaṃ tava sarvaṃ janādhipa | hataṃ sma menire sarve droṇasūnuṃ janādhipāḥ

Then all your army, O lord of men, cried out in dismay, and all the kings thought Drona's son slain.

Verse 34 (7.167.34)

तं तु दृष्ट्वा तथावस्थमश्वत्थामानमाहवे । पाञ्चालाः सृञ्जयाश्चैव सिंहनादं प्रचक्रिरे ॥

taṃ tu dṛṣṭvā tathāvasthamaśvatthāmānamāhave | pāñcālāḥ sṛñjayāścaiva siṃhanādaṃ pracakrire

Seeing Ashvatthaman in that state in the battle, the Panchalas and the Srinjayas raised a lion's roar.

Verse 35 (7.167.35)

प्रतिलभ्य ततः संज्ञामश्वत्थामा महाबलः । धनुः प्रपीड्य वामेन करेणामित्रकर्शनः ॥

pratilabhya tataḥ saṃjñāmaśvatthāmā mahābalaḥ | dhanuḥ prapīḍya vāmena kareṇāmitrakarśanaḥ

Regaining consciousness, mighty Ashvatthaman, tormentor of foes, pressed his bow with his left hand,

Verse 36 (7.167.36)

मुमोचाकर्णपूर्णेन धनुषा शरमुत्तमम् । यमदण्डोपमं घोरमुद्दिश्याशु घटोत्कचम् ॥

mumocākarṇapūrṇena dhanuṣā śaramuttamam | yamadaṇḍopamaṃ ghoramuddiśyāśu ghaṭotkacam

and, drawing the bow back to his ear, swiftly loosed at Ghatotkacha an excellent arrow, terrible as the staff of Yama.

Note on the text: Removed a stray invisible joiner character inside दण्डो.

Verse 37 (7.167.37)

स भित्त्वा हृदयं तस्य राक्षसस्य शरोत्तमः । विवेश वसुधामुग्रः सपुङ्खः पृथिवीपते ॥

sa bhittvā hṛdayaṃ tasya rākṣasasya śarottamaḥ | viveśa vasudhāmugraḥ sapuṅkhaḥ pṛthivīpate

That mighty arrow pierced the rakshasa's heart, O lord of the earth, and sank into the ground, feathers and all.

Verse 38 (7.167.38)

सोऽतिविद्धो महाराज रथोपस्थ उपाविशत् । राक्षसेन्द्रः सुबलवान्द्रौणिना रणशालिना ॥

so'tividdho mahārāja rathopastha upāviśat | rākṣasendraḥ subalavāndrauṇinā raṇaśālinā

Deeply pierced, O great king, the mighty lord of rakshasas sat down in the body of the chariot, struck by Drona's son, glorious in battle.

Note on the text: Corrected पुबलवान् → सुबलवान् (misprint in Wikisource; the evident word is सुबलवान् "very strong", as the critical edition reads, subalavān).

Verse 39 (7.167.39)

दृष्ट्वा विमूढं हैडिम्बं सारथिस्तु रणाजिरात् । द्रौणेः सकाशात्सम्भ्रान्तस्त्वपनिन्येत्वरान्वितः ॥

dṛṣṭvā vimūḍhaṃ haiḍimbaṃ sārathistu raṇājirāt | drauṇeḥ sakāśātsambhrāntastvapaninyetvarānvitaḥ

Seeing the son of Hidimba senseless, his charioteer, alarmed, hurriedly drove him away from the battlefield, out of the reach of Drona's son.

Verse 40 (7.167.40)

तथा तु समरे विद्ध्वा राक्षसेन्द्रं घटोत्कचम् । ननाद सुमहानादं द्रोणपुत्रो महारथः ॥

tathā tu samare viddhvā rākṣasendraṃ ghaṭotkacam | nanāda sumahānādaṃ droṇaputro mahārathaḥ

Having struck Ghatotkacha, lord of rakshasas, in the battle in this way, Drona's son, the great chariot-warrior, gave a mighty roar.

Verse 41 (7.167.41)

पूजितस्तव पुत्रैश्च सर्वयोधैश्च भारत । वपुषाऽतिप्रजज्वाल मध्याह्न इव भास्करः ॥

pūjitastava putraiśca sarvayodhaiśca bhārata | vapuṣā'tiprajajvāla madhyāhna iva bhāskaraḥ

Honoured by your sons and by all the warriors, O Bharata, he blazed with his body like the midday sun.

Verse 42 (7.167.42)

भीमसेनं तु युध्यन्तं भारद्वाजरथं प्रति । स्वयं दुर्योधनो राजा प्रत्यविध्यच्छितैः शरैः ॥

bhīmasenaṃ tu yudhyantaṃ bhāradvājarathaṃ prati | svayaṃ duryodhano rājā pratyavidhyacchitaiḥ śaraiḥ

Meanwhile, as Bhimasena fought on toward Bharadvaja's chariot, King Duryodhana himself struck at him with sharp arrows.

Verse 43 (7.167.43)

तं भीमसेनो दशभिः शरैर्विव्याध मारिष । दुर्योधनोऽपि विंशत्या शराणां प्रत्यविध्यत ॥

taṃ bhīmaseno daśabhiḥ śarairvivyādha māriṣa | duryodhano'pi viṃśatyā śarāṇāṃ pratyavidhyata

Bhimasena pierced him with ten arrows, O sire, and Duryodhana in turn struck back with twenty arrows.

Verse 44 (7.167.44)

तौ सायकैरवच्छिन्नावदृश्येतां रणाजिरे । मेघजालसमाच्छन्नौ नभसीवेन्दुभास्करौ ॥

tau sāyakairavacchinnāvadṛśyetāṃ raṇājire | meghajālasamācchannau nabhasīvendubhāskarau

Buried under the arrows, the two could not be seen on the battlefield, like the moon and the sun hidden by a net of clouds in the sky.

Verse 45 (7.167.45)

अथ दुर्योधनो राजा भीमं विव्याध पत्रिभिः । पञ्चभिर्भरतश्रेष्ठ तिष्ठतिष्ठेति चाब्रवीत् ॥

atha duryodhano rājā bhīmaṃ vivyādha patribhiḥ | pañcabhirbharataśreṣṭha tiṣṭhatiṣṭheti cābravīt

Then King Duryodhana pierced Bhima with five arrows, O best of the Bharatas, and said, "Stand! Stand!"

Verse 46 (7.167.46)

तस्य भीमो धनुश्छित्त्वा ध्वजं च दशभिः शरैः । विव्याध कौरवश्रेष्ठं नवत्या नतपर्वणाम् ॥

tasya bhīmo dhanuśchittvā dhvajaṃ ca daśabhiḥ śaraiḥ | vivyādha kauravaśreṣṭhaṃ navatyā nataparvaṇām

Bhima cut down his bow and his banner with ten arrows, and pierced the best of the Kauravas with ninety smooth-jointed arrows.

Verse 47 (7.167.47)

ततो दुर्योधनः क्रुद्धो धनुरन्यन्महत्तरम् । गृहीत्वा भरतश्रेष्ठो भीमसेनं शितैः शरैः । अपीडयद्रणमुखे पश्यतां सर्वधन्विनाम् ॥

tato duryodhanaḥ kruddho dhanuranyanmahattaram | gṛhītvā bharataśreṣṭho bhīmasenaṃ śitaiḥ śaraiḥ | apīḍayadraṇamukhe paśyatāṃ sarvadhanvinām

Then Duryodhana, enraged, the best of the Bharatas, took up another, larger bow and pressed Bhimasena hard with sharp arrows at the head of the battle, while all the archers looked on.

Note on the text: Corrected भनुरन्यन् → धनुरन्यन् (misprint in Wikisource; the word is धनुः "bow", as the sense and the critical edition require). The corresponding passage in the critical edition is 7.141.45, in different wording: line 1 is CE 7.141.45a with its star-passage completion 7.141.45a*1176_01 (dhanur anyan mahattaram), line 2 = CE star 7.141.45a*1176_02, and line 3 recalls CE 7.141.45c (cikṣepa sa śarān rājan paśyatāṃ sarvadhanvinām).

Verse 48 (7.167.48)

तान्निहत्य शरान्भीमो दुर्योधनधनुश्च्युतान् । कौरवं पञ्चविंशत्या क्षुद्रकाणां समार्पयत् ॥

tānnihatya śarānbhīmo duryodhanadhanuścyutān | kauravaṃ pañcaviṃśatyā kṣudrakāṇāṃ samārpayat

Bhima struck down those arrows shot from Duryodhana's bow, and let loose twenty-five small arrows at the Kaurava.

Verse 49 (7.167.49)

दुर्योधनस्तु सङ्क्रुद्धो भीमसेनस्य मारिष । क्षुरप्रेण धनुश्छित्त्वा दशभिः प्रत्यविध्यत ॥

duryodhanastu saṅkruddho bhīmasenasya māriṣa | kṣurapreṇa dhanuśchittvā daśabhiḥ pratyavidhyata

Duryodhana, in a rage, O sire, cut down Bhimasena's bow with a razor-headed arrow and struck him with ten arrows.

Verse 50 (7.167.50)

अथान्यद्धनुरादाय भीमसेनो महाबलः । विव्याध नृपतिं तूर्णं सप्तभिर्निशितैः शरैः ॥

athānyaddhanurādāya bhīmaseno mahābalaḥ | vivyādha nṛpatiṃ tūrṇaṃ saptabhirniśitaiḥ śaraiḥ

Then mighty Bhimasena took up another bow and quickly pierced the king with seven sharp arrows.

Verse 51 (7.167.51)

तदप्यस्य धनुः क्षिप्रं चिच्छेद लघुहस्तवत् । द्वितीयं च तृतीयं च चतुर्थं पञ्चमं तथा ॥

tadapyasya dhanuḥ kṣipraṃ ciccheda laghuhastavat | dvitīyaṃ ca tṛtīyaṃ ca caturthaṃ pañcamaṃ tathā

That bow too he swiftly cut down with a light hand, and a second, a third, a fourth and a fifth likewise.

Verse 52 (7.167.52)

आत्तमात्तं महाराज भीमस्य धनुराच्छिनत् । तव पुत्रो महाराज जितकाशी मदोत्कटः ॥

āttamāttaṃ mahārāja bhīmasya dhanurācchinat | tava putro mahārāja jitakāśī madotkaṭaḥ

Each bow that Bhima took up, O great king, your son cut down, he who was flushed with victory and wild with pride.

Verse 53 (7.167.53)

स तथा भिद्यमानेषु कार्मुकेषु पुनः पुनः । शक्तिं चिक्षेप समरे सर्वपारशवीं शुभाम् ॥

sa tathā bhidyamāneṣu kārmukeṣu punaḥ punaḥ | śaktiṃ cikṣepa samare sarvapāraśavīṃ śubhām

As his bows were broken again and again, Bhima hurled in that battle a beautiful spear made wholly of iron,

Verse 54 (7.167.54)

मृत्योरिव स्वसारं हि दीप्तां वह्निशिखामिव । सीमन्तमिव कुर्वन्तीं नभसोऽग्निसमप्रभाम् ॥

mṛtyoriva svasāraṃ hi dīptāṃ vahniśikhāmiva | sīmantamiva kurvantīṃ nabhaso'gnisamaprabhām

like the sister of Death, like a blazing flame of fire, glowing like fire as if parting the sky as a parting divides the hair.

Note on the text: Not in the critical edition's main text; its two lines appear there as star passage 7.141.51d*1177_01-02 (after 7.141.51; CE reads ketuśikhām iva for वह्निशिखामिव in line 1).

Verse 55 (7.167.55)

अप्राप्तामेव तां शक्तिं त्रिधा चिच्छेद कौरवः । पश्यतः सर्वलोकस्य भीमस्य च महात्मनः ॥

aprāptāmeva tāṃ śaktiṃ tridhā ciccheda kauravaḥ | paśyataḥ sarvalokasya bhīmasya ca mahātmanaḥ

Before that spear could reach him, the Kaurava cut it into three pieces, while all the world and the great-souled Bhima looked on.

Verse 56 (7.167.56)

ततो भीमो महाराज गदां गुर्वीं महाप्रभाम् । चिक्षेपाविध्य वेगेन दुर्योधनरथं प्रति ॥

tato bhīmo mahārāja gadāṃ gurvīṃ mahāprabhām | cikṣepāvidhya vegena duryodhanarathaṃ prati

Then Bhima, O great king, whirled a heavy, splendid mace and hurled it with force at Duryodhana's chariot.

Verse 57 (7.167.57)

ततः सा सहसा वाहांस्तव पुत्रस्य संयुगे । सारथिं च गदा गुर्वी ममर्दास्य रथं पुनः ॥

tataḥ sā sahasā vāhāṃstava putrasya saṃyuge | sārathiṃ ca gadā gurvī mamardāsya rathaṃ punaḥ

That heavy mace suddenly crushed your son's horses and his charioteer in the battle, and then his chariot as well.

Verse 58 (7.167.58)

पुत्रस्तु तव राजेन्द्र भीमाद्भीतः प्रणश्य च । आरुरोह रथं चान्यं नन्दकस्य महात्मनः ॥

putrastu tava rājendra bhīmādbhītaḥ praṇaśya ca | āruroha rathaṃ cānyaṃ nandakasya mahātmanaḥ

Your son, O king of kings, afraid of Bhima, slipped away and climbed into another chariot, that of the great-souled Nandaka.

Note on the text: The corresponding passage in the critical edition is 7.141.55, in different wording (CE: putras tu tava rājendra rathād dhemapariṣkṛtāt / āplutaḥ sahasā yānaṃ nandakasya mahātmanaḥ).

Verse 59 (7.167.59)

ततो भीमो हतं मत्वा तव पुत्रं महारथम् । सिंहनादं महच्चक्रे तर्जयन्निशि कौरवान् ॥

tato bhīmo hataṃ matvā tava putraṃ mahāratham | siṃhanādaṃ mahaccakre tarjayanniśi kauravān

Then Bhima, thinking your son, the great chariot-warrior, slain, gave a mighty lion's roar, menacing the Kauravas in the night.

Verse 60 (7.167.60)

तावकाः सैनिकाश्चापि मेनिरे निहतं नृपम् । ततोऽतिचुक्रुशुः सर्वे ते हाहेति समन्ततः ॥

tāvakāḥ sainikāścāpi menire nihataṃ nṛpam | tato'ticukruśuḥ sarve te hāheti samantataḥ

Your soldiers too thought the king killed, and they all cried out "Alas!" on every side.

Verse 61 (7.167.61)

तेषां तु निनदं श्रुत्वा त्रस्तानां सर्वयोधिनाम् । भीमसेनस्य नादं च श्रुत्वा राजन्महात्मनः ॥

teṣāṃ tu ninadaṃ śrutvā trastānāṃ sarvayodhinām | bhīmasenasya nādaṃ ca śrutvā rājanmahātmanaḥ

On hearing the outcry of all those terrified warriors and the roar of the great-souled Bhimasena, O king,

Verse 62 (7.167.62)

ततो युधिष्ठिरो राजा हतं मत्वा सुयोधनम् । अभ्यवर्तत वेगेन यत्र पार्थो वृकोदरः ॥

tato yudhiṣṭhiro rājā hataṃ matvā suyodhanam | abhyavartata vegena yatra pārtho vṛkodaraḥ

King Yudhishthira, believing Suyodhana slain, hurried to where Partha Vrikodara stood.

Verse 63 (7.167.63)

पाञ्चालाः केकया मात्स्याः सृञ्जयाश्च विशाम्पते । सर्वोद्योगेनाभिजग्मुद्रोणमेव युयुत्सया ॥

pāñcālāḥ kekayā mātsyāḥ sṛñjayāśca viśāmpate | sarvodyogenābhijagmudroṇameva yuyutsayā

The Panchalas, Kekayas, Matsyas and Srinjayas, O lord of men, all went with every effort against Drona alone, eager to fight.

Note on the text: Corrected पाञ्चलाः → पाञ्चालाः (misprint in Wikisource; the name is Pañcāla, as the critical edition reads).

Verse 64 (7.167.64)

तत्रासीत्सुमहद्युद्धं द्रोणस्याथ परैः सह । घोरे तमसि मग्नानां निघ्नतामितरेतरम् ॥

tatrāsītsumahadyuddhaṃ droṇasyātha paraiḥ saha | ghore tamasi magnānāṃ nighnatāmitaretaram

There a great battle took place between Drona and his enemies, as men sunk in dense darkness struck one another.