Karna Spares Sahadeva, Shalya Overcomes Virata, Arjuna Routs Alayudha

Verse 1 (7.168.1)

सहदेवमथायान्तं द्रोणप्रेप्सुं विशाम्पते । कर्णो वैकर्तनो युद्धे वारयामास भारत ॥

sahadevamathāyāntaṃ droṇaprepsuṃ viśāmpate | karṇo vaikartano yuddhe vārayāmāsa bhārata

Then, as Sahadeva advanced, O lord of men, eager to reach Drona, Karna Vaikartana stopped him in the battle, O Bharata.

Note on the text: Corrected द्रोणप्रेप्तुं → द्रोणप्रेप्सुं (misprint in Wikisource; द्रोणप्रेप्सुम् "wishing to reach Drona" is the word, as the critical edition reads, droṇaprepsuṃ).

Verse 2 (7.168.2)

सहदेवस्तु राधेयं विद्ध्वा नवभिराशुगैः । पुनर्विव्याध दशभिर्विशिखैर्नतपर्वभिः ॥

sahadevastu rādheyaṃ viddhvā navabhirāśugaiḥ | punarvivyādha daśabhirviśikhairnataparvabhiḥ

Sahadeva pierced Radheya with nine swift arrows, and again with ten sharp, smooth-jointed shafts.

Verse 3 (7.168.3)

तं कर्णः प्रतिविव्याध शतेन नतपर्वणाम् । सज्यं चास्य धनुः शीघ्रं चिच्छेद लघुहस्तवत् ॥

taṃ karṇaḥ prativivyādha śatena nataparvaṇām | sajyaṃ cāsya dhanuḥ śīghraṃ ciccheda laghuhastavat

Karna struck him back with a hundred smooth-jointed arrows and, with a light hand, quickly cut down his strung bow.

Verse 4 (7.168.4)

ततोऽन्यद्धनुरादाय माद्रीपुत्रः प्रतापवान् । कर्णं विव्याध विंशत्या तदद्भुतमिवाभवत् ॥

tato'nyaddhanurādāya mādrīputraḥ pratāpavān | karṇaṃ vivyādha viṃśatyā tadadbhutamivābhavat

Then the mighty son of Madri took up another bow and struck Karna with twenty arrows; it was a marvel.

Note on the text: Corrected प्रतापवान → प्रतापवान् (misprint in Wikisource; the final consonant of प्रतापवान् lost its halant; the critical edition reads pratāpavān).

Verse 5 (7.168.5)

तस्य कर्णो हयान्हत्वा शरैः सन्नतपर्वभिः । सारथिं चास्य भल्लेन द्रुतं निन्ये यमक्षयम् ॥

tasya karṇo hayānhatvā śaraiḥ sannataparvabhiḥ | sārathiṃ cāsya bhallena drutaṃ ninye yamakṣayam

Karna killed his horses with well-jointed arrows and swiftly sent his charioteer to Yama's abode with a broad-headed arrow.

Verse 6 (7.168.6)

विरथः सहदेवस्तु खड्गं चर्म समाददे । तदप्यस्य शरैः कर्णो व्यधमत्प्रहसन्निव ॥

virathaḥ sahadevastu khaḍgaṃ carma samādade | tadapyasya śaraiḥ karṇo vyadhamatprahasanniva

Chariotless, Sahadeva took up a sword and shield; Karna, as if laughing, shattered even that with his arrows.

Note on the text: Corrected खङ्गं → खड्गं (misprint in Wikisource; the word is खड्ग, as the critical edition reads, khaḍgaṃ).

Verse 7 (7.168.7)

अथ गुर्वीं महाघोरां हेमचित्रां महागदाम् । प्रेषयामास सङ्क्रुद्धो वैकर्तनरथं प्रति ॥

atha gurvīṃ mahāghorāṃ hemacitrāṃ mahāgadām | preṣayāmāsa saṅkruddho vaikartanarathaṃ prati

Then, in great fury, he hurled at Karna's chariot a heavy, dreadful, mighty mace, picked out with gold.

Verse 8 (7.168.8)

तामापतन्तीं सहसा सहदेवप्रचोदिताम् । व्यष्टम्भयच्छरैः कर्णो भूमौ चैनामपातयत् ॥

tāmāpatantīṃ sahasā sahadevapracoditām | vyaṣṭambhayaccharaiḥ karṇo bhūmau caināmapātayat

As that mace, hurled by Sahadeva, came suddenly on, Karna checked it with arrows and dropped it to the ground.

Verse 9 (7.168.9)

गदां विनिहतां दृष्ट्वा सहदेवस्त्वरान्वितः । शक्तिं चिक्षेप कर्णाय तामप्यस्याच्छिनच्छरैः ॥

gadāṃ vinihatāṃ dṛṣṭvā sahadevastvarānvitaḥ | śaktiṃ cikṣepa karṇāya tāmapyasyācchinaccharaiḥ

Seeing the mace beaten down, Sahadeva in haste hurled a spear at Karna; that too Karna cut to pieces with his arrows.

Verse 10 (7.168.10)

ससम्भ्रमं ततस्तूर्णमवप्लुत्य रथोत्तमात् । सहदेवो महाराज दृष्ट्वा कर्णं व्यवस्थितम् ॥

sasambhramaṃ tatastūrṇamavaplutya rathottamāt | sahadevo mahārāja dṛṣṭvā karṇaṃ vyavasthitam

Then, in a flurry, O great king, Sahadeva leapt down from his best of chariots, seeing Karna standing firm,

Note on the text: Lines = CE 7.142.10a, 10c.

Verse 11 (7.168.11)

रथचक्रं प्रगृह्याजौ मुमोचाधिरथं प्रति । तदापतद्वै सहसा कालचक्रमिवोद्यतम् । शरैरनेकसाहस्रैराच्छिनत्सूतनन्दनः ॥

rathacakraṃ pragṛhyājau mumocādhirathaṃ prati | tadāpatadvai sahasā kālacakramivodyatam | śarairanekasāhasrairācchinatsūtanandanaḥ

and, seizing a chariot wheel, hurled it in the battle at Adhiratha's son. As it came on suddenly, like the wheel of Time raised on high, the son of the charioteer cut it to pieces with many thousands of arrows.

Note on the text: Line 1 = CE 7.142.10e; lines 2-3 = CE 7.142.11a, 11c.

Verse 12 (7.168.12)

तस्मिंस्तु निहते चक्रे सूतजेन महात्मना । ईषादण्डकयोक्त्रांश्च युगानि विविधानि च ॥

tasmiṃstu nihate cakre sūtajena mahātmanā | īṣādaṇḍakayoktrāṃśca yugāni vividhāni ca

When that wheel had been destroyed by the great-souled son of the charioteer, Sahadeva seized chariot-poles, yoke-straps and yokes of many kinds,

Note on the text: Corrected योक्रांश्च → योक्त्रांश्च (misprint in Wikisource; the word is योक्त्र "yoke-strap", with the त; the critical edition's star passage reads yoktrāṃś). Line 1 differs in wording from CE 7.142.12a (CE: tasmiṃs tu vitathe cakre kṛte tena mahātmanā); line 2 = CE star passage 7.142.12b*1178_01.

Verse 13 (7.168.13)

हस्त्यङ्गानि तथाश्वांश्च मृतांश्च पुरुषान्बहून् । चिक्षेप कर्णमुद्दिश्य कर्णस्तान्व्यधमच्छरैः ॥

hastyaṅgāni tathāśvāṃśca mṛtāṃśca puruṣānbahūn | cikṣepa karṇamuddiśya karṇastānvyadhamaccharaiḥ

limbs of elephants, horses, and many dead men, and hurled them at Karna; Karna shattered them with his arrows.

Note on the text: Not in the critical edition's main text; both lines appear there as star passage 7.142.12b*1178_02-03 (after 7.142.12a).

Verse 14 (7.168.14)

स निरायुधमात्मानं ज्ञात्वा माद्रवतीसुतः । वार्यमाणस्तु विशिखैः सहदेवो रणं जहौ ॥

sa nirāyudhamātmānaṃ jñātvā mādravatīsutaḥ | vāryamāṇastu viśikhaiḥ sahadevo raṇaṃ jahau

Realising that he was weaponless, Sahadeva, son of Madravati, hindered by arrows, left the battle.

Note on the text: Line 1 = CE star passage 7.142.12b*1178_04; line 2 corresponds to CE 7.142.12c (CE: vāryamāṇaś ca viśikhaiḥ sahadevo raṇaṃ jahau).

Verse 15 (7.168.15)

तमभिद्रुत्य राधेयो मुहूर्ताद्भरतर्षभ । अब्रवीत्प्रहसन्वाक्यं सहदेवं विशाम्पते ॥

tamabhidrutya rādheyo muhūrtādbharatarṣabha | abravītprahasanvākyaṃ sahadevaṃ viśāmpate

Pursuing him, Radheya, after a moment, O best of the Bharatas, spoke to Sahadeva with a laugh, O lord of men.

Verse 16 (7.168.16)

मा युध्यस्व रणेऽधीर विशिष्टै रथिभिः सह ॥

mā yudhyasva raṇe'dhīra viśiṣṭai rathibhiḥ saha

"Do not fight, faint-hearted one, on the battlefield with outstanding charioteers.

Note on the text: Speaker: Karna's speech, which has no printed heading (it runs through verse 18). A one-line verse on the page (5-168-16a) = CE 7.142.14a (CE reads vīra for अधीर).

Verse 17 (7.168.17)

सदृशैर्युध्य माद्रेय वचो मे मा विशङ्किथाः । अथैनं धनुषोग्रेण तुदन्भूयोऽब्रवीद्वचः ॥

sadṛśairyudhya mādreya vaco me mā viśaṅkithāḥ | athainaṃ dhanuṣogreṇa tudanbhūyo'bravīdvacaḥ

Fight with your equals, son of Madri; do not doubt my word." Then, goading him with his fierce bow, he spoke again:

Note on the text: Line 1 = CE 7.142.14c (Karna's speech, continuing without a heading); line 2 = CE 7.142.15a (narration, so the verse stays with Sanjaya).

Verse 18 (7.168.18)

एषोऽर्जुनो रणे तूर्णं युध्यते कुरुभिः सह । तत्र गच्छस्व माद्रेय गृहं वा यदि मन्यसे ॥

eṣo'rjuno raṇe tūrṇaṃ yudhyate kurubhiḥ saha | tatra gacchasva mādreya gṛhaṃ vā yadi manyase

"There is Arjuna, swiftly fighting the Kurus in the battle. Go there, son of Madri, or home, if you think best."

Note on the text: Speaker: Karna's speech, unheaded. Lines = CE 7.142.15c, 15e.

Verse 19 (7.168.19)

एवमुक्त्वा तु तं कर्णो रथेन रथिनां वरः । प्रायात्पाञ्चालपाण्डूनां सैन्यानि प्रदहन्निव ॥

evamuktvā tu taṃ karṇo rathena rathināṃ varaḥ | prāyātpāñcālapāṇḍūnāṃ sainyāni pradahanniva

Having spoken to him thus, Karna, best of charioteers, drove on in his chariot, as if burning up the armies of the Panchalas and the Pandavas.

Verse 20 (7.168.20)

वधं प्राप्तं तु माद्रेयं नावधीत्समरेऽरिहा । कुन्त्याःस्मृत्वा वचो राजन्सत्यसन्धो महायशाः ॥

vadhaṃ prāptaṃ tu mādreyaṃ nāvadhītsamare'rihā | kuntyāḥsmṛtvā vaco rājansatyasandho mahāyaśāḥ

Though the son of Madri had come within reach of death, the slayer of foes did not kill him in the battle, remembering Kunti's words, O king, he who was true to his word and greatly renowned.

Verse 21 (7.168.21)

सहदेवस्ततो राजन्विमनाः शरपीडितः । कर्णवाक्शरतप्तश्च जीवितान्निरविद्यत ॥

sahadevastato rājanvimanāḥ śarapīḍitaḥ | karṇavākśarataptaśca jīvitānniravidyata

Then Sahadeva, O king, dispirited, pained by arrows and scorched by the arrows of Karna's words, grew weary of life.

Verse 22 (7.168.22)

आरुरोह रथं चापि पाञ्चाल्यस्य महात्मनः । जनमेजयस्य समरे त्वरायुक्तो महारथः ॥

āruroha rathaṃ cāpi pāñcālyasya mahātmanaḥ | janamejayasya samare tvarāyukto mahārathaḥ

Hastily, in the battle, the great chariot-warrior climbed into the chariot of the great-souled Janamejaya the Panchala.

Verse 23 (7.168.23)

विराटं सहसेनं तु द्रोणार्थे द्रुतमागतम् । मद्रराजः शरौघेण च्छादयामास धन्विनम् ॥

virāṭaṃ sahasenaṃ tu droṇārthe drutamāgatam | madrarājaḥ śaraugheṇa cchādayāmāsa dhanvinam

Meanwhile the king of Madra covered with a flood of arrows the archer Virata, who had come swiftly with his army for Drona's sake.

Verse 24 (7.168.24)

तयोः समभवद्युद्धं समरे दृढधन्विनोः । यादृशं ह्यभवद्राजञ्जम्भवासवयोः पुरा ॥

tayoḥ samabhavadyuddhaṃ samare dṛḍhadhanvinoḥ | yādṛśaṃ hyabhavadrājañjambhavāsavayoḥ purā

A battle took place between those two firm-bowed warriors such as once took place between Jambha and Indra.

Verse 25 (7.168.25)

मद्रराजो महाराज विराटं वाहिनीपतिम् । आजघ्ने त्वरितस्तूर्णं शतेन नतपर्वणाम् ॥

madrarājo mahārāja virāṭaṃ vāhinīpatim | ājaghne tvaritastūrṇaṃ śatena nataparvaṇām

The king of Madra, O great king, quickly struck Virata, leader of the army, with a hundred smooth-jointed arrows.

Verse 26 (7.168.26)

प्रतिविव्याध तं राजन्नवभिर्निशितैः शरैः । पुनश्चैनं त्रिसप्तत्या भूयश्चैव शतेन तु ॥

prativivyādha taṃ rājannavabhirniśitaiḥ śaraiḥ | punaścainaṃ trisaptatyā bhūyaścaiva śatena tu

Virata struck back at him, O king, with nine sharp arrows, then with seventy-three, and once more with a hundred.

Note on the text: Corrected निशितै शरैः → निशितैः शरैः (misprint in Wikisource; the visarga has dropped; the instrumental plural is निशितैः, as the critical edition reads, niśitaiḥ).

Verse 27 (7.168.27)

तस्य मद्राधिपो हत्वा चतुरो रथवाजिनः । सूतं ध्वजं च समरे शराभ्यां सन्न्यपातयत् ॥

tasya madrādhipo hatvā caturo rathavājinaḥ | sūtaṃ dhvajaṃ ca samare śarābhyāṃ sannyapātayat

The lord of Madra killed his four chariot-horses and with two arrows brought down his charioteer and his banner.

Verse 28 (7.168.28)

हताश्वात्तु रथात्तूर्णमवप्लुत्य महारथः । तस्थौ विष्फारयंश्चापं विमुञ्चंश्च शिताञ्छरान् ॥

hatāśvāttu rathāttūrṇamavaplutya mahārathaḥ | tasthau viṣphārayaṃścāpaṃ vimuñcaṃśca śitāñcharān

With his horses slain, the great warrior leapt swiftly from his chariot and stood twanging his bow and loosing sharp arrows.

Note on the text: Corrected हताश्वात्तुं → हताश्वात्तु (misprint in Wikisource; stray anusvara; the critical edition reads hatāśvāt tu).

Verse 29 (7.168.29)

शतानीकस्ततो दृष्ट्वा भ्रातरं हतवाहनम् । रथेनाभ्यपतत्तूर्णं सर्वलोकस्य पश्यतः ॥

śatānīkastato dṛṣṭvā bhrātaraṃ hatavāhanam | rathenābhyapatattūrṇaṃ sarvalokasya paśyataḥ

Seeing his brother's chariot bereft of horses, Shatanika then charged swiftly in his chariot while everyone looked on.

Verse 30 (7.168.30)

शतानीकमथायान्तं मद्रराजो महामृधे । विशिखैर्बहुभिर्विद्ध्वा ततो निन्ये यमक्षयम् ॥

śatānīkamathāyāntaṃ madrarājo mahāmṛdhe | viśikhairbahubhirviddhvā tato ninye yamakṣayam

As Shatanika came on in that great battle, the king of Madra pierced him with many arrows and sent him to the abode of Yama.

Note on the text: Corrected मद्राराजो → मद्रराजो (misprint in Wikisource; the word is मद्रराज; the critical edition reads madrarājo).

Verse 31 (7.168.31)

तस्मिंस्तु निहते वीरे विराटो रथसत्तमः । आरुरोह रथं तूर्णं तमेव ध्वजमालिनम् ॥

tasmiṃstu nihate vīre virāṭo rathasattamaḥ | āruroha rathaṃ tūrṇaṃ tameva dhvajamālinam

When that hero was slain, Virata, the foremost of charioteers, quickly climbed into that same garlanded-banner chariot.

Verse 32 (7.168.32)

ततो विष्फार्य नयने क्रोधाद्द्विगुणविक्रमः । मद्रराजरथं तूर्णं छादयामास पत्रिभिः ॥

tato viṣphārya nayane krodhāddviguṇavikramaḥ | madrarājarathaṃ tūrṇaṃ chādayāmāsa patribhiḥ

Then, widening his eyes in anger, with doubled prowess, he swiftly covered the Madra king's chariot with arrows.

Verse 33 (7.168.33)

ततो मद्राधिपः क्रुद्धः शरेणानतपर्वणा । आजघानोरसि दृढं विराटं वाहिनीपतिम् ॥

tato madrādhipaḥ kruddhaḥ śareṇānataparvaṇā | ājaghānorasi dṛḍhaṃ virāṭaṃ vāhinīpatim

Then the angry lord of Madra struck Virata, leader of the army, hard on the chest with a single smooth-jointed arrow.

Verse 34 (7.168.34)

सोऽतिविद्धो महाराज रथोपस्थ उपाविशत् । कश्मलं चाविशत्तीव्रं विराटो भरतर्षभ । सारथिस्तमपोवाह समरे शरविक्षतम् ॥

so'tividdho mahārāja rathopastha upāviśat | kaśmalaṃ cāviśattīvraṃ virāṭo bharatarṣabha | sārathistamapovāha samare śaravikṣatam

Badly wounded, O great king, Virata sank down in the body of the chariot, seized by a deep faintness, O best of the Bharatas; his charioteer carried him away from the battle, hurt by arrows.

Verse 35 (7.168.35)

ततः सा महती सेना प्राद्रवन्निशि भारत । वध्यमाना शरशतैः शल्येनाहवशोभिना ॥

tataḥ sā mahatī senā prādravanniśi bhārata | vadhyamānā śaraśataiḥ śalyenāhavaśobhinā

Then that great army, struck down by hundreds of arrows from Shalya, so splendid in battle, fled in the night, O Bharata.

Verse 36 (7.168.36)

तां दृष्ट्वा विद्रुतां सेनां वासुदेवधनञ्जयौ । प्रयातौ तत्र राजेन्द्र यत्र शल्यो व्यवस्थितः ॥

tāṃ dṛṣṭvā vidrutāṃ senāṃ vāsudevadhanañjayau | prayātau tatra rājendra yatra śalyo vyavasthitaḥ

Seeing the army in flight, Vasudeva and Dhananjaya went, O king of kings, to where Shalya was stationed.

Verse 37 (7.168.37)

तौ तु प्रत्युद्ययौ राजन्राक्षसेन्द्रो ह्यलायुधः । अष्टचक्रसमायुक्तमास्थाय प्रवरं रथम् ॥

tau tu pratyudyayau rājanrākṣasendro hyalāyudhaḥ | aṣṭacakrasamāyuktamāsthāya pravaraṃ ratham

Against the two of them rode the rakshasa lord Alayudha, O king, mounted on an excellent eight-wheeled chariot,

Note on the text: ह्यलायुधः kept (CE reads hy alambusaḥ, a recension variant).

Verse 38 (7.168.38)

तुरङ्गममुखैर्युक्तं पिशाचैर्घोरदर्शनैः । लोहितार्द्रपताकं तं रक्तमाल्यविभूषितम् । कार्ष्णायसमयं घोरमृक्षचर्मसमावृतम् ॥

turaṅgamamukhairyuktaṃ piśācairghoradarśanaiḥ | lohitārdrapatākaṃ taṃ raktamālyavibhūṣitam | kārṣṇāyasamayaṃ ghoramṛkṣacarmasamāvṛtam

drawn by horse-faced, terrible-looking pishachas, its banner wet with blood, adorned with red garlands, made of black iron, dreadful, and covered with bear-skin;

Verse 39 (7.168.39)

रौद्रेण चित्रपक्षेण विवृताक्षेण कूजता । ध्वजेनोच्छ्रितदण्डेन गृध्रराजेन राजता । स बभौ राक्षसो राजन्भिन्नाञ्जनचयोपमः ॥

raudreṇa citrapakṣeṇa vivṛtākṣeṇa kūjatā | dhvajenocchritadaṇḍena gṛdhrarājena rājatā | sa babhau rākṣaso rājanbhinnāñjanacayopamaḥ

on its high-poled banner a fierce vulture, king of vultures, many-coloured of wing, wide-eyed and screeching, gleamed; the rakshasa shone, O king, like a heap of crushed collyrium.

Note on the text: Lines 1-2 = CE 7.142.36a, 36c; line 3 = CE 7.142.37a.

Verse 40 (7.168.40)

रुरोधार्जुनमायान्तं प्रभञ्जनमिवाद्रिराट् । किरन्बाणगणान्राजञ्शतशोऽर्जुनमूर्धनि ॥

rurodhārjunamāyāntaṃ prabhañjanamivādrirāṭ | kiranbāṇagaṇānrājañśataśo'rjunamūrdhani

He blocked Arjuna as he came on, as a mountain blocks the wind, and, O king, rained hundreds of masses of arrows on Arjuna's head.

Note on the text: Lines = CE 7.142.37c, 37e.

Verse 41 (7.168.41)

अतितीव्रं महद्युद्धं नरराक्षसयोस्तदा । द्रष्टॄणां प्रीतिजननं सर्वेषां तत्र भारत । गृध्रकाकबलोलूककङ्कगोमायुहर्षणम् ॥

atitīvraṃ mahadyuddhaṃ nararākṣasayostadā | draṣṭṝṇāṃ prītijananaṃ sarveṣāṃ tatra bhārata | gṛdhrakākabalolūkakaṅkagomāyuharṣaṇam

Then a very fierce, great battle took place between man and rakshasa, a delight to all the onlookers there, O Bharata, and a joy to vultures, crows, cranes, owls, kankas and jackals.

Note on the text: Corrected महाद्युद्धं → महद्युद्धं (misprint in Wikisource; महद्युद्धम् "great battle"; the printed महाद् has a spurious long vowel (the critical edition reads atitīvram abhūd yuddhaṃ)). Line 1 = CE 7.142.38a; line 2 = CE 7.142.38c; line 3 = CE star passage 7.142.38b*1179_01 (the compound गृध्रकाकबलोलूक… is printed the same way there; बल is taken here as a bird, on the usual reading बक "crane").

Verse 42 (7.168.42)

तमर्जुनः शतेनैव पत्रिणां समताडयत् । नवभिश्च शितैर्बाणैर्ध्वजं चिच्छेद भारत ॥

tamarjunaḥ śatenaiva patriṇāṃ samatāḍayat | navabhiśca śitairbāṇairdhvajaṃ ciccheda bhārata

Arjuna struck him with a hundred arrows, and with nine sharp arrows, O Bharata, cut down his banner.

Verse 43 (7.168.43)

सारथिं च त्रिभिर्बाणैस्त्रिभिरेव त्रिवेणुकम् । धनुरेकेन चिच्छेद चतुर्भिश्चतुरो हयान् ॥

sārathiṃ ca tribhirbāṇaistribhireva triveṇukam | dhanurekena ciccheda caturbhiścaturo hayān

With three arrows he struck his charioteer, with three more the three-poled frame of his chariot, with one his bow, and with four his four horses.

Note on the text: Lines = CE 7.142.40a, 40c.

Verse 44 (7.168.44)

पुनः सज्यं कृतं चापं तदप्यस्य द्विधाऽच्छिनत् । विरथस्योद्यतं खड्गं शरेणास्य द्विधाऽकरोत् ॥

punaḥ sajyaṃ kṛtaṃ cāpaṃ tadapyasya dvidhā'cchinat | virathasyodyataṃ khaḍgaṃ śareṇāsya dvidhā'karot

When he strung his bow again, Arjuna cut that too in two; and when, now chariotless, he raised his sword, he split that in two with an arrow.

Note on the text: Corrected खङ्गं → खड्गं (misprint in Wikisource; the word is खड्ग, as the critical edition reads, khaḍgaṃ). Line 1 is not in the critical edition (found in the vulgate recension); line 2 = CE 7.142.40e.

Verse 45 (7.168.45)

अथैनं निशितैर्बाणैश्चतुर्भिर्भरतर्षभ । पार्थोऽविध्यद्राक्षसेन्द्रं स विद्धः प्राद्रवद्भयात् ॥

athainaṃ niśitairbāṇaiścaturbhirbharatarṣabha | pārtho'vidhyadrākṣasendraṃ sa viddhaḥ prādravadbhayāt

Then, O best of the Bharatas, Partha pierced the rakshasa lord with four sharp arrows, and, wounded, he fled in fear.

Note on the text: Corrected विद्वः → विद्धः (misprint in Wikisource; the participle is विद्ध "pierced", as the critical edition reads, viddhaḥ).

Verse 46 (7.168.46)

तं विजित्यार्जुनस्तूर्णं द्रोणान्तिकमुपाययौ । किरञ्शरगणान्राजन्नरवारणवाजिषु ॥

taṃ vijityārjunastūrṇaṃ droṇāntikamupāyayau | kirañśaragaṇānrājannaravāraṇavājiṣu

Having defeated him, Arjuna quickly went to Drona's side, O king, strewing masses of arrows over men, elephants and horses.

Note on the text: Corrected किऱञ् → किरञ् (misprint in Wikisource; ऱ is a wrong character for र; the critical edition reads kirañ).

Verse 47 (7.168.47)

वध्यमाना महाराज पाण्डवेन यशस्विना । सैनिका न्यपतन्नुर्व्यां वातनुन्ना इव द्रुमाः ॥

vadhyamānā mahārāja pāṇḍavena yaśasvinā | sainikā nyapatannurvyāṃ vātanunnā iva drumāḥ

Struck down by the glorious son of Pandu, O great king, the soldiers fell to the ground like trees shaken by the wind.

Verse 48 (7.168.48)

तेषु तूत्साद्यमानेषु फल्गुनेन महात्मना । सम्प्राद्रवद्बलं सर्वं पुत्राणां ते विशाम्पते ॥

teṣu tūtsādyamāneṣu phalgunena mahātmanā | samprādravadbalaṃ sarvaṃ putrāṇāṃ te viśāmpate

As they were being cut down by the great-souled Phalguna, O lord of men, the whole host of your sons fled.