Night Duels: Shatanika, Vrishasena and Prativindhya

Verse 1 (7.169.1)

शतानीकं शरैस्तूर्णं निर्दहन्तं चमूं तव । चित्रसेनस्तव सुतो वारयामास भारत ॥

śatānīkaṃ śaraistūrṇaṃ nirdahantaṃ camūṃ tava | citrasenastava suto vārayāmāsa bhārata

As Shatanika was swiftly burning down your host with his arrows, O Bharata, your son Chitrasena checked him.

Note on the text: Adhyaya note: the input agrees with the raw page's table row for row (47 verses; the page's heading सङ्कुलयुद्धम् is not a verse). The critical edition's 7.143 has 42 verses; Wikisource's verses 21–25 are a bracketed insertion that is a CE star passage, and its verse 36 carries one extra line (also a CE star passage). CE star passage 7.143.19d*1181_01 (one line: vṛṣasenaśarair nunno vyapayāsīn mahīpatiḥ) is not in Wikisource.

Verse 2 (7.169.2)

नाकुलिश्चित्रसेनं तु विद्ध्वा पञ्चभिराशुगैः । स तु तं प्रतिविव्याध दशभिर्निशितैः शरैः ॥

nākuliścitrasenaṃ tu viddhvā pañcabhirāśugaiḥ | sa tu taṃ prativivyādha daśabhirniśitaiḥ śaraiḥ

Nakula's son pierced Chitrasena with five swift arrows, and Chitrasena in turn struck him back with ten sharp arrows.

Verse 3 (7.169.3)

चित्रसेनो महाराज शतानीकं पुनर्युधि । नवभिर्निशितैर्बाणैराजघान स्तनान्तरे ॥

citraseno mahārāja śatānīkaṃ punaryudhi | navabhirniśitairbāṇairājaghāna stanāntare

Again, O great king, Chitrasena struck Shatanika in the chest with nine sharp arrows in the battle.

Verse 4 (7.169.4)

नाकुलिस्तस्य विशिखैर्वर्म सन्नतपर्वभिः । गात्रात्सञ्चावयामास तदद्भुतमिवाभवत् ॥

nākulistasya viśikhairvarma sannataparvabhiḥ | gātrātsañcāvayāmāsa tadadbhutamivābhavat

With his smooth-jointed arrows Nakula's son shook the armour loose from Chitrasena's body, and it was a marvel to behold.

Verse 5 (7.169.5)

सोपेतवर्मा पुत्रस्ते विरराज भृशं नृप । उत्सृज्य काले राजेन्द्र निर्मोकमिव पन्नगः ॥

sopetavarmā putraste virarāja bhṛśaṃ nṛpa | utsṛjya kāle rājendra nirmokamiva pannagaḥ

Stripped of his armour, your son shone brilliantly, O king, like a serpent that has shed its slough in due season, O lord of kings.

Verse 6 (7.169.6)

ततोऽस्य निशितैर्बाणैर्ध्वजं चिच्छेद नाकुलिः । धनुश्चैव महाराज यतमानस्य संयुगे ॥

tato'sya niśitairbāṇairdhvajaṃ ciccheda nākuliḥ | dhanuścaiva mahārāja yatamānasya saṃyuge

Then Nakula's son cut down his banner with sharp arrows, and his bow as well, O great king, while he struggled on in the battle.

Verse 7 (7.169.7)

स च्छिन्नधन्वा समरे विवर्मा च महारथः । धनुरन्यन्महाराज जग्राहारिविदारणम् ॥

sa cchinnadhanvā samare vivarmā ca mahārathaḥ | dhanuranyanmahārāja jagrāhārividāraṇam

His bow cut, his armour gone, that great chariot-warrior took up another bow, a destroyer of enemies, O great king.

Verse 8 (7.169.8)

ततस्तूर्णं चित्रसेनो नाकुलिं नवभिः शरैः । विव्याध समरे क्रुद्धो भरतानां महारथः ॥

tatastūrṇaṃ citraseno nākuliṃ navabhiḥ śaraiḥ | vivyādha samare kruddho bharatānāṃ mahārathaḥ

Then Chitrasena, a great chariot-warrior of the Bharatas, swiftly pierced Nakula's son in the battle with nine arrows, in anger.

Verse 9 (7.169.9)

शतानीकोऽथ सङ्क्रुद्धश्चित्रसेनस्य मारिष । जघान चतुरो वाहान्सारथिं च नरोत्तमः ॥

śatānīko'tha saṅkruddhaścitrasenasya māriṣa | jaghāna caturo vāhānsārathiṃ ca narottamaḥ

Then Shatanika, greatly enraged, O sire, killed the four horses and the charioteer of Chitrasena, that best of men.

Verse 10 (7.169.10)

अवप्लुत्य रथात्तस्माच्चित्रसेनो महारथः । नाकुलिं पञ्चविंशत्या शराणामार्दयद्बली ॥

avaplutya rathāttasmāccitraseno mahārathaḥ | nākuliṃ pañcaviṃśatyā śarāṇāmārdayadbalī

Leaping down from that chariot, the mighty great warrior Chitrasena tormented Nakula's son with twenty-five arrows.

Verse 11 (7.169.11)

तस्य तत्कुर्वतः कर्म नकुलस्य सुतो रणे । अर्धचन्द्रेण चिच्छेद चापं रत्नविभूषितम् ॥

tasya tatkurvataḥ karma nakulasya suto raṇe | ardhacandreṇa ciccheda cāpaṃ ratnavibhūṣitam

As he was doing so, Nakula's son cut his jewelled bow with a crescent-headed arrow in the battle.

Verse 12 (7.169.12)

स च्छिन्नधन्वा विरथो हताश्वो हतसारथिः । आरुरोह रथं तूर्णं हार्दिक्यस्य महात्मनः ॥

sa cchinnadhanvā viratho hatāśvo hatasārathiḥ | āruroha rathaṃ tūrṇaṃ hārdikyasya mahātmanaḥ

His bow cut, deprived of chariot, horses and charioteer, he quickly mounted the chariot of the great-souled Hardikya (Kritavarman).

Verse 13 (7.169.13)

द्रुपदं तु सहानीकं द्रोणप्रेप्सुं महारथम् । वृषसेनोऽभ्ययात्तूर्णं किरञ्शरशतैस्तदा ॥

drupadaṃ tu sahānīkaṃ droṇaprepsuṃ mahāratham | vṛṣaseno'bhyayāttūrṇaṃ kirañśaraśataistadā

Meanwhile Vrishasena swiftly advanced, scattering hundreds of arrows, against the great warrior Drupada, who with his army was pressing toward Drona.

Verse 14 (7.169.14)

यज्ञसेनस्तु समरे कर्णपुत्रं महारथम् । षष्ट्या शराणां विव्याध बाह्वोरुरसि चानघ ॥

yajñasenastu samare karṇaputraṃ mahāratham | ṣaṣṭyā śarāṇāṃ vivyādha bāhvorurasi cānagha

And Yajnasena (Drupada), O sinless one, pierced Karna's son, that great chariot-warrior, in the battle with sixty arrows, in the arms and in the chest.

Verse 15 (7.169.15)

वृषसेनस्तु सङ्क्रुद्धो यज्ञसेनं रथे स्थितम् । बहुभिः सायकैस्तीक्ष्णैराजघान स्तनान्तरे ॥

vṛṣasenastu saṅkruddho yajñasenaṃ rathe sthitam | bahubhiḥ sāyakaistīkṣṇairājaghāna stanāntare

Vrishasena, in great rage, struck Yajnasena, who stood on his chariot, in the chest with many sharp arrows.

Verse 16 (7.169.16)

तावुभौ शरनुन्नाङ्गौ शरकण्टकितौ रणे । व्यभ्राजेतां महाराज श्वाविधौ शललैरिव ॥

tāvubhau śaranunnāṅgau śarakaṇṭakitau raṇe | vyabhrājetāṃ mahārāja śvāvidhau śalalairiva

Both, their limbs pierced by arrows and bristling with shafts in the battle, shone, O great king, like two porcupines covered with their quills.

Verse 17 (7.169.17)

रुक्मपुङ्खैः प्रसन्नाग्रैः शरैश्छिन्नतनुच्छदौ । रुधिरौघपरिक्लिन्नौ व्यभ्राजेतां महामृधे ॥

rukmapuṅkhaiḥ prasannāgraiḥ śaraiśchinnatanucchadau | rudhiraughapariklinnau vyabhrājetāṃ mahāmṛdhe

Their armour cut by gold-feathered arrows with bright points, drenched in floods of blood, the two shone in that great battle.

Verse 18 (7.169.18)

तपनीयनिभौ चित्रौ कल्पवृक्षाविवाद्भुतौ । किंशुकाविव चोत्फुल्लौ व्यकाशेतां रणाजिरे ॥

tapanīyanibhau citrau kalpavṛkṣāvivādbhutau | kiṃśukāviva cotphullau vyakāśetāṃ raṇājire

Gleaming like burnished gold, brilliant and wondrous, like two wishing-trees and like two kimshuka trees in full bloom, they shone on the field of battle.

Verse 19 (7.169.19)

वृषसेनस्ततो राजन्द्रुपदं नवभिः शरैः । विद्ध्वा विव्याध सप्तत्या पुनरन्यैस्त्रिभिस्त्रिभिः ॥

vṛṣasenastato rājandrupadaṃ navabhiḥ śaraiḥ | viddhvā vivyādha saptatyā punaranyaistribhistribhiḥ

Then, O king, Vrishasena pierced Drupada with nine arrows, and having pierced him, struck him again with seventy, and once more with three and three others.

Verse 20 (7.169.20)

ततः शरसहस्राणि विमुञ्चन्विबभौ तदा । कर्णपुत्रो महाराज वर्षमाण इवाम्बुदः ॥

tataḥ śarasahasrāṇi vimuñcanvibabhau tadā | karṇaputro mahārāja varṣamāṇa ivāmbudaḥ

Then, loosing thousands of arrows, Karna's son shone, O great king, like a cloud pouring down rain.

Verse 21 (7.169.21)

द्रुपदस्तु ततः क्रुद्धो वृषसेनस्य कार्मुकम् । द्विधा चिच्छेद भल्लेन पीतेन निशितेन च ॥

drupadastu tataḥ kruddho vṛṣasenasya kārmukam | dvidhā ciccheda bhallena pītena niśitena ca

Then Drupada, enraged, cut Vrishasena's bow in two with a keen, bright broad-headed arrow.

Note on the text: Not in the critical edition's main text; it appears there as star passage 7.143.20d*1182_01–02 (after 7.143.20). This verse opens a bracketed insertion (verses 21–25 of this file; the page notes that the five bracketed verses occur only in some manuscripts); removed the opening wiki bracket.

Verse 22 (7.169.22)

सोऽन्यत्कार्मुकमादाय रुक्मबद्धं नवं दृढम् । तूणादाकृष्य विमलं भल्लं पीतं शितं दृढम् ॥

so'nyatkārmukamādāya rukmabaddhaṃ navaṃ dṛḍham | tūṇādākṛṣya vimalaṃ bhallaṃ pītaṃ śitaṃ dṛḍham

Taking up another bow, new and strong, bound with gold, and drawing from his quiver a spotless, keen and sturdy broad-headed arrow,

Note on the text: Not in the critical edition's main text; it appears there as star passage 7.143.20d*1182_03–04.

Verse 23 (7.169.23)

कार्मुके योजयित्वा तं द्रुपदं सन्निरीक्ष्य च । आकर्णपूर्णं मुमुचे त्रासयन्सर्वसोमकान् ॥

kārmuke yojayitvā taṃ drupadaṃ sannirīkṣya ca | ākarṇapūrṇaṃ mumuce trāsayansarvasomakān

he fitted it to the bow, took aim at Drupada, and loosed it drawn back to the ear, terrifying all the Somakas.

Note on the text: Not in the critical edition's main text; it appears there as star passage 7.143.20d*1182_05–06.

Verse 24 (7.169.24)

हृदयं तस्य भित्त्वा च जगाम वसुधातलम् । कश्मलं प्राविशद्राजा वृषसेनशराहतः ॥

hṛdayaṃ tasya bhittvā ca jagāma vasudhātalam | kaśmalaṃ prāviśadrājā vṛṣasenaśarāhataḥ

Piercing his heart, the arrow went into the ground, and King Drupada, struck by Vrishasena's arrow, fell into a swoon.

Note on the text: Not in the critical edition's main text; it appears there as star passage 7.143.20d*1182_07–08.

Verse 25 (7.169.25)

सारथिस्तमपोवाह स्मरन्सारथिचेष्टितम् । तस्मिन्प्रभग्ने राजेन्द्र पाञ्चालानां महारथे ॥

sārathistamapovāha smaransārathiceṣṭitam | tasminprabhagne rājendra pāñcālānāṃ mahārathe

Remembering a charioteer's duty, his charioteer bore him away. When that great warrior of the Panchalas had thus been routed, O king of kings,

Note on the text: Not in the critical edition's main text; it appears there as star passage 7.143.20d*1182_09–10. Removed the stray double danda and the closing wiki bracket that end the bracketed insertion begun at verse 21. The sentence continues into the next verse.

Verse 26 (7.169.26)

ततस्तु द्रुपदानीकं शरैश्छिन्नतनुच्छदम् । सम्प्राद्रवद्रणाद्राजन्निशीथे भैरवे सति ॥

tatastu drupadānīkaṃ śaraiśchinnatanucchadam | samprādravadraṇādrājanniśīthe bhairave sati

Drupada's army, its armour torn by arrows, fled from the battle, O king, in that dreadful hour of midnight.

Verse 27 (7.169.27)

प्रदीपैरपरित्यक्तैर्ज्वलद्भिस्तैः समन्ततः । व्यराजद्वसुधा तत्र वीताभ्रा द्यौरिव ग्रहैः ॥

pradīpairaparityaktairjvaladbhistaiḥ samantataḥ | vyarājadvasudhā tatra vītābhrā dyauriva grahaiḥ

The lamps that had been cast aside, still burning on every side, made the earth shine there like a cloudless sky with its planets.

Verse 28 (7.169.28)

तथाङ्गदैर्निपतितैर्व्यराजत वसुन्धरा । प्रावृट्‌काले महाराज विद्युद्भिरिव तोयदः ॥

tathāṅgadairnipatitairvyarājata vasundharā | prāvṛṭkāle mahārāja vidyudbhiriva toyadaḥ

With fallen armlets scattered about, the earth shone, O great king, like a cloud with its lightning in the rainy season.

Verse 29 (7.169.29)

ततः कर्णसुतात्त्रस्ताः सोमका विप्रदुद्रुवुः । यथेन्द्रभयवित्रस्ता दानवास्तारकामये ॥

tataḥ karṇasutāttrastāḥ somakā vipradudruvuḥ | yathendrabhayavitrastā dānavāstārakāmaye

Terrified of Karna's son, the Somakas scattered in flight, like the Danavas fleeing in fear of Indra in the Taraka war.

Verse 30 (7.169.30)

तेनार्द्यमानाः समरे द्रवमाणाश्च सोमकाः । व्यराजन्त महाराज प्रदीपैरवभासिताः ॥

tenārdyamānāḥ samare dravamāṇāśca somakāḥ | vyarājanta mahārāja pradīpairavabhāsitāḥ

Harassed by him in the battle and fleeing, the Somakas shone, O great king, lit up by the lamps.

Verse 31 (7.169.31)

तांस्तु निर्जित्य समरे कर्णपुत्रो व्यरोचत । मध्यन्दिनमनुप्राप्तो घर्मांशुरिव भारत ॥

tāṃstu nirjitya samare karṇaputro vyarocata | madhyandinamanuprāpto gharmāṃśuriva bhārata

Having defeated them in the battle, Karna's son blazed forth like the midday sun, O Bharata.

Verse 32 (7.169.32)

तेषु राजसहस्रेषु तावकेषु परेषु च । एक एव ज्वलंस्तस्थौ वृषसेनः प्रतापवान् ॥

teṣu rājasahasreṣu tāvakeṣu pareṣu ca | eka eva jvalaṃstasthau vṛṣasenaḥ pratāpavān

Among those thousands of kings, of your side and of the enemy's, the mighty Vrishasena alone stood blazing.

Verse 33 (7.169.33)

स विजित्य रणे शूरान्सोमकानां महारथान् । जगाम त्वरितस्तत्र यत्र राजा युधिष्ठिरः ॥

sa vijitya raṇe śūrānsomakānāṃ mahārathān | jagāma tvaritastatra yatra rājā yudhiṣṭhiraḥ

Having overcome in the battle the heroic great warriors of the Somakas, he went swiftly to where King Yudhishthira was.

Verse 34 (7.169.34)

प्रतिविन्ध्यमथ क्रुद्धं प्रदहन्तं रणे रिपून् । दुःशासनस्तव सुतः प्रत्यगच्छन्महारथः ॥

prativindhyamatha kruddhaṃ pradahantaṃ raṇe ripūn | duḥśāsanastava sutaḥ pratyagacchanmahārathaḥ

But as the enraged Prativindhya was burning his enemies in the battle, your son Duhshasana, a great warrior, went out to meet him.

Verse 35 (7.169.35)

तयोः समागमो राजंश्चित्ररूपो बभूव ह । व्यपेतजलदे व्योम्नि बुधभास्करयोरिव ॥

tayoḥ samāgamo rājaṃścitrarūpo babhūva ha | vyapetajalade vyomni budhabhāskarayoriva

Their meeting, O king, was a wondrous sight, like that of Mercury and the Sun in a sky free of clouds.

Verse 36 (7.169.36)

प्रतिविन्ध्यं तु समरे कुर्वाणं कर्म दुष्करम् । अपूजयन्महाराज तव सैन्ये महारथाः । दुःशासनस्त्रिभिर्बाणैर्ललाटे समविध्यत ॥

prativindhyaṃ tu samare kurvāṇaṃ karma duṣkaram | apūjayanmahārāja tava sainye mahārathāḥ | duḥśāsanastribhirbāṇairlalāṭe samavidhyata

As Prativindhya was performing a hard feat in the battle, Duhshasana struck him in the forehead with three arrows, while the great warriors in your army applauded, O great king.

Note on the text: Corrected कुर्वाणां → कुर्वाणं (misprint in Wikisource; agrees with प्रतिविन्ध्यम्; CE 7.143.31a has कुर्वाणं). Removed the wiki backtick and apostrophe round the middle line. Lines 1 and 3 are CE 7.143.31a and 31c; the middle line is CE star passage 7.143.31b*1183_01. (The alignment left this verse unmatched; the CE verse is in critical_edition_unmatched.)

Verse 37 (7.169.37)

सोऽतिविद्धो बलवता तव पुत्रेण धन्विना । विरराज महाबाहुः सशृङ्ग इव पर्वतः ॥

so'tividdho balavatā tava putreṇa dhanvinā | virarāja mahābāhuḥ saśṛṅga iva parvataḥ

Deeply pierced by your son, the mighty archer, Prativindhya, the long-armed, shone like a mountain with its peaks.

Verse 38 (7.169.38)

दुःशासनं तु समरे प्रतिविन्ध्यो महारथः । नवभिः सायकैर्विद्ध्वा पुनर्विव्याध सप्तभिः ॥

duḥśāsanaṃ tu samare prativindhyo mahārathaḥ | navabhiḥ sāyakairviddhvā punarvivyādha saptabhiḥ

In the battle the great warrior Prativindhya, having pierced Duhshasana with nine arrows, struck him again with seven.

Note on the text: Corrected विद्धा → विद्ध्वा (misprint in Wikisource; the absolutive is required; CE has विद्ध्वा).

Verse 39 (7.169.39)

तत्र भारत पुत्रस्ते कृतवान्कर्म दुष्करम् । प्रतिविन्ध्यहयानुग्रैः पातयामास सायकैः ॥

tatra bhārata putraste kṛtavānkarma duṣkaram | prativindhyahayānugraiḥ pātayāmāsa sāyakaiḥ

Then, O Bharata, your son performed a hard feat: with fierce arrows he brought down Prativindhya's horses.

Verse 40 (7.169.40)

सारथिं चास्य भल्लेन ध्वजं च समपातयत् । रथं च तिलशो राजन्व्यधमत्तस्य धन्विनः ॥

sārathiṃ cāsya bhallena dhvajaṃ ca samapātayat | rathaṃ ca tilaśo rājanvyadhamattasya dhanvinaḥ

With a broad-headed arrow he felled the charioteer and the banner, and, O king, he shattered that archer's chariot to bits.

Verse 41 (7.169.41)

पताकाश्च सतूणीरा रश्मीन्योक्राणि च प्रभो । चिच्छेद तिलशः क्रुद्धः शरैः सन्नतपर्वभिः ॥

patākāśca satūṇīrā raśmīnyokrāṇi ca prabho | ciccheda tilaśaḥ kruddhaḥ śaraiḥ sannataparvabhiḥ

Enraged, O lord, he cut to pieces with smooth-jointed arrows his pennants, quivers, reins and yoke-straps.

Note on the text: Corrected क्रुद्धःशरैः → क्रुद्धः शरैः (misprint in Wikisource; missing space after the visarga).

Verse 42 (7.169.42)

विरथः स तु धर्मात्मा धनुष्पाणिरवस्थितः । अयोधयत्तव सुतं किरञ्शरशतान्बहून् ॥

virathaḥ sa tu dharmātmā dhanuṣpāṇiravasthitaḥ | ayodhayattava sutaṃ kirañśaraśatānbahūn

Chariotless, that righteous man stood bow in hand and went on fighting your son, showering many hundreds of arrows.

Verse 43 (7.169.43)

क्षुरप्रेण धनुस्तस्य चिच्छेद तनयस्तव । अथैनं दशभिर्बाणैश्छिन्नधन्वानमार्दयत् ॥

kṣurapreṇa dhanustasya ciccheda tanayastava | athainaṃ daśabhirbāṇaiśchinnadhanvānamārdayat

Your son cut his bow with a razor-headed arrow, and then tormented him, his bow cut, with ten arrows.

Note on the text: Corrected बाणेश्छिन्न → बाणैश्छिन्न (misprint in Wikisource; the instrumental plural बाणैः is required; CE has भल्लैश्छिन्नधन्वानम्).

Verse 44 (7.169.44)

तं दृष्ट्वा विरथं तत्र भ्रातरोऽस्य महारथाः । अन्ववर्तन्त सङ्ग्रामे महत्या सेनया सह ॥

taṃ dṛṣṭvā virathaṃ tatra bhrātaro'sya mahārathāḥ | anvavartanta saṅgrāme mahatyā senayā saha

Seeing him without a chariot, his brothers, great warriors, followed him in the battle with a great army.

Verse 45 (7.169.45)

आप्लुतः स ततो यानं सुतसोमस्य भास्वरम् । धनुर्गृह्य महाराज विव्याध तनयं तव ॥

āplutaḥ sa tato yānaṃ sutasomasya bhāsvaram | dhanurgṛhya mahārāja vivyādha tanayaṃ tava

Then he leapt onto the gleaming chariot of Sutasoma, took up a bow, O great king, and pierced your son.

Verse 46 (7.169.46)

ततस्तु तावकाः सर्वे परिवार्य सुतं तव । अभ्यवर्तन्त वेगेन महत्या सेनया वृताः ॥

tatastu tāvakāḥ sarve parivārya sutaṃ tava | abhyavartanta vegena mahatyā senayā vṛtāḥ

Then all your men, surrounded by a great army, encircled your son and charged swiftly.

Verse 47 (7.169.47)

ततः प्रववृते युद्धं तव तेषां च भारत । निशीथे दारुणे काले यमराष्ट्रविवर्धनम् ॥

tataḥ pravavṛte yuddhaṃ tava teṣāṃ ca bhārata | niśīthe dāruṇe kāle yamarāṣṭravivardhanam

Then, O Bharata, in that dreadful hour of midnight, the battle between your men and theirs broke out, swelling the realm of Yama.