Nakula Overcomes Shakuni; Kripa and Shikhandi in the Night Battle

Verse 1 (7.170.1)

नकुलं रभसं युद्धे निघ्नन्तं वाहिनीं तव । अभ्ययात्सौबलः क्रुद्धस्तिष्ठतिष्ठेति चाब्रवीत् ॥

nakulaṃ rabhasaṃ yuddhe nighnantaṃ vāhinīṃ tava | abhyayātsaubalaḥ kruddhastiṣṭhatiṣṭheti cābravīt

Shakuni, Subala's son, enraged, rushed upon Nakula, who was furiously slaughtering your host in the battle, crying, "Stand! Stand!"

Note on the text: Adhyaya note: the input agrees with the raw page's table row for row (49 verses). The page prints the speaker heading as सञ्चय उवाच, a misprint for सञ्जय; every verse's speaker is corrected to सञ्जय. The critical edition's 7.144 has 42 verses; the extra Wikisource verses are star passages (15, 45) or Wikisource's different division of the CE's three-line verses (16–19, 47–48). CE star passage 7.144.12b*1185_01 appears only in a varied form here (verse 16), and 7.144.19b*1186_01 and 40b*1188_01 are in verses 25 and 47.

Verse 2 (7.170.2)

कृतवैरौ तु तौ वीरावन्योन्यवधकाङ्क्षिणौ । शरैः पूर्णायतोत्सृष्टैरन्योन्यमभिजघ्नतुः ॥

kṛtavairau tu tau vīrāvanyonyavadhakāṅkṣiṇau | śaraiḥ pūrṇāyatotsṛṣṭairanyonyamabhijaghnatuḥ

Those two heroes, bound in enmity and each seeking the other's death, struck one another with arrows loosed from fully drawn bows.

Verse 3 (7.170.3)

यथैव नकुलो राजञ्शरवर्षाण्यमुञ्चत । तथैव सौबलश्चापि शिक्षां सन्दर्शयन्युधि ॥

yathaiva nakulo rājañśaravarṣāṇyamuñcata | tathaiva saubalaścāpi śikṣāṃ sandarśayanyudhi

As Nakula, O king, let loose showers of arrows, so too did Subala's son, displaying his skill in the fight.

Note on the text: Corresponds to CE 7.144.3, with the two heroes' roles exchanged (CE: Subala's son looses showers of arrows swiftly, Nakula shows his skill; Wikisource: Nakula looses the arrows, Subala's son shows his skill). The alignment left it unmatched. Recension variant, kept.

Verse 4 (7.170.4)

तावुभौ समरे शूरौ शरकण्टकिनौ तदा । व्यराजेतां महाराज श्वाविधौ शललैरिव ॥

tāvubhau samare śūrau śarakaṇṭakinau tadā | vyarājetāṃ mahārāja śvāvidhau śalalairiva

Those two heroes in the battle, bristling with arrows, shone then, O great king, like two porcupines covered with their quills.

Note on the text: Line 1 = CE 7.144.4a. Line 2 is not CE 7.144.4c (which reads व्यराजेतां महाराज कण्टकैरिव शाल्मली; see verse 7 here) but the simile of CE 7.143.16c (see 169.16), with the porcupines (श्वाविधः) in place of the silk-cotton tree.

Verse 5 (7.170.5)

रुक्मपुङ्खैरजिह्माग्रैः शरैश्छिन्नतनुच्छदौ । रुधिरौघपरिक्लिन्नौ व्यभ्राजेतां महामृधे ॥

rukmapuṅkhairajihmāgraiḥ śaraiśchinnatanucchadau | rudhiraughapariklinnau vyabhrājetāṃ mahāmṛdhe

Their armour cut by gold-feathered, straight-pointed arrows, drenched in floods of blood, the two shone in that great battle.

Note on the text: Not in the critical edition at this place; the two lines repeat CE 7.143.17 (the previous adhyaya; Wikisource 169.17) with the variant प्रसन्नाग्रैः → अजिह्माग्रैः. Vulgate-only here.

Verse 6 (7.170.6)

तपनीयनिभौ चित्रौ कल्पवृक्षाविव द्रुमौ । किंशुकाविव चोत्फुल्लौ प्रकाशेते रणाजिरे ॥

tapanīyanibhau citrau kalpavṛkṣāviva drumau | kiṃśukāviva cotphullau prakāśete raṇājire

Gleaming like burnished gold, brilliant, like two wishing-trees and like two kimshuka trees in bloom, they shone on the field of battle.

Note on the text: Corrected चित्रो → चित्रौ (misprint in Wikisource; dual nominative, agreeing with the two warriors, as at 169.18 and CE 7.143.18a चित्रौ). Not in the critical edition at this place; the lines repeat CE 7.143.18 (the previous adhyaya; Wikisource 169.18), with variants द्रुमौ and प्रकाशेते. Vulgate-only here.

Verse 7 (7.170.7)

तावुभौ समरे शूरौ शरकण्टकिनौ तदा । व्यराजेतां महाराज कण्टकैरिव शाल्मली ॥

tāvubhau samare śūrau śarakaṇṭakinau tadā | vyarājetāṃ mahārāja kaṇṭakairiva śālmalī

Those two heroes in the battle, bristling with arrows, shone then, O great king, like a silk-cotton tree with its thorns.

Note on the text: Corrected महारान्कण्टकैः → महाराज कण्टकैः (misprint in Wikisource; महारान् is not a word; CE 7.144.4c reads महाराज कण्टकैरिव शाल्मली). Line 1 repeats line 1 of verse 4 (= CE 7.144.4a); line 2 = CE 7.144.4c.

Verse 8 (7.170.8)

सुजिह्मं प्रेक्षमाणौ च राजन्विवृतलोचनौ । क्रोधसंरक्तनयनौ निर्दहन्तौ परस्परम् ॥

sujihmaṃ prekṣamāṇau ca rājanvivṛtalocanau | krodhasaṃraktanayanau nirdahantau parasparam

Glaring at one another sidelong, O king, with wide eyes red with rage, they seemed to burn each other.

Verse 9 (7.170.9)

श्यालस्तु तव सङ्क्रुद्धो माद्रीपुत्रं हसन्निव । कर्णिनैकेन विव्याध हृदये निशितेन ह ॥

śyālastu tava saṅkruddho mādrīputraṃ hasanniva | karṇinaikena vivyādha hṛdaye niśitena ha

Your brother-in-law, enraged, as though laughing, pierced Madri's son in the heart with a single sharp, barbed arrow.

Verse 10 (7.170.10)

नकुलस्तु भृशं विद्धः श्यालेन तव धन्विना । निषसाद रथोपस्थे कश्मलं चाविशन्महत् ॥

nakulastu bhṛśaṃ viddhaḥ śyālena tava dhanvinā | niṣasāda rathopasthe kaśmalaṃ cāviśanmahat

Nakula, deeply wounded by your archer brother-in-law, sank down on the seat of his chariot, and a great faintness came over him.

Note on the text: Corrected विद्वः → विद्धः (misprint in Wikisource; ध्ध dropped; CE has विद्धः). Line 2 is a recension variant of CE 7.144.7c, kept.

Verse 11 (7.170.11)

अत्यन्तवैरिणं दृप्तं दृष्ट्वा शत्रुं तथाऽऽगतम् । ननाद शकुनी राजंस्तपान्ते जलदो यथा ॥

atyantavairiṇaṃ dṛptaṃ dṛṣṭvā śatruṃ tathā''gatam | nanāda śakunī rājaṃstapānte jalado yathā

Seeing his proud and implacable enemy brought to such a state, Shakuni roared, O king, like a cloud at the end of the hot season.

Note on the text: Corrected अत्यन्तवैरिणां → अत्यन्तवैरिणं (misprint in Wikisource; accusative singular agreeing with शत्रुम्, दृप्तम्; CE has अत्यन्तवैरिणं).

Verse 12 (7.170.12)

प्रतिलभ्य ततः संज्ञां नकुलः पाण्डुनन्दनः । अभ्ययात्सौबलं भूयो व्यात्तानन इवान्तकः ॥

pratilabhya tataḥ saṃjñāṃ nakulaḥ pāṇḍunandanaḥ | abhyayātsaubalaṃ bhūyo vyāttānana ivāntakaḥ

Regaining consciousness, Nakula, son of Pandu, charged Subala's son again like Death with gaping mouth.

Verse 13 (7.170.13)

सङ्क्रुद्धः शकुनिं षष्ट्या विव्याध भरतर्षभ । पुनश्चैनं शतेनैव नाराचानां स्तनान्तरे ॥

saṅkruddhaḥ śakuniṃ ṣaṣṭyā vivyādha bharatarṣabha | punaścainaṃ śatenaiva nārācānāṃ stanāntare

Enraged, O best of the Bharatas, he pierced Shakuni with sixty arrows, and again with a hundred iron arrows in the chest.

Verse 14 (7.170.14)

अथास्य सशरं चापं मुष्टिदेशेऽच्छिनत्तदा । ध्वजं च त्वरितं छित्त्वा रथाद्भूमावपातयत् ॥

athāsya saśaraṃ cāpaṃ muṣṭideśe'cchinattadā | dhvajaṃ ca tvaritaṃ chittvā rathādbhūmāvapātayat

Then he cut his bow, arrow and all, at the grip, and having swiftly cut down his banner, threw it from the chariot to the ground.

Note on the text: Corrected मृष्टिदेशे → मुष्टिदेशे (misprint in Wikisource; मृष्टि is not the word for the fist or grip; CE has मुष्टिदेशे). Line 1 is a recension variant of CE 7.144.11a, kept.

Verse 15 (7.170.15)

विशिखेन च तीक्ष्णेन पीतेन निशितेन च । ऊरू निर्भिद्य चैकेन नकुलः पाण्डुनन्दनः । श्येनं सपक्षं व्याधेन पातयामास तं तदा ॥

viśikhena ca tīkṣṇena pītena niśitena ca | ūrū nirbhidya caikena nakulaḥ pāṇḍunandanaḥ | śyenaṃ sapakṣaṃ vyādhena pātayāmāsa taṃ tadā

With a single keen, bright, sharp arrow Nakula, son of Pandu, pierced both his thighs and brought him down then, as a hunter's arrow brings down a hawk, wings and all.

Note on the text: Not in the critical edition's main text; it appears there as star passage 7.144.11d*1184_01–03 (after 7.144.11).

Verse 16 (7.170.16)

सोऽतिविद्धो महाराज रथोपस्थ उपाविशत् । ध्वजयष्टिं परिक्लिश्य कामुकः कामिनीं यथा ॥

so'tividdho mahārāja rathopastha upāviśat | dhvajayaṣṭiṃ parikliśya kāmukaḥ kāminīṃ yathā

Deeply wounded, O great king, he sank down on the seat of the chariot, clinging painfully to the flagstaff like a lover to his beloved.

Note on the text: Line 1 = CE 7.144.12a. Line 2 is a variant of CE star passage 7.144.12b*1185_01 (CE: ध्वजयष्टिं परिष्वज्य कामिनीं कामुको यथा); Wikisource reads परिक्लिश्य … कामुकः कामिनीं यथा. Kept.

Verse 17 (7.170.17)

तं विसंज्ञं निपतितं दृष्ट्वा श्यालं तवानघ । अपोवाह रथेनाशु सारथिर्ध्वजिनीमुखात् ॥

taṃ visaṃjñaṃ nipatitaṃ dṛṣṭvā śyālaṃ tavānagha | apovāha rathenāśu sārathirdhvajinīmukhāt

Seeing your brother-in-law fallen senseless, O sinless one, his charioteer swiftly bore him away in the chariot from the front of the host.

Note on the text: Lines 1 and 2 = CE 7.144.12c and 12e (the CE verse is of three couplets, 12a, 12c, 12e, with a star line between; Wikisource divides it into verses 16 and 17). The alignment left it unmatched.

Verse 18 (7.170.18)

ततः सञ्चुक्रुशुः पार्था ये च तेषां पदानुगाः ॥

tataḥ sañcukruśuḥ pārthā ye ca teṣāṃ padānugāḥ

Then the Parthas and their followers raised a great shout.

Note on the text: A one-line verse in Wikisource: CE 7.144.13a. The other two lines of the CE's three-line verse 13 (13c, 13e) are the next verse here. Nothing is lost, so kept as a single line.

Verse 19 (7.170.19)

निर्जित्य च रणे शत्रुं नकुलः शत्रुतापनः । अब्रवीत्सारथिं क्रुद्धो द्रोणानीकाय मां वह ॥

nirjitya ca raṇe śatruṃ nakulaḥ śatrutāpanaḥ | abravītsārathiṃ kruddho droṇānīkāya māṃ vaha

Having conquered his enemy in the battle, Nakula, the tormentor of foes, angrily said to his charioteer, "Carry me to Drona's host."

Note on the text: Lines = CE 7.144.13c and 13e (continuing from verse 18). Corrected द्रोणानीकायं → द्रोणानीकाय (misprint in Wikisource; stray anusvara; CE has द्रोणानीकाय मां वह). The alignment left it unmatched.

Verse 20 (7.170.20)

तस्य तद्वचनं श्रुत्वा माद्रीपुत्रस्य सारथिः । प्रायात्तेन तदा राजन्यत्र द्रोणो व्यवस्थितः ॥

tasya tadvacanaṃ śrutvā mādrīputrasya sārathiḥ | prāyāttena tadā rājanyatra droṇo vyavasthitaḥ

Hearing those words of Madri's son, the charioteer drove him then, O king, to where Drona stood.

Verse 21 (7.170.21)

शिखण्डिनं तु समरे द्रोणप्रेप्सुं विशाम्पते । कृपः शारद्वतो यत्तः प्रत्यगच्छत्स वेगितः ॥

śikhaṇḍinaṃ tu samare droṇaprepsuṃ viśāmpate | kṛpaḥ śāradvato yattaḥ pratyagacchatsa vegitaḥ

And Kripa, son of Sharadvat, alert, swiftly met Shikhandi, O lord of the people, who was pressing toward Drona in the battle.

Verse 22 (7.170.22)

गौतमं द्रुतमायान्तं द्रोणानीकमरिन्दमम् । विव्याध नवभिर्भल्लैः शिखण्डी प्रहसन्निव ॥

gautamaṃ drutamāyāntaṃ droṇānīkamarindamam | vivyādha navabhirbhallaiḥ śikhaṇḍī prahasanniva

As Gautama (Kripa), the subduer of foes, came swiftly toward Drona's host, Shikhandi, as though laughing, pierced him with nine broad-headed arrows.

Verse 23 (7.170.23)

तमाचार्यो महाराज विद्ध्वा पञ्चभिराशुगैः । पुनर्विव्याध विंशत्या पुत्राणां प्रियकृत्तव ॥

tamācāryo mahārāja viddhvā pañcabhirāśugaiḥ | punarvivyādha viṃśatyā putrāṇāṃ priyakṛttava

The teacher (Kripa), O great king, having pierced him with five swift arrows, pierced him again with twenty—he who ever does what pleases your sons.

Note on the text: Corrected विद्धा → विद्ध्वा (misprint in Wikisource; the absolutive is required; CE has विद्ध्वा).

Verse 24 (7.170.24)

महद्युद्धं तयोरासीद्धोररूपं भयानकम् । यथा देवासुरे युद्धे शम्बरामरराजयोः ॥

mahadyuddhaṃ tayorāsīddhorarūpaṃ bhayānakam | yathā devāsure yuddhe śambarāmararājayoḥ

A great, dreadful and fearsome battle took place between them, like that between Shambara and the king of the gods in the war of the gods and asuras.

Verse 25 (7.170.25)

शरजालावृतं व्योम चक्रतुस्तौ महारथौ । मेघाविव तपापाये वीरौ समरदुर्मदौ । प्रकृत्या घोररूपं तदासीद्धोरतरं पुनः ॥

śarajālāvṛtaṃ vyoma cakratustau mahārathau | meghāviva tapāpāye vīrau samaradurmadau | prakṛtyā ghorarūpaṃ tadāsīddhorataraṃ punaḥ

The two great warriors, heroes maddened by battle, covered the sky with a net of arrows, like two clouds at the end of the heat; and what was dreadful by nature grew more dreadful still.

Note on the text: Three-line verse = CE 7.144.19a, star passage 7.144.19b*1186_01 (the middle line), and 19c. The alignment left it unmatched.

Verse 26 (7.170.26)

रात्रिश्च भरतश्रेष्ठ योधानां युद्धशालिनाम् । कालरात्रिनिभा ह्यासीद्धोररूपा भयानका ॥

rātriśca bharataśreṣṭha yodhānāṃ yuddhaśālinām | kālarātrinibhā hyāsīddhorarūpā bhayānakā

And the night, O best of the Bharatas, was dreadful and fearsome, like the night of destruction, for the warriors eager for battle.

Verse 27 (7.170.27)

शिखण्डी तु महाराज गौतमस्य महद्धनुः । अर्धचन्द्रेण चिच्छेद सज्यं सविशिखं तदा ॥

śikhaṇḍī tu mahārāja gautamasya mahaddhanuḥ | ardhacandreṇa ciccheda sajyaṃ saviśikhaṃ tadā

Shikhandi, O great king, cut Gautama's great bow, strung and with its arrow, with a crescent-headed arrow.

Verse 28 (7.170.28)

तस्य क्रुद्धः कृपो राजञ्शक्तिं चिक्षेप दारुणाम् । स्वर्णदण्डामकुण्ठाग्रां कर्मारपरिमार्जिताम् ॥

tasya kruddhaḥ kṛpo rājañśaktiṃ cikṣepa dāruṇām | svarṇadaṇḍāmakuṇṭhāgrāṃ karmāraparimārjitām

Enraged, Kripa hurled at him, O king, a dreadful spear with a golden shaft and unblunted point, polished by the smith.

Verse 29 (7.170.29)

तामापतन्तीं चिच्छेद शिखण्डी बहुभिः शरैः । सापतन्मेदिनीं कृत्ता भासयन्ती महाप्रभा ॥

tāmāpatantīṃ ciccheda śikhaṇḍī bahubhiḥ śaraiḥ | sāpatanmedinīṃ kṛttā bhāsayantī mahāprabhā

Shikhandi cut that falling spear with many arrows; cut down, it fell to the ground, blazing with great radiance.

Verse 30 (7.170.30)

अथान्यद्धनुरादाय गौतमो रथिनां वारः । प्राच्छादयच्छितैर्बाणैर्महाराज शिखण्डिनम् ॥

athānyaddhanurādāya gautamo rathināṃ vāraḥ | prācchādayacchitairbāṇairmahārāja śikhaṇḍinam

Then Gautama, the best of charioteers, took up another bow and covered Shikhandi with sharp arrows, O great king.

Verse 31 (7.170.31)

स च्छाद्यमानः समरे गौतमेन यशस्विना । न्यषीदत रथोपस्थे शिखण्डी रथिनां वरः ॥

sa cchādyamānaḥ samare gautamena yaśasvinā | nyaṣīdata rathopasthe śikhaṇḍī rathināṃ varaḥ

Overwhelmed in the battle by the illustrious Gautama, Shikhandi, the best of charioteers, sank down on the seat of his chariot.

Verse 32 (7.170.32)

सीदन्तं चैनमालोक्य कृपः शारद्वतो युधि । आजघ्ने बहुभिर्बाणैर्जिघांसन्निव भारत ॥

sīdantaṃ cainamālokya kṛpaḥ śāradvato yudhi | ājaghne bahubhirbāṇairjighāṃsanniva bhārata

Seeing him sinking down, Kripa, son of Sharadvat, struck him in the battle with many arrows, as though bent on killing him, O Bharata.

Verse 33 (7.170.33)

विमुखं तु रणे दृष्ट्वा याज्ञसेनिं महारथम् । पाञ्चालाः सोमकाश्चैव परिवव्रुः समन्ततः ॥

vimukhaṃ tu raṇe dṛṣṭvā yājñaseniṃ mahāratham | pāñcālāḥ somakāścaiva parivavruḥ samantataḥ

Seeing the great warrior, the son of Yajnasena (Shikhandi), turned away from the fight, the Panchalas and the Somakas surrounded him on every side.

Verse 34 (7.170.34)

तथैव तव पुत्राश्च परिवव्रुर्द्विजोत्तमम् । महत्या सेनया सार्धं ततो युद्धमवर्तत ॥

tathaiva tava putrāśca parivavrurdvijottamam | mahatyā senayā sārdhaṃ tato yuddhamavartata

Likewise your sons surrounded that best of the twice-born (Kripa), and with their great army a battle ensued.

Verse 35 (7.170.35)

रथानां च रणे राजन्नन्योन्यमभिधावताम् । बभूव तुमुलः शब्दो मेघानां गर्जतामिव ॥

rathānāṃ ca raṇe rājannanyonyamabhidhāvatām | babhūva tumulaḥ śabdo meghānāṃ garjatāmiva

As the chariots rushed against one another in the battle, O king, a tumultuous din arose, like the roaring of clouds.

Verse 36 (7.170.36)

द्रवतां सादिनां चैव गजानां च विशाम्पते । अन्योन्यमभितो राजन्क्रूरमायोधनं बभौ ॥

dravatāṃ sādināṃ caiva gajānāṃ ca viśāmpate | anyonyamabhito rājankrūramāyodhanaṃ babhau

The cavalry and the elephants, O lord of the people, rushing against one another, O king, made the battlefield look cruel.

Verse 37 (7.170.37)

पत्तीनां द्रवतां चैव पादशब्देन मेदिनी । अकम्पत महाराज भयत्रस्तेव चाङ्गना ॥

pattīnāṃ dravatāṃ caiva pādaśabdena medinī | akampata mahārāja bhayatrasteva cāṅganā

At the tramp of the running foot-soldiers the earth shook, O great king, like a woman seized with fear.

Verse 38 (7.170.38)

रथिनो रथमारुह्य प्रद्रुता वेगवत्तरम् । अगृह्णन्बहवो राजञ्शलभान्वायसा इव ॥

rathino rathamāruhya pradrutā vegavattaram | agṛhṇanbahavo rājañśalabhānvāyasā iva

Many chariot-warriors, mounting chariots and charging on at greater speed, seized their foes, O king, as crows seize locusts.

Verse 39 (7.170.39)

तथा गजान्प्रभिन्नांश्च सम्प्रभिन्ना महागजाः । तस्मिन्नेव पदे यत्ता निगृह्णन्ति स्म भारत ॥

tathā gajānprabhinnāṃśca samprabhinnā mahāgajāḥ | tasminneva pade yattā nigṛhṇanti sma bhārata

And likewise, O Bharata, huge elephants in full rut, eager for the fight, held fast other rutting elephants on the very spot.

Verse 40 (7.170.40)

सादी सादिनमासाद्य पत्तयश्च पदातिनम् । समासाद्य रणेऽन्योन्यं संरब्धा नातिचक्रमुः ॥

sādī sādinamāsādya pattayaśca padātinam | samāsādya raṇe'nyonyaṃ saṃrabdhā nāticakramuḥ

Horseman closing with horseman and foot-soldier with foot-soldier, they met one another in the battle and, in their fury, did not get past one another.

Verse 41 (7.170.41)

धावतां द्रवतां चैव पुनरावर्ततामपि । बभूव तत्र सैन्यानां शब्दः सुविपुलो निशि ॥

dhāvatāṃ dravatāṃ caiva punarāvartatāmapi | babhūva tatra sainyānāṃ śabdaḥ suvipulo niśi

Of the armies, running, fleeing and turning back again, a vast clamour rose there in the night.

Verse 42 (7.170.42)

दीप्यमानाः प्रदीपाश्च रथवारणवाजिषु । अदृश्यन्त महाराज महोल्का इव खाच्च्युताः ॥

dīpyamānāḥ pradīpāśca rathavāraṇavājiṣu | adṛśyanta mahārāja maholkā iva khāccyutāḥ

The burning torches on chariots, elephants and horses, O great king, were seen like great meteors fallen from the sky.

Verse 43 (7.170.43)

सा निशा भरतश्रेष्ठ प्रदीपैरवभासिता । दिवसप्रतिमा राजन्बभूव रणमूर्धनि ॥

sā niśā bharataśreṣṭha pradīpairavabhāsitā | divasapratimā rājanbabhūva raṇamūrdhani

That night, O best of the Bharatas, lit up by the torches, became like day at the head of the battle, O king.

Verse 44 (7.170.44)

आदित्येन यथा व्याप्तं तमो लोके प्रणश्यति । तथा नष्टं तमो घोरं दीपैर्दीप्तैरितस्ततः ॥

ādityena yathā vyāptaṃ tamo loke praṇaśyati | tathā naṣṭaṃ tamo ghoraṃ dīpairdīptairitastataḥ

As the darkness covering the world vanishes when the sun pervades it, so the terrible darkness was destroyed, here and there, by the blazing lamps.

Verse 45 (7.170.45)

दिवं च पृथिवीं चैव दिशश्च प्रदिशस्तथा । रजसा तमसा व्याप्ता द्योतिताः प्रभया पुनः ॥

divaṃ ca pṛthivīṃ caiva diśaśca pradiśastathā | rajasā tamasā vyāptā dyotitāḥ prabhayā punaḥ

Heaven and earth, the directions and the intermediate directions, covered with dust and darkness, were lit up again by that radiance.

Note on the text: Not in the critical edition's main text; it appears there as star passage 7.144.38d*1187_01–02 (after 7.144.38).

Verse 46 (7.170.46)

अस्त्राणां कवचानां च मणीनां च महात्मनाम् । अन्तर्दधुः प्रभाः सर्वा दीपैस्तैरवभासिताः ॥

astrāṇāṃ kavacānāṃ ca maṇīnāṃ ca mahātmanām | antardadhuḥ prabhāḥ sarvā dīpaistairavabhāsitāḥ

The brilliance of the weapons, the armour and the jewels of those great-souled men was all hidden, outshone by those lamps.

Note on the text: Corrected कवचनानां → कवचानां (misprint in Wikisource; कवचन is not a word here; CE has कवचानां). अस्त्राणां (CE: शस्त्राणां) is a recension variant, kept.

Verse 47 (7.170.47)

तस्मिन्कोलाहले युद्धे वर्तमाने निशामुखे । न किञ्चिद्विदुरात्मानमयमस्मीति भारत ॥

tasminkolāhale yuddhe vartamāne niśāmukhe | na kiñcidvidurātmānamayamasmīti bhārata

In that tumultuous battle, at the onset of night, no one, O Bharata, knew himself: "This is I."

Note on the text: Line 1 = CE 7.144.40a. Line 2 is a variant of CE star passage 7.144.40b*1188_01 (CE: न के चिद्विदुरात्मानमयमस्मीति भारत; Wikisource: न किञ्चिद्विदुरात्मानम्…). Kept. The alignment left it unmatched.

Verse 48 (7.170.48)

अवधीत्समरे पुत्रं पिता भरतसत्तम । पुत्रश्च पितरं मोहात्सखायं च सखा तथा । स्वस्रीयं मातुलश्चापि स्वस्रीयश्चापि मातुलम् ॥

avadhītsamare putraṃ pitā bharatasattama | putraśca pitaraṃ mohātsakhāyaṃ ca sakhā tathā | svasrīyaṃ mātulaścāpi svasrīyaścāpi mātulam

In the battle, O best of the Bharatas, a father slew his son, and the son his father, in delusion; a friend slew his friend, a nephew his maternal uncle, and an uncle his nephew.

Note on the text: Line 1 = CE 7.144.40c; line 2 = CE 7.144.41a; line 3 is a variant of CE 7.144.41c (CE: संबन्धिनं च संबन्धी स्वस्रीयं चापि मातुलः). Wikisource divides the CE's verses 40 and 41 differently. The alignment left it unmatched.

Verse 49 (7.170.49)

स्वे स्वान्परे परांश्चापि निजघ्नुरितरेतरम् । निर्मर्यादमभूद्युद्धं रात्रौ भीरुभयानकम् ॥

sve svānpare parāṃścāpi nijaghnuritaretaram | nirmaryādamabhūdyuddhaṃ rātrau bhīrubhayānakam

Their own men slew their own, and the enemy slew the enemy; they struck one another down. The battle, dreadful to the timid, became lawless in the night.