Dhrishtadyumna Attacks Drona; Karna and Satyaki Clash

Verse 1 (7.171.1)

तस्मिन्सुतुमुले युद्धे वर्तमाने भयावहे । धृष्टद्युम्नो महाराज द्रोणमेवाभ्यवर्तत ॥

tasminsutumule yuddhe vartamāne bhayāvahe | dhṛṣṭadyumno mahārāja droṇamevābhyavartata

In that tumultuous and dreadful battle, O great king, Dhrishtadyumna advanced straight upon Drona.

Verse 2 (7.171.2)

सन्दधानो धनुःश्रेष्ठं ज्यां विकुर्षन्पुनः पुनः । अभ्यद्रवत द्रोणस्य रथं रुक्मविभूषितम् ॥

sandadhāno dhanuḥśreṣṭhaṃ jyāṃ vikurṣanpunaḥ punaḥ | abhyadravata droṇasya rathaṃ rukmavibhūṣitam

Fitting an excellent bow and drawing the string again and again, he charged at Drona's chariot, adorned with gold.

Verse 3 (7.171.3)

धृष्टद्युम्नमथायान्तं द्रोणस्यान्तचिकीर्षया । परिवव्रुर्महाराज पाञ्चालाः पाण्डवैः सह ॥

dhṛṣṭadyumnamathāyāntaṃ droṇasyāntacikīrṣayā | parivavrurmahārāja pāñcālāḥ pāṇḍavaiḥ saha

As Dhrishtadyumna advanced, bent on ending Drona, the Panchalas and the Pandavas together closed around him, O great king.

Verse 4 (7.171.4)

तथा परिवृतं दृष्ट्वा द्रोणमाचार्यसत्तमम् । पुत्रास्ते सर्वतो यत्ता ररक्षुर्द्रोणमाहवे ॥

tathā parivṛtaṃ dṛṣṭvā droṇamācāryasattamam | putrāste sarvato yattā rarakṣurdroṇamāhave

Seeing Drona, the best of teachers, surrounded in this way, your sons, alert on every side, guarded him in the battle.

Verse 5 (7.171.5)

बलार्णवौ ततस्तौ तु समेयातां निशामुखे । वातोद्धूतौ क्षुब्धसत्वौ भैरवौ सागराविव ॥

balārṇavau tatastau tu sameyātāṃ niśāmukhe | vātoddhūtau kṣubdhasatvau bhairavau sāgarāviva

Then, as night fell, those two oceans of troops came together, like two dreadful seas tossed by the wind, their creatures churned up.

Note on the text: Corrected गातोद्धूतौ → वातोद्धूतौ (misprint in Wikisource; ग for व; the sense is "tossed by the wind", CE vātoddhūtau).

Verse 6 (7.171.6)

ततो द्रोणं महाराज पाञ्चाल्यः पञ्चभिः शरैः । विव्याध हृदये तूर्णं सिंहनादं ननाद च ॥

tato droṇaṃ mahārāja pāñcālyaḥ pañcabhiḥ śaraiḥ | vivyādha hṛdaye tūrṇaṃ siṃhanādaṃ nanāda ca

Then, O great king, the Panchala prince struck Drona in the chest with five swift arrows and roared a lion's roar.

Verse 7 (7.171.7)

तं द्रोणः पञ्चविंशत्या विद्ध्वा भारत संयुगे । चिच्छेदान्येन भल्लेन धनुरस्य महास्वनम् ॥

taṃ droṇaḥ pañcaviṃśatyā viddhvā bhārata saṃyuge | cicchedānyena bhallena dhanurasya mahāsvanam

Having struck him with twenty-five arrows in the fight, O Bharata, Drona cut his loud-twanging bow with another broad-headed arrow.

Note on the text: Corrected विद्धा भारत → विद्ध्वा भारत (misprint in Wikisource; the absolutive is विद्ध्वा, CE viddhvā).

Verse 8 (7.171.8)

धृष्टद्युम्नस्तु निर्विद्धो द्रोणेन भरतर्षभ । उत्ससर्ज धनुस्तूर्णं सन्दश्य दशनच्छदम् ॥

dhṛṣṭadyumnastu nirviddho droṇena bharatarṣabha | utsasarja dhanustūrṇaṃ sandaśya daśanacchadam

Wounded by Drona, O best of the Bharatas, Dhrishtadyumna bit his lip and quickly cast his bow aside.

Verse 9 (7.171.9)

ततः क्रुद्धो महाराज धृष्टद्युम्नः प्रतापवान् । आददेऽन्यद्धनुःश्रेष्ठं द्रोणस्यान्तचिकीर्षया ॥

tataḥ kruddho mahārāja dhṛṣṭadyumnaḥ pratāpavān | ādade'nyaddhanuḥśreṣṭhaṃ droṇasyāntacikīrṣayā

Then, O great king, the mighty Dhrishtadyumna, in a rage, took up another excellent bow, bent on Drona's death.

Verse 10 (7.171.10)

विकृष्य च धनुश्चित्रमाकर्णात्परवीरहा । द्रोणस्यान्तकरं घोरं व्यसृजत्सायकं ततः ॥

vikṛṣya ca dhanuścitramākarṇātparavīrahā | droṇasyāntakaraṃ ghoraṃ vyasṛjatsāyakaṃ tataḥ

Drawing the splendid bow back to his ear, that slayer of enemy heroes loosed at Drona a terrible arrow meant to end him.

Note on the text: Corrected द्रोणस्यानत्करं → द्रोणस्यान्तकरं (misprint in Wikisource; a garbled अन्तकर, CE antakaraṃ; the arrow "that ends Drona").

Verse 11 (7.171.11)

स विसृष्टो बलवता शरो घोरो महामृधे । भासयामास तत्सैन्यं दिवाकर इवोदितः ॥

sa visṛṣṭo balavatā śaro ghoro mahāmṛdhe | bhāsayāmāsa tatsainyaṃ divākara ivoditaḥ

Loosed by the mighty warrior, that dreadful arrow lit up the army in the great battle, like the risen sun.

Verse 12 (7.171.12)

तं तु दृष्ट्वा शरं घोरं देवगन्धर्वमानवाः । स्वस्त्यस्तु समरे राजन्द्रोणायेत्यब्रुवन्वचः ॥

taṃ tu dṛṣṭvā śaraṃ ghoraṃ devagandharvamānavāḥ | svastyastu samare rājandroṇāyetyabruvanvacaḥ

Seeing that dreadful arrow, gods, gandharvas and men cried out, "O king, may Drona be safe in the battle!"

Verse 13 (7.171.13)

तं तु सायकमायान्तमाचार्यस्य रथं प्रति । कर्णो द्वादशधा राजंश्चिच्छेद कृतहस्तवत् ॥

taṃ tu sāyakamāyāntamācāryasya rathaṃ prati | karṇo dvādaśadhā rājaṃściccheda kṛtahastavat

As that arrow sped toward the teacher's chariot, Karna, quick of hand, cut it into twelve pieces, O king.

Note on the text: Corrected द्वादशधआ → द्वादशधा (misprint in Wikisource; a stray आ; the word is द्वादशधा, CE dvādaśadhā).

Verse 14 (7.171.14)

स च्छिन्नो बहुधा राजन्सूतपुत्रेण धन्विना । निपपात शरस्तूर्णं निर्विषो भुजगो यथा ॥

sa cchinno bahudhā rājansūtaputreṇa dhanvinā | nipapāta śarastūrṇaṃ nirviṣo bhujago yathā

Cut into many pieces by the charioteer's son, the archer, that arrow fell at once, O king, like a snake that has lost its venom.

Note on the text: Line 1 is CE 7.145.14a (page "धन्विना" for the CE's māriṣa). Line 2 is not the CE's (CE 14c reads nikṛttaḥ karṇasāyakaiḥ); the page's "निर्विषो भुजगो यथा" is vulgate-only, kept.

Verse 15 (7.171.15)

छित्त्वा तु समरे बाणं शरैः सन्नतपर्वभिः । धृष्टद्युम्नं ततः कर्णो विव्याध दशभिः शरैः ॥

chittvā tu samare bāṇaṃ śaraiḥ sannataparvabhiḥ | dhṛṣṭadyumnaṃ tataḥ karṇo vivyādha daśabhiḥ śaraiḥ

Having cut down the arrow in the battle with his smooth-jointed shafts, Karna then struck Dhrishtadyumna with ten arrows.

Note on the text: Removed the stray wiki quote marks (a backtick and an apostrophe) around line 1.

Verse 16 (7.171.16)

पञ्चभिर्द्रोणपुत्रस्तु स्वयं द्रोणस्तु सप्तभिः । शल्यश्च दशभिर्बाणैस्त्रिभिर्दुःशासनस्तथा ॥

pañcabhirdroṇaputrastu svayaṃ droṇastu saptabhiḥ | śalyaśca daśabhirbāṇaistribhirduḥśāsanastathā

Drona's son struck him with five, Drona himself with seven, Shalya with ten arrows, and Duhshasana with three.

Verse 17 (7.171.17)

दुर्योधनस्तु विंशत्या शकुनिश्चापि पञ्चभिः । पाञ्चाल्यं त्वरयाऽविध्यन्सर्व एव महारथाः ॥

duryodhanastu viṃśatyā śakuniścāpi pañcabhiḥ | pāñcālyaṃ tvarayā'vidhyansarva eva mahārathāḥ

Duryodhana with twenty and Shakuni with five: all the great chariot-warriors hurriedly pierced the Panchala.

Verse 18 (7.171.18)

स विद्धः सप्तभिर्घोरैर्द्रोणस्यार्थे महाहवे । सर्वानसम्भ्रमाद्राजन्प्रत्यविध्यत्त्रिभिस्त्रिभिः । द्रोणं द्रौणिं च कर्णं च विव्याध च तवात्मजम् ॥

sa viddhaḥ saptabhirghorairdroṇasyārthe mahāhave | sarvānasambhramādrājanpratyavidhyattribhistribhiḥ | droṇaṃ drauṇiṃ ca karṇaṃ ca vivyādha ca tavātmajam

Struck by those seven terrible warriors in that great battle fought for Drona's sake, he, without any flurry, O king, struck every one of them back with three arrows each; he struck Drona, Drona's son, Karna, and your son as well.

Note on the text: Corrected द्राज प्रत्यविद्ध्यत् → द्राजन्प्रत्यविध्यत् (misprint in Wikisource; राज lacks its final न् and प्रत्यविद्ध्यत् is not a form of the verb विध्; CE rājan pratyavidhyat). Three lines = CE 7.145.18a, 18c, 18e (page "घोरैः" for the CE's vīraiḥ).

Verse 19 (7.171.19)

ते भिन्ना धन्विना तेन धृष्टद्युम्नं पुनर्मृधे । विव्यधुः पञ्चभिस्तूर्णमेकैको रथिनां वरः ॥

te bhinnā dhanvinā tena dhṛṣṭadyumnaṃ punarmṛdhe | vivyadhuḥ pañcabhistūrṇamekaiko rathināṃ varaḥ

Wounded by that archer, each of those foremost of chariot-warriors in turn quickly struck Dhrishtadyumna again with five arrows in the fray.

Verse 20 (7.171.20)

द्रुमसेनस्तु सङ्क्रुद्धो राजन्विव्याध पत्रिणा । त्रिभिश्चान्यैः शरैस्तूर्णं तिष्ठ तिष्ठेति चाब्रवीत् ॥

drumasenastu saṅkruddho rājanvivyādha patriṇā | tribhiścānyaiḥ śaraistūrṇaṃ tiṣṭha tiṣṭheti cābravīt

Then Drumasena, in a fury, struck him with an arrow, O king, and with three more, and cried, "Stand, stand!"

Verse 21 (7.171.21)

स तु तं प्रतिविव्याध त्रिभिस्तीक्ष्णैरजिह्मगैः । स्वर्णपुङ्खैः शिलाधौतैः प्राणान्तकरणैर्युधि ॥

sa tu taṃ prativivyādha tribhistīkṣṇairajihmagaiḥ | svarṇapuṅkhaiḥ śilādhautaiḥ prāṇāntakaraṇairyudhi

In return he pierced him in the battle with three sharp, straight-flying arrows, gold-feathered and whetted on stone, that bring life to an end.

Note on the text: Corrected प्राणान्तकरमैर्युधि → प्राणान्तकरणैर्युधि (misprint in Wikisource; करमैः is not a word; the sense is "life-ending", CE prāṇāntakaraṇair).

Verse 22 (7.171.22)

भल्लेनान्येन तु पुनः सुवर्णोज्ज्वलकुण्डलम् । निचकर्त शिरः कायाद्द्रुमसेनस्य वीर्यवान् ॥

bhallenānyena tu punaḥ suvarṇojjvalakuṇḍalam | nicakarta śiraḥ kāyāddrumasenasya vīryavān

And with another broad-headed arrow that mighty warrior cut Drumasena's head, with its bright golden earrings, from his body.

Verse 23 (7.171.23)

तच्छिरो न्यपतद्भूमौ सन्दष्टौष्ठपुटं रणे । महावातसमुद्धूतं पक्वं तालफलं यथा ॥

tacchiro nyapatadbhūmau sandaṣṭauṣṭhapuṭaṃ raṇe | mahāvātasamuddhūtaṃ pakvaṃ tālaphalaṃ yathā

That head, its lips clenched between the teeth, fell to the ground in the battle like a ripe palm fruit shaken down by a great gale.

Verse 24 (7.171.24)

तान्स विद्ध्वा पुनर्योधान्वीरः सुनिशितैः शरैः । राधेयस्याच्छिनद्भल्लैः कार्मुकं चित्रयोधिनः ॥

tānsa viddhvā punaryodhānvīraḥ suniśitaiḥ śaraiḥ | rādheyasyācchinadbhallaiḥ kārmukaṃ citrayodhinaḥ

Having struck those warriors again with very sharp arrows, that hero cut with broad-headed arrows the bow of Radheya, the wondrous fighter.

Note on the text: Corrected तान्स विद्धा → तान्स विद्ध्वा (misprint in Wikisource; the absolutive is विद्ध्वा, CE viddhvā).

Verse 25 (7.171.25)

न तु तन्ममृषे कर्णो धनुषश्छेदनं तथा । निकर्तनमिवात्युग्रं लाङ्गूलस्य महाहरिः ॥

na tu tanmamṛṣe karṇo dhanuṣaśchedanaṃ tathā | nikartanamivātyugraṃ lāṅgūlasya mahāhariḥ

But Karna could not bear the cutting of his bow, just as a great lion cannot bear the savage cutting off of its tail.

Verse 26 (7.171.26)

सोऽन्यद्धनुः समादाय क्रोधरक्तेक्षणः श्वसन् । अभ्यद्रवच्छरौघैस्तं धृष्टद्युम्नं महाबलम् ॥

so'nyaddhanuḥ samādāya krodharaktekṣaṇaḥ śvasan | abhyadravaccharaughaistaṃ dhṛṣṭadyumnaṃ mahābalam

Taking up another bow, his eyes red with rage, breathing hard, he rushed upon the mighty Dhrishtadyumna with torrents of arrows.

Verse 27 (7.171.27)

दृष्ट्वा कर्णं तु संरब्धं ते वीराः षड्रथर्षभाः । पाञ्चाल्यपुत्रं त्वरिताः परिवव्रुर्जिघांसया ॥

dṛṣṭvā karṇaṃ tu saṃrabdhaṃ te vīrāḥ ṣaḍratharṣabhāḥ | pāñcālyaputraṃ tvaritāḥ parivavrurjighāṃsayā

Seeing Karna enraged, those six bulls among chariot-warriors hurriedly surrounded the Panchala's son, wishing to kill him.

Verse 28 (7.171.28)

षण्णां योधप्रवीराणां तावकानां पुरस्कृतम् । मृत्योरास्यमनुप्राप्तं धृष्टद्युम्नमममंस्महि ॥

ṣaṇṇāṃ yodhapravīrāṇāṃ tāvakānāṃ puraskṛtam | mṛtyorāsyamanuprāptaṃ dhṛṣṭadyumnamamamaṃsmahi

We took Dhrishtadyumna, set before six of your best warriors, to have come into the very mouth of Death.

Verse 29 (7.171.29)

एतस्मिन्नेव काले तु दाशार्हो विकिरञ्छरान् । धृष्टद्युम्नं पराक्रान्तं सात्यकिः प्रत्यपद्यत ॥

etasminneva kāle tu dāśārho vikirañcharān | dhṛṣṭadyumnaṃ parākrāntaṃ sātyakiḥ pratyapadyata

At that very moment Satyaki, the Dasharha, scattering arrows, came up to the valiant Dhrishtadyumna.

Note on the text: Corrected पतस्मिन्नेव → एतस्मिन्नेव (misprint in Wikisource; पतस्मिन् is not a word, CE etasminn eva).

Verse 30 (7.171.30)

तमायान्तं महेष्वासं सात्यकिं युद्धदुर्मदम् । राधेयो दशभिर्बाणैः प्रत्यविध्यदजिह्मगैः ॥

tamāyāntaṃ maheṣvāsaṃ sātyakiṃ yuddhadurmadam | rādheyo daśabhirbāṇaiḥ pratyavidhyadajihmagaiḥ

As the great archer Satyaki, reckless in battle, came on, Radheya struck him with ten straight-flying arrows.

Verse 31 (7.171.31)

तं सात्यकिर्महाराज विव्याध दशभिः शरैः । पश्यतां सर्ववीराणां मा गास्तिष्ठेति चाब्रवीत् ॥

taṃ sātyakirmahārāja vivyādha daśabhiḥ śaraiḥ | paśyatāṃ sarvavīrāṇāṃ mā gāstiṣṭheti cābravīt

O great king, Satyaki struck him back with ten arrows, saying in the sight of all the heroes, "Do not go! Stand!"

Verse 32 (7.171.32)

स सात्यकेस्तु बलिनः कर्णस्य च महात्मनः । आसीत्समागमो राजन्बलिवासवयोरिव ॥

sa sātyakestu balinaḥ karṇasya ca mahātmanaḥ | āsītsamāgamo rājanbalivāsavayoriva

The meeting of mighty Satyaki and the great-souled Karna, O king, was like that of Bali and Indra.

Verse 33 (7.171.33)

त्रासयन्रथघोषेण क्षत्रियान्क्षत्रियर्षभः । राजीवलोचनं कर्णं सात्यकिः प्रत्यविध्यत ॥

trāsayanrathaghoṣeṇa kṣatriyānkṣatriyarṣabhaḥ | rājīvalocanaṃ karṇaṃ sātyakiḥ pratyavidhyata

Terrifying the kshatriyas with the roar of his chariot, Satyaki, bull among kshatriyas, struck lotus-eyed Karna.

Verse 34 (7.171.34)

कम्पयन्निव घोषेण धनुषो वसुधां बली । सूतपुत्रो महाराज सात्यकिं प्रत्ययोधयत् ॥

kampayanniva ghoṣeṇa dhanuṣo vasudhāṃ balī | sūtaputro mahārāja sātyakiṃ pratyayodhayat

Making the earth seem to tremble with the twang of his bow, the mighty charioteer's son, O great king, fought back against Satyaki.

Verse 35 (7.171.35)

विपाठकर्णिनाराचैर्वत्सदन्तैः क्षुरैरपि । कर्णः शरशतैश्चापि शैनेयं प्रत्यविध्यत ॥

vipāṭhakarṇinārācairvatsadantaiḥ kṣurairapi | karṇaḥ śaraśataiścāpi śaineyaṃ pratyavidhyata

Karna struck Shaineya with hundreds of arrows, with vipathas, karnis, narachas, vatsadantas and razor-headed shafts.

Note on the text: Corrected प्रत्यनिद्व्यत → प्रत्यविध्यत (misprint in Wikisource; a garbled प्रत्यविध्यत, CE pratyavidhyata).

Verse 36 (7.171.36)

तथैव युध्यमानोऽपि वृष्णीनां प्रवरो युधि । अभ्यवर्षच्छरैः कर्णं तद्युद्धमभवत्समम् ॥

tathaiva yudhyamāno'pi vṛṣṇīnāṃ pravaro yudhi | abhyavarṣaccharaiḥ karṇaṃ tadyuddhamabhavatsamam

And Satyaki, foremost of the Vrishnis, as he fought, rained arrows on Karna in the same way, and that battle was evenly matched.

Verse 37 (7.171.37)

तावकाश्च महाराज कर्णपुत्रश्च दंशितः । सात्यकिं विव्यधुस्तूर्णं समन्तान्निशितैः शरैः ॥

tāvakāśca mahārāja karṇaputraśca daṃśitaḥ | sātyakiṃ vivyadhustūrṇaṃ samantānniśitaiḥ śaraiḥ

Your warriors, O great king, and Karna's armored son swiftly struck Satyaki from every side with sharp arrows.

Note on the text: Corrected तूर्ण समन्तान् → तूर्णं समन्तान् (misprint in Wikisource; anusvara dropped; CE tūrṇaṃ).

Verse 38 (7.171.38)

अस्त्रैरस्त्राणि संवार्य तेषां कर्णस्य वा विभो । अविध्यत्सात्यकिः क्रुद्धो वृषसेनं स्तनान्तरे ॥

astrairastrāṇi saṃvārya teṣāṃ karṇasya vā vibho | avidhyatsātyakiḥ kruddho vṛṣasenaṃ stanāntare

Warding off their weapons, and Karna's too, with his own weapons, O lord, the enraged Satyaki struck Vrishasena in the chest.

Note on the text: Corrected अविद्व्यत्सात्यकिः → अविध्यत्सात्यकिः (misprint in Wikisource; a garbled अविध्यत्, CE avidhyat).

Verse 39 (7.171.39)

तेन बाणेन निर्विद्धो वृषसेनो विशाम्पते । न्यपतत्स रथे मूढो धनुरुत्सृज्य वीर्यवान् ॥

tena bāṇena nirviddho vṛṣaseno viśāmpate | nyapatatsa rathe mūḍho dhanurutsṛjya vīryavān

Pierced by that arrow, O lord of the people, the valiant Vrishasena fell senseless in his chariot, letting go of his bow.

Verse 40 (7.171.40)

ततः कर्णो हतं मत्वा वृषसेनं महारथम् । पुत्रशोकाभिसन्तप्तः सात्यकिं प्रत्यपीडयत् ॥

tataḥ karṇo hataṃ matvā vṛṣasenaṃ mahāratham | putraśokābhisantaptaḥ sātyakiṃ pratyapīḍayat

Then Karna, thinking the great chariot-warrior Vrishasena dead, burning with grief for his son, pressed Satyaki hard in return.

Verse 41 (7.171.41)

पीड्यमानस्तु कर्णेन युयुधानो महारथः । विव्याध बहुभिः कर्णं त्वरमाणः पुनःपुनः ॥

pīḍyamānastu karṇena yuyudhāno mahārathaḥ | vivyādha bahubhiḥ karṇaṃ tvaramāṇaḥ punaḥpunaḥ

Hard pressed by Karna, the great warrior Yuyudhana, in haste, struck Karna again and again with many arrows.

Verse 42 (7.171.42)

स कर्णं दशभिर्विद्ध्वा वृषसेनं च सप्तभिः । स हस्तावापधनुषी तयोश्चिच्छेद सात्वतः ॥

sa karṇaṃ daśabhirviddhvā vṛṣasenaṃ ca saptabhiḥ | sa hastāvāpadhanuṣī tayościccheda sātvataḥ

Having struck Karna with ten arrows and Vrishasena with seven, the Satvata cut the bows of both, together with their hand-guards.

Verse 43 (7.171.43)

तावन्ये धनुषी सज्जे कृत्वा शत्रुभयङ्करे । युयुधानमाविध्येतां समन्तान्निशितैः शरैः ॥

tāvanye dhanuṣī sajje kṛtvā śatrubhayaṅkare | yuyudhānamāvidhyetāṃ samantānniśitaiḥ śaraiḥ

Stringing other bows, fit to terrify their foes, those two struck Yuyudhana from all sides with sharp arrows.

Verse 44 (7.171.44)

वर्तमाने तु सङ्ग्रमे तस्मिन्वीरवरक्षये । अतीव शुश्रुवे राजन्गाण्डीवस्य महास्वनः ॥

vartamāne tu saṅgrame tasminvīravarakṣaye | atīva śuśruve rājangāṇḍīvasya mahāsvanaḥ

While that battle raged, destroying the best of heroes, the mighty twang of the Gandiva was heard with startling loudness, O king.

Verse 45 (7.171.45)

श्रुत्वा तु रथनिर्घोषं गाण्डीवस्य च निःस्वनम् । सूतपुत्रोऽब्रवीद्राजन्दुर्योधनमिदं वचः ॥

śrutvā tu rathanirghoṣaṃ gāṇḍīvasya ca niḥsvanam | sūtaputro'bravīdrājanduryodhanamidaṃ vacaḥ

Hearing the rumble of the chariot and the twang of the Gandiva, the charioteer's son spoke these words to Duryodhana, O king.

Verse 46 (7.171.46)

एष सर्वां चमूं हत्वा मुख्यांश्चैव नरर्षभान् । पौरवांश्च महेष्वासो विक्षिपन्नुत्तमं धनुः ॥

eṣa sarvāṃ camūṃ hatvā mukhyāṃścaiva nararṣabhān | pauravāṃśca maheṣvāso vikṣipannuttamaṃ dhanuḥ

This great archer, having destroyed the whole host and its foremost bulls among men, and the Pauravas too, goes flourishing his superb bow.

Note on the text: No heading is printed, but verses 46-60 are Karna's speech to Duryodhana, introduced in verse 45, so the speaker is changed from Sanjaya (the input carried Sanjaya over; the critical edition likewise prints no new heading). Line 1 is CE 7.145.46a with a variant (page "सर्वां चमूं" for the CE's sarvāñ śibīn); line 2 is a variant of 46c, ending with the CE star line 7.145.46c*1190_01 (vikṣipann uttamaṃ dhanuḥ).

Verse 47 (7.171.47)

पार्थो विजयते तत्र गाण्डीवनिनदो महान् । श्रूयते रथघोषश्च वासवस्येव नर्दतः ॥

pārtho vijayate tatra gāṇḍīvaninado mahān | śrūyate rathaghoṣaśca vāsavasyeva nardataḥ

Partha is conquering over there: the great twang of the Gandiva is heard, and the rattle of his chariot, like the roar of Vasava himself.

Note on the text: Speaker is Karna (see verse 46). Line 1 is not in the CE's main text (it echoes 46c, gāṇḍīvaninado mahān, and the star line 7.145.46c*1190_02); line 2 is CE 7.145.47a.

Verse 48 (7.171.48)

करोति पाण्डवो व्यक्तं कर्मौपयिकमात्मनः । एषा विदार्यते राजन्बहुधा भारती चमूः ॥

karoti pāṇḍavo vyaktaṃ karmaupayikamātmanaḥ | eṣā vidāryate rājanbahudhā bhāratī camūḥ

The Pandava is plainly doing what suits his purpose; this Bharata army, O king, is being torn apart in many ways.

Note on the text: Speaker is Karna (see verse 46). Lines = CE 7.145.47c, 48a.

Verse 49 (7.171.49)

विप्रकीर्णान्यनीकानि न हि तिष्ठन्ति कर्हिचित् । वातेनेव समुद्धूतमभ्रजालं विदीर्यते ॥

viprakīrṇānyanīkāni na hi tiṣṭhanti karhicit | vāteneva samuddhūtamabhrajālaṃ vidīryate

The scattered divisions can nowhere hold their ground; they are torn apart like a bank of clouds driven by the wind.

Note on the text: Speaker is Karna (see verse 46). Lines = CE 7.145.48c (page "न हि तिष्ठन्ति कर्हिचित्" for the CE's nāvatiṣṭhanti karhi cit), 49a.

Verse 50 (7.171.50)

सव्यसाचिनमासाद्य भिन्ना नौरिव सागरे ॥

savyasācinamāsādya bhinnā nauriva sāgare

Having come up against Savyasachin, it is shattered like a ship on the sea.

Note on the text: Speaker is Karna (see verse 46). A one-line verse on the page (5-171-50a) = CE 7.145.49c.

Verse 51 (7.171.51)

द्रवतां योधमुख्यानां गाण्डीवप्रेषितैः शरैः । विद्धानां शतशो राजञ्श्रूयते निःस्वनो महान् ॥

dravatāṃ yodhamukhyānāṃ gāṇḍīvapreṣitaiḥ śaraiḥ | viddhānāṃ śataśo rājañśrūyate niḥsvano mahān

A great din is heard of the foremost warriors fleeing, hundreds of them pierced by arrows sped from the Gandiva, O king.

Note on the text: Speaker is Karna (see verse 46). Lines = CE 7.145.50a, 50c.

Verse 52 (7.171.52)

शृणु दुन्दुभिनिर्घोषमर्जुनस्य रथं प्रति । निशीथे राजशार्दूल स्तनयित्नोरिवाम्बरे ॥

śṛṇu dundubhinirghoṣamarjunasya rathaṃ prati | niśīthe rājaśārdūla stanayitnorivāmbare

Listen to the drumbeat at Arjuna's chariot, O tiger among kings, like thunder in the sky at midnight.

Note on the text: Speaker is Karna (see verse 46). Line 1 is not in the CE's main text (it echoes CE 7.145.51c, śṛṇu śabdān bahuvidhān arjunasya rathaṃ prati); line 2 = CE 7.145.50e.

Verse 53 (7.171.53)

हाहाकाररवांश्चैव सिंहनादांश्च पुष्कलान् । शृणु शब्दान्बहुविधानर्जुनस्य रथं प्रति ॥

hāhākāraravāṃścaiva siṃhanādāṃśca puṣkalān | śṛṇu śabdānbahuvidhānarjunasya rathaṃ prati

Listen to the cries of woe and the many lion-roars, the many kinds of sounds, around Arjuna's chariot.

Note on the text: Speaker is Karna (see verse 46).

Verse 54 (7.171.54)

अयं मध्ये स्थितोऽस्माकं सात्यकिः सात्वतां वरः । इह चेल्लभ्यते लक्ष्यं कृत्स्नाञ्जेष्यामहे परान् ॥

ayaṃ madhye sthito'smākaṃ sātyakiḥ sātvatāṃ varaḥ | iha cellabhyate lakṣyaṃ kṛtsnāñjeṣyāmahe parān

Here in our midst stands Satyaki, best of the Satvatas. If this target can be won, we shall conquer all our foes.

Note on the text: Speaker is Karna (see verse 46).

Verse 55 (7.171.55)

एष पाञ्चालराजस्य पुत्रो द्रोणेन सङ्गतः । सर्वतः संवृतो योधैः शूरैश्च रथसत्तमैः ॥

eṣa pāñcālarājasya putro droṇena saṅgataḥ | sarvataḥ saṃvṛto yodhaiḥ śūraiśca rathasattamaiḥ

Here is the Panchala king's son, locked with Drona, surrounded on every side by warriors, heroes and the best of chariot-fighters.

Note on the text: Speaker is Karna (see verse 46).

Verse 56 (7.171.56)

सात्यकिं यदि हन्याम धृष्टद्युम्नं च पार्षतम् । असंशयं महाराज ध्रुवो नो विजयो भवेत् ॥

sātyakiṃ yadi hanyāma dhṛṣṭadyumnaṃ ca pārṣatam | asaṃśayaṃ mahārāja dhruvo no vijayo bhavet

If we can kill Satyaki and Dhrishtadyumna, son of Prishata, O great king, our victory will be assured beyond doubt.

Note on the text: Speaker is Karna (see verse 46).

Verse 57 (7.171.57)

सौभद्रवदिमौ वीरौ परिवार्य महारथौ । प्रयतामो महाराज निहन्तुं वृष्णिपार्षतौ ॥

saubhadravadimau vīrau parivārya mahārathau | prayatāmo mahārāja nihantuṃ vṛṣṇipārṣatau

Let us surround these two heroes and great chariot-warriors, as we did with Saubhadra, and strive to kill the Vrishni and the Parshata, O great king.

Note on the text: Corrected प्रयतायो → प्रयतामो (misprint in Wikisource; a garbled first-person plural, CE prayatāmo). Speaker is Karna (see verse 46).

Verse 58 (7.171.58)

सव्यसाची पुरोऽभ्येति द्रोणानीकाय भारत । संसक्तं सात्यकिं ज्ञात्वा बहुभिः कुरुपुङ्गवैः ॥

savyasācī puro'bhyeti droṇānīkāya bhārata | saṃsaktaṃ sātyakiṃ jñātvā bahubhiḥ kurupuṅgavaiḥ

Savyasachin is coming forward toward Drona's host, O Bharata, knowing that Satyaki is entangled with many Kuru chiefs.

Note on the text: Speaker is Karna (see verse 46).

Verse 59 (7.171.59)

तत्र गच्छन्तु बहवः प्रवरा रथसत्तमाः । यावत्पार्थो न जानाति सात्यकिं बहुभिर्वृतम् ॥

tatra gacchantu bahavaḥ pravarā rathasattamāḥ | yāvatpārtho na jānāti sātyakiṃ bahubhirvṛtam

Let many of the best chariot-warriors go there before Partha learns that Satyaki is surrounded by many.

Note on the text: Speaker is Karna (see verse 46).

Verse 60 (7.171.60)

ते त्वरध्वं तथा शूराः शराणां मोक्षणे भृशम् । यथा त्विह व्रजत्येष परलोकाय माधवः । तथा कुरु महाराज सुनीत्या सुप्रयुक्तया ॥

te tvaradhvaṃ tathā śūrāḥ śarāṇāṃ mokṣaṇe bhṛśam | yathā tviha vrajatyeṣa paralokāya mādhavaḥ | tathā kuru mahārāja sunītyā suprayuktayā

Make haste then, heroes, and be vigorous in loosing your arrows, so that this Madhava goes here to the other world; and do so, O great king, by sound policy, well applied.

Note on the text: Speaker is Karna (see verse 46). Lines 1-2 = CE 7.145.58a, 58c (page "तथा" for the CE's yathā in line 1 and "त्विह" for tūrṇam in line 2); line 3 = the CE star line 7.145.58d*1191_01.

Verse 61 (7.171.61)

कर्णस्य मतमास्थाय पुत्रस्ते प्राह सौबलम् । यथेन्द्रः समरे राजन्प्राह विष्णुं यशस्विनम् ॥

karṇasya matamāsthāya putraste prāha saubalam | yathendraḥ samare rājanprāha viṣṇuṃ yaśasvinam

Taking Karna's counsel to heart, your son spoke to Saubala as Indra once spoke to the glorious Vishnu in battle, O king.

Verse 62 (7.171.62)

वृतः सहस्रैर्दशभिर्गजानामनिवर्तिनाम् । रथैश्च दशसाहस्रैस्तूर्णं याहि धनञ्जयम् ॥

vṛtaḥ sahasrairdaśabhirgajānāmanivartinām | rathaiśca daśasāhasraistūrṇaṃ yāhi dhanañjayam

Surrounded by ten thousand elephants that never turn back and ten thousand chariots, go quickly against Dhananjaya.

Note on the text: No heading is printed, but verses 62-65 are Duryodhana's speech to Shakuni, introduced in verse 61, so the speaker is changed from Sanjaya (the input carried Sanjaya over).

Verse 63 (7.171.63)

दुःशासनो दुर्विषहः सुबाहुर्दुः प्रधर्षणः । एते त्वामनुयास्यन्ति पत्तिभिर्बहुभिर्वृताः ॥

duḥśāsano durviṣahaḥ subāhurduḥ pradharṣaṇaḥ | ete tvāmanuyāsyanti pattibhirbahubhirvṛtāḥ

Duhshasana, Durvisaha, Subahu and Dushpradharshana will follow you, accompanied by many foot-soldiers.

Note on the text: Speaker is Duryodhana (see verse 62).

Verse 64 (7.171.64)

जहि कृष्णौ महाबाहो धर्मराजं च मातुल । नकुलं सहदेवं च भीमसेनं तथैव च ॥

jahi kṛṣṇau mahābāho dharmarājaṃ ca mātula | nakulaṃ sahadevaṃ ca bhīmasenaṃ tathaiva ca

Kill the two Krishnas, O mighty-armed uncle, and the king of dharma, and Nakula, Sahadeva and Bhimasena as well.

Note on the text: Speaker is Duryodhana (see verse 62).

Verse 65 (7.171.65)

देवानामिव देवेन्द्रे जयाशा त्वयि मे स्थिता । जहि मातुल कौन्तेयानसुरानिव पावकिः ॥

devānāmiva devendre jayāśā tvayi me sthitā | jahi mātula kaunteyānasurāniva pāvakiḥ

As the gods place their hope of victory in Indra, so my hope of victory rests in you. Kill the sons of Kunti, uncle, as Skanda, Agni's son, slew the asuras.

Note on the text: Speaker is Duryodhana (see verse 62).

Verse 66 (7.171.66)

एवमुक्तो ययौ पार्थान्पुत्रेण तव सौबलः । महत्या सेनया सार्धं सह पुत्रैश्च ते विभो ॥

evamukto yayau pārthānputreṇa tava saubalaḥ | mahatyā senayā sārdhaṃ saha putraiśca te vibho

Thus addressed by your son, Saubala, O lord, marched against the Parthas with a great army and with your sons.

Verse 67 (7.171.67)

प्रियार्थं तव पुत्राणां दिधक्षुः पाण्डुनन्दनान् । ततः प्रववृते युद्धं तावकानां परैः सह ॥

priyārthaṃ tava putrāṇāṃ didhakṣuḥ pāṇḍunandanān | tataḥ pravavṛte yuddhaṃ tāvakānāṃ paraiḥ saha

Eager to burn the sons of Pandu for the good of your sons, he went; then battle broke out between your men and their foes.

Verse 68 (7.171.68)

प्रयाते सौबले राजन्पाण्डवानामनीकिनीम् । बलेन महता युक्तः सूतपुत्रस्तु सात्वतम् ॥

prayāte saubale rājanpāṇḍavānāmanīkinīm | balena mahatā yuktaḥ sūtaputrastu sātvatam

When Saubala had set out against the Pandava host, O king, the charioteer's son, strong with a mighty force, advanced on the Satvata,

Note on the text: Corrected युक्ताः सूतपुत्रस्तु → युक्तः सूतपुत्रस्तु (misprint in Wikisource; ा for the vowel a; the participle must agree with the singular सूतपुत्रः, CE yuktaḥ).

Verse 69 (7.171.69)

अभ्ययात्त्वरितो युद्धे किरञ्शरशतान्बहून् । तथैव पार्थिवाः सर्वे सात्यकिं पर्यवारयन् ॥

abhyayāttvarito yuddhe kirañśaraśatānbahūn | tathaiva pārthivāḥ sarve sātyakiṃ paryavārayan

hurrying into the battle and scattering many hundreds of arrows; and in the same way all the kings surrounded Satyaki.

Verse 70 (7.171.70)

भारद्वाजस्ततो गत्वा धृष्टद्युम्नरथं प्रति । महद्युद्धं तदासीत्तु द्रोणस्य निशि भारत । धृष्टद्युम्नेन वीरेण पाञ्चालैश्च सहाद्भुतम् ॥

bhāradvājastato gatvā dhṛṣṭadyumnarathaṃ prati | mahadyuddhaṃ tadāsīttu droṇasya niśi bhārata | dhṛṣṭadyumnena vīreṇa pāñcālaiśca sahādbhutam

Then Bharadvaja's son went to Dhrishtadyumna's chariot, and there was a great and marvelous battle in the night, O Bharata, between Drona and the heroic Dhrishtadyumna with the Panchalas.

Note on the text: Corrected तदासीत्तुं → तदासीत्तु (misprint in Wikisource; a stray anusvara, CE tadāsīt tu). Line 1 is the CE star line 7.145.67d*1192_01; lines 2-3 = CE 7.145.68a, 68c.