Satyaki Routs Duryodhana; Arjuna Fights Shakuni and Uluka

Verse 1 (7.172.1)

ततस्ते प्राद्रवन्सर्वे त्वरिता युद्धदुर्मदाः । अमृष्यमाणाः संरब्धा युयुधानरथं प्रति ॥

tataste prādravansarve tvaritā yuddhadurmadāḥ | amṛṣyamāṇāḥ saṃrabdhā yuyudhānarathaṃ prati

Then all of them, hurrying, maddened for battle and unable to bear him, rushed at Yuyudhana's chariot in a fury.

Verse 2 (7.172.2)

ते रथैः कल्पितै राजन्हेमरूप्यविभूषितैः । सादिभिश्च गजैश्चैव परिवव्रुः समन्ततः ॥

te rathaiḥ kalpitai rājanhemarūpyavibhūṣitaiḥ | sādibhiśca gajaiścaiva parivavruḥ samantataḥ

O king, they surrounded him on every side with chariots fitted out and adorned with gold and silver, with horsemen and with elephants.

Verse 3 (7.172.3)

अथैनं कोष्ठकीकृत्य सर्वतस्ते महारथाः । सिंहनादांस्ततश्चक्रुस्तर्जयन्ति स्म सात्यकिम् ॥

athainaṃ koṣṭhakīkṛtya sarvataste mahārathāḥ | siṃhanādāṃstataścakrustarjayanti sma sātyakim

Hemming him in on every side, those great chariot-warriors raised lion-roars and threatened Satyaki.

Verse 4 (7.172.4)

तेऽभ्यवर्षञ्छरैस्तीक्ष्णैः सात्यकिं सत्यविक्रमम् । त्वरमाणा महावीरा माधवस्य वधैषिणः ॥

te'bhyavarṣañcharaistīkṣṇaiḥ sātyakiṃ satyavikramam | tvaramāṇā mahāvīrā mādhavasya vadhaiṣiṇaḥ

Those great heroes, eager to kill the Madhava, rained sharp arrows in haste upon Satyaki of true valor.

Verse 5 (7.172.5)

तान्दृष्ट्वा पततस्तूर्णं शैनेयः परवीरहा । प्रत्यगृह्णान्महाबाहुः प्रमुञ्चन्विशिखान्बहून् ॥

tāndṛṣṭvā patatastūrṇaṃ śaineyaḥ paravīrahā | pratyagṛhṇānmahābāhuḥ pramuñcanviśikhānbahūn

Seeing them rush upon him, Shaineya, slayer of hostile heroes, the mighty-armed, met them, letting fly many arrows.

Verse 6 (7.172.6)

तत्र वीरो महेष्वासः सात्यकिर्युद्धदुर्मदः । निचकर्त शिरांस्युग्रैः शरैः सन्नतपर्वभिः ॥

tatra vīro maheṣvāsaḥ sātyakiryuddhadurmadaḥ | nicakarta śirāṃsyugraiḥ śaraiḥ sannataparvabhiḥ

There the hero Satyaki, the great archer, mad for battle, cut off heads with fierce, smooth-jointed arrows.

Verse 7 (7.172.7)

हस्तिहस्तान्हयग्रीवान् बाहूनपि च सायुधान् । क्षुरप्रैः शातयामास तावकानां स माधवः ॥

hastihastānhayagrīvān bāhūnapi ca sāyudhān | kṣurapraiḥ śātayāmāsa tāvakānāṃ sa mādhavaḥ

With razor-headed arrows that Madhava lopped off the trunks of your elephants, the necks of your horses, and your warriors' arms with their weapons.

Note on the text: Corrected हयग्रीवा → हयग्रीवान् (misprint in Wikisource; dropped final न्; the object of शातयामास is accusative, CE hayagrīvān).

Verse 8 (7.172.8)

पतितैश्चामरैश्चैव श्वेतच्छत्रैश्च भारत । बभूव धरणी पूर्णा नक्षत्रैर्द्यौरिव प्रभो ॥

patitaiścāmaraiścaiva śvetacchatraiśca bhārata | babhūva dharaṇī pūrṇā nakṣatrairdyauriva prabho

With fallen chowries and white parasols, O Bharata, the earth became full, O lord, as the sky is full of stars.

Verse 9 (7.172.9)

एतेषां युयुधानेन युध्यतां युधि भारत । बभूव तुमुलः शब्दः प्रेतानां क्रन्दतामिव ॥

eteṣāṃ yuyudhānena yudhyatāṃ yudhi bhārata | babhūva tumulaḥ śabdaḥ pretānāṃ krandatāmiva

As those men fought Yuyudhana in the battle, O Bharata, a tumultuous din arose, like the wailing of the dead.

Verse 10 (7.172.10)

तेन शब्देन महता पूरिताऽभूद्वसुन्धरा । रात्रिः समभवच्चैव तीव्ररूपा भयावहा ॥

tena śabdena mahatā pūritā'bhūdvasundharā | rātriḥ samabhavaccaiva tīvrarūpā bhayāvahā

The earth was filled with that great noise, and the night grew fierce and terrifying.

Verse 11 (7.172.11)

दीर्यमाणं बलं दृष्ट्वा युयुधानशराहतम् । श्रुत्वा च विपुलं नादं निशीथे रोमहर्षणे ॥

dīryamāṇaṃ balaṃ dṛṣṭvā yuyudhānaśarāhatam | śrutvā ca vipulaṃ nādaṃ niśīthe romaharṣaṇe

Seeing his army torn apart, struck down by Yuyudhana's arrows, and hearing the vast noise in the midnight, that made the hair stand on end,

Verse 12 (7.172.12)

सुतस्तवाब्रवीद्राजन्सारथिं रथिनां वरः । यत्रैष शब्दस्तत्राश्वांश्चोदयेति पुनःपुनः ॥

sutastavābravīdrājansārathiṃ rathināṃ varaḥ | yatraiṣa śabdastatrāśvāṃścodayeti punaḥpunaḥ

your son, O king, best of chariot-fighters, said to his charioteer again and again, "Drive the horses to where that noise is."

Note on the text: Corrected सारथिंरथिनां → सारथिं रथिनां (misprint in Wikisource; two words run together; CE sārathiṃ rathināṃ).

Verse 13 (7.172.13)

तेन सञ्चोद्यमानस्तु ततस्तांस्तुरगोत्तमान् । सूतः सञ्चोदयामास युयुधानरथं प्रति ॥

tena sañcodyamānastu tatastāṃsturagottamān | sūtaḥ sañcodayāmāsa yuyudhānarathaṃ prati

Urged on in this way, the charioteer drove those excellent horses toward Yuyudhana's chariot.

Verse 14 (7.172.14)

ततो दुर्योधनः क्रुद्धो दृढधन्वा जितक्लमः । शीघ्रहस्तश्चित्रयोधी युयुधानमुपाद्रवत् ॥

tato duryodhanaḥ kruddho dṛḍhadhanvā jitaklamaḥ | śīghrahastaścitrayodhī yuyudhānamupādravat

Then Duryodhana, enraged, firm of bow, tireless, quick of hand, a wondrous fighter, ran at Yuyudhana.

Verse 15 (7.172.15)

ततः पूर्णायतोत्सृष्टैः शरैः शोणितभोजनैः । दुर्योधनं द्वादशभिर्माधवः प्रत्यविध्यत ॥

tataḥ pūrṇāyatotsṛṣṭaiḥ śaraiḥ śoṇitabhojanaiḥ | duryodhanaṃ dvādaśabhirmādhavaḥ pratyavidhyata

Then the Madhava struck Duryodhana with twelve blood-drinking arrows, loosed at full draw.

Verse 16 (7.172.16)

दुर्योधनस्तेन तथा पूर्वमेवार्दितः शरैः । शैनेयं दशभिर्बाणैः प्रत्यविध्यदमर्षितः ॥

duryodhanastena tathā pūrvamevārditaḥ śaraiḥ | śaineyaṃ daśabhirbāṇaiḥ pratyavidhyadamarṣitaḥ

Duryodhana, already hurt by those arrows, struck Shaineya back in anger with ten shafts.

Verse 17 (7.172.17)

ततः समभवद्युद्धं तुमुलं भरतर्षभ । पाञ्चालानां च सर्वेषां भरतानां च दारुणम् ॥

tataḥ samabhavadyuddhaṃ tumulaṃ bharatarṣabha | pāñcālānāṃ ca sarveṣāṃ bharatānāṃ ca dāruṇam

Then a tumultuous battle arose, O best of the Bharatas, dreadful, between all the Panchalas and the Bharatas.

Verse 18 (7.172.18)

शैनेयस्तु रणे क्रुद्धस्तव पुत्रं महारथम् । सायकानामशीत्या तु विव्याधोरसि भारत ॥

śaineyastu raṇe kruddhastava putraṃ mahāratham | sāyakānāmaśītyā tu vivyādhorasi bhārata

Enraged in the fight, Shaineya struck your son, the great chariot-warrior, in the chest with eighty arrows, O Bharata.

Verse 19 (7.172.19)

ततोऽस्य वाहान्समरे शरैर्निन्ये यमक्षयम् । सारथिं च रथात्तूर्णं पातयामास पत्रिणा ॥

tato'sya vāhānsamare śarairninye yamakṣayam | sārathiṃ ca rathāttūrṇaṃ pātayāmāsa patriṇā

Then with his arrows he sent Duryodhana's horses to the abode of Yama, and with one arrow he quickly threw his charioteer from the chariot.

Verse 20 (7.172.20)

हताश्वे तु रथेऽतिष्ठन्पुत्रस्तव विशाम्पते । मुमोच निशितान्बाणाञ्शैनेयस्य रथं प्रति ॥

hatāśve tu rathe'tiṣṭhanputrastava viśāmpate | mumoca niśitānbāṇāñśaineyasya rathaṃ prati

His horses slain, your son, O lord of the people, still stood on his chariot and loosed sharp arrows at Shaineya's chariot.

Verse 21 (7.172.21)

शरान्पञ्चशतांस्तस्मै शैनेयः कृतहस्तवत् । चिच्छेद समरे राजन्प्रेषितांस्तनयेन ते ॥

śarānpañcaśatāṃstasmai śaineyaḥ kṛtahastavat | ciccheda samare rājanpreṣitāṃstanayena te

Shaineya, quick of hand, cut down in the battle, O king, those five hundred arrows loosed at him by your son.

Note on the text: Corrected पञ्छसतांस्तस्मै → पञ्चशतांस्तस्मै (misprint in Wikisource; a garbled पञ्चशतान्; the CE has pañcāśataḥ ("fifty") here, but the page's evident word is पञ्चशत ("five hundred"), kept).

Verse 22 (7.172.22)

अथापरेण भल्लेन मुष्टिदेशे महद्धनुः । चिच्छेद तरसा युद्धे तव पुत्रस्य माधवः ॥

athāpareṇa bhallena muṣṭideśe mahaddhanuḥ | ciccheda tarasā yuddhe tava putrasya mādhavaḥ

Then the Madhava, with another broad-headed arrow, swiftly cut your son's great bow at the grip in the battle.

Note on the text: Corrected तव पुत्रस्य माधव ॥ → तव पुत्रस्य माधवः ॥ (misprint in Wikisource; visarga dropped; माधवः is the subject (Satyaki), as in verses 7 and 15; the CE has the vocative māriṣa).

Verse 23 (7.172.23)

विरथो विधनुष्कश्च सर्वलोकेश्वरः प्रभुः । आरुरोह रथं तूर्णं भास्वरं कृतवर्मणः ॥

viratho vidhanuṣkaśca sarvalokeśvaraḥ prabhuḥ | āruroha rathaṃ tūrṇaṃ bhāsvaraṃ kṛtavarmaṇaḥ

Chariotless and bowless, the mighty lord of the whole world swiftly climbed onto Kritavarman's gleaming chariot.

Verse 24 (7.172.24)

दुर्योधने परावृत्ते शैनेयस्तव वाहिनीम् । द्रावयामास विशिखैर्निशामध्ये विशाम्पते ॥

duryodhane parāvṛtte śaineyastava vāhinīm | drāvayāmāsa viśikhairniśāmadhye viśāmpate

When Duryodhana had turned away, Shaineya, in the middle of the night, O lord of the people, put your army to flight with his arrows.

Verse 25 (7.172.25)

शकुनिश्चार्जुनं राजन्परिवार्य समन्ततः । रथैरनेकसाहस्रैर्गजैश्चापि सहस्रशः । तथा हयसहस्रैश्च नानाशस्त्रैरवाकिरत् ॥

śakuniścārjunaṃ rājanparivārya samantataḥ | rathairanekasāhasrairgajaiścāpi sahasraśaḥ | tathā hayasahasraiśca nānāśastrairavākirat

O king, Shakuni surrounded Arjuna on every side with many thousands of chariots, with elephants by the thousand, and with thousands of horses, and showered him with weapons of many kinds.

Note on the text: Lines = CE 7.146.25a, 25c, 25e (line 3 differs: page "तथा हयसहस्रैश्च नानाशस्त्रैरवाकिरत्", CE "tathā hayasahasraiś ca tumulaṃ sarvato 'karot").

Verse 26 (7.172.26)

ते महास्त्राणि सर्वाणि विकिरन्तोऽर्जुनं प्रति । अर्जुनं योधयन्ति स्म क्षत्रियाः कालचोदिताः ॥

te mahāstrāṇi sarvāṇi vikiranto'rjunaṃ prati | arjunaṃ yodhayanti sma kṣatriyāḥ kālacoditāḥ

Showering all their great weapons upon Arjuna, those kshatriyas, driven by Time, fought him.

Verse 27 (7.172.27)

तान्यर्जुनः सहस्राणि रथवारणवाजिनाम् । प्रत्यवारयदायस्तः प्रकुर्वन्विपुलं क्षयम् ॥

tānyarjunaḥ sahasrāṇi rathavāraṇavājinām | pratyavārayadāyastaḥ prakurvanvipulaṃ kṣayam

Arjuna, tireless, held back those thousands of chariots, elephants and horses, working vast destruction.

Verse 28 (7.172.28)

ततस्तु समरे शूरः शकुनिः सौबलस्तदा । विव्याध निशितैर्बाणैरर्जुनं प्रहसन्निव ॥

tatastu samare śūraḥ śakuniḥ saubalastadā | vivyādha niśitairbāṇairarjunaṃ prahasanniva

Then in the battle the hero Shakuni, son of Subala, struck Arjuna with sharp arrows, as if smiling.

Verse 29 (7.172.29)

पुनश्चैव शतेनास्य संरुरोध महारथम् ॥

punaścaiva śatenāsya saṃrurodha mahāratham

And again he checked the great chariot-warrior with a hundred more.

Note on the text: A one-line verse on the page (5-172-29a) = CE 7.146.29a.

Verse 30 (7.172.30)

तमर्जुनस्तु विंशत्या विव्याध युधि भारत । अथेतरान्महेष्वासांस्त्रिभिस्त्रिभिरविध्यत ॥

tamarjunastu viṃśatyā vivyādha yudhi bhārata | athetarānmaheṣvāsāṃstribhistribhiravidhyata

Arjuna struck him with twenty in the fight, O Bharata, and the other great archers with three each.

Note on the text: Lines = CE 7.146.29c, 30a.

Verse 31 (7.172.31)

निवार्य तान्बाणगणैर्युधि राजन्धनञ्जयः । जघान तावकान्योधान्वज्रपाणिरिवासुरान् ॥

nivārya tānbāṇagaṇairyudhi rājandhanañjayaḥ | jaghāna tāvakānyodhānvajrapāṇirivāsurān

Holding them back with showers of arrows in the battle, O king, Dhananjaya slew your warriors as the wielder of the thunderbolt slew the asuras.

Note on the text: Lines = CE 7.146.30c, 30e.

Verse 32 (7.172.32)

भुजैश्छिन्नैर्महीपाल हस्तिहस्तोपमैर्मृधे । समाकीर्णा मही भाति पञ्चास्यैरिव पन्नगैः ॥

bhujaiśchinnairmahīpāla hastihastopamairmṛdhe | samākīrṇā mahī bhāti pañcāsyairiva pannagaiḥ

With severed arms like elephants' trunks, O lord of the earth, the earth was strewn and shone as if covered with five-headed serpents.

Note on the text: Lines are variants of CE 7.146.31a and 31c (the CE reads "bhujaiś chinnair mahārāja śarīraiś ca sahasraśaḥ / samāstīrṇā dharā tatra babhau puṣpair ivācitā"), kept.

Verse 33 (7.172.33)

शिरोभिः सकिरीटैश्च सुनसैश्चारुकुण्डलैः । सन्दष्टौष्ठपुटैः क्रुद्धैस्तथैवोद्वृत्तलोचनैः ॥

śirobhiḥ sakirīṭaiśca sunasaiścārukuṇḍalaiḥ | sandaṣṭauṣṭhapuṭaiḥ kruddhaistathaivodvṛttalocanaiḥ

Strewn with heads — crowned, fair-nosed, with lovely earrings, lips clenched between the teeth in rage, eyes rolled upward —

Note on the text: Not in the critical edition's main text: the two lines are the CE star passage 7.146.31d*1194_01–02 (the page reads "क्रुद्धैः" and "उद्वृत्त-" where the CE has krodhāt and uddhṛta-), kept.

Verse 34 (7.172.34)

निष्कचूडामणिधरैः क्षत्रियाणां प्रियंवदैः । पङ्कजैरिव विन्यस्तैः पर्वतैर्विबभौ मही ॥

niṣkacūḍāmaṇidharaiḥ kṣatriyāṇāṃ priyaṃvadaiḥ | paṅkajairiva vinyastaiḥ parvatairvibabhau mahī

heads of kshatriyas, sweet of speech, wearing golden necklaces and crest-jewels and laid down like lotuses, the earth shone as if with hills set with lotuses.

Note on the text: Corrected पियंवदैः → प्रियंवदैः (misprint in Wikisource; a dropped र; the word is प्रियंवद, CE priyaṃvadaiḥ). Not in the critical edition's main text: the two lines are the CE star passage 7.146.31d*1194_03–04 (the page reads "पर्वतैर्विबभौ" where the CE has patitair vibabhau), kept.

Verse 35 (7.172.35)

कृत्वा तत्कर्म बीभत्सुरुग्रमुग्रपराक्रमः । विव्याध शकुनिं भूयः पञ्चभिर्नतपर्वभिः ॥

kṛtvā tatkarma bībhatsurugramugraparākramaḥ | vivyādha śakuniṃ bhūyaḥ pañcabhirnataparvabhiḥ

Having done that terrible deed, Bibhatsu, of terrible prowess, struck Shakuni again with five smooth-jointed arrows.

Note on the text: Line 1 is the CE star line 7.146.31d*1194_05; line 2 = CE 7.146.32a.

Verse 36 (7.172.36)

अताडयदुलूकं च त्रिभिरेव तथा शरैः । उलूकं पुनराजघ्ने त्रिभिरेव महायशाः ॥

atāḍayadulūkaṃ ca tribhireva tathā śaraiḥ | ulūkaṃ punarājaghne tribhireva mahāyaśāḥ

He struck Uluka also with three arrows, and the glorious one struck Uluka again with three more.

Note on the text: Line 1 is not in the CE's main text; line 2 is a variant of CE 7.146.32c (page "उलूकं पुनराजघ्ने त्रिभिरेव महायशाः", CE "ulūkaṃ tribhir ājaghne tribhir eva mahāyasaiḥ"), kept.

Verse 37 (7.172.37)

स तु तेन समाविद्धः क्रोधाद्द्विगुणविक्रमः । शरैरनेकसाहस्रैः सोऽर्जुनं प्रत्यविध्यत ॥

sa tu tena samāviddhaḥ krodhāddviguṇavikramaḥ | śarairanekasāhasraiḥ so'rjunaṃ pratyavidhyata

Thus struck by him, he, his prowess doubled by anger, pierced Arjuna in return with many thousands of arrows.

Note on the text: Corrected समाविद्ध क्रोधाद् → समाविद्धः क्रोधाद् (misprint in Wikisource; visarga dropped, CE samāviddhaḥ). Not in the critical edition's main text: the two lines are the CE star passage 7.146.32d*1195_01–02.

Verse 38 (7.172.38)

तमुलूकस्तथा विद्ध्वा वासुदेवमताडयत् । ननाद च महानादं पूरयन्निव मेदिनीम् ॥

tamulūkastathā viddhvā vāsudevamatāḍayat | nanāda ca mahānādaṃ pūrayanniva medinīm

Having struck Arjuna so, Uluka struck Vasudeva also, and raised a mighty shout that seemed to fill the earth.

Note on the text: Corrected विद्धा वासुदेव → विद्ध्वा वासुदेव (misprint in Wikisource; the absolutive is विद्ध्वा, CE viddhvā).

Verse 39 (7.172.39)

अर्जुनः शकुनेश्चापं सायकैरच्छिनद्रणे । निन्ये च चतुरो वाहान्यमस्य सदनं प्रति ॥

arjunaḥ śakuneścāpaṃ sāyakairacchinadraṇe | ninye ca caturo vāhānyamasya sadanaṃ prati

In the battle Arjuna cut Shakuni's bow with his arrows and sent his four horses to the abode of Yama.

Note on the text: Line 1 is a variant of CE 7.146.34a (page "अर्जुनः शकुनेश्चापं सायकैरच्छिनद्रणे", CE "arjunas tu drutaṃ gatvā śakuner dhanur ācchinat"); line 2 = CE 7.146.34c.

Verse 40 (7.172.40)

ततो रथादवप्लुत्य सौबलो भरतर्षभ । उलूकस्य रथं तूर्णमारुरोह विशाम्पते ॥

tato rathādavaplutya saubalo bharatarṣabha | ulūkasya rathaṃ tūrṇamāruroha viśāmpate

Then Saubala leapt down from his chariot, O best of the Bharatas, and quickly climbed onto Uluka's chariot, O lord of the people.

Verse 41 (7.172.41)

तावेकरथमारूढौ पितापुत्रौ महारथौ । पार्थं सिषिचतुर्बाणैर्गिरिं मेघाविवाम्बुभिः ॥

tāvekarathamārūḍhau pitāputrau mahārathau | pārthaṃ siṣicaturbāṇairgiriṃ meghāvivāmbubhiḥ

Father and son, two great chariot-warriors standing on a single chariot, drenched Partha with arrows, as two clouds drench a mountain with rain.

Verse 42 (7.172.42)

तौ तु विद्ध्वा महाराज पाण्डवो निशितैः शरैः । विद्रावयंस्तव चमूं शतशो व्यधमच्छरैः ॥

tau tu viddhvā mahārāja pāṇḍavo niśitaiḥ śaraiḥ | vidrāvayaṃstava camūṃ śataśo vyadhamaccharaiḥ

Having struck those two with sharp arrows, O great king, the Pandava routed your army and cut down hundreds with his shafts.

Note on the text: Corrected तौ तु विद्धा → तौ तु विद्ध्वा (misprint in Wikisource; the absolutive is विद्ध्वा, CE viddhvā).

Verse 43 (7.172.43)

अनिलेन यथाऽभ्राणि विच्छिन्नानि समन्ततः । विच्छिन्नानि तथा राजन्बलान्यासन्विशाम्पते ॥

anilena yathā'bhrāṇi vicchinnāni samantataḥ | vicchinnāni tathā rājanbalānyāsanviśāmpate

As clouds are scattered on every side by the wind, so were your forces torn apart, O king, O lord of the people.

Verse 44 (7.172.44)

तद्बलं भरतश्रेष्ठ वध्यमानं तदा निशि । प्रदुद्राव दिशः सर्वा वीक्षमाणं भयार्दितम् ॥

tadbalaṃ bharataśreṣṭha vadhyamānaṃ tadā niśi | pradudrāva diśaḥ sarvā vīkṣamāṇaṃ bhayārditam

That army, O best of the Bharatas, being cut down in the night, fled in all directions, looking about in terror.

Note on the text: Corrected भरतश्चेष्ठ → भरतश्रेष्ठ (misprint in Wikisource; च for श्र; the word is भरतश्रेष्ठ, CE bharataśreṣṭha).

Verse 45 (7.172.45)

उत्सृज्य वाहान्समरे चोदयन्तस्तथाऽपरे । सम्भ्रान्ताः पर्यधावन्त तस्मिंस्तमसि दारुणे ॥

utsṛjya vāhānsamare codayantastathā'pare | sambhrāntāḥ paryadhāvanta tasmiṃstamasi dāruṇe

Some abandoned their mounts in the battle, while others goaded them on; bewildered, they ran about in that dreadful darkness.

Verse 46 (7.172.46)

विजित्य समरे योधांस्तावकान्भरतर्षभ । दध्मतुर्मुदितौ शङ्खौ वासुदेवधनञ्जयौ ॥

vijitya samare yodhāṃstāvakānbharatarṣabha | dadhmaturmuditau śaṅkhau vāsudevadhanañjayau

Having defeated your warriors in battle, O best of the Bharatas, Vasudeva and Dhananjaya blew their conches in joy.

Verse 47 (7.172.47)

धृष्टद्युम्नो महाराज द्रोणं विद्ध्वा त्रिभिः शरैः । चिच्छेद धनुषस्तूर्णं ज्यां शरेण शितेन ह ॥

dhṛṣṭadyumno mahārāja droṇaṃ viddhvā tribhiḥ śaraiḥ | ciccheda dhanuṣastūrṇaṃ jyāṃ śareṇa śitena ha

O great king, Dhrishtadyumna, having struck Drona with three arrows, quickly cut the string of his bow with a sharp arrow.

Note on the text: Corrected द्रोणं विद्धा → द्रोणं विद्ध्वा (misprint in Wikisource; the absolutive is विद्ध्वा, CE viddhvā).

Verse 48 (7.172.48)

तन्निधाय धनुर्भूमौ द्रोणः क्षत्रियमर्दनः । आददेऽन्यद्धनुः शूरो वेगवत्सारवत्तरम् ॥

tannidhāya dhanurbhūmau droṇaḥ kṣatriyamardanaḥ | ādade'nyaddhanuḥ śūro vegavatsāravattaram

Setting that bow down on the ground, Drona, crusher of kshatriyas, the hero, took up another bow, swifter and stronger.

Verse 49 (7.172.49)

धृष्टद्युम्नं ततो द्रोणो विद्ध्वा सप्तभिराशुगैः । सारथिं पञ्चभिर्बाणै राजन्विव्याध संयुगे ॥

dhṛṣṭadyumnaṃ tato droṇo viddhvā saptabhirāśugaiḥ | sārathiṃ pañcabhirbāṇai rājanvivyādha saṃyuge

Then Drona, having struck Dhrishtadyumna with seven swift arrows, struck his charioteer with five in the fight, O king.

Note on the text: Corrected द्रोणो विद्धा → द्रोणो विद्ध्वा (misprint in Wikisource; the absolutive is विद्ध्वा, CE viddhvā).

Verse 50 (7.172.50)

तं निवार्य शरैस्तूर्णं धृष्टद्युम्नो महारथः । व्यधमत्कौरवीं सेनामासुरीं मघवानिव ॥

taṃ nivārya śaraistūrṇaṃ dhṛṣṭadyumno mahārathaḥ | vyadhamatkauravīṃ senāmāsurīṃ maghavāniva

Holding him off with arrows, the great chariot-warrior Dhrishtadyumna swiftly shattered the Kaurava army, as Maghavan shatters the host of the asuras.

Note on the text: Line 1 = CE 7.146.45a; line 2 is a variant of 45c (page "व्यधमत्कौरवीं सेनामासुरीं मघवानिव", CE "vyadhamat kauravīṃ senāṃ śataśo 'tha sahasraśaḥ"), kept.

Verse 51 (7.172.51)

वध्यमाने बले तस्मिंस्तव पुत्रस्य मारिष । प्रावर्तत नदी घोरा शोणितौघतरङ्गिणी ॥

vadhyamāne bale tasmiṃstava putrasya māriṣa | prāvartata nadī ghorā śoṇitaughataraṅgiṇī

As your son's army was being cut down, O Marisha, a dreadful river arose, a river of blood with waves of gushing blood.

Note on the text: Corrected नदी घोरां → नदी घोरा (misprint in Wikisource; anusvara for a long ā; घोरा agrees with नदी, CE nadī ghorā).

Verse 52 (7.172.52)

उभयोः सेनयोर्मध्ये नराश्वद्विपवाहिनी । तथा वैतरणी राजन्यमराजपुरं प्रति ॥

ubhayoḥ senayormadhye narāśvadvipavāhinī | tathā vaitaraṇī rājanyamarājapuraṃ prati

Between the two armies flowed a river that carried men, horses and elephants, like the Vaitarani flowing toward the city of King Yama, O king.

Note on the text: Corrected नराधद्विपवाहिनी → नराश्वद्विपवाहिनी (misprint in Wikisource; ध for श्व; the river carries "men, horses and elephants", CE narāśvadvipavāhinī). Corrected राजन्यतराजुपुरं → राजन्यमराजपुरं (misprint in Wikisource; garbled letters; the city of King Yama, compare CE yamarāṣṭrapuram).

Verse 53 (7.172.53)

द्रावयित्वा तु तत्सैन्यं धृष्टद्युम्नः प्रतापवान् । अभ्यराजत तेजस्वी शक्रो देवगणेष्विव ॥

drāvayitvā tu tatsainyaṃ dhṛṣṭadyumnaḥ pratāpavān | abhyarājata tejasvī śakro devagaṇeṣviva

Having routed that army, the glorious and splendid Dhrishtadyumna shone like Shakra among the hosts of the gods.

Verse 54 (7.172.54)

अथ दध्मुर्महाशङ्खान्धृष्टद्युम्नशिखण्डिनौ । यमौ च युयुधानश्च पाण्डवश्च वृकोदरः ॥

atha dadhmurmahāśaṅkhāndhṛṣṭadyumnaśikhaṇḍinau | yamau ca yuyudhānaśca pāṇḍavaśca vṛkodaraḥ

Then Dhrishtadyumna and Shikhandin blew their great conches, and so did the twins, Yuyudhana, and the Pandava Vrikodara.

Note on the text: Corrected पाण्डक्य → पाण्डवश्च (misprint in Wikisource; a garbled word; the sense and metre require पाण्डवश्च, CE pāṇḍavaś ca).

Verse 55 (7.172.55)

जित्वा रथसहस्राणि तावकानां महारथाः । सिंहनादरवांश्चक्रुः पाण्डवा जितकाशिनः ॥

jitvā rathasahasrāṇi tāvakānāṃ mahārathāḥ | siṃhanādaravāṃścakruḥ pāṇḍavā jitakāśinaḥ

Having conquered thousands of your chariots, the great chariot-warriors, the Pandavas, radiant with victory, sent up lion-roars,

Note on the text: Removed a stray zero-width joiner inside पाण्डवा.

Verse 56 (7.172.56)

पश्यतस्तव पुत्रस्य कर्णस्य च रणोत्कटाः । तथा द्रोणस्य शूरस्य द्रौणेश्चैव विशाम्पते ॥

paśyatastava putrasya karṇasya ca raṇotkaṭāḥ | tathā droṇasya śūrasya drauṇeścaiva viśāmpate

fierce in battle, while your son, Karna, the heroic Drona and Drona's son looked on, O lord of the people.