Bhima and Alayudha Fight

Verse 1 (7.178.1)

तमागतमभिप्रेक्ष्य भीमकर्माणमाहवे । हर्षमाहारयाञ्चक्रुः कुरवः सर्व एव ते ॥

tamāgatamabhiprekṣya bhīmakarmāṇamāhave | harṣamāhārayāñcakruḥ kuravaḥ sarva eva te

When they saw him arrive, the doer of dreadful deeds in battle, all those Kurus were filled with joy.

Verse 2 (7.178.2)

तथैव तव पुत्रास्ते दुर्योधनपुरोगमाः । अप्लुवाः प्लवमासाद्य तर्तुकामा इवार्णवम् ॥

tathaiva tava putrāste duryodhanapurogamāḥ | apluvāḥ plavamāsādya tartukāmā ivārṇavam

So too were your sons, with Duryodhana at their head, like men without a boat who have found one when they long to cross the ocean.

Verse 3 (7.178.3)

पुनर्जातमिवात्मानं मन्वानाः पुरुषर्षभाः । अलायुधं राक्षसेन्द्रं स्वागतेनाभ्यपूजयन् ॥

punarjātamivātmānaṃ manvānāḥ puruṣarṣabhāḥ | alāyudhaṃ rākṣasendraṃ svāgatenābhyapūjayan

Thinking themselves born again, those best of men welcomed Alayudha, the lord of the rakshasas, with words of greeting.

Note on the text: Recension variant पुरुषर्षभाः (CE: पार्थिवास्तदा).

Verse 4 (7.178.4)

तस्मिंस्त्वमानुषे युद्धे वर्तमाने महाभये । कर्णराक्षसयोर्नक्तं दारुणप्रतिदर्शने ॥

tasmiṃstvamānuṣe yuddhe vartamāne mahābhaye | karṇarākṣasayornaktaṃ dāruṇapratidarśane

While that superhuman and most fearful battle between Karna and the rakshasa was going on in the night, terrible to behold,

Note on the text: Recension variant महाभये (CE: भयावहे). The sentence runs on through verse 6.

Verse 5 (7.178.5)

न द्रौणिर्न कृपद्रोणौ न शल्यो न च माधवः । एक एव तु तेनासीद्योद्धा कर्णो रणे वृषा ॥

na drauṇirna kṛpadroṇau na śalyo na ca mādhavaḥ | eka eva tu tenāsīdyoddhā karṇo raṇe vṛṣā

Neither Drona's son, nor Kripa and Drona, nor Shalya, nor the Madhava Kritavarman: only Karna, the Vrisha, was there in the battle as a fighter to face him.

Note on the text: Not in the main text of the critical edition: these two lines are star passage *1236 (7.152.4d*1236_01–02), inserted after 7.152.4. Stripped the stray backtick and quote mark that Wikisource prints around the lines. Wikisource's gloss reads माधवः as कृतवर्मा.

Verse 6 (7.178.6)

उपप्रैक्षन्त पाञ्चालाः स्मयमानाः सराजकाः । व्यभ्रमंस्तावकाश्चापि घूर्णमानास्ततस्ततः ॥

upapraikṣanta pāñcālāḥ smayamānāḥ sarājakāḥ | vyabhramaṃstāvakāścāpi ghūrṇamānāstatastataḥ

The Panchalas and their kings looked on, smiling, while your own men wandered about in confusion, reeling this way and that.

Note on the text: Recension variant व्यभ्रमंस्तावकाश्चापि (CE: तथैव तावका राजन्).

Verse 7 (7.178.7)

चुक्रुशुर्नेदमस्तीति द्रोणद्रौणिकृपादयः । तत्कर्म दृष्ट्वा सम्भ्रान्ता हैडिम्बस्य रणाजिरे ॥

cukruśurnedamastīti droṇadrauṇikṛpādayaḥ | tatkarma dṛṣṭvā sambhrāntā haiḍimbasya raṇājire

Drona, Drona's son, Kripa and the rest cried out, "This cannot be!", bewildered at seeing that deed of Hidimba's son on the battlefield.

Verse 8 (7.178.8)

सर्वमाविग्नमभवद्धाहाभूतमचेतनम् । तव सैन्यं महाराज निराशं कर्णजीविते ॥

sarvamāvignamabhavaddhāhābhūtamacetanam | tava sainyaṃ mahārāja nirāśaṃ karṇajīvite

Everything was thrown into turmoil, filled with cries of alas and stupefaction. Your army, O great king, lost hope for Karna's life.

Verse 9 (7.178.9)

दुर्योधनस्तु सम्प्रेक्ष्य कर्णमार्तिं परां गतम् । अलायुधं राक्षसेन्द्रं समाहूयेदमब्रवीत् ॥

duryodhanastu samprekṣya karṇamārtiṃ parāṃ gatam | alāyudhaṃ rākṣasendraṃ samāhūyedamabravīt

Seeing Karna fallen into the deepest distress, Duryodhana called Alayudha, the lord of the rakshasas, and said this to him:

Verse 10 (7.178.10)

एष वैकर्तनः कर्णो हैडिम्बेन समागतः । कुरुते कर्म सुमहद्यदस्यौपयिकं मृधे ॥

eṣa vaikartanaḥ karṇo haiḍimbena samāgataḥ | kurute karma sumahadyadasyaupayikaṃ mṛdhe

Here is Karna, son of Vikartana, locked in combat with Hidimba's son, doing a mighty deed such as befits him in battle.

Note on the text: Corrected यदस्योपयिकं → यदस्यौपयिकं (misprint in Wikisource; औपयिक with the lost vowel sign, as in CE 7.152.9c). Unheaded speech of Duryodhana to Alayudha; the page prints only the opening सञ्जय उवाच.

Verse 11 (7.178.11)

पश्यैतान्पार्थिवाञ्शूरान्निहतान्भैमसेनिना । नानाशस्त्रैरभिहतान्पादपानिव दन्तिना ॥

paśyaitānpārthivāñśūrānnihatānbhaimaseninā | nānāśastrairabhihatānpādapāniva dantinā

Look at these brave kings, slain by Bhima's son, cut down by weapons of every kind, lying like trees felled by an elephant.

Note on the text: Unheaded speech of Duryodhana.

Verse 12 (7.178.12)

तवैष भारः समरे ज्ञातिमध्ये मया कृतः । तवैवानुमते वीर तं विक्रम्य निबर्हय ॥

tavaiṣa bhāraḥ samare jñātimadhye mayā kṛtaḥ | tavaivānumate vīra taṃ vikramya nibarhaya

This burden I have laid upon you in the battle, in the midst of your kinsmen, and with your own consent, O hero. Put forth your valour and destroy him.

Note on the text: Unheaded speech of Duryodhana. Recension variants भारः / ज्ञातिमध्ये (CE: भागः / राजमध्ये).

Verse 13 (7.178.13)

पुरा वैकर्तनं कर्णमेष पापो घटोत्कचः । मायाबलं समाश्रित्य कर्षयत्यरिकर्शन ॥

purā vaikartanaṃ karṇameṣa pāpo ghaṭotkacaḥ | māyābalaṃ samāśritya karṣayatyarikarśana

O tormentor of foes, this wicked Ghatotkacha, relying on the power of illusion, has for some time now been harassing Karna, son of Vikartana.

Note on the text: Unheaded speech of Duryodhana.

Verse 14 (7.178.14)

एवमुक्तः स राज्ञा तु राक्षसो भीमविक्रमः । तथेत्युक्त्वा महाबाहुर्घटोत्कचमुपाद्रवत् ॥

evamuktaḥ sa rājñā tu rākṣaso bhīmavikramaḥ | tathetyuktvā mahābāhurghaṭotkacamupādravat

Spoken to thus by the king, the mighty-armed rakshasa of fearful prowess said, "So be it," and rushed at Ghatotkacha.

Verse 15 (7.178.15)

ततः कर्णं समुत्सृज्य भैमसेनिरपि प्रभो । प्रत्यमित्रमुपायान्तमर्दयामास मार्गणैः ॥

tataḥ karṇaṃ samutsṛjya bhaimasenirapi prabho | pratyamitramupāyāntamardayāmāsa mārgaṇaiḥ

Then, O lord, Bhima's son too left Karna and met his oncoming enemy with a storm of arrows, tormenting him.

Verse 16 (7.178.16)

तयोः समभवद्युद्धं क्रुद्धयो राक्षसेन्द्रयोः । मत्तयोर्वासिताहेतोर्द्विपयोरिव कानने ॥

tayoḥ samabhavadyuddhaṃ kruddhayo rākṣasendrayoḥ | mattayorvāsitāhetordvipayoriva kānane

A battle arose between those two enraged lords of the rakshasas, like the fight in a forest between two rutting elephants over a female elephant.

Note on the text: Corrected दीपयोरिव → द्विपयोरिव (misprint in Wikisource; 'two lamps' makes no sense with मत्तयोः, and CE 7.152.15c reads द्विपयोः).

Verse 17 (7.178.17)

रक्षसा विप्रमुक्तस्तु कर्णोऽपि रथिनां वरः । अभ्यद्रवद्भीमसेनं रथेनादित्यवर्चसा ॥

rakṣasā vipramuktastu karṇo'pi rathināṃ varaḥ | abhyadravadbhīmasenaṃ rathenādityavarcasā

Freed from the rakshasa, Karna too, the best of charioteers, rushed at Bhimasena in his chariot, bright as the sun.

Verse 18 (7.178.18)

तमायान्तमनादृत्य दृष्ट्वा ग्रस्तं घटोत्कचम् । अलायुधेन समरे सिंहेनेव गवां पतिम् ॥

tamāyāntamanādṛtya dṛṣṭvā grastaṃ ghaṭotkacam | alāyudhena samare siṃheneva gavāṃ patim

Paying no heed to Karna as he came on, and seeing Ghatotkacha caught by Alayudha in the battle like a bull by a lion,

Note on the text: The sentence runs on into verse 19.

Verse 19 (7.178.19)

रथेनादित्यवपुषा भीमः प्रहरतां वरः । किरञ्छरौघान्प्रययावलायुधरथं प्रति ॥

rathenādityavapuṣā bhīmaḥ praharatāṃ varaḥ | kirañcharaughānprayayāvalāyudharathaṃ prati

Bhima, the best of those who strike, in his chariot bright as the sun, drove toward Alayudha's chariot, pouring out floods of arrows.

Verse 20 (7.178.20)

तमायान्तमभिप्रेक्ष्य स तदाऽलायुधः प्रभो । घटोत्कचं समुत्सृज्य भीमसेनं समाह्वयत् ॥

tamāyāntamabhiprekṣya sa tadā'lāyudhaḥ prabho | ghaṭotkacaṃ samutsṛjya bhīmasenaṃ samāhvayat

Seeing him approach, Alayudha then left Ghatotkacha, O lord, and challenged Bhimasena.

Verse 21 (7.178.21)

तं भीमः सहसाऽभ्येत्य राक्षसान्तकरः प्रभो । सगणं राक्षसेन्द्रं तं शरवर्षैरवाकिरत् ॥

taṃ bhīmaḥ sahasā'bhyetya rākṣasāntakaraḥ prabho | sagaṇaṃ rākṣasendraṃ taṃ śaravarṣairavākirat

Bhima, the slayer of rakshasas, swiftly came up to him, O lord, and covered that lord of the rakshasas and his band with showers of arrows.

Verse 22 (7.178.22)

तथैवालायुधो राजञ्शिलाधौतैरजिह्मगैः । अभ्यवर्षत कौन्तेयं पुनःपुनररिन्दम ॥

tathaivālāyudho rājañśilādhautairajihmagaiḥ | abhyavarṣata kaunteyaṃ punaḥpunararindama

In the same way Alayudha, O king, O tamer of foes, rained straight-flying arrows whetted on stone upon Kunti's son, again and again.

Verse 23 (7.178.23)

तथा ते राक्षसाः सर्वे भीमसेनमुपाद्रवन् । नानाप्रहरणा भीमास्त्वत्सुतानां जयैषिणः ॥

tathā te rākṣasāḥ sarve bhīmasenamupādravan | nānāpraharaṇā bhīmāstvatsutānāṃ jayaiṣiṇaḥ

And all those rakshasas of fearful shapes, with weapons of many kinds, eager for your sons' victory, rushed at Bhimasena.

Verse 24 (7.178.24)

स ताड्यमानो बहुभिर्भीमसेनो महाबलः । पञ्चभिः पञ्चभिः सर्वांस्तानविध्यच्छितैः शरैः ॥

sa tāḍyamāno bahubhirbhīmaseno mahābalaḥ | pañcabhiḥ pañcabhiḥ sarvāṃstānavidhyacchitaiḥ śaraiḥ

Struck by so many, mighty Bhimasena pierced every one of them with five sharp arrows each.

Note on the text: Recension variant ताड्यमानो बहुभिः (CE: बलिभिः).

Verse 25 (7.178.25)

ते वध्यमाना भीमेन राक्षसाः क्रूरबुद्धयः । विनेदुस्तुमुलान्नादान्दुद्रुवुस्ते दिशो दश ॥

te vadhyamānā bhīmena rākṣasāḥ krūrabuddhayaḥ | vinedustumulānnādāndudruvuste diśo daśa

Struck down by Bhima, those cruel-minded rakshasas let out tumultuous cries and fled in all ten directions.

Note on the text: Recension variant क्रूरबुद्धयः (CE: खरयोनयः).

Verse 26 (7.178.26)

तांस्त्रास्यमानान्भीमेन दृष्ट्वा रक्षो महाबलम् । अभिदुद्राव वेगेन शरैश्चैनमवाकिरत् ॥

tāṃstrāsyamānānbhīmena dṛṣṭvā rakṣo mahābalam | abhidudrāva vegena śaraiścainamavākirat

Seeing them terrified by Bhima, the mighty rakshasa rushed at him with speed and covered him with arrows.

Note on the text: Corrected मबहालम् → महाबलम् (misprint in Wikisource: scrambled aksharas; CE 7.152.25a reads रक्षो महाबलम्).

Verse 27 (7.178.27)

तं भीमसेनः समरे तीक्ष्णाग्रैरक्षिणोच्छरैः ॥

taṃ bhīmasenaḥ samare tīkṣṇāgrairakṣiṇoccharaiḥ

Bhimasena, in the battle, wounded him with sharp-pointed arrows.

Note on the text: Wikisource divides the CE's three-line verse 7.152.26 (a, c, e) into a one-line verse (this, = 26a) and a couplet (the next, = 26c, 26e). The one line is complete in sense and kept as printed.

Verse 28 (7.178.28)

अलायुधस्तु तानस्तान्भीमेन विशिखान्रणे । चिच्छेद कांश्चित्समरे त्वरया कांश्चिदग्रहीत् ॥

alāyudhastu tānastānbhīmena viśikhānraṇe | ciccheda kāṃścitsamare tvarayā kāṃścidagrahīt

But Alayudha, in the battle, cut some of those arrows of Bhima's, and some he caught in his hand with speed.

Note on the text: Lines 1–2 = CE 7.152.26c, 26e (see the previous verse).

Verse 29 (7.178.29)

स तं दृष्ट्वा राक्षसेन्द्रं भीमो भीमपराक्रमः । गदां चिक्षेप वेगेन वज्रपातोपमां तदा ॥

sa taṃ dṛṣṭvā rākṣasendraṃ bhīmo bhīmaparākramaḥ | gadāṃ cikṣepa vegena vajrapātopamāṃ tadā

Seeing the lord of the rakshasas, Bhima of terrible prowess hurled his mace at him with force, like a falling thunderbolt.

Verse 30 (7.178.30)

तामापतन्तीं वेगेन गदां ज्वालाकुलां ततः । गदया ताडयामास सा गदा भीममाव्रजत् ॥

tāmāpatantīṃ vegena gadāṃ jvālākulāṃ tataḥ | gadayā tāḍayāmāsa sā gadā bhīmamāvrajat

As that mace came flaming at him with great force, he struck it with his own mace, and that mace came back toward Bhima.

Verse 31 (7.178.31)

स राक्षसेन्द्रं कौन्तेयः शरवर्षैरवाकिरत् । तानप्यस्याकरोन्मोघान्राक्षसो निशितैः शरैः ॥

sa rākṣasendraṃ kaunteyaḥ śaravarṣairavākirat | tānapyasyākaronmoghānrākṣaso niśitaiḥ śaraiḥ

Kunti's son covered the lord of the rakshasas with showers of arrows, but the rakshasa made even those useless with his sharp arrows.

Verse 32 (7.178.32)

ते चापि राक्षसाः सर्वे रजन्यां भीमरूपिणः । शासनाद्राक्षसेन्द्रस्य निजघ्नू रथकुञ्जरान् ॥

te cāpi rākṣasāḥ sarve rajanyāṃ bhīmarūpiṇaḥ | śāsanādrākṣasendrasya nijaghnū rathakuñjarān

And all those rakshasas, dreadful in form in the night, at the command of the lord of the rakshasas struck down chariots and elephants.

Note on the text: Recension variant रजन्यां (CE: सैनिकाः).

Verse 33 (7.178.33)

पाञ्चालाः सृञ्जयाश्चैव वाजिनः परमद्विपाः । न शान्तिं लेभिरे तत्र राक्षसैर्भृशपीडिताः ॥

pāñcālāḥ sṛñjayāścaiva vājinaḥ paramadvipāḥ | na śāntiṃ lebhire tatra rākṣasairbhṛśapīḍitāḥ

The Panchalas and the Srinjayas, the horses and the great elephants, found no peace there, sorely harassed by the rakshasas.

Verse 34 (7.178.34)

तं तु दृष्ट्वा महाघोरं वर्तमानं महाहवम् । अब्रवीत्पुण्डरीकाक्षो धनञ्जयमिदं वचः ॥

taṃ tu dṛṣṭvā mahāghoraṃ vartamānaṃ mahāhavam | abravītpuṇḍarīkākṣo dhanañjayamidaṃ vacaḥ

Seeing that fearful, mighty battle in progress, the lotus-eyed Krishna spoke these words to Dhananjaya:

Note on the text: Recension variant पुण्डरीकाक्षो (CE: पुरुषश्रेष्ठो).

Verse 35 (7.178.35)

पश्य भीमं महाबाहुं राक्षसेन्द्रवशं गतम् । पदमस्यानुगच्छ त्वं मा विचारय पाण्डव ॥

paśya bhīmaṃ mahābāhuṃ rākṣasendravaśaṃ gatam | padamasyānugaccha tvaṃ mā vicāraya pāṇḍava

Look at mighty-armed Bhima, who has fallen under the power of the lord of the rakshasas. Follow in his footsteps, son of Pandu, and do not hesitate.

Note on the text: Unheaded speech of Krishna (Vasudeva) to Arjuna; the page prints only the opening सञ्जय उवाच. Recension variant पदमस्यानुगच्छ (CE: पदवीमस्य गच्छ).

Verse 36 (7.178.36)

धृष्टद्युम्नः शिखण्डी च युधामन्यूत्तमौजसौ । सहितौ द्रौपदेयाश्च कर्णं यान्तु महारथाः ॥

dhṛṣṭadyumnaḥ śikhaṇḍī ca yudhāmanyūttamaujasau | sahitau draupadeyāśca karṇaṃ yāntu mahārathāḥ

Let Dhrishtadyumna and Shikhandi, Yudhamanyu and Uttamaujas, together with the sons of Draupadi, those great charioteers, go against Karna.

Note on the text: Unheaded speech of Krishna.

Verse 37 (7.178.37)

नकुलः सहदेवश्च युयुधानश्च वीर्यवान् । इतरान्राक्षसान्घ्नन्तु शासनात्तव पाण्डव ॥

nakulaḥ sahadevaśca yuyudhānaśca vīryavān | itarānrākṣasānghnantu śāsanāttava pāṇḍava

Let Nakula and Sahadeva and the valiant Yuyudhana kill the other rakshasas at your command, son of Pandu.

Note on the text: Unheaded speech of Krishna.

Verse 38 (7.178.38)

त्वमपीमां महाबाहो चमूं द्रोणपुरस्कृताम् । मारयस्व नरव्याघ्र महद्धि भयमागतम् ॥

tvamapīmāṃ mahābāho camūṃ droṇapuraskṛtām | mārayasva naravyāghra mahaddhi bhayamāgatam

And you too, mighty-armed tiger among men, destroy this host that Drona leads; a great danger has come.

Note on the text: Unheaded speech of Krishna. Recension variant मारयस्व (CE: वारयस्व, 'hold back').

Verse 39 (7.178.39)

एवमुक्ते तु कृष्णेन यथोद्दिष्टा महारथाः । जग्मुर्वैकर्तनं कर्णं राक्षसांश्चैव तान्रणे ॥

evamukte tu kṛṣṇena yathoddiṣṭā mahārathāḥ | jagmurvaikartanaṃ karṇaṃ rākṣasāṃścaiva tānraṇe

When Krishna had spoken thus, the great charioteers went as directed, to Karna, son of Vikartana, and against those rakshasas in the battle.

Verse 40 (7.178.40)

अथ पूर्णायतोत्सृष्टैः शरैराशीविषोपमैः । धनुश्चिच्छेद भीमस्य राक्षसेन्द्रः प्रतापवान् ॥

atha pūrṇāyatotsṛṣṭaiḥ śarairāśīviṣopamaiḥ | dhanuściccheda bhīmasya rākṣasendraḥ pratāpavān

Then the mighty lord of the rakshasas, loosing arrows from a fully drawn bow, like venomous snakes, cut Bhima's bow.

Verse 41 (7.178.41)

हयांश्चास्य शितैर्बाणैः सारथिं च महाबलः । जघान मिषतः सङ्ख्ये भीमसेनस्य राक्षसः ॥

hayāṃścāsya śitairbāṇaiḥ sārathiṃ ca mahābalaḥ | jaghāna miṣataḥ saṅkhye bhīmasenasya rākṣasaḥ

And that mighty rakshasa killed Bhimasena's horses and his charioteer with sharp arrows, as Bhima looked on in the battle.

Verse 42 (7.178.42)

सोऽवतीर्य रथोपस्थाद्धताश्वो हतसारथिः । तस्मै गुर्वीं गदां घोरां विनदन्नुत्ससर्ज ह ॥

so'vatīrya rathopasthāddhatāśvo hatasārathiḥ | tasmai gurvīṃ gadāṃ ghorāṃ vinadannutsasarja ha

With his horses and charioteer slain, Bhima leapt down from the chariot's platform and, roaring, hurled at him a heavy and terrible mace.

Verse 43 (7.178.43)

ततस्तां भीमनिर्घोषामापतन्तीं महागदाम् । गदया राक्षसो घोरो निजघान ननाद च ॥

tatastāṃ bhīmanirghoṣāmāpatantīṃ mahāgadām | gadayā rākṣaso ghoro nijaghāna nanāda ca

The terrible rakshasa struck that great mace as it came with a fearful roar, with his own mace, and bellowed.

Verse 44 (7.178.44)

तद्दृष्ट्वा राक्षसेन्द्रस्य घोरं कर्म भयावहम् । भीमसेनः प्रहृष्टात्मा गदामाशु परामृशत् ॥

taddṛṣṭvā rākṣasendrasya ghoraṃ karma bhayāvaham | bhīmasenaḥ prahṛṣṭātmā gadāmāśu parāmṛśat

Seeing that dreadful, terrifying feat of the lord of the rakshasas, Bhimasena, glad at heart, quickly took up a mace.

Verse 45 (7.178.45)

तयोः समभवद्युद्धं तुमुलं नररक्षसोः । गदानिपातसंहादैर्भुवं कम्पयतोर्भृशम् ॥

tayoḥ samabhavadyuddhaṃ tumulaṃ nararakṣasoḥ | gadānipātasaṃhādairbhuvaṃ kampayatorbhṛśam

A tumultuous battle arose between the man and the rakshasa, as the crashes of their maces shook the earth violently.

Verse 46 (7.178.46)

गदाविमुक्तौ तौ भूयः समासाद्येतरेतरम् । मुष्टिभिर्वज्रसंहादैरन्योन्यमभिजघ्नतुः ॥

gadāvimuktau tau bhūyaḥ samāsādyetaretaram | muṣṭibhirvajrasaṃhādairanyonyamabhijaghnatuḥ

With their maces gone, the two closed with each other again and struck each other with fists that crashed like thunderbolts.

Verse 47 (7.178.47)

रथचक्रैर्युगैरक्षैरधिष्ठानैरुपस्करैः । यथासन्नमुपादाय निजघ्नतुरमर्षणौ ॥

rathacakrairyugairakṣairadhiṣṭhānairupaskaraiḥ | yathāsannamupādāya nijaghnaturamarṣaṇau

Taking up whatever lay nearest, chariot wheels, yokes, axles, platforms and fittings, those two furious warriors struck each other.

Verse 48 (7.178.48)

तौ विक्षरन्तौ रुधिरं समासाद्येतरेतरम् । मत्ताविव महानागौ चकृषाते पुनः पुनः ॥

tau vikṣarantau rudhiraṃ samāsādyetaretaram | mattāviva mahānāgau cakṛṣāte punaḥ punaḥ

Streaming blood, they clashed together again and again and dragged each other about, like two huge rutting elephants.

Note on the text: Corrected चकृपाते → चकृषाते (misprint in Wikisource: प for ष; perfect of कृष्, 'they dragged', as CE 7.152.46c अकृष्येताम्).

Verse 49 (7.178.49)

तावपश्यद्वृषीकेशः पाण्डवानां हिते रतः । स भीमसेनरक्षार्थं हैडिम्बिं पर्यचोदयत् ॥

tāvapaśyadvṛṣīkeśaḥ pāṇḍavānāṃ hite rataḥ | sa bhīmasenarakṣārthaṃ haiḍimbiṃ paryacodayat

Hrishikesha, devoted to the good of the Pandavas, saw the two of them, and to protect Bhimasena he urged on Hidimba's son.

Note on the text: Recension variants तावपश्यद् / पर्यचोदयत् (CE: तमपश्यद् / प्रत्यचोदयत्).