Ghatotkacha Kills Alayudha

Verse 1 (7.179.1)

संदृश्य समरे भीमं रक्षसा ग्रस्तमन्तिकात् । वासुदेवोऽव्रवीद्राजन्घटोत्कचमिदं वचः ॥

saṃdṛśya samare bhīmaṃ rakṣasā grastamantikāt | vāsudevo'vravīdrājanghaṭotkacamidaṃ vacaḥ

Seeing Bhima in the battle held fast by the rakshasa, close at hand, Vasudeva, O king, spoke these words to Ghatotkacha:

Note on the text: Recension variant संदृश्य (CE: संप्रेक्ष्य).

Verse 2 (7.179.2)

पश्य भीमं महाबाहो रक्षसा ग्रस्तमाहवे । पश्यतां सर्वसैन्यानां तव चैव महाद्युते ॥

paśya bhīmaṃ mahābāho rakṣasā grastamāhave | paśyatāṃ sarvasainyānāṃ tava caiva mahādyute

Look at Bhima, mighty-armed one, held fast by the rakshasa in the battle, in the sight of all the armies and of you, O radiant one.

Note on the text: Unheaded speech of Krishna (Vasudeva) to Ghatotkacha. Recension variants ग्रस्तमाहवे (CE: ग्रस्तमन्तिकात्).

Verse 3 (7.179.3)

स कर्णं त्वं समुत्सृज्य राक्षसेन्द्रमलायुधम् । जहि क्षिप्रं महाबाहो पश्चात्कर्णं वधिष्यसि ॥

sa karṇaṃ tvaṃ samutsṛjya rākṣasendramalāyudham | jahi kṣipraṃ mahābāho paścātkarṇaṃ vadhiṣyasi

Leave Karna alone, mighty-armed one, and kill Alayudha, the lord of the rakshasas, quickly; afterward you will kill Karna.

Note on the text: Corrected बधिष्यसि → वधिष्यसि (misprint in Wikisource: ब for व; CE 7.153.3d वधिष्यसि). Speech of Krishna (Vasudeva).

Verse 4 (7.179.4)

स वार्ष्णेयवचः श्रुत्वा कर्णमुत्सृज्य वीर्यवान् । युयुधे राक्षसेन्द्रेण बकभ्रात्रा घटोत्कचः ॥

sa vārṣṇeyavacaḥ śrutvā karṇamutsṛjya vīryavān | yuyudhe rākṣasendreṇa bakabhrātrā ghaṭotkacaḥ

Hearing the Vrishni's words, the valiant Ghatotkacha left Karna and fought the lord of the rakshasas, Baka's brother.

Note on the text: Lines = CE 7.153.4a, 4c; the CE's third line 4e follows in the next verse.

Verse 5 (7.179.5)

तयोः सुतुमुलं युद्धं बभूव निशि रक्षसोः । अलायुधस्य चैवोग्रं हेडिम्बेश्चापि भारत ॥

tayoḥ sutumulaṃ yuddhaṃ babhūva niśi rakṣasoḥ | alāyudhasya caivograṃ heḍimbeścāpi bhārata

A most tumultuous battle took place in the night between the two rakshasas, the fierce fight of Alayudha and of Hidimba's son, O Bharata.

Note on the text: Line 1 = CE 7.153.4e; line 2 = CE star passage 7.153.4f*1237_01 (अलायुधस्य चैवोग्रं हैडिम्बस्य च भारत); Wikisource reads हेडिम्बेश्चापि for हैडिम्बस्य च, a recension variant kept as printed.

Verse 6 (7.179.6)

अलायुधस्य योधांश्च राक्षसान्भीमदर्शनान् । वेगेनापततः शूरान्प्रगृहीतशरासनान् ॥

alāyudhasya yodhāṃśca rākṣasānbhīmadarśanān | vegenāpatataḥ śūrānpragṛhītaśarāsanān

As for Alayudha's warriors, the rakshasas of fearful look, brave men rushing forward with bows in hand,

Note on the text: The sentence runs on into verse 7.

Verse 7 (7.179.7)

आत्तायुधः सुसङ्क्रुद्धो युयुधानो महारथः । नकुलः सहदेवश्च चिच्छिदुर्निशितैः शरैः ॥

āttāyudhaḥ susaṅkruddho yuyudhāno mahārathaḥ | nakulaḥ sahadevaśca cicchidurniśitaiḥ śaraiḥ

Yuyudhana the great charioteer, weapon raised and greatly enraged, and Nakula and Sahadeva cut them down with sharp arrows.

Verse 8 (7.179.8)

सर्वांश्च समरे राजन्किरीटी क्षत्रियर्षभान् । परिचिक्षेप बीभत्सुः सर्वतः प्रकिरञ्छरान् ॥

sarvāṃśca samare rājankirīṭī kṣatriyarṣabhān | paricikṣepa bībhatsuḥ sarvataḥ prakirañcharān

And Kiriti, Bibhatsu, O king, hemmed in all those bulls among the kshatriyas in the battle, scattering arrows on every side.

Verse 9 (7.179.9)

कर्णश्च समरे राजन्व्यद्रावयत पार्थिवान् । धृष्टद्युम्नशिखण्ड्यादीन्पाञ्चालानां महारथान् ॥

karṇaśca samare rājanvyadrāvayata pārthivān | dhṛṣṭadyumnaśikhaṇḍyādīnpāñcālānāṃ mahārathān

And Karna, O king, drove the kings in flight in the battle, Dhrishtadyumna, Shikhandi and the other great charioteers of the Panchalas.

Note on the text: Corrected पहारथान् → महारथान् (misprint in Wikisource: प for म; CE 7.153.8c महारथान्).

Verse 10 (7.179.10)

तान्वध्यमानान्दृष्ट्वाऽथ भीमो भीमपराक्रमः । अभ्ययात्त्वरितः कर्णं विशिखान्प्रकिरन्रणे ॥

tānvadhyamānāndṛṣṭvā'tha bhīmo bhīmaparākramaḥ | abhyayāttvaritaḥ karṇaṃ viśikhānprakiranraṇe

Seeing them struck down, Bhima of terrible prowess swiftly advanced on Karna, scattering arrows in the battle.

Note on the text: Recension variant दृष्ट्वाऽथ (CE: दृष्ट्वा तु).

Verse 11 (7.179.11)

ततस्तेऽप्याययुर्हत्वा राक्षसान्यत्र सूतजः । नकुलः सहदेवश्च सात्यकिश्च महारथः । ते कर्णे योधयामासुः पाञ्चाला द्रोणमेव तु ॥

tataste'pyāyayurhatvā rākṣasānyatra sūtajaḥ | nakulaḥ sahadevaśca sātyakiśca mahārathaḥ | te karṇe yodhayāmāsuḥ pāñcālā droṇameva tu

Then they too, having slain the rakshasas, came to where the charioteer's son was, Nakula, Sahadeva and the great charioteer Satyaki. They fought Karna, and the Panchalas fought Drona.

Note on the text: Three-line verse = CE 7.153.10a, 10c, 10e, kept as one verse as Wikisource prints it.

Verse 12 (7.179.12)

अलायुधस्तु सङ्क्रुद्धो घटोत्कचमरिन्दमम् । परिघेणातिकायेन ताडयामास मूर्धनि ॥

alāyudhastu saṅkruddho ghaṭotkacamarindamam | parigheṇātikāyena tāḍayāmāsa mūrdhani

Enraged, Alayudha struck Ghatotkacha, tamer of foes, on the head with a huge club.

Verse 13 (7.179.13)

स तु तेन प्रहारेण भैमसेनिर्महाबलः । ईषन्मूर्छितमात्मानमस्तम्भयत वीर्यवान् ॥

sa tu tena prahāreṇa bhaimasenirmahābalaḥ | īṣanmūrchitamātmānamastambhayata vīryavān

By that blow the mighty son of Bhima was slightly stunned, but the valiant one steadied himself.

Verse 14 (7.179.14)

ततो दीप्ताग्निसङ्काशां शतघण्टामलङ्कृताम् । चिक्षेप तस्मै समरे गदां काञ्चनभूषिताम् ॥

tato dīptāgnisaṅkāśāṃ śataghaṇṭāmalaṅkṛtām | cikṣepa tasmai samare gadāṃ kāñcanabhūṣitām

Then he hurled at him in the battle a gold-adorned mace, blazing like fire and decked with a hundred bells.

Note on the text: The thrower is Ghatotkacha and the target Alayudha, as the following verses show; the unheaded subject carries over from verse 13.

Verse 15 (7.179.15)

सा हयांश्च रथं चास्य सारथिं च महास्वना । चूर्णयामास वेगेन विसृष्टा भीमकर्मणा ॥

sā hayāṃśca rathaṃ cāsya sārathiṃ ca mahāsvanā | cūrṇayāmāsa vegena visṛṣṭā bhīmakarmaṇā

That loudly roaring mace, hurled by the doer of fearful deeds, crushed his horses, his chariot and his charioteer in an instant.

Verse 16 (7.179.16)

स भग्नहयचक्राक्षाद्विशीर्णध्वजकूबरात् । उत्पपात रथात्तूर्णं मायामास्थाय राक्षसीम् ॥

sa bhagnahayacakrākṣādviśīrṇadhvajakūbarāt | utpapāta rathāttūrṇaṃ māyāmāsthāya rākṣasīm

With his horses, wheels and axles broken and his banner and chariot-pole shattered, he sprang swiftly from the chariot, resorting to rakshasa illusion.

Verse 17 (7.179.17)

स समास्थाय मायां तु ववर्ष रुधिरं बहु । विद्युद्विभ्राजितं चासीत्तुमुलाभ्राकुलं नभः ॥

sa samāsthāya māyāṃ tu vavarṣa rudhiraṃ bahu | vidyudvibhrājitaṃ cāsīttumulābhrākulaṃ nabhaḥ

Having taken to illusion, he rained down a great deal of blood; the sky blazed with lightning and was thick with tumultuous clouds.

Note on the text: Recension variant तुमुलाभ्राकुलं (CE: तिमिराभ्राकुलं).

Verse 18 (7.179.18)

ततो वज्रनिपाताश्च साशनिस्तनयित्नवः । महांश्चटचटाशब्दस्तत्रासीच्च महाहवे ॥

tato vajranipātāśca sāśanistanayitnavaḥ | mahāṃścaṭacaṭāśabdastatrāsīcca mahāhave

Then thunderbolts fell, with meteors and thunder, and a great crackling din arose there in that mighty battle.

Verse 19 (7.179.19)

तां प्रेक्ष्य महतीं मायां राक्षसो राक्षसस्य च । ऊर्ध्वमुत्पत्य हैडिम्बिस्तां मायां माययाऽवधीत् ॥

tāṃ prekṣya mahatīṃ māyāṃ rākṣaso rākṣasasya ca | ūrdhvamutpatya haiḍimbistāṃ māyāṃ māyayā'vadhīt

Seeing that great illusion of the rakshasa, the rakshasa son of Hidimba leapt up into the air and destroyed that illusion with illusion.

Note on the text: Recension variant महतीं मायां राक्षसो राक्षसस्य च (CE: विहितां मायां राक्षसो राक्षसेन तु).

Verse 20 (7.179.20)

सोऽभिवीक्ष्य हतां मायां मायावी माययैव हि । अश्मवर्षं सुतुमुलं विससर्ज घटोत्कचे ॥

so'bhivīkṣya hatāṃ māyāṃ māyāvī māyayaiva hi | aśmavarṣaṃ sutumulaṃ visasarja ghaṭotkace

Seeing his illusion destroyed by illusion, the master of illusion hurled a most tumultuous rain of stones at Ghatotkacha.

Verse 21 (7.179.21)

अश्मवर्षं स तं घोरं शरवर्षेण वीर्यवान् । दिक्षु विध्वंसयामास तदद्भुतमिवाभवत् ॥

aśmavarṣaṃ sa taṃ ghoraṃ śaravarṣeṇa vīryavān | dikṣu vidhvaṃsayāmāsa tadadbhutamivābhavat

That dreadful rain of stones the valiant one scattered in every direction with a rain of arrows, and it was a marvel to behold.

Note on the text: Recension variant दिक्षु (CE: दिशो).

Verse 22 (7.179.22)

ततो नानाप्रहरणैरन्योन्यमभिवर्षताम् । आयसैः परिघैः शूलैर्गदामुसलमुद्गरैः ॥

tato nānāpraharaṇairanyonyamabhivarṣatām | āyasaiḥ parighaiḥ śūlairgadāmusalamudgaraiḥ

Then, as they rained upon each other weapons of every kind, iron clubs, spears, maces, pestles and mallets,

Note on the text: The sentence runs on through verse 27.

Verse 23 (7.179.23)

पिनाकैः करवालैश्च तोमरप्रासकम्पनैः । नाराचैर्निशितैर्भल्लैः शरैश्चक्रैः परश्वथैः ॥

pinākaiḥ karavālaiśca tomaraprāsakampanaiḥ | nārācairniśitairbhallaiḥ śaraiścakraiḥ paraśvathaiḥ

Pinakas, swords, tomaras, prasas and kampanas, sharp iron arrows, sharp bhallas, arrows, discs and axes,

Verse 24 (7.179.24)

अयोगुडैर्भिण्डिपालैर्गोशीर्षोलूखलैरपि । उत्पाटितैर्महाशाखैर्विविधैर्जगतीरुहैः ॥

ayoguḍairbhiṇḍipālairgośīrṣolūkhalairapi | utpāṭitairmahāśākhairvividhairjagatīruhaiḥ

Iron balls, bhindipalas, cow-head clubs and mortars, and with great-branched trees of every kind torn up,

Note on the text: Recension variant उत्पाटितैः (CE: उत्पाट्य च).

Verse 25 (7.179.25)

शमीपीलूकदम्बैश्च चम्पकैश्चैव भारत । इङ्गुदैर्बदरीभिश्च कोविदारैश्च पुष्पितैः ॥

śamīpīlūkadambaiśca campakaiścaiva bhārata | iṅgudairbadarībhiśca kovidāraiśca puṣpitaiḥ

Shami, pilu, kadamba and champaka trees, O Bharata, ingudi, jujube and flowering kovidara trees,

Note on the text: Recension variant शमीपीलूकदम्बैश्च चम्पकैश्चैव (CE: शमीपीलुकरीरैश्च शम्याकैश्चैव).

Verse 26 (7.179.26)

पलाशैश्चारिमेदैश्च प्लक्षन्यग्रोधपिप्पलैः । महद्भिः समरे तस्मिन्नन्योन्यमभिजघ्नतुः ॥

palāśaiścārimedaiśca plakṣanyagrodhapippalaiḥ | mahadbhiḥ samare tasminnanyonyamabhijaghnatuḥ

Palasha, arimeda, plaksha, nyagrodha and pippala trees, great ones, they struck each other in that battle,

Note on the text: Corrected प्लुक्षन्यग्रोध → प्लक्षन्यग्रोध (misprint in Wikisource; CE 7.153.25a प्लक्षन्यग्रोधपिप्पलैः) and तस्मिन्न्योन्यमभि → तस्मिन्नन्योन्यमभि (dropped अ in the sandhi; CE 7.153.25c तस्मिन्नन्योन्यम्).

Verse 27 (7.179.27)

विपुलैः पर्वताग्रैश्च नानाधातुभिराचितैः । तेषां शब्दो महानासीद्वज्राणां भिद्यतामिव ॥

vipulaiḥ parvatāgraiśca nānādhātubhirācitaiḥ | teṣāṃ śabdo mahānāsīdvajrāṇāṃ bhidyatāmiva

And with huge mountain peaks formed of many minerals; and the din of them was great, like the bursting of thunderbolts.

Note on the text: Recension variant विपुलैः (CE: विविधैः).

Verse 28 (7.179.28)

युद्धं समभवद्धोरं भैम्यलायुधयोर्नृप । हरीन्द्रयोर्यथा राजन्वालिसुग्रीवयोः पुरा ॥

yuddhaṃ samabhavaddhoraṃ bhaimyalāyudhayornṛpa | harīndrayoryathā rājanvālisugrīvayoḥ purā

A fearful battle took place between Bhima's son and Alayudha, O king, like that of old between the two lords of the apes, Vali and Sugriva.

Note on the text: Recension variant युद्धं समभवद् (CE: युद्धं तद्भवद्).

Verse 29 (7.179.29)

तौ युद्ध्वा विविधैर्घोरैरायुधैर्विशिखैस्तथा । उत्सृज्य च शितौ खड्गावन्योन्यमभिपेततुः ॥

tau yuddhvā vividhairghorairāyudhairviśikhaistathā | utsṛjya ca śitau khaḍgāvanyonyamabhipetatuḥ

After fighting with many kinds of dreadful weapons and arrows, the two let them go and, with sharp swords, fell upon each other.

Note on the text: Corrected खङ्खागवन्योमभिपेततुः → खड्गावन्योन्यमभिपेततुः (garbled in Wikisource; the CE has खड्गौ and अन्योन्यम् here, 7.153.28c). Wikisource's उत्सृज्य च (CE: प्रगृह्य) and अभिपेततुः (CE: अभिजघ्नतुः) are recension variants and are kept; the sense of उत्सृज्य with the swords is uncertain.

Verse 30 (7.179.30)

तावन्योन्यमभिद्रुत्य केशेषु सुमहाबलौ । भुजाभ्यां पर्यगृह्णीतां महाकायौ महाबलौ ॥

tāvanyonyamabhidrutya keśeṣu sumahābalau | bhujābhyāṃ paryagṛhṇītāṃ mahākāyau mahābalau

Rushing at each other, those two very strong, huge-bodied warriors seized each other by the hair and locked their arms about each other.

Verse 31 (7.179.31)

तौ स्विन्नगात्रौ प्रस्वेदं सुस्रुवाते जनाधिप । रुधिरं च महाकायावतिवृष्टाविवाम्बुदौ ॥

tau svinnagātrau prasvedaṃ susruvāte janādhipa | rudhiraṃ ca mahākāyāvativṛṣṭāvivāmbudau

Their limbs wet with sweat, they streamed sweat and blood, those huge-bodied ones, O lord of men, like two clouds in a heavy downpour.

Note on the text: Recension variants स्विन्नगात्रौ / अतिवृष्टाविवाम्बुदौ (CE: भिन्नगात्रौ / अभिवृष्टाविवाचलौ).

Verse 32 (7.179.32)

अथाभिपत्य वेगेन समुद्भ्राम्य च राक्षसम् । बलेनाक्षिप्य हैडिम्बिश्चकर्तास्य शिरो महत् ॥

athābhipatya vegena samudbhrāmya ca rākṣasam | balenākṣipya haiḍimbiścakartāsya śiro mahat

Then, springing at him, whirling the rakshasa round and hurling him down by force, Hidimba's son cut off his great head.

Note on the text: Corrected समुद्धाम्य → समुद्भ्राम्य (misprint in Wikisource; CE 7.153.31a समुद्भ्राम्य).

Verse 33 (7.179.33)

सोऽपहृत्य शिरस्तस्य कुण्डलाभ्यां विभूषितम् । तदा सुतुमुलं नादं ननाद सुमहाबलः ॥

so'pahṛtya śirastasya kuṇḍalābhyāṃ vibhūṣitam | tadā sutumulaṃ nādaṃ nanāda sumahābalaḥ

Taking up the head, adorned with earrings, the mighty one gave a tremendous roar.

Note on the text: Corrected विभूपितम् → विभूषितम् (misprint in Wikisource: प for ष; CE 7.153.32a विभूषितम्).

Verse 34 (7.179.34)

हतं दृष्ट्वा महाकायं बकज्ञातिमरिन्दमम् । पाञ्चालाः पाण्डवाश्चैव सिंहनादान्विनेदिरे ॥

hataṃ dṛṣṭvā mahākāyaṃ bakajñātimarindamam | pāñcālāḥ pāṇḍavāścaiva siṃhanādānvinedire

Seeing the huge-bodied kinsman of Baka, tamer of foes, slain, the Panchalas and the Pandavas roared like lions.

Verse 35 (7.179.35)

ततो भेरीसहस्राणि शङ्खानामयुतानि च । अवादयन्पाण्डवेया राक्षसे निहते युधि ॥

tato bherīsahasrāṇi śaṅkhānāmayutāni ca | avādayanpāṇḍaveyā rākṣase nihate yudhi

Then the Pandava side sounded thousands of drums and tens of thousands of conches, when the rakshasa was slain in the battle.

Note on the text: Recension variant राक्षसे निहते युधि (CE: तस्मिन् रक्षसि पातिते).

Verse 36 (7.179.36)

अतीव सा निशा तेषां बभूव विजयावहा । विद्योतमाना विबभौ समन्ताद्दीपमालिनी ॥

atīva sā niśā teṣāṃ babhūva vijayāvahā | vidyotamānā vibabhau samantāddīpamālinī

That night was exceedingly victorious for them; garlanded with lamps, it shone brilliantly all around.

Verse 37 (7.179.37)

अलायुधस्य तु शिरो भैमसेनिर्महाबलः । दुर्योधनस्य प्रमुखे चिक्षेप गतचेतसः ॥

alāyudhasya tu śiro bhaimasenirmahābalaḥ | duryodhanasya pramukhe cikṣepa gatacetasaḥ

The mighty son of Bhima flung the lifeless head of Alayudha before Duryodhana.

Note on the text: Wikisource reads गतचेतसः (genitive); the CE reads गतचेतनम्, agreeing with शिरः. Translated as qualifying Alayudha, whose head it was; it could also be read as describing the stunned Duryodhana.

Verse 38 (7.179.38)

अथ दुर्योधनो राजा दृष्ट्वा हतमलायुधम् । बभूव परमोद्विग्नः सह सैन्येन भारत ॥

atha duryodhano rājā dṛṣṭvā hatamalāyudham | babhūva paramodvignaḥ saha sainyena bhārata

Then King Duryodhana, seeing Alayudha slain, became greatly troubled, together with his army, O Bharata.

Verse 39 (7.179.39)

तेन ह्यस्य प्रतिज्ञातं भीमसेनमहं युधि । हन्तेति स्वयमागम्य स्मरता वैरमुत्तमम् ॥

tena hyasya pratijñātaṃ bhīmasenamahaṃ yudhi | hanteti svayamāgamya smaratā vairamuttamam

For Alayudha had vowed to him, "I shall kill Bhimasena in the battle," and had come in person, remembering their deadly enmity.

Verse 40 (7.179.40)

ध्रुवं स तेन हन्तव्य इत्यमन्यत पार्थिवः । जीवितं चिरकालं भ्रातॄणां चाप्यमन्यत ॥

dhruvaṃ sa tena hantavya ityamanyata pārthivaḥ | jīvitaṃ cirakālaṃ bhrātṝṇāṃ cāpyamanyata

The king had been sure that Bhima would be killed by him, and had counted on a long life for his brothers as well.

Verse 41 (7.179.41)

स तं दृष्ट्वा विनिहतं भीमसेनात्मजेन वै । प्रतिज्ञां भीमसेनस्य पूर्णामेवाभ्यमन्यत ॥

sa taṃ dṛṣṭvā vinihataṃ bhīmasenātmajena vai | pratijñāṃ bhīmasenasya pūrṇāmevābhyamanyata

Seeing him slain by Bhimasena's son, he took Bhimasena's vow as already fulfilled.