Karna Kills Ghatotkacha with Indra's Spear

Verse 1 (7.180.1)

निहत्यालायुधं रक्षः प्रहृष्टात्मा घटोत्कचः । ननाद विविधान्नादान्वाहिन्याः प्रमुखे तव ॥

nihatyālāyudhaṃ rakṣaḥ prahṛṣṭātmā ghaṭotkacaḥ | nanāda vividhānnādānvāhinyāḥ pramukhe tava

After killing the rakshasa Alayudha, Ghatotkacha, elated, raised roar upon roar of many kinds in front of your army.

Note on the text: Adhyaya note: the input has 64 verses and agrees with the raw page's table row for row (printed 5-180-1 to 5-180-64; the page's “5-” is a typo for 7). Wikisource 180 corresponds to the critical edition 7.154.1–63; page verse 62 is a critical-edition star passage, and CE star passages 7.154.30c*1238, 51d*1239 and 53d*1240 are not on the page. Line 2 reads तव for the CE's sthitaḥ (recension variant, kept). Corrected वाहिन्या → वाहिन्याः (misprint in Wikisource; word-final visarga dropped, the genitive “of the army” is required; the critical edition reads vāhinyāḥ).

Verse 2 (7.180.2)

तस्य तं तुमुलं शब्दं श्रुत्वा हृदयकम्पनम् । तावकानां महाराज भयमासीत्सुदारुणम् ॥

tasya taṃ tumulaṃ śabdaṃ śrutvā hṛdayakampanam | tāvakānāṃ mahārāja bhayamāsītsudāruṇam

Hearing that tumultuous sound, which shook the heart, a most dreadful fear came over your men, great king.

Note on the text: Line 1 reads हृदयकम्पनम् where the CE has kuñjarakampanam (recension variant, kept).

Verse 3 (7.180.3)

अलायुधविषक्तं तु भैमसेनिं महाबलम् । दृष्ट्वा कर्णो महाबाहुः पाञ्चालान्समुपाद्रवत् ॥

alāyudhaviṣaktaṃ tu bhaimaseniṃ mahābalam | dṛṣṭvā karṇo mahābāhuḥ pāñcālānsamupādravat

Seeing Bhimasena's mighty son, who had been engaged with Alayudha, the mighty-armed Karna rushed upon the Panchalas.

Verse 4 (7.180.4)

दशभिर्दशभिर्बाणैर्धृष्टद्युम्नशिखण्डिनौ । दृढैः पूर्णायतोत्सृष्टैर्बिभेद नतपर्वभिः ॥

daśabhirdaśabhirbāṇairdhṛṣṭadyumnaśikhaṇḍinau | dṛḍhaiḥ pūrṇāyatotsṛṣṭairbibheda nataparvabhiḥ

With ten sturdy arrows apiece, drawn back to the full and loosed, with smoothly bending joints, he pierced Dhrishtadyumna and Shikhandin.

Verse 5 (7.180.5)

ततः परमनाराचैर्युधामन्यूत्तमौजसौ । सात्यकिं च रथोदारं कम्पयामास मार्गणैः ॥

tataḥ paramanārācairyudhāmanyūttamaujasau | sātyakiṃ ca rathodāraṃ kampayāmāsa mārgaṇaiḥ

Then, with the finest iron arrows, he shook Yudhamanyu and Uttamauja, and Satyaki, magnificent in his chariot, with his shafts.

Note on the text: Corrected कम्पयमास → कम्पयामास (misprint in Wikisource; the long ā of the periphrastic perfect is dropped; the critical edition reads kampayām āsa).

Verse 6 (7.180.6)

तेषामप्यस्यतां सङ्ख्ये सर्वेषां सव्यदक्षिणम् । मण्डलान्येव चापानि व्यदृश्यन्त जनाधिप ॥

teṣāmapyasyatāṃ saṅkhye sarveṣāṃ savyadakṣiṇam | maṇḍalānyeva cāpāni vyadṛśyanta janādhipa

As all of them shot in the battle, to left and to right, their bows were seen only as circles, lord of men.

Verse 7 (7.180.7)

तेषां ज्यातलनिर्घोषो रथनेमिस्वनश्च ह । मेघानामिव घर्मान्ते बभूव तुमुलो निशि ॥

teṣāṃ jyātalanirghoṣo rathanemisvanaśca ha | meghānāmiva gharmānte babhūva tumulo niśi

The twang of their bowstrings and the rumble of their chariot wheels rose tumultuous in the night, like the thunder of clouds at the end of the hot season.

Verse 8 (7.180.8)

ज्यानेमिघोषस्तनयित्नुमान्वै । धनुस्तटिन्मण्डलकेतुशृङ्गः । शरौघवर्षाकुलवृष्टिमांश्च । सङ्क्राममेघः स बभूव राजन् ॥

jyānemighoṣastanayitnumānvai | dhanustaṭinmaṇḍalaketuśṛṅgaḥ | śaraughavarṣākulavṛṣṭimāṃśca | saṅkrāmameghaḥ sa babhūva rājan

That battle became a thundercloud, O king: the sound of bowstrings and wheel-rims was its thunder, the bows its lightning, the tips of the banners its peaks, and floods of arrows its pouring rain.

Verse 9 (7.180.9)

तदद्भुतं शैल इवाप्रकम्पो । वर्षं महाशैलसमानसारः । विध्वंसयामास रणे नरेन्द्र । वैकर्तनः शत्रुगणावमर्दी ॥

tadadbhutaṃ śaila ivāprakampo | varṣaṃ mahāśailasamānasāraḥ | vidhvaṃsayāmāsa raṇe narendra | vaikartanaḥ śatrugaṇāvamardī

Wondrously, Karna Vaikartana, unshaken as a mountain and as solid as a great mountain, crusher of enemy hosts, scattered that rain of arrows in the battle, lord of men.

Note on the text: Corrected नरेनद्र → नरेन्द्र (misprint in Wikisource; a stray न for the conjunct न्द; the critical edition reads narendra).

Verse 10 (7.180.10)

ततोऽतुलैर्वज्रनिपातकल्पैः । शितैः शरैः काञ्चनचित्रपुङ्खैः । शत्रून्व्यपोहत्समरे महात्मा । वैकर्तनः पुत्रहिते रतस्ते ॥

tato'tulairvajranipātakalpaiḥ | śitaiḥ śaraiḥ kāñcanacitrapuṅkhaiḥ | śatrūnvyapohatsamare mahātmā | vaikartanaḥ putrahite rataste

Then, with keen arrows, matchless, like falling thunderbolts, with golden feathers, that great-souled Karna, intent on your son's good, drove his enemies away in the battle.

Verse 11 (7.180.11)

सञ्छिन्नभिन्नध्वजिनश्च केचित् । केचिच्छरैरर्दितभिन्नदेहाः । केचिद्विसूता विहयाश्च केचिद् । वैकर्तनेनाशु कृता बभूवुः ॥

sañchinnabhinnadhvajinaśca kecit | keciccharairarditabhinnadehāḥ | kecidvisūtā vihayāśca kecid | vaikartanenāśu kṛtā babhūvuḥ

Some had their banners cut and broken, some their bodies torn and pierced by arrows, some were left without charioteers and some without horses; Karna swiftly made them so.

Note on the text: The page splits two sandhis across line ends with a double hyphen (--); changed केचि-- । / त्केचिच्छरै → केचित् । / केचिच्छरै (the final त् moved back to केचित्). Changed केचि-- । / द्वैकर्तनेनाशु → केचिद् । / वैकर्तनेनाशु (the final द् moved back to केचिद्).

Verse 12 (7.180.12)

अविन्दमानास्त्वथ शर्म सङ्ख्ये । यौधिष्ठिरं ते बलमभ्यपद्यन् । तान्प्रेक्ष्य भग्नान्विमुखीकृतांश्च । घटोत्कचो रोषमतीव चक्रे ॥

avindamānāstvatha śarma saṅkhye | yaudhiṣṭhiraṃ te balamabhyapadyan | tānprekṣya bhagnānvimukhīkṛtāṃśca | ghaṭotkaco roṣamatīva cakre

Finding no comfort in the battle, they fell back on Yudhishthira's army. Seeing them broken and turned away, Ghatotkacha was seized with great rage.

Verse 13 (7.180.13)

आस्थाय तं काञ्चनरत्नचित्रं । रथोत्तमं सिंहवत्सन्ननाद । वैकर्तनं कर्णमुपेत्य चापि । विव्याध वज्रप्रतिमैः पृषत्कैः ॥

āsthāya taṃ kāñcanaratnacitraṃ | rathottamaṃ siṃhavatsannanāda | vaikartanaṃ karṇamupetya cāpi | vivyādha vajrapratimaiḥ pṛṣatkaiḥ

Mounting his splendid chariot, bright with gold and jewels, he roared like a lion, went up to Karna Vaikartana, and struck him with arrows like thunderbolts.

Verse 14 (7.180.14)

तौ कर्णिनाराचशिलीमुखैश्च । नालीकदण्डासनवत्सदन्तैः । वराहकर्णैः सविपाठशृङ्गैः । क्षुरप्रवर्षैश्च विनेदतुः खम् ॥

tau karṇinārācaśilīmukhaiśca | nālīkadaṇḍāsanavatsadantaiḥ | varāhakarṇaiḥ savipāṭhaśṛṅgaiḥ | kṣurapravarṣaiśca vinedatuḥ kham

With barbed arrows, iron arrows and shilimukhas, with reed-shafted arrows, bows and calf-tooth arrows, with boar-eared arrows, vipathas and horn-tipped shafts, and with showers of razor-headed arrows, the two of them made the very sky resound.

Note on the text: Corrected सविपाठशृङ्गै- । / क्षुरप्र → सविपाठशृङ्गैः । / क्षुरप्र (misprint in Wikisource; the page breaks the word-final visarga of शृङ्गैः with a hyphen at the line end; the critical edition reads śṛṅgaiḥ).

Verse 15 (7.180.15)

तद्बाणधारावृतमन्तरिक्षं । तिर्यग्गताभिः समरे रराज । सुवर्णपुङ्खज्वलितप्रभाभिः । विचित्रपुष्पाभिरिव स्रजाभिः ॥

tadbāṇadhārāvṛtamantarikṣaṃ | tiryaggatābhiḥ samare rarāja | suvarṇapuṅkhajvalitaprabhābhiḥ | vicitrapuṣpābhiriva srajābhiḥ

Covered with those streams of arrows slanting across, the sky shone in the battle, bright with blazing, golden-feathered shafts, like garlands of many-coloured flowers.

Note on the text: The page splits the sandhi प्रभाभि-- । / र्विचित्र with a double hyphen; changed to प्रभाभिः । / विचित्र (word-final visarga resolved; CE prabhābhir / vicitra). Corrected प्रजाभिः → स्रजाभिः (misprint in Wikisource; प्र for स्र, “like garlands of many-coloured flowers”; the critical edition reads srajābhiḥ).

Verse 16 (7.180.16)

समाहितावप्रतिमप्रभावौ । अन्योन्यमाजघ्नतुरुत्तमास्त्रैः । तयोर्हि वीरोत्तमयोर्न कश्चिद् । ददर्श तस्मिन्समरे विशेषम् ॥

samāhitāvapratimaprabhāvau | anyonyamājaghnaturuttamāstraiḥ | tayorhi vīrottamayorna kaścid | dadarśa tasminsamare viśeṣam

Evenly matched, of incomparable power, the two struck at each other with their finest weapons; in that battle no one could see any difference between those two best of heroes.

Note on the text: The page splits the sandhi प्रभावा-- । / वन्योन्यम् across the line end with a double hyphen; changed to प्रभावौ । / अन्योन्यम् (the sandhi resolved to the dual प्रभावौ; CE prabhāvāv / anyonyam). Changed कश्चि-- । / द्ददर्श → कश्चिद् । / ददर्श (the final द् moved back to कश्चिद्).

Verse 17 (7.180.17)

अतीव तच्चित्रमतुल्यरूपं । बभूव युद्धं रविभीमसून्वोः । समाकुलं शस्त्रनिपातघोरं । दिवीव राह्वंशुमतोः प्रमत्तम् ॥

atīva taccitramatulyarūpaṃ | babhūva yuddhaṃ ravibhīmasūnvoḥ | samākulaṃ śastranipātaghoraṃ | divīva rāhvaṃśumatoḥ pramattam

That battle between the Sun's son and Bhima's son was most wondrous and of unmatched kind, crowded and terrible with falling weapons, like the frenzied fight of Rahu and the sun in the sky.

Verse 18 (7.180.18)

घटोत्कचं यदा कर्णो न विशेषयते नृप । ततः प्रादुश्चकारोग्रमस्त्रमस्त्रविदां वरः ॥

ghaṭotkacaṃ yadā karṇo na viśeṣayate nṛpa | tataḥ prāduścakārogramastramastravidāṃ varaḥ

When Karna could not gain the better of Ghatotkacha, O king, that best of those who know weapons brought forth a terrible weapon.

Note on the text: Corrected ग्रमत्त्रम् → ग्रमस्त्रम् (misprint in Wikisource; a stray त्त्र for स्त्र; the critical edition reads astram). Matches CE 7.154.18 (the alignment missed it). Wikisource has Karna as the subject (घटोत्कचं यदा कर्णो न विशेषयते) where the CE has Ghatotkacha as the subject; recension variant, kept.

Verse 19 (7.180.19)

तेनास्त्रेणावधीत्तस्य रथं सहयसारथिम् । विरथश्चापि हैडिम्बिः क्षिप्रमन्तरधीयत ॥

tenāstreṇāvadhīttasya rathaṃ sahayasārathim | virathaścāpi haiḍimbiḥ kṣipramantaradhīyata

With that weapon he struck down Ghatotkacha's chariot together with its horses and charioteer, and the son of Hidimba, left without a chariot, quickly vanished.

Note on the text: Matches CE 7.154.19 (the alignment missed it); the wording differs from the CE (Wikisource: तेनास्त्रेणावधीत्तस्य रथं सहयसारथिम्; CE: tenāstreṇa hayān pūrvaṃ hatvā karṇasya rākṣasaḥ), recension variant, kept.

Verse 20 (7.180.20)

तस्मिन्नन्तर्हिते तूर्णं कूटयोधिनि राक्षसे । मामकैः प्रतिपन्नं यत्तन्ममाचक्ष्व सञ्जय ॥

tasminnantarhite tūrṇaṃ kūṭayodhini rākṣase | māmakaiḥ pratipannaṃ yattanmamācakṣva sañjaya

When that rakshasa, a fighter by trickery, had so suddenly vanished, tell me, Sanjaya, what my people did.

Note on the text: Corrected कुटयोधिनि → कूटयोधिनि (misprint in Wikisource; short u for long ū; the critical edition reads kūṭayodhini). Dhritarashtra's question (page heading धृतराष्ट्र उवाच). Line 1 differs from the CE's wording (recension variant, kept).

Verse 21 (7.180.21)

अन्तर्हितं राक्षसेन्द्रं विदित्वा । सम्प्राक्रोशन्कुरवः सर्व एव । कथं नायं राक्षसः कूटयोधी । हन्यात्कर्णं समरेऽदृश्यमानः ॥

antarhitaṃ rākṣasendraṃ viditvā | samprākrośankuravaḥ sarva eva | kathaṃ nāyaṃ rākṣasaḥ kūṭayodhī | hanyātkarṇaṃ samare'dṛśyamānaḥ

Knowing that the lord of the rakshasas had vanished, all the Kurus cried out: “How can this rakshasa, who fights by deceit, fail to kill Karna while he stays unseen in the battle?”

Verse 22 (7.180.22)

ततः कर्णो लघुचित्रास्त्रयोधी । सर्वा दिशः प्रावृणोद्बाणजालैः । न वै किञ्चित्प्रापतत्तत्र भूतं । तमोभूते सायकैरन्तरिक्षे ॥

tataḥ karṇo laghucitrāstrayodhī | sarvā diśaḥ prāvṛṇodbāṇajālaiḥ | na vai kiñcitprāpatattatra bhūtaṃ | tamobhūte sāyakairantarikṣe

Then Karna, swift and wondrous in his weapons, covered all the quarters with nets of arrows; no creature came down there, in the sky that had turned to darkness with his shafts.

Verse 23 (7.180.23)

नैवाददानो न च सन्दधानो । न चेषुधीस्पृशमानः कराग्रैः । अदृश्यद्वै लाघवात्सूतपुत्रः । सर्वं बाणैश्छादयानोऽन्तरिक्षम् ॥

naivādadāno na ca sandadhāno | na ceṣudhīspṛśamānaḥ karāgraiḥ | adṛśyadvai lāghavātsūtaputraḥ | sarvaṃ bāṇaiśchādayāno'ntarikṣam

The Suta's son was not seen taking up an arrow, nor fitting it, nor touching his quiver with his fingertips, so great was his speed, as he covered the whole sky with arrows.

Note on the text: Corrected कारग्रैः → कराग्रैः (misprint in Wikisource; the vowel marks transposed; “with his fingertips”, the critical edition reads karāgraiḥ).

Verse 24 (7.180.24)

ततो मायां दारुणामन्तरिक्षे । घोरां भीमां विहितां राक्षसेन । अपश्याम लोहिताभ्रप्रकाशां । देदीप्यन्तीमग्निशिखामिवोग्राम् ॥

tato māyāṃ dāruṇāmantarikṣe | ghorāṃ bhīmāṃ vihitāṃ rākṣasena | apaśyāma lohitābhraprakāśāṃ | dedīpyantīmagniśikhāmivogrām

Then we saw in the sky an illusion wrought by the rakshasa, dreadful, fearsome and savage, shining like a red cloud and blazing like a terrible tongue of fire.

Verse 25 (7.180.25)

ततस्तस्यां विद्युतः प्रादुरासन् । उल्काश्चापि ज्वलिताः कौरवेन्द्र । घोषश्चान्यः प्रादुरासीत्सुघोरः । सहस्रशो नदतां दुन्दुभीनाम् ॥

tatastasyāṃ vidyutaḥ prādurāsan | ulkāścāpi jvalitāḥ kauravendra | ghoṣaścānyaḥ prādurāsītsughoraḥ | sahasraśo nadatāṃ dundubhīnām

In it lightnings flashed forth and blazing meteors, O chief of the Kauravas, and another most awful sound arose, as of thousands of roaring drums.

Note on the text: The page splits the sandhi प्रादुरास-- । / न्नुल्का with a double hyphen; changed to प्रादुरासन् । / उल्का (the final न् moved back). Corrected घोपश्चास्यः → घोषश्चान्यः (misprint in Wikisource; प for ष and स्य for न्य; “and another sound”, the critical edition reads ghoṣaś cānyaḥ).

Verse 26 (7.180.26)

ततः शराः प्रापतन्रुक्मपुङ्खाः । शक्त्यृष्टिप्रासमुसलान्यायुधानि । परश्वथास्तैलधौताश्च खड्गाः । प्रदीप्ताग्रास्तोमराः पट्टसाश्च ॥

tataḥ śarāḥ prāpatanrukmapuṅkhāḥ | śaktyṛṣṭiprāsamusalānyāyudhāni | paraśvathāstailadhautāśca khaḍgāḥ | pradīptāgrāstomarāḥ paṭṭasāśca

Then arrows with golden feathers fell, and javelins, swords, spears and pestles as weapons, and axes, oil-polished sabres, flame-tipped tomaras and pattisas.

Note on the text: Corrected खङ्गाः → खड्गाः (misprint in Wikisource; ङ्ग for ड्ग; the critical edition reads khaḍgāḥ).

Verse 27 (7.180.27)

मयूखिनः परिघा लोहबद्धा । गदाश्चित्राः शितधाराश्च शूलाः । गुर्व्यो गदा हेमपट्टावनद्धाः । शतघ्न्यश्च प्रादुरासन्समन्तात् ॥

mayūkhinaḥ parighā lohabaddhā | gadāścitrāḥ śitadhārāśca śūlāḥ | gurvyo gadā hemapaṭṭāvanaddhāḥ | śataghnyaśca prādurāsansamantāt

Gleaming iron-bound clubs, varicoloured maces, sharp-edged spears, heavy maces wrapped in gold bands, and shataghnis appeared on every side.

Verse 28 (7.180.28)

महाशिलाश्चापतंस्तत्रतत्र । सहस्रशः साशनयश्च वज्राः । चक्राणि चानेकशतक्षुराणि । प्रादुर्बभूवुर्ज्वलनप्रभाणि ॥

mahāśilāścāpataṃstatratatra | sahasraśaḥ sāśanayaśca vajrāḥ | cakrāṇi cānekaśatakṣurāṇi | prādurbabhūvurjvalanaprabhāṇi

Great rocks fell here and there, thunderbolts with their lightnings by the thousand, and blazing discs with hundreds of razor-edges appeared.

Verse 29 (7.180.29)

तां शक्तिपाषाणपरश्वथानां । प्रासासिवज्राशनिमुद्गराणाम् । वृष्टिं विशालां ज्वलितां पतन्तीं । कर्णः शरौघैर्न शशाक हन्तुम् ॥

tāṃ śaktipāṣāṇaparaśvathānāṃ | prāsāsivajrāśanimudgarāṇām | vṛṣṭiṃ viśālāṃ jvalitāṃ patantīṃ | karṇaḥ śaraughairna śaśāka hantum

That vast, blazing rain of spears, stones, axes, lances, swords, thunderbolts, lightnings and mallets, as it fell, Karna could not destroy with floods of arrows.

Verse 30 (7.180.30)

शराहतानां पततां हयानां । वज्राहतानां च तथा गजानाम् । शिलाहतानां च महारथानां । महान्निनादः पततां बभूव ॥

śarāhatānāṃ patatāṃ hayānāṃ | vajrāhatānāṃ ca tathā gajānām | śilāhatānāṃ ca mahārathānāṃ | mahānninādaḥ patatāṃ babhūva

A great din arose from the falling horses struck by arrows, the elephants struck by thunderbolts, and the great chariot-warriors struck by stones.

Verse 31 (7.180.31)

सुभीमनानाविधशस्त्रपातैः । घटोत्कचेनाभिहतं समन्तात् । दौर्योधनं वै बलमार्तरूपम् । आवर्तमानं ददृशे भ्रमत्तत् ॥

subhīmanānāvidhaśastrapātaiḥ | ghaṭotkacenābhihataṃ samantāt | dauryodhanaṃ vai balamārtarūpam | āvartamānaṃ dadṛśe bhramattat

Struck on every side by Ghatotkacha with the fall of dreadful weapons of many kinds, Duryodhana's army was seen, in distress, reeling and whirling about.

Note on the text: The page splits two sandhis with a double hyphen; changed शस्त्रपातै-- । / र्घटोत्कचेना → शस्त्रपातैः । / घटोत्कचेना (word-final visarga resolved; CE śastrapātair / ghaṭotkacenābhihataṃ) and बलमार्तरूप-- । / मावर्तमानं → बलमार्तरूपम् । / आवर्तमानं (the final म् moved back).

Verse 32 (7.180.32)

हाहाकृतं सम्परिवर्तमानं । संलीयमानं च विषण्णरूपम् । ते त्वार्यभावात्पुरुषप्रवीराः । पराङ्मुखा नो बभूवुस्तदानीम् ॥

hāhākṛtaṃ samparivartamānaṃ | saṃlīyamānaṃ ca viṣaṇṇarūpam | te tvāryabhāvātpuruṣapravīrāḥ | parāṅmukhā no babhūvustadānīm

Crying “Alas!”, it wheeled about, shrank back, and was in a wretched state; yet those foremost men, by their noble nature, did not turn their backs at that moment.

Verse 33 (7.180.33)

तां राक्षसीं भीमरूपां सुघोरां । वृष्टिं महाशस्त्रमयीं पतन्तीम् । दृष्ट्वा बलौघांश्च निपात्यमानान् । महद्भयं तव पुत्रान्विवेश ॥

tāṃ rākṣasīṃ bhīmarūpāṃ sughorāṃ | vṛṣṭiṃ mahāśastramayīṃ patantīm | dṛṣṭvā balaughāṃśca nipātyamānān | mahadbhayaṃ tava putrānviveśa

Seeing that dreadful, terrible rain of mighty weapons falling, and the hosts being cut down, great fear entered your sons.

Note on the text: The page splits the sandhi निपात्यमाना-- । / न्महद्भयं with a double hyphen; changed to निपात्यमानान् । / महद्भयं (the final न् moved back).

Verse 34 (7.180.34)

शिवाश्च वैश्वानरदीप्तजिह्वाः । सुभीमनादाः शतशो नदन्तीः । रक्षोगणान्नर्दतश्चापि वीक्ष्य । नरेन्द्र योधा व्यथिता बभूवुः ॥

śivāśca vaiśvānaradīptajihvāḥ | subhīmanādāḥ śataśo nadantīḥ | rakṣogaṇānnardataścāpi vīkṣya | narendra yodhā vyathitā babhūvuḥ

Seeing jackals with tongues blazing like fire howling horribly by the hundred, and the hosts of rakshasas roaring as well, the warriors, O king, were shaken.

Verse 35 (7.180.35)

ते दीप्तजिह्वानलतीक्ष्णदंष्ट्रा । विभीषणाः शैलनिकाशकायाः । नभोगताः शक्तिविषक्तहस्ता । मेघा व्यमुञ्चन्निव वृष्टिमुग्राम् ॥

te dīptajihvānalatīkṣṇadaṃṣṭrā | vibhīṣaṇāḥ śailanikāśakāyāḥ | nabhogatāḥ śaktiviṣaktahastā | meghā vyamuñcanniva vṛṣṭimugrām

Those rakshasas, with blazing tongues and sharp fangs like fire, dreadful, with bodies like mountains, flying in the sky with spears gripped in their hands, loosed a fierce rain like clouds.

Verse 36 (7.180.36)

तैराहतास्ते शरशक्तिशूलैः । गदाभिरुग्रैः परिघैश्च दीप्तैः । वज्रैः पिनाकैरशनिप्रहारैः । शतघ्निचक्रैर्भथिताश्च पेतुः ॥

tairāhatāste śaraśaktiśūlaiḥ | gadābhirugraiḥ parighaiśca dīptaiḥ | vajraiḥ pinākairaśaniprahāraiḥ | śataghnicakrairbhathitāśca petuḥ

Struck by them with arrows, javelins, spears, fierce maces, blazing iron clubs, thunderbolts, pinakas, lightning-strokes and shataghni-discs, they were crushed and fell.

Note on the text: The page splits the sandhi शूलै-- । / र्गदाभिः with a double hyphen; changed to शूलैः । / गदाभिः (word-final visarga resolved; CE śūlair / gadābhir).

Verse 37 (7.180.37)

शूला भुशुण्ड्योऽश्मगुडाः शतघ्न्यः । स्थूलाश्च कार्ष्णायसपट्टनद्वाः । तेऽवाकिरंस्तव पुत्रस्य सैन्यं । ततो रौद्रं कश्मलं प्रादुरासीत् ॥

śūlā bhuśuṇḍyo'śmaguḍāḥ śataghnyaḥ | sthūlāśca kārṣṇāyasapaṭṭanadvāḥ | te'vākiraṃstava putrasya sainyaṃ | tato raudraṃ kaśmalaṃ prādurāsīt

Spears, bhushundis, stone balls, shataghnis, and heavy clubs bound with bands of black iron fell like a rain on your son's army, and then a dreadful stupor came over it.

Verse 38 (7.180.38)

विकीर्णान्त्रा विहतैरुत्तमाङ्गैः । सम्भग्नाङ्गाः शिश्यिरे तत्र शूराः । छिन्ना हयाः कुञ्जराश्चापि भग्ना । न मुच्यन्ते याचमानाः सुभीताः ॥

vikīrṇāntrā vihatairuttamāṅgaiḥ | sambhagnāṅgāḥ śiśyire tatra śūrāḥ | chinnā hayāḥ kuñjarāścāpi bhagnā | na mucyante yācamānāḥ subhītāḥ

Heroes lay there with their entrails strewn about, their heads smashed, their limbs broken; horses were cut down and elephants shattered, and those who begged in terror were not set free.

Note on the text: Corrected सम्भग्नाङ्गः → सम्भग्नाङ्गाः (misprint in Wikisource; the long ā of the plural, needed to agree with शूराः, is dropped; the critical edition reads saṃbhagnāṅgāḥ). = CE 7.154.38: lines 1–3 are variants of the CE's lines (CE: niṣkīrṇāntrā …, saṃbhagnāṅgāḥ śerate …, bhinnā hayāḥ kuñjarāś cāvabhagnāḥ); line 4 differs entirely from the CE's line (CE: saṃcūrṇitāś caiva rathāḥ śilābhiḥ). Wikisource's wording kept. The alignment left it unmatched.

Verse 39 (7.180.39)

एवं महच्छस्त्रवर्षं सृजन्तः । ते यातुधाना भुवि घोररूपाः । मायाः सृष्टास्तत्र घटोत्कचेन । नामुञ्चन्वै याचमानं न भीतम् ॥

evaṃ mahacchastravarṣaṃ sṛjantaḥ | te yātudhānā bhuvi ghorarūpāḥ | māyāḥ sṛṣṭāstatra ghaṭotkacena | nāmuñcanvai yācamānaṃ na bhītam

Thus those fiends of fearful form, illusions that Ghatotkacha had created there, pouring a mighty rain of weapons on the earth, spared neither the suppliant nor the frightened.

Note on the text: The page splits the sandhi सृजन्त-- । / स्ते with a double hyphen; changed to सृजन्तः । / ते (word-final visarga resolved; CE sṛjantas / te).

Verse 40 (7.180.40)

तस्मिन्घोरे कुरुवीरावमर्दे । कालोत्सृष्टे क्षत्रियाणामभावे । ते वै भग्नाः सहसा व्यद्रवन्त । प्राक्रोशन्तः कौरवाः सर्व एव ॥

tasminghore kuruvīrāvamarde | kālotsṛṣṭe kṣatriyāṇāmabhāve | te vai bhagnāḥ sahasā vyadravanta | prākrośantaḥ kauravāḥ sarva eva

In that dreadful carnage of the Kuru heroes, loosed by Time, when the Kshatriyas were being wiped out, the Kauravas broke and suddenly fled, all of them crying out.

Verse 41 (7.180.41)

पलायध्वं कुरवो नैतदस्ति । सेन्द्रा देवा घ्नन्ति नः पाण्डवार्थे । तथा तेषां मज्जतां भारतानां । तस्मिन्द्वीपः सूतपुत्रो बभूव ॥

palāyadhvaṃ kuravo naitadasti | sendrā devā ghnanti naḥ pāṇḍavārthe | tathā teṣāṃ majjatāṃ bhāratānāṃ | tasmindvīpaḥ sūtaputro babhūva

“Flee, Kurus! This cannot be fought: Indra and the gods are killing us for the Pandavas' sake!” And for the Bharatas thus sinking, the Suta's son became an island.

Verse 42 (7.180.42)

तस्मिन्सङ्क्रन्दे तुमुले वर्तमाने । सैन्ये भग्ने लीयमाने कुरूणाम् । अनीकानां प्रविभागेऽप्रकाशे । न ज्ञायन्ते कुरवो नेतरे च ॥

tasminsaṅkrande tumule vartamāne | sainye bhagne līyamāne kurūṇām | anīkānāṃ pravibhāge'prakāśe | na jñāyante kuravo netare ca

In that tumult of wailing, as the Kuru army broke and melted away, with the arrangement of the ranks no longer visible in the darkness, Kurus and others could not be told apart.

Note on the text: Corrected अन्नीकानां → अनीकानां (misprint in Wikisource; a doubled न; the critical edition reads anīkānāṃ). Corrected प्रविभागे प्रकाशे → प्रविभागेऽप्रकाशे (misprint in Wikisource; the avagraha is missing, which flips the sense (“in the darkness” — the ranks could not be told apart); the critical edition reads pravibhāge ’prakāśe).

Verse 43 (7.180.43)

निर्मर्यादे विद्रवे घोररूपे । सर्वा दिशः प्रेक्षमाणाः स्म शून्याः । तां शस्त्रवृष्टिमुरसा गाहमानं । कर्णं स्मैकं तत्र राजन्नपश्यन् ॥

nirmaryāde vidrave ghorarūpe | sarvā diśaḥ prekṣamāṇāḥ sma śūnyāḥ | tāṃ śastravṛṣṭimurasā gāhamānaṃ | karṇaṃ smaikaṃ tatra rājannapaśyan

In that boundless, terrible rout, looking in every direction they saw the quarters empty; and there, O king, they saw Karna alone, breasting that rain of weapons.

Verse 44 (7.180.44)

ततो बाणैरावृणोदन्तरिक्षं । दिव्यां मायां योधयन्राक्षसस्य । ह्रीमान्कुर्वन्दुष्करं चार्यकर्म । नैवामुह्यत्संयुगे सूतपुत्रः ॥

tato bāṇairāvṛṇodantarikṣaṃ | divyāṃ māyāṃ yodhayanrākṣasasya | hrīmānkurvanduṣkaraṃ cāryakarma | naivāmuhyatsaṃyuge sūtaputraḥ

Then Karna covered the sky with arrows, meeting the rakshasa's divine illusion; and, modest even as he did a hard and noble deed, the Suta's son was not bewildered in the battle.

Note on the text: Corrected हीमान् → ह्रीमान् (misprint in Wikisource; the conjunct ह्र is broken; the critical edition reads hrīmān).

Verse 45 (7.180.45)

ततो भीताः समुदैक्षन्त कर्णं । राजन्सर्वे सैन्धवा बाह्लिकाश्च । असम्मोहं पूजयन्तोऽस्य सङ्ख्ये । सम्पश्यन्तो विजयं राक्षसस्य ॥

tato bhītāḥ samudaikṣanta karṇaṃ | rājansarve saindhavā bāhlikāśca | asammohaṃ pūjayanto'sya saṅkhye | sampaśyanto vijayaṃ rākṣasasya

Then, frightened, all the Sindhus and Bahlikas, O king, looked to Karna, honouring his unshaken steadiness in the fight as they watched the rakshasa's triumph.

Verse 46 (7.180.46)

तेनोत्सृष्टा चक्रयुक्ता शतघ्नी । समं सर्वांश्चतुरोऽश्वाञ्जघान । ते जानुभिर्जगतीमन्वपद्यन् । गतासवो निर्दशनाक्षिजिह्वाः ॥

tenotsṛṣṭā cakrayuktā śataghnī | samaṃ sarvāṃścaturo'śvāñjaghāna | te jānubhirjagatīmanvapadyan | gatāsavo nirdaśanākṣijihvāḥ

A shataghni with wheels, hurled by him, struck down all four horses at once; they fell on their knees on the ground, lifeless, with teeth, eyes and tongues thrust out.

Note on the text: The page splits the sandhi अन्वपद्य-- । / न्गतासवः with a double hyphen; changed to अन्वपद्यन् । / गतासवः (the final न् moved back).

Verse 47 (7.180.47)

ततो हताश्वादवरुह्य यानात् । अन्तर्मनाः कुरुषु प्राद्रुवत्सु । दिव्ये चास्त्रे मायया वध्यमाने । नैवामुह्यच्चिन्तयन्प्राप्तकालम् ॥

tato hatāśvādavaruhya yānāt | antarmanāḥ kuruṣu prādruvatsu | divye cāstre māyayā vadhyamāne | naivāmuhyaccintayanprāptakālam

Then Karna, his horses killed, got down from his chariot, composed in mind, while the Kurus fled and his divine weapon was being struck down by the illusion; undismayed, he considered what the moment required.

Note on the text: The page splits the sandhi याना-- । / दन्तर्मनाः with a double hyphen; changed to यानात् । / अन्तर्मनाः (the final त् moved back; the CE reads vāhāt here, a recension variant). Corrected चिन्तयन्त्प्राप्तकालम् → चिन्तयन्प्राप्तकालम् (misprint in Wikisource; a stray त्; the critical edition reads cintayan prāptakālam).

Verse 48 (7.180.48)

ततोऽब्रुवन्कुरवः सर्व एव । कर्णं दृष्ट्वा घोररूपां च मायाम् । शक्त्या रक्षो जहि कर्णाद्य तूर्णं । नश्यन्त्येते कुरवो धार्तराष्ट्राः ॥

tato'bruvankuravaḥ sarva eva | karṇaṃ dṛṣṭvā ghorarūpāṃ ca māyām | śaktyā rakṣo jahi karṇādya tūrṇaṃ | naśyantyete kuravo dhārtarāṣṭrāḥ

Then all the Kurus, seeing Karna and that dreadful illusion, said to him: “Kill the rakshasa with your spear at once, Karna! These Kauravas, the sons of Dhritarashtra, are perishing!”

Verse 49 (7.180.49)

करिष्यतः किञ्च नो भीमपार्थौ । तपन्तमेनं जहि पापं निशीथे । यो नः सङ्ग्रामाद्धोररूपाद्विमुच्येत् । स नः पार्थान्सबालान्योधयेत ॥

kariṣyataḥ kiñca no bhīmapārthau | tapantamenaṃ jahi pāpaṃ niśīthe | yo naḥ saṅgrāmāddhorarūpādvimucyet | sa naḥ pārthānsabālānyodhayeta

“What can Bhima and Partha do to us? Kill this scorching wretch in the night. Whoever of us escapes this terrible battle can then fight the Parthas and their sons.”

Note on the text: The page splits the sandhi विमुच्ये-- । / त्स नः with a double hyphen; changed to विमुच्येत् । / स नः (the final त् moved back).

Verse 50 (7.180.50)

तस्मादेनं राक्षसं घोररूपं । शक्त्या जहि त्वं दत्तया वासवेन । मा कौरवाः सर्व एवेन्द्रकल्पा । रात्रियुद्धे कर्ण नेशुः सयोधाः ॥

tasmādenaṃ rākṣasaṃ ghorarūpaṃ | śaktyā jahi tvaṃ dattayā vāsavena | mā kauravāḥ sarva evendrakalpā | rātriyuddhe karṇa neśuḥ sayodhāḥ

“So kill this terrible rakshasa with the spear Vasava gave you, Karna, lest all the Kauravas, equal to Indra, perish in this night battle along with their warriors.”

Verse 51 (7.180.51)

स वध्यमानो रक्षसा वै निशीथे । दृष्ट्वा राजंस्त्रास्यमानं बलं च । महच्छ्रुत्वा निनदं कौरवाणां । मतिं दध्रे शक्तिमोक्षाय कर्णः ॥

sa vadhyamāno rakṣasā vai niśīthe | dṛṣṭvā rājaṃstrāsyamānaṃ balaṃ ca | mahacchrutvā ninadaṃ kauravāṇāṃ | matiṃ dadhre śaktimokṣāya karṇaḥ

Karna, beset by the rakshasa in the night, seeing the army terrified, O king, and hearing the great cry of the Kauravas, set his mind on loosing the spear.

Verse 52 (7.180.52)

स वै क्रुद्धः सिंह इवात्यमर्षी । नामर्षयन्प्रतिघातं रणेऽसौ । शक्तिं श्रेष्ठां वैजयन्तीमसह्यां । समाददे तस्य वधं चिकीर्षन् ॥

sa vai kruddhaḥ siṃha ivātyamarṣī | nāmarṣayanpratighātaṃ raṇe'sau | śaktiṃ śreṣṭhāṃ vaijayantīmasahyāṃ | samādade tasya vadhaṃ cikīrṣan

Furious like an enraged lion, unable to bear the blow in the battle, desiring to kill him, he took up the best, invincible spear Vaijayanti.

Verse 53 (7.180.53)

याऽसौ राजन्निहिता वर्षपूगान् । वधायाजौ सत्कृता फल्गुनस्य । यां वै प्रादात्सूत पुत्राय शक्रः । शक्तिं श्रेष्ठां कुण्डलाभ्यां निमाय ॥

yā'sau rājannihitā varṣapūgān | vadhāyājau satkṛtā phalgunasya | yāṃ vai prādātsūta putrāya śakraḥ | śaktiṃ śreṣṭhāṃ kuṇḍalābhyāṃ nimāya

That best of spears, O king, which he had kept for years, honoured, for the slaying of Phalguna in battle, which Shakra gave the Suta's son in exchange for his earrings,

Note on the text: The page splits the sandhi वर्षपूगा-- । / न्वधायाजौ with a double hyphen; changed to वर्षपूगान् । / वधायाजौ (the final न् moved back).

Verse 54 (7.180.54)

तां वै शक्तिं लेलिहानां प्रदीप्तां । पाशैर्युक्तामन्तकस्येव जिह्वाम् । मृत्योः स्वसारं ज्वलितामिवोल्कां । वैकर्तनः प्राहिणोद्राक्षसाय ॥

tāṃ vai śaktiṃ lelihānāṃ pradīptāṃ | pāśairyuktāmantakasyeva jihvām | mṛtyoḥ svasāraṃ jvalitāmivolkāṃ | vaikartanaḥ prāhiṇodrākṣasāya

that blazing, licking spear, bound with nooses, like the tongue of Death, sister of Death, like a flaming meteor, Vaikartana hurled at the rakshasa.

Verse 55 (7.180.55)

तामुत्तमां परकायावहन्त्रीं । दृष्ट्वा शक्तिं बाहुसंस्थां ज्वलन्तीम् । भीतं रक्षो विप्रदुद्राव राजन् । कृत्वाऽऽत्मानं विन्ध्यतुल्यप्रमाणम् ॥

tāmuttamāṃ parakāyāvahantrīṃ | dṛṣṭvā śaktiṃ bāhusaṃsthāṃ jvalantīm | bhītaṃ rakṣo vipradudrāva rājan | kṛtvā''tmānaṃ vindhyatulyapramāṇam

Seeing that supreme spear, destroyer of the bodies of others, blazing in Karna's hand, the frightened rakshasa fled, O king, making himself huge as the Vindhya mountain.

Verse 56 (7.180.56)

दृष्ट्वा शक्तिं कर्णबाह्वन्तरस्थां । नेदुर्भूतान्यन्तरिक्षे नरेन्द्र । ववुर्वातास्तुमुलाश्चापि राजन् । सनिर्घाता चाशनिर्गां जगाम ॥

dṛṣṭvā śaktiṃ karṇabāhvantarasthāṃ | nedurbhūtānyantarikṣe narendra | vavurvātāstumulāścāpi rājan | sanirghātā cāśanirgāṃ jagāma

Seeing the spear in the grasp of Karna's arm, creatures cried out in the sky, O lord of men; fierce winds blew, and a thunderbolt came down to the earth with a crash.

Note on the text: The page splits the sandhi राज-- । / न्सनिर्घाता with a double hyphen; changed to राजन् । / सनिर्घाता (the final न् moved back).

Verse 57 (7.180.57)

सा तां मायां भस्म कृत्वा ज्वलन्ती । भित्त्वा गाढं हृदयं राक्षसस्य । ऊर्ध्वं ययौ दीप्यमाना निशायां । नक्षत्राणामन्तराण्याविवेश ॥

sā tāṃ māyāṃ bhasma kṛtvā jvalantī | bhittvā gāḍhaṃ hṛdayaṃ rākṣasasya | ūrdhvaṃ yayau dīpyamānā niśāyāṃ | nakṣatrāṇāmantarāṇyāviveśa

Reducing that illusion to ashes and piercing deep the heart of the rakshasa, the blazing spear rose up, shining in the night, and entered the spaces between the stars.

Verse 58 (7.180.58)

स निर्भिन्नो विविधैरस्त्रपूगैः । दिव्यैर्नागैर्मानुषै राक्षसैश्च । नदन्नादान्विविधान्भैरवांश्च । प्राणानिष्टांस्त्याजितः शक्रशक्त्या ॥

sa nirbhinno vividhairastrapūgaiḥ | divyairnāgairmānuṣai rākṣasaiśca | nadannādānvividhānbhairavāṃśca | prāṇāniṣṭāṃstyājitaḥ śakraśaktyā

Pierced by Shakra's spear, with its many kinds of weapons, divine, of serpents, of men and of rakshasas, and uttering many fearful cries, he was made to give up his dear life.

Note on the text: The page splits the sandhi अस्त्रपूगै-- । / र्दिव्यैः with a double hyphen; changed to अस्त्रपूगैः । / दिव्यैः (word-final visarga resolved; CE astrapūgair / divyair).

Verse 59 (7.180.59)

इदं चान्यच्चित्रमाश्चर्यरूपं । चकारासौ कर्म शत्रुक्षयाय । तस्मिन्काले शक्तिनिर्भिन्नमर्मा । बभौ राजञ्शैलमेघप्रकाशः ॥

idaṃ cānyaccitramāścaryarūpaṃ | cakārāsau karma śatrukṣayāya | tasminkāle śaktinirbhinnamarmā | babhau rājañśailameghaprakāśaḥ

And he did one more strange and wondrous deed for the destruction of his enemies: at that moment, his vitals pierced by the spear, he shone, O king, like a cloud shaped like a mountain.

Verse 60 (7.180.60)

ततोऽन्तरिक्षादपतद्गतासुः । स राक्षसेन्द्रो भुवि भिन्नदेहः । अवाक्शिराः स्तब्धगात्रो विजिह्वो । घटोत्कचो महदास्थाय रूपम् ॥

tato'ntarikṣādapatadgatāsuḥ | sa rākṣasendro bhuvi bhinnadehaḥ | avākśirāḥ stabdhagātro vijihvo | ghaṭotkaco mahadāsthāya rūpam

Then the rakshasa lord fell from the sky, lifeless, his body torn, head downward, limbs stiff, tongue lolling: Ghatotkacha, having taken on a huge form.

Verse 61 (7.180.61)

स तद्रूपं भैरवं भीमकर्मा । भीमं कृत्वा भैमसेनिः पपात । हतोऽप्येवं तव सैन्यैकदेशम् । अपोथयत्स्वेन देहेन राजन् ॥

sa tadrūpaṃ bhairavaṃ bhīmakarmā | bhīmaṃ kṛtvā bhaimaseniḥ papāta | hato'pyevaṃ tava sainyaikadeśam | apothayatsvena dehena rājan

Taking on that dreadful form, he of terrible deeds, Bhimasena's son, made it terrible and fell; and though dead he crushed a part of your army with his body, O king.

Note on the text: The page splits the sandhi सैन्यैकदेश-- । / मपोथयत् with a double hyphen; changed to सैन्यैकदेशम् । / अपोथयत् (the final म् moved back).

Verse 62 (7.180.62)

पतद्रक्षः स्वेन कायेन तूर्णम् । अतिप्रमाणेन विवर्धता च । प्रियं कुर्वन्पाण्डवानां गतासुः । अक्षौहिणीं तव तूर्णं जघान ॥

patadrakṣaḥ svena kāyena tūrṇam | atipramāṇena vivardhatā ca | priyaṃ kurvanpāṇḍavānāṃ gatāsuḥ | akṣauhiṇīṃ tava tūrṇaṃ jaghāna

The falling rakshasa, his body suddenly grown beyond measure, doing the Pandavas one last favour though lifeless, swiftly destroyed an akshauhini of yours.

Note on the text: The page splits two sandhis with a double hyphen; changed तूर्ण-- । / मतिप्रमाणेन → तूर्णम् । / अतिप्रमाणेन (the final म् moved back) and गतासु-- । / रक्षौहिणीं → गतासुः । / अक्षौहिणीं (word-final visarga resolved; CE gatāsur / akṣauhiṇīṃ). Not in the critical edition's main text; it appears there as star passage 7.154.61d*1241_01–04 (after 7.154.61). No speaker heading is printed; Sanjaya continues.

Verse 63 (7.180.63)

ततो मिश्राः प्राणदन्सिंहनादैः । भेर्यः शङ्खा मुरजाश्चानकाश्च । दग्धां मायां निहतं राक्षसं च । दृष्ट्वा हृष्टाः प्राणदन्कौरवेयाः ॥

tato miśrāḥ prāṇadansiṃhanādaiḥ | bheryaḥ śaṅkhā murajāścānakāśca | dagdhāṃ māyāṃ nihataṃ rākṣasaṃ ca | dṛṣṭvā hṛṣṭāḥ prāṇadankauraveyāḥ

Then kettledrums, conches, drums and tabors, mingled with lion-roars, resounded; seeing the illusion burnt up and the rakshasa slain, the delighted Kauravas shouted aloud.

Note on the text: The page splits the sandhi सिंहनादै-- । / र्भेर्यः with a double hyphen; changed to सिंहनादैः । / भेर्यः (word-final visarga resolved; CE siṃhanādair / bheryaḥ). Corrected हृष्ट्वाः → हृष्टाः (misprint in Wikisource; a stray व्; the critical edition reads hṛṣṭāḥ). = CE 7.154.62.

Verse 64 (7.180.64)

ततः कर्णः कुरुभिः पूज्यमानो । यथा शक्रो वृत्रवधे मरुद्भिः । अन्वारूढस्तव पुत्रस्य यानं । हृष्टश्चापि प्राविशत्तत्स्वसैन्यम् ॥

tataḥ karṇaḥ kurubhiḥ pūjyamāno | yathā śakro vṛtravadhe marudbhiḥ | anvārūḍhastava putrasya yānaṃ | hṛṣṭaścāpi prāviśattatsvasainyam

Then Karna, honoured by the Kurus as Shakra by the Maruts at the slaying of Vritra, mounted your son's chariot and gladly entered his own army.

Note on the text: = CE 7.154.63 (line 3 differs: CE anvārūḍhas tava putraṃ rathasthaṃ; recension variant, kept).