The Morning Melee and Nakula against Duryodhana

Verse 1 (7.188.1)

ते तथैव महाराज दंशिता रणमूर्धनि । सन्ध्यागतं सहस्रांशुमादित्यमुपतस्थिरे ॥

te tathaiva mahārāja daṃśitā raṇamūrdhani | sandhyāgataṃ sahasrāṃśumādityamupatasthire

O great king, armoured as before at the head of the battle, they stood and worshipped the thousand-rayed Aditya, the sun, who had reached the twilight hour.

Verse 2 (7.188.2)

उदिते तु सहस्रांशौ तप्तकाञ्चनसप्रभे । प्रकाशितेषु लोकेषु पुनर्युद्धमवर्तत ॥

udite tu sahasrāṃśau taptakāñcanasaprabhe | prakāśiteṣu lokeṣu punaryuddhamavartata

When the thousand-rayed sun had risen, glowing like heated gold, and the worlds were lit, the battle began again.

Verse 3 (7.188.3)

द्वन्द्वानि तत्र यान्यासन्संसक्तानि पुरोदयात् । तान्येवाभ्युदिते सूर्ये समसज्जन्त भारत ॥

dvandvāni tatra yānyāsansaṃsaktāni purodayāt | tānyevābhyudite sūrye samasajjanta bhārata

The single combats that had been locked before the dawn, those same pairs engaged again once the sun was up, O Bharata.

Verse 4 (7.188.4)

रथैर्हया हयैर्नागाः पादातैश्चापि कुञ्जराः । हयैर्हयाः समाजग्मुः पादाताश्च पदातिभिः ॥

rathairhayā hayairnāgāḥ pādātaiścāpi kuñjarāḥ | hayairhayāḥ samājagmuḥ pādātāśca padātibhiḥ

Horses met chariots, elephants met horses, and elephants met foot-soldiers; horses came together with horses, and foot-soldiers with foot-soldiers.

Note on the text: Lines 1–2 are CE 7.162.4a and 4c. The alignment left it unmatched.

Verse 5 (7.188.5)

रथा रथैरिभैर्नागास्तथैव भरतर्षभ । संसक्ताश्च वियुक्ताश्च योधाः सन्न्यपतन्रणे ॥

rathā rathairibhairnāgāstathaiva bharatarṣabha | saṃsaktāśca viyuktāśca yodhāḥ sannyapatanraṇe

Chariots met chariots and elephants met elephants, O best of the Bharatas; locked together and torn apart, the warriors fell in the battle.

Note on the text: Line 1 is a variant of CE star passage 7.162.4d*1276_01 (CE: narā rathai rathā nāgais tathaiva puruṣarṣabha; Wikisource: रथा रथैरिभैर्नागाः…); line 2 is CE 7.162.4e. The alignment left it unmatched.

Verse 6 (7.188.6)

ते रात्रौ कृतकर्माणः श्रान्ताः सूर्यस्य तेजसा । क्षुत्पिपासापरीताङ्गा विसंज्ञा बहवोऽभवन् ॥

te rātrau kṛtakarmāṇaḥ śrāntāḥ sūryasya tejasā | kṣutpipāsāparītāṅgā visaṃjñā bahavo'bhavan

Worn out by their night's work and by the heat of the sun, their bodies racked by hunger and thirst, many of them lost consciousness.

Verse 7 (7.188.7)

शङ्खभेरीमृदङ्गानां कुञ्जराणां च गर्जताम् । विष्फारितविकृष्टानां कार्मुकाणां च कूजताम् ॥

śaṅkhabherīmṛdaṅgānāṃ kuñjarāṇāṃ ca garjatām | viṣphāritavikṛṣṭānāṃ kārmukāṇāṃ ca kūjatām

From conches, bheris and mridangas, from roaring elephants, from bows drawn back, stretched and twanging,

Note on the text: Corrected शङ्खबेरी → शङ्खभेरी (misprint in Wikisource; the drum is भेरी; CE śaṅkhabherī).

Verse 8 (7.188.8)

शब्दः समभवद्राजन्दिविस्पृग्भरतर्षभ । द्रवतां च पदातीनां शस्त्राणां पततामपि ॥

śabdaḥ samabhavadrājandivispṛgbharatarṣabha | dravatāṃ ca padātīnāṃ śastrāṇāṃ patatāmapi

a sound arose, O king, that touched the sky, O best of the Bharatas, together with the cries of fleeing foot-soldiers and the clatter of falling weapons,

Verse 9 (7.188.9)

हयानां हेषतां चापि रथानां च निवर्तताम् । क्रोशतां गर्जतां चैव तदासीत्तुमुलं महत् ॥

hayānāṃ heṣatāṃ cāpi rathānāṃ ca nivartatām | krośatāṃ garjatāṃ caiva tadāsīttumulaṃ mahat

of neighing horses and wheeling chariots, of shouting and roaring: a great tumult arose then.

Verse 10 (7.188.10)

विवृद्धस्तुमुलः शब्दो द्यामगच्छन्महांस्तदा । नानायुधनिकृत्तानां चेष्टतामातुरः स्वनः ॥

vivṛddhastumulaḥ śabdo dyāmagacchanmahāṃstadā | nānāyudhanikṛttānāṃ ceṣṭatāmāturaḥ svanaḥ

The tumultuous noise swelled and, growing mighty, reached the sky; and there was the agonised cry of men cut down by weapons of every kind as they writhed.

Verse 11 (7.188.11)

भूमावश्रूयत महांस्तदाऽऽसीत्कृपणं महत् । पततां पात्यमानानां पत्त्यश्वरथदन्तिनाम् ॥

bhūmāvaśrūyata mahāṃstadā''sītkṛpaṇaṃ mahat | patatāṃ pātyamānānāṃ pattyaśvarathadantinām

A great and piteous wail was heard on the earth, from foot-soldiers, horses, chariots and elephants as they fell and were felled.

Verse 12 (7.188.12)

तेषु सर्वेष्वनीकेषु व्यतिषक्तेष्वनेकशः । स्वे स्वाञ्जघ्नुः परे स्वांश्च स्वान्परेषां परे परान् ॥

teṣu sarveṣvanīkeṣu vyatiṣakteṣvanekaśaḥ | sve svāñjaghnuḥ pare svāṃśca svānpareṣāṃ pare parān

In all those divisions, jumbled together again and again, men struck down friend and foe alike: the Kauravas killed their own and the Pandavas' men, and the Pandavas killed their own and the Kauravas'.

Note on the text: The page ends line 2 with a single danda instead of the verse-end double danda; written as the verse end here.

Verse 13 (7.188.13)

वीरबाहुविसृष्टाश्च योधेषु च गजेषु च । राशयः प्रत्यदृश्यन्त वाससां नेजनेष्विव ॥

vīrabāhuvisṛṣṭāśca yodheṣu ca gajeṣu ca | rāśayaḥ pratyadṛśyanta vāsasāṃ nejaneṣviva

Heaps hurled down by the arms of heroes among the warriors and the elephants were seen, like heaps of garments at a washing-place.

Verse 14 (7.188.14)

उद्यतप्रतिपिष्टानां खड्गानां वीरबाहुभिः । स एव शब्दस्तद्रूपो वाससां निज्यतामिव ॥

udyatapratipiṣṭānāṃ khaḍgānāṃ vīrabāhubhiḥ | sa eva śabdastadrūpo vāsasāṃ nijyatāmiva

The sound of swords raised and struck against one another by heroes' arms was just the same, like the sound of clothes being washed.

Note on the text: Corrected खङ्गानां → खड्गानां (misprint in Wikisource; the critical edition reads khaḍgānāṃ).

Verse 15 (7.188.15)

अर्धासिभिस्तथा खड्गैस्तोमरैः सपरश्वथैः । निकृष्टयुद्धं संसक्तं महदासीत्सुदारुणम् ॥

ardhāsibhistathā khaḍgaistomaraiḥ saparaśvathaiḥ | nikṛṣṭayuddhaṃ saṃsaktaṃ mahadāsītsudāruṇam

With half-swords and swords, with tomaras and axes, the close-locked fighting at close quarters became exceedingly dreadful.

Note on the text: Corrected खङ्गैस्तोमरैः → खड्गैस्तोमरैः (misprint in Wikisource; the critical edition reads khaḍgais tomaraiḥ).

Verse 16 (7.188.16)

गजाश्वकायप्रभवां नरदेहप्रवाहिनीम् । शस्त्रमत्स्यसुसम्पूर्णां मांसशोणितकर्दमाम् ॥

gajāśvakāyaprabhavāṃ naradehapravāhinīm | śastramatsyasusampūrṇāṃ māṃsaśoṇitakardamām

A river whose source was the bodies of elephants and horses, whose current bore the bodies of men, that was full of weapons for fish and had flesh and blood for its mud,

Verse 17 (7.188.17)

आर्तनादस्वनवतीं पताकाशस्त्रफेनिलाम् । नदीं प्रावर्तयन्वीराः परलोकौघगामिनीम् ॥

ārtanādasvanavatīṃ patākāśastraphenilām | nadīṃ prāvartayanvīrāḥ paralokaughagāminīm

that rang with cries of anguish and foamed with banners and weapons: such a river the heroes set flowing, running toward the flood of the other world.

Verse 18 (7.188.18)

शरशक्त्यर्दिताः क्लान्ता रात्रिमूढाल्पचेतसः । विष्टभ्य सर्वगात्राणि व्यतिष्ठन्गजवाजिनः ॥

śaraśaktyarditāḥ klāntā rātrimūḍhālpacetasaḥ | viṣṭabhya sarvagātrāṇi vyatiṣṭhangajavājinaḥ

Elephants and horses, tormented by arrows and spears, exhausted, dull-witted from the night, stood bracing all their limbs.

Note on the text: Corrected शरशक्त्यर्दिता → शरशक्त्यर्दिताः (misprint in Wikisource; a dropped visarga, agreeing with the plural subject) and मूढात्पचेतसः → मूढाल्पचेतसः (misprint; मूढ + अल्प, “dull-witted”; CE rātrimūḍhālpacetasaḥ). Lines 1–2 are CE 7.162.17a and 17c (the alignment left it unmatched); the CE's third line (17e) is line 1 of the next verse.

Verse 19 (7.188.19)

संशुष्कवदना वीराः शिरोभिश्चारुकुण्डलैः । युद्धोपकरणैश्चान्यैस्तत्रतत्र चकाशिरे ॥

saṃśuṣkavadanā vīrāḥ śirobhiścārukuṇḍalaiḥ | yuddhopakaraṇaiścānyaistatratatra cakāśire

Heroes with parched mouths, heads with lovely earrings, and other implements of war gleamed here and there.

Note on the text: Line 1 is CE 7.162.17e; line 2 is CE 7.162.18a (the page reads तत्रतत्र चकाशिरे where the CE has tatra tatra prakāśitaiḥ, a variant, kept). The alignment left it unmatched.

Verse 20 (7.188.20)

क्रव्यादसङ्घैराकीर्णं मृतैरर्धमृतैरपि । नासीद्रथपथस्तत्र सर्वमायोधनं प्रति ॥

kravyādasaṅghairākīrṇaṃ mṛtairardhamṛtairapi | nāsīdrathapathastatra sarvamāyodhanaṃ prati

The whole battlefield was strewn with flocks of flesh-eaters and with the dead and the half-dead, so that no path was left for a chariot.

Note on the text: Lines are CE 7.162.18c and 18e. The alignment left it unmatched.

Verse 21 (7.188.21)

मञ्जत्सु चक्रेषु रथान्सत्वमास्थाय वाजिनः । कथञ्चिदवहन्श्रान्ता वेपमानाः शरार्दिताः । कुलसत्वबलोपेता वाजिनो वारणोपमाः ॥

mañjatsu cakreṣu rathānsatvamāsthāya vājinaḥ | kathañcidavahanśrāntā vepamānāḥ śarārditāḥ | kulasatvabalopetā vājino vāraṇopamāḥ

As the wheels sank in, the horses summoned their strength and somehow drew the chariots on, weary, trembling and pierced with arrows, horses of good lineage, spirit and strength, like elephants.

Verse 22 (7.188.22)

विह्वलं तूर्णमुद्भ्रान्तं सभयं भारतातुरम् । बलमासीत्तदा सर्वमृते द्रोणार्जुनावुभौ ॥

vihvalaṃ tūrṇamudbhrāntaṃ sabhayaṃ bhāratāturam | balamāsīttadā sarvamṛte droṇārjunāvubhau

The whole army, O Bharata, was then bewildered, hurried, confused, fearful and afflicted, except for Drona and Arjuna, those two.

Note on the text: Corrected तूर्णमुद्धान्तं → तूर्णमुद्भ्रान्तं (misprint in Wikisource; उद्धान्त is not a word, the participle is उद्भ्रान्त; CE samudbhrāntaṃ). Line 1 is otherwise a recension variant (CE vihvalaṃ tat samudbhrāntaṃ); kept.

Verse 23 (7.188.23)

तावेवास्तां निलयनं तावार्तायनमेव च । तावेवान्ये समासाद्य जग्मुर्वैवस्वतक्षयम् ॥

tāvevāstāṃ nilayanaṃ tāvārtāyanameva ca | tāvevānye samāsādya jagmurvaivasvatakṣayam

Those two alone were the dwelling and shelter of the distressed on their own side; and the others, running into them, went to the abode of Vaivasvata.

Verse 24 (7.188.24)

आविग्नमभवत्सर्वं कौरवाणां महद्बलम् । पाञ्चालानां च संसक्तं न प्राज्ञायत किञ्चन ॥

āvignamabhavatsarvaṃ kauravāṇāṃ mahadbalam | pāñcālānāṃ ca saṃsaktaṃ na prājñāyata kiñcana

The whole great host of the Kauravas was in turmoil, and the Panchalas, locked in the fight, could make out nothing at all.

Verse 25 (7.188.25)

अन्तकाक्रीडसदृशं भीरूणां भयवर्धनम् । पृथिव्यां राजवंश्यानामुत्थिते महति क्षये ॥

antakākrīḍasadṛśaṃ bhīrūṇāṃ bhayavardhanam | pṛthivyāṃ rājavaṃśyānāmutthite mahati kṣaye

It was like the playground of Death, increasing the terror of the timid, when that great destruction of the royal lines of the earth had arisen.

Verse 26 (7.188.26)

न तत्र कर्णं द्रोणं वा नार्जुनं न युधिष्ठिरम् । न भीमसेनं न यमौ न पाञ्चाल्यं न सात्यकिम् ॥

na tatra karṇaṃ droṇaṃ vā nārjunaṃ na yudhiṣṭhiram | na bhīmasenaṃ na yamau na pāñcālyaṃ na sātyakim

We saw there neither Karna nor Drona, neither Arjuna nor Yudhishthira, neither Bhimasena nor the twins, neither the Panchala prince nor Satyaki,

Verse 27 (7.188.27)

न च दुःशासनं द्रौणिं न दुर्योधनसौबलौ । न कृपं मद्रराजं च कृतवर्माणमेव च ॥

na ca duḥśāsanaṃ drauṇiṃ na duryodhanasaubalau | na kṛpaṃ madrarājaṃ ca kṛtavarmāṇameva ca

neither Duhshasana nor Drona's son, neither Duryodhana nor Saubala, neither Kripa, nor the king of Madra, nor Kritavarman,

Verse 28 (7.188.28)

न चान्यान्नैव चात्मानं न क्षितिं न दिशस्तथा । पश्याम राजन्संसक्तान्सैन्येन रजसा धृतान् ॥

na cānyānnaiva cātmānaṃ na kṣitiṃ na diśastathā | paśyāma rājansaṃsaktānsainyena rajasā dhṛtān

nor anyone else, nor ourselves, nor the earth, nor the quarters. O king, we saw only the combatants locked together, enveloped in the dust raised by the army.

Verse 29 (7.188.29)

सम्भ्रान्ते तुमुले घोरे रजोमेघे समुत्थिते । त्रियामामिव संप्राप्ताममन्यन्त निशाचराः ॥

sambhrānte tumule ghore rajomeghe samutthite | triyāmāmiva saṃprāptāmamanyanta niśācarāḥ

When the dreadful tumult was in confusion and the cloud of dust had risen, the night-rangers thought that night had set in again.

Verse 30 (7.188.30)

न ज्ञायन्ते कौरवेया न पाञ्चाला न पाण्डवाः । न दिशो द्यौर्न चोर्वी च न समं विषमं तथा ॥

na jñāyante kauraveyā na pāñcālā na pāṇḍavāḥ | na diśo dyaurna corvī ca na samaṃ viṣamaṃ tathā

Neither Kauravas nor Panchalas nor Pandavas could be recognised; neither the quarters, nor the sky, nor the earth, nor level ground from uneven.

Verse 31 (7.188.31)

हस्तसंस्पर्शमापन्नान्परानप्यथवा स्वकान् । न्यपातयंस्तदा युद्धे नराः स्म विजयैषिणः ॥

hastasaṃsparśamāpannānparānapyathavā svakān | nyapātayaṃstadā yuddhe narāḥ sma vijayaiṣiṇaḥ

Men eager for victory struck down in that battle whoever came within reach of their hands, whether enemy or their own.

Verse 32 (7.188.32)

उद्धूतत्वात्तु रजसः प्रसेकाच्छोणितस्य च । प्राशाम्यत रजो भौमं शीघ्रत्वादनिलस्य च ॥

uddhūtatvāttu rajasaḥ prasekācchoṇitasya ca | prāśāmyata rajo bhaumaṃ śīghratvādanilasya ca

The dust of the earth, which had been thrown up so high, settled because of the sprinkling of blood and the swiftness of the wind.

Verse 33 (7.188.33)

तत्र नागा हया योधा रथिनोऽथ पदातयः । पारिजातवनानीव व्यरोचन्रुधिरोक्षिताः ॥

tatra nāgā hayā yodhā rathino'tha padātayaḥ | pārijātavanānīva vyarocanrudhirokṣitāḥ

There the elephants, horses, warriors, chariot-fighters and foot-soldiers, drenched in blood, shone like groves of coral trees.

Verse 34 (7.188.34)

ततो दुर्योधनः कर्णो द्रोणो दुःशासनस्तथा । पाण्डवैः समसज्जन्त चतुर्भिश्चतुरो रथाः ॥

tato duryodhanaḥ karṇo droṇo duḥśāsanastathā | pāṇḍavaiḥ samasajjanta caturbhiścaturo rathāḥ

Then Duryodhana, Karna, Drona and Duhshasana, four chariot-warriors, engaged four of the Pandavas.

Verse 35 (7.188.35)

दुर्योधनः सह भ्रात्रा यमाभ्यां समसज्जत । वृकोदरेण राधेयो भारद्वाजेन चार्जुनः ॥

duryodhanaḥ saha bhrātrā yamābhyāṃ samasajjata | vṛkodareṇa rādheyo bhāradvājena cārjunaḥ

Duryodhana, with his brother, engaged the twins; Radheya engaged Vrikodara; and the son of Bharadvaja engaged Arjuna.

Verse 36 (7.188.36)

तद्घोरं महदाश्चर्यं युद्धं दैवासुरोपमम् । रथर्षभाणामुग्राणां सन्निपातममानुषम् ॥

tadghoraṃ mahadāścaryaṃ yuddhaṃ daivāsuropamam | ratharṣabhāṇāmugrāṇāṃ sannipātamamānuṣam

That dreadful, great, marvellous battle, like the fight of gods and asuras, was a superhuman clash of fierce chariot-warriors.

Note on the text: Corrected तद्धोरं → तद्घोरं (misprint in Wikisource; ध for घ; CE tad ghoraṃ). Line 1 ends differently from the CE (…दैवासुरोपमम् for sarve praikṣan samantataḥ); recension variant, kept.

Verse 37 (7.188.37)

रथमार्गैर्विचित्रैस्तैर्विचित्ररथसङ्कुलम् । अपश्यन्रथिनो युद्धं विचित्रं चित्रयोधिनाम् ॥

rathamārgairvicitraistairvicitrarathasaṅkulam | apaśyanrathino yuddhaṃ vicitraṃ citrayodhinām

Along those varied paths of chariots, in a field crowded with varied chariots, the chariot-warriors watched the strange fighting of strange fighters.

Verse 38 (7.188.38)

यतमानाः पराक्रान्ताः परस्परजिगीषवः । जीमूता इव घर्मान्ते शरवर्षैरवाकिरन् ॥

yatamānāḥ parākrāntāḥ parasparajigīṣavaḥ | jīmūtā iva gharmānte śaravarṣairavākiran

Striving, valiant, each eager to overcome the other, they covered one another with showers of arrows, like clouds at the end of the hot season.

Verse 39 (7.188.39)

ते रथान्सूर्यसङ्काशानास्थिताः पुरुषर्षभाः । अशोभन्त यथा मेघाः शारदाश्चलविद्युतः ॥

te rathānsūryasaṅkāśānāsthitāḥ puruṣarṣabhāḥ | aśobhanta yathā meghāḥ śāradāścalavidyutaḥ

Standing on chariots bright as the sun, those bulls among men shone like autumn clouds with flickering lightning.

Verse 40 (7.188.40)

योधास्ते तु महाराज क्रोधामर्षसमन्विताः । स्पर्धिनश्च महेष्वासाः कृतयत्ना धनुर्धराः । अभ्यगच्छंस्तथाऽन्योन्यं मत्ता गजवृषा इव ॥

yodhāste tu mahārāja krodhāmarṣasamanvitāḥ | spardhinaśca maheṣvāsāḥ kṛtayatnā dhanurdharāḥ | abhyagacchaṃstathā'nyonyaṃ mattā gajavṛṣā iva

Those warriors, O great king, great archers full of anger and impatience, rivals who had set their resolve, charged one another like rutting bull elephants.

Note on the text: Line 1 is CE star passage 7.162.37d*1279_01; lines 2–3 are CE 7.162.38a and 38c (the page reads स्पर्धिनश्च where the CE has spardhinas te; a variant, kept). The alignment left it unmatched.

Verse 41 (7.188.41)

न नूनं देहभेदोऽस्ति काले राजन्ननागते । यत्र सर्वे न युगपद्व्यशीर्यन्त महारथाः ॥

na nūnaṃ dehabhedo'sti kāle rājannanāgate | yatra sarve na yugapadvyaśīryanta mahārathāḥ

Surely, O king, the body is not broken before its time has come, since all those great chariot-warriors were not shattered at once there.

Verse 42 (7.188.42)

बाहुभिश्चरणैश्छिन्नैः शिरोभिश्च सकुण्डलैः । कार्मुकैर्विशिखैः प्रासैः खड्गैः परशुपट्टसैः ॥

bāhubhiścaraṇaiśchinnaiḥ śirobhiśca sakuṇḍalaiḥ | kārmukairviśikhaiḥ prāsaiḥ khaḍgaiḥ paraśupaṭṭasaiḥ

With severed arms and feet, with heads and their earrings, with bows, arrows, javelins, swords, axes and pattasas,

Note on the text: Corrected बाहुभिश्चपरणैश्चिन्नैः → बाहुभिश्चरणैश्छिन्नैः (misprint in Wikisource; “arms and feet cut off”; the printed चपरणैः and चिन्नैः are not words; CE bāhubhiś caraṇaiś chinnaiḥ) and खङ्गैः → खड्गैः (misprint; CE khaḍgaiḥ). Line 2 पट्टसैः (CE paṭṭiśaiḥ) kept as a variant form.

Verse 43 (7.188.43)

नालीकैः क्षुद्रनाराचैर्नखरैः शक्तितोमरैः । अन्यैश्च विविधाकारैर्धौतैः प्रहरणोत्तमैः ॥

nālīkaiḥ kṣudranārācairnakharaiḥ śaktitomaraiḥ | anyaiśca vividhākārairdhautaiḥ praharaṇottamaiḥ

with nalikas, small narachas, nakharas, spears and tomaras, and with other bright and excellent weapons of many shapes,

Verse 44 (7.188.44)

विचित्रैर्विविधाकारैः शरीरावरणैरपि । विचित्रैश्च रथैर्भग्नैर्हतैश्च गजवाजिभिः ॥

vicitrairvividhākāraiḥ śarīrāvaraṇairapi | vicitraiśca rathairbhagnairhataiśca gajavājibhiḥ

with armour for the body of many kinds and fashions, with broken chariots of every sort, and with slain elephants and horses,

Verse 45 (7.188.45)

शून्यैश्चैव नगाकारैर्हतयोधध्वजै रथैः । अमनुष्यैर्हयैस्त्रस्तैः कृष्यमाणैस्ततस्ततः ॥

śūnyaiścaiva nagākārairhatayodhadhvajai rathaiḥ | amanuṣyairhayaistrastaiḥ kṛṣyamāṇaistatastataḥ

with empty chariots as big as mountains, their warriors and standards struck down, and with frightened horses without riders, dragged this way and that,

Verse 46 (7.188.46)

वातायमानैरसकृद्धतवीरैरलंकृतैः । व्यजनैः कङ्कटैश्चैव ध्वजैश्च विनिपातितैः ॥

vātāyamānairasakṛddhatavīrairalaṃkṛtaiḥ | vyajanaiḥ kaṅkaṭaiścaiva dhvajaiśca vinipātitaiḥ

with decorated fans, coats of mail and fallen banners, stirring again and again in the wind, their heroes slain,

Verse 47 (7.188.47)

छत्रैराभरणैर्वस्त्रैर्माल्यैश्च ससुगन्धिभिः । हारैः किरीटैर्मुकुटैरुष्णीषैः किङ्किणीगणैः ॥

chatrairābharaṇairvastrairmālyaiśca sasugandhibhiḥ | hāraiḥ kirīṭairmukuṭairuṣṇīṣaiḥ kiṅkiṇīgaṇaiḥ

with umbrellas, ornaments, garments and sweetly scented garlands, with necklaces, diadems, crowns, turbans and strings of little bells,

Verse 48 (7.188.48)

उरस्थैर्मणिभिर्निष्कैश्चूडामणिभिरेव च । आसीदायोधनं तत्र नभस्तारागणैरिव ॥

urasthairmaṇibhirniṣkaiścūḍāmaṇibhireva ca | āsīdāyodhanaṃ tatra nabhastārāgaṇairiva

with jewels worn on the breast, gold ornaments and crest-jewels, the battlefield there looked like the sky with its host of stars.

Verse 49 (7.188.49)

ततो दुर्योधनस्यासीन्नकुलेन समागमः । अमर्षितेन क्रुद्धस्य क्रुद्धेनामर्षितस्य च ॥

tato duryodhanasyāsīnnakulena samāgamaḥ | amarṣitena kruddhasya kruddhenāmarṣitasya ca

Then came the meeting of Duryodhana with Nakula: the enraged against the indignant, and the indignant against the enraged.

Verse 50 (7.188.50)

अपसव्यं चकाराथ माद्रीपुत्रस्तवात्मजम् । किरञ्छरशतैर्हृष्टस्तत्र नादो महानभूत् ॥

apasavyaṃ cakārātha mādrīputrastavātmajam | kirañcharaśatairhṛṣṭastatra nādo mahānabhūt

Then the son of Madri, delighted, wheeled round your son by the inauspicious right-hand circuit, showering him with hundreds of arrows, and a great shout went up there.

Verse 51 (7.188.51)

अपसव्यं कृतं सङ्ख्ये भ्रातृव्येनात्यमर्षिणा । नामृष्यत तमप्याजौ प्रतिचक्रे परन्तपः । पुत्रस्तव महाराज राजा दुर्योधनो द्रुतम् ॥

apasavyaṃ kṛtaṃ saṅkhye bhrātṛvyenātyamarṣiṇā | nāmṛṣyata tamapyājau praticakre parantapaḥ | putrastava mahārāja rājā duryodhano drutam

Your son, King Duryodhana, scorcher of foes, could not bear the insult done to him in battle by his furious cousin, and, O great king, he swiftly paid him back in kind in the fight.

Note on the text: Lines 1–2 are a variant of CE 7.162.49a, 49c (the alignment left it unmatched); line 3 is CE star passage 7.162.49d*1280_01.

Verse 52 (7.188.52)

ततः प्रतिचिकीर्षन्तमपसव्यं तु ते सुतम् । न्यवारयत तेजस्वी नकुलश्चित्रमार्गवित् ॥

tataḥ praticikīrṣantamapasavyaṃ tu te sutam | nyavārayata tejasvī nakulaścitramārgavit

Then Nakula, brilliant and skilled in the strange paths of chariot-fighting, checked your son as he sought to repay the same turn.

Verse 53 (7.188.53)

स सर्वतो निवार्यैनं शरजालेन पीडयन् । विमुखं नकुलश्चक्रे तत्सैन्याः समपूजयन् ॥

sa sarvato nivāryainaṃ śarajālena pīḍayan | vimukhaṃ nakulaścakre tatsainyāḥ samapūjayan

Holding him back on every side and tormenting him with a net of arrows, Nakula made him turn away, while his troops applauded.

Verse 54 (7.188.54)

तिष्ठतिष्ठेति नकुलो बभाषे तनयं तव । संस्मृत्य सर्वदुःखानि तव दुर्मन्त्रितं च तत् ॥

tiṣṭhatiṣṭheti nakulo babhāṣe tanayaṃ tava | saṃsmṛtya sarvaduḥkhāni tava durmantritaṃ ca tat

“Stand, stand!” Nakula called to your son, remembering all his sufferings and that evil counsel of yours.