Drona Kills Drupada and Virata

Verse 1 (7.187.1)

त्रिभागमात्रशेषायां रात्र्यां युद्धमवर्तत । कुरूणां पाण्डवानां च संहृष्टानां विशाम्पते ॥

tribhāgamātraśeṣāyāṃ rātryāṃ yuddhamavartata | kurūṇāṃ pāṇḍavānāṃ ca saṃhṛṣṭānāṃ viśāmpate

When only a third part of the night remained, the battle of the Kurus and the Pandavas, both sides exultant, went on, O lord of the people.

Note on the text: Corrected मात्रेषायां → मात्रशेषायां (misprint in Wikisource; a dropped श; the critical edition reads tribhāgamātraśeṣāyāṃ).

Verse 2 (7.187.2)

अथ चन्द्रप्रभां मुष्णन्नादित्यस्य पुरःसरः । अरुणोऽभ्युदयाञ्चक्रे ताम्रीकुर्वन्निवाम्बरम् ॥

atha candraprabhāṃ muṣṇannādityasya puraḥsaraḥ | aruṇo'bhyudayāñcakre tāmrīkurvannivāmbaram

Then Aruna, the forerunner of the sun, rose, stealing the radiance of the moon and turning the sky a coppery red.

Note on the text: Corrected ताम्रीकृर्वन् → ताम्रीकुर्वन् (misprint in Wikisource; the form is from कृ, not कॄ; CE tāmrīkurvann).

Verse 3 (7.187.3)

प्रकाशमकरोद्व्योम जगत्संरञ्जयन्निव । प्राच्यां दिशि सहस्रांशोररुणेनारुणीकृतम् । तापनीयं यथा चक्रं भ्राजते रविमण्डलम् ॥

prakāśamakarodvyoma jagatsaṃrañjayanniva | prācyāṃ diśi sahasrāṃśoraruṇenāruṇīkṛtam | tāpanīyaṃ yathā cakraṃ bhrājate ravimaṇḍalam

The sky grew bright, as if tinting the whole world; in the eastern quarter, reddened by Aruna, the disk of the thousand-rayed sun shone like a wheel of burnished gold.

Note on the text: Removed stray wiki quote marks (backtick and apostrophe). Not in the critical edition's main text; the three lines are CE star passages 7.161.2d*1267_01 (line 1) and 7.161.2d*1268_01–02 (lines 2–3), kept.

Verse 4 (7.187.4)

ततो रथाश्वांश्च मनुष्ययाना- । न्युत्सृज्य सर्वे कुरुपाण्डुयोधाः । दिवाकरस्याभिमुखं जपन्तः । सन्ध्यागताः प्राञ्जलयो बभूवुः ॥

tato rathāśvāṃśca manuṣyayānā- | nyutsṛjya sarve kurupāṇḍuyodhāḥ | divākarasyābhimukhaṃ japantaḥ | sandhyāgatāḥ prāñjalayo babhūvuḥ

Then all the warriors of the Kurus and the Pandavas, leaving their chariots, horses and litters, stood facing the sun with joined palms, murmuring their prayers at the twilight hour.

Note on the text: Changed मनुष्ययाना-- । → मनुष्ययाना- । (the page's double hyphen (“--”) marking the word मनुष्ययानान्युत्सृज्य split between lines 1 and 2 is normalised to the single hyphen used for such breaks). Not in the critical edition's main text; the four lines are CE star passage 7.161.2d*1268_03–06, kept.

Verse 5 (7.187.5)

ततो द्वैधीकृते सैन्ये द्रोणः सोमकपाण्डवान् । अभ्यद्रवत्सपाञ्चालान्दुर्योधनपुरोगमः ॥

tato dvaidhīkṛte sainye droṇaḥ somakapāṇḍavān | abhyadravatsapāñcālānduryodhanapurogamaḥ

Then, when the army had been split in two, Drona, with Duryodhana at his head, charged the Somakas and the Pandavas together with the Panchalas.

Verse 6 (7.187.6)

द्वैधीकृतान्कुरून्दृष्ट्वा माधवोऽर्जुनमब्रवीत् । सपत्नान्सव्यतः कुर्याः सव्यसाचिन्निमान्कुरून् ॥

dvaidhīkṛtānkurūndṛṣṭvā mādhavo'rjunamabravīt | sapatnānsavyataḥ kuryāḥ savyasācinnimānkurūn

Seeing the Kurus divided, Madhava said to Arjuna: “O Savyasachin, you should keep these enemy Kurus on your left.”

Verse 7 (7.187.7)

स माधवमनुज्ञाय कुरुष्वेति धनञ्जयः । द्रोणकर्णौ महेष्वासौ सव्यतः पर्यवर्तत ॥

sa mādhavamanujñāya kuruṣveti dhanañjayaḥ | droṇakarṇau maheṣvāsau savyataḥ paryavartata

“So I shall,” said Dhananjaya to Madhava, and he wheeled round the two great archers, Drona and Karna, keeping them on his left.

Verse 8 (7.187.8)

अभिप्रायं तु कृष्णस्य ज्ञात्वा परपुरञ्जयः । आजिशीर्षगतं पार्थं भीमसेनोऽभ्युवाच ह ॥

abhiprāyaṃ tu kṛṣṇasya jñātvā parapurañjayaḥ | ājiśīrṣagataṃ pārthaṃ bhīmaseno'bhyuvāca ha

Understanding Krishna's purpose, Bhimasena, conqueror of enemy cities, spoke to Partha, who had come to the head of the battle.

Note on the text: Line 2 is a recension variant: Wikisource भीमसेनोऽभ्युवाच ह (“Bhimasena spoke”), CE bhīmasenaṃ samāsadat after dṛṣṭvā (“saw … and approached Bhimasena”). Kept.

Verse 9 (7.187.9)

अर्जुनार्जुन बीभत्सो शृणुष्वैतद्वचो मम । यदर्थं क्षत्रिया सूते तस्य कालोऽयमागतः ॥

arjunārjuna bībhatso śṛṇuṣvaitadvaco mama | yadarthaṃ kṣatriyā sūte tasya kālo'yamāgataḥ

Arjuna, Arjuna, Bibhatsu, hear these words of mine: the time has come for the sake of which a kshatriya woman bears a son.

Verse 10 (7.187.10)

अस्मिंश्चेदागते काले श्रेयो न प्रतिपत्स्यसे । असम्भावितरूपस्त्वं सुनृशंसं करिष्यसि ॥

asmiṃścedāgate kāle śreyo na pratipatsyase | asambhāvitarūpastvaṃ sunṛśaṃsaṃ kariṣyasi

If, now that this moment has come, you do not take the course that is best, you, whose nature passes all reckoning, will commit a deed of great ruthlessness.

Verse 11 (7.187.11)

सत्यश्रीधर्मयशसां वीर्येणानृण्यमाप्नुहि । भिन्ध्यनीकं युधांश्रेष्ठ प्रतिज्ञां सफलां कुरु ॥

satyaśrīdharmayaśasāṃ vīryeṇānṛṇyamāpnuhi | bhindhyanīkaṃ yudhāṃśreṣṭha pratijñāṃ saphalāṃ kuru

By your valour, pay off your debt to truth, to fortune, to dharma and to fame. Break their host, best of fighters, and make your vow come true.

Verse 12 (7.187.12)

स सव्यसाची भीमेन चोदितः केशवेन च । कर्णद्रोणावतिक्रम्य समन्तात्पर्यवारयत् ॥

sa savyasācī bhīmena coditaḥ keśavena ca | karṇadroṇāvatikramya samantātparyavārayat

Urged on by Bhima and by Keshava, Savyasachin passed beyond Karna and Drona and closed in on the enemy from every side.

Verse 13 (7.187.13)

तमाजिशीर्षमायान्तं दहन्तं क्षत्रियर्षभान् । पराक्रान्तं पराक्रम्य ततः क्षत्रियपुङ्गवाः । नाशक्नुवन्वारयितुं वर्धमानमिवानलम् ॥

tamājiśīrṣamāyāntaṃ dahantaṃ kṣatriyarṣabhān | parākrāntaṃ parākramya tataḥ kṣatriyapuṅgavāḥ | nāśaknuvanvārayituṃ vardhamānamivānalam

As he came to the head of the battle, burning the foremost of the kshatriyas, those bulls among kshatriyas, for all their prowess against the mighty warrior, could not hold him back, for he grew like a spreading fire.

Verse 14 (7.187.14)

अथ दुर्योधनः कर्णः शकुनिश्चापि सौबलः । अभ्यवर्षञ्छरव्रातैः कुन्तीपुत्रं धनञ्जयम् ॥

atha duryodhanaḥ karṇaḥ śakuniścāpi saubalaḥ | abhyavarṣañcharavrātaiḥ kuntīputraṃ dhanañjayam

Then Duryodhana, Karna and Shakuni, son of Subala, rained volleys of arrows on Dhananjaya, son of Kunti.

Verse 15 (7.187.15)

तेषामस्त्राणि सर्वेषामुत्तमास्त्रविदां वरः । कदर्थीकृत्य राजेन्द्र शरवर्षैरवाकिरत् ॥

teṣāmastrāṇi sarveṣāmuttamāstravidāṃ varaḥ | kadarthīkṛtya rājendra śaravarṣairavākirat

That best of the knowers of the supreme weapons made light of all their weapons, O king of kings, and covered them with showers of arrows.

Verse 16 (7.187.16)

अस्त्रैरस्त्राणि संवार्य लघुहस्तो धनञ्जयः । सर्वानविध्यन्निशितैर्दशभिर्दशभिः शरैः ॥

astrairastrāṇi saṃvārya laghuhasto dhanañjayaḥ | sarvānavidhyanniśitairdaśabhirdaśabhiḥ śaraiḥ

Swift-handed Dhananjaya, countering their weapons with his own, pierced every one of them with ten sharp arrows each.

Verse 17 (7.187.17)

उद्धूता रजसो वृष्टिः शरवृष्टिस्तथैव च । तमश्च घोरं शब्दश्च तदा समभवन्महान् ॥

uddhūtā rajaso vṛṣṭiḥ śaravṛṣṭistathaiva ca | tamaśca ghoraṃ śabdaśca tadā samabhavanmahān

A downpour of whirled-up dust, a downpour of arrows, a dreadful darkness and a mighty uproar all arose together then.

Verse 18 (7.187.18)

न द्यौर्न भूमिर्न दिशः प्राज्ञायन्त तथागते । सैन्येन रजसा मूढं सर्वमन्धमिवाभवत् ॥

na dyaurna bhūmirna diśaḥ prājñāyanta tathāgate | sainyena rajasā mūḍhaṃ sarvamandhamivābhavat

When it had come to this, neither sky nor earth nor the quarters could be made out; bewildered by the army and the dust, everything seemed to have gone blind.

Note on the text: Corrected सर्वमन्घमिवाभवत् → सर्वमन्धमिवाभवत् (misprint in Wikisource; घ for ध; CE sarvam andham ivābhavat).

Verse 19 (7.187.19)

नैव ते न वयं राजन्प्राज्ञासिष्म परस्परम् । शब्दमात्रेण जानीमो वयं ते च परस्परम् । उद्देशेन हि तेन स्म समयुध्यन्त पार्थिवाः ॥

naiva te na vayaṃ rājanprājñāsiṣma parasparam | śabdamātreṇa jānīmo vayaṃ te ca parasparam | uddeśena hi tena sma samayudhyanta pārthivāḥ

Neither they nor we, O king, could tell one another apart. We knew them, and they knew us, only by the sound of the voice; and it was by such indications alone that the kings fought.

Note on the text: Removed stray wiki quote marks (backtick and apostrophe). Lines 1 and 3 are CE 7.161.17a and 17c (the alignment left it unmatched); the middle line is CE star passage 7.161.17b*1269_01.

Verse 20 (7.187.20)

विरथा रथिनो राजन्समासाद्य परस्परम् । केशेषु समसज्जन्त कवचेषु भुजेषु च ॥

virathā rathino rājansamāsādya parasparam | keśeṣu samasajjanta kavaceṣu bhujeṣu ca

Chariot-warriors who had lost their chariots, O king, came together and grappled one another by the hair, by their armour and by their arms.

Verse 21 (7.187.21)

हताश्वा हतसूताश्च निश्चेष्टा रथिनो हताः । जीवन्त इव तत्र स्म व्यदृश्यन्त भयार्दिताः ॥

hatāśvā hatasūtāśca niśceṣṭā rathino hatāḥ | jīvanta iva tatra sma vyadṛśyanta bhayārditāḥ

Chariot-warriors whose horses and charioteers were slain lay dead and motionless, yet in their terror they looked as if they were still alive.

Verse 22 (7.187.22)

हतान्गजान्समाश्लिष्य पर्वतानिव वाजिनः । गतसत्वा व्यदृश्यन्त तथैव सह सादिभिः ॥

hatāngajānsamāśliṣya parvatāniva vājinaḥ | gatasatvā vyadṛśyanta tathaiva saha sādibhiḥ

Horses clasping the slain elephants as if they were mountains were seen lifeless, along with their riders.

Verse 23 (7.187.23)

ततस्त्वभ्यवसृत्यैव सङ्ग्रामादुत्तरां दिशम् । आतिष्ठदाहवे द्रोणो विधूमोऽग्निरिव ज्वलन् ॥

tatastvabhyavasṛtyaiva saṅgrāmāduttarāṃ diśam | ātiṣṭhadāhave droṇo vidhūmo'gniriva jvalan

Then Drona withdrew from the fight toward the northern quarter and took his stand in the battle, blazing like a smokeless fire.

Verse 24 (7.187.24)

तमाजिशीर्षादेकान्तमपक्रान्तं निशम्य तु । समकम्पन्त सैन्यानि पाण्डवानां विशाम्पते ॥

tamājiśīrṣādekāntamapakrāntaṃ niśamya tu | samakampanta sainyāni pāṇḍavānāṃ viśāmpate

When they saw that he had drawn off to one side from the head of the battle, the armies of the Pandavas trembled, O lord of the people.

Verse 25 (7.187.25)

भ्राजमानं श्रिया युक्तं ज्वलन्तमिव तेजसा । द्रोणं दृष्ट्वा परे त्रेसुश्चेलुर्मम्लुश्च भारत ॥

bhrājamānaṃ śriyā yuktaṃ jvalantamiva tejasā | droṇaṃ dṛṣṭvā pare tresuścelurmamluśca bhārata

Seeing Drona, radiant with splendour and blazing as it were with energy, the foe shook, wavered and wilted, O Bharata.

Note on the text: Corrected चेरुर्मम्लुश्च → चेलुर्मम्लुश्च (misprint in Wikisource; “moved about” makes no sense in the series त्रेसुः, चेलुः, मम्लुः “trembled, shook, withered”; CE celur mamluś ca). Line 1 differs slightly from the CE (दृष्ट्वा परे / भारत for dṛṣṭvārayaḥ / māriṣa); recension variant, kept.

Verse 26 (7.187.26)

आह्वयन्तं परानीकं प्रभिन्नमिव वारणम् । नैनमाशंसिरे जेतुं दानवा वासवं यथा ॥

āhvayantaṃ parānīkaṃ prabhinnamiva vāraṇam | nainamāśaṃsire jetuṃ dānavā vāsavaṃ yathā

As he challenged the enemy host like a rutting elephant, they did not hope to defeat him, any more than the Danavas hope to defeat Vasava.

Verse 27 (7.187.27)

केचिदासन्निरुत्साहाः केचित्क्रुद्धा मनस्विनः । विस्मिताश्चाभवन्केचित्केचिद्धृष्टाऽभवन्युधि ॥

kecidāsannirutsāhāḥ kecitkruddhā manasvinaḥ | vismitāścābhavankecitkeciddhṛṣṭā'bhavanyudhi

Some lost heart; some, being proud-spirited, were enraged; some were astonished, and some grew bold in the fight.

Note on the text: Corrected केचिद्वृष्टा → केचिद्धृष्टा (misprint in Wikisource; वृष्टा, “rained”, is meaningless here; read केचित् + हृष्टाः/धृष्टाः, which coincide in sandhi, here taken as “bold”). Line 2 is a recension variant (the CE has ke cid āsann amarṣitāḥ); kept.

Verse 28 (7.187.28)

हस्तैर्हस्ताग्रमपरे प्रत्यपिंषन्नराधिपाः । अपरे दशनैरोष्ठानदशन्क्रोधमूर्च्छिताः ॥

hastairhastāgramapare pratyapiṃṣannarādhipāḥ | apare daśanairoṣṭhānadaśankrodhamūrcchitāḥ

Some kings ground the fingertips of one hand in the other; others, faint with rage, bit their lips with their teeth.

Note on the text: Corrected प्रत्यपिम्पन् → प्रत्यपिंषन् (misprint in Wikisource; पिम्प् is not a verb form, the root is पिष्; CE pratyapiṃṣan).

Verse 29 (7.187.29)

व्याक्षिपन्नायुधान्यन्ये ममृदुश्चापरे भुजान् । अन्ये चान्वपतन्द्रोणं त्यक्तात्मानो महौजसः ॥

vyākṣipannāyudhānyanye mamṛduścāpare bhujān | anye cānvapatandroṇaṃ tyaktātmāno mahaujasaḥ

Some flung away their weapons, others wrung their arms; and still others, mighty and careless of their lives, fell upon Drona.

Verse 30 (7.187.30)

पाञ्चालास्तु विशेषेण द्रोणसायकपीडिताः । समसज्जन्त राजेन्द्र समरे भृशवेदनाः ॥

pāñcālāstu viśeṣeṇa droṇasāyakapīḍitāḥ | samasajjanta rājendra samare bhṛśavedanāḥ

The Panchalas above all, tormented by Drona's arrows, O king of kings, closed with him in the battle, in grievous pain.

Verse 31 (7.187.31)

ततो विराटद्रुपदौ द्रोणं प्रति ययू रणे । तथा चरन्तं सङ्ग्रामे भृशं समरदुर्जयम् ॥

tato virāṭadrupadau droṇaṃ prati yayū raṇe | tathā carantaṃ saṅgrāme bhṛśaṃ samaradurjayam

Then Virata and Drupada advanced on Drona in the battle, as he ranged about the field, so hard to overcome in combat.

Verse 32 (7.187.32)

द्रुपदस्य ततः पौत्रास्त्रय एव विशाम्पते । चेदयश्च महेष्वासा द्रोणमेवाभ्ययुर्युधि ॥

drupadasya tataḥ pautrāstraya eva viśāmpate | cedayaśca maheṣvāsā droṇamevābhyayuryudhi

Then, O lord of the people, Drupada's three grandsons and the mighty Chedi archers attacked Drona in the fight.

Verse 33 (7.187.33)

तेषां द्रुपदपौत्राणां त्रयाणां निशितैः शरैः । त्रिभिर्द्रोणोऽहरत्प्राणांस्ते हता न्यपतन्भुवि ॥

teṣāṃ drupadapautrāṇāṃ trayāṇāṃ niśitaiḥ śaraiḥ | tribhirdroṇo'haratprāṇāṃste hatā nyapatanbhuvi

With three sharp arrows Drona took the lives of those three grandsons of Drupada, and they fell dead to the ground.

Verse 34 (7.187.34)

ततो द्रोणोऽजयद्युद्धे चेदिकैकेयसृञ्जयान् । मात्स्यांश्चैवाजयत्कृत्स्नान्भारद्वाजो महारथान् ॥

tato droṇo'jayadyuddhe cedikaikeyasṛñjayān | mātsyāṃścaivājayatkṛtsnānbhāradvājo mahārathān

Then Drona conquered the Chedis, Kaikeyas and Srinjayas in the battle, and the son of Bharadvaja conquered all the Matsya great chariot-warriors as well.

Verse 35 (7.187.35)

ततस्तु द्रुपदः क्रोधाच्छरवर्षमवासृजत् । द्रोणं प्रति महाराज विराटश्चैव संयुगे ॥

tatastu drupadaḥ krodhāccharavarṣamavāsṛjat | droṇaṃ prati mahārāja virāṭaścaiva saṃyuge

Then Drupada, in anger, loosed a rain of arrows at Drona, and so did Virata in the fight, O great king.

Verse 36 (7.187.36)

तं निहत्येषुवर्षं तु द्रोणः क्षत्रियमर्दनः । तौ शरैश्छादयामास विराटद्रुपदावुभौ ॥

taṃ nihatyeṣuvarṣaṃ tu droṇaḥ kṣatriyamardanaḥ | tau śaraiśchādayāmāsa virāṭadrupadāvubhau

Drona, crusher of kshatriyas, struck down that rain of arrows and covered both Virata and Drupada with his shafts.

Note on the text: Not in the critical edition's main text: the two lines are CE star passage 7.161.33d*1272_01–02 (after 7.161.33), kept.

Verse 37 (7.187.37)

द्रोणेन च्छाद्यमानौ तु क्रुद्धौ सङ्ग्राममूर्धनि । द्रोणं शरैर्विव्यधतुः परमं क्रोधमास्थितौ ॥

droṇena cchādyamānau tu kruddhau saṅgrāmamūrdhani | droṇaṃ śarairvivyadhatuḥ paramaṃ krodhamāsthitau

Covered by Drona, the two, enraged at the head of the battle and filled with the utmost fury, pierced Drona with arrows.

Note on the text: Not in the critical edition's main text: the two lines are CE star passage 7.161.33d*1272_03–04, kept.

Verse 38 (7.187.38)

ततो द्रोणो महाराज क्रोधामर्षसमन्वितः । भल्लाभ्यां भृशतीक्ष्णाभ्यां चिच्छेद धनुषी तयोः ॥

tato droṇo mahārāja krodhāmarṣasamanvitaḥ | bhallābhyāṃ bhṛśatīkṣṇābhyāṃ ciccheda dhanuṣī tayoḥ

Then Drona, O great king, full of wrath and indignation, cut down both their bows with two very sharp broad-headed arrows.

Note on the text: Corrected तत द्रोणो → ततो द्रोणो (misprint in Wikisource; a dropped ओ; CE tato droṇo). Not in the critical edition's main text: the two lines are CE star passage 7.161.33d*1272_05–06, kept.

Verse 39 (7.187.39)

ततो विराटः कुपितः समरे तोमरान्दश । दश चिक्षेप च शरान्द्रोणस्य वधकाङ्क्षया ॥

tato virāṭaḥ kupitaḥ samare tomarāndaśa | daśa cikṣepa ca śarāndroṇasya vadhakāṅkṣayā

Then Virata, enraged, hurled ten tomaras and ten arrows at Drona in the battle, wishing to kill him.

Note on the text: Not in the critical edition's main text: the two lines are CE star passage 7.161.33d*1272_07–08, kept.

Verse 40 (7.187.40)

शक्तिं च द्रुपदो घोरामायसीं स्वर्णभूषिताम् । चिक्षेप भुजगेन्द्राभां क्रुद्धो द्रोणरथं प्रति ॥

śaktiṃ ca drupado ghorāmāyasīṃ svarṇabhūṣitām | cikṣepa bhujagendrābhāṃ kruddho droṇarathaṃ prati

And Drupada, in fury, hurled at Drona's chariot a terrible iron spear adorned with gold, shining like the king of serpents.

Note on the text: Not in the critical edition's main text: the two lines are CE star passage 7.161.33d*1272_09–10, kept.

Verse 41 (7.187.41)

ततो भल्लैः सुनिशितैश्छित्त्वा तांस्तोमरान्दश । शक्तिं कनकवैदूर्यां द्रोणश्चिच्छेद सायकैः ॥

tato bhallaiḥ suniśitaiśchittvā tāṃstomarāndaśa | śaktiṃ kanakavaidūryāṃ droṇaściccheda sāyakaiḥ

Then Drona cut down those ten tomaras with sharp broad-headed arrows, and with his shafts he cut down the spear gleaming with gold and cat's-eye gems.

Note on the text: Corrected तांस्तोमारान् → तांस्तोमरान् (misprint in Wikisource; तोमार is not a word, cf. तोमरान् in verse 39; CE tāṃs tomarān). Not in the critical edition's main text: the two lines are CE star passage 7.161.33d*1272_11–12, kept.

Verse 42 (7.187.42)

ततो द्रोणः सुपीताभ्यां भल्लाभ्यामरिमर्दनः । द्रुपदं च विराटं च प्रेषयामास मृत्यवे ॥

tato droṇaḥ supītābhyāṃ bhallābhyāmarimardanaḥ | drupadaṃ ca virāṭaṃ ca preṣayāmāsa mṛtyave

Then Drona, crusher of foes, with two yellow-gleaming broad-headed arrows sent Drupada and Virata to their deaths.

Note on the text: Line 2 is a recension variant (प्रेषयामास मृत्यवे; CE praiṣīd vaivasvatakṣayam). Kept.

Verse 43 (7.187.43)

हते विराटे द्रुपदे केकयेषु तथैव च । तथैव चेदिमात्स्येषु पाञ्चालेषु तथैव च ॥

hate virāṭe drupade kekayeṣu tathaiva ca | tathaiva cedimātsyeṣu pāñcāleṣu tathaiva ca

When Virata and Drupada had been slain, and likewise the Kekayas, and likewise the Chedis, Matsyas and Panchalas,

Note on the text: Lines 1–2 are CE 7.161.35a and 35c. The alignment left it unmatched; the CE's third line (35e, hateṣu triṣu vīreṣu drupadasya ca naptṛṣu) is line 1 of the next verse.

Verse 44 (7.187.44)

हतेषु त्रिषु वीरेषु द्रुपदस्य च नप्तृषु । द्रोणस्य कर्म तद्दृष्ट्वा कोपदुःखसमन्वितः । शशाप रथिनां मध्ये धृष्टद्युम्नो महामनाः ॥

hateṣu triṣu vīreṣu drupadasya ca naptṛṣu | droṇasya karma taddṛṣṭvā kopaduḥkhasamanvitaḥ | śaśāpa rathināṃ madhye dhṛṣṭadyumno mahāmanāḥ

and when the three heroes, Drupada's grandsons, had been slain, the high-minded Dhrishtadyumna, seeing that deed of Drona and filled with anger and grief, swore an oath in the midst of the chariot-warriors.

Note on the text: Line 1 is CE 7.161.35e; lines 2–3 are CE 7.161.36a and 36c. The alignment left it unmatched. (The CE star passage 7.161.35f*1274 is not in this text.)

Verse 45 (7.187.45)

इष्टापूर्तात्तथा क्षात्राद्ब्राह्मण्याच्च स नश्यतु । द्रोणो यस्याद्य मुच्येत यं वा द्रोणः पराभवेत् ॥

iṣṭāpūrtāttathā kṣātrādbrāhmaṇyācca sa naśyatu | droṇo yasyādya mucyeta yaṃ vā droṇaḥ parābhavet

Let him be stripped of his sacrifices and works of piety, of his kshatriya merit and his brahminhood — the man from whom Drona escapes today, or whom Drona overcomes.

Note on the text: Speaker corrected: the page prints no heading here, but the whole verse is Dhrishtadyumna's oath (शशाप, verse 44), so it is given to him rather than to Sanjaya. Line 2 reads यं वा द्रोणः पराभवेत् where the CE has yo vā droṇāt parāṅmukhaḥ (recension variant, kept).

Verse 46 (7.187.46)

इति तेषां प्रतिश्रुत्य मध्ये सर्वधनुष्मताम् । आयाद्द्रोणं सहानीकाः पाञ्चाल्यः परवीरहा ॥

iti teṣāṃ pratiśrutya madhye sarvadhanuṣmatām | āyāddroṇaṃ sahānīkāḥ pāñcālyaḥ paravīrahā

Having thus pledged himself in the midst of all the bowmen, the Panchala prince, slayer of enemy heroes, advanced on Drona with his troops.

Note on the text: Corrected पाञ्चाल्यऋ → पाञ्चाल्यः (misprint in Wikisource; a stray ऋ for the visarga; CE pāñcālyaḥ). Lines 1–2 are CE 7.161.38a and 38c (the alignment left it unmatched); the CE's third line (38e) is line 1 of the next verse.

Verse 47 (7.187.47)

पाञ्चालास्त्वेकतो द्रोणमभ्यघ्नन्पाण्डवैः सह । दुर्योधनश्च कर्णश्च शकुनिश्चापि सौबलः । सोदर्याश्च यथा मुख्यास्तेऽरक्षन्द्रोणमाहवे ॥

pāñcālāstvekato droṇamabhyaghnanpāṇḍavaiḥ saha | duryodhanaśca karṇaśca śakuniścāpi saubalaḥ | sodaryāśca yathā mukhyāste'rakṣandroṇamāhave

On one side the Panchalas, together with the Pandavas, struck at Drona; and Duryodhana, Karna, Shakuni, son of Subala, and the foremost of his brothers guarded Drona in the fight.

Note on the text: Corrected द्रोणभ्यघ्नन् → द्रोणमभ्यघ्नन् (misprint in Wikisource; a dropped म; CE droṇam abhyaghnan). Line 1 is CE 7.161.38e (the page reads पाण्डवैः सह where the CE has pāṇḍavānyataḥ, a variant); lines 2–3 are CE 7.161.39a and 39c. The alignment left it unmatched.

Verse 48 (7.187.48)

रक्ष्यमाणं तथा द्रोणं सर्वैस्तैस्तु महारथैः । यतमानास्तु पाञ्चाला न शेकुः प्रतिवीक्षितुम् ॥

rakṣyamāṇaṃ tathā droṇaṃ sarvaistaistu mahārathaiḥ | yatamānāstu pāñcālā na śekuḥ prativīkṣitum

Though the Panchalas strove hard, they could not even look at Drona, guarded as he was by all those great chariot-warriors.

Verse 49 (7.187.49)

तत्राक्रुध्यद्भीमसेनो धृष्टद्युम्नस्य मारिष । स एनं वाग्भिरुग्राभिस्ततक्ष पुरुषर्षभः ॥

tatrākrudhyadbhīmaseno dhṛṣṭadyumnasya māriṣa | sa enaṃ vāgbhirugrābhistatakṣa puruṣarṣabhaḥ

Then Bhimasena, O Marisha, grew angry with Dhrishtadyumna, and that bull among men lashed him with fierce words.

Verse 50 (7.187.50)

द्रुपदस्य कुले जातः सर्वास्त्रेष्वस्त्रवित्तमः । कः क्षत्रियो मन्यमानः प्रेक्षेतारिमवस्थितम् ॥

drupadasya kule jātaḥ sarvāstreṣvastravittamaḥ | kaḥ kṣatriyo manyamānaḥ prekṣetārimavasthitam

Born in Drupada's line, foremost of all who know the use of weapons — what kshatriya who thought himself one would stand and watch while the enemy holds his ground?

Verse 51 (7.187.51)

पितृपुत्रवधं प्राप्य पुंस्त्वं को वा प्रहर्षयेत् । विशेषतस्तु शपथं शपित्वा राजसंसदि ॥

pitṛputravadhaṃ prāpya puṃstvaṃ ko vā praharṣayet | viśeṣatastu śapathaṃ śapitvā rājasaṃsadi

Who, having suffered the slaying of his father and his son, could still feel proud of his manhood — above all one who has sworn an oath in the royal assembly?

Verse 52 (7.187.52)

एष वैश्वानर इव समिद्धः स्वेन तेजसा । शरचापेन्धनो द्रोणः क्षत्रं दहति तेजसा ॥

eṣa vaiśvānara iva samiddhaḥ svena tejasā | śaracāpendhano droṇaḥ kṣatraṃ dahati tejasā

Here is Drona, blazing with his own energy like Vaishvanara, the fire, with bow and arrows for fuel, burning the kshatriyas with his fire.

Verse 53 (7.187.53)

पुरा करोति निःशेषां पाण्डवानामनीकिनीम् । स्थिताः पश्यत मे कर्म द्रोणमेव व्रजाम्यहम् ॥

purā karoti niḥśeṣāṃ pāṇḍavānāmanīkinīm | sthitāḥ paśyata me karma droṇameva vrajāmyaham

Before he makes an end of the Pandava army, stand where you are and watch what I do. I go straight at Drona.

Verse 54 (7.187.54)

इत्युक्त्वा प्राविशत्क्रुद्धो द्रोणानीकं वृकोदरः । शरैः पूर्णायतोत्सृष्टैर्द्रावयंस्तव वाहिनीम् ॥

ityuktvā prāviśatkruddho droṇānīkaṃ vṛkodaraḥ | śaraiḥ pūrṇāyatotsṛṣṭairdrāvayaṃstava vāhinīm

Saying this, Vrikodara entered Drona's host in rage, driving your army before him with arrows loosed from his fully drawn bow.

Note on the text: Corrected पूर्णायतोत्सृष्टौर् → पूर्णायतोत्सृष्टैर् (misprint in Wikisource; CE pūrṇāyatotsṛṣṭair). Speaker corrected to Sanjaya: Bhima's speech (printed heading at verse 50) ends with verse 53, and verses 54–59 are narration (the input carried Bhimasena over).

Verse 55 (7.187.55)

धृष्टद्युम्नोऽपि पाञ्चाल्यः प्रविश्य महतीं चमूम् । आससाद रणे द्रोणं तदासीत्तुमुलं महत् ॥

dhṛṣṭadyumno'pi pāñcālyaḥ praviśya mahatīṃ camūm | āsasāda raṇe droṇaṃ tadāsīttumulaṃ mahat

Dhrishtadyumna too, the Panchala, plunged into the great host and reached Drona in the battle, and a mighty tumult arose.

Verse 56 (7.187.56)

नैव नस्तादृशं युद्धं दृष्टपूर्वं न च श्रुतम् । यथा सूर्योदये राजन्समुत्पिञ्जोऽभवन्महान् ॥

naiva nastādṛśaṃ yuddhaṃ dṛṣṭapūrvaṃ na ca śrutam | yathā sūryodaye rājansamutpiñjo'bhavanmahān

We had never before seen or heard of such a battle as the great confusion that arose at sunrise, O king.

Verse 57 (7.187.57)

संसक्तान्येव चादृश्यन्रथवृन्दानि मारिष । हतानि च विकीर्णानि शरीराणि शरीरिणाम् ॥

saṃsaktānyeva cādṛśyanrathavṛndāni māriṣa | hatāni ca vikīrṇāni śarīrāṇi śarīriṇām

Masses of chariots were seen locked together, O Marisha, and the slain bodies of living beings lay scattered about.

Note on the text: Corrected सरीराणि → शरीराणि (misprint in Wikisource; CE śarīrāṇi).

Verse 58 (7.187.58)

केचिदन्यत्र गच्छन्तः पथि चान्यैरुपद्रुताः । विमुखाः पृष्ठतश्चान्ये ताड्यन्ते पार्श्वतः परे ॥

kecidanyatra gacchantaḥ pathi cānyairupadrutāḥ | vimukhāḥ pṛṣṭhataścānye tāḍyante pārśvataḥ pare

Some going one way were assailed on the road by others; some, turned away, were struck from behind, and others from the side.

Verse 59 (7.187.59)

तथा संसक्तयुद्धं तदभवद्भृशदारुणम् । अथ सन्ध्यागतः सूर्यः क्षणेन समपद्यत ॥

tathā saṃsaktayuddhaṃ tadabhavadbhṛśadāruṇam | atha sandhyāgataḥ sūryaḥ kṣaṇena samapadyata

So the fight, locked in close combat, grew fearfully savage; and then in a moment the sun had reached the twilight hour.