Ashvatthama’s Vow and the Narayana Weapon

Verse 1 (7.196.1)

छद्मना निहतं श्रुत्वा पितरं पापकर्मणा । बाष्पेणापूर्यत द्रौणी रोषेण च नरर्षभ ॥

chadmanā nihataṃ śrutvā pitaraṃ pāpakarmaṇā | bāṣpeṇāpūryata drauṇī roṣeṇa ca nararṣabha

Hearing that his father had been killed by a wicked-deeded man through deceit, Drona’s son was filled with tears and with rage, O best of men.

Note on the text: Adhyaya note: the input (48 verses) agrees with the raw page’s table row for row (printed 5-196-1 to 5-196-48; the page’s “5-” is a typo for 7). Wikisource 196 corresponds to CE 7.166.16–60. CE star passages 7.166.19f*1359_01–02, 39d*1362_01, 45d*1363_01, 51d*1364_01, 53d*1365_01 and 56d*1366_01–04 are not on the page, and the page’s footnotes (glosses) are not part of the text.

Verse 2 (7.196.2)

तस्य क्रुद्धस्य राजेन्द्र वपुर्दीप्तमदृश्यत । अन्तकस्येव भूतानि जिहीर्षोः कालपर्यये ॥

tasya kruddhasya rājendra vapurdīptamadṛśyata | antakasyeva bhūtāni jihīrṣoḥ kālaparyaye

As he raged, O king of kings, a blazing form was seen about him, like that of Death when, at the turn of the age, he longs to carry off all beings.

Verse 3 (7.196.3)

अश्रुपूर्णे ततो नेत्रे व्यपमृज्य पुनः पुनः । उवाच कोपान्निःश्वस्य दुर्योधनमिदं वचः ॥

aśrupūrṇe tato netre vyapamṛjya punaḥ punaḥ | uvāca kopānniḥśvasya duryodhanamidaṃ vacaḥ

Wiping his tear-filled eyes again and again, he sighed in anger and spoke these words to Duryodhana:

Note on the text: Corrected अश्रूपुर्णे → अश्रुपूर्णे (misprint in Wikisource; u and ū transposed; the critical edition reads aśrupūrṇe).

Verse 4 (7.196.4)

पिता मम यथा क्षुद्रैर्न्यस्तशस्त्रो निपातितः । धर्मध्वजवता पापं कृतं तद्विदितं मम । अनार्यं सुनृशंसं च धर्मपुत्रस्य मे श्रुतम् ॥

pitā mama yathā kṣudrairnyastaśastro nipātitaḥ | dharmadhvajavatā pāpaṃ kṛtaṃ tadviditaṃ mama | anāryaṃ sunṛśaṃsaṃ ca dharmaputrasya me śrutam

How my father, who had laid down his weapons, was felled by base men, and the sin done by him who carries the banner of dharma—that I know; and the ignoble, utterly cruel deed of Dharma’s son I have heard.

Note on the text: No speaker heading is printed; Ashvatthama’s speech (introduced by v3) runs through v44 and is given to him. Three lines, as on the page = CE 7.166.19a, 19c, 19e.

Verse 5 (7.196.5)

युद्धेष्वपि प्रवृत्तानां ध्रुवं जयपराजयौ । द्वयमेतद्भवेद्राजन्वधस्तत्र प्रशस्यते ॥

yuddheṣvapi pravṛttānāṃ dhruvaṃ jayaparājayau | dvayametadbhavedrājanvadhastatra praśasyate

For men engaged in battles victory and defeat are certain; one of the two will come, O king, and of these, death is the one that is praised.

Verse 6 (7.196.6)

न्यायवृत्तो वधो यस्तु सङ्ग्रामे युध्यतो भवेत् । न स दुःखाय भवति तथा दृष्टो हि स द्विजैः ॥

nyāyavṛtto vadho yastu saṅgrāme yudhyato bhavet | na sa duḥkhāya bhavati tathā dṛṣṭo hi sa dvijaiḥ

A death that accords with right conduct, coming to one who fights in battle, does not bring grief; so the twice-born have seen it.

Note on the text: Corrected संङ्ग्रामे → सङ्ग्रामे (misprint in Wikisource; stray anusvara before ङ्; the critical edition reads saṃgrāme).

Verse 7 (7.196.7)

गतः स वीरलोकाय पिता मम न संशयः । न शोच्यः पुरुषव्याघ्र यस्तदा निधनं गतः ॥

gataḥ sa vīralokāya pitā mama na saṃśayaḥ | na śocyaḥ puruṣavyāghra yastadā nidhanaṃ gataḥ

My father has gone to the world of heroes, there is no doubt; one who met his end so is not to be mourned, O tiger among men.

Verse 8 (7.196.8)

यत्तु धर्मप्रवृत्तः सन्केशग्रहणमाप्तवान् । पश्यतां सर्वसैन्यानां तन्मे मर्माणि कृन्तति ॥

yattu dharmapravṛttaḥ sankeśagrahaṇamāptavān | paśyatāṃ sarvasainyānāṃ tanme marmāṇi kṛntati

But that, while following dharma, he suffered the seizing of his hair in the sight of all the armies—that cuts into my vitals.

Note on the text: Corrected धर्मप्रवृतः → धर्मप्रवृत्तः (misprint in Wikisource; dropped त्; the critical edition reads dharmapravṛttaḥ).

Verse 9 (7.196.9)

मयि जीवति यत्तातः केशग्रहमवाप्तवान् । कथमन्ये करिष्यन्ति पुत्रेभ्यः पुत्रिणः स्पृहाम् ॥

mayi jīvati yattātaḥ keśagrahamavāptavān | kathamanye kariṣyanti putrebhyaḥ putriṇaḥ spṛhām

That my father suffered the seizing of his hair while I was alive—how will other fathers cherish hope in their sons?

Note on the text: Not in the critical edition’s main text; = star passage 7.166.23d*1360_01–02 (after 7.166.23).

Verse 10 (7.196.10)

कामात्क्रोधादविज्ञानाद्दर्पाद्बाल्येन वा पुनः । विधर्मकाणि कुर्वन्ति तथा परिभवन्ति च ॥

kāmātkrodhādavijñānāddarpādbālyena vā punaḥ | vidharmakāṇi kurvanti tathā paribhavanti ca

Out of desire, anger, ignorance, pride, or youthful folly, men do deeds contrary to dharma, and they show contempt as well.

Note on the text: Corrected वर्षाद् → दर्पाद् (misprint in Wikisource; वर्षात् (“from rain”) makes no sense here; the list is “desire, anger, ignorance, pride, youth”, and the critical edition reads darpāt).

Verse 11 (7.196.11)

तदिदं पार्षतेनेह महदाधर्मिकं कृतम् । अवज्ञाय च मां नूनं नृशंसेन दुरात्मना ॥

tadidaṃ pārṣateneha mahadādharmikaṃ kṛtam | avajñāya ca māṃ nūnaṃ nṛśaṃsena durātmanā

This great unrighteous act has been done here by Parshata, the cruel and wicked-souled, surely in contempt of me.

Verse 12 (7.196.12)

तस्यानुबन्धं द्रष्टाऽसौ धृष्टद्युम्नः सुदारुणम् । अकार्यं परमं कृत्वा मिथ्यावादी च पाण्डवः ॥

tasyānubandhaṃ draṣṭā'sau dhṛṣṭadyumnaḥ sudāruṇam | akāryaṃ paramaṃ kṛtvā mithyāvādī ca pāṇḍavaḥ

Dhrishtadyumna will see its terrible consequence, having done a most heinous act—and so will the Pandava, the teller of falsehood.

Verse 13 (7.196.13)

यो ह्यसौ छद्मनाऽऽचार्यं शस्त्रं सन्न्यासयत्तदा । तस्याद्य धर्मराजस्य भूमिः पास्यति शोणितम् ॥

yo hyasau chadmanā''cāryaṃ śastraṃ sannyāsayattadā | tasyādya dharmarājasya bhūmiḥ pāsyati śoṇitam

That king of dharma who by deceit made the teacher lay down his weapons—today the earth will drink his blood.

Verse 14 (7.196.14)

शपे सत्येन कौरव्य इष्टापूर्तेन चैव ह । अहत्वा सर्वपाञ्चालाञ्जीवेयं न कथञ्चन ॥

śape satyena kauravya iṣṭāpūrtena caiva ha | ahatvā sarvapāñcālāñjīveyaṃ na kathañcana

I swear by truth, O Kaurava, and by my sacrifices and works of merit: without slaying all the Panchalas I will on no account live.

Note on the text: Not in the critical edition’s main text; = star passage 7.166.27d*1361_01–02 (after 7.166.27).

Verse 15 (7.196.15)

सर्वोपायैर्यतिष्यामि पाञ्चालानामहं वधे । धृष्टद्युम्नं च समरे हन्ताऽहं पापकारिणम् ॥

sarvopāyairyatiṣyāmi pāñcālānāmahaṃ vadhe | dhṛṣṭadyumnaṃ ca samare hantā'haṃ pāpakāriṇam

By every means I shall strive for the slaughter of the Panchalas, and I shall kill Dhrishtadyumna, that evildoer, in battle.

Verse 16 (7.196.16)

कर्मणा येन तेनेह मृदुना दारुणेन च । पाञ्चालानां वधं कृत्वा शान्तिं लब्धास्मि कौरव ॥

karmaṇā yena teneha mṛdunā dāruṇena ca | pāñcālānāṃ vadhaṃ kṛtvā śāntiṃ labdhāsmi kaurava

By whatever deed, mild or terrible, having brought about the slaughter of the Panchalas, I shall find peace, O Kaurava.

Verse 17 (7.196.17)

यदर्थं पुरुषव्याघ्र पुत्रानिच्छन्ति मानवाः । प्रेत्य चेह च सम्प्राप्तात्त्रायन्ते महतो भयात् ॥

yadarthaṃ puruṣavyāghra putrānicchanti mānavāḥ | pretya ceha ca samprāptāttrāyante mahato bhayāt

That for which, O tiger among men, people wish for sons—that they may save them, here and in the world beyond, from the great fear that comes upon them—

Verse 18 (7.196.18)

पित्रा तु मम साऽवस्था प्राप्ता निर्बन्धुना यथा । मयि शैलप्रतीकाशे पुत्रे शिष्ये च जीवति ॥

pitrā tu mama sā'vasthā prāptā nirbandhunā yathā | mayi śailapratīkāśe putre śiṣye ca jīvati

My father met such a fate as if he had no kin, though I, his son and pupil, firm as a mountain, was alive.

Verse 19 (7.196.19)

धिङ्ममास्त्राणि दिव्यानि धिग्बाहू धिक्पराक्रमम् । यं स्म द्रोणः सुतं प्राप्य केशग्रहमवाप्तवान् ॥

dhiṅmamāstrāṇi divyāni dhigbāhū dhikparākramam | yaṃ sma droṇaḥ sutaṃ prāpya keśagrahamavāptavān

Shame on my divine weapons, shame on my arms, shame on my prowess, that Drona, having me for his son, was seized by the hair!

Verse 20 (7.196.20)

स तथाहं करिष्यामि यथा भरतसत्तम । परलोकगतस्यापि भविष्याम्यनृणः पितुः ॥

sa tathāhaṃ kariṣyāmi yathā bharatasattama | paralokagatasyāpi bhaviṣyāmyanṛṇaḥ pituḥ

I shall act so, O best of the Bharatas, that even though my father has gone to the other world, I shall be free of my debt to him.

Note on the text: Corrected करिष्यासि → करिष्यामि (misprint in Wikisource; the second-person ending cannot go with अहम्; the critical edition reads kariṣyāmi).

Verse 21 (7.196.21)

आर्येण हि न वक्तव्या कदाचित्स्तुतिरात्मनः । पितुर्वधममृष्यंस्तु वक्ष्याम्यद्येह पौरुषम् ॥

āryeṇa hi na vaktavyā kadācitstutirātmanaḥ | piturvadhamamṛṣyaṃstu vakṣyāmyadyeha pauruṣam

A noble man should never praise himself; but unable to bear my father’s killing, I shall declare my manliness here today.

Verse 22 (7.196.22)

अद्य पश्यन्तु मे वीर्यं पाण्डवाः सजनार्दनाः । मृद्नतः सर्वसैन्यानि युगान्तमिव कुर्वतः ॥

adya paśyantu me vīryaṃ pāṇḍavāḥ sajanārdanāḥ | mṛdnataḥ sarvasainyāni yugāntamiva kurvataḥ

Today let the Pandavas, together with Janardana, see my prowess as I crush all their armies as though at the end of an age.

Note on the text: Corrected मृद्गतः → मृद्नतः (misprint in Wikisource; मृद्गतः is not a word; “crushing” is मृद्नतः, as in the critical edition mṛdnataḥ).

Verse 23 (7.196.23)

न हि देवा न गन्धर्वा नासुरा न च राक्षसाः । अद्य शक्ता रणे जेतुं रथस्थं मां नरर्षभाः ॥

na hi devā na gandharvā nāsurā na ca rākṣasāḥ | adya śaktā raṇe jetuṃ rathasthaṃ māṃ nararṣabhāḥ

Today, O best of men, neither gods nor gandharvas, nor asuras nor rakshasas, can defeat me in battle as I stand in my chariot.

Verse 24 (7.196.24)

मदन्यो नास्ति लोकेऽस्मिन्नर्जुनाद्वाऽस्त्रवित्क्वचित् । अहं हि ज्वलतां मध्ये मयूखानामिवांशुमान् । प्रयोक्ता देवसृष्टानामस्त्राणां पृतनागतः ॥

madanyo nāsti loke'sminnarjunādvā'stravitkvacit | ahaṃ hi jvalatāṃ madhye mayūkhānāmivāṃśumān | prayoktā devasṛṣṭānāmastrāṇāṃ pṛtanāgataḥ

There is no one in this world who knows weapons other than me, or Arjuna. I am like the sun among blazing rays, the wielder of the weapons made by the gods, standing in the army.

Note on the text: Three lines, as on the page = CE 7.166.37a, 37c, 37e (the page reads अर्जुनाद्वाऽस्त्रवित्क्वचित् for the CE’s arjunād vāstravittamaḥ, recension variant).

Verse 25 (7.196.25)

भृशमिष्वसनादद्य मत्प्रयुक्ता महाहवे । दर्शयन्तः शरा वीर्यं प्रमथिष्यन्ति पाण्डवान् ॥

bhṛśamiṣvasanādadya matprayuktā mahāhave | darśayantaḥ śarā vīryaṃ pramathiṣyanti pāṇḍavān

Today in the great battle my arrows, shot with great force from the bow, will show their might and crush the Pandavas.

Note on the text: The page’s भृशमिष्वसनादद्य मत्प्रयुक्ता महाहवे differs from the CE’s kṛśāśvatanayā hy adya matprayuktā mahāmṛdhe (recension variant, kept).

Verse 26 (7.196.26)

अद्य सर्वा दिशो राजन्धाराभिरिव सङ्कुलाः । आवृताः पत्रिभिस्तीक्ष्णैर्द्रष्टारो मामकैरिह ॥

adya sarvā diśo rājandhārābhiriva saṅkulāḥ | āvṛtāḥ patribhistīkṣṇairdraṣṭāro māmakairiha

Today all the quarters, O king, will look crowded as with streams of rain, covered with sharp feathered arrows; those watching here will see them filled with mine.

Verse 27 (7.196.27)

विकिरञ्छरजालानि सर्वतो भैरवस्वनान् । शत्रून्निपातयिष्यामि महावात इव द्रुमान् ॥

vikirañcharajālāni sarvato bhairavasvanān | śatrūnnipātayiṣyāmi mahāvāta iva drumān

Scattering nets of arrows with a terrible sound on every side, I shall bring down my enemies as a great wind brings down trees.

Verse 28 (7.196.28)

न हि जानाति बीभत्सुस्तदस्त्रं न जनार्दनः । न भीमसेनो न यमौ न च राजा युधिष्ठिरः ॥

na hi jānāti bībhatsustadastraṃ na janārdanaḥ | na bhīmaseno na yamau na ca rājā yudhiṣṭhiraḥ

Neither Bibhatsu knows that weapon, nor Janardana, nor Bhimasena, nor the twins, nor King Yudhishthira,

Verse 29 (7.196.29)

न पार्षतो दुरात्माऽसौ न शिखण्डी न सात्यकिः । यदिदं मयि कौरव्य सकल्यं सनिवर्तनम् ॥

na pārṣato durātmā'sau na śikhaṇḍī na sātyakiḥ | yadidaṃ mayi kauravya sakalyaṃ sanivartanam

nor the wicked Parshata, nor Shikhandi, nor Satyaki—that which is in me, O Kaurava, complete in its use and its recall.

Verse 30 (7.196.30)

नारायणाय मे पित्रा प्रणम्य विधिपूर्वकम् । उपहारः पुरा दत्तो ब्रह्मरूप उपस्थितः ॥

nārāyaṇāya me pitrā praṇamya vidhipūrvakam | upahāraḥ purā datto brahmarūpa upasthitaḥ

Long ago my father, after bowing to Narayana in due form, presented him an offering, in the form of Vedic hymns.

Note on the text: The page’s gloss takes ब्रह्मरूपः as “in Vedic form”, i.e. the offering made with Vedic hymns.

Verse 31 (7.196.31)

तं स्वयं प्रतिगृह्याथ भगवान्स वरं ददौ । वव्रे पिता मे परममस्त्रं नारायणं ततः ॥

taṃ svayaṃ pratigṛhyātha bhagavānsa varaṃ dadau | vavre pitā me paramamastraṃ nārāyaṇaṃ tataḥ

The Blessed Lord himself accepted it and granted him a boon; my father then chose the supreme weapon Narayana.

Verse 32 (7.196.32)

अथैनमब्रवीद्राजन्भगवान्देवसत्तमः । भविता त्वत्समो नान्यः कश्चिद्युधि नरः क्वचित् ॥

athainamabravīdrājanbhagavāndevasattamaḥ | bhavitā tvatsamo nānyaḥ kaścidyudhi naraḥ kvacit

Then, O king, the Blessed Lord, best of the gods, said to him: “There will be no other man anywhere in battle equal to you.”

Note on the text: Line 1 is Ashvatthama’s narration and line 2 is the Lord’s first words; the verse is not split (no heading is printed) and stays with Ashvatthama. = CE 7.166.45a, 45c. Corrected भागवान् → भगवान् (misprint in Wikisource; long ā in the first syllable; the word is भगवान्, and the critical edition reads bhagavān).

Verse 33 (7.196.33)

न त्विदं सहसा ब्रह्मन्प्रयोक्तव्यं कथञ्चन । न ह्येतदस्त्रमन्यत्र वधाच्छत्रोर्निवर्तते ॥

na tvidaṃ sahasā brahmanprayoktavyaṃ kathañcana | na hyetadastramanyatra vadhācchatrornivartate

But this, O brahmin, must never be used rashly; for this weapon does not turn back anywhere except at the slaying of the enemy.

Note on the text: No speaker heading is printed; the Blessed Lord’s words (Narayana, introduced by v32) fill v33–36 and are given to him.

Verse 34 (7.196.34)

न चैतच्छक्यते जेतुं को न वध्येत वै प्रभो । अवध्यमपि हन्याद्वि तस्मान्नैतत्प्रयोजयेत् ॥

na caitacchakyate jetuṃ ko na vadhyeta vai prabho | avadhyamapi hanyādvi tasmānnaitatprayojayet

Nor can it be overcome. Who would not be killed by it, O lord? It may kill even one who ought not to be killed; therefore one should not employ it.

Verse 35 (7.196.35)

अथ सङ्ख्ये रथस्यैव शस्त्राणां च विसर्जनम् । प्रयाचनं च शत्रूणां गमनं शरणस्य च ॥

atha saṅkhye rathasyaiva śastrāṇāṃ ca visarjanam | prayācanaṃ ca śatrūṇāṃ gamanaṃ śaraṇasya ca

In battle, to leave the chariot and put down one’s weapons, to entreat the enemies, and to go to them for refuge—

Verse 36 (7.196.36)

एते प्रशमने योगा महास्त्रस्य परन्तप । सर्वथा पीडितो हिंस्यादवध्यान्पीडयन्रणे ॥

ete praśamane yogā mahāstrasya parantapa | sarvathā pīḍito hiṃsyādavadhyānpīḍayanraṇe

these are the means of calming this great weapon, O scorcher of foes. If it is obstructed in any other way, it will strike even those who ought not to be killed, as it afflicts them in battle.

Verse 37 (7.196.37)

तज्जग्राह पिता मह्यमब्रवीच्चैव स प्रभुः । त्वं वधिष्यसि सर्वाणि शस्त्रवर्षाण्यनेकशः । अनेनास्त्रेण सङ्ग्रामे तेजसा च ज्वलिष्यसि ॥

tajjagrāha pitā mahyamabravīccaiva sa prabhuḥ | tvaṃ vadhiṣyasi sarvāṇi śastravarṣāṇyanekaśaḥ | anenāstreṇa saṅgrāme tejasā ca jvaliṣyasi

My father took it, and the Lord also said to him: “With this weapon in battle you will destroy all the showers of weapons many times over, and you will blaze with splendour.”

Note on the text: Line 1 is Ashvatthama’s narration; lines 2–3 are Narayana’s words (not split, as the page prints no heading). The page reads वधिष्यसि (“you will destroy”) for the CE’s varṣiṣyasi (“you will shower”), recension variant, kept. = CE 7.166.50a, 50c, 50e.

Verse 38 (7.196.38)

एवमुक्त्वा स भगवान्दिवमाचक्रमे प्रभुः । एतन्नारायणादस्त्रं तत्प्राप्तं पितृबन्धुना ॥

evamuktvā sa bhagavāndivamācakrame prabhuḥ | etannārāyaṇādastraṃ tatprāptaṃ pitṛbandhunā

Having said this, the Blessed Lord went up to heaven. This weapon of Narayana has been obtained by me, my father’s own kin.

Note on the text: The page’s पितृबन्धुना (“by the father’s kinsman”) is glossed on the page as “by me”; translated accordingly. The CE reads mama bandhunā.

Verse 39 (7.196.39)

तेनाहं पाण्डवांश्चैव पाञ्चालान्मात्स्यकेकयान् । विद्रावयिष्यामि रणे शचीपतिरिवासुरान् ॥

tenāhaṃ pāṇḍavāṃścaiva pāñcālānmātsyakekayān | vidrāvayiṣyāmi raṇe śacīpatirivāsurān

With it I shall put the Pandavas, the Panchalas, the Matsyas and the Kekayas to flight in battle, as Indra, lord of Shachi, puts the asuras to flight.

Verse 40 (7.196.40)

यथायथाऽहमिच्छेयं तथा भूत्वा शरा मम । निपतेयुः सपत्नेषु विक्रमत्स्वपि भारत ॥

yathāyathā'hamiccheyaṃ tathā bhūtvā śarā mama | nipateyuḥ sapatneṣu vikramatsvapi bhārata

In whatever way I may wish, my arrows will so become and fall upon my foes, even while they exert their valour, O Bharata.

Verse 41 (7.196.41)

यथेष्टमश्मवर्षेण प्रवर्षिष्ये रणे स्थितः । अयोमुखैश्च विहगैर्द्रावयिष्ये महारथान् ॥

yatheṣṭamaśmavarṣeṇa pravarṣiṣye raṇe sthitaḥ | ayomukhaiśca vihagairdrāvayiṣye mahārathān

At will I shall rain down showers of stones as I stand in battle, and with iron-tipped birds I shall rout the great chariot-warriors.

Note on the text: Lines 1–2 = CE 7.166.54a and 54c; the third line is v42 (CE 7.166.54e).

Verse 42 (7.196.42)

परश्वथांश्च निशितानुत्स्रक्ष्येऽहमसंशयम् ॥

paraśvathāṃśca niśitānutsrakṣye'hamasaṃśayam

And I shall hurl sharp axes, without doubt.

Note on the text: A single line, as on the page = CE 7.166.54e (the page reads परश्वथांश्च निशितानुत्स्रक्ष्येऽहमसंशयम् for the CE’s paraśvadhāṃś ca vividhān prasakṣye ’ham asaṃśayam, recension variant). Verse 41 has the other two lines of CE 54.

Verse 43 (7.196.43)

सोऽहं नारायणास्त्रेण महता शत्रुतापनः । शत्रून्विध्वंसयिष्यामि कदर्थीकृत्य पाण्डवान् ॥

so'haṃ nārāyaṇāstreṇa mahatā śatrutāpanaḥ | śatrūnvidhvaṃsayiṣyāmi kadarthīkṛtya pāṇḍavān

Such as I am, scorcher of foes, with the great Narayana weapon I shall destroy my enemies, humbling the Pandavas.

Verse 44 (7.196.44)

मित्रब्रह्मगुरुद्रोही जाल्मकः सुविगर्हितः । पाञ्चालापशदश्चाद्य न मे जीवन्विमोक्ष्यते ॥

mitrabrahmagurudrohī jālmakaḥ suvigarhitaḥ | pāñcālāpaśadaścādya na me jīvanvimokṣyate

That betrayer of friend, brahmin and teacher, that wretch much reviled, that dregs of the Panchalas—today he shall not escape me alive.

Verse 45 (7.196.45)

तच्छ्रुत्वा द्रोणपुत्रस्य पर्यवर्तत वाहिनी । ततः सर्वे महाशङ्खान्दध्मुः पुरुषसत्तमाः । भेरीश्चाभ्यहनन्हृष्टा डिण्डिभांश्च सहस्रशः ॥

tacchrutvā droṇaputrasya paryavartata vāhinī | tataḥ sarve mahāśaṅkhāndadhmuḥ puruṣasattamāḥ | bherīścābhyahananhṛṣṭā ḍiṇḍibhāṃśca sahasraśaḥ

Hearing the words of Drona’s son, the army turned back; then all those best of men blew their great conches, and joyfully beat drums and thousands of small drums.

Note on the text: Three lines, as on the page: lines 1–2 = CE 7.166.57a and 57c; line 3 = CE 7.166.58a. Ashvatthama’s speech ended with v44; the narration reverts to Sanjaya.

Verse 46 (7.196.46)

तथा ननाद वसुधा खुरनेमिप्रपीडिता । स शब्दस्तुमुलः खं द्यां पृथिवीं च व्यनादयत् ॥

tathā nanāda vasudhā khuranemiprapīḍitā | sa śabdastumulaḥ khaṃ dyāṃ pṛthivīṃ ca vyanādayat

Then the earth, pressed by hooves and wheel-rims, resounded, and that tumultuous noise made the sky, the heavens and the earth echo.

Note on the text: Two lines = CE 7.166.58c and 58e.

Verse 47 (7.196.47)

तं शब्दं पाण्डवाः श्रुत्वा पर्जन्यनिनदोपमम् । समेत्य रथिनां श्रेष्ठाः सहिताश्चाप्यमन्त्रयन् ॥

taṃ śabdaṃ pāṇḍavāḥ śrutvā parjanyaninadopamam | sametya rathināṃ śreṣṭhāḥ sahitāścāpyamantrayan

Hearing that sound, like the rumbling of a rain cloud, the Pandavas, best of charioteers, came together and took counsel.

Verse 48 (7.196.48)

तथोक्त्वा द्रोणपुत्रस्तु वार्युपस्पृश्य भारत । प्रादुश्चकार तद्दिव्यमस्त्रं नारायणं तदा ॥

tathoktvā droṇaputrastu vāryupaspṛśya bhārata | prāduścakāra taddivyamastraṃ nārāyaṇaṃ tadā

Having spoken so, O Bharata, Drona’s son sipped water and then manifested that divine Narayana weapon.