The Roar of Ashvatthama and Arjuna's Reproach

Verse 1 (7.197.1)

प्रादुर्भूते ततस्तस्मिन्नस्त्रे नारायणे प्रभो । प्रावात्सपृषतो वायुरनभ्रे स्तनयित्नुमान् ॥

prādurbhūte tatastasminnastre nārāyaṇe prabho | prāvātsapṛṣato vāyuranabhre stanayitnumān

Then, my lord, when that Narayana weapon had appeared, a wind laden with raindrops blew, and thunder rolled in a cloudless sky.

Note on the text: Adhyaya note: the input (55 verses) agrees with the raw page's table row for row (printed 5-197-1 to 5-197-55; the page's "5-" is a typo for 7). Wikisource 197 corresponds to CE 7.167.1–50 (CE star passage 7.167.6d*1367_01–02 is not on the page). The page's footnotes are not part of the text.

Verse 2 (7.197.2)

चचाल पृथिवी चापि चुक्षुभे च महोदधिः । प्रतिस्रोतः प्रवृत्ताश्च गन्तुं तत्र समुद्रगाः ॥

cacāla pṛthivī cāpi cukṣubhe ca mahodadhiḥ | pratisrotaḥ pravṛttāśca gantuṃ tatra samudragāḥ

The earth shook and the great ocean was stirred; the rivers that run to the sea turned back and flowed against their course.

Verse 3 (7.197.3)

शिखराणि व्यशीर्यन्त गिरीणां तत्र भारत । अपसव्यं मृगाश्चैव पाण्डुसेनां प्रचक्रिरे ॥

śikharāṇi vyaśīryanta girīṇāṃ tatra bhārata | apasavyaṃ mṛgāścaiva pāṇḍusenāṃ pracakrire

The peaks of the mountains split and crumbled there, O Bharata, and the beasts circled the Pandava army with their left sides toward it.

Verse 4 (7.197.4)

तमसा तावकीर्यन्त सूर्यश्च कलुषोऽभवत् । सम्पतन्ति च भूतानि क्रव्यादानि प्रहृष्टवत् ॥

tamasā tāvakīryanta sūryaśca kaluṣo'bhavat | sampatanti ca bhūtāni kravyādāni prahṛṣṭavat

Darkness spread over them and the sun grew dim; flesh-eating creatures swooped down as if in delight.

Verse 5 (7.197.5)

देवदानवगन्धर्वास्त्रस्तास्त्वासन्विशाम्पते । कथङ्कथाऽभवत्तीव्रा दृष्ट्वा तद्व्याकुलं महत् ॥

devadānavagandharvāstrastāstvāsanviśāmpate | kathaṅkathā'bhavattīvrā dṛṣṭvā tadvyākulaṃ mahat

The gods, the Danavas and the Gandharvas were terrified, O lord of the people; seeing that great confusion, a sharp, anxious clamour of "What shall we do?" arose.

Note on the text: Corrected कथङ्खथा → कथङ्कथा (misprint in Wikisource; the word is कथङ्कथा, 'anxious talk of "how?"', as the page's own footnote and CE kathaṃkathā read).

Verse 6 (7.197.6)

व्यथिताः सर्वराजानस्त्रस्ताश्चासन्विशाम्पते । तद्दृष्ट्वा घोररूपं वै द्रौणेरस्त्रं भयावहम् ॥

vyathitāḥ sarvarājānastrastāścāsanviśāmpate | taddṛṣṭvā ghorarūpaṃ vai drauṇerastraṃ bhayāvaham

All the kings were shaken and afraid, O lord of the people, when they saw that dreadful, terrifying weapon of Drona's son.

Note on the text: Wikisource's first line (व्यथिताः सर्वराजानस्त्रस्ताश्चासन्विशाम्पते) and तद्दृष्ट्वा घोररूपं वै are recension variants of CE 7.167.6.

Verse 7 (7.197.7)

निवर्तितेषु सैन्येषु द्रोणपुत्रेण संयुगे । भृशं शोकाभितप्तेन पितुर्वधममृष्यता ॥

nivartiteṣu sainyeṣu droṇaputreṇa saṃyuge | bhṛśaṃ śokābhitaptena piturvadhamamṛṣyatā

Sanjaya, when Drona's son, burning with grief and unable to bear his father's killing, had turned the armies back in battle,

Verse 8 (7.197.8)

कुरूनापततो दृष्ट्वा धृष्टद्युम्नस्य रक्षणे । को मन्त्रः पाण्डवेष्वासीत्तन्ममाचक्ष्व सञ्जय ॥

kurūnāpatato dṛṣṭvā dhṛṣṭadyumnasya rakṣaṇe | ko mantraḥ pāṇḍaveṣvāsīttanmamācakṣva sañjaya

And the Kurus were seen charging in, what plan did the Pandavas have for protecting Dhrishtadyumna? Tell me that.

Note on the text: Corrected धृष्टद्मुम्नस्य → धृष्टद्युम्नस्य (misprint in Wikisource; the name is Dhrishtadyumna, as CE dhṛṣṭadyumnasya).

Verse 9 (7.197.9)

प्रागेव विद्रुतान्दृष्ट्वा धार्तराष्ट्रान्युधिष्ठिरः । पुनश्च तुमुलं शब्दं श्रुत्वाऽर्जुनमथाब्रवीत् ॥

prāgeva vidrutāndṛṣṭvā dhārtarāṣṭrānyudhiṣṭhiraḥ | punaśca tumulaṃ śabdaṃ śrutvā'rjunamathābravīt

Having already seen the Dhartarashtras in flight, and hearing a tumultuous roar once more, Yudhishthira spoke to Arjuna.

Verse 10 (7.197.10)

आचार्ये निहते द्रोणे धृष्टद्युम्नेन संयुगे । निहते वज्रहस्तेन यथा वृत्रे महासुरे ॥

ācārye nihate droṇe dhṛṣṭadyumnena saṃyuge | nihate vajrahastena yathā vṛtre mahāsure

When the teacher Drona had been killed in battle by Dhrishtadyumna, as the great asura Vritra was killed by the wielder of the thunderbolt,

Verse 11 (7.197.11)

नाशंसन्तो जयं युद्धे दीनात्मानो धनञ्जय । आत्मत्राणे मतिं कृत्वा प्राद्रवन्कुरवो रणात् ॥

nāśaṃsanto jayaṃ yuddhe dīnātmāno dhanañjaya | ātmatrāṇe matiṃ kṛtvā prādravankuravo raṇāt

The Kurus, dejected, no longer hoping for victory in battle, Dhananjaya, set their minds on saving themselves and fled from the fight.

Verse 12 (7.197.12)

केचिद्भ्रान्तै रथैस्तूर्णं निहतैः पाष्णियन्तृभिः । विपताकध्वजच्छत्रैः पार्थिवाः शीर्णकूबरैः ॥

kecidbhrāntai rathaistūrṇaṃ nihataiḥ pāṣṇiyantṛbhiḥ | vipatākadhvajacchatraiḥ pārthivāḥ śīrṇakūbaraiḥ

Some kings rushed off in swerving chariots whose rear charioteers had been killed, their banners, standards and parasols gone and their chariot-poles shattered;

Note on the text: Corrected केचिद्वान्तै → केचिद्भ्रान्तै (misprint in Wikisource; वान्त gives no sense with रथैः, CE ke cid bhrāntai 'swerving, bewildered'). The second half of line 1 (निहतैः पाष्णियन्तृभिः) is a recension variant of CE nihatapārṣṇiyantṛbhiḥ.

Verse 13 (7.197.13)

भग्ननीडैराकुलाश्वैः प्रारुह्यान्यान्विचेतसः । भीताः पादैर्हयान्केचित्त्वरयन्तः स्वयं रथान् ॥

bhagnanīḍairākulāśvaiḥ prāruhyānyānvicetasaḥ | bhītāḥ pādairhayānkecittvarayantaḥ svayaṃ rathān

Distraught men climbed onto other chariots, whose seats were smashed and whose horses were frantic; some, in fear, urged their horses on with their feet, driving the chariots themselves.

Note on the text: Lines 1–2 = CE 7.167.13a, c (the CE verse has a third line, 13e, whose sense Wikisource gives in v. 14 line 1).

Verse 14 (7.197.14)

भग्नाक्षयुगचक्रैश्च व्याकृष्यन्त समन्ततः । रथान्विशीर्णानुत्सृज्य पद्भिः केचिच्च विद्रुताः ॥

bhagnākṣayugacakraiśca vyākṛṣyanta samantataḥ | rathānviśīrṇānutsṛjya padbhiḥ kecicca vidrutāḥ

Some were dragged along on every side by chariots with broken axles, yokes and wheels; others abandoned their shattered chariots and fled on foot.

Note on the text: Line 1 corresponds to CE 7.167.13e (yugacakrākṣabhagnaiś ca drutāḥ ke cid bhayāturāḥ; second half differs in the Wikisource reading); line 2 = CE star passage 7.167.13f*1368_01.

Verse 15 (7.197.15)

हयपृष्ठगताश्चान्ये कृष्यन्तेऽर्धच्युतासनाः । गजस्कन्धेषु संस्यूता नाराचैश्चलितासनाः ॥

hayapṛṣṭhagatāścānye kṛṣyante'rdhacyutāsanāḥ | gajaskandheṣu saṃsyūtā nārācaiścalitāsanāḥ

Others sat on horses' backs and were dragged along, their seats half slipped; others, pinned on the shoulders of elephants by iron arrows, had their seats shaken loose.

Note on the text: Line 1 = CE star passage 7.167.13f*1369_01; line 2 = CE 7.167.14a.

Verse 16 (7.197.16)

शरार्तैर्विद्रुतैर्नागैर्हृताः केचिद्दिशो दश । विशस्त्रकवचाश्चान्ये वाहनेभ्यः क्षितिं गताः ॥

śarārtairvidrutairnāgairhṛtāḥ keciddiśo daśa | viśastrakavacāścānye vāhanebhyaḥ kṣitiṃ gatāḥ

Some were carried off in all ten directions by elephants maddened and pained by arrows; others, stripped of weapons and armour, fell from their mounts to the ground.

Note on the text: Corrected विशस्त्रकवचनाश्चान्ये → विशस्त्रकवचाश्चान्ये (misprint in Wikisource; CE viśastrakavacāś cānye). Lines 1–2 = CE 7.167.14c and 15a.

Verse 17 (7.197.17)

सञ्छिन्ना नेमिभिश्चैव मृदिताश्च हयद्विपैः । क्रोशन्तस्तात पुत्रेति पलायन्ते परे भयात् ॥

sañchinnā nemibhiścaiva mṛditāśca hayadvipaiḥ | krośantastāta putreti palāyante pare bhayāt

Others, cut up by wheel-rims and trampled by horses and elephants, fled in terror, crying out, "Father! My son!"

Note on the text: Lines 1–2 = CE 7.167.15c and 16a.

Verse 18 (7.197.18)

नाभिजानन्ति चान्योन्यं कश्मलाभिहतौजसः । पुत्रान्पितॄन्सखीन्भ्रातॄन्समारोप्य दृढक्षतान् ॥

nābhijānanti cānyonyaṃ kaśmalābhihataujasaḥ | putrānpitṝnsakhīnbhrātṝnsamāropya dṛḍhakṣatān

With their strength drained by bewilderment, they did not recognise one another; lifting up their sons, fathers, friends and brothers, gravely wounded,

Note on the text: Lines 1–2 = CE 7.167.16c and 17a.

Verse 19 (7.197.19)

जलेन क्लेदयन्त्यन्ये विमुच्य कवचान्यपि । पलायनपराश्चान्ये योधाः शतसहस्रशः ॥

jalena kledayantyanye vimucya kavacānyapi | palāyanaparāścānye yodhāḥ śatasahasraśaḥ

Some sprinkled them with water after taking off their armour; and others, soldiers by the hundred thousand, were bent only on flight.

Note on the text: Corrected कवचनान्यपि → कवचान्यपि (misprint in Wikisource; CE kavacāny api). Stray quote marks removed. Line 1 = CE 7.167.17c; line 2 = CE star passage 7.167.17d*1370_01.

Verse 20 (7.197.20)

अवस्थां तादृशीं प्राप्य हते द्रोणे द्रुतं बलम् । पुनरावर्तितं केन यदि जानासि शंस मे ॥

avasthāṃ tādṛśīṃ prāpya hate droṇe drutaṃ balam | punarāvartitaṃ kena yadi jānāsi śaṃsa me

Brought to such a state by the fall of Drona, the army was quickly turned back again—by whom? Tell me, if you know.

Verse 21 (7.197.21)

हयानां हेषतां शब्दः कुञ्जराणां च बृंहताम् । रथनेमिस्वनैश्चात्र विमिश्रः श्रूयते महान् ॥

hayānāṃ heṣatāṃ śabdaḥ kuñjarāṇāṃ ca bṛṃhatām | rathanemisvanaiścātra vimiśraḥ śrūyate mahān

The neighing of horses, the trumpeting of elephants and the rumble of chariot-wheels are heard mingled in one great din.

Verse 22 (7.197.22)

एते शब्दा भृशं तीव्राः प्रवृत्ताः कुरुसागरे । मुहुर्मुहुरुदीर्यन्ते कम्पयन्त्यपि मामकान् ॥

ete śabdā bhṛśaṃ tīvrāḥ pravṛttāḥ kurusāgare | muhurmuhurudīryante kampayantyapi māmakān

These sharp, fierce sounds have risen from the Kuru ocean and keep coming again and again, shaking even my own men.

Note on the text: Corrected मुमुर्मुहुरुदीर्यन्ते → मुहुर्मुहुरुदीर्यन्ते (misprint in Wikisource; मुहुर्मुहुः 'again and again', as CE muhur muhur udīryantaḥ).

Verse 23 (7.197.23)

य एष तुमुलः शब्दः श्रूयते रोमहर्षणः । सेन्द्रानप्येष लोकांस्त्रीन्ग्रसेदिति मतिर्मम ॥

ya eṣa tumulaḥ śabdaḥ śrūyate romaharṣaṇaḥ | sendrānapyeṣa lokāṃstrīngrasediti matirmama

This tumultuous sound that is heard, making the hair stand on end, seems to me capable of swallowing the three worlds along with Indra.

Verse 24 (7.197.24)

मन्ये वज्रधरस्यैष निनादो भैरवस्वनः । द्रोणे हते कौरवार्थं व्यक्तमभ्येति वासवः ॥

manye vajradharasyaiṣa ninādo bhairavasvanaḥ | droṇe hate kauravārthaṃ vyaktamabhyeti vāsavaḥ

I think this is the dreadful-voiced roar of the wielder of the thunderbolt: with Drona slain, Vasava is plainly coming, for the Kauravas' sake.

Note on the text: Corrected कौरवार्यं → कौरवार्थं (misprint in Wikisource; the sense is 'for the Kauravas' sake', CE kauravārtham).

Verse 25 (7.197.25)

प्रहृष्टरोमकूपाः स्मः संविग्नरथकुञ्जराः । धनञ्जय गुरुं श्रुत्वा तत्र नादं सुभीषणम् ॥

prahṛṣṭaromakūpāḥ smaḥ saṃvignarathakuñjarāḥ | dhanañjaya guruṃ śrutvā tatra nādaṃ subhīṣaṇam

The hair of our bodies bristles, and our chariots and elephants are shaken, Dhananjaya, on hearing that mighty and most dreadful roar there.

Verse 26 (7.197.26)

क एष कौरवान्दीर्णानवस्थाप्य महारथः । निवर्तयति युद्धार्थं मृधे देवेश्वरो यथा ॥

ka eṣa kauravāndīrṇānavasthāpya mahārathaḥ | nivartayati yuddhārthaṃ mṛdhe deveśvaro yathā

Who is this great chariot-warrior who has rallied the scattered Kauravas and turns them back to fight, like the lord of the gods in battle?

Verse 27 (7.197.27)

उद्यम्यात्मानमुग्राय कर्मणे वीर्यमास्थिताः । धमन्ति कौरवाः शङ्खान्यस्य वीर्यं समाश्रिताः ॥

udyamyātmānamugrāya karmaṇe vīryamāsthitāḥ | dhamanti kauravāḥ śaṅkhānyasya vīryaṃ samāśritāḥ

The Kauravas, rousing themselves to dreadful deeds and standing firm on courage, blow their conches, relying on the might of him.

Verse 28 (7.197.28)

यत्र ते संशयो राजन्न्यस्तशस्त्रे गुरौ हते । धार्तराष्ट्रानवस्थाप्य क एष नदतीति हि ॥

yatra te saṃśayo rājannyastaśastre gurau hate | dhārtarāṣṭrānavasthāpya ka eṣa nadatīti hi

The doubt you have, O king—"Who is this that roars, having rallied the Dhartarashtras, now that the teacher has been killed with his weapons laid down?"—

Verse 29 (7.197.29)

हीमन्तं तं महाबाहुं मत्तद्विरदगामिनम् । इन्द्रविष्णुसमं वीर्ये कोपेऽन्तकमिव स्थितम् ॥

hīmantaṃ taṃ mahābāhuṃ mattadviradagāminam | indraviṣṇusamaṃ vīrye kope'ntakamiva sthitam

Of him I will tell you—the modest, mighty-armed one, who walks like a rutting elephant, equal to Indra and Vishnu in valour, standing like Death himself in wrath,

Note on the text: Corrected इन्द्रविष्मुसमं → इन्द्रविष्णुसमं (misprint in Wikisource; CE indraviṣṇusamaṃ); stray backtick removed. Line 1 = CE 7.167.27a; line 2 = CE star passage 7.167.27b*1372_01.

Verse 30 (7.197.30)

बृहस्पतिसमं बुद्ध्या नीतिमन्तं महारथम् । आख्यास्याम्युग्रकर्माणं कुरूणामभयङ्करम् ॥

bṛhaspatisamaṃ buddhyā nītimantaṃ mahāratham | ākhyāsyāmyugrakarmāṇaṃ kurūṇāmabhayaṅkaram

Equal to Brihaspati in intellect, skilled in policy, a great chariot-warrior of dreadful deeds, who gives the Kurus freedom from fear.

Note on the text: Stray quote mark removed. Line 1 = CE star passage 7.167.27b*1372_02; line 2 = CE 7.167.27c (Wikisource reads आख्यास्यामि for CE vyākhyāsyāmi).

Verse 31 (7.197.31)

यस्मिञ्जाते ददौ द्रोणो गवां दशशतं धनम् । ब्राह्मणेभ्यो महार्हेभ्यः सोऽश्वत्थामैष गर्जति ॥

yasmiñjāte dadau droṇo gavāṃ daśaśataṃ dhanam | brāhmaṇebhyo mahārhebhyaḥ so'śvatthāmaiṣa garjati

He at whose birth Drona gave a thousand cows as wealth to worthy brahmins—that is Ashvatthama, and it is he who roars.

Verse 32 (7.197.32)

जातमात्रेण वीरेण येनोच्चैः श्रवसा यथा । हेषता कम्पिता भूमिर्लोकाश्च सकलास्त्रयः ॥

jātamātreṇa vīreṇa yenoccaiḥ śravasā yathā | heṣatā kampitā bhūmirlokāśca sakalāstrayaḥ

The hero, the moment he was born, neighed aloud like Uchchaihshravas, and the earth and all three worlds trembled.

Verse 33 (7.197.33)

तच्छ्रुत्वान्तर्हितं भूतं नाम तस्याकरोत्तदा । अश्वत्थामेति सोऽद्यैष शूरो नदति पाण्डव ॥

tacchrutvāntarhitaṃ bhūtaṃ nāma tasyākarottadā | aśvatthāmeti so'dyaiṣa śūro nadati pāṇḍava

Hearing that, an unseen being gave him a name then: "Ashvatthama." That very hero is roaring now, O Pandava.

Verse 34 (7.197.34)

यो ह्यनाथ इवाक्रम्य पार्षतेन हतस्तथा । कर्मणा सुनृशंसेन तस्य नाथो व्यवस्थितः ॥

yo hyanātha ivākramya pārṣatena hatastathā | karmaṇā sunṛśaṃsena tasya nātho vyavasthitaḥ

Drona, who was struck down by Parshata as if he had no protector, by a most cruel deed—his protector now stands ready.

Verse 35 (7.197.35)

गुरुं मे यत्र पाञ्चाल्यः केशपक्षे परामृशत् । तन्न जातु क्षमेद्द्रौणिर्जानन्पौरुषमात्मनः । स हि तेनैव नः सर्वान्क्षपयेदिति मे मतिः ॥

guruṃ me yatra pāñcālyaḥ keśapakṣe parāmṛśat | tanna jātu kṣameddrauṇirjānanpauruṣamātmanaḥ | sa hi tenaiva naḥ sarvānkṣapayediti me matiḥ

Where the Panchala seized my teacher by the hair—Drona's son, knowing his own manhood, will never forgive that. And I think that by that very deed he will destroy us all.

Note on the text: Corrected तन्न जातुं → तन्न जातु (misprint in Wikisource; जातु 'ever', CE na jātu); stray zero-width joiner in क्षमेद्‌द्रौणिः and stray quote marks removed. Lines 1–2 = CE 7.167.32a, c; line 3 = CE star passage 7.167.32d*1374_01.

Verse 36 (7.197.36)

उपचीर्णो गुरुर्मिथ्या भवता राज्यकारणात् । धर्मज्ञेन सता नाम सोऽधर्मः सुमहान्कृतः ॥

upacīrṇo gururmithyā bhavatā rājyakāraṇāt | dharmajñena satā nāma so'dharmaḥ sumahānkṛtaḥ

The teacher was deceived with a falsehood by you, for the sake of the kingdom—you, who know dharma and are a good man; a very great wrong was done.

Verse 37 (7.197.37)

चिरं स्थास्यति चाकीर्तिस्त्रैलोक्ये सचराचरे । रामे वालिवधाद्यद्वदेवं द्रोणे निपातिते ॥

ciraṃ sthāsyati cākīrtistrailokye sacarācare | rāme vālivadhādyadvadevaṃ droṇe nipātite

Long will the infamy last in the three worlds, moving and unmoving, as it did for Rama for the slaying of Vali—so it will be with the felling of Drona.

Note on the text: Not in the critical edition's main text; the two lines are star passage 7.167.33d*1375_01–02.

Verse 38 (7.197.38)

सर्वधर्मोपपन्नोऽयं स मे शिष्यश्च पाण्डवः । नायं वक्ष्यति मिथ्येति प्रत्ययं कृतवांस्त्वयि ॥

sarvadharmopapanno'yaṃ sa me śiṣyaśca pāṇḍavaḥ | nāyaṃ vakṣyati mithyeti pratyayaṃ kṛtavāṃstvayi

"This Pandava is endowed with every virtue and is my pupil; he will not say what is false"—so he trusted you.

Verse 39 (7.197.39)

स सत्यकञ्चुकं नाम प्रविष्टेन ततोऽनृतम् । आचार्य उक्तो भवता हतः कुञ्जर इत्युत ॥

sa satyakañcukaṃ nāma praviṣṭena tato'nṛtam | ācārya ukto bhavatā hataḥ kuñjara ityuta

Then you, putting on a cloak of truth, told the teacher an untruth: "He is slain—the elephant."

Verse 40 (7.197.40)

ततः शस्त्रं समुत्सृज्य निर्ममो गतचेतनः । आसीत्सुविह्वलो राजन्यथा दृष्टस्त्वया विभुः ॥

tataḥ śastraṃ samutsṛjya nirmamo gatacetanaḥ | āsītsuvihvalo rājanyathā dṛṣṭastvayā vibhuḥ

Then, throwing down his weapon, free of attachment and senseless, he sat utterly bewildered, O king, as you saw that lord.

Verse 41 (7.197.41)

स तु शोकसमाविष्टो विमुखः पुत्रवत्सलः । शाश्वतं धर्ममुत्सृज्य गुरुः शिष्येण घातितः ॥

sa tu śokasamāviṣṭo vimukhaḥ putravatsalaḥ | śāśvataṃ dharmamutsṛjya guruḥ śiṣyeṇa ghātitaḥ

Overcome by grief, turned away from the fight, doting on his son, abandoning eternal dharma, the teacher was killed by his pupil.

Verse 42 (7.197.42)

न्यस्तशस्त्रमधर्मेण घातयित्वा गुरुं भवान् । रक्षत्विदानीं सामात्यो यदि शक्तोऽसि पार्षतम् ॥

nyastaśastramadharmeṇa ghātayitvā guruṃ bhavān | rakṣatvidānīṃ sāmātyo yadi śakto'si pārṣatam

Having had the teacher, who had laid down his weapons, killed by unrighteous means, protect Parshata now, with your ministers, if you are able.

Note on the text: Corrected शक्तोसि → शक्तोऽसि (missing avagraha in Wikisource; CE śaknoṣi is a recension variant).

Verse 43 (7.197.43)

ग्रस्तमाचार्यपुत्रेण क्रुद्धेन हतबन्धुना । सर्वे वयं परित्रातुं न शक्ष्यामोऽद्य पार्षतम् ॥

grastamācāryaputreṇa kruddhena hatabandhunā | sarve vayaṃ paritrātuṃ na śakṣyāmo'dya pārṣatam

Parshata is as good as devoured by the teacher's son, who is enraged at the death of his kinsman; all of us together will be unable to save him today.

Note on the text: Corrected ग्रस्तमाचार्य पुत्रेण → ग्रस्तमाचार्यपुत्रेण (stray space inside the compound in Wikisource; CE ācāryaputreṇa).

Verse 44 (7.197.44)

सौहार्दं सर्वभूतेषु यः करोत्यतिमानुषः । सोऽद्य केशग्रहं श्रुत्वा पितुर्धक्ष्यति नो रणे ॥

sauhārdaṃ sarvabhūteṣu yaḥ karotyatimānuṣaḥ | so'dya keśagrahaṃ śrutvā piturdhakṣyati no raṇe

He who is beyond the human in goodwill toward all beings will today, on hearing of his father's seizure by the hair, burn us in battle.

Verse 45 (7.197.45)

विक्रोशमाने हि मयि भृशमाचार्यगृद्धिनि । अपाकीर्य स्वयं धर्मं शिष्येण निहतो गुरुः ॥

vikrośamāne hi mayi bhṛśamācāryagṛddhini | apākīrya svayaṃ dharmaṃ śiṣyeṇa nihato guruḥ

While I, so devoted to the teacher, cried out loudly, the teacher was killed by his pupil, who had himself cast dharma aside.

Note on the text: Corrected आचार्यगृद्विनि → आचार्यगृद्धिनि (broken conjunct in Wikisource; CE ācāryagṛddhini) and शिप्येण → शिष्येण (misprint; 'pupil'). Line 2 is a recension variant of CE avakīrya svadharmaṃ hi śiṣyeṇa nihato guruḥ.

Verse 46 (7.197.46)

यदा गतं वयो भूयः शिष्टमल्पतरं च नः । तस्येदानीं विरोधोऽयमधर्मोऽयं कृतो महान् ॥

yadā gataṃ vayo bhūyaḥ śiṣṭamalpataraṃ ca naḥ | tasyedānīṃ virodho'yamadharmo'yaṃ kṛto mahān

Most of our life has gone and what remains is little; at such a time this hostility toward him, this great wrong, has been done.

Verse 47 (7.197.47)

पितेव नित्यं सौहार्दात्पितेव हि च धर्मतः । सोऽल्पकालस्य राज्यस्य कारणाद्घातितो गुरुः ॥

piteva nityaṃ sauhārdātpiteva hi ca dharmataḥ | so'lpakālasya rājyasya kāraṇādghātito guruḥ

He was like a father to us always out of affection, and like a father in dharma too; yet that teacher was killed for the sake of a kingdom that will last so short a time.

Note on the text: Corrected कारमाद्वातितो → कारणाद्घातितो (misprint in Wikisource, two akshara; 'killed because of', CE kāraṇān nihato).

Verse 48 (7.197.48)

धृतराष्ट्रेण भीष्माय द्रोणाय च विशाम्पते । विसृष्टा पृथिवी सर्वा सह पुत्रैश्च तत्परैः ॥

dhṛtarāṣṭreṇa bhīṣmāya droṇāya ca viśāmpate | visṛṣṭā pṛthivī sarvā saha putraiśca tatparaiḥ

By Dhritarashtra, O lord of the people, the whole earth was entrusted to Bhishma and to Drona, along with his sons who were devoted to them.

Verse 49 (7.197.49)

सम्प्राप्य तादृशीं वृत्तिं सत्कृतः सततं परैः । अब्रवीत्सततं पुत्रान्मामेवाभ्यधिकं गुरुः ॥

samprāpya tādṛśīṃ vṛttiṃ satkṛtaḥ satataṃ paraiḥ | abravītsatataṃ putrānmāmevābhyadhikaṃ guruḥ

Having received such a livelihood, and being always honoured by the others, the teacher always told his sons that it was I alone who stood above them.

Verse 50 (7.197.50)

अवेक्षमाणस्त्वां मां च न्यस्तास्त्रश्चाहवे हतः । न त्वेनं युध्यमानं वै हन्यादपि शतक्रतुः ॥

avekṣamāṇastvāṃ māṃ ca nyastāstraścāhave hataḥ | na tvenaṃ yudhyamānaṃ vai hanyādapi śatakratuḥ

Looking toward you and me, he laid down his weapons and was killed in battle; yet not even the Hundred-sacrificer could have slain him while he fought.

Note on the text: Line 1 is a recension variant of CE 7.167.46a (akṣīyamāṇo nyastāstras tvadvākyenāhave hataḥ); line 2 = CE 7.167.46c.

Verse 51 (7.197.51)

तस्याचार्यस्य वृद्धस्य द्रोहो नित्योपकारिणः । कृतो ह्यनार्यैरस्माभी राज्यार्थे लुब्धबुद्धिभिः ॥

tasyācāryasya vṛddhasya droho nityopakāriṇaḥ | kṛto hyanāryairasmābhī rājyārthe lubdhabuddhibhiḥ

We have done treachery to that aged teacher, who was always our benefactor—we ignoble men, with minds greedy for a kingdom.

Note on the text: Corrected अस्माभीर राज्यार्थे → अस्माभी राज्यार्थे (stray र in Wikisource; CE asmābhī rājyārthe). Wikisource reads लुब्धबुद्धिभिः for CE laghubuddhibhiḥ (recension variant).

Verse 52 (7.197.52)

अहो बत महत्पापं कृतं कर्म सुदारुणम् । यद्राज्यसुखलोभेन द्रोणोऽयं साधुघातितः ॥

aho bata mahatpāpaṃ kṛtaṃ karma sudāruṇam | yadrājyasukhalobhena droṇo'yaṃ sādhughātitaḥ

Alas, a great sin has been committed, a terribly cruel deed: for the pleasure of a kingdom, this good man Drona has been killed.

Note on the text: Not in the critical edition's main text; the two lines are star passage 7.167.47d*1376_01–02.

Verse 53 (7.197.53)

पुत्रान्भ्रातॄन्पितॄन्दाराञ्जीवितं चैव वासविः । त्यजेत्सर्वं मम प्रेम्णा जानात्येवं हि मे गुरुः ॥

putrānbhrātṝnpitṝndārāñjīvitaṃ caiva vāsaviḥ | tyajetsarvaṃ mama premṇā jānātyevaṃ hi me guruḥ

Indra's son would give up sons, brothers, fathers, wives and life itself—everything—out of love of mine; my teacher knew this well.

Verse 54 (7.197.54)

स मया राज्यकामेन हन्यमानो ह्युपेक्षितः । तस्मादर्वाक्शिरा राजन्प्राप्तोऽस्मि नरकं प्रभो ॥

sa mayā rājyakāmena hanyamāno hyupekṣitaḥ | tasmādarvākśirā rājanprāpto'smi narakaṃ prabho

Yet I, desiring a kingdom, ignored him even as he was being killed; therefore, O king, O lord, I have gone to hell, head downward.

Verse 55 (7.197.55)

ब्राह्मणं वृद्धमाचार्यं न्यस्तशस्त्रं महामुनिम् । घातयित्वाऽद्य राज्यार्थे मृतं श्रेयो न जीवितम् ॥

brāhmaṇaṃ vṛddhamācāryaṃ nyastaśastraṃ mahāmunim | ghātayitvā'dya rājyārthe mṛtaṃ śreyo na jīvitam

Having had an aged brahmin teacher, a great sage who had laid down his weapons, killed for the sake of a kingdom—death is better for me today than life.