Satyaki and Dhrishtadyumna Quarrel over Drona's Death

Verse 1 (7.199.1)

साङ्गा वेदा यथान्यायं येनाधीता महात्मना । यस्मिन्साक्षाद्धनुर्वेदो ह्रीनिषेवे प्रतिष्ठितः ॥

sāṅgā vedā yathānyāyaṃ yenādhītā mahātmanā | yasminsākṣāddhanurvedo hrīniṣeve pratiṣṭhitaḥ

He by whom the Vedas with all their limbs were duly studied, and in whom the science of archery itself stood established together with the practice of modesty,

Note on the text: Corrected हीनिषेवे → ह्रीनिषेवे (misprint in Wikisource; the conjunct ह्री is broken to ही, which is not the word wanted — the sense is “the practice of modesty”; the CE reads ह्रीनिषेधे, and ह्रीनिषेवे is a recension variant).

Verse 2 (7.199.2)

यस्य प्रसादात्कुर्वन्ति कर्माणि पुरुषर्षभाः । अमानुषाणि सङ्ग्रामे देवैरसुकराणि च ॥

yasya prasādātkurvanti karmāṇi puruṣarṣabhāḥ | amānuṣāṇi saṅgrāme devairasukarāṇi ca

by whose grace the foremost of men perform feats in battle that are beyond human power and hard even for the gods to do:

Note on the text: Wikisource’s verse 2 is CE 7.169.3; the CE’s verse 2 is represented by Wikisource’s verse 3 (line 2) in a variant form.

Verse 3 (7.199.3)

तस्मिन्नाक्रुश्यति द्रोणे समक्षं पापकर्मणा । नीचं कर्म कृतं तेन क्षुद्रेण गुरुघातिना ॥

tasminnākruśyati droṇe samakṣaṃ pāpakarmaṇā | nīcaṃ karma kṛtaṃ tena kṣudreṇa gurughātinā

when that Drona was reviled to his face by that evil-doer, a vile deed was done by that mean wretch, the slayer of his teacher.

Note on the text: Line 1 echoes CE 7.169.4a (samakṣaṃ pāpakarmiṇaḥ) and the opening of CE 7.169.2a; line 2 corresponds to CE 7.169.2c (nīcātmanā nṛśaṃsena kṣudreṇa gurughātinā), kept as a recension variant.

Verse 4 (7.199.4)

नामर्षं तत्र कुर्वन्ति धिक्क्षात्रं धिगमर्षिताम् ॥

nāmarṣaṃ tatra kurvanti dhikkṣātraṃ dhigamarṣitām

And yet they showed no anger there. Shame on the warrior's calling, shame on this want of indignation!

Note on the text: One line only, as printed in Wikisource (5-199-4a). It is the CE’s 7.169.4c; the CE’s 4a appears in Wikisource only in variant form as line 1 of verse 3. Not restored: the sense is complete.

Verse 5 (7.199.5)

पार्थाः सर्वे च राजानः पृथिव्यां ये धनुर्धराः । श्रुत्वा किमाहुः पाञ्चाल्यं तन्ममाचक्ष्व सञ्जय ॥

pārthāḥ sarve ca rājānaḥ pṛthivyāṃ ye dhanurdharāḥ | śrutvā kimāhuḥ pāñcālyaṃ tanmamācakṣva sañjaya

All the Pandavas, and all the kings on earth who bear the bow: what did they say to the Panchala when they heard him? Tell me that, Sanjaya.

Verse 6 (7.199.6)

श्रुत्वा द्रुपदपुत्रस्य ता वाचः क्रूरकर्मणः । तूष्णीं बभूवू राजानः सर्व एव विशाम्पते ॥

śrutvā drupadaputrasya tā vācaḥ krūrakarmaṇaḥ | tūṣṇīṃ babhūvū rājānaḥ sarva eva viśāmpate

Hearing those words of the cruel-handed son of Drupada, all the kings fell silent, O lord of the people.

Verse 7 (7.199.7)

अर्जुनस्तु कटाक्षेण जिह्मं विप्रेक्ष्य पार्षतम् । सबाष्पमतिनिःश्वस्य धिग्धिगित्येव चाब्रवीत् ॥

arjunastu kaṭākṣeṇa jihmaṃ viprekṣya pārṣatam | sabāṣpamatiniḥśvasya dhigdhigityeva cābravīt

But Arjuna, looking crookedly at Dhrishtadyumna out of the corner of his eye, sighed deeply with tears in his eyes and said only, "Shame! Shame!"

Verse 8 (7.199.8)

युधिष्ठिरश्च भीमश्च यमौ कृष्णस्तथाऽपरे । आसन्सुव्रीडिता राजन्सात्यकिस्त्वब्रवीदिदम् ॥

yudhiṣṭhiraśca bhīmaśca yamau kṛṣṇastathā'pare | āsansuvrīḍitā rājansātyakistvabravīdidam

Yudhishthira, Bhima, the twins, Krishna and the others were deeply ashamed, O king. Satyaki, however, said this:

Verse 9 (7.199.9)

नेहास्ति पुरुषः कश्चिद्य इमं पापपूरुषम् । भाषमाणमकल्याणं शीघ्रं हन्यान्नराधमम् ॥

nehāsti puruṣaḥ kaścidya imaṃ pāpapūruṣam | bhāṣamāṇamakalyāṇaṃ śīghraṃ hanyānnarādhamam

"Is there no man here who would swiftly kill this sinful wretch, this lowest of men, who goes on speaking such ill-omened words?

Verse 10 (7.199.10)

एते त्वां पाण्डवाः सर्वे कुत्सयन्ति विवित्सया । कर्मणा तेन पापेन श्वपाकं ब्राह्मणा इव ॥

ete tvāṃ pāṇḍavāḥ sarve kutsayanti vivitsayā | karmaṇā tena pāpena śvapākaṃ brāhmaṇā iva

All these Pandavas condemn you for that sinful deed, as brahmins condemn a dog-eater, wishing to cut themselves off from you.

Note on the text: Not in the constituted text of the critical edition: = CE star passage 7.169.9d*1386_01–02.

Verse 11 (7.199.11)

एतत्कृत्वा महत्पापं निन्दितः सर्वसाधुभिः । न लज्जसे कथं वक्तुं समितिं प्राप्य शोभनाम् ॥

etatkṛtvā mahatpāpaṃ ninditaḥ sarvasādhubhiḥ | na lajjase kathaṃ vaktuṃ samitiṃ prāpya śobhanām

Having done that great sin and been condemned by all good men, how are you not ashamed to speak, now that you have come into this splendid assembly?

Note on the text: Not in the constituted text of the critical edition: = CE star passage 7.169.9d*1387_01–02.

Verse 12 (7.199.12)

कथं च शतधा जिह्वा न ते मूर्धा च दीर्यते । गुरुमाक्रोशतः क्षुद्र न चाधर्मेण पात्यसे ॥

kathaṃ ca śatadhā jihvā na te mūrdhā ca dīryate | gurumākrośataḥ kṣudra na cādharmeṇa pātyase

How is it that your tongue does not split into a hundred pieces and your head does not burst, as you revile your teacher, you wretch? And why are you not cast down for your wickedness?

Verse 13 (7.199.13)

वाच्यस्त्वमसि पार्थैश्च सर्वैश्चान्धकवृष्णिभिः । यत्कर्म कलुषं कृत्वा श्लाघसे जनसंसदि ॥

vācyastvamasi pārthaiśca sarvaiścāndhakavṛṣṇibhiḥ | yatkarma kaluṣaṃ kṛtvā ślāghase janasaṃsadi

You deserve to be rebuked by all the Pandavas and by all the Andhakas and Vrishnis, you who boast in a public assembly of a deed so foul.

Verse 14 (7.199.14)

अकार्यं तादृशं कृत्वा पुनरेव गुरुं क्षिपन् । वध्यस्त्वं न त्वयार्थोऽस्ति मुहूर्तमपि जीवता ॥

akāryaṃ tādṛśaṃ kṛtvā punareva guruṃ kṣipan | vadhyastvaṃ na tvayārtho'sti muhūrtamapi jīvatā

Having done such a forbidden deed, you go on reviling the teacher yet again. You deserve to be killed; there is no use in your living even a moment longer.

Verse 15 (7.199.15)

कस्त्वेतद्व्यवसेत्पापं त्वदन्यः पुरुषाधम । निगृह्य केशेषु वधं गुरोर्धर्मात्मनः सतः ॥

kastvetadvyavasetpāpaṃ tvadanyaḥ puruṣādhama | nigṛhya keśeṣu vadhaṃ gurordharmātmanaḥ sataḥ

What man other than you, O lowest of men, would venture on such a sin as seizing his righteous, virtuous teacher by the hair and killing him?

Note on the text: Corrected पायं → पापं (misprint in Wikisource; पायं is not a word here; the sense is “who would venture this sin”; the CE reads आर्यः in this position, Wikisource’s पापं is a recension variant with a dropped प).

Verse 16 (7.199.16)

सप्तावरे तथा पूर्वे बान्धवास्ते निमञ्जिताः । यशसा च परित्यक्तास्त्वां प्राप्य कुलपांसनम् ॥

saptāvare tathā pūrve bāndhavāste nimañjitāḥ | yaśasā ca parityaktāstvāṃ prāpya kulapāṃsanam

Your kinsmen, seven in the generations after and seven before, have been sunk and stripped of glory, for they got you, the disgrace of your line.

Verse 17 (7.199.17)

उक्तवांश्चापि यत्पार्थे भीष्मं प्रति नरर्षभ । तथान्तो विहितस्तेन स्वयमेव महात्मना ॥

uktavāṃścāpi yatpārthe bhīṣmaṃ prati nararṣabha | tathānto vihitastena svayameva mahātmanā

And as for what was said to Arjuna concerning Bhishma, O bull among men, his end was so ordained by that great-souled one himself.

Verse 18 (7.199.18)

तस्यापि तव सोदर्यो निहन्ता पापकृत्तमः । नान्यः पाञ्चालपुत्रेभ्यो विद्यते भुवि पापकृत् ॥

tasyāpi tava sodaryo nihantā pāpakṛttamaḥ | nānyaḥ pāñcālaputrebhyo vidyate bhuvi pāpakṛt

Even of him, your own brother was the slayer, the most sinful of sinners; there is no other sinner on earth like the sons of Panchala.

Verse 19 (7.199.19)

स चापि सृष्टः पित्रा ते भीष्मस्यान्तकरः किल । शिखण्डी रक्षितस्तेन स च मृत्युर्महात्मनः ॥

sa cāpi sṛṣṭaḥ pitrā te bhīṣmasyāntakaraḥ kila | śikhaṇḍī rakṣitastena sa ca mṛtyurmahātmanaḥ

He too, they say, was begotten by your father to bring about Bhishma's end: Shikhandi, who was kept safe by him, and who became that great soul's death.

Verse 20 (7.199.20)

पाञ्चालाश्चलिता धर्मात्क्षुद्रा मित्रगुरुद्रुहः । त्वां प्राप्य सहसोदर्यं धिक्कृतं सर्वसाधुभिः ॥

pāñcālāścalitā dharmātkṣudrā mitragurudruhaḥ | tvāṃ prāpya sahasodaryaṃ dhikkṛtaṃ sarvasādhubhiḥ

The Panchalas have fallen away from dharma, petty betrayers of friends and teachers, now that they have got you, with your brother, scorned by all good men.

Verse 21 (7.199.21)

पुनश्चेदीदृशीं वाचं मत्समीपे वदिष्यसि । शिरस्ते पोथयिष्यामि गदया वज्रकल्पया ॥

punaścedīdṛśīṃ vācaṃ matsamīpe vadiṣyasi | śiraste pothayiṣyāmi gadayā vajrakalpayā

If you speak such words in my presence again, I will smash your head with my mace, which is like a thunderbolt.

Verse 22 (7.199.22)

त्वां च ब्रह्महणं दृष्ट्वा जनः सूर्यमवेक्षते । ब्रह्महत्या हि ते पापं प्रायश्चित्तार्थमात्मनः ॥

tvāṃ ca brahmahaṇaṃ dṛṣṭvā janaḥ sūryamavekṣate | brahmahatyā hi te pāpaṃ prāyaścittārthamātmanaḥ

People look at the sun after seeing you, a killer of a brahmin. The sin of brahmin-slaughter is yours, and calls for an atonement of your own.

Note on the text: Not in the constituted text of the critical edition: = CE star passage 7.169.19d*1388_01–02.

Verse 23 (7.199.23)

पाञ्चालक सुदुर्वृत्त ममैव गुरुमग्रतः । गुरोर्गुरुं च भूयोऽपि क्षिपन्नैव हि लज्जसे ॥

pāñcālaka sudurvṛtta mamaiva gurumagrataḥ | gurorguruṃ ca bhūyo'pi kṣipannaiva hi lajjase

Wicked Panchala of evil conduct, you feel no shame in reviling, right before me, my teacher, and once more the teacher of my teacher.

Note on the text: Not in the constituted text of the critical edition: = CE star passage 7.169.19d*1388_03–04.

Verse 24 (7.199.24)

तिष्ठतिष्ठ सहस्वैकं गदापातमिमं मम । तव चापि सहिष्येऽहं गदापाताननेकशः ॥

tiṣṭhatiṣṭha sahasvaikaṃ gadāpātamimaṃ mama | tava cāpi sahiṣye'haṃ gadāpātānanekaśaḥ

Stand, stand, and bear this one blow of my mace; and I in turn will bear many blows of yours."

Note on the text: Not in the constituted text of the critical edition: = CE star passage 7.169.19d*1388_05–06.

Verse 25 (7.199.25)

सात्वतेनैवमाक्षिप्तः पार्षतः परुषाक्षरम् । संरब्धं सात्यकिं प्राह सङ्क्रुद्धः प्रहसन्निव ॥

sātvatenaivamākṣiptaḥ pārṣataḥ paruṣākṣaram | saṃrabdhaṃ sātyakiṃ prāha saṅkruddhaḥ prahasanniva

Thus reviled in harsh words by the Satvata, the son of Prishata, himself enraged, spoke to the furious Satyaki, smiling as it were:

Verse 26 (7.199.26)

श्रूयतेश्रूयते चेति क्षम्यते चेति माधव । सदाऽनार्योऽशुभः साधुं पुरुषं क्षेप्तुमिच्छति ॥

śrūyateśrūyate ceti kṣamyate ceti mādhava | sadā'nāryo'śubhaḥ sādhuṃ puruṣaṃ kṣeptumicchati

"I hear you, I hear you, and you are forgiven, O Madhava! The base and wicked man always wishes to heap abuse on a good man.

Verse 27 (7.199.27)

क्षमा प्रशस्यते लोके न तु पापोऽर्हति क्षमाम् । क्षमावन्तं हि पापात्मा जितोऽयमिति मन्यते ॥

kṣamā praśasyate loke na tu pāpo'rhati kṣamām | kṣamāvantaṃ hi pāpātmā jito'yamiti manyate

Forgiveness is praised in the world, but a sinner does not deserve it; the sinful-minded takes the forgiving man to be defeated.

Verse 28 (7.199.28)

स त्वं क्षुद्रसमाचारो नीचात्मा पापनिश्चयः । आकेशाग्रान्नखाग्राच्च वक्तव्यो वक्तुमिच्छसि ॥

sa tvaṃ kṣudrasamācāro nīcātmā pāpaniścayaḥ | ākeśāgrānnakhāgrācca vaktavyo vaktumicchasi

You, a man of petty conduct, base-minded and set on sin, who deserve to be rebuked from the tips of your hair to the tips of your nails, wish to rebuke others.

Verse 29 (7.199.29)

वरं हि ते मृतिः पाप न च ते चित्तमीदृशम् । श्रोतुं वक्तव्यतामूलं नीचाचाराश्च मानवाः । परान्क्षिपन्ति दोषेण स्वेषु दोषेष्वदृष्टयः ॥

varaṃ hi te mṛtiḥ pāpa na ca te cittamīdṛśam | śrotuṃ vaktavyatāmūlaṃ nīcācārāśca mānavāḥ | parānkṣipanti doṣeṇa sveṣu doṣeṣvadṛṣṭayaḥ

Better that you were dead, sinner, than that you should have such a mind, and have to hear what lies at the root of the blame. Men of base conduct, blind to their own faults, cast blame on others for theirs.

Note on the text: Removed stray wiki marks (a backtick before and a quote mark after the verse). Not in the constituted text of the critical edition: = CE star passage 7.169.23d*1389_01–03.

Verse 30 (7.199.30)

यः स भूरिश्रवाश्छिन्नभुजः प्रायगतस्त्वया । वार्यमाणेन हि हतस्ततः पापतरं नु किम् ॥

yaḥ sa bhūriśravāśchinnabhujaḥ prāyagatastvayā | vāryamāṇena hi hatastataḥ pāpataraṃ nu kim

Bhurishravas, whose arm had been cut off, sat in a fast to the death, and you killed him though you were being held back. What could be a greater sin than that?

Verse 31 (7.199.31)

प्रेषमाणो मया द्रोणो दिव्येनास्त्रेण संयुगे । विसृष्टशस्त्रो निहतः किं तत्र क्रूर दुष्कृतम् ॥

preṣamāṇo mayā droṇo divyenāstreṇa saṃyuge | visṛṣṭaśastro nihataḥ kiṃ tatra krūra duṣkṛtam

Drona, assailed by me in battle with a divine weapon, had laid down his arms when he was killed. What evil deed is there in that, you cruel man?

Note on the text: Corrected कुर → क्रूर (misprint in Wikisource; broken conjunct; the vocative “cruel one” is required and the CE reads क्रूर).

Verse 32 (7.199.32)

अयुध्यमानं यस्त्वाजौ तथा प्रायगतं मुनिम् । छिन्नबाहुं परैर्हन्यात्सात्यके स कथं वदेत् ॥

ayudhyamānaṃ yastvājau tathā prāyagataṃ munim | chinnabāhuṃ parairhanyātsātyake sa kathaṃ vadet

Satyaki, how can he speak who kills a sage who is not fighting, who sits in a fast to the death, his arm cut off by others?

Verse 33 (7.199.33)

निहत्य त्वां पदा भूमौ स विकर्षति वीर्यवान् । किं तदा न निहंस्येनं भूत्वा पुरुषसत्तमः ॥

nihatya tvāṃ padā bhūmau sa vikarṣati vīryavān | kiṃ tadā na nihaṃsyenaṃ bhūtvā puruṣasattamaḥ

When that mighty man had struck you to the ground with his foot and was dragging you, why did you not kill him then, as a best of men would have?

Verse 34 (7.199.34)

त्वया पुनरनार्येण पूर्वं पार्थेन निर्जितः । यदा तदा हतः शूरः सौमदत्तिः प्रतापवान् ॥

tvayā punaranāryeṇa pūrvaṃ pārthena nirjitaḥ | yadā tadā hataḥ śūraḥ saumadattiḥ pratāpavān

And you, ignoble man, killed the valiant hero Saumadatti at a time when he had already been overcome by Partha.

Verse 35 (7.199.35)

यत्रयत्र तु पाण्डूनां द्रोणो द्रावयते चमूम् । किरञ्छरसहस्राणि तत्रतत्र प्रयाम्यहम् ॥

yatrayatra tu pāṇḍūnāṃ droṇo drāvayate camūm | kirañcharasahasrāṇi tatratatra prayāmyaham

Wherever Drona routs the army of the Pandavas, there I go, showering thousands of arrows.

Verse 36 (7.199.36)

स त्वमेवंविधं कृत्वा कर्म चण्डालवत्स्वयम् । वक्तुमर्हसि वक्तव्यः कस्मात्त्वं परुषाण्यथ ॥

sa tvamevaṃvidhaṃ kṛtvā karma caṇḍālavatsvayam | vaktumarhasi vaktavyaḥ kasmāttvaṃ paruṣāṇyatha

Having yourself done a deed like a Chandala's, how do you, who deserve rebuke, dare to speak harsh words to me?

Verse 37 (7.199.37)

कर्ता त्वं कर्मणो ह्यस्य नाहं वृष्णिकुलाधम । पापानां च त्वमावासः कर्मणां मा पुनर्वद ॥

kartā tvaṃ karmaṇo hyasya nāhaṃ vṛṣṇikulādhama | pāpānāṃ ca tvamāvāsaḥ karmaṇāṃ mā punarvada

You are the doer of this deed, not I, O disgrace of the Vrishni line. You are the abode of sinful deeds; speak to me no more.

Verse 38 (7.199.38)

जोषमास्व न मां भूयो वक्तुमर्हस्यतः परम् । अधरोत्तरमेतद्धि यन्मां त्वं वक्तुमर्हसि ॥

joṣamāsva na māṃ bhūyo vaktumarhasyataḥ param | adharottarametaddhi yanmāṃ tvaṃ vaktumarhasi

Be silent; you have no right to speak to me again after this. What you presume to say to me is all upside down.

Note on the text: Corrected अधरोत्तरमेतद्वि → अधरोत्तरमेतद्धि (misprint in Wikisource; the particle हि after a final द् gives द्धि; the CE reads एतद्धि).

Verse 39 (7.199.39)

अथ वक्ष्यसि मां मौर्ख्याद्भूयः परुषमीदृशम् । गमयिष्यामि बाणैस्त्वां युधि वैवस्वतक्षयम् ॥

atha vakṣyasi māṃ maurkhyādbhūyaḥ paruṣamīdṛśam | gamayiṣyāmi bāṇaistvāṃ yudhi vaivasvatakṣayam

If in your folly you speak such harsh words to me again, I will send you with my arrows to the abode of Vaivasvata, in battle.

Verse 40 (7.199.40)

न चैव मूर्ख धर्मेण केवलेनैव शक्यते । तेषामपि ह्यधर्मेण चेष्टितं शृणु यादृशम् ॥

na caiva mūrkha dharmeṇa kevalenaiva śakyate | teṣāmapi hyadharmeṇa ceṣṭitaṃ śṛṇu yādṛśam

Fool, victory cannot be won by dharma alone. Hear, too, what sort of unrighteous conduct they themselves have shown.

Verse 41 (7.199.41)

वञ्चितः पाण्डवः पूर्वमधर्मेण युधिष्ठिरः । द्रौपदी च परिक्लिष्टा तथाऽधर्मेण सात्यके ॥

vañcitaḥ pāṇḍavaḥ pūrvamadharmeṇa yudhiṣṭhiraḥ | draupadī ca parikliṣṭā tathā'dharmeṇa sātyake

Yudhishthira the Pandava was cheated in the beginning by unrighteousness, and Draupadi, too, was tormented by unrighteousness, O Satyaki.

Verse 42 (7.199.42)

प्रव्राजिता वनं सर्वे पाण्डवाः सह कृष्णया । सर्वस्वमपकृष्टं च तथाऽधर्मेण बालिश ॥

pravrājitā vanaṃ sarve pāṇḍavāḥ saha kṛṣṇayā | sarvasvamapakṛṣṭaṃ ca tathā'dharmeṇa bāliśa

All the Pandavas were sent into exile in the forest together with Krishna, and all their possessions were taken away by unrighteousness, you simpleton.

Verse 43 (7.199.43)

अधर्मेणापकृष्टश्च मद्रराजः परैरितः । अधर्मेण तथा बालः सौभद्रो विनिपातितः ॥

adharmeṇāpakṛṣṭaśca madrarājaḥ parairitaḥ | adharmeṇa tathā bālaḥ saubhadro vinipātitaḥ

By unrighteousness the king of Madra was drawn away by the enemy; by unrighteousness the boy Saubhadra was struck down.

Note on the text: Line 1 = CE 7.169.37a; line 2 = CE star passage 7.169.37b*1390_01 (adharmeṇa tathā bālaḥ saubhadro vinipātitaḥ). Wikisource divides the CE’s three-line verse 37 differently.

Verse 44 (7.199.44)

इतोऽप्यधर्मेण हतो भीष्मः परपुरञ्जयः । भूरिश्रवा ह्यधर्मेण त्वया धर्मविदा हतः ॥

ito'pyadharmeṇa hato bhīṣmaḥ parapurañjayaḥ | bhūriśravā hyadharmeṇa tvayā dharmavidā hataḥ

By unrighteousness, too, Bhishma, conqueror of hostile cities, was slain; and by you, who know dharma, Bhurishravas was slain by unrighteousness.

Note on the text: Lines 1–2 = CE 7.169.37c and 37e (Wikisource’s परपुरञ्जयः stands for the CE’s कुरुपितामहः in line 1). Wikisource divides the CE’s three-line verse 37 differently.

Verse 45 (7.199.45)

एवं परैराचरितं पाण्डवेयैश्च संयुगे । रक्षमाणैर्जयं वीरैर्धर्मज्ञैरपि सात्वत ॥

evaṃ parairācaritaṃ pāṇḍaveyaiśca saṃyuge | rakṣamāṇairjayaṃ vīrairdharmajñairapi sātvata

Thus has it been practised in battle, both by the enemy and by the Pandavas, brave men who know dharma, each guarding his victory, O Satvata.

Verse 46 (7.199.46)

दुर्ज्ञेयः स परो धर्मस्तथाऽधर्मश्च दुर्विदः । युध्यस्व कौरवैः सार्धं मा गाः पितृनिवेशनम् ॥

durjñeyaḥ sa paro dharmastathā'dharmaśca durvidaḥ | yudhyasva kauravaiḥ sārdhaṃ mā gāḥ pitṛniveśanam

That highest dharma is hard to know, and adharma, too, is hard to discern. Fight against the Kauravas, and do not go to the abode of the ancestors (the realm of the dead)."

Verse 47 (7.199.47)

एवमादीनि वाक्यानि क्रूराणि परुषाणि च । श्रावितः सात्यकिः श्रीमानाकम्पित इवाभवत् ॥

evamādīni vākyāni krūrāṇi paruṣāṇi ca | śrāvitaḥ sātyakiḥ śrīmānākampita ivābhavat

Made to hear these and other cruel, harsh words, the illustrious Satyaki seemed to tremble.

Verse 48 (7.199.48)

तच्छ्रुत्वा क्रोधताम्राक्षः सात्यकिस्त्वाददे गदाम् । विनिः श्वस्य यथा सर्पः प्रणिधाय रथे धनुः ॥

tacchrutvā krodhatāmrākṣaḥ sātyakistvādade gadām | viniḥ śvasya yathā sarpaḥ praṇidhāya rathe dhanuḥ

Hearing that, Satyaki, his eyes red with anger, set his bow down on the chariot and took up his mace, hissing like a serpent.

Verse 49 (7.199.49)

ततोऽभिपत्य पाञ्चाल्यं संरम्भेणेदमब्रवीत् । न त्वां वक्ष्यामि परुषं हनिष्ये त्वां वधक्षमम् ॥

tato'bhipatya pāñcālyaṃ saṃrambheṇedamabravīt | na tvāṃ vakṣyāmi paruṣaṃ haniṣye tvāṃ vadhakṣamam

Then, rushing at the Panchala in his fury, he said, "I will not speak harshly to you; I will kill you, for you deserve to be killed."

Verse 50 (7.199.50)

तमापतन्तं सहसा महाबलममर्षणम् । पाञ्चाल्यायाभिसङ्क्रुद्धमन्तकायान्तकोपमम् ॥

tamāpatantaṃ sahasā mahābalamamarṣaṇam | pāñcālyāyābhisaṅkruddhamantakāyāntakopamam

As that mighty, wrathful man rushed suddenly at Dhrishtadyumna, filled with rage, like Death coming for Death itself,

Verse 51 (7.199.51)

चोदितो वासुदेवेन भीमसेनो महाबलः । अवप्लुत्य रथात्तूर्णं बाहुभ्यां समवारयत् ॥

codito vāsudevena bhīmaseno mahābalaḥ | avaplutya rathāttūrṇaṃ bāhubhyāṃ samavārayat

mighty Bhimasena, urged on by Vasudeva, leapt swiftly down from his chariot and held him back with both arms.

Verse 52 (7.199.52)

द्रवमाणं तथा क्रुद्धं सात्यकिं पाण्डवो बली । प्रस्पन्दमानमादाय जगाम बलिनं बलात् ॥

dravamāṇaṃ tathā kruddhaṃ sātyakiṃ pāṇḍavo balī | praspandamānamādāya jagāma balinaṃ balāt

The strong Pandava took hold of the angry Satyaki as he ran forward, struggling, and bore the powerful man off by force.

Verse 53 (7.199.53)

स्थित्वा विष्टभ्य चरणौ भीमेन शिनिपुङ्गवः । निगृहीतः पदे षष्ठे बलेन बलिनां वरः ॥

sthitvā viṣṭabhya caraṇau bhīmena śinipuṅgavaḥ | nigṛhītaḥ pade ṣaṣṭhe balena balināṃ varaḥ

Bhima planted his feet firmly and stood, and at the sixth step he held fast that bull of the Shinis, the best of the strong.

Verse 54 (7.199.54)

अवरुह्य रथात्तूर्णं ध्रियमाणं बलीयसा । उवाच श्लक्ष्णया वाचा सहदेवो विशाम्पते ॥

avaruhya rathāttūrṇaṃ dhriyamāṇaṃ balīyasā | uvāca ślakṣṇayā vācā sahadevo viśāmpate

Getting down from his chariot, Sahadeva, O lord of the people, spoke in gentle words to him as he was held by the stronger man.

Verse 55 (7.199.55)

अस्माकं पुरुषव्याघ्र मित्रमन्यन्न विद्यते । परमन्धकवृष्णिभ्यः पाञ्चालेभ्यश्च मारिष ॥

asmākaṃ puruṣavyāghra mitramanyanna vidyate | paramandhakavṛṣṇibhyaḥ pāñcālebhyaśca māriṣa

"O tiger among men, we have no other friend than the Andhakas and Vrishnis, and the Panchalas, O sir.

Note on the text: Corrected पाञ्चलेभ्यश्च → पाञ्चालेभ्यश्च (misprint in Wikisource; dropped long ā; the CE reads पाञ्चालेभ्यश्च).

Verse 56 (7.199.56)

तथैवान्धकवृष्णीनां तथैव च विशेषतः । कृष्णस्य च तथाऽस्मत्तो मित्रमन्यन्न विद्यते ॥

tathaivāndhakavṛṣṇīnāṃ tathaiva ca viśeṣataḥ | kṛṣṇasya ca tathā'smatto mitramanyanna vidyate

Likewise the Andhakas and Vrishnis, and Krishna above all, have no other friend than ourselves.

Verse 57 (7.199.57)

पाञ्चालानां च वार्ष्णेय समुद्रान्तां विचिन्वताम् । नान्यदस्ति परं मित्रं यथा पाण्डववृष्णयः ॥

pāñcālānāṃ ca vārṣṇeya samudrāntāṃ vicinvatām | nānyadasti paraṃ mitraṃ yathā pāṇḍavavṛṣṇayaḥ

And for the Panchalas, O Vrishni, though they search the earth to its ocean's edge, there is no better friend than the Pandavas and the Vrishnis.

Verse 58 (7.199.58)

स भवानीदृशं मित्रं मन्यते च यथा भवान् । भवन्तश्च यथाऽस्माकं भवतां च तथा वयम् ॥

sa bhavānīdṛśaṃ mitraṃ manyate ca yathā bhavān | bhavantaśca yathā'smākaṃ bhavatāṃ ca tathā vayam

And you yourself regard us as such a friend; as you are to us, so are we to you.

Verse 59 (7.199.59)

स एवं सर्वधर्मज्ञ मित्रधर्ममनुस्मरन् । नियच्छ मन्युं पाञ्चाल्यात्प्रशाम्य शिनिपुङ्गव ॥

sa evaṃ sarvadharmajña mitradharmamanusmaran | niyaccha manyuṃ pāñcālyātpraśāmya śinipuṅgava

So, knowing all dharma and remembering the duty of friendship, restrain your anger against the Panchala and be calm, bull of the Shinis.

Note on the text: Corrected शिनिपुङ्गवा → शिनिपुङ्गव (misprint in Wikisource; stray final ā; the vocative is शिनिपुङ्गव, as in the CE).

Verse 60 (7.199.60)

पार्षतस्य क्षम त्वं वै क्षमतां पार्षतश्च ते । वयं क्षमयितारश्च किमन्यत्र शमाद्भवेत् ॥

pārṣatasya kṣama tvaṃ vai kṣamatāṃ pārṣataśca te | vayaṃ kṣamayitāraśca kimanyatra śamādbhavet

Forgive the son of Prishata, and may the son of Prishata forgive you; we shall be the ones to bring about the forgiveness. What else could come but peace?"

Verse 61 (7.199.61)

प्रशाम्यमाने शैनेये सहदेवेन मारिष । पाञ्चालराजस्य सुतः प्रहसन्निदमब्रवीत् ॥

praśāmyamāne śaineye sahadevena māriṣa | pāñcālarājasya sutaḥ prahasannidamabravīt

While Satyaki was being calmed by Sahadeva, O sir, the son of the Panchala king said, laughing:

Verse 62 (7.199.62)

मुञ्चमुञ्च शिनेः पौत्रं भीम युद्धमदान्वितम् । आसादयतु मामेष धराधरमिवानिलः ॥

muñcamuñca śineḥ pautraṃ bhīma yuddhamadānvitam | āsādayatu māmeṣa dharādharamivānilaḥ

"Let go, let go of the grandson of Shini, Bhima, drunk with the frenzy of battle. Let him come at me, as the wind comes at a mountain,

Verse 63 (7.199.63)

यावदस्य शितैर्बाणैः संरम्भं विनयाम्यहम् । युद्धश्रद्धां च कौन्तेय जीवितं चास्य संयुगे ॥

yāvadasya śitairbāṇaiḥ saṃrambhaṃ vinayāmyaham | yuddhaśraddhāṃ ca kaunteya jīvitaṃ cāsya saṃyuge

until I quell his rage with my sharp arrows, O son of Kunti, along with his zeal for battle and his very life in this fight.

Note on the text: Corrected युद्धश्रुद्धां → युद्धश्रद्धां (misprint in Wikisource; श्रुद्धा is not a word; the CE reads युद्धश्रद्धां).

Verse 64 (7.199.64)

किं नु शक्यं मया कर्तुं यत्कार्यमिदमुच्यताम् । सुमहत्पाण्डुपुत्राणामायान्त्येते हि कौरवाः ॥

kiṃ nu śakyaṃ mayā kartuṃ yatkāryamidamucyatām | sumahatpāṇḍuputrāṇāmāyāntyete hi kauravāḥ

What can I do? Say what must be done. This is a very great matter for the sons of Pandu, for the Kauravas are advancing.

Verse 65 (7.199.65)

अथवा फल्गुनः सर्वान्वारयिष्यति संयुगे । अहमप्यस्य मूर्धानं पातयिष्यामि सायकैः ॥

athavā phalgunaḥ sarvānvārayiṣyati saṃyuge | ahamapyasya mūrdhānaṃ pātayiṣyāmi sāyakaiḥ

Or else Phalguna will hold off all of them in the battle, and I myself will bring down this man's head with my arrows.

Verse 66 (7.199.66)

मन्यते च्छिन्नबाहुं मां भूरिश्रवसमाहवे । उत्सृजैनमहं चैनमेष वा मां हनिष्यति ॥

manyate cchinnabāhuṃ māṃ bhūriśravasamāhave | utsṛjainamahaṃ cainameṣa vā māṃ haniṣyati

He thinks me no better than Bhurishravas with his arm cut off in battle. Let him go! Either I shall kill him, or he will kill me."

Verse 67 (7.199.67)

शृण्वन्पाञ्चालवाक्यानि सात्यकिः सर्पवच्छ्वसन् । भीमबाह्वन्तरे सक्तो विस्फुरत्यनिशं बली ॥

śṛṇvanpāñcālavākyāni sātyakiḥ sarpavacchvasan | bhīmabāhvantare sakto visphuratyaniśaṃ balī

Hearing the Panchala's words, Satyaki, hissing like a snake and caught in the grip of Bhima's arms, kept straining without pause, for he was strong.

Verse 68 (7.199.68)

तौ वृषाविव नर्दन्तौ बलिनौ बाहुशालिनौ । त्वरया वासुदेवश्च धर्मराजश्च मारिष । यत्नेन महता वीरौ वारयामासतुस्ततः ॥

tau vṛṣāviva nardantau balinau bāhuśālinau | tvarayā vāsudevaśca dharmarājaśca māriṣa | yatnena mahatā vīrau vārayāmāsatustataḥ

Those two strong, mighty-armed men, bellowing like bulls, were swiftly and with great effort held back by Vasudeva and the King of Dharma, O sir.

Note on the text: Line 1 = CE star passage 7.169.60d*1392_01 (not in the constituted text); lines 2–3 = CE 7.169.61.

Verse 69 (7.199.69)

निवार्य परमेष्वासौ कोपसंरक्तलोचनौ । युयुत्सूनपरान्सङ्ख्ये प्रतीयुः क्षत्रियर्षभाः ॥

nivārya parameṣvāsau kopasaṃraktalocanau | yuyutsūnaparānsaṅkhye pratīyuḥ kṣatriyarṣabhāḥ

Having restrained the two great archers, their eyes red with anger, the bulls among the Kshatriyas, eager to fight, went back to meet the enemy in battle.