Ashvatthama Looses the Narayana Weapon

Verse 1 (7.200.1)

ततः स कदनं चक्रे रिपूणां द्रोणनन्दनः । युगान्ते सर्वभूतानां कालसृष्ट इवान्तकः ॥

tataḥ sa kadanaṃ cakre ripūṇāṃ droṇanandanaḥ | yugānte sarvabhūtānāṃ kālasṛṣṭa ivāntakaḥ

Then the son of Drona made a slaughter of his enemies, like Death let loose by Time at the end of the age upon all beings.

Note on the text: Removed the speaker heading “सञ्जय उवच” (so printed in Wikisource, for उवाच) that had slipped into the verse text; it is now the speaker.

Verse 2 (7.200.2)

ध्वजद्रुमं शस्त्रशृङ्गं हतनागमहाशिलम् । अश्वकिम्पुरुषाकीर्णं शरासनलतावृतम् ॥

dhvajadrumaṃ śastraśṛṅgaṃ hatanāgamahāśilam | aśvakimpuruṣākīrṇaṃ śarāsanalatāvṛtam

A mountain of bodies, with banners for its trees, weapons for its peaks, and slain elephants for its great boulders, strewn with horses and Kimpurushas, and wreathed in bows like creepers,

Verse 3 (7.200.3)

क्रव्यादपक्षिसङ्घुष्टं भूतयक्षगणाकुलम् । निहत्य शात्रवान्भल्लैः सोऽचिनोद्देहपर्वतम् ॥

kravyādapakṣisaṅghuṣṭaṃ bhūtayakṣagaṇākulam | nihatya śātravānbhallaiḥ so'cinoddehaparvatam

echoing with the cries of flesh-eating birds and thronged with ghosts and Yakshas: such a mountain of bodies he heaped up, slaying his foes with broad-headed arrows.

Note on the text: Corrected भूतयक्षणाकुलम् → भूतयक्षगणाकुलम् (misprint in Wikisource; यक्षणा is not a word; the CE reads भूतयक्षगणाकुलम्. Line 1 क्रव्यादपक्षिसङ्घुष्टम् is a recension variant of the CE’s शूलक्रव्यादसंघुष्टम्).

Verse 4 (7.200.4)

ततो वेगेन महता विनद्य स नरर्षभः । प्रतिज्ञां श्रावयामास पुनरेव तवात्मजम् ॥

tato vegena mahatā vinadya sa nararṣabhaḥ | pratijñāṃ śrāvayāmāsa punareva tavātmajam

Then, roaring loudly with great force, that bull among men proclaimed his vow once more to your son:

Verse 5 (7.200.5)

यदत्र च्छद्मनाऽऽचार्यं धर्मकञ्चुकमास्थितः । मुञ्च शस्त्रमिति प्राह कुन्तीपुत्रो युधिष्ठिरः ॥

yadatra cchadmanā''cāryaṃ dharmakañcukamāsthitaḥ | muñca śastramiti prāha kuntīputro yudhiṣṭhiraḥ

"Because here Yudhishthira, the son of Kunti, wearing the cloak of dharma, said to the teacher by a trick, 'Lay down your weapon,'

Verse 6 (7.200.6)

तस्मात्सम्पश्यतस्तस्य द्रावयिष्यामि वाहिनीम् । विद्राव्य सर्वान्हन्ताऽस्मि जाल्मं पाञ्चाल्यमेव तु ॥

tasmātsampaśyatastasya drāvayiṣyāmi vāhinīm | vidrāvya sarvānhantā'smi jālmaṃ pāñcālyameva tu

therefore, before his very eyes, I shall put his army to flight; and having routed them all, I shall kill that wretch of a Panchala.

Note on the text: Corrected द्रावयिष्यानि → द्रावयिष्यामि (misprint in Wikisource; dropped म, first person “I shall rout” is required and the CE reads द्रावयिष्यामि). Also separated विद्राव्यसर्वान् → विद्राव्य सर्वान् (words run together in Wikisource). जाल्मम् for the CE’s पापम् is a recension variant.

Verse 7 (7.200.7)

सर्वानेतान्हनिष्यामि यदि योत्स्यन्ति मां रणे । सत्यं ते प्रतिजानामि परिवर्तय वाहिनीम् ॥

sarvānetānhaniṣyāmi yadi yotsyanti māṃ raṇe | satyaṃ te pratijānāmi parivartaya vāhinīm

I shall kill all of these if they fight me in battle. I promise you truly: turn the army back."

Verse 8 (7.200.8)

तच्छ्रुत्वा तव पुत्रस्तु वाहिनीं पर्यवर्तयत् । सिंहनादेन महता व्यपोह्य सुमहद्भयम् ॥

tacchrutvā tava putrastu vāhinīṃ paryavartayat | siṃhanādena mahatā vyapohya sumahadbhayam

Hearing that, your son turned the army around, driving off its great fear with a mighty lion's roar.

Verse 9 (7.200.9)

ततः समागमो राजन्कुरुपाण्डवसेनयोः । पुनरेवाभवत्तीव्रः पूर्णसागरयोरिव ॥

tataḥ samāgamo rājankurupāṇḍavasenayoḥ | punarevābhavattīvraḥ pūrṇasāgarayoriva

Then, O king, the armies of the Kurus and the Pandavas met again in a fierce clash, like two brimming oceans.

Verse 10 (7.200.10)

संरब्धा हि स्थिरीभूता द्रोणपुत्रेण कौरवाः । उदग्राः पाण्डुपाञ्चाला द्रोणस्य निधनेन च ॥

saṃrabdhā hi sthirībhūtā droṇaputreṇa kauravāḥ | udagrāḥ pāṇḍupāñcālā droṇasya nidhanena ca

The Kauravas, enraged, had steadied themselves because of Drona's son, while the Pandavas and Panchalas were elated at Drona's death.

Note on the text: Joined द्रोण पुत्रेण → द्रोणपुत्रेण (stray space in Wikisource; the compound is द्रोणपुत्र).

Verse 11 (7.200.11)

तेषां परमहृष्टानां जयमात्मनि पश्यताम् । संरब्धानां महावेगः प्रादुरासीद्विशाम्पते ॥

teṣāṃ paramahṛṣṭānāṃ jayamātmani paśyatām | saṃrabdhānāṃ mahāvegaḥ prādurāsīdviśāmpate

Among those warriors, exceedingly glad, each seeing victory within himself and full of fury, a mighty surge arose, O lord of the people.

Verse 12 (7.200.12)

यथा शिलोच्चये शैलः सागरैः सागरो यथा । प्रतिहन्येत राजेन्द्र तथाऽसन्कुरुपाण्डवाः ॥

yathā śiloccaye śailaḥ sāgaraiḥ sāgaro yathā | pratihanyeta rājendra tathā'sankurupāṇḍavāḥ

As a mountain would dash against a mass of rock, or a sea against seas, so, O king of kings, did the Kurus and the Pandavas dash against one another.

Verse 13 (7.200.13)

चुक्षुभे पृथिवी सर्वा दिशश्च प्रतिसस्वनुः । सम्भ्रान्तान्यपि भूतानि जलजान्यपि मारिष । ते च सर्वे तदा योधाः सम्प्रहृष्टा युयुत्सवः ॥

cukṣubhe pṛthivī sarvā diśaśca pratisasvanuḥ | sambhrāntānyapi bhūtāni jalajānyapi māriṣa | te ca sarve tadā yodhāḥ samprahṛṣṭā yuyutsavaḥ

The whole earth trembled and the quarters echoed; the creatures were bewildered, even those that live in the water, O sir. And all those warriors, eager to fight, were then exultant.

Note on the text: Removed stray wiki marks (a backtick before and a quote mark after the verse). Not in the constituted text of the critical edition: = CE star passage 7.170.13d*1394_01–03.

Verse 14 (7.200.14)

ततः शङ्खसहस्राणि भेरीणामयुतानि च । अवादयन्त संहृष्टाः कुरुपाण्डवसैनिकाः ॥

tataḥ śaṅkhasahasrāṇi bherīṇāmayutāni ca | avādayanta saṃhṛṣṭāḥ kurupāṇḍavasainikāḥ

Then the soldiers of the Kurus and Pandavas, overjoyed, sounded thousands of conches and tens of thousands of kettledrums.

Verse 15 (7.200.15)

यथा निर्मथ्यमानस्य सागरस्य तु निःस्वनः । अभवत्तव सैन्यस्य सुमहानद्भुतोपमः ॥

yathā nirmathyamānasya sāgarasya tu niḥsvanaḥ | abhavattava sainyasya sumahānadbhutopamaḥ

The roar of your army was vast and wondrous, like the roar of the ocean as it is churned.

Verse 16 (7.200.16)

वर्तमाने तथा शब्दे रौद्रे तस्मिन्भयानके । सम्पतत्सु रथौघेषु तव तेषां च भारत ॥

vartamāne tathā śabde raudre tasminbhayānake | sampatatsu rathaugheṣu tava teṣāṃ ca bhārata

While that dreadful, terrifying uproar went on, and masses of chariots, yours and theirs, were charging at one another, O Bharata,

Note on the text: Removed stray wiki marks (a backtick before and a quote mark after the verse). Not in the constituted text of the critical edition: = CE star passage 7.170.13d*1394_04–05.

Verse 17 (7.200.17)

प्रादुश्चक्रे ततो द्रौणिरस्त्रं नारायणं तदा । अभिसन्धाय पाण्डूनां पाञ्चालानां च वाहिनीं ॥

prāduścakre tato drauṇirastraṃ nārāyaṇaṃ tadā | abhisandhāya pāṇḍūnāṃ pāñcālānāṃ ca vāhinīṃ

Drona's son then brought forth the Narayana weapon, aiming it at the army of the Pandavas and the Panchalas.

Verse 18 (7.200.18)

प्रादुरासंस्ततो बाणा दीप्ताग्राः खे सहस्रशः । पाण्डवान्क्षपयिष्यन्तो दीप्तास्यः पन्नगा इव ॥

prādurāsaṃstato bāṇā dīptāgrāḥ khe sahasraśaḥ | pāṇḍavānkṣapayiṣyanto dīptāsyaḥ pannagā iva

Then thousands of arrows with blazing points appeared in the sky, like fiery-mouthed serpents, bent on destroying the Pandavas.

Verse 19 (7.200.19)

ते दिशः खं च सैन्यं च समावृण्वन्महाहवे । मुहूर्ताद्भास्करस्येव लोके राजन्गभस्तयः ॥

te diśaḥ khaṃ ca sainyaṃ ca samāvṛṇvanmahāhave | muhūrtādbhāskarasyeva loke rājangabhastayaḥ

In that great battle they covered the quarters, the sky and the army in a moment, as the sun's rays cover the world, O king.

Verse 20 (7.200.20)

तथाऽपरे द्योतमाना ज्योतींषीवामलाम्बरे । प्रादुरासन्महाराज कार्ष्णायसमया गुडाः ॥

tathā'pare dyotamānā jyotīṃṣīvāmalāmbare | prādurāsanmahārāja kārṣṇāyasamayā guḍāḥ

And other things, too, appeared, shining like stars in a clear sky, O great king: balls of black iron.

Verse 21 (7.200.21)

चतुश्चक्रा द्विचक्राश्च शतघ्नो बहुला गदाः । चक्राणि च क्षुरान्तानि मण्डलानीव भास्वतः ॥

catuścakrā dvicakrāśca śataghno bahulā gadāḥ | cakrāṇi ca kṣurāntāni maṇḍalānīva bhāsvataḥ

Four-wheeled and two-wheeled missiles, hundred-slayers, many maces, and discuses edged like razors, like the discs of the sun.

Verse 22 (7.200.22)

शस्त्राकृतिभिराकीर्णमतीव पुरुषर्षभ । दृष्ट्वान्तरिक्षमाविग्नाः पाण्डुपाञ्चालसृञ्जयाः ॥

śastrākṛtibhirākīrṇamatīva puruṣarṣabha | dṛṣṭvāntarikṣamāvignāḥ pāṇḍupāñcālasṛñjayāḥ

Seeing the sky filled to overflowing with the shapes of weapons, O best of men, the Pandavas, Panchalas and Srinjayas were alarmed.

Verse 23 (7.200.23)

यथायथा ह्ययुध्यन्त पाण्डवानां महारथाः । तथातथा तदस्त्रं वै व्यवर्धत जनाधिप ॥

yathāyathā hyayudhyanta pāṇḍavānāṃ mahārathāḥ | tathātathā tadastraṃ vai vyavardhata janādhipa

The harder the great chariot-warriors of the Pandavas fought, the more that weapon grew, O lord of men.

Verse 24 (7.200.24)

वध्यमानास्तदाऽस्त्रेण तेन नारायणेन वै । दह्यमानाऽनलेनेव सर्वतोऽभ्यर्दिता रणे ॥

vadhyamānāstadā'streṇa tena nārāyaṇena vai | dahyamānā'naleneva sarvato'bhyarditā raṇe

Struck then by that Narayana weapon, they were afflicted on every side in the battle, as if burned by fire.

Note on the text: Line 1 = CE 7.170.22a, line 2 = CE 7.170.22c. The critical edition’s Appendix I passage 22b@021_0001–0036 (a long description of the battlefield) falls between them and is not in Wikisource.

Verse 25 (7.200.25)

यथा हि शिशिरापाये दहेत्कक्षं हुताशनः । तथा तदस्त्रं पाण्डूनां ददाह ध्वजिनीं प्रभो ॥

yathā hi śiśirāpāye dahetkakṣaṃ hutāśanaḥ | tathā tadastraṃ pāṇḍūnāṃ dadāha dhvajinīṃ prabho

As fire burns dry grass when winter has passed, so that weapon burned the Pandava host, O lord.

Verse 26 (7.200.26)

आपूर्यमाणेनास्त्रेण सैन्ये क्षीयति च प्रभो । जगाम परमं त्रासं धर्मपुत्रो युधिष्ठिरः ॥

āpūryamāṇenāstreṇa sainye kṣīyati ca prabho | jagāma paramaṃ trāsaṃ dharmaputro yudhiṣṭhiraḥ

As the weapon swelled and the army dwindled, Yudhishthira, the son of Dharma, was seized by great fear, O lord.

Verse 27 (7.200.27)

द्रवमाणं तु तत्सैन्यं दृष्ट्वा विगतचेतनम् । मध्यस्थतां च पार्थस्य धर्मपुत्रोऽब्रवीदिदम् ॥

dravamāṇaṃ tu tatsainyaṃ dṛṣṭvā vigatacetanam | madhyasthatāṃ ca pārthasya dharmaputro'bravīdidam

Seeing that army fleeing, bereft of its senses, and Arjuna standing aloof, the son of Dharma said this:

Verse 28 (7.200.28)

धृष्टद्युम्न पलायस्व सह पाञ्चालसेनया । सात्यके त्वं च गच्छस्व वृष्ण्यन्धकवृतो महान् ॥

dhṛṣṭadyumna palāyasva saha pāñcālasenayā | sātyake tvaṃ ca gacchasva vṛṣṇyandhakavṛto mahān

"Dhrishtadyumna, flee with the Panchala army! And you, Satyaki, go, great hero, surrounded by the Vrishnis and Andhakas.

Verse 29 (7.200.29)

वासुदेवोऽपि धर्मात्मा करिष्यत्यात्मनः क्षमम् । श्रेयो ह्युपदिशत्येष लोकस्य किमुतात्मनः ॥

vāsudevo'pi dharmātmā kariṣyatyātmanaḥ kṣamam | śreyo hyupadiśatyeṣa lokasya kimutātmanaḥ

Vasudeva too, the righteous one, will do what is fitting for himself. He teaches what is best even to the whole world, how much more to himself!

Verse 30 (7.200.30)

सङ्ग्रामस्तु न कर्तव्यः सर्वसैन्यान्ब्रवीमि वः । अहं हि सह सोदर्यैः प्रवेक्ष्ये हव्यवाहनम् ॥

saṅgrāmastu na kartavyaḥ sarvasainyānbravīmi vaḥ | ahaṃ hi saha sodaryaiḥ pravekṣye havyavāhanam

I tell you all, soldiers: no battle is to be fought. I, with my brothers, shall enter the fire.

Verse 31 (7.200.31)

भीष्मद्रोणार्णवं तीर्त्वा सङ्ग्रामे भीरुदुस्तरे । विमज्जिष्यामि सलिले सगणो द्रौणिगोष्पदे ॥

bhīṣmadroṇārṇavaṃ tīrtvā saṅgrāme bhīrudustare | vimajjiṣyāmi salile sagaṇo drauṇigoṣpade

Having crossed the ocean of Bhishma and Drona, so hard for cowards to cross in battle, I shall sink, with my followers, in the water of the cow's hoofprint that is Drona's son.

Verse 32 (7.200.32)

कामः सम्पद्यतामस्य बीभत्सोराशु मां प्रति । कल्याणवृत्तिराचार्यो मया युधि निपातितः ॥

kāmaḥ sampadyatāmasya bībhatsorāśu māṃ prati | kalyāṇavṛttirācāryo mayā yudhi nipātitaḥ

Let this Bibhatsu's wish concerning me be quickly fulfilled, for the teacher, whose conduct was good, was struck down by me in battle:

Verse 33 (7.200.33)

येन बालः स सौभद्रो युद्धानामविशारदः । समर्थैर्बहुभिः क्रूरैर्घातितो नाभिपालितः ॥

yena bālaḥ sa saubhadro yuddhānāmaviśāradaḥ | samarthairbahubhiḥ krūrairghātito nābhipālitaḥ

the teacher by whom the boy Saubhadra, unskilled in warfare, was caused to be slain by many able and cruel men and was not protected;

Verse 34 (7.200.34)

येन विब्रुवती प्रश्नं तथा कृष्णा सभां गता । उपेक्षिता सपुत्रेण दासीभावं नियच्छती ॥

yena vibruvatī praśnaṃ tathā kṛṣṇā sabhāṃ gatā | upekṣitā saputreṇa dāsībhāvaṃ niyacchatī

by whom, together with his son, Krishna was ignored when she came into the assembly and put her question, as she was being forced into slavery;

Verse 35 (7.200.35)

रक्षणे च महान्यत्नः सैन्धवस्य कृतो युधि । अर्जुनस्य विघातार्थं प्रतिज्ञा येन रक्षिता ॥

rakṣaṇe ca mahānyatnaḥ saindhavasya kṛto yudhi | arjunasya vighātārthaṃ pratijñā yena rakṣitā

by whom great effort was made in battle to protect Saindhava, in order to thwart Arjuna, and whose pledge was kept;

Note on the text: Removed a stray backtick before the verse. Not in the constituted text of the critical edition: = CE star passage 7.170.32d*1397_01–02.

Verse 36 (7.200.36)

व्यूहद्वारि वयं चैव धृता येन जिगीषवः । वारितं च महत्सैन्यं प्रविशत्तद्यथाबलम् ॥

vyūhadvāri vayaṃ caiva dhṛtā yena jigīṣavaḥ | vāritaṃ ca mahatsainyaṃ praviśattadyathābalam

by whom we, eager for victory, were held at the gate of the formation, and the great army that tried to enter was held back as far as his strength allowed;

Note on the text: Removed a stray quote mark after the verse. Not in the constituted text of the critical edition: = CE star passage 7.170.32d*1397_03–04.

Verse 37 (7.200.37)

जिघांसुर्धार्तराष्ट्रश्च श्रान्तेष्वन्येषु फल्गुनम् । कवचेन तथा गुप्तो रक्षार्थं सैन्धवस्य च ॥

jighāṃsurdhārtarāṣṭraśca śrānteṣvanyeṣu phalgunam | kavacena tathā gupto rakṣārthaṃ saindhavasya ca

and by whom Dhritarashtra's son, bent on killing Phalguna when the others were exhausted, was made secure with armour, for the protection of Saindhava;

Verse 38 (7.200.38)

येन ब्रह्मास्त्रविदुषा पाञ्चालाः सत्यजिन्मुखाः । कुर्वाणा मज्जये यत्नं समूला विनिपातिताः ॥

yena brahmāstraviduṣā pāñcālāḥ satyajinmukhāḥ | kurvāṇā majjaye yatnaṃ samūlā vinipātitāḥ

by whom, learned in the Brahma weapon, the Panchalas with Satyajit at their head, striving for my victory, were struck down to the roots;

Verse 39 (7.200.39)

ग्रहणे च परो यत्नः कृतस्तेन यथा मम । विदितं सर्वमेवैतद्भवतां सर्वयोधिनाम् ॥

grahaṇe ca paro yatnaḥ kṛtastena yathā mama | viditaṃ sarvamevaitadbhavatāṃ sarvayodhinām

and by whom supreme effort was made to capture me, as all of you warriors know well;

Note on the text: Removed stray wiki marks (a backtick before and a quote mark after the verse). Not in the constituted text of the critical edition: = CE star passage 7.170.34d*1398_01–02.

Verse 40 (7.200.40)

येन प्रव्राज्यमानाश्च राज्याद्वयमधर्मतः । निवार्यमाणेनास्माभिरनुगन्तुं तदेषिताः ॥

yena pravrājyamānāśca rājyādvayamadharmataḥ | nivāryamāṇenāsmābhiranugantuṃ tadeṣitāḥ

by whom, as we were being driven out of the kingdom against dharma, the wish to follow us into exile was shown, though we held him back;

Verse 41 (7.200.41)

वनवासान्निवृत्तानां समये च तथा कृते । स्नेहश्च दर्शितो नित्यं प्रत्यक्षं वो महारथाः ॥

vanavāsānnivṛttānāṃ samaye ca tathā kṛte | snehaśca darśito nityaṃ pratyakṣaṃ vo mahārathāḥ

and when we returned from the forest, the agreement having been fulfilled, his affection was shown constantly before your eyes, O great warriors.

Note on the text: Removed stray wiki marks (a backtick before and a quote mark after the verse). Not in the constituted text of the critical edition: = CE star passage 7.170.35d*1399_01–02.

Verse 42 (7.200.42)

योऽसावत्यन्तमस्मासु कुर्वाणः सौहृदं परम् । हतस्तदर्थे मरणं गमिष्यामि सबान्धवः ॥

yo'sāvatyantamasmāsu kurvāṇaḥ sauhṛdaṃ param | hatastadarthe maraṇaṃ gamiṣyāmi sabāndhavaḥ

He who always showed us such supreme affection has been killed on that account; I shall go to my death, with my kinsmen."

Verse 43 (7.200.43)

एवं ब्रुवति कौन्तेये दाशार्हस्त्वरितस्ततः । निवार्य सैन्यं बाहुभ्यामिदं वचनमब्रवीत् ॥

evaṃ bruvati kaunteye dāśārhastvaritastataḥ | nivārya sainyaṃ bāhubhyāmidaṃ vacanamabravīt

As the son of Kunti spoke thus, Krishna, the Dasharha, quickly held back the army with his arms and spoke these words:

Verse 44 (7.200.44)

शीघ्रं न्यस्यत शस्त्राणि वाहेभ्यश्चावरोहत । एष योगोऽत्र विहितः प्रतिघाते महात्मनः ॥

śīghraṃ nyasyata śastrāṇi vāhebhyaścāvarohata | eṣa yogo'tra vihitaḥ pratighāte mahātmanaḥ

"Quickly lay down your weapons and get down from your mounts! This is the means laid down here to counter that great one's weapon.

Verse 45 (7.200.45)

द्विपाश्वस्यन्दनेभ्यश्च क्षितिं सर्वेऽवरोहत । एवमेतन्न वो हन्यादस्त्रं भूमौ निरायुधान् ॥

dvipāśvasyandanebhyaśca kṣitiṃ sarve'varohata | evametanna vo hanyādastraṃ bhūmau nirāyudhān

Get down to the ground, all of you, from elephants, horses and chariots. In this way the weapon will not strike you, weaponless on the ground.

Verse 46 (7.200.46)

यथायथा हि युध्यन्ते योधा ह्यस्त्रमिदं प्रति । तथातथा भवन्त्येते कौरवा बलवत्तराः ॥

yathāyathā hi yudhyante yodhā hyastramidaṃ prati | tathātathā bhavantyete kauravā balavattarāḥ

The harder the warriors fight against this weapon, the stronger these Kauravas become.

Verse 47 (7.200.47)

निक्षेप्स्यन्ति च शस्त्राणि वाहनेभ्योऽवरुह्य ये । येऽञ्जलिं कुर्वते वीर नमन्ति च विवाहनाः । तान्नैतदस्त्रं सङ्ग्रामे निहनिष्यति मानवान् ॥

nikṣepsyanti ca śastrāṇi vāhanebhyo'varuhya ye | ye'ñjaliṃ kurvate vīra namanti ca vivāhanāḥ | tānnaitadastraṃ saṅgrāme nihaniṣyati mānavān

Those who get down from their mounts and lay down their weapons, those, O hero, who without mounts join their hands and bow, these men the weapon will not kill in battle.

Note on the text: Corrected नमस्ति → नमन्ति (misprint in Wikisource; नमस्ति is not a verb form, and the CE reads नमन्ति). Lines 1 and 3 = CE 7.170.41a and 41c; line 2 = CE star passage 7.170.41b*1402_01 (ye ’ñjaliṃ kurvate vīrā namanti ca vivāhanāḥ). Wikisource has वीर for the CE’s वीराः (kept as a variant).

Verse 48 (7.200.48)

ये त्वेतत्प्रतियोत्स्यन्ति मनसाऽपीह केचन । निहनिष्यति तान्सर्वान्रसातलगतानपि ॥

ye tvetatpratiyotsyanti manasā'pīha kecana | nihaniṣyati tānsarvānrasātalagatānapi

But those who oppose it, even in mind, it will kill every one, even if they have gone down to the netherworld."

Verse 49 (7.200.49)

ते वचस्तस्य तच्छ्रुत्वा वासुदेवस्य भारत । ईषुः सर्वे समुत्स्रष्टुं मनोभिः करणेन च ॥

te vacastasya tacchrutvā vāsudevasya bhārata | īṣuḥ sarve samutsraṣṭuṃ manobhiḥ karaṇena ca

Hearing those words of Vasudeva, O Bharata, they all wished to cast away their weapons, in mind and in deed.

Verse 50 (7.200.50)

तत उत्स्रष्टुकामांस्तानस्त्राण्यालक्ष्य पाण्डवः । भीमसेनोऽब्रवीद्राजन्निदं संहर्षयन्वचः ॥

tata utsraṣṭukāmāṃstānastrāṇyālakṣya pāṇḍavaḥ | bhīmaseno'bravīdrājannidaṃ saṃharṣayanvacaḥ

Then, seeing them ready to let their weapons go, the Pandava Bhimasena, O king, spoke these words, heartening them:

Verse 51 (7.200.51)

न कथञ्चन शस्त्राणि मोक्तव्यानीह केनचित् । अहमावारयिष्यामि द्रोणपुत्रास्त्रमाशुगैः ॥

na kathañcana śastrāṇi moktavyānīha kenacit | ahamāvārayiṣyāmi droṇaputrāstramāśugaiḥ

"By no means should weapons be laid down here by anyone. I shall check the weapon of Drona's son with swift arrows.

Verse 52 (7.200.52)

गदयाऽप्यनया गुर्व्या हेमविग्रहया रणे । कालवत्प्रहरिष्यामि द्रौणेरस्त्रं विशातयन् ॥

gadayā'pyanayā gurvyā hemavigrahayā raṇe | kālavatprahariṣyāmi drauṇerastraṃ viśātayan

With this heavy golden mace, too, I shall strike in battle like Death itself, shattering the weapon of Drona's son.

Verse 53 (7.200.53)

न हि मे विक्रमे तुल्यः कश्चिदस्ति पुमानिह । यथैव सवितुस्तुल्यं ज्योतिरन्यन्न विद्यते ॥

na hi me vikrame tulyaḥ kaścidasti pumāniha | yathaiva savitustulyaṃ jyotiranyanna vidyate

No man here is my equal in prowess, as there is no other light equal to the sun.

Verse 54 (7.200.54)

पश्यतेमौ हि मे बाहू नागराजकरोपमौ । समर्थौ पर्वतस्यापि शैशिरस्य निपातने ॥

paśyatemau hi me bāhū nāgarājakaropamau | samarthau parvatasyāpi śaiśirasya nipātane

Look at these two arms of mine, like the trunks of the king of elephants, able to bring down even a snow mountain.

Verse 55 (7.200.55)

नागायुतसमप्राणो ह्यहमेको नरेष्विह । शक्रो यथाऽप्रतिद्वन्द्वो दिवि देवेषु विश्रुतः ॥

nāgāyutasamaprāṇo hyahameko nareṣviha | śakro yathā'pratidvandvo divi deveṣu viśrutaḥ

Among men I alone have the strength of ten thousand elephants, as Shakra is famed in heaven among the gods as having no rival.

Verse 56 (7.200.56)

अद्य पश्यत मे वीर्यं बाह्वोः पीनांसयोर्युधि । ज्वलमानस्य दीप्तस्य द्रौणेरस्त्रस्य वारणे ॥

adya paśyata me vīryaṃ bāhvoḥ pīnāṃsayoryudhi | jvalamānasya dīptasya drauṇerastrasya vāraṇe

Today, in battle, see the might of my arms and broad shoulders as I ward off the blazing, flaming weapon of Drona's son.

Verse 57 (7.200.57)

यदि नारायणास्त्रस्य प्रतियोद्वा न विद्यते । अद्यैतत्प्रतियोत्स्यामि पश्यत्सु कुरुपाण्डुषु ॥

yadi nārāyaṇāstrasya pratiyodvā na vidyate | adyaitatpratiyotsyāmi paśyatsu kurupāṇḍuṣu

If there is no one to oppose the Narayana weapon, I shall oppose it today, while the Kurus and Pandavas look on.

Note on the text: Corrected कुरुपाण्डुपु → कुरुपाण्डुषु (misprint in Wikisource; the locative plural of पाण्डु is पाण्डुषु; the CE reads कुरुपाण्डुषु).

Verse 58 (7.200.58)

अर्जुनार्जुन बीभत्सो न न्यस्यं गाण्डिवं त्वया । शशाङ्कस्येव ते पङ्को नैर्मल्यं पातयिष्यति ॥

arjunārjuna bībhatso na nyasyaṃ gāṇḍivaṃ tvayā | śaśāṅkasyeva te paṅko nairmalyaṃ pātayiṣyati

Arjuna, Arjuna, Bibhatsu! The Gandiva must not be laid down by you; else, like the stain on the moon, it will mar your spotlessness."

Note on the text: Not in the constituted text of the critical edition: = CE star passages 7.170.51d*1403_01 (line 1) and *1403_02 (line 2). In the CE’s apparatus the label “arjuna uvāca” is printed between these two lines; Wikisource heads only the next verse with Arjuna, and its heading is followed here, so this verse is Bhimasena’s.

Verse 59 (7.200.59)

भीम नारायणास्त्रे मे गोषु च ब्राह्मणेषु च । एतेषु गाण्डिवं न्यस्यमेतद्धि व्रतमुत्तमम् ॥

bhīma nārāyaṇāstre me goṣu ca brāhmaṇeṣu ca | eteṣu gāṇḍivaṃ nyasyametaddhi vratamuttamam

"Bhima, for me, against the Narayana weapon, and against cows and brahmins, the Gandiva is to be laid down; that is my highest vow."

Note on the text: Not in the constituted text of the critical edition: = CE star passage 7.170.51d*1403_03–04.

Verse 60 (7.200.60)

एवमुक्तस्ततो भीमो द्रोणपुत्रमरिन्दमम् । अभ्ययान्मेघघोषेण रथेनादित्यवर्चसा ॥

evamuktastato bhīmo droṇaputramarindamam | abhyayānmeghaghoṣeṇa rathenādityavarcasā

Thus addressed, Bhima then went against Drona's son, the subduer of foes, in a chariot that rumbled like thunderclouds and shone like the sun.

Verse 61 (7.200.61)

कम्पयन्मेदिनीं सर्वां त्रासयंश्च चमूं तव । शङ्खशब्दं महत्कृत्वा भुजशब्दं च पाण्डवः ॥

kampayanmedinīṃ sarvāṃ trāsayaṃśca camūṃ tava | śaṅkhaśabdaṃ mahatkṛtvā bhujaśabdaṃ ca pāṇḍavaḥ

Shaking the whole earth and terrifying your army, the Pandava made a great blast on his conch and a clap of his arms.

Note on the text: Removed a stray backtick before the verse. Not in the constituted text of the critical edition: = CE star passage 7.170.52d*1404_01–02.

Verse 62 (7.200.62)

तस्य शङ्खस्वनं श्रुत्वा बाहुशब्दं च तावकाः । समन्तात्कोष्ठकीकृत्य शरव्रातैरवाकिरन् ॥

tasya śaṅkhasvanaṃ śrutvā bāhuśabdaṃ ca tāvakāḥ | samantātkoṣṭhakīkṛtya śaravrātairavākiran

Hearing the sound of his conch and the slap of his arms, your men enclosed him on all sides and showered him with volleys of arrows.

Note on the text: Removed a stray quote mark after the verse. Not in the constituted text of the critical edition: = CE star passage 7.170.52d*1404_03–04.

Verse 63 (7.200.63)

स एनमिषुजालेन लघुत्वाच्छीघ्रविक्रमः । निमेषमात्रेणासाद्य कुन्तीपुत्रोऽभ्यवाकिरत् ॥

sa enamiṣujālena laghutvācchīghravikramaḥ | nimeṣamātreṇāsādya kuntīputro'bhyavākirat

Swift in his prowess because of his lightness of hand, the son of Kunti reached him in the blink of an eye and covered him with a net of arrows.

Verse 64 (7.200.64)

ततो द्रौणिः प्रहस्यैनं द्रवन्तमभिभाष्य च । अवाकिरत्प्रदीप्ताग्रैः शरैस्तैरभिमन्त्रितैः ॥

tato drauṇiḥ prahasyainaṃ dravantamabhibhāṣya ca | avākiratpradīptāgraiḥ śaraistairabhimantritaiḥ

Then Drona's son, laughing and speaking to him as he rushed on, covered him with those arrows, blazing at the tips and charged with mantras.

Verse 65 (7.200.65)

पन्नगैरिव दीप्तास्यैर्वमद्भिर्ज्वलनं रणे । अवकीर्णोऽभवत्पार्थः स्फुलिङ्गैरिव काञ्चनैः ॥

pannagairiva dīptāsyairvamadbhirjvalanaṃ raṇe | avakīrṇo'bhavatpārthaḥ sphuliṅgairiva kāñcanaiḥ

Covered with them, like fiery-mouthed serpents spewing fire in the battle, Partha looked as though he were strewn with golden sparks.

Verse 66 (7.200.66)

तस्य रूपमभूद्राजन्भीमसेनस्य संयुगे । खद्योतैरावृतस्येव पर्वतस्य दिनक्षये ॥

tasya rūpamabhūdrājanbhīmasenasya saṃyuge | khadyotairāvṛtasyeva parvatasya dinakṣaye

In that battle, O king, Bhimasena looked like a mountain covered with fireflies at the close of day.

Verse 67 (7.200.67)

तदस्त्रं द्रोणपुत्रस्य तस्मिन्प्रतिसमस्यति । अवर्धत महाराज यथाऽग्निरनिलोद्धतः ॥

tadastraṃ droṇaputrasya tasminpratisamasyati | avardhata mahārāja yathā'gniraniloddhataḥ

That weapon of Drona's son, as it was hurled against him in return, grew, O great king, like a fire fanned by the wind.

Verse 68 (7.200.68)

विवर्धमानमालक्ष्य तदस्त्रं भीमविक्रमम् । पाण्डुसैन्यमृते भीमं सुमहद्भयमाविशत् ॥

vivardhamānamālakṣya tadastraṃ bhīmavikramam | pāṇḍusainyamṛte bhīmaṃ sumahadbhayamāviśat

Seeing that weapon of fearsome might growing, a very great fear entered the Pandava army, except for Bhima.

Verse 69 (7.200.69)

ततः शस्त्राणि ते सर्वे समुत्सृज्य महीतले । अवारोहन्रथेभ्यश्च हस्त्यश्वेभ्यश्च सर्वशः ॥

tataḥ śastrāṇi te sarve samutsṛjya mahītale | avārohanrathebhyaśca hastyaśvebhyaśca sarvaśaḥ

Then they all cast their weapons on the ground and got down on every side from chariots, elephants and horses.

Verse 70 (7.200.70)

तेषु निक्षिप्तशस्त्रेषु वाहनेभ्यश्च्युतेषु च । तदस्त्रवीर्यं विपुलं भीममूर्धन्यथापतत् ॥

teṣu nikṣiptaśastreṣu vāhanebhyaścyuteṣu ca | tadastravīryaṃ vipulaṃ bhīmamūrdhanyathāpatat

When they had thrown down their weapons and come down from their mounts, the whole vast force of that weapon fell upon Bhima's head.

Verse 71 (7.200.71)

हाहाकृतानि भूतानि पाण्डवाश्च विशेषतः । भीमसेनमपश्यन्त तेजसा संवृतं तथा ॥

hāhākṛtāni bhūtāni pāṇḍavāśca viśeṣataḥ | bhīmasenamapaśyanta tejasā saṃvṛtaṃ tathā

The creatures cried out in dismay, and the Pandavas most of all, as they saw Bhimasena enveloped in that fiery glare.